1.   Dan ir-Regolament jistabbilixxi regoli armonizzati għad-dħul u għat-tqegħid għad-disponibbiltà fis-suq ta’ prodotti għall-bini, irrispettivament minn jekk jitwettqux fil-qafas ta’ servizz jew le, billi jistabbilixxi:

2.   Dan ir-Regolament jistabbilixxi wkoll:

3.   Dan ir-Regolament għandu l-għan li jikkontribwixxi għall-funzjonament effiċjenti tas-suq intern billi jiżgura l-moviment liberu ta’ prodotti għall-bini sikuri u sostenibbli fl-Unjoni. Għandu wkoll l-għan li jikkontribwixxi għall-objettivi ta’ tranżizzjoni ekoloġika u diġitali billi jipprevjeni u jnaqqas l-impatt li l-prodotti għall-bini għandhom fuq l-ambjent u fuq is-saħħa u s-sikurezza tal-persuni.

1.   Dan ir-Regolament għandu japplika għall-prodotti għall-bini, inklużi l-prodotti użati, u għall-oġġetti li ġejjin:

2.   Dan ir-Regolament ma japplikax għal:

3.   L-Istati Membri jistgħu jeżentaw mill-applikazzjoni ta’ dan ir-Regolament il-prodotti li jaqgħu fil-kamp ta’ applikazzjoni tiegħu li jitqiegħdu fis-suq fir-reġjuni ultraperiferiċi tal-Unjoni Ewropea fis-sens tal-Artikolu 349 TFUE. L-Istati Membri għandhom jinnotifikaw lill-Kummissjoni u lill-Istati Membri l-oħrajn bil-liġijiet nazzjonali, ir-regolamenti u d-dispożizzjonijiet amministrattivi li jipprovdu tali eżenzjonijiet. Huma għandhom jiżguraw li l-prodotti eżentati ma jkollhomx il-markatura CE msemmija fl-Artikolu 17. Il-prodotti mqiegħda fis-suq abbażi ta’ tali eżenzjoni ma għandhomx jitqiesu li tqiegħdu fis-suq fl-Unjoni fis-sens ta’ dan ir-Regolament.

1.   Il-Kummissjoni għandha tkun appoġġata minn grupp ta’ esperti (“il-Grupp ta’ Esperti tal-Acquis tar-Regolament tal-Prodotti għall-Bini” jew “il-Guipp ta’ Esperti tal-Acquis CPR”). Il-Grupp ta’ Esperti tal-Acquis CPR għandu jkun kompost mill-inqas minn esperti maħturin minn Stat Membru, rappreżentanti tal-organizzazzjonijiet Ewropej tal-istandardizzazzjoni u minn organizzazzjonijiet rilevanti Ewropej tal-partijiet ikkonċernati li jirċievu finanzjament mill-Unjoni skont ir-Regolament (UE) Nru 1025/2012. Il-Grupp ta’ Esperti tal-Acquis CPR għandu jappoġġa lill-Kummissjoni fl-ipproċessar tat-talbiet tal-Istati Membri għall-armonizzazzjoni tal-Unjoni permezz ta’ speċifikazzjonijiet tekniċi armonizzati. B’mod partikolari, il-Grupp ta’ Esperti tal-Acquis CPR għandu jassisti lill-Kummissjoni fl-istabbiliment u l-aġġornament ta’ pjan ta’ ħidma għall-iżvilupp ta’ speċifikazzjonijiet tekniċi armonizzati, fit-tħejjija tal-kontenut tekniku relatat mal-ispeċifikazzjonijiet tekniċi armonizzati, fid-deċiżjoni dwar il-ħtieġa li jitnedew il-proċeduri fir-rigward tal-ispeċifikazzjonijiet tekniċi armonizzati li jippreżentaw in-nuqqasijiet, li mhumiex disponibbli, jew li ma jistgħux ikopru l-ħtiġijiet regolatorji immedjati, u fid-determinazzjoni tal-inklużjoni ta’ prodotti użati fl-ispeċifikazzjonijiet tekniċi armonizzati.

2.   Wara li tikkonsulta l-Grupp ta’ Esperti tal-Acquis CPR, il-Kummissjoni għandha tistabbilixxi pjan ta’ ħidma għall-iżvilupp ta’ speċifikazzjonijiet tekniċi armonizzati għall-familji ta’ prodotti elenkati fl-Anness VII, inklużi r-rekwiżiti tal-prodott kif ukoll l-informazzjoni ġenerali dwar il-prodott, l-istruzzjonijiet għall-użu u l-informazzjoni dwar is-sikurezza, li jkopri mill-inqas il-perjodu ta’ tliet snin li jmiss. Il-Kummissjoni għandha tistabbilixxi l-prijoritajiet tal-pjan ta’ ħidma b’metodoloġija trasparenti u bbilanċjata, li għandu jiġi ppubblikat flimkien mal-pjan ta’ ħidma. Dik il-metodoloġija għandha mill-inqas tirrifletti l-ħtiġijiet regolatorji tal-Istati Membri, il-kwistjonijiet ta’ sikurezza relatati max-xogħlijiet u l-prodotti għall-bini u l-għanijiet klimatiċi u tal-ekonomija ċirkolari tal-Unjoni.

Il-Kummissjoni għandha tippubblika l-ewwel pjan ta’ ħidma mhux aktar tard mit-8 ta’ Jannar 2026.

Il-Kummissjoni għandha ġġedded u taġġorna l-pjan ta’ ħidma mill-inqas kull tliet snin. Hija għandha tippubblika l-pjan ta’ ħidma għall-perjodu ta’ tliet snin ta’ wara sena qabel l-iskadenza tal-pjan ta’ ħidma fis-seħħ.

Il-Kummissjoni għandha tinforma lill-Parlament Ewropew u lill-Istati Membri annwalment dwar il-progress li jkun sar fl-implimentazzjoni tal-pjan ta’ ħidma.

Jekk il-Kummissjoni tqis li ma tistax tilħaq l-għanijiet stabbiliti fil-pjan ta’ ħidma, hija għandha temendah kif xieraq mingħajr dewmien żejjed, u għandha tinforma lill-Parlament Ewropew u lill-Istati Membri dwar ir-raġunijiet tagħha.

3.   Wara l-pjan ta’ ħidma stabbilit skont il-paragrafu 2, l-Istati Membri għandhom jikkomunikaw lill-Kummissjoni u lill-Grupp ta’ Esperti tal-Acquis CPR il-karatteristiċi essenzjali li jeħtieġu għal familja ta’ prodotti jew kategorija ta’ prodotti, u l-metodi ta’ valutazzjoni, il-livelli limitu jew il-klassijiet tal-prestazzjoni, kif ukoll ir-rekwiżiti tal-prodott, li huma jqisu meħtieġa.

Meta l-Istati Membri jikkomunikaw il-ħtiġijiet regolatorji tagħhom lill-Kummissjoni skont l-ewwel subparagrafu, il-Kummissjoni għandha tintegrahom jew tipprovdi dikjarazzjoni tar-raġunijiet għaliex dan mhux possibbli.

4.   Abbażi tar-rekwiżiti bażiċi għax-xogħlijiet ta’ kostruzzjoni stabbiliti fl-Anness I u filwaqt li jitqiesu l-ħtiġijiet regolatorji kkomunikati mill-Istati Membri f’konformità mal-paragrafu 3 ta’ dan l-Artikolu, kif ukoll l-objettivi tas-sikurezza, ambjentali, taċ-ċirkolarità u tal-klima tal-Unjoni, il-Kummissjoni, bl-appoġġ tal-Grupp ta’ Esperti tal-Acquis CPR, għandha tidentifika l-aspetti tekniċi meħtieġa għat-tħejjija tat-talbiet ta’ standardizzazzjoni, inklużi l-karatteristiċi essenzjali rilevanti. Dawk il-karatteristiċi essenzjali u l-lista ta’ karatteristiċi essenzjali ambjentali determinati minn qabel stabbiliti fl-Anness II għandhom jikkostitwixxu l-bażi għat-tħejjija tat-talbiet għall-istandardizzazzjoni msemmija fl-Artikolu 5(2) u tal-atti ta’ implimentazzjoni msemmija fl-Artikolu 6(1).

5.   Il-Kummissjoni għandha tiżgura li l-karatteristiċi essenzjali jkunu koperti minn speċifikazzjonijiet tekniċi armonizzati sal-punt li l-iżvilupp ta’ tali speċifikazzjonijiet ikun teknikament u ekonomikament proporzjonat.

6.   Il-Kummissjoni, bl-appoġġ tal-Grupp ta’ Esperti tal-Acquis CPR, għandha tidentifika r-rekwiżiti tal-prodott imsemmija fl-Artikolu 7, kif ukoll speċifikazzjonijiet tekniċi armonizzati oħra, u għandha tiddetermina jekk il-prodotti użati għandhomx jiġu koperti minn jew esklużi minn talba ta’ standardizzazzjoni jew speċifikazzjoni teknika armonizzata. Il-Grupp ta’ Esperti tal-Acquis CPR għandu, bħala kwistjoni ta’ urġenza, jiġi kkonsultat dwar in-notifiki mill-Istati Membri li jsiru f’konformità mal-Artikolu 11(5).

7.   Il-Kummissjoni għandha s-setgħa li tadotta atti delegati f’konformità mal-Artikolu 89 biex temenda:

1.   Il-metodi u l-kriterji għall-valutazzjoni tal-prestazzjoni ta’ prodott fir-rigward tal-karatteristiċi essenzjali tiegħu għandhom jiġu stabbiliti fi standards armonizzati li jsiru obbligatorji permezz tal-atti ta’ implimentazzjoni msemmija fil-paragrafu 8 (“standards armonizzati tal-prestazzjoni”). L-istandards armonizzati tal-prestazzjoni għandhom, meta jkun xieraq u mingħajr ma jipperikolaw l-akkuratezza, l-affidabbiltà jew l-istabbiltà tar-riżultati, jipprovdu metodi għall-valutazzjoni tal-prestazzjoni tal-prodotti fir-rigward tal-karatteristiċi essenzjali tagħhom li huma inqas onerużi mill-ittestjar.

2.   Il-Kummissjoni għandha, f’konformità mal-Artikolu 10 tar-Regolament (UE) Nru 1025/2012, titlob lil organizzazzjoni Ewropea tal-istandardizzazzjoni waħda jew aktar biex tabbozza standards armonizzati li jistabbilixxu l-karatteristiċi essenzjali u l-metodi ta’ valutazzjoni tagħhom għal familja ta’ prodotti waħda jew aktar, jew għal kategorija ta’ prodotti waħda jew aktar fi ħdan familja. It-talba għall-istandardizzazzjoni għandha tistabbilixxi l-prinċipji bażiċi u l-punti ta’ referenza għall-istabbiliment ta’ dawn il-karatteristiċi essenzjali u l-metodi ta’ valutazzjoni tagħhom. It-talba għall-istandardizzazzjoni għandha tiddikjara b’mod espliċitu jekk tkoprix jew teskludix prodotti użati mill-kamp ta’ applikazzjoni tat-talba.

3.   Bħala parti mit-talbiet għall-istandardizzazzjoni msemmija fil-paragrafu 2 ta’ dan l-Artikolu, il-Kummissjoni tista’ titlob ukoll lill-organizzazzjonijiet Ewropej tal-istandardizzazzjoni biex jipprovdu d-dettalji tekniċi meħtieġa għall-implimentazzjoni tas-sistema ta’ valutazzjoni u verifika li għandha tiġi applikata f’konformità mal-atti delegati msemmija fl-Artikolu 10(2).

4.   It-talbiet għall-istandardizzazzjoni msemmija fil-paragrafu 2 jistgħu jinkludu talba biex jiġi propost wieħed jew aktar mill-elementi li ġejjin:

Tali talbiet għall-istandardizzazzjoni għandhom jistabbilixxu l-prinċipji bażiċi u l-punti ta’ referenza għall-istabbiliment tal-elementi mitluba.

5.   Meta tkun inkludiet mat-talba għall-istandardizzazzjoni tagħha talba għal proposta f’konformità mal-paragrafu 4 ta’ dan l-Artikolu, il-Kummissjoni għandha s-setgħa li tadotta atti delegati f’konformità mal-Artikolu 89 biex tissupplimenta dan ir-Regolament billi tiddetermina, għall-familji ta’ prodotti jew għall-kategoriji ta’ prodotti u għall-elementi koperti minn dik it-talba, l-elementi msemmija fil-paragrafu 4, l-ewwl subparagrafu, ta’ dan l-Artikolu.

Wara li tikkonsulta l-Grupp ta’ Esperti tal-Acquis tas-CPR, il-Kummissjoni tista’ tiddevja mill-proposti tal-organizzazzjoni Ewropea tal-istandardizzazzjoni.

Il-Kummissjoni għandha s-setgħa li tadotta atti delegati, irrispettivament minn kwalunkwe talba għall-istandardizzazzjoni minn qabel iżda fuq il-parir tal-Grupp ta’ Esperti tal-Acquis CPR, f’konformità mal-Artikolu 89 biex tissupplimenta dan ir-Regolament billi tiddetermina l-elementi stabbiliti fil-paragrafu 4, l-ewwel subparagrafu, ta’ dan l-Artikolu fir-rigward ta’ kwalunkwe raggruppament ta’ karatteristiċi essenzjali ta’ natura orizzontali elenkati fl-Anness X.

6.   F’każijiet fejn, abbażi tan-natura jew tal-karatteristiċi tekniċi ta’ prodott, ikun jidher li l-ittestjar ma jkunx meħtieġ jew ma jkunx meħtieġ, il-Kummissjoni għandha s-setgħa li tadotta atti delegati f’konformità mal-Artikolu 89 biex tissupplimenta dan ir-Regolament billi tistabbilixxi l-kondizzjonijiet li skonthom prodott għandu jitqies li jissodisfa ċertu livell, livell limitu jew li jikkwalifika għal klassi tal-prestazzjoni mingħajr ittestjar, jew mingħajr ittestjar ulterjuri.

7.   Il-Kummissjoni għandha tivvaluta l-konformità mal-istandards armonizzati mat-talbiet għall-istandardizzazzjoni rilevanti, ma’ dan ir-Regolament u ma’ liġi tal-Unjoni oħra, inklużi l-prinċipji ġenerali tad-dritt. Il-Kummissjoni tista’ tivvaluta jekk l-istandards armonizzati jikkonformawx ma’ standards armonizzati oħra skont dan ir-Regolament jew ma’ standards armonizzati oħra li r-referenzi tagħhom ġew ippubblikati f’Il-Ġurnal Uffiċjali tal-Unjoni Ewropea.

Il-Kummissjoni għandha twettaq il-valutazzjoni msemmija fl-ewwel subparagrafu ta’ dan il-paragrafu u tippreżenta r-raġunijiet tagħha bil-miktub lill-organizzazzjoni Ewropea tal-istandardizzazzjoni rilevanti u lill-Grupp ta’ Esperti tal-Acquis CPR fi żmien sitt xhur wara li l-istandard armonizzat rilevanti jkun ġie trażmess lilha. Meta l-Kummissjoni tqis li standard, jew parti minnu, ma jkunx sodisfaċenti, hija għandha tispeċifika n-nuqqasijiet. Sabiex il-Kummissjoni tissodisfa dak l-obbligu f’dak il-perjodu ta’ żmien, l-organizzazzjonijiet Ewropej tal-istandardizzazzjoni għandhom jinformaw regolarment lill-Kummissjoni dwar il-progress u l-kontenut tal-istrument tal-istandardizzazzjoni Ewropea f’konformità mal-Artikolu 10(5) tar-Regolament (UE) Nru 1025/2012.

8.   Meta standard armonizzat ikun konformi mar-rekwiżiti legali applikabbli u jissodisfa r-rekwiżiti li għandhom jiġu ssodisfati fir-rigward tal-prinċipji bażiċi u l-punti ta’ referenza stabbiliti fit-talba għall-istandardizzazzjoni, kif ukoll fir-rigward tal-karatteristiċi essenzjali li għandhom jiġu koperti fid-dawl tar-rekwiżiti bażiċi għax-xogħlijiet ta’ kostruzzjoni, il-Kummissjoni għandha tadotta mingħajr dewmien att ta’ implimentazzjoni li jagħmel dak l-istandard obbligatorju. Sena wara tali adozzjoni, l-istandard armonizzat tal-prestazzjoni għandu jsir obbligatorju għall-finijiet ta’ dan ir-Regolament sakemm ma tkunx ġiet speċifikata data tal-applikazzjoni aktar tard fl-att ta’ implimentazzjoni. Data ta’ applikazzjoni aktar tard għandha tiġi speċifikata biss f’każijiet eċċezzjonali u l-użu tagħha għandu jkun debitament ġustifikat. Standard armonizzat tal-prestazzjoni jista’ jiġi applikat b’mod volontarju mid-data tal-adozzjoni tal-att ta’ implimentazzjoni.

Meta l-Kummissjoni tqis li standard armonizzat jew parti minnu ma jkunx sodisfaċenti, hija tista’ tadotta att ta’ implimentazzjoni li jagħmel dak l-istandard armonizzat obbligatorju b’restrizzjonijiet.

L-atti ta’ implimentazzjoni msemmija fl-ewwel u fit-tieni subparagrafu għandhom jiġu adottati f’konformità mal-proċedura konsultattiva msemmija fl-Artikolu 90(2).

Fejn ma jkunx possibbli li standard armonizzat isir obbligatorju b’restrizzjonijiet, il-Kummissjoni tista’ tadotta att ta’ implimentazzjoni f’konformità mal-Artikolu 6.

9.   Meta Stat Membru, il-Parlament Ewropew jew il-Kummissjoni, tal-aħħar bl-appoġġ tal-Grupp ta’ Esperti tal-Acquis CPR iqisu li standard armonizzat tal-prestazzjoni ma jissodisfax għalkollox ir-rekwiżiti legali applikabbli jew ma jissodisfax it-talbiet li għandhom jiġu ssodisfati fir-rigward tal-karatteristiċi essenzjali li għandhom jiġu koperti fid-dawl tar-rekwiżiti bażiċi għax-xogħlijiet ta’ kostruzzjoni, għandha tapplika l-proċedura għal oġġezzjonijiet formali għal standards armonizzati kif stabbilit fl-Artikolu 11 tar-Regolament (UE) Nru 1025/2012.

10.   Il-Kummissjoni għandha s-setgħa li tadotta atti delegati skont l-Artikolu 89 biex temenda l-Anness X billi żżid gruppi addizzjonali ta’ karatteristiċi essenzjali ta’ natura orizzontali.

1.   Filwaqt li għandha tingħata prijorità lill-elaborazzjoni tal-istandards, b’deroga mill-Artikolu 5(1) sa (4) ta’ dan ir-Regolament, sabiex jiġu koperti l-ħtiġijiet regolatorji tal-Istati Membri u jiġu segwiti l-għanijiet tal-Artikolu 114 TFUE, il-Kummissjoni tista’ tadotta atti ta’ implimentazzjoni li jistabbilixxu l-karatteristiċi essenzjali, il-metodi ta’ valutazzjoni u d-dettalji tekniċi tagħhom skont l-Artikolu 5 ta’ dan ir-Regolament għal familja ta’ prodotti waħda jew aktar jew għal kategorija ta’ prodotti waħda jew aktar fi ħdan familja.

Dawk l-atti ta’ implimentazzjoni għandhom jiġu adottati biss jekk jiġu ssodisfati l-kondizzjonijiet li ġejjin:

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 90(3).

2.   Qabel tħejji abbozz ta’ att ta’ implimentazzjoni msemmi fil-paragrafu 1 ta’ dan l-Artikolu, il-Kummissjoni għandha tinforma lill-kumitat imsemmi fl-Artikolu 22 tar-Regolament (UE) Nru 1025/2012 li hija tqis il-kondizzjonijiet tal-paragrafu 1 ta’ dan l-Artikolu huma ssodisfati.

3.   Meta tkun qed tħejji l-abbozz tal-att ta’ implimentazzjoni, il-Kummissjoni għandha tqis il-fehmiet tal-korpi rilevanti u tal-Grupp ta’ Esperti tal-Acquis CPR u għandha tikkonsulta kif xieraq lill-organizzazzjonijiet tal-partijiet ikkonċernati kollha li jirċievu finanzjament mill-Unjoni fl-ambitu tar-Regolament (UE) Nru 1025/2012.

4.   Meta att ta’ implimentazzjoni msemmi fil-paragrafu 1 ta’ dan l-Artikolu jkopri l-istess karatteristiċi essenzjali jew metodi ta’ valutazzjoni fir-rigward ta’ familja speċifika ta’ prodotti jew kategorija ta’ prodotti bħala standard armonizzat li r-referenza għalih tkun ġiet ippubblikata referenza f’Il-Ġurnal Uffiċjali tal-Unjoni Ewropea jew li fir-rigward tiegħu jkun ġie adottat att ta’ implimentazzjoni msemmi fl-Artikolu 5(8), il-Kummissjoni għandha tirtira minn Il-Ġurnal Uffiċjali tal-Unjoni Ewropea r-referenza ta’ dak l-istandard armonizzat jew tħassar dak l-att ta’ implimentazzjoni. Meta l-att ta’ implimentazzjoni msemmi fil-paragrafu 1 ta’ dan l-Artikolu jkopri biss parzjalment l-istandard armonizzat, il-Kummissjoni għandha żżomm l-att ta’ implimentazzjoni li jistabbilixxi standard armonizzat li jkun soġġett għal restrizzjonijiet.

5.   Meta Stat Membru jew il-Parlament Ewropew iqisu li att ta’ implimentazzjoni adottat f’konformità mal-paragrafu 1 ma jissodisfax kompletament ir-rekwiżiti li għandhom jiġu ssodisfati fir-rigward tal-karatteristiċi essenzjali li għandhom jiġu koperti fid-dawl tar-rekwiżiti bażiċi għax-xogħlijiet ta’ kostruzzjoni, huma għandhom jinformaw lill-Kummissjoni b’dan, billi jippreżenta spjegazzjoni dettaljata. Il-Kummissjoni għandha tivvaluta dik l-ispjegazzjoni dettaljata u tista’, jekk ikun xieraq, temenda l-att ta’ implimentazzjoni inkwistjoni.

6.   Il-Kummissjoni għandha ssegwi l-proċedura fl-Artikolu 5 biex titlob kwalunkwe reviżjoni jew aġġornament tal-karatteristiċi essenzjali jew tal-metodi ta’ valutazzjoni fir-rigward tal-istess familji ta’ prodotti jew kategoriji ta’ prodotti bħal dawk koperti mill-att ta’ implimentazzjoni msemmi fil-paragrafu 1 ta’ dan l-Artikolu. Meta l-istandard armonizzat mogħti mill-organizzazzjoni Ewropea tal-istandardizzazzjoni ikun adatt biex jiġi adottat f’konformità mal-Artikolu 5(8), il-Kummissjoni għandha tħassar l-att ta’ implimentazzjoni adottat f’konformità mal-paragrafu 1 ta’ dan l-Artikolu, jew il-partijiet tiegħu li jkopru l-istess karatteristiċi essenzjali jew metodi ta’ valutazzjoni fir-rigward tal-istess familji ta’ prodotti jew kategoriji ta’ prodotti bħal dawk koperti mill-istandard armonizzat.

1.   Meta familja ta’ prodotti, jew kategorija ta’ prodotti waħda jew aktar fi ħdan familja ta’ prodotti, tkun koperta jew minn standard armonizzat tal-prestazzjoni jew minn att ta’ implimentazzjoni msemmi fl-Artikolu 6(1), il-Kummissjoni għandha s-setgħa li tadotta atti delegati f’konformità mal-Artikolu 89 biex tissupplimenta dan ir-Regolament, billi tistabbilixxi rekwiżiti tal-prodott f’konformità mal-Anness III għal dik il-familja ta’ prodotti jew il-kategorija ta’ prodotti, jew għal partijiet minnhom.

2.   Qabel ma jitqiegħdu fis-suq, il-prodotti koperti minn dan ir-Regolament għandhom jissodisfaw ir-rekwiżiti tal-prodott applikabbli.

3.   Il-Kummissjoni tista’, f’konformità mal-Artikolu 10(1) tar-Regolament (UE) Nru 1025/2012, titlob lil organizzazzjoni Ewropea tal-istandardizzazzjoni waħda jew aktar jabbozzaw standards armonizzati li jipprovdu l-preżunzjoni ta’ konformità (“standards armonizzati volontarji”) għar-rekwiżiti tal-prodott stabbiliti mill-atti delegati msemmija fil-paragrafu 1 ta’ dan l-Artikolu.

4.   Meta standard armonizzat volontarju mitlub f’konformità mal-paragrafu 3 jiġi adottat minn organizzazzjoni Ewropea tal-istandardizzazzjoni u jiġi propost lill-Kummissjoni għall-fini tal-pubblikazzjoni tar-referenza tiegħu f’Il-Ġurnal Uffiċjali tal-Unjoni Ewropea, il-Kummissjoni għandha tivvaluta l-istandard armonizzat volontarju f’konformità mar-Regolament (UE) Nru 1025/2012.

5.   Meta standard armonizzat volontarju jkun konformi mar-rekwiżiti legali applikabbli u jissodisfa r-rekwiżiti fir-rigward tar-rekwiżiti tal-prodott stabbiliti fit-talba għall-istandardizzazzjoni, il-Kummissjoni għandha tippubblika r-referenza ta’ dak l-istandard mingħajr dewmien f’Il-Ġurnal Uffiċjali tal-Unjoni Ewropea.

6.   Meta r-referenza ta’ standard armonizzat volontarju ma tkunx tista’ tiġi ppubblikata f’Il-Ġurnal Uffiċjali tal-Unjoni Ewropea, il-Kummissjoni tista’ tippubblika tali referenza b’restrizzjonijiet. Meta referenza ta’ standard armonizzat volontarjuma tkunx tista’ tiġi ppubblikata f’Il-Ġurnal Uffiċjali tal-Unjoni Ewropea u ma tkunx tista’ tiġi ppubblikata bħala referenza b’restrizzjonijiet, il-Kummissjoni għandha tressaq il-kwistjoni għall-attenzjoni tal-kumitat imsemmi fl-Artikolu 22 tar-Regolament (UE) Nru 1025/2012 u tal-Grupp ta’ Esperti tal-Acquis CPR.

