AN COIMISIÚN EORPACH

An Bhruiséil,24.6.2026

COM(2026) 570 final

2026/0164(COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le Gníomhaireacht an Aontais Eorpaigh um Chomhar Ceartais Choiriúil (Eurojust) agus lena n-aisghairtear Rialachán (AE) 2018/1727

{SEC(2026) 570 final} - {SWD(2026) 570 final} - {SWD(2026) 571 final} - {SWD(2026) 572 final} - {SWD(2026) 573 final}

MEABHRÁN MÍNIÚCHÁIN

1.COMHTHÉACS AN TOGRA

•Foras agus cuspóirí an togra

•Comhsheasmhacht le forálacha beartais atá sa réimse beartais cheana

•Comhsheasmhacht le beartais eile de chuid an Aontais

2.BUNÚS DLÍ, COIMHDEACHT AGUS COMHRÉIREACHT

•Bunús dlí

Is é Airteagal 85 CFAE an bunús dlí le haghaidh an togra, agus foráiltear ann go ndéanfar struchtúr, oibriú, réimse gníomhaíochta agus cúraimí Eurojust a chinneadh trí bhíthin rialacháin arna nglacadh i gcomhréir leis an ngnáthnós imeachta reachtach. Ceanglaítear leis freisin go gcinnfear leis na rialacháin sin socruithe maidir le baint a bheith ag Parlaimint na hEorpa agus ag na parlaimintí náisiúnta leis an meastóireacht ar ghníomhaíochtaí Eurojust agus ar an gcaoi sin go rannchuideoidh siad le formhaoirseacht dhaonlathach ar leibhéal an Aontais ar a ghníomhaíochtaí.

•Coimhdeacht (i gcás inniúlacht neamheisiach) 

•Comhréireacht

•An rogha ionstraime

3.TORTHAÍ AR MHEASTÓIREACHTAÍ EX POST, AR CHOMHAIRLIÚCHÁIN LEIS NA PÁIRTITHE LEASMHARA AGUS AR MHEASÚNUITHE TIONCHAIR

•Meastóireachtaí ex post/seiceálacha oiriúnachta ar an reachtaíocht atá ann cheana

•Comhairliúcháin leis na páirtithe leasmhara

Chuaigh an Coimisiún i gcomhairle le sainpháirtithe leasmhara roinnt uaireanta chun an Rialachán seo a ullmhú. Áiríodh ar na comhairliúcháin sin Comhairliúchán Poiblí a seoladh i ngach ceann de 24 theanga oifigiúla an Aontais, Glao ar Fianaise, agus suirbhé ar líne. Thairis sin, rinneadh conraitheoir seachtrach agallaimh le réimse leathan páirtithe leasmhara ar a n-áiríodh baill foirne Eurojust, Comhaltaí Náisiúnta, údaráis náisiúnta, cleachtóirí agus ionadaithe ó thríú tíortha agus eagraíochtaí idirnáisiúnta.

Fuarthas 20 freagra le linn an Chomhairliúcháin Phoiblí a mhair 12 sheachtain ón 3 Nollaig 2025 go dtí an 24 Feabhra 2026, agus chuir tromlach na bhfreagróirí béim ar a thábhachtaí atá ról Eurojust chun aghaidh a thabhairt ar an gcoireacht trasteorann thromchúiseach agus eagraithe. Chuir na páirtithe leasmhara i dtábhacht freisin an gá atá le haird níos mó a thabhairt ar pheirspictíochtaí íospartach agus finnéithe agus chun an leithdháileadh cásanna idir Eurojust agus an Líonra Breithiúnach Eorpach a shoiléiriú. Fuarthas 42 fhreagra ó pháirtithe leasmhara in 21 Bhallstát den Aontas ar an nGlao ar Fhianaise, atá ar fáil ar an suíomh gréasáin ‘Cloisimis uait!’. Cuireadh i dtábhacht san aiseolas róil chomhlántacha Eurojust agus an Ghréasáin, an gá le sainordú Eurojust a neartú le róil is oibríochtúla, agus a thábhachtaí atá sé feabhas a chur ar an rialachas agus ar phróisis chinnteoireachta. Chuir na páirtithe leasmhara i dtábhacht gur gá do Eurojust tús áite a thabhairt do chomhar le tríú tíortha agus infheistíocht a dhéanamh in uirlisí teicneolaíochta chun freagairt do chineál athraitheach na coireachta. Bhí an suirbhé ar líne ar oscailt go dtí an 4 Márta 2026 agus bhí sé dírithe ar chleachtóirí, ionadaithe de lucht riaracháin Eurojust agus Comhaltaí Náisiúnta, agus oifigigh phoiblí ó Bhallstáit an Aontais agus tíortha nach Ballstáit den Aontas iad. Léiríodh sna torthaí ar an suirbhé tacaíocht leathan don athchóiriú rialachais, lena n-áirítear tabhairt isteach Boird Bainistíochta chun an t-ualach riaracháin ar an gColáiste a laghdú, agus an leithroinnt cúraimí a shoiléiriú. Tháinig na páirtithe leasmhara ar chomhaontú freisin maidir leis an ngá stádas agus cumhachtaí na gComhaltaí Náisiúnta a chomhchuibhiú agus comhar a neartú le gníomhaireachtaí agus comhlachtaí ábhartha de chuid an Aontais, amhail Europol agus OIPE. Cuireadh ábhair imní in iúl maidir leis na leibhéil éagsúla rannpháirtíochta le Eurojust i measc tríú tíortha, agus mhol roinnt freagróirí go dtabharfaí isteach clásail choinníollachta chun feabhas a chur ar an gcomhar, go háirithe i dtíortha is iarrthóirí agus in iarrthóirí ionchasacha ar bhallraíocht den Aontas. De bhreis ar chomhairliúcháin phoiblí oscailte, rinneadh agallaimh le 115 pháirtí leasmhara, lena n-áirítear ionadaithe do lucht riaracháin Eurojust, Comhaltaí Náisiúnta, Ionchúisitheoirí Idirchaidrimh, gníomhaireachtaí an Aontais, údaráis náisiúnta agus eagraíochtaí idirnáisiúnta. Fuarthas léargais is doimhne ó na hagallaimh sin ar na dúshláin oibríochtúla a bhíonn le sárú ag Eurojust, lena n-áirítear uirlisí as dáta, comhar teoranta leis an Oifig Eorpach Frith-Chalaoise (OLAF), agus an gá le hinniúlachtaí is soiléire i réimsí amhail an r-fhianaise. Cé gur aithin páirtithe leasmhara ó thríú tíortha agus eagraíochtaí idirnáisiúnta an luach ar obair Eurojust, chuir siad i dtábhacht freisin deiseanna chun feabhas a chur ar an gcomhar trí bhearta amhail pointí teagmhála cónaitheacha a bhunú agus Giúistísí Ionchúisimh a cheapadh.

•Bailiú agus úsáid saineolais

•Measúnú tionchair

•Oiriúnacht rialála agus simpliú

•Cearta bunúsacha

4.IMPLEACHTAÍ BUISÉADACHA

5.EILIMINTÍ EILE

•Pleananna cur chun feidhme, agus socruithe faireacháin, meastóireachta agus tuairiscithe

•Míniúchán mionsonraithe ar fhorálacha sonracha an togra

Naoi gcaibidil ina bhfuil 87 n-airteagal atá sa Rialachán atá beartaithe.

Caibidil I – Forálacha ginearálta, cuspóirí agus cúraimí

Leagtar amach creat bunúsach Eurojust sa chaibidil seo. Deimhnítear ann stádas dlíthiúil Eurojust mar ghníomhaireacht de chuid an Aontais ag a bhfuil pearsantacht dhlítheanach agus foráiltear gur sa Háig atá a shuíomh. Leagtar amach ann cuspóirí foriomlána Eurojust chun tacú leis an gcomhordú agus leis an gcomhar idir údaráis náisiúnta imscrúdaithe agus ionchúisimh i ndáil le coireacht trasteorann thromchúiseach agus an comhordú agus an comhar a neartú. Leagtar amach ann liosta iomlán na gcúraimí atá le déanamh ag Eurojust chun na cuspóirí sin a chomhlíonadh, lena n-áirítear cuidiú le húdaráis náisiúnta agus idirnáisiúnta imscrúduithe a chomhordú, faisnéis a chros-seiceáil chun naisc idir cásanna trasteorann a shainaithint, fianaise ar na coireanna idirnáisiúnta is tromchúisí a bhailiú agus a chaomhnú, tacú le gnóthú sócmhainní, agus comhoibriú le gníomhaireachtaí agus comhlachtaí de chuid an Aontais amhail Europol agus OIPE. Sainmhínítear inniúlacht Eurojust ann freisin, lena gcumhdaítear na coireanna tromchúiseacha a liostaítear in Iarscríbhinn I agus cionta gaolmhara, agus leagtar amach ann na dálaí geografacha agus staide ina bhféadfaidh Eurojust gníomhú, lena n-áirítear é sin a dhéanamh i ndáil le OIPE agus tríú tíortha.

Caibidil II – Eagar Eurojust

Sainítear struchtúr rialachais Eurojust sa chaibidil seo agus tá sí roinnte ina ceithre roinn, agus déantar idirdhealú idir an struchtúr bainistíochta agus an struchtúr oibríochtúil.

Leagtar amach i Roinn I struchtúr déach Eurojust: cuimsítear leis an struchtúr bainistíochta an Bord Bainistíochta, an Bord Feidhmiúcháin agus an Stiúrthóir Riaracháin, agus cuimsítear na Comhaltaí Náisiúnta agus an Coláiste leis an struchtúr oibríochtúil.

Tá i Roinn II na forálacha lena rialaítear an Bord Bainistíochta, a dhéanann príomhchinntí bainistíochta agus a sholáthraíonn treoshuíomh straitéiseach le haghaidh ghníomhaíochtaí Eurojust. Tá sé comhdhéanta d’aon ionadaí amháin in aghaidh an Bhallstáit agus aon ionadaí amháin den Choimisiún, agus tá sé freagrach as an doiciméad clársceidealaithe aonair, an buiséad bliantúil, na rialacha foirne agus slándála agus cinntí neamhoibríochtúla eile a ghlacadh. Leagtar síos i gCaibidil II na rialacha, a eascraíonn as an gcur chuige coiteann maidir le gníomhaireachtaí díláraithe, i ndáil le comhdhéanamh, toghadh an Chathaoirligh, minicíocht agus riar cruinnithe, feidhmeanna agus socruithe vótála, lena n-áirítear an tromlach sonrach dhá thrian is gá le haghaidh príomhchinntí amhail ceapadh an Stiúrthóra Riaracháin agus glacadh an bhuiséid. Bunaítear leis freisin an próiseas clársceidealaithe bhliantúil agus ilbhliantúil, lena gceanglaítear ar an mBord Bainistíochta doiciméad clársceidealaithe aonair a ghlacadh faoin 30 Samhain gach bliain.

Bunaítear le Roinn III an Bord Feidhmiúcháin, arb é Uachtarán Eurojust atá ina chathaoirleach air agus a chuidíonn leis an mBord Bainistíochta trína chinntí a ullmhú, athbhreithniú a dhéanamh ar dhréachtbhuiséid agus ar chláir oibre, obair leantach maidir le torthaí iniúchta a áirithiú agus tacar sainithe cinntí riaracháin a ghlacadh.

Tá i Roinn IV na forálacha lena rialaítear an Stiúrthóir Riaracháin, a bhainistíonn an Ghníomhaireacht go neamhspleách agus atá freagrach don Bhord Bainistíochta. An Bord Bainistíochta a cheapann an Stiúrthóir Riaracháin le haghaidh téarma 5 bliana ar bhonn fiúntais agus is é an Stiúrthóir Riaracháin atá freagrach as an riarachán laethúil, cur chun feidhme buiséid, bearta frithchalaoise agus bainistiú foirne.

Cumhdaítear le Roinn V na Comhaltaí Náisiúnta agus a nDeasca Náisiúnta. Tugann gach Ballstát aon Chomhalta Náisiúnta amháin ar iasacht do shuíomh Eurojust sa Háig, agus tacaíonn aon Ionadaí amháin agus aon Chúntóir amháin ar a laghad leis an gComhalta Náisiúnta. Ní mór cáilíochtaí ardleibhéil ionchúisimh nó breithiúnacha a bheith ag Comhaltaí Náisiúnta agus ní mór cumhachtaí breithiúnacha áirithe a bheith acu. Go sonrach, liostaítear in Airteagal 19 cumhachtaí na gComhaltaí Náisiúnta, agus déantar idirdhealú idir cumhachtaí is féidir a fheidhmiú gan údarú roimh ré, agus na cumhachtaí sin ar gá toiliú an údaráis inniúil náisiúnta ina leith. Faoin gcéad chatagóir, féadfaidh Comhaltaí Náisiúnta teagmháil dhíreach a dhéanamh le húdaráis inniúla náisiúnta agus tríú tíortha agus comhlachtaí ábhartha den Aontas agus faisnéis oibríochtúil agus fianaise a mhalartú leo, cásanna a oscailt agus a bhainistiú sa chóras bainistithe cásanna, cruinnithe comhordúcháin agus lárionaid chomhordúcháin a eagrú, a bheith rannpháirteach i bhfoirne comhpháirteacha um imscrúdú agus iad sin a éascú, lena n-áirítear é sin a dhéanamh trí chomhaontuithe JIT a shíniú, a bheith rannpháirteach in ardáin oibríochtúla chomhpháirteacha agus ardáin comhordúcháin bhreithiúnaigh, iarraidh ar údaráis inniúla náisiúnta imscrúduithe nó ionchúisimh a dhéanamh, agus cúnamh a thabhairt chun easaontachtaí dlínse a shainaithint agus a réiteach. Faoin dara catagóir, le comhaontú an údaráis inniúil náisiúnta, nó gan a chomhaontú i gcásanna práinneacha, féadfaidh Comhaltaí Náisiúnta iarrataí ar chomhar breithiúnach nó ionstraimí aitheantais fhrithpháirtigh a eisiúint nó a fhorghníomhú, lena n-áirítear an t-ordú foluiteach a eisiúint i gcomhréir leis an dlí náisiúnta. Tugtar isteach le Roinn V freisin sásra cúitimh le haghaidh an Bhallstáit arb é a Chomhalta Náisiúnta atá ina Uachtarán ar Eurojust, chun na costais a bhaineann le treisiú na Deisce Náisiúnta le linn na mandáide uachtaránachta a chumhdach.

Rialaítear le Roinn VI an Coláiste, atá comhdhéanta de gach Comhalta Náisiúnta, agus atá freagrach as feidhmeanna oibríochtúla Eurojust agus a ghníomhaíonn le neamhspleáchas iomlán. Déileálann an Coláiste le cásobair, agus déanann sé na cinntí oibríochtúla iomchuí maidir le cásanna arna dtarchur ag na Ballstáit nó, i gcás inarb iomchuí, cásanna a oscailt ar a thionscnamh féin. Toghann sé an tUachtarán agus an Leas-Uachtarán as measc na gComhaltaí Náisiúnta trí thromlach dhá thrian le haghaidh téarmaí 4 bliana.

Caibidil III – Ábhair oibríochtúla

Tá an chaibidil seo ar an bpríomhchaibidil oibríochtúil den Rialachán. Tá sí roinnte ina ceithre roinn lena gcumhdaítear na modhanna agus na cineálacha éagsúla de ghníomhaíochtaí oibríochtúla Eurojust.

Tugtar aghaidh i Roinn I ar phríomhfheidhm oibríochtúil Eurojust mar atá comhar agus comhordú breithiúnach a éascú. Leagtar amach ann an bealach ina dtacaíonn Eurojust le himscrúduithe agus ionchúisimh thrasteorann, lena n-áirítear cruinnithe comhordúcháin agus lárionaid chomhordúcháin a eagrú, ionstraimí comhair bhreithiúnaigh a éascú, cúnamh a thabhairt chun easaontachtaí dlínse a réiteach agus faisnéis a chros-seiceáil i mbunachair sonraí ábhartha. Sonraítear ann an tacaíocht oibríochtúil, theicniúil, anailíseach, dlí, agus airgeadais a sholáthraíonn Eurojust d’fhoirne comhpháirteacha um imscrúdú, lena n-áirítear cúnamh maidir le comhaontuithe JIT a dhréachtú agus ranníocaíocht airgeadais Eurojust le gníomhaíochtaí JIT a bhainistiú. Bunaítear ann freisin ardáin comhordúcháin bhreithiúnaigh, ar féidir le Eurojust iad a bhunú arna iarraidh sin do dhá Bhallstát nó níos mó nó ar a thionscnamh féin chun tacú le himscrúduithe trasteorann an-chasta, faoina soláthraítear tacaíocht oibríochtúil, theicniúil, anailíseach, dhlíthiúil agus airgeadais do na hardáin agus dá rannpháirtithe.

Rialaítear le Roinn II gníomhaíochtaí oibríochtúla a dhéanann Eurojust ar a thionscnamh féin, in éagmais iarraidh ó údaráis náisiúnta nó ó OIPE. Leagtar amach ann na coinníollacha agus na nósanna imeachta faoina bhféadfaidh Comhaltaí Náisiúnta iarraidh ar údaráis inniúla náisiúnta imscrúduithe a dhéanamh nó a leathnú, foirne comhpháirteacha um imscrúdú a bhunú, tosaíocht a thabhairt d’iarrataí ar chomhar breithiúnach nó bearta eile a bhfuil údar leo a dhéanamh. Tugtar aghaidh ann freisin ar inniúlacht Eurojust chun fianaise a bhaineann leis na coireanna idirnáisiúnta is tromchúisí a chaomhnú, anailís a dhéanamh uirthi, agus í a stóráil, chun an fhianaise sin a chur ar fáil do Bhallstáit, tríú tíortha agus cúirteanna agus binsí coiriúla idirnáisiúnta chun cur le chéile cásanna a éascú. Tá foráil i Roinn II freisin maidir le coinneáil eolais oibríochtúil a dhíorthaítear ó chásobair Eurojust, forbairt treoirlínte agus dea-chleachtas, agus bunú Lárionaid Saineolais Eurojust in ábhair choiriúla (LSE) chun tacaíocht straitéiseach, anailíseach agus oibríochtúil a sholáthar i réimsí coiriúlachta tosaíochta.

Cumhdaítear le Roinn III cineálacha breise tacaíochta oibríochtúla a sholáthraíonn Eurojust, lena n-áirítear a ról mar phointe teagmhála le haghaidh tríú tíortha agus eagraíochtaí idirnáisiúnta faoi Rialachán (AE) 2019/816 maidir le córas ECRIS-TCN, a thacaíocht le haghaidh íospartaigh na coireachta in imeachtaí coiriúla trasteorann, agus a rannpháirtíocht, i gcomhar le Europol agus de réir a sainordaithe féin, i dtimthrialla an Ardáin Eorpaigh Ildisciplínigh i gcoinne Bagairtí Coiriúla, rud a rannchuidíonn le hullmhú anailísí straitéiseacha agus cur chun feidhme oibríochtúil thosaíochtaí an Aontais chun an choireacht thromchúiseach a chomhrac.

Bunaítear le Roinn IV an creat le haghaidh an mhalartaithe faisnéise idir Eurojust agus údaráis náisiúnta. Ceanglaítear leis ar gach Ballstát córas Eurojust um chomhordú náisiúnta a bhunú chun comhordú éifeachtach a áirithiú idir an Deasc Náisiúnta agus údaráis náisiúnta, ar a n-áireofar pointí teagmhála líonraí Eorpacha ábhartha agus an comhfhreagraí náisiúnta le haghaidh ábhair sceimhlitheoireachta. Leagtar síos ann an oibleagáid ghinearálta atá ar údaráis inniúla náisiúnta an fhaisnéis uile is gá le haghaidh chúraimí Eurojust a mhalartú, ar a n-áirítear ceanglais shonracha chun fógra a thabhairt le haghaidh cásanna lena mbaineann trí Bhallstát ar a laghad agus le haghaidh gach cáis sceimhlitheoireachta a tharchuirtear chuig údaráis bhreithiúnacha.

Rialáiltear leis an roinn seo freisin an sreabhadh faisnéise oibríochtúla idir baill foirne Eurojust agus na Ballstáit trí na Comhaltaí Náisiúnta, déantar foráil ann maidir le cumarsáid dhigiteach shlán trí córas TF díláraithe bunaithe ar e-CODEX, agus bunaítear an córas bainistithe cásanna mar an uirlis lárnach chun sonraí pearsanta oibríochtúla a phróiseáil, cásanna a bhainistiú, faisnéis a chros-seiceáil, agus fianaise a chaomhnú. Ar deireadh, leagtar amach ann na rialacha maidir le rochtain ar an gcóras bainistithe cásanna ar an leibhéal náisiúnta agus maidir leis an mbainistiú faisnéise ag Comhaltaí Náisiúnta agus ag baill foirne údaraithe.

Caibidil IV – Próiseáil faisnéise

Leagtar amach sa chaibidil seo an creat cosanta sonraí lena rialaítear an phróiseáil sonraí pearsanta a dhéanann Eurojust. Bunaítear leis go bhfuil feidhm ag an Rialachán seo agus ag Rialachán (AE) 2018/1725 araon maidir le gníomhaíochtaí próiseála sonraí Eurojust, agus go bhfuil tosaíocht (mar lex specialis) ag na rialacha oibríochtúla cosanta sonraí sa Rialachán seo ar rialacha ginearálta Rialachán (AE) 2018/1725. Áirithítear soiléireacht dhlíthiúil leis an gcur chuige sin agus an creat ginearálta cosanta sonraí is infheidhme maidir le hinstitiúidí, comhlachtaí, oifigí agus gníomhaireachtaí an Aontais á chaomhnú an tráth céanna.

Sainítear i gCaibidil IV na catagóirí sonraí pearsanta oibríochtúla a bhféadfaidh Eurojust iad a phróiseáil. Áirítear orthu sin sonraí faoi dhaoine atá faoi dhrochamhras, daoine arna gciontú, íospartaigh agus páirtithe eile le himeachtaí, agus, in imthosca eisceachtúla a bhfuil teorainn ama leo, sonraí breise a bhfuil dlúthbhaint acu le himscrúduithe comhordaithe leanúnacha. Leagtar síos ann teorainneacha ama dochta le haghaidh stóráil sonraí pearsanta oibríochtúla tar éis deireadh imeachtaí, agus forchuirtear ceanglais i ndáil le sásraí athbhreithnithe uathoibrithe chun comhlíontacht a áirithiú.

Leagtar amach sa chaibidil seo freisin cearta na daoine is ábhar do na sonraí i ndáil le sonraí pearsanta oibríochtúla, lena n-áirítear an ceart rochtana agus na teorainneacha ar an gceart sin, an ceart go gcuirfí srian le próiseáil, agus na dálaí faoina bhféadfaí diúltú do rochtain i gcás ina gcuirfeadh sé imscrúdú atá ar siúl nó sábháilteacht duine aonair i gcontúirt. Faoi chaibidil 4, tá rochtain ar shonraí pearsanta oibríochtúla laistigh de Eurojust teoranta do Chomhaltaí Náisiúnta, saineolaithe náisiúnta údaraithe ar iasacht, úsáideoirí ainmnithe córais náisiúnta agus baill foirne údaraithe Eurojust. Tá foráil ann maidir le hainmniú Oifigigh Cosanta Sonraí ag an mBord Feidhmiúcháin agus bunaítear ann na rialacha maidir le fógra i gcás sárú i ndáil le sonraí pearsanta. Mar fhocal scoir, sanntar freagracht as cruinneas sonraí agus comhlíontacht dhlíthiúil do Eurojust nó do na Ballstáit, ag brath ar thionscnamh na sonraí agus ar láimhseáil na sonraí ina dhiaidh sin.

Caibidil V – Caidreamh le comhpháirtithe

Rialaítear caidreamh seachtrach Eurojust leis an gcaibidil seo. Tá trí roinn ann ina gcumhdaítear caidreamh le comhlachtaí agus gníomhaireachtaí an Aontais agus comhar idirnáisiúnta.

Leagtar amach i Roinn I na forálacha coiteanna is infheidhme maidir le caidreamh comhair uile Eurojust. Tá foráil ann go bhféadfadh Eurojust socruithe oibre a thabhairt i gcrích le hinstitiúidí, comhlachtaí, oifigí agus gníomhaireachtaí an Aontais, agus le húdaráis tríú tíortha agus orgáin de chuid eagraíochtaí idirnáisiúnta, faoi réir comhairliúchán roimh ré leis an gCoimisiún. Ní fhéadfaidh socruithe den sórt sin a bheith ina mbunús dlí le haghaidh malartú sonraí pearsanta agus ní chruthaítear leo oibleagáidí dlíthiúla ar an Aontas ná ar na Ballstáit. Rialaítear le Roinn I freisin an córas coiteann amas/gan amas lena gcuirtear ar a gcumas do ghníomhaireachtaí agus do chomhlachtaí ainmnithe an Aontais – go háirithe Europol, OIPE, OLAF, ÚCSA agus Údarás Custaim an Aontais Eorpaigh – rochtain indíreach ar chóras bainistithe cásanna Eurojust a fháil trí innéacs uathoibrithe, agus cumhachtaítear an Coimisiún gníomhartha cur chun feidhme a ghlacadh ina sonraítear na sonraíochtaí teicniúla agus feidhmiúla den chóras amas/gan amas.

