02014R0910 — MT — 18.10.2024 — 002.007
Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument
|
REGOLAMENT (UE) Nru 910/2014 TAL-PARLAMENT EWROPEW U TAL-KUNSILL tat-23 ta’ Lulju 2014 (ĠU L 257 28.8.2014, p. 73) |
Emendat bi:
|
|
|
Il-Ġurnal Uffiċjali |
||
|
Nru |
Paġna |
Data |
||
|
DIRETTIVA (UE) 2022/2555 TAL-PARLAMENT EWROPEW U TAL-KUNSILL tal-14 ta’ Diċembru 2022 |
L 333 |
80 |
27.12.2022 |
|
|
REGOLAMENT (UE) 2024/1183 TAL-PARLAMENT EWROPEW U TAL-KUNSILL tal-11 ta’ April 2024 |
L 1183 |
1 |
30.4.2024 |
|
Ikkoreġut bi:
REGOLAMENT (UE) Nru 910/2014 TAL-PARLAMENT EWROPEW U TAL-KUNSILL
tat-23 ta’ Lulju 2014
dwar l-identifikazzjoni elettronika u s-servizzi fiduċjarji għal transazzjonijiet elettroniċi fis-suq intern u li jħassar id-Direttiva 1999/93/KE
KAPITOLU I
DISPOŻIZZJONIJIET ĠENERALI
Artikolu 1
Suġġett
Dan ir-Regolament għandu l-għan li jiżgura l-funzjonament tajjeb tas-suq intern u li jiġi pprovdut livell adegwat ta’ sigurtà tal-mezzi ta’ identifikazzjoni elettronika u tas-servizzi fiduċjarji użati fl-Unjoni, sabiex jippermetti u jiffaċilita l-eżerċizzju minn persuni fiżiċi u ġuridiċi tad-dritt li jipparteċipaw fis-soċjetà diġitali b’mod sikur u li jaċċessaw servizzi pubbliċi u privati online fl-Unjoni kollha. Għal dawn il-finijiet, dan ir-Regolament:
jistabbilixxi l-kundizzjonijiet li skonthom l-Istati Membri għandhom jirrikonoxxu mezzi ta’ identifikazzjoni elettronika ta’ persuni fiżiċi u ġuridiċi li jaqgħu fi skema ta’ identifikazzjoni elettronika notifikata ta’ Stat Membru ieħor u jipprovdu u jirrikonoxxu Kartieri Ewropej tal-Identità Diġitali;
jistabbilixxi r-regoli għas-servizzi fiduċjarji, b’mod partikolari għat-tranżazzjonijiet elettroniċi;
jistabbilixxi qafas legali għall-firem elettroniċi, għas-siġilli elettroniċi, għat-timbri tal-ħin elettroniċi, għad-dokumenti elettroniċi, għas-servizzi elettroniċi ta’ konsenja reġistrata, għas-servizzi taċ-ċertifikati għall-awtentikazzjoni ta’ siti elettroniċi, għall-arkivjar elettroniku, għall-attestazzjoni elettronika tal-attributi, għall-apparati għall-ħolqien ta’ firem elettroniċi, apparati għall-ħolqien ta’ siġilli elettroniċi, u reġistri elettroniċi
Artikolu 2
Kamp ta’ applikazzjoni
Artikolu 3
Definizzjonijiet
Għall-finijiet ta’ dan ir-Regolament, japplikaw id-definizzjonijiet li ġejjin:
‘identifikazzjoni elettronika’ tfisser il-proċess tal-użu ta’ data ta’ identifikazzjoni ta’ persuna f’forma elettronika li tkun tirrapreżenta b’mod esklussiv persuna fiżika jew ġuridika, jew persuna fiżika li tkun qed tirrappreżenta persuna fiżika oħra jew persuna ġuridika;
‘mezz ta’ identifikazzjoni elettronika’ tfisser unità fiżika u/jew mhux fiżika li jkun fiha data ta’ identifikazzjoni ta’ persuna, u li tintuża għall-awtentikazzjoni għal servizz online jew, fejn adatt, għal servizz offline;
‘data ta’ identifikazzjoni ta’ persuna’ tfisser sett ta’ data li jinħareġ f’konformità mad-dritt tal-Unjoni jew il-liġi nazzjonali li jippermetti li tkun tista’ tiġi stabbilita l-identità ta’ persuna fiżika jew ġuridika, jew ta’ persuna fiżika li tkun qed tirrappreżenta persuna fiżika oħra jew persuna ġuridika.
‘skema ta’ identifikazzjoni elettronika’ tfisser sistema għall-identifikazzjoni elettronika li permezz tagħha jinħarġu mezzi ta’ identifikazzjoni elettronika lil persuni fiżiċi jew ġuridiċi jew lil persuni fiżiċi li jkunu qed jirrappreżentaw persuni fiżiċi oħra jew persuni ġuridiċi;
‘awtentikazzjoni’ tfisser proċess elettroniku li jippermetti l-konferma tal-identifikazzjoni elettronika ta’ persuna fiżika jew ġuridika, jew il-konferma tal-oriġini u l-integrità ta’ data f’forma elettronika;
‘utent’ tfisser persuna fiżika jew ġuridika, jew persuna fiżika li tirrappreżenta persuna fiżika oħra jew persuna ġuridika, li tuża servizzi fiduċjarji jew mezzi ta’ identifikazzjoni elettronika provduti f’konformità ma’ dan ir-Regolament;
‘parti dipendenti’ tfisser persuna fiżika jew ġuridika li tiddependi fuq l-identifikazzjoni elettronika, il-Kartieri Ewropej tal-Identità Diġitali jew mezzi oħra ta’ identifikazzjoni elettronika, jew fuq servizz fiduċjarju;
‘korp tas-settur pubbliku’ tfisser Stat, awtorità reġjonali jew lokali, korp irregolat bid-dritt pubbliku jew assoċjazzjoni magħmula minn awtorità jew diversi tali awtoritajiet jew korp jew diversi tali korpi, jew entità privata mogħtija mandat minn tal-inqas waħda minn dawk l-awtoritajiet, il-korpi jew l-assoċjazzjonijiet biex tipprovdi servizzi pubbliċi meta taġixxi skont tali mandat;
‘korp irregolat mid-dritt pubbliku’ tfisser korp iddefinit fil-punt (4) tal-Artikolu 2(1) tad-Direttiva 2014/24/UE tal-Parlament Ewropew u tal-Kunsill ( 2 );
‘firmatarju’ tfisser persuna fiżika li toħloq firma elettronika;
‘firma elettronika’ tfisser data f’forma elettronika li tinhemeż ma’ data elettronika oħra jew tiġi assoċjata b’mod loġiku magħha u li tintuża mill-firmatarju biex jiffirma;
‘firma elettronika avvanzata’ tfisser firma elettronika li tissodisfa r-rekwiżitistabbiliti fl-Artikolu 26;
‘firma elettronika kwalifikata’ tfisser firma elettronika avvanzata li tkun maħluqa minn apparat għall-ħolqien tal-firem elettroniċi kwalifikati, u li tkun ibbażata fuq ċertifikat kwalifikat għall-firem elettroniċi;
‘data għall-ħolqien ta’ firma elettronika’ tfisser data unika li tintuża mill-firmatarju biex joħloq firma elettronika;
‘ċertifikat għall-firma elettronika’ tfisser attestazzjoni elettronika li tikkollega data ta’ validazzjoni tal-firma elettronika ma’ persuna fiżika u tikkonferma mill-inqas l-isem jew il-psewdonimu ta’ dik il-persuna;
‘ċertifikat kwalifikat għall-firma elettronika’ tfisser ċertifikat għall-firem elettroniċi, li jinħareġ minn fornitur ta’ servizzi fiduċjarji kwalifikat u jissodisfa r-rekwiżiti stipulati fl-Anness I;
‘servizz fiduċjarju’ tfisser servizz elettroniku normalment provdut bi ħlas li jikkonsisti minn kwalunkwe wieħed minn dawn li ġejjin:
il-ħruġ ta’ ċertifikati għal firem elettroniċi, ċertifikati għas-siġilli elettroniċi, ċertifikati għall-awtentikazzjoni ta’ siti elettroniċi jew ċertifikati għall-forniment ta’ servizzi fiduċjarji oħra;
il-validazzjoni ta’ ċertifikati għal firem elettroniċi, ċertifikati għas-siġilli elettroniċi, ċertifikati għall-awtentikazzjoni ta’ siti elettroniċi jew ċertifikati għall-forniment ta’ servizzi fiduċjarji oħra;
il-ħolqien ta’ firem elettroniċi jew siġilli elettroniċi;
il-validazzjoni ta’ firem elettroniċi jew siġilli elettroniċi;
il-preservazzjoni ta’ firem elettroniċi, siġilli elettroniċi, ċertifikati għall-firem elettroniċi jew ċertifikati għas-siġilli elettroniċi;
il-ġestjoni ta’ apparati għall-ħolqien ta’ firem elettroniċi mill-bogħod jew apparati għall-ħolqien ta’ siġilli elettroniċi mill-bogħod;
il-ħruġ ta’ attestazzjonijiet elettroniċi tal-attributi;
il-validazzjoni ta’ attestazzjoni elettronika tal-attributi;
il-ħolqien ta’ timbri tal-ħin elettroniċi;
il-validazzjoni ta’ timbri tal-ħin elettroniċi;
il-forniment ta’ servizzi elettroniċi ta’ konsenja reġistrata;
il-validazzjoni ta’ data trażmessa permezz ta’ servizzi elettroniċi ta’ konsenja reġistrata u evidenza relatata;
l-arkivjar elettroniku ta’ data elettronika u ta’ dokumenti elettroniċi;
ir-reġistrazzjoni ta’ data elettronika f’reġistru elettroniku;
‘servizz fiduċjarju kwalifikat’ tfisser servizz fiduċjarju li jkun jissodisfa r-rekwiżiti applikabbli stipulati f’dan ir-Regolament;
‘korp ta’ valutazzjoni tal-konformità’ tfisser korp ta’ valutazzjoni tal-konformità kif definit fl-Artikolu 2, il-punt 13 tar-Regolament (KE) Nru 765/2008, li huwa akkreditat f’konformità ma’ dak ir-Regolament bħala kompetenti biex iwettaq valutazzjoni tal-konformità ta’ fornitur kwalifikat ta’ servizzi fiduċjarji u tas-servizzi fiduċjarji kwalifikati li jipprovdi, jew bħala kompetenti biex iwettaq iċ-ċertifikazzjoni ta’ Kartieri Ewropej tal-Identità Diġitali jew ta’ mezzi ta’ identifikazzjoni elettronika;
‘fornitur ta’ servizzi fiduċjarji’ tfisser persuna fiżika jew ġuridika li tipprovdi servizz fiduċjarju wieħed jew aktar, jew bħala fornitur ta’ servizzi fiduċjarji kwalifikati jew mhux kwalifikati;
‘fornitur ta’ servizz fiduċjarju kwalifikat’ tfisser fornitur ta’ servizz fiduċjarj li jipprovdi servizz fiduċjarju kwalifikat wieħed jew aktar u li jingħata lilu l-istatus kwalifikat mill-korp superviżorju;
‘prodott’ tfisser hardware jew software, jew komponenti rilevanti ta’ hardware jew software, li huma maħsuba biex jintużaw għall-forniment ta’ identifikazzjoni elettronika u servizzi fiduċjarji;
‘apparat għall-ħolqien ta’ firem elettroniċi’ tfisser software jew hardware konfigurat użat għall-ħolqien ta’ firma elettronika;
‘apparat kwalifikat għall-ħolqien ta’ firem elettroniċi’ tfisser apparat għall-ħolqien ta’ firem elettroniċi li jissodisfa r-rekwiżiti stipulati fl-Anness II;
‘apparat kwalifikat għall-ħolqien ta’ firem elettroniċi mill-bogħod’ tfisser apparat kwalifikat għall-ħolqien ta’ firem elettroniċi li jkun ġestit minn fornitur kwalifikat ta’ servizzi fiduċjarji f’konformità mal-Artikolu 29a f’isem firmatarju;
‘apparat kwalifikat għall-ħolqien ta’ siġilli elettroniċi mill-bogħod’ tfisser apparat kwalifikat għall-ħolqien ta’ siġilli elettroniċi li jkun ġestit minn fornitur kwalifikat ta’ servizzi fiduċjarji f’konformità mal-Artikolu 39a f’isem kreatur tas-siġill;
‘kreatur ta’ siġill’ tfisser persuna ġuridika li toħloq siġill elettroniku;
‘siġill elettroniku’ tfisser id-data fil-forma elettronika li tiġi mehmuża jew assoċjata loġikament ma’ data oħra f’forma elettronika biex jiġu żgurati l-oriġini u l-integrità ta’ din tal-aħħar;
‘siġill elettroniku avvanzat’ tfisser siġill elettroniku, li jkun jissodisfa r-rekwiżiti stipulati fl-Artikolu 36;
‘siġill elettroniku kwalifikat’ tfisser siġill elettroniku avvanzat, li jinħoloq minn apparat għall-ħolqien ta’ siġilli elettroniċi kwalifikat, u li jkun ibbażat fuq ċertifikat kwalifikat ta’ siġill elettroniku;
‘data għall-ħolqien ta’ siġill elettroniku’ tfisser data unika, li tintuża mill-kreatur tas-siġill elettroniku biex joħloq siġill elettroniku;
‘ċertifikat għas-siġill elettroniku’ tfisser attestazzjoni elettronika li tikkollega data ta’ validazzjoni ta’ siġill elettroniku ma’ persuna fiżika u tikkonferma l-isem ta’ dik il-persuna;
‘ċertifikat kwalifikat għas-siġill elettroniku’ tfisser ċertifikat għal siġill elettroniku, li jinħareġ minn fornitur ta’ servizzi fiduċjarji kwalifikat u jissodisfa r-rekwiżiti stipulati fl-Anness III;
‘apparat għall-ħolqien ta’ siġill elettroniku’ tfisser software jew hardware konfigurat użat għall-ħolqien ta’ siġill elettroniku;
‘apparat kwalifikat għall-ħolqien ta’ siġill elettroniku’ tfisser apparat għall-ħolqien ta’ siġill elettroniku li jissodisfa mutatis mutandis ir-rekwiżiti stipulati fl-Anness II;
‘timbru tal-ħin elettroniku’ tfisser data fil-forma elettronika li torbot data oħra f’forma elettronika ma’ ħin partikolari u b’hekk tiġi stabbilita evidenza li din tal-aħħar kienet teżisti f’dak il-ħin;
‘timbru tal-ħin elettroniku kwalifikat’ tfisser timbru tal-ħin elettroniku li jissodisfa r-rekwiżiti stipulati fl-Artikolu 42;
‘dokument elettroniku’ tfisser kwalunkwe kontenut maħżun f’forma elettronika, b’mod partikolari bħala test jew reġistrazzjoni awdjo, viżiva jew awdjoviżiva;
‘ ►C2 servizz elettroniku ta’ konsenja rreġistrata ◄ ’ tfisser servizz li permezz tiegħu tkun possibbli t-trasmissjoni ta’ data bejn partijiet terzi b’mezzi elettroniċi u jipprovdi evidenza relatata mal-ġestjoni tad-data trasmessa, inkluż prova li d-data ntbagħtet u ġiet riċevuta, u li jipproteġi d-data trasmessa kontra r-riskju ta’ telf, serq, ħsara jew kwalunkwe bidla mhux awtorizzata;
‘ ►C2 servizz elettroniku kwalifikat ta’ konsenja rreġistrata ◄ ’ tfisser servizz elettroniku ta’ konsenja elettronika rreġistrat li jissodisfa r-rekwiżiti stipulati fl-Artikolu 44;
