(1)

I gcomhréir le hAirteagal 28a(11) agus Airteagal 96(11) de Choinníollacha Fostaíochta Seirbhíseach Eile, chuir an Coimisiún isteach tuarascáil (2) ar staid airgeadais na scéime sochar dífhostaíochta le haghaidh iarbhaill den fhoireann shealadach nó iarbhaill foirne ar conradh agus iarchúntóirí parlaiminteacha creidiúnaithe atá dífhostaithe i ndiaidh fhoirceannadh a seirbhíse in institiúid de chuid an Aontais Eorpaigh.

(2)

Léiríonn an tuarascáil sin go bhfuil gá le coigeartú ar na ranníocaíochtaí a íocann baill foirne shealadacha, baill foirne ar conradh agus cúntóirí parlaiminteacha creidiúnaithe leis an gCiste Dífhostaíochta chun leasa iarmhéid na scéime, ag cur san áireamh iarmhéid carnach an Chiste Dífhostaíochta le linn na tréimhse a scrúdaíodh.

(3)

Mar chuid den choigeartú ar na ranníocaíochtaí leis an scéim um árachas dífhostaíochta tá measúnú ar fhachtóirí casta beartais eacnamaíoch agus acmhainní daonna.

(4)

Dá bhrí sin, ba cheart Airteagal 28a(7) agus Airteagal 96(7) de Choinníollacha Fostaíochta Sheirbhísigh Eile an Aontais Eorpaigh a leasú dá réir sin,

(1)

Cuirtear an méid seo a leanas in ionad an dara habairt d’Airteagal 28a(7):

‘Socrófar an ranníocaíocht sin ar 0,51 % de bhuntuarastal an duine lena mbaineann tar éis liúntas caighdeánach EUR 1 585,45 a asbhaint gan na comhéifeachtaí ceartúcháin dá bhforáiltear in Airteagal 64 de na Rialacháin Foirne a chur san áireamh.’

(2)

Cuirtear an méid seo a leanas in ionad an dara habairt d’Airteagal 96(7):

‘Socrófar an ranníocaíocht sin ar 0,51 % de bhuntuarastal an duine lena mbaineann tar éis liúntas caighdeánach EUR 1 189,08 a asbhaint gan na comhéifeachtaí ceartúcháin dá bhforáiltear in Airteagal 64 de na Rialacháin Foirne a chur san áireamh.’