Rialaítear le Roinn II caidreamh Eurojust le comhlachtaí, oifigí agus gníomhaireachtaí sonracha den Aontas. Bunaítear leis gaolmhaireacht phribhléideach leis an Líonra Breithiúnach Eorpach, faoina n-óstáiltear Rúnaíocht an Ghréasáin laistigh d’fhoireann Eurojust agus faoina láimhseáiltear comhordú laistigh den chóras um chomhordú náisiúnta. Ceanglaítear leis ar Eurojust tacú le raon líonraí agus comhlachtaí eile atá gníomhach sa chomhar breithiúnach, lena n-áirítear an Líonra JITanna, an Gréasán Breithiúnach Eorpach um Chibearchoireacht agus an Líonra Breithiúnach Eorpach um an gCoireacht Eagraithe. Rialaítear leis comhar Eurojust le Europol, lena bhforáiltear do shocrú oibre ina leagtar amach módúlachtaí comhair phraiticiúil, rochtain fhrithpháirteach ar fhaisnéis roghnaithe a stóráiltear sna bunachair sonraí faoi seach tríd an gcóras amas/gan amas, agus an fhéidearthacht chun ardáin oibríochtúla chomhpháirteacha a bhunú. Bunaítear leis an creat le haghaidh comhar le OIPE, bunaithe ar chomhar frithpháirteach de réir a sainorduithe féin, lena n-áirítear oibleagáid chun aon iompar coiriúil a thagann faoi chuimsiú inniúlacht OIPE a thuairisciú gan moill mhíchuí, agus oifigeach idirchaidrimh OIPE a thabhairt ar iasacht do Eurojust. Leagtar amach ann freisin caidreamh comhair Eurojust le OLAF, leis an nGníomhaireacht Eorpach um an nGarda Teorann agus Cósta, leis an Údarás um Chomhrac an Sciúrtha Airgid agus Mhaoiniú na Sceimhlitheoireachta (ÚCSA) agus le hÚdarás Custaim an Aontais.

Tagraíonn an togra don chreat dlíthiúil atá ann faoi láthair lena rialaítear an caidreamh idir Eurojust agus OIPE, lena léirítear gur bunaíodh OIPE trí bhíthin comhar feabhsaithe. Déantar é sin gan difear a dhéanamh d’aon fhorbairt a d’fhéadfadh teacht chun cinn amach anseo, mar thoradh ar athruithe ar rannpháirtíocht na mBallstát in OIPE, lena n-áirítear athruithe i gcomhthéacs aontachas beartaithe na hUngáire.

Rialaítear le Roinn III comhar idirnáisiúnta idir Eurojust agus údaráis tríú tíortha agus eagraíochtaí idirnáisiúnta. Déantar foráil ann maidir le glacadh straitéise 4 bliana um chomhar agus giúistísí idirchaidrimh Eurojust a phostú chuig tríú tíortha chun an comhar breithiúnach a éascú. Bunaítear leis na coinníollacha chun ionchúisitheoirí idirchaidrimh ó thríú tíortha agus ó eagraíochtaí idirnáisiúnta a thabhairt ar iasacht do Eurojust ar bhonn comhaontuithe idirnáisiúnta, lena n-áirítear a rochtain ar an gcóras bainistithe cásanna. Tá foráil ann maidir le hóstáil pointí teagmhála ó thríú tíortha ag Eurojust chun comhar breithiúnach a bhrostú agus ainmniú pointí teagmhála i dtríú tíortha agus eagraíochtaí idirnáisiúnta, i gcás ina ndéantar foráil maidir leis sin i socrú oibre idir Eurojust agus údaráis an tríú tír nó na horgáin den eagraíocht idirnáisiúnta lena mbaineann, ina sonraítear nach mbeidh rochtain dhíreach ag na pointí teagmhála sin ar an gcóras bainistithe cásanna ná ar shonraí pearsanta oibríochtúla.

Caibidil VI – Bunú agus struchtúr an bhuiséid

Tugtar tuairisc sa chaibidil seo ar an bpróiseas buiséadach bliantúil, lena gceanglaítear ar an Stiúrthóir Riaracháin dréacht-ráiteas ar mheastacháin a tharraingt suas, ar a ndéanann an Bord Feidhmiúcháin athbhreithniú agus a bhformheasann an Bord Bainistíochta é sula gcuirtear faoi bhráid an Choimisiúin é faoin 31 Eanáir gach bliain. Tagann an buiséad chun bheith críochnaitheach ón uair a ghlacann na húdaráis bhuiséadacha buiséad ginearálta an Aontais go críochnaitheach.

Leagtar amach forálacha a bhaineann le struchtúr, cur chun feidhme agus rialú bhuiséad Eurojust. Sonraítear ann nach mór an buiséad a chomhardú i dtéarmaí ioncaim agus caiteachais, agus go n-áirítear ar fhoinsí ioncaim ranníocaíocht an Aontais, ranníocaíochtaí deonacha ó na Ballstáit, ranníocaíochtaí ó thríú tíortha agus muirir ar fhoilseacháin agus ar sheirbhísí. Gníomhaíonn an Stiúrthóir Riaracháin mar oifigeach údarúcháin agus is é atá freagrach as cur chun feidhme an bhuiséid i gcomhréir le prionsabail na barainneachta, na héifeachtúlachta agus na héifeachtachta. Leagtar síos sa chaibidil sprioc-amanna mionsonraithe agus nósanna imeachta mionsonraithe chun cuntais shealadacha agus deiridh a chur i láthair, chun tuarascálacha a chur faoi bhráid na Cúirte Iniúchóirí, an Choimisiúin, Pharlaimint na hEorpa agus na Comhairle, agus le haghaidh an deonaithe urscaoilte ag Parlaimint na hEorpa. Tá foráil ann maidir le glacadh rialacha airgeadais ag an mBord Bainistíochta, nach n-imeoidh ón gCreat-Rialachán maidir le Gníomhaireachtaí Díláraithe gan toiliú roimh ré ón gCoimisiún. Leis an gCreat Frithchalaoise, lena gcuirtear i bhfeidhm Rialachán (AE, Euratom) Uimh. 883/2013 12 , tugtar cumhachtaí iniúchóireachta don Chúirt Iniúchóirí agus cumhachtaí imscrúdaitheacha do OLAF, agus aithnítear inniúlacht OIPE chun imscrúdú a dhéanamh ar chalaois lena ndéantar difear do leasanna airgeadais an Aontais.

Caibidil VII – Foireann

Leagtar síos sa chaibidil seo na forálacha is infheidhme maidir le baill foirne Eurojust, lena suitear go n-oibríonn siad faoi údarás an Stiúrthóra Riaracháin agus go bhfuil siad faoi réir Rialacháin Foirne agus Choinníollacha Fostaíochta Sheirbhísigh eile an Aontais. Sainmhínítear ann ‘baill foirne údaraithe Eurojust’ mar bhaill foirne a ainmnítear chun cúraimí sonracha oibríochtúla, riaracháin nó teicniúla a dhéanamh agus leagtar amach a bhfeidhmeanna, lena n-áirítear tacú le Deasca Náisiúnta, bainistiú cásanna, anailís oibríochtúil agus raon gníomhaíochtaí riaracháin. Tá foráil i gCaibidil VII freisin go bhféadfadh Eurojust úsáid a bhaint as saineolaithe náisiúnta ar iasacht agus baill foirne eile nach bhfuil fostaithe go díreach ann, agus deimhnítear go bhfuil feidhm ag Prótacal Uimh. 7 ar Phribhléidí agus Díolúintí an Aontais Eorpaigh maidir le Eurojust agus a fhoireann.

Caibidil VIII – Meastóireacht agus tuairisciú

Bunaítear leis an gcaibidil seo creat cuntasachta agus tuairiscithe Eurojust. Ceanglaítear leis ar Eurojust a thuarascáil bhliantúil chomhdhlúite a chur faoi bhráid Pharlaimint na hEorpa, na Comhairle agus parlaimintí náisiúnta faoin 1 Bealtaine gach bliain, agus ceanglaítear leis ar an Uachtarán teacht os comhair Pharlaimint na hEorpa agus parlaimintí náisiúnta ag cruinniú coiste idirpharlaiminteach. Ceanglaítear leis ar Eurojust rannchuidiú leis an tuarascáil bhliantúil maidir le cosaint leasanna airgeadais an Aontais faoi Airteagal 325(5) CFAE, agus úsáid á baint as táscairí tuairiscithe a shainíonn an Coimisiún. Déantar foráil i gCaibidil VIII freisin go bhféadfaidh an Coimisiún agus na Ballstáit tuairim Eurojust a iarraidh maidir le gníomhartha reachtacha beartaithe a thagann faoi raon feidhme Airteagal 76 CFAE. Ceanglaítear meastóireacht neamhspleách 5 bliana ar fheidhmíocht Eurojust, mar aon le measúnú gach 10 mbliana ar cibé acu atá nó nach bhfuil údar leis an nGníomhaireacht i gcónaí.

Caibidil IX – Forálacha ginearálta agus forálacha críochnaitheacha

Leagtar amach sa chaibidil seo an creat ginearálta le haghaidh oibriú Eurojust agus na socruithe idirthréimhseacha a ghabhann le teacht i bhfeidhm an Rialacháin. Déantar foráil ann go bhfuil feidhm ag Rialachán (CE) Uimh. 1049/2001 maidir le rochtain phoiblí ar dhoiciméid maidir le doiciméid atá ag Eurojust, ceanglaítear ar Eurojust rialacha slándála a ghlacadh chun faisnéis rúnaicmithe agus faisnéis íogair neamh-rúnaicmithe a chosaint bunaithe ar Chinntí (AE, Euratom) 2015/443 agus 2015/444 ón gCoimisiún, agus deimhnítear go bhfuil feidhm ag Rialachán Uimh. 1 ón gComhairle maidir le socruithe teanga. Bunaítear leis próiseas meastóireachta 5 bliana, leagtar síos an córas dliteanais lena rialaítear dliteanas conarthach agus neamhchonarthach Eurojust, agus déantar foráil i ndáil le Comhaontú maidir le Ceanncheathrú leis an Ísiltír. Déantar Rialachán (AE) 2018/1727 a aisghairm le Caibidil IX, agus áirithítear an tráth céanna leanúnachas iomlán Eurojust mar eintiteas dlítheanach, leanúnachas iomlán a fhoirne agus a oifigeach ceaptha, gníomhaíochtaí oibríochtúla agus cásanna leanúnacha, an chórais bainistithe cásanna agus sonraí a phróiseáiltear ann, agus comhaontuithe idirnáisiúnta agus socruithe oibre atá ann cheana. Déantar foráil ann gur mar thagairtí don Rialachán seo a léifear tagairtí do Rialachán (AE) 2018/1727 in ionstraimí dlí atá ann cheana, agus go dtiocfaidh an Rialachán i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

2026/0164 (COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le Gníomhaireacht an Aontais Eorpaigh um Chomhar Ceartais Choiriúil (Eurojust) agus lena n-aisghairtear Rialachán (AE) 2018/1727

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 85 de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag gníomhú dóibh i gcomhréir leis an ngnáthnós imeachta reachtach,

De bharr an mhéid seo a leanas:

(1)Bunaíodh Gníomhaireacht an Aontais Eorpaigh um Chomhar Ceartais Choiriúil (Eurojust) le Cinneadh 2002/187/CGB ón gComhairle 13 mar chomhlacht de chuid an Aontais a bhfuil pearsantacht dhlíthiúil aige chun comhordú agus comhar idir údaráis inniúla bhreithiúnacha na mBallstát a spreagadh agus a fheabhsú maidir le coireacht thromchúiseach agus coireacht eagraithe a bhfuil gné thrasteorann ag baint léi. Tar éis theacht i bhfeidhm Chonradh Liospóin, glacadh Rialachán (AE) 2018/1727 ó Pharlaimint na hEorpa agus ón gComhairle 14 an 14 Samhain 2018, lenar aisghaireadh agus lenar ionadaíodh Cinneadh 2002/187/CGB ón gComhairle. Rinneadh creat dlíthiúil Eurojust a leasú ina dhiaidh sin le Rialachán (AE) 2022/838 15 , Rialachán (AE) 2023/2131 16 agus Rialachán (AE) 2025/2082 17 .

(2)Déantar foráil in Airteagal 85 CFAE go bhfuil de chúram ar Eurojust tacú leis an gcomhordú agus leis an gcomhar idir na húdaráis náisiúnta imscrúdaithe agus ionchúisimh agus an comhordú agus an comhar sin a threisiú i ndáil le coireacht thromchúiseach a dhéanann difear do dhá Bhallstát nó níos mó nó a éilíonn ionchúiseamh ar bhoinn chomhchoiteanna, ar bhonn na n-oibríochtaí arna seoladh agus ar bhonn na faisnéise arna tabhairt ag údaráis na mBallstát agus ag Gníomhaireacht an Aontais Eorpaigh i ndáil le Comhar i bhForfheidhmiú an Dlí (Europol) 18 . Ceanglaítear freisin le hAirteagal 85 CFAE go mbeidh baint ag Parlaimint na hEorpa agus ag na parlaimintí náisiúnta leis an meastóireacht ar ghníomhaíochtaí Eurojust.

(3)Is é is aidhm don Rialachán seo a áirithiú go mbeidh Eurojust oiriúnach dá fheidhm i bhfianaise na forbartha ar an tírdhreach coiriúil agus ollstruchtúr slándála inmheánaí an Aontais. Dá bhrí sin, neartaítear leis sainordú oibríochtúil Eurojust, déantar a struchtúr rialachais níos solúbtha, agus cuirtear a chreat dlíthiúil in oiriúint chun léiriú a thabhairt ar fhorbairtí ar chineál agus ar scála na coireachta tromchúisí trasteorann, ar fhorbairtí teicneolaíochta lena múnlaítear idir an ghníomhaíocht choiriúil agus an comhar breithiúnach, agus ar an éabhlóid is forleithne de limistéar saoirse, slándála agus ceartais an Aontais.

(4)I bhfianaise a shuntasaí atá na leasuithe is gá chun na cuspóirí sin a bhaint amach ó thaobh a lín agus a gcineáil araon, ba cheart, ar mhaithe le soiléireacht agus deimhneacht dhlíthiúil, Rialachán (AE) 2018/1727 a aisghairm agus a ionadú ina iomláine leis an Rialachán seo i ndáil leis na Ballstáit atá faoina cheangal. Is é Eurojust arna bhunú leis an Rialachán seo an comharba dlíthiúil ar Eurojust a bunaíodh le Rialachán (AE) 2018/1727. Ba cheart an leanúnachas comhaontuithe, socruithe oibre agus ionstraimí eile lena rialaítear comhar Eurojust le tríú tíortha, eagraíochtaí idirnáisiúnta agus comhlachtaí an Aontais a áirithiú, i gcomhréir lena dtéarmaí.

(5)Ba cheart do Eurojust tacú agus treisiú leis an gcomhordú agus leis an gcomhar idir na húdaráis náisiúnta imscrúdaithe agus ionchúisimh i gcásanna ina ndéanann an choireacht thromchúiseach difear do dhá Bhallstát nó níos mó nó a éilíonn ionchúiseamh ar bhoinn chomhchoiteanna, lena n-áirítear cásanna lena mbaineann iarmhairtí ar leibhéal an Aontais. Ba cheart coincheap na n-iarmhairtí ar leibhéal an Aontais a léirmhíniú ag féachaint do chineál is trasnáisiúnta na coireachta tromchúisí agus na réaltachtaí oibríochtúla a bhíonn os comhair údaráis bhreithiúnacha náisiúnta. Gníomhaíochtaí coiriúla a phleanáiltear, a eagraítear nó a stiúrtar lasmuigh den Aontas, is féidir leo iarmhairtí móra slándála agus breithiúnacha a ghiniúint laistigh den Aontas, go háirithe i gcás ina bhfuil gné hibrideach ag baint leis na coireanna sin. Is ríléir é sin i gcásanna lena mbaineann sceimhlitheoireacht a phleanáiltear nó a mhaoinítear ar an gcoigríoch ach a dhéantar laistigh den Aontas, gáinneáil ar dhaoine agus smuigleáil imirceach feadh bealaí de thionscnamh lasmuigh den Aontas, gáinneáil ar dhrugaí ag eagraíochtaí atá bunaithe i dtríú tíortha lena soláthraítear margaí tomhaltóra laistigh den Aontas, agus cibirionsaithe arna seoladh ó lasmuigh den Aontas in aghaidh bhonneagar criticiúil nó údaráis phoiblí na mBallstát. D’fhéadfadh sé freisin go mbeadh nasc idir gníomhaíochtaí de chineál coiriúil, amhail sciúradh airgid nó coireacht eagraithe, agus cúbláil faisnéise eachtrach agus feachtais cur isteach agus bréagaisnéise, rud atá ina riosca breise don tslándáil san Aontas. I gcás ina bhfuil nasc idir iompar coiriúil den sórt sin agus slándáil, saoránaigh nó leasanna bunúsacha an Aontais, féadfaidh Eurojust cúnamh a thabhairt sna himscrúduithe agus sna hionchúisimh ábhartha, ar choinníoll go dtagann na cionta lena mbaineann faoi raon feidhme Iarscríbhinn I a ghabhann leis an Rialachán seo agus go soláthraítear aon chúnamh den sórt sin i gcomhréir le comhaontuithe idirnáisiúnta agus le rialacha an Aontais maidir le cosaint sonraí is infheidhme.

(6)I bhfianaise thírdhreach athraitheach na coireachta tromchúisí agus trasteorann, is gá inniúlacht Eurojust a thabhairt cothrom le dáta chun a áirithiú go bhfuil an creat dlíthiúil oiriúnach dá fheidhm i gcónaí agus go bhféadfaí aghaidh a thabhairt ar réaltachtaí nua na coireachta leis. Bíonn bagairtí coiriúla athraitheacha atá ag éirí níos sofaisticiúla le sárú ag an Aontas, lena n-áirítear an choireacht chibirspleách agus an choireacht chibearchumasaithe, agus úsáid bonneagar digiteach i measc lucht sceimhlitheoireachta, rud a dhéanann dochar d’institiúidí daonlathacha, don tslándáil phoiblí, don bhonneagar criticiúil agus d’athléimneacht na sochaí. Cineálacha eile coireachta tromchúisí, amhail foréigean inscne, go háirithe i gcás ina n-éascaítear iad le teicneolaíochtaí digiteacha nó i gcás ina bhfuil gnéithe trasteorann i gceist, bíonn tionchar mór marthanach acu ar íospartaigh, ar an gcomhionannas agus ar chearta bunúsacha. Chun coireanna den sórt sin a imscrúdú agus a ionchúiseamh go héifeachtach, bíonn gá le cur chuige comhordaithe den Aontas, comhar breithiúnach trasteorann feabhsaithe, agus neartú cumas coiteann slándála agus sláine faisnéise, agus lánurraim á tabhairt do chearta bunúsacha agus don smacht reachta. An liosta cineálacha coireachta tromchúisí a bhfuil Eurojust inniúil ina leith, ba cheart an liosta sin a thabhairt cothrom le dáta dá bhrí sin chun na bagairtí coiriúla sin atá ag síorathrú a léiriú, lena n-áirítear sáruithe ar bhearta sriantacha an Aontais agus foréigean inscne, agus ba cheart iad a athbhreithniú go tráthrialta chun a áirithiú go mbíonn sainordú Eurojust ábhartha agus éifeachtach i gcónaí.

(7)Ba cheart cúraimí Eurojust a leathnú agus a shonrú chun léiriú a thabhairt ar a ról mar mhol straitéiseach, anailíseach agus réamhghníomhach le haghaidh comhar breithiúnach trasteorann, trína dtacaíonn sé le húdaráis inniúla náisiúnta trí chúnamh oibríochtúil agus anailíseach. Ba cheart a rannpháirtíocht i dtimthrialla ceaptha beartais agus i dtimthrialla straitéiseacha ábhartha den Aontas a fheabhsú freisin, rud a chuirfeadh ar a chumas do Eurojust a shaineolas bunaithe ar chásobair a thabhairt do shainiú thosaíochtaí an Aontais chun an choireacht thromchúiseach a chomhrac. Ba cheart béim ar leith a chur ar ról Eurojust chun eisiúint agus forghníomhú ionstraimí comhair bhreithiúnaigh agus aitheantais fhrithpháirtigh a éascú agus tacú leis an eisiúint agus leis an bhforghníomhú sin, easaontachtaí dlínse a réiteach idir údaráis inniúla náisiúnta, tacú le haisghabháil sócmhainní trasteorann, bailiú, caomhnú agus stóráil fianaise ar na coireanna idirnáisiúnta is tromchúisí, agus cúnamh a thabhairt d’íospartaigh na coireachta tromchúisí in imeachtaí coiriúla trasteorann.

(8)Ina theanna sin, ba cheart do Eurojust eolas agus saineolas speisialaithe i gcomhar breithiúnach in ábhair choiriúla a fhorbairt agus a choinneáil ar bun, lena n-áirítear é sin a dhéanamh trí Lárionaid Saineolais Eurojust in ábhair choiriúla (LSE) a bhunú. Ba cheart do na Lárionaid sin oibriú i ndlúthchomhar le haon struchtúr speisialaithe comhchosúil a bhunaítear ar leibhéal an Aontais, lena n-áirítear Lárionaid Saineolais an Aontais agus Lárionad an Aontais um Leanaí a Chosaint ar Mhí-úsáid Ghnéasach Leanaí, de réir a sainorduithe féin agus an chomhlántacht á háirithiú, chun luach oibríochtúil a saineolais le chéile a uasmhéadú ar mhaithe le húdaráis inniúla náisiúnta na mBallstát.

(9)Tá sé fíor-riachtanach go nglacfaidh Eurojust ról níos lárnaí chun tacú le híospartaigh na coireachta tromchúisí i gcásanna trasteorann, i gcomhréir le straitéis an Aontais sa réimse sin agus le Treoir 2012/29/AE ó Pharlaimint na hEorpa agus ón gComhairle lena mbunaítear íoschaighdeáin maidir le cearta, tacaíocht agus cosaint íospartaigh na coireachta 19 . Tá sé sin an-ábhartha i gcásanna lena mbaineann líon mór íospartach nó íospartaigh ollchalaoise, go háirithe ar líne, a bhfuil naisc ann le Ballstáit éagsúla agus i gcásanna a d’fhéadfadh teacht faoi dhlínsí iomadúla, chomh maith le cásanna a bhaineann le foréigean inscne lena ngabhann gné thrasteorann. Ba cheart do Eurojust cúnamh a thabhairt go gníomhach do na Ballstáit chun tacú le cearta íospartach in imeachtaí coiriúla trasteorann, lena n-áirítear cúnamh trí shainaithint íospartach a éascú, comhairle a chur ar údaráis inniúla náisiúnta maidir le cearta nós imeachta íospartach faoin dlí náisiúnta agus faoi dhlí an Aontais, agus cúnamh a thabhairt le rochtain ar chúiteamh agus ar aisíoc, lena n-áirítear cúiteamh agus aisíoc i ndáil le maoin atá faoi réir bearta reo agus coigistíochta.

(10)Ba cheart inniúlacht Eurojust maidir leis na cineálacha coireachta tromchúisí a liostaítear in Iarscríbhinn I a shainiú go soiléir, agus ba cheart a chumhdach leo na cionta a liostaítear go díreach agus, anuas orthu sin, cionta coiriúla arna ndéanamh chun modh a fháil chun na cineálacha coireachta tromchúisí a dhéanamh, chun na cineálacha coireachta tromchúisí a éascú nó a dhéanamh nó chun saoirse ó phionós a áirithiú dóibh siúd a dhéanann na cineálacha coireachta tromchúisí a liostaítear. I dteannta na gcineálacha coireachta a liostaítear go sainráite, ba cheart an tsolúbthacht a bheith ag Eurojust chun cúnamh a thabhairt i gcásanna eile, laistigh de theorainneacha a shainordaithe a leagtar amach sa Rialachán seo, arna iarraidh sin d’údarás inniúil náisiúnta i gcás ina bhfuil gá oibríochtúil sonrach leis sin.

(11)Sa mhéid go mbunaítear Oifig an Ionchúisitheora Phoiblí Eorpaigh (OIPE) trí bhíthin comhar feabhsaithe, tá Rialachán (AE) 2017/1939 ón gComhairle 20 ina cheangal go huile agus go hiomlán agus níl sé infheidhme go díreach ach amháin maidir leis na Ballstáit atá rannpháirteach sa chomhar feabhsaithe sin. Maidir leis na cásanna sin nach dtagann faoi raon feidhme OIPE, is ar Eurojust go fóill atá an cúram a bheith go hiomlán inniúil le haghaidh na gcineálacha coireachta tromchúisí a liostaítear in Iarscríbhinn I a ghabhann leis an Rialachán seo. I bhfianaise a sainorduithe féin, ba cheart do Eurojust a bheith in ann oibriú i gcásanna a bhaineann le coireanna a thagann faoi raon feidhme OIPE i gcás ina mbaineann na cásanna sin le Ballstáit rannpháirteacha agus Ballstáit neamh-rannpháirteacha araon, nó i gcás ina gcinneann OIPE gan gníomh a dhéanamh, arna iarraidh sin do na Ballstáit neamh-rannpháirteacha nó do OIPE. Ba cheart do Eurojust a bheith inniúil go fóill, in aon chás, chun tacú le cásanna a bhaineann le cionta coiriúla a dhéanann difear do leasanna airgeadais an Aontais i gcásanna nach bhfuil OIPE inniúil nó i gcásanna nach bhfeidhmíonn sé a inniúlacht. Ba cheart do OIPE agus do Eurojust dlúthchomhar oibríochtúil a fhorbairt laistigh dá sainorduithe féin, mar a rialaítear a thuilleadh leis an socrú oibre eatarthu.

(12)I gcomhréir le hAirteagal 85 CFAE, féadfar tionscnamh imscrúduithe coiriúla a áireamh ar chúraimí Eurojust. Níor cheart do ról Eurojust a bheith teoranta do fhreagairt d’iarrataí ar chúnamh agus ar thacaíocht oibríochtúil ó na Ballstáit, ach ba cheart an ról a leathnú chun freagairt bhreithiúnach atá idir chomhordaithe agus straitéiseach in aghaidh na coireachta tromchúisí ar leibhéal an Aontais Eorpaigh a chur chun cinn go réamhghníomhach. Trí thairbhe a bhaint as a shuíomh ag an gcrosbhealach idir imscrúduithe náisiúnta agus comhar ar leibhéal an Aontais, ba cheart do Eurojust a bheith in ann leas a bhaint as a chumais anailíseacha agus a shaineolas chun gníomhaíochtaí a dhéantar ar a thionscnamh féin a éascú, i gcomhar leis na Ballstáit agus ar bhonn faisnéis a sholáthraíonn siad sin, Europol, an Oifig Eorpach Frith-Chalaoise (OLAF), a bhunaítear le Cinneadh 1999/352/CE ón gCoimisiún, CEGC, Euratom 21 , OIPE, agus comhlachtaí agus gníomhaireachtaí eile den Aontas. Ba cheart a áireamh leis sin go mbeadh Ballstáit rannpháirteach, ar Ballstáit iad nár cuireadh san áireamh i gcás ar dtús, chomh maith le hiarraidh ar Bhallstáit imscrúduithe a oscailt nó bearta imscrúdaitheacha áirithe a dhéanamh, go háirithe i gcás ina sainaithníonn Eurojust, ar bhonn a anailíse, naisc idir cásanna nó suíomhanna eile inar gá comhar breithiúnach. Chuige sin, ba cheart na Ballstáit a chumhachtú chun cásanna a oscailt ar a dtionscnamh féin i gcóras bainistithe cásanna Eurojust, rud a neartóidh acmhainneacht Eurojust chun comhordú a stiúradh go réamhghníomhach agus tosaíocht údarás inniúil náisiúnta i stiúradh imscrúduithe agus ionchúiseamh á caomhnú an tráth céanna.