7.   Prodott soġġett għar-rekwiżiti tal-prodott li jkun konformi mal-istandards armonizzati volontarji jew partijiet minnhom, li r-referenzi tagħhom ikunu ġew ippubblikati f’Il-Ġurnal Uffiċjali tal-Unjoni Ewropea, għandhom ikunu preżunti li huma konformi mar-rekwiżiti tal-prodotti koperti minn dawk l-istandards jew partijiet minnhom.

8.   Il-Kummissjoni għandha s-setgħa li tadotta atti delegati f’konformità mal-Artikolu 89 temenda l-Anness III sabiex tadattah għall-progress tekniku u sabiex tkopri riskji u aspetti ambjentali ġodda u biex tikkonforma mal-prijoritajiet stabbiliti fl-Artikolu 4, abbażi tal-ħtiġijiet regolatorji tal-Istati Membri.

1.   Il-Kummissjoni tista’ tadotta atti ta’ implimentazzjoni li jistabbilixxu speċifikazzjonijiet komuni li jipprovdu mezz alternattiv għall-konformità mar-rekwiżiti tal-prodott stabbiliti f’konformità mal-Artikolu 7(1).

Dawk l-atti ta’ implimentazzjoni għandhom jiġu adottati biss meta l-kondizzjonijiet li ġejjin ikunu ssodisfati:

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 90(3).

2.   Qabel ma tħejji l-abbozz tal-att ta’ implimentazzjoni msemmi fil-paragrafu 1 ta’ dan l-Artikolu, il-Kummissjoni għandha tinforma lill-kumitat imsemmi fl-Artikolu 22 tar-Regolament (UE) Nru 1025/2012 li hija tqis li l-kondizzjonijiet fil-paragrafu 1 ta’ dan l-Artikolu jkunu ġew issodisfati.

3.   Meta tkun qed tħejji l-abbozz tal-att ta’ implimentazzjoni msemmi fil-paragrafu 1 ta’ dan l-Artikolu, il-Kummissjoni għandha tqis il-fehmiet tal-korpi rilevanti u tal-Grupp ta’ Esperti tal-Acquis tas-CPR u għandha tikkonsulta kif xieraq lill-organizzazzjonijiet tal-partijiet ikkonċernati rilevanti kollha li jirċievu finanzjament mill-Unjoni fl-ambitu tar-Regolament (UE) Nru 1025/2012.

4.   Prodott li jkun konformi mal-ispeċifikazzjonijiet komuni stabbiliti permezz tal-atti ta’ implimentazzjoni msemmija fil-paragrafu 1 ta’ dan l-Artikolu, jew ma’ partijiet minnu, għandu jkunu preżunt li jkun f’konformità mar-rekwiżiti tal-prodott stabbiliti mill-atti delegati msemmija fl-Artikolu 7(1) koperti minn dawk l-ispeċifikazzjonijiet komuni jew partijiet minnu.

5.   Il-Kummissjoni għandha tħassar l-atti ta’ implimentazzjoni msemmija fil-paragrafu 1 ta’ dan l-Artikolu, jew partijiet minnhom li jkopru l-istess rekwiżiti tal-prodott bħal dawk koperti minn standard armonizzat volontarju li r-referenza tiegħu tiġi ppubblikata f’Il-Ġurnal Uffiċjali tal-Unjoni Ewropea f’konformità mal-Artikolu 7(5) jew (6).

6.   Meta Stat Membru jew il-Parlament Ewropew iqisu li speċifikazzjoni komuni ma tissodisfax kompletament ir-rekwiżiti tal-prodott stabbilita minn atti delegati msemmija fl-Artikolu 7(1), huma għandhom jinfurmaw lill-Kummissjoni b’dan, billi jippreżentaw spjegazzjoni dettaljata. Il-Kummissjoni għandha tivvaluta dik l-ispjegazzjoni dettaljata u tista’, jekk ikun xieraq, temenda l-att ta’ implimentazzjoni li jistabbilixxi l-ispeċifikazzjoni komuni inkwistjoni.

1.   L-informazzjoni ġenerali dwar il-prodott, l-istruzzjonijiet għall-użu u l-informazzjoni dwar is-sikurezza għandhom jiġu pprovduti fir-rigward tal-prodotti għall-bini koperti minn speċifikazzjoni teknika armonizzata jew valutazzjoni teknika Ewropea. Il-kontenut tal-informazzjoni ġenerali dwar il-prodott, l-istruzzjonijiet għall-użu u l-informazzjoni dwar is-sikurezza huwa stabbiliti fl-Anness IV.

2.   Bħala parti mit-talba għall-istandardizzazzjoni msemmija fl-Artikolu 5(2), il-Kummissjoni tista’ titlob ukoll lill-organizzazzjoni Ewropea tal-istandardizzazzjoni toħroġ linji gwida, inklużi dettalji tekniċi, meħtieġa għat-tfassil ta’ informazzjoni ġenerali dwar il-prodott, istruzzjonijiet għall-użu u informazzjoni dwar is-sikurezza f’konformità mal-Anness IV.

3.   Jekk il-Kummissjoni tqis li l-linji gwida maħruġa mill-organizzazzjoni Ewropea tal-istandardizzazzjoni skont il-paragrafu 2 ta’ dan l-Artikolu għal familja speċifika ta’ prodotti jew kategorija speċifika ta’ prodotti ma jiżgurawx implimentazzjoni adegwata u omoġenja tal-paragrafu 1 ta’ dan l-Artikolu, il-Kummissjoni għandha s-setgħa li tadotta atti delegati f’konformità mal-Artikolu 89 biex tissupplimenta dan ir-Regolament billi tistabbilixxi regoli dwar l-għoti ta’ informazzjoni ġenerali dwar il-prodott, struzzjonijiet għall-użu u informazzjoni dwar is-sikurezza għall-familja ta’ prodotti jew għall-kategorija ta’ prodotti rispettivi.

4.   Il-Kummissjoni għandha s-setgħa li tadotta atti delegati f’konformità mal-Artikolu 89 biex temenda l-Anness IV sabiex tadattah għall-progress tekniku u għall-ħtiġijiet ġodda ta’ informazzjoni.

1.   Il-valutazzjoni u l-verifika ta’ prestazzjoni ta’ prodott fir-rigward tal-karatteristiċi essenzjali tiegħu, kif stabbilit fl-ispeċifikazzjonijiet tekniċi armonizzati adottati f’konformità mal-Artikoli 5 u 6 jew fid-dokumenti Ewropej ta’ valutazzjoni msemmija fl-Artikolu 31, jew tal-konformità tal-prodott mar-rekwiżiti tal-prodott adottati f’konformità mal-Artikolu 7, għandhom jitwettqu f’konformità ma’ waħda jew aktar mis-sistemi stabbiliti fl-Anness IX.

2.   Il-Kummissjoni għandha s-setgħa li tadotta atti delegati f’konformità mal-Artikolu 89 biex tissupplimenta dan ir-Regolament, billi tiddetermina, għal kull familja ta’ prodotti jew kategorija ta’ prodotti, is-sistemi ta’ valutazzjoni u verifika applikabbli fost dawk imsemmija fl-Anness IX. Dawk l-atti delegati jistgħu jiddeterminaw sistemi differenti ta’ valutazzjoni u verifika fi ħdan l-istess familja ta’ prodotti jew kategorija ta’ prodotti, li jiddifferenzjaw skont il-karatteristika essenzjali jew ir-rekwiżit tal-prodott. Is-sistemi ta’ valutazzjoni u verifika għandhom jiġu ddeterminati qabel ma jsiru applikabbli l-ispeċifikazzjonijiet tekniċi armonizzati jew id-dokumenti Ewropej ta’ valutazzjoni.

3.   L-atti delegati adottati f’konformità mal-paragrafu 2 għandhom iqisu l-użi maħsuba, il-ħsara potenzjali li tirriżulta minn nuqqasijiet tal-prodott, is-sensittività tal-prodott għall-varjazzjonijiet fil-prestazzjoni skont il-kondizzjonijiet tal-produzzjoni, il-probabbiltà ta’ żbalji matul il-manifattura tiegħu u l-possibbiltà li jiġu identifikati faċilment l-iżbalji fil-manifattura. Dawk l-atti delegati għandhom jitfasslu skont il-familji ta’ prodotti jew il-kategoriji ta’ prodotti rispettivi u għandhom jimminimizzaw il-piż fuq il-manifatturi, filwaqt li jiżguraw livell għoli ta’ protezzjoni tas-saħħa utas-sikurezza tal-persuni u tal-ambjent.

4.   Il-Kummissjoni għandha s-setgħa li tadotta atti delegati f’konformità mal-Artikolu 89 sabiex temenda l-Anness IX billi:

Meta tadotta atti delegati skont il-punt (a), il-Kummissjoni ma tistax tintroduċi sistemi addizzjonali li jistabbilixxu obbligi aktar eżiġenti għall-operaturi ekonomiċi minn dawk previsti fis-Sistema 1+. Barra minn hekk, il-Kummissjoni tista’ tintroduċi sistemi addizzjonali bħal dawn biss meta jkun evidenti li l-gwida dwar l-applikazzjoni tas-sistemi eżistenti wriet li mhijiex biżżejjed.

1.   Dan ir-Regolament, u l-ispeċifikazzjonijiet tekniċi armonizzati adottati f’konformità miegħu, flimkien, jistabbilixxu “żona armonizzata”.

Iż-żona armonizzata tkopri l-prodotti kollha soġġetti għal speċifikazzjonijiet tekniċi armonizzati.

L-ispeċifikazzjonijiet tekniċi armonizzati għandhom jitqiesu komprensivi, fl-aspetti li ġejjin:

L-ispeċifikazzjonijiet tekniċi armonizzati għal prodotti ġodda għandhom japplikaw għal prodotti użati minn pajjiżi terzi sakemm l-ispeċifikazzjoni teknika armonizzata ma tipprovdix b’mod espliċitu regoli għal prodotti użati.

2.   L-Istati Membri għandhom jirrispettaw iż-żona armonizzata fil-liġijiet, ir-regolamenti u l-miżuri amministrattivi nazzjonali tagħhom, u la għandhom jipprojbixxu u lanqas jimpedixxu t-tqegħid fis-suq ta’ prodotti koperti minnha meta dawk il-prodotti jkunu konformi ma’ dan ir-Regolament. L-Istati Membri ma għandhomx jistabbilixxu l-karatteristiċi essenzjali u l-metodi ta’ valutazzjoni tagħhom jew ir-rekwiżiti tal-prodott għajr dawk stabbiliti fl-ispeċifikazzjonijiet tekniċi armonizzati.

Iż-żona armonizzata ma taffettwax id-dritt tal-Istati Membri li jispeċifikaw ir-rekwiżiti nazzjonali għall-użu ta’ prodotti li huma soġġetti għal speċifikazzjonijiet tekniċi armonizzati. Kwalunkwe metodu ta’ valutazzjoni u sistema għall-valutazzjoni u l-verifika stabbiliti f’ tali rekwiżiti nazzjonali għandhom ikunu f’konformità mal-ispeċifikazzjonijiet tekniċi armonizzati applikabbli.

L-Istati Membri għandhom jiżguraw li t-tqegħid fis-suq ta’ prodotti fi ħdan iż-żona armonizzata li huma konformi ma’ dan ir-Regolament ma għandux ikun imfixkel mir-regoli jew il-kondizzjonijiet imposti minn korpi pubbliċi jew minn korpi privati li jaġixxu bħala impriża pubblika jew korpi privati li jaġixxu bħala korp pubbliku abbażi tal-pożizzjoni ta’ monopolju jew taħt mandat pubbliku.

3.   Meta jikkonformaw mal-obbligi previsti fil-paragrafu 2, l-Istati Membri għandhom b’mod partikolari japplikaw ir-regoli li ġejjin:

4.   L-Istati Membri għandhom jirreġistraw fil-Gateway Diġitali Unika stabbilita bir-Regolament (UE) 2018/1724 tal-Parlament Ewropew u tal-Kunsill (25) il-liġijiet, ir-regolamenti u l-miżuri amministrattivi nazzjonali kollha tagħhom relatati mal-prodotti għall-bini fit-territorju tagħhom koperti miż-żona armonizzata.

5.   Meta Stat Membru jqis li jkun meħtieġ għal raġunijiet imperattivi ta’ saħħa u sikurezza tal-persuni jew protezzjoni tal-ambjent u sabiex jindirizza l-ħtiġijiet regolatorji immedjati, li jieħu miżuri applikabbli għall-prodotti fiż-żona armonizzata fir-rigward ta’ karatteristiċi mhux stabbiliti fl-ispeċifikazzjonijiet tekniċi armonizzati, huwa għandu jinnotifika lill-Kummissjoni b’dan, filwaqt li jiġġustifika l-ħtieġa għall-miżuri meħuda u jispjega l-ħtieġa regolatorja li għandu l-għan li jindirizza.

Għal dak il-għan, l-Istati Membri għandhom jużaw il-proċedura stabbilita bid-Direttiva (UE) 2015/1535 tal-Parlament Ewropew u tal-Kunsill (26). Meta jagħmlu dan, l-Istati Membri għandhom jagħmlu referenza għal dan il-paragrafu u jispeċifikaw liema elementi huma parti mill-miżura.

Il-Kummissjoni għandha twieġeb għan-notifika fil-limiti ta’ żmien stabbiliti fil-proċedura stabbilita bid-Direttiva (UE) 2015/1535. Il-Kummissjoni għandha, fi żmien sitt xhur min-notifika, jew tressaq proposta għal awtorizzazzjoni skont il-paragrafu 6 ta’ dan l-Artikolu jew tikkomunika r-raġunijiet tagħha għar-rifjut tal-miżura nazzjonali.

Malli tirċievi notifika kif imsemmi fl-ewwel subparagrafu, il-Kummissjoni għandha, irrispettivament minn jekk għandhiex l-intenzjoni li tawtorizza l-miżura, mingħajr dewmien tippreżenta l-kwistjoni lill-Grupp ta’ Esperti tal-Acquis CPR għal konsultazzjonijiet dwar jekk jeħtieġx li jintalbu aġġornamenti għall-istandards armonizzati tal-prestazzjoni eżistenti bħala prijorità.

6.   Il-Kummissjoni għandha tadotta att ta’ implimentazzjoni, li jawtorizza l-miżura nazzjonali notifikata taħt il-paragrafu 5 fejn:

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 90(3). Huma għandhom jiġu rtirati ladarba l-ħtieġa regolatorja tkun koperta minn speċifikazzjonijiet tekniċi armonizzati jew minn liġi tal-Unjoni oħra.

Għal raġunijiet imperattivi ta’ urġenza debitament ġustifikati marbuta mas-saħħa u s-sikurezza tal-persuni jew mal-protezzjoni tal-ambjent, il-Kummissjoni għandha tadotta atti ta’ implimentazzjoni applikabbli minnufih f’konformità mal-proċedura msemmija fl-Artikolu 90(4).

7.   Dan ir-Regolament ma jaffettwax il-possibbiltà għall-Istati Membri li jintroduċu sistemi obbligatorji ta’ rifużjoni tad-depożitu jew li jobbligaw lill-manifatturi jaċċettaw li jerġgħu jiksbu, direttament jew permezz tal-importaturi u d-distributuri tagħhom, is-sjieda tal-prodotti ġodda, żejda jew mhux magħmula skont l-ordni tagħhom li huma fi stat ekwivalenti għal dak li fih tqiegħdu fis-suq, sakemm il-miżura ma tiddiskriminax direttament jew indirettament kontra operaturi ekonomiċi fi Stati Membri oħra.

8.   Dan ir-Regolament ma jaffettwax il-possibbiltà li l-Istati Membri jipprojbixxu l-qerda ta’ prodotti żejda jew mhux mibjugħa, jew li jagħmlu l-qerda tagħhom bil-kondizzjoni li qabel ikunu saru disponibbli fuq pjattaforma nazzjonali ta’ senserija għall-użu mhux kummerċjali tal-prodotti.

1.   Sabiex tiġi evitata valutazzjoni doppja tal-istess aspetti tas-saħħa u tas-sikurezza tal-persuni jew tal-protezzjoni tal-ambjent fir-rigward tal-prodotti, il-Kummissjoni għandha s-setgħa li tadotta atti delegati f’konformità mal-Artikolu 89 biex tissupplimenta dan ir-Regolament billi tistabbilixxi l-kondizzjonijiet li skonthom l-obbligi relatati mal-valutazzjoni tal-prestazzjoni ta’ prodott jew l-issodisfar ta’ ċerti rekwiżiti tal-prodott, inkluż l-ekwivalenza tas-sistemi ta’ valutazzjoni u verifika meħtieġa skont dan ir-Regolament u l-obbligi fir-rigward tal-informazzjoni ġenerali dwar il-prodott, l-istruzzjonijiet għall-użu u r-rekwiżiti tal-informazzjoni dwar is-sikurezza, jistgħu jiġu ssodisfati billi jiġu ssodisfati l-obbligi previsti skont liġi tal-Unjoni oħra.

Il-kondizzjonijiet imsemmija fl-ewwel subparagrafu ma għandhomx jippermettu livelli ta’ sikurezza tal-prodotti li huma inqas stretti minn dawk stabbiliti f’konformità ma’ dan ir-Regolament.

2.   Meta jirriżulta kunflitt bejn dan ir-Regolament u r-Regolament (UE) 2024/1781kif ukoll ir-Regolament (UE) Nru 1025/2012, għandhom jipprevalu d-dispożizzjonijiet rilevanti ta’ dan ir-Regolament.

1.   Meta prodott ikun kopert minn speċifikazzjoni teknika armonizzata adottata f’konformità mal-Artikoli 5 jew 6, il-manifattur għandu jgħaddi mis-sistema ta’ valutazzjoni u verifika applikabbli stabbilita fl-Anness IX u jfassal dikjarazzjoni ta’ prestazzjoni u tal-konformità qabel ma tali prodott jitqiegħed fis-suq. Meta prodott ikun kopert minn speċifikazzjoni teknika armonizzata adottata f’konformità mal-Artikolu 7, il-manifattur għandu jivverifika wkoll il-konformità tal-prodott mar-rekwiżiti applikabbli tal-prodott li jkunu ġew speċifikati minn atti delegati. Il-manifattur ta’ prodott li ma jkun kopert minn ebda speċifikazzjoni teknika armonizzata jista’ joħroġ dikjarazzjoni tal-prestazzjoni u tal-konformità f’konformità mad-dokument Ewropew ta’ valutazzjoni rilevanti u mal-valutazzjoni teknika Ewropea.

2.   Billi joħroġ id-dikjarazzjoni tal-prestazzjoni u tal-konformità, il-manifattur jassumi r-responsabbiltà għall-konformità tal-prodott mal-prestazzjoni ddikjarata tiegħu u kwalunkwe rekwiżit tal-prodott applikabbli, u jsir responsabbli f’konformità mal-liġi nazzjonali u mal-liġi tal-Unjoni dwar ir-responsabbiltà kuntrattwali u ekstrakuntrattwali. Fin-nuqqas ta’ indikazzjonijiet oġġettivi għall-kuntrarju, l-Istati Membri għandhom jippreżumu li d-dikjarazzjonijiet tal-prestazzjoni u tal-konformità mfassla mill-manifatturi huma preċiżi u affidabbli.

Fil-każ ta’ nuqqas ta’ konformità, jew nuqqas ta’ dikjarazzjoni tal-prestazzjoni u tal-konformità, meta tali dikjarazzjoni hija meħtieġa, il-prodott ma jistax jitqiegħed għad-dispożizzjoni fis-suq.

1.   Id-dikjarazzjoni tal-prestazzjoni u tal-konformità għandha titfassal bl-użu tal-mudell stabbilit fl-Anness V. Id-dikjarazzjoni tal-prestazzjoni u tal-konformità għandha tesprimi l-prestazzjoni tal-prodotti b’rabta mal-karatteristiċi essenzjali ta’ dawk il-prodotti f’konformità mal-ispeċifikazzjonijiet tekniċi armonizzati rilevanti jew mad-dokument Ewropew ta’ valutazzjoni.

Meta jkunu applikabbli r-rekwiżiti tal-prodott speċifikati f’konformità mal-Artikolu 7, id-dikjarazzjoni tal-prestazzjoni u tal-konformità għandha tiddikjara li jkun intwera li dawk ir-rekwiżiti ġew issodisfati.

2.   Id-dikjarazzjoni tal-prestazzjoni u tal-konformità għandha tinkludi l-prestazzjoni tas-sostenibbiltà ambjentali tal-prodott matul iċ-ċiklu tal-ħajja tiegħu fir-rigward tal-karatteristiċi ambjentali predeterminati essenzjali elenkati fl-Anness II għal dawk il-karatteristiċi li huma ddikjarati. Il-prestazzjoni għandha tinkludi l-imballaġġ użat jew li x’aktarx jintuża u għandha tiġi kkalkulata bl-użu tal-aħħar verżjoni tas-software disponibbli mingħajr ħlas fuq is-sit web tal-Kummissjoni.

L-aġġornamenti tas-software imsemmi fl-ewwel subparagrafu għandhom isiru obbligatorji għall-finijiet ta’ dan ir-Regolament sena wara l-pubblikazzjoni tagħhom. Tali aġġornamenti tas-software jistgħu jiġu applikati volontarjament mid-data tal-pubblikazzjoni tagħhom.

3.   Id-dikjarazzjoni tal-prestazzjoni u tal-konformità għandha tkopri mill-inqas il-prestazzjoni ta’ prodott matul iċ-ċiklu tal-ħajja tiegħu fir-rigward tal-karatteristiċi essenzjali li ġejjin:

Id-dikjarazzjoni tal-prestazzjoni u tal-konformità għandha tkopri wkoll dawk il-karatteristiċi essenzjali li dejjem iridu jiġu ddikjarati, kif determinat fl-atti delegati adottati f’konformità mal-Artikolu 5(5).

4.   L-ebda marka oħra għajr il-markatura CE ma tista’ titqiegħed fuq id-dikjarazzjoni tal-prestazzjoni jew id-dikjarazzjoni tal-konformità.

5.   Il-Kummissjoni għandha s-setgħa li tadotta atti delegati f’konformità mal-Artikolu 89 biex temenda l-mudell stabbilit fl-Anness V biex tadattah biex jirrifletti l-progress tekniku fir-rigward ta’ ħtiġijiet ġodda ta’ informazzjoni, biex tiffaċilita l-issodisfar tar-rekwiżiti tal-passaport diġitali tal-prodotti stabbiliti fl-Artikoli 76 u 77, u biex tiżgura l-interoperabbiltà u l-integrazzjoni korretta mas-sistema tal-passaport diġitali tal-prodotti għall-bini f’konformità mal-Artikolu 75.

6.   L-informazzjoni msemmija fl-Artikolu 31 jew, skont il-każ, fl-Artikolu 33 tar-Regolament (KE) Nru 1907/2006 tal-Parlament Ewropew u tal-Kunsill (27) għandha tiġi pprovduta flimkien mad-dikjarazzjoni tal-prestazzjoni u tal-konformità.

1.   Il-manifattur għandu jipprovdi b’mezzi elettroniċi kopja tad-dikjarazzjoni tal-prestazzjoni u tal-konformità ta’ kull prodott li jsir disponibbli fis-suq, sakemm id-dikjarazzjoni ma tkunx inkluża f’passaport diġitali tal-prodotti li jissodisfa l-kondizzjonijiet stabbiliti fl-Artikolu 76 tkun disponibbli permezz tas-sistema tal-passaport diġitali tal-prodotti għall-bini stabbilita f’konformità mal-Artikolu 75.

Madankollu, meta lott tal-istess prodott jiġi pprovdut lil utent wieħed, dan jista’ jkun akkumpanjat minn kopja waħda tad-dikjarazzjoni dwar il-prestazzjoni u l-konformità..

2.   B’deroga mill-paragrafu 1 ta’ dan l-Artikolu, manifattur jista’ jagħmel id-dikjarazzjoni tal-prestazzjoni u tal-konformità msemmija fl-Artikolu 13(1) disponibbli fuq sit web, diment li l-manifattur jikkonforma mal-kondizzjonijiet kollha li ġejjin:

3.   Bħala parti mit-talba għall-istandardizzazzjoni msemmija fl-Artikolu 5(2), il-Kummissjoni tista’ titlob ukoll lill-organizzazzjoni Ewropea tal-istandardizzazzjoni toħroġ linji gwida biex tiżgura l-interoperabbiltà tal-formati li jinqraw mill-bniedem u mill-magni msemmija fil-paragrafu 2, il-punt (b) ta’ dan l-Artikolu.

4.   Il-manifattur għandu jipprovdi jew jagħmel disponibbli f’passaport tal-prodott f’konformità mal-paragrafu 1, jew fuq sit web f’konformità mal-paragrafu 2, id-dikjarazzjoni tal-prestazzjoni u tal-konformità bil-lingwa jew il-lingwi meħtieġa mill-Istati Membri fejn il-manifattur ikun biħsiebu jagħmel il-prodott disponibbli. Operatur ekonomiku ieħor li jagħmel prodott disponibbli fi Stat Membru ieħor għandu jagħmel disponibbli traduzzjoni jew traduzzjonijiet tad-dikjarazzjoni tal-prestazzjoni u tal-konformità bil-lingwi meħtieġa minn dak l-Istat Membru addizzjonali, flimkien mal-verżjoni oriġinali rispettiva.

1.   Il-markatura CE għandha tkun soġġetta għall-prinċipji ġenerali stabbiliti fl-Artikolu 30 tar-Regolament (KE) Nru 765/2008.

2.   Il-markatura CE għandha titwaħħal biss ma’ dawk il-prodotti li għalihom il-manifattur ikun fassal dikjarazzjoni tal-prestazzjoni u tal-konformità f’konformità mal-Artikoli 13 u 15. Il-markatura CE għandha titwaħħal mal-partijiet ewlenin.