‘ċertifikat għall-awtentikazzjoni ta’ sit elettroniku’ tfisser attestazzjoni elettronika li permezz tagħha tkun possibbli l-awtentikazzjoni ta’ sit elettroniku u tikkollega s-sit elettroniku mal-persuna fiżika jew ġuridika li lilha jkun inħareġ iċ-ċertifikat;
‘ċertifikat kwalifikat għall-awtentikazzjoni ta’ sit elettroniku’ tfisser ċertifikat għall-awtentikazzjoni ta’ sit elettroniku, li jinħareġ minn fornitur ta’ servizzi fiduċjarji kwalifikat u jissodisfa r-rekwiżiti stipulat fl-Anness IV;
‘data ta’ validazzjoni’ tfisser data li tintuża għall-validazzjoni ta’ firma elettronika jew ta’ siġill elettroniku;
‘validazzjoni’ tfisser il-proċess tal-verifika u l-konferma li d-data f’forma elettronika tkun valida f’konformità ma’ dan ir-Regolament
‘Kartiera Ewropea tal-Identità Diġitali’ tfisser mezz ta’ identifikazzjoni elettronika li jippermetti lill-utent jaħżen, jiġġestixxi u jivvalida b’mod sigur data tal-identifikazzjoni tal-persuna u attestazzjonijiet elettroniċi tal-attributi għall-fini li jipprovdihom lil partijiet dipendenti u utenti oħra tal-Kartieri Ewropej tal-Identità Diġitali, u jiffirma permezz ta’ firem elettroniċi kwalifikati jew jissiġilla permezz ta’ siġilli elettroniċi kwalifikati;
‘attribut’ tfisser karatteristika, kwalità, dritt jew permess ta’ persuna fiżika jew ġuridika jew ta’ oġġett;
‘attestazzjoni elettronika tal-attributi’ tfisser attestazzjoni f’forma elettronika li tippermetti li jiġi awtentikati l-attributi;
‘attestazzjoni elettronika kwalifikata tal-attributi’ tfisser attestazzjoni elettronika tal-attributi li tinħareġ minn fornitur kwalifikat ta’ servizzi fiduċjarji u tissodisfa r-rekwiżiti stabbiliti fl-Anness V;
‘attestazzjoni elettronika tal-attributi maħruġa minn jew f’isem korp tas-settur pubbliku responsabbli għal sors awtentiku’ tfisser attestazzjonielettronika tal-attributi maħruġa minn korp tas-settur pubbliku li huwa responsabbli għal sors awtentiku jew minn korp tas-settur pubbliku li huwa maħtur mill-Istat Membru biex joħroġ tali attestazzjonijiet tal-attributi f’isem il-korpi tas-settur pubbliku responsabbli għal sorsi awtentiċi f’konformità mal-Artikolu 45f u l-Anness VII;
‘sors awtentiku’ tfisser repożitorju jew sistema, miżmuma taħt ir-responsabbiltà ta’ korp tas-settur pubbliku jew ta’ entità privata, li jkun fiha u tipprovdi attributi dwar persuna fiżika jew ġuridika jew oġġett u li titqies sors primarju ta’ dik l-informazzjoni jew hija rikonoxxuta bħala awtentika f’konformità mad-dritt tal-Unjoni jew nazzjonali, inkluż prattika amministrattiva;
‘arkivjar elettroniku’ tfisser servizz li jiżgura l-wasla, il-ħżin, l-irkupru u t-tħassir ta’ data elettronika u dokumenti elettroniċi sabiex jiġu żgurati d-durabbiltà u l-leġibbiltà tagħhom kif ukoll biex jiġu ppreservati l-integrità, il-kunfidenzjalità u l-prova tal-oriġini tagħhom matul il-perjodu ta’ preservazzjoni;
‘servizz ta’ arkivjar elettroniku kwalifikat’ tfisser servizz ta’ arkivjar elettroniku li huwa pprovdut minn fornitur kwalifikat ta’ servizzi fiduċjarji u li jissodisfa r-rekwiżiti stabbiliti fl-Artikolu 45j;
‘Marka Fiduċjarja tal-UE għall-Kartieri tal-Identità Diġitali’ tfisser indikazzjoni verifikabbli, sempliċi u rikonoxxibblili hija kkomunikata b’mod ċar li turi li ġiet ipprovduta Kartiera Ewropea tal-Identità Diġitali f’konformità ma’ dan ir-Regolament;
‘awtentikazzjoni b’saħħitha tal-utent’ tfisser awtentikazzjoni bbażata fuq l-użu ta’ mill-inqas żewġ fatturi ta’ awtentikazzjoni minn kategoriji differenti jew tal-għarfien, xi ħaġa li jafha biss l-utent, jew tal-pussess, xi ħaġa li għandu biss l-utent jew tal-inerenza, xi ħaġa li hija parti mill-identità tal-utent, li jkunu indipendenti, b’tali mod li l-ksur ta’ wieħed ma jikkompromettix l-affidabbiltà tal-oħrajn, u hija mfassla b’tali mod li tipproteġi l-kunfidenzjalità tad-data ta’ awtentikazzjoni;
‘reġistru elettroniku’ tfisser sekwenza ta’ rekords elettroniċi tad-data, li tiżgura l-integrità ta’ dawk ir-rekords u l-preċiżjoni tal-ordni kronoloġiku ta’ dawk ir-rekords;
‘reġistru elettroniku kwalifikat’ tfisser reġistru elettroniku li huwa pprovdut minn fornitur kwalifikat ta’ servizzi fiduċjarji li jissodisfa r-rekwiżiti stabbiliti fl-Artikolu 45l;
‘data personali’ tfisser kwalunkwe informazzjoni kif definita fl-Artikolu 4, il-punt (1), tar-Regolament (UE) 2016/679;
‘korrispondenza tal-identità’ tfisser proċess fejn id-data ta’ identifikazzjoni ta’ persuna, jew il-mezzi ta’ identifikazzjoni elettroniċi jitqabblu jew jiġu kkollegati ma’ kont eżistenti li jappartjeni lill-istess persuna;
‘rekord tad-data’ tfisser data elettronika reġistrata b’metadata relatata li tappoġġa l-ipproċessar tad-data;
‘modalità offline’ tfisser, fir-rigward tal-użu tal-Kartieri Ewropej tal-Identità Diġitali, interazzjoni bejn utent u parti terza f’post fiżiku li tuża teknoloġiji ta’ prossimità, fejn il-Kartiera Ewropea tal-Identità Diġitali ma tkunx meħtieġa għall-aċċess ta’ sistemi mill-bogħod permezz ta’ networks ta’ komunikazzjoni elettronika għall-fini tal-interazzjoni.
Artikolu 4
Prinċipju tas-suq intern
Artikolu 5
Psewdonimi fi tranżazzjoni elettronika
Mingħajr preġudizzju għar-regoli speċifiċi tad-dritt tal-Unjoni jew tal-liġi nazzjonali li jirrikjedu li l-utenti jidentifikaw lilhom infushom jew għall-effett legali mogħti lill-psewdonimi skont il-liġi nazzjonali, l-użu ta’ psewdonimi li jintgħażlu mill-utent ma għandux ikun ipprojbit.
KAPITOLU II
IDENTIFIKAZZJONI ELETTRONIKA
TAQSIMA 1
kartiera ewropea tal-identità diġitali
Artikolu 5a
Kartieri Ewropej tal-Identità Diġitali
Il-Kartieri Ewropej tal-Identità Diġitali għandhom jiġu pprovduti b’wieħed jew aktar mill-mod li ġejjin:
direttament minn Stat Membru;
skont mandat minn Stat Membru;
b’mod indipendenti minn Stat Membru iżda rikonoxxut minn dak l-Istat Membru.
Il-Kartieri Ewropej tal-Identità Diġitali għandhom, b’mod li jkun faċli għall-utent, trasparenti u traċċabbli mill-utent, jippermettu lill-utent:
jitlob, jikseb, jagħżel, jikkombina, jaħżen, iħassar, jikkondividi u jippreżenta b’mod sigur taħt il-kontroll uniku tal-utent, data ta’ identifikazzjoni ta’ persuna u, fejn applikabbli, flimkien ma’ attestazzjonijiet elettroniċi tal-attributi, jawtentika lil partijiet dipendenti online u, fejn xieraq f’modalità offline, sabiex jaċċessaw servizzi pubbliċi u privati, filwaqt li jagħmel possibbli l-iżvelar selettiv tad-data;
jiġġenera psewdonimi u jaħżinhom kriptati u lokalment fil-Kartiera Ewropea tal-Identità Diġitali;
jawtentika b’mod sigur il-Kartiera Ewropea tal-Identità Diġitali ta’ persuna oħra, u jirċievi u jikkondividi data tal-identifikazzjoni tal-persuna u attestazzjonijiet elettroniċi tal-attributi b’mod sigur bejn iż-żewġ Kartieri Ewropej tal-Identità Diġitali;
jaċċedi għal reġistru tat-tranżazzjonijiet kollha mwettqa permezz tal-Kartiera Ewropea tal-Identità Diġitali bis-saħħa ta’ dashboard komuni li jippermetti lill-utent:
jara lista aġġornata tal-partijiet dipendenti li magħhom l-utent ikun stabbilixxa konnessjoni u, fejn applikabbli, id-data kollha skambjata;
jitlob faċilment it-tħassir minn parti dipendenti ta’ data personali skont l-Artikolu 17 tar-Regolament (UE) 2016/679);
jirrapporta faċilment parti dipendenti lill-awtorità nazzjonali kompetenti għall-protezzjoni tad-data, fejn tasal talba allegatament illegali jew suspettuża ta’ data;
jiffirma permezz ta’ firem elettroniċi kwalifikati jew jissiġilla permezz ta’ siġilli elettroniċi kwalifikati;
iniżżel, sa fejn ikun teknikament fattibbli, id-data tal-utent, l-attestazzjoni elettronika tal-attributi u l-konfigurazzjonijiet;
jeżerċita d-drittijiet tal-utent għall-portabbiltà tad-data.
Il-Kartieri Ewropej tal-Identità Diġitali għandhom, b’mod partikolari:
jappoġġaw protokolli u interfaċċi komuni:
għall-ħruġ ta’ data ta’ identifikazzjoni ta’ persuna, attestazzjonijiet elettroniċi kwalifikati u mhux kwalifikati tal-attributi jew ċertifikati kwalifikati u mhux kwalifikati għall-Kartiera Ewropea tal-Identità Diġitali;
għal partijiet dipendenti biex jitolbu u jivvalidaw data ta’ identifikazzjoni ta’ persuna u attestazzjonijiet elettroniċi tal-attributi;
għall-kondiviżjoni u l-preżentazzjoni lill-partijiet dipendenti ta’ data ta’ identifikazzjoni ta’ persuna, ta’ attestazzjoni elettronika tal-attributi jew ta’ data relatata żvelata b’mod selettiv online u, fejn xieraq, f’modalità offline;
għall-utent biex jippermetti interazzjoni mal-Kartiera Ewropea tal-Identità Diġitali u juri Marka Fiduċjarja tal-UE għall-Kartieri tal-Identità Diġitali;
biex isir onboarding b’mod sigur tal-utent bl-użu ta’ mezz ta’ identifikazzjoni elettronika f’konformità mal-Artikolu 5a(24);
għall-interazzjoni bejn il-Kartieri Ewropej tal-Identità Diġitali ta’ żewġ persuni għall-fini li jirċievi, jivvalida u jikkondividi data tal-identifikazzjoni tal-persuna u attestazzjonijiet elettroniċi tal-attributi b’mod sigur;
għall-awtentikazzjoni u l-identifikazzjoni ‘partijiet dipendenti bl-implimentazzjoni ta’ mekkaniżmi ta’ awtentikazzjoni f’konformità mal-Artikolu 5b;
għall-partijiet dipendenti biex jivverifikaw l-awtentiċità u l-validità tal-Kartieri Ewropej tal-Identità Diġitali;
biex parti dipendenti tintalab it-tħassir ta’ data personali skont l-Artikolu 17 tar-Regolament (UE) 2016/679;
għar-rapportar ta’ parti dipendenti lill-awtorità nazzjonali kompetenti għall-protezzjoni tad-data meta tiġi riċevuta talba għal data allegatament illegali jew suspettuża;
għall-ħolqien ta’ firem elettroniċi jew siġilli elettroniċi kwalifikati permezz ta’ apparat kwalifikat għall-ħolqien ta’ firem elettroniċi jew siġilli elettroniċi;
ma jfornu l-ebda informazzjoni lill-fornituri ta’ servizzi fiduċjarji ta’ attestazzjonijiet elettroniċi tal-attributi dwar l-użu ta’ dawk l-attestazzjonijiet elettroniċi;
jiżguraw li l-l-partijiet dipendenti jistgħu jiġu awtentikati u identifikati permezz ta’ mekkaniżmi ta’ awtentikazzjoni f’konformità mal-Artikolu 5b;
jissodisfaw ir-rekwiżiti stabbiliti fl-Artikolu 8 fir-rigward tal-livell ta’ assigurazzjoni għoli, b’mod partikolari kif applikat għar-rekwiżiti għall-prova u l-verifika tal-identità, u għall-ġestjoni u l-awtentikazzjoni ta’ mezzi ta’ identifikazzjoni elettronika;
fil-każ tal-attestazzjoni elettronika tal-attributi b’politiki ta’ żvelar inkorporati, jimplimentaw il-mekkaniżmu xieraq biex jinformaw lill-utent li l-parti dipendenti jew l-utent tal-Kartiera Ewropea tal-Identità Diġiħrutali li jitlob dik l-attestazzjoni elettronika ta’ attributi jkollu l-permess biex jaċċessa tali attestazzjoni;
jiżguraw li d-data ta’ identifikazzjoni ta’ persuna, li tkun disponibbli mill-iskema ta’ identifikazzjoni elettronika li skontha tiġi fornuta l-Kartiera Ewropea tal-Identità Diġitali, tirrappreżenta unikament lill-persuna fiżika, lill-persuna ġuridika jew lill-persuna fiżika li tkun qed tirrappreżenta lill-persuna fiżika jew ġuridika, u tkun assoċjata ma’ dik il-Kartiera Ewropea tal-Identità Diġitali;
joffru lill-persuni fiżiċi kollha l-kapaċità li jiffirmaw permezz ta’ firem elettroniċi kwalifikati b’mod awtomatiku u mingħajr ħlas.
Minkejja l-punt (g) tal-ewwel subparagrafu, l-Istati Membri jistgħu jipprevedu miżuri proporzjonati biex jiżguraw li l-użu ta’ firem elettroniċi kwalifikati mingħajr ħlas minn persuni fiżiċi jkun limitat għal finijiet mhux professjonali.
L-Istati Membri għandhom ifornu mekkaniżmi ta’ validazzjoni mingħajr ħlas sabiex:
jiġi żgurat li l-awtentiċità u l-validità tal-Kartieri Ewropej tal-Identità Diġitali jkunu jistgħu jiġu vverifikati;
l-utenti jkunu jistgħu jivverifikaw l-awtentiċità u l-validità tal-identità tal-partijiet dipendenti reġistrati skont l-Artikolu 5b.
L-Istati Membri għandhom jiżguraw li l-validità tal-Kartiera Ewropea tal-Identità Diġitali tkun tista’ tiġi revokata fiċ-ċirkostanzi li ġejjin:
fuq it-talba espliċita tal-utent;
fejn is-sigurtà tal-Kartiera Ewropea tal-Identità Diġitali tkun ġiet kompromessa;
fil-każ tal-mewt tal-utent jew tal-waqfien tal-attività tal-persuna ġuridika.
