1.   Ainmneoidh na Ballstáit pointí teagmhála chun tuarascálacha agus sonraí faireachais agus cigireachta a fháil i gcomhréir le hAirteagail 17, 22 agus 23, Airteagal 33(4) agus Airteagal 35(1), agus pointe teagmhála chun fógraí a fháil agus chun údaruithe a eisiúint i gcomhréir le hAirteagail 28 agus 29.

2.   Áireofar le hainmniú na bpointí teagmhála, de réir mar is iomchuí, an uimhir theileafóin, an seoladh ríomhphoist, an uimhir facs agus, i gcás ina ndéanfar foráil le Scéim NEAFC maidir le hiarratas ar líne a úsáid ar shuíomh gréasáin NEAFC, ainm, eagraíocht, teideal an phoist, ról laistigh den eagraíocht agus seoladh ríomhphoist pearsanta.

3.   Cuirfidh na Ballstáit an Coimisiún ar an eolas faoina bpointí teagmhála ainmnithe dá dtagraítear i mír 1 agus faoi aon athrú a dhéanfar ina dhiaidh sin ar an bhfaisnéis dá dtagraítear i mír 2 tráth nach déanaí ná 15 lá sula mbeidh na hathruithe sin infheidhme. Déanfaidh an Coimisiún an fhaisnéis a tharchur go pras chuig Rúnaíocht NEAFC.

4.   Na pointí teagmhála ainmnithe chun fógraí a fháil agus chun údaruithe a eisiúint i gcomhréir le hAirteagail 28 agus 29, áiritheoidh na Ballstáit go mbeidh siad ar fáil 24 uair an chloig in aghaidh an lae, 7 lá na seachtaine.

1.   Seolfaidh na Ballstáit go leictreonach chuig an gCoimisiún faisnéis faoi gach soitheach iascaireachta a bhfuil a bhratach ar foluain aige agus atá cláraithe san Aontas agus a bheartaíonn siad a údarú le gníomhaíochtaí iascaireachta a dhéanamh sa Limistéar Rialála. Seolfar an fhaisnéis sin faoin 15 Nollaig gach bliain i gcomhair na bliana dár gcionn nó in aon chás sula rachaidh an soitheach isteach sa Limistéar Rialála.

2.   Áireofar san fhaisnéis dá dtagraítear i mír 1 agus in aon athrú uirthi na sonraí ábhartha maidir le fógra a thabhairt, údarú, tarraingt siar, teorannú nó teachtaireachtaí fionraí a leagtar amach in Iarscríbhinn V.

3.   Déanfaidh an Coimisiún an fhaisnéis dá dtagraítear i mír 1 a chur ar aghaidh go pras chuig Rúnaíocht NEAFC.

4.   Ní dhéanfaidh soithí iascaireachta de chuid an Aontais gníomhaíochtaí iascaireachta sa Limistéar Rialála faoi shainchúram an Choinbhinsiúin ach amháin má tá siad liostaithe mar shoithí arna gcur ar an eolas faoi NEAFC agus, i gcás gníomhaíochtaí iascaireachta a dhéantar ar acmhainní rialáilte, mar shoithí atá údaraithe le hiascaireacht a dhéanamh ar na hacmhainní rialáilte sin.

5.   Déanfaidh Ballstát brataí an méid seo a leanas:

6.   Féadfar an fhaisnéis seo a leanas maidir le liostaí na soithí iascaireachta arna gcur ar an eolas agus atá údaraithe iascaireacht a dhéanamh sa Limistéar Rialála a chur ar fáil go poiblí ar shuíomh gréasáin NEAFC:

7.   Mura bhforáiltear dá mhalairt, ní bheidh soithí taighde de chuid an Aontais a dhéanann taighde eolaíoch ar acmhainní iascaigh sa Limistéar Rialála faoi cheangal ag bearta caomhnaithe agus rialaithe a bhaineann le hiascaireacht sa Limistéar Rialála.

Ní bheidh feidhm ag an gcéad fhomhír den mhír seo maidir le soithí taighde a dhéanann margaíocht ar an ngabháil iomlán a fhaightear le linn gníomhaíochtaí taighde sa Limistéar Rialála nó ar chuid di. Tabharfar fógra i gcomhréir le mír 1 do shoithí mar sin agus comhlíonfaidh siad na hoibleagáidí maidir le ceanglais taifeadta agus tuairiscithe is infheidhme maidir le soithí iascaireachta de chuid an Aontais.

1.   Marcálfar soithí iascaireachta de chuid an Aontais ar bhealach inar féidir iad a shainaithint go héasca i gcomhréir le hAirteagal 6 de Rialachán Cur Chun Feidhme (AE) Uimh. 404/2011 ón gCoimisiún (23).

2.   Sa bhreis ar na ceanglais a bhunaítear in Airteagal 7(1) de Rialachán Cur Chun Feidhme (AE) Uimh. 404/2011, beidh ar bord soithí iascaireachta de chuid an Aontais doiciméid arna n-eisiúint ag údarás deimhniúcháin iomchuí an Bhallstáit brataí ina bhfuil siad cláraithe ina léireofar ar a laghad na heilimintí sonraí seo a leanas:

3.   Seiceálfaidh údarás inniúil an Bhallstáit brataí go tráthrialta na doiciméid dá dtagraítear in Airteagal 7(2) agus (3) de Rialachán Cur Chun Feidhme (AE) Uimh. 404/2011.

1.   Marcálfar trealamh iascaireachta a úsáideann soithí iascaireachta de chuid an Aontais sa Limistéar Rialála i gcomhréir le hAirteagail 8 go 17 de Rialachán Cur Chun Feidhme (AE) Uimh. 404/2011 agus le caighdeáin idirnáisiúnta lena bhfuil glacadh ginearálta, go háirithe Coinbhinsiún um Stiúradh Oibríochtaí Iascaireachta san Atlantach Thuaidh, a síníodh i Londain an 1 Meitheamh 1967.

2.   Cuirfear toirmeasc ar threalamh iascaireachta nach bhfuil marcáilte a chur in úsáid, má cheanglaítear an mharcáil, nó mura gcomhlíonann an mharcáil na ceanglais dá dtagraítear i mír 1. Féadfaidh cigirí iascaigh NEAFC trealamh iascaireachta a bhfuil marcáil neamhchomhlíontach air, chomh maith le héisc a fhaightear sa trealamh, a bhaint agus a dhiúscairt.

1.   Cuirtear toirmeasc ar mháistrí soithí iascaireachta de chuid an Aontais trealamh iascaireachta a thréigean nó a dhiúscairt d’aon turas agus dramhaíl a scaoileadh isteach san fharraige ó longa mar a shainítear i dTreoir (AE) 2019/883 ó Pharlaimint na hEorpa agus ón gComhairle (24), i gcomhréir le hIarscríbhinn V a ghabhann le MARPOL maidir le Rialacháin maidir le Truailliú ó Longa a Chosc.

2.   Is é an máistir a bheidh freagrach as má dhéantar trealamh iascaireachta a thréigean nó a dhiúscairt d’aon turas, agus má dhéantar aon sceitheadh dramhaíola ó longa dá dtagraítear i mír 1.

3.   Tabharfaidh soithí iascaireachta an Aontais fógra d’údaráis inniúla a mBallstáit brataí laistigh de 24 uair an chloig faoin bhfaisnéis riachtanach dá dtagraítear in Airteagal 14(7) agus Airteagal 48 de Rialachán (CE) Uimh. 1224/2009 sna cásanna sin nach féidir an trealamh caillte a fháil ar ais:

4.   Tabharfaidh an Ballstát fógra don Choimisiún gan mhoill faoin bhfaisnéis dá dtagraítear i mír 2 den Airteagal seo agus in Airteagal 48 de Rialachán (CE) Uimh. 1224/2009, agus tarchuirfidh an Coimisiún chuig Rúnaíocht NEAFC í.

5.   Tabharfaidh na Ballstáit gealltanas go ndéanfaidh siad trealamh feistithe caillte de chuid soithí a bhfuil a mbratach ar foluain acu a aisghabháil ar bhonn rialta. Má dhéantar trealamh nár tuairiscíodh gur cailleadh é a aisghabháil, féadfaidh an Ballstát nó Páirtí Conarthach eile a d’aisghabh an trealamh an costas a ghnóthú ó mháistir an tsoithigh a chaill an trealamh.

1.   Coimeádfaidh máistrí soithí iascaireachta de chuid an Aontais atá i mbun gníomhaíochtaí iascaireachta sa Limistéar Rialála logleabhar leictreonach iascaireachta.

2.   Measfar gur sonraí oifigiúla iad sonraí an logleabhair leictreonaigh iascaireachta arna dtarchur ag an máistir agus arna stóráil ag LFI. Cuirfidh LFI na sonraí sin agus aon athrú orthu in iúl do Rúnaíocht NEAFC gan mhoill.

3.   Ina theannta sin, déanfaidh máistrí soithí iascaireachta de chuid an Aontais atá i mbun gníomhaíochtaí iascaireachta a dhéanann a ngabháil a phróiseáil nó a reo an méid seo a leanas:

4.   Féadfaidh soithí iascaireachta de chuid an Aontais a bhfuil gabháil reoite acu ar bord acmhainní iascaigh arna ngabháil i Limistéar an Choinbhinsiúin ag níos mó ná soitheach iascaireachta amháin na héisc ó gach soitheach a stuáil i níos mó ná cuid amháin den bholg, ar choinníoll go bhfuil an t-iasc ó gach soitheach deontóra scartha go soiléir (mar shampla le plaisteach, sraithadhmad, líontán etc.) leis an iasc a ghabh soithí iascaireachta eile. Déanfar na gabhálacha a tógadh laistigh de Limistéar an Choinbhinsiúin a stuáil ar leithligh ó na gabhálacha ar fad a tógadh lasmuigh den limistéar sin.

5.   Beidh na taifeadtaí sa logleabhar leictreonach iascaireachta ar fáil do chigirí ar bord an tsoithigh iascaireachta ar feadh tréimhse 12 mhí ar a laghad.

6.   Léireofar an dáta agus na heilimintí ama go léir a thaifeadtar in am AUL. Déanfar comhordanáidí a thuairisciú ina gcéimeanna deachúlacha go dtí an tríú hionad deachúil agus úsáid á baint as an gcóras tagartha comhordanáidí WGS84.

7.   Beidh máistir an tsoithigh iascaireachta freagrach as a áirithiú go gcomhfhreagraíonn na cainníochtaí arna dtaifeadadh i gcomhréir leis an Airteagal seo go cruinn do na cainníochtaí a choinnítear ar bord.

1.   Déanfaidh máistrí soithí iascaireachta de chuid an Aontais an méid seo a leanas:

2.   Ní dhéanfaidh máistrí soithí iascaireachta de chuid an Aontais an méid seo a leanas:

3.   Féadfaidh LFI glacadh le ceartúcháin lasmuigh de theorainneacha ama áirithe i gcomhréir le hAirteagal 17(7).

4.   Áiritheoidh LFI an méid seo a leanas:

5.   Tabharfar an fhaisnéis faoi ghabhálacha dá dtagraítear san Airteagal seo ina cileagraim bheomheáchain.

1.   Máistrí soithí iascaireachta de chuid an Aontais a ghabhann d’oibríochtaí trasloingsithe ar muir d’acmhainní iascaigh arna ngabháil sa Limistéar Rialála, gan beann ar an limistéar ina ndéantar an trasloingsiú ar muir, agus d’oibríochtaí trasloingsithe a dhéantar laistigh de Limistéar Rialála na n-acmhainní iascaigh arna ngabháil lasmuigh den Limistéar Rialála, comhlíonfaidh siad na coinníollacha seo a leanas:

2.   Ní cheartófar an tuarascáil ar fhógra trasloingsithe deontóra ach féadfar í a chur ar ceal sula gcuirfear tús leis an oibríocht trasloingsithe. Má chuirtear tuarascáil ar fhógra trasloingsithe deontóra ar ceal agus má sheoltar tuarascáil nua, beidh feidhm ag na teorainneacha ama a shonraítear i mír 1, pointe (a).

3.   Ní cheartófar an tuarascáil ar an bhfógra don chalafort ina dtugtar gabháil i dtír ach féadfar é a chur ar ceal. Má chuirtear fógra don chalafort ina dtugtar gabháil i dtír ar ceal agus má sheoltar ceann nua, beidh feidhm ag na teorainneacha ama a shonraítear i mír 1, pointe (c).

4.   Sloinnfear an fhaisnéis sna tuarascálacha dá dtagraítear i mír 1 ina cileagraim bheomheáchain.

5.   Ní ghabhfaidh máistrí soithí iascaireachta de chuid an Aontais do thrasloingsiú ná do chomhoibríochtaí iascaireachta le soithí de chuid Páirtithe Neamh-Chonarthacha nár deonaíodh stádas Páirtithe Neamh-Chonarthacha gníomhacha comhoibríocha dóibh.

6.   Ní dhéanfaidh máistrí soithí iascaireachta de chuid an Aontais a ghabhann d’oibríochtaí trasloingsithe lena ndéantar cainníochtaí a lódáil ar bord aon ghníomhaíocht iascaireachta eile, lena n-áirítear comhoibríochtaí iascaireachta, le linn an turais chéanna.

1.   Déanfaidh na Ballstáit an méid seo a leanas:

2.   Áiritheoidh máistrí soithí iascaireachta de chuid an Aontais go mbeidh na gairis rianaithe satailíte ag feidhmiú go hiomlán i gcónaí agus go dtarchuirfear an fhaisnéis i mír 1 chuig LFI. I gcás cliseadh teicniúil nó neamhoibriú an ghairis rianaithe satailíte atá feistithe ar bord soithigh iascaireachta, déanfar an gaireas a dheisiú nó gaireas nua a chur ina ionad laistigh de mhí amháin tar éis an teagmhais sin. Tar éis na tréimhse sin, cuirfear toirmeasc ar thús a chur le turas iascaireachta le gaireas rianaithe satailíte lochtach. I gcás ina stadann gaireas d’fheidhmiú agus ina maireann turas iascaireachta níos mó ná mí amháin, déanfar an deisiúchán nó an t-ionadú a luaithe a théann an soitheach isteach i gcalafort, agus ní údarófar an soitheach iascaireachta le leanúint ar aghaidh le turas iascaireachta nó tús a chur le ceann gan an gaireas rianaithe satailíte a bheith deisithe nó ceann eile a bheith curtha ina ionad.

3.   Déanfaidh máistir soithigh iascaireachta ina bhfuil gaireas rianaithe VMS lochtach tuarascálacha ina bhfuil an fhaisnéis a liostaítear i mír 1, pointe (d), a chur in iúl do LFI, gach 4 uair an chloig ar a laghad, i gcomhréir leis an bhformáid a leagtar amach in Iarscríbhinn X.

1.   Úsáidfidh na Ballstáit córas leictreonach tuairiscithe chun na tuarascálacha agus an fhaisnéis a tharchur gan mhoill chuig Rúnaíocht NEAFC agus an Coimisiún agus EFCA i gcóip, agus an méid seo a leanas á chur chun feidhme:

2.   I gcás mífheidhm theicniúil, tarchuirfear tuarascálacha chuig Rúnaíocht NEAFC laistigh de 24 uair an chloig tar éis iad a fháil nó de réir mar a chomhaontaítear ar shlí eile le Rúnaíocht NEAFC, i gcomhréir leis na sonraíochtaí teicniúla sna Treoirlínte Leanúnachais Gnó i gCóras Bainistithe Slándála Faisnéise NEAFC.

3.   Comhlíonfaidh máistrí soithí iascaireachta de chuid an Aontais na ceanglais tuairiscithe a leagtar amach in Airteagail 14 agus 15 agus Airteagal 16(2) agus (3). Ní mheasfar gur glacadh leis na tuarascálacha ar ghníomhaíochtaí iascaireachta dá dtagraítear in Airteagail 14 agus 15 ach amháin má fhaightear admháil dhearfach ó Rúnaíocht NEAFC. Cuirfidh LFI an Bhallstáit brataí máistir an tsoithigh iascaireachta ar an eolas gan mhoill maidir le stádas na tuarascála a fuair Rúnaíocht NEAFC.

4.   Máistir soithigh iascaireachta de chuid an Aontais nach bhfuair admháil dhearfach ar thuarascáil ar ghníomhaíocht iascaireachta ó Rúnaíocht NEAFC, déanfaidh sé leasuithe iomchuí láithreach agus cuirfidh sé an tuarascáil ar ghníomhaíochtaí iascaireachta faoi bhráid LFI brataí an athuair. Mura bhfaigheann an máistir admháil dhearfach fós, nó mura féidir tuarascálacha ar ghníomhaíochtaí iascaireachta a leasú nó a chur isteach an athuair de dheasca teorainneacha ama, rachaidh an máistir i dteagmháil le LFI an Bhallstáit brataí chun an treoraíocht is gá a fháil maidir le nósanna imeachta leantacha, chun a áirithiú go gcuirfear isteach na sonraí dá dtagraítear in Airteagail 14 agus 15.

5.   I gcás teipeanna trealaimh nó teipeanna tarchuir lena gcuirtear cosc ar thuarascálacha ar ghníomhaíochtaí iascaireachta a thíolacadh i gceart, tabharfaidh máistir soithigh iascaireachta de chuid an Aontais fógra láithreach do LFI an Bhallstáit brataí faoi fhadhbanna a imríonn tionchar ar na malartuithe sonraí agus, de réir mar is iomchuí, cuirfidh sé LFI an Bhallstáit brataí ar an eolas faoi aon ghníomhaíocht a rinneadh chun an mhainneachtain a réiteach. Cuirfidh LFI na nósanna imeachta leantacha is gá in iúl don mháistir lena áirithiú go gcuirfear isteach na sonraí dá dtagraítear in Airteagail 14 agus 15, más gá, trí mhodhanna malartacha a úsáid.

6.   Beidh soithí iascaireachta de chuid an Aontais feistithe le córas leictreonach taifeadta agus tuairiscithe ar bord, a fheidhmeoidh go hiomlán i gcónaí. I gcás mífheidhm theicniúil sa chóras leictreonach taifeadta agus tuairiscithe ar bord soitheach iascaireachta de chuid an Aontais:

7.   Féadfaidh LFI, mar nós imeachta cúltaca agus tar éis meastóireacht agus bailíochtú aonair, glacadh le tuarascálacha lasmuigh de na teorainneacha ama nó tuarascálacha a cheartú nó a chruthú de láimh. Sna cásanna sin ar fad, úsáidfidh LFI marcáil LFI a leagtar amach in Iarscríbhinn XII agus tuarascálacha agus faisnéis á gcur in iúl aige do Rúnaíocht NEAFC. Beidh marcáil LFI ina cuid de na nósanna imeachta cúltaca a comhaontaíodh agus úsáidfear í i gcásanna nach bhfuil máistir an tsoithigh in ann na ceanglais tuairiscithe a chomhlíonadh, de dheasca fadhbanna teicniúla ar bord an tsoithigh nó fadhbanna cumarsáide idir an soitheach agus a LFI. Féadfar marcáil LFI a úsáid freisin i gcásanna ina gcuireann fadhbanna cumarsáide idir LFI agus Rúnaíocht NEAFC moill ar mhalartuithe sonraí. Cuirfidh marcáil LFI in iúl gur chuidigh LFI leis an soitheach iascaireachta tríd an tuarascáil a láimhseáil thar ceann an mháistir, tar éis meastóireacht agus bailíochtú aonair a dhéanamh ar thuarascáil.

8.   Féadfaidh na Ballstáit, EFCA agus an Coimisiún teachtaireacht maidir le filleadh a iarraidh ar Rúnaíocht NEAFC gach uair a tharchuirfear tarchur leictreonach tuarascála nó teachtaireachta san fhormáid a shonraítear in Iarscríbhinn XI.

9.   Déileálfar faoi rún leis na tuarascálacha agus leis na teachtaireachtaí uile a chuirtear in iúl de bhun Airteagail 14, 15 agus 16.

1.   I gcomhréir le hAirteagal 33(2) de Rialachán (CE) Uimh. 1224/2009, cuirfidh gach Ballstát in iúl don Choimisiún, trí ríomh-tharchur roimh an 15ú lá de gach mí, cainníochtaí na n-acmhainní iascaigh a ghabh soithí a bhfuil a bhratach ar foluain acu le linn na míosa roimhe sin sa Limistéar Rialála, agus i limistéir atá faoi dhlínse iascaigh náisiúnta tríú tíortha agus in uiscí an Aontais i Limistéar an Choinbhinsiúin freisin.

2.   Tiomsóidh an Coimisiún na sonraí dá dtagraítear i mír 1 maidir leis na Ballstáit uile agus cuirfidh sé ar aghaidh chuig Rúnaíocht NEAFC staidreamh míosúil sealadach an Aontais ar ghabhálacha i gcomhréir leis na ceanglais arna bhformheas ag NEAFC.

1.   Comhordóidh EFCA na gníomhaíochtaí cigireachta agus faireachais don Aontas faoi raon feidhme Scéim NEAFC, na gníomhaíochtaí faoi na bearta um rialú arna dhéanamh ag Stát an chalafoirt dá dtagraítear i Roinn 5 san áireamh. Féadfaidh sé, i gcomhairle leis na Ballstáit lena mbaineann agus leis an gCoimisiún, plean imlonnaithe comhpháirteach dá dtagraítear in Airteagal 2 de Rialachán (AE) 2019/473 a tharraingt suas le haghaidh rannpháirtíocht an Aontais i Scéim NEAFC le haghaidh na bliana dár gcionn.

2.   Glacfaidh na Ballstáit a bhfuil a soithí iascaireachta i mbun gníomhaíochtaí iascaireachta sa Limistéar Rialála na bearta is gá chun cur chun feidhme Scéime NEAFC a éascú, go háirithe maidir leis na hacmhainní daonna agus ábhair is gá agus leis na tréimhsí agus na limistéir ina n-úsáidfear na hacmhainní sin.

3.   I gcás ina mbeidh, aon tráth, níos mó ná 10 soitheach iascaireachta de chuid an Aontais ag gabháil do ghníomhaíochtaí iascaireachta a dhéantar i ndáil le hacmhainní rialáilte sa Limistéar Rialála, áiritheoidh EFCA agus na Ballstáit lena mbaineann go mbeidh soitheach cigireachta i láthair i rith an ama sin sa Limistéar Rialála nó go mbeidh comhaontú curtha i gcrích le Páirtí Conarthach eile chun dul i gcomhar maidir le soitheach cigireachta agus chun í a oibriú go comhpháirteach.

4.   Áiritheoidh na Ballstáit agus EFCA go ndéanfar na cigireachtaí ar bhealach neamh-idirdhealaitheach agus i gcomhréir le Scéim NEAFC. Beidh líon na gcigireachtaí bunaithe ar mhéid an chabhlaigh agus tríd an am a chaitear sa Limistéar Rialála a chur san áireamh. Agus na cigireachtaí sin á ndéanamh, áiritheofar go gcaithfear go cothrom leis na Páirtithe Conarthacha uile a bhfuil soithí iascaireachta acu atá ag oibriú sa Limistéar Rialála.

1.   Déanfaidh na Ballstáit a bhfuil a gcuid soithí iascaireachta údaraithe le hiascaireacht a dhéanamh sa Limistéar Rialála cigirí a shannadh do Scéim NEAFC chun gníomhaíochtaí faireachais agus cigireachta a dhéanamh (‘cigirí NEAFC’).

2.   Eiseoidh na Ballstáit doiciméad aitheantais speisialta do gach cigire de chuid NEAFC i gcomhréir leis an bhformáid a leagtar amach in Iarscríbhinn XIII.

3.   Agus é ag dul ar bord soithigh iascaireachta, beidh an doiciméad aitheantais speisialta ag gach cigire de chuid NEAFC agus tabharfaidh sé ar aird é.

4.   Seachnóidh cigirí NEAFC dul i muinín an fhornirt ach amháin i gcás féinchosaint dhlisteanach. Agus iad i mbun cigireachta ar bord soithí iascaireachta, ní bheidh aon arm tine ar iompar ag cigirí NEAFC.

5.   Seachnóidh cigirí NEAFC a bheith ina gcúis míchaoithiúlachta don soitheach iascaireachta, nó cur isteach ar a cuid gníomhaíochtaí nó ar an ngabháil atá ar bord, ach amháin i gcás ina mbeidh gá leis sin d’fhonn a gcuid dualgas a chur i gcrích agus sa mhéid sin amháin.

6.   Áiritheoidh na Ballstáit go gceadófar do chigirí de chuid NEAFC ó Pháirtí Conarthach eile cigireacht a dhéanamh ar bord soithí iascaireachta a bhfuil bratach na mBallstát sin ar foluain acu.

1.   Cuirfidh na Ballstáit acmhainní leordhóthanacha ar fáil dá gcigirí de chuid NEAFC chun go mbeidh siad in ann a gcuid cúramaí faireachais agus cigireachta a chur i gcrích agus sannfaidh siad soithí agus aerárthaí cigireachta don Scéim NEAFC.

2.   Faoin 1 Nollaig gach bliain, tabharfaidh na Ballstáit fógra do EFCA faoin bhfaisnéis seo a leanas:

3.   Faoin 1 Eanáir gach bliain déanfaidh EFCA an fhaisnéis dá dtagraítear i mír 2 a thiomsú agus a sheoladh chuig Rúnaíocht NEAFC agus an Coimisiún i gcóip.

4.   Cuirfidh na Ballstáit aon athrú ar an bhfaisnéis dá dtagraítear i mír 2 in iúl do EFCA, a chuirfidh in iúl do Rúnaíocht NEAFC é agus an Coimisiún i gcóip.

5.   Soláthrófar an fhaisnéis dá dtagraítear i míreanna 2 agus 4 go leictreonach i gcomhréir leis na formáidí a leagtar amach in Iarscríbhinn XIV.

6.   Soithí cigireachta a shannfar do Scéim NEAFC agus a mbeidh cigirí de chuid NEAFC ar iompar acu, chomh maith leis na hárthaí bordála a bheidh á n-úsáid ag an soitheach sin, beidh comhartha cigireachta NEAFC mar a léirítear in Iarscríbhinn XV ar taispeáint acu. Maidir le haerárthaí a shannfar do Scéim NEAFC, déanfar a gcomhartha aitheantais idirnáisiúnta raidió a chur ar taispeáint go soiléir orthu.

7.   Tabharfaidh na Ballstáit agus EFCA fógra do Rúnaíocht NEAFC maidir le himlonnú a soithí agus a n-aerárthaí cigireachta a shannfar do Scéim NEAFC tríd an gcuid shlán de shuíomh gréasáin NEAFC nó mar a leagtar amach in Iarscríbhinn XVI.

8.   Tabharfaidh na Ballstáit fógra do EFCA maidir le himlonnú a soithí agus a n-aerárthaí cigireachta arna sannadh do Scéim NEAFC lena gcomhordófar gach imlonnú de chuid an Aontais agus lena gcoinneofar taifead ar an dáta agus ar an uair a thosaítear agus a fhoirceanntar dualgais na soithí agus na n-aerárthaí cigireachta sin.

1.   Beidh an faireachas bunaithe ar amhairc a dhéanfaidh cigirí de chuid NEAFC nó ar mhodhanna eile faireachais ó shoitheach nó aerárthach a shannfar do Scéim NEAFC.

2.   Déanfaidh cigirí NEAFC an tuarascáil faireachais a chomhlánú agus cuirfidh siad cóip faoi bhráid EFCA.

3.   Déanfaidh an Ballstát cigireachta nó EFCA na sonraí ó gach tuarascáil faireachais a chur ar aghaidh gan mhoill trí bhíthin tarchur leictreonach i dtuarascáil amhairc a mbeidh formáid inti i gcomhréir le hIarscríbhinn XVII chuig an mBallstát brataí nó chuig Páirtí Conarthach an tsoithigh iascaireachta lena mbaineann agus chuig Rúnaíocht NEAFC. Cuirfidh Ballstát na sonraí sin ar aghaidh agus EFCA i gcóip. Déanfar aon íomhá a ghabhtar le linn an fhaireachais a chur ar aghaidh, arna iarraidh sin, chuig an mBallstát brataí nó chuig Páirtí Conarthach an tsoithigh iascaireachta lena mbaineann.

1.   Ní rachaidh cigirí NEAFC ar bord aon soitheach iascaireachta gan fógra a tharchur le raidió roimh ré chuig an soitheach sin nó gan an comhartha cuí a thabhairt don soitheach sin agus úsáid á baint as an gCód Idirnáisiúnta Comharthaí, lena n-áirítear sainaitheantas an ardáin cigireachta. Ní bheidh sé riachtanach, áfach, admháil a thabhairt go bhfuarthas an fógra sin.

2.   Beidh sé d’údarás ag cigirí NEAFC gach limistéir, deic agus seomra ábhartha a iniúchadh sa soitheach iascaireachta, chomh maith leis an ngabháil (bíodh sí próiseáilte nó neamhphróiseáilte), na líonta nó trealamh eile, an fearas agus aon doiciméad ábhartha a mheasfaidh siad a bheith riachtanach d’fhonn comhlíonadh na mbeart caomhnaithe agus bainistíochta arna nglacadh ag NEAFC a fhíorú agus beidh sé d’údarás acu an máistir, nó duine arna ainmniú ag an máistir, a cheistiú.

3.   Ní chuirfear de cheangal ar an soitheach iascaireachta a bheidh le bordáil stopadh ná ainliú agus iascaireacht, scaoileadh nó tarlú ar siúl aici. Féadfaidh cigirí NEAFC a ordú go stopfar de tharlú an trealaimh iascaireachta nó go gcuirfear moill air go dtí go mbeidh siad ar bord an tsoithigh iascaireachta ar choinníoll go ndéantar an t-ordú sin a tharchur laistigh de 30 nóiméad tar éis don soitheach iascaireachta an fógra roimh ré dá dtagraítear i mír 1 a fháil.

4.   Féadfaidh cigirí NEAFC ordú a thabhairt do shoitheach iascaireachta moill a chur ar a dul isteach sa Limistéar Rialála nó ar a himeacht as ar feadh suas le 6 uair an chloig ón am a dhéanfaidh an soitheach iascaireachta na tuairiscí dá dtagraítear in Airteagal 14(1), pointí (b) agus (g) a tharchur.

5.   Ní mhairfidh cigireacht níos mó ná 4 uair an chloig, nó an fad ama a thógann sé an líon a tharlú agus cigireacht a dhéanamh ar an líon agus ar an ngabháil, cibé ceann den dá ní is faide. I gcás ina dtuairiscítear sárú, áfach, féadfaidh cigirí NEAFC fanacht ar bord an fad is gá chun na bearta dá bhforáiltear in Airteagal 34(1), pointe (b) a chur i gcrích.

6.   I gcúinsí ar leith a bhaineann le méid an tsoithigh iascaireachta agus leis na cainníochtaí éisc a choinnítear ar bord, féadfaidh fad na cigireachta a bheith níos faide ná na teorainneacha a leagtar síos i mír 5. I gcásanna mar sin, ní fhanfaidh cigirí NEAFC ar bord an tsoithigh iascaireachta, in imthosca ar bith, níos faide ná an t-achar a bheidh riachtanach chun an chigireacht a chur i gcrích. Na cúiseanna le sárú a dhéanfar ar an teorainn a leagtar síos i mír 5, déanfar iad a thaifeadadh sa tuarascáil chigireachta.

7.   Ní rachaidh níos mó ná ceathrar cigire de chuid NEAFC ar bord soitheach iascaireachta Páirtí Chonarthaigh eile.

8.   Agus iad i mbun a gcigireachta, féadfaidh cigirí NEAFC a iarraidh ar an máistir aon chúnamh is gá a thabhairt.

9.   Ní chuirfidh cigirí NEAFC aon bhac ar chumas an mháistir cumarsáid a dhéanamh le húdaráis an Stáit brataí le linn na bordála agus na cigireachta.

10.   Déanfaidh na hardáin chigireachta a gcuid ainlithe achar sábháilte ó na soithí iascaireachta, i gcomhréir leis an dea-mhairnéalacht.

11.   Déanfaidh cigirí NEAFC gach cigireacht a dhoiciméadú trí thuarascáil chigireachta a chomhlánú san fhormáid a shuitear in Iarscríbhinn XVIII. Féadfaidh an máistir barúlacha den tuarascáil chigireachta a thabhairt agus síneoidh cigirí NEAFC í ag deireadh na cigireachta. Cuirfidh cigirí NEAFC cóip den tuarascáil chigireachta ar fáil do mháistir an tsoithigh iascaireachta.

12.   Tarchuirfidh cigirí NEAFC cóip de gach tuarascáil chigireachta gan mhoill chuig EFCA agus déanfaidh siad an fhaisnéis faoin tuarascáil chigireachta a uaslódáil go pras chuig an gcuid shlán de shuíomh gréasáin NEAFC. Déanfar an bhunchóip nó cóip dheimhnithe de gach tuarascáil chigireachta a chur ar aghaidh, arna iarraidh sin, chuig an mBallstát brataí nó chuig Páirtí Conarthach an tsoithigh a ndearnadh cigireacht uirthi.

1.   Beidh feidhm mutatis mutandis ag forálacha Chomhaontú ar Bhearta Stát an Chalafoirt chun Iascaireacht Neamhdhleathach, Neamhthuairiscithe agus Neamhrialáilte a Chosc, a Dhíspreagadh agus a Dhíothú (25) (‘Comhaontú FAO PSMA’) mar chaighdeán íosta maidir le rialú arna dhéanamh ag Stát an chalafoirt ar shoithí iascaireachta dá dtagraítear in Airteagal 25, gan dochar d’fhorálacha breise atá sa Roinn seo.

2.   Comhoibreoidh na Ballstáit i gcur chun feidhme éifeachtach Chomhaontú FAO ar Bhearta Stát an Chalafoirt agus i malartú na faisnéise atá ábhartha do chur chun feidhme Scéim NEAFC.

1.   Soithí a bhfuil acmhainní iascaigh ar bord acu arna ngabháil i Limistéar an Choinbhinsiúin ag soithí iascaireachta a bhfuil bratach Páirtí Chonarthaigh eile ar foluain acu agus nár tugadh i dtír ná nár trasloingsíodh roimhe sin ag calafort, déanfaidh na Ballstáit na calafoirt ina bhféadfaidh siad iad a thabhairt i dtír nó a thrasloingsiú nó úsáid a bhaint as seirbhísí calafoirt a ainmniú. Cuirfidh siad liosta na gcalafort sin in iúl don Choimisiún. Áireofar sa liosta sin an fhaisnéis a shonraítear in Iarscríbhinn XX agus seolfar chuig an gCoimisiún é 15 lá ar a laghad sula dtiocfaidh sé i bhfeidhm.

2.   Cuirfidh na Ballstáit aon athrú ar an liosta chuig an gCoimisiún 15 lá ar a laghad sula dtiocfaidh na hathruithe i bhfeidhm.

3.   Tabharfaidh an Coimisiún fógra gan mhoill do Rúnaíocht NEAFC maidir leis na calafoirt sin agus maidir le haon athrú ar an liosta.

4.   Ní cheadófar do shoithí iascaireachta dá dtagraítear in Airteagal 25 tabhairt i dtír ná trasloingsiú ná seirbhísí calafoirt a úsáid ach amháin i gcalafoirt ainmnithe.

1.   Máistrí soithí iascaireachta a bhfuil éisc dá dtagraítear in Airteagal 25 á n-iompar acu a bhfuil sé beartaithe acu cuairt a thabhairt ar chalafort de chuid an Aontais nó ar a n-ionadaithe agus máistrí soithí iascaireachta de chuid an Aontais a bhfuil acmhainní iascaigh arna ngabháil i Limistéar an Choinbhinsiúin ar bord acu agus a bhfuil sé beartaithe acu cuairt a thabhairt ar chalafort de chuid Páirtí Conarthach eile nó ar a n-ionadaithe, tabharfaidh siad fógra d’údaráis inniúla Stát an chalafoirt tráth nach déanaí ná 3 lá oibre roimh an am teachta measta. Féadfaidh Ballstáit an chalafoirt, áfach, tréimhse eile fógra a bhunú, agus an cineál próiseála a dhéantar ar an iasc a gabhadh nó an fad idir na meánna agus a gcalafoirt, go háirithe, á gcur san áireamh. I gcás mar sin, cuirfidh Ballstát an chalafoirt lena mbaineann é sin in iúl don Choimisiún gan mhoill, a chuirfidh Rúnaíocht NEAFC ar an eolas go pras.

2.   Déanfar an réamhfhógra dá dtagraítear i mír 1 a thabhairt ar shuíomh gréasáin NEAFC ach an fhoirm don Rialú arna dhéanamh ag Stát an Chalafoirt (RSC) dá bhforáiltear in Iarscríbhinn XXI a líonadh isteach agus Cuid A líonta isteach go cuí mar a leanas:

3.   Má tá suíomh gréasáin NEAFC as líne, seolfar an réamhfhógra dá dtagraítear i mír 1 tríd an ríomhphost nó trí chóras atá facsbhunaithe.

4.   Féadfaidh an duine a thug an réamhfhógra dá dtagraítear i mír 1 é a chealú trí fhógra a thabhairt d’údaráis inniúla an chalafoirt a bhí beartaithe ag an máistir a úsáid tráth nach déanaí ná 24 uair an chloig roimh an am teachta measta sa chalafort sin. Féadfaidh Ballstáit an chalafoirt tréimhse eile fógra a shuíomh le haghaidh cealú. I gcás mar sin, cuirfidh Ballstát an chalafoirt lena mbaineann é sin in iúl don Choimisiún gan mhoill, a chuirfidh Rúnaíocht NEAFC ar an eolas go pras.

5.   Seolfaidh údaráis inniúla Bhallstát an chalafoirt cóip de na fógraí dá dtagraítear i míreanna 1 agus 4 ar aghaidh gan mhoill chuig Rúnaíocht NEAFC, Stát brataí an tsoithigh iascaireachta agus Stát brataí nó Stáit bhrataí na soithí deontóra i gcás ina raibh an soitheach iascaireachta ag gabháil d’oibríochtaí trasloingsithe.

1.   Áiritheoidh Ballstáit an chalafoirt, tar éis fógra arna tharchur de bhun Airteagal 28, go ndéanfaidh Stát brataí an tsoithigh iascaireachta a bhfuil sé beartaithe aici tabhairt i dtír nó trasloingsiú a dhéanamh nó, i gcás ina raibh an soitheach iascaireachta ag gabháil d’oibríochtaí trasloingsithe lasmuigh de chalafort, an Stát brataí nó Stáit bhrataí na soithí deontóra, Cuid B den fhoirm RSC a chomhlánú chun an méid seo a leanas a dheimhniú nó a mhalairt:

2.   Ní chuirfidh máistir an tsoithigh iascaireachta tús leis na hoibríochtaí maidir le tabhairt i dtír nó oibríochtaí trasloingsithe ná ní bhainfidh sé úsáid as seirbhísí calafoirt sula dtabharfaidh údaráis inniúla Bhallstát an chalafoirt údarú dó trí Chuid C den fhoirm RSC a chomhlánú go cuí ar shuíomh gréasáin NEAFC, agus sula mbeidh an t-am teachta measta a tuairiscíodh sa réamhfhógra (RSC1 nó RSC2) dulta in éag. Ní thabharfar an t-údarú sin ach amháin i gcás ina mbeidh an dearbhú ón Stát brataí dá dtagraítear i mír 1 faighte. Mar sin féin, féadfar oibríochtaí maidir le tabhairt i gcrích nó oibríochtaí trasloingsithe agus úsáid a bhaint as seirbhísí calafoirt eile a thosú roimh an am teachta measta ach cead a fháil ó údaráis inniúla Bhallstát an chalafoirt.

3.   De mhaolú ar mhír 2, féadfaidh Ballstát an chalafoirt tabhairt i dtír iomlán nó cuid di a údarú gan an dearbhú ón Stát brataí dá dtagraítear i mír 1, faoi réir na gcoinníollacha seo a leanas:

4.   Ní údarófar tabhairt i dtír ná trasloingsiú ná úsáid eile sheirbhísí an chalafoirt má fhaigheann Ballstát an chalafoirt fianaise shoiléir gur tógadh an ghabháil éisc atá ar bord de shárú ar na ceanglais is infheidhme ar Pháirtí Conarthach maidir le limistéir faoina dhlínse náisiúnta.

5.   A gcinneadh cibé acu ar deonaíodh nó nár deonaíodh údarú le tabhairt i dtír, le trasloingsiú nó le húsáid eile a bhaint as seirbhísí calafoirt, tabharfaidh údaráis inniúla Bhallstát an chalafoirt fógra gan mhoill faoi do mháistir an tsoithigh nó d’ionadaí an mháistir, do Stát brataí an tsoithigh agus do Rúnaíocht NEAFC trí Chuid C den fhoirm RSC a chomhlánú de réir mar is iomchuí.

1.   Is oifigigh údaraithe de chuid na mBallstát a mbeidh eolas acu ar Mholtaí arna mbunú faoin gCoinbhinsiún a dhéanfaidh na cigireachtaí.

2.   Faoi réir chomhaontú Bhallstát an chalafoirt, féadfaidh an Coimisiún iarraidh ar chigirí Páirtithe Conarthacha eile a bheith i gcuideachta chigirí an Bhallstáit calafoirt agus breathnú ar an gcigireacht.

3.   Faoin 1 Nollaig gach bliain tabharfaidh Ballstáit an chalafoirt fógra do EFCA ina mbeidh an fhaisnéis seo a leanas:

4.   Faoin 1 Eanáir gach bliain déanfaidh EFCA an fhaisnéis dá dtagraítear i mír 3 a thiomsú agus a sheoladh chuig Rúnaíocht NEAFC agus an Coimisiún i gcóip.

5.   Cuirfidh na Ballstáit aon athrú ar na liostaí dá dtagraítear i mír 3 in iúl do EFCA, a chuirfidh ar aghaidh iad gan mhoill chuig Rúnaíocht NEAFC agus an Coimisiún i gcóip.

1.   I gcomhthéacs na scéime cigireachta comhpháirtí agus faireachais chomhpháirtigh faoi Airteagal 19(1), áiritheoidh na Ballstáit go mbunófar cigireachtaí calafoirt ar shoithí iascaireachta a thagann faoi raon feidhme Airteagal 25 ar mhodheolaíocht chomhchuibhithe um measúnú riosca arna bunú i gcomhar le EFCA agus faoina chomhordú, agus na treoirlínte ginearálta a leagtar amach in Iarscríbhinn XXII á gcur san áireamh.

2.   Maidir le measúnú riosca agus, i gcás inarb iomchuí, le cigireacht, tar éis réamhfhógra dá dtagraítear in Airteagal 28, áiritheoidh na Ballstáit go ndéanfaidh cigirí calafoirt NEAFC measúnú ar shonraí an logleabhair leictreonaigh iascaireachta agus ar na sonraí VMS maidir leis na gníomhaíochtaí iascaireachta uile laistigh den Limistéar Rialála a sheol an soitheach lena mbaineann chuig Rúnaíocht NEAFC ar feadh tréimhse bliana amháin roimh an tabhairt i dtír atá beartaithe. I gcás trasloingsithe, déanfar measúnú freisin ar shonraí na soithí deontóra.

3.   Maidir le gach bliain, déanfaidh gach Ballstát cigireachtaí ar 5 % ar a laghad de ghabhálacha a thugtar i dtír nó de thrasloingsiú éisc úir agus 7,5 % ar a laghad d’iasc reoite ina chalafoirt faoi réir Airteagal 25. Déanfar cigireacht ar shoitheach iascaireachta a dhéanann gabhálacha úra agus reoite araon a thabhairt i dtír nó a thrasloingsiú a chomhaireamh in aghaidh na dtagarmharcanna d’iasc úr agus d’iasc reoite araon.

4.   Áiritheoidh na Ballstáit go ndéanfar cigireachtaí ar bhealach cothrom trédhearcach neamh-idirdhealaitheach agus nach ciapadh ar oibreoirí aon soithigh iascaireachta a bheidh i gceist leo.

5.   Áiritheoidh na Ballstáit, laistigh de na nósanna imeachta cigireachta, go ndéanfaidh na cigirí an méid seo a leanas:

6.   Éascóidh na Ballstáit cumarsáid le máistir nó le baill shinsearacha chriú an tsoithigh, lena n-áirítear, i gcás inar féidir agus i gcás inar gá, é sin a dhéanamh trína áirithiú go mbeidh ateangaire in éineacht leis an gcigire.

7.   Beidh feidhm ag an Airteagal seo de bhreis ar na rialacha maidir leis an nósanna imeachta cigireachta a leagtar amach in Airteagal 10 de Rialachán (CE) Uimh. 1005/2008.

1.   Tá feidhm ag an Airteagal seo de bhreis ar na hoibleagáidí ginearálta a leagtar amach in Airteagal 75 de Rialachán (CE) Uimh. 1224/2009 agus in Airteagal 113 de Rialachán Cur Chun Feidhme (AE) Uimh. 404/2011.

2.   Comhlíonfaidh máistir soithigh iascaireachta a bhfuil cigireacht á déanamh uirthi nó, i gcás inarb ábhartha, ionadaí an mháistir, na hoibleagáidí a leagtar amach in Airteagal 75 de rialachán (CE) Uimh. 1224/2009 agus in Airteagal 114 de Rialachán Cur Chun Feidhme (AE) 404/2011 agus, i gcás inarb infheidhme, na hoibleagáidí a leagtar amach in Airteagal 24 den Rialachán seo.

1.   Déanfar gach cigireacht de chuid NEAFC sa chalafort a dhoiciméadú trí thuarascáil ar an gcigireachta um Rialú arna dhéanamh ag Stát an Chalafoirt (Foirm CPS 3) a líonadh isteach mar a leagtar amach in Iarscríbhinn XXIII.

2.   Féadfaidh máistir soithigh iascaireachta a chuid nótaí tráchta féin a chur leis an tuarascáil chigireachta, a shíneoidh an cigire agus an máistir ag deireadh na cigireachta. Tabharfar cóip den tuarascáil chigireachta do mháistir an tsoithigh iascaireachta nó d’ionadaí an mháistir.

3.   Áiritheoidh údaráis Bhallstát an chalafoirt go ndéanfar cóip de gach tuarascáil chigireachta a tharchur gan mhoill chuig Stát brataí an tsoithigh iascaireachta a ndearnadh cigireacht uirthi, chuig Stát brataí nó Stáit bhrataí na soithí deontóra i gcás ina raibh an soitheach ag gabháil d’oibríochtaí trasloingsithe, agus chuig Rúnaíocht NEAFC, agus an Coimisiún agus EFCA i gcóip. Arna iarraidh sin do Stát brataí an tsoithigh a ndearnadh cigireacht uirthi, seolfar an bhunchóip nó cóip dheimhnithe de gach tuarascáil chigireachta chuige.

4.   Ainmneoidh na Ballstáit na húdaráis inniúla a gheobhaidh tuarascálacha cigireachta i gcomhréir leis an Airteagal seo.

1.   I gcás ina dtuairiscíonn cigirí sárú arna dhéanamh ag soitheach iascaireachta a bhaineann le gníomhaíocht iascaireachta ar bith, ar sárú é atá contrártha leis na bearta caomhnaithe agus bainistíochta a ghlac NEAFC, déanfaidh siad an méid seo a leanas:

2.   Déanfaidh an Ballstát cigireachta, nó EFCA, más é EFCA a dhéanann an chigireacht nó an faireachas, mionsonraí an tsáraithe a chur in iúl i scríbhinn agus go leictreonach d’údarás ainmnithe Stát brataí an tsoithigh a ndearnadh cigireacht uirthi agus don Choimisiún agus EFCA, nuair is féidir, laistigh den chéad lá oibre tar éis thús na cigireachta. I gcás inarb iomchuí, cuirfidh an Ballstát cigireachta nó EFCA na torthaí in iúl freisin don Pháirtí Conarthach ar ina uiscí a tharla an sárú agus don Stát ar náisiúnach de máistir an tsoithigh.

3.   Seolfaidh an Ballstát cigireachta nó EFCA bunchóip na tuarascála faireachais nó cigireachta gan mhoill mar aon le haon doiciméad tacaíochta chuig údaráis inniúla Stát brataí an tsoithigh iascaireachta a ndearnadh cigireacht uirthi, agus Rúnaíocht NEAFC, an Coimisiún agus EFCA i gcóip.

4.   I gcás ina ndéanfar sárú ar rialacha NEAFC a thaifeadadh sa tuarascáil dá dtagraítear in Airteagal 33(1), déanfaidh an Ballstát is cigire na bearta forfheidhmithe iomchuí nó tabharfaidh sé fógra, le ríomhphost, d’údaráis ainmnithe Bhallstát brataí nó Pháirtí Conarthach brataí an tsoithigh iascaireachta a ndearnadh cigireacht air go bhfuil sé ar intinn aige na himeachtaí a aistriú. Beidh an nós imeachta sin gan dochar do dhlínse Bhallstát na cigireachta, an Bhallstáit brataí nó an Pháirtí Chonarthaigh brataí a ndlí féin a fhorfheidhmiú agus do dhlínse an Bhallstáit brataí maidir le gníomhaíochtaí iascaireachta laistigh den Limistéar Rialála.

1.   Ainmneoidh na Ballstáit na húdaráis inniúla a gheobhaidh fianaise ar shárú. Na húdaráis inniúla ainmnithe ar tugadh fógra dóibh maidir le sárú arna dhéanamh ag soitheach iascaireachta de chuid an Bhallstáit sin, déanfaidh siad beart pras chun fianaise ar an sárú a fháil agus a mheas agus déanfaidh siad aon imscrúdú breise is gá chun obair leantach a dhéanamh i leith an tsáraithe agus, nuair is féidir, déanfaidh siad cigireacht ar an soitheach iascaireachta lena mbaineann.

2.   Déanfaidh na Ballstáit tuarascálacha ó chigirí NEAFC de chuid Páirtithe Conarthacha eile faoi Scéim NEAFC a mheas agus gníomhóidh siad dá réir ar an mbonn céanna le tuarascálacha óna gcigirí féin. Oibreoidh na Ballstáit i gcomhar lena chéile agus le Páirtithe Conarthacha eile chun imeachtaí breithiúnacha nó imeachtaí eile a éascú a eascraíonn as tuarascáil arna cur isteach ag cigire faoi Scéim NEAFC.

1.   Má mheasann cigire go bhfuil forais shoiléire ann lena chreidiúint go ndearna máistir nó oibreoir soithigh iascaireachta sárú tromchúiseach, cuirfidh an cigire sin an sárú sin in iúl go pras d’údaráis inniúla an Bhallstáit cigireachta, don Choimisiún agus do EFCA. Déanfaidh an Ballstát cigireachta nó EFCA, i gcás inarb é EFCA a rinne an chigireacht, an fhaisnéis a chur ar aghaidh gan mhoill chuig Rúnaíocht NEAFC, chuig údaráis inniúla Stát brataí an tsoithigh agus, i gcás inarb iomchuí, chuig Stát brataí nó Stáit bhrataí na soithí deontóra i gcás inar ghabh an soitheach a ndearnadh cigireacht uirthi d’oibríochtaí trasloingsithe.

2.   Chun fianaise an tsáraithe a chaomhnú, déanfaidh an cigire na bearta uile is gá chun slándáil agus leanúnachas na fianaise a áirithiú, agus an mhíchaoithiúlacht don soitheach agus an cur isteach ar a hoibríochtaí á n-íoslaghdú.

3.   I gcás cigireacht ar muir sa Limistéar Rialála, beidh an cigire i dteideal fanacht ar bord an tsoithigh iascaireachta ar feadh na tréimhse is gá chun faisnéis a sholáthar do chigire a bheidh údaraithe go cuí ag an bPáirtí Conarthach brataí nó go dtí go gcuirfidh freagra an Bhallstáit brataí nó an Pháirtí Conarthaigh brataí de cheangal ar an gcigire an soitheach iascaireachta a fhágáil.

1.   Freagróidh an Ballstát brataí d’fhógra faoi shárú tromchúiseach gan mhoill agus áiritheoidh sé go ndéanfaidh cigire a bhfuil an t-údarú cuí aige cigireacht i leith an tsáraithe sin ar an soitheach iascaireachta de chuid an Aontais lena mbaineann laistigh de 72 uair an chloig.

2.   Tar éis fógra a thabhairt faoi thorthaí an scrúdaithe dá dtagraítear i mír 1 den Airteagal seo agus in Airteagal 37(1), ceanglóidh an Ballstát brataí, más gá sin de bharr na fianaise, ar an soitheach iascaireachta dul láithreach chuig calafort arna ainmniú ag an mBallstát brataí sin chun go ndéanfar cigireacht chríochnúil uirthi faoina údarás agus i láthair cigire de chuid NEAFC ó aon Pháirtí Conarthach eile ar mian leis a bheith rannpháirteach.

3.   Féadfaidh an Ballstát brataí an Ballstát cigireachta a údarú leis an soitheach iascaireachta a thabhairt gan mhoill chuig calafort arna ainmniú ag an mBallstát brataí.

4.   Mura n-iarrfar ar an soitheach iascaireachta dul chun calafoirt, tabharfaidh an Ballstát brataí údar cuí in am trátha do EFCA agus don Choimisiún, a chuirfidh an fhaisnéis ar aghaidh chuig an bPáirtí Conarthach cigireachta agus chuig Rúnaíocht NEAFC.

5.   I gcás ina mbeidh sé de cheanglas ar shoitheach iascaireachta dul chun calafoirt le go ndéanfar cigireacht chríochnúil uirthi de bhun mhír 2 nó 3, féadfaidh cigire de chuid NEAFC ó Pháirtí Conarthach eile, faoi réir thoiliú Bhallstát brataí an tsoithigh iascaireachta, dul ar bord agus fanacht ar bord an tsoithigh iascaireachta fad a bheidh sí ag dul chun calafoirt, agus féadfaidh sé a bheith i láthair le linn chigireacht an tsoithigh iascaireachta sa chalafort.

6.   Cuirfidh an Ballstát brataí toradh na cigireachta agus na bearta a ghlac sé de bharr an tsáraithe in iúl don Choimisiún nó do EFCA go pras.

1.   Faoin 1 Feabhra gach bliain tuairisceoidh gach Ballstát an fhaisnéis seo a leanas do EFCA agus don Choimisiún:

2.   Cuirfear an fhaisnéis dá dtagraítear i mír 1 ar fáil i gcomhréir leis na teimpléid arna nglacadh ag NEAFC.

3.   Tiomsóidh EFCA tuarascáil de chuid an Aontais ar bhonn thuarascálacha na mBallstát agus na faisnéise atá ar fáil faoi scéim cigireachta agus faireachais chomhpháirteach an Aontais. Seolfaidh EFCA tuarascáil an Aontais chuig an gCoimisiún faoin 20 Feabhra gach bliain. Seolfaidh an Coimisiún tuarascáil an Aontais chuig Rúnaíocht NEAFC faoin 1 Márta gach bliain.

1.   Déanfaidh na Ballstáit nó EFCA aon fhaisnéis maidir le soithí Páirtí Neamh-Chonarthaigh a bhfuarthas amharc orthu nó a sainaithníodh ar shlí eile agus iad i mbun gníomhaíochtaí iascaireachta i Limistéar an Choinbhinsiúin a tharchur gan mhoill chuig EFCA agus an Coimisiún i gcóip. Cuirfidh EFCA Rúnaíocht NEAFC agus na Ballstáit eile go léir ar an eolas go pras faoi gach tuarascáil amhairc a gheobhaidh sé.

2.   EFCA nó an Ballstát a fuair amharc ar shoitheach iascaireachta an Pháirtí Neamh-Chonarthaigh, féachfaidh sé leis an soitheach sin a chur ar an eolas gan mhoill go bhfuarthas amharc uirthi nó gur sainaithníodh í ar bhealach eile agus í ag gabháil do ghníomhaíochtaí iascaireachta i Limistéar an Choinbhinsiúin agus, mura rud é gur dheonaigh NEAFC stádas Páirtí Neamh-Chonarthaigh chomhoibríoch do Stát brataí an tsoithigh sin, déantar a thoimhdiú dá bharr sin go bhfuil sí ag déanamh dochar do na bearta caomhnaithe agus bainistíochta arna nglacadh ag NEAFC.

3.   I gcás soitheach iascaireachta Páirtí Neamh-Chonarthaigh a bhfuarthas amharc uirthi nó a sainaithníodh ar bhealach eile agus í ag gabháil do ghníomhaíochtaí trasloingsithe, tá feidhm ag an toimhde go bhfuil dochar á dhéanamh aici do bhearta caomhnaithe agus bainistíochta NEAFC arna nglacadh ag NEAFC maidir le haon soitheach eile de chuid Páirtí Neamh-Chonarthach a sainaithníodh agus í ag gabháil do ghníomhaíochtaí den sórt sin in éineacht leis an soitheach sin.

1.   Iarrfaidh cigirí NEAFC cead dul ar bord agus cigireacht a dhéanamh ar shoithí iascaireachta de chuid Páirtí Neamh-Chonarthach a bhfuarthas amharc orthu nó a sainaithníodh ar bhealach eile agus iad ag gabháil do ghníomhaíochtaí iascaireachta i Limistéar an Choinbhinsiúin. Má thugann an máistir cead dul ar bord an tsoithigh agus cigireacht a dhéanamh uirthi, déanfar an chigireacht a dhoiciméadú trí thuarascáil chigireachta, mar a leagtar amach in Iarscríbhinn XVIII, a líonadh isteach.

2.   Déanfaidh cigirí NEAFC cóip den tuarascáil chigireachta a tharchur gan mhoill chuig máistir shoitheach iascaireachta an Pháirtí Neamh-Chonarthaigh, chuig an gCoimisiún agus chuig EFCA. Seolfaidh EFCA an chóip ar aghaidh go pras chuig Rúnaíocht NEAFC. I gcás inar gá sin de réir na fianaise sa tuarascáil sin, déanfaidh Ballstát gníomhaíocht iomchuí i gcomhréir leis an dlí idirnáisiúnta.

3.   Mura dtoilíonn an máistir le dul ar bord agus cigireacht a dhéanamh ar an soitheach nó mura gcomhlíonann an máistir aon cheann de na hoibleagáidí a leagtar síos in Airteagal 24, pointí (b) go (f), toimhdeofar go raibh soitheach iascaireachta an Pháirtí Neamh-Chonarthaigh ag gabháil do ghníomhaíochtaí iascaireachta NNN. Cuirfidh cigire NEAFC EFCA agus an Coimisiún ar an eolas gan mhoill. Cuirfidh an Coimisiún Rúnaíocht NEAFC ar an eolas go pras.

1.   Tabharfaidh máistrí soithigh iascaireachta Páirtí Neamh-Chonarthaigh a bhfuil sé beartaithe acu dul isteach i gcalafort fógra d’údaráis inniúla an Bhallstáit calafoirt i gcomhréir le hAirteagal 28. Cuirfidh an Ballstát calafoirt lena mbaineann an fhaisnéis sin ar aghaidh gan mhoill chuig Stát brataí an tsoithigh iascaireachta agus chuig Rúnaíocht NEAFC agus an Coimisiún agus EFCA i gcóip.

2.   Cuirfidh an Ballstát calafoirt toirmeasc ar shoithí iascaireachta Páirtí Neamh-Chonarthaigh dul isteach ina chalafoirt mura bhfuil an réamhfhógra is gá maidir le dul isteach, dá dtagraítear in mír 1, tugtha acu.

3.   Cuirfidh an Ballstát calafoirt an cinneadh toirmeasc a chur ar dhul isteach i gcalafort in iúl gan mhoill do mháistir shoitheach iascaireachta an Pháirtí Neamh-Chonarthaigh nó d’ionadaí thar ceann an mháistir, do Stát brataí an tsoithigh agus do Rúnaíocht NEAFC agus an Coimisiún agus EFCA i gcóip.

1.   Áiritheoidh na Ballstáit go ndéanfar cigireacht ar gach soitheach iascaireachta de chuid Páirtí Neamh-Chonarthach a bhfuil cead aici dul isteach i gceann dá gcalafoirt i gcomhréir le hAirteagal 31(4) go (8). Ní cheadófar do shoitheach iascaireachta an Pháirtí Neamh-Chonarthaigh aon iasc a thabhairt i dtír ná a thrasloingsiú go dtí go mbeidh an chigireacht curtha i gcrích. Déanfar gach cigireacht a dhoiciméadú trí thuarascáil chigireachta dá bhforáiltear in Airteagal 33 a líonadh isteach.

2.   Sa chás ina mainníonn máistir shoitheach iascaireachta an Pháirtí Neamh-Chonarthaigh aon cheann de na hoibleagáidí a leagtar síos in Airteagal 24, pointí (b) go (f) a chomhlíonadh, toimhdeofar go raibh an soitheach ag gabháil do ghníomhaíochtaí iascaireachta NNN.

3.   Déanfaidh an Ballstát calafoirt an fhaisnéis maidir le torthaí na gcigireachtaí uile ar shoithí iascaireachta Páirtí Neamh-Chonarthaigh a dhéantar ina chalafoirt agus a bhaineann leis an ngníomhaíocht a dhéantar ina dhiaidh sin a tharchur láithreach chuig Rúnaíocht NEAFC agus an Coimisiún agus EFCA i gcóip.

1.   Ní fhéadfaidh soithí Páirtí Neamh-Chonarthaigh tús a chur le tabhairt i dtír, trasloingsiú ná úsáid eile calafoirt go dtí go mbeidh údarú tugtha ag údaráis inniúla Bhallstát an chalafoirt i gcomhréir le hAirteagal 7 de Rialachán (CE) Uimh. 1005/2008.

2.   Nuair a théann soitheach iascaireachta Páirtí Neamh-Chonarthaigh isteach sa chalafort, diúltóidh na Ballstáit don soitheach sin acmhainní iascaigh a thabhairt i dtír, a thrasloingsiú, a phróiseáil agus a phacáistiú agus seirbhísí eile calafoirt, lena n-áirítear athbhreoslú, athsholáthar, cothabháil agus cur i nduga tirim, más rud é:

3.   I gcás diúltaithe de bhun mhír 2, cuirfidh na Ballstáit a gcinneadh in iúl do mháistir shoitheach iascaireachta an Pháirtí Neamh-Chonarthaigh nó d’ionadaí ar an mháistir agus do Rúnaíocht NEAFC agus an Coimisiún agus EFCA i gcóip.

4.   Ní tharraingeoidh na Ballstáit úsáid a gcuid calafort siar i ndáil le soitheach iascaireachta Páirtí Neamh-Chonarthaigh mura bhfuil cruthúnas leordhóthanach ann nach raibh na forais ar ar diúltaíodh a n-úsáid leordhóthanach nó go raibh siad earráideach nó nach ann do na forais sin a thuilleadh.

5.   I gcás ina mbeidh a dhiúltú tarraingthe siar ag Ballstát de bhun mhír 4, tabharfaidh sé fógra go pras dóibh siúd a ndearnadh cumarsáid leo de bhun mhír 3.

1.   Áiritheoidh na Ballstáit an méid seo a leanas maidir le soithí iascaireachta atá ar liosta sealadach (‘A’) nó liosta deimhnithe (‘B’) NEAFC de shoithí a dhéanann iascaireacht NNN:

2.   Ní bheidh feidhm ag mír 1, pointí (b), (c) agus (d) maidir le soithí atá ar liosta ‘A’ de chuid NEAFC NNN i gcás ina ndearnadh moladh do NEAFC gur cheart na soithí sin a bhaint de liosta ‘A’.

3.   De bhreis ar na bearta dá dtagraítear i mír 1, déanfaidh na Ballstáit na bearta seo a leanas maidir le soithí atá ar liosta ‘B’:

4.   Ní bheidh feidhm ag mír 1, pointe (d) agus mír 3 pointí (a) agus (d), i gcás ina gceadaítear do Pháirtithe Conarthacha soláthairtí, breosla nó seirbhísí eile a sholáthar nó a mbratach a dheonú do shoitheach ar liosta maidir le hiascaireacht NNN tar éis moladh a dhéanamh do NEAFC ar bhonn fianaise shásúil a léiríonn go bhfuil sé beartaithe soitheach a dhiúscairt nó í a athshannadh go buan chun críoch eile seachas gníomhaíochtaí iascaireachta.