3.   Billi jwaħħal jew wara li titwaħħal il-markatura CE, l-operatur ekonomiku jindika li huwa jerfa’ r-responsabbiltà għall-konformità tal-prodott mal-prestazzjoni ddikjarata u mar-rekwiżiti applikabbli tal-prodott stipulati f’konformità ma’ dan ir-Regolament. Billi jwaħħal il-markatura CE, l-operatur ekonomiku jsir responsabbli għall-prestazzjoni ddikjarata u l-issodisfar ta’ dawk ir-rekwiżiti f’konformità mal-liġi nazzjonali dwar ir-responsabbiltà kuntrattwali u ekstrakuntrattwali.

4.   Il-markatura CE għandha tkun l-unika marka li tattesta l-prestazzjoni tal-prodott fir-rigward tal-karatteristiċi essenzjali vvalutati f’konformità ma’ dan ir-Regolament, kif ukoll mal-konformità tal-prodott ma’ dan ir-Regolament.

1.   Il-markatura CE għandha titwaħħal mal-prodott b’mod li tkun tidher sewwa, tista’ tinqara u ma titħassarx. Fejn dan ma jkunx possibbli jew ġustifikat minħabba n-natura tal-prodott, il-markatura CE għandha titwaħħal ma’ tikketta mwaħħla mal-prodott jew mal-imballaġġ jew, meta lanqas dan ma jkun possibbli, mad-dokumenti ta’ akkumpanjament.

2.   Il-markatura CE għandha tkun segwita minn:

L-informazzjoni elenkata fil-punti (d) u (e) tal-ewwel subparagrafu ta’ dan il-paragrafu tista’ tiġi sostitwita b’mezz ta’ data, inkluża permalink konnessa mad-dikjarazzjoni tal-prestazzjoni u tal-konformità skont l-Artikolu 16(2), il-punt (e), jekk id-dikjarazzjoni tal-prestazzjoni u tal-konformità tkun disponibbli fuq sit web. L-informazzjoni elenkata fil-punti (d) u (e) tal-ewwel subparagrafu ta’ dan il-paragrafu tista’ titħalla barra jekk jiġi pprovdut mezz ta’ data msemmi fil-punt (g) tal-ewwel subparagrafu ta’ dan il-paragrafu.

3.   Il-markatura CE għandha titwaħħal qabel ma l-prodott jitqiegħed fis-suq. Din tista’ tiġi segwita minn pittogramma jew kwalunkwe marka oħra li tindika riskju jew użu speċjali

1.   Marki oħrajn għajr il-markatura CE, inklużi dawk privati, jistgħu jitwaħħlu fuq prodott biss jekk ma jindikawx li l-prestazzjoni tal-prodott fir-rigward tal-karatteristiċi essenzjali koperti minn speċifikazzjonijiet tekniċi armonizzati applikabbli kellha tiġi vvalutata b’mod differenti minn dak stabbilit b’dan ir-Regolament.

Ekotikketti tat-tip I rikonoxxuti uffiċjalment (EN ISO 14024) jistgħu jitwaħħlu ma’ prodott jekk jissodisfaw ir-rekwiżiti fl-ewwel subparagrafu.

2.   Marki permessi f’konformità mal-paragrafu 1 u ma’ marki oħra stabbiliti mil-leġiżlazzjoni tal-Unjoni jistgħu jitwaħħlu fuq prodott diment li ma jfixklux il-viżibbiltà, il-leġġibbiltà u t-tifsira tal-markatura CE.

3.   Meta prodott ikun kopert minn speċifikazzjoni teknika armonizzata, attestazzjoni magħmula minn operatur ekonomiku dwar il-prestazzjoni tal-prodott, li tikkonċerna karatteristika essenzjali koperta b’dik l-ispeċifikazzjoni teknika armonizzata, għandha tikkonforma mal-metodu ta’ valutazzjoni għal dik il-karatteristika essenzjali partikolari kif stabbilit fl-ispeċifikazzjonijiet tekniċi armonizzati.

4.   Meta prodott ikun kopert minn speċifikazzjonijiet tekniċi armonizzati, attestazzjonijiet dwar il-prestazzjoni tiegħu b’rabta mal-karatteristiċi essenzjali stipulati f’dawk l-ispeċifikazzjonijiet tekniċi armonizzati jistgħu jiġu pprovduti b’mod addizzjonali xi mkien ieħor minbarra fid-dikjarazzjoni tal-prestazzjoni u tal-konformità biss jekk diġà jkunu pprovduti fid-dikjarazzjoni tal-prestazzjoni u tal-konformità.

L-ewwel subparagrafu ma għandux japplika għal sitwazzjonijiet fejn, f’konformità mal-Artikolu 14, ma tkun tfasslet l-ebda dikjarazzjoni tal-prestazzjoni u tal-konformità.

1.   L-obbligi tal-operaturi ekonomiċi skont dan il-Kapitolu huma applikabbli biss fir-rigward ta’ prodotti koperti minn speċifikazzjoni teknika armonizzata, jew għal prodotti li ġew immarkati CE abbażi ta’ valutazzjoni teknika Ewropea.

2.   Operatur ekonomiku għandu jieħu l-miżuri kollha meħtieġa biex jiżgura konformità kontinwa ma’ dan ir-Regolament. Fejn ikun ġie ddikjarat nuqqas ta’ konformità tal-operatur ekonomiku jew ta’ prodott u tkun intalbet azzjoni korrettiva minn awtorità tas-sorveljanza tas-suq f’konformità mal-Artikolu 65(1), l-operatur ekonomiku għandu jissottometti rapporti tal-progress lil dik l-awtorità, sakemm dik l-awtorità tiddeċiedi li l-azzjoni korrettiva tista’ tingħalaq.

3.   Operatur ekonomiku għandu, fuq talba ta’ awtorità nazzjonali kompetenti, jidentifika lil dik l-awtorità kwalunkwe operatur ekonomiku jew attur ieħor:

Meta jidentifika l-operaturi ekonomiċi jew atturi oħra msemmija fl-ewwel subparagrafu, operatur ekonomiku għandu jinforma lill-awtorità nazzjonali kompetenti dwar, mill-inqas, dan li ġej:

4.   Operatur ekonomiku għandu jżomm id-dokumenti u l-informazzjoni kollha msemmija f’dan il-Kapitolu għad-dispożizzjoni tal-awtoritajiet nazzjonali kompetenti għal perjodu ta’ għaxar snin wara li l-operatur ekonomiku jkun forna jew ġie fornut bil-prodott jew is-servizz inkwistjoni, sakemm id-dokumenti jew l-informazzjoni ma jkunux saru disponibbli permezz tal-passaport diġitali tal-prodotti msemmi fl-Artikolu 76.Operatur ekonomiku għandu jippreżenta d-dokumentazzjoni u l-informazzjoni fi żmien 10 ijiem mill-wasla ta’ talba minn awtorità nazzjonali kompetenti.

5.   Operatur ekonomiku jista’ jirreġistra lilu nnifsu fis-sistema nazzjonali rispettiva tiegħu stabbilita f’konformità mal-Artikolu 71(5).

Operatur ekonomiku għandu jagħmel disponibbli għall-konsumaturi u l-utenti mezzi ta’ komunikazzjoni, inklużi n-numri tat-telefon, l-indirizzi tal-email jew taqsimiet dedikati tas-sit web tiegħu, li jippermettulu jikkomunika kwalunkwe aċċident, inċident ieħor jew kwistjoni ta’ sikurezza li jkun esperjenza bil-prodott.

6.   Meta operatur ekonomiku jqis li prodott mhux konformi jippreżenta riskju għas-saħħa u s-sikurezza tal-persuni jew għall-ambjent, huwa għandu jinforma b’dan minnufih lill-awtoritajiet nazzjonali kompetenti tal-Istati Membri li fihom ikun għamel il-prodott disponibbli, billi jagħti dettalji, b’mod partikolari, tan-nuqqas ta’ konformità u ta’ kwalunkwe miżura korrettiva meħuda. Operatur ekonomiku jista’ jinforma lill-awtoritajiet nazzjonali kompetenti bi kwalunkwe ksur probabbli ta’ dan ir-Regolament li jsir konxju tiegħu, b’nuqqas ta’ konformità u bi kwalunkwe miżura korrettiva meħuda.

7.   Operatur ekonomiku għandu jkun responsabbli għall-ksur ta’ dan l-Artikolu jew tal-Artikoli f’dan il-Kapitolu relatati mal-attivitajiet tiegħu, f’konformità mal-liġi nazzjonali dwar ir-responsabbiltà kuntrattwali u ekstrakuntrattwali.

1.   Manifattur għandu jkollu d-dritt li jitlob lill-fornituri u lill-fornituri tas-servizzi tiegħu l-informazzjoni meħtieġa fir-rigward tal-prodotti tagħhom biex jissodisfa l-obbligi tiegħu skont dan ir-Regolament.

2.   Jekk il-manifattur ikun soġġett għal kompiti ta’ parti terza mwettqa minn korp notifikat, il-manifattur għandu jkollu d-dritt li jitlob lill-fornituri jew lill-fornituri tas-servizzi tiegħu li jippermettu li dak il-korp notifikat ikollu aċċess għad-dokumentazzjoni tagħhom u għall-bini tagħhom sa fejn il-korp notifikat ikun jeħtieġ tali aċċess sabiex iwettaq il-kompiti tiegħu.

3.   Id-drittijiet stabbiliti fil-paragrafu 1 japplikaw ukoll għal manifattur li jqiegħed fis-suq prodott użat jew manifatturat mill-ġdid fir-rigward tal-fornitur tal-prodott użat, inkluż il-persuna responsabbli mid-deinstallazzjoni fejn applikabbli. L-informazzjoni meħtieġa tista’ tinkludi, iżda mhijiex limitata għal, informazzjoni dwar l-użu preċedenti tal-prodott u dwar il-proċess ta’ deinstallazzjoni tiegħu.

4.   Manifattur għandu jkollu d-dritt li jitlob lill-fornituri u lill-fornituri tas-servizzi tiegħu d-data u l-kalkoli meħtieġa skont l-Artikolu 15(2) fir-rigward tal-provvisti jew is-servizzi pprovduti, inklużi r-rapporti ta’ validazzjoni meħtieġa maħruġa minn korp notifikat.

1.   Meta jqiegħdu prodott fis-suq, il-manifattur għandu jiddetermina t-tip ta’ prodott, filwaqt li jirrispetta l-limiti stabbiliti għalhekk mid-definizzjoni pprovduta fl-Artikolu 3, il-punt (27). Il-manifattur għandu jiżgura li l-prestazzjoni tal-prodott tiġi vvalutata b’rabta kemm mal-karatteristiċi essenzjali obbligatorji kif ukoll ma’ dawk il-karatteristiċi essenzjali maħsuba biex jiġu ddikjarati. Jekk il-prodott ikun kopert mir-rekwiżiti tal-prodott stabbiliti mill-atti delegati msemmija fl-Artikolu 7(1), il-manifattur għandu jiżgura li l-prodott ikun ġie ddisinjat u mibni wkoll f’konformità ma’ dawk ir-rekwiżiti.

Persuna fiżika jew ġuridika li timmanifattura prodott bl-użu tal-istampar 3-D għandha tissodisfa l-obbligi tal-manifatturi meta jqegħduh fis-suq. L-obbligi għandhom jinkludu, iżda mhumiex limitati għal, l-użu ta’ settijiet tad-data 3-D xierqa, l-użu ta’ materjali konformi mal-proċeduri applikabbli skont dan ir-l-verifika tal-kompatibbiltà tas-settijiet tad-data 3-D, il-materjal tal-istampar u t-teknoloġija tal-istampar użata.

2.   Meta l-konformità ta’ prodott mar-rekwiżiti applikabbli u l-prestazzjoni tiegħu fir-rigward tal-karatteristiċi essenzjali msemmija fil-paragrafu 1 ta’ dan l-Artikolu jkunu ntwerew li huma f’konformità mas-sistema jew mas-sistemi ta’ valutazzjoni u verifika applikabbli stabbiliti fl-Anness IX, il-manifattur għandu jfassal dikjarazzjoni tal-prestazzjoni u tal-konformità f’konformità mal-Artikoli 13 sa 15, iwaħħal il-markatura CE f’konformità mal-Artikoli 17 u 18 u, meta applikabbli, jiżgura d-disponibbiltà tal-ispare parts li ma jkunux disponibbli b’mod komuni fis-suq, kif imsemmi fil-paragrafu 8 ta’ dan l-Artikolu, u jwaħħal it-tikkettar skont il-paragrafu 9 ta’ dan l-Artikolu.

3.   Il-manifattur għandu, bħala l-bażi għad-dikjarazzjoni tal-prestazzjoni u tal-konformità jfassal dokumentazzjoni teknika li fiha huwa għandu jindika:

4.   Il-manifattur għandu jiżgura li jkun hemm fis-seħħ proċeduri biex jiġi żgurat li l-prodotti jissodisfaw il-prestazzjoni ddikkjarata u jibqgħu konformi ma’ dan ir-Regolament. Id-disinn tal-prodott, inklużi s-settijiet tad-data 3-D, il-proċessi tal-produzzjoni u l-materjal użat għandu jkun xieraq. Meta l-prodott jiġi manifatturat fi produzzjoni f’serje, il-manifattur għandu jiżgura li jkun hemm proċeduri fis-seħħ biex jiżgura li jżomm il-prestazzjoni ddikjarata tiegħu u jibqa’ konformi ma’ dan ir-Regolament. Il-bidliet fid-disinn tal-prodott, inklużi s-settijiet tad-data 3-D, il-proċess tal-produzzjoni u l-materjal użat għandhom ikunu xierqa. Il-bidliet fl-ispeċifikazzjonijiet tekniċi armonizzati applikabbli għandhom jitqiesu b’mod adegwat u, fejn il-prestazzjoni jew il-konformità tal-prodott jiġu affettwati, għandhom jiskattaw valutazzjoni mill-ġdid f’konformità mal-proċedura ta’ valutazzjoni rilevanti.

Il-manifattur għandu, fejn jitqies xieraq fir-rigward tal-iżgurar tal-akkuratezza, l-affidabbiltà u l-istabbiltà tal-prestazzjoni ddikjarata u tal-konformità ta’ prodott, iwettaq l-ittestjar ta’ kampjuni ta’ prodotti mqiegħda jew magħmula disponibbli fis-suq, jinvestiga, u, jekk ikun meħtieġ, iżomm reġistru ta’ lmenti, ta’ prodotti mhux konformi u ta’ prodotti msejħa lura mis-suq, u għandu jżomm lill-importaturi u lid-distributuri informati b’dan.

5.   Il-manifattur għandu jiżgura li l-prodotti tiegħu jkollhom kodiċi uniku ta’ identifikazzjoni speċifiku għall-manifattur tat-tip ta’ prodott u, meta disponibbli, numru tal-lott jew tas-serje li jkun faċilment viżibbli u leġġibbli għall-utenti. Meta dan ma jkunx possibbli minħabba n-natura tal-prodott, l-informazzjoni meħtieġa għandha tiġi pprovduta fuq tikketta mwaħħla, fuq l-imballaġġ jew meta lanqas dak ma jkun possibbli, f’dokument li jakkumpanja l-prodott.

Il-manifattur għandu, bl-istess mod kif stabbilit fl-ewwel subparagrafu, jittikketta prodott bħala “Għal użu professjonali biss” jekk l-għarfien espert huwa meħtieġ sabiex jintuża u għandu juri t-tikketta lill-klijenti qabel ma jkunu marbuta b’kuntratt ta’ bejgħ, inkluż fil-każ ta’ bejgħ mill-bogħod. Il-prodotti mhux ittikkettati “Għal użu professjonali biss” għandhom jitqiesu li huma maħsuba wkoll għall-utenti mhux professjonali u għall-konsumaturi skont it-tifsira ta’ dan ir-Regolament u tar-Regolament (UE) 2023/988.

Il-manifattur għandu juri lill-konsumaturi, qabel ma jkunu marbuta b’kuntratt tal-bejgħ, inkluż fil-każ ta’ bejgħ mill-bogħod, l-informazzjoni li trid tiġi pprovudta skont dan ir-Regolament.

6.   Meta jagħmel prodott disponibbli fis-suq, il-manifattur għandu jiżgura li huwa jkun akkumpanjat minn informazzjoni ġenerali dwar il-prodott, istruzzjonijiet għall-użu u informazzjoni dwar is-sikurezza, kif stabbilit fl-Anness IV b’lingwa ddeterminata mill-Istat Membru kkonċernat jew, fin-nuqqas ta’ tali determinazzjoni, b’lingwa li tista’ tinftiehem faċilment mill-utenti.

7.   Sa 18-il xahar wara d-dħul fis-seħħ tal-att delegat imsemmi fl-Artikolu 75(1), il-manifattur għandu jagħmel disponibbli passaport tal-prodotti msemmi fl-Artikolu 76, permezz tas-sistema ta’ passaport diġitali tal-prodotti għall-bini msemmija fl-Artikolu 75, konness ma’ mezz ta’ data msemmi fl-Artikolu 18(2), il-punt (g).

8.   Sabiex tiġi żgurata d-disponibbiltà ta’ spare parts mhux disponibbli b’mod komuni fis-suq, il-Kummissjoni għandha s-setgħa li tadotta atti delegati f’konformità mal-Artikolu 89 biex tissupplimenta dan ir-Regolament, billi timponi fir-rigward ta’ ċerti familji ta’ prodotti u kategoriji ta’ prodotti obbligu fuq il-manifatturi li jagħmlu disponibbli fis-suq spare parts speċifiċi li ma jkunux disponibbli b’mod komuni għall-prodotti li jqiegħdu fis-suq.

L-obbligu stabbilit mill-atti delegati msemmija fl-ewwel subparagrafu ta’ dan il-paragrafu għandu japplika għal perjodu ta’ 10 snin wara li l-aħħar prodott tat-tip rispettiv ikun tqiegħed fis-suq, sakemm l-att delegat ma jistabbilixxix perjodu differenti.

Il-manifatturi soġġetti għall-obbligu stabbilit fl-ewwel paragrafu għandhom joffru l-ispare parts f’perjodu ta’ konsenja raġonevolment qasir, bi prezz raġonevoli u mhux diskriminatorju, u għandhom jinfurmaw lill-pubbliku b’dan.

9.   Sabiex tiġi żgurata t-trasparenza għall-utenti u jiġu promossi prodotti sostenibbli, il-Kummissjoni għandha s-setgħa li tadotta atti delegati f’konformità mal-Artikolu 89 biex tissupplimenta dan ir-Regolament, billi tistabbilixxi rekwiżiti speċifiċi tat-tikkettar tas-sostenibbiltà ambjentali għal familji ta’ prodotti u kategoriji ta’ prodotti partikolari meta jiġu ssodisfati l-kondizzjonijiet li ġejjin:

It-tikkettar għandu jkun ibbażat fuq il-prestazzjoni tal-prodott, kif ivvalutat skont l-Artikolu 5(1) jew l-Artikolu 6(1), u għandu jipprovdi informazzjoni faċli għall-konsumatur li tinftiehem minn dawk li mhumiex esperti.

10.   L-atti delegati msemmija fil-paragrafu 9 għandhom jiddeterminaw il-mod li bih il-manifattur għandu jwaħħal it-tikketta, billi jispeċifika dan li ġej:

11.   Il-manifattur li jqis jew li jkollu raġuni biex jemmen li prodott li jkun qiegħed fis-suq ma jkunx konformi mal-prestazzjoni ddikjarata jew ma jikkonformax ma’ dan ir-Regolament għandu minnufih jieħu l-miżuri korrettivi meħtieġa sabiex dak il-prodott isir konformi, jew, jekk ikun xieraq, sabiex tali prodott jiġi rtirat jew imsejjaħ lura mis-suq. Jekk il-kwistjoni tkun marbuta ma’ komponent fornut jew ma’ servizz ipprovdut esternament, il-manifattur għandu jinforma b’dan lill-fornitur jew lill-fornitur tas-servizz u lill-awtorità nazzjonali kompetenti tal-manifattur.

12.   Meta l-prodott jippreżenta riskju, il-manifattur għandu, mingħajr dewmien żejjed u mhux aktar tard minn tlett ijiem tax-xogħol, jinforma lir-rappreżentanti awtorizzati, lill-importaturi, lid-distributuri, lill-fornituri ta’ servizzi ta’ ġestjoni, u lis-swieq online kollha involuti fid-distribuzzjoni, kif ukoll l-awtoritajiet nazzjonali kompetenti tal-Istati Membri li fihom il-manifattur jew – sa fejn jaf – operaturi ekonomiċi oħrajn ikunu għamlu l-prodott disponibbli. Il-manifattur għandu, għal dak il-għan, jipprovdi d-dettalji utli kollha u, b’mod partikolari, jispeċifika t-tip tan-nuqqas ta’ konformità, il-frekwenza tal-aċċidenti jew tal-inċidenti u l-miżuri korrettivi meħuda jew rakkomandati. F’każ ta’ riskji kkawżati minn prodotti li jkunu diġà waslu għand utent jew konsumatur finali li ma jistgħux jiġu identifikati jew ikkuntattjati direttament, il-manifattur għandu, permezz tal-media u kanali oħra xierqa, jiżgura li jilħaq l-akbar udjenza possibbli, ixerred informazzjoni dwar miżuri xierqa biex jiġu eliminati jew, jekk ma jkunx possibbli, jitnaqqsu r-riskji. Fejn ikun hemm riskju serju, il-manifattur għandu jirtira u jsejjaħ lura l-prodott għas-spejjeż tiegħu stess.

1.   Manifattur stabbilit fl-Unjoni jista’ jaħtar, b’mandat bil-miktub, kwalunkwe persuna fiżika jew ġuridika stabbilita fl-Unjoni bħala rappreżentant awtorizzat uniku. Manifattur li ma jkunx stabbilit fl-Unjoni għandu jaħtar rappreżentant awtorizzat wieħed.

It-tfassil ta’ dokumentazzjoni teknika ma għandux jagħmel parti mill-mandat tar-rappreżentant awtorizzat.

2.   Ir-rappreżentant awtorizzat għandu jwettaq il-kompiti speċifikati fil-mandat riċevuti mill-manifattur. Il-mandat għandu jippermetti lir-rappreżentant awtorizzat iwettaq mill-inqas dan li ġej:

3.   Ir-rappreżentant awtorizzat għandu jivverifika fil-livell dokumentarju li:

4.   Meta rappreżentant awtorizzat jidentifika każ ta’ nuqqas ta’ konformità msemmi fil-paragrafu 3 ta’ dan l-Artikolu, ir-rappreżentant awtorizzat għandu jitlob lill-manifattur jaġixxi f’konformità mal-Artikolu 22(11) u (12).

1.   L-importaturi għandhom iqiegħdu fis-suq prodotti biss li huma konformi ma’ dan ir-Regolament.

2.   Qabel ma jqiegħed prodott fis-suq, l-importatur għandu jiżgura li l-manifattur ikun wera l-konformità tal-prodott mar-rekwiżiti applikabbli u l-prestazzjoni tiegħu fir-rigward tal-karatteristiċi essenzjali rilevanti f’konformità mal-Artikolu 22(1) u (2).

L-importatur għandu jiżgura li:

3.   L-importatur għandu jivverifika li l-użu tal-prodott ikun ġie dikjarat mill-manifattur, u għandu jiżgura li l-prodott ikun akkumpanjat minn informazzjoni ġenerali dwar il-prodott, istruzzjonijiet għall-użu, u informazzjoni dwar is-sikurezza kif stabbilit fl-Anness IV b’lingwa ddeterminata mill-Istat Membru kkonċernat jew, fin-nuqqas ta’ tali determinazzjoni, b’lingwa li tista’ tinftiehem faċilment mill-utenti. L-importatur għandu, juri lill-konsumaturi, b’mod viżibbli, qabel ma jkunu marbuta b’kuntratt ta’ bejgħ, inkluż fil-każ ta’ bejgħ mill-bogħod, l-informazzjoni li għandha tiġi pprovduta skont dan ir-Regolament jew l-ispeċifikazzjonijiet tekniċi armonizzati.

4.   L-importatur għandu jiżgura li, waqt li prodott ikun taħt ir-responsabbiltà tiegħu, il-kondizzjonijiet tal-ħżin jew tat-trasport ma jipperikolawx il-konformità tiegħu mad-dikjarazzjoni tal-prestazzjoni u tal-konformità, jew mal-konformità tiegħu ma’ rekwiżiti applikabbli oħrajn f’dan ir-Regolament.

5.   Meta importatur iqis jew ikollu raġuni biex jemmen li l-prodott ma jkunx konformi mad-dikjarazzjoni tal-prestazzjoni u tal-konformità, jew ma jkunx konformi ma’ rekwiżiti applikabbli oħrajn f’dan ir-Regolament, l-importatur ma għandux iqiegħed il-prodott fis-suq, qabel ma dan jikkonforma mad-dikjarazzjoni tal-prestazzjoni u tal-konformità li takkumpanjah u jikkonforma mar-rekwiżiti applikabbli l-oħrajn f’dan ir-Regolament jew sakemm tiġi kkoreġuta d-dikjarazzjoni tal-prestazzjoni u tal-konformità. Barra minn hekk, fejn il-prodott jippreżenta riskju, l-importatur għandu jinforma b’dan lill-manifattur u lill-awtorità nazzjonali kompetenti.

6.   L-importatur għandu jindika ismu, l-isem kummerċjali rreġistrat jew it-trademark irreġistrata tiegħu, il-post tan-negozju tiegħu, l-indirizz ta’ kuntatt tiegħu u, fejn disponibbli, il-mezzi elettroniċi ta’ komunikazzjoni, jew dwar il-prodott jew, fejn dan ma jkunx possibbli, fuq l-imballaġġ tiegħu jew f’dokument li jakkumpanja l-prodott.

7.   L-importatur għandu jinvestiga l-ilmenti u, jekk ikun meħtieġ, iżomm reġistru tal-ilmenti, ta’ prodotti mhux konformi u tal-irtirar jew tas-sejħiet lura ta’ prodotti, u għandu jżomm lill-manifatturi u lid-distributuri informati bi kwalunkwe monitoraġġ bħal dan.