Il-qafas tekniku tal-Kartiera Ewropea tal-Identità Diġitali:
ma għandux jippermetti lill-fornituri ta’ attestazzjonijiet elettroniċi tal-attributi jew lil kwalunkwe parti oħra, wara l-ħruġ tal-attestazzjoni tal-attributi, jiksbu data li tippermetti li t-tranżazzjonijiet jew l-imġieba tal-utent jiġu traċċati, konnessi jew korrelatati jew l-għarfien tat-tranżazzjonijiet jew l-imġieba tal-utent jiġu miksuba b’mod ieħor, sakemm ma jkunx awtorizzat b’mod espliċitu mill-utent;
għandu jippermetti tekniki ta’ preservazzjoni tal-privatezza li jiżguraw in-nuqqas ta’ konnessjoni, fejn l-attestazzjoni tal-attributi ma teħtieġx l-identifikazzjoni tal-utent.
L-Istati Membri għandhom, mingħajr dewmien żejjed, jinnotifikaw lill-Kummissjoni bl-informazzjoni dwar:
il-korp responsabbli għall-istabbiliment u ż-żamma tal-lista ta’ partijiet dipendenti reġistrati li jiddependu mill-Kartieri Ewropej tal-Identità Diġitali f’konformità mal-Artikolu 5b(5) u fejn tinsab dik il-lista;
il-korpi responsabbli għall-forniment tal-Kartieri Ewropej tal-Identità Diġitali f’konformità mal-Artikolu 5a(1);
il-korpi responsabbli biex jiżguraw li d-data ta’ identifikazzjoni ta’ persuna tkun assoċjata mal-Kartiera Ewropea tal-Identità Diġitali f’konformità mal-Artikolu 5a(5)(f);
il-mekkaniżmu li jippermetti l-validazzjoni tad-data ta’ identifikazzjoni ta’ persuna msemmija fl-Artikolu 5a(5)(f), u tal-identità tal-partijiet dipendenti;
il-mekkaniżmu li biħ tivvalida l-awtentiċità u l-validità tal-Kartieri Ewropej tal-Identità Diġitali.
Il-Kummissjoni għandha tagħmel l-informazzjoni notifikata permezz tal-ewwel subparagrafu disponibbli għall-pubbliku permezz ta’ kanal sigur, f’forma ffirmata jew issiġillata elettronikament adatta għall-ipproċessar awtomatizzat.
Artikolu 5b
Partijiet Dipendenti tal-Kartiera Ewropea tal-Identità Diġitali
Il-proċess ta’ reġistrazzjoni għandu jkun kosteffettiv u proporzjonat għar-riskju. Il-parti dipendenti għandha tipprovdi mill-inqas:
l-informazzjoni meħtieġa għall-awtentikazzjoni fil-Kartieri Ewropej tal-Identità Diġitali, li bħala minimu tinkludi:
l-Istat Membru li fih tkun stabbilita l-parti dipendenti; u
l-isem tal-parti dipendenti u, fejn applikabbli, in-numru ta’ reġistrazzjoni tagħha kif iddikjarat f’rekord uffiċjali flimkien mad-data ta’ identifikazzjoni ta’ dak ir-rekord uffiċjali;
id-dettalji ta’ kuntatt tal-parti dipendenti;
l-użu maħsub tal-Kartieri Ewropej tal-Identità Diġitali, inkluż indikazzjoni tad-data li għandha tintalab mill-parti dipendenti mingħand l-utenti.
Artikolu 5c
Ċertifikazzjoni tal-Kartieri Ewropej tal-Identità Diġitali
Artikolu 5d
Pubblikazzjoni ta’ lista ta’ Kartieri Ewropej tal-Identità Diġitali ċċertifikati
Mingħajr preġudizzju għall-Artikolu 5a(18), l-informazzjoni fornuta mill-Istati Membri msemmija fil-paragrafu 1 ta’ dan l-Artikolu għandha tinkludi mill-inqas:
iċ-ċertifikat u r-rapport tal-valutazzjoni taċ-ċertifikazzjoni tal-Kartiera Ewropea tal-Identità Diġitali ċċertifikata;
deskrizzjoni tal-iskema ta’ identifikazzjoni elettronika li skontha tiġi fornuta l-Kartiera Ewropea tal-Identità Diġitali;
ir-reġim superviżorju applikabbli u l-informazzjoni dwar ir-reġim ta’ responsabbiltà fir-rigward tal-parti li tforni l-Kartiera Ewropea tal-Identità Diġitali;
l-awtorità jew l-awtoritajiet responsabbli għall-iskema ta’ identifikazzjoni elettronika;
l-arranġamenti għas-sospensjoni jew ir-revoka tal-iskema ta’ identifikazzjoni elettronika jew tal-awtentikazzjoni jew tal-partijiet kompromessi kkonċernati.
Artikolu 5e
Ksur ta’ sigurtà tal-Kartieri Ewropej tal-Identità Diġitali
Meta jkun ġustifikat mill-gravità tal-ksur tas-sigurtà jew tal-kompromess imsemmi fl-ewwel subparagrafu, l-Istat Membru għandu jirtira l-Kartieri Ewropej tal-Identità Diġitali mingħajr dewmien żejjed.
L-Istat Membru għandu jinforma lill-utenti affettwati, lill-punti uniċi ta’ kuntatt maħtura skont l-Artikolu 46c(1), lill-partijiet dipendenti u lill-Kummissjoni kif meħtieġ.
Artikolu 5f
Dipendenza transfruntiera fuq il-Kartieri Ewropej tal-Identità Diġitali
TAQSIMA 2
skemi ta’ identifikazzjoni elettronika
Artikolu 6
Rikonoxximent reċiproku
Meta tinħtieġ identifikazzjoni elettronika bl-użu ta’ mezz ta’ identifikazzjoni elettronika u awtentikazzjoni skont il-liġi nazzjonali jew permezz tal-prassi amministrattiva nazzjonali għall-aċċess għal servizz ipprovdut minn korp tas-settur pubbliku online fi Stat Membru, il-mezz ta’ identifikazzjoni elettronika maħruġ fi Stat Membru ieħor għandu jiġi rikonoxxut fl-ewwel Stat Membru għall-finijiet tal-awtentikazzjoni transkonfinali għal dak is-servizz online dment li jiġu sodisfatti l-kondizzjonijiet li ġejjin:
il-mezz ta’ identifikazzjoni elettronika jinħareġ taħt skema ta’ identifikazzjoni elettronika li hija inkluża fil-lista ppubblikata mill-Kummissjoni skont l-Artikolu 9;
il-livell ta’ assigurazzjoni tal-mezz ta’ identifikazzjoni elettronika jikkorrispondi għal livell ta’ assigurazzjoni daqs jew ogħla mil-livell ta’ assigurazzjoni mitlub mill-korp tas-settur pubbliku rilevanti għall-aċċess għal dak is-servizz online fl-ewwel Stat Membru, dment li l-livell ta’ assigurazzjoni ta’ dak il-mezz ta’ identifikazzjoni elettronika jikkorrispondi għal livell ta’ assigurazzjoni sostanzjali jew għoli;
il-korp rilevanti tas-settur pubbliku juża livell sostanzjali jew għoli ta’ assigurazzjoni fir-rigward tal-aċċess għal dak is-servizz online.
Tali rikonoxximent għandu jseħħ mhux aktar tard minn 12-il xahar wara li l-Kummissjoni tippubblika l-lista msemmija fil-punt (a) tal-ewwel s-subparagrafu.
Artikolu 7
Eliġibbilità għan-notifika tal-iskemi ta’ identifikazzjoni elettronika
Skema ta’ identifikazzjoni elettronika għandha tkun eliġibbli għal notifika skont l-Artikolu 9(1) dment li jiġu sodisfatti l-kondizzjonijiet kollha li ġejjin:
il-mezzi ta’ identifikazzjoni elettronika taħt l-iskema ta’ identifikazzjoni elettronika jinħarġu:
mill-Istat Membru li jinnotifika;
skont mandat mill-Istat Membru li jinnotifika; jew
b’mod indipendenti mill-Istat Membru li jinnotifika u jiġu rikonoxxuti minn dak l-Istat Membru;
il-mezzi ta’ identifikazzjoni elettronika taħt l-iskema ta’ identifikazzjoni elettronika jistgħu jintużaw biex għall-inqas jinkiseb aċċess għal servizz wieħed ipprovdut minn korp tas-settur pubbliku u li jkun jeħtieġ identifikazzjoni elettronika fl-Istat Membru li jinnotifika;
l-iskema ta’ identifikazzjoni elettronika u l-mezz ta’ identifikazzjoni elettronika maħruġa skontha jissodisfaw ir-rekwiżiti ta’ mill-inqas wieħed mil-livelli ta’ assigurazzjoni stabbiliti mill-att ta’ implimentazzjoni msemmi fl-Artikolu 8(3);
‘l-Istat Membru li jinnotifika jiżgura li d-data tal-identifikazzjoni tal-persuna li tirrappreżenta b’mod esklussiv il-persuna inkwistjoni tkun attribwita f’konformità mal-ispeċifikazzjonijiet tekniċi, l-istandards u l-proċeduri għal-livell ta’ assigurazzjoni rilevanti stabbilit fl-att ta’ implimentazzjoni msemmi fl-Artikolu 8(3), lill-persuna fiżika jew ġuridika msemmija fil-punt 1 tal-Artikolu 3 fil-ħin tal-ħruġ tal-mezz ta’ identifikazzjoni elettronika taħt dik l-iskema;
il-parti li toħroġ il-mezz ta’ identifikazzjoni elettronika skont dik l-iskema tiżgura li l-mezz ta’ identifikazzjoni elettronika jiġi attribwit lill-persuna msemmija fil-punt (d) ta’ dan l-Artikolu f’konformità mal-ispeċifikazzjonijiet tekniċi, l-istandards u l-proċeduri għal-livell ta’ assigurazzjoni rilevanti stabbilit fl-att ta’ implimentazzjoni msemmi fl-Artikolu 8(3);
l-Istat Membru li jinnotifika jiżgura d-disponibbiltà ta’ awtentikazzjoni online, sabiex kwalunkwe parti dipendenti stabbilita fit-territorju ta’ Stat Membru ieħor tkun tista’ tikkonferma d-data ta’ identifikazzjoni tal-persuna li kienet riċevuta f’forma elettronika.
Għal partijiet dipendenti li mhumiex korpi tas-settur pubbliku l-Istat Membru notifikanti jista’ jiddefinixxi t-termini ta’ aċċess għal dik l-awtentikazzjoni. L-awtentikazzjonijiet transkonfinali għandhom jingħataw mingħajr ħlas meta jitwettqu fir-rigward ta’ servizz online pprovdut minn korp tas-settur pubbliku.
L-Istati Membri ma għandhom jimponu ebda rekwiżit tekniku speċifiku sproporzjonat fuq partijiet dipendenti li bi ħsiebhom iwettqu tali awtentikazzjoni, fejn tali rekwiżiti jipprevjenu jew jimpedixxu b’mod sinifikanti l-interoperabilità tal-iskemi ta’ identifikazzjoni elettroniċi nnotifikati;
mill-inqas sitt xhur qabel in-notifika skont l-Artikolu 9(1), l-Istat Membru notifikanti jipprovdi lill-Istati Membri l-oħra għall-finijiet tal-Artikolu 12(5), b’deskrizzjoni ta’ dik l-iskema f’konformità mal-arranġamenti proċedurali stabbiliti bl-atti ta’ implimentazzjoni adottati skont l-Artikolu 12(6)
l-iskema ta’ identifikazzjoni elettronika tissodisfa r-rekwiżiti tal-att ta’ implimentazzjoni msemmi fl-Artikolu 12(8).
Artikolu 8
Livelli ta’ assigurazzjoni tal-iskemi ta’ identifikazzjoni elettronika
Il-livelli ta’ assigurazzjoni baxx, sostanzjali u għoli għandhom jissodisfaw rispettivament il-kriterji li ġejjin:
livell ta’ assigurazzjoni baxx għandu jirreferi għal mezz ta’ identifikazzjoni elettronika fil-kuntest ta’ skema ta’ identifikazzjoni elettronika, li jipprovdi grad limitat ta’ fiduċja fl-identità ddikjarata jew asserita ta’ persuna, u li huwa kkaratterizzata b’referenza għall-ispeċifikazzjonijiet tekniċi, l-istandards u l-proċeduri relatati magħhom, inklużi l-kontrolli tekniċi, li l-għan tagħhom huwa li jnaqqsu sostanzjalment ir-riskju ta’ użu ħażin jew tibdil fl-identità.
livell ta’ assigurazzjoni sostanzjali għandu jirreferi għal mezz ta’ identifikazzjoni elettronika fil-kuntest ta’ skema ta’ identifikazzjoni elettronika, li jipprovdi grad sostanzjali ta’ fiduċja fl-identità ddikjarata jew asserita ta’ persuna, u li huwa kkaratterizzata b’referenza għall-ispeċifikazzjonijiet tekniċi, l-istandards u l-proċeduri relatati magħhom, inklużi l-kontrolli tekniċi, li l-għan tagħhom huwa li jnaqqsu sostanzjalment ir-riskju ta’ użu ħażin jew tibdil fl-identità.
livell ta’ assigurazzjoni għoli għandu jirreferi għal mezz ta’ identifikazzjoni elettronika fil-kuntest ta’ skema ta’ identifikazzjoni elettronika, li jipprovdi grad ogħla ta’ fiduċja fl-identità ddikjarata jew asserita ta’ persuna mill-mezzi ta’ identifikazzjoni elettronika b’livell ta’ assigurazzjoni sostanzjali, u li huwa kkaratterizzat b’referenza għall-ispeċifikazzjonijiet tekniċi, l-istandards u l-proċeduri relatati magħhom, inklużi l-kontrolli tekniċi, li l-għan tagħhom hu li jipprevjenu l-użu ħażin jew tibdil fl-identità.
Dawk l-ispeċifikazzjonijiet tekniċi minimi, l-istandards u l-proċeduri għandhom jiġu stipulati b’referenza għall-affidabbiltà u l-kwalità tal-elementi li ġejjin:
il-proċedura biex tiġi ppruvata u verifikata l-identità ta’ persuni fiżiċi jew ġuridiċi li japplikaw għall-ħruġ ta’ mezzi ta’ identifikazzjoni elettronika;
il-proċedura għall-ħruġ tal-mezzi ta’ identifikazzjoni elettronika rikjesti;
il-mekkaniżmu ta’ awtentikazzjoni, li permezz tiegħu l-persuna fiżika jew ġuridika tuża l-mezzi ta’ identifikazzjoni elettronika biex tikkonferma l-identità tagħha lil parti dipendenti.
l-entità li toħroġ il-mezzi ta’ identifikazzjoni elettronika;
kwalunkwe korp ieħor involut fl-applikazzjoni għall-ħruġ tal-mezzi ta’ identifikazzjoni elettronika; u
l-ispeċifikazzjonijiet tekniċi u tas-sigurtà tal-mezzi ta’ identifikazzjoni elettronika maħruġa.
Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 48(2).