(13)Tá comhsheasmhacht i stádas, próifíl agus cumhachtaí Comhaltaí Náisiúnta ó Bhallstát go chéile fíor-riachtanach le haghaidh chur i bhfeidhm éifeachtach cóir an Rialacháin seo. Dá bhrí sin, ba cheart a cheangal ar na Ballstáit Comhaltaí Náisiúnta a cheapadh ar comhaltaí gníomhacha den tseirbhís ionchúisimh phoiblí nó den bhreithiúnacht iad, agus ag a bhfuil na cáilíochtaí is gá lena gceapadh in ardoifigí ionchúisimh nó breithiúnacha, mar aon le taithí phraiticiúil ábhartha ar chórais dlí náisiúnta agus ar an gcomhar breithiúnach idirnáisiúnta in ábhair choiriúla. Na cumhachtaí is gá chun a n-inniúlachtaí a fheidhmiú ina n-iomláine agus chun a gcúraimí a fheidhmiú go héifeachtach faoin Rialachán seo, ba cheart na cumhachtaí sin ar a laghad a chur ar iontaoibh na gComhaltaí Náisiúnta, i gcomhréir le dlí a mBallstáit, ionas nach gcuireann éagsúlachtaí sna socruithe náisiúnta bac ar oibríochtaí Eurojust, go háirithe i gcásanna práinneacha. Ba cheart iad seo ar a laghad a áireamh ar na cumhachtaí sin: teagmháil dhíreach a dhéanamh le húdaráis inniúla náisiúnta agus tríú tíortha agus le comhlachtaí, oifigí agus gníomhaireachtaí an Aontais, agus faisnéis oibríochtúil a mhalartú leo; cásanna a oscailt, a chlárú agus a bhainistiú sa chóras bainistithe cásanna; cruinnithe comhordúcháin agus lárionaid chomhordúcháin a eagrú; a bheith rannpháirteach i bhfoirne comhpháirteacha um imscrúdú, agus i gcás inarb iomchuí bunú agus oibriú na bhfoirne sin a thionscnamh nó a éascú, lena n-áirítear é sin a dhéanamh trí chomhaontú a shíniú lena mbunaítear foireann chomhpháirteach um imscrúdú (comhaontú JIT); a bheith rannpháirteach in ardáin oibríochtúla chomhpháirteacha, LSE agus ardáin comhordúcháin bhreithiúnaigh; iarraidh ar údaráis inniúla náisiúnta imscrúduithe nó ionchúisimh a dhéanamh nó aon bheart eile a dhéanamh a bhfuil údar leis chun críoch imscrúdaithe nó ionchúisimh.

(14)Chun gníomhaíocht thráthúil a áirithiú i gcásanna trasteorann, le toiliú an údaráis inniúil náisiúnta, agus i gcomhréir leis an dlí náisiúnta, ba cheart na Comhaltaí Náisiúnta a chumhachtú freisin chun iarrataí ar chomhar breithiúnach nó ar aitheantas frithpháirteach a eisiúint nó a fhorghníomhú, lena n-áirítear bearta imscrúdaitheacha faoi Threoir 2014/41/AE ó Pharlaimint na hEorpa agus ón gComhairle 22 , orduithe reo agus coigistíochta faoi Rialachán (AE) 2018/1805 ó Pharlaimint na hEorpa agus ón gComhairle 23 , agus Orduithe Eorpacha chun Fianaise a Thabhairt ar Aird nó Orduithe Caomhnaithe Eorpacha faoi Rialachán (AE) 2023/1543 ó Pharlaimint na hEorpa agus ón gComhairle 24 . I gcás inar gá faoin dlí náisiúnta agus go comhsheasmhach le stádas an Chomhalta Náisiúnta mar chomhalta gníomhach de sheirbhísí ionchúisimh nó den bhreithiúnacht, ba cheart a chumhdach leis an gcumhachtú sin freisin eisiúint na mbeart náisiúnta foluiteach a bhfuil gá leo chun éifeacht dhlíthiúil a thabhairt do na hionstraimí sin i gcomhréir le dlí an Aontais agus leis an dlí náisiúnta is infheidhme. Thairis sin, ba cheart dóibh a bheith in ann iarraidh ar a n-oifigí aisghabhála sócmhainní faisnéis a sholáthar ar ionstraimíochtaí, fáltais nó maoin atá nó a d’fhéadfadh a bheith ina n-ábhar ordaithe reo nó coigistíochta agus beart láithreach a dhéanamh go dtí go n-eisítear ordú reo, mar a fhoráiltear faoi Threoir (AE) 2024/1260 ó Pharlaimint na hEorpa agus ón gComhairle 25 . I gcásanna práinneacha nach féidir an t-údarás inniúil náisiúnta a shainaithint ná teagmháil a dhéanamh leis ar mhodh tráthúil, ba cheart do Chomhaltaí Náisiúnta a bheith inniúil na bearta sin a dhéanamh ar a n-inniúlacht féin i gcomhréir leis an dlí náisiúnta, agus an t-údarás inniúil náisiúnta a chur ar an eolas gan moill mhíchuí. Na bearta a dhéanann Comhaltaí Náisiúnta sna himthosca sin, beidh siad faoi réir athbhreithniú na n-údarás inniúil náisiúnta agus na gcúirteanna faoi seach i gcónaí, i gcomhréir leis an dlí nós imeachta is infheidhme. Féadfaidh na Ballstáit cumhachtaí breise a thabhairt do Chomhaltaí Náisiúnta de bhreis ar na cumhachtaí a leagtar amach sa Rialachán seo agus tabharfaidh siad fógra faoi sin don Choimisiún agus don Choláiste dá réir. D’fhonn a áirithiú gur féidir le Comhaltaí Náisiúnta, a nIonadaithe agus, i gcás inarb infheidhme, a gCúntóirí, na cumhachtaí a thugtar dóibh faoin Rialachán seo a fheidhmiú go héifeachtach agus gníomhú mar údaráis comhair bhreithiúnaigh lánchumhachtaithe laistigh d’ollstruchtúr comhair bhreithiúnaigh an Aontais, ba cheart do na Ballstáit iad a cheapadh mar údarás inniúil chun críocha na ngníomhartha is infheidhme de chuid an Aontais maidir le comhar breithiúnach in ábhair choiriúla, go háirithe iad sin dá dtagraítear sa Rialachán seo. Agus é ag gníomhú ar a thionscnamh féin, ba cheart do Eurojust a bheith in ann gníomhú trína Chomhaltaí Náisiúnta a d’fhéadfadh, agus a gcúiseanna á sonrú, iarraidh ar údaráis inniúla a mBallstát imscrúdú nó ionchúiseamh a dhéanamh i leith gníomhartha sonracha, nó aon bheart eile a bhfuil údar leis chun críocha an imscrúdaithe nó an ionchúisimh a dhéanamh. Mar léiriú air sin, d’fhéadfaí a chumhdach leis sin iarrataí chun an ionstraim ábhartha comhair bhreithiúnaigh a eisiúint, chun imscrúdú airgeadais a dhéanamh, chun bearta sealadacha réamhthrialacha a dhéanamh, chun finnéithe nó saineolaithe a éisteacht, nó chun bearta a ghlacadh arb é is aidhm dóibh íospartaigh agus finnéithe a chosaint.

(15)Is gá struchtúr rialachais a thabhairt do Eurojust a chuireann ar a chumas dó a chúramaí a dhéanamh ar bhealach níos éifeachtaí agus níos éifeachtúla, agus é á ailíniú leis na prionsabail is infheidhme maidir le gníomhaireachtaí an Aontais, go háirithe Ráiteas Comhpháirteach 2012 ó Pharlaimint na hEorpa, ó Chomhairle an Aontais Eorpaigh agus ón gCoimisiún Eorpach maidir le gníomhaireachtaí díláraithe. An tráth céanna, ba cheart do chur chuige den sórt sin aird chuí a thabhairt ar chineál sonrach Eurojust mar ghníomhaireacht comhair bhreithiúnaigh. Dá réir sin, ba cheart neamhspleáchas Comhaltaí Náisiúnta agus an Choláiste i bhfeidhmiú a bhfeidhmeanna oibríochtúla a chosaint. Ba cheart struchtúr bainistíochta, lena gcuimsítear an Bord Bainistíochta, an Bord Feidhmiúcháin agus an Stiúrthóir Riaracháin, agus struchtúr oibríochtúil, lena gcuimsítear na Comhaltaí Náisiúnta agus an Coláiste, a bheith ag Eurojust agus ba cheart feidhmeanna faoi seach na gcomhlachtaí sin a shonrú go soiléir sa Rialachán seo.

(16)Ionas gur féidir le Eurojust a mhisean a chomhlíonadh agus a acmhainneacht ar fad a chur chun úsáide sa chomhrac in aghaidh coireacht trasteorann thromchúiseach, ba cheart a ghné oibríochtúil a threisiú tríd an ualach riaracháin ar Chomhaltaí Náisiúnta a laghdú, rud a chuirfidh ar a gcumas dóibh díriú ar chásobair. Ba cheart don Choláiste a bheith inniúil le haghaidh ábhair oibríochtúla, i gcomhréir le sainghné uathúil na gníomhaireachta maidir le cásanna breithiúnacha a láimhseáil agus idirghníomhú le húdaráis náisiúnta ar bhonn iontaoibh fhrithpháirteach, agus ba cheart don Bhord Bainistíochta agus don Bhord Feidhmiúcháin freagrachtaí riaracháin agus buiséadacha a ghlacadh. De réir an mheoin chéanna i ndáil le simpliúchán agus rannpháirtíocht an Choláiste a laghdú i gcúraimí nach príomhchúraimí iad, ullmhú agus comhordú tuarascálacha straitéiseacha, treoirdhoiciméad agus aschur anailíseach eile atá ábhartha do chleachtóirí, ba cheart an obair sin a chur faoi chúram fhoireann Eurojust níos mó, lena n-áirítear é sin a dhéanamh i gcomhthéacs LSE.

(17)Chun próisis chinnteoireachta maidir le cáilíocht agus éifeachtúlacht a fheabhsú, ba cheart Bord Bainistíochta a bhunú mar chomhlacht formhaoirseachta neamhspleách, agus ba cheart a chur de chúram air na cinntí is ardleibhéil a ghlacadh maidir leis an mbuiséad, tosaíochtaí straitéiseacha agus ábhair bhainistíochta, lena n-áirítear an doiciméad clársceidealaithe aonair, an buiséad bliantúil, na rialacha foirne agus na rialacha slándála. Beidh na Ballstáit rannpháirteach go hiomlán i rialachas na gníomhaireachta trína n-ionadaíocht ar an mBord Bainistíochta. Chun an scaradh idir ábhair riaracháin agus oibríochtúil a chaomhnú, ba cheart cosc a chur ar na Ballstáit Comhaltaí Náisiúnta a cheapadh mar a n-ionadaithe ar an mBord Bainistíochta, ionas go gcuirfí an chásobair oibríochtúil agus an fhormhaoirseacht riaracháin de chúram ar dhaoine a bhfuil an saineolas iomchuí faoi seach acu. Ba cheart do na páirtithe uile a mbeidh ionadaíocht acu ar an mBord Bainistíochta iarrachtaí a dhéanamh ráta athraithe a n-ionadaithe a theorannú chun an leanúnachas oibre a áirithiú, agus ba cheart dóibh iarracht a dhéanamh ionadaíocht atá cothrom ó thaobh inscne de a bhaint amach.

(18)Ba cheart Bord Feidhmiúcháin a bhunú chun obair an Bhoird Bainistíochta a ullmhú, bonn eolais a chur faoin obair sin agus cúnamh a thabhairt leis an obair agus chun a chruinnithe a ullmhú. Ina theannta sin, ba cheart don Bhord Feidhmiúcháin, sna cásanna dá bhforáiltear sa Rialachán seo, cinntí a ghlacadh ina cháil féin maidir le hábhair a bhaineann le riarachán laethúil Eurojust.

(19)Agus lánurraim á tabhairt don scaradh idir freagrachtaí riaracháin agus oibríochtúla, ba cheart tuairimí an Choláiste a chur san áireamh i gcás ina bhféadfadh tionchar mór a bheith ag cinntí riaracháin ar obair oibríochtúil Eurojust, go háirithe a mhéid a bhaineann le sainiú réimsí coiriúlachta tosaíochta. Ar an gcúis sin, sna hábhair a liostaítear sa Rialachán seo, ba cheart don Bhord Bainistíochta agus don Bhord Feidhmiúcháin, de réir a sainordaithe féin, dul i gcomhairle leis an gColáiste roimh chinneadh a dhéanamh. Chun a áirithiú go ndéanfar ionadaíocht chuí ar thuairimí an Choláiste, ba cheart d’Uachtarán Eurojust a bheith rannpháirteach sa Bhord Bainistíochta agus sa Bhord Feidhmiúcháin mar ionadaí don Choláiste. I gcás inar dhócha go mbeadh ábharthacht oibríochtúil dhíreach le tuarascálacha, tuairimí, páipéir bheartais agus treoirlínte a d’fhéadfadh an Bord Feidhmiúcháin a ghlacadh, go háirithe i gcás ina bhféadfaidís a bheith ag baint le himscrúduithe nó ionchúisimh atá ar siúl nó le faisnéis straitéiseach neamhphoiblí, ba cheart dul i gcomhairle leis an gColáiste roimh ré.

(20)Ba cheart don Stiúrthóir Riaracháin a bheith ina bhainisteoir ar Eurojust agus ba cheart dó a bheith freagrach don Bhord Bainistíochta. Ba cheart don Stiúrthóir Riaracháin a bheith freagrach as cur chun feidhme na gcúraimí a shanntar do Eurojust leis an Rialachán seo, lena n-áirítear riarachán laethúil na gníomhaireachta a áirithiú, cinntí arna nglacadh ag an mBord Bainistíochta agus ag an mBord Feidhmiúcháin a chur chun feidhme, agus an buiséad agus an doiciméad clársceidealaithe aonair a ullmhú agus a chur chun feidhme. Ba cheart an Stiúrthóir Riaracháin a cheapadh ar bhonn fiúntais agus scileanna doiciméadaithe riaracháin agus bainistíochta, agus ar bhonn inniúlacht agus taithí ábhartha. Is é an Stiúrthóir Riaracháin ionadaí dlíthiúil Eurojust.

(21)Déanfaidh an Coláiste Uachtarán agus Leas-Uachtarán ar Eurojust a thoghadh as measc na gComhaltaí Náisiúnta ar feadh téarma oifige 4 bliana, ar féidir é a athnuachan aon uair amháin. I gcás ina dtoghtar Comhalta Náisiúnta mar Uachtarán, ba cheart don Bhallstát lena mbaineann a bheith in ann oifigeach ag a bhfuil na cáilíochtaí agus an taithí is gá a thabhairt ar iasacht ar feadh thréimhse mhandáid an uachtaráin chun an Deasc Náisiúnta a threisiú agus chun a áirithiú go leanann an deasc d’fheidhmiú go héifeachtach, agus iarratas a dhéanamh ar chúiteamh ó bhuiséad Eurojust freisin. D’fhéadfadh sé go mbeadh an stádas aige mar Ionadaí nó Cúntóir leis an gComhalta Náisiúnta ar toghadh ina Uachtarán é, nó d’fhéadfadh sé go mbeadh feidhm ar mhó de chineál riaracháin nó teicniúil í a bheith aige, agus ba cheart do gach Ballstát a bheith in ann a cheanglais féin a chinneadh ina leith sin. Ós rud é go bhfuil tionchar buiséadach ag an sásra cúitimh, ba cheart cumhachtaí cur chun feidhme chun an sásra sin a chinneadh a thabhairt don Chomhairle. Cé gurb é an Stiúrthóir Riaracháin ionadaí dlíthiúil Eurojust, is é Uachtarán an Choláiste a dhéanann ionadaíocht do Eurojust i bhfóraim pholaitiúla, go háirithe agus gníomhaíochtaí, tosaíochtaí oibríochtúla agus breithnithe straitéiseacha Eurojust á gcur i láthair d’institiúidí, comhlachtaí, oifigí agus gníomhaireachtaí an Aontais, do thríú tíortha agus d’eagraíochtaí idirnáisiúnta.

(22)Chun a áirithiú go bhféadfaidh Eurojust a chúraimí a chomhlíonadh gan mhoill i gcásanna práinneacha, ba cheart do gach Deasc Náisiúnta a bheith ar fáil tráth ar bith chun iarrataí práinneacha a fháil agus a phróiseáil. Chuige sin, ba cheart socruithe a dhéanamh chun a áirithiú gur féidir teacht ar aon chomhalta amháin ar a laghad de gach Deasc Náisiúnta tráth ar bith, ionas go láimhseáiltear iarratais phráinneacha i dtaobh a Bhallstáit gan mhoill.

(23)Ba cheart do gach Ballstát córas Eurojust um chomhordú náisiúnta a bhunú chun tacú le hobair a Chomhalta Náisiúnta agus chun comhordú a áirithiú idir an Deasc Náisiúnta agus údaráis inniúla náisiúnta an Bhallstáit sin. Ba cheart a bheith san áireamh leis na córais sin pointí teagmhála gréasán lena gcoinníonn Eurojust caidreamh ar bun, amhail an Líonra Saineolaithe Náisiúnta ar Fhoirne Comhpháirteacha um Imscrúdú (Líonra JITanna), an líonra Eorpach i leith daoine atá freagrach as cinedhíothú, coireanna in aghaidh na daonnachta agus coireanna cogaidh a bhunaítear le Cinneadh 2002/494/CGB ón gComhairle 26 , an líonra Eorpach pointí teagmhála in aghaidh an éillithe a bhunaítear le Cinneadh 2008/852/CGB ón gComhairle 27 , an Gréasán Breithiúnach Eorpach um Chibearchoireacht, an Líonra Breithiúnach Eorpach um an gCoireacht Eagraithe, agus na pointí teagmhála a ainmnítear faoi Chinneadh 2007/845/CGB ón gComhairle 28 , chomh maith leis na comhfhreagraithe náisiúnta le haghaidh Eurojust, le haghaidh ábhair a bhaineann leis an sceimhlitheoireacht, le haghaidh ábhair a bhaineann le hinniúlacht OIPE, agus le haghaidh an Ghréasáin Bhreithiúnaigh Eorpaigh a bhunaítear le Cinneadh 2008/976/CGB ón gComhairle 29 . Féadfaidh na Ballstáit a chinneadh go bhfuil an comhfhreagraí náisiúnta céanna le ceann amháin nó níos mó de na cúraimí sin a dhéanamh.

(24)Chun comhordú agus comhar idir na húdaráis náisiúnta imscrúdaithe agus ionchúisimh a spreagadh agus a threisiú, tá sé ríthábhachtach go bhfaighidh Eurojust an fhaisnéis is gá ó na húdaráis náisiúnta chun a chuid cúraimí a chomhlíonadh. Ba cheart do na húdaráis inniúla náisiúnta a gComhaltaí Náisiúnta a chur ar an eolas gan moill mhíchuí maidir le bunú agus torthaí foirne comhpháirteacha um imscrúdú. Ba cheart dóibh freisin na Comhaltaí Náisiúnta a chur ar an eolas gan moill mhíchuí faoi chásanna a thagann faoi inniúlacht Eurojust a bhaineann go díreach le trí Bhallstát ar a laghad agus ar cuireadh iarrataí nó cinntí maidir le comhar breithiúnach chuig dhá Bhallstát ar a laghad ina leith. In imthosca áirithe, ba cheart dóibh Comhaltaí Náisiúnta a chur ar an eolas freisin faoi easaontachtaí dlínse, seachadtaí rialaithe agus deacrachtaí leanúnacha a bhíonn le sárú i bhforghníomhú iarrataí ar chomhar breithiúnach. A mhéid a bhaineann le cionta sceimhlitheoireachta, ba cheart d’údaráis inniúla náisiúnta a gComhaltaí Náisiúnta a chur ar an eolas faoi gach imscrúdú coiriúil ábhartha a luaithe a tharchuirtear chuig údaráis bhreithiúnacha iad, gan beann ar cé acu is eol nó nach eol nasc a bheith ann le Ballstát eile nó le tríú tír, faoi réir na gcoinníollacha a leagtar amach sa Rialachán seo.

(25)Ceann de na dúshláin is mó chun an choireacht trasteorann thromchúiseach a chomhrac is ea sainaithint thráthúil nasc agus forluití idir imscrúduithe agus ionchúisimh atá ar siúl ar líonraí coiriúla, go háirithe líonraí coireachta eagraithe trasnáisiúnta atá páirteach sa gháinneáil ar dhrugaí, agus imscrúduithe agus ionchúisimh a bhaineann le calaois thromchúiseach airgeadais nó calaois thromchúiseach de chineál eile. Sa chomhthéacs sin, déanann an chros-seiceáil ar fhaisnéis ábhartha éifeachtúlacht an riaracháin bhreithiúnaigh a chur chun cinn tríd an dúbláil imeachtaí comhthreomhara os comhair cúirteanna náisiúnta éagsúla a chosc, rud a laghdaíonn an riosca go sárófaí an prionsabal ne bis in idem. Ba cheart do Eurojust faisnéis i mbunachair sonraí ábhartha a chros-seiceáil go córasach chun naisc idir imscrúduithe trasteorann a shainaithint agus comhordú agus tacaíocht éifeachtach a sholáthar d’údaráis inniúla náisiúnta. Tá infhaighteacht tacar sonraí anailísithe agus faisnéis chros-seiceáilte fíor-riachtanach chun cásanna a chur le chéile go héifeachtach agus tacaíonn an infhaighteacht sin leis na húdaráis inniúla náisiúnta chun cuir chuige ionchúisimh straitéiseacha a fhorbairt.

(26)Tá bunú foirne comhpháirteacha um imscrúdú agus tacú leis na foirne sin ina mbunchloch de ghníomhaíochtaí oibríochtúla Eurojust. Ba cheart do Eurojust tacaíocht oibríochtúil, theicniúil, anailíseach, dhlíthiúil agus airgeadais a sholáthar d’fhoirne comhpháirteacha um imscrúdú, lena n-áirítear é sin a dhéanamh trí comhairle a thabhairt ar an deis agus ar na ceanglais dhlíthiúla chun foireann chomhpháirteach um imscrúdú a bhunú, cúnamh a thabhairt maidir le dréachtú agus caibidliú comhaontuithe JIT, comhairle a thabhairt ar straitéisí ionchúisimh agus cur chun feidhme gníomhaíochtaí oibríochtúla agus an fhéidearthacht atá ann go mbeadh Europol rannpháirteach. Ba cheart tacaíocht airgeadais a sholáthar i gcomhréir leis na rialacha airgeadais is infheidhme agus d’fhéadfadh sé go n-áireofaí leis cineálacha simplithe cistiúcháin, amhail cnapshuimeanna, costais aonaid agus maoiniú ar ráta comhréidh. Ba cheart do Eurojust tacú leis an Líonra JITanna trína bhaill foirne freisin, go háirithe trína chruinnithe agus a ghníomhaíochtaí oiliúna a eagrú, meastóireachtaí ar fhoirne comhpháirteacha aonair um imscrúdú a bhailiú agus anailís a dhéanamh orthu, agus tacaíocht airgeadais Eurojust le haghaidh na bhfoirne sin a bhainistiú. I gcás inarb iomchuí le haghaidh imscrúduithe éifeachtúla trasteorann, ba cheart do Eurojust rannpháirtíocht tríú tíortha, lena n-áirítear tíortha is iarrthóirí ar bhallraíocht san Aontas agus tíortha is iarrthóirí ionchasacha, JITanna a éascú agus tacú leis an rannpháirtíocht sin.

(27)Chun tacú le himscrúduithe nó ionchúisimh trasteorann atá an-chasta, nó chun feabhas a chur ar an gcomhar breithiúnach maidir le haghaidh a thabhairt ar chineálacha sonracha coireachta tromchúisí, ba cheart do Eurojust a bheith in ann ardáin comhordúcháin bhreithiúnaigh a bhunú arna iarraidh sin do dhá Bhallstát nó níos mó nó ar a thionscnamh féin le comhaontú na mBallstát lena mbaineann. Ba cheart do na sásraí comhair struchtúrtha leathbhuana sin ionadaithe na n-údarás inniúil náisiúnta a thabhairt le chéile, lena n-áirítear comhaltaí na nDeasc Náisiúnta, agus ba cheart do bhaill foirne údaraithe Eurojust tacú leo. Ba cheart dóibh sioncronú imscrúduithe agus ionchúiseamh thar dhlínsí iolracha a éascú, cuidiú chun easaontachtaí dlínse féideartha a chosc, comhroinnt thráthúil faisnéise agus fianaise atá ábhartha d’údaráis bhreithiúnacha a chumasú, tacú le forbairt agus cur chun feidhme straitéisí coitinne ionchúisimh, agus cúnamh speisialaithe a sholáthar d’údaráis inniúla náisiúnta. Faisnéis a phróiseáiltear faoi chuimsiú ardán comhordúcháin bhreithiúnaigh, ba cheart í a láimhseáil i gcomhréir leis an Rialachán seo agus a stóráil sa chóras bainistithe cásanna. Bunú ardán comhordúcháin bhreithiúnaigh, cuireann sé le taithí oibríochtúil rathúil an Lárionaid Idirnáisiúnta um Ionchúiseamh Choir an Fhogha faoin Úcráin (ICPA), atá á óstáil ag Eurojust, rud a léirigh an luach a bhaineann le sásra comhair bhreithiúnaigh atá struchtúrtha, marthanach agus il-dlínsiúla chun aghaidh a thabhairt ar na coireanna is tromchúisí.

