1.   Dan ir-Regolament japplika għall-aspetti taċ-ċibersigurtà tal-flussi transfruntieri tal-elettriku fl-attivitajiet tal-entitajiet li ġejjin, jekk jiġu identifikati bħala entitajiet b’impatt kbir jew b’impatt kritiku f’konformità mal-Artikolu 24:

2.   L-awtoritajiet li ġejjin huma, bħala parti mill-mandati kurrenti tagħhom, responsabbli sabiex iwettqu kompiti assenjati f’dan ir-Regolament:

3.   Dan ir-Regolament għandu japplika wkoll għall-entitajiet kollha li ma humiex stabbiliti fl-Unjoni iżda li jipprovdu servizzi lil entitajiet fl-Unjoni, dment li jkunu ġew identifikati bħala entitajiet b’impatt kbir jew kritiku mill-awtoritajiet kompetenti f’konformità mal-Artikolu 24(2).

4.   Dan ir-Regolament huwa mingħajr preġudizzju għar-responsabbiltà tal-Istati Membri li jissalvagwardjaw is-sigurtà nazzjonali u s-setgħa tagħhom li jissalvagwardjaw funzjonijiet Statali essenzjali oħrajn, fosthom l-iżgurar tal-integrità territorjali tal-Istat u ż-żamma tal-ordni pubbliku.

5.   Dan ir-Regolament huwa mingħajr preġudizzju għar-responsabbiltà tal-Istati Membri għas-salvagwardja tas-sigurtà nazzjonali fir-rigward tal-attivitajiet fil-produzzjoni tal-elettriku minn impjanti tal-enerġija nukleari, inklużi attivitajiet fil-katina tal-valur nukleari, f’konformità mat-Trattati.

6.   L-entitajiet, l-awtoritajiet kompetenti, il-punti uniċi ta’ kuntatt fil-livell tal-entitajiet u s-CSIRTs għandhom jipproċessaw id-data personali sa fejn ikun neċessarju għall-finijiet ta’ dan ir-Regolament u f’konformità mar-Regolament (UE) 2016/679, u b’mod partikolari tali proċessar għandu jiddependi fuq l-Artikolu 6 tiegħu.

1.   Mill-aktar fis possibbli u fi kwalunkwe każ sa it-13 ta’ Diċembru 2024, kull Stat Membru għandu jiddeżinja awtorità governattiva jew regolatorja nazzjonali responsabbli għat-twettiq tal-kompiti assenjati lilha f’dan ir-Regolament (“awtorità kompetenti”). Sakemm l-awtorità kompetenti tkun ġiet assenjata twettaq il-kompiti skont dan ir-Regolament, l-awtorità regolatorja deżinjata minn kull Stat Membru skont l-Artikolu 57(1) tad-Direttiva (UE) 2019/944 għandha twettaq il-kompiti tal-awtorità kompetenti f’konformità ma’ dan ir-Regolament.

2.   L-Istati Membri għandhom, mingħajr dewmien, jinnotifikaw lill-Kummissjoni, lill-ACER, lill-ENISA, lill-Grupp ta’ Kooperazzjoni tal-NIS stabbilit skont l-Artikolu 14 tad-Direttiva (UE) 2022/2555 u lill-Grupp ta’ Koordinazzjoni tal-Elettriku stabbilit skont l-Artikolu 1 tad-Deċiżjoni tal-Kummissjoni tal-15 ta’ Novembru 2012 (17) u jikkomunikawlhom l-isem u d-dettalji ta’ kuntatt tal-awtorità kompetenti tagħhom deżinjata skont il-paragrafu 1 dan l-Artikolu u kwalunkwe bidla sussegwenti fiha.

3.   L-Istati Membri jistgħu jippermettu lill-awtorità kompetenti tagħhom tiddelega kompiti assenjati lilha f’dan ir-Regolament lil awtoritajiet nazzjonali oħrajn bl-eċċezzjoni tal-kompiti elenkati fl-Artikolu 5. Kull awtorità kompetenti għandha timmonitorja l-applikazzjoni ta’ dan ir-Regolament mill-awtoritajiet li lilhom tkun iddelegat il-kompiti. L-awtorità kompetenti għandha tikkomunika l-isem, id-dettalji ta’ kuntatt, il-kompiti assenjati u kwalunkwe bidla sussegwenti fihom tal-awtoritajiet li lilhom ikun ġie ddelegat kompitu lill-Kummissjoni, lill-ACER, lill-Grupp ta’ Koordinazzjoni tal-Elettriku, lill-ENISA u lill-Grupp ta’ Kooperazzjoni tal-NIS.

1.   It-TSOs għandhom jiżviluppaw, f’kooperazzjoni mal-entità tal-UE għad-DSO, proposti għat-termini u għall-kundizzjonijiet jew għall-metodoloġiji skont il-paragrafu 2, jew għall-pjanijiet skont il-paragrafu 3.

2.   It-termini u l-kundizzjonijiet jew il-metodoloġiji li ġejjin u kwalunkwe emenda tagħhom għandhom ikunu soġġetti għall-approvazzjoni mill-awtoritajiet kompetenti kollha:

3.   Il-proposti għall-pjanijiet reġjonali ta’ mitigazzjoni tar-riskju għaċ-ċibersigurtà skont l-Artikolu 22 għandhom ikunu soġġetti għall-approvazzjoni mill-awtoritajiet kompetenti kollha tar-reġjun ta’ tħaddim tas-sistema kkonċernat.

4.   Il-proposta għat-termini u għall-kundizzjonijiet, għall-metodoloġiji elenkati fil-paragrafu 2, jew għall-pjanijiet elenkati fil-paragrafu 3, għandha tinkludi skeda ta’ żmien proposta għall-implimentazzjoni tagħhom u deskrizzjoni tal-impatt mistenni tagħhom fuq l-objettivi ta’ dan ir-Regolament.

5.   L-entità tal-UE għad-DSO tista’ tipprovdi opinjoni motivata lit-TSOs ikkonċernati sa 3 ġimgħat qabel l-iskadenza għas-sottomissjoni tal-proposta għat-termini u għall-kundizzjonijiet jew għall-metodoloġiji jew għall-pjanijiet lill-awtoritajiet kompetenti. It-TSOs responsabbli għall-proposta għat-termini u għall-kundizzjonijiet jew għall-metodoloġiji jew għall-pjanijiet għandhom iqisu l-opinjoni motivata tal-entità tal-UE għad-DSO qabel ma tiġi ppreżentata għall-approvazzjoni tal-awtoritajiet kompetenti. It-TSOs għandhom jipprovdu raġunament meta ma tiġix ikkunsidrata l-opinjoni tal-entità tal-UE għad-DSO.

6.   Meta jiżviluppaw b’mod konġunt it-termini, il-kundizzjonijiet u l-metodoloġiji u l-pjanijiet, it-TSOs parteċipanti għandhom jikkooperaw mill-qrib. It-TSOs, bl-għajnuna tal-ENTSO għall-Elettriku, u f’kooperazzjoni mal-entità tal-UE għad-DSO, għandhom jinformaw regolarment lill-awtoritajiet kompetenti u lill-ACER dwar il-progress fl-iżvilupp tat-termini u tal-kundizzjonijiet jew tal-metodoloġiji, jew tal-pjanijiet.

1.   Meta t-TSOs li jiddeċiedu dwar proposti għat-termini u għall-kundizzjonijiet jew għall-metodoloġiji ma jkunux jistgħu jilħqu ftehim, dawn għandhom jiddeċiedu permezz ta’ votazzjoni b’maġġoranza kwalifikata. Il-maġġoranza kwalifikata għal proposti bħal dawn għandha tiġi kkalkolata kif ġej:

2.   Il-minoranza li timblokka għad-deċiżjonijiet dwar proposti għat-termini u l-kundizzjonijiet jew il-metodoloġiji elenkati fl-Artikolu 6(2) għandha tinkludi TSOs li jirrappreżentaw mill-inqas erba’ Stati Membri, u fin-nuqqas ta’ dan, il-maġġoranza kwalifikata għandha titqies li tkun inkisbet.

3.   Meta t-TSOs ta’ reġjun ta’ tħaddim tas-sistema li jiddeċiedu dwar proposti għal pjanijiet elenkati fl-Artikolu 6(2) ma jkunux jistgħu jilħqu ftehim, u meta r-reġjun ta’ tħaddim tas-sistema kkonċernat ikun magħmul minn aktar minn ħames Stati Membri, it-TSOs għandhom jiddeċiedu permezz ta’ votazzjoni b’maġġoranza kwalifikata. Il-maġġoranza kwalifikata għall-proposti elenkati fl-Artikolu 6(2) għandha teħtieġ il-maġġoranza li ġejja:

4.   Minoranza li timblokka għad-deċiżjonijiet dwar proposti għall-pjanijiet għandha tinkludi tal-inqas numru minimu ta’ TSOs li jirrappreżentaw aktar minn 35 % tal-popolazzjoni tal-Istati Membri parteċipanti, flimkien ma’ TSOs li jirrappreżentaw tal-inqas Stat Membru addizzjonali wieħed ikkonċernat, u fin-nuqqas ta’ dan, il-maġġoranza kwalifikata għandha titqies li tkun inkisbet.

5.   Għal deċiżjonijiet tat-TSOs dwar proposti għat-termini u għall-kundizzjonijiet jew għall-metodoloġiji skont l-Artikolu 6(2), għandu jiġi attribwit vot wieħed għal kull Stat Membru. Jekk ikun hemm aktar minn TSO wieħed fit-territorju ta’ Stat Membru, l-Istat Membru għandu jalloka d-drittijiet tal-vot fost it-TSOs.

6.   Jekk it-TSOs, f’kooperazzjoni mal-entità tal-UE għad-DSO, jonqsu milli jissottomettu proposta inizjali jew emendata għat-termini u għall-kundizzjonijiet jew għall-metodoloġiji, jew għall-pjanijiet, lill-awtoritajiet kompetenti rilevanti sal-iskadenzi stabbiliti f’dan ir-Regolament, huma għandhom jipprovdu lill-awtoritajiet kompetenti rilevanti u lill-ACER bl-abbozzi rilevanti tat-termini u tal-kundizzjonijiet jew tal-metodoloġiji, jew tal-pjanijiet. Huma għandhom jispjegaw dak li żamm milli jintlaħaq ftehim. L-awtoritajiet kompetenti għandhom jieħdu b’mod konġunt il-passi xierqa għall-adozzjoni tat-termini u tal-kundizzjonijiet jew tal-metodoloġiji meħtieġa, jew tal-pjanijiet meħtieġa. Dan jista’ jsir pereżempju billi jintalbu emendi għall-abbozzi skont dan il-paragrafu, billi dawk l-abbozzi jiġu rriveduti u kkompletati, jew, meta ma jkun ġie pprovdut l-ebda abbozz, billi jiġu ddefiniti u approvati t-termini u l-kundizzjonijiet jew il-metodoloġiji jew il-pjanijiet meħtieġa.

1.   It-TSOs għandhom jissottomettu l-proposti għat-termini u għall-kundizzjonijiet jew għall-metodoloġiji, jew għall-pjanijiet għall-approvazzjoni lill-awtoritajiet kompetenti rilevanti sal-iskadenzi rispettivi stabbiliti fl-Artikoli 18, 23, 29, 33, 34, 35 u 37. L-awtoritajiet kompetenti jistgħu jestendu dawn l-iskadenzi b’mod konġunt f’ċirkostanzi eċċezzjonali, b’mod partikolari f’każijiet li fihom ma tkunx tista’ tintlaħaq skadenza minħabba ċirkostanzi esterni għall-isfera tat-TSOs jew tal-entità tal-UE għad-DSO.

2.   Il-proposti għat-termini u għall-kundizzjonijiet, għall-metodoloġiji jew għall-pjanijiet skont il-paragrafu 1, għandhom jiġu ppreżentati għall-informazzjoni lill-ACER fl-istess ħin li jiġu sottomessi lill-awtoritajiet kompetenti.

3.   Fuq talba konġunta tal-NRAs, l-ACER għandha toħroġ opinjoni dwar il-proposta għat-termini u għall-kundizzjonijiet jew għall-metodoloġiji, jew għall-pjanijiet, fi żmien 6 xhur minn meta tirċievi l-proposti għat-termini u għall-kundizzjonijiet jew għall-metodoloġiji, jew għall-pjanijiet u tinnotifika lill-NRAs u lill-awtoritajiet kompetenti bl-opinjoni. L-NRAs, is-CS-NCAs u kwalunkwe awtorità oħra deżinjata bħala awtorità kompetenti għandhom jikkoordinaw ma’ xulxin qabel ma l-NRAs jitolbu opinjoni lill-ACER. L-ACER tista’ tinkludi rakkomandazzjonijiet f’opinjoni bħal din. L-ACER għandha tikkonsulta lill-ENISA qabel ma toħroġ opinjoni dwar il-proposti elenkati fl-Artikolu 6(2).

4.   L-awtoritajiet kompetenti għandhom jikkonsultaw u jikkooperaw mill-qrib u jikkoordinaw ma’ xulxin sabiex jilħqu ftehim dwar it-termini u l-kundizzjonijiet, il-metodoloġiji, jew il-pjanijiet proposti. Qabel ma jiġu approvati t-termini u l-kundizzjonijiet jew il-metodoloġiji, jew il-pjanijiet, huma għandhom jirrevedu u jlestu l-proposti, meta jkun neċessarju, wara li jikkonsultaw lill-ENTSO għall-Elettriku u lill-entità tal-UE għad-DSO, sabiex jiżguraw li l-proposti jkunu konformi ma’ dan ir-Regolament u jikkontribwixxu għal livell komuni għoli ta’ ċibersigurtà madwar l-Unjoni.

5.   L-awtoritajiet kompetenti għandhom jiddeċiedu dwar it-termini u l-kundizzjonijiet jew il-metodoloġiji jew dwar il-pjanijiet fi żmien 6 xhur minn meta jirċievu t-termini u l-kundizzjonijiet jew il-metodoloġiji jew il-pjanijiet mingħand l-awtorità kompetenti rilevanti jew, meta applikabbli, mill-aħħar awtorità kompetenti rilevanti kkonċernata.

6.   Meta l-ACER toħroġ opinjoni, l-awtoritajiet kompetenti rilevanti għandhom iqisu dik l-opinjoni u għandhom jieħdu d-deċiżjonijiet tagħhom fi żmien 6 xhur minn meta jirċievu l-opinjoni tal-ACER.

7.   Meta l-awtoritajiet kompetenti jkunu jeħtieġu b’mod konġunt emenda għat-termini u għall-kundizzjonijiet jew għall-metodoloġiji proposti, jew għall-pjanijiet, sabiex japprovawhom, it-TSOs għandhom jiżviluppaw, f’kooperazzjoni mal-entità tal-UE għad-DSO, proposta għal tali emenda għat-termini u għall-kundizzjonijiet jew għall-metodoloġiji, jew għall-pjanijiet. It-TSOs għandhom jissottomettu l-proposta emendata għall-approvazzjoni fi żmien xahrejn wara t-talba tal-awtoritajiet kompetenti. L-awtoritajiet kompetenti għandhom jiddeċiedu dwar it-termini u l-kundizzjonijiet jew il-metodoloġiji jew il-pjanijiet emendati fi żmien xahrejn minn meta jiġu sottomessi.

8.   Meta l-awtoritajiet kompetenti ma jkunx irnexxielhom jilħqu ftehim fil-perjodu msemmi fil-paragrafu 5 jew 7, huma għandhom jinformaw lill-Kummissjoni. Il-Kummissjoni tista’ tieħu passi xierqa sabiex tagħmel possibbli l-adozzjoni tat-termini u tal-kundizzjonijiet jew tal-metodoloġiji meħtieġa, jew tal-pjanijiet.

9.   It-TSOs, bl-għajnuna tal-ENTSO għall-Elettriku, u l-entità tal-UE għad-DSO għandhom jippubblikaw it-termini u l-kundizzjonijiet jew il-metodoloġiji, jew il-pjanijiet, fuq is-siti web tagħhom wara l-approvazzjoni mill-awtoritajiet kompetenti rilevanti, ħlief meta tali informazzjoni titqies bħala kunfidenzjali f’konformità mal-Artikolu 47.

10.   L-awtoritajiet kompetenti jistgħu jitolbu b’mod konġunt proposti għal emendi tat-termini u tal-kundizzjonijiet jew tal-metodoloġiji approvati, jew tal-pjanijiet approvati, mit-TSOs u mill-entità tal-UE għad-DSO u jiddeterminaw skadenza għas-sottomissjoni ta’ dawk il-proposti. It-TSOs, f’kooperazzjoni mal-entità tal-UE għad-DSO, jistgħu jipproponu emendi lill-awtoritajiet kompetenti wkoll fuq inizjattiva tagħhom stess. Il-proposti għal emenda għat-termini u għall-kundizzjonijiet jew għall-metodoloġiji, jew għall-emendi għall-pjanijiet, għandhom jiġu żviluppati u approvati f’konformità mal-proċedura stabbilita f’dan l-Artikolu.

11.   Tal-inqas kull 3 snin wara l-ewwel adozzjoni tat-termini u tal-kundizzjonijiet jew tal-metodoloġiji rispettivi, jew tal-pjanijiet rispettivi adottati, it-TSOs f’kooperazzjoni mal-entità tal-UE għad-DSO, għandhom jirrevedu l-effettività tat-termini u tal-kundizzjonijiet jew tal-metodoloġiji adottati, jew tal-pjanijiet adottati, u għandhom jirrapportaw is-sejbiet tar-rieżami lill-awtoritajiet kompetenti u lill-ACER mingħajr dewmien żejjed.

1.   It-TSOs, bl-għajnuna tal-ENTSO għall-Elettriku, u f’kooperazzjoni mal-entità tal-UE għad-DSO għandha tikkonsulta lill-partijiet ikkonċernati, inklużi l-ACER, l-ENISA u l-awtorità kompetenti ta’ kull Stat Membru, dwar l-abbozz tal-proposti għat-termini u għall-kundizzjonijiet jew għall-metodoloġiji elenkati fl-Artikolu 6(2) u għall-pjanijiet imsemmijin fl-Artikolu 6(3). Il-konsultazzjoni għandha ddum mhux inqas minn xahar.

2.   Il-proposti għat-termini u għall-kundizzjonijiet jew għall-metodoloġiji elenkati fl-Artikolu 6(2) ippreżentati mit-TSOs, f’kooperazzjoni mal-entità tal-UE għad-DSO, għandhom jiġu sottomessi u ppreżentati għal konsultazzjoni fil-livell tal-Unjoni. Il-proposti għall-pjanijiet elenkati fl-Artikolu 6(3) sottomessi mit-TSOs rilevanti, f’kooperazzjoni mal-entità tal-UE għad-DSO, fil-livell reġjonali għandhom jiġu sottomessi għal konsultazzjoni mill-inqas fil-livell reġjonali.

3.   It-TSOs, bl-għajnuna tal-ENTSO għall-Elettriku, u l-Entità tal-UE għad-DSO responsabbli għall-proposta għat-termini u għall-kundizzjonijiet jew għall-metodoloġiji jew għall-pjanijiet għandha tqis kif xieraq il-fehmiet tal-partijiet ikkonċernati li jirriżultaw mill-konsultazzjonijiet imwettqin f’konformità mal-paragrafu 1, qabel is-sottomissjoni tagħha għall-approvazzjoni regolatorja. F’kull każ, flimkien mas-sottomissjoni għandha tingħata ġustifikazzjoni valida għall-inklużjoni jew le tal-fehmiet li joħorġu mill-konsultazzjoni u din għandha tiġi ppubblikata fi żmien xieraq qabel ma tiġi ppubblikata l-proposta għat-termini u għall-kundizzjonijiet jew għall-metodoloġiji jew fl-istess ħin magħha.

1.   Il-kostijiet imġarrbin mit-TSOs u mid-DSOs soġġetti għar-regolamentazzjoni tat-tariffi tan-network u li jirriżultaw mill-obbligi stabbiliti f’dan ir-Regolament, inklużi l-kostijiet imġarrbin mill-ENTSO għall-Elettriku u mill-entità tal-UE għad-DSO, għandhom jiġu vvalutati mill-NRA rilevanti ta’ kull Stat Membru.

2.   Il-kostijiet ivvalutati bħala raġonevoli, effiċjenti u proporzjonati għandhom jiġu rkuprati permezz ta’ tariffi tan-network jew mekkaniżmi xierqa oħrajn, kif iddeterminat mill-NRA rilevanti.

3.   Jekk jintalbu mill-NRAs, it-TSOs u d-DSOs rilevanti msemmijin fil-paragrafu 1, għandhom, f’perjodu raġonevoli ddeterminat mill-NRA, jipprovdu l-informazzjoni neċessarja sabiex tiġi ffaċilitata l-valutazzjoni tal-kostijiet imġarrbin.

1.   L-ACER għandha timmonitorja l-implimentazzjoni ta’ dan ir-Regolament f’konformità mal-Artikolu 32(1) tar-Regolament (UE) 2019/943 u mal-Artikolu 4(2) tar-Regolament (UE) 2019/942. Fit-twettiq ta’ dan il-monitoraġġ, l-ACER tista’ tikkoopera mal-ENISA u titlob appoġġ mill-ENTSO għall-Elettriku u mill-entità tal-UE għad-DSO. L-ACER għandha tinforma regolarment lill-Grupp ta’ Koordinazzjoni tal-Elettriku u lill-Grupp ta’ Kooperazzjoni tal-NIS dwar l-implimentazzjoni ta’ dan ir-Regolament.

2.   L-ACER għandha tippubblika rapport tal-inqas kull 3 snin wara d-dħul fis-seħħ ta’ dan ir-Regolament

3.   Sa it-13 ta’ Ġunju 2025, l-ACER, f’kooperazzjoni mal-ENISA u wara konsultazzjoni mal-ENTSO għall-Elettriku u mal-entità tal-UE għad-DSO, tista’ toħroġ gwida dwar l-informazzjoni rilevanti li għandha tiġi kkomunikata lill-ACER għall-finijiet ta’ monitoraġġ kif ukoll il-proċess u l-frekwenza għall-ġbir, fuq il-bażi tal-indikaturi tal-prestazzjoni definiti f’konformità mal-paragrafu 5.

4.   L-awtoritajiet kompetenti jista’ jkollhom aċċess għall-informazzjoni rilevanti miżmuma mill-ACER, li tkun ġabret f’konformità ma’ dan l-Artikolu.

5.   L-ACER, f’kooperazzjoni mal-ENISA, u bl-appoġġ tal-ENTSO għall-Elettriku u tal-entità tal-UE għad-DSO, għandha toħroġ indikaturi tal-prestazzjoni mhux vinkolanti għall-valutazzjoni tal-affidabbiltà operazzjonali li huma relatati mal-aspetti taċ-ċibersigurtà tal-flussi transfruntieri tal-elettriku.

6.   L-entitajiet elenkati fl-Artikolu 2(1) ta’ dan ir-Regolament għandhom jissottomettu lill-ACER l-informazzjoni meħtieġa sabiex l-ACER twettaq il-kompiti elenkati fil-paragrafu 2.

1.   Sa it-13 ta’ Ġunju 2025, l-ACER, f’kooperazzjoni mal-ENISA, għandha tistabbilixxi gwida mhux vinkolanti ta’ parametraġġ referenzjarju taċ-ċibersigurtà. Il-gwida għandha tispjega lill-NRAs il-prinċipji tal-parametraġġ referenzjarju tal-kontrolli taċ-ċibersigurtà implimentati skont il-paragrafu 2 ta’ dan l-Artikolu, filwaqt li tqis il-kostijiet tal-implimentazzjoni tal-kontrolli u l-effettività tal-funzjoni moqdija mill-proċessi, mill-prodotti, mis-servizzi, mis-sistemi u mis-soluzzjonijiet użati għall-implimentazzjoni ta’ kontrolli bħal dawn. L-ACER għandha tqis ir-rapporti ta’ valutazzjoni komparattiva eżistenti meta tistabbilixxi l-gwida mhux vinkolanti ta’ parametraġġ referenzjarju taċ-ċibersigurtà. L-ACER għandha tissottometti l-gwida mhux vinkolanti ta’ parametraġġ referenzjarju taċ-ċibersigurtà lill-NRAs għall-informazzjoni.

2.   Fi żmien 12-il xahar wara l-istabbiliment tal-gwida ta’ parametraġġ referenzjarju skont il-paragrafu 1, l-NRAs għandhom iwettqu analiżi komparattiva sabiex jivvalutaw jekk l-investimenti kurrenti fiċ-ċibersigurtà:

3.   Għall-analiżi tal-parametraġġ referenzjarju, l-NRAs jistgħu jqisu l-gwida mhux vinkolanti ta’ parametraġġ referenzjarju taċ-ċibersigurtà stabbilita mill-ACER, u għandhom jivvalutaw b’mod partikolari:

4.   Kwalunkwe informazzjoni relatata mal-analiżi ta’ parametraġġ referenzjarju għandha tiġi ttrattata u pproċessata skont ir-rekwiżiti tal-klassifikazzjoni tad-data ta’ dan ir-Regolament, il-kontrolli minimi taċ-ċibersigurtà u r-rapport ta’ valutazzjoni tar-riskju għaċ-ċibersigurtà tal-flussi transfruntieri tal-elettriku. L-analiżi tal-parametraġġ referenzjarju msemmija fil-paragrafi 2 u 3 ma għandhiex issir pubblika.

5.   Mingħajr preġudizzju għar-rekwiżiti ta’ kunfidenzjalità fl-Artikolu 47 għall-ħtieġa li tiġi protetta s-sigurtà tal-entitajiet soġġetti għad-dispożizzjonijiet ta’ dan ir-Regolament, l-analiżi tal-valutazzjoni komparattiva msemmija fil-paragrafi 2 u 3 ta’ dan l-Artikolu għandha tiġi kondiviża mal-NRAs kollha, mal-awtoritajiet kompetenti kollha, mal-ACER, mal-ENISA u mal-Kummissjoni.

1.   Fi żmien 18-il xahar wara d-dħul fis-seħħ ta’ dan ir-Regolament, it-TSOs ta’ reġjun ta’ tħaddim tas-sistema li jkun ġar ta’ pajjiż terz għandhom jagħmlu ħilithom sabiex jikkonkludu ftehimiet mat-TSOs tal-pajjiż terz ġar li jkunu konformi mad-dritt rilevanti tal-Unjoni u li jistabbilixxu l-bażi għall-kooperazzjoni dwar il-protezzjoni taċ-ċibersigurtà u l-arranġamenti ta’ kooperazzjoni fiċ-ċibersigurtà ma’ dawk it-TSOs.

2.   It-TSOs għandhom jinfurmaw lill-awtorità kompetenti bil-ftehimiet konklużi skont il-paragrafu 1.

1.   Entitajiet li ma għandhomx stabbiliment fl-Unjoni, iżda li jipprovdu servizzi lil entitajiet fl-Unjoni u li jkunu ġew innotifikati bħala entitajiet b’impatt kbir jew b’impatt kritiku f’konformità mal-Artikolu 24(6), għandhom, fi żmien 3 xhur wara n-notifika, jaħtru, bil-miktub, rappreżentant fl-Unjoni u jinformaw lill-awtorità kompetenti li tinnotifika kif xieraq.

2.   Dan ir-rappreżentant għandu jingħata mandat sabiex jiġi indirizzat minn kwalunkwe awtorità kompetenti jew minn CSIRT fl-Unjoni minbarra jew minflok l-entità b’impatt kbir jew b’impatt kritiku fir-rigward tal-obbligi tal-entità skont dan ir-Regolament. L-entità b’impatt kbir jew b’impatt kritiku għandha tipprovdi lir-rappreżentant legali tagħha bis-setgħat neċessarji u b’riżorsi suffiċjenti sabiex tiggarantixxi l-kooperazzjoni effiċjenti u f’waqtha tagħhom mal-awtoritajiet kompetenti jew mas-CSIRTs rilevanti.

3.   Ir-rappreżentant għandu jkun stabbilit f’wieħed mill-Istati Membri fejn l-entità toffri s-servizzi tagħha. L-entità għandha titqies li hija taħt il-ġuriżdizzjoni tal-Istat Membru fejn ikun stabbilit ir-rappreżentant. L-entitajiet b’impatt kbir u b’impatt kritiku għandhom jinnotifikaw l-isem, l-indirizz postali, l-indirizz tal-email u n-numru tat-telefown tar-rappreżentant legali tagħhom lill-awtorità kompetenti fl-Istat Membru fejn jirrisjedi jew ikun stabbilit dak ir-rappreżentant legali.

4.   Għandu jkun possibbli li r-rappreżentant legali deżinjat jinżamm responsabbli għal nuqqas ta’ konformità mal-obbligi skont dan ir-Regolament, mingħajr preġudizzju għar-responsabbiltà u għal azzjonijiet legali li jistgħu jinbdew kontra l-entità b’impatt kbir jew b’impatt kritiku nnifisha.

5.   Fin-nuqqas ta’ rappreżentant fl-Unjoni deżinjat skont dan l-Artikolu, kwalunkwe Stat Membru li fih l-entità tipprovdi servizzi jista’ jieħu azzjoni legali kontra l-entità għal nuqqas ta’ konformità mal-obbligi skont dan ir-Regolament.

6.   Id-deżinjazzjoni ta’ rappreżentant legali fl-Unjoni skont il-paragrafu 1 ma għandhiex tikkostitwixxi stabbiliment fl-Unjoni.

1.   L-ENTSO għall-Elettriku u l-entità tal-UE għad-DSO għandhom jikkooperaw fit-twettiq ta’ valutazzjonijiet tar-riskju għaċ-ċibersigurtà skont l-Artikolu 19 u l-Artikolu 21, b’mod partikolari l-kompiti li ġejjin:

2.   Il-kooperazzjoni bejn l-ENTSO għall-Elettriku u l-entità tal-UE għad-DSO tista’ tieħu l-forma ta’ grupp ta’ ħidma dwar ir-riskju għaċ-ċibersigurtà.

3.   L-ENTSO għall-Elettriku u l-entità tal-UE għad-DSO għandhom jinformaw regolarment lill-ACER, lill-ENISA, lill-Grupp ta’ Kooperazzjoni tal-NIS u lill-Grupp ta’ Koordinazzjoni tal-Elettriku dwar il-progress fl-implimentazzjoni tal-valutazzjonijiet tar-riskju għaċ-ċibersigurtà reġjonali u madwar l-Unjoni skont l-Artikolu 19 u l-Artikolu 21.

1.   Sa it-13 ta’ Marzu 2025, it-TSOs, bl-assistenza tal-ENTSO għall-Elettriku, f’kooperazzjoni mal-entità tal-UE għad-DSO u wara konsultazzjoni mal-Grupp ta’ Kooperazzjoni tal-NIS, għandha tippreżenta proposta għall-metodoloġiji ta’ valutazzjoni tar-riskju għaċ-ċibersigurtà fil-livell tal-Unjoni, fil-livell reġjonali u fil-livell tal-Istati Membri.

2.   Il-metodoloġiji ta’ valutazzjoni tar-riskju għaċ-ċibersigurtà fil-livell tal-Unjoni, fil-livell reġjonali u fil-livell tal-Istati Membri għandhom jinkludu:

3.   Il-metodoloġiji ta’ valutazzjoni tar-riskju għaċ-ċibersigurtà fil-livell tal-Unjoni, fil-livell reġjonali u fil-livell tal-Istati Membri għandhom jivvalutaw ir-riskji għaċ-ċibersigurtà bl-użu tal-istess matriċi tal-impatt tar-riskju. Il-matriċi tal-impatt tar-riskju għandha:

4.   Il-metodoloġiji ta’ valutazzjoni tar-riskju għaċ-ċibersigurtà fil-livell tal-Unjoni għandhom jiddeskrivu kif jiġu ddefiniti l-valuri tal-ECII għal-limiti ta’ impatt kbir u ta’ impatt kritiku. L-ECII għandha tippermetti lill-entitajiet jistmaw bl-għajnuna tal-kriterji msemmijin fil-paragrafu 2, il-punt (b), l-impatt tar-riskji fuq il-proċess tan-negozju tagħhom matul il-valutazzjonijiet tal-impatt fuq in-negozju li jwettqu skont l-Artikolu 26(4), il-punt (c)(i).

5.   L-ENTSO għall-Elettriku, f’koordinazzjoni mal-entità tal-UE għad-DSO, għandu jinforma lill-Grupp ta’ Koordinazzjoni tal-Elettriku dwar il-proposti għall-metodoloġiji ta’ valutazzjoni tar-riskju għaċ-ċibersigurtà li jiġu żviluppati skont il-paragrafu 1.

1.   Fi żmien 9 xhur wara l-approvazzjoni tal-metodoloġiji tal-valutazzjoni tar-riskju għaċ-ċibersigurtà skont l-Artikolu 8 u kull 3 snin wara dan, l-ENTSO għall-Elettriku, f’kooperazzjoni mal-entità tal-UE għad-DSO u f’konsultazzjoni mal-Grupp ta’ Kooperazzjoni tal-NIS, għandu, mingħajr preġudizzju għall-Artikolu 22 tad-Direttiva (UE) 2022/2555, iwettaq valutazzjoni tar-riskju għaċ-ċibersigurtà fl-Unjoni kollha u jfassal abbozz ta’ rapport ta’ valutazzjoni tar-riskju għaċ-ċibersigurtà madwar l-Unjoni kollha. Għal dan l-għan, juża l-metodoloġiji żviluppati skont l-Artikolu 18, u approvati skont l-Artikolu 8, sabiex jidentifika, janalizza u jevalwa l-konsegwenzi possibbli tal-attakki ċibernetiċi li jaffettwaw is-sigurtà operazzjonali tas-sistema tal-elettriku u jfixklu l-flussi transfruntieri tal-elettriku. Il-valutazzjoni tar-riskju għaċ-ċibersigurtà fl-Unjoni kollha ma għandhiex tikkunsidra d-dannu legali, finanzjarju jew reputazzjonali tal-attakki ċibernetiċi.

2.   Ir-rapport ta’ valutazzjoni tar-riskju għaċ-ċibersigurtà madwar l-Unjoni kollha għandu jinkludi l-elementi li ġejjin:

3.   Fir-rigward tal-proċessi b’impatt kbir madwar l-Unjoni kollha u tal-proċessi b’impatt kritiku madwar l-Unjoni kollha, ir-rapport ta’ valutazzjoni tar-riskju għaċ-ċibersigurtà madwar l-Unjoni kollha għandu jinkludi:

4.   L-ENTSO għall-Elettriku, f’kooperazzjoni mal-entità tal-UE għad-DSO, għandu jissottometti l-abbozz tar-rapport ta’ valutazzjoni tar-riskju għaċ-ċibersigurtà madwar l-Unjoni kollha bir-riżultati tal-valutazzjoni tar-riskju għaċ-ċibersigurtà madwar l-Unjoni kollha lill-ACER għal opinjoni. L-ACER għandha toħroġ opinjoni dwar l-abbozz tar-rapport fi żmien 3 xhur wara li tkun irċevietu. L-ENTSO għall-Elettriku u l-entità tal-UE għad-DSO għandhom iqisu bis-sħiħ l-opinjoni tal-ACER meta jiffinalizzaw dak ir-rapport.

5.   Fi żmien 3 xhur wara li jirċievi l-opinjoni tal-ACER, l-ENTSO għall-Elettriku, f’kooperazzjoni mal-entità tal-UE għad-DSO għandu jinnotifika r-rapport finali tal-valutazzjoni tar-riskju għaċ-ċibersigurtà madwar l-Unjoni lill-ACER, lill-Kummissjoni, lill-ENISA u lill-awtoritajiet kompetenti.

1.   Kull awtorità kompetenti għandha twettaq valutazzjoni tar-riskju għaċ-ċibersigurtà ta’ Stat Membru dwar l-entitajiet kollha b’impatt kbir u b’impatt kritiku fl-Istat Membru tagħha bl-użu tal-metodoloġiji żviluppati skont l-Artikolu 18 u approvati skont l-Artikolu 8. Il-valutazzjoni tar-riskju għaċ-ċibersigurtà tal-Istati Membri għandha tidentifika u tanalizza r-riskji ta’ attakki ċibernetiċi li jaffettwaw is-sigurtà operazzjonali tas-sistema tal-elettriku li tfixkel il-flussi transfruntieri tal-elettriku. Il-valutazzjoni tar-riskju għaċ-ċibersigurtà tal-Istati Membri ma għandhiex tikkunsidra d-dannu legali, finanzjarju jew reputazzjonali tal-attakki ċibernetiċi.

2.   Fi żmien 21 xahar wara n-notifika tal-entitajiet b’impatt kbir u kritiku skont l-Artikolu 24(6) u kull 3 snin wara dik id-data, u wara li tikkonsulta lis-CS-NCA responsabbli għall-elettriku, kull awtorità kompetenti, appoġġata mis-CSIRT, għandha tipprovdi rapport ta’ valutazzjoni tar-riskju għaċ-ċibersigurtà ta’ Stat Membru lill-ENTSO għall-Elettriku u lill-entità tal-UE għad-DSO, li jkun fih l-informazzjoni li ġejja għal kull proċess tan-negozju b’impatt kbir u b’impatt kritiku:

3.   Ir-rapport ta’ valutazzjoni tar-riskju għaċ-ċibersigurtà tal-Istati Membri għandu jqis il-pjan ta’ tħejjija għar-riskju tal-Istat Membru stabbilit skont l-Artikolu 10 tar-Regolament (UE) 2019/941.

4.   L-informazzjoni li tinsab fir-rapport tal-valutazzjoni tar-riskju għaċ-ċibersigurtà tal-Istat Membru skont il-paragrafu 2, il-punti (a) sa (d), ma għandhiex tkun marbuta ma’ entitajiet jew ma’ assi speċifiċi. Ir-rapport ta’ valutazzjoni tar-riskju għaċ-ċibersigurtà tal-Istati Membri għandu jinkludi wkoll valutazzjoni tar-riskju tad-derogi temporanji maħruġin mill-awtoritajiet kompetenti fl-Istati Membri skont l-Artikolu 30.

5.   L-ENTSO għall-Elettriku u l-entità tal-UE għad-DSO jistgħu jitolbu informazzjoni addizzjonali mingħand l-awtoritajiet kompetenti fir-rigward tal-kompiti speċifikati fis-subparagrafu 2, il-punti (a) u (c).

6.   L-awtoritajiet kompetenti għandhom jiżguraw li l-informazzjoni li jipprovdu tkun akkurata u korretta.

1.   L-ENTSO għall-Elettriku, f’kooperazzjoni mal-entità tal-UE għad-DSO u f’konsultazzjoni maċ-Ċentru Reġjonali ta’ Koordinazzjoni rilevanti, għandu jwettaq valutazzjoni tar-riskju għaċ-ċibersigurtà reġjonali għal kull reġjun ta’ tħaddim tas-sistema bl-użu tal-metodoloġiji żviluppati skont l-Artikolu 19, u approvati skont l-Artikolu 8, sabiex jidentifika, janalizza, u jevalwa r-riskji ta’ attakki ċibernetiċi li jaffettwaw is-sigurtà operazzjonali tas-sistema tal-elettriku u jfixklu l-flussi transfruntieri tal-elettriku. Il-valutazzjonijiet tar-riskju għaċ-ċibersigurtà reġjonali ma għandhomx iqisu d-dannu legali, finanzjarju jew reputazzjonali tal-attakki ċibernetiċi.

2.   Fi żmien 30 xahar wara n-notifika tal-entitajiet b’impatt kbir u kritiku skont l-Artikolu 24(6), u kull 3 snin wara dan, l-ENTSO għall-Elettriku, f’kooperazzjoni mal-entità tal-UE għad-DSO u f’konsultazzjoni mal-Grupp ta’ Kooperazzjoni tal-NIS, għandu jfassal rapport ta’ valutazzjoni tar-riskju għaċ-ċibersigurtà reġjonali għal kull reġjun ta’ tħaddim tas-sistema.

3.   Ir-rapport ta’ valutazzjoni tar-riskju għaċ-ċibersigurtà reġjonali għandu jqis l-informazzjoni rilevanti li tinsab fir-rapporti ta’ valutazzjoni tar-riskju għaċ-ċibersigurtà madwar l-Unjoni kollha u fir-rapporti ta’ valutazzjoni tar-riskju għaċ-ċibersigurtà tal-Istati Membri.

4.   Il-valutazzjoni tar-riskju għaċ-ċibersigurtà reġjonali għandha tikkunsidra x-xenarji reġjonali ta’ kriżi tal-elettriku relatati maċ-ċibersigurtà identifikati skont l-Artikolu 6 tar-Regolament (UE) 2019/941.

1.   Fi żmien 36 xahar wara n-notifika tal-entitajiet b’impatt kritiku u qawwi skont l-Artikolu 24(6) u mhux aktar tard minn it-13 ta’ Ġunju 2031, u kull 3 snin wara dik id-data, it-TSOs, bl-assistenza tal-ENTSO għall-Elettriku, f’kooperazzjoni mal-entità tal-UE għad-DSO u f’konsultazzjoni maċ-Ċentri Reġjonali ta’ Koordinazzjoni u mal-Grupp ta’ Kooperazzjoni tal-NIS, għandhom jiżviluppaw pjan reġjonali ta’ mitigazzjoni tar-riskju għaċ-ċibersigurtà għal kull reġjun ta’ tħaddim tas-sistema.

2.   Il-pjanijiet reġjonali ta’ mitigazzjoni tar-riskju għaċ-ċibersigurtà għandhom jinkludu:

3.   L-ENTSO għall-Elettriku għandu jissottometti l-pjanijiet reġjonali ta’ mitigazzjoni tar-riskju lill-operaturi rilevanti ta’ sistema tat-trażmissjoni, lill-awtoritajiet kompetenti, u lill-Grupp ta’ Koordinazzjoni tal-Elettriku. Il-Grupp ta’ Koordinazzjoni tal-Elettriku jista’ jirrakkomanda emendi.

4.   It-TSOs, bl-assistenza tal-ENTSO għall-Elettriku f’kooperazzjoni mal-entità tal-UE għad-DSO u f’konsultazzjoni mal-Grupp ta’ Kooperazzjoni tal-NIS għandhom jaġġornaw il-pjanijiet reġjonali ta’ mitigazzjoni tar-riskju kull 3 snin, sakemm iċ-ċirkostanzi ma jeħtiġux aġġornamenti aktar frekwenti.

1.   Fi żmien 40 xahar wara n-notifika tal-entitajiet b’impatt kbir u kritiku skont l-Artikolu 24(6) u kull 3 snin wara dan, it-TSOs, bl-assistenza tal-ENTSO għall-Elettriku, f’kooperazzjoni mal-entità tal-UE għad-DSO u f’konsultazzjoni mal-Grupp ta’ Kooperazzjoni tal-NIS, għandu jipprovdi lill-Grupp ta’ Koordinazzjoni tal-Elettriku rapport dwar l-eżitu tal-valutazzjoni tar-riskji għaċ-ċibersigurtà fir-rigward tal-flussi transfruntieri tal-elettriku (ir-“rapport komprensiv ta’ valutazzjoni tar-riskju għaċ-ċibersigurtà tal-flussi transfruntieri tal-elettriku”).

2.   Ir-rapport komprensiv ta’ valutazzjoni tar-riskju għaċ-ċibersigurtà tal-flussi transfruntieri tal-elettriku għandu jkun ibbażat fuq ir-rapport ta’ valutazzjoni tar-riskju għaċ-ċibersigurtà madwar l-Unjoni kollha, fuq ir-rapporti ta’ valutazzjoni tar-riskju għaċ-ċibersigurtà tal-Istati Membri u fuq ir-rapporti ta’ valutazzjoni tar-riskju għaċ-ċibersigurtà reġjonali u jinkludi l-informazzjoni li ġejja:

3.   L-entitajiet elenkati fl-Artikolu 2(1) jistgħu jikkontribwixxu għall-iżvilupp tar-rapport komprensiv ta’ valutazzjoni tar-riskju taċ-ċibersigurtà tal-elettriku transfruntier, filwaqt li jirrispettaw il-kunfidenzjalità tal-informazzjoni f’konformità mal-Artikolu 47. It-TSOs, bl-għajnuna tal-ENTSO għall-Elettriku, u f’kooperazzjoni mal-entità tal-UE għad-DSO, għandhom jikkonsultaw lil dawn l-entitajiet sa minn stadju bikri.

4.   Ir-rapport komprensiv tal-valutazzjoni tar-riskju taċ-ċibersigurtà tal-elettriku transfruntier għandu jkun soġġett għar-regoli dwar il-protezzjoni tal-iskambju ta’ informazzjoni skont l-Artikolu 46. Mingħajr preġudizzju għall-Artikolu 10(4) u l-Artikolu 47(4), l-ENTSO għall-Elettriku u l-entità tal-UE għad-DSO għandhom joħorġu verżjoni pubblika ta’ dak ir-rapport li ma għandux ikun fiha informazzjoni li tista’ tikkawża dannu lill-entitajiet elenkati fl-Artikolu 2(1). Il-verżjoni pubblika ta’ dan ir-rapport għandha tiġi rrilaxxata biss bil-qbil tal-Grupp ta’ Kooperazzjoni tal-NIS u tal-Grupp ta’ Koordinazzjoni tal-Elettriku. L-ENTSO għall-Elettriku f’koordinazzjoni mal-entità tal-UE għad-DSO għandu jkun responsabbli għall-kompilazzjoni u għar-rilaxx tal-verżjoni pubblika tar-rapport.

1.   Kull awtorità kompetenti għandha tidentifika, billi tuża l-ECII u l-limiti ta’ impatt kbir u ta’ impatt kritiku inklużi fir-rapport ta’ valutazzjoni tar-riskju għaċ-ċibersigurtà madwar l-Unjoni kollha skont l-Artikolu 19(3), il-punt (b), l-entitajiet b’impatt kbir u b’impatt kritiku fl-Istat Membru tagħha li huma involuti fil-proċessi b’impatt kbir u b’impatt kritiku madwar l-Unjoni kollha. L-awtoritajiet kompetenti jistgħu jitolbu informazzjoni mingħand entità fl-Istat Membru tagħhom sabiex jiddeterminaw il-valuri tal-ECII għal dik l-entità. Jekk l-ECII ddeterminat ta’ entità jkun ogħla mil-limitu ta’ impatt kbir jew ta’ impatt kritiku, l-entità identifikata għandha tiġi elenkata fir-rapport ta’ valutazzjoni tar-riskju għaċ-ċibersigurtà tal-Istat Membru msemmi fl-Artikolu 20(2).

2.   Kull awtorità kompetenti għandha tidentifika, billi tuża l-ECII u l-limiti ta’ impatt kritiku u ta’ impatt kbir inklużi fir-rapport ta’ valutazzjoni tar-riskju għaċ-ċibersigurtà għall-Unjoni kollha skont l-Artikolu 19(3), il-punt (b), l-entitajiet b’impatt kbir u b’impatt kritiku mhux stabbiliti fl-Unjoni sa fejn ikunu attivi fl-Unjoni. L-awtorità kompetenti tista’ titlob informazzjoni mingħand entità mhux stabbilita fl-Unjoni sabiex tiddetermina l-valuri tal-ECII għall-entità.

3.   Kull awtorità kompetenti tista’ tidentifika entitajiet addizzjonali fl-Istat Membru tagħha bħala entitajiet b’impatt kbir jew b’impatt kritiku jekk jiġu ssodisfati l-kriterji li ġejjin:

4.   Jekk awtorità kompetenti tidentifika entitajiet addizzjonali f’konformità mal-paragrafu 3, il-proċessi kollha f’dawn l-entitajiet li għalihom l-ECII aggregat fuq il-grupp ikunu ogħla mil-limitu ta’ impatt kbir għandhom jitqiesu bħala proċessi b’impatt kbir, u l-proċessi kollha f’dawn l-entitajiet li għalihom l-ECII aggregat fuq il-grupp ikun ogħla mil-limiti ta’ impatt kritiku għandhom jitqiesu bħala proċessi b’impatt kritiku.

5.   Jekk awtorità kompetenti tidentifika l-entitajiet imsemmijin fil-paragrafu 3, il-punt (a), f’aktar minn Stat Membru wieħed, hija għandha tinforma lill-awtoritajiet kompetenti l-oħrajn, lill-ENTSO għall-Elettriku u lill-entità tal-UE għad-DSO. L-ENTSO għall-Elettriku f’kooperazzjoni mal-entità tal-UE għad-DSO, fuq il-bażi tal-informazzjoni riċevuta mill-awtoritajiet kompetenti kollha, għandu jipprovdi lill-awtoritajiet kompetenti analiżi tal-aggregazzjoni tal-entitajiet f’aktar minn Stat Membru wieħed li jistgħu joħolqu disturb distribwit għall-flussi transfruntieri tal-elettriku, u jista’ jirriżulta f’attakk ċibernetiku. Meta grupp ta’ entitajiet f’diversi Stati Membri jiġi identifikat bħala aggregazzjoni li l-ECII tagħha jkun ogħla mil-limitu ta’ impatt kbir jew ta’ impatt kritiku, l-awtoritajiet kompetenti kkonċernati kollha għandhom jidentifikaw l-entitajiet f’tali grupp bħala entitajiet b’impatt kbir jew b’impatt kritiku għall-Istat Membru rispettiv tagħhom, fuq il-bażi tal-ECII aggregat għall-grupp tal-entitajiet, u l-entitajiet identifikati għandhom jiġu elenkati fir-rapport ta’ valutazzjoni tar-riskju għaċ-ċibersigurtà madwar l-Unjoni kollha.

6.   Kull awtorità kompetenti għandha, fi żmien 9 xhur wara li tiġi nnotifikata mill-ENTSO għall-Elettriku u mill-entità tal-UE għad-DSO dwar ir-rapport ta’ valutazzjoni tar-riskju għaċ-ċibersigurtà madwar l-Unjoni kollha skont l-Artikolu 19(5) u fi kwalunkwe każ mhux aktar tard minn it-13 ta’ Ġunju 2028, tinnotifika lill-entitajiet fil-lista li ġew identifikati bħala entità b’impatt kbir jew b’impatt kritiku fl-Istat Membru tagħha.

7.   Meta fornitur ta’ servizz jiġi rrapportat lil awtorità kompetenti bħala fornitur ta’ servizzi kritiċi tal-ICT skont l-Artikolu 27, il-punt (c), dik l-awtorità kompetenti għandha tinnotifikah lill-awtoritajiet kompetenti tal-Istati Membri li fit-territorji tagħhom tinsab is-sede jew ir-rappreżentant. L-awtorità kompetenti tal-aħħar għandha tinnotifika lill-fornitur ta’ servizz li ġie identifikat bħala fornitur ta’ servizz kritiku.

1.   L-awtoritajiet kompetenti jistgħu jistabbilixxu skema nazzjonali ta’ verifika sabiex jivverifikaw li l-entitajiet b’impatt kritiku identifikati skont l-Artikolu 24(1) ikunu implimentaw il-qafas leġiżlattiv nazzjonali li huwa inkluż fil-matriċi tal-immappjar imsemmija fl-Artikolu 34. L-iskema nazzjonali ta’ verifika tista’ tkun ibbażata fuq spezzjoni mwettqa mill-awtorità kompetenti, fuq verifiki indipendenti tas-sigurtà, jew fuq rieżamijiet reċiproċi bejn il-pari minn entitajiet b’impatt kritiku fl-istess Stat Membru taħt superviżjoni mill-awtorità kompetenti.

2.   Jekk awtorità kompetenti tiddeċiedi li tistabbilixxi skema nazzjonali ta’ verifika, dik l-awtorità kompetenti għandha tiżgura li l-verifika titwettaq f’konformità mar-rekwiżiti li ġejjin:

3.   Jekk awtorità kompetenti tiddeċiedi li tistabbilixxi skema nazzjonali ta’ verifika, hija għandha tirrapporta lill-ACER fuq bażi annwali kemm-il darba tkun wettqet spezzjonijiet skont dik l-iskema.

1.   Kull entità b’impatt kbir u b’impatt kritiku kif identifikata mill-awtoritajiet kompetenti skont l-Artikolu 24(1) għandha twettaq ġestjoni tar-riskju għaċ-ċibersigurtà għall-assi kollha tagħha fil-perimetri tagħha b’impatt kbir u b’impatt kritiku. Kull entità b’impatt kbir u b’impatt kritiku għandha twettaq ġestjoni tar-riskju li jkun fiha l-fażijiet fil-paragrafu 2 kull 3 snin.

2.   Kull entità b’impatt kbir u b’impatt kritiku għandha tibbaża l-ġestjoni tar-riskju għaċ-ċibersigurtà tagħha fuq approċċ li għandu l-għan li jipproteġi n-network u s-sistemi ta’ informazzjoni tagħhom u li jinkludi l-fażijiet li ġejjin:

3.   Matul il-fażi tal-istabbiliment tal-kuntest, kull entità b’impatt kbir u b’impatt kritiku għandha:

4.   Matul il-fażi tal-valutazzjoni tar-riskju għaċ-ċibersigurtà, kull entità b’impatt kbir u b’impatt kritiku għandha:

5.   Matul il-fażi tat-trattament tar-riskju għaċ-ċibersigurtà, kull entità b’impatt kbir u b’impatt kritiku għandha tistabbilixxi pjan ta’ mitigazzjoni tar-riskju fil-livell tal-entità billi tagħżel għażliet ta’ trattament tar-riskju xierqa għall-ġestjoni tar-riskji u tidentifika r-riskji residwi.

6.   Matul il-fażi tal-aċċettazzjoni tar-riskju għaċ-ċibersigurtà, kull entità b’impatt kbir u b’impatt kritiku għandha tiddeċiedi jekk taċċettax ir-riskju residwu fuq il-bażi tal-kriterji tal-aċċettazzjoni tar-riskju stabbiliti fil-paragrafu 3, il-punt (b).

7.   Kull entità b’impatt kbir u b’impatt kritiku għandha tirreġistra l-assi identifikati fil-paragrafu 1 f’inventarju tal-assi. Dak l-inventarju tal-assi ma għandux ikun parti mir-rapport ta’ valutazzjoni tar-riskju.

8.   L-awtorità kompetenti tista’ tispezzjona l-assi fl-inventarju matul l-ispezzjonijiet.

1.   Il-qafas komuni taċ-ċibersigurtà tal-elettriku għandu jkun magħmul mis-sistema ta’ kontrolli u ta’ ġestjoni taċ-ċibersigurtà li ġejja:

2.   L-entitajiet b’impatt kbir kollha għandhom japplikaw il-kontrolli minimi taċ-ċibersigurtà skont il-paragrafu 1, il-punt (a), fi ħdan il-perimetru b’impatt kbir tagħhom.

3.   L-entitajiet b’impatt kritiku kollha għandhom japplikaw il-kontrolli avvanzati taċ-ċibersigurtà skont il-paragrafu 1, il-punt (b), fil-perimetru b’impatt kritiku tagħhom.

4.   Fi żmien 7 xhur wara s-sottomissjoni tal-ewwel abbozz tar-rapport ta’ valutazzjoni tar-riskju għaċ-ċibersigurtà madwar l-Unjoni skont l-Artikolu 19(4), il-qafas komuni taċ-ċibersigurtà tal-elettriku msemmi fil-paragrafu 1 għandu jiġi ssupplimentat bil-kontrolli minimi u avvanzati taċ-ċibersigurtà fil-katina tal-provvista żviluppati skont l-Artikolu 33.

1.   Fi żmien 7 xhur wara s-sottomissjoni tal-ewwel abbozz tar-rapport ta’ valutazzjoni tar-riskju għaċ-ċibersigurtà madwar l-Unjoni skont l-Artikolu 19(4), it-TSOs, bl-assistenza tal-ENTSO għall-Elettriku, u f’kooperazzjoni mal-Entità tal-UE għad-DSO, għandhom jiżviluppaw proposta għall-kontrolli minimi u avvanzati taċ-ċibersigurtà.

2.   Fi żmien 6 xhur wara t-tfassil ta’ kull rapport ta’ valutazzjoni tar-riskju għaċ-ċibersigurtà reġjonali skont l-Artikolu 21(2), it-TSOs, bl-għajnuna tal-ENTSO għall-Elettriku, u f’kooperazzjoni mal-Entità tal-UE għad-DSO, għandhom jipproponu emenda lill-awtorità kompetenti għall-kontrolli minimi u avvanzati taċ-ċibersigurtà. Il-proposta ssir f’konformità mal-Artikolu 8(10) u tqis ir-riskji identifikati fil-valutazzjoni tar-riskju reġjonali.

3.   Il-kontrolli minimi u avvanzati taċ-ċibersigurtà għandhom ikunu verifikabbli billi jieħdu sehem fi skema ta’ verifika nazzjonali f’konformità mal-proċedura stabbilita fl-Artikolu 31 jew billi jgħaddu minn verifiki tas-sigurtà minn partijiet terzi indipendenti mwettqin skont ir-rekwiżiti elenkati fl-Artikolu 25(2).

4.   Il-kontrolli minimi u avvanzati inizjali taċ-ċibersigurtà żviluppati skont il-paragrafu (1) għandhom ikunu bbażati fuq ir-riskji li huma identifikati fir-rapport ta’ valutazzjoni tar-riskju għaċ-ċibersigurtà madwar l-Unjoni msemmi fl-Artikolu 19(5). Il-kontrolli minimi u avvanzati taċ-ċibersigurtà emendati żviluppati skont il-paragrafu (2) għandhom ikunu bbażati fuq ir-rapport reġjonali ta’ valutazzjoni tar-riskju għaċ-ċibersigurtà msemmi fl-Artikolu 21(2).

5.   Il-kontrolli minimi taċ-ċibersigurtà għandhom jinkludu kontrolli sabiex tiġi protetta l-informazzjoni skambjata skont l-Artikolu 46.

6.   Fi żmien 12-il xahar wara l-approvazzjoni tal-kontrolli minimi u avvanzati taċ-ċibersigurtà skont l-Artikolu 8(5), jew wara kull aġġornament skont l-Artikolu 8(10), l-entitajiet elenkati fl-Artikolu 2(1) u identifikati bħala entitajiet b’impatt kritiku u b’impatt kbir skont l-Artikolu 24 għandhom, matul l-istabbiliment tal-pjan ta’ mitigazzjoni tar-riskju fil-livell tal-entità skont l-Artikolu 26(5), japplikaw il-kontrolli minimi taċ-ċibersigurtà fi ħdan il-perimetru b’impatt kbir u l-kontrolli avvanzati taċ-ċibersigurtà fi ħdan il-perimetru b’impatt kritiku.

1.   L-entitajiet elenkati fl-Artikolu 2(1) jistgħu jitolbu lill-awtorità kompetenti rispettiva tagħti deroga mill-obbligu tagħhom li japplikaw il-kontrolli minimi u avvanzati taċ-ċibersigurtà msemmijin fl-Artikolu 29(6). L-awtorità kompetenti tista’ tagħti tali deroga għal waħda mir-raġunijiet li ġejjin:

2.   Fi żmien 3 xhur minn meta tirċievi t-talba msemmija fil-paragrafu 1, kull awtorità kompetenti għandha tiddeċiedi jekk għandhiex tingħata deroga mill-kontrolli minimi u avvanzati taċ-ċibersigurtà. Għandhom jingħataw derogi mill-kontrolli minimi jew avvanzati taċ-ċibersigurtà għal massimu ta’ 3 snin, bil-possibbiltà ta’ tiġdid.

3.   L-informazzjoni aggregata u anonimizzata għad-derogi mogħtijin għandha tiġi inkluża bħala anness għar-rapport transfruntier ta’ valutazzjoni tar-riskju għaċ-ċibersigurtà tal-elettriku komprensiv msemmi fl-Artikolu 23. L-ENTSO għall-Elettriku u l-entità tal-UE għad-DSO għandhom jaġġornaw b’mod konġunt il-lista, meta jkun neċessarju.

1.   Mhux aktar tard minn 24 xahar wara l-adozzjoni tal-kontrolli msemmija fil-punti (a), (b) u (c) tal-Artikolu 28(1) u l-istabbiliment tas-sistema ta’ ġestjoni taċ-ċibersigurtà msemmija fil-punt (d) ta’ dak l-Artikolu, kull entità b’impatt kritiku identifikata f’konformità mal-Artikolu 24(1) għandha tkun tista’ turi l-konformità tagħha mas-sistema ta’ ġestjoni taċ-ċibersigurtà u l-kontrolli minimi jew avvanzati taċ-ċibersigurtà fuq talba tal-awtorità kompetenti.

2.   Kull entità b’impatt kritiku għandha tissodisfa l-obbligu msemmi fil-paragrafu 1 billi jsirulha awditi tas-sigurtà minn partijiet terzi indipendenti f’konformità mar-rekwiżiti elenkati fl-Artikolu 25(2) jew billi tieħu sehem fi skema ta’ verifika nazzjonali f’konformità mal-Artikolu 25(1).

3.   Il-verifika li entità b’impatt kritiku tikkonforma mas-sistema ta’ ġestjoni taċ-ċibersigurtà u mal-kontrolli taċ-ċibersigurtà minimi jew avvanzati għandha tkopri l-assi kollha fi ħdan il-perimetru b’impatt kritiku tal-entità b’impatt kritiku.

4.   Il-verifika li entità b’impatt kritiku tikkonforma mas-sistema ta’ ġestjoni taċ-ċibersigurtà u mal-kontrolli minimi jew avvanzati taċ-ċibersigurtà għandha tiġi ripetuta regolarment mhux aktar tard minn 36 xahar wara t-tmiem tal-ewwel verifika, u kull 3 snin wara dan.

5.   Kull entità b’impatt kritiku ddefinita f’konformità mal-Artikolu 24 għandha turi l-konformità tagħha mal-kontrolli msemmijin fil-punti (a), (b) u (c) tal-Artikolu 28(1) u l-istabbiliment tas-sistema ta’ ġestjoni taċ-ċibersigurtà msemmija fil-punt (d) ta’ dak l-Artikolu billi tirrapporta dwar l-eżitu tal-verifika tal-konformità lill-awtorità kompetenti.

1.   Fi żmien 24 xahar wara li tiġi nnotifikata mill-awtorità kompetenti li tkun ġiet identifikata bħala entità b’impatt kbir jew b’impatt kritiku f’konformità mal-Artikolu 24(6), kull entità b’impatt kbir u b’impatt kritiku għandha tistabbilixxi sistema ta’ ġestjoni taċ-ċibersigurtà, u tirrieżamina kull 3 snin minn hemm ’il quddiem, sabiex:

2.   L-ambitu tas-sistema ta’ ġestjoni taċ-ċibersigurtà għandu jinkludi l-assi kollha fil-perimetru b’impatt kbir u b’impatt kritiku tal-entità b’impatt kbir u b’impatt kritiku.

3.   L-awtoritajiet kompetenti għandhom, mingħajr ma jimponu jew jiddiskriminaw favur l-użu ta’ tip partikolari ta’ teknoloġija, iħeġġu l-użu ta’ standards u ta’ speċifikazzjonijiet Ewropej jew internazzjonali relatati mas-sistemi ta’ ġestjoni u rilevanti għas-sigurtà tan-networks u tas-sistemi tal-informazzjoni.

1.   Fi żmien 7 xhur wara s-sottomissjoni tal-ewwel abbozz tar-rapport ta’ valutazzjoni tar-riskju għaċ-ċibersigurtà għall-Unjoni kollha skont l-Artikolu 19(4), it-TSOs, bl-assistenza tal-ENTSO għall-Elettriku, u f’kooperazzjoni mal-entità tal-UE għad-DSO, għandhom jiżviluppaw proposta għal kontrolli minimi u avvanzati taċ-ċibersigurtà fil-katina tal-provvista li jtaffu r-riskji tal-katina tal-provvista identifikati fil-valutazzjonijiet tar-riskju għaċ-ċibersigurtà fl-Unjoni kollha, li jissupplimentaw l-kontrolli minimi u avvanzati taċ-ċibersigurtà żviluppati skont l-Artikolu 29. Il-kontrolli minimi u avvanzati taċ-ċibersigurtà fil-katina tal-provvista għandhom jiġu żviluppati flimkien mal-kontrolli minimi u avvanzati taċ-ċibersigurtà skont l-Artikolu 29. Il-kontrolli minimi u avvanzati taċ-ċibersigurtà fil-katina tal-provvista għandhom ikopru ċ-ċiklu tal-ħajja kollu tal-prodotti tal-ICT, tas-servizzi tal-ICT u tal-proċessi tal-ICT kollha ġewwa l-perimetri b’impatt kbir jew b’impatt kritiku ta’ entità b’impatt kbir jew b’impatt kritiku. Il-Grupp ta’ Kooperazzjoni tal-NIS għandu jiġi kkonsultat meta tiġi żviluppata l-proposta għal kontrolli minimi u avvanzati taċ-ċibersigurtà fil-katina tal-provvista.

2.   Il-kontrolli minimi taċ-ċibersigurtà fil-katina tal-provvista għandhom jikkonsistu f’kontrolli għal entitajiet b’impatt kbir u b’impatt kritiku li:

3.   Għall-ispeċifikazzjonijiet taċ-ċibersigurtà fir-rakkomandazzjoni dwar l-akkwist taċ-ċibersigurtà msemmija fil-paragrafu 2, il-punt (a), l-entitajiet b’impatt kbir jew b’impatt kritiku għandhom jużaw il-prinċipji tal-akkwist skont id-Direttiva 2014/24/UE tal-Parlament Ewropew u tal-Kunsill (19), f’konformità mal-Artikolu 35(4), jew jiddefinixxu l-ispeċifikazzjonijiet tagħhom stess fuq il-bażi tar-riżultati tal-valutazzjoni tar-riskju għaċ-ċibersigurtà fil-livell tal-entitajiet.

4.   Il-kontrolli avvanzati taċ-ċibersigurtà fil-katina tal-provvista għandhom jinkludu kontrolli għal entitajiet b’impatt kritiku sabiex jivverifikaw, matul l-akkwist, li l-prodotti tal-ICT, is-servizzi tal-ICT u l-proċessi tal-ICT li se jintużaw bħala assi b’impatt kritiku jissodisfaw l-ispeċifikazzjonijiet taċ-ċibersigurtà. Il-prodott tal-ICT, is-servizz tal-ICT jew il-proċess tal-ICT għandu jiġi vverifikat jew permezz ta’ skema Ewropea ta’ ċertifikazzjoni taċ-ċibersigurtà msemmija fl-Artikolu 31 jew permezz ta’ attivitajiet ta’ verifika magħżulin u organizzati mill-entità. Il-profondità u l-kopertura tal-attivitajiet ta’ verifika għandhom ikunu biżżejjed sabiex jipprovdu assigurazzjoni li l-prodott tal-ICT, is-servizz tal-ICT jew il-proċess tal-ICT jistgħu jintużaw sabiex itaffu r-riskji identifikati fil-valutazzjoni tar-riskju fil-livell tal-entitajiet. L-entità b’impatt kritiku għandha tiddokumenta l-passi meħudin sabiex jitnaqqsu r-riskji identifikati.

5.   Il-kontrolli minimi u avvanzati taċ-ċibersigurtà fil-katina tal-provvista għandhom japplikaw għall-akkwist tal-prodott tal-ICT, tas-servizzi tal-ICT u tal-proċessi tal-ICT rilevanti. Il-kontrolli minimi u avvanzati taċ-ċibersigurtà tal-katina tal-provvista japplikaw għall-proċessi ta’ akkwist fl-entitajiet identifikati bħala entitajiet b’impatt kritiku u b’impatt kbir skont l-Artikolu 24 li jibda 6 xhur wara l-adozzjoni jew l-aġġornament tal-kontrolli minimi u avvanzati taċ-ċibersigurtà msemmijin fl-Artikolu 29.

6.   Fi żmien 6 xhur wara t-tfassil ta’ kull rapport ta’ valutazzjoni tar-riskju għaċ-ċibersigurtà reġjonali skont l-Artikolu 21(2), it-TSOs, bl-għajnuna tal-ENTSO għall-Elettriku, u f’kooperazzjoni mal-Entità tal-UE għad-DSO, għandhom jipproponu emenda lill-awtorità kompetenti għall-kontrolli minimi u avvanzati taċ-ċibersigurtà fil-katina tal-provvista. Il-proposta ssir f’konformità mal-Artikolu 8(10) u tqis ir-riskji identifikati fil-valutazzjoni tar-riskju reġjonali.

1.   Fi żmien 7 xhur wara s-sottomissjoni tal-ewwel abbozz tar-rapport ta’ valutazzjoni tar-riskju għaċ-ċibersigurtà għall-Unjoni kollha skont l-Artikolu 19(4), it-TSOs, bl-assistenza tal-ENTSO għall-Elettriku, u f’kooperazzjoni mal-entità tal-UE għad-DSO u f’konsultazzjoni mal-ENISA, għandhom jiżviluppaw proposta għal matriċi sabiex jimmappjaw il-kontrolli stabbiliti fl-Artikolu 28(1), il-punti (a) u (b), ma’ standards Ewropej u internazzjonali magħżulin kif ukoll mal-ispeċifikazzjonijiet tekniċi rilevanti (“il-matriċi tal-immappjar”). L-ENTSO għall-Elettriku u l-entità tal-UE għad-DSO għandhom jiddokumentaw l-ekwivalenza tal-kontrolli differenti mal-kontrolli stabbiliti fl-Artikolu 28(1), il-punti (a) u (b).

2.   L-awtoritajiet kompetenti jistgħu jipprovdu lill-ENTSO għall-Elettriku u lill-entità tal-UE għad-DSO immappjar tal-kontrolli stabbiliti fl-Artikolu 28(1), il-punti (a) u (b) b’referenza għall-oqfsa leġiżlattivi jew regolatorji nazzjonali relatati, inklużi l-istandards nazzjonali rilevanti tal-Istati Membri skont l-Artikolu 25 tad-Direttiva (UE) 2022/2555. Jekk l-awtorità kompetenti ta’ Stat Membru tipprovdi mmappjar bħal dan, l-ENTSO għall-Elettriku u l-entità tal-UE għad-DSO għandhom jintegraw dan l-immappjar nazzjonali fil-matriċi tal-immappjar.

3.   Fi żmien 6 xhur wara t-tfassil ta’ kull rapport reġjonali ta’ valutazzjoni tar-riskju għaċ-ċibersigurtà skont l-Artikolu 21(2), it-TSOs, bl-għajnuna tal-ENTSO għall-Elettriku, u f’kooperazzjoni mal-entità tal-UE għad-DSO u f’konsultazzjoni mal-ENISA, għandhom jipproponu emenda lill-awtorità kompetenti għall-matriċi tal-immappjar. Il-proposta ssir f’konformità mal-Artikolu 8(10) u tqis ir-riskji identifikati fil-valutazzjoni tar-riskju reġjonali.

1.   It-TSOs, bl-għajnuna tal-ENTSO għall-Elettriku, u f’kooperazzjoni mal-entità tal-UE għad-DSO, għandhom jiżviluppaw, fi programm ta’ ħidma li għandu jiġi stabbilit u aġġornat kull darba li jiġi adottat rapport ta’ valutazzjoni tar-riskju għaċ-ċibersigurtà reġjonali, settijiet ta’ rakkomandazzjonijiet mhux vinkolanti dwar l-akkwist taċ-ċibersigurtà li entitajiet b’impatt kbir u b’impatt kritiku jistgħu jużaw bħala bażi għall-akkwist ta’ prodotti tal-ICT, ta’ servizzi tal-ICT u ta’ proċessi tal-ICT fil-perimetri b’impatt kbir u b’impatt kritiku. Dan il-programm ta’ ħidma għandu jinkludi dawn li ġejjin:

2.   L-ENTSO għall-Elettriku, f’kooperazzjoni mal-entità tal-UE għad-DSO, għandu, fi żmien 6 xhur wara l-adozzjoni jew l-aġġornament tar-rapport ta’ valutazzjoni tar-riskju għaċ-ċibersigurtà reġjonali jipprovdi lill-ACER b’sommarju ta’ dak il-programm ta’ ħidma.

3.   It-TSOs, bl-assistenza tal-ENTSO għall-Elettriku, u f’kooperazzjoni mal-entità tal-UE għad-DSO, għandhom jagħmlu ħilithom sabiex jiżguraw li r-rakkomandazzjonijiet mhux vinkolanti dwar l-akkwist taċ-ċibersigurtà żviluppati fuq il-bażi tal-valutazzjoni tar-riskju għaċ-ċibersigurtà reġjonali rilevanti jkunu simili jew komparabbli fir-reġjuni ta’ tħaddim tas-sistema kollha. Is-settijiet ta’ rakkomandazzjonijiet dwar l-akkwist taċ-ċibersigurtà għandhom ikopru tal-inqas l-ispeċifikazzjonijiet imsemmijin fl-Artikolu 33(2), il-punt (a). Meta jkun possibbli, l-ispeċifikazzjonijiet għandhom jintgħażlu minn standards Ewropej u internazzjonali.

4.   It-TSOs, bl-assistenza tal-ENTSO għall-Elettriku, u f’kooperazzjoni mal-entità tal-UE għad-DSO, għandhom jiżguraw li s-settijiet ta’ rakkomandazzjonijiet dwar l-akkwist taċ-ċibersigurtà:

1.   Ir-rakkomandazzjonijiet mhux vinkolanti dwar l-akkwist taċ-ċibersigurtà żviluppati skont l-Artikolu 35 jistgħu jinkludu gwida speċifika għas-settur dwar l-użu ta’ skemi Ewropej ta’ ċertifikazzjoni taċ-ċibersigurtà, kull meta tkun disponibbli skema xierqa għal tip ta’ prodott tal-ICT, ta’ servizz tal-ICT jew ta’ proċess tal-ICT użat minn entitajiet b’impatt kritiku, mingħajr preġudizzju għall-qafas għall-istabbiliment ta’ skemi Ewropej ta’ ċertifikazzjoni taċ-ċibersigurtà skont l-Artikolu 46 tar-Regolament (UE) 2019/881.

2.   It-TSOs, bl-assistenza tal-ENTSO għall-Elettriku, u f’kooperazzjoni mal-entità tal-UE għad-DSO għandhom jikkooperaw mill-qrib mal-ENISA sabiex jipprovdu l-gwida speċifika għas-settur inkluża fir-rakkomandazzjonijiet mhux vinkolanti dwar l-akkwist taċ-ċibersigurtà skont il-paragrafu 1.

1.   Jekk awtorità kompetenti tirċievi informazzjoni relatata ma’ attakk ċibernetiku soġġett għar-rapportar, dik l-awtorità kompetenti:

2.   Jekk CSIRT issir taf b’vulnerabbiltà mhux ikkoreġuta sfruttata b’mod attiv, hija għandha:

3.   Jekk awtorità kompetenti ssir taf b’vulnerabbiltà mhux ikkoreġuta sfruttata b’mod attiv, dik l-awtorità kompetenti għandha:

4.   Jekk l-awtorità kompetenti ssir taf b’vulnerabbiltà mhux ikkoreġuta, mingħajr evidenza li tkun għadha bdiet tiġi sfruttata b’mod attiv, hija għandha mingħajr dewmien żejjed tikkoordina mas-CSIRT għall-finijiet ta’ divulgazzjoni koordinata tal-vulnerabbiltà kif stabbilit fl-Artikolu 12(1) tad-Direttiva (UE) 2022/2555.

5.   Jekk CSIRT tirċievi informazzjoni relatata mat-theddid ċibernetiku minn entità waħda jew aktar b’impatt kbir jew b’impatt kritiku skont l-Artikolu 38(6), hija għandha xxerred dik l-informazzjoni jew kwalunkwe informazzjoni oħra ta’ importanza għall-prevenzjoni, għad-detezzjoni, għall-mitigazzjoni tar-riskju relatat, jew għar-rispons għalih, lil entitajiet b’impatt kritiku u b’impatt kbir fl-Istat Membru tagħha u, meta xieraq, għas-CSIRTs ikkonċernati kollha u għall-punt uniku ta’ kuntatt nazzjonali tagħha mingħajr dewmien żejjed u mhux aktar tard minn erba’ sigħat wara li tirċievi l-informazzjoni.

6.   Jekk awtorità kompetenti ssir taf b’informazzjoni relatata mat-theddid ċibernetiku minn entità waħda jew aktar b’impatt kbir jew b’impatt kritiku, hija għandha tgħaddi din l-informazzjoni lis-CSIRT għall-finijiet tal-paragrafu 5.

7.   L-awtoritajiet kompetenti jistgħu jiddelegaw bis-sħiħ jew parzjalment ir-responsabbiltajiet skont il-paragrafi 3 u 4 dwar entità waħda jew aktar b’impatt kbir jew b’impatt kritiku li joperaw f’aktar minn Stat Membru wieħed lil awtorità kompetenti oħra f’wieħed minn dawk l-Istati Membri, wara ftehim bejn l-awtoritajiet kompetenti kkonċernati.

8.   It-TSOs, bl-għajnuna tal-ENTSO għall-Elettriku, u f’kooperazzjoni mal-entità tal-UE għad-DSO għandhom jiżviluppaw metodoloġija tal-iskala ta’ klassifikazzjoni tal-attakki ċibernetiċi sa it-13 ta’ Ġunju 2025. It-TSOs, bl-assistenza tal-ENTSO għall-Elettriku u tal-entità tal-UE għad-DSO jistgħu jitolbu lill-awtoritajiet kompetenti jikkonsultaw lill-ENISA u lill-awtoritajiet kompetenti tagħhom responsabbli għaċ-ċibersigurtà għall-assistenza fl-iżvilupp ta’ tali skala ta’ klassifikazzjoni. Il-metodoloġija għandha tipprovdi l-klassifikazzjoni għall-gravità ta’ attakk ċibernetiku skont ħames livelli, bl-ogħla żewġ livelli li huma “għolja” u “kritika”. Il-klassifikazzjoni għandha tkun ibbażata fuq il-valutazzjoni tal-parametri li ġejjin:

9.   Sa it-13 ta’ Ġunju 2026, l-ENTSO għall-Elettriku, f’kollaborazzjoni mal-entità tal-UE għad-DSO, għandu jwettaq studju tal-fattibbiltà sabiex jivvaluta l-possibbiltà u l-kostijiet finanzjarji neċessarji sabiex tiġi żviluppata għodda komuni li tippermetti lill-entitajiet kollha jaqsmu l-informazzjoni mal-awtoritajiet nazzjonali rilevanti.

10.   L-istudju tal-fattibbiltà għandu jindirizza l-possibbiltà għal tali għodda komuni li:

11.   L-ENTSO għall-Elettriku, f’kooperazzjoni mal-entità tal-UE għad-DSO, għandu:

12.   L-ENTSO għall-Elettriku, f’kooperazzjoni mal-entità tal-UE għad-DSO, jista’ janalizza u jiffaċilita l-inizjattivi proposti minn entitajiet b’impatt kritiku u b’impatt kbir sabiex jevalwa u jittestja għodod bħal dawn għall-kondiviżjoni tal-informazzjoni.

1.   Kull entità b’impatt kbir u b’impatt kritiku għandha:

2.   L-ENISA tista’ toħroġ gwida mhux vinkolanti dwar l-istabbiliment ta’ tali kapaċitajiet jew is-sottokuntrattar tas-servizz lill-MSSPs, bħala parti mill-kompitu definit fl-Artikolu 6(2) tar-Regolament (UE) 2019/881.

3.   Kull entità b’impatt kritiku u b’impatt kbir għandha taqsam l-informazzjoni rilevanti relatata ma’ attakk ċibernetiku suġġett għar-rapportar mas-CSIRTs tagħha u mal-awtorità kompetenti tagħha mingħajr dewmien żejjed u mhux aktar tard minn erba’ sigħat minn meta ssir taf li l-inċident ikun rapportabbli.

4.   L-informazzjoni relatata ma’ attakk ċibernetiku għandha titqies bħala rapportabbli meta l-attakk ċibernetiku jiġi vvalutat mill-entità affettwata bħala li jirriżulta fi kritikalità li tvarja minn “għolja” sa “kritika” skont il-metodoloġija tal-iskala ta’ klassifikazzjoni tal-attakk ċibernetiku skont l-Artikolu 37(8). Il-punt uniku ta’ kuntatt fil-livell tal-entità deżinjat skont il-paragrafu 1, il-punt (c), għandu jikkomunika l-klassifikazzjoni tal-inċidenti.

5.   Meta l-entitajiet b’impatt kritiku u b’impatt kbir jinnotifikaw l-informazzjoni rilevanti relatata ma’ vulnerabbiltajiet mhux ikkoreġuti sfruttati b’mod attiv lil CSIRT, din tal-aħħar tista’ tgħaddi din l-informazzjoni lill-awtorità kompetenti tagħha. Fid-dawl tal-livell ta’ sensittività tal-informazzjoni notifikata, is-CSIRT tista’ żżomm l-informazzjoni jew iddewwem it-trażmissjoni tagħha fuq il-bażi ta’ raġunijiet ġustifikati relatati maċ-ċibersigurtà.

6.   Kull entità b’impatt kritiku u b’impatt kbir għandha tipprovdi mingħajr dewmien żejjed lis-CSIRTs tagħha kwalunkwe informazzjoni relatata ma’ theddida ċibernetika li jista’ jkollha effett transfruntier. L-informazzjoni relatata ma’ theddida ċibernetika għandha titqies bħala rapportabbli meta tiġi ssodisfata tal-inqas waħda mill-kundizzjonijiet li ġejjin:

7.   Kull entità b’impatt kritiku u entità b’impatt kbir għandha, meta taqsam l-informazzjoni skont dan l-Artikolu, tispeċifika dan li ġej:

8.   Meta entità kritika jew b’impatt kbir tinnotifika inċident sinifikanti skont l-Artikolu 23 tad-Direttiva (UE) 2022/2555 u r-rapportar tal-inċidenti skont dak l-Artikolu jkun fih informazzjoni rilevanti kif meħtieġ skont il-paragrafu 3 ta’ dan l-Artikolu, ir-rapportar tal-entità skont l-Artikolu 23(1) ta’ dik id-Direttiva għandu jikkostitwixxi r-rapportar ta’ informazzjoni skont il-paragrafu 3 ta’ dan l-Artikolu.

9.   Kull entità b’impatt kritiku u b’impatt kbir għandha tirrapporta lill-awtorità kompetenti jew lis-CSIRT tagħha billi tidentifika b’mod ċar informazzjoni speċifika li għandha tiġi kondiviża biss mal-awtorità kompetenti jew mas-CSIRT f’każijiet li fihom il-kondiviżjoni tal-informazzjoni tista’ tkun sors ta’ attakk ċibernetiku. Kull entità b’impatt kritiku u b’impatt kbir għandu jkollha d-dritt li tipprovdi verżjoni mhux kunfidenzjali tal-informazzjoni lis-CSIRT kompetenti.

1.   L-entitajiet b’impatt kritiku u b’impatt kbir għandhom jiżviluppaw il-kapaċitajiet neċessarji sabiex jittrattaw l-attakki ċibernetiċi skoperti bl-appoġġ neċessarju mill-awtorità kompetenti rilevanti, mill-ENTSO għall-Elettriku u mill-entità tal-UE għad-DSO. L-entitajiet b’impatt kritiku u b’impatt kbir jistgħu jiġu appoġġati mis-CSIRT deżinjat fl-Istat Membru rispettiv tagħhom bħala parti mill-kompitu assenjat lis-CSIRTs mill-Artikolu 11(5) il-punt (a), tad-Direttiva (UE) 2022/2555. L-entitajiet b’impatt kritiku u b’impatt kbir għandhom jimplimentaw proċessi effettivi sabiex jidentifikaw, jikklassifikaw u jwieġbu għal attakki ċibernetiċi li se jaffettwaw jew li jistgħu jaffettwaw il-flussi transfruntieri tal-elettriku sabiex jimminimizzaw l-impatt tagħhom.

2.   Jekk attakk ċibernetiku jkollu effett fuq il-flussi transfruntieri tal-elettriku, il-punti uniċi ta’ kuntatt fil-livell tal-entità tal-entitajiet affettwati b’impatt kritiku u b’impatt kbir għandhom jikkooperaw sabiex jaqsmu l-informazzjoni bejniethom, ikkoordinati mill-awtorità kompetenti tal-Istat Membru li fih ikun ġie rrapportat l-ewwel attakk ċibernetiku.

3.   L-entitajiet b’impatt kritiku u b’impatt kbir għandhom:

4.   Il-kompiti msemmijin fil-paragrafu 1 jistgħu jiġu ddelegati mill-Istati Membri wkoll liċ-Ċentri Reġjonali ta’ Koordinazzjoni f’konformità mal-Artikolu 37(2) tar-Regolament (UE) 2019/943.

1.   Meta l-awtorità kompetenti tistabbilixxi li kriżi tal-elettriku tkun relatata ma’ attakk ċibernetiku li jkollu impatt fuq aktar minn Stat Membru wieħed, l-awtoritajiet kompetenti mill-Istati Membri affettwati, is-CS-NCAs, l-RP-NCA u l-awtoritajiet tal-ġestjoni ta’ kriżijiet ċibernetiċi tal-NIS mill-Istati Membri affettwati għandhom joħolqu b’mod konġunt grupp ta’ koordinazzjoni għall-kriżijiet transfruntieri ad hoc.

2.   Il-grupp ta’ koordinazzjoni għall-kriżijiet transfruntieri ad hoc għandu:

3.   Meta l-attakk ċibernetiku jikkwalifika jew ikun mistenni li jikkwalifika bħala inċident ċibernetiku fuq skala kbira, il-grupp ta’ koordinazzjoni tal-kriżijiet transfruntieri ad hoc għandu jinforma minnufih lill-awtoritajiet nazzjonali ta’ ġestjoni ta’ kriżijiet ċibernetiċi f’konformità mal-Artikolu 9(1) tad-Direttiva (UE) 2022/2555 fl-Istati Membri affettwati mill-inċident, kif ukoll lill-Kummissjoni u lill-EU CyCLONe. F’sitwazzjoni bħal din, il-grupp ta’ koordinazzjoni tal-kriżijiet transfruntieri ad hoc għandu jappoġġa lill-EU CyCLONe dwar l-ispeċifiċitajiet settorjali.

4.   L-entitajiet b’impatt kritiku u b’impatt kbir għandhom jiżviluppaw u jkollhom għad-dispożizzjoni tagħhom il-kapaċitajiet, il-linji gwida interni, il-pjanijiet ta’ tħejjija, u l-persunal sabiex jieħdu sehem fid-detezzjoni u fil-mitigazzjoni ta’ kriżi transfruntiera. L-entità b’impatt kritiku jew b’impatt kbir affettwata minn kriżi tal-elettriku simultanja għandha tinvestiga l-kawża ewlenija ta’ kriżi bħal din f’kooperazzjoni mal-awtorità kompetenti tagħha sabiex tiddetermina sa liema punt il-kriżi tkun relatata ma’ attakk ċibernetiku.

5.   Il-kompiti fil-paragrafu 4 jistgħu jiġu ddelegati mill-Istati Membri wkoll liċ-Ċentri Reġjonali ta’ Koordinazzjoni f’konformità mal-Artikolu 37(2) tar-Regolament (UE) 2019/943.

1.   Fi żmien 24 xahar wara n-notifika lill-ACER tar-rapport ta’ valutazzjoni tar-riskju għall-Unjoni kollha, l-ACER għandha f’kooperazzjoni mill-qrib mal-ENISA, mal-ENTSO għall-Elettriku, mal-entità tal-UE għad-DSO, mas-CS-NCAs, mal-awtoritajiet kompetenti, mal-RP-NCAs, mal-NRAs u mal-awtoritajiet nazzjonali tal-NIS għall-ġestjoni ta’ kriżijiet ċibernetiċi, tiżviluppa pjan ta’ ġestjoni ta’ kriżijiet taċ-ċibersigurtà u ta’ rispons għalihom fil-livell tal-Unjoni għas-settur tal-elettriku.

2.   Fi żmien 12-il xahar wara l-iżvilupp mill-ACER tal-pjan ta’ ġestjoni ta’ kriżijiet taċ-ċibersigurtà u ta’ rispons għalihom fil-livell tal-Unjoni għas-settur tal-elettriku skont il-paragrafu 1, kull awtorità kompetenti għandha tiżviluppa pjan nazzjonali ta’ ġestjoni ta’ kriżijiet taċ-ċibersigurtà għall-flussi transfruntieri tal-elettriku u ta’ rispons għalihom filwaqt li tqis il-pjan ta’ ġestjoni ta’ kriżijiet taċ-ċibersigurtà fil-livell tal-Unjoni u l-pjan nazzjonali ta’ tħejjija għar-riskji stabbilit f’konformità mal-Artikolu 10 tar-Regolament (UE) 2019/941. Dan il-pjan għandu jkun konsistenti mal-pjan ta’ rispons għall-inċidenti u għall-kriżijiet taċ-ċibersigurtà fuq skala kbira skont l-Artikolu 9(4) tad-Direttiva (UE) 2022/2555. L-awtorità kompetenti għandha tikkoordina mal-entitajiet b’impatt kritiku u b’impatt kbir u mal-RP-NCA fl-Istat Membru tagħha.

3.   Il-pjan nazzjonali ta’ rispons għall-inċidenti u għall-kriżijiet taċ-ċibersigurtà fuq skala kbira meħtieġ skont l-Artikolu 9(4) tad-Direttiva (UE) 2022/2555 għandu jitqies bħala pjan nazzjonali ta’ ġestjoni ta’ kriżijiet taċ-ċibersigurtà skont dan l-Artikolu jekk jinkludi dispożizzjonijiet dwar il-ġestjoni ta’ kriżijiet u r-rispons għall-flussi transfruntieri tal-elettriku.

4.   Il-kompiti elenkati fil-paragrafi 1 u 2 jistgħu jiġu ddelegati mill-Istati Membri wkoll liċ-Ċentri Reġjonali ta’ Koordinazzjoni f’konformità mal-Artikolu 37(2) tar-Regolament (UE) 2019/943.

5.   L-entitajiet b’impatt kritiku u b’impatt kbir għandhom jiżguraw li l-proċessi tagħhom ta’ ġestjoni ta’ kriżijiet relatati maċ-ċibersigurtà:

6.   Fi żmien 12-il xahar wara n-notifika tal-entitajiet b’impatt kbir u kritiku skont l-Artikolu 24(6), u kull 3 snin wara dan, l-entitajiet b’impatt kritiku u b’impatt kbir għandhom jiżviluppaw pjan ta’ ġestjoni ta’ kriżijiet fil-livell tal-entitajiet għal kriżi relatata maċ-ċibersigurtà li għandu jiġi inkluż fil-pjanijiet ġenerali tagħhom ta’ ġestjoni ta’ kriżijiet. Dan il-pjan għandu jinkludi tal-inqas dawn li ġejjin:

7.   Il-miżuri għall-ġestjoni ta’ kriżijiet skont l-Artikolu 21(2) il-punt (c), tad-Direttiva (UE) 2022/2555 għandhom jitqiesu bħala pjan ta’ ġestjoni ta’ kriżijiet fil-livell tal-entità għas-settur tal-elettriku skont dan l-Artikolu jekk dan jinkludi r-rekwiżiti kollha elenkati fil-paragrafu 6.

8.   Il-pjanijiet ta’ ġestjoni ta’ kriżijiet għandhom jiġu ttestjati matul l-eżerċizzji taċ-ċibersigurtà msemmijin fl-Artikoli 43, 44 u 45.

9.   L-entitajiet b’impatt kritiku u b’impatt kbir għandhom jinkludu l-pjanijiet ta’ ġestjoni ta’ kriżijiet tagħhom fil-livell tal-entitajiet fil-pjanijiet għall-kontinwità tal-operat tagħhom għall-proċessi b’impatt kritiku u b’impatt kbir. Il-pjanijiet ta’ ġestjoni ta’ kriżijiet fil-livell tal-entitajiet għandhom jinkludu:

10.   L-entitajiet b’impatt kritiku u b’impatt kbir għandhom jaġġornaw il-pjanijiet tagħhom ta’ ġestjoni ta’ kriżijiet fil-livell tal-entitajiet tal-inqas kull 3 snin u kull meta jkun neċessarju.

11.   L-ACER għandha taġġorna l-pjan ta’ ġestjoni tal-kriżijiet taċ-ċibersigurtà fil-livell tal-Unjoni għas-settur tal-elettriku u ta’ rispons għalihom żviluppat skont il-paragrafu (1) tal-inqas kull 3 snin u kull meta jkun neċessarju.

12.   Kull awtorità kompetenti għandha taġġorna l-pjan nazzjonali ta’ ġestjoni tal-kriżijiet taċ-ċibersigurtà għall-flussi transfruntieri tal-elettriku u ta’ rispons għalihom żviluppat skont il-paragrafu (2) tal-inqas kull 3 snin u kull meta jkun neċessarju.

13.   L-entitajiet b’impatt kritiku u b’impatt kbir għandhom jittestjaw il-pjanijiet ta’ kontinwità tal-operat tagħhom tal-inqas darba kull 3 snin jew wara bidliet kbar fi proċess b’impatt kritiku. L-eżitu tat-testijiet tal-pjan għall-kontinwità tal-operat għandu jiġi ddokumentat. L-entitajiet b’impatt kritiku u b’impatt kbir jistgħu jinkludu t-test tal-pjan għall-kontinwità tal-operat tagħhom fl-eżerċizzji taċ-ċibersigurtà.

14.   L-entitajiet b’impatt kritiku u b’impatt kbir għandhom jaġġornaw il-pjan għall-kontinwità tal-operat tagħhom kull meta jkun neċessarju u tal-inqas darba kull 3 snin filwaqt li jqisu l-eżitu tat-test.

15.   Jekk test jidentifika nuqqasijiet fil-pjan għall-kontinwità tal-operat, l-entità b’impatt kritiku u b’impatt kbir għandha tikkoreġi dawk in-nuqqasijiet fi żmien 180 jum kalendarju wara l-ittestjar u għandha twettaq test ġdid sabiex tipprovdi evidenza li l-miżuri korrettivi jkunu effettivi.

16.   Meta entità b’impatt kritiku jew b’impatt kbir ma tkunx tista’ tikkoreġi n-nuqqasijiet fi żmien 180 jum kalendarju, din għandha tinkludi r-raġunijiet fir-rapport li għandu jiġi pprovdut lill-awtorità kompetenti tagħha f’konformità mal-Artikolu 27.

1.   L-awtoritajiet kompetenti għandhom jikkooperaw mal-ENISA sabiex jiżviluppaw Kapaċitajiet ta’ Twissija Bikrija taċ-Ċibersigurtà tal-Elettriku (ECEAC) bħala parti mill-assistenza lill-Istati Membri skont l-Artikolu 6(2) u (7) tar-Regolament (UE) 2019/881.

2.   L-ECEAC għandhom jippermettu lill-ENISA sabiex, meta twettaq il-kompiti elenkati fl-Artikolu 7(7) tar-Regolament (UE) 2019/881:

3.   Is-CSIRTs għandhom ixerrdu l-informazzjoni li jirċievu mill-ENISA lill-entitajiet ikkonċernati mingħajr dewmien, fi ħdan il-kompiti tagħhom definiti fl-Artikolu 11(3), il-punt (b), tad-Direttiva (UE) 2022/2555.

4.   L-ACER għandha timmonitorja l-effettività tal-ECEAC. L-ENISA għandha tassisti lill-ACER billi tipprovdi l-informazzjoni neċessarja kollha, skont l-Artikoli 6(2) u 7(1) tar-Regolament (UE) 2019/881. L-analiżi ta’ din l-attività ta’ monitoraġġ għandha tkun parti mill-monitoraġġ skont l-Artikolu 12 ta’ dan ir-Regolament.

1.   Sal-31 ta’ Diċembru tas-sena ta’ wara n-notifika ta’ entitajiet b’impatt kritiku, u kull 3 snin wara dan, kull entità b’impatt kritiku għandha twettaq eżerċizzju taċ-ċibersigurtà inkluż xenarju wieħed jew aktar b’attakki ċibernetiċi li jaffettwaw il-flussi transfruntieri tal-elettriku direttament jew indirettament u relatati mar-riskji identifikati matul il-valutazzjonijiet tar-riskju għaċ-ċibersigurtà fil-livelli tal-Istati Membri u tal-entitajiet f’konformità mal-Artikolu 20 u mal-Artikolu 27.

2.   B’deroga mill-paragrafu 1, l-RP-NCA, wara li tikkonsulta lill-awtorità kompetenti u lill-awtorità rilevanti għall-ġestjoni ta’ kriżijiet ċibernetiċi kif deżinjata jew stabbilita fid-Direttiva (UE) 2022/2555 skont l-Artikolu 9 tista’ tiddeċiedi li torganizza eżerċizzju taċ-ċibersigurtà fil-livell tal-Istat Membru kif deskritt fil-paragrafu 1 minflok ma twettaq l-eżerċizzju taċ-ċibersigurtà fil-livell tal-entitajiet. F’dan ir-rigward, l-awtorità kompetenti għandha tinforma:

3.   L-RP-NCA bl-appoġġ tekniku tas-CSIRTs tagħha, għandha torganizza l-eżerċizzju taċ-ċibersigurtà deskritt fil-paragrafu 2 fil-livell tal-Istati Membri b’mod indipendenti jew fil-kuntest ta’ eżerċizzju taċ-ċibersigurtà differenti f’dak l-Istat Membru. Sabiex ikunu jistgħu jiġbru dawn l-eżerċizzji, l-RP-NCA tista’ tipposponi b’sena l-eżerċizzju taċ-ċibersigurtà fil-livell tal-Istat Membru msemmi fil-paragrafu 1.

4.   L-eżerċizzji taċ-ċibersigurtà fil-livell tal-entitajiet u fil-livell tal-Istat Membru għandhom ikunu konsistenti mal-oqfsa nazzjonali għall-ġestjoni ta’ kriżijiet taċ-ċibersigurtà f’konformità mal-Artikolu 9(4), il-punt (d) tad-Direttiva (UE) 2022/2555.

5.   Sal- il-31 ta’ Diċembru 2026, u kull 3 snin wara dan, l-ENTSO għall-Elettriku, f’kooperazzjoni mal-entità tal-UE għad-DSO, għandu jagħmel disponibbli mudell tax-xenarju tal-eżerċizzju sabiex jitwettqu l-eżerċizzji taċ-ċibersigurtà fil-livell tal-entitajiet u tal-Istat Membru msemmijin fil-paragrafi 1. Dan il-mudell għandu jqis ir-riżultati tal-aktar riżultati tal-valutazzjoni tar-riskju għaċ-ċibersigurtà mwettqa reċentement fil-livelli tal-entitajiet u tal-Istat Membru u għandu jinkludi l-kriterji ewlenin ta’ suċċess. L-ENTSO għall-Elettriku u l-entità tal-UE għad-DSO għandhom jinvolvu lill-ACER u lill-ENISA fl-iżvilupp ta’ mudell bħal dan.

1.   Sal- il-31 ta’ Diċembru 2029, u kull 3 snin wara dan, f’kull reġjun ta’ tħaddim tas-sistema, l-ENTSO għall-Elettriku, f’kooperazzjoni mal-entità tal-UE għad-DSO, għandu jorganizza eżerċizzju reġjonali taċ-ċibersigurtà. L-entitajiet b’impatt kritiku fir-reġjun ta’ tħaddim tas-sistema għandhom jipparteċipaw fl-eżerċizzju taċ-ċibersigurtà reġjonali. L-ENTSO għall-Elettriku, f’kooperazzjoni mal-entità tal-UE għad-DSO, jista’ jorganizza, minflok eżerċizzju reġjonali taċ-ċibersigurtà, eżerċizzju transreġjonali taċ-ċibersigurtà f’aktar minn reġjun ta’ tħaddim tas-sistema wieħed fl-istess perjodu ta’ żmien. Jenħtieġ li l-eżerċizzju jqis valutazzjonijiet u xenarji eżistenti oħrajn tar-riskju għaċ-ċibersigurtà żviluppati fil-livell tal-Unjoni.

2.   L-ENISA għandha tappoġġa lill-ENTSO għall-Elettriku u lill-entità tal-UE għad-DSO fit-tħejjija u fl-organizzazzjoni tal-eżerċizzju taċ-ċibersigurtà fil-livell reġjonali jew interreġjonali.

3.   L-ENTSO għall-Elettriku, f’koordinazzjoni mal-entità tal-UE għad-DSO, għandu jinforma lill-entitajiet b’impatt kritiku li għandhom jipparteċipaw fl-eżerċizzju reġjonali jew transreġjonali taċ-ċibersigurtà 6 xhur qabel ma jseħħ l-eżerċizzju.

4.   L-organizzatur ta’ eżerċizzju taċ-ċibersigurtà regolari fil-livell tal-Unjoni skont l-Artikolu 7(5) tar-Regolament (UE) 2019/881, jew ta’ kwalunkwe eżerċizzju obbligatorju taċ-ċibersigurtà relatat mas-settur tal-elettriku fl-istess perimetru ġeografiku, jista’ jistieden lill-ENTSO għall-Elettriku u lill-entità tal-UE għad-DSO sabiex tipparteċipa. F’każijiet bħal dawn, l-obbligu fil-paragrafu 1 ma japplikax, dment li l-entitajiet kollha b’impatt kritiku fir-reġjun ta’ tħaddim tas-sistema jieħdu sehem fl-istess eżerċizzju.

5.   Jekk l-ENTSO għall-Elettriku u l-entità tal-UE għad-DSO jipparteċipaw f’eżerċizzju taċ-ċibersigurtà msemmi fil-paragrafu 4, huma jistgħu jipposponu b’sena l-eżerċizzju taċ-ċibersigurtà reġjonali jew transreġjonali msemmi fil-paragrafu 1.

6.   Sal- il-31 ta’ Diċembru 2027, u kull 3 snin wara dik id-data, l-ENTSO għall-Elettriku, f’koordinazzjoni mal-entità tal-UE għad-DSO, għandu jagħmel disponibbli mudell ta’ eżerċizzju sabiex jitwettqu l-eżerċizzji taċ-ċibersigurtà reġjonali u transreġjonali. Dan il-mudell għandu jqis ir-riżultati tal-aktar riżultati tal-valutazzjoni tar-riskju għaċ-ċibersigurtà mwettqa reċentement fil-livell reġjonali u għandu jinkludi l-kriterji ewlenin ta’ suċċess. L-ENTSO għall-Elettriku għandu jikkonsulta lill-Kummissjoni u jista’ jfittex parir mingħand l-ACER, l-ENISA u ċ-Ċentru Konġunt tar-Riċerka dwar l-organizzazzjoni u l-eżekuzzjoni tal-eżerċizzji taċ-ċibersigurtà reġjonali u transreġjonali.

1.   Fuq talba minn entità b’impatt kritiku, il-fornituri ta’ servizzi kritiċi għandhom jipparteċipaw fl-eżerċizzji taċ-ċibersigurtà msemmijin fl-Artikolu 43(1) u (2) u fl-Artikolu 44(1) meta jipprovdu servizzi għall-entità b’impatt kritiku fil-qasam li jikkorrispondi għall-ambitu tal-eżerċizzju taċ-ċibersigurtà rilevanti.

2.   L-organizzaturi tal-eżerċizzji taċ-ċibersigurtà msemmijin fl-Artikolu 43(1) u (2) u fl-Artikolu 44(1), bil-parir tal-ENISA jekk jintalab minnhom u skont l-Artikolu 7(5) tar-Regolament (UE) 2019/881, għandhom janalizzaw u jiffinalizzaw l-eżerċizzju rilevanti taċ-ċibersigurtà permezz ta’ rapport li jiġbor fil-qosor it-tagħlimiet, indirizzat lill-parteċipanti kollha. Ir-rapport għandu jinkludi:

3.   Jekk jintalbu min-network tas-CSIRTs jew mill-Grupp ta’ Kooperazzjoni tal-NIS jew mill-EU CyCLONe, l-organizzaturi tal-eżerċizzji taċ-ċibersigurtà msemmijin fl-Artikolu 43(1) u (2) u fl-Artikolu 44(1) għandhom jaqsmu l-eżitu tal-eżerċizzju rilevanti taċ-ċibersigurtà. L-organizzaturi għandhom jaqsmu ma’ kull entità li tipparteċipa fl-eżerċizzji l-informazzjoni msemmija fil-paragrafu 2, il-punti (a) u (b) ta’ dan l-Artikolu. L-organizzaturi għandhom jaqsmu l-lista ta’ rakkomandazzjonijiet imsemmija f’dak il-paragrafu, il-punt (c) esklużivament mal-entitajiet indirizzati fir-rakkomandazzjonijiet.

4.   L-organizzaturi tal-eżerċizzji taċ-ċibersigurtà msemmijin fl-Artikolu 43(1) u (2) u fl-Artikolu 44(1) għandhom isegwu b’mod regolari mal-entitajiet li jipparteċipaw fl-eżerċizzji dwar l-implimentazzjoni tar-rakkomandazzjonijiet skont il-paragrafu 2, il-punt (c) ta’ dan l-Artikolu.

1.   L-entitajiet elenkati fl-Artikolu 2(1) għandhom jiżguraw li l-informazzjoni pprovduta, riċevuta, skambjata jew trażmessa skont dan ir-Regolament tkun aċċessibbli biss fuq bażi ta’ ħtieġa ta’ tagħrif u f’konformità mar-regoli rilevanti tal-Unjoni u dawk nazzjonali dwar is-sigurtà tal-informazzjoni.

2.   L-entitajiet elenkati fl-Artikolu 2(1) għandhom jiżguraw li l-informazzjoni pprovduta, riċevuta, skambjata jew trażmessa skont dan ir-Regolament tiġi ttrattata u trekkjata matul iċ-ċiklu tal-ħajja kollu ta’ dik l-informazzjoni u li din tista’ tiġi rrilaxxata fi tmiem iċ-ċiklu tal-ħajja tagħha biss wara li tiġi anonimizzata.

3.   L-entitajiet elenkati fl-Artikolu 2(1) għandhom jiżguraw li l-miżuri ta’ protezzjoni neċessarji kollha ta’ natura organizzazzjonali u teknika jkunu fis-seħħ sabiex jissalvagwardjaw u jipproteġu l-kunfidenzjalità, l-integrità, id-disponibbiltà u n-nonripudju tal-informazzjoni pprovduta, riċevuta, skambjata jew trażmessa skont dan ir-Regolament, indipendentement mill-mezzi użati. Il-miżuri ta’ protezzjoni għandhom:

4.   L-entitajiet elenkati fl-Artikolu 2(1) għandhom jiżguraw li kwalunkwe individwu li jingħata aċċess għall-informazzjoni pprovduta, riċevuta, skambjata jew trażmessa skont dan ir-Regolament jiġi infurmat dwar ir-regoli tas-sigurtà applikabbli fil-livell tal-entitajiet u dwar il-miżuri u l-proċeduri rilevanti għall-protezzjoni tal-informazzjoni. Dawk l-entitajiet għandhom jiżguraw li l-individwu kkonċernat jirrikonoxxi r-responsabbiltà li tiġi protetta l-informazzjoni kif spjegat matul it-tgħarrif.

5.   L-entitajiet elenkati fl-Artikolu 2(1) għandhom jiżguraw li l-aċċess għall-informazzjoni pprovduta, riċevuta, skambjata jew trażmessa skont dan ir-Regolament ikun limitat għal individwi:

6.   L-entitajiet elenkati fl-Artikolu 2(1) għandu jkollhom il-ftehim bil-miktub tal-persuna fiżika jew ġuridika li oriġinarjament tkun ħolqot jew ipprovdiet l-informazzjoni, qabel ma tipprovdi dik l-informazzjoni lil parti terza li taqa’ barra mill-kamp ta’ applikazzjoni ta’ dan ir-Regolament.

7.   Entità elenkata fl-Artikolu 2(1) tista’ tikkunsidra li din l-informazzjoni għandha tinqasam mingħajr ma tikkonforma mal-paragrafi 1 u 4 ta’ dan l-Artikolu sabiex tipprevjeni kriżi simultanja tal-elettriku b’kawża ewlenija taċ-ċibersigurtà jew kwalunkwe kriżi transfruntiera fl-Unjoni f’settur ieħor. F’dak il-każ, hija għandha:

8.   B’deroga mill-paragrafu 6 ta’ dan l-Artikolu, l-awtoritajiet kompetenti jistgħu jipprovdu informazzjoni pprovduta, riċevuta, skambjata jew trażmessa skont dan ir-Regolament lil parti terza mhux elenkata fl-Artikolu 2(1) mingħajr kunsens bil-miktub minn qabel tal-oriġinatur tal-informazzjoni iżda jinformaw lil dan tal-aħħar mill-aktar fis possibbli. Qabel ma tiddivulga kwalunkwe informazzjoni pprovduta, riċevuta, skambjata jew trażmessa skont dan ir-Regolament lil parti terza mhux elenkata fl-Artikolu 2(1), l-awtorità kompetenti kkonċernata għandha tiżgura b’mod raġonevoli li l-parti terza kkonċernata tkun konxja tar-regoli tas-sigurtà fis-seħħ u għandha tirċievi aċċertament raġonevoli li l-parti terza kkonċernata tista’ tipproteġi l-informazzjoni riċevuta f’konformità mal-paragrafi 1 sa 5 ta’ dan l-Artikolu. L-awtorità kompetenti għandha tanonimizza tali informazzjoni mingħajr ma titlef l-elementi neċessarji sabiex tinforma lill-pubbliku dwar riskju imminenti u serju għall-flussi transfruntieri tal-elettriku u l-miżuri ta’ mitigazzjoni possibbli u tissalvagwardja l-identità tal-oriġinatur tal-informazzjoni. F’dan il-każ, il-parti terza mhux elenkata fl-Artikolu 2(1) għandha tipproteġi l-informazzjoni riċevuta f’konformità mad-dispożizzjonijiet diġà fis-seħħ fil-livell tal-entità, jew meta dan ma jkunx possibbli, mad-dispożizzjonijiet u mal-istruzzjonijiet ipprovduti mill-awtorità kompetenti rilevanti.

9.   Dan l-Artikolu ma japplikax għal entitajiet mhux elenkati fl-Artikolu 2(1) li jiġu pprovduti b’informazzjoni skont il-paragrafu 6 ta’ dan l-Artikolu. F’dan il-każ, għandu jiġi applikat il-paragrafu 7 ta’ dan l-Artikolu, jew l-awtorità kompetenti tista’ tipprovdi lil dik l-entità b’dispożizzjonijiet bil-miktub sabiex tapplika f’każijiet li fihom tasal informazzjoni skont dan ir-Regolament.

1.   Kwalunkwe informazzjoni pprovduta, riċevuta, skambjata jew trażmessa skont dan ir-Regolament għandha tkun soġġetta għall-kundizzjonijiet tas-segretezza professjonali stabbiliti fil-paragrafi 2 sa 5 ta’ dan l-Artikolu ta’ dan ir-Regolament u għar-rekwiżiti kif stabbiliti fl-Artikolu 65 tar-Regolament (UE) 2019/943. Kwalunkwe informazzjoni pprovduta, riċevuta, skambjata jew trażmessa fost l-entitajiet elenkati fl-Artikolu 2 dan ir-Regolament, għall-finijiet tal-implimentazzjoni ta’ dan ir-Regolament, għandha tiġi protetta, filwaqt li jitqies il-livell ta’ kunfidenzjalità tal-informazzjoni applikat mill-oriġinatur.

2.   L-obbligu tas-segretezza professjonali għandu japplika għall-entitajiet elenkati fl-Artikolu 2.

3.   Is-CS-NCAs, l-NRAs, l-RP-NCAs u s-CSIRTs għandhom jiskambjaw l-informazzjoni neċessarja kollha sabiex iwettqu l-kompiti tagħhom.

4.   Kwalunkwe informazzjoni riċevuta, skambjata jew trażmessa fost l-entitajiet elenkati fl-Artikolu 2(1), għall-finijiet tal-implimentazzjoni tal-Artikolu 23, għandha tiġi anonimizzata u aggregata.

5.   Informazzjoni riċevuta minn kwalunkwe entità jew awtorità soġġetta għal dan ir-Regolament matul id-dmirijiet tagħha ma tistax tiġi ddivulgata lil xi entità jew awtorità oħra, mingħajr preġudizzju għall-każijiet koperti mil-liġi nazzjonali, minn dispożizzjonijiet oħrajn ta’ dan ir-Regolament, jew minn leġiżlazzjoni rilevanti oħra tal-Unjoni.

6.   Mingħajr preġudizzju għal-leġiżlazzjoni nazzjonali jew tal-Unjoni, awtorità, entità jew persuna fiżika li tirċievi informazzjoni skont dan ir-Regolament ma tistax tużaha għal xi skop ieħor għajr it-twettiq tad-dmirijiet tagħha skont dan ir-Regolament.

7.   L-ACER, wara li tikkonsulta lill-ENISA, lill-awtoritajiet kompetenti kollha, lill-ENTSO għall-Elettriku u lill-Entità tal-UE għad-DSO, għandha sa it-13 ta’ Ġunju 2025 toħroġ linji gwida li jindirizzaw il-mekkaniżmi għall-entitajiet kollha elenkati fl-Artikolu 2(1) sabiex jiskambjaw l-informazzjoni, u b’mod partikolari l-flussi ta’ komunikazzjoni previsti, u l-metodi għall-anonimizzar u għall-aggregazzjoni tal-informazzjoni għall-finijiet tal-implimentazzjoni ta’ dan l-Artikolu.

8.   L-informazzjoni li hija kunfidenzjali skont ir-regoli tal-Unjoni u dawk nazzjonali għandha tiġi skambjata mal-Kummissjoni u ma’ awtoritajiet rilevanti oħrajn biss meta dak l-iskambju jkun neċessarju għall-applikazzjoni ta’ dan ir-Regolament. L-informazzjoni skambjata għandha tkun limitata għal dik li tkun neċessarja u proporzjonata għall-fini ta’ dak l-iskambju. L-iskambju tal-informazzjoni għandu jippreżerva l-kunfidenzjalità ta’ dik l-informazzjoni u jipproteġi l-interessi tas-sigurtà u kummerċjali tal-entitajiet b’impatt kritiku jew b’impatt kbir.

1.   Sakemm jiġu approvati t-termini u l-kundizzjonijiet jew il-metodoloġiji msemmijin fl-Artikolu 6(2) jew fil-pjanijiet imsemmijin fl-Artikolu 6(3), l-ENTSO għall-Elettriku, f’kooperazzjoni mal-entità tal-UE għad-DSO, għandu jiżviluppa gwida mhux vinkolanti dwar il-kwistjonijiet li ġejjin:

2.   Sa it-13 ta’ Ottubru 2024, l-ENTSO għall-Elettriku, f’kooperazzjoni mal-entità tal-UE għad-DSO, għandu jiżviluppa rakkomandazzjoni għal ECII proviżorju. L-ENTSO għall-Elettriku, f’kooperazzjoni mal-entità tal-UE għad-DSO, għandu jinnotifika l-ECII proviżorju rakkomandat lill-awtoritajiet kompetenti.

3.   4 xhur mill-wasla tal-ECII proviżorju rakkomandat, jew sa mhux aktar tard minn it-13 ta' Frar 2025, l-awtoritajiet kompetenti għandhom jidentifikaw kandidati għal entitajiet b’impatt kbir u b’impatt kritiku fl-Istat Membru tagħhom fuq il-bażi tal-ECII rakkomandat u għandhom jiżviluppaw lista proviżorja ta’ entitajiet b’impatt kbir u b’impatt kritiku. L-entitajiet b’impatt kbir u b’impatt kritiku identifikati fil-lista proviżorja jistgħu jissodisfaw b’mod volontarju l-obbligi tagħhom kif stabbiliti f’dan ir-Regolament fuq il-bażi ta’ prinċipju ta’ prekawzjoni. Sa it-13 ta’ Marzu 2025, l-awtoritajiet kompetenti għandhom jinnotifikaw lill-entitajiet identifikati fil-lista proviżorja li ġew identifikati bħala entità b’impatt kbir jew b’impatt kritiku.

4.   Sa it-13 ta’ Diċembru 2024, l-ENTSO għall-Elettriku, f’kooperazzjoni mal-entità tal-UE għad-DSO, għandu jiżviluppa lista proviżorja ta’ proċessi b’impatt kbir u b’impatt kritiku madwar l-Unjoni kollha. L-entitajiet notifikati skont il-paragrafu (3) li jiddeċiedu b’mod volontarju li jissodisfaw l-obbligi tagħhom kif stabbiliti f’dan ir-Regolament fuq il-bażi ta’ prinċipju ta’ prekawzjoni għandhom jużaw il-lista proviżorja ta’ proċessi b’impatt kbir u b’impatt kritiku sabiex jiddeterminaw il-perimetri proviżorji ta’ impatt kbir u ta’ impatt kritiku u sabiex jiddeterminaw liema assi għandhom jiġu inklużi fl-ewwel valutazzjoni tar-riskju għaċ-ċibersigurtà fil-livell tal-entitajiet.

5.   Sa it-13 ta’ Settembru 2024, kull awtorità kompetenti skont l-Artikolu 4(1) għandha tipprovdi lista tal-leġiżlazzjoni nazzjonali tagħha b’rilevanza għall-aspetti taċ-ċibersigurtà tal-flussi transfruntieri tal-elettriku lill-ENTSO għall-Elettriku u lill-entità tal-UE għad-DSO.

6.   Sa it-13 ta’ Ġunju 2025, l-ENTSO għall-Elettriku, f’kooperazzjoni mal-entità tal-UE għad-DSO, għandu jħejji lista proviżorja ta’ standards u ta’ kontrolli Ewropej u internazzjonali meħtieġa mil-leġiżlazzjoni nazzjonali b’rilevanza għall-aspetti taċ-ċibersigurtà tal-flussi transfruntieri tal-elettriku, filwaqt li jqis l-informazzjoni pprovduta mill-awtoritajiet kompetenti.

7.   Il-lista proviżorja ta’ standards u ta’ kontrolli Ewropej u internazzjonali għandha tinkludi:

8.   L-ENTSO għall-Elettriku u l-entità tal-UE għad-DSO għandhom iqisu l-fehmiet ipprovduti mill-ENISA u mill-ACER meta jkunu qed jiffinalizzaw il-lista proviżorja tal-istandards. L-ENTSO għall-Elettriku u l-entità tal-UE għad-DSO għandhom jippubblikaw il-lista tranżizzjonali ta’ standards u ta’ kontrolli Ewropej u internazzjonali fuq is-siti web tagħhom.

9.   L-ENTSO għall-Elettriku u l-entità tal-UE għad-DSO għandhom jikkonsultaw lill-ENISA u lill-ACER dwar il-proposti għal gwida mhux vinkolanti żviluppata skont il-paragrafu 1.

10.   Sakemm il-kontrolli minimi u avvanzati taċ-ċibersigurtà jiġu żviluppati skont l-Artikolu 29, u jiġu adottati skont l-Artikolu 8, l-entitajiet kollha elenkati fl-Artikolu 2(1) għandhom jagħmlu ħilithom sabiex japplikaw b’mod progressiv il-gwida mhux vinkolanti żviluppata skont il-paragrafu 1.