Artikolu 9
Notifika
L-Istati Membri notifikanti għandhom jinnotifikaw lill-Kummissjoni l-informazzjoni li ġejja u mingħajr dewmien bla bżonn, kwalunkwe bidla sussegwenti li ssirilha:
deskrizzjoni tal-iskema ta’ identifikazzjoni elettronika, inklużi l-livelli ta’ assigurazzjoni tagħha u l-emittent jew emittenti tal-mezzi ta’ identifikazzjoni elettronika skont l-iskema;
ir-reġim superviżorju applikabbli u l-informazzjoni dwar ir-reġim ta’ responsabbiltà fir-rigward ta’ dan li ġej:
il-parti li toħroġ il-mezzi ta’ identifikazzjoni elettronika, u
il-parti li topera l-proċedura ta’ awtentikazzjoni.
l-awtorità jew l-awtoritajiet responsabbli għall-iskema ta’ identifikazzjoni elettronika;
informazzjoni dwar l-entità jew l-entitajiet li jamministraw ir-reġistrazzjoni tad-data unika ta’ identifikazzjoni ta’ persuna;
deskrizzjoni dwar kif ir-rekwiżiti stipulati fl-atti ta’ implimentazzjoni msemmija fl-Artikolu 12(8) jiġu sodisfatti;
deskrizzjoni tal-awtentikazzjoni msemmija fil-punt (f) tal-Artikolu 7;
l-arranġamenti għas-sospensjoni jew ir-revoka tal-iskema ta’ identifikazzjoni elettronika notifikata jew tal-awtentikazzjoni jew tal-partijiet kompromessi kkonċernati.
Artikolu 10
Ksur tas-sigurtà tal-iskemi ta’ identifikazzjoni elettronika
Il-Kummissjoni għandha tippubblika f’Il-Ġurnal Uffiċjali tal-Unjoni Ewropea l-emendi korrispondenti għal-lista msemmija fl-Artikolu 9(2) mingħajr dewmien żejjed.
Artikolu 11
Responsabbiltà
Artikolu 11a
Tqabbil transfruntier tal-identità
Artikolu 12
Interoperabbiltà
Il-qafas ta’ interoperabbiltà għandu jissodisfa l-kriterji li ġejjin:
ikollu l-għan li jkun teknoloġikament newtrali u ma jiddiskriminax bejn kwalunkwe soluzzjoni teknika nazzjonali speċifika għall-identifikazzjoni elettronika fi Stat Membru;
isegwi standards Ewropej u internazzjonali, fejn possibbli;
jiffaċilita, l-implimentazzjoni tal-privatezza u s-sigurtà bid-disinn
▼M2 —————
Il-qafas ta’ interoperabbiltà għandu jikkonsisti minn:
referenza għal rekwiżiti tekniċi minimi marbuta mal-livelli ta’ assigurazzjoni skont l-Artikolu 8;
deskrizzjoni dettaljata tal-livelli ta’ assigurazzjoni nazzjonali ta’ skemi ta’ identifikazzjoni elettronika notifikati fil-livell ta’ assigurazzjoni skont l-Artikolu 8;
referenza għar-rekwiżiti tekniċi minimi għall-interoperabbiltà;
referenza għal sett minimu ta’ data ta’ identifikazzjoni ta’ persuna meħtieġa biex b’mod unikutirrappreżenta persuna ġuridika jew fiżika, jew persuna fiżika li tirrappreżenta persuna fiżika oħra jew persuna ġuridika li hija disponibbli minn skemi ta’ identifikazzjoni elettronika;
regoli ta’ proċedura;
arranġamenti għar-riżoluzzjoni tat-tilwim; u
standards tas-sigurtà operazzjonali komuni.
▼M2 —————
Artikolu 12a
Ċertifikazzjoni tal-iskemi ta’ identifikazzjoni elettronika
Artikolu 12b
Aċċess għall-karatteristiċi tal-hardware u s-software
Meta l-fornituri tal-Kartieri Ewropej tal-Identità Diġitali u l-emittenti ta’ mezzi ta’ identifikazzjoni elettronika notifikati li jaġixxu f’kapaċità kummerċjali jew professjonali u jużaw servizzi ewlenin tal-pjattaforma kif definiti fl-Artikolu 2, il-punt (2) tar-Regolament (UE) 2022/1925 tal-Parlament Ewropew u tal-Kunsill ( 7 ) għall-fini, jew waqt li jipprovdu servizzi tal-Kartiera Ewropea tal-Identità Diġitali u mezzi ta’ identifikazzjoni elettronika lill-utenti finali jkunu utenti kummerċjali kif definiti fl-Artikolu 2, punt (21), ta’ dak ir-Regolament, il-gwardjani għandhom, b’mod partikolari, jippermettulhom interoperabbiltà effettiva mal-finijiet ta’ interoperabbiltà għall-istess karatteristiċi tas-sistema operattiva, tal-hardware jew tas-software, u aċċess għalihom. Tali interoperabbiltà u aċċess effettivi għandhom ikunu permessi mingħajr ħlas u irrispettivament minn jekk il-karatteristiċi tal-hardware jew tas-software jkunux parti mis-sistema operattiva, huma disponibbli għal dak il-gwardjan, jew huma użati minnu, meta jipprovdi tali servizzi, skont it-tifsira tal-Artikolu 6(7) tar-Regolament (UE) 2022/1925. Dan l-Artikolu huwa mingħajr preġudizzju għall-Artikolu 5a(14) ta’ dan ir-Regolament.
KAPITOLU III
SERVIZZI FIDUĊJARJI
TAQSIMA 1
Dispożizzjonijiet ġenerali
Artikolu 13
Responsabbiltà u oneru tal-provi
L-oneru tal-provi tal-intenzjoni jew in-negliġenza ta’ fornitur mhux kwalifikat ta’ servizzi fiduċjarji għandu jkun fir-responsabbiltà tal-persuna fiżika jew ġuridika li tafferma l-ħsara msemmija fl-ewwel subparagrafu.
L-intenzjoni jew in-negliġenza ta’ fornitur kwalifikat ta’ servizzi fiduċjarji għandha tkun preżunta għajr jekk dak il-fornitur kwalifikat ta’ servizzi fiduċjarji jagħti prova li l-ħsara msemmija fl-ewwel subparagrafu saret mingħajr l-intenzjoni jew in-negliġenza ta’ dak il-fornitur kwalifikat ta’ servizzi fiduċjarji.
Artikolu 14
Aspetti internazzjonali
L-atti ta’ implimentazzjoni msemmija fl-ewwel subparagrafu għandhom jiġu adottati skont il-proċedura ta’ eżami msemmija fl-Artikolu 48(2).
Artikolu 15
Aċċessibbiltà għal persuni b’diżabilità u bi bżonnijiet speċjali
Il-forniment ta’ mezzi ta’ identifikazzjoni elettronika, servizzi fiduċjarji u prodotti ta’ utenti finali li huma użati fil-forniment ta’ dawk is-servizzi għandu jkun disponibbli b’lingwaġġ sempliċi u li jinftiehem, f’konformità mal-Konvenzjoni tan-Nazzjonijiet Uniti dwar id-Drittijiet ta’ Persuni b’Diżabilità u mar-rekwiżiti ta’ aċċessibbiltà tad-Direttiva (UE) 2019/882, u b’hekk jibbenefikaw ukoll il-persuni li jesperjenzaw limitazzjonijiet funzjonali, bħall-anzjani, u l-persuni b’aċċess limitat għat-teknoloġiji diġitali.
Artikolu 16
Penali
L-Istati Membri għandhom jiżguraw li l-ksur ta’ dan ir-Regolament minn fornituri ta’ servizzi fiduċjarji kwalifikati u mhux kwalifikati jkun soġġett għal multi amministrattivi ta’ massimu ta’ mill-inqas:
EUR 5 000 000 meta l-fornitur ta’ servizzi fiduċjarji jkun persuna fiżika; jew
fejn il-fornitur tas-servizz fiduċjarju jkun persuna legali, EUR 5 000 000 jew 1 % tal-fatturat annwali dinji totali tal-impriża li kien jappartjeni għaliha l-fornitur ta’ servizzi fiduċjarji fis-sena finanzjarja ta’ qabel is-sena li fiha seħħ il-ksur, skont liema jkun l-ogħla.
TAQSIMA 2
Superviżjoni
▼M2 —————
▼M1 —————
Artikolu 19a
Rekwiżiti għall-fornituri mhux kwalifikati ta’ servizzi fiduċjarji
Fornitur mhux kwalifikat ta’ servizzi fiduċjarji li jipprovdi servizzi fiduċjarji mhux kwalifikati għandu:
ikollu politiki xierqa u jieħu miżuri korrispondenti biex jiġġestixxi riskji legali, kummerċjali, operazzjonali u riskji diretti jew indiretti oħrajn għall-forniment tas-servizz fiduċjarju mhux kwalifikat li minkejja l-Artikolu 21 tad-Direttiva (UE) 2022/2555, għandhomjinkludu mill-inqas il-miżuri relatati ma’:
proċeduri ta’ reġistrazzjoni u ta’ onboarding għal servizz fiduċjarju;
kontrolli proċedurali jew amministrattivi meħtieġa biex jiġu pprovduti servizzi fiduċjarji;
il-ġestjoni u l-implimentazzjoni ta’ servizzi fiduċjarji;
jinnotifika lill-korp superviżorju, lill-individwi milquta identifikabbli, lill-pubbliku jekk ikun fl-interess pubbliku u, fejn applikabbli, lil awtoritajiet kompetenti rilevanti oħra, bi kwalunkwe ksur tas-sigurtà jew tfixkil fil-forniment tas-servizz jew fl-implimentazzjoni tal-miżuri msemmija fil-punt (a), (i), (ii) jew (iii), li jkollhom impatt sinifikanti fuq is-servizz fiduċjarju pprovdut jew fuq id-data personali miżmuma fih, mingħajr dewmien żejjed u fi kwalunkwe każ mhux aktar tard minn 24 siegħa wara li jkunu saru jafu b’xi ksur tas-sigurtà jew tfixkil.
TAQSIMA 3
Fornituri ta’ servizzi fiduċjarji kwalifikati
Artikolu 20
Superviżjoni tal-fornituri ta’ servizzi fiduċjarji kwalifikati
Meta dak il-fornitur ma jipprovdix rimedju u, meta jkun applikabbli fil-limitu ta’ żmien stabbilit mill-korp superviżorju, fejn ġustifikat b’mod partikolari skont il-livell, id-durata u l-konsegwenzi ta’ dak in-nuqqas, il-korp superviżorjugħandu jirtira l-istatus kwalifikat ta’ dak il-fornitur jew tas-servizz affettwat li dan jipprovdi.
Sal-21 ta’ Mejju 2025, permezz ta’ atti ta’ implimentazzjoni, il-Kummissjoni għandha tistabbilixxi lista ta’ standards ta’ referenza u, fejn neċessarju, tistabbilixxi speċifikazzjonijiet u proċeduri għal dawn li ġejjin:
l-akkreditazzjoni tal-korpi tal-valutazzjoni tal-konformità u għar-rapport dwar il-valutazzjoni tal-konformità msemmija fil-paragrafu 1;
ir-rekwiżiti tal-awditjar għall-korpi tal-valutazzjoni tal-konformità biex iwettqu l-valutazzjoni tal-konformità tagħhom, inkluż valutazzjoni komposta, tal-fornituri kwalifikati ta’ servizzi fiduċjarji kif imsemmi fil-paragrafu 1;
l-iskemi ta’ valutazzjoni tal-konformità għat-twettiq tal-valutazzjoni tal-konformità tal-fornituri kwalifikati ta’ servizzi fiduċjarji mill-korpi tal-valutazzjoni tal-konformità u għall-forniment tar-rapport imsemmi fil-paragrafu 1.
Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 48(2).
Artikolu 21
introduzzjoni ta’ servizz fiduċjarju kwalifikat
Sabiex tiġi vverifikata l-konformità tal-fornitur ta’ servizzi fiduċjarji mar-rekwiżiti stabbiliti fl-Artikolu 21 tad-Direttiva (UE) 2022/2555, il-korp superviżorju għandu jitlob lill-awtoritajiet kompetenti maħtura jew stabbiliti skont l-Artikolu 8(1) ta’ dik id-Direttiva biex iwettqu azzjonijiet superviżorji f’dak ir-rigward u biex jipprovdu informazzjoni dwar l-eżitu mingħajr dewmien żejjed u fi kwalunkwe każ fi żmien xahrejn minn meta tasal dik it-talba. Jekk il-verifika ma tiġix konkluża fi żmien xahrejn min-notifika, dawk l-awtoritajiet kompetenti għandhom jinfurmaw lill-korp superviżorju fejn jispeċifikaw ir-raġunijiet tad-dewmien u l-perjodu li fih għandha tiġi konkluża l-verifika.
Meta l-korp superviżorju jikkonkludi li l-fornitur ta’ servizzi fiduċjarji u s-servizzi fiduċjarji pprovduti minnu jikkonformaw mar-rekwiżiti stabbiliti f’dan ir-Regolament, il-korp superviżorju għandu jagħti status kwalifikat lill-fornitur ta’ servizzi fiduċjarji u lis-servizzi fiduċjarji li dan jipprovdi u jinforma lill-korp imsemmi fl-Artikolu 22(3) għall-finijiet ta’ aġġornament tal-listi affidabbli msemmija fl-Artikolu 22(1), sa mhux aktar tard minn tliet xhur wara n-notifika f’konformità mal-paragrafu 1 ta’ dan l-Artikolu.
Meta l-verifika ma tiġix konkluża fi żmien tliet xhur min-notifika, il-korp superviżorju għandu jinforma lill-fornitur ta’ servizzi fiduċjarji u jispeċifika r-raġunijiet għad-dewmien u l-perjodu li fih għandha tiġi konkluża l-verifika.
Artikolu 22
Listi Affidabbli
Artikolu 23
Marka ta’ fiduċja tal-UE għal servizzi fiduċjarji kwalifikati
Artikolu 24
Rekwiżiti għall-fornituri ta’ servizzi fiduċjarji kwalifikati
Il-verifika tal-identità msemmija fil-paragrafu 1 għandha titwettaq, b’mezzi xierqa, mill-fornitur kwalifikat ta’ servizzi fiduċjarji, jew direttament jew permezz ta’ parti terza, abbażi ta’ wieħed mill-metodi li ġejjin jew ta’ taħlita tagħhom meta jkun meħtieġ,f’konformità mal-atti ta’ implimentazzjoni msemmija fil-paragrafu 1c:
permezz tal-Kartiera Ewropea tal-Identità Diġitali jew mezz ta’ identifikazzjoni elettronika notifikat li jissodisfa r-rekwiżiti stipulati fl-Artikolu 8 fir-rigward tal-livell ta’ assigurazzjoni għoli;
permezz ta’ ċertifikat ta’ firma elettronika kwalifikata jew ta’ siġill elettroniku kwalifikat maħruġ f’konformità mal-punt (a), (c) jew (d);
bl-użu ta’ metodi ta’ identifikazzjoni oħra li jiżguraw l-identifikazzjoni tal-persuna b’livell għoli ta’ fiduċja, li l-konformità tagħhom għandha tiġi kkonfermata minn korp tal-valutazzjoni tal-konformità;
permezz tal-preżenza fiżika tal-persuna fiżika jew ta’ rappreżentant awtorizzat tal-persuna ġuridika, permezz ta’ evidenza xierqa, proċeduri, f’konformità mad-dritt nazzjonali;
Il-verifika tal-attributi msemmija fil-paragrafu 1 għandha titwettaq, b’mezzi xierqa, mill-fornitur kwalifikat ta’ servizzi fiduċjarji, jew direttament jew permezz ta’ parti terza, abbażi ta’ wieħed mill-metodi li ġejjin jew, fejn meħtieġ, ta’ taħlita tagħhom,f’konformità mal-atti ta’ implimentazzjoni msemmija fil-paragrafu 1c:
permezz tal-Kartiera Ewropea tal-Identità Diġitali jew mezz ta’ identifikazzjoni elettronika notifikat li jissodisfa r-rekwiżiti stipulati fl-Artikolu 8 fir-rigward tal-livell ta’ assigurazzjoni għoli;
permezz ta’ ċertifikat ta’ firma elettronika kwalifikata jew ta’ siġill elettroniku kwalifikat maħruġ f’konformità mal-paragrafu 1a, il-punt (a), (c) jew (d);
permezz ta’ attestazzjoni elettronika kwalifikata tal-attributi;
bl-użu ta’ metodi oħra li jiżguraw il-verifika tal-attributi b’livell għoli ta’ fiduċja, li l-konformità tagħhom għandha tiġi kkonfermata minn korp tal-valutazzjoni tal-konformità;
permezz tal-preżenza fiżika tal-persuna fiżika jew ta’ rappreżentant awtorizzat tal-persuna ġuridika, permezz ta’ evidenza u proċeduri xierqa, f’konformità mad-dritt nazzjonali.