(28)Faisnéis a d’fhéadfaí a úsáid mar fhianaise in imeachtaí coiriúla, tá inniúlacht Eurojust chun an fhaisnéis sin a bhailiú, a chaomhnú, a anailísiú agus a stóráil ríthábhachtach i réimse an chinedhíothaithe, coireanna in aghaidh na daonnachta, coireanna cogaidh, choir an fhogha agus cionta coiriúla gaolmhara. An Bunachar Sonraí Fianaise i leith na gCoireanna Idirnáisiúnta is Tromchúisí arna bhunú agus arna oibriú ag Eurojust, léirigh sé an luach ar leith a bhaineann le sásra láraithe agus slán chun fianaise ar na coireanna idirnáisiúnta is tromchúisí ó dhlínsí iomadúla a chaomhnú agus a chros-seiceáil, tacú le húdaráis ionchúisimh náisiúnta agus obair cúirteanna agus binsí coiriúla idirnáisiúnta a éascú. Chun an Rialachán seo a léirmhíniú, agus gan dochar a dhéanamh d’aon fhorbairt bhreise ar an dlí idirnáisiúnta, ba cheart a thuiscint leis an gcoincheap de na coireanna idirnáisiúnta is tromchúisí go gcuimsítear leis coir an chinedhíothaithe, coireanna in aghaidh na daonnachta, coireanna cogaidh agus coir an fhogha, mar a shainmhínítear i Reacht na Róimhe den Chúirt Choiriúil Idirnáisiúnta.

(29)Neartaítear leis an Rialachán seo sainordú Eurojust chun fianaise a chaomhnú, a anailísiú agus a stóráil, rud a sholáthraíonn creat dlíthiúil le haghaidh fhorbairt bhreise an bhunachair sonraí. I gcás inar gá, ba cheart an inniúlacht sin a leathnú chun cineálacha eile coireachta tromchúisí faoi shainordú Eurojust a chumhdach, go háirithe an choireacht eagraithe, chun tacú le himscrúduithe agus ionchúisimh shonracha ar bunaíodh foireann chomhpháirteach um imscrúdú nó ardán comhordúcháin bhreithiúnaigh ina leith. Maidir leis sin go háirithe, ba cheart do Eurojust agus Europol oibriú i ndlúthchomhar le chéile faoi chuimsiú a shainorduithe féin, agus an dúbláil iarrachtaí á seachaint, maidir le próiseáil agus anailís ar fhaisnéis sa chomhrac in aghaidh na coireachta eagraithe.

(30)Príomhfheidhm de Eurojust is ea easaontachtaí dlínse idir na Ballstáit a chosc agus a réiteach, rud a chuireann leis an gcreat a bunaíodh le Cinneadh Réime 2009/948/CGB ón gComhairle 30 . Bunaíodh leis an gCinneadh Réime sin oibleagáidí ar údaráis inniúla na mBallstát chun comhairliúcháin dhíreacha a dhéanamh i gcás ina bhfuil forais réasúnacha ann chun a chreidiúint go bhfuil imeachtaí comhthreomhara á ndéanamh i mBallstáit éagsúla, agus déantar foráil ann maidir le rannpháirtíocht Eurojust i gcás nach dtagtar ar chomhaontú leis na comhairliúcháin sin. Ag tógáil ar an gcreat sin, ba cheart do Eurojust ról lárnach a ghlacadh chun cúnamh a thabhairt d’údaráis inniúla náisiúnta i sainaithint, cosc agus réiteach easaontachtaí dlínse, lena n-áirítear é sin a dhéanamh trí imeachtaí comhthreomhara nó nasctha a shainaithint, comhairle dlí a sholáthar maidir le cur i bhfeidhm an phrionsabail ne bis in idem a chumhdaítear in Airteagal 50 den Chairt um Chearta Bunúsacha an Aontais Eorpaigh, tuairimí réasúnaithe nó moltaí neamhcheangailteacha a eisiúint maidir le réiteach easaontachtaí den sórt sin, agus an t-aistriú imeachtaí chuig an dlínse is oiriúnaí lena n-ionchúiseamh a éascú. Tá an fheidhm sin fíor-riachtanach chun saoirse ó phionós a chosc, imeachtaí dúblálacha a sheachaint agus úsáid éifeachtúil acmhainní breithiúnacha ó Bhallstát go chéile a áirithiú.

(31)Is réimse tosaíochta le haghaidh tacaíocht oibríochtúil Eurojust atá i rianú, reo, coigistíocht agus aisghabháil sócmhainní coiriúla. Ba cheart do Eurojust cúnamh a thabhairt do na Ballstáit i gcásanna aisghabhála sócmhainní trasteorann, lena n-áirítear é sin a dhéanamh i ndáil le coigistíocht iarchiontaithe agus coigistiú neamh-chiontúbhunaithe, agus ba cheart dó oibriú i ndlúthchomhar le hOifigí Aisghabhála Sócmhainní a ainmnítear i gcomhréir le Cinneadh 2007/845/CGB ón gComhairle agus le húdaráis inniúla eile chun éifeachtacht imscrúduithe airgeadais agus imeachtaí aisghabhála sócmhainní a uasmhéadú, lena n-áirítear é sin a dhéanamh trí úsáid na n-ionstraimí dá bhforáiltear i dTreoir (AE) 2024/1260.

(32)Ba cheart do Eurojust, i gcomhlántacht le Europol agus de réir a sainordaithe féin, tacú le húdaráis inniúla na mBallstát i gcomhthéacs imscrúduithe digiteacha agus rochtain ar fhianaise leictreonach. I bhfianaise an mhéadaithe ar a thábhachtaí atá fianaise leictreonach in imscrúduithe coiriúla trasteorann, is gá do Eurojust a bheith ina mhol tiomnaithe oibríochtúil agus eolais le haghaidh údaráis bhreithiúnacha a dhéanann a mbealach tríd an timpeallacht dhlíthiúil chasta lena rialaítear rochtain trasteorann ar shonraí, lena n-áirítear é sin a dhéanamh maidir le hiarrataí díreacha ar sholáthraithe seirbhíse faoi Rialachán (AE) 2023/1543 31 . Sa chomhthéacs sin, ba cheart do Eurojust agus do Europol cur lena gcomhar seanbhunaithe i réimse na fianaise leictreonaí agus forbairt bhreise a dhéanamh ar an gcomhar sin, lena n-áirítear é sin a dhéanamh trí thionscadal SIRIUS, trína soláthraítear eolas, uirlisí agus oiliúint maidir le rochtain trasteorann ar fhianaise leictreonach do chleachtóirí breithiúnacha agus forfheidhmithe dlí.

(33)Ba cheart cumarsáid idir na húdaráis inniúla náisiúnta agus Eurojust a dhéanamh trí chóras TF díláraithe slán bunaithe ar phointí rochtana e-CODEX, lena gcumasaítear malartú faisnéise trasteorann atá idir iontaofa agus slán. Ba cheart don Choimisiún a bheith freagrach as bogearraí cur chun feidhme tagartha a chruthú, a chothabháil agus a fhorbairt, bogearraí a bhféadfaidh na Ballstáit agus Eurojust a roghnú iad a chur i bhfeidhm mar chóras cúil acu, saor in aisce. Ba cheart do Eurojust córas bainistithe cásanna a bhunú le haghaidh próiseáil sonraí pearsanta oibríochtúla, lena gcumasófar bainistiú agus comhordú imscrúduithe agus ionchúiseamh, malartú slán faisnéise, cros-seiceáil sonraí chun naisc idir cásanna a shainaithint, agus caomhnú fianaise agus anailís ar fhianaise. Ba cheart rochtain ar an gcóras bainistithe cásanna a bheith teoranta go docht do dhaoine údaraithe de réir na dteorainneacha dá bhforáiltear sa Rialachán seo. An córas TF díláraithe a bhunaítear faoin Rialachán seo, tá sé ar an mbonneagar teicniúil céanna dá dtagraítear faoi Rialachán (AE) 2023/2844 ó Pharlaimint na hEorpa agus ón gComhairle 32 , Rialachán (AE) 2023/1543 ó Pharlaimint na hEorpa agus ón gComhairle, agus Rialachán (AE) 2024/3011 ó Pharlaimint na hEorpa agus ón gComhairle 33 , atá bunaithe ar an líonra céanna pointí rochtana e-CODEX agus ar na bogearraí cur chun feidhme tagartha céanna. Níor cheart don Rialachán seo difear a dhéanamh d’úsáid an chórais TF dhíláraithe choitinn sin le haghaidh na cumarsáide, an éascaithe agus na malartuithe i ndáil le hionstraimí comhair bhreithiúnaigh faoi na Rialacháin sin, rud a áiritheoidh an comhleanúnachas agus an idir-inoibritheacht ar fud ollstruchtúr comhair bhreithiúnaigh dhigitigh an Aontais agus a sheachnóidh dúbláil an bhonneagair theicniúil thar ionstraimí dlí éagsúla.

(34)Leagtar amach le Treoir (AE) 2016/680 ó Pharlaimint na hEorpa agus ón gComhairle 34 rialacha comhchuibhithe i ndáil le cosaint agus saorghluaiseacht sonraí pearsanta a phróiseáiltear chun cionta coiriúla a chosc, a imscrúdú, a bhrath nó a ionchúiseamh nó ar mhaithe le pionóis choiriúla a fhorghníomhú, lena n-áirítear coimirciú a dhéanamh in aghaidh bagairtí don tslándáil phoiblí agus na bagairtí sin a chosc. Chun an leibhéal céanna cosanta a áirithiú do dhaoine nádúrtha trí chearta is in-fhorfheidhmithe le dlí ar fud an Aontais agus chun cosc a chur ar dhibhéirseachtaí a chuireann isteach ar mhalartú sonraí pearsanta idir Eurojust agus údaráis inniúla sna Ballstáit, na rialacha maidir le sonraí pearsanta oibríochtúla a chosaint agus maidir le saorghluaiseacht na sonraí pearsanta oibríochtúla a ndéanann Eurojust próiseáil orthu, ba cheart do na rialacha sin a bheith comhsheasmhach le Treoir (AE) 2016/680. Ba cheart feidhm a bheith ag an Rialachán seo agus ag Rialachán (AE) 2018/1725 ó Pharlaimint na hEorpa agus ón gComhairle 35 maidir leis an bpróiseáil sonraí pearsanta a dhéanann Eurojust, agus beidh tosaíocht ag na rialacha sonracha maidir le cosaint sonraí den Rialachán seo mar lex specialis ar rialacha ginearálta Rialachán (AE) 2018/1725. Tá na rialacha sonracha sin comhsheasmhach leis na prionsabail atá ina mbonn faoi Rialachán (AE) 2018/1725, mar aon leis na forálacha den Rialachán sin a bhaineann le maoirseacht, leigheasanna, dliteanas agus pionóis neamhspleácha.

(35)An phróiseáil uile arna déanamh ag Eurojust ar shonraí pearsanta faoi chuimsiú a inniúlachta agus ar mhaithe le comhlíonadh a chúraimí, ba cheart an phróiseáil sin a mheas mar phróiseáil ar shonraí pearsanta oibríochtúla. An phróiseáil a dhéanann Eurojust ar shonraí pearsanta oibríochtúla, ba cheart don phróiseáil sin a bheith teoranta go docht do na catagóirí sonraí a liostaítear in Iarscríbhinn II agus ba cheart don phróiseáil a bheith faoi réir teorainneacha ama dochta ó thaobh stórála de a bhaineann le tabhairt i gcrích imeachtaí, éigiontuithe agus cinntí breithiúnacha críochnaitheacha, le sásraí athbhreithnithe uathoibrithe chun an chomhlíontacht a áirithiú. Chun tacú le feidhmeanna leathnaithe anailíseacha agus straitéiseacha Eurojust, déantar foráil leis an Rialachán seo maidir leis an bhféidearthacht sonraí pearsanta oibríochtúla a choinneáil ar feadh tréimhse is faide i gcás ina bhfuil géarghá leis sin chun críoch anailíseach agus straitéiseach, faoi réir coinníollacha soiléire agus coimircí láidre cosanta sonraí, agus de réir creat soiléir lena mbaineann deimhneacht dhlíthiúil atá i gcomhréir leis na rialacha is infheidhme den Aontas maidir le cosaint sonraí. Ós rud é go bpróiseálann Eurojust sonraí pearsanta riaracháin freisin, ar sonraí iad nach mbaineann le himscrúduithe coiriúla, ba cheart do phróiseáil na sonraí sin a bheith faoi réir rialacha ginearálta Rialachán (AE) 2018/1725. Ní dhéanann forálacha cosanta sonraí an Rialacháin seo dochar do na rialacha is infheidhme maidir le hinghlacthacht sonraí pearsanta mar fhianaise in imeachtaí coiriúla réamhthrialacha agus cúirte. Na sonraí a ndéanann Eurojust próiseáil orthu, ba cheart iad a stóráil i mbonneagar néalríomhaireachta Eorpach chun bonneagair dhigiteacha agus néalchumais cheannasacha a áirithiú de réir a chéile.

(36)Is gá sannadh soiléir freagrachtaí maidir le cosaint sonraí faoin Rialachán seo chun cearta agus saoirsí ábhar sonraí a chosaint. Ba cheart do na Ballstáit a bheith freagrach as cruinneas na sonraí arna dtarchur chuig Eurojust acu agus arna bpróiseáil ag Eurojust gan athrú a dhéanamh orthu, as na sonraí sin a choimeád cothrom le dáta agus as dlíthiúlacht na sonraí sin a tharchur chuig Eurojust. Ba cheart do Eurojust a bheith freagrach as cruinneas na sonraí a sholáthraíonn soláthraithe sonraí eile nó a eascraíonn as a anailísí féin nó as gníomhaíochtaí bailithe sonraí. Ba cheart do Eurojust a áirithiú go bpróiseáiltear sonraí pearsanta ar bhealach cóir dleathach, go mbailítear agus go bpróiseáiltear iad chun críoch sonrach, go bhfuil siad leordhóthanach agus ábhartha agus nach bhfuil siad iomarcach i ndáil leis na cuspóirí sin, nach stóráiltear iad go ceann tréimhse is faide ná mar is gá, agus go bpróiseáiltear iad ar bhealach lena n-áirithítear slándáil agus rúndacht iomchuí.

(37)Ba cheart a áireamh i rialacha nós imeachta Eurojust coimircí iomchuí le haghaidh stóráil sonraí pearsanta oibríochtúla chun críoch cartlannaíochta ar mhaithe le leas an phobail nó chun críocha staidrimh. I gcás ina ndéanann Ballstát sonraí pearsanta oibríochtúla a tharchur chuig Eurojust nó a sholáthar dó, ba cheart an ceart a bheith ag an údarás inniúil, ag an gComhalta Náisiúnta nó ag an gcomhfhreagraí náisiúnta do Eurojust a iarraidh go ndéanfaí na sonraí pearsanta oibríochtúla sin a cheartú nó a scriosadh i gcomhréir leis na forálacha is infheidhme den Rialachán seo agus de Rialachán (AE) 2018/1725.

(38)Ba cheart d’ábhar sonraí a bheith in ann an ceart rochtana ar shonraí pearsanta oibríochtúla a bhaineann leis nó léi arna bpróiseáil ag Eurojust a fheidhmiú, i gcomhréir le Rialachán (AE) 2018/1725. Féadfar iarraidh den sórt sin a dhéanamh ar Eurojust nó ar an údarás maoirseachta náisiúnta ina rogha Ballstát ag an ábhar sonraí ag idirthréimhsí réasúnta, saor in aisce. D’fhéadfadh sé go mbeadh feidhm le teorainneacha leis an gceart rochtana i gcás ina gcuirfí imscrúdú atá ar siúl nó sábháilteacht duine aonair i gcontúirt de bharr an nochta, i gcomhréir leis na dálaí a bhunaítear leis an Rialachán seo agus le Rialachán (AE) 2018/1725. Ba cheart don rochtain ar shonraí pearsanta oibríochtúla laistigh de Eurojust a bheith teoranta go docht do Chomhaltaí Náisiúnta, a nIonadaithe, saineolaithe náisiúnta údaraithe ar iasacht, úsáideoirí ainmnithe córais náisiúnta agus baill foirne údaraithe Eurojust, de réir na dteorainneacha dá bhforáiltear sa Rialachán seo.

(39)An té an ainmnítear mar Oifigeach Cosanta Sonraí Eurojust, ba cheart an saineolas is gá ar an dlí agus ar an gcleachtas cosanta sonraí a bheith aige, i gcomhréir leis na hoibríochtaí próiseála sonraí a dhéanann Eurojust agus leis an leibhéal cosanta is gá le haghaidh na sonraí pearsanta a phróiseáiltear.

(40)D’fhonn comhar idir MECS agus na húdaráis mhaoirseachta náisiúnta a éascú, ba cheart do MECS agus d’údaráis mhaoirseachta náisiúnta teacht le chéile go tráthrialta faoi chuimsiú an Bhoird Eorpaigh um Chosaint Sonraí, i gcomhréir leis na rialacha maidir le maoirseacht chomhordaithe a leagtar síos i Rialachán (AE) 2018/1725, gan difear a dhéanamh do neamhspleáchas MECS ná dá fhreagracht as maoirseacht Eurojust maidir le cosaint sonraí.

(41)Ós rud é gurb é Eurojust an chéad fhaighteoir ar chríoch an Aontais de shonraí pearsanta arna soláthar ag tríú tíortha nó ag eagraíochtaí idirnáisiúnta nó arna n-aisghabháil uathu, ba cheart do Eurojust a bheith freagrach as cruinneas na sonraí sin agus ba cheart dó gach beart réasúnta a dhéanamh chun a gcruinneas a fhíorú nuair a fhaightear iad nó nuair a chuirtear ar fáil iad d’údaráis eile. I gcásanna eisceachtúla, ba cheart do Eurojust a bheith in ann síneadh a chur leis na sprioc-amanna stórála le haghaidh sonraí pearsanta oibríochtúla chun a chuspóirí a bhaint amach, faoi réir phrionsabal an teorannaithe de réir cuspóra agus tar éis breithniú cúramach a dhéanamh ar na leasanna uile i gceist, lena n-áirítear leasanna na n-ábhar sonraí, agus faoi réir formhaoirseacht ag MECS. Faoin gcreat dlíthiúil is infheidhme maidir le cosaint sonraí, tá Eurojust faoi réir na rialacha ginearálta maidir le dliteanas conarthach agus neamhchonarthach is infheidhme maidir le hinstitiúidí, comhlachtaí, oifigí agus gníomhaireachtaí an Aontais.

(42)Ba cheart do Eurojust caidreamh pribhléideach a choinneáil ar bun leis an nGréasán Breithiúnach Eorpach in ábhair choiriúla, bunaithe ar chomhairliúchán agus comhlántacht, go háirithe trí chomhaltaí gach Deisce Náisiúnta atá ainmnithe mar phointí teagmhála le haghaidh an Líonra Bhreithiúnaigh Eorpaigh. Ba cheart an chomhlántacht idir an Líonra Breithiúnach Eorpach agus Eurojust a fheidhmiú i gcomhréir lena sainorduithe féin, agus is é Eurojust atá inniúil i gcásanna casta lena ngabhann coireacht trasteorann thromchúiseach inar gá comhordú gníomhach agus ina bhféadfadh sé gur ghá straitéis chomhpháirteach ionchúisimh thar dhlínsí iomadúla. Ba cheart a áirithiú le córas chun cásanna a leithdháileadh idir Eurojust agus an Líonra Breithiúnach Eorpach go ndíríonn Eurojust a acmhainní ar na himscrúduithe trasteorann is casta ar choireanna tromchúiseacha, a mbíonn de shaintréithe acu go háirithe imscrúduithe nó ionchúisimh chomhthreomhara i mBallstáit éagsúla, easaontachtaí dlínse, níos mó ná dhá chreat dhlíthiúla nó dhá údarás bhreithiúnacha a bheith i gceist, naisc leis an gcoireacht eagraithe nó práinn oibríochtúil eisceachtúil nó tábhacht straitéiseach ar leibhéal an Aontais.

(43)I measc cinntí maidir le bunú struchtúir inmheánacha Eurojust, ba cheart don Bhord Bainistíochta na caidrimh institiúideacha agus riaracháin a chinneadh idir Eurojust agus na líonraí arna n-óstáil aige, go háirithe na líonraí a bhunaítear le Cinntí 2002/494/CGB, 2007/845/CGB agus 2008/852/CGB ón gComhairle agus leis na conclúidí ón gComhairle lena mbunaítear an Líonra Breithiúnach Eorpach um an gCoireacht Eagraithe an 14 Meitheamh 2024.

(44)Ba cheart do Eurojust dlúthchomhar le Europol a bhunú agus a choinneáil ar bun, d’fhonn feidhmiú comhleanúnach comhordaithe a sainorduithe féin a áirithiú agus dúbláil iarrachtaí a sheachaint, agus d’fhonn leanúntas a bhunú idir faisnéis forfheidhmithe dlí agus comhordú breithiúnach lena gcumasaítear aistriú mear faisnéise coiriúla ina himscrúduithe agus ina hionchúisimh bhreithiúnacha atá idir thráthúil agus dea-chomhordaithe. Ach faisnéis choiriúil agus cumais anailíseacha Europol agus feidhmeanna comhordaithe bhreithiúnaigh Eurojust a thabhairt le chéile, cuirtear ar a gcumas do na húdaráis inniúla patrúin coiriúlachta trasteorann a bhrath níos tapúla agus freagairt go héifeachtach do bhagairtí coiriúlachta a thagann chun cinn. I socrú oibre, atá faoi réir athbhreithniú tráthrialta agus a thugtar cothrom le dáta arna iarraidh sin don Choimisiún agus i gcomhairle leis an gCoimisiún, ba cheart na módúlachtaí praiticiúla den chomhar sin a leagan amach agus ba cheart cleachtais chomhair sheanbhunaithe a chomhdhlúthú, lena n-áirítear na socruithe praiticiúla le haghaidh rochtain indíreach fhrithpháirteach ar fhaisnéis arna sealbhú ag Eurojust agus ag Europol faoi seach trí chóras uathoibrithe barrfheabhsaithe amas/gan amas. Ba cheart an córas sin a bharrfheabhsú trí bhearta teicniúla chun feabhas a chur ar chumais chros-seiceála. Ba cheart foráil a dhéanamh freisin maidir leis an bhféidearthacht ardáin oibríochtúla chomhpháirteacha a bhunú le toiliú na n-údarás inniúil náisiúnta, mar aon le foráil maidir le rannpháirtíocht ionadaithe Europol i gcruinnithe den Choláiste ina bpléitear ábhair leasa choitinn, chun feabhas a chur ar an bplé oibríochtúil trí shaineolas agus faisnéis bhreise a thabhairt chun plé a bhaineann le cásanna. Ba cheart aon rochtain ag Europol ar shonraí arna sealbhú ag Eurojust a bheith teoranta, trí mhodhanna teicniúla, d’fhaisnéis a thagann faoi réim shainorduithe faoi seach na ngníomhaireachtaí sin de chuid an Aontais. Ba cheart do Eurojust agus Europol a chéile a choinneáil ar an eolas faoi aon ghníomhaíocht a bhaineann le maoiniú foirne comhpháirteacha um imscrúdú.

(45)Ba cheart do Eurojust dlúthchaidreamh a bhunú agus a choinneáil ar bun le OIPE, bunaithe ar chomhar frithpháirteach laistigh dá sainorduithe agus dá n-inniúlachtaí féin. Ba cheart sainordú sainráite a chur ar iontaoibh Eurojust chun tacaíocht threisithe a sholáthar i gcásanna a thagann faoi inniúlacht OIPE, arna iarraidh sin do OIPE, go háirithe i gcásanna inar gá bearta imscrúdaitheacha nó cineálacha eile comhair sna Ballstáit nach bhfuil rannpháirteach i gcomhar feabhsaithe maidir le bunú OIPE nó i gcásanna lena mbaineann tríú tíortha nó inar gá comhordú idir imscrúduithe arna ndéanamh ag OIPE agus iad sin arna ndéanamh ag údaráis inniúla náisiúnta na mBallstát nach bhfuil rannpháirteach in OIPE. Ba cheart do chomhordú is láidre idir an dá chomhlacht cuidiú chun an dúbláil iarrachtaí a sheachaint, comhar a éascú le Ballstáit neamh-rannpháirteacha agus tríú tíortha, agus tacú le láimhseáil chuimsitheacha cásanna in imscrúduithe lena mbaineann gné thrasteorann. Ba cheart foráil a dhéanamh maidir le rannpháirtíocht ionadaithe OIPE i gcruinnithe den Choláiste ina bpléitear ábhair leasa choitinn, chun feabhas a chur ar an gcomhordú oibríochtúil agus ar an bhfeasacht fhrithpháirteach. Ba cheart an córas uathoibrithe amas/gan amas idir Eurojust agus OIPE a bharrfheabhsú freisin trí bhearta teicniúla chun feabhas a chur ar an malartú faisnéise. Ba cheart do Europol, gan moill mhíchuí, aon iompar coiriúil a thuairisciú do OIPE a bhféadfadh OIPE a inniúlacht a fheidhmiú ina leith, agus ba cheart dó fógra a thabhairt do na Ballstáit, mura measann OIPE go ndéanfadh fógra den sórt sin difear d’éifeachtacht nó do rúndacht a imscrúduithe. Ba cheart na socruithe praiticiúla le haghaidh comhar idir Eurojust agus OIPE a leagan síos i socrú oibre, ar cheart é a bheith faoi réir athbhreithniú tráthrialta.