8.   L-importaturi li jqisu jew li jkollhom raġuni biex jemmnu li prodott, li huma jkunu qiegħdu fuq is-suq, ma jkunx konformi mal-prestazzjoni ddikjarata tiegħu jew mhux konformi ma’ rekwiżiti oħrajn applikabbli f’dan ir-Regolament, għandhom minnufih jieħdu l-miżuri korrettivi meħtieġa biex il-prodott isir konformi, jew, jekk ikun xieraq, jiġi rtirat jew imsejjaħ lura mis-suq. Barra minn hekk, meta l-prodott joħloq riskju, l-importaturi għandhom jinformaw minnufih lill-awtoritajiet nazzjonali kompetenti tal-Istati Membri fejn ikunu qiegħdu l-prodott fis-suq għal dan il-għan, billi jagħtu d-dettalji, b’mod partikolari, dwar in-nuqqas tal-konformità u dwar kwalunkwe miżura korrettiva meħuda.

9.   L-importaturi li jbigħu lill-utenti finali għandhom jissodisfaw ukoll l-obbligi tad-distributuri.

1.   Meta jagħmlu prodotti disponibbli fis-suq, id-distributuri għandhom jaġixxu bl-attenzjoni dovuta b’rabta mal-obbligi ta’ dan ir-Regolament.

2.   Qabel ma jagħmlu prodott disponibbli fis-suq, id-distributur għandu jivverifika li:

3.   Id-distributur għandu juri, b’mod viżibbli, lill-klijenti qabel ma jintrabtu b’kuntratt ta’ bejgħ, inkluż fil-każ ta’ bejgħ mill-bogħod, l-informazzjoni li għandha tiġi pprovduta skont dan ir-Regolament.

4.   Meta distributur iqis jew ikollu raġuni biex jemmen li l-prodott ma jkunx konformi mal-prestazzjoni ddikjarata jew ma jkunx konformi ma’ rekwiżiti applikabbli oħrajn f’dan ir-Regolament, id-distributur ma għandux iqiegħed il-prodott fis-suq, qabel ma dan jikkonforma mad-dikjarazzjoni tal-prestazzjoni u tal-konformità li takkumpanjah u jikkonforma mar-rekwiżiti applikabbli l-oħrajn f’dan ir-Regolament. Barra minn hekk, meta l-prodott joħloq riskju, id-distributur għandu jinforma b’dan lill-manifattur u lill-awtorità nazzjonali kompetenti responsabbli.

5.   L-importatur għandu jiżgura li, waqt li prodott ikun taħt ir-responsabbiltà tiegħu, il-kondizzjonijiet tal-ħżin jew tat-trasport ma jipperikolawx il-konformità tal-prodott mal-prestazzjoni ddikjarata jew il-konformità tiegħu ma’ rekwiżiti applikabbli oħrajn f’dan ir-Regolament.

6.   Id-distributur li jqis jew li jkollu raġuni biex jemmen li prodott, li jkun qiegħed fis-suq, ma jkunx konformi mal-prestazzjoni ddikjarata tiegħu jew mhux konformi ma’ rekwiżiti applikabbli f’dan ir-Regolament għandu minnufih jieħu l-miżuri korrettivi meħtieġa sabiex dak il-prodott isir konformi, jew, jekk ikun xieraq, sabiex tali prodott jiġi rtirat jew imsejjaħ lura mis-suq. Barra minn hekk, meta l-prodott joħloq riskju, id-distributur għandu jinforma minnufih lill-awtoritajiet nazzjonali kompetenti tal-Istati Membri fejn huma jkunu qiegħdu l-prodott fis-suq dwar dan, billi jagħtu d-dettalji, b’mod partikolari, dwar in-nuqqas ta’ konformità u dwar kwalunkwe miżura korrettiva meħuda.

1.   Importatur jew distributur għandu jitqies bħala manifattur għall-finijiet ta’ dan ir-Regolament u għandu jkun soġġett għall-obbligi ta’ manifattur skont l-Artikoli 22, fejn:

2.   Il-paragrafu 1 għandu japplika wkoll għal operatur ekonomiku li jqiegħed fis-suq:

3.   Il-paragrafu 1 ma għandux japplika meta l-operatur ekonomiku:

4.   Operatur ekonomiku li jipprovdi l-attivitajiet elenkati fil-paragrafu 3 għandu jinforma b’dan lill-manifattur jew lir-rappreżentant awtorizzat tiegħu, irrispettivament minn jekk dak l-operatur ekonomiku ikunx sid il-prodotti jew jipprovdi servizzi. Huwa għandu jagħmel l-imballaġġ mill-ġdid b’tali mod li la l-kondizzjoni oriġinali tal-prodott u lanqas l-konformità tiegħu ma’ dan ir-Regolament ma jkunu affettwati mill-imballaġġ mill-ġdid, u b’tali mod li l-informazzjoni meħtieġa minn dan ir-Regolament xorta tiġi pprovduta b’mod korrett. L-operatur ekonomiku għandu jaġixxi bl-attenzjoni dovuta b’rabta mal-obbligi ta’ dan ir-Regolament.

1.   Meta jikkontribwixxu għat-tqegħid għad-dispożizzjoni fis-suq ta’ prodott, il-fornituri tas-servizzi ta’ ġestjoni għandhom jaġixxu bl-attenzjoni dovuta b’rabta mal-obbligi ta’ dan ir-Regolament.

2.   Fornitur tas-servizzi ta’ ġestjoni għandu jiżgura li t-tikkettar u d-dokumenti fornuti mill-manifattur jew mill-importatur ikunu disponibbli jew jakkumpanjaw il-prodott, u b’mod partikolari:

3.   Fornitur tas-servizzi ta’ ġestjoni għandu jiżgura li l-kondizzjonijiet matul il-ħażna, l-imballaġġ, l-indirizzar jew id-dispaċċ ma jipperikolawx il-konformità tal-prodott mal-prestazzjoni ddikjarata tiegħu jew mal-konformità tiegħu ma’ rekwiżiti applikabbli oħra f’dan ir-Regolament. Il-manifatturi jew l-importaturi ta’ prodotti għall-bini għandhom jipprovdu lill-fornituri tas-servizzi ta’ ġestjoni bl-informazzjoni dettaljata meħtieġa biex tiġi żgurata s-sikurezza tal-ħżin, l-imballaġġ, l-indirizzar jew id-dispaċċ, u l-funzjonament ulterjuri tal-prodott.

4.   Il-fornituri tas-servizzi ta’ ġestjoni għandhom jappoġġaw l-irtirar jew is-sejħiet lura ta’ prodotti mis-suq, irrispettivament minn jekk jinbdewx minn awtoritajiet tas-sorveljanza tas-suq, manifatturi, rappreżentanti awtorizzati jew importaturi.

5.   Meta fornitur tas-servizzi ta’ ġestjoni jqis jew ikollu raġuni biex jemmen li l-prodott ma jkunx konformi mad-dikjarazzjoni tal-prestazzjoni u tal-konformità jew ma jkunx konformi ma’ rekwiżiti applikabbli oħrajn f’dan ir-Regolament, huwa ma għandux iqiegħed il-prodott fis-suq, qabel ma dan jikkonforma mad-dikjarazzjoni rilevanti tal-prestazzjoni u tal-konformità, u jikkonforma mar-rekwiżiti applikabbli l-oħrajn f’dan ir-Regolament, jew sakemm tiġi kkoreġuta d-dikjarazzjoni tal-prestazzjoni u tal-konformità. Barra minn hekk, meta l-prodott joħloq riskju, il-fornitur tas-servizzi ta’ ġestjoni għandu jinforma b’dan lill-manifattur u lill-awtorità nazzjonali kompetenti responsabbli.

1.   Suq online għandu:

2.   Sa fejn huma kkonċernati s-setgħat mogħtija mill-Istati Membri f’konformità mal-Artikolu 14 tar-Regolament (UE) 2019/1020, l-Istati Membri għandhom jagħtu lill-awtoritajiet tas-sorveljanza tas-suq tagħhom is-setgħa, fir-rigward tal-prodotti kollha koperti minn dan ir-Regolament, li jordnaw lil suq online biex ineħħi kontenut illegali speċifiku li jirreferi għal prodott mhux konformi mill-interfaċċja online tiegħu, jiddiżattiva l-aċċess għalih jew juri twissija espliċita lill-utenti finali meta jaċċessawh. Tali ordnijiet għandhom jikkonformaw mal-Artikolu 9 tar-Regolament (UE) 2022/2065.

3.   Suq online għandu jieħu l-miżuri meħtieġa biex f’konformità mal-Artikolu 9 tar-Regolament (UE) 2022/2065 jirċievi u jipproċessa l-ordnijiet imsemmija fil-paragrafu 2 ta’ dan l-Artikolu.

4.   Dan l-Artikolu għandu japplika wkoll għall-manifatturi, għall-importaturi, jew għad-distributuri li joffru prodotti online mingħajr l-involviment ta’ suq online.

1.   Il-prodotti offruti għall-bejgħ online jew permezz ta’ mezzi oħrajn ta’ bejgħ mill-bogħod għandhom jitqiesu li saru disponibbli fis-suq jekk l-offerta tkun immirata lejn klijenti fl-Unjoni. Offerta għall-bejgħ għandha titqies li hija mmirata lejn klijenti fl-Unjoni jekk l-operatur ekonomiku rilevanti jidderieġi, bi kwalunkwe mezz, l-attivitajiet tiegħu lejn Stat Membru. Offerta għandha, fost l-oħrajn, titqies li hija mmirata lejn klijenti fl-Unjoni meta:

Il-kondizzjonijiet elenkati fl-ewwel subparagrafu ma għandhomx japplikaw jekk l-operatur ekonomiku jeskludi b’mod espliċitu u effettiv is-suq tal-Unjoni.

2.   Meta operatur ekonomiku jagħmel prodott disponibbli fis-suq online jew permezz ta’ mezzi oħra ta’ bejgħ mill-bogħod, l-offerta ta’ dak il-prodott għandha, fejn meħtieġ, tindika b’mod ċar u viżibbli l-markatura CE, l-informazzjoni elenkata fl-Artikolu 18(2), it-tikketta skont l-Artikolu 22(9) u mezz tad-data konness ma’ passaport diġitali tal-prodotti f’konformità mal-Artikolu 22(7).

3.   Kwalunkwe persuna fiżika jew ġuridika li tipprovdi servizz intermedjarju għat-tqegħid fis-suq ta’ prodotti għandha tissodisfa l-obbligi ta’ operatur ekonomiku skont il-paragrafu 2 fir-rigward tas-servizzi pprovduti.

1.   Il-metodi u l-kriterji għall-valutazzjoni tal-prestazzjoni tal-prodotti, inklużi l-prodotti użati, b’rabta mal-karatteristiċi essenzjali tagħhom jistgħu jiġu stabbiliti fid-dokumenti Ewropej ta’ valutazzjoni dment li l-prodotti ma jkunux koperti minn:

2.   Prodott ma għandux jitqies bħala kopert minn standards armonizzati jew atti ta’ implimentazzjoni msemmija fil-paragrafu 1 meta:

3.   Wara talba għal valutazzjoni teknika Ewropea minn manifattur, minn grupp ta’ manifatturi jew minn assoċjazzjoni tal-manifatturi, jew fuq l-inizjattiva tal-Kummissjoni, l-organizzazzjoni tal-korpi VT, bi qbil mal-Kummissjoni, tista’ tfassal u tadotta dokument Ewropew ta’ valutazzjoni.

Ir-rekwiżiti bażiċi għax-xogħlijiet ta’ bini stabbiliti fl-Anness I u l-lista ta’ karatteristiċi essenzjali ambjentali predeterminati stabbiliti fl-Anness II għandhom jikkostitwixxu l-bażi għat-tħejjija tad-dokumenti Ewropej ta’ valutazzjoni. L-iżvilupp u l-adozzjoni ta’ dokument Ewropew ta’ valutazzjoni għandhom isegwu l-prinċipji u l-proċedura stabbiliti fl-Artikolu 32.

4.   Id-dokumenti Ewropej ta’ valutazzjoni ma għandhomx jitfasslu b’rabta ma’ karatteristika essenzjali ta’, jew metodu ta’ valutazzjoni għal, prodott meta jkun hemm dokument Ewropew ta’ valutazzjoni ieħor li jkopri l-istess karatteristika essenzjali jew metodu ta’ valutazzjoni b’rabta ma’ dak il-prodott speċifiku, li r-referenza tiegħu tkun diġà ġiet ippubblikata f’Il-Ġurnal Uffiċjali tal-Unjoni Ewropea, jew li jkun ġie sottomess lill-Kummissjoni għall-valutazzjoni f’konformità mal-Artikolu 34(1).

5.   L-organizzazzjoni tal-korpi VT u l-Kummissjoni jistgħu jgħaqqdu jew jirrifjutaw it-talbiet għall-iżvilupp ta’ dokument Ewropew ta’ valutazzjoni, f’konformita mal-punt 5 tal-Anness VI.

6.   Mad-data tal-applikazzjoni obbligatorja ta’ speċifikazzjoni teknika armonizzata adottata f’konformità mal-Artikolu 5(8) jew mal-Artikolu 6(1), u li tkopri l-istess prodott u l-istess użu intiż bħal dokument Ewropew ta’ valutazzjoni, id-dokument Ewropew ta’ valutazzjoni ma għandux jibqa’ jintuża għall-finijiet ta’ dan ir-Regolament. F’dak il-każ, il-Kummissjoni għandha tirtira r-referenza tad-dokument Ewropew ta’ valutazzjoni minn Il-Ġurnal Uffiċjali tal-Unjoni Ewropea.

7.   Id-dokumenti Ewropej ta’ valutazzjoni għandhom jikkostitwixxu l-bażi għall-valutazzjonijiet tekniċi Ewropej stabbiliti fl-Artikolu 37.

1.   Meta jiżviluppaw u jadottaw dokumenti Ewropej ta’ valutazzjoni, il-korpi VT individwali u l-organizzazzjoni tal-korpi VT għandhom isegwu l-proċedura stabbilita fl-Anness VI.

2.   Meta jiżviluppaw u jadottaw dokumenti Ewropej ta’ valutazzjoni, il-korpi VT individwali u l-organizzazzjoni tal-korpi VT għandhom:

L-ibbilanċjar tar-rekwiżiti stabbiliti fil-punti (a) u (b) tal-ewwel subparagrafu għandu mill-inqas jippermetti d-divulgazzjoni tal-isem tal-prodott fl-istadju tal-approvazzjoni u l-komunikazzjoni tal-programm ta’ ħidma, kif stabbilit fil-punt 3 tal-Anness VI, u d-divulgazzjoni tal-kontenut dettaljat tal-abbozz tad-dokument Ewropew ta’ valutazzjoni stabbilit fil-punt 8 tal-Anness VI.

3.   Il-korpi VT għandhom, flimkien mal-organizzazzjoni tal-korpi VT, iġarrbu l-kostijiet kollha tal-iżvilupp u tal-adozzjoni tad-dokumenti Ewropej ta’ valutazzjoni, sakemm tali żvilupp ma jkunx inbeda mill-Kummissjoni.

4.   Il-korpi VT u l-organizzazzjoni tal-korpi VT għandhom jevitaw il-proliferazzjoni tad-dokumenti Ewropej ta’ valutazzjoni meta ma jkun hemm l-ebda ġustifikazzjoni teknika għad-differenzjazzjoni bejn il-prodotti. Huma għandhom, b’mod partikolari, jagħtu preferenza lill-estensjoni tal-kamp ta’ applikazzjoni ta’ dokumenti Ewropej ta’ valutazzjoni eżistenti pjuttost milli lill-ħolqien ta’ dokumenti Ewropej ta’ valutazzjoni ġodda.

5.   Il-Kummissjoni għandha s-setgħa li tadotta, wara konsultazzjonijiet mal-organizzazzjoni tal-korpi VT, atti delegati f’konformità mal-Artikolu 89 biex temenda l-Anness VI sabiex jiżdiedu regoli proċedurali addizzjonali għall-iżvilupp u l-adozzjoni ta’ dokument Ewropew ta’ valutazzjoni, meta dan ikun meħtieġ biex jiġi żgurat il-funzjonament tajjeb tas-sistema ta’ dokumenti Ewropej ta’ valutazzjoni.

1.   Meta jirċievi talba għal valutazzjoni teknika Ewropea minn manifattur, minn grupp ta’ manifatturi jew minn assoċjazzjoni tal-manifatturi, il-korp VT għandu jikkonforma mar-rekwiżiti li ġejjin:

Fil-każijiet imsemmija fil-punt (c) tal-ewwel subparagrafu ta’ dan l-Artikolu, iżda meta standard armonizzat li jkopri l-istess prodott ikun mistenni li jingħata f’perjodu itwal minn sena kif stabbilit f’talba għall-standardizzazzjoni msemmija fl-Artikolu 5(2), il-korp VT għandu jinforma lill-applikant dwar il-possibbiltà li dokument Ewropew ta’ valutazzjoni ma jibqax jintuża skont l-Artikolu 31(6).

2.   Fil-każijiet imsemmija fil-paragrafu 1, l-ewwel subparagrafu, il-punti (b) u (c), ta’ dan l-Artikolu, il-korp VT għandu jinforma lill-organizzazzjoni tal-korpi VT u lill-Kummissjoni bil-kontenut tat-talba u bir-referenza għal att delegat rilevanti li jiddetermina s-sistema ta’ valutazzjoni u verifika msemmija fl-Artikolu 10(2), li l-korp VT biħsiebu japplika għal dak il-prodott, jew bin-nuqqas ta’ tali att delegat.

3.   Jekk il-Kummissjoni tqis li ma jeżistix att delegat xieraq li jiddetermina s-sistema ta’ valutazzjoni u verifika għall-prodott, hija tista’ tadotta att delegat f’konformità mal-Artikolu 10(2).

1.   Il-Kummissjoni għandha, f’konformità mal-punt 9 tal-Anness VI, tivvaluta l-konformità tad-dokumenti Ewropej ta’ valutazzjoni mal-ispeċifikazzjonijiet tekniċi armonizzati, ma’ dan ir-Regolament u ma’ leġiżlazzjoni oħra tal-Unjoni. Meta dokument Ewropew ta’ valutazzjoni jkun f’konformità mar-rekwiżiti legali applikabbli, il-Kummissjoni għandha mingħajr dewmien tippubblika referenza ta’ dak id-dokument f’Il-Ġurnal Uffiċjali tal-Unjoni Ewropea. Meta referenza għal dokumenti Ewropej ta’ valutazzjoni ma tkunx tista’ tiġi ppubblikata f’Il-Ġurnal Uffiċjali tal-Unjoni Ewropea, il-Kummissjoni tista’ tippubblika tali referenza b’restrizzjonijiet.

2.   Wara l-pubblikazzjoni f’konformità mal-paragrafu 1 ta’ dan l-Artikolu, dokument Ewropew ta’ valutazzjoni jista’, f’konformità mal-Artikolu 37, jintuża bħala bażi għal valutazzjoni teknika Ewropea għal perjodu ta’ 10 snin, sakemm ir-referenza tad-dokument Ewropew ta’ valutazzjoni ma tkunx ġiet irtirata minn Il-Ġurnal Uffiċjali tal-Unjoni Ewropea jew sakemm dak id-dokument Ewropew ta’ valutazzjoni ma jibqax jintuża skont l-Artikolu 31(6). L-organizzazzjoni tal-korpi VT tista’, fl-aħħar sena ta’ dak il-perjodu, tiddeċiedi li tissottometti d-dokument Ewropew ta’ valutazzjoni għat-tiġdid. F’dak il-każ, il-Kummissjoni għandha tivvaluta mill-ġdid id-dokument Ewropew ta’ valutazzjoni f’konformità mal-paragrafu 1 ta’ dan l-Artikolu.

1.   Dokument Ewropew ta’ valutazzjoni għandu jkun fih l-elementi li ġejjin:

2.   Id-dokument Ewropew ta’ valutazzjoni għandu jistabbilixxi:

3.   Meta l-prestazzjoni tal-prodott tkun tista’ tiġi vvalutata kif xieraq, b’referenza għall-karatteristiċi essenzjali tiegħu, inklużi metodi u kriterji ta’ valutazzjoni, diġà stabbiliti għalihom fl-ispeċifikazzjonijiet tekniċi armonizzati jew f’dokumenti Ewropej ta’ valutazzjoni oħra, dawk il-karatteristiċi essenzjali eżistenti u l-metodi u l-kriterji tagħhom għandhom jiġu inkorporati bħala partijiet mid-dokument Ewropew ta’ valutazzjoni, sakemm ma jkunx teknikament meħtieġ li wieħed jiddevja minn dik ir-regola.

Meta applikabbli, dawn il-prinċipji għandhom japplikaw ukoll għal-livelli limitu u għall-klassijiet ta’ prestazzjoni adottati f’konformità mal-Artikolu 5(5).

1.   Stat Membru għandu jinforma lill-Kummissjoni dwar dan kollu li ġej:

L-Istat Membru kkonċernat għandu jissostanzja l-fehmiet tiegħu. Il-Kummissjoni għandha tikkonsulta mal-Istati Membri l-oħra dwar il-kwistjonijiet imqajma mill-Istat Membru kkonċernat.

2.   Fid-dawl tal-fehmiet tal-Istati Membri kollha, il-Kummissjoni għandha tiddeċiedi li tippubblika, li ma tippubblikax, li tippubblika b’restrizzjoni, li żżomm, li żżomm b’restrizzjoni jew li tirtira r-referenzi għad-dokumenti Ewropej ta’ valutazzjoni kkonċernati f’Il-Ġurnal Uffiċjali tal-Unjoni Ewropea.

3.   Il-Kummissjoni għandha tinforma lill-Istati Membru u lill-organizzazzjoni tal-korpi VT bid-deċiżjoni tagħha msemmija fil-paragrafu 2 u, fejn meħtieġ, titlob ir-reviżjoni tad-dokument Ewropew ta’ valutazzjoni kkonċernat.

1.   Valutazzjoni teknika Ewropea għandha tinħareġ minn korp VT, fuq it-talba ta’ manifattur abbażi ta’ dokument Ewropew ta’ valutazzjoni stabbilit, li r-referenza tiegħu tkun ġiet ippubblikata f’Il-Ġurnal Uffiċjali tal-Unjoni Ewropea f’konformità mal-Artikolu 34.

Sakemm ikun hemm dokument Ewropew ta’ valutazzjoni, li r-referenza tiegħu tkun ġiet ippubblikata f’Il-Ġurnal Uffiċjali tal-Unjoni Ewropea f’konformità mal-Artikolu 34, valutazzjoni teknika Ewropea tista’ tinħareġ anki fil-każ fejn tkun inħarġet talba għall-standardizzazzjoni. Tali ħruġ għandu jkun possibbli sakemm id-dokument Ewropew ta’ valutazzjoni ma jibqax jintuża skont l-Artikolu 31(6).

2.   Meta ssir talba għal valutazzjoni teknika Ewropea, għandha tapplika l-proċedura stabbilita fl-Anness VI.

3.   Il-valutazzjoni teknika Ewropea għandha tinkludi l-prestazzjoni li għandha tiġi ddikjarata, skont il-livelli jew il-klassijiet, jew f’deskrizzjoni, ta’ dawk il-karatteristiċi essenzjali miftiehma mill-manifattur u mill-korp VT li jirċievu t-talba għall-valutazzjoni teknika Ewropea għall-użu ddikjarat, flimkien mad-dettalji tekniċi meħtieġa għall-implimentazzjoni tas-sistema ta’ valutazzjoni u verifika.

Il-valutazzjoni teknika Ewropea għandha tinkludi wkoll il-valutazzjoni tal-prestazzjoni għall-karatteristiċi essenzjali ambjentali predeterminati elenkati fl-Artikolu 15(3).

4.   Il-Kummissjoni tista’ tadotta atti ta’ implimentazzjoni biex tistabbilixxi l-format tal-valutazzjoni teknika Ewropea.

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 90(3).

5.   Il-valutazzjonijiet tekniċi Ewropej maħruġa abbażi ta’ dokument Ewropew ta’ valutazzjoni jibqgħu validi jew għal 5 snin wara t-tmiem tal-perjodu stabbilit fl-Artikolu 34(2) jew għal 5 snin wara li r-referenza tad-dokument Ewropew ta’ valutazzjoni tiġi rtirata minn Il-Ġurnal Uffiċjali tal-Unjoni Ewropea.

Meta d-dokument Ewropew ta’ valutazzjoni rilevanti għal prodott ma jibqax jintuża skont l-Artikolu 31(6), dak il-prodott ma jistax jibqa’ jitqiegħed fis-suq abbażi ta’ valutazzjoni teknika Ewropea.

6.   Il-prodotti koperti minn dokument Ewropew ta’ valutazzjoni li għalihom tkun inħarġet valutazzjoni teknika Ewropea jistgħu jiġu mmarkati CE u, b’hekk, jinkiseb l-istess status bħall-prodotti CE mmarkati abbażi ta’ speċifikazzjonijiet tekniċi armonizzati, meta l-manifattur jissodisfa l-obbligi stabbiliti f’dan ir-Regolament. Meta dawn l-obbligi jirreferu għal speċifikazzjonijiet tekniċi armonizzati, il-manifattur għandu minflok jirreferi għad-dokument Ewropew ta’ valutazzjoni, jew għall-ispeċifikazzjonijiet tekniċi armonizzati wkoll, meta dawn ikunu wkoll rilevanti.

1.   L-Istati Membri li jixtiequ jaħtru korpi VT għandhom jaħtru awtorità tal-ħatra waħda li għandha tkun responsabbli għall-istabbiliment u għat-twettiq tal-proċeduri meħtieġa għall-valutazzjoni u għall-ħatra tal-korpi VT. L-awtoritajiet tal-ħatra għandhom jissodisfaw ir-rekwiżiti għall-awtoritajiet tan-notifika stabbiliti fl-Artikolu 43(1) u fl-Artikolu 44. L-Istati Membri jistgħu jaħtru l-awtorità tan-notifika msemmija fl-Artikolu 43, bħala l-awtorità tal-ħatra. L-awtorità tal-ħatra ma għandhiex tkun eliġibbli għall-ħatra f’konformità mal-Artikolu 39(1).

2.   Sakemm ma jkunx speċifikat mod ieħor f’dan il-Kapitolu, id-dispożizzjonijiet applikabbli għall-awtoritajiet tan-notifika u għall-proċeduri tan-notifika japplikaw ukoll għall-awtoritajiet tal-ħatra u għall-proċeduri tal-ħatra.

1.   L-Istati Membri jistgħu, permezz tal-awtoritajiet tal-ħatra tagħhom, jaħtru korpi VT fit-territorji tagħhom għal familja ta’ prodotti waħda jew aktar elenkati fl-Anness VII. L-Istati Membri jistgħu wkoll jaħtru korpi VT fit-territorji tagħhom li jkunu kompetenti għal prodotti emerġenti jew innovattivi li ma jaqgħux f’familji ta’ prodotti diġà eżistenti, elenkati fl-Anness VII.

L-Istati Membri għandhom jikkomunikaw lill-Kummissjoni l-isem tal-korp VT, l-indirizz tiegħu u l-familja jew il-familji ta’ prodotti li huwa kompetenti għalihom.

2.   Il-Kummissjoni għandha tassenja numru ta’ identifikazzjoni lil kull korp VT.

Il-Kummissjoni għandha tagħmel disponibbli għall-pubbliku l-lista tal-korpi VT maħtura skont dan ir-Regolament b’mezzi elettroniċi u tindika n-numri ta’ identifikazzjoni tagħhom, il-familji ta’ prodotti li għalihom jinħatru u kwalunkwe limitazzjoni bl-aktar mod preċiż possibbli.

Il-Kummissjoni għandha tiżgura li dik il-lista tinżamm aġġornata.

3.   L-awtorità tal-ħatra għandha timmonitorja l-attivitajiet u l-kompetenza tal-korpi VT maħtura fl-Istat Membru rispettiv tagħhom u, meta meħtieġ, is-sussidjarji u s-sottokuntratturi tagħhom, u tevalwahom b’rabta mar-rekwiżiti rispettivi stabbiliti f’dan il-Kapitolu. L-awtorità tal-ħatra għandha timponi miżuri korrettivi fuq il-korpi VT kull meta jkun hemm ksur ta’ dan ir-Regolament.

L-Istati Membri għandhom jinformaw lill-Kummissjoni dwar il-proċeduri nazzjonali tagħhom għall-ħatra tal-korpi VT, dwar il-monitoraġġ tal-attività u l-kompetenza tagħhom, u dwar kwalunkwe bidla f’dik l-informazzjoni.

4.   Il-korpi VT għandhom, mingħajr dewmien, u sa mhux aktar tard minn 15-il jum, jinformaw lill-awtorità tal-ħatra dwar kwalunkwe bidla li tista’ taffettwa l-konformità tagħhom mar-rekwiżiti stabbiliti f’dan il-Kapitolu jew il-kapaċità tagħhom li jissodisfaw l-obbligi tagħhom skont dan ir-Regolament.

5.   Il-korpi VT għandhom, fuq talba tal-awtorità tal-ħatra rilevanti, jipprovdu l-informazzjoni u d-dokumenti rilevanti kollha li huma meħtieġa biex dik l-awtorità, il-Kummissjoni u l-Istati Membri jkunu jistgħu jivverifikaw il-konformità tagħhom mar-rekwiżiti skont dan ir-Regolament.

6.   Meta korp VT ma jibqax konformi mar-rekwiżiti ta’ dan ir-Regolament, l-awtorità tal-ħatra għandha tirrestrinġi, tissospendi jew tirtira l-ħatra ta’ dak il-korp VT għall-familja ta’ prodotti rilevanti kif xieraq, skont kemm ikun serju n-nuqqas fir-rigward tar-rekwiżiti li jridu jiġu ssodisfati. Meta korp VT ripetutament ma jkunx ikkonforma mal-miżuri korrettivi imposti f’konformità mal-paragrafu 3 ta’ dan l-Artikolu, l-awtorità tal-ħatra tista’ tirrestrinġi, tissospendi jew tirtira l-ħatra ta’ dak il-korp VT. L-awtorità tal-ħatra għandha tinforma lill-Kummissjoni u lill-Istati Membri l-oħra bi kwalunkwe restrizzjoni, sospensjoni jew irtirar ta’ ħatra. Għandhom japplikaw l-Artikoli 53(2) u 54.

1.   Korp VT għandu jkun kompetenti, u mgħammar, biex iwettaq il-valutazzjoni b’rabta mal-familji ta’ prodotti li għalihom ikun inħatar. Il-membri tal-persunal li jieħdu d-deċiżjonijiet u mill-inqas nofs il-membri tal-persunal tekniċi kompetenti għandhom ikunu impjegati mill-korp VT, skont il-liġi nazzjonali tal-Istat Membru tal-ħatra.

2.   Il-korp VT għandu jissodisfa r-rekwiżiti stabbiliti fl-Anness VIII, fl-ambitu tal-ħatra tiegħu. Għandhom japplikaw l-Artikolu 46(2) sa (5), l-Artikolu 46(6), il-punti (a) u (b), l-Artikolu 46(7), (8), (9) u (11) u l-Artikolu 47.

3.   Korp VT għandu jagħmel disponibbli għall-pubbliku l-organigramma tiegħu u l-ismijiet tal-membri tal-korpi interni tiegħu li jieħdu d-deċiżjonijiet.

4.   Korp VT għandu jipparteċipa fl-attivitajiet tal-organizzazzjoni tal-korpi VT jew jiżgura li l-persunal tal-valutazzjoni tiegħu jkun infurmat dwar dawk l-attivitajiet.

1.   Il-korpi VT għandhom jistabbilixxu organizzazzjoni għal valutazzjoni teknika (“organizzazzjoni tal-korpi VT”) skont dan ir-Regolament.

2.   L-organizzazzjoni tal-korpi VT għandha twettaq mill-inqas il-kompiti li ġejjin:

L-organizzazzjoni tal-korpi VT għandha tistabbilixxi segretarjat sabiex iwettaq dawn il-kompiti.

3.   L-Istati Membri għandhom jiżguraw li l-korpi VT jikkontribwixxu b’mod adegwat b’riżorsi finanzjarji u umani għall-organizzazzjoni tal-korpi VT. L-organizzazzjoni tal-korpi VT għandha tistabbilixxi l-kontribuzzjoni ta’ kull korp VT li għandha tkun proporzjonata, filwaqt li jitqies il-baġit annwali jew il-fatturat ta’ kull korp VT relatat mal-attivitajiet tiegħu bħala korp VT.

4.   Il-piż fil-proċess tat-teħid tad-deċiżjonijiet tal-organizzazzjoni tal-korpi VT ma għandux jiddependi mill-kontribuzzjoni finanzjarja tal-korpi VT, mill-għadd ta’ dokumenti Ewropej ta’ valutazzjoni żviluppati jew mill-għadd ta’ valutazzjonijiet tekniċi Ewropej maħruġa minnhom.

5.   Il-Kummissjoni għandha tiġi mistiedna tipparteċipa fil-laqgħat kollha tal-organizzazzjoni tal-korpi VT.

6.   Il-finanzjament tal-Unjoni jista’ jingħata lill-organizzazzjoni tal-korpi VT għall-implimentazzjoni tal-kompiti msemmija fil-paragrafu 2. Il-Kummissjoni tista’ tagħmel il-finanzjament tal-organizzazzjoni tal-korpi VT, jew permezz ta’ għotjiet jew permezz ta’ offerti pubbliċi, soġġett għall-issodisfar ta’ ċerti rekwiżiti organizzattivi u ta’ prestazzjoni stabbiliti f’dawk il-kompiti.

1.   L-Istati Membri għandhom jinnotifikaw lill-Kummissjoni u lill-Istati Membri l-oħra dwar il-korpi awtorizzati biex iwettqu kompiti ta’ parti terza fil-valutazzjoni u l-verifika tal-prestazzjoni u fil-valutazzjoni tal-konformità u tal-verifika tal-kalkoli tas-sostenibbiltà ambjentali għall-finijiet ta’ dan ir-Regolament.

2.   L-Istati Membri għandhom jinformaw lill-Kummissjoni dwar il-proċeduri tagħhom għall-valutazzjoni u n-notifika ta’ korpi li għandhom jiġu awtorizzati biex iwettqu dawn il-kompiti u għall-monitoraġġ tal-korpi notifikati, u dwar kwalunkwe bidla tagħhom. Il-Kummissjoni għandha tagħmel dik l-informazzjoni disponibbli għall-pubbliku.

1.   L-Istati Membri għandhom jaħtru awtorità tan-notifika li għandha tkun responsabbli għall-istabbiliment u t-twettiq tal-proċeduri meħtieġa għall-valutazzjoni u n-notifika tal-korpi li għandhom jiġu awtorizzati biex iwettqu l-kompiti ta’ parti terza fil-proċess ta’ valutazzjoni u verifika għall-finijiet ta’ dan ir-Regolament, u għall-monitoraġġ tal-korpi notifikati, inkluża l-konformità tagħhom mar-rekwiżiti stabbiliti fl-Artikoli 46 u 48.

2.   L-Istati Membri jistgħu jiddeċiedu li l-valutazzjoni u l-monitoraġġ imsemmija fil-paragrafu 1 għandhom jitwettqu mill-korp nazzjonali ta’ akkreditament tagħhom fis-sens tar-Regolament (KE) Nru 765/2008 u f’konformità miegħu.

3.   Meta l-awtorità tan-notifika tiddelega jew b’xi mod ieħor tafda l-valutazzjoni, in-notifika jew il-monitoraġġ imsemmija fil-paragrafu 1 ta’ dan l-Artikolu lil korp li ma jkunx entità governattiva, dak il-korp għandu jkun persuna ġuridika u għandu jikkonforma mutatis mutandis mar-rekwiżiti stabbiliti fl-Artikolu 44. Barra minn hekk, huwa għandu jkollu arranġamenti biex ikopri r-responsabbiltajiet li jirriżultaw mill-attivitajiet tiegħu.

4.   L-awtorità tan-notifika għandha tieħu r-responsabbiltà sħiħa għall-kompiti mwettqa mill-korp imsemmi fil-paragrafi 2 u 3.

1.   L-awtorità tan-notifika għandha tiġi stabbilita b’tali mod li ma jseħħ l-ebda kunflitt ta’ interess ma’ korpi notifikati.

2.   L-awtorità tan-notifika għandha tkun organizzata u operata b’tali mod li tissalvagwardja l-oġġettività u l-imparzjalità tal-attivitajiet tagħha.

3.   L-awtorità tan-notifika għandha tkun organizzata b’tali mod li kull deċiżjoni relatata man-notifika ta’ korp li għandu jiġi awtorizzat biex iwettaq il-kompiti ta’ parti terza fil-proċess ta’ valutazzjoni u verifika tittieħed minn persuni kompetenti differenti minn dawk li jkunu wettqu l-valutazzjoni.

4.   L-awtorità tan-notifika ma għandha toffri jew tipprovdi l-ebda attività li jwettqu korpi notifikati, jew servizzi ta’ konsulenza fuq bażi kummerċjali jew kompetittiva.

5.   L-awtorità tan-notifika għandha tissalvagwardja l-kunfidenzjalità tal-informazzjoni miksuba. Madankollu, hija għandha, fuq talba, tiskambja informazzjoni dwar il-korpi notifikati mal-Kummissjoni, mal-awtoritajiet tan-notifika ta’ Stati Membri oħra u ma’ awtoritajiet nazzjonali kompetenti oħra li għandhom jissalvagwardjaw il-kunfidenzjalità tal-informazzjoni li jirċievu.

6.   L-awtorità tan-notifika, inkluż fil-każijiet li fihom l-awtorità tan-notifika tkun il-korp nazzjonali ta’ akkreditazzjoni, għandha tivvaluta l-korp ta’ valutazzjoni tal-konformità speċifiku li jkun qed japplika għan-notifika biss u ma għandhiex tqis il-kapaċitajiet jew il-persunal tal-kumpaniji omm jew tal-kumpaniji oħt. L-awtorità tan-notifika għandha tivvaluta dak il-korp b’rabta mar-rekwiżiti rilevanti kollha u mal-kompiti ta’ valutazzjoni u ta’ verifika ta’ parti terza.

7.   L-awtorità tan-notifika għandu jkollha għadd suffiċjenti ta’ persunal kompetenti u finanzjament suffiċjenti disponibbli għat-twettiq xieraq tal-kompiti tagħha.

1.   Il-Kummissjoni għandha tiżgura li koordinazzjoni u kooperazzjoni xierqa bejn l-awtoritajiet nazzjonali tal-Istati Membri responsabbli għall-politika tan-notifiki u l-awtoritajiet tan-notifika u tal-ħatra jiġu stabbiliti u operati fil-forma ta’ grupp ta’ koordinazzjoni tal-awtoritajiet tan-notifika u tal-ħatra fil-qasam tal-prodotti għall-bini. Dak il-grupp għandu jiltaqa’ fuq bażi regolari u mill-anqas darba fis-sena.

L-awtoritajiet nazzjonali tal-Istati Membri responsabbli għall-politika tan-notifiki u l-awtoritajiet tan-notifika u tal-ħatra skont dan ir-Regolament għandhom jipparteċipaw fl-attivitajiet ta’ dak il-grupp.

2.   Il-Kummissjoni tista’ tistabbilixxi l-arranġamenti speċifiċi għall-funzjonament tal-grupp ta’ koordinazzjoni tal-awtoritajiet tan-notifika u tal-ħatra.

3.   Il-Kummissjoni għandha tipprevedi l-organizzazzjoni ta’ skambji regolari ta’ esperjenza bejn l-awtoritajiet nazzjonali tal-Istati Membri responsabbli għall-politika tan-notifika u l-awtoritajiet tan-notifika u tal-ħatra.

1.   Għall-finijiet tan-notifika, korp ta’ valutazzjoni tal-konformità għandu jissodisfa r-rekwiżiti stabbiliti fil-paragrafi minn 2 sa 12.

2.   Korp ta’ valutazzjoni tal-konformità għandu jiġi stabbilit skont il-liġi nazzjonali ta’ Stat Membru u għandu jkollu personalità ġuridika.

3.   Korp ta’ valutazzjoni tal-konformità għandu jkun korp ta’ parti terza indipendenti mill-organizzazzjoni jew mill-prodott li jivvaluta.

Ma għandu jkollu l-ebda rabta kummerċjali ma’ organizzazzjonijiet li għandhom interess fil-prodotti li jivvaluta, b’mod partikolari mal-manifatturi, mas-sħab kummerċjali tagħhom u mal-investituri azzjonarji tagħhom.

Madankollu, korp li jappartjeni għal assoċjazzjoni ta’ impriżi jew federazzjoni professjonali li tkun tirrappreżenta impriżi involuti fid-disinn, il-manifattura, il-forniment, l-assemblaġġ, l-użu jew il-manutenzjoni ta’ prodotti li hija tivvaluta, jista’ jitqies bħala tali korp, dment li juri l-indipendenza tiegħu u n-nuqqas ta’ kwalunkwe kunflitt ta’ interess. Dan ma għandux jipprekludi lill-korp milli jwettaq attivitajiet ta’ valutazzjoni u verifika għall-manifatturi li jikkompetu ma’ xulxin.

4.   Korp ta’ valutazzjoni tal-konformità, l-ogħla livell tal-maniġment tiegħu u l-persunal responsabbli għat-twettiq tal-kompiti ta’ parti terza fil-proċess ta’ valutazzjoni u verifika ma għandhom ikunu la d-disinjatur, il-manifattur, il-fornitur, l-importatur, id-distributur, l-installatur, ix-xerrej, is-sid, l-utent jew dak responsabbli mill-manutenzjoni tal-prodotti li jivvaluta, u lanqas ir-rappreżentant ta’ xi waħda minn dawk il-partijiet. Dan ma għandux jipprekludi l-użu tal-prodotti vvalutati li huma meħtieġa għall-operazzjonijiet tal-korp ta’ valutazzjoni tal-konformità jew l-użu tal-prodotti għall-finijiet personali.

Korp ta’ valutazzjoni tal-konformità, l-ogħla livell tal-maniġment tiegħu u l-persunal responsabbli għat-twettiq tal-kompiti ta’ parti terza fil-proċess ta’ valutazzjoni u verifika la ma għandhom ikunu involuti direttament fid-disinn, il-manifattura jew il-kostruzzjoni, il-kummerċjalizzazzjoni, l-installazzjoni, l-użu jew il-manutenzjoni ta’ dawk il-prodotti, u lanqas ma għandhom jirrappreżentaw lill-partijiet involuti f’dawk l-attivitajiet. Huma ma għandhom ikunu involuti fl-ebda attività li tista’ toħloq kunflitt mal-indipendenza tal-ġudizzju jew l-integrità tagħhom b’rabta mal-attivitajiet li għalihom ikunu notifikati. Dan għandu japplika b’mod partikolari għas-servizzi ta’ konsulenza b’rabta mal-familji ta’ prodotti li għalihom ikunu notifikati.

Il-korpi ta’ valutazzjoni tal-konformità għandhom jiżguraw li l-attivitajiet tal-kumpanija omm jew tal-kumpanija oħt tagħhom, tas-sussidjarji jew tas-subkuntratturi tagħhom ma jaffettwawx il-kunfidenzjalità, l-oġġettività u l-imparzjalità tal-attivitajiet ta’ valutazzjoni jew verifika tagħhom.

Korp ta’ valutazzjoni tal-konformità ma għandux jiddelega lil subkuntrattur jew sussidjarja l-istabbiliment u s-superviżjoni ta’ proċeduri interni, politiki ġenerali, kodiċijiet ta’ kondotta jew regoli interni oħra, l-assenjazzjoni ta’ persunal tiegħu għal kompiti speċifiċi u d-deċiżjonijiet dwar il-valutazzjoni tal-konformità.

5.   Il-korpi ta’ valutazzjoni tal-konformità u l-persunal tagħhom għandhom iwettqu kompiti ta’ parti terza fil-proċess ta’ valutazzjoni u verifika bl-ogħla livell ta’ integrità professjonali u l-kompetenza teknika meħtieġa fil-qasam speċifiku. Huma għandhom ikunu ħielsa minn kwalunkwe pressjoni u tentazzjoni, partikolarment finanzjarji, li jistgħu jinfluwenzaw il-ġudizzju tagħhom jew ir-riżultati tal-attivitajiet ta’ valutazzjoni jew verifika tagħhom, speċjalment minn persuni jew gruppi ta’ persuni b’interess fir-riżultati ta’ dawk l-attivitajiet.

6.   Korp ta’ valutazzjoni tal-konformità għandu jkun kapaċi jwettaq il-kompiti kollha ta’ parti terza fil-proċess ta’ valutazzjoni u verifika assenjati lilu f’konformità mal-Anness IX, li b’rabta magħhom ikun ġie nnotifikat, irrispettivament minn jekk dawk il-kompiti jkunux twettqu mill-korp ta’ valutazzjoni tal-konformità nnifsu jew jekk ikunu twettqu f’ismu u taħt ir-responsabbiltà tiegħu.

F’kull ħin u għal kull sistema ta’ valutazzjoni u verifika u għal kull tip jew kategorija ta’ prodotti, il-karatteristiċi essenzjali u l-kompiti li b’rabta magħhom ikun ġie nnotifikat, il-korp ta’ valutazzjoni tal-konformità għandu jkollu dawn li ġejjin għad-dispożizzjoni tiegħu:

Il-korp ta’ valutazzjoni tal-konformità għandu jkollu l-mezzi meħtieġa biex iwettaq il-kompiti tekniċi u amministrattivi konnessi mal-attivitajiet li għalihom ikollu l-ħsieb li jiġi nnotifikat b’mod xieraq u għandu jkollu aċċess għat-tagħmir jew il-faċilitajiet kollha meħtieġa.

7.   Il-persunal responsabbli għat-twettiq tal-attivitajiet li b’rabta magħhom il-korp ikollu l-ħsieb li jiġi nnotifikat għandu jkollu dawn li ġejjin:

8.   Il-persunal responsabbli għat-teħid ta’ deċiżjonijiet dwar il-valutazzjoni:

9.   L-imparzjalità tal-korp u tal-ogħla livell tal-maniġment tiegħu u tal-persunal tal-valutazzjoni għandha tiġi garantita.

Ir-rimunerazzjoni tal-ogħla livell tal-maniġment u tal-persunal tal-valutazzjoni ta’ korp ma għandhiex tiddependi mill-għadd ta’ valutazzjonijiet imwettqa jew mir-riżultati tagħhom.

10.   Korp ta’ valutazzjoni tal-konformità għandu jagħmel assigurazzjoni ta’ responsabbiltà ċivili, sakemm ir-responsabbiltà ma tkunx preżunta mill-Istat Membru f’konformità mal-liġi nazzjonali, jew sakemm l-Istat Membru nnifsu ma jkunx direttament responsabbli għall-valutazzjoni jew għall-verifika mwettqa.

11.   Il-persunal tal-korp ta’ valutazzjoni tal-konformità għandu josserva s-segretezza professjonali rigward l-informazzjoni kollha miksuba fit-twettiq tal-kompiti tiegħu skont l-Anness IX, għajr b’rabta mal-awtoritajiet tan-notifika u ma’ awtoritajiet nazzjonali kompetenti oħra tal-Istat Membru fejn jitwettqu l-attivitajiet tiegħu. Id-drittijiet ta’ proprjetà għandhom ikunu protetti.

12.   Il-korpi ta’ valutazzjoni tal-konformità għandhom jipparteċipaw fl-attivitajiet ta’ standardizzazzjoni rilevanti u fl-attivitajiet tal-grupp ta’ koordinazzjoni tal-korp notifikat stabbilit skont dan ir-Regolament, jew jiżguraw li l-persunal tal-valutazzjoni tagħhom ikun informat dwarhom, u għandhom japplikaw, bħala gwida ġenerali, id-deċiżjonijiet amministrattivi u d-dokumenti prodotti bħala riżultat tax-xogħol ta’ dak il-grupp.

1.   Meta korp notifikat jissubkuntratta kompiti speċifiċi konnessi mal-kompiti ta’ parti terza fil-proċess ta’ valutazzjoni u verifika jew jirrikorri għal sussidjarju, huwa għandu jiżgura li s-subkuntrattur jew is-sussidjarju jissodisfa r-rekwiżiti stabbiliti fl-Artikolu 46, u għandu jinforma skont kif ikun meħtieġ lill-awtorità tan-notifika.

2.   Il-korp notifikat għandu jieħu responsabbiltà sħiħa għall-kompiti mwettqa mis-subkuntratturi jew mis-sussidjarji, kull meta dawn ikunu stabbiliti u jimmonitorja l-kompetenza tagħhom b’rabta mal-kompetenza tiegħu, kif deskritt fl-Artikolu 46(6), il-punt (b).

3.   L-attivitajiet jistgħu jiġu subkuntrattati jew imwettqa minn sussidjarja biss bil-qbil tal-klijent.

4.   Il-korp notifikat għandu jżomm għad-dispożizzjoni tal-awtorità tan-notifika d-dokumenti rilevanti li jikkonċernaw il-valutazzjoni u l-monitoraġġ tal-kwalifiki tas-subkuntrattur jew tas-sussidjarju u tax-xogħol imwettaq minnhom skont l-Anness IX.

1.   Fuq talba tal-manifattur, u meta jkun ġustifikat minn raġunijiet tekniċi, ekonomiċi jew loġistiċi relatati man-natura tal-prodott jew mat-tagħmir għall-ittestjar, il-korpi notifikati jistgħu jiddeċiedu li jwettqu t-testijiet imsemmija fl-Anness IX għas-sistemi ta’ valutazzjoni u verifika 1+, 1 u 3 jew jordnaw li tali testijiet jitwettqu taħt is-superviżjoni tagħhom, jew fl-impjanti tal-manifattura bl-użu tat-tagħmir għall-ittestjar tal-laboratorju intern tal-manifattur jew inkella, bil-kunsens minn qabel tal-manifattur, f’laboratorju estern, bl-użu tat-tagħmir għall-ittestjar ta’ dak il-laboratorju.

Il-korpi notifikati li jwettqu tali testijiet għandhom jinħatru speċifikament bħala kompetenti biex jaħdmu lil hinn mill-faċilitajiet tal-ittestjar tagħhom stess u, f’dak ir-rigward, għandhom ukoll ikunu konformi mar-rekwiżiti stabbiliti fl-Artikolu 46.

2.   Qabel ma jwettqu t-testijiet imsemmija fil-paragrafu 1, il-korpi notifikati għandhom jivverifikaw jekk ir-rekwiżiti tal-metodu ta’ ttestjar ikunux ġew issodisfati u għandhom jevalwaw jekk:

Il-korpi notifikati għandhom jassumu responsabbiltà sħiħa għat-testijiet fl-intier tagħhom, inklużi l-akkuratezza u t-traċċabbiltà tal-kalibrazzjoni u tal-kejl, u għall-affidabbiltà tar-riżultati tat-testijiet.

1.   Korp, li għandu jiġi awtorizzat biex iwettaq il-kompiti ta’ parti terza fis-sistemi ta’ valutazzjoni u verifika, għandu jissottometti applikazzjoni għal notifika lill-awtorità tan-notifika tal-Istat Membru fejn ikun stabbilit.

2.   L-applikazzjoni għandha tkun akkumpanjata minn deskrizzjoni tal-attivitajiet li għandhom jitwettqu, il-proċessi ta’ valutazzjoni u verifika li għalihom il-korp jiddikjara li huwa kompetenti, id-deskrizzjoni tal-kompetenza msemmija fl-Artikolu 46(6), il-punt (b), kif ukoll ċertifikat ta’ akkreditazzjoni, meta jkun jeżisti wieħed, maħruġ mill-korp nazzjonali ta’ akkreditazzjoni, li jattesta li l-korp jissodisfa r-rekwiżiti stabbiliti fl-Artikolu 46. Iċ-ċertifikat ta’ akkreditazzjoni għandu jkun relatat biss mal-korp legali preċiż li japplika għan-notifika u għandu jkun ibbażat, minbarra l-istandards armonizzati rilevanti, fuq ir-rekwiżiti speċifiċi u l-kompiti previsti f’dan ir-Regolament.

3.   Meta l-korp ikkonċernat ma jkunx jista’ jipprovdi ċertifikat ta’ akkreditazzjoni, huwa għandu jipprovdi lill-awtorità tan-notifika bil-provi dokumentarji kollha meħtieġa għall-verifika, ir-rikonoxximent u l-monitoraġġ regolari tal-konformità tiegħu mar-rekwiżiti stabbiliti fl-Artikolu 46.

1.   L-awtoritajiet tan-notifika jistgħu jinnotifikaw biss lil korpi li jkunu ssodisfaw ir-rekwiżiti stabbiliti fl-Artikolu 46.

2.   L-awtoritajiet tan-notifika għandhom jinnotifikaw lill-Kummissjoni u lill-Istati Membri l-oħra bl-użu tal-għodda elettronika ta’ notifika żviluppata u ġestita mill-Kummissjoni.

Eċċezzjonalment, għall-każijiet rigward gruppi ta’ karatteristiċi essenzjali, stabbiliti fl-Anness X, li għalihom l-għodda elettronika xierqa ma tkunx disponibbli, għandha tiġi aċċettata notifika f’forma elettronika oħra.

3.   In-notifika għandha tinkludi d-dettalji kollha tal-funzjonijiet li għandhom jitwettqu, referenza għall-ispeċifikazzjoni teknika armonizzata rilevanti jew għad-dokument Ewropew ta’ valutazzjoni u, għall-finijiet tas-sistema stabbilita fl-Anness IX, il-karatteristiċi essenzjali li għalihom il-korp huwa kompetenti u l-attestazzjoni rilevanti ta’ dik il-kompetenza.

Madankollu, ma hija meħtieġa l-ebda referenza għall-ispeċifikazzjoni teknika armonizzata rilevanti jew għad-dokument Ewropew ta’ valutazzjoni fil-każijiet rigward gruppi ta’ karatteristiċi essenzjali stabbiliti fl-Anness X.

4.   Meta notifika ma tkunx ibbażata fuq ċertifikat ta’ akkreditazzjoni kif imsemmi fl-Artikolu 50(2), l-awtorità tan-notifika għandha tipprovdi lill-Kummissjoni u lill-Istati Membri l-oħra bil-provi dokumentarji kollha li jattestaw il-kompetenza tal-korp u l-arranġamenti fis-seħħ biex jiġi żgurat li dak il-korp se jiġi mmonitorjat regolarment u se jkompli jissodisfa r-rekwiżiti stabbiliti fl-Artikolu 46.

5.   Il-korp ikkonċernat jista’ jwettaq l-attivitajiet ta’ korp notifikat jekk il-Kummissjoni jew l-Istati Membri l-oħra ma jqajmu l-ebda oġġezzjoni fi żmien ġimagħtejn minn notifika, meta jintuża ċertifikat ta’ akkreditazzjoni, jew fi żmien xahrejn minn notifika, meta ma jintużax ċertifikat ta’ akkreditazzjoni.

Tali korp biss għandu jitqies korp notifikat għall-fini ta’ dan ir-Regolament.

6.   In-notifiki validi għandhom jiġu inklużi fil-lista ta’ korpi notifikati msemmija fl-Artikolu 52(2).

7.   Il-Kummissjoni u l-Istati Membri l-oħra għandhom jiġu nnotifikati bi kwalunkwe bidla rilevanti sussegwenti fin-notifika.

1.   Il-Kummissjoni għandha tassenja numru ta’ identifikazzjoni lil korp notifikat.

Hija għandha tassenja tali numru uniku anki meta l-korp jiġi notifikat b’diversi atti tal-Unjoni.

2.   Il-Kummissjoni għandha tagħmel disponibbli għall-pubbliku l-lista tal-korpi notifikati skont dan ir-Regolament, inkluż in-numri ta’ identifikazzjoni assenjati lilhom u l-attivitajiet li dwarhom ikunu ġew notifikati.

Il-Kummissjoni għandha tiżgura li dik il-lista tinżamm aġġornata.

1.   Meta awtorità tan-notifika tkun aċċertat, jew tkun ġiet informata, li korp notifikat ma jkunx għadu jissodisfa r-rekwiżiti stabbiliti fl-Artikolu 46, jew li jkun qed jonqos milli jissodisfa l-obbligi tiegħu, l-awtorità tan-notifika għandha tirrestrinġi, tissospendi jew tirtira n-notifika kif xieraq, skont kemm ikun serju n-nuqqas fir-rigward tar-rekwiżiti u tal-obbligi li jridu jiġu ssodisfati. Hija għandha tinforma minnufih skont kif ikun meħtieġ lill-Kummissjoni u lill-Istati Membri l-oħra.

2.   Fil-każ ta’ restrizzjoni, sospensjoni jew irtirar ta’ notifika, jew meta l-korp notifikat ikun waqqaf l-attività tiegħu, l-Istat Membru tan-notifika għandu jieħu l-passi xierqa biex jiżgura li l-fajls ta’ dak il-korp jiġu pproċessati minn korp notifikat ieħor jew jinżammu disponibbli għall-awtoritajiet nazzjonali kompetenti u tan-notifika responsabbli, fuq talba tagħhom.

1.   Il-Kummissjoni għandha tinvestiga l-każijiet kollha meta jkollha jew issir taf b’xi dubju dwar il-kompetenza ta’ korp notifikat, jew jekk korp notifikat ikunx għadu jissodisfa r-rekwiżiti u r-responsabbiltajiet li huwa soġġett għalihom.

2.   Fuq talba, l-Istat Membru tan-notifika għandu jipprovdi lill-Kummissjoni bl-informazzjoni kollha relatata mal-bażi għan-notifika jew maż-żamma tal-kompetenza tal-korp ikkonċernat.

3.   Il-Kummissjoni għandha tiżgura li l-informazzjoni sensittiva kollha miksuba matul l-investigazzjonijiet tagħha tiġi ttrattata b’mod kunfidenzjali.

4.   Meta l-Kummissjoni taċċerta li korp notifikat ma jissodisfax, jew ma jkunx għadu jissodisfa, ir-rekwiżiti għan-notifika tiegħu, hija għandha tinforma skont kif ikun meħtieġ lill-Istat Membru tan-notifika u titolbu jieħu l-miżuri korrettivi meħtieġa, inkluż l-irtirar tan-notifika, jekk ikun meħtieġ.

1.   Il-korpi notifikati għandhom, f’konformità mal-Anness IX, iwettqu l-valutazzjonijiet u l-verifiki li ġejjin:

Dawk il-kompiti, minn hawn ’il quddiem, huma msemmija bħala “valutazzjonijiet u verifiki”.,

2.   Il-valutazzjonijiet u l-verifiki għandhom jitwettqu b’mod trasparenti fir-rigward tal-manifattur, u b’mod proporzjonat, sabiex jiġi evitat piż bla bżonn għall-operaturi ekonomiċi. Il-korpi notifikati għandhom iwettqu l-attivitajiet tagħhom billi jqisu kif xieraq id-daqs tal-impriża, is-settur li fih topera l-impriża, l-istruttura tagħha, il-grad ta’ kumplessità tat-teknoloġija tal-prodott inkwistjoni u n-natura tal-massa jew tas-serje tal-proċess tal-produzzjoni.

Madankollu, meta jagħmlu dan, il-korpi notifikati għandhom jirrispettaw il-grad ta’ rigorożità meħtieġa għall-prodotti minn dan ir-Regolament u r-rwol tal-prodott għar-rispett tar-rekwiżiti bażiċi kollha għax-xogħlijiet ta’ bini.

3.   Meta, matul l-ispezzjoni inizjali tal-impjant tal-manifattura u l-kontroll tal-produzzjoni f’fabbrika, korp notifikat isib li l-manifattur ma jkunx żgura l-kostanza tal-prestazzjoni u l-konformità tal-prodott manifatturat, huwa għandu jitlob lill-manifattur jieħu miżuri korrettivi xierqa u ma għandux joħroġ ċertifikat jew rapport ta’ validazzjoni.

4.   Meta, matul l-attività ta’ monitoraġġ li jkollha l-għan li tivverifika l-konformità u l-kostanza tal-prestazzjoni tal-prodott manifatturat, korp notifikat isib li prodott ma jkunx għad għandu l-istess prestazzjoni bħal dik tat-tip tal-prodott, huwa għandu jitlob lill-manifattur jieħu miżuri korrettivi xierqa u għandu jissospendi jew jirtira ċ-ċertifikat jew ir-rapport ta’ validazzjoni, jekk ikun meħtieġ.

5.   Meta ma jittiħdux miżuri korrettivi jew meta dawn ma jħallux l-effett meħtieġ, il-korp notifikat għandu jirrestrinġi, jissospendi jew jirtira kwalunkwe ċertifikat jew rapport ta’ validazzjoni, kif xieraq.

6.   Meta jieħdu deċiżjonijiet ta’ valutazzjoni, inkluż meta jiddeċiedu dwar il-ħtieġa li jissospendu jew jirtiraw ċertifikat jew rapport ta’ validazzjoni fid-dawl ta’ każijiet possibbli ta’ nuqqasijiet ta’ konformità, il-korpi notifikati għandhom japplikaw kriterji ċari u predeterminati.

7.   Meta jintalbu minn manifattur jew fornitur biex jagħmlu dan, il-korpi notifikati għandhom jikkooperaw u jikkondividu l-informazzjoni rilevanti kollha mal-korpi notifikati li jkunu rrikonoxxew il-valutazzjonijiet u l-verifiki tiegħu f’konformità mal-Artikolu 62. Il-korpi notifikati għandhom jistabbilixxu ftehim għal dak l-għan.

1.   Il-korpi notifikati għandhom jinformaw lill-awtorità tan-notifika dwar dawn li ġejjin:

2.   Il-korpi notifikati għandhom jipprovdu lill-korpi notifikati l-oħra skont dan ir-Regolament u li jwettqu kompiti simili ta’ parti terza f’konformità mas-sistemi ta’ valutazzjoni u verifika u għall-prodotti koperti mill-istess speċifikazzjoni teknika armonizzata jew l-istess dokument Ewropew ta’ valutazzjoni bl-informazzjoni rilevanti dwar kwistjonijiet relatati ma’ riżultati negattivi minn dawn il-valutazzjonijiet u l-verifiki, u b’mod partikolari kwalunkwe ċaħda, restrizzjoni, sospensjoni, jew irtirar ta’ ċertifikati, rapporti ta’ validazzjoni jew ta’ rapporti tat-testijiet, u, fuq talba, ir-riżultati pożittivi minn dawn il-valutazzjonijiet.

Korp notifikat għandu, fuq talba minn korp notifikat ieħor, minn awtorità nazzjonali kompetenti jew mill-Kummissjoni, jinforma lill-parti rikjedenti jekk iċ-ċertifikati, ir-rapporti ta’ validazzjoni jew ir-rapporti tat-testijiet maħruġa minnu humiex validi, ristretti, sospiżi jew irtirati.

3.   Meta l-Kummissjoni jew awtorità nazzjonali kompetenti ta’ Stat Membru tissottometti talba lil korp notifikat stabbilit fit-territorju ta’ Stat Membru ieħor relatata ma’ valutazzjoni mwettqa minn dak il-korp notifikat, hija għandha tibgħat kopja ta’ dik it-talba lill-awtorità tan-notifika ta’ dak l-Istat Membru l-ieħor. Il-korp notifikat ikkonċernat għandu jirrispondi għat-talba mingħajr dewmien u sa mhux aktar tard minn 15-il jum. L-awtorità tan-notifika għandha tiżgura li tali talbiet jiġu riżolti mill-korp notifikat sakemm ma jkunx hemm raġuni leġittima biex dan ma jsirx.

4.   Meta l-korpi notifikati jkollhom jew jirċievu evidenza li:

dawn għandhom iwissu lill-awtorità tas-sorveljanza tas-suq jew lill-awtorità tan-notifika rilevanti, u jikkondividu tali evidenza magħhom, kif xieraq.

1.   Il-Kummissjoni għandha tiżgura li jiġu stabbiliti l-koordinazzjoni u l-kooperazzjoni xierqa bejn il-korpi notifikati skont dan ir-Regolament u li dawn jitħaddmu kif suppost fil-forma ta’ grupp ta’ korpi notifikati.

Il-korpi notifikati għandhom jipparteċipaw fil-ħidma ta’ dak il-grupp, direttament jew permezz ta’ rappreżentanti maħtura. L-awtoritajiet tan-notifika għandhom jiżguraw li l-korpi notifikati jipparteċipaw fil-ħidma ta’ dak il-grupp.

2.   Il-korpi notifikati għandhom japplikaw, bħala gwida ġenerali, kwalunkwe dokument rilevanti prodott b’riżultat tal-ħidma tal-grupp imsemmi fil-paragrafu 1.

3.   Il-koordinazzjoni u l-kooperazzjoni fil-grupp imsemmi fil-paragrafu 1 għandu jkollhom l-għan li jiżguraw l-applikazzjoni armonizzata ta’ dan ir-Regolament.

1.   Manifattur jista’ jissostitwixxi l-ittestjar tat-tip jew il-kalkolu tat-tip b’taqsima speċifika fid-dokumentazzjoni teknika msemmija fl-Artikolu 22(3) li turi li:

Meta l-kundizzjonijiet fil-punt (c) jiġu ssodisfati, il-manifattur jista’ jiddikjara prestazzjoni li tikkorrispondi għar-riżultati kollha tat-testijiet ta’ dan l-prodott l-ieħor, jew għal parti minnhom. Il-manifattur għandu japplika biss din is-simplifikazzjoni wara li jkun kiseb awtorizzazzjoni minn manifattur ieħor, li jibqa’ responsabbli għall-akkuratezza, l-affidabbiltà u l-istabbiltà ta’ dawk ir-riżultati tat-testijiet.

2.   Jekk is-sistema ta’ valutazzjoni u verifika applikabbli tinkludi valutazzjoni tal-prestazzjoni minn korp notifikat kif stabbilit fl-Anness IX, korp notifikat jew korp VT għandu, minflok il-valutazzjoni tal-prestazzjoni tal-prodott stabbilita fl-Anness IX, jivvaluta u jiċċertifika t-twettiq korrett tal-obbligi msemmija fil-paragrafu 1 ta’ dan l-Artikolu.

1.   Mikrointrapriża tista’ tissostitwixxi l-ittestjar tat-tip jew il-kalkolu tat-tip għal karatteristika essenzjali fl-ambitu tas-sistema 3 ta’ valutazzjoni u verifika stabbilita fil-punt 5 tal-Anness IX b’taqsima speċifika fid-dokumentazzjoni teknika msemmija fl-Artikolu 22(3), li tipprovdi data ekwivalenti għall-valutazzjoni meħtieġa għal din il-karatteristika essenzjali f’konformità mal-ispeċifikazzjonijiet tekniċi armonizzati applikabbli jew mad-dokument Ewropew ta’ valutazzjoni.

2.   Minflok il-valutazzjoni tal-prestazzjoni tal-prodott stabbilita fl-Anness IX, korp notifikat jew korp VT għandu jivvaluta u jiċċertifika t-twettiq korrett tal-obbligi msemmija fil-paragrafu 1 ta’ dan l-Artikolu.

1.   Bħala alternattiva għall-eżenzjoni fl-Artikolu 14, il-punt (a), manifattur ta’ prodott li jissodisfa l-kundizzjonijiet fl-Artikolu 14, il-punt (a), jista’ jissostitwixxi l-valutazzjoni tal-prestazzjoni tal-prodott b’taqsima speċifika fid-dokumentazzjoni teknika msemmija fl-Artikolu 22(3) li turi l-konformità ta’ dak il-prodott mar-rekwiżiti applikabbli u tipprovdi data ekwivalenti għad-data meħtieġa minn dan ir-Regolament u mill-ispeċifikazzjonijiet tekniċi armonizzati applikabbli jew mid-dokument Ewropew ta’ valutazzjoni.

2.   Jekk is-sistema ta’ valutazzjoni u verifika applikabbli tinkludi valutazzjoni tal-prestazzjoni minn korp notifikat kif stabbilit fl-Anness IX, korp notifikat jew korp VT għandu, minflok il-valutazzjoni tal-prestazzjoni tal-prodott stabbilita fl-Anness IX, jivvaluta u jiċċertifika t-twettiq korrett tal-obbligi msemmija fil-paragrafu 1 ta’ dan l-Artikolu.

1.   Meta korp notifikat ikollu l-obbligu li jivvaluta u jivverifika ċertu prodott f’konformità mal-Anness IX, huwa jista’ joqgħod lura mill-valutazzjoni u mill-verifika u jirrikonoxxi l-valutazzjoni u l-verifika mwettqa minn korp notifikat ieħor għall-istess operatur ekonomiku meta japplikaw il-kundizzjonijiet kollha li ġejjin:

Dan il-paragrafu għandu japplika wkoll għar-rapporti ta’ validazzjoni u għall-valutazzjonijiet tal-kalkolu tas-sostenibbiltà ambjentali mwettqa skont ir-Regolament (UE) 2024/1781.

2.   Meta korp notifikat ikollu l-obbligu li jivvaluta u jivverifika ċertu prodott f’konformità mal-Anness IX, huwa jista’ joqgħod lura mill-valutazzjoni u mill-verifika tal-partijiet jew tal-materjali tiegħu u jirrikonoxxi r-riżultati tal-valutazzjoni u tal-verifika minn korp notifikat ieħor, jekk il-fornitur ta’ dawk il-partijiet jew il-materjali jkun applika s-sistema ta’ valutazzjoni u verifika meħtieġa għalihom u jkun hemm ftehim bejn il-manifattur tal-prodott u l-fornitur li jiżgura l-fluss liberu tal-informazzjoni kollha bejnhom u l-korpi notifikati bil-ħsieb li tiġi żgurata l-konformità ma’ dan ir-Regolament.

Dan il-paragrafu għandu japplika wkoll għall-valutazzjonijiet tal-kalkolu tas-sostenibbiltà ambjentali mwettqa skont ir-Regolament (UE) 2024/1781.

1.   Mingħajr preġudizzju għall-obbligi tal-operaturi ekonomiċi skont dan ir-Regolament u għall-attivitajiet tal-awtoritajiet tas-sorveljanza tas-suq skont ir-Regolament (UE) 2019/1020, il-Kummissjoni għandha tistabbilixxi sistema li tippermetti lil kwalunkwe persuna fiżika jew ġuridika tikkondividi l-ilmenti jew ir-rapporti relatati ma’ nuqqas ta’ konformità possibbli ma’ dan ir-Regolament.

2.   Meta l-Kummissjoni tqis ilment jew rapport bħala rilevanti u sostanzjat abbażi ta’ kriterji definiti b’mod ċar, hija għandha, mingħajr dewmien żejjed, tittrażmetti dak l-ilment jew ir-rapport lill-punt uniku ta’ kollegament tal-Istat Membru kkonċernat sabiex dak il-punt uniku ta’ kollegament ikun jista’ jsegwi mal-persuna fiżika jew ġuridika rilevanti f’konformità mal-Artikolu 11(7), il-punt (a), tar-Regolament (UE) 2019/1020.

1.   L-Istati Membri għandhom jaħtru, minn fost l-awtoritajiet tas-sorveljanza tas-suq tagħhom, awtorità waħda jew aktar li jiddisponu mill-għarfien partikolari meħtieġ biex jivvalutaw il-prodotti kemm teknikament kif ukoll legalment.

2.   L-Istati Membri għandhom jaħtru punt uniku ta’ kollegament biex jaġixxi bħala l-punt fokali għall-kuntatti mal-Kummissjoni u mal-punti uniċi ta’ kollegament ta’ Stati Membri oħra li huma kompetenti skont dan ir-Regolament, inkluż għal talbiet skont l-Artikoli 22, 23 u 24 tar-Regolament (UE) 2019/1020.

3.   L-awtoritajiet tas-sorveljanza tas-suq maħtura f’konformità mal-paragrafu 1 ta’ dan l-Artikolu għandu jkollhom is-setgħat kollha elenkati fl-Artikolu 14(4) tar-Regolament (UE) 2019/1020. Għall-finijiet ta’ dan ir-Regolament, dawk is-setgħat għandhom japplikaw ukoll għall-operaturi ekonomiċi kollha koperti minn dan ir-Regolament.

4.   Għall-fini tas-sorveljanza tas-suq, l-investigazzjoni u l-infurzar, l-awtoritajiet tas-sorveljanza tas-suq għandu jkollhom is-setgħa li jitolbu mingħand awtoritajiet jew korpi oħra informazzjoni rilevanti fil-pussess tagħhom.

1.   Meta awtorità tas-sorveljanza tas-suq ta’ Stat Membru wieħed ikollha raġuni suffiċjenti biex temmen li ċerti prodotti koperti minn speċifikazzjoni teknika armonizzata jew li għalihom tkun inħarġet valutazzjoni teknika Ewropea, jew il-manifattur tagħhom, ma jkunux konformi, hija għandha twettaq evalwazzjoni b’rabta ma’ dawk il-prodotti u mal-manifattur ikkonċernat li tkopri r-rekwiżiti rispettivi stabbiliti minn dan ir-Regolament. L-operaturi ekonomiċi rilevanti għandhom jikkooperaw, kif meħtieġ, mal-awtoritajiet tas-sorveljanza tas-suq.

Meta, matul dik l-evalwazzjoni, l-awtorità tas-sorveljanza tas-suq issib li l-prodotti jew il-manifattur tagħhom ma jkunx konformi mar-rekwiżiti u l-obbligi stabbiliti f’dan ir-Regolament, hija għandha, mingħajr dewmien, titlob lill-operatur ekonomiku rilevanti jieħu l-azzjonijiet korrettivi xierqa u proporzjonati, kif previst fl-Artikolu 16(3) tar-Regolament (UE) 2019/1020, biex itemm in-nuqqas ta’ konformità jew, jekk dak ma jkunx possibbli, biex jirtira l-prodotti mis-suq, jew isejħilhom lura, dan kollu f’perjodu raġonevoli li jkun proporzjonat man-natura tan-nuqqas ta’ konformità.

L-awtorità tas-sorveljanza tas-suq għandha tinforma skont kif ikun meħtieġ lill-korpi notifikati, jekk ikunu involuti korpi notifikati.

2.   Meta l-awtorità tas-sorveljanza tas-suq tqis li n-nuqqas ta’ konformità ma jkunx limitat għat-territorju nazzjonali tagħha, hija għandha, permezz tal-punt uniku ta’ kollegament, tinforma lill-Kummissjoni u lill-Istati Membri l-oħra bir-riżultati tal-evalwazzjoni u bl-azzjonijiet li hija tkun talbet lill-operatur ekonomiku jieħu.

3.   L-operatur ekonomiku għandu jiżgura li jittieħdu l-azzjonijiet korrettivi xierqa kollha fir-rigward tal-prodotti kollha kkonċernati li huwa jkun għamel disponibbli fis-suq fl-Unjoni kollha.

4.   Meta l-operatur ekonomiku rilevanti, fil-perjodu msemmi fil-paragrafu 1, it-tieni subparagrafu, ma jiħux l-azzjoni korrettiva msemmija fil-paragrafu 1, it-tieni subparagrafu, jew meta n-nuqqas ta’ konformità jippersisti, l-awtorità tas-sorveljanza tas-suq għandha tiżgura li l-prodott ikkonċernat jiġi rtirat jew imsejjaħ lura, jew li t-tqegħid tiegħu fis-suq ikun ipprojbit jew ristrett.

L-awtorità tas-sorveljanza tas-suq għandha tinforma lill-pubbliku u, permezz tal-punt uniku ta’ kollegament, lill-Kummissjoni u lill-Istati Membri l-oħra, mingħajr dewmien, dwar dawk il-miżuri.

5.   L-informazzjoni msemmija fit-tieni subparagrafu tal-paragrafu 4 għandha tinkludi d-dettalji kollha disponibbli, b’mod partikolari d-data meħtieġa għall-identifikazzjoni tal-prodotti mhux konformi, l-oriġini ta’ dawk il-prodotti, in-natura tal-allegat nuqqas ta’ konformità u r-riskju involut, in-natura u d-durata tal-miżuri nazzjonali meħuda, kif ukoll l-argumenti mressqa mill-operatur ekonomiku rilevanti. B’mod partikolari, l-awtoritajiet tas-sorveljanza tas-suq għandhom jindikaw jekk in-nuqqas ta’ konformità huwiex dovut għal kwalunkwe wieħed minn dawn li ġejjin:

6.   L-Istati Membri, minbarra l-Istat Membru li jkun beda l-proċedura, għandhom jinformaw mingħajr dewmien lill-Kummissjoni u lill-Istati Membri l-oħra dwar kwalunkwe miżura adottata u dwar kwalunkwe informazzjoni addizzjonali li jkollhom għad-dispożizzjoni tagħhom relatata man-nuqqas ta’ konformità tal-prodotti kkonċernati, u, jekk ma jkunx hemm qbil mal-miżura nazzjonali notifikata, dwar l-oġġezzjonijiet tagħhom.

7.   Meta, fi żmien xahrejn mill-wasla tal-informazzjoni msemmija fil-paragrafu 4, ma tkun tqajmet l-ebda oġġezzjoni minn xi Stat Membru jew mill-Kummissjoni fir-rigward ta’ xi miżura provviżorja meħuda minn Stat Membru b’rabta mal-prodott ikkonċernat, dik il-miżura għandha titqies bħala waħda ġustifikata.

8.   L-Istati Membri għandhom jiżguraw li jittieħdu miżuri restrittivi xierqa mingħajr dewmien fir-rigward tal-prodott jew tal-manifattur ikkonċernat, bħall-irtirar tal-prodotti mis-suq tagħhom.

1.   Meta, mat-tlestija tal-proċedura stabbilita fl-Artikolu 65(4), (6) u (7), jitqajmu oġġezzjonijiet kontra miżura meħuda minn Stat Membru, jew meta l-Kummissjoni tqis li miżura nazzjonali tmur kontra l-leġiżlazzjoni tal-Unjoni, il-Kummissjoni għandha, mingħajr dewmien, tidħol f’konsultazzjoni mal-Istati Membri u mal-operatur ekonomiku rilevanti u għandha tevalwa l-miżura nazzjonali. Il-perjodu tal-konsultazzjoni ma għandux jaqbeż xahrejn. Abbażi tar-riżultati ta’ dik l-evalwazzjoni, il-Kummissjoni għandha tagħmel ħilitha biex tadotta atti ta’ implimentazzjoni, fi żmien xahrejn addizzjonali, wara t-tmiem tal-perjodu tal-konsultazzjoni, li jistabbilixxu d-deċiżjoni tagħha dwar jekk il-miżura hijiex ġustifikata jew le.

Dawk l-atti ta’ implimentazzjoni għandhom jiġu adottati f’konformità mal-proċedura konsultattiva msemmija fl-Artikolu 90(2).

Il-Kummissjoni għandha tindirizza d-deċiżjoni tagħha lill-Istati Membri kollha u għandha tikkomunikaha minnufih lilhom u lill-operatur ekonomiku rilevanti.

2.   Jekk il-miżura nazzjonali titqies bħala ġustifikata, l-Istati Membri kollha għandhom, mingħajr dewmien, jiżguraw li jittieħdu miżuri restrittivi xierqa, bħall-irtirar, fir-rigward tal-prodott mhux konformi u għandhom jinformaw lill-Kummissjoni skont kif ikun meħtieġ. Jekk il-miżura nazzjonali titqies bħala mhux ġustifikata, l-Istat Membru kkonċernat għandu jirtira l-miżura.

3.   Meta l-miżura nazzjonali titqies li hija ġustifikata u n-nuqqas ta’ konformità tal-prodott jew tal-manifattur tiegħu jkun attribwit għal nuqqasijiet fl-ispeċifikazzjonijiet tekniċi armonizzati, fid-dokumenti Ewropej ta’ valutazzjoni, fl-istandards armonizzati volontarji jew fl-ispeċifikazzjonijiet komuni stabbiliti mill-atti ta’ implimentazzjoni kif imsemmi fl-Artikolu 65(5), il-punt (d), il-Kummissjoni għandha tapplika l-proċedura prevista fl-Artikolu 5(9), l-Artikolu 6(5), l-Artikolu 7(6) jew l-Artikolu 36 ta’ dan ir-Regolament jew fl-Artikolu 11 tar-Regolament (UE) Nru 1025/2012, kif xieraq.

1.   Meta, wara li tkun wettqet evalwazzjoni skont l-Artikolu 65(1), awtorità tas-sorveljanza tas-suq ssib li, għalkemm prodott ikun konformi ma’ dan ir-Regolament, huwa jippreżenta riskju għas-saħħa jew għas-sikurezza tal-persuni jew, meta applikabbli, għall-ambjent jew għal aspetti oħra ta’ protezzjoni tal-interess pubbliku, hija għandha titlob lill-operatur ekonomiku rilevanti jieħu l-miżuri kollha xierqa biex jiżgura li l-prodotti kkonċernati, meta jitqiegħdu fis-suq, ma jibqgħux jippreżentaw dak ir-riskju, biex jirtira il-prodotti mis-suq jew biex isejħilhom lura f’perjodu raġonevoli, b’mod proporzjonat man-natura tar-riskju, li hija tista’ tippreskrivi.

2.   L-operatur ekonomiku għandu jiżgura li tittieħed kwalunkwe azzjoni korrettiva fir-rigward tal-prodotti kollha kkonċernati li dak l-operatur ekonomiku jkun għamel disponibbli fis-suq fl-Unjoni kollha.

3.   L-awtorità tas-sorveljanza tas-suq għandha, permezz tal-punt uniku ta’ kollegament, tinforma minnufih lill-Kummissjoni u lill-Istati Membri l-oħra. Dik l-informazzjoni għandha tinkludi d-dettalji kollha disponibbli, b’mod partikolari d-data meħtieġa għall-identifikazzjoni tal-prodott ikkonċernat, l-oriġini u l-katina tal-provvista tal-prodott, in-natura tar-riskju involut u n-natura u d-durata tal-miżuri nazzjonali meħuda.

4.   Il-Kummissjoni għandha, mingħajr dewmien, tikkonsulta lill-Istati Membri u lill-operaturi ekonomiċi rilevanti u għandha tevalwa l-miżuri nazzjonali meħuda. Abbażi tar-riżultati ta’ dik l-evalwazzjoni, il-Kummissjoni għandha tadotta att ta’ implimentazzjoni li jistabbilixxi d-deċiżjoni tagħha dwar jekk il-miżura hijiex ġustifikata jew le u, meta meħtieġ, tordna miżuri xierqa.

Dawk l-atti ta’ implimentazzjoni għandhom jiġu adottati f’konformità mal-proċedura konsultattiva msemmija fl-Artikolu 90(2).

5.   Il-Kummissjoni għandha tindirizza d-deċiżjoni tagħha lill-Istati Membri kollha u għandha tikkomunikaha minnufih lilhom u lill-operatur ekonomiku rilevanti.

1.   Għall-finijiet ta’ dan ir-Regolament, il-grupp ta’ kooperazzjoni amministrattiva stabbilit skont l-Artikolu 30(2) tar-Regolament (UE) 2019/1020 (“ADCO”) għandu jiltaqa’ f’intervalli regolari u, meta meħtieġ, fuq it-talba motivata tal-Kummissjoni jew ta’ żewġ awtoritajiet tas-sorveljanza tas-suq parteċipanti jew aktar.

Fil-kuntest tat-twettiq tal-kompiti tiegħu stabbiliti fl-Artikolu 32 tar-Regolament (UE) 2019/1020, l-ADCO għandu jappoġġja l-implimentazzjoni ta’ dan ir-Regolament, jiġifieri billi jidentifika prijoritajiet komuni għas-sorveljanza tas-suq.

2.   Abbażi tal-prijoritajiet identifikati f’konsultazzjoni mal-ADCO, il-Kummissjoni għandha:

L-Unjoni għandha, meta xieraq, tiffinanzja l-azzjonijiet imsemmija fil-punti (a), (b) u (c).

3.   Il-Kummissjoni għandha tipprovdi appoġġ tekniku u loġistiku biex tiżgura li l-ADCO jwettaq il-kompiti tiegħu stabbiliti f’dan l-Artikolu u fl-Artikolu 32 tar-Regolament (UE) 2019/1020.

1.   L-awtoritajiet tas-sorveljanza tas-suq għandhom idaħħlu fis-sistema ta’ informazzjoni u komunikazzjoni msemmija fl-Artikolu 34 tar-Regolament (UE) 2019/1020 informazzjoni dwar in-natura u s-severità ta’ kwalunkwe penali imposta b’rabta man-nuqqas ta’ konformità ma’ dan ir-Regolament.

2.   Il-Kummissjoni għandha, kull erba’ snin, tfassal rapport sat-30 ta’ Ġunju abbażi tal-informazzjoni mdaħħla mill-awtoritajiet tas-sorveljanza tas-suq fis-sistema ta’ informazzjoni u komunikazzjoni msemmija fl-Artikolu 34 tar-Regolament (UE) 2019/1020. L-ewwel wieħed minn dawk ir-rapporti għandu jiġi ppubblikat sad-9 ta’ Jannar 2030.

Ir-rapport għandu jinkludi:

3.   Il-Kummissjoni għandha tippubblika r-rapport imsemmi fil-paragrafu 2 ta’ dan l-Artikolu fis-sistema ta’ informazzjoni u komunikazzjoni msemmija fl-Artikolu 34 tar-Regolament (UE) 2019/1020 u għandha tippubblika sommarju tar-rapport.

1.   Il-Kummissjoni għandha tistabbilixxi u żżomm sistema ta’ informazzjoni u komunikazzjoni għall-ġbir, l-ipproċessar u l-ħżin tal-informazzjoni, f’forma strutturata, dwar kwistjonijiet relatati mal-interpretazzjoni jew l-applikazzjoni tar-regoli stabbiliti f’dan ir-Regolament jew skont dan ir-Regolament, bil-għan li tiġi żgurata l-applikazzjoni armonizzata ta’ dawk ir-regoli.

Minbarra l-Kummissjoni u l-Istati Membri, l-awtoritajiet tas-sorveljanza tas-suq, l-uffiċċji uniċi ta’ kollegament maħtura skont l-Artikolu 10(3) tar-Regolament (UE) 2019/1020, l-awtoritajiet maħtura skont l-Artikolu 25(1) tar-Regolament (UE) 2019/1020, l-awtoritajiet tan-notifika, ir-rappreżentanti tal-grupp tal-korpi notifikati u tal-organizzazzjoni tal-korpi VT u l-punti ta’ kuntatt għall-prodotti għall-bini għandhom ikunu jistgħu jaċċessaw is-sistema ta’ informazzjoni u komunikazzjoni.

2.   Il-korpi elenkati fil-paragrafu 1 jistgħu jużaw is-sistema ta’ informazzjoni u komunikazzjoni biex iqajmu kwalunkwe mistoqsija jew kwistjoni relatata mal-interpretazzjoni jew l-applikazzjoni tar-regoli stabbiliti f’dan ir-Regolament, jew skont dan ir-Regolament, inkluża r-relazzjoni tagħhom ma’ dispożizzjonijiet oħra tal-liġi tal-Unjoni.

3.   Għall-finijiet tal-paragrafu 2, il-korpi elenkati fil-paragrafu 1 jistgħu jqajmu mistoqsijiet jew kwistjonijiet relatati mas-suġġetti li ġejjin:

4.   Meta jqajjem mistoqsija jew kwistjoni, il-korp rilevanti għandu jdaħħal fis-sistema ta’ informazzjoni u komunikazzjoni informazzjoni dwar:

5.   L-Istati Membri għandhom jistabbilixxu sistema ta’ informazzjoni nazzjonali jew servizz ta’ distribuzzjoni bl-email biex jinformaw lill-awtoritajiet nazzjonali kompetenti tagħhom, lill-operaturi ekonomiċi attivi fit-territorju tagħhom, lill-korpi VT u lill-korpi notifikati bil-post tan-negozju fit-territorju tagħhom u, fuq talba, lil korpi VT u korpi notifikati oħra ukoll, dwar il-kwistjonijiet kollha rilevanti għall-interpretazzjoni jew l-applikazzjoni korretta tar-regoli stabbiliti f’dan ir-Regolament, jew skont dan ir-Regolament. Meta jagħmlu dan, huma għandhom iqisu l-informazzjoni disponibbli fis-sistema ta’ informazzjoni u komunikazzjoni msemmija fil-paragrafu 1.

6.   L-awtoritajiet nazzjonali kompetenti, il-korpi VT u l-korpi notifikati b’post tan-negozju fl-Istat Membru rispettiv għandhom jirreġistraw lilhom infushom fis-sistema jew għas-servizz ta’ distribuzzjoni bl-email u jqisu l-informazzjoni kollha trażmessa permezz tagħhom. L-operaturi ekonomiċi jistgħu jirreġistraw lilhom infushom fis-sistema jew għas-servizz ta’ distribuzzjoni bl-email. L-Istati Membri għandhom jieħdu l-miżuri xierqa biex iġibu s-sistema jew is-servizz ta’ distribuzzjoni bl-email għall-attenzjoni tal-operaturi ekonomiċi.

7.   Is-sistema ta’ informazzjoni nazzjonali jew is-servizz ta’ distribuzzjoni bl-email għandhom ikunu jistgħu jirċievu lmenti minn kwalunkwe persuna fiżika jew ġuridika, inklużi korpi VT u korpi notifikati, dwar l-applikazzjoni irregolari tar-regoli stabbiliti f’dan ir-Regolament, jew skont dan ir-Regolament. Jekk jitqies xieraq, il-punt uniku ta’ kollegament għandu jibgħat tali lmenti lill-pari tiegħu fi Stati Membri oħra u lill-Kummissjoni.

1.   L-Istati Membri għandhom jappoġġjaw lill-operaturi ekonomiċi permezz ta’ punti ta’ kuntatt għall-prodotti għall-bini. L-Istati Membri għandhom jaħtru u jżommu mill-inqas punt ta’ kuntatt wieħed għall-prodotti għall-bini fit-territorju tagħhom u għandhom jiżguraw li l-punti ta’ kuntatt tagħhom għall-prodotti għall-bini jkollhom setgħat suffiċjenti u riżorsi adegwati għat-twettiq xieraq tal-kompiti tagħhom. Huma għandhom jiżguraw li l-punti ta’ kuntatt għall-prodotti għall-bini jipprovdu s-servizzi tagħhom f’konformità mar-Regolament (UE) 2018/1724 u li huma jikkoordinaw mal-punti ta’ kuntatt tal-prodott għar-rikonoxximent reċiproku stabbiliti skont l-Artikolu 9(1) tar-Regolament (UE) 2019/515 tal-Parlament Ewropew u tal-Kunsill (29).

2.   Il-punti ta’ kuntatt għall-prodotti għall-bini għandhom jipprovdu, fuq talba ta’ operatur ekonomiku jew ta’ awtorità nazzjonali kompetenti ta’ Stat Membru ieħor, kwalunkwe informazzjoni utli relatata mal-prodott, bħal:

Il-punti ta’ kuntatt għall-prodotti għall-bini għandhom jipprovdu wkoll informazzjoni dwar id-dispożizzjonijiet relatati mal-prodott ta’ dan ir-Regolament u tal-atti adottati f’konformità miegħu.

3.   Il-punti ta’ kuntatt għall-prodotti għall-bini għandhom jipprovdu informazzjoni mingħajr ħlas fi żmien 15-il jum tax-xogħol minn meta jirċievu kwalunkwe talba skont il-paragrafu 2.

4.   Il-punti ta’ kuntatt għall-prodotti għall-bini għandhom ikunu kapaċi jwettqu l-funzjonijiet tagħhom b’mod li jevita l-kunflitti ta’ interess, b’mod partikolari fir-rigward tal-proċeduri għall-kisba tal-markatura CE.

5.   Il-paragrafi 1 sa 4 japplikaw ukoll għal prodotti li għadhom ma ġewx koperti minn speċifikazzjonijiet tekniċi armonizzati.

6.   Il-Kummissjoni għandha tippubblika u żżomm aġġornata lista tal-punti ta’ kuntatt nazzjonali għall-prodotti għall-bini.

1.   L-awtoritajiet tas-sorveljanza tas-suq, il-punti ta’ kuntatt għall-prodotti għall-bini, l-awtoritajiet tal-ħatra, il-korpi VT, l-awtoritajiet tan-notifika u l-korpi notifikati għandhom jiżguraw li l-persunal tagħhom:

2.   Il-Kummissjoni għandha, perjodikament u mill-inqas darba f’sena, torganizza avvenimenti ta’ taħriġ b’mod konġunt għall-persunal tal-awtoritajiet tas-sorveljanza tas-suq, tal-punti ta’ kuntatt għall-prodotti għall-bini, tal-awtoritajiet tal-ħatra, tal-awtoritajiet tan-notifika u tal-korpi notifikati. Il-Kummissjoni għandha torganizza dawn l-avvenimenti ta’ taħriġ b’kooperazzjoni mal-Istati Membri.

L-avvenimenti ta’ taħriġ għandhom ikunu miftuħa għall-parteċipazzjoni tal-persunal tal-awtoritajiet maħtura skont l-Artikolu 25(1) tar-Regolament (UE) 2019/1020, tal-uffiċċji uniċi ta’ kollegament maħtura skont l-Artikolu 10(3) tar-Regolament (UE) 2019/1020 u, meta xieraq, ta’ awtoritajiet oħra tal-Istati Membri involuti fl-implimentazzjoni jew fl-infurzar ta’ dan ir-Regolament.

3.   Il-Kummissjoni tista’ torganizza, b’kooperazzjoni mal-Istati Membri, programmi għall-iskambju ta’ persunal bejn l-awtoritajiet tas-sorveljanza tas-suq, l-awtoritajiet tan-notifika u l-korpi notifikati ta’ żewġ Stati Membri jew aktar.

1.   Sabiex jissodisfaw l-obbligi tagħhom skont dan ir-Regolament fir-rigward tas-sorveljanza tas-suq, il-ħatra u s-superviżjoni tal-korpi VT, tal-korpi notifikati u tal-punti ta’ kuntatt għall-prodotti għall-bini, l-Istati Membri jistgħu jaħtru:

L-Istati Membri kkonċernati għandhom jiżguraw b’mod konġunt li l-korpi jew l-awtoritajiet kondiviżi jissodisfaw ir-rekwiżiti rilevanti kollha. Huma għandhom ikunu responsabbli b’mod konġunt għalihom, filwaqt li d-deċiżjonijiet meħuda fil-konfront ta’ persuni fiżiċi jew ġuridiċi f’ċertu Stat Membru għandhom ikunu legalment attribwibbli għal dak l-Istat Membru biss.

2.   L-awtoritajiet ta’ Stati Membri differenti jistgħu, mingħajr preġudizzju għall-obbligi individwali tagħhom skont dan ir-Regolament jew atti leġiżlattivi oħrajn, jikkondividu r-riżorsi u r-responsabbiltajiet sabiex jiżguraw l-applikazzjoni armonizzata jew l-infurzar effettiv ta’ dan ir-Regolament.

Għal dak l-għan, huma jistgħu wkoll:

L-Istati Membri rilevanti għandhom ikunu responsabbli b’mod konġunt għall-azzjonijiet meħuda skont dan il-paragrafu.

1.   Il-Kummissjoni għandha tadotta atti delegati f’konformità mal-Artikolu 89 biex tissupplimenta dan ir-Regolament billi tistabbilixxi sistema tal-passaport diġitali tal-prodotti għall-bini, f’konformità mal-kundizzjonijiet stabbiliti f’dan il-Kapitolu.

2.   Is-sistema tal-passaport diġitali tal-prodotti għall-bini għandha:

1.   L-informazzjoni fil-passaport diġitali tal-prodotti għandha tkun akkurata, kompluta u aġġornata.

2.   Passaport diġitali tal-prodotti għal prodott skont dan ir-Regolament għandu:

3.   Ir-rekwiżiti msemmija fil-paragrafu 2 għandhom:

4.   Il-prodotti li fir-rigward tagħhom tiġi applikata l-eżenzjoni stabbilita fl-Artikolu 14 huma eżentati wkoll mill-obbligu li jipprovdu passaport diġitali tal-prodotti.

1.   Passaport diġitali tal-prodotti għandu jissodisfa l-kundizzjonijiet li ġejjin:

2.   Meta leġiżlazzjoni oħra tal-Unjoni tkun teħtieġ jew tippermetti l-inklużjoni ta’ informazzjoni speċifika fil-passaport diġitali tal-prodotti, dik l-informazzjoni tista’ tiġi inkluża fil-passaport diġitali tal-prodotti f’konformità mal-att delegat imsemmi fl-Artikolu 75(1).

3.   Il-manifattur li jqiegħed il-prodott fis-suq għandu jipprovdi lill-atturi li jagħmlu disponibbli l-prodotti fis-suq online jew b’mezz ieħor ta’ bejgħ mill-bogħod b’kopja diġitali tal-mezz ta’ data jew l-identifikatur tal-prodott biex jippermettilhom jagħmluha aċċessibbli għall-klijenti meta dawn ma jkunux jistgħu jaċċessaw fiżikament il-prodott. L-operatur ekonomiku għandu jipprovdi dik il-kopja diġitali jew il-ħolqa għall-paġna web mingħajr ħlas u fi żmien 5 ijiem tax-xogħol mill-wasla tat-talba.

1.   L-Artikolu 12 tar-Regolament (UE) 2024/1781 għandu japplika għall-finijiet tal-implimentazzjoni ta’ dan ir-Regolament fir-rigward ta’ identifikaturi uniċi u ta’ mezzi ta’ data sakemm l-att delegat imsemmi fl-Artikolu 75(1) ta’ dan ir-Regolament ma jistabbilix regoli aktar dettaljati jew alternattivi relatati ma’ dawk l-identifikaturi uniċi u l-mezzi ta’ data, kif imsemmi fl-Artikolu 75(2)(h) ta’ dan ir-Regolament.

2.   L-Artikolu 13 tar-Regolament (UE) 2024/1781 għandu japplika għall-finijiet tal-implimentazzjoni ta’ dan ir-Regolament fir-rigward tar-reġistru tal-passaporti diġitali tal-prodotti sakemm l-att delegat imsemmi fl-Artikolu 75(1) ta’ dan ir-Regolament ma jistabbilix regoli aktar dettaljati jew alternattivi relatati ma’ dak ir-reġistru, kif imsemmi fl-Artikolu 75(2)(h) ta’ dan ir-Regolament.

3.   L-Artikolu 14 tar-Regolament (UE) 2024/1781 għandu japplika għall-finijiet tal-implimentazzjoni ta’ dan ir-Regolament fir-rigward tal-portal web għall-informazzjoni fil-passaport diġitali tal-prodotti.

1.   Sitt xhur wara d-dħul fis-seħħ tal-att delegat imsemmi fl-Artikolu 75(1), is-sistema għandha tkun kompletament operattiva u għandha tkun qed tissodisfa l-objettivi intiżi tagħha, inklużi l-funzjonalitajiet previsti fl-Artikolu 76. L-obbligi stabbiliti skont l-Artikolu 22(7) għandhom japplikaw 18-il xahar wara d-dħul fis-seħħ tal-att delegat imsemmi fl-Artikolu 75(1). Is-sistema tista’ tintuża mill-manifatturi b’mod volontarju fil-perjodu interim.

2.   Il-Kummissjoni għandha s-setgħa li tadotta atti delegati skont l-Artikolu 89 biex temenda dan ir-Regolament sabiex:

1.   Għall-finijiet tal-protezzjoni tas-saħħa u tas-sikurezza tal-persuni jew tal-ambjent, il-Kummissjoni tista’ tikkoopera mal-awtoritajiet ta’ pajjiżi terzi jew organizzazzjonijiet internazzjonali fil-qasam tal-applikazzjoni ta’ dan ir-Regolament. Tali kooperazzjoni tista’ tinkludi:

L-iskambju ta’ informazzjoni skont dan il-paragrafu għandu jirrispetta r-regoli tal-kunfidenzjalità u jkun konformi mal-liġi tal-Unjoni applikabbli.

2.   L-iskambju ta’ informazzjoni msemmi fil-paragrafu 1 jista’ jieħu l-forma ta’:

Il-Kummissjoni għandha tinforma regolarment lill-Istati Membri dwar l-attivitajiet ta’ kooperazzjoni ma’ pajjiżi terzi jew organizzazzjonijiet internazzjonali li twettaq skont l-ewwel subparagrafu.

3.   Il-Kummissjoni tista’ tadotta atti ta’ implimentazzjoni, li jagħtu lill-awtoritajiet ta’ pajjiżi terzi magħżulin li b’mod volontarju japplikaw dan ir-Regolament, jew li għandhom sistemi regolatorji għall-prodotti għall-bini simili għal dan ir-Regolament, aċċess għal wieħed jew aktar mill-elementi li ġejjin jew id-dritt li jipparteċipaw bi sħiħ fih(om):

L-aċċess għas-sistemi u għall-avvenimenti msemmija fl-ewwel subparagrafu għandu jingħata bil-kundizzjoni li l-pajjiż terz ikkonċernat jimpenja ruħu li jieħu azzjoni kontra l-operaturi ekonomiċi li jiksru dan ir-Regolament mit-territorju tagħhom, u li jiżguraw il-kunfidenzjalità.

Il-parteċipazzjoni sħiħa fis-sistemi msemmija fl-Artikoli 71 u 75 tista’ tingħata biss meta l-ftehimiet bejn l-Unjoni Ewropea u l-pajjiżi terzi jippreveduha. Tali parteċipazzjoni tista’ tiġi offruta lill-pajjiżi terzi dment li l-leġiżlazzjoni tal-pajjiż terzi tkun allinjata ma’ dan ir-Regolament u l-awtoritajiet nazzjonali kompetenti tal-pajjiżi terzi jirrikonoxxu ċ-ċertifikati maħruġa mill-korpi notifikati jew il-valutazzjonijiet tekniċi Ewropej f’konformità ma’ dan ir-Regolament. Tali parteċipazzjoni għandha tkun soġġetta għall-issodisfar tal-istess obbligi bħal dawk li japplikaw għall-Istati Membri skont dan ir-Regolament, inklużi obbligi ta’ notifika u ta’ segwitu.

L-atti ta’ implimentazzjoni msemmija fl-ewwel subparagrafu ta’ dan il-paragrafu għandhom jiġu adottati f’konformità mal-proċedura konsultattiva msemmija fl-Artikolu 90(2).

4.   Kwalunkwe skambju ta’ informazzjoni skont dan l-Artikolu, sa fejn ikun jinvolvi data personali, għandu jitwettaq f’konformità mar-regoli tal-Unjoni dwar il-protezzjoni tad-data. Jekk il-Kummissjoni ma tkun adottat l-ebda deċiżjoni ta’ adegwatezza skont l-Artikolu 45 tar-Regolament (UE) 2016/679 fir-rigward tal-pajjiż terz jew tal-organizzazzjoni internazzjonali kkonċernati, l-iskambju ta’ informazzjoni għandu jeskludi data personali. Jekk tkun ġiet adottata deċiżjoni ta’ adegwatezza għall-pajjiż terz jew għall-organizzazzjoni internazzjonali, l-iskambju ta’ informazzjoni ma’ dak il-pajjiż terz jew dik l-organizzazzjoni internazzjonali jista’ jkun fih data personali li taqa’ fil-kamp ta’ applikazzjoni tad-deċiżjoni ta’ adegwatezza iżda biss sal-punt li tali skambju jkun meħtieġ għall-iskop uniku tal-protezzjoni tas-saħħa u tas-sikurezza tal-persuni jew tal-ambjent.

1.   Il-Kummissjoni għandha tadotta atti delegati f’konformità mal-Artikolu 89 biex tissupplimenta dan ir-Regolament billi tispeċifika rekwiżiti obbligatorji minimi relatati mas-sostenibbiltà ambjentali għall-prodotti għall-bini.

2.   Għall-proċeduri ta’ akkwist li jaqgħu fil-kamp ta’ applikazzjoni tad-Direttivi 2014/24/UE (32) jew 2014/25/UE (33) tal-Parlament Ewropew u tal-Kunsill, li fihom il-kuntratti jirrikjedu prestazzjoni minima ta’ sostenibbiltà ambjentali għall-prodotti għall-bini fir-rigward tal-karatteristiċi essenzjali tagħhom koperti minn speċifikazzjonijiet tekniċi armonizzati, l-awtoritajiet kontraenti u l-entitajiet kontraenti għandhom japplikaw ir-rekwiżiti obbligatorji relatati mas-sostenibbiltà ambjentali stabbiliti fl-atti delegati msemmija fil-paragrafu 1.

Dan ma għandux jimpedixxi lill-awtoritajiet kontraenti u lill-entitajiet kontraenti milli jistabbilixxu:

3.   L-Istati Membri u l-Kummissjoni għandhom jipprovdu assistenza teknika u konsulenza lill-awtoritajiet kontraenti u l-entitajiet kontraenti inkarigati mill-akkwist pubbliku dwar kif jikkonformaw mar-rekwiżiti obbligatorji minimi relatati mas-sostenibbiltà ambjentali stabbiliti fl-atti delegati msemmija fil-paragrafu 1.

4.   Ir-rekwiżiti obbligatorji minimi relatati mas-sostenibbiltà ambjentali stabbiliti fl-atti delegati msemmija fil-paragrafu 1 għall-kuntratti pubbliċi mogħtija mill-awtoritajiet kontraenti jew mill-entitajiet kontraenti jistgħu, skont kif ikun xieraq għall-familja tal-prodotti jew għall-kategorija tal- prodotti kkonċernata, jieħdu l-forma ta’:

5.   Meta tistabbilixxi rekwiżiti obbligatorji minimi relatati mas-sostenibbiltà ambjentali skont il-paragrafu 1 għall-kuntratti pubbliċi, il-Kummissjoni għandha, bi qbil mal-paragrafi 13 u 28 tal-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet, tikkonsulta lill-esperti maħtura minn kull Stat Membri u lill-partijiet ikkonċernati rilevanti, tagħmel valutazzjoni tal-impatt u tqis tal-anqas il-kriterji li ġejjin:

L-ewwel valutazzjoni tal-impatt għandha tiġi varata mill-Kummissjoni sal-31 ta’ Diċembru 2026.

6.   L-awtoritajiet kontraenti u l-entitajiet kontraenti jistgħu, fuq bażi eċċezzjonali, jiddeċiedu li ma japplikawx il-paragrafu 2 ta’ dan l-Artikolu meta, wara konsultazzjoni preliminari tas-suq bi qbil mal-Artikolu 40 tad-Direttiva 2014/24/UE u l-Artikolu 58 tad-Direttiva 2014/25/UE, ikun instab li:

L-awtoritajiet kontraenti u l-entitajiet kontraenti jistgħu jippreżumu li differenzi stmati fil-valur tal-kuntratt ta’ aktar minn 10 %, abbażi ta’ data oġġettiva u trasparenti, huma sproporzjonati.

Meta l-awtoritajiet kontraenti u l-entitajiet kontraenti jużaw id-deroga f’dan il-paragrafu, il-proċedura tal-akkwist ma tistax titqies bħala ambjentalment sostenibbli fir-rigward tal-prodotti għall-bini li għalihom ġew applikati l-eċċezzjonijiet.

Kull tliet snin, l-Istati Membri għandhom jirrappurtaw lill-Kummissjoni dwar l-użu ta’ dan il-paragrafu, f’konformità mal-Artikolu 83 tad-Direttiva 2014/24/UE.

Dan il-paragrafu għandu jkun mingħajr preġudizzju għall-possibbiltà li jiġu esklużi offerti anormalment baxxi skont l-Artikolu 69 tad-Direttiva 2014/24/UE u l-Artikolu 84 tad-Direttiva 2014/25/UE.

7.   L-Ekotikketta tal-UE u skemi nazzjonali jew reġjonali oħra ta’ ekotikkettar EN ISO 14024 tat-tip I rikonoxxuti uffiċjalment f’konformità mal-Artikolu 11 tar-Regolament (KE) Nru 66/2010 tal-Parlament Ewropew u tal-Kunsill (34) jistgħu jintużaw biex tintwera l-konformità mar-rekwiżiti minimi tas-sostenibbiltà ambjentali meta tali tikketta tikkonforma mar-rekwiżiti stabbiliti fl-Artikolu 19 ta’ dan ir-Regolament.

1.   L-Artikoli 86 sa 88 ta’ dan ir-Regolament għandhom japplikaw biss jekk il-Kummissjoni tkun adottat att ta’ implimentazzjoni skont l-Artikolu 28 tar-Regolament (UE) 2024/2747 fir-rigward ta’ prodotti għall-bini koperti minn dan ir-Regolament.

2.   L-Artikoli 86 sa 88 ta’ dan ir-Regolament għandhom japplikaw biss għall-prodotti għall-bini, li jkunu ġew iddeżinjati bħala oġġetti rilevanti għall-kriżi skont l-Artikolu 18(4) tar-Regolament (UE) 2024/2747.

3.   Dan il-Kapitolu, ħlief fir-rigward tas-setgħa tal-Kummissjoni msemmija fl-Artikolu 87(7) ta’ dan ir-Regolament, għandu japplika biss matul il-modalità ta’ emerġenza tas-suq intern li tkun ġiet attivata f’konformità mal-Artikolu 18 tar-Regolament (UE) 2024/2747.

4.   Il-Kummissjoni tista’ tadotta atti ta’ implimentazzjoni rigward l-azzjonijiet korrettivi jew restrittivi li għandhom jittieħdu, il-proċeduri li għandhom jiġu segwiti u r-rekwiżiti speċifiċi ta’ tikkettar u traċċabbiltà fir-rigward tal-prodotti għall-bini mqiegħda fis-suq f’konformità mal-Artikoli 86 u 87. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 90(3).

1.   Dan l-Artikolu japplika għall-prodotti għall-bini elenkati fl-att ta’ implimentazzjoni msemmi fl-Artikolu 85(1) li huma soġġetti għal kompiti ta’ parti terza tal-korpi notifikati relatati mal-valutazzjoni u mal-verifika ta’ prodotti għall-bini, f’konformità mal-Artikolu 10(1).

2.   Il-korpi notifikati għandhom jagħmlu l-aħjar sforzi biex jipproċessaw bħala kwistjoni prijoritarja talbiet għal kompiti ta’ parti terza relatati mal-valutazzjoni u mal-verifika tal-prodotti għall-bini msemmija fil-paragrafu 1„ irrispettivament minn jekk dawk it-talbiet ikunux ġew ippreżentati qabel jew wara l-attivazzjoni tal-proċeduri ta’ emerġenza skont l-Artikolu 85.

3.   Il-prijoritizzazzjoni tat-talbiet għall-kompiti ta’ parti terza relatati mal-valutazzjoni u mal-verifika tal-prodotti għall-bini skont il-paragrafu 2 ma għandhiex tiriżulta f’ kostijiet sproporzjonati addizzjonali għall-manifatturi, li jkunu ppreżentaw dawk it-talbiet.

4.   Il-korpi notifikati għandhom jagħmlu sforzi raġonevoli biex iżidu l-kapaċitajiet rispettivi tagħhom ta’ valutazzjoni u ta’ verifika rigward il-prodotti għall-bini msemmija fil-paragrafu 1 li ikunu ġew innotifikati għalihom.

1.   Meta l-prodotti għall-bini jkunu ġew iddeżinjati bħala oġġetti rilevanti għall-kriżi, il-Kummissjoni għandha s-setgħa li tadotta atti ta’ implimentazzjoni li jelenkaw standards xierqa jew jistabbilixxu speċifikazzjonijiet komuni biex ikopru l-metodi u l-kriterji għall-valutazzjoni tal-prestazzjoni ta’ dawk il-prodotti fir-rigward tal-karatteristiċi essenzjali fil--każijiet li ġejjin:

2.   L-atti ta’ implimentazzjoni msemmija fil-paragrafu 1 għandhom jistabbilixxu l-aktar soluzzjoni teknika alternattiva xierqa għall-finijiet tal-għoti ta’ valutazzjoni u dikjarazzjoni tal-prestazzjoni f’konformità mal-paragrafu 5. Għal dak il-għan, ir-referenzi tal-istandards Ewropej, jew ir-referenzi ta’ standards internazzjonali jew nazzjonali applikabbli rilevanti jistgħu jiġu ppubblikati f’dawk l-atti ta’ implimentazzjoni jew, jekk ma jkun hemm l-ebda standard Ewropew, jew l-ebda standard internazzjonali jew nazzjonali applikabbli rilevanti, permezz ta’ dawk l-atti ta’ implimentazzjoni jistgħu jiġu stabbiliti speċifikazzjonijiet komuni.

3.   L-atti ta’ implimentazzjoni msemmija fil-paragrafu 1 ta’ dan l-Artikolu għandhom jiġu adottati f’konformità mal-proċedura ta’ eżami msemmija fl-Artikolu 90(3) u għandhom japplikaw sal-aħħar jum tal-perjodu li matulu l-modalità ta’ emerġenza tas-suq intern tkun ġiet attivata, sakemm dawk l-atti ta’ implimentazzjoni ma jiġux emendati jew imħassra f’konformità mal-paragrafu 7 ta’ dan l-Artikolu.

4.   Qabel ma tħejji l-abbozz tal-att ta’ implimentazzjoni msemmi fil-paragrafu 1 ta’ dan l-Artikolu, il-Kummissjoni għandha tinforma lill-kumitat imsemmi fl-Artikolu 22 tar-Regolament (UE) Nru 1025/2012 li hija tqis li l-kundizzjonijiet fil-paragrafu 1 ta’ dan l-Artikolu ġew issodisfati. Meta tkun qed tħejji dak l-abbozz tal-att ta’ implimentazzjoni, il-Kummissjoni għandha tqis il-fehmiet tal-Grupp ta’ Esperti dwar l-Acquis tas-CPR u għandha tikkonsulta kif xieraq lill-partijiet ikkonċernati rilevanti kollha.

5.   Mingħajr preġudizzju għall-Artikoli 13 u 15, il-metodi u l-kriterji previsti fl-istandards jew fl-ispeċifikazzjonijiet komuni msemmija fil-paragrafu 1 ta’ dan l-Artikolu, jew partijiet minnhom, jistgħu jintużaw għall-valutazzjoni u għad-dikjarazzjoni tal-prestazzjoni tal-prodotti għall-bini koperti minn dawk l-istandards jew l-ispeċifikazzjonijiet komuni fir-rigward tal-karatteristiċi essenzjali tagħhom. Mill-jum wara l-iskadenza jew id-deattivazzjoni tal-modalità ta’ emerġenza tas-suq intern ma għandux jibqa’ possibbli li jsiru dikjarazzjonijiet tal-prestazzjoni u tal-konformità bbażata fuq l-istandards jew l-ispeċifikazzjonijiet komuni msemmija fl-att ta’ implimentazzjoni msemmi fil-paragrafu 1 ta’ dan l-Artikolu.

6.   B’deroga mill-Artikolu 85(3) ta’ dan ir-Regolament, sakemm ma jkunx hemm raġuni suffiċjenti biex wieħed jemmen li l-prodotti għall-bini koperti mill-istandards jew mill-ispeċifikazzjonijiet komuni msemmija fil-paragrafu 1 ta’ dan l-Artikolu jippreżentaw riskju għas-saħħa jew is-sikurezza tal-persuni jew jonqsu milli jiksbu l-prestazzjoni ddikjarata, id-dikjarazzjonijiet tal-prestazzjoni u tal-konformità tal-prodotti għall-bini li jkunu tqiegħdu fis-suq f’konformità ma’ dawk l-istandards jew l-ispeċifikazzjonijiet komuni għandhom jibqgħu validi wara l-iskadenza jew it-tħassir ta’ att ta’ implimentazzjoni adottat skont il-paragrafu 3 ta’ dan l-Artikolu u wara l-iskadenza jew id-diżattivazzjoni tal-modalità ta’ emerġenza tas-suq intern.

7.   Meta Stat Membru jqis li standard jew speċifikazzjoni komuni kif imsemmija fil-paragrafu 1 ma jkunux korretti f’termini tal-metodi u l-kriterji għall-valutazzjoni tal-prestazzjoni fir-rigward tal-karatteristiċi essenzjali, għandu jinforma lill-Kummissjoni b’dan billi jippreżenta spjegazzjoni dettaljata. Il-Kummissjoni għandha tivvaluta dik l-ispjegazzjoni dettaljata u, meta jkun xieraq, tista’ temenda jew tħassar l-att ta’ implimentazzjoni li jelenka jew jistabbilixxi l-ispeċifikazzjoni komuni inkwistjoni.

1.   L-Istati Membri għandhom jipprijoritizzaw l-attivitajiet ta’ sorveljanza tas-suq għall-prodotti għall-bini elenkati fl-att ta’ implimentazzjoni msemmi fl-Artikolu 85(1) ta’ dan ir-Regolament. Il-Kummissjoni għandha tiffaċilita l-koordinazzjoni ta’ tali sforzi ta’ prijoritizzazzjoni permezz tan-Network tal-Unjoni għall-Konformità tal-Prodotti stabbilit skont l-Artikolu 29 tar-Regolament (UE) 2019/1020.

2.   L-awtoritajiet tas-sorveljanza tas-suq tal-Istati Membri għandhom jiżguraw li jsiru l-aqwa sforzi biex jipprovdu assistenza lil awtoritajiet oħra tas-sorveljanza tas-suq matul il-modalità ta’ emerġenza fis-suq intern, inkluż billi jimmobilizzaw u jibagħtu timijiet ta’ esperti biex isaħħu temporanjament il-persunal tal-awtoritajiet tas-sorveljanza tas-suq li jitolbu assistenza jew billi jipprovdu appoġġ loġistiku, bħat-tisħiħ tal-kapaċità tal-ittestjar għall-prodotti għall-bini elenkati fl-att ta’ implimentazzjoni imsemmi fl-Artikolu 85(1).

1.   Is-setgħa ta’ adozzjoni ta’ atti delegati hija mogħtija lill-Kummissjoni suġġett għall-kundizzjonijiet stabbiliti f’dan l-Artikolu.

2.   Is-setgħa ta’ adozzjoni ta’ atti delegati msemmija fl-Artikolu 4(7), l-Artikolu 5(5), (6) u (10), fl-Artikolu 7(1) u (8), fl-Artikolu 9(3) u (4), fl-Artikolu 10(2) u (4), fl-Artikolu 12, fl-Artikolu 15(5), fl-Artikolu 22(8) u (9), fl-Artikolu 32(5), fl-Artikolu 75(1), fl-Artikolu 80(2) u fl-Artikolu 83(1) għandha tingħata lill-Kummissjoni għal perjodu ta’ ħames snin mis-7 ta’ Jannar 2025. Il-Kummissjoni għandha tfassal rapport fir-rigward tad-delega ta’ setgħa mhux iktar tard minn disa’ xhur qabel it-tmiem tal-perjodu ta’ ħames snin. Id-delega ta’ setgħa għandha tiġi estiża awtomatikament għal perjodi ta’ żmien identiċi, ħlief jekk il-Parlament Ewropew jew il-Kunsill joġġezzjonaw għal tali estensjoni mhux iktar tard minn tliet xhur qabel it-tmiem ta’ kull perjodu.

3.   Id-delega ta’ setgħa msemmija fl-Artikolu 4(7), l-Artikolu 5(5), (6) u (10), fl-Artikolu 7(1) u (8), fl-Artikolu 9(3) u (4), fl-Artikolu 10(2) u (4), fl-Artikolu 12, fl-Artikolu 15(5), fl-Artikolu 22(8) u (9), fl-Artikolu 32(5), fl-Artikolu 75(1), fl-Artikolu 80(2) u fl-Artikolu 83(1) tista’ tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega ta’ setgħa speċifikata f’dik id-deċiżjoni. Għandha ssir effettiva fil-jum wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. Ma għandha taffettwa l-validità tal-ebda att delegat li jkun diġà fis-seħħ.

4.   Qabel ma tadotta att delegat, il-Kummissjoni għandha tikkonsulta esperti maħtura minn kull Stat Membru skont il-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet.

5.   Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

6.   Att delegat adottat skont l-Artikolu 4(7), l-Artikolu 5(5), (6) jew (10), l-Artikolu 7(1) jew (8), l-Artikolu 9(3) jew (4), l-Artikolu 10(2) jew (4), l-Artikolu 12, l-Artikolu 15(5), l-Artikolu 22(8) jew (9), l-Artikolu 32(5), l-Artikolu 75(1), l-Artikolu 80(2) jew l-Artikolu 83(1) għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perjodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhumiex sejrin joġġezzjonaw. Dak il-perjodu għandu jiġi estiż b’xahrejn fuq inizjattiva tal-Parlament Ewropew jew tal-Kunsill.

1.   Il-Kummissjoni għandha tkun megħjuna mill-Kumitat dwar il-Prodotti għall-Bini. Dak il-kumitat għandu jkun kumitat fis-sens tar-Regolament (UE) Nru 182/2011.

2.   Fejn issir referenza għal dan il-paragrafu, għandu japplika l-Artikolu 4 tar-Regolament (UE) Nru 182/2011.

3.   Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

4.   Fejn issir referenza għal dan il-paragrafu, għandu japplika l-Artikolu 8 tar-Regolament (UE) Nru 182/2011, flimkien mal-Artikolu 5 tiegħu.

1.   L-applikazzjonijiet kollha minn jew lil korpi notifikati jew korpi VT u d-deċiżjonijiet meħuda minn dawn il-korpi magħmula f’konformità ma’ dan ir-Regolament jistgħu jiġu pprovduti fuq karta jew f’format elettroniku użat b’mod komuni, sakemm il-firma tikkonforma mar-rekwiżiti tar-Regolament (UE) Nru 910/2014 u l-persuna li tiffirma tkun ġiet fdata bil-kompitu li tirrappreżenta lill-korp jew lill-operatur ekonomiku, f’konformità mal-liġi tal-Istati Membri jew mal-liġi tal-Unjoni, rispettivament.

2.   L-obbligi kollha ta’ informazzjoni skont dan ir-Regolament jistgħu, sakemm ma jkunx iddikjarat mod ieħor, jiġu ssodisfati b’mezzi elettroniċi. Meta l-informazzjoni tiġi pprovduta b’mezzi elettroniċi, l-informazzjoni għandha tinħareġ f’format elettroniku li jinqara b’mod komuni li jippermetti lir-riċevitur iniżżel u jistampa dik l-informazzjoni.

Meta l-obbligu jiġi stabbilit f’konformità mal-Artikolu 22(7), l-operaturi ekonomiċi għandhom jissodisfaw l-obbligi ta’ informazzjoni relatati mad-dokumenti msemmija fl-Artikolu 76(2) billi jipprovdu l-passaport diġitali tal-prodotti.

Id-dikjarazzjoni tal-prestazzjoni u tal-konformità kif ukoll l-informazzjoni ġenerali dwar il-prodott, l-istruzzjonijiet għall-użu u l-informazzjoni dwar is-sikurezza għandhom jiġu pprovduti f’format stampat, mingħajr ħlas, jekk jintalbu mill-utent finali fil-ħin tax-xiri.

1.   Il-punti ta’ kuntatt għall-prodotti għall-bini maħtura skont ir-Regolament (UE) Nru 305/2011 għandhom jitqiesu li huma maħtura skont dan ir-Regolament ukoll.

2.   Il-korpi VT u l-korpi notifikati li huma maħtura jew notifikati skont ir-Regolament (UE) Nru 305/2011 għandhom jitqiesu li huma maħtura jew notifikati skont dan ir-Regolament ukoll. Madankollu, għandhom jiġu vvalutati u maħtura mill-ġdid mill-Istati Membri tal-ħatra f’konformità maċ-ċiklu ta’ valutazzjoni mill-ġdid perjodika tagħhom u mhux aktar tard mit-8 ta’ Jannar 2030. Għandha tapplika l-proċedura ta’ oġġezzjoni stabbilita fl-Artikolu 51(5) ta’ dan ir-Regolament.

3.   L-istandards armonizzati li r-referenzi tagħhom huma inklużi fil-lista ppubblikata f’konformità mal-Artikolu 17(5) tar-Regolament (UE) Nru 305/2011 li jkunu fis-seħħ mit-8 ta’ Jannar 2026 għandhom jibqgħu validi skont ir-Regolament (UE) Nru 305/2011 sakemm jiġu rtirati mill-Kummissjoni jew inkella jitħassru.

4.   Id-dokumenti Ewropej ta’ valutazzjoni, li r-referenzi tagħhom huma inklużi fil-lista ppubblikata f’konformità mal-Artikolu 22 tar-Regolament (UE) Nru 305/2011 sat-8 ta’ Jannar 2026, għandhom jibqgħu validi sad-9 ta’ Jannar 2031, sakemm ma jkunux skadew għal raġunijiet oħra. Il-prodotti ma għandhomx jitqiegħdu fis-suq abbażi ta’ valutazzjonijiet tekniċi Ewropej maħruġa f’konformità ma’ dawn id-dokumenti Ewropej ta’ valutazzjoni wara d-9 ta’ Jannar 2036.

5.   Meta speċifikazzjoni teknika armonizzata adottata f’konformità mal-Artikolu 5(8) jew l-Artikolu 6(1) ta’ dan ir-Regolament tkopri l-istess prodott u l-istess użu intiż bħal dokument Ewropew ta’ valutazzjoni, li r-referenza tiegħu tkun inkluża fil-lista ppubblikata f’konformità mal-Artikolu 22 tar-Regolament (UE) Nru 305/2011, id-dokument Ewropew ta’ valutazzjoni ma għandux jibqa’ jintuża għall-finijiet ta’ dan ir-Regolament u l-prodotti ma għandhomx jitqiegħdu fis-suq abbażi ta’ valutazzjonijiet tekniċi Ewropej maħruġa f’konformità ma’ dan id-dokument Ewropew ta’ valutazzjoni.

6.   Il-valutazzjonijiet tekniċi Ewropej maħruġa skont id-dokumenti Ewropej ta’ valutazzjoni li r-referenzi tagħhom mhumiex inklużi fil-lista ppubblikata f’konformità mal-Artikolu 22 tar-Regolament (UE) Nru 305/2011 sat-8 ta’ Jannar 2026 għandhom jiġu ttrattati bħala talbiet għal valutazzjonijiet tekniċi Ewropej skont dan ir-Regolament. It-trasferiment amministrattiv għandu jsir mingħajr ebda kost għall-manifattur.

7.   Iċ-ċertifikati, ir-rapporti tat-testijiet u l-valutazzjonijiet tekniċi Ewropej maħruġa skont ir-Regolament (UE) Nru 305/2011 jistgħu jintużaw bħala l-bażi teknika biex tintwera l-konformità ta’ prodott ma’ dan ir-Regolament f’każijiet fejn it-tip ta’ prodott jikkorrispondi għal tip ta’ prodott skont dan ir-Regolament u r-rekwiżiti u l-metodi ta’ valutazzjoni jkunu validi fid-dawl tal-ispeċifikazzjoni teknika armonizzata applikabbli jew id-dokument Ewropew ta’ valutazzjoni. Ir-rikonoxximent ta’ tali dokumenti għandu jkun possibbli skont il-kundizzjonijiet stabbiliti fl-Artikolu 62 ta’ dan ir-Regolament, applikat mutatis mutandis..

8.   L-Artikolu 2, l-Artikoli 4 sa 9, l-Artikoli 11 sa 18, l-Artikoli 27 u 28, l-Artikoli 36 sa 40, l-Artikoli 47 sa 49, l-Artikoli 52 u 53, l-Artikolu 55 u l-Artikoli 60 sa 64 tar-Regolament (UE) Nru 305/2011 għandhom japplikaw biss għall-prodotti koperti mill-istandards imsemmija fil-paragrafu 3 ta’ dan l-Artikolu jew għall-prodotti koperti mid-dokumenti Ewropej ta’ valutazzjoni msemmija fil-paragrafu 4 ta’ dan l-Artikolu.

Għall-finijiet tal-Artikolu 5(7), l-Artikolu 6(1), u l-Artikolu 31(2) ta’ dan ir-Regolament, l-istandards armonizzati li r-referenzi tagħhom huma inklużi fil-lista ppubblikata f’konformità mal-Artikolu 17(5) tar-Regolament (UE) Nru 305/2011 u li ma ġewx irtirati għandhom jiġu ttrattati bħala standards armonizzati tal-prestazzjoni.

9.   Ir-rekwiżiti u l-obbligi tal-operaturi ekonomiċi stabbiliti fil-Kapitoli I, II u III għandhom ikunu applikabbli biss għal ċerta familja ta’ prodott jew kategorija ta’ prodott fi ħdan tali familja minn sena wara d-data tal-adozzjoni ta’ att ta’ implimentazzjoni msemmi fl-Artikolu 5(8) li jagħmel standard armonizzat obbligatorju jew att ta’ implimentazzjoni msemmi fl-Artikolu 6(1), li jkopri dik il-familja ta’ prodotti jew il-kategorija ta’ prodotti, sakemm ma tkunx ġiet speċifikata data tal-applikazzjoni aktar tard fl-att ta’ implimentazzjoni. Madankollu, l-operaturi ekonomiċi jistgħu jagħżlu li japplikaw dawk l-ispeċifikazzjonijiet tekniċi armonizzati mid-dħul fis-seħħ tagħhom billi jgħaddu mill-proċedura li twassal għal dikjarazzjoni tal-prestazzjoni u tal-konformità.

10.   Fi żmien sena wara d-data tal-applikazzjoni tar-rekwiżiti u tal-obbligi fir-rigward ta’ ċerta familja ta’ prodotti jew kategorija ta’ prodotti kif stabbilit fil-paragrafu 9 ta’ dan l-Artikolu, il-Kummissjoni għandha tirtira minn Il-Ġurnal Uffiċjali tal-Unjoni Ewropea r-referenzi tal-istandards armonizzati u d-dokumenti Ewropej ta’ valutazzjoni jew partijiet minnhom ippubblikati hemmhekk f’konformità mal-Artikoli 17(5) u 22 tar-Regolament (UE) Nru 305/2011 meta jkopru l-istess familja ta’ prodotti jew kategorija ta’ prodotti rispettiva.