Fornitur ta’ servizzi fiduċjarju kwalifikat li jipprovdi servizzi fiduċjarji kwalifikati għandu:
jinforma lill-korp superviżorju mill-inqas xahar qabel ma jimplimenta kwalunkwe bidla fil-forniment tas-servizzi fiduċjarji kwalifikati tiegħu jew mill-inqas tliet xhur f’każ ta’ intenzjoni li jwaqqaf dawk l-attivitajiet;
jimpjega persunal u, jekk applikabbli, subkuntratturi li jkollhom il-kompetenza esperta, l-affidabbiltà, l-esperjenza, u l-kwalifiki meħtieġa u li jkunu rċevew taħriġ adatt rigward ir-regoli dwar is-sigurtà u l-protezzjoni ta’ data personali u għandu japplika proċeduri amministrattivi u ta’ ġestjoni, li jikkorrispondu ma’ standards Ewropej jew internazzjonali;
fir-rigward tar-riskju ta’ responsabbiltà għal ħsara f’konformità mal-Artikolu 13, iżomm riżorsi finanzjarji suffiċjenti u/jew jikseb assigurazzjoni adatta fuq ir-responsabbiltà, f’konformità mal-liġi nazzjonali;
qabel jidħol f’relazzjoni kuntrattwali, jinforma, b’mod ċar, komprensiv u aċċessibbli faċilment, fi spazju aċċessibbli għall-pubbliku u individwalment, lil kwalunkwe persuna li tkun qed tfittex li tuża servizz fiduċjarju kwalifikat dwar it-termini u l-kundizzjonijiet preċiżi rigward l-użu ta’ dak is-servizz, inkluż kwalunkwe limitazzjoni fuq l-użu tiegħu;
juża sistemi u prodotti affidabbli li jkunu protetti kontra modifiki u jiżgura s-sigurtà teknika u l-affidabbiltà tal-proċessi appoġġati minnhom, inkluż l-użu ta’ tekniki kriptografiċi xierqa;
juża sistemi affidabbli biex jaħżen d-data mogħtija lilu, f’forma verifikabbli sabiex:
din tkun disponibbli pubblikament għal irkupru biss fejn ikun inkiseb il-kunsens tal-persuna li dik id-data tkun relatata magħha,
il-persuni awtorizzati biss ikunu jistgħu jdaħħlu entrati u bidliet fid-data maħżuna,
id-data tkun tista’ tiġi vverifikata għall-awtentiċità;
minkejja l-Artikolu 21 tad-Direttiva (UE) 2022/2555, ikollu politiki xierqa u jieħu miżuri korrispondenti biex jiġġestixxi riskji legali, kummerċjali, operazzjonali u riskji diretti jew indiretti oħra għall-forniment tas-servizz fiduċjarju kwalifikat, inkluż mill-inqas miżuri relatati ma’ dawn li ġejjin:
proċeduri ta’ reġistrazzjoni u ta’ onboarding għal servizz;
kontrolli proċedurali jew amministrattivi;
il-ġestjoni u l-implimentazzjoni tas-servizzi;
jinnotifika lill-korp superviżorju, lill-individwi milquta identifikabbli, lill-korpi kompetenti rilevanti oħra fejn applikabbli u, fuq talba tal-korp superviżorju, lill-pubbliku jekk dan ikun fl-interess pubbliku, bi kwalunkwe ksur tas-sigurtà jew tfixkil fil-forniment tas-servizz jew fl-implimentazzjoni tal-miżuri msemmija fil-punt (fa)(i), (ii) or (iii), li jkollhom impatt sinifikanti fuq is-servizz fiduċjarju pprovdut jew fuq id-data personali miżmuma fih, mingħajr dewmien żejjed u fi kwalunkwe każ fi żmien 24 siegħa mill-inċident;
jieħu miżuri xierqa kontra l-falsifikazzjoni, is-serq jew il-miżapproprjazzjoni tad-data jew kontra min, mingħajr dritt, iħassar id-data, jibdilha jew jagħmilha inaċċessibbli;
jirreġistra u jżomm aċċessibbli sakemm ikun meħtieġ wara li l-attivitajiet tal-fornitur kwalifikat ta’ servizzi fiduċjarji jkunu waqfu, kull informazzjoni rilevanti dwar data maħruġa u riċevuta mill-fornitur kwalifikat ta’ servizzi fiduċjarji, b’mod partikolari għall-fini li tiġi pprovduta evidenza fi proċedimenti legali u għall-fini li tiġi żgurata l-kontinwità tas-servizz. Din ir-reġistrazzjoni tista’ ssir b’mod elettroniku;
ikollu pjan ta’ terminazzjoni aġġornat sabiex tiġi żgurata l-kontinwità tas-servizz f’konformità mad-dispożizzjonijiet li huma vverifikati mill-korp superviżorju skont l-Artikolu 46b(4), il-punt (i);
▼M2 —————
fil-każ ta’ fornituri ta’ servizzi fiduċjarji kwalifikati li joħorġu ċertifikati kwalifikati, jistabbilixxu u jżommu aġġornata bażi ta’ data taċ-ċertifikati.
Il-korp superviżorju jista’ jitlob informazzjoni minbarra l-informazzjoni notifikata skont il-punt (a) tal-ewwel subparagrafu jew ir-riżultat ta’ valutazzjoni tal-konformità u jista’ jikkondizzjona l-għoti tal-permess biex jimplimenta l-bidliet maħsuba għas-servizzi fiduċjarji kwalifikati. Jekk il-verifika ma tiġix konkluża fi żmien tliet xhur min-notifika, il-korp superviżorju għandu jinforma lill-fornitur ta’ servizzi fiduċjarji u jispeċifika r-raġunijiet għad-dewmien u l-perjodu li fih għandha tiġi konkluża l-verifika.
Artikolu 24a
Rikonoxximent ta’ servizzi fiduċjarji kwalifikati
TAQSIMA 4
Firem elettroniċi
Artikolu 25
Effetti legali ta’ firem elettroniċi
▼M2 —————
Artikolu 26
Rekwiżiti għal firem elettroniċi avvanzati
Firma elettronika avvanzata għandha tissodisfa r-rekwiżiti li ġejjin:
tkun marbuta b’mod esklussiv mal-firmatarju;
tista’ tidentifika l-firmatarju;
tkun maħluqa bl-użu ta’ data għall-ħolqien ta’ firma elettronika li l-firmatarju jkun jista’ juża b’livell għoli ta’ fiduċja, taħt il-kontroll esklussiv tiegħu; u
tkun marbuta mad-data ffirmata biha b’tali mod li kwalunkwe bidla sussegwenti fid-data tkun tista’ tiġi skoperta.
Artikolu 27
Firem elettroniċi f’servizzi pubbliċi
▼M2 —————
Artikolu 28
Ċertifikati kwalifikati għal firem elettroniċi
Soġġett għall-kondizzjonijiet li ġejjin, l-Istati Membri jistgħu jistabbilixxu regoli nazzjonali dwar is-sospensjoni temporanja ta’ ċertifikat kwalifikat għal firma elettronika:
jekk ċertifikat kwalifikat għal firma elettronika jkun ġie sospiż temporanjament, dak iċ-ċertifikat għandu jitlef il-validità tiegħu għall-perijodu ta’ sospensjoni.
il-perijodu ta’ sospensjoni għandu jiġi indikat b’mod ċar fil-bażi tad-data taċ-ċertifikati u l-istatus ta’ sospensjoni għandu jkun viżibbli, matul il-perijodu ta’ sospensjoni, mis-servizz li jipprovdi l-informazzjoni dwar l-istatus taċ-ċertifikat.
Artikolu 29
Rekwiżiti għal apparat kwalifikat għall-ħolqien ta’ firem elettroniċi
Artikolu 29a
Rekwiżiti għal servizz kwalifikat għall-ġestjoni ta’ apparati kwalifikati għall-ħolqien ta’ firem elettroniċi mill-bogħod
Il-ġestjoni ta’ apparat kwalifikat għall-ħolqien ta’ firem elettroniċi mill-bogħod bħala servizz kwalifikat għandu jitwettaq biss minn fornitur kwalifikat ta’ servizzi fiduċjarji li:
jiġġenera jew jiġġestixxi data dwar il-ħolqien ta’ firem elettroniċi f’isem il-firmatarju;
minkejja l-punt (1)(d) tal-Anness II, jidduplika d-data dwar il-ħolqien ta’ firem elettroniċi għal finijiet ta’ riżerva biss, dment li jiġu ssodisfati r-rekwiżiti li ġejjin:
is-sigurtà tas-settijiet tad-data duplikati trid tkun tal-istess livell bħal dik għas-settijiet tad-data oriġinali;
l-għadd ta’ settijiet tad-data duplikati ma għandux jaqbeż il-minimu meħtieġ biex tiġi żgurata l-kontinwità tas-servizz;
jikkonforma ma’ kwalunkwe rekwiżit identifikat fir-rapport ta’ ċertifikazzjoni tal-apparat kwalifikat speċifiku għall-ħolqien ta’ firem elettroniċi mill-bogħod maħruġ skont l-Artikolu 30.
Artikolu 30
Ċertifikazzjoni ta’ apparat kwalifikat għall-ħolqien ta’ firem elettroniċi
Iċ-ċertifikazzjoni msemmija fil-paragrafu 1 għandha tkun ibbażata fuq waħda minn dawn li ġejjin:
proċess ta’ evalwazzjoni tas-sigurtà mwettaq f’konformità ma’ wieħed mill-istandards għall-valutazzjoni tas-sigurtà tal-prodotti tat-teknoloġija tal-informazzjoni inklużi fil-lista stabbilita skont it-tieni subparagrafu, jew
proċess ieħor li mhuwiex il-proċess imsemmi fil-punt (a), dment li dan juża livelli komparabbli ta’ sigurtà u dment li l-korp pubbliku jew privat imsemmi fil-paragrafu 1 jinnotifika lill-Kummissjoni b’dak il-proċess. Dak il-proċess jista’ jintuża biss fin-nuqqas ta’ standards imsemmija fil-punt (a) jew meta jkun qed isir il-proċess ta’ evalwazzjoni tas-sigurtà msemmi fil-punt (a).
Il-Kummissjoni għandha, permezz ta’ atti ta’ implimentazzjoni, tistabbilixxi lista ta’ standards għall-valutazzjoni tas-sigurtà ta’ prodotti tat-teknoloġija tal-informazzjoni msemmija fil-punt (a). Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 48(2).
Artikolu 31
Pubblikazzjoni ta’ lista ta’ apparat kwalifikat għall-ħolqien ta’ firem elettroniċi li huwa ċċertifikat
Artikolu 32
Rekwiżiti għall-validazzjoni ta’ firem elettroniċi kwalifikati
Il-proċess għall-validazzjoni ta’ firma elettronika kwalifikata għandu jikkonferma l-validità ta’ firma elettronika kwalifikata dment li:
iċ-ċertifikat, li jappoġġa l-firma kien, fil-mument tal-firma ċertifikat kwalifikat għal firma elettronika li jikkonforma mal-Anness I;
iċ-ċertifikat kwalifikat inħareġ minn fornitur ta’ servizzi fiduċjarji kwalifikati u kien validu fil-mument tal-firma;
id-data ta’ validazzjoni tal-firma tikkorrispondi għad-data pprovduta lill-parti dipendenti;
is-sett uniku ta’ data li jirrappreżenta l-firmatarju fiċ-ċertifikat tingħata b’mod korrett lill-parti dipendenti;
l-użu ta’ kwalunkwe psewdonimu jkun indikat b’mod ċar lill-parti dipendenti jekk psewdonimu kien intuża fil-mument tal-firma;
il-firma elettronika nħolqot minn apparat għall-ħolqien ta’ firem elettroniċi kwalifikati;
l-integrità tad-data ffirmata ma tkunx ġiet kompromessa;
ir-rekwiżiti previsti fl-Artikolu 26 kienu ġew sodisfatti fil-mument tal-firma;
Għandu jitqies li jkun hemm konformità mar-rekwiżiti stabbiliti fl-ewwel subparagrafu ta’ dan il-paragrafu meta l-validazzjoni tal-firem elettroniċi kwalifikati tkun tikkonforma mal- istandards, l-ispeċifikazzjonijiet u l-proċeduri msemmija fil-paragrafu 3.
Artikolu 32a
Ir-rekwiżiti għall-validazzjoni ta’ firem elettroniċi avvanzati bbażati fuq ċertifikati kwalifikati
Il-proċess għall-validazzjoni ta’ firma elettronika avvanzata abbażi ta’ ċertifikat kwalifikat għandu jikkonferma l-validità ta’ firma elettronika avvanzata dment li:
iċ-ċertifikat, li jappoġġa l-firma kien, fil-mument tal-firma, ċertifikat kwalifikat għal firma elettronika li jikkonforma mal-Anness I;
iċ-ċertifikat kwalifikat inħareġ minn fornitur kwalifikat ta’ servizzi fiduċjarji u kien validu fil-mument tal-firma;
id-data ta’ validazzjoni tal-firma tikkorrispondi għad-data pprovduta lill-parti dipendenti;
is-sett uniku ta’ data li jirrappreżenta l-firmatarju fiċ-ċertifikat tingħata b’mod korrett lill-parti dipendenti;
l-użu ta’ kwalunkwe psewdonimu jkun indikat b’mod ċar lill-parti dipendenti jekk psewdonimu kien intuża fil-mument tal-firma;
l-integrità tad-data ffirmata ma tkunx ġiet kompromessa;
ir-rekwiżiti previsti fl-Artikolu 26 kienu ġew sodisfatti fil-mument tal-firma.
Artikolu 33
Servizz ta’ validazzjoni kwalifikat għall-firem elettroniċi kwalifikati
Servizz ta’ validazzjoni kwalifikat għall-firem elettroniċi kwalifikati jista’ jingħata biss minn fornitur ta’ servizzi fiduċjarji kwalifikat li:
jipprovdi validazzjoni f’konformità mal-Artikolu 32(1), u
jippermetti li l-partijiet dipendenti jirċievu r-riżultat tal-proċess ta’ validazzjoni b’mod awtomatizzat li jkun affidabbli, effiċjenti u li jkun fih il-firma elettronika avvanzata jew is-siġill elettroniku avvanzat tal-fornitur ta’ servizz ta’ validazzjoni kwalifikat.
Artikolu 34
Servizz ta’ preservazzjoni kwalifikat għall-firem elettroniċi kwalifikati
TAQSIMA 5
Siġilli elettroniċi
Artikolu 35
Effetti legali ta’ siġilli elettroniċi
▼M2 —————
Artikolu 36
Rekwiżiti għal firem elettroniċi avvanzati
Firma elettronika avvanzata għandha tissodisfa r-rekwiżiti li ġejjin:
hija marbuta b’mod esklussiv mal-firmatarju;
tista’ tidentifika l-firmatarju;
tkun maħluqa bl-użu ta’ data għall-ħolqien ta’ firma elettronika li l-firmatarju jkun jista’ juża b’livell għoli ta’ fiduċja, taħt il-kontroll esklussiv tiegħu; u
tkun marbuta mad-data ffirmata biha b’tali mod li kwalunkwe bidla sussegwenti fid-data tkun tista’ tiġi skoperta.
Artikolu 37
Siġilli elettroniċi f’servizzi pubbliċi
▼M2 —————
Artikolu 38
Ċertifikati kwalifikati għas-siġilli elettroniċi
Soġġetti għall-kondizzjonijiet li ġejjin l-Istati Membri jistgħu jistipulaw regoli nazzjonali dwar is-sospensjoni temporanja ta’ ċertifikat kwalifikat għas-siġilli elettroniċi:
jekk ċertifikat kwalifikat għas-siġill elettroniku jkun ġie sospiż temporanjament, dak iċ-ċertifikat għandu jitlef il-validità tiegħu għall-perijodu ta’ sospensjoni;
il-perijodu ta’ sospensjoni għandu jiġi indikat b’mod ċar fil-bażi tad-data taċ-ċertifikati u l-istatus ta’ sospensjoni għandu jkun viżibbli, matul il-perijodu ta’ sospensjoni, mis-servizz li jipprovdi l-informazzjoni dwar l-istatus taċ-ċertifikat.
Artikolu 39
Apparat kwalifikat għall-ħolqien ta’ siġilli elettroniċi
Artikolu 39 a
Rekwiżiti għal servizz kwalifikat għall-ġestjoni ta’ apparati kwalifikati għall-ħolqien ta’ siġilli elettroniċi mill-bogħod
L-Artikolu 29a għandu japplika mutatis mutandis għal servizz kwalifikat għall-ġestjoni ta’ apparati kwalifikati għall-ħolqien ta’ siġilli elettroniċi mill-bogħod.
Artikolu 40
Validazzjoni u preservazzjoni tas-siġilli elettroniċi kwalifikati
L-Artikoli 32, 33 u 34 għandhom japplikaw mutatis mutandis għall-validazzjoni u l-preservazzjoni tas-siġilli elettroniċi kwalifikati.
Artikolu 40a
Rekwiżiti għall-validazzjoni ta’ siġilli elettroniċi avvanzati bbażati fuq ċertifikati kwalifikati
L-Artikolu 32a għandu japplika mutatis mutandis għall-validazzjoni ta’ siġilli elettroniċi avvanzati bbażati fuq ċertifikati kwalifikati.
TAQSIMA 6
Timbri tal-ħin elettroniċi
Artikolu 41
Effett legali tat-timbri tal-ħin elettroniċi
▼M2 —————
Artikolu 42
Rekwiżiti għal timbri tal-ħin elettroniċi kwalifikati
Timbru tal-ħin elettroniku kwalifikat għandu jissodisfa r-rekwiżiti li ġejjin:
ikun jorbot id-data u l-ħin mad-data b’tali mod li jipprekludi b’mod raġonevoli l-possibbiltà li d-data tinbidel mingħajr ma dan jiġi skopert;
ikun ibbażat fuq sors ta’ ħin preċiż marbut mal-Ħin Universali Kkoordinat; u
ikun iffirmat bl-użu ta’ firma elettronika avvanzata jew issiġillati b’siġill elettroniku avvanzat tal-fornitur ta’ servizzi fiduċjarji kwalifikat, jew minn metodu ekwivalenti.
TAQSIMA 7
Servizzi elettroniċi ta’ konsenja rreġistrata
Artikolu 43
Effett legali ta’ servizz elettroniku ta’ konsenja li huwa reġistrat
Artikolu 44
Rekwiżiti għal ►C2 servizzi elettroniċi kwalifikati ta’ konsenja rreġistrata ◄
Is- ►C2 servizzi elettroniċi kwalifikati ta’ konsenja rreġistrata ◄ għandhom jissodisfaw ir-rekwiżiti li ġejjin:
jingħataw minn wieħed mill-fornituri ta’ servizzi fiduċjarji kwalifikati jew aktar;
jiżguraw livell għoli ta’ fiduċja l-identifikazzjoni tal-emittent;
jiżguraw l-identifikazzjoni tad-destinatarju qabel ma jikkonsenjaw id-data;
it-trasmissjoni u r-riċevuta tad-data isiru b’mod sikur b’firma elettronika avvanzata jew b’siġill elettroniku avvanzat ta’ fornitur ta’ servizzi fiduċjarji kwalifikat b’tali mod li jipprekludi l-possibbiltà li d-data tinbidel mingħajr ma dan jiġi skopert;
kwalunkwe bidla fid-data meħtieġa għall-fini tat-trasmissjoni jew ir-riċevuta tad-data hija indikata b’mod ċar lill-emittent u lid-destinatarju tad-data;
id-data u l-ħin tat-trasmissjoni, ir-riċevuta u kwalunkwe bidla tad-data huma indikati b’timbru tal-ħin elettroniku kwalifikat.
Fil-każ li d-data tiġi trasferita bejn żewġ fornituri kwalifikati ta’ servizzi fiduċjarji jew aktar, ir-rekwiżiti fil-punti (a) sa (f) għandhom japplikaw għall-fornituri ta’ servizzi fiduċjarji kwalifikati kollha.
TAQSIMA 8
Awtentikazzjoni ta’ sit elettroniku
Artikolu 45
Rekwiżiti għal ċertifikati kwalifikati għall-awtentikazzjoni ta’ siti elettroniċi
Artikolu 45a
Miżuri ta’ prekawzjoni taċ-ċibersigurtà
TAQSIMA 9
attestazzjoni elettronika tal-attributi
Artikolu 45b
Effetti legali ta’ attestazzjoni elettronika tal-attributi
Artikolu 45c
Attestazzjoni elettronika tal-attributi f’servizzi pubbliċi
Fejn identifikazzjoni elettronika li tuża mezz ta’ identifikazzjoni elettronika u l-awtentikazzjoni tkun meħtieġa skont il-liġi nazzjonali biex jiġi aċċessat servizz online pprovdut minn korp tas-settur pubbliku, id-data ta’ identifikazzjoni ta’ persuna fl-attestazzjoni elettronika tal-attributi ma għandhiex tissostitwixxi l-identifikazzjoni elettronika bl-użu ta’ mezz ta’ identifikazzjoni elettronika u awtentikazzjoni għall-identifikazzjoni elettronika sakemm dan ma jkunx speċifikament permess mill-Istat Membru. F’dan il-każ, għandha tiġi aċċettata wkoll attestazzjoni elettronika kwalifikata tal-attributi minn Stati Membri oħra.
Artikolu 45d
Rekwiżiti għal attestazzjoni elettronika kwalifikata tal-attributi
Artikolu 45e
Verifika ta’ attributi ma’ sorsi awtentiċi
Artikolu 45f
Rekwiżiti għall-attestazzjoni elettronika tal-attributi maħruġa minn jew f’isem korp tas-settur pubbliku responsabbli għal sors awtentiku.
Attestazzjoni elettronika tal-attributi maħruġa minn jew f’isem korp tas-settur pubbliku responsabbli għal sors awtentiku għandha tissodisfa r-rekwiżiti li ġejjin:
dawk stabbiliti fl-Anness VII;
iċ-ċertifikat kwalifikat li jappoġġa l-firma elettronika kwalifikata jew is-siġill elettroniku kwalifikat tal-korp tas-settur pubbliku msemmi fl-Artikolu 3, il-punt (46), identifikat bħala l-emittent imsemmi fil-punt (b), tal-Anness VII, ikun fih sett speċifiku ta’ attributi ċċertifikati f’forma xierqa għall-ipproċessar awtomatizzat u:
li jindika li l-korp emittenti huwa stabbilit f’konformità mad-dritt tal-Unjoni jew il-liġi nazzjonali bħala r-responsabbli għas-sors awtentiku li abbażi tiegħu tinħareġ l-attestazzjoni elettronika tal-attributi jew bħala l-korp maħtur biex jaġixxi f’ismu;
li jipprovdi sett ta’ data li jirrappreżenta mingħajr ambigwità s-sors awtentiku msemmi fil-punt (i); u
li jidentifika d-dritt tal-Unjoni jew nazzjonali msemmija fil-punt (i).
Artikolu 45g
Ħruġ ta’ attestazzjoni elettronika tal-attributi lill-Kartieri Ewropej tal-Identità Diġitali
Artikolu 45h
Regoli addizzjonali għall-forniment ta’ attestazzjoni elettronika tal-attributi
TAQSIMA 10
servizzi ta’ arkivjar elettroniku
Artikolu 45i
Effett legali tas-servizzi ta’ arkivjar elettroniku
Artikolu 45j
Rekwiżiti għal servizzi ta’ arkivjar elettroniku kwalifikat
Is-servizzi ta’ arkivjar elettroniku kwalifikat għandhom jissodisfaw ir-rekwiżiti li ġejjin:
jiġu pprovduti minn fornituri kwalifikati ta’ servizzi fiduċjarji;
jużaw proċeduri u teknoloġiji li kapaċi jiżguraw id-durabbiltà u l-leġibbiltà ta’ data elettronika u dokumenti elettroniċi lil hinn mill-perjodu ta’ validità teknoloġika u mill-inqas matul il-perjodu ta’ preservazzjoni legali jew kuntrattwali, filwaqt li jżommu l-integrità u l-preċiżjoni tal-oriġini tagħhom;
jiżguraw li dik id-data elettronika u dawk id-dokumenti elettroniċi jiġu ppreservati b’tali mod li tiġi salvagwardata mit-telf u l-alterazzjoni, ħlief għal bidliet li jikkonċernaw il-mezz jew il-format elettroniku tagħha;
għandhom jippermettu lill-partijiet dipendenti awtorizzati jirċievu rapport b’mod awtomatizzat li jikkonferma li data elettronika u dokumenti elettroniċi miksuba minn arkivju elettroniku kwalifikat tgawdi l-preżunzjoni tal-integrità tad-data mill-bidu tal-perjodu ta’ preservazzjoni sal-mument tal-irkupru.
Dak ir-rapport imsemmi fil-punt (d) tal-ewwel subparagrafu għandu jiġi pprovdut b’mod affidabbli u effiċjenti u għandu jkollu l-firma elettronika kwalifikata jew is-siġill elettroniku kwalifikat tal-fornitur tas-servizz ta’ arkivjar elettroniku kwalifikat.
TAQSIMA 11
reġistri elettroniċi
Artikolu 45k
Effetti legali tar-reġistri elettroniċi
Artikolu 45l
Rekwiżiti għal reġistri elettroniċi kwalifikati
Ir-reġistri elettroniċi kwalifikati għandhom jissodisfaw ir-rekwiżiti li ġejjin:
jinħolqu u jkunu mmaniġġati minn fornitur kwalifikat wieħed jew aktar ta’ servizzi fiduċjarji;
jistabbilixxu l-oriġini tar-rekords tad-data fir-reġistru;
jiżguraw l-ordni kronoloġiku sekwenzjali uniku tar-rekords tad-data fir-reġistru;
jirreġistraw id-data b’tali mod li kwalunkwe bidla sussegwenti fid-data tkun tista’ tiġi identifikata minnufih, li tiżgura l-integrità tagħhom tul iż-żmien.
KAPITOLU IV
DOKUMENTI ELETTRONIĊI
Artikolu 46
Effetti legali ta’ dokumenti elettroniċi
Dokument elettroniku ma għandux jiġi miċħud effett legali u ammissibilità bħala evidenza fi proċeduri legali għas-sempliċi raġuni li jkun f’forma elettronika.
KAPITOLU IVa
QAFAS TA’ GOVERNANZA
Artikolu 46a
Superviżjoni tal-Qafas tal-Kartiera Ewropea tal-Identità Diġitali
Il-korpi superviżorji maħtura skont l-ewwel subparagrafu għandhom jingħataw is-setgħat meħtieġa u r-riżorsi adegwati biex iwettqu l-kompiti tagħhom b’mod effettiv, effiċjenti u indipendenti.
Ir-rwol tal-korp superviżorju maħtur skont il-paragrafu 1 għandu jkun:
li jwettaq superviżjoni tal-fornituri tal-Kartieri Ewropej tal-Identità Diġitali stabbiliti fl-Istat Membru li jinnomina u, permezz ta’ attivitajiet superviżorji ex ante u ex post, jiżgura li dawk il-fornituri u l-Kartieri Ewropej tal-Identità Diġitali li huma jipprovdu, jissodisfaw ir-rekwiżiti stabbiliti f’dan ir-Regolament;
li jieħu azzjoni, jekk ikun meħtieġ, fir-rigward tal-fornituri tal-Kartieri Ewropej tal-Identità Diġitali stabbiliti fit-territorju tal-Istat Membru li jinnomina, permezz ta’ attivitajiet superviżorji ex post, meta jiġi infurmat li l-fornituri jew il-Kartieri Ewropej tal-Identità Diġitali li huma jipprovdu jkunu qed jiksru dan ir-Regolament.
Il-kompiti tal-korpi superviżorji maħtura skont il-paragrafu għandhom jinkludu b’mod partikolari dan li ġej:
li jikkooperaw ma’ korpi superviżorji oħra u jipprovdulhom assistenza f’konformità mal-Artikoli 46c u 46e;
li jitolbu l-informazzjoni meħtieġa għall-monitoraġġ tal-konformità ma’ dan ir-Regolament;
li jinfurmaw lill-awtoritajiet kompetenti rilevanti maħtura jew stabbiliti skont l-Artikolu 8(1) tad-Direttiva (UE) 2022/2555 tal-Istati Membri kkonċernati dwar kwalunkwe ksur sinifikanti tas-sigurtà jew telf ta’ integrità li jsiru jafu bih fit-twettiq tal-kompiti tagħhom u, fil-każ ta’ ksur sinifikanti ta’ sigurtà jew telf ta’ integrità li jikkonċerna Stati Membri oħra, jinfurmaw lill-punt uniku ta’ kuntatt maħtur jew stabbilit skont l-Artikolu 8(3) tad-Direttiva (UE) 2022/2555 tal-Istat Membru kkonċernat u l-punti uniċi ta’ kuntatt maħtura skont l-Artikolu 46c(1) ta’ dan ir-Regolament fl-Istati Membri l-oħra kkonċernati, u jinfurmaw lill-pubbliku jew jeħtieġu lill-fornituri tal-Kartiera Ewropea tal-Identità Diġitali jagħmlu dan meta l-korp superviżorju jiddetermina li l-iżvelar tal-ksur tas-sigurtà jew tat-telf ta’ integrità jkun fl-interess pubbliku;
li jwettqu spezzjonijiet fuq il-post u superviżjoni mhux fuq il-post;
li jirrikjedu li l-fornituri tal-Kartieri Ewropej tal-Identità Diġitali jirrimedjaw kwalunkwe nuqqas milli jissodisfaw ir-rekwiżiti stabbiliti f’dan ir-Regolament;
li jissospendu jew jikkanċellaw ir-reġistrazzjoni u l-inklużjoni ta’ partijiet dipendenti fil-mekkaniżmu msemmi fl-Artikolu 5b(7) fil-każ ta’ użu illegali jew frodulenti tal-Kartiera Ewropea tal-Identità Diġitali;
li jikkooperaw mal-awtoritajiet superviżorji kompetenti stabbiliti skont l-Artikolu 51 tar-Regolament (UE) 2016/679, b’mod partikolari, billi jinfurmawhom mingħajr dewmien żejjed, fejn ikun jidher li jkunu nkisru r-regoli dwar il-protezzjoni tad-data personali u dwar ksur ta’ sigurtà li jidher li jikkostitwixxi ksur ta’ data personali.
Artikolu 46b
Superviżjoni tas-servizzi fiduċjarji
Il-korpi superviżorji maħtura skont l-ewwel subparagrafu għandhom jingħataw is-setgħat neċessarji u riżorsi adegwati għat-twettiq tal-kompiti tagħhom.
Ir-rwol tal-korpi superviżorji maħtura skont il-paragrafu 1 għandu jkun:
li jwettqu superviżjoni tal-fornituri kwalifikati ta’ servizzi fiduċjarji stabbiliti fit-territorju tal-Istat Membru u jiżguraw, permezz ta’ attivitajiet superviżorji ex ante u ex post, li dawk il-fornituri kwalifikati ta’ servizzi fiduċjarji u s-servizzi fiduċjarji kwalifikati li huma jipprovdu jissodisfaw ir-rekwiżiti stabbiliti f’dan ir-Regolament;
li jieħdu azzjoni, jekk ikun meħtieġ, fir-rigward ta’ fornituri mhux kwalifikati ta’ servizzi fiduċjarji stabbiliti fit-territorju tal-Istat Membru li jinnomina, permezz ta’ attivitajiet superviżorji ex post, meta jiġu infurmati li dawk il-fornituri mhux kwalifikati ta’ servizzi fiduċjarji jew is-servizzi fiduċjarji li huma jipprovdu allegatament ma jissodisfawx ir-rekwiżiti stabbiliti f’dan ir-Regolament.
Il-kompiti tal-korp superviżorju maħtur skont il-paragrafu 1 għandhom jinkludu b’mod partikolari dan li ġej:
li jinforma lill-awtoritajiet kompetenti rilevanti maħtura jew stabbiliti skont l-Artikolu 8(1) tad-Direttiva (UE) 2022/2555 tal-Istati Membri kkonċernati dwar kwalunkwe ksur sinifikanti tas-sigurtà jew telf ta’ integrità li jsir jaf bih fit-twettiq tal-kompiti tiegħu u, fil-każ ta’ ksur sinifikanti tas-sigurtà jew telf ta’ integrità li jikkonċerna Stati Membri oħra, jinforma lill-punt uniku ta’ kuntatt maħtur jew stabbilit skont l-Artikolu 8(3) tad-Direttiva (UE) 2022/2555 tal-Istat Membru kkonċernat u l-punti uniċi ta’ kuntatt maħtura skont l-Artikolu 46c(1) ta’ dan ir-Regolament fl-Istati Membri l-oħra kkonċernati, u jinforma lill-pubbliku jew jitlob lill-fornitur tas-servizzi fiduċjarji jagħmel dan meta l-korp superviżorju jiddetermina li l-iżvelar tal-ksur tas-sigurtà jew telf ta’ integrità jkun fl-interess pubbliku;
li jikkooperaw ma’ korpi superviżorji oħra u jipprovdulhom assistenza f’konformità mal-Artikoli 46c u 46e;
li janalizza r-rapporti dwar il-valutazzjoni tal-konformità msemmija fl-Artikolu 20(1) u l-Artikolu 21(1);
li jirrapporta lill-Kummissjoni dwar l-attivitajiet prinċipali tiegħu f’konformità mal-paragrafu 6 ta’ dan l-Artikolu;
li jwettaq awditi jew jitlob lil korp ta’ valutazzjoni tal-konformità jwettaq valutazzjoni tal-konformità tal-fornituri kwalifikati ta’ servizzi fiduċjarji f’konformità mal-Artikolu 20(2);
li jikkoopera mal-awtoritajiet superviżorji kompetenti stabbiliti skont l-Artikolu 51 tar-Regolament (UE) 2016/679, b’mod partikolari, billi jinfurmahom, mingħajr dewmien żejjed, fejn ikun jidher li jkunu nkisru r-regoli dwar il-protezzjoni tad-data personali u dwar ksur ta’ sigurtà li jidher li jikkostitwixxi ksur ta’ data personali;
li jagħti l-istatus kwalifikat lill-fornituri ta’ servizzi fiduċjarji u lis-servizzi li huma jipprovdu u jirtira dak l-istatus f’konformità mal-Artikoli 20 u 21;
li jinforma lill-korp responsabbli għal-lista affidabbli nazzjonali msemmija fl-Artikolu 22(3) dwar id-deċiżjonijiet tiegħu li jagħti jew jirtira l-istatus kwalifikat, għajr jekk dak il-korp ikun ukoll il-korp superviżorju maħtur skont il-paragrafu 1 ta’ dan l-Artikolu;
li jivverifika l-eżistenza u l-applikazzjoni korretta tad-dispożizzjonijiet dwar pjanijiet ta’ terminazzjoni fejn il-fornitur kwalifikat ta’ servizzi fiduċjarji jwaqqaf l-attivitajiet tiegħu, inkluż kif l-informazzjoni tinżamm aċċessibbli f’konformità mal-Artikolu 24(2), il-punt (h);
li jirrikjedi li l-fornituri ta’ servizzi fiduċjarji jirrimedjaw kwalunkwe nuqqas milli jissodisfaw ir-rekwiżiti stabbiliti f’dan ir-Regolament;
li jinvestiga dikjarazzjonijiet magħmula minn fornituri tal-browsers tal-web skont l-Artikolu 45a u li jieħu azzjoni jekk ikun meħtieġ.
Artikolu 46c
Punti uniċi ta’ kuntatt
Artikolu 46d
Assistenza reċiproka
L-assistenza reċiproka għandha mill-inqas tinvolvi li:
il-korp superviżorju li japplika miżuri superviżorji u ta’ infurzar fi Stat Membru wieħed għandu jinforma u jikkonsulta lill-korp superviżorju tal-Istat Membru l-ieħor ikkonċernat;
korp superviżorju jista’ jitlob lill-korp superviżorju tal-Istat Membru l-ieħor ikkonċernat jieħu miżuri superviżorji jew ta’ infurzar, inkluż, pereżempju, talbiet biex jitwettqu spezzjonijiet relatati mar-rapporti ta’ valutazzjoni tal-konformità kif imsemmi fl-Artikoli 20 u 21 rigward il-forniment ta’ servizzi fiduċjarji;
fejn xieraq, il-korpi superviżorji jistgħu jwettqu investigazzjonijiet konġunti mal-korpi superviżorji ta’ Stati Membri oħra.
L-arranġamenti u l-proċeduri għal investigazzjonijiet konġunti skont l-ewwel subparagrafu għandhom jiġu maqbula u stabbiliti mill-Istati Membri kkonċernati f’konformità mal-liġi nazzjonali tagħhom.
Korp superviżorju li jirċievi talba għal assistenza jista’ jirrifjuta dik it-talba għal kwalunkwe waħda mir-raġunijiet li ġejjin:
l-assistenza mitluba ma tkunx proporzjonata mal-attivitajiet superviżorji tal-korp superviżorju mwettqa f’konformità mal-Artikoli 46a u 46b;
il-korp superviżorju ma jkunx kompetenti biex jipprovdi l-assistenza mitluba;
l-għoti tal-assistenza mitluba ma jkunx kompatibbli ma’ dan ir-Regolament.
Artikolu 46e
Il-Grupp ta’ Kooperazzjoni dwar l-Identità Diġitali Ewropea
Il-Grupp ta’ Kooperazzjoni għandu jkollu l-kompiti li ġejjin:
jiskambja pariri u jikkoopera mal-Kummissjoni dwar inizjattivi ta’ politika emerġenti fil-qasam tal-kartieri tal-identità diġitali, il-mezzi ta’ identifikazzjoni elettronika u s-servizzi fiduċjarji;
jagħti pariri lill-Kummissjoni, kif xieraq, fit-tħejjija bikrija ta’ abbozzi ta’ atti ta’ implimentazzjoni u atti delegati li għandhom jiġu adottati skont dan ir-Regolament;
sabiex jagħti appoġġ lill-korpi superviżorji fl-implimentazzjoni tad-dispożizzjonijiet ta’ dan ir-Regolament:
jiskambja l-aħjar prattiki u informazzjoni rigward l-implimentazzjoni tad-dispożizzjonijiet ta' dan ir-Regolament;
jivvaluta l-iżviluppi rilevanti fis-setturi tal-kartieri tal-identità diġitali, l-identifikazzjoni elettronika u s-servizzi fiduċjarji;
jorganizza laqgħat konġunti ma' partijiet interessati rilevanti minn madwar l-Unjoni biex jiddiskuti l-attivitajiet imwettqa mill-grupp ta’ kooperazzjoni u jiġbor kontributi dwar sfidi emerġenti ta' politika;
bl-appoġġ tal-ENISA, jiskambja fehmiet, l-aħjar prattiki u informazzjoni dwar aspetti rilevanti taċ-ċibersigurtà li jikkonċernaw il-Kartieri Ewropej tal-Identità Diġitali, l-iskemi ta’ identifikazzjoni elettronika u s-servizzi fiduċjarji;
jiskambja l-aħjar prattiki fir-rigward tal-iżvilupp u l-implimentazzjoni ta' politiki dwar in-notifika ta' ksur tas-sigurtà, u miżuri komuni kif imsemmi fl-Artikoli 5e u 10;
jorganizza laqgħat konġunti mal-Grupp ta’ Kooperazzjoni tal-NIS stabbilit skont l-Artikolu 14(1) tad-Direttiva (UE) 2022/2555 biex jiskambja informazzjoni rilevanti relatata mas-servizzi fiduċjarji u l-identifikazzjoni elettronika b’rabta mat-theddid ċibernetiku, l-inċidenti, il-vulnerabbiltajiet, l-inizjattivi ta’ sensibilizzazzjoni, it-taħriġ, l-eżerċizzji u l-ħiliet, il-bini tal-kapaċità, il-kapaċità fil-qasam tal-istandards u l-ispeċifikazzjonijiet tekniċi kif ukoll l-istandards u l-ispeċifikazzjonijiet tekniċi;
jiddiskuti, fuq talba ta’ korp superviżorju, talbiet speċifiċi għal assistenza reċiproka kif imsemmi fl-Artikolu 46d;
jiffaċilita l-iskambju ta’ informazzjoni bejn il-korpi superviżorji billi jipprovdi gwida dwar l-aspetti u l-proċeduri organizzattivi għall-assistenza reċiproka msemmija fl-Artikolu 46d;
jorganizza rieżamijiet bejn il-pari tal-iskemi ta’ identifikazzjoni elettronika li għandhom jiġu nnotifikati taħt dan ir-Regolament.
KAPITOLU V
DELEGA TA’ SETGĦA U DISPOŻIZZJONIJIET TA’ IMPLIMENTAZZJONI
Artikolu 47
Eżerċizzju tad-delega
Artikolu 48
Proċedura ta’ kumitat
KAPITOLU VI
DISPOŻIZZJONIJIET FINALI
Artikolu 48a
Rekwiżiti ta’ rappurtar
L-istatistika miġbura f’konformità mal-paragrafu 1 għandha tinkludi dan li ġej:
l-għadd ta’ persuni fiżiċi u ġuridiċi li jkollhom Kartiera Ewropea tal-Identità Diġitali valida;
it-tip u l-għadd ta’ servizzi li jaċċettaw l-użu tal-Kartiera Ewropea tal-Identità Diġitali;
l-għadd ta' ilmenti tal-utenti u inċidenti marbuta ma’ protezzjoni tal-konsumatur jew ma' protezzjoni tad-data relatati ma' partijiet dipendenti u servizzi fiduċjarji kwalifikati;
rapport ta’ sinteżi li jinkludi data dwar inċidenti fejn ġie pprevenut l-użu tal-Kartiera Ewropea tal-Identità Diġitali;
sommarju tal-inċidenti sinifikanti ta’ sigurtà, ta' ksur tad-data u ta' utenti milquta ta' Kartieri Ewropej tal-Identità Diġitali jew ta’ servizzi fiduċjarji kwalifikati.
Artikolu 49
Reviżjoni
Artikolu 50
Tħassir
Artikolu 51
Miżuri tranżizzjonali
Artikolu 52
Dħul fis-seħħ
Dan ir-Regolament għandu japplika mill-1 ta’ Lulju 2016, bl-eċċezzjoni tal-Artikoli li ġejjin:
l-Artikoli 8(3), 9(5), 12(2) sa (9), 17(8), 19(4), 20(4), 21(4), 22(5), 23(3), 24(5), 27(4) u (5), 28(6), 29(2), 30(3) u (4), 31(3), 32(3), 33(2), 34(2), 37(4) u (5), 38(6), 42(2), 44(2), 45(2) u l-Artikoli 47 u 48 għandhom japplikaw mis-17 ta’ Settembru 2014;
l-Artikolu 7, l-Artikolu 8(1) u (2), l-Artikoli 9, 10, 11 u l-Artikolu 12(1), għandhom japplikaw mid-data tal-applikazzjoni tal-atti ta’ implimentazzjoni msemmija fl-Artikoli 8(3) u 12(8);
l-Artikolu 6 għandu japplika wara tliet snin mid-data tal-applikazzjoni tal-atti ta’ implimentazzjoni msemmija fl-Artikoli 8(3) u 12(8).
Dan ir-Regolament għandu jorbot fl-intier tiegħu u japplika direttament fl-Istati Membri kollha.
ANNESS I
REKWIŻITI GĦAĊ-ĊERTIFIKATI KWALIFIKATI GĦALL-FIREM ELETTRONIĊI
Iċ-ċertifikati kwalifikati għall-firem elettroniċi għandu jkun fihom:
indikazzjoni, tal-anqas f’forma adegwata għall-ipproċessar awtomatizzat, li ċ-ċertifikat ikun inħareġ bħala ċertifikat kwalifikat għall-firma elettronika;
sett ta’ data li jirrappreżenta mingħajr ambigwità l-fornitur ta’ servizzi fiduċjarji kwalifikat li joħroġ ċertifikati kwalifikati inkluż tal-anqas, l-Istat Membru li fih il-fornitur ikun stabbilit u
tal-anqas l-isem tal-firmatarju, jew psewdonimu; Jekk jintuża psewdonimu, dan għandu jiġi indikat b’mod ċar;
data ta’ validazzjoni tal-firma elettronika li tikkorrispondi mad-data tal-ħolqien ta’ firma elettronika;
dettalji tal-bidu u t-tmiem tal-perijodu ta’ validità taċ-ċertifikat;
il-kodiċi tal-identità taċ-ċertifikat, li għandu jkun uniku għall-fornitur ta’ servizzi fiduċjarji kwalifikat;
il-firma elettronika avvanzata jew is-siġill elettroniku avvanzat tal-fornitur ta’ servizzi fiduċjarji kwalifikat li qed joħorġu;
il-post fejn iċ-ċertifikat li jappoġġa l-firma elettronika avvanzata jew is-siġill elettroniku avvanzat imsemmi fil-punt (g) ikun disponibbli mingħajr ħlas;
l-informazzjoni jew il-post tas-servizzi li jistgħu jintużaw biex tinkiseb informazzjoni dwar l-istatus ta’ validità taċ-ċertifikat kwalifikat;
meta d-data tal-ħolqien ta’ firem elettroniċi relatata mad-data ta’ validazzjoni tal-firem elettroniċi tkun tinsab f’apparat kwalifikat għall-ħolqien ta’ firem elettroniċi, indikazzjoni adatta ta’ dan, tal-inqas f’forma adegwata għall-ipproċessar awtomatizzat.
ANNESS II
REKWIŻITI GĦAL APPARAT KWALIFIKAT GĦALL-ĦOLQIEN TA’ FIREM ELETTRONIĊI
1. Apparat kwalifikat għall-ħolqien ta’ firem elettroniċi għandu jiżgura, b’mezzi tekniċi u proċedurali adatti, li tal-anqas:
tkun żgurata raġonevolment il-kunfidenzjalità tad-data tal-ħolqien ta’ firem elettroniċi użata għall-ħolqien ta’ firem elettroniċi;
id-data tal-ħolqien ta’ firem użata għall-ħolqien ta’ firem elettroniċi tkun tista’ sseħħ prattikament darba biss;
id-data tal-ħolqien ta’ firem elettroniċi użata għall-ħolqien ta’ firem elettroniċi ma tistax, bi żgurar raġonevoli, tinkiseb u l-firma elettronika tkun protetta b’mod affidabbli kontra l-falsifikazzjoni bl-użu ta’ teknoloġija disponibbli attwalment;
id-data tal-ħolqien ta’ firem elettroniċi użata għall-ħolqien ta’ firem elettroniċi tista’ tkun protetta b’mod affidabbli mill-firmatarju leġittimu kontra l-użu minn persuni oħrajn.
2. Apparat kwalifikat għall-ħolqien ta’ firem elettroniċi ma għandux ibiddel id-data li għandha tiġi ffirmata jew jipprevjeni data bħal din milli tiġi ppreżentata lill-firmatarju qabel il-proċess tal-firma.
▼M2 —————
ANNESS III
REKWIŻITI GĦAĊ-ĊERTIFIKATI KWALIFIKATI GĦAS-SIĠILLI ELETTRONIĊI
Iċ-ċertifikati kwalifikati għas-siġilli elettroniċi għandu jkun fihom:
indikazzjoni, tal-anqas f’forma adegwata għall-ipproċessar awtomatizzat, li ċ-ċertifikat ikun inħareġ bħala ċertifikat kwalifikat għas-siġill elettroniku;
sett ta’ data li jirrappreżenta mingħajr ambigwità l-fornitur ta’ servizzi fiduċjarji kwalifikat li joħroġ ċertifikati kwalifikati inkluż tal-anqas, l-Istat Membru li fih il-fornitur ikun stabbilit u
tal-anqas l-isem tal-kreatur tas-siġill u, fejn applikabbli, in-numru ta’ reġistrazzjoni kif jidhru fir-rekords uffiċjali;
data ta’ validazzjoni tas-siġill elettroniku, li tkun tikkorrispondi mad-data tal-ħolqien ta’ siġill elettroniku;
dettalji tal-bidu u t-tmiem tal-perijodu ta’ validità taċ-ċertifikat;
il-kodiċi tal-identità taċ-ċertifika,t li għandu jkun uniku għall-fornitur ta’ servizzi fiduċjarji kwalifikat;
il-firma elettronika avvanzata jew is-siġill elettroniku avvanzat tal-fornitur ta’ servizzi fiduċjarji kwalifikat li qed joħorġu;
il-post fejn iċ-ċertifikat li jappoġġa l-firma elettronika avvanzata jew is-siġill elettroniku avvanzat imsemmi fil-punt (g) ikun disponibbli mingħajr ħlas;
l-informazzjoni jew il-post tas-servizzi li jistgħu jintużaw biex tinkiseb informazzjoni dwar l-istatus ta’ validità taċ-ċertifikat kwalifikat;
meta d-data tal-ħolqien ta’ siġill elettroniku relatata mad-data ta’ validazzjoni tas-siġill elettroniku tkun tinsab f’apparat kwalifikat għall-ħolqien ta’ siġilli elettroniċi, indikazzjoni adatta ta’ dan, tal-anqas f’forma adegwata għall-ipproċessar awtomatizzat.
ANNESS IV
REKWIŻITI GĦAĊ-ĊERTIFIKATI KWALIFIKATI GĦALL-AWTENTIKAZZJONI TA’ SITI ELETTRONIĊI
Iċ-ċertifikati kwalifikati għall-awtentikazzjoni ta’ siti elettroniċi għandu jkun fihom:
indikazzjoni, tal-anqas f’forma adegwata għall-ipproċessar awtomatizzat, li ċ-ċertifikat ikun inħareġ bħala ċertifikat kwalifikat għall-awtentikazzjoni ta’ siti elettroniċi;
sett ta’ data li jirrappreżenta mingħajr ambigwità l-fornitur ta’ servizzi fiduċjarji kwalifikat li joħroġ ċertifikati kwalifikati inkluż tal-anqas, l-Istat Membru li fih il-fornitur ikun stabbilit u
għall-persuni fiżiċi: tal-inqas l-isem tal-persuna li lilha jkun inħareġ iċ-ċertifikat, jew psewdonimu. Jekk jintuża psewdonimu, dan għandu jiġi indikat b’mod ċar;
għall-persuni ġuridiċi: sett uniku ta’ data li jirrappreżenta mingħajr ambigwità lill-persuna ġuridika li lilha jkun inħareġ iċ-ċertifikat, b’mill-inqas l-isem tal-persuna ġuridika li lilha jkun inħareġ iċ-ċertifikat u, fejn applikabbli, in-numru ta’ reġistrazzjoni kif iddikjarat fir-rekords uffiċjali;
elementi tal-indirizz, inkluż tal-inqas il-belt u l-Istat, tal-persuna fiżika jew ġuridika li lilha jkun inħareġ iċ-ċertifikat u, fejn applikabbli, kif jidhru fir-rekords uffiċjali;
l-isem/ismijiet tad-dominju mħaddma mill-persuna fiżika jew ġuridika li lilha jkun inħareġ iċ-ċertifikat;
dettalji tal-bidu u t-tmiem tal-perijodu ta’ validità taċ-ċertifikat;
il-kodiċi tal-identità taċ-ċertifikat, li għandu jkun uniku għall-fornitur ta’ servizzi fiduċjarji kwalifikat;
il-firma elettronika avvanzata jew is-siġill elettroniku avvanzat tal-fornitur ta’ servizzi fiduċjarji kwalifikat li qed joħorġu;
il-post fejn iċ-ċertifikat li jappoġġa l-firma elettronika avvanzata jew is-siġill elettroniku avvanzat imsemmi fil-punt (h) ikun disponibbli mingħajr ħlas;
l-informazzjoni jew il-post tas-servizzi tal-istatus ta’ validità taċ-ċertifikat li jistgħu jintużaw biex tinkiseb informazzjoni dwar l-istatus ta’ validità taċ-ċertifikat kwalifikat.
ANNESS V
REKWIŻITI GĦAL ATTESTAZZJONI ELETTRONIKA KWALIFIKATA TAL-ATTRIBUTI
Attestazzjoni elettronika kwalifikata tal-attributi għandu jkun fiha:
indikazzjoni, tal-inqas f’forma adatta għall-ipproċessar awtomatizzat, li l-attestazzjoni nħarġet bħala attestazzjoni elettronika kwalifikata tal-attributi;
sett ta’ data li jirrappreżenta mingħajr ambigwità lill-fornitur kwalifikat ta’ servizzi fiduċjarji li joħroġ attestazzjoni elettronika kwalifikata tal-attributi inkluż tal-inqas, l-Istat Membru ta’ stabbiliment tal-fornitur u:
għal persuna ġuridika: l-isem u, meta applikabbli, in-numru ta’ reġistrazzjoni kif jidhru fir-rekords uffiċjali,
għal persuna fiżika: l-isem tal-persuna;
sett ta’ data li jirrappreżenta mingħajr ambigwità l-entità li għaliha jirreferu l-attributi attestati; jekk jintuża psewdonimu, dan għandu jiġi indikat b’mod ċar;
l-attribut jew l-attributi attestati, inkluż, fejn applikabbli, l-informazzjoni meħtieġa biex jiġi identifikat l-ambitu ta’ dawk l-attributi;
dettalji tal-bidu u t-tmiem tal-perjodu ta’ validità tal-attestazzjoni;
il-kodiċi tal-identità tal-attestazzjoni, li jrid ikun uniku għall-fornitur kwalifikat ta’ servizzi fiduċjarji u, jekk applikabbli, l-indikazzjoni tal-iskema ta’ attestazzjonijiet li l-attestazzjoni tal-attributi tkun parti minnha;
il-firma elettronika kwalifikata jew is-siġill elettroniku kwalifikat tal-fornitur kwalifikat emittenti ta’ servizzi fiduċjarji;
il-post fejn iċ-ċertifikat li jappoġġa l-firma elettronika kwalifikata jew is-siġill elettroniku kwalifikat imsemmija fil-punt (g) ikun disponibbli mingħajr ħlas;
l-informazzjoni jew il-post tas-servizzi li jistgħu jintużaw biex tinkiseb informazzjoni dwar l-istatus ta’ validità tal-attestazzjoni kwalifikata.
ANNESS VI
LISTA MINIMA TA’ ATTRIBUTI
Skont l-Artikolu 45e, l-Istati Membri għandhom jiżguraw li jittieħdu miżuri biex il-fornituri ta’ servizzi fiduċjarji kwalifikati tal-attestazzjonijiet elettroniċi tal-attributi jkunu jistgħu jivverifikaw b’mezzi elettroniċi meta jintalbu mill-utent, l-awtentiċità tal-attributi li ġejjin kontra s-sors awtentiku rilevanti fil-livell nazzjonali jew permezz ta’ intermedjarji deżinjati rikonoxxuti fil-livell nazzjonali, f’konformità mad-dritt tal-Unjoni jew nazzjonali u meta dawn l-attributi jkunu jiddependu fuq sorsi awtentiċi fis-settur pubbliku:
Indirizz;
Età;
Ġeneru;
Status ċivili;
Kompożizzjoni tal-familja;
Nazzjonalità jew ċittadinanza;
Kwalifiki, titli u liċenzji tal-edukazzjoni;
Kwalifiki, titli u liċenzji professjonali;
Setgħat u mandati għar-rappreżentanza ta’ persuni fiżiċi jew ġuridiċi
Permessi u liċenzji pubbliċi;
Għall-persuni ġuridiċi, data finanzjarja u dwar il-kumpanija.
ANNESS VII
REKWIŻITI GĦALL-ATTESTAZZJONI ELETTRONIKA TA’ ATTRIBUTI MAĦRUĠA MINN JEW F’ISEM KORP TAS-SETTUR PUBBLIKU RESPONSABBLI GĦAL SORS AWTENTIKU
Attestazzjoni elettronika tal-attributi maħruġa minn jew f’isem korp pubbliku responsabbli għal sors awtentiku għandu jkun fiha:
indikazzjoni, tal-inqas f’forma adatta għall-ipproċessar awtomatizzat, li l-attestazzjoni nħarġet bħala attestazzjoni elettronika tal-attributi maħruġa minn jew f’isem korp pubbliku responsabbli għal sors awtentiku;
sett ta’ data li jirrappreżenta mingħajr ambigwità lill-korp pubbliku li joħroġ l-attestazzjoni elettronika tal-attributi, inkluż mill-inqas, l-Istat Membru li fih ikun stabbilit dak il-korp pubbliku u ismu u, fejn applikabbli, in-numru tar-reġistrazzjoni tiegħu kif iddikjarat fir-rekords uffiċjali;
sett ta’ data li jirrappreżenta mingħajr ambigwità lill-entità li għaliha jirreferu l-attributi attestati; jekk jintuża psewdonimu, dan għandu jiġi indikat b’mod ċar;
l-attribut jew l-attributi attestati, inkluż, fejn applikabbli, l-informazzjoni meħtieġa biex jiġi identifikat l-ambitu ta’ dawk l-attributi;
dettalji tal-bidu u t-tmiem tal-perjodu ta’ validità tal-attestazzjoni;
il-kodiċi tal-identità tal-attestazzjoni, li jrid ikun uniku għall-korp pubbliku emittenti u, jekk applikabbli, indikazzjoni tal-iskema ta’ attestazzjonijiet li l-attestazzjoni tal-attributi tkun parti minnha;
il-firma elettronika kwalifikata jew is-siġill elettroniku kwalifikat tal-korp emittenti;
il-post fejn iċ-ċertifikat li jappoġġa l-firma elettronika kwalifikata jew is-siġill elettroniku kwalifikat imsemmija fil-punt (g) ikun disponibbli mingħajr ħlas;
l-informazzjoni jew il-post tas-servizzi li jistgħu jintużaw biex tinkiseb informazzjoni dwar l-istatus ta’ validità tal-attestazzjoni.
( 1 ) Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data), (ĠU L 119, 4.5.2016, p. 1).
( 2 ) Direttiva 2014/24/UE tal-Parlament Ewropew u-tal Kunsill tas-26 ta’ Frar 2014 dwar l-akkwist u pubbliku tħassar id-Direttiva 2004/18/KE (GU L 94, 28.3.2014, p. 65).
( 3 ) Id-Direttiva (UE) 2019/882 tal-Parlament Ewropew u tal-Kunsill tas-17 ta’ April 2019 dwar ir-rekwiżiti ta’ aċċessibbiltà għall-prodotti u għas-servizzi (ĠU L 151, 7.6.2019, p. 70).
( 4 ) Ir-Regolament (UE) 2019/881 tal-Parlament Ewropew u tal-Kunsill tas-17 ta’ April 2019 dwar l-ENISA (l-Aġenzija tal-Unjoni Ewropea għaċ-Ċibersigurtà) u dwar iċ-ċertifikazzjoni taċ-ċibersigurtà tat-teknoloġija tal-informazzjoni u tal-komunikazzjoni u li jħassar ir-Regolament (UE) Nru 526/2013 (l-Att dwar iċ-Ċibersigurtà) (ĠU L 151, 7.6.2019, p. 15).
( 5 ) Ir-Rakkomandazzjoni tal-Kummissjoni 2003/361/KE tas-6 ta’ Mejju 2003 dwar id-definizzjoni tal-intrapriżi mikro, żgħar u ta’ daqs medju (ĠU L 124, 20.5.2003, p. 36).
( 6 ) Regolament (UE) 2022/2065 tal-Parlament Ewropew u tal-Kunsill tad-19 ta’ Ottubru 2022 dwar Suq Uniku għas-Servizzi Diġitali u li jemenda d-Direttiva 2000/31/KE (l-Att dwar is-Servizzi Diġitali) (ĠU L 277, 27.10.2022, p. 1).
( 7 ) Regolament (UE) 2022/1925 tal-Parlament Ewropew u tal-Kunsill tal-14 ta’ Settembru 2022dwar swieq kontestabbli u ġusti fis-settur diġitali u li jemenda d-Direttivi (UE) 2019/1937 u (UE) 2020/1828 (l-Att dwar is-Swieq Diġitali) (ĠU L 265, 12.10.2022, p. 1).
( 8 ) Id-Direttiva (UE) 2022/2555 tal-Parlament Ewropew u tal-Kunsill tal-14 ta’ Diċembru 2022dwar miżuri għal livell għoli komuni ta’ ċibersigurtà madwar l-Unjoni kollha, li temenda r-Regolament (UE) Nru 910/2014 u d-Direttiva (UE) 2018/1972, u li tħassar id-Direttiva (UE) 2016/1148 (Direttiva NIS 2) (ĠU L 333, 27.12.2022, p. 80).