(46)Chun rannchuidiú le cosaint éifeachtach ar leasanna airgeadais an Aontais, ba cheart do Eurojust dul i gcomhar leis na gníomhaithe frithchalaoise eile atá páirteach i gcosaint leasanna airgeadais an Aontais, amhail OIPE, Europol, OLAF, ÚCSA agus Údarás Custaim an Aontais Eorpaigh chun aghaidh a thabhairt ar ábhair atá ábhartha do chomhordú gníomhaíochtaí frithchalaoise, amhail an malartú faisnéise a éascú, gníomhaíochtaí comhordaithe nó comhpháirteacha a dhéanamh, faisnéis a mhalartú maidir le treochtaí coiriúla atá ag teacht chun cinn i ngníomhaíochtaí a dhéanann difear do leasanna airgeadais an Aontais, dea-chleachtais a chomhroinnt lena n-áirítear ábhair a bhaineann le slándáil agus forbairt na teicneolaíochta faisnéise, critéir a bhunú le haghaidh tuairisciú coiteann nó gníomhaíochtaí oiliúna nó forbairtí ginearálta maidir le hollstruchtúr frithchalaoise an Aontais a chomhordú. Ós rud é gur gníomhaí ábhartha é Eurojust i gcosaint leasanna airgeadais an Aontais, ba cheart do Eurojust a bheith rannpháirteach go gníomhach i ngníomhaíochtaí comhpháirteacha comhair.

(47)Chun a áirithiú go n-áirítear leis an tuarascáil atá le cur faoi bhráid an Choimisiúin gach bliain de bhun Airteagal 325(5) CFAE forbhreathnú cuimsitheach ar na bearta arna ndéanamh chun calaois a dhéanann difear do leasanna airgeadais an Aontais a chomhrac, ba cheart do Eurojust rannchuidiú le hullmhú na tuarascála sin. Ba cheart a chumhdach leis an rannchuidiú sin na torthaí atá bainte amach agus na gníomhaíochtaí a rinne Eurojust chuige sin.

(48)Ba cheart do Eurojust a bheith in ann sonraí pearsanta a mhalartú le hinstitiúidí, comhlachtaí, oifigí agus gníomhaireachtaí an Aontais a mhéid is gá chun a chuid cúraimí a chomhlíonadh agus lánurraim á tabhairt do chosaint an phríobháideachais agus do chearta agus saoirsí bunúsacha eile. Ba cheart do Eurojust feabhas a chur ar a chomhar le húdaráis inniúla tríú tíortha agus orgáin de chuid eagraíochtaí idirnáisiúnta ar bhonn straitéis um chomhar arna tarraingt suas gach 4 bliana i gcomhairle leis an gCoimisiún. D’fhéadfadh socruithe oibre idir Eurojust agus údaráis inniúla tríú tír a bheith i bhfoirm socruithe oibre straitéiseacha, atá neamhspleách ar chomhaontú idirnáisiúnta arna thabhairt i gcrích ag an Aontas de bhun Airteagal 218 CFAE, ach a ndéantar iad go minic roimh chomhaontú den sórt sin, nó i bhfoirm socruithe lena gcuirtear chun feidhme comhaontú idirnáisiúnta den sórt sin. I gcás inarb ábhartha, ba cheart gealltanais chomhair lena mbaineann impleachtaí airgeadais a áireamh i gcomhaontuithe idirnáisiúnta a thugann an tAontas i gcrích le tríú tíortha chun soláthar acmhainní leordhóthanacha don chomhar oibríochtúil a áirithiú. Chun comhar a éascú agus iontaoibh fhrithpháirteach a fhorbairt le comhpháirtithe idirnáisiúnta, ba cheart an creat dlíthiúil lena rialaítear postú giúistísí idirchaidrimh chuig tríú tíortha a shoiléiriú, lena n-áirítear soiléiriú maidir lena gcúraimí, oibleagáidí cosanta sonraí, agus na dálaí faoina bhféadfaidís sonraí pearsanta oibríochtúla a mhalartú le húdaráis inniúla an tríú tír. I gcás ina sainaithníonn Eurojust gá oibríochtúil a bheith le comhar le tríú tír nó le heagraíocht idirnáisiúnta, ba cheart dó a bheith in ann aird an Choimisiúin a tharraingt ar an ngá atá le cinneadh leordhóthanachta nó le moladh maidir le tús a chur le caibidlíocht ar chomhaontú idirnáisiúnta de bhun Airteagal 218 CFAE.

(49)Fiú in éagmais comhaontú idirnáisiúnta, ba cheart do Eurojust caidreamh oibríochtúil a bhunú agus a choinneáil ar bun le tríú tíortha a mheastar a bhfuil tábhacht straitéiseach ag baint leo maidir le comhar breithiúnach, go háirithe tíortha is iarrthóirí ar bhallraíocht san Aontas agus tíortha is iarrthóirí ionchasacha, i gcás ina bhfuil sé d’aidhm ag tionscadail arna gcistiú ag an Aontas tacaíocht agus cúnamh oibríochtúil a chur ar fáil, agus comhar breithiúnach agus modhanna oibre an Aontais a thabhairt do na comhpháirtithe sin. Chuige sin, ba cheart do Eurojust pointí teagmhála cónaitheacha ó thríú tíortha tosaíochta a óstáil ar bhonn socrú oibre agus tar éis a gceaptha ag an mBord Bainistíochta, lena soláthrófar bealaí iontaofa cobhsaí le haghaidh malartuithe breithiúnacha agus lena laghdaítear moilleanna ar láimhseáil iarrataí comhair. Is é ról na bpointí teagmhála sin forghníomhú iarrataí ar chomhar breithiúnach a bhrostú, a chomhordú nó a éascú, tacú leis an gcumarsáid agus leis an gcomhordú idir Eurojust, na Ballstáit agus údaráis inniúla an tríú tír lena mbaineann, agus rannpháirtíocht na n-údarás sin a éascú i gcruinnithe comhordúcháin agus i bhfoirne comhpháirteacha um imscrúdú a dtacaíonn Eurojust leo. Ba cheart rochtain na bpointí teagmhála sin ar chóras bainistithe cásanna Eurojust a bheith teoranta go docht do shonraí atá ábhartha do chomhlíonadh a bhfeidhmeanna, agus níor cheart aon mhalartú sonraí pearsanta oibríochtúla a dhéanamh ach amháin ar bhonn na maoluithe le haghaidh cásanna sonracha dá bhforáiltear sa Rialachán seo. Ba cheart socruithe eagraíochtúla sonracha a dhéanamh chun a áirithiú go mbíonn coimircí iomchuí slándála faisnéise agus cosanta sonraí ag gabháil le lánpháirtiú na ngníomhaithe sin laistigh de Eurojust.

(50)Ba cheart foráil a dhéanamh maidir le rannpháirtíocht ionchúisitheoirí idirchaidrimh arna dtabhairt ar iasacht do Eurojust ag tríú tíortha nó eagraíochtaí idirnáisiúnta i gcruinnithe den Choláiste ina bpléitear ábhair leasa choitinn, chun caidreamh oibríochtúil a neartú agus malartuithe díreacha a éascú idir cleachtóirí.

(51)Chun uathriail agus neamhspleáchas iomlán Eurojust a áirithiú, ba cheart buiséad uathrialach a thabhairt dó a mhaoineofaí go bunúsach ó ranníocaíocht ó bhuiséad ginearálta an Aontais, seachas i gcás thuarastail agus luach saothair na gComhaltaí Náisiúnta, na nIonadaithe agus na gCúntóirí, ar costais iad a iompraíonn a mBallstát faoi seach. Ba cheart nós imeachta buiséadach an Aontais a bheith infheidhme a mhéid a bhaineann le ranníocaíocht an Aontais agus fóirdheontais eile is inmhuirir i leith bhuiséad ginearálta an Aontais. Ba cheart don Chúirt Iniúchóirí an t-iniúchadh ar na cuntais a dhéanamh agus ba cheart don Choiste um Rialú Buiséadach de Pharlaimint na hEorpa iad a fhormheas. Ba cheart feidhm a bheith ag Rialachán (AE, Euratom) 2024/2509 ó Pharlaimint na hEorpa agus ón gComhairle 36 maidir le Eurojust.

(52)Chun calaois, éilliú agus gníomhaíochtaí neamhdhleathacha eile lena ndéantar difear do leasanna airgeadais an Aontais nó ábhair thromchúiseacha a bhaineann le dualgais ghairmiúla a chomhlíonadh ar faillí in oibleagáidí oifigigh agus sheirbhísigh eile an Aontais iad a bhféadfadh imeachtaí araíonachta nó, de réir mar a bheidh, imeachtaí coiriúla a bheith mar thoradh orthu a chomhrac, ba cheart feidhm a bheith ag Rialachán (AE, Euratom) Uimh. 883/2013 ó Pharlaimint na hEorpa agus ón gComhairle 37 , arna leasú, maidir le Eurojust gan srian, agus ba cheart do OLAF a bheith in ann imscrúduithe a dhéanamh, lena n-áirítear seiceálacha agus iniúchtaí ar an láthair. I gcomhréir le Rialachán (AE) 2017/1939, tá OIPE inniúil chun calaois agus gníomhaíochtaí neamhdhleathacha eile lena ndéantar difear do leasanna airgeadais an Aontais a imscrúdú agus a ionchúiseamh mar a fhoráiltear i dTreoir (AE) 2017/1371 ó Pharlaimint na hEorpa agus ón gComhairle 38 .

(53)Ba cheart sainchomhairle mhionsonraithe chuimsitheach a sholáthar don Choláiste maidir le cearta bunúsacha a bhféadfadh gníomhaíochtaí na gníomhaireachta difear a dhéanamh dóibh. Chuige sin, ba cheart a bheith ar fhoireann Eurojust aon saineolaí amháin ar a laghad a bheidh freagrach as tacú le Eurojust chun an urraim do chearta bunúsacha a chosaint ina ghníomhaíochtaí agus ina chúraimí uile, go háirithe a ghníomhaíochtaí oibríochtúla, lena n-áirítear an malartú sonraí pearsanta le tríú tíortha. Ba cheart a bheith in ann duine de bhaill foirne Eurojust a ainmniú ar cuireadh sainoiliúint air sa dlí agus sa chleachtas maidir le cearta bunúsacha. Ba cheart don saineolaí ainmnithe sin oibriú i ndlúthchomhar leis an Oifigeach Cosanta Sonraí faoi raon feidhme a n-inniúlachtaí féin. A mhéid a bhaineann le gnóthaí cosanta sonraí, ba cheart freagracht iomlán a bheith ar an Oifigeach Cosanta Sonraí.

(54)Chun trédhearcacht agus formhaoirseacht dhaonlathach Eurojust a mhéadú, is gá sásra de bhun Airteagal 85(1) CFAE a sholáthar maidir leis an meastóireacht chomhpháirteach a dhéanfaidh Parlaimint na hEorpa agus na parlaimintí náisiúnta ar ghníomhaíochtaí Eurojust. Ba cheart an mheastóireacht sin a dhéanamh faoi chuimsiú cruinniú coiste idirpharlaiminteach, agus comhaltaí na gcoistí inniúla de Pharlaimint na hEorpa agus de na parlaimintí náisiúnta rannpháirteach ann, agus ba cheart don chruinniú coiste idirpharlaiminteach lánurraim a thabhairt do neamhspleáchas Eurojust a mhéad a bhaineann le gníomhaíochtaí a bheidh le déanamh i gcásanna sonracha oibríochtúla agus a mhéid a bhaineann le hoibleagáid na discréide agus na rúndachta. Is iomchuí meastóireacht thráthrialta a dhéanamh ar chur i bhfeidhm an Rialacháin seo. Tráth nach déanaí ná 5 bliana tar éis theacht i bhfeidhm an Rialacháin seo, agus gach 5 bliana ina dhiaidh sin, ba cheart don Choimisiún meastóireacht a dhéanamh ar fheidhmíocht Eurojust i ndáil lena chuspóirí, sainordú, cúraimí, rialachas agus suíomh, lena n-áirítear measúnú gach 10 mbliana ar cibé acu atá nó nach bhfuil údar leis an nGníomhaireacht i gcónaí.

(55)Ba cheart do Eurojust feidhmiú go trédhearcach i gcomhréir le hAirteagal 15(3) CFAE. Ba cheart don Bhord Bainistíochta forálacha sonracha a ghlacadh maidir leis an gcaoi a n-áiritheofar ceart na rochtana poiblí ar dhoiciméid. Ba cheart feidhm a bheith ag an oibleagáid trédhearcachta maidir le Eurojust ar bhealach nach gcuireann oibleagáid na rúndachta ina obair oibríochtúil i gcontúirt. Ba cheart d’fhiosruithe riaracháin arna ndéanamh ag an Ombudsman Eorpach urraim a thabhairt don oibleagáid sin. Chun cur le trédhearcacht Eurojust i leith shaoránaigh an Aontais agus chun a chuntasacht a neartú, ba cheart do Eurojust liosta de chomhaltaí a Bhoird Bainistíochta agus a Bhoird Feidhmiúcháin a fhoilsiú ar a shuíomh gréasáin chomh maith, i gcás inarb iomchuí, le hachoimrí ar thorthaí chruinnithe an Bhoird Bainistíochta, agus na ceanglais is infheidhme maidir le cosaint sonraí á n-urramú aige an tráth céanna.

(56)Na forálacha is gá maidir le cóiríocht do Eurojust san hÍsiltír, áit a bhfuil a cheanncheathrú aige, agus na rialacha sonracha is infheidhme maidir le baill foirne Eurojust agus daoine dá dteaghlach, ba cheart iad a leagan síos i gComhaontú maidir le Ceanncheathrú idir Eurojust agus Ríocht na hÍsiltíre. Toisc go mbunaítear leis an Rialachán seo Bord Bainistíochta nach ndearnadh foráil dó faoi Rialachán (AE) 2018/1727, ba cheart an Comhaontú maidir le Ceanncheathrú a leasú nó a ionadú lena áirithiú go gcumhdaítear comhaltaí den Bhord Bainistíochta agus a dteaghlach faoina raon feidhme pearsanta. Ba cheart feidhm a bheith ag an rud céanna, i gcás inarb iomchuí, maidir le pointí teagmhála cónaitheacha a phostáiltear ó thríú tíortha agus maidir lena dteaghlach. Ba cheart don Bhallstát óstach na dálaí is fearr is féidir a sholáthar chun feidhmiú éifeachtach Eurojust a áirithiú, lena n-áirítear scolaíocht ilteangach a mbeidh gné Eorpach ag baint léi agus naisc iomchuí iompair, chun acmhainní daonna ardcháilíochta a mhealladh ó cheantar geografach chomh forleathan agus is féidir.

(57)Ós rud é nach féidir leis na Ballstáit cuspóir an Rialacháin seo, mar atá eintiteas a bhunú a bheidh freagrach as tacú agus treisiú leis an gcomhordú agus leis an gcomhar idir údaráis bhreithiúnacha na mBallstát i ndáil le coireacht thromchúiseach a dhéanann difear do dhá Bhallstát nó níos mó nó a éilíonn ionchúiseamh ar bhoinn chomhchoiteanna, a ghnóthú go leordhóthanach agus, de bharr fhairsinge agus éifeachtaí na gníomhaíochta, gur fearr is féidir é a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 CAE. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a ghnóthú.

(58)[I gcomhréir le hAirteagail 1 agus 2 de Phrótacal Uimh. 21 maidir le seasamh na Ríochta Aontaithe agus na hÉireann i dtaca leis an limistéar saoirse, slándála agus ceartais, atá i gceangal le CAE agus le CFAE, agus gan dochar d’Airteagal 4 den Phrótacal sin, níl Éire rannpháirteach i nglacadh an Rialacháin seo agus níl sí faoi cheangal aige ná faoi réir a chur i bhfeidhm.] NÓ [I gcomhréir le hAirteagal 3 de Phrótacal Uimh. 21 maidir le seasamh na Ríochta Aontaithe agus na hÉireann i dtaca leis an limistéar saoirse, slándála agus ceartais, atá i gceangal le CAE agus le CFAE, tá fógra tugtha ag Éirinn, i litir dár dáta an [dáta] gur mian léi a bheith rannpháirteach i nglacadh agus i gcur i bhfeidhm an Rialacháin seo.]

(59)I gcomhréir le hAirteagail 1 agus 2 de Phrótacal Uimh. 22 maidir le seasamh na Danmhairge, atá i gceangal le CAE agus le CFAE, níl an Danmhairg rannpháirteach i nglacadh an Rialacháin seo agus níl sí faoi cheangal aige ná faoi réir a chur i bhfeidhm.

(60)Chuathas i gcomhairle le MECS i gcomhréir le hAirteagal 42 de Rialachán (AE) 2018/1725 agus thug sé a thuairim uaidh an [dáta].

(61)Leis an Rialachán seo, urramaítear na cearta agus na saoirsí bunúsacha ina n-iomláine agus cloítear leis na prionsabail a aithnítear go háirithe i gCairt um Chearta Bunúsacha an Aontais Eorpaigh, go háirithe an ceart go gcosnófaí sonraí pearsanta agus an ceart chun príobháideachais mar a chosnaítear le hAirteagail 8 agus 7 den Chairt faoi seach, agus le hAirteagal 16 CFAE, an ceart chun leigheas éifeachtach agus triail chóir a fháil faoi Airteagal 47 den Chairt, toimhde na neamhchiontachta faoi Airteagal 48 den Chairt, agus cearta íospartaigh na coireachta.

TAR ÉIS AN RIALACHÁN SEO A GHLACADH:

CAIBIDIL I

FORÁLACHA GINEARÁLTA, CUSPÓIRÍ AGUS CÚRAIMÍ

Airteagal 1

Ábhar

1.Bunaítear leis an Rialachán seo Gníomhaireacht an Aontais Eorpaigh um Chomhar Ceartais Choiriúil (‘Eurojust’).

2.Gabhfaidh Eurojust, faoi mar a bhunaítear leis an Rialachán seo é, ionad Eurojust a bunaíodh le Rialachán (AE) 2018/1727 agus tiocfaidh sé i gcomharbacht air.

3.Leagtar síos leis an Rialachán seo rialacha maidir le struchtúr, oibriú, réimse gníomhaíochta agus cúraimí Eurojust.

4.Tacóidh agus treiseoidh Eurojust leis an gcomhordú agus leis an gcomhar idir na húdaráis náisiúnta imscrúdaithe agus ionchúisimh i ndáil leis an gcoireacht thromchúiseach a bhfuil Eurojust inniúil chun déileáil leis i gcomhréir le hAirteagal 5, i gcás ina ndéanann an choireacht sin difear do dhá Bhallstát nó níos mó nó a éilíonn ionchúiseamh ar bhoinn chomhchoiteanna, lena n-áirítear cásanna lena mbaineann iarmhairtí ar leibhéal an Aontais.

Airteagal 2

Stádas dlíthiúil

1.Gníomhaireacht de chuid an Aontais a bheidh in Eurojust agus beidh pearsantacht dhlítheanach aige.

2.I ngach ceann de na Ballstáit, beidh ag Eurojust an inniúlacht dhlítheanach is fairsinge dá bhfuil ann do dhaoine dlítheanacha faoin dlí náisiúnta. Féadfaidh sé, go háirithe, maoin shochorraithe agus maoin dhochorraithe a fháil agus a dhiúscairt agus féadfaidh sé bheith ina pháirtí in imeachtaí dlíthiúla.

3.Déanfaidh Stiúrthóir Riaracháin ionadaíocht do Eurojust.

Airteagal 3

Suíomh

Beidh suíomh Eurojust sa Háig, san Ísiltír.

Airteagal 4

Cúraimí

Déanfaidh Eurojust na cúraimí seo a leanas:

(a)cúnamh a thabhairt do na húdaráis inniúla náisiúnta agus d’orgáin inniúla eagraíochtaí idirnáisiúnta chun an comhordú is fearr is féidir ar imscrúduithe agus ar ionchúisimh a áirithiú, lena n-áirítear é sin a dhéanamh trí eisiúint agus forghníomhú iarrataí ar chomhar breithiúnach in ábhair choiriúla, agus cinntí maidir leis sin, a éascú agus tacú leis sin, go háirithe iad sin atá bunaithe ar ionstraimí lena dtugtar éifeacht do phrionsabal an aitheantais fhrithpháirtigh;

(b)faisnéis, lena n-áirítear sonraí pearsanta oibríochtúla, a fháil, a bhailiú, a stóráil, a phróiseáil, a anailísiú agus a mhalartú, a mhéid is gá le haghaidh chomhlíonadh a chúraimí, le húdaráis inniúla náisiúnta na mBallstát, institiúidí, comhlachtaí, oifigí agus gníomhaireachtaí an Aontais, tríú tíortha, eagraíochtaí idirnáisiúnta, agus páirtithe príobháideacha ábhartha, i gcomhréir leis an Rialachán seo agus leis na rialacha is infheidhme maidir le cosaint sonraí;

(c)faisnéis a stóráiltear i mbunachair sonraí ábhartha a chros-seiceáil chun naisc a shainaithint idir imscrúduithe trasteorann agus na Ballstáit lena mbaineann nó, i gcás inarb iomchuí, Oifig an Ionchúisitheora Phoiblí Eorpaigh (OIPE) a chur ar an eolas faoi sin;

(d)fianaise ar na coireanna idirnáisiúnta is tromchúisí agus ar chionta coiriúla lena mbaineann a bhailiú, a chaomhnú, a anailísiú agus a stóráil agus malartú na fianaise sin le húdaráis inniúla náisiúnta na mBallstát agus tríú tíortha agus orgáin inniúla cúirteanna agus binsí coiriúla idirnáisiúnta, nó cur ar fáil na fianaise sin go díreach dóibh, a éascú;

(e)tacú le húdaráis inniúla náisiúnta i ngníomhaíochtaí arb é is aidhm dóibh sócmhainní coiriúla a rianú, a reo, a choigistiú agus a aisghabháil i gcásanna trasteorann, lena n-áirítear coigistiú iar-chiontaithe agus coigistiú nach bhfuil bunaithe ar chiontú in imeachtaí in ábhair choiriúla;

(f)tacú le húdaráis inniúla náisiúnta na mBallstát chun caidreamh comhair a bhunú agus a choinneáil ar bun le tríú tíortha agus eagraíochtaí idirnáisiúnta d’fhonn an comhar breithiúnach a éascú in ábhair choiriúla;

(g)oibriú i ndlúthchomhar le comhlachtaí, oifigí agus gníomhaireachtaí de chuid an Aontais, go háirithe:

i.le Gníomhaireacht an Aontais Eorpaigh i ndáil le Comhar i bhForfheidhmiú an Dlí (Europol), lena n-áirítear é sin a dhéanamh trí rannpháirtíocht fhrithpháirteach agus comhordú gníomhaíochtaí oibríochtúla;

ii.le OIPE, trí thacú lena imscrúduithe ar gá bearta imscrúdaitheacha nó aon chomhar eile ina leith sna Ballstáit nach bhfuil rannpháirteach i gcomhar feabhsaithe maidir le bunú OIPE 39 nó tríú tíortha, agus cásanna inar gá comhordú idir imscrúduithe arna ndéanamh ag OIPE agus iad sin arna ndéanamh ag údaráis inniúla na mBallstát nach bhfuil rannpháirteach in OIPE, lena n-áirítear é sin a dhéanamh trí thacaíocht le haghaidh bunú foirne comhpháirteacha um imscrúdú;

iii.le comhlachtaí, oifigí, agus gníomhaireachtaí eile de chuid an Aontais a bhailíonn, de réir a sainorduithe féin, faisnéis atá ábhartha do chomhlíonadh chúraimí Eurojust;

(h)dul i gcomhar le líonraí agus comhlachtaí atá gníomhach sa chomhar breithiúnach in ábhair choiriúla, iad a chomhordú agus tacú leo, lena n-áirítear é sin a dhéanamh trína n-óstáil i gcás inarb iomchuí;

(i)cúnamh a thabhairt d’údaráis inniúla náisiúnta chun seasamh le cearta íospartach i gcomhthéacs imeachtaí coiriúla trasteorann;

(j)eolas speisialaithe a bhailiú agus a anailísiú, go háirithe trí scrúdú a dhéanamh ar fhaisnéis a stóráiltear i gcóras bainistithe cásanna Eurojust agus ar chásdlí ábhartha náisiúnta, idirnáisiúnta agus an Aontais, agus trí dhea-chleachtais a fhorbairt agus comhairle a sholáthar de réir a shainordaithe, i gcás inarb iomchuí i gcomhthéacs Lárionaid Saineolais Eurojust in ábhair choiriúla (LSE);

(k)torthaí anailíseacha agus comhairle theicniúil bunaithe ar a chásobair a sholáthar, arna iarraidh sin, d’institiúidí, comhlachtaí, oifigí agus gníomhaireachtaí de chuid an Aontais;

(l)cúnamh teicniúil, oibríochtúil, anailíseach, dlíthiúil, airgeadais agus straitéiseach a sholáthar, i gcás inar gá, in ábhair faoina shainordú;

(m)oibriú i gcomhar ar bhealach struchtúrtha agus go tráthrialta, lena n-áirítear oibriú i gcomhar trí shocruithe oibre déthaobhacha nó iltaobhacha a thabhairt i gcrích lena rialaítear módúlachtaí an chomhair sin, leis na gníomhaithe frithchalaoise atá páirteach i gcosaint leasanna airgeadais an Aontais, lena n-áirítear OIPE, Europol, OLAF, ÚCSA, agus Údarás Custaim an Aontais Eorpaigh.

Airteagal 5

Inniúlacht Eurojust

1.Beidh Eurojust inniúil i leith na gcionta seo a leanas, lena n-áirítear a bheith inniúil i gcás ina ndéantar na cionta sin i ndáil le gníomhaíochtaí lena mbaineann gné hibrideach nó inar cuid de na gníomhaíochtaí sin iad:

(a)na cineálacha coireachta tromchúisí a liostaítear in Iarscríbhinn I;

(b)cionta coiriúla a bhfuil OIPE inniúil ina leith;

(c)cionta coiriúla arna ndéanamh chun modh a fháil chun na coireanna tromchúiseacha a liostaítear in Iarscríbhinn I a dhéanamh, chun na coireanna tromchúiseacha sin a éascú nó a dhéanamh nó chun saoirse ó phionós a áirithiú dóibh siúd a dhéanann na coireanna tromchúiseacha sin.

2.Gníomhóidh Eurojust, arna iarraidh sin d’údarás inniúil náisiúnta, orgáin inniúil d’eagraíocht idirnáisiúnta, nó OIPE de réir theorainneacha a inniúlachta, nó ar a thionscnamh féin.

3.Maidir le cineálacha coireachta seachas iad sin a liostaítear in Iarscríbhinn I, féadfaidh Eurojust cúnamh a thabhairt d’imscrúduithe agus ionchúisimh arna iarraidh sin d’údarás inniúil náisiúnta de na Ballstáit.

4.Maidir le cionta coiriúla a bhfuil OIPE inniúil ina leith, feidhmeoidh Eurojust a inniúlacht:

(a)i gcásanna lena mbaineann Ballstáit nach bhfuil rannpháirteach sa chomhar feabhsaithe maidir le bunú OIPE, arna iarraidh sin do na Ballstáit sin nó do OIPE;

(b)i gcásanna lena mbaineann Ballstáit atá rannpháirteach sa chomhar feabhsaithe maidir le bunú OIPE, i gcás inar chinn OIPE gan a inniúlacht a fheidhmiú.

5.Beidh Eurojust inniúil chun cúnamh a thabhairt do OIPE freisin i gcásanna lena mbaineann tríú tíortha nó inar gá comhordú idir imscrúduithe arna ndéanamh ag OIPE agus imscrúduithe arna ndéanamh ag údaráis inniúla na mBallstát nach bhfuil rannpháirteach sa chomhar feabhsaithe maidir le bunú OIPE.

6.Féadfaidh Eurojust cúnamh a thabhairt le himscrúduithe agus le hionchúisimh lena ndéantar difear dóibh seo a leanas:

(a)dhá Bhallstát ar a laghad;

(b)aon Bhallstát amháin, i gcás ina bhfuil iarmhairtí ag an gcás ar leibhéal an Aontais;

(c)aon Bhallstát amháin ar a laghad agus tríú tír nó eagraíocht idirnáisiúnta, ar choinníoll go bhfuil feidhm ag aon cheann de na coinníollacha seo a leanas:

i.glacadh cinneadh leordhóthanachta i gcomhréir le hAirteagal 36 de Threoir (AE) 2016/680, nó tugadh comhaontú idirnáisiúnta, comhaontú comhair nó socrú oibre i gcrích leis an tríú tír sin nó leis an eagraíocht idirnáisiúnta sin;

ii.ainmníodh pointe teagmhála sa tríú tír nó san eagraíocht idirnáisiúnta sin; nó

iii.tá leas bunúsach ann maidir le cúnamh den sórt sin a sholáthar;

(d)dhá thríú tír nó eagraíocht idirnáisiúnta nó níos mó, i gcás ina bhféadfadh iarmhairtí a bheith ag gcás ar leibhéal an Aontais, ar choinníoll gur glacadh cinneadh leordhóthanachta i gcomhréir le hAirteagal 36 de Threoir (AE) 2016/680, nó tugadh i gcrích comhaontú idirnáisiúnta, comhaontú comhair nó socrú oibre le gach ceann díobh, agus faoi réir formheas roimh ré ón gColáiste.

CAIBIDIL II

EAGAR EUROJUST

ROINN I

Struchtúr

Airteagal 6

Struchtúr Eurojust

1.Beidh struchtúr bainistíochta agus struchtúr oibríochtúil ag Eurojust.

2.Beidh an struchtúr bainistíochta comhdhéanta díobh seo a leanas:

(a)Bord Bainistíochta, a fheidhmeoidh na feidhmeanna atá leagtha amach in Airteagal 10;

(b)Bord Feidhmiúcháin, a fheidhmeoidh na feidhmeanna atá leagtha amach in Airteagal 13;

(c)Stiúrthóir Riaracháin a fheidhmeoidh na freagrachtaí a leagtar amach in Airteagal 15.

3.Beidh an struchtúr oibríochtúil comhdhéanta díobh seo a leanas:

(a)na Comhaltaí Náisiúnta, a fheidhmeoidh na cumhachtaí a leagtar amach in Airteagal 18;

(b)an Coláiste, a fheidhmeoidh na cumhachtaí a leagtar amach in Airteagal 20.

ROINN II

An Bord Bainistíochta

Airteagal 7

Comhdhéanamh an Bhoird Bainistíochta

1.Ionadaí amháin ó gach Ballstát agus ionadaí amháin ón gCoimisiún a bheidh ar an mBord Bainistíochta.

2.Beidh ar an mBord Bainistíochta freisin:

(a)Uachtarán Eurojust, gan ceart vótála aige;

(b)An Stiúrthóir Riaracháin, gan ceart vótála aige.

3.Beidh comhalta malartach ag gach comhalta den Bhord Bainistíochta. Déanfaidh an comhalta malartach ionadaíocht don chomhalta lena mbaineann nuair a bheidh sé as láthair. Ní bheidh an Comhalta Náisiúnta ná aon chomhalta eile de Dheasc Náisiúnta an Bhallstáit atá tugtha ar iasacht do Eurojust ina Chomhalta den Bhord Bainistíochta ná ina chomhalta malartach a dhéanann ionadaíocht do Bhallstát.

4.Déanfar comhaltaí den Bhord Bainistíochta agus a gcomhaltaí malartacha a cheapadh ar bhonn a saineolais i réimse an cheartais choiriúil, agus cuirfear san áireamh a leibhéal ábhartha sinsearachta agus taithí, lena n-áirítear taithí in ábhair bhainistíochta, riaracháin agus bhuiséadacha.

5.Féachfaidh na páirtithe uile a mbeidh ionadaíocht acu ar an mBord Bainistíochta le ráta athraithe na n-ionadaithe a íoslaghdú d’fhonn leanúnachas obair an Bhoird a áirithiú. Díreoidh na páirtithe uile ar chothromaíocht inscne a bhaint amach ar an mBord Bainistíochta.

6.4 bliana a bheidh i dtéarma oifige na gcomhaltaí agus a gcomhaltaí malartacha agus féadfar an téarma sin a athnuachan aon uair amháin.

Airteagal 8

Cathaoirleach an Bhoird Bainistíochta

1.Toghfaidh an Bord Bainistíochta Cathaoirleach agus Leas-Chathaoirleach as measc a chomhaltaí a bhfuil cearta vótála acu trí thromlach dhá thrian de na comhaltaí sin. Glacfaidh an Leas-Chathaoirleach ionad an Chathaoirligh go huathoibríoch i gcás nach féidir leis an gCathaoirleach a chuid dualgas a chomhlíonadh.

2.4 bliana a bheidh i dtéarma oifige an Chathaoirligh agus an Leas-Chathaoirligh, agus féadfar an téarma sin a athnuachan aon uair amháin. I gcás ina dtiocfaidh deireadh lena gcomhaltas ar an mBord Bainistíochta tráth ar bith le linn a dtéarma oifige, rachaidh a dtéarma oifige in éag go huathoibríoch ar an dáta sin.

Airteagal 9

Cruinnithe an Bhoird Bainistíochta

1.Déanfaidh an Cathaoirleach cruinnithe an Bhoird Bainistíochta a chomóradh.

2.Glacfaidh Uachtarán agus Stiúrthóir Riaracháin Eurojust páirt sa phlé, gan ceart vótála acu.

3.Reáchtálfar dhá chruinniú ar a laghad den Bhord Bainistíochta in aghaidh na bliana. Ina theannta sin, tiocfaidh sé le chéile ar thionscnamh an Chathaoirligh, arna iarraidh sin don Choimisiún, nó arna iarraidh sin d’aon trian amháin de na comhaltaí ar a laghad.

4.Féadfaidh an Bord Bainistíochta a iarraidh ar aon duine ar díol spéise a thuairim freastal ar a chruinnithe i gcáil breathnóra.

5.I gcás inar gá, féadfaidh an Bord Bainistíochta cruinnithe comhpháirteacha a reáchtáil le Bord Bainistíochta Europol.

6.Féadfaidh comhaltaí an Bhoird Bainistíochta agus a gcomhaltaí malartacha, faoi réir Rialacha Nós Imeachta an Bhoird Bainistíochta, cúnamh a fháil ó shainchomhairleoirí nó ó shaineolaithe ag na cruinnithe.

7.I gcás ina mbeidh ábhar rúndachta nó coinbhleachta leasa ar an gclár oibre, déanfaidh an Bord Bainistíochta an t-ábhar sin a phlé agus a chinneadh gan an comhalta lena mbaineann a bheith i láthair. Féadfar rialacha mionsonraithe maidir le cur i bhfeidhm na forála sin a leagan síos sna rialacha nós imeachta.

Airteagal 10

Feidhmeanna an Bhoird Bainistíochta

1.Soláthróidh an Bord Bainistíochta na treoshuíomhanna straitéiseacha le haghaidh ghníomhaíochtaí Eurojust agus déanfaidh sé na nithe seo a leanas, go háirithe:

(a)an dréachtdoiciméad clársceidealaithe aonair dá dtagraítear in Airteagal 12 a ghlacadh sula gcuirfear faoi bhráid an Choimisiúin é chun a thuairim a fháil ina leith;

(b)agus tuairim an Choimisiúin á cur san áireamh, an doiciméad clársceidealaithe aonair a ghlacadh le tromlach dhá thrian de na comhaltaí a bhfuil cearta vótála acu;

(c)an tuarascáil bhliantúil chomhdhlúite maidir le gníomhaíochtaí agus an clár oibre bliantúil agus ilbhliantúil a ghlacadh;

(d)a rialacha nós imeachta chomh maith le rialacha nós imeachta an Bhoird Feidhmiúcháin a ghlacadh;

(e)rialacha a ghlacadh chun coinbhleachtaí leasa i leith a chomhaltaí, na gComhaltaí Náisiúnta agus chomhaltaí na nDeasc Náisiúnta a chosc agus a bhainistiú;

(f)na rialacha slándála a ghlacadh;

(g)cumhachtaí an údaráis ceapacháin a bhronntar ar an Údarás Ceapacháin leis na Rialacháin Foirne agus leis na Coinníollacha Fostaíochta Seirbhíseach Eile 40 ar an Údarás atá Cumhachtaithe chun Conradh Fostaíochta a Thabhairt i gCrích a fheidhmiú i leith fhoireann Eurojust, i gcomhréir le mír 2;

(h)rialacha cur chun feidhme a ghlacadh chun feidhm a thabhairt do na Rialacháin Foirne agus do Choinníollacha Fostaíochta Seirbhíseach Eile i gcomhréir le hAirteagal 110(2) de na Rialacháin Foirne;

(i)an Stiúrthóir Feidhmiúcháin a cheapadh agus, i gcás inarb iomchuí, síneadh a chur lena théarma oifige nó é a chur as oifig i gcomhréir le hAirteagal 14;

(j)oifigigh idirchaidrimh a phostáiltear chuig tríú tíortha dá dtagraítear in Airteagal 61 a cheapadh;

(k)oifigeach cuntasaíochta agus Oifigeach Cosanta Sonraí, a bheidh neamhspleách go feidhmiúil i gcomhlíonadh a ndualgas, a cheapadh agus a bhriseadh as a phost;

(l)an Plean Slándála, an Plean Leanúnachais Gnó agus an Plean Athshlánaithe ó Thubaiste a ghlacadh;

(m)cinneadh a ghlacadh lena leagtar síos rialacha maidir le tabhairt ar iasacht saineolaithe náisiúnta do Eurojust dá dtagraítear in Airteagal 72;

(n)buiséad bliantúil Eurojust a ghlacadh, trí thromlach dhá thrian de na comhaltaí a bhfuil cearta vótála acu, agus feidhmeanna buiséadacha eile a fheidhmiú i leith bhuiséad Eurojust de bhun Chaibidil VI;

(o)na rialacha airgeadais is infheidhme maidir le Eurojust a ghlacadh i gcomhréir le hAirteagal 69;

(p)an straitéis um chomhar dá dtagraítear in Airteagal 60 a ghlacadh, tar éis dul i gcomhairle leis an gColáiste;

(q)tabhairt i gcrích socruithe oibre a údarú i gcomhréir le hAirteagal 54, mír 3;

(r)cinntí a ghlacadh maidir le bunú struchtúir inmheánacha Eurojust agus, i gcás inar gá, maidir lena modhnú, agus riachtanais ghníomhaíochta Eurojust á gcur san áireamh agus ag féachaint do bhainistiú buiséadach fónta;

(s)aon chinneadh neamhoibríochtúil eile a ghlacadh nach leagtar go sainráite ar an mBord Feidhmiúcháin ná ar an Stiúrthóir Riaracháin i gcomhréir leis an Rialachán seo.

2.Glacfaidh an Bord Bainistíochta, i gcomhréir le hAirteagal 110(2) de na Rialacháin Foirne, cinneadh bunaithe ar Airteagal 2(1) de na Rialacháin Foirne agus ar Airteagal 6 de na Coinníollacha Fostaíochta Seirbhíseach Eile, lena dtarmligfear cumhachtaí ábhartha an údaráis ceapacháin chuig an Stiúrthóir Riaracháin agus lena saineofar na coinníollacha faoinar féidir an tarmligean sin a chur ar fionraí. Údarófar don Stiúrthóir Riaracháin na cumhachtaí sin a fho-tharmligean.

3.I gcás inar gá in imeachtaí eisceachtúla, féadfaidh an Bord Bainistíochta, trí bhíthin cinneadh arna ghlacadh trí thromlach dhá thrian dá chomhaltaí a bhfuil cearta vótála acu, tarmligean chumhachtaí an údaráis ceapacháin chuig an Stiúrthóir Riaracháin agus na cumhachtaí arna bhfo-tharmligean ag an Stiúrthóir Riaracháin a chur ar fionraí agus iad a fheidhmiú é féin nó iad a tharmligean chuig duine dá chomhaltaí nó do bhaill foirne nach é an Stiúrthóir Riaracháin é.

Airteagal 11

Rialacha vótála an Bhoird Bainistíochta

1.Mura bhforáiltear a mhalairt sa Rialachán seo, déanfaidh an Bord Bainistíochta cinntí trí thromlach dá chomhaltaí a bhfuil cearta vótála acu.

2.I gcás ina gcuirfidh an Coimisiún ábhair imní thromchúiseacha in iúl maidir le togra le haghaidh cinneadh arna chur faoi bhráid an Bhoird Bainistíochta maidir le hábhair a bhaineann le Rialachán Tarmligthe (AE) 2019/715 ón gCoimisiún 41 agus Rialacháin Foirne Oifigigh an Aontais Eorpaigh agus Coinníollacha Fostaíochta Sheirbhísigh eile an Aontais, déanfaidh an Bord Bainistíochta glacadh an chinnidh lena mbaineann a chur siar. Laistigh de 15 lá, déanfaidh an Bord Bainistíochta é a athscrúdú agus a ghlacadh, agus leasú a bheith déanta air más iomchuí, ar an dara léamh cibé acu le tromlach dhá thrian dá chomhaltaí a bhfuil cearta vótála acu, lena n-áirítear ionadaí an Choimisiúin, nó le tromlach ceithre chúigiú dá chomhaltaí a bhfuil cearta vótála acu i measc ionadaithe na mBallstát.

3.Beidh aon vóta amháin ag gach comhalta a bhfuil cearta vótála aige. I gcás ina mbeidh comhalta a bhfuil ceart vótála aige as láthair, beidh a chomhalta malartach i dteideal an ceart vótála sin a fheidhmiú.

4.Glacfaidh an Cathaoirleach páirt sa vótáil.

5.Ní ghlacfaidh Uachtarán ná Stiúrthóir Riaracháin Eurojust páirt sa vótáil.

6.I gcás ina gcuireann an tUachtarán ábhair imní thromchúiseacha in iúl maidir le cinneadh faoi Airteagal 10(1), pointí (a), (c), (p) agus (r), ag gníomhú ar bhonn cinneadh ón gColáiste arna ghlacadh de chomhthoil, déanfaidh an Bord Bainistíochta breithniú iomlán ar na hábhair imní sin agus, i gcás inarb iomchuí, déanfaidh sé an dréachtchinneadh a athscrúdú sula nglacfar é.

7.Bunófar socruithe vótála níos mionsonraithe le rialacha nós imeachta an Bhoird Bainistíochta, go háirithe na cúinsí ina bhféadfaidh comhalta gníomhú thar ceann comhalta eile.

Airteagal 12

Clársceidealú bliantúil agus ilbhliantúil

1.Faoin 30 Samhain gach bliain, glacfaidh an Bord Bainistíochta doiciméad clársceidealaithe aonair ina mbeidh an clársceidealú bliantúil agus ilbhliantúil, ar bhonn dréacht arna ullmhú ag an Stiúrthóir Riaracháin agus arna athbhreithniú ag an mBord Feidhmiúcháin, agus tuairim an Choimisiúin á cur san áireamh. Déanfaidh an Bord Bainistíochta an doiciméad clársceidealaithe a chur ar aghaidh chuig Parlaimint na hEorpa, chuig an gComhairle, agus chuig an gCoimisiún.

2.Tiocfaidh an doiciméad clársceidealaithe chun bheith críochnaitheach tar éis ghlacadh deiridh bhuiséad ginearálta an Aontais agus déanfar coigeartú air dá réir, i gcás inar gá.

3.Cuimseofar sa chlár oibre bliantúil cuspóirí mionsonraithe agus torthaí ionchais lena n-áirítear táscairí feidhmíochta. Beidh tuairisc ann freisin ar na gníomhaíochtaí atá le maoiniú chomh maith le léiriú ar na hacmhainní airgeadais agus daonna arna leithdháileadh ar gach gníomh, i gcomhréir le prionsabail an bhuiséadaithe agus an bhainistithe de réir gníomhaíochta. Beidh an clár oibre bliantúil i gcomhréir leis an gclár oibre ilbhliantúil dá dtagraítear i mír 4. Sonrófar ann go soiléir na cúraimí breise a cuireadh leis, a athraíodh nó a scriosadh i gcomparáid leis an mbliain airgeadais roimhe.

4.Déanfaidh an Bord Bainistíochta an clár oibre bliantúil atá glactha a leasú nuair a shannfar cúram nua do Eurojust. Glacfar le haon leasú substaintiúil ar an gclár oibre bliantúil tríd an nós imeachta céanna lenar glacadh an clár oibre bliantúil tosaigh. An chumhacht chun leasuithe neamhshubstaintiúla a dhéanamh ar an gclár oibre bliantúil, féadfaidh an Bord Bainistíochta an chumhacht sin a tharmligean chuig an Stiúrthóir Riaracháin.

5.Leagfar amach sa chlár oibre ilbhliantúil an clársceidealú straitéiseach foriomlán, lena n-áirítear na cuspóirí, an straitéis le haghaidh comhair leis na húdaráis tríú tíortha agus leis na horgáin eagraíochtaí idirnáisiúnta dá dtagraítear in Airteagal 60, torthaí ionchais agus táscairí feidhmíochta. Leagfar amach ann freisin clársceidealú acmhainní, lena n-áirítear an buiséad ilbhliantúil agus an fhoireann. Déanfar an clársceidealú acmhainní a thabhairt cothrom le dáta gach bliain. Déanfar an clársceidealú straitéiseach a thabhairt cothrom le dáta i gcás inarb iomchuí, agus go háirithe chun aghaidh a thabhairt ar thoradh na meastóireachta dá dtagraítear in Airteagal 74.

ROINN III

An Bord Feidhmiúcháin

Airteagal 13

An Bord Feidhmiúcháin

1.Tabharfaidh Bord Feidhmiúcháin cúnamh don Bhord Bainistíochta.

2.Uachtarán Eurojust a bheidh ina chathaoirleach ar an mBord Feidhmiúcháin.

3.Déanfaidh an Bord Feidhmiúcháin an méid seo a leanas:

(a)na cinntí atá le glacadh ag an mBord Bainistíochta a ullmhú agus faireachán a dhéanamh ar chur chun feidhme na gcinntí arna nglacadh aige;

(b)athbhreithniú a dhéanamh ar an dréachtbhuiséad bliantúil, ar an gclár oibre bliantúil agus ar an dréacht-tuarascáil bhliantúil chomhdhlúite maidir le gníomhaíochtaí a ullmhóidh an Stiúrthóir Riaracháin;

(c)a áirithiú, i gcomhar leis an mBord Bainistíochta, go ndéantar obair leantach leordhóthanach ar na torthaí agus ar na moltaí a eascraíonn as tuarascálacha iniúchóireachta agus meastóireachtaí inmheánacha nó seachtracha, ar thorthaí imscrúduithe arna ndéanamh ag an Oifig Eorpach Frith-Chalaoise (OLAF) 42 , agus ar na torthaí, lena n-áirítear cinntí breithiúnacha, d’imscrúduithe arna ndéanamh ag OIPE, i gcomhréir le dlí is infheidhme an Aontais;

(d)gan difear a dhéanamh do fhreagrachtaí an Stiúrthóra Riaracháin, cúnamh a thabhairt dó agus comhairle a chur air maidir le cur chun feidhme chinntí an Bhoird Bainistíochta, d’fhonn maoirseacht ar bhainistiú riaracháin agus buiséadach a threisiú;

(e)tuarascálacha, páipéir bheartais, treoirlínte chun leasa údarás inniúil náisiúnta agus tuairimí a bhaineann le hobair Eurojust a ghlacadh, faoi réir dul i gcomhairle roimh ré leis an gComhairle i gcásanna eisceachtúla i gcás ina bhfuil ábharthacht oibríochtúil fhíor-riachtanach ag baint leis an ábhar;

(f)aon chúram eile arna tharmligean ag an mBord Bainistíochta a dhéanamh.

4.Glacfaidh an Bord Feidhmiúcháin cinntí riaracháin, lena n-áirítear iad seo a leanas:

(a)straitéis frithchalaoise a bheidh comhréireach leis na rioscaí calaoise, agus costais agus tairbhí na mbeart atá le cur chun feidhme á gcur san áireamh agus a bheidh bunaithe ar dhréacht a ullmhóidh an Stiúrthóir Riaracháin;

(b)obair leantach maidir le tuarascálacha iniúchóireachta, lena n-áirítear iad sin ón Maoirseoir Eorpach ar Chosaint Sonraí (MECS) 43 ;

(c)straitéisí a bhaineann leis an gcaidreamh le hinstitiúidí an Aontais, pleanáil agus caibidlíocht ó thaobh buiséid de, lena n-áirítear é sin a dhéanamh i gcomhthéacs an chreata airgeadais ilbhliantúil;

(d)deimhniú ionchúisitheoirí idirchaidrimh chomh maith le pointí teagmhála a phostáiltear chuig Eurojust;

(e)tionscnamh caibidlíochta chun socruithe oibre a thabhairt i gcrích.

5.I gcás inar gá ar fhoras práinne, féadfaidh an Bord Feidhmiúcháin cinntí sealadacha a ghlacadh thar ceann an Bhoird Bainistíochta, go háirithe in ábhair a bhaineann le bainistiú riaracháin agus buiséadach, lena n-áirítear cur ar fionraí tharmligean chumhachtaí an údaráis ceapacháin. Cuirfear na cinntí sin faoi bhráid an Bhoird Bainistíochta lena ndeimhniú ag an gcéad chruinniú eile den Bhord.

6.Beidh an Bord Feidhmiúcháin comhdhéanta de na comhaltaí seo a leanas a mbeidh ceart vótála acu:

(a)Uachtarán Eurojust,

(b)an Leas-Uachtarán,

(c)beirt chomhaltaí arna gceapadh ag an mBord Bainistíochta as measc a chomhaltaí a bhfuil ceart vótála acu,

(d)aon ionadaí amháin don Choimisiún.

7.Beidh an Stiúrthóir Riaracháin rannpháirteach i gcruinnithe den Bhord Feidhmiúcháin gan ceart vótála a bheith aige agus féadfaidh sé a rannpháirtíocht a tharmligean de réir mar is gá.

8.Féadfaidh an Bord Feidhmiúcháin iarraidh ar rannpháirtithe eile freastal ar chruinnithe mar bhreathnóirí gan ceart vótála a bheith acu le haghaidh míreanna sonracha den chlár.

9.2 bhliain a bheidh i dtéarma oifige chomhaltaí an Bhoird Bainistíochta a fhreastalaíonn ar an mBord Feidhmiúcháin. Rachaidh an téarma sin in éag roimh a dheireadh i gcás ina scoirfidh an comhalta lena mbaineann de bheith ina chomhalta den Bhord Bainistíochta.

10.Tiocfaidh an Bord Feidhmiúcháin le chéile uair sa mhí ar a laghad. Tiocfaidh sé le chéile freisin ar thionscnamh an Uachtaráin nó arna iarraidh sin dá chomhaltaí.

11.Déanfaidh an Bord Feidhmiúcháin a chinntí trí thromlach dá chomhaltaí.

ROINN IV

An Stiúrthóir Riaracháin

Airteagal 14

Ceapachán, dífhostú, agus síneadh a chur leis an téarma oifige

1.Ceapfar an Stiúrthóir Riaracháin mar ghníomhaire sealadach de chuid Eurojust faoi Airteagal 2 pointe (a) de Choinníollacha Fostaíochta Seirbhíseach Eile.

2.Ceapfaidh an Bord Bainistíochta an Stiúrthóir Riaracháin ar bhonn fiúntais agus scileanna doiciméadaithe as measc liosta iarrthóirí a mholfaidh an Bord Feidhmiúcháin, tar éis nós imeachta roghnúcháin oscailte agus trédhearcach arb é is aidhm dó an réimse ba leithne iarrthóirí agus ab fhéidir agus cothromaíocht inscne iomchuí a áirithiú.

3.Chun conradh an Stiúrthóra Riaracháin a shíniú, déanfaidh Cathaoirleach an Bhoird Bainistíochta ionadaíocht do Eurojust.

4.5 bliana a bheidh i dtéarma oifige an Stiúrthóra Riaracháin. Roimh dheireadh na tréimhse sin, déanfaidh an Bord Feidhmiúcháin measúnú ina gcuirfear san áireamh meastóireacht ar fheidhmíocht an Stiúrthóra Riaracháin agus cúraimí a bheidh le déanamh ag Eurojust amach anseo agus na dúshláin a bheidh roimhe.

5.Féadfaidh an Bord Bainistíochta, ag gníomhú dó ar thogra ón mBord Feidhmiúcháin ina gcuirtear san áireamh an measúnú dá dtagraítear i mír 4, síneadh a chur le téarma oifige an Stiúrthóra Riaracháin aon uair amháin ar feadh 5 bliana ar a mhéad.

6.Stiúrthóir Riaracháin ar cuireadh síneadh lena théarma oifige, ní fhéadfaidh sé páirt a ghlacadh i nós imeachta roghnúcháin eile le haghaidh an phoist chéanna ag deireadh na tréimhse foriomláine.

7.Ní fhéadfar an Stiúrthóir Riaracháin a dhífhostú ach amháin de bhun cinneadh ón mBord Bainistíochta ag gníomhú dó ar thogra ón mBord Feidhmiúcháin.

8.Glacfaidh an Bord Bainistíochta cinntí maidir le ceapadh an Stiúrthóra Riaracháin, síneadh a chur lena théarma oifige, nó a dhífhostú le tromlach dhá thrian dá chomhaltaí a bhfuil cearta vótála acu.

Airteagal 15

Cúraimí agus freagrachtaí an Stiúrthóra Riaracháin

1.Déanfaidh an Stiúrthóir Riaracháin Eurojust a bhainistiú agus beidh sé freagrach don Bhord Bainistíochta. Tabharfaidh foireann Eurojust cúnamh don Stiúrthóir Riaracháin i gcomhlíonadh a dhualgas i gcomhréir le hAirteagal 71.

2.Beidh an Stiúrthóir Riaracháin neamhspleách i gcomhlíonadh a chúraimí agus ní dhéanfaidh sé treoracha a lorg ná a ghlacadh ó aon rialtas ná ó aon chomhlacht eile.

3.An Stiúrthóir Riaracháin a bheidh ina ionadaí dlíthiúil do Eurojust.

4.Beidh an Stiúrthóir Riaracháin freagrach as cur chun feidhme na gcúraimí a shanntar do Eurojust leis an Rialachán seo. Go háirithe, beidh an Stiúrthóir Riaracháin freagrach as na nithe seo a leanas:

(a)riar laethúil Eurojust a áirithiú;

(b)na cinntí arna nglacadh ag an mBord Bainistíochta agus ag an mBord Feidhmiúcháin a chur chun feidhme;

(c)comhlíontacht rialacha airgeadais Eurojust a áirithiú;

(d)an dréachtdoiciméad clársceidealaithe aonair a ullmhú agus é a chur faoi bhráid an Bhoird Feidhmiúcháin lena athbhreithniú agus faoi bhráid an Bhoird Bainistíochta lena ghlacadh tar éis dul i gcomhairle leis an gCoimisiún;

(e)an doiciméad clársceidealaithe aonair a chur chun feidhme agus tuairisciú don Bhord Bainistíochta maidir lena chur chun feidhme;

(f)tuarascáil bhliantúil chomhdhlúite maidir le gníomhaíochtaí Eurojust a ullmhú agus í a chur faoi bhráid an Bhoird Bainistíochta lena measúnú agus lena glacadh;

(g)tacú le Cathaoirleach an Bhoird Bainistíochta chun cruinnithe den Bhord Bainistíochta a ullmhú agus tacú le hUachtarán Eurojust chun cruinnithe den Bhord Feidhmiúcháin agus cruinnithe den Choláiste a ullmhú;

(h)plean gníomhaíochta a fhorbairt chun aghaidh a thabhairt ar na torthaí agus ar na moltaí a eascraíonn as tuarascálacha iniúchóireachta agus meastóireachtaí inmheánacha nó seachtracha, ar thorthaí imscrúduithe arna ndéanamh ag OLAF, agus ar na torthaí, lena n-áirítear cinntí breithiúnacha, d’imscrúduithe arna ndéanamh ag OIPE, i gcomhréir le dlí is infheidhme an Aontais, agus tuairisciú dhá uair sa bhliain don Choimisiún agus go tráthrialta don Bhord Bainistíochta agus don Bhord Feidhmiúcháin maidir leis an dul chun cinn;

(i)leasanna airgeadais an Aontais a chosaint trí bhearta coisctheacha a chur i bhfeidhm in aghaidh calaoise, éilliú agus aon ghníomhaíocht neamhdhleathach eile, gan difear a dhéanamh do OLAF agus OIPE agus, i gcás ina mbraithfear neamhrialtachtaí, trí mhéideanna a íocadh go mícheart a aisghabháil;

(j)straitéisí um bearta frithchalaoise, gnóthachain éifeachtúlachta agus sineirgí, straitéis um chomhar le tríú tíortha agus eagraíochtaí idirnáisiúnta agus straitéis um bainistiú eagraíochtúil agus córais rialaithe inmheánaigh a ullmhú do Eurojust agus iad a chur faoi bhráid an Bhoird Bainistíochta lena bhformheas;

(k)na dréacht-rialacha airgeadais is infheidhme maidir le Eurojust a ullmhú lena nglacadh ag an mBord Bainistíochta;

(l)dréacht-ráiteas Eurojust ar mheastacháin ioncaim agus caiteachais a ullmhú agus a bhuiséad a chur chun feidhme lena ghlacadh ag an mBord Bainistíochta;

(m)an éagsúlacht agus an chothromaíocht inscne a chur chun cinn a mhéid a bhaineann le hearcú fhoireann Eurojust.

ROINN V

Comhaltaí Náisiúnta

Airteagal 16

Stádas na gComhaltaí Náisiúnta

1.Beidh aon Chomhalta Náisiúnta amháin ar iasacht ó gach Ballstát ag Eurojust i gcomhréir lena chóras dlí. Beidh a ghnátháit oibre ag an gComhalta Náisiúnta sin ag suíomh Eurojust.

2.Maidir leis na Comhaltaí Náisiúnta:

(a)beidh siad ina gcomhaltaí gníomhacha den tseirbhís ionchúisimh phoiblí nó den bhreithiúnacht ina mBallstát;

(b)beidh acu na cáilíochtaí is gá acu lena gceapadh in ardoifig ionchúisimh nó bhreithiúnach ina mBallstáit féin, agus beidh taithí phraiticiúil ábhartha acu ar chórais dlí náisiúnta, nó i gcomhlachtaí ábhartha idirnáisiúnta nó den Aontas, agus ar an gcomhar breithiúnach idirnáisiúnta in ábhair choiriúla; agus

(c)beidh na cumhachtaí dá dtagraítear in Airteagal 18 ar a laghad acu le bheith in ann a gcúraimí a chomhlíonadh.

3.5 bliana a bheidh i dtéarmaí oifige na gComhaltaí Náisiúnta agus féadfar na téarmaí sin a athnuachan aon uair amháin. I gcásanna nach féidir le hIonadaí don Chomhalta Náisiúnta gníomhú thar ceann Comhalta Náisiúnta nó in ionad Comhalta Náisiúnta, fanfaidh an Comhalta Náisiúnta in oifig tar éis dhul in éag a théarma oifige go dtí ndéanfar a théarma a athnuachan nó go dtí go gcuirfear duine ina ionad, faoi réir thoiliú an Bhallstáit lena mbaineann.

4.Tacóidh Deasc Náisiúnta mar a thagraítear di in Airteagal 17 le gach Comhalta Náisiúnta.

Airteagal 17

Deasca Náisiúnta

1.Is é a bheidh i ngach Deasc Náisiúnta an Comhalta Náisiúnta, aon Ionadaí amháin don Chomhalta Náisiúnta ar a laghad agus aon Chúntóir amháin. Beidh a ghnátháit oibre ag an Ionadaí ag suíomh Eurojust. I gcás ina gcinneann Ballstát é sin, d’fhéadfadh sé go mbeadh gnátháit oibre an Chúntóra sa Bhallstát lena mbaineann.

2.Beidh ag an Ionadaí, faoin dlí náisiúnta is infheidhme, an stádas, na cumhachtaí agus na cearta rochtana céanna leis an gComhalta Náisiúnta. Beidh an t-ionadaí in ann gníomhú thar ceann an Chomhalta Náisiúnta nó ina ionad. 5 bliana a bheidh i dtéarmaí oifige na nIonadaithe agus féadfar na téarmaí sin a athnuachan aon uair amháin.

3.Féadfaidh Cúntóir gníomhú thar ceann an Chomhalta Náisiúnta, nó ina ionad freisin, i gcás ina bhfuil stádas dá dtagraítear in Airteagal 16, mír 2 aige nó aici.

4.Féadfaidh Ionadaithe nó Cúntóirí breise tacú leis an gComhalta Náisiúnta. I gcás inar gá, agus faoi réir thoiliú an Choláiste, d’fhéadfadh sé go mbeadh a ngnátháit oibre ag suíomh Eurojust. Tabharfaidh na Ballstáit fógra d’Uachtarán Eurojust agus don Choimisiún maidir le ceapadh Comhaltaí Náisiúnta, Ionadaithe agus Cúntóirí.

5.Is é a mBallstát a íocfaidh tuarastail agus luach saothar na gComhaltaí Náisiúnta, na nIonadaithe agus na gCúntóirí, gan difear a dhéanamh d’Airteagal 24.

6.Tabharfaidh aon saineolaí náisiúnta amháin ar iasacht ar a laghad cúnamh do gach Deasc Náisiúnta. Beidh stádas ionchúisitheora, breithimh nó ionadaí údaráis bhreithiúnaigh ag saineolaithe náisiúnta ar iasacht agus beidh inniúlachtaí atá coibhéiseach le hinniúlachtaí ionchúisitheora nó breithimh acu faoina ndlí náisiúnta.

7.Féadfaidh na Ballstáit baill foirne bhreise a shannadh don Deasc Náisiúnta le haghaidh tascanna oibriúcháin gearrthéarmacha, lena n-áirítear oiliúnaithe ón nGréasán Eorpach um Oiliúint Bhreithiúnach.

8.Beidh saineolaithe náisiúnta ar iasacht agus baill foirne bhreise eile faoi réir údarás an Chomhalta Náisiúnta i gcomhlíonadh cúraimí a bhaineann le feidhmeanna oibríochtúla Eurojust.

9.Tacóidh baill foirne údaraithe Eurojust leis na Deasca Náisiúnta. An Stiúrthóir Riaracháin a chinnfidh an líon de bhaill foirne údaraithe Eurojust a shannfar do gach deasc náisiúnta agus tascanna a bpoist tar éis dó dul i gcomhairle leis an gComhalta Náisiúnta.

10.Ainmneofar aon chomhalta amháin de gach Deasc Náisiúnta mar phointe teagmhála le haghaidh an Líonra Bhreithiúnaigh Eorpaigh 44 chun cúnamh a thabhairt le cinneadh cibé acu ba cheart iarraidh a láimhseáil le cúnamh ó Eurojust nó ón nGréasán Breithiúnach Eorpach.

11.An Comhalta Náisiúnta, an tIonadaí, Cúntóir atá i dteideal an Comhalta Náisiúnta a ionadú, nó saineolaí náisiúnta ar iasacht, beidh siad ar fáil tráth ar bith, lena n-áirítear 24 uair an chloig sa lá, 7 lá na seachtaine, chun iarrataí práinneacha a fháil agus a phróiseáil, chun a áirithiú gur féidir le Eurojust a chúraimí a chomhlíonadh gan mhoill i gcásanna práinneacha.

12.I gcás ina ngníomhaíonn comhaltaí deasc náisiúnta faoi chreat fheidhmeanna oibríochtúla Eurojust, measfar an caiteachas ábhartha a bhaineann leis na gníomhaíochtaí sin a bheith ina chaiteachas oibríochtúil.

Airteagal 18

Cumhachtaí na gComhaltaí Náisiúnta

1.Beidh sé de chumhacht ag an gComhalta Náisiúnta na nithe seo a leanas a dhéanamh:

(a)cásanna a oscailt, a chlárú agus a bhainistiú i gCóras Bainistithe Cásanna Eurojust;

(b)dul i dteagmháil go díreach, dul i gcomhairle agus faisnéis oibríochtúil agus fianaise a mhalartú le haon údarás inniúil náisiúnta óna Bhallstát, chomh maith le haon chomhlacht, oifig nó gníomhaireacht ábhartha eile de chuid an Aontais, lena n-áirítear OIPE agus Europol;

(c)dul i dteagmháil go díreach, dul i gcomhairle agus faisnéis oibríochtúil agus fianaise a mhalartú le húdaráis inniúla náisiúnta tríú tíortha agus orgáin inniúla eagraíochtaí idirnáisiúnta, i gcomhréir le gealltanais idirnáisiúnta a Bhallstáit agus i gcomhréir leis na rialacha maidir le cosaint sonraí;

(d)éascaíocht a dhéanamh nó tacaíocht a thabhairt ar bhealach eile i ndáil le haon iarraidh ar chomhar breithiúnach nó ar chúnamh frithpháirteach a eisiúint agus a chomhlíonadh;

(e)an t-aistriú sonraí pearsanta oibríochtúla is gá chun críoch imscrúdaithe shonraigh lena mbaineann a Bhallstát a údarú, i gcomhréir le hAirteagail 94b, 94c agus 94d de Rialachán (AE) 2018/1725, ar bhonn na faisnéise ábhartha uile atá ar fáil, lena n-áirítear, i gcás inarb iomchuí, ionchur ón Oifigeach Cosanta Sonraí; i gcás inar sholáthair níos mó ná aon Bhallstát amháin na sonraí pearsanta oibríochtúla atá le haistriú i gcomhthéacs an imscrúdaithe sin, tabharfaidh gach Comhalta Náisiúnta de na Ballstáit uile a sholáthair na sonraí sin an t-údarú;

(f)cruinnithe comhordúcháin nó lárionaid chomhordúcháin a eagrú;

(g)a bheith rannpháirteach i bhfoirne comhpháirteacha um imscrúdú, agus i gcás inarb iomchuí bunú agus oibriú na bhfoirne sin a thionscnamh nó a éascú, lena n-áirítear é sin a dhéanamh trí chomhaontuithe JIT a shíniú;

(h)a bheith rannpháirteach in ardáin oibríochtúla chomhpháirteacha, LSE agus ardáin comhordúcháin bhreithiúnaigh;

(i)i gcás inarb iomchuí, a bheith rannpháirteach i dtascfhórsaí oibríochtúla agus i gcruinnithe oibríochtúla de Europol;

(j)iarraidh ar údaráis inniúla náisiúnta a Bhallstáit toiliú le bunú sásraí comhordúcháin, lena n-áirítear ardáin oibríochtúla chomhpháirteacha, le Europol mar a thagraítear dó in Airteagal 57, mír 5;

(k)iarraidh ar údaráis inniúla náisiúnta a Bhallstáit imscrúdú nó ionchúiseamh a dhéanamh i leith gníomhartha sonracha, nó gníomh sonrach de nós imeachta coiriúil nó aon bheart eile a bhfuil údar leis chun críoch imscrúdaithe nó ionchúisimh a dhéanamh;

(l)cúnamh a thabhairt maidir le sainaithint, cosc agus réiteach easaontachtaí dlínse, lena n-áirítear é sin a dhéanamh trí thuairimí réasúnaithe a eisiúint, trí iarraidh ar na húdaráis inniúla náisiúnta glacadh leis gur fearr atá ceann díobh in ann ionchúiseamh a dhéanamh, agus trí aistriú imeachtaí a éascú.

2.Le toiliú an údaráis inniúil náisiúnta agus i gcomhréir leis an dlí náisiúnta, féadfaidh Comhaltaí Náisiúnta na nithe seo a leanas a dhéanamh:

(a)aon iarraidh ar chomhar breithiúnach nó ar aitheantas frithpháirteach a eisiúint nó a fhorghníomhú, lena n-áirítear é sin a dhéanamh ar na bealaí seo a leanas:

i.bearta imscrúdaitheacha a ordú, a iarraidh nó a fhorghníomhú, mar a fhoráiltear i dTreoir 2014/41/AE;

ii.orduithe reo a eisiúint, a iarraidh nó a fhorghníomhú, mar a fhoráiltear i Rialachán (AE) 2018/1805;

iii.Ordú Eorpach chun Fianaise a Thabhairt ar Aird nó Ordú Caomhnaithe Eorpach a eisiúint, mar a fhoráiltear i Rialachán (AE) 2023/1543 ó Pharlaimint na hEorpa agus ón gComhairle 45 ;

(b)iarraidh ar a nOifigí Aisghabhála Sócmhainní náisiúnta faisnéis a sholáthar ar ionstraimíochtaí, fáltais nó maoin atá nó a bhféadfadh a bheith ina n-ábhar ordaithe reo nó coigistíochta agus beart láithreach a ghlacadh go dtí go n-eisítear ordú reo, mar a fhoráiltear i dTreoir (AE) 2024/1260 ó Pharlaimint na hEorpa agus ón gComhairle 46 .

3.I gcásanna práinneacha nach féidir teagmháil a dhéanamh leis an údarás inniúil náisiúnta ar mhodh tráthúil, beidh Comhaltaí Náisiúnta inniúil na bearta dá dtagraítear i mír 2 a dhéanamh i gcomhréir lena ndlí náisiúnta. Cuirfidh siad an údarás inniúil náisiúnta ar an eolas gan moill mhíchuí faoi aon bheart a dhéantar de bhun na míre seo.

4.I gcás, faoin dlí náisiúnta, ina dtugtar na cumhachtaí dá dtagraítear i míreanna 2 agus 3 d’údarás inniúil náisiúnta eile, féadfaidh an Comhalta Náisiúnta iarraidh ar an údarás sin an beart lena mbaineann a eisiúint nó a fhorghníomhú.

5.Gan difear a dhéanamh do mhíreanna 1 agus 2, féadfaidh na Ballstáit cumhachtaí breise a thabhairt do Chomhaltaí Náisiúnta chun a gcúraimí a fheidhmiú faoin Rialachán seo. Tabharfaidh na Ballstáit sin fógra don Choimisiún agus don Choláiste faoi na cumhachtaí sin.

6.Beidh rochtain ag na Comhaltaí Náisiúnta ar an bhfaisnéis atá sna cláir seo a leanas dá mBallstát, nó beidh siad in ann an fhaisnéis sin a fháil gan moill mhíchuí, i gcomhréir lena ndlí náisiúnta:

(a)taifid choiriúla;

(b)cláir na ndaoine gafa;

(c)cláir imscrúdaithe;

(d)cláir DNA, méarlorg, agus clárúcháin feithiclí, i gcás inarb ábhartha le haghaidh imscrúduithe coiriúla;

(e)córas ECRIS-TCN i gcomhréir le hAirteagal 14(1) agus (4) de Rialachán (AE) 2019/816 ó Pharlaimint na hEorpa agus ón gComhairle 47 ;

(f)cláir láraithe cuntas bainc agus córais aisghabhála a bhunaítear de bhun Threoir (AE) 2019/1153 ó Pharlaimint na hEorpa agus ón gComhairle 48 ;

(g)cláir eile de chuid údaráis phoiblí i gcás inar gá an fhaisnéis sin chun a gcúraimí a chomhlíonadh faoin Rialachán seo.

ROINN VI

An Coláiste

Airteagal 19

Comhdhéanamh an Choláiste

1.Beidh an Coláiste déanta de gach Comhalta Náisiúnta.

2.Féadfaidh sainchomhairleoirí nó saineolaithe cúnamh a thabhairt do Chomhaltaí an Choláiste.

Airteagal 20

Cumhachtaí agus feidhmeanna an Choláiste

1.Beidh an Coláiste freagrach as feidhmeanna oibríochtúla Eurojust agus gníomhóidh sé le neamhspleáchas iomlán.

2.Déanfaidh an Coláiste na nithe seo a leanas go háirithe:

(a)sainaithint imeachtaí nasctha a éascú, lena n-áirítear é sin a dhéanamh trína iarraidh ar Chomhaltaí Náisiúnta chun a fhíorú cé acu atá nó nach bhfuil imscrúduithe nó gníomhaíochtaí ionchúisimh comhthreomhara a bhaineann le fíorais nó cionta den chineál céanna ar feitheamh ina mBallstáit féin;

(b)saincheisteanna trasnaí agus dea-chleachtais a shainaithint in ábhair oibríochtúla, i gcás inar gá trína iarraidh ar Chomhaltaí Náisiúnta dul i gcomhar le pointe teagmhála náisiúnta ábhartha de líonraí breithiúnacha nó údaráis inniúla náisiúnta eile;

(c)iarraidh ar an Stiúrthóir Riaracháin anailísí a ullmhú ar an tionchar atá ag cásdlí idirnáisiúnta, cásdlí de chuid an Aontais, agus cásdlí náisiúnta ar ábhair oibríochtúla;

(d)ionchur oibríochtúil a sholáthar don Bhord Feidhmiúcháin chun tosaíochtaí a shainiú i gcomhar le tríú tíortha agus le haghaidh doiciméid oibríochtúla a n-iarrann Europol rannchuidiú Eurojust ina leith;

(e)iarraidh ar an mBord Feidhmiúcháin LSE a bhunú i gcomhréir le hAirteagal 31 agus ardáin comhordúcháin bhreithiúnaigh a bhunú i gcomhréir le hAirteagal 27;

(f)arna iarraidh sin don Bhord Feidhmiúcháin nó don Bhord Bainistíochta, comhairle a sholáthar maidir le saincheisteanna a bhaineann go díreach le hábhair oibríochtúla;

(g)na rialacha cur chun feidhme is gá a ghlacadh chun a fheidhmeanna a dhéanamh.

3.Déanfaidh an Coláiste na cinntí oibríochtúla, lena n-áirítear cinntí maidir leo seo a leanas:

(a)cásanna féintionscnaimh a thionscnamh, a chlárú agus a bhainistiú i gcóras bainistithe cásanna Eurojust, ar bhonn faisnéis arna cur ar fáil ag aon Bhallstát amháin nó níos mó nó ar bhonn faisnéis arna fáil ó thríú tír, eagraíocht idirnáisiúnta nó aon chomhlacht , oifig nó gníomhaireacht den Aontas, go háirithe Europol agus OIPE, nó arna forbairt ag foireann Eurojust;

(b)i gcomhthéacs cásanna féintionscnaimh a thionscnaítear de bhun phointe (a), faisnéis a tharchur chuig údaráis inniúla náisiúnta na mBallstát lena mbaineann ar faisnéis í atá ábhartha chun imscrúduithe agus ionchúisimh a d’fhéadfadh teacht faoina n-inniúlacht a thionscnamh, a leathnú nó a dhéanamh;

(c)i gcomhthéacs cásanna féintionscnaimh a thionscnaítear de bhun phointe (a), cruinniú comhordúcháin a eagrú i gcás ina measann an Coláiste go bhfuil gá le teagmháil dhíreach idir údaráis inniúla náisiúnta na mBallstát lena mbaineann chun comhordú éifeachtach a n-imscrúduithe agus a n-ionchúiseamh a áirithiú;

(d)an measúnú ar cibé acu atá nó nach bhfuil tionchar ar leibhéal an Aontais de réir bhrí Airteagal 5(6), pointe (b) ag cás a bhaineann le haon Bhallstát amháin;

(e)an cinneadh maidir le cibé acu atá nó nach bhfuil leas fíor-riachtanach ag baint le cúnamh a thabhairt i gcásanna a bhaineann le haon Bhallstát amháin ar a laghad agus tríú tír nó eagraíocht idirnáisiúnta, i gcomhréir le hAirteagal 5(5), pointe (c)(iii);

(f)formheas iarrataí ar chomhar arna gcur isteach ag tríú tíortha nó eagraíochtaí idirnáisiúnta a thagann faoi raon feidhme Airteagal 5(6), pointe (d);

Airteagal 21

Cruinnithe an Choláiste

1.An tUachtarán a thionólfaidh cruinnithe an Choláiste.

2.Tiocfaidh an Coláiste le chéile uair sa mhí ar a laghad. Tiocfaidh sé le chéile freisin ar thionscnamh an Uachtaráin nó arna iarraidh sin d’aon trian amháin ar a laghad dá chomhaltaí.

3.Iarrfar ar an Stiúrthóir Riaracháin agus ar bhaill foirne údaraithe Eurojust freastal ar chruinnithe den Choláiste, de réir mar is iomchuí, gan ceart vótála acu.

4.Iarrfaidh an Coláiste ar ionadaithe ó OIPE agus Europol freastal ar a chruinnithe, gan ceart vótála acu, i gcás ina bpléifear ábhair leasa choitinn. Féadfaidh sé freisin a iarraidh ar ionadaithe ó chomhlachtaí den Aontas, ionchúisitheoirí idirchaidrimh atá ar iasacht do Eurojust, Pointí Teagmhála a phostáiltear chuig Eurojust, agus údaráis inniúla náisiúnta nó idirnáisiúnta eile, de réir mar is iomchuí, freastal ar chruinnithe gan ceart vótála acu.

5.Féadfaidh an Coláiste a iarraidh ar aon duine eile a bhféadfadh a thuairim a bheith ina díol spéise freastal ar a chruinnithe i gcáil breathnóra.

Airteagal 22

Rialacha vótála an Choláiste

1.Féachfaidh an Coláiste lena chinntí a ghlacadh de chomhthoil. Mura féidir teacht ar chomhthoil, is trí thromlach a chomhaltaí a dhéanfaidh an Coláiste a chinntí a ghlacadh gan moill mhíchuí.

2.Beidh aon vóta amháin ag gach Comhalta Náisiúnta. I gcás ina mbeidh comhalta a bhfuil ceart vótála aige as láthair, beidh an tIonadaí i dteideal an ceart vótála a fheidhmiú faoi réir na gcoinníollacha a leagtar amach in Airteagal 17(2). I gcás ina mbeidh an t-ionadaí as láthair, beidh an Cúntóir i dteideal an ceart vótála a fheidhmiú faoi réir na gcoinníollacha a leagtar amach in Airteagal 17(3).

Airteagal 23

Uachtarán agus Leas-Uachtarán Eurojust

1.Toghfaidh an Coláiste Uachtarán agus aon Leas-Uachtarán amháin as measc na gComhaltaí Náisiúnta trí thromlach dhá thrian dá chomhaltaí. I gcás nach bhféadfar tromlach dhá thrian a bhaint amach tar éis an dara babhta den toghchán, toghfar an Leas-Uachtarán trí thromlach simplí de chomhaltaí an Choláiste, cé go mbeidh gá i gcónaí le tromlach dhá thrian chun an tUachtarán a thoghadh.

2.Comhlíonfaidh an tUachtarán a chuid feidhmeanna thar cheann an Choláiste. I dtaca leis an Uachtarán:

(a)déanfaidh sé ionadaíocht do Eurojust i gcaidreamh institiúideach seachtrach;

(b)gairfidh sé cruinnithe den Choláiste agus den Bhord Feidhmiúcháin, beidh sé ina chathaoirleach ar na cruinnithe sin agus coinneoidh sé an Coláiste ar an eolas faoi aon saincheist arb ábhar suime dó í;

(c)stiúrfaidh sé obair an Choláiste;

(d)glacfaidh sé páirt i gcruinnithe den Bhord Bainistíochta gan ceart vótála aige;

(e)feidhmeoidh sé aon fheidhm eile a leagtar amach ina rialacha nós imeachta.

3.Feidhmeoidh an Leas-Uachtarán na feidhmeanna a leagtar amach i mír 2 a gcuirfidh an tUachtarán de chúram air iad agus glacfaidh sé ionad an Uachtaráin i gcás nach féidir leis an Uachtarán a chuid dualgas a chomhlíonadh. Tabharfaidh foireann Eurojust cúnamh don Uachtarán agus don Leas-Uachtarán i gcomhlíonadh a ndualgas sonrach.

4.4 bliana a bheidh i dtéarma oifige an Uachtaráin agus an Leas-Uachtaráin, agus féadfar an téarma sin a athnuachan aon uair amháin.

5.I gcás ina dtoghfar Comhalta Náisiúnta ina Uachtarán nó ina Leas-Uachtarán ar Eurojust, cuirfear síneadh lena théarma oifige chun a áirithiú gur féidir leis a fheidhm mar Uachtarán nó Leas-Uachtarán a chomhlíonadh.

6.I gcás nach gcomhlíonfaidh an tUachtarán nó an Leas-Uachtarán na coinníollacha a thuilleadh atá riachtanach chun a chuid cúraimí a chomhlíonadh, féadfaidh an Coláiste é a dhífhostú tar éis moladh a fháil ó thrian dá chomhaltaí. Glacfar an cinneadh ar bhonn tromlach dhá thrian de chomhaltaí an Choláiste, seachas an tUachtarán nó an Leas-Uachtarán lena mbaineann.

7.I gcás ina dtoghtar Chomhalta Náisiúnta ina Uachtarán ar Eurojust, féadfaidh an Ballstát lena mbaineann duine eile a bhfuil na cáilíochtaí cuí aige a thabhairt ar iasacht chun an deasc náisiúnta a threisiú ar feadh thréimhse mhandáid an té a thoghfar ina Uachtarán. Ballstát a chinnfidh duine den chineál sin a thabhairt ar iasacht, beidh sé i dteideal cur isteach ar chúiteamh i gcomhréir le hAirteagal 24.

Airteagal 24

Sásra cúitimh le haghaidh toghadh do phost an Uachtaráin

1.An Ballstát a dtoghtar a Chomhalta Náisiúnta mar Uachtarán, beidh sé i dteideal cúitimh chun críoch Airteagal 23(7), i gcomhréir leis an sásra a chinnfidh an Chomhairle trí bhíthin gníomhartha cur chun feidhme.

2.Beidh an cúiteamh ar fáil d’aon Bhallstát más rud é:

(a)go mbeidh a Chomhalta Náisiúnta tofa ina Uachtarán;

(b)go n-iarrfaidh sé cúiteamh ón gColáiste agus go soláthróidh sé bonn cirt leis an riachtanas chun a dheasc náisiúnta a threisiú bunaithe ar mhéadú ar an ualach oibre.

3.Beidh an cúiteamh a chuirfear ar fáil cothrom le 50 % de thuarastal náisiúnta an té a bheadh ar iasacht. Soláthrófar cúiteamh as costais mhaireachtála agus speansais ghaolmhara eile ar bhonn inchomparáide leis an gcúiteamh a sholáthraítear d’oifigigh de chuid an Aontais nó do sheirbhísigh eile ar iasacht ar an gcoigríoch.

4.Bainfear costais an tsásra cúitimh as buiséad Eurojust.

CAIBIDIL III

ÁBHAIR OIBRÍOCHTÚLA

ROINN I

Éascú an chomhair agus an chomhordaithe bhreithiúnaigh

Airteagal 25

Tacaíocht le haghaidh imscrúduithe agus ionchúisimh thrasteorann

1.Tacóidh Eurojust leis an gcomhar idir údaráis inniúla na mBallstát, tríú tíortha agus orgáin inniúla eagraíochtaí idirnáisiúnta agus neartóidh sé an comhar sin, agus áiritheoidh sé an comhordú is fearr is féidir ar imscrúduithe agus ionchúisimh, go háirithe trí thacaíocht oibríochtúil, anailíseach, agus straitéiseach a sholáthar.

2.Chun críocha mhír 1, féadfaidh Eurojust na nithe seo a leanas a dhéanamh go háirithe:

(a)cruinnithe comhordúcháin agus lárionaid chomhordúcháin a eagrú agus a éascú, agus an tacaíocht lóistíochta is gá a sholáthar, lena n-áirítear aistriúchán agus ateangaireacht;

(b)eisiúint, tarchur agus forghníomhú iarrataí ar chomhar breithiúnach agus ionstraimí aitheantais fhrithpháirtigh a éascú agus tacú leo sin, go háirithe ar na bealaí seo a leanas:

i.comhairle a thabhairt maidir leis na hionstraimí iomchuí agus na ceanglais dlí is infheidhme;

ii.tacú le dréachtú agus tarchur iarrataí, agus le hobair leantach ina leith;

iii.teagmhálacha a éascú le húdaráis inniúla náisiúnta na mBallstát agus le húdaráis inniúla náisiúnta tríú tíortha agus orgáin inniúla eagraíochtaí idirnáisiúnta agus, i gcás inarb ábhartha, páirtithe príobháideacha;

iv.réitigh mhalartacha a shainaithint i gcás ina ndiúltaítear d’fhorghníomhú iarrataí;

v.cúnamh a sholáthar i gcás iarrataí ar chomhar breithiúnach atá in iomaíocht le chéile nó ag teacht salach ar a chéile, lena n-áirítear Barántais Ghabhála Eorpacha arna n-eisiúint i gcomhréir le Cinneadh Réime 2002/584/CGB ón gComhairle 49 , amhail trí thuairimí réasúnaithe a eisiúint;

(c)cúnamh a thabhairt maidir le cosc, sainaithint agus réiteach easaontachtaí dlínse idir údaráis inniúla náisiúnta, lena n-áirítear é sin a dhéanamh ar na bealaí seo a leanas:

i.imeachtaí comhthreomhara nó nasctha a shainaithint;

ii.comhairle dlí a sholáthar, lena n-áirítear comhairle maidir le cur i bhfeidhm an phrionsabail ne bis in idem;

iii.tuairimí réasúnaithe nó moltaí neamhcheangailteacha a eisiúint maidir le réiteach coinbhleachtaí den sórt sin;

iv.iarraidh ar na húdaráis inniúla glacadh leis go bhfuil ceann díobh ar an dlínse is fearr chun ionchúiseamh a dhéanamh;

v.an t-aistriú imeachtaí a éascú.

(d)an malartú faisnéise idir údaráis inniúla náisiúnta agus orgáin inniúla eagraíochtaí idirnáisiúnta a éascú agus tacú leis an malartú faisnéise sin;

(e)faisnéis i mbunachair sonraí ábhartha a chros-seiceáil, i gcomhréir leis an Rialachán seo, chun naisc idir imscrúduithe trasteorann a shainaithint agus tacú le himscrúduithe den sórt sin;

(f)rianú, reo, coigistiú agus aisghabháil sócmhainní coiriúla i gcásanna trasteorann a éascú agus tacú leis sin, lena n-áirítear é sin a dhéanamh i ndáil le coigistiú iar-chiontaithe agus coigistiú nach bhfuil bunaithe ar chiontú in imeachtaí in ábhair choiriúla;

(g)iarraidh ar Europol tacaíocht a sholáthar, lena n-áirítear é sin a dhéanamh trí anailís oibríochtúil in imscrúdú coiriúil sonrach ar bhonn sonraí imscrúdaitheacha arna soláthar ag Eurojust nó ag na Ballstáit.

3.Déanfaidh na húdaráis inniúla náisiúnta, arna iarraidh sin, Eurojust a chur ar an eolas faoi thoradh imeachtaí a bhfuair siad cúnamh ina leith faoin Airteagal seo, lena n-áirítear, i gcás ina bhfuil fáil orthu, cinntí breithiúnacha ábhartha agus aon bheart leantach arna nglacadh.

4.Tacóidh Eurojust le cur chun feidhme an Airteagail seo trína bhaill foirne údaraithe, ag gníomhú dóibh faoi stiúir na gComhaltaí Náisiúnta i gcomhréir leis an Rialachán seo.

Airteagal 26

Tacaíocht le haghaidh foirne comhpháirteacha um imscrúdú

1.Soláthróidh Eurojust tacaíocht oibríochtúil, theicniúil, anailíseach, dlí agus airgeadais d’fhoirne comhpháirteacha um imscrúdú (JIT), lena n-áirítear é sin a dhéanamh mar a leanas:

(a)comhairle a thabhairt maidir leis an deis agus na ceanglais dlí chun foireann chomhpháirteach um imscrúdú a bhunú, lena n-áirítear rannpháirtíocht fhéideartha Europol;

(b)cúnamh a thabhairt i ndréachtú agus i gcaibidlíocht comhaontuithe lena mbunaítear foirne comhpháirteacha um imscrúdú;

(c)comhairle a thabhairt maidir le straitéisí ionchúisimh agus maidir le cur chun feidhme gníomhaíochtaí oibríochtúla.

2.Róil agus stádas Comhaltaí Náisiúnta agus chomhaltaí eile na nDeasc Náisiúnta laistigh d’fhoireann chomhpháirteach um imscrúdú, cinnfear iad leis an gcomhaontú lena mbunaítear an fhoireann.

3.Féadfaidh baill foirne Eurojust, i gcás ina bhfuil foráil maidir leis sin sa chomhaontú lena mbunaítear JIT, páirt a ghlacadh i ngníomhaíochtaí an JIT sin, faoi na coinníollacha a leagtar síos ann, lena n-áirítear coinníollacha maidir leis an gcóras dliteanais is infheidhme.

4.Féadfaidh baill foirne Eurojust, laistigh de theorainneacha dhlí na mBallstát ina n-oibríonn foireann chomhpháirteach um imscrúdú, cúnamh a thabhairt ina gníomhaíochtaí agus sa mhalartú faisnéise idir a comhaltaí.

5.An fhaisnéis a gheobhaidh baill foirne údaraithe Eurojust i gcúrsa a rannpháirtíochta i bhfoireann chomhpháirteach um imscrúdú, déanfaidh Europol, le toiliú agus faoi fhreagracht an Bhallstáit a chuir an fhaisnéis ar fáil, í a phróiseáil faoi na coinníollacha a leagtar síos sa Rialachán seo.

6.Tacóidh Eurojust leis an Líonra Saineolaithe Náisiúnta ar Fhoirne Comhpháirteacha um Imscrúdú (Líonra JITanna) trína bhaill foirne, go háirithe trí na nithe seo a leanas a dhéanamh:

(a)a chruinnithe agus a ghníomhaíochtaí oiliúna a eagrú;

(b)meastóireachtaí ar fhoirne comhpháirteacha aonair um imscrúdú a bhailiú agus a anailísiú;

(c)tacaíocht airgeadais Eurojust le haghaidh foirne comhpháirteacha um imscrúdú a bhainistiú;

(d)na cúraimí a shanntar do Rúnaíocht Líonra JITanna faoi Rialachán (AE) 2023/969 50 ó Pharlaimint na hEorpa agus ón gComhairle a chomhlíonadh.

7.Soláthrófar tacaíocht airgeadais Eurojust i gcomhréir le Rialachán (AE, Euratom) 2024/2509 agus d’fhéadfadh sé go n-áireofaí leis úsáid cineálacha simplithe cistiúcháin, lena n-áirítear cnapshuimeanna, costais aonaid agus maoiniú ar ráta comhréidh. Caiteachas is gá chun foirne comhpháirteacha um imscrúdú a bhunú, lena n-áirítear costais a bhaineann le taisteal, cóiríocht, ateangaireacht, aistriúchán, gníomhaíochtaí comhordúcháin, trealamh agus tacaíocht oibríochtúil, féadfaidh Eurojust an caiteachas sin a chumhdach go díreach nó a aisíoc.

Airteagal 27

Ardáin comhordúcháin bhreithiúnaigh

1.Arna iarraidh sin do dhá Bhallstát nó níos mó nó ar a thionscnamh féin le comhaontú na mBallstát lena mbaineann, féadfaidh Eurojust ardáin comhordúcháin bhreithiúnaigh a bhunú chun tacú le himscrúduithe nó ionchúisimh trasteorann atá an-chasta nó chun feabhas a chur ar an gcomhar agus aghaidh á tabhairt ar chineálacha sonracha coireachta tromchúisí.

2.Beidh ardáin comhordúcháin bhreithiúnaigh comhdhéanta d’ionadaithe údaráis inniúla náisiúnta na mBallstát lena mbaineann, lena n-áirítear comhaltaí na nDeasc Náisiúnta, agus tacóidh baill foirne údaraithe Eurojust leo.

3.Ionadaithe ó ghníomhaireachtaí, comhlachtaí, agus oifigí an Aontais agus ó ghníomhaithe idirnáisiúnta ábhartha eile i réimse an cheartais, agus ó thríú tíortha agus ó eagraíochtaí idirnáisiúnta, féadfar a iarraidh orthu páirt a ghlacadh, faoi réir thoiliú na n-údarás inniúil náisiúnta lena mbaineann.

4.Soláthróidh Eurojust tacaíocht oibríochtúil, theicniúil, anailíseach, dlí agus airgeadais do na hardáin comhordúcháin bhreithiúnaigh. Soláthróidh sé an tacaíocht lóistíochta is gá freisin, lena n-áirítear áitribh agus uirlisí cumarsáide sláine.

5.Déanfaidh ardáin comhordúcháin bhreithiúnaigh go háirithe:

(a)an malartú faisnéise agus fianaise atá ábhartha d’údaráis bhreithiúnacha a éascú, lena n-áirítear é sin a dhéanamh chun tacú le forbairt agus cur chun feidhme straitéis choiteann ionchúisimh;

(b)faisnéise a sholáthar do Eurojust chun críoch anailíse oibríochtúla i gcomhréir leis an Rialachán seo;

(c)cúnamh speisialaithe a sholáthar d’údaráis inniúla náisiúnta, lena n-áirítear, i gcás inarb iomchuí, é sin a dhéanamh le tacaíocht na LSEnna dá dtagraítear in Airteagal 31.

6.Faisnéis arna próiseáil faoi chuimsiú ardán comhordúcháin bhreithiúnaigh, déanfar í a láimhseáil i gcomhréir leis an Rialachán seo agus déanfar í a stóráil agus a phróiseáil sa chóras bainistithe cásanna dá dtagraítear in Airteagal 41.

ROINN II

Gníomhaíochtaí oibríochtúla féintionscnaimh

Airteagal 28

Féintionscnamh

1.In éagmais iarraidh ó na húdaráis inniúla náisiúnta nó ó OIPE, féadfaidh Eurojust gníomhaíochtaí oibríochtúla a dhéanamh ar a thionscnamh féin, i gcomhréir leis an Rialachán seo, ar bhonn faisnéis arna soláthar ag na Ballstáit, tríú tíortha, eagraíochtaí idirnáisiúnta, institiúidí, comhlachtaí, oifigí agus gníomhaíochtaí an Aontais, nó páirtithe príobháideacha, nó arna fáil ó fhoinsí atá ar fáil go poiblí, i dtaca le himscrúduithe nó ionchúisimh, idir leanúnacha nó féideartha, lena mbaineann coireacht thromchúiseach a thagann faoi raon feidhme inniúlacht Eurojust i gcomhréir leis an Rialachán seo.

2.I gcás ina ngníomhaíonn Eurojust ar a thionscnamh féin, féadfaidh Comhaltaí Náisiúnta, agus a gcúiseanna á sonrú, iarraidh ar údaráis inniúla a mBallstát na nithe seo a leanas a dhéanamh:

(a)imscrúdú nó ionchúiseamh a dhéanamh i ndáil le gníomhartha sonracha;

(b)toiliú go bhféadfadh ceann amháin acu a bheith i riocht níos fearr chun imscrúdú a dhéanamh nó gníomhartha sonracha a ionchúiseamh;

(c)raon feidhme imscrúduithe a leathnú chun Ballstáit eile nó tríú tíortha nach raibh rannpháirteach i dtosach a áireamh;

(d)tosaíocht a thabhairt d’iarraidh ar chomhar breithiúnach i gcásanna ina bhfuil iarrataí ag teacht salach ar a chéile nó in iomaíocht le chéile;

(e)cros-seiceáil bunachar sonraí ábhartha a údarú, i gcás inarb iomchuí, chun naisc a shainaithint idir cásanna;

(f)comhordú a dhéanamh idir údaráis inniúla na mBallstát lena mbaineann;

(g)tacaíocht oibríochtúil nó anailíseach a iarraidh ó Europol i gcomhréir le hAirteagal 57;

(h)foireann chomhpháirteach um imscrúdú a bhunú;

(i)bearta speisialta imscrúdaitheacha a dhéanamh;

(j)an fhaisnéis is gá chun a chúraimí a chomhlíonadh a tharchur chuig Eurojust;

(k)aon bheart eile a dhéanamh a bhfuil bonn cirt leis chun críocha an imscrúdaithe nó an ionchúisimh.

3.Ina theannta sin, féadfaidh Comhaltaí Náisiúnta na nithe seo a leanas a dhéanamh:

(a)na húdaráis inniúla náisiúnta a chur ar an eolas faoi imscrúduithe nó ionchúisimh a bhféadfadh iarmhairtí a bheith acu ar leibhéal an Aontais nó a d’fhéadfadh difear a dhéanamh do Bhallstáit seachas na Ballstáit sin lena mbaineann go díreach;

(b)faisnéis a tharchur chuig na húdaráis inniúla náisiúnta ar faisnéis í atá ábhartha chun imscrúduithe agus ionchúisimh a thagann faoin inniúlacht Eurojust a thionscnamh, a leathnú nó a dhéanamh;

(c)tuairimí réasúnaithe a eisiúint i ndáil le cásanna sonracha agus na tuairimí sin a tharchur chuig na Ballstáit lena mbaineann;

(d)iarrataí ar chomhar breithiúnach a eisiúint nó a fhorghníomhú i gcásanna práinneacha i gcomhréir leis an Rialachán seo.

4.I gcás ina dtagann bacainní chun cinn i ndáil le hiarrataí ar chomhar breithiúnach idir dhá Bhallstát nó níos mó, nó i ndáil le cinntí maidir le comhar breithiúnach den sórt sin, lena n-áirítear iarrataí nó cinntí bunaithe ar ionstraimí lena dtugtar éifeacht do phrionsabal an aitheantais fhrithpháirtigh, agus i gcás nach féidir na bacainní sin a réiteach trí chomhairliúchán idir na húdaráis inniúla lena mbaineann, féadfaidh Comhaltaí Náisiúnta, ar a dtionscnamh féin nó arna iarraidh sin do na húdaráis inniúla náisiúnta lena mbaineann, tuairim réasúnaithe a eisiúint maidir leis an gcás.

5.Tabharfaidh údaráis inniúla náisiúnta na mBallstát lena mbaineann freagra, gan moill mhíchuí, ar iarrataí arna ndéanamh ag Comhaltaí Náisiúnta faoi mhír 2 agus ar na tuairimí réasúnaithe dá dtagraítear i míreanna 3 agus 4. Féadfaidh siad diúltú na hiarrataí sin a chomhlíonadh nó cloí leis na tuairimí sin i gcás ina ndéanfadh an chomhlíontacht dochar do leasanna bunúsacha slándála náisiúnta, go gcuirfí rath imscrúdaithe nó ionchúisimh atá ar siúl i gcontúirt, nó go gcuirfí sábháilteacht duine aonair i mbaol.

6.Ar bhonn na faisnéise dá dtagraítear i mír 1, agus chun críocha mhír 2, féadfaidh baill foirne údaraithe Eurojust faisnéis oibríochtúil ábhartha a thiomsú, a anailísiú agus a tharchur chuig na Comhaltaí Náisiúnta nó chuig an gColáiste le haghaidh obair leantach iomchuí. Chun na críche sin, féadfaidh baill foirne údaraithe Eurojust sonraí pearsanta a stóráil agus a anailísiú ar bhonn sealadach sa chóras bainistithe cásanna, chun é a chur ar a chumas don Chomhalta Náisiúnta nó don Choláiste a chinneadh cibé acu atá nó nach bhfuil sonraí den sórt sin ábhartha do chúraimí Eurojust agus cibé acu ba cheart nó nár cheart cás a thionscnamh sa chóras bainistithe cásanna, agus chuige sin amháin. Féadfar na sonraí sin a choinneáil ar feadh tréimhse nach faide ná 6 mhí i dtimpeallacht shlán agus rialaithe arna soláthar ag Eurojust chun na críche sin, faoi réir coimircí iomchuí atá coibhéiseach go substaintiúil leo siúd a sainaithníodh le haghaidh an chórais bainistithe cásanna. I gcás, ar bhonn eisceachtúil, nárbh fhéidir leis an gComhalta Náisiúnta ná leis an gColáiste an cinneadh sin a dhéanamh laistigh den tréimhse sin, féadfar síneadh a chur leis an tréimhse aon uair amháin le haghaidh tréimhse bhreise nach faide ná 6 mhí.

7.Féadfaidh baill foirne Eurojust tuairimí réasúnaithe a ullmhú freisin chun críocha mhíreanna 3 agus 4 agus iad a tharchur chuig na Comhaltaí Náisiúnta nó chuig an gColáiste le haghaidh obair leantach iomchuí.

8.Is iad údaráis inniúla náisiúnta na mBallstát lena mbaineann a bheidh freagrach i gcónaí as cinneadh a dhéanamh maidir le haon ghníomhaíocht atá le glacadh mar thoradh ar ghníomhaíochtaí Eurojust a dhéantar faoin Airteagal seo, i gcomhréir leis an dlí náisiúnta agus le dlí an Aontais is infheidhme.

Airteagal 29

Caomhnú fianaise, anailísí ar fhianaise, agus stóráil fianaise

1.Chun tacú le gníomhaíocht na mBallstát maidir leis na coireanna idirnáisiúnta is tromchúisí agus cionta coiriúla a bhaineann leo sin a chomhrac, déanfaidh Eurojust, i gcomhréir leis an Rialachán seo, an acmhainneacht a fhorbairt agus a choinneáil ar bun chun fianaise agus faisnéis a bhailiú, a chaomhnú, a anailísiú agus a stóráil, ar fianaise agus faisnéis í a d’fhéadfaí a úsáid mar fhianaise i leith na gcoireanna sin.

2.Arna iarraidh sin don Choláiste nó don Choimisiún, féadfaidh Eurojust, i gcásanna a bhfuil údar cuí leo, na hacmhainneachtaí dá dtagraítear i mír 1 a leathnú chun cineálacha eile coireachta tromchúisí a thagann faoina inniúlacht a chumhdach i gcomhréir leis an Rialachán seo, ar choinníoll gur fíor-riachtanach é sin chun tacú le himscrúduithe agus ionchúisimh shonracha ar bunaíodh foireann chomhpháirteach um imscrúdú nó ardán comhordúcháin bhreithiúnaigh ina leith.

3.Chun críocha mhír 1, féadfaidh Eurojust, i gcomhréir leis an Rialachán seo, fianaise a fháil ó údaráis inniúla náisiúnta na mBallstát agus tríú tíortha chomh maith le horgáin inniúla de chúirteanna agus de bhinsí coiriúla idirnáisiúnta. Féadfaidh Eurojust faisnéis ábhartha a d’fhéadfaí a úsáid mar fhianaise a bhailiú freisin ó ghníomhaireachtaí, comhlachtaí agus oifigí de chuid an Aontais, eagraíochtaí idirnáisiúnta, páirtithe príobháideacha agus ó fhoinsí atá ar fáil go poiblí.

4.Éascóidh Eurojust an malartú slán tráthúil faisnéise agus fianaise dá dtagraítear i mír 1 idir údaráis inniúla náisiúnta na mBallstát agus tríú tíortha chomh maith le horgáin inniúla de chúirteanna agus de bhinsí coiriúla idirnáisiúnta nó, i gcás inarb iomchuí agus i gcomhréir leis an Rialachán seo, an fhaisnéis agus an fhianaise sin a chur ar fáil dóibh go díreach.

5.Chun críocha an Airteagail seo, déanfaidh Eurojust na nithe seo a leanas, trí bhaill foirne údaraithe:

(a)tacú leis na húdaráis inniúla náisiúnta agus idirnáisiúnta i dtarchur fianaise chuig Eurojust agus faisnéis a bhailiú ó fhoinsí atá ar fáil go poiblí;

(b)tacú leis na húdaráis inniúla náisiúnta agus idirnáisiúnta ina n-imscrúduithe agus a n-ionchúisimh, lena n-áirítear é sin a dhéanamh trí bhearnaí san fhianaise agus imscrúduithe comhthreomhara a shainaithint, agus comhairle a thabhairt maidir le straitéisí ionchúisimh; agus

(c)oibriú i ndlúthchomhar le Europol, de réir a sainorduithe féin, chun naisc a shainaithint idir fhaisnéis arna próiseáil ag an dá ghníomhaireacht, lena n-áirítear é sin a dhéanamh trí thuarascálacha anailíseacha comhpháirteacha a ullmhú i gcás inarb iomchuí.

Airteagal 30

Coinneáil eolais

1.Déanfaidh baill foirne údaraithe Eurojust eolas oibríochtúil a bhaineann le comhar breithiúnach in ábhair choiriúla a choinneáil, a anailísiú agus, i gcás inarb iomchuí, a mhalartú, lena n-áirítear eolas a fhaightear ó chásobair Eurojust, ón Líonra Breithiúnach Eorpach, agus taithí phointí teagmhála líonraí agus comhlachtaí ábhartha eile atá gníomhach sa chomhar breithiúnach in ábhair choiriúla.

2.Sainaithneoidh Eurojust saincheisteanna trasnaí agus dea-chleachtais sa chomhar breithiúnach in ábