1.   L-Artikoli 38b sa 38d ta’ dan ir-Regolament għandhom japplikaw biss jekk il-Kummissjoni tkun adottat att ta’ implimentazzjoni skont l-Artikolu 28 tar-Regolament (UE) 2024/2747 fir-rigward tal-prodotti għall-bini koperti minn dan ir-Regolament.

2.   L-Artikoli 38b sa 38d ta’ dan ir-Regolament għandhom japplikaw biss għall-prodotti għall-bini li jkunu ġew iddeżinjati bħala oġġetti rilevanti għall-kriżi skont l-Artikolu 18(4) tar-Regolament (UE) 2024/2747.

3.   L-Artikoli 38b sa 38d ta’ dan ir-Regolament għandhom japplikaw biss matul il-modalità ta’ emerġenza tas-suq intern li tkun ġiet attivata f’konformità mal-Artikolu 18 tar-Regolament (UE) 2024/2747.

4.   Il-Kummissjoni tista’ tadotta atti ta’ implimentazzjoni rigward l-azzjonijiet korrettivi jew restrittivi li għandhom jittieħdu, il-proċeduri li għandhom jiġu segwiti u r-rekwiżiti speċifiċi ta’ tikkettar u traċċabbiltà fir-rigward tal-prodotti għall-bini li tqiegħdu fis-suq f’konformità mal-Artikoli 38b u 38c. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 64(2a).

1.   Dan l-Artikolu japplika għall-prodotti għall-bini elenkati fl-att ta’ implimentazzjoni msemmi fl-Artikolu 38a(1) li huma soġġetti għal kompiti ta’ parti terza tal-korpi nnotifikati relatati mal-valutazzjoni u mal-verifika tal-kostanza tal-prestazzjoni f’konformità mal-Artikolu 28(1).

2.   Il-korpi nnotifikati għandhom jagħmlu l-aħjar sforzi biex jipproċessaw, bħala kwistjoni ta’ prijorità, talbiet għal kompiti ta’ parti terza relatati mal-valutazzjoni u mal-verifika tal-kostanza tal-prestazzjoni tal-prodotti għall-bini msemmija fil-paragrafu 1, irrispettivament minn jekk dawk it-talbiet ikunux ġew ippreżentati qabel jew wara l-attivazzjoni tal-proċeduri ta’ emerġenza skont l-Artikolu 38a.

3.   Il-prijoritizzazzjoni tat-talbiet għall-kompiti ta’ parti terza relatati mal-valutazzjoni u mal-verifika tal-kostanza tal-prestazzjoni tal-prodotti għall-bini skont il-paragrafu 2 ma għandhiex tirriżulta f’kostijiet sproporzjonati addizzjonali għall-manifatturi li jkunu ppreżentaw dawk it-talbiet.

4.   Il-korpi nnotifikati għandhom jagħmlu sforzi raġonevoli biex iżidu l-kapaċitajiet rispettivi tagħhom tal-valutazzjoni u tal-verifika rigward il-prodotti għall-bini msemmija fil-paragrafu 1 li fir-rigward tagħhom ikunu ġew innotifikati.

1.   Meta l-prodotti għall-bini jkunu ġew iddeżinjati bħala oġġetti rilevanti għall-kriżi, il-Kummissjoni għandha s-setgħa li tadotta atti ta’ implimentazzjoni li jelenkaw standards xierqa jew jistabbilixxu speċifikazzjonijiet komuni biex ikopru l-metodi u l-kriterji għall-valutazzjoni tal-prestazzjoni ta’ dawk il-prodotti fir-rigward tal-karatteristiċi essenzjali fil-każijiet li ġejjin:

2.   L-atti ta’ implimentazzjoni msemmija fil-paragrafu 1 għandhom jistabbilixxu l-aktar soluzzjoni teknika alternattiva xierqa għall-finijiet tal-għoti ta’ valutazzjoni u dikjarazzjoni ta’ prestazzjoni f’konformità mal-paragrafu 5. Għal dak l-għan, ir-referenzi għal standards Ewropej jew ir-referenzi għal standards nazzjonali jew internazzjonali rilevanti applikabbli jistgħu jiġu ppubblikati f’dawk l-atti ta’ implimentazzjoni jew, jekk ma jkun hemm l-ebda standard Ewropew jew standard nazzjonali jew internazzjonali rilevanti applikabbli, jistgħu jiġu stabbiliti speċifikazzjonijiet komuni b’dawk l-atti ta’ implimentazzjoni.

3.   L-atti ta’ implimentazzjoni msemmija fil-paragrafu 1 ta’ dan l-Artikolu għandhom jiġu adottati f’konformità mal-proċedura ta’ eżami msemmija fl-Artikolu 64(2a) u għandhom japplikaw sal-aħħar jum tal-perijodu li matulu l-modalità ta’ emerġenza tas-suq intern tkun ġiet attivata, sakemm tali atti ta’ implimentazzjoni ma jiġux emendati jew imħassra f’konformità mal-paragrafu 7 ta’ dan l-Artikolu.

4.   Qabel ma tħejji l-abbozz tal-att ta’ implimentazzjoni msemmi fil-paragrafu 1 ta’ dan l-Artikolu, il-Kummissjoni għandha tinforma lill-kumitat imsemmi fl-Artikolu 22 tar-Regolament (UE) Nru 1025/2012 li hija tqis li l-kundizzjonijiet fil-paragrafu 1 ta’ dan l-Artikolu ġew issodisfati. Meta tħejji dak l-abbozz tal-att ta’ implimentazzjoni, il-Kummissjoni għandha tqis il-fehmiet tal-gruppi ta’ esperti jew tal-korpi rilevanti stabbiliti skont dan ir-Regolament u għandha tikkonsulta kif xieraq lill-partijiet interessati rilevanti kollha.

5.   Mingħajr preġudizzju għall-Artikoli 4 u 6, il-metodi u l-kriterji previsti fl-istandards jew fl-ispeċifikazzjonijiet komuni msemmija fil-paragrafu 1 ta’ dan l-Artikolu, jew partijiet minnhom, jistgħu jintużaw għall-valutazzjoni u għad-dikjarazzjoni ta’ prestazzjoni tal-prodotti għall-bini koperti minn dawk l-istandards jew l-ispeċifikazzjonijiet komuni fir-rigward tal-karatteristiċi essenzjali tagħhom. Mill-jum ta’ wara l-iskadenza jew id-diżattivazzjoni tal-modalità ta’ emerġenza tas-suq intern ma għandux ikun aktar possibbli li jitfasslu dikjarazzjonijiet ta’ prestazzjoni abbażi ta’ standards jew speċifikazzjonijiet komuni msemmija fl-att ta’ implimentazzjoni msemmi fil-paragrafu 1 ta’ dan l-Artikolu.

6.   B’deroga mill-Artikolu 38a(3), sakemm ma jkunx hemm raġuni suffiċjenti biex wieħed jemmen li l-prodotti għall-bini, koperti mill-istandards jew mill-ispeċifikazzjonijiet komuni msemmija fil-paragrafu 1 ta’ dan l-Artikolu, jippreżentaw riskju għas-saħħa jew għas-sikurezza tal-persuni jew jonqsu milli jiksbu l-prestazzjoni ddikjarata, id-dikjarazzjonijiet ta’ prestazzjoni tal-prodotti għall-bini li jkunu tqiegħdu fis-suq f’konformità ma’ dawk l-istandards jew l-ispeċifikazzjonijiet komuni għandhom jibqgħu validi wara l-iskadenza jew it-tħassir ta’ att ta’ implimentazzjoni adottat skont il-paragrafu 3 ta’ dan l-Artikolu u wara l-iskadenza jew id-diżattivazzjoni tal-modalità ta’ emerġenza tas-suq intern.

7.   Meta Stat Membru jqis li standard jew speċifikazzjoni komuni kif imsemmija fil-paragrafu 1 ma jkunux korretti f’termini tal-metodi u tal-kriterji għall-valutazzjoni tal-prestazzjoni fir-rigward tal-karatteristiċi essenzjali, huwa għandu jinforma lill-Kummissjoni b’dan billi jippreżenta spjegazzjoni dettaljata. Il-Kummissjoni għandha tivvaluta dik l-ispjegazzjoni dettaljata u, jekk xieraq, temenda jew tħassar l-att ta’ implimentazzjoni li jelenka l-istandard jew li jistabbilixxi l-ispeċifikazzjoni komuni inkwistjoni.

1.   L-Istati Membri għandhom jipprijoritizzaw l-attivitajiet ta’ sorveljanza tas-suq għall-prodotti għall-bini elenkati fl-att ta’ implimentazzjoni msemmi fl-Artikolu 38a(1) ta’ dan ir-Regolament. Il-Kummissjoni għandha tiffaċilita l-koordinazzjoni ta’ tali sforzi ta’ prijoritizzazzjoni permezz tan-Network tal-Unjoni għall-Konformità tal-Prodotti stabbilit skont l-Artikolu 29 tar-Regolament (UE) 2019/1020 tal-Parlament Ewropew u tal-Kunsill (*3).

2.   L-awtoritajiet tas-sorveljanza tas-suq tal-Istati Membri għandhom jiżguraw li jsiru l-aħjar sforzi biex jipprovdu assistenza lil awtoritajiet oħra tas-sorveljanza tas-suq matul modalità ta’ emerġenza tas-suq intern, inkluż billi jimmobilizzaw u jibagħtu timijiet ta’ esperti biex isaħħu temporanjament il-persunal tal-awtoritajiet tas-sorveljanza tas-suq li jitolbu assistenza jew billi jipprovdu appoġġ loġistiku bħat-tisħiħ tal-kapaċità tal-ittestjar għall-prodotti għall-bini elenkati fl-att ta’ implimentazzjoni msemmi fl-Artikolu 38a(1).

1.   L-Artikoli 43b sa 43e ta’ dan ir-Regolament għandhom japplikaw biss jekk il-Kummissjoni tkun adottat att ta’ implimentazzjoni skont l-Artikolu 28 tar-Regolament (UE) 2024/2747 fir-rigward tas-subsistemi u tal-komponenti ta’ sikurezza koperti minn dan ir-Regolament.

2.   L-Artikoli 43b sa 43e ta’ dan ir-Regolament għandhom japplikaw biss għas-subsistemi u għall-komponenti ta’ sikurezza li jkunu ġew iddeżinjati bħala oġġetti rilevanti għall-kriżi skont l-Artikolu 18(4) tar-Regolament (UE) 2024/2747.

3.   L-Artikoli 43b sa 43e ta’ dan ir-Regolament għandhom japplikaw biss matul il-modalità ta’ emerġenza tas-suq intern li tkun ġiet attivata f’konformità mal-Artikolu 18 tar-Regolament (UE) 2024/2747.

Madankollu, l-Artikolu 43c(7) ta’ dan ir-Regolament għandu japplika matul il-modalità ta’ emerġenza tas-suq intern u wara l-iskadenza jew id-diżattivazzjoni tagħha.

4.   Il-Kummissjoni tista’ tadotta atti ta’ implimentazzjoni rigward l-azzjonijiet korrettivi jew restrittivi li għandhom jittieħdu, il-proċeduri li għandhom jiġu segwiti u r-rekwiżiti speċifiċi ta’ tikkettar u traċċabbiltà fir-rigward tas-subsistemi u tal-komponenti ta’ sikurezza li tqiegħdu fis-suq jew li ġew inkorporati f’installazzjoni tal-funikular f’konformità mal-Artikoli 43c u 43d. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 44(3).

1.   Dan l-Artikolu japplika għas-subsistemi u għall-komponenti ta’ sikurezza elenkati fl-att ta’ implimentazzjoni msemmi fl-Artikolu 43a(1) li huma soġġetti għal proċeduri ta’ valutazzjoni tal-konformità msemmija fl-Artikolu 18 li jeħtieġu l-involviment obbligatorju ta’ korp notifikat.

2.   Il-korpi notifikati għandhom jagħmlu l-aħjar sforzi biex jipproċessaw, bħala kwistjoni ta’ prijorità, l-applikazzjonijiet kollha għal valutazzjoni tal-konformità tas-subsistemi u tal-komponenti ta’ sikurezza msemmija fil-paragrafu 1 ta’ dan l-Artikolu, irrispettivament minn jekk dawk l-applikazzjonijiet ikunux ġew ippreżentati qabel jew wara l-attivazzjoni tal-proċeduri ta’ emerġenza skont l-Artikolu 43a.

3.   Il-prijoritizzazzjoni tal-applikazzjonijiet għal valutazzjoni tal-konformità tas-subsistemi u tal-komponenti ta’ sikurezza skont il-paragrafu 2 ma għandhiex tirriżulta f’kostijiet sproporzjonati addizzjonali għall-manifatturi li jkunu ppreżentaw dawk l-applikazzjonijiet.

4.   Il-korpi notifikati għandhom jagħmlu sforzi raġonevoli biex iżidu l-kapaċitajiet tal-ittestjar tagħhom għas-subsistemi u għall-komponenti ta’ sikurezza msemmija fil-paragrafu 1 li fir-rigward tagħhom ikunu ġew notifikati.

1.   B’deroga mill-Artikolu 18, Stat Membru jista’ jawtorizza, fuq talba debitament ġustifikata minn operatur ekonomiku, it-tqegħid fis-suq jew l-inkorporazzjoni f’installazzjoni tal-funikular fit-territorju ta’ dak l-Istat Membru, ta’ subsistema jew komponent ta’ sikurezza speċifiku elenkat fl-att ta’ implimentazzjoni msemmi fl-Artikolu 43a(1), u li għalihom il-proċeduri ta’ valutazzjoni tal-konformità, imsemmija fl-Artikolu 18 li jeħtieġu l-involviment obbligatorju ta’ korp notifikat ma jkunux twettqu iżda li għalihom tkun intweriet il-konformità mar-rekwiżiti essenzjali applikabbli kollha, stabbiliti fl-Anness II, f’konformità mal-proċeduri msemmija f’dik l-awtorizzazzjoni.

2.   L-Istat Membru għandu jinforma minnufih lill-Kummissjoni u lill-Istati Membri l-oħra bi kwalunkwe awtorizzazzjoni mogħtija f’konformità mal-paragrafu 1 ta’ dan l-Artikolu. Dment li r-rekwiżiti stabbiliti fl-awtorizzazzjoni jiżguraw il-konformità mar-rekwiżiti essenzjali applikabbli stabbiliti fl-Anness II, il-Kummissjoni għandha tadotta, mingħajr dewmien, att ta’ implimentazzjoni li jestendi l-validità tal-awtorizzazzjoni mogħtija minn Stat Membru f’konformità mal-paragrafu 1 ta’ dan l-Artikolu għat-territorju tal-Unjoni kollha u għandha tistabbilixxi l-kundizzjonijiet li skonthom is-subsistema jew il-komponent ta’ sikurezza speċifiku jistgħu jitqiegħdu fis-suq jew jiġu inkorporati f’installazzjoni tal-funikular. Meta tħejji l-abbozz tal-att ta’ implimentazzjoni, il-Kummissjoni tista’ titlob lill-awtoritajiet nazzjonali tas-sorveljanza tas-suq jipprovdu informazzjoni jew kummenti rilevanti rigward il-valutazzjoni teknika li serviet bħala l-bażi għall-awtorizzazzjoni msemmija fil-paragrafu 1 ta’ dan l-Artikolu. L-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 44(3).

Is-subsistema jew il-komponent ta’ sikurezza soġġetti għall-estensjoni tal-validità msemmija fl-ewwel subparagrafu għandu jkollhom l-informazzjoni li huma tqiegħdu fis-suq bħala ‘oġġett rilevanti għall-kriżi’. L-att ta’ implimentazzjoni msemmi fl-ewwel subparagrafu għandu jispeċifika l-kontenut u l-preżentazzjoni ta’ dik l-informazzjoni. Dik l-informazzjoni, kif ukoll kwalunkwe tikkettar, għandha tkun ċara, tiftiehem u intelliġibbli u, meta rilevanti, b’lingwa li tista’ tinftiehem faċilment mill-konsumaturi u minn utenti finali oħra, kif determinat mill-Istat Membru kkonċernat.

3.   Għal raġunijiet imperattivi ta’ urġenza debitament ġustifikati marbuta mal-ħtieġa li jiġu ppreservati s-saħħa u s-sikurezza tal-persuni, il-Kummissjoni għandha tadotta atti ta’ implimentazzjoni applikabbli minnufih f’konformità mal-proċedura msemmija fl-Artikolu 44(4).

4.   Sakemm att ta’ implimentazzjoni kif imsemmi fil-paragrafu 2 jew 3 ma jkunx adottat, l-awtorizzazzjoni mogħtija minn awtorità nazzjonali kompetenti fi Stat Membru wieħed għandha tkun valida biss fit-territorju ta’ dak l-Istat Membru, u fit-territorji ta’ kwalunkwe Stat Membru ieħor li l-awtoritajiet nazzjonali kompetenti tiegħu jkunu rrikonoxxew il-validità ta’ dik l-awtorizzazzjoni qabel l-adozzjoni ta’ tali att ta’ implimentazzjoni. L-Istati Membri għandhom jinformaw lill-Kummissjoni u lill-Istati Membri l-oħra bi kwalunkwe deċiżjoni li tirrikonoxxi l-validità ta’ dik l-awtorizzazzjoni.

5.   Il-manifatturi tas-subsistemi jew tal-komponenti ta’ sikurezza soġġetti għall-proċedura ta’ awtorizzazzjoni msemmija fil-paragrafu 1 għandhom jiddikjaraw fuq ir-responsabbiltà unika tagħhom li s-subsistema jew il-komponent ta’ sikurezza kkonċernati jikkonformaw mar-rekwiżiti essenzjali applikabbli kollha stabbiliti fl-Anness II u għandhom ikunu responsabbli għat-twettiq tal-proċeduri kollha ta’ valutazzjoni tal-konformità indikati mill-awtorità nazzjonali kompetenti.

6.   Kwalunkwe awtorizzazzjoni maħruġa skont il-paragrafu 1 għandha tistabbilixxi l-kundizzjonijiet u r-rekwiżiti li skonthom is-subsistema jew il-komponent ta’ sikurezza jistgħu jitqiegħdu fis-suq jew jiġu inkorporati f’installazzjoni tal-funikular. Tali awtorizzazzjonijiet għandhom jistabbilixxu mill-anqas dawn li ġejjin:

7.   B’deroga mill-Artikoli 7, 20 u 21, is-subsistemi jew il-komponenti ta’ sikurezza li għalihom tkun ingħatat awtorizzazzjoni f’konformità mal-paragrafu 1 ta’ dan l-Artikolu, ma għandhomx ikollhom il-marka CE u l-Artikolu 7 ma għandux japplika.

8.   L-awtoritajiet tas-sorveljanza tas-suq ta’ Stat Membru li fih awtorizzazzjoni skont il-paragrafi 1, 2 u 4 ta’ dan l-Artikolu tkun valida, għandhom ikunu intitolati, fir-rigward ta’ tali subsistemi jew komponenti ta’ sikurezza, li jieħdu l-azzjonijiet korrettivi u restrittivi kollha fil-livell nazzjonali previsti skont ir-Regolament (UE) 2019/1020 tal-Parlament Ewropew u tal-Kunsill (*6) u skont dan ir-Regolament. Huma għandhom jinformaw minnufih lill-Kummissjoni u lill-awtoritajiet tas-sorveljanza tas-suq tal-Istati Membri l-oħra kollha b’dawn l-azzjonijiet.

9.   L-użu tal-proċedura ta’ awtorizzazzjoni stabbilita fil-paragrafi 1 sa 4 ta’ dan l-Artikolu ma għandux jaffettwa l-applikazzjoni tal-proċeduri ta’ valutazzjoni tal-konformità rilevanti stabbiliti fl-Artikolu 18 fit-territorju tal-Istat Membru kkonċernat.

1.   Meta s-subsistemi u l-komponenti ta’ sikurezza jkunu ġew iddeżinjati bħala oġġetti rilevanti għall-kriżi, il-Kummissjoni għandha s-setgħa li tadotta atti ta’ implimentazzjoni li jelenkaw standards xierqa jew jistabbilixxu speċifikazzjonijiet komuni għal tali subsistemi u komponenti ta’ sikurezza biex ikopru l-karatteristiċi essenzjali applikabbli stabbiliti fl-Anness II ta’ dan ir-Regolament fil-każijiet li ġejjin:

2.   L-atti ta’ implimentazzjoni msemmija fil-paragrafu 1 għandhom jistabbilixxu l-aktar soluzzjoni teknika alternattiva xierqa għall-finijiet tal-għoti ta’ preżunzjoni ta’ konformità, f’konformità mal-paragrafu 5. Għal dak l-għan, ir-referenzi għal standards Ewropej jew ir-referenzi għal standards nazzjonali jew internazzjonali rilevanti applikabbli jistgħu jiġu ppubblikati f’dawk l-atti ta’ implimentazzjoni jew, jekk ma jkun hemm l-ebda standard Ewropew jew standard nazzjonali jew internazzjonali rilevanti applikabbli, jistgħu jiġu stabbiliti speċifikazzjonijiet komuni b’dawk l-atti ta’ implimentazzjoni.

3.   L-atti ta’ implimentazzjoni msemmija fil-paragrafu 1 ta’ dan l-Artikolu għandhom jiġu adottati f’konformità mal-proċedura ta’ eżami msemmija fl-Artikolu 44(3) u għandhom japplikaw sal-aħħar jum tal-perjodu li matulu l-modalità ta’ emerġenza tas-suq intern tkun ġiet attivata, sakemm tali atti ta’ implimentazzjoni ma jiġux emendati jew imħassra f’konformità mal-paragrafu 7 ta’ dan l-Artikolu.

4.   Qabel ma tħejji l-abbozz tal-att ta’ implimentazzjoni msemmi fil-paragrafu 1 ta’ dan l-Artikolu, il-Kummissjoni għandha tinforma lill-kumitat imsemmi fl-Artikolu 22 tar-Regolament (UE) Nru 1025/2012 li hija tqis li l-kundizzjonijiet fil-paragrafu 1 ta’ dan l-Artikolu ġew issodisfati. Meta tħejji dak l-abbozz tal-att ta’ implimentazzjoni, il-Kummissjoni għandha tqis il-fehmiet tal-gruppi ta’ esperti jew tal-korpi rilevanti stabbiliti skont dan ir-Regolament u għandha tikkonsulta kif xieraq lill-partijiet ikkonċernati rilevanti kollha.

5.   Mingħajr preġudizzju għall-Artikolu 17, is-subsistemi u l-komponenti ta’ sikurezza li jkunu konformi mal-istandards jew mal-ispeċifikazzjonijiet komuni msemmija fil-paragrafu 1 ta’ dan l-Artikolu, jew partijiet minnhom, għandhom ikunu preżunti li huma konformi mar-rekwiżiti essenzjali applikabbli stabbiliti fl-Anness II u koperti minn dawk l-istandards, l-ispeċifikazzjonijiet komuni jew partijiet minnhom. Mill-jum wara l-iskadenza jew id-diżattivazzjoni tal-modalità ta’ emerġenza tas-suq intern, ma għandux jibqa’ possibbli għall-manifatturi li jiddependu fuq il-preżunzjoni ta’ konformità pprovduta mill-istandards jew mill-ispeċifikazzjonijiet komuni msemmija fl-atti ta’ implimentazzjoni msemmija fil-paragrafu 1 ta’ dan l-Artikolu.

6.   B’deroga mill-Artikolu 43a(3), l-ewwel subparagrafu, sakemm ma jkunx hemm raġuni suffiċjenti biex wieħed jemmen li s-subsistemi jew il-komponenti ta’ sikurezza, koperti mill-istandards jew mill-ispeċifikazzjonijiet komuni msemmija fil-paragrafu 1 ta’ dan l-Artikolu, jippreżentaw riskju għas-saħħa jew għas-sikurezza tal-persuni, is-subsistemi jew il-komponenti ta’ sikurezza li jkunu konformi ma’ dawn l-istandards jew l-ispeċifikazzjonijiet komuni u li jkunu tqiegħdu fis-suq, għandhom jitqiesu konformi mar-rekwiżiti essenzjali applikabbli stabbiliti fl-Anness II wara l-iskadenza jew it-tħassir ta’ att ta’ implimentazzjoni adottat skont il-paragrafu 2 ta’ dan l-Artikolu u wara l-iskadenza jew id-diżattivazzjoni tal-modalità ta’ emerġenza tas-suq intern.

7.   Meta Stat Membru jqis li standard jew speċifikazzjoni komuni kif imsemmija fil-paragrafu 1 ma jissodisfawx għalkollox ir-rekwiżiti essenzjali applikabbli stabbiliti fl-Anness II, huwa għandu jinforma lill-Kummissjoni b’dan billi jippreżenta spjegazzjoni dettaljata. Il-Kummissjoni għandha tivvaluta dik l-ispjegazzjoni dettaljata u, jekk xieraq, tista’ temenda jew tħassar l-att ta’ implimentazzjoni li jelenka l-istandard jew li jistabbilixxi l-ispeċifikazzjoni komuni inkwistjoni.

1.   L-Istati Membri għandhom jipprijoritizzaw l-attivitajiet ta’ sorveljanza tas-suq għas-subsistemi u għall-komponenti ta’ sikurezza elenkati fl-att ta’ implimentazzjoni msemmi fl-Artikolu 43a(1) ta’ dan ir-Regolament. Il-Kummissjoni għandha tiffaċilita l-koordinazzjoni ta’ tali sforzi ta’ prijoritizzazzjoni permezz tan-Network tal-Unjoni għall-Konformità tal-Prodotti stabbilit skont l-Artikolu 29 tar-Regolament (UE) 2019/1020.

2.   L-awtoritajiet tas-sorveljanza tas-suq tal-Istati Membri għandhom jiżguraw li jsiru l-aħjar sforzi biex jipprovdu assistenza lil awtoritajiet oħra tas-sorveljanza tas-suq matul modalità ta’ emerġenza tas-suq intern, inkluż billi jimmobilizzaw u jibagħtu timijiet ta’ esperti biex isaħħu temporanjament il-persunal tal-awtoritajiet tas-sorveljanza tas-suq li jitolbu assistenza jew billi jipprovdu appoġġ loġistiku, bħat-tisħiħ tal-kapaċità tal-ittestjar għas-subsistemi jew għall-komponenti ta’ sikurezza elenkati fl-att ta’ implimentazzjoni msemmi fl-Artikolu 43a(1).

1.   L-Artikoli 41b sa 41e ta’ dan ir-Regolament għandhom japplikaw biss jekk il-Kummissjoni tkun adottat att ta’ implimentazzjoni skont l-Artikolu 28 tar-Regolament (UE) 2024/2747 fir-rigward tal-PPE kopert minn dan ir-Regolament.

2.   L-Artikoli 41b sa 41e ta’ dan ir-Regolament għandhom japplikaw biss għall-PPE li jkun ġie ddeżinjat bħala oġġett rilevanti għall-kriżi skont l-Artikolu 18(4) tar-Regolament (UE) 2024/2747.

3.   L-Artikoli 41b sa 41e ta’ dan ir-Regolament għandhom japplikaw biss matul il-modalità ta’ emerġenza tas-suq intern li tkun ġiet attivata f’konformità mal-Artikolu 18 tar-Regolament (UE) 2024/2747.

Madankollu, l-Artikolu 41d(7) ta’ dan ir-Regolament għandu japplika matul il-modalità ta’ emerġenza tas-suq intern u wara l-iskadenza jew id-diżattivazzjoni tagħha.

4.   Il-Kummissjoni tista’ tadotta atti ta’ implimentazzjoni rigward l-azzjonijiet korrettivi jew restrittivi li għandhom jittieħdu, il-proċeduri li għandhom jiġu segwiti u r-rekwiżiti speċifiċi ta’ tikkettar u traċċabbiltà fir-rigward tal-PPE li tqiegħed fis-suq f’konformità mal-Artikoli 41c sa 41d. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 44(3).

1.   Dan l-Artikolu japplika għall-PPE elenkat fl-att ta’ implimentazzjoni msemmi fl-Artikolu 41a(1) u li huwa soġġett għall-proċeduri ta’ valutazzjoni tal-konformità msemmija fl-Artikolu 19 li jeħtieġu l-involviment obbligatorju ta’ korp notifikat.

2.   Il-korpi notifikati għandhom jagħmlu l-aħjar sforzi biex jipproċessaw, bħala kwistjoni ta’ prijorità, l-applikazzjonijiet kollha għal valutazzjoni tal-konformità tal-PPE msemmi fil-paragrafu 1 ta’ dan l-Artikolu, irrispettivament minn jekk dawk l-applikazzjonijiet ikunux ġew ippreżentati qabel jew wara l-attivazzjoni tal-proċeduri ta’ emerġenza skont l-Artikolu 41a.

3.   Il-prijoritizzazzjoni tal-applikazzjonijiet għal valutazzjoni tal-konformità tal-PPE skont il-paragrafu 2 ma għandhiex tirriżulta f’kostijiet sproporzjonati addizzjonali għall-manifatturi li jkunu ppreżentaw dawk l-applikazzjonijiet.

4.   Il-korpi notifikati għandhom jagħmlu sforzi raġonevoli biex iżidu l-kapaċitajiet tal-ittestjar tagħhom għall-PPE msemmi fil-paragrafu 1 li fir-rigward tagħhom ikunu ġew notifikati.

1.   B’deroga mill-Artikolu 19, Stat Membru jista’ jawtorizza, fuq talba debitament ġustifikata minn operatur ekonomiku, it-tqegħid fis-suq fit-territorju ta’ dak l-Istat Membru, ta’ PPE speċifiku elenkat fl-att ta’ implimentazzjoni msemmi fl-Artikolu 41a(1) u li għalih il-proċeduri ta’ valutazzjoni tal-konformità msemmija fl-Artikolu 19 li jeħtieġu l-involviment obbligatorju ta’ korp notifikat ma jkunux twettqu iżda li għalih tkun intweriet il-konformità mar-rekwiżiti essenzjali ta’ saħħa u sikurezza applikabbli kollha stabbiliti fl-Anness II, f’konformità mal-proċeduri msemmija f’dik l-awtorizzazzjoni.

2.   L-Istat Membru għandu jinforma minnufih lill-Kummissjoni u lill-Istati Membri l-oħra bi kwalunkwe awtorizzazzjoni mogħtija f’konformità mal-paragrafu 1 ta’ dan l-Artikolu. Dment li r-rekwiżiti stabbiliti fl-awtorizzazzjoni jiżguraw il-konformità mar-rekwiżiti essenzjali ta’ saħħa u sikurezza applikabbli stabbiliti fl-Anness II, il-Kummissjoni għandha tadotta, mingħajr dewmien, att ta’ implimentazzjoni li jestendi l-validità tal-awtorizzazzjoni mogħtija minn Stat Membru f’konformità mal-paragrafu 1 ta’ dan l-Artikolu għat-territorju tal-Unjoni kollha u għandha tistabbilixxi l-kondizzjonijiet li skonthom il-PPE speċifiku jista’ jitqiegħed fis-suq. Meta tħejji l-abbozz tal-att ta’ implimentazzjoni, il-Kummissjoni tista’ titlob lill-awtoritajiet nazzjonali tas-sorveljanza tas-suq jipprovdu informazzjoni jew kummenti rilevanti rigward il-valutazzjoni teknika li serviet bħala l-bażi għall-awtorizzazzjoni msemmija fil-paragrafu 1 ta’ dan l-Artikolu. L-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 44(3).

Il-PPE soġġett għall-estensjoni tal-validità msemmija fl-ewwel subparagrafu għandu jkollu l-informazzjoni li huwa tqiegħed fis-suq bħala ‘oġġett rilevanti għall-kriżi’. L-att ta’ implimentazzjoni msemmi fl-ewwel subparagrafu għandu jispeċifika l-kontenut u l-preżentazzjoni ta’ dik l-informazzjoni. Dik l-informazzjoni, kif ukoll kwalunkwe tikketta, għandha tkun ċara, tiftiehem u intelliġibli u, meta rilevanti, b’lingwa li tista’ tinftiehem faċilment mill-konsumaturi u minn utenti finali oħra, kif determinata mill-Istat Membru kkonċernat.

3.   Għal raġunijiet imperattivi ta’ urġenza debitament ġustifikati marbuta mal-ħtieġa li jiġu ppreservati s-saħħa u s-sikurezza tal-persuni, il-Kummissjoni għandha tadotta atti ta’ implimentazzjoni applikabbli minnufih f’konformità mal-proċedura msemmija fl-Artikolu 44(4).

4.   Sakemm att ta’ implimentazzjoni kif imsemmi fil-paragrafu 2 jew 3 ma jkunx adottat, l-awtorizzazzjoni mogħtija minn awtorità nazzjonali kompetenti fi Stat Membru wieħed għandha tkun valida biss fit-territorju ta’ dak l-Istat Membru, u fit-territorji ta’ kwalunkwe Stat Membru ieħor li l-awtoritajiet nazzjonali kompetenti tiegħu jkunu rrikonoxxew il-validità ta’ dik l-awtorizzazzjoni qabel l-adozzjoni ta’ tali att ta’ implimentazzjoni. L-Istati Membri għandhom jinformaw lill-Kummissjoni u lill-Istati Membri l-oħra bi kwalunkwe deċiżjoni li tirrikonoxxi l-validità ta’ dik l-awtorizzazzjoni.

5.   Il-manifatturi ta’ PPE soġġett għall-proċedura ta’ awtorizzazzjoni msemmija fil-paragrafu 1 għandhom jiddikjaraw fuq ir-responsabbiltà unika tagħhom li l-PPE kkonċernat jikkonforma mar-rekwiżiti essenzjali ta’ saħħa u sikurezza applikabbli kollha stabbiliti fl-Anness II u għandhom ikunu responsabbli għat-twettiq tal-proċeduri kollha ta’ valutazzjoni tal-konformità indikati mill-awtorità nazzjonali kompetenti.

6.   Kwalunkwe awtorizzazzjoni maħruġa skont il-paragrafu 1 għandha tistabbilixxi l-kondizzjonijiet u r-rekwiżiti li skonthom il-PPE jista’ jitqiegħed fis-suq. Tali awtorizzazzjonijiet għandhom jistabbilixxu mill-anqas dawn li ġejjin:

7.   B’deroga mill-Artikoli 7, 16 u 17, il-PPE li għalih tkun ingħatat awtorizzazzjoni f’konformità mal-paragrafu 1 ta’ dan l-Artikolu, ma għandux ikollu l-marka CE u l-Artikolu 7 ma għandux japplika.

8.   L-awtoritajiet tas-sorveljanza tas-suq ta’ Stat Membru li fih awtorizzazzjoni skont il-paragrafi 1, 2 u 4 ta’ dan l-Artikolu tkun valida, għandhom ikunu intitolati, fir-rigward ta’ tali PPE, li jieħdu l-azzjonijiet korrettivi u restrittivi kollha fil-livell nazzjonali previsti skont ir-Regolament (UE) 2019/1020 tal-Parlament Ewropew u tal-Kunsill (*8) u skont dan ir-Regolament. Huma għandhom jinformaw minnufih lill-Kummissjoni u lill-awtoritajiet tas-sorveljanza tas-suq tal-Istati Membri l-oħra kollha b’dawn l-azzjonijiet.

9.   L-użu tal-proċedura ta’ awtorizzazzjoni stabbilita fil-paragrafi 1 sa 4 ta’ dan l-Artikolu ma għandux jaffettwa l-applikazzjoni tal-proċeduri ta’ valutazzjoni tal-konformità rilevanti stabbiliti fl-Artikolu 19 fit-territorju tal-Istat Membru kkonċernat.

1.   Meta l-PPE jkun ġie ddeżinjat bħala oġġett rilevanti għall-kriżi, il-Kummissjoni għandha s-setgħa li tadotta atti ta’ implimentazzjoni li jelenkaw standards xierqa jew jistabbilixxu speċifikazzjonijiet komuni għal tali PPE biex ikopru r-rekwiżiti essenzjali ta’ saħħa u sikurezza applikabbli stabbiliti fl-Anness II ta’ dan ir-Regolament fil-każijiet li ġejjin:

2.   L-atti ta’ implimentazzjoni msemmija fil-paragrafu 1 għandhom jistabbilixxu l-aktar soluzzjoni teknika alternattiva xierqa għall-finijiet tal-għoti ta’ preżunzjoni ta’ konformità, f’konformità mal-paragrafu 5. Għal dak l-għan, referenzi għal standards Ewropej jew referenzi għal standards nazzjonali jew internazzjonali rilevanti applikabbli jistgħu jiġu ppubblikati f’dawk l-atti ta’ implimentazzjoni jew, jekk ma jkun hemm l-ebda standard Ewropew jew standard nazzjonali jew internazzjonali rilevanti applikabbli, jistgħu jiġu stabbiliti speċifikazzjonijiet komuni b’dawk l-atti ta’ implimentazzjoni.

3.   L-atti ta’ implimentazzjoni msemmija fil-paragrafu 1 ta’ dan l-Artikolu għandhom jiġu adottati f’konformità mal-proċedura ta’ eżami msemmija fl-Artikolu 44(3) u għandhom japplikaw sal-aħħar jum tal-perijodu li matulu l-modalità ta’ emerġenza tas-suq intern tkun ġiet attivata, sakemm tali atti ta’ implimentazzjoni ma jiġux emendati jew imħassra f’konformità mal-paragrafu 7 ta’ dan l-Artikolu.

4.   Qabel ma tħejji l-abbozz tal-att ta’ implimentazzjoni msemmi fil-paragrafu 1 ta’ dan l-Artikolu, il-Kummissjoni għandha tinforma lill-kumitat imsemmi fl-Artikolu 22 tar-Regolament (UE) Nru 1025/2012 li hija tqis li l-kondizzjonijiet fil-paragrafu 1 ta’ dan l-Artikolu ġew issodisfati. Meta tħejji dak l-abbozz tal-att ta’ implimentazzjoni, il-Kummissjoni għandha tqis il-fehmiet tal-gruppi ta’ esperti jew tal-korpi rilevanti stabbiliti skont dan ir-Regolament u għandha tikkonsulta kif xieraq lill-partijiet ikkonċernati rilevanti kollha.

5.   Mingħajr preġudizzju għall-Artikolu 14, il-PPE li jkun konformi mal-istandards jew mal-ispeċifikazzjonijiet komuni msemmija fil-paragrafu 1 ta’ dan l-Artikolu, jew partijiet minnu, għandu jkun preżunt li huwa konformi mar-rekwiżiti essenzjali ta’ saħħa u sikurezza applikabbli stabbiliti fl-Anness II u koperti minn dawk l-istandards, l-ispeċifikazzjonijiet komuni jew partijiet minnhom. Mill-jum wara l-iskadenza jew id-diżattivazzjoni tal-modalità ta’ emerġenza tas-suq intern, ma għandux jibqa’ possibbli għall-manifatturi li jiddependu fuq il-preżunzjoni ta’ konformità pprovduta mill-istandards jew mill-ispeċifikazzjonijiet komuni msemmija fl-atti ta’ implimentazzjoni msemmija fil-paragrafu 1 ta’ dan l-Artikolu.

6.   B’deroga mill-Artikolu 41a(3), l-ewwel subparagrafu, sakemm ma jkunx hemm raġuni suffiċjenti biex wieħed jemmen li l-PPE kopert mill-istandards jew mill-ispeċifikazzjonijiet komuni msemmija fil-paragrafu 1 ta’ dan l-Artikolu jippreżenta riskju għas-saħħa jew għas-sikurezza tal-persuni, il-PPE li jkun konformi ma’ dawk l-istandards jew l-ispeċifikazzjonijiet komuni, u li jkun tqiegħed fis-suq, għandu jitqies konformi mar-rekwiżiti essenzjali ta’ saħħa u sikurezza applikabbli stabbiliti fl-Anness II wara l-iskadenza jew it-tħassir ta’ att ta’ implimentazzjoni adottat skont il-paragrafu 3 ta’ dan l-Artikolu u wara l-iskadenza jew id-diżattivazzjoni tal-modalità ta’ emerġenza tas-suq intern.

7.   Meta Stat Membru jqis li standard jew speċifikazzjoni komuni kif imsemmija fil-paragrafu 1 ma jissodisfawx għalkollox ir-rekwiżiti essenzjali ta’ saħħa u sikurezza applikabbli stabbiliti fl-Anness II, huwa għandu jinforma lill-Kummissjoni b’dan billi jippreżenta spjegazzjoni dettaljata. Il-Kummissjoni għandha tivvaluta dik l-ispjegazzjoni dettaljata u jekk xieraq, tista’ temenda jew tħassar l-att ta’ implimentazzjoni li jelenka l-istandard jew li jistabbilixxi l-ispeċifikazzjoni komuni inkwistjoni.

1.   L-Istati Membri għandhom jipprijoritizzaw l-attivitajiet ta’ sorveljanza tas-suq għall-PPE elenkat fl-att ta’ implimentazzjoni msemmi fl-Artikolu 41a(1) ta’ dan ir-Regolament. Il-Kummissjoni għandha tiffaċilita l-koordinazzjoni ta’ tali sforzi ta’ prijoritizzazzjoni permezz tan-Network tal-Unjoni għall-Konformità tal-Prodotti stabbilit skont l-Artikolu 29 tar-Regolament (UE) 2019/1020.

2.   L-awtoritajiet tas-sorveljanza tas-suq tal-Istati Membri għandhom jiżguraw li jsiru l-aħjar sforzi biex jipprovdu assistenza lil awtoritajiet oħra tas-sorveljanza tas-suq matul modalità ta’ emerġenza tas-suq intern, inkluż billi jimmobilizzaw u jibagħtu timijiet ta’ esperti biex isaħħu temporanjament il-persunal tal-awtoritajiet tas-sorveljanza tas-suq li jitolbu assistenza jew billi jipprovdu appoġġ loġistiku bħat-tisħiħ tal-kapaċità tal-ittestjar għall-PPE elenkat fl-att ta’ implimentazzjoni msemmi fl-Artikolu 41a(1).

1.   L-Artikoli 40b sa 40e ta’ dan ir-Regolament għandhom japplikaw biss jekk il-Kummissjoni tkun adottat att ta’ implimentazzjoni skont l-Artikolu 28 tar-Regolament (UE) 2024/2747 fir-rigward tat-tagħmir u tal-fittings koperti minn dan ir-Regolament.

2.   L-Artikoli 40b sa 40e ta’ dan ir-Regolament għandhom japplikaw biss għat-tagħmir u l-fittings li jkunu ġew iddeżinjati bħala oġġetti rilevanti għall-kriżi skont l-Artikolu 18(4) tar-Regolament (UE) 2024/2747.

3.   L-Artikoli 40b sa 40e ta’ dan ir-Regolament għandhom japplikaw biss matul il-modalità ta’ emerġenza tas-suq intern li tkun ġiet attivata f’konformità mal-Artikolu 18 tar-Regolament (UE) 2024/2747.

Madankollu, l-Artikolu 40c(7) ta’ dan ir-Regolament għandu japplika matul il-modalità ta’ emerġenza tas-suq intern u wara l-iskadenza jew id-diżattivazzjoni tagħha.

4.   Il-Kummissjoni tista’ tadotta atti ta’ implimentazzjoni rigward l-azzjonijiet korrettivi jew restrittivi li għandhom jittieħdu, il-proċeduri li għandhom jiġu segwiti u r-rekwiżiti speċifiċi ta’ tikkettar u traċċabbiltà fir-rigward tat-tagħmir u tal-fittings li tqiegħdu fis-suq jew intużaw għall-iskopijiet tal-manifattur stess f’konformità mal-Artikoli 40c u 40d. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 42(3).

1.   Dan l-Artikolu japplika għat-tagħmir u għall-fittings kollha elenkati fl-att ta’ implimentazzjoni msemmi fl-Artikolu 40a(1) li huma soġġetti għall-proċeduri ta’ valutazzjoni tal-konformità msemmija fl-Artikolu 14 li jeħtieġu l-involviment obbligatorju ta’ korp notifikat.

2.   Il-korpi notifikati għandhom jagħmlu l-aħjar sforzi biex jipproċessaw, bħala kwistjoni ta’ prijorità, l-applikazzjonijiet kollha għal valutazzjoni tal-konformità tat-tagħmir u tal-fittings imsemmija fil-paragrafu 1 ta’ dan l-Artikolu, irrispettivament minn jekk dawk l-applikazzjonijiet ikunux ġew ippreżentati qabel jew wara l-attivazzjoni tal-proċeduri ta’ emerġenza skont l-Artikolu 40a.

3.   Il-prijoritizzazzjoni tal-applikazzjonijiet għall-valutazzjoni tal-konformità tat-tagħmir u tal-fittings skont il-paragrafu 2 ma għandhiex tirriżulta f’kostijiet sproporzjonati addizzjonali għall-manifatturi li jkunu ppreżentaw dawk l-applikazzjonijiet.

4.   Il-korpi notifikati għandhom jagħmlu sforzi raġonevoli biex iżidu l-kapaċitajiet tal-ittestjar tagħhom għat-tagħmir u għall-fittings imsemmija fil-paragrafu 1 li fir-rigward tagħhom ikunu ġew notifikati.

1.   B’deroga mill-Artikolu 14, Stat Membru jista’ jawtorizza, fuq talba debitament ġustifikata minn operatur ekonomiku, it-tqegħid fis-suq jew l-użu għall-iskopijiet tal-manifattur stess fit-territorju ta’ dak l-Istat Membru, ta’ tagħmir jew fitting speċifiku elenkat fl-att ta’ implimentazzjoni msemmi fl-Artikolu 40a(1) u li għalih il-proċeduri ta’ valutazzjoni tal-konformità, imsemmija fl-Artikolu 14 li jeħtieġu l-involviment obbligatorju ta’ korp notifikat, ma jkunux twettqu iżda li għalih tkun intweriet il-konformità mar-rekwiżiti essenzjali applikabbli kollha, stabbiliti fl-Anness f’konformità mal-proċeduri msemmija f’dik l-awtorizzazzjoni.

2.   L-Istat Membru għandu jinforma minnufih lill-Kummissjoni u lill-Istati Membri l-oħra bi kwalunkwe awtorizzazzjoni mogħtija f’konformità mal-paragrafu 1 ta’ dan l-Artikolu. Dment li r-rekwiżiti stabbiliti fl-awtorizzazzjoni jiżguraw il-konformità mar-rekwiżiti essenzjali applikabbli stabbilitii fl-Anness I, il-Kummissjoni għandha tadotta, mingħajr dewmien, att ta’ implimentazzjoni li jestendi l-validità tal-awtorizzazzjoni mogħtija minn Stat Membru f’konformità mal-paragrafu 1 ta’ dan l-Artikolu għat-territorju tal-Unjoni kollha u għandha tistabbilixxi l-kundizzjonijiet li skonthom it-tagħmir jew il-fitting speċifiku jistgħu jitqiegħdu fis-suq jew jintużaw għall-iskopijiet tal-manifattur stess. Meta tħejji l-abbozz tal-att ta’ implimentazzjoni, il-Kummissjoni tista’ titlob lill-awtoritajiet nazzjonali tas-sorveljanza tas-suq jipprovdu informazzjoni jew kummenti rilevanti rigward il-valutazzjoni teknika li serviet bħala l-bażi għall-awtorizzazzjoni msemmija fil-paragrafu 1 ta’ dan l-Artikolu. L-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 42(3).

It-tagħmir jew il-fitting soġġetti għall-estensjoni tal-validità msemmija fl-ewwel subparagrafu għandu jkollhom l-informazzjoni li huma tqiegħdu fis-suq jew intużaw għall-iskopijiet tal-manifattur stess bħala ‘oġġett rilevanti għall-kriżi’. L-att ta’ implimentazzjoni msemmi fl-ewwel subparagrafu għandu jispeċifika l-kontenut u l-preżentazzjoni ta’ dik l-informazzjoni. Dik l-informazzjoni, kif ukoll kwalunkwe tikkettar, għandha tkun ċara, tiftiehem u intelliġibli u, meta rilevanti, b’lingwa li tista’ tinftiehem faċilment mill-konsumaturi u minn utenti finali oħra, kif determinata mill-Istat Membru kkonċernat.

3.   Għal raġunijiet imperattivi ta’ urġenza debitament ġustifikati marbuta mal-ħtieġa li jiġu ppreservati s-saħħa u s-sikurezza tal-persuni, il-Kummissjoni għandha tadotta atti ta’ implimentazzjoni applikabbli minnufih f’konformità mal-proċedura msemmija fl-Artikolu 42(4).

4.   Sakemm att ta’ implimentazzjoni kif imsemmi fil-paragrafu 2 jew 3 ma jkunx adottat, l-awtorizzazzjoni mogħtija minn awtorità nazzjonali kompetenti fi Stat Membru wieħed għandha tkun valida biss fit-territorju ta’ dak l-Istat Membru, u fit-territorji ta’ kwalunkwe Stat Membru ieħor li l-awtoritajiet nazzjonali kompetenti tiegħu jkunu rrikonoxxew il-validità ta’ dik l-awtorizzazzjoni qabel l-adozzjoni ta’ tali att ta’ implimentazzjoni. L-Istati Membri għandhom jinformaw lill-Kummissjoni u lill-Istati Membri l-oħra bi kwalunkwe deċiżjoni li tirrikonoxxi l-validità ta’ dik l-awtorizzazzjoni.

5.   Il-manifatturi tat-tagħmir jew tal-fittings soġġetti għall-proċedura ta’ awtorizzazzjoni msemmija fil-paragrafu 1 għandhom jiddikjaraw fuq ir-responsabbiltà unika tagħhom li t-tagħmir jew il-fitting ikkonċernati jikkonformaw mar-rekwiżiti essenzjali applikabbli kollha stabbiliti fl-Anness I u għandhom ikunu responsabbli għat-twettiq tal-proċeduri kollha ta’ valutazzjoni tal-konformità indikati mill-awtorità nazzjonali kompetenti.

6.   Kwalunkwe awtorizzazzjoni maħruġa skont il-paragrafu 1 għandha tistabbilixxi l-kundizzjonijiet u r-rekwiżiti li skonthom it-tagħmir jew il-fitting jistgħu jitqiegħdu fis-suq jew jintużaw għall-iskopijiet tal-manifattur stess. Tali awtorizzazzjonijiet għandhom jistabbilixxu mill-anqas dawn li ġejjin:

7.   B’deroga mill-Artikoli 6, 16 u 17, it-tagħmir jew il-fittings li għalihom tkun ingħatat awtorizzazzjoni f’konformità mal-paragrafu 1 ta’ dan l-Artikolu, ma għandux ikollhom il-marka CE u l-Artikolu 6 ma għandux japplika.

8.   L-awtoritajiet tas-sorveljanza tas-suq ta’ Stat Membru li fih awtorizzazzjoni skont il-paragrafi 1, 2 u 4 ta’ dan l-Artikolu tkun valida, għandhom ikunu intitolati, fir-rigward ta’ tali tagħmir u fittings, li jieħdu l-azzjonijiet korrettivi u restrittivi kollha fil-livell nazzjonali previsti skont ir-Regolament (UE) 2019/1020 tal-Parlament Ewropew u tal-Kunsill (*10) u skont dan ir-Regolament. Huma għandhom jinformaw minnufih lill-Kummissjoni u lill-awtoritajiet tas-sorveljanza tas-suq tal-Istati Membri l-oħra kollha b’dawn l-azzjonijiet.

9.   L-użu tal-proċedura ta’ awtorizzazzjoni stabbilita fil-paragrafi 1 sa 4 ta’ dan l-Artikolu ma għandux jaffettwa l-applikazzjoni tal-proċeduri ta’ valutazzjoni tal-konformità rilevanti stabbiliti fl-Artikolu 14 fit-territorju tal-Istat Membru kkonċernat.

1.   Meta t-tagħmir jew il-fittings ikunu ġew iddeżinjati bħala oġġetti rilevanti għall-kriżi, il-Kummissjoni għandha s-setgħa li tadotta atti ta’ implimentazzjoni li jelenkaw standards xierqa jew jistabbilixxu speċifikazzjonijiet komuni għal tali tagħmir jew fittings biex ikopru r-rekwiżiti essenzjali applikabbli stabbiliti fl-Anness I ta’ dan ir-Regolament fil-każijiet li ġejjin:

2.   L-atti ta’ implimentazzjoni msemmija fil-paragrafu 1 għandhom jistabbilixxu l-aktar soluzzjoni teknika alternattiva xierqa għall-finijiet tal-għoti ta’ preżunzjoni ta’ konformità, f’konformità mal-paragrafu 5. Għal dak l-għan, referenzi għal standards Ewropej jew referenzi għal standards nazzjonali jew internazzjonali rilevanti applikabbli jistgħu jiġu ppubblikati f’dawk l-atti ta’ implimentazzjoni jew, jekk ma jkun hemm l-ebda standard Ewropew jew standard nazzjonali jew internazzjonali rilevanti applikabbli, jistgħu jiġu stabbiliti speċifikazzjonijiet komuni b’dawk l-atti ta’ implimentazzjoni.

3.   L-atti ta’ implimentazzjoni msemmija fil-paragrafu 1 ta’ dan l-Artikolu għandhom jiġu adottati f’konformità mal-proċedura ta’ eżami msemmija fl-Artikolu 42(3) u għandhom japplikaw sal-aħħar jum tal-perjodu li matulu l-modalità ta’ emerġenza tas-suq intern tkun ġiet attivata, sakemm tali atti ta’ implimentazzjoni ma jiġux emendati jew imħassra f’konformità mal-paragrafu 7 ta’ dan l-Artikolu.

4.   Qabel ma tħejji l-abbozz tal-att ta’ implimentazzjoni msemmi fil-paragrafu 1 ta’ dan l-Artikolu, il-Kummissjoni għandha tinforma lill-kumitat imsemmi fl-Artikolu 22 tar-Regolament (UE) Nru 1025/2012 li hija tqis li l-kundizzjonijiet fil-paragrafu 1 ta’ dan l-Artikolu ġew issodisfati. Meta tħejji dak l-abbozz tal-att ta’ implimentazzjoni, il-Kummissjoni għandha tqis il-fehmiet tal-gruppi ta’ esperti jew tal-korpi rilevanti stabbiliti skont dan ir-Regolament u għandha tikkonsulta kif xieraq lill-partijiet ikkonċernati rilevanti kollha.

5.   Mingħajr preġudizzju għall-Artikolu 13, it-tagħmir jew il-fittings li jkunu konformi mal-istandards jew mal-ispeċifikazzjonijiet komuni msemmija fil-paragrafu 1 ta’ dan l-Artikolu, jew partijiet minnu, għandhom ikunu preżunti li huma konformi mar-rekwiżiti essenzjali applikabbli stabbiliti fl-Anness I u koperti minn dawk l-istandards, l-ispeċifikazzjonijiet komuni jew partijiet minnhom. Mill-jum wara l-iskadenza jew id-diżattivazzjoni tal-modalità ta’ emerġenza tas-suq intern, ma għandux jibqa’ possibbli għall-manifatturi li jiddependu fuq il-preżunzjoni ta’ konformità pprovduta mill-istandards jew mill-ispeċifikazzjonijiet komuni msemmija fl-atti ta’ implimentazzjoni msemmija fil-paragrafu 1 ta’ dan l-Artikolu.

6.   B’deroga mill-Artikolu 40a(3), l-ewwel subparagrafu, sakemm ma jkunx hemm raġuni suffiċjenti biex wieħed jemmen li t-tagħmir jew il-fittings, koperti mill-istandards jew mill-ispeċifikazzjonijiet komuni msemmija fil-paragrafu 1 ta’ dan l-Artikolu, jippreżentaw riskju għas-saħħa jew għas-sikurezza tal-persuni, it-tagħmir jew il-fittings li jkunu konformi ma’ dawk l-istandards jew l-ispeċifikazzjonijiet komuni u li jkunu tqiegħdu fis-suq jew intużaw għall-iskopijiet tal-manifattur stess, għandhom jitqiesu konformi mar-rekwiżiti essenzjali applikabbli stabbiliti fl-Anness I wara l-iskadenza jew it-tħassir ta’ att ta’ implimentazzjoni adottat skont il-paragrafu 3 ta’ dan l-Artikolu u wara l-iskadenza jew id-diżattivazzjoni tal-modalità ta’ emerġenza tas-suq intern.

7.   Meta Stat Membru jqis li standard jew speċifikazzjoni komuni kif imsemmija fil-paragrafu 1 ma jissodisfawx għalkollox ir-rekwiżiti essenzjali applikabbli fl-Anness I, huwa għandu jinforma lill-Kummissjoni b’dan billi jissottometti spjegazzjoni dettaljata. Il-Kummissjoni għandha tivvaluta dik l-ispjegazzjoni dettaljata u jekk xieraq, tista’ temenda jew tħassar l-att ta’ implimentazzjoni li jelenka l-istandard jew li jistabbilixxi l-ispeċifikazzjoni komuni inkwistjoni.

1.   L-Istati Membri għandhom jipprijoritizzaw l-attivitajiet ta’ sorveljanza tas-suq għat-tagħmir u għall-fittings elenkati fl-att ta’ implimentazzjoni msemmi fl-Artikolu 40a(1) ta’ dan ir-Regolament. Il-Kummissjoni għandha tiffaċilita l-koordinazzjoni ta’ tali sforzi ta’ prijoritizzazzjoni permezz tan-Network tal-Unjoni għall-Konformità tal-Prodotti stabbilit skont l-Artikolu 29 tar-Regolament (UE) 2019/1020.

2.   L-awtoritajiet tas-sorveljanza tas-suq tal-Istati Membri għandhom jiżguraw li jsiru l-aħjar sforzi biex jipprovdu assistenza lil awtoritajiet oħra tas-sorveljanza tas-suq matul modalità ta’ emerġenza tas-suq intern, inkluż billi jimmobilizzaw u jibagħtu timijiet ta’ esperti biex isaħħu temporanjament il-persunal tal-awtoritajiet tas-sorveljanza tas-suq li jitolbu assistenza jew billi jipprovdu appoġġ loġistiku bħat-tisħiħ tal-kapaċità tal-ittestjar għat-tagħmir u għall-fittings elenkati fl-att ta’ implimentazzjoni msemmi fl-Artikolu 40a(1).

1.   L-Artikoli 8b u 8c ta’ dan ir-Regolament għandhom japplikaw biss jekk il-Kummissjoni tkun adottat att ta’ implimentazzjoni skont l-Artikolu 28 tar-Regolament (UE) 2024/2747 fir-rigward tal-prodotti koperti minn dan ir-Regolament.

2.   L-Artikoli 8b u 8c ta’ dan ir-Regolament għandhom japplikaw biss għall-prodotti koperti minn dan ir-Regolament li jkunu ġew iddeżinjati bħala oġġetti rilevanti għall-kriżi skont l-Artikolu 18(4) tar-Regolament (UE) 2024/2747.

3.   L-Artikoli 8b u 8c ta’ dan ir-Regolament għandhom japplikaw biss matul il-modalità ta’ emerġenza tas-suq intern li tkun ġiet attivata f’konformità mal-Artikolu 18 tar-Regolament (UE) 2024/2747.

1.   Minbarra l-preżunzjoni tal-konformità stabbilita fl-Artikolu 7 ta’ dan ir-Regolament, meta t-tfixkil serju għall-funzjonament tas-suq intern, li tqies meta ġiet attivata l-modalità ta’ emerġenza tas-suq intern f’konformità mal-Artikolu 18 tar-Regolament (UE) 2024/2747, jirrestrinġi b’mod sinifikanti l-possibbiltajiet tal-manifatturi li jagħmlu użu minn standards Ewropej rilevanti li r-referenzi tagħhom diġà jkunu ġew ippubblikati f’Il-Ġurnal Uffiċjali tal-Unjoni Ewropea f’konformità mar-Regolament (UE) Nru 1025/2012, il-preżunzjoni tal-konformità mar-rekwiżit tas-sikurezza ġenerali stabbilit fl-Artikolu 5 tista’ tiġi stabbilita wkoll għall-fini li l-prodotti jitqiegħdu fis-suq jekk il-prodott jikkonforma mar-rekwiżiti nazzjonali, fir-rigward tar-riskji u l-kategoriji tar-riskji koperti mir-rekwiżiti tas-saħħa u s-sikurezza stabbiliti fil-liġi nazzjonali tal-Istat Membru li fih jiġu introdotti fis-suq, dment li tali liġi tkun konformi mal-liġi tal-Unjoni.

2.   Minbarra l-każijiet li fihom il-preżunzjoni tal-konformità mar-rekwiżit tas-sikurezza ġenerali stabbilit fl-Artikolu 5 ta’ dan ir-Regolament tapplika skont il-paragrafu 1 ta’ dan l-Artikolu u l-Artikolu 7(1) ta’ dan ir-Regolament, l-Istati Membri għandhom jieħdu l-miżuri xierqa kollha biex jiżguraw li, għall-fini li l-prodotti jitqiegħdu jew jiġu introdotti fis-suq, l-awtoritajiet kompetenti tagħhom iqisu li l-prodotti, li jikkonformaw mal-istandards Ewropej rilevanti għajr dawk li r-referenzi tagħhom ikunu ġew ippubblikati f’Il-Ġurnal Uffiċjali tal-Unjoni Ewropea f’konformità mal-Artikolu 10(7) tar-Regolament (UE) Nru 1025/2012, mal-istandards internazzjonali rilevanti żviluppati minn korp internazzjonali tal-istandardizzazzjoni rikonoxxut kif definit fl-Artikolu 2(9) tar-Regolament (UE) Nru 1025/2012, jew mal-istandards nazzjonali rilevanti żviluppati minn korp nazzjonali tal-istandardizzazzjoni kif definit fl-Artikolu 2(10) tar-Regolament (UE) Nru 1025/2012, huma preżunti li jissodisfaw ir-rekwiżit tas-sikurezza ġenerali stabbilit f’dan ir-Regolament sa fejn huma kkonċernati r-riskji u l-kategoriji tar-riskju koperti minn dawk l-istandards, sakemm tali standards ma jkunux adegwati fid-dawl tal-elementi l-oħra tal-Artikoli 6 u 8 ta’ dan ir-Regolament.

3.   L-Artikolu 7(3) japplika għall-preżunzjoni tal-konformità stabbilita f’konformità ma’ dan l-Artikolu.

1.   L-Istati Membri għandhom jipprijoritizzaw l-attivitajiet ta’ sorveljanza tas-suq għall-prodotti koperti b’dan ir-Regolament u li huma elenkati fl-att ta’ implimentazzjoni msemmi fl-Artikolu 8a(1).

2.   L-awtoritajiet tas-sorveljanza tas-suq tal-Istati Membri għandhom jiżguraw li jsiru l-aħjar sforzi biex jipprovdu assistenza lil awtoritajiet oħra tas-sorveljanza tas-suq matul modalità ta’ emerġenza tas-suq intern.”.

1.   L-Artikoli 25b sa 25e ta’ dan ir-Regolament għandhom japplikaw biss jekk il-Kummissjoni tkun adottat att ta’ implimentazzjoni skont l-Artikolu 28 tar-Regolament (UE) 2024/2747 fir-rigward tal-makkinarju u tal-prodotti relatati koperti minn dan ir-Regolament.

2.   L-Artikoli 25b sa 25e ta’ dan ir-Regolament għandhom japplikaw biss għall-makkinarju u għall-prodotti relatati li jkunu ġew iddeżinjati bħala oġġetti rilevanti għall-kriżi skont l-Artikolu 18(4) tar-Regolament (UE) 2024/2747.

3.   L-Artikoli 25b sa 25e ta’ dan ir-Regolament għandhom japplikaw biss matul il-modalità ta’ emerġenza tas-suq intern li tkun ġiet attivata f’konformità mal-Artikolu 18 tar-Regolament (UE) 2024/2747.

Madankollu, l-Artikolu 25c(7) ta’ dan ir-Regolament għandu japplika matul il-modalità ta’ emerġenza tas-suq intern u wara l-iskadenza jew id-diżattivazzjoni tagħha.

4.   Il-Kummissjoni tista’ tadotta atti ta’ implimentazzjoni rigward l-azzjonijiet korrettivi jew restrittivi li għandhom jittieħdu, il-proċeduri li għandhom jiġu segwiti u r-rekwiżiti speċifiċi ta’ tikkettar u traċċabbiltà fir-rigward tal-makkinarju u tal-prodotti relatati meta jiġu introdotti fis-suq jew jitqiegħdu fis-servizz f’konformità mal-Artikoli 25c u 25d. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 48(3).

1.   Dan l-Artikolu japplika għat-tipi kollha ta’ makkinarju u prodotti relatati elenkati fl-att ta’ implimentazzjoni msemmi fl-Artikolu 25a(1) li huma soġġetti għal proċeduri ta’ valutazzjoni tal-konformità msemmija fl-Artikolu 25 u li jeħtieġu l-involviment obbligatorju ta’ korp notifikat.

2.   Il-korpi notifikati għandhom jagħmlu l-aħjar sforzi biex jipproċessaw, bħala kwistjoni ta’ prijorità, l-applikazzjonijiet kollha għal valutazzjoni tal-konformità tal-makkinarju u tal-prodotti relatati msemmija fil-paragrafu 1 ta’ dan l-Artikolu, irrispettivament minn jekk dawk l-applikazzjonijiet ikunux ġew ippreżentati qabel jew wara l-attivazzjoni tal-proċeduri ta’ emerġenza skont l-Artikolu 25a.

3.   Il-prijoritizzazzjoni tal-applikazzjonijiet għal valutazzjoni tal-konformità tal-makkinarju u ta’ prodotti relatati skont il-paragrafu 2 ma għandhiex tirriżulta f’kostijiet addizzjonali sproporzjonati għall-manifatturi, li jkunu ppreżentaw dawk l-applikazzjonijiet.

4.   Il-korpi notifikati għandhom jagħmlu sforzi raġonevoli biex iżidu l-kapaċitajiet tal-ittestjar tagħhom għall-makkinarju u għall-prodotti relatati msemmija fil-paragrafu 1 li fir-rigward tagħhom ikunu ġew notifikati.

1.   B’deroga mill-Artikolu 25, Stat Membru jista’ jawtorizza, fuq talba debitament ġustifikata minn operatur ekonomiku, l-introduzzjoni fis-suq jew it-tqegħid fis-servizz fit-territorju ta’ dak l-Istat Membru, ta’ makkinarju jew prodotti relatati speċifiċi elenkati fl-att ta’ implimentazzjoni msemmi fl-Artikolu 25a(1) u li għalihom il-proċeduri ta’ valutazzjoni tal-konformità, f’konformità mal-Artikolu 25 li jeħtieġu l-involviment obbligatorju ta’ korp notifikat ma jkunux twettqu iżda li għalihom tkun intweriet il-konformità mar-rekwiżiti essenzjali ta’ saħħa u sikurezza applikabbli kollha stabbiliti fl-Anness III f’konformità mal-proċeduri msemmija f’dik l-awtorizzazzjoni.

2.   L-Istat Membru għandu jinforma minnufih lill-Kummissjoni u lill-Istati Membri l-oħra bi kwalunkwe awtorizzazzjoni mogħtija f’konformità mal-paragrafu 1 ta’ dan l-Artikolu. Dment li r-rekwiżiti stabbiliti fl-awtorizzazzjoni jiżguraw il-konformità mar-rekwiżiti essenzjali tas-saħħa u s-sikurezza applikabbli stabbiliti fl-Anness III, il-Kummissjoni għandha tadotta, mingħajr dewmien, att ta’ implimentazzjoni li jestendi għal perjodu ta’ żmien limitat il-validità tal-awtorizzazzjoni mogħtija minn Stat Membru f’konformità mal-paragrafu 1 ta’ dan l-Artikolu għat-territorju tal-Unjoni kollha u għandha tistabbilixxi l-kundizzjonijiet li skonthom il-makkinarju jew prodotti relatati speċifiċi jistgħu jiġu introdotti fis-suq jew jitqiegħdu fis-servizz. Meta tħejji l-abbozz tal-att ta’ implimentazzjoni, il-Kummissjoni tista’ titlob lill-awtoritajiet nazzjonali tas-sorveljanza tas-suq jipprovdu informazzjoni jew kummenti rilevanti rigward il-valutazzjoni teknika li serviet bħala l-bażi għall-awtorizzazzjoni msemmija fil-paragrafu 1 ta’ dan l-Artikolu. L-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 48(3).

Il-makkinarju jew il-prodotti relatati soġġetti għall-estensjoni tal-validità msemmija fl-ewwel subparagrafu għandu jkollhom l-informazzjoni li huma ġew introdotti fis-suq jew tqiegħdu fis-servizz bħala ‘oġġett rilevanti għall-kriżi’. L-att ta’ implimentazzjoni msemmi fl-ewwel subparagrafu għandu jispeċifika l-kontenut u l-preżentazzjoni ta’ dik l-informazzjoni. Dik l-informazzjoni, kif ukoll kwalunkwe tikkettar, għandha tkun ċara, tiftiehem u intelliġibli u, meta rilevanti, b’lingwa li tista’ tinftiehem faċilment mill-konsumaturi u minn utenti finali oħra, kif determinat mill-Istat Membru kkonċernat.

3.   Għal raġunijiet imperattivi ta’ urġenza debitament ġustifikati marbuta mal-ħtieġa li jiġu ppreservati s-saħħa u s-sikurezza tal-persuni, il-Kummissjoni għandha tadotta atti ta’ implimentazzjoni applikabbli minnufih f’konformità mal-proċedura msemmija fl-Artikolu 48(4).

4.   Sakemm att ta’ implimentazzjoni kif imsemmi fil-paragrafu 2 jew 3 ma jkunx adottat, l-awtorizzazzjoni mogħtija minn awtorità nazzjonali kompetenti fi Stat Membru wieħed għandha tkun valida biss fit-territorju ta’ dak l-Istat Membru, u fit-territorji ta’ kwalunkwe Stat Membru ieħor li l-awtoritajiet nazzjonali kompetenti tiegħu jkunu rrikonoxxew il-validità ta’ dik l-awtorizzazzjoni qabel l-adozzjoni ta’ tali att ta’ implimentazzjoni. L-Istati Membri għandhom jinformaw lill-Kummissjoni u lill-Istati Membri l-oħra bi kwalunkwe deċiżjoni li tirrikonoxxi l-validità ta’ dik l-awtorizzazzjoni.

5.   Il-manifatturi tal-makkinarju jew ta’ prodotti relatati soġġetti għall-proċedura ta’ awtorizzazzjoni msemmija fil-paragrafu 1 għandhom jiddikjaraw fuq ir-responsabbiltà unika tagħhom li l-makkinarju jew il-prodotti relatati ikkonċernat jikkonformaw mar-rekwiżiti essenzjali tas-saħħa u s-sikurezza applikabbli kollha stabbiliti fl-Anness III u għandhom ikunu responsabbli għat-twettiq tal-proċeduri kollha ta’ valutazzjoni tal-konformità indikati mill-awtorità nazzjonali kompetenti.

6.   Kwalunkwe awtorizzazzjoni maħruġa skont il-paragrafu 1 għandha tistabbilixxi l-kundizzjonijiet u r-rekwiżiti li skonthom il-makkinarju jew il-prodotti relatati jistgħu jiġu introdotti fis-suq jew jitqiegħdu fis-servizz. Tali awtorizzazzjonijiet għandhom jistabbilixxu mill-anqas dawn li ġejjin:

7.   B’deroga mill-Artikoli 4, 23 u 24, il-makkinarju jew prodotti relatati li għalihom tkun ingħatat awtorizzazzjoni f’konformità mal-paragrafu 1 ta’ dan l-Artikolu, ma għandux ikollhom il-markatura CE u l-Artikolu 4 ma għandux japplika.

8.   L-awtoritajiet tas-sorveljanza tas-suq ta’ Stat Membru li fih awtorizzazzjoni skont il-paragrafi 1, 2 u 4 ta’ dan l-Artikolu tkun valida, għandhom ikunu intitolati, fir-rigward ta’ tali makkinarju u prodotti relatati, li jieħdu l-azzjonijiet korrettivi u restrittivi kollha fil-livell nazzjonali previsti skont ir-Regolament (UE) 2019/1020 u skont dan ir-Regolament. Huma għandhom jinformaw minnufih lill-Kummissjoni u lill-awtoritajiet tas-sorveljanza tas-suq tal-Istati Membri l-oħra kollha b’dawn l-azzjonijiet.

9.   L-użu tal-proċedura ta’ awtorizzazzjoni stabbilita fil-paragrafi 1 sa 4 ta’ dan l-Artikolu ma għandux jaffettwa l-applikazzjoni tal-proċeduri ta’ valutazzjoni tal-konformità rilevanti stabbiliti fl-Artikolu 25 fit-territorju tal-Istat Membru kkonċernat.

1.   Meta l-makkinarju jew prodotti relatati jkunu ġew iddeżinjati bħala oġġetti rilevanti għall-kriżi, il-Kummissjoni għandha s-setgħa li tadotta atti ta’ implimentazzjoni li jelenkaw standards xierqa jew jistabbilixxu speċifikazzjonijiet komuni għal tali makkinarju jew prodotti relatati biex ikopru r-rekwiżiti essenzjali tas-saħħa u s-sikurezza stabbiliti fl-Anness III ta’ dan ir-Regolament fil-każijiet li ġejjin:

2.   L-atti ta’ implimentazzjoni msemmija fil-paragrafu 1 għandhom jistabbilixxu l-aktar soluzzjoni teknika alternattiva xierqa għall-finijiet tal-għoti ta’ preżunzjoni ta’ konformità, f’konformità mal-paragrafu 5. Għal dak l-għan, referenzi għal standards Ewropej jew referenzi għal standards nazzjonali jew internazzjonali rilevanti applikabbli jistgħu jiġu ppubblikati f’dawk l-atti ta’ implimentazzjoni jew, jekk ma jkun hemm l-ebda standard Ewropew jew standard nazzjonali jew internazzjonali rilevanti applikabbli, jistgħu jiġu stabbiliti speċifikazzjonijiet komuni b’dawk l-atti ta’ implimentazzjoni.

3.   L-atti ta’ implimentazzjoni msemmija fil-paragrafu 1 ta’ dan l-Artikolu għandhom jiġu adottati f’konformità mal-proċedura ta’ eżami msemmija fl-Artikolu 48(3) u għandhom japplikaw sal-aħħar jum tal-perjodu li matulu l-modalità ta’ emerġenza tas-suq intern tkun ġiet attivata, sakemm tali atti ta’ implimentazzjoni ma jiġux emendati jew imħassra f’konformità mal-paragrafu 7 ta’ dan l-Artikolu.

4.   Qabel ma tħejji l-abbozz tal-att ta’ implimentazzjoni msemmi fil-paragrafu 1 ta’ dan l-Artikolu, il-Kummissjoni għandha tinforma lill-kumitat imsemmi fl-Artikolu 22 tar-Regolament (UE) Nru 1025/2012 li hija tqis li l-kundizzjonijiet fil-paragrafu 1 ta’ dan l-Artikolu ġew issodisfati. Meta tħejji dak l-abbozz tal-att ta’ implimentazzjoni, il-Kummissjoni għandha tqis il-fehmiet tal-gruppi ta’ esperti jew tal-korpi rilevanti stabbiliti skont dan ir-Regolament u għandha tikkonsulta kif xieraq lill-partijiet ikkonċernati rilevanti kollha.

5.   Mingħajr preġudizzju għall-Artikolu 20, il-makkinarju u prodotti relatati li jkunu konformi mal-istandards jew mal-ispeċifikazzjonijiet komuni msemmija fil-paragrafu 1 ta’ dan l-Artikolu, jew partijiet minnu, għandhom ikunu preżunti li huma konformi mar-rekwiżiti essenzjali tas-saħħa u s-sikurezza stabbiliti fl-Anness III li huma koperti minn dawk l-istandards, l-ispeċifikazzjonijiet komuni jew partijiet minnhom. Mill-jum wara l-iskadenza jew id-diżattivazzjoni tal-modalità ta’ emerġenza tas-suq intern, ma għandux jibqa’ possibbli għall-manifatturi li jiddependu fuq il-preżunzjoni ta’ konformità pprovduta mill-istandards jew mill-ispeċifikazzjonijiet komuni msemmija fl-atti ta’ implimentazzjoni msemmija fil-paragrafu 1 ta’ dan l-Artikolu.

6.   B’deroga mill-Artikolu 25a(3), l-ewwel subparagrafu, sakemm ma jkunx hemm raġuni suffiċjenti biex wieħed jemmen li l-makkinarju u l-prodotti relatati, koperti mill-istandards jew mill-ispeċifikazzjonijiet komuni msemmija fil-paragrafu 1 ta’ dan l-Artikolu jippreżentaw riskju għas-saħħa jew għas-sikurezza tal-persuni, il-makkinarju u l-prodotti relatati li jkunu konformi ma’ dawk l-istandards jew l-ispeċifikazzjonijiet komuni u li jkunu ġew introdotti fis-suq jew tqiegħdu fis-servizz għandhom jitqiesu konformi mar-rekwiżiti essenzjali tas-saħħa u s-sikurezza applikabbli stabbiliti fl-Anness III wara l-iskadenza jew it-tħassir ta’ att ta’ implimentazzjoni adottat skont il-paragrafu 3 ta’ dan l-Artikolu u wara l-iskadenza jew id-diżattivazzjoni tal-modalità ta’ emerġenza tas-suq intern.

7.   Meta Stat Membru jqis li standard jew speċifikazzjoni komuni kif imsemmija fil-paragrafu 1 ma jissodisfawx għalkollox ir-rekwiżiti essenzjali tas-saħħa u s-sikurezza applikabbli stabbiliti fl-Anness III, huwa għandu jinforma lill-Kummissjoni b’dan billi jippreżenta spjegazzjoni dettaljata. Il-Kummissjoni għandha tivvaluta dik l-ispjegazzjoni dettaljata u, jekk xieraq, tista’ temenda jew tħassar l-att ta’ implimentazzjoni li jelenka l-istandard jew li jistabbilixxi l-ispeċifikazzjoni komuni inkwistjoni.

1.   L-Istati Membri għandhom jipprijoritizzaw l-attivitajiet ta’ sorveljanza tas-suq għall-makkinarju u prodotti relatati elenkati fl-att ta’ implimentazzjoni msemmi fl-Artikolu 25a(1) ta’ dan ir-Regolament. Il-Kummissjoni għandha tiffaċilita l-koordinazzjoni ta’ tali sforzi ta’ prijoritizzazzjoni permezz tan-Network tal-Unjoni għall-Konformità tal-Prodotti stabbilit skont l-Artikolu 29 tar-Regolament (UE) 2019/1020.

2.   L-awtoritajiet tas-sorveljanza tas-suq tal-Istati Membri għandhom jiżguraw li jsiru l-aħjar sforzi biex jipprovdu assistenza lil awtoritajiet oħra tas-sorveljanza tas-suq matul modalità ta’ emerġenza tas-suq intern, inkluż billi jimmobilizzaw u jibagħtu timijiet ta’ esperti biex isaħħu temporanjament il-persunal tal-awtoritajiet tas-sorveljanza tas-suq li jitolbu assistenza jew billi jipprovdu appoġġ loġistiku, bħat-tisħiħ tal-kapaċità tal-ittestjar għall-makkinarju u għall-prodotti relatati elenkati fl-att ta’ implimentazzjoni msemmi fl-Artikolu 25a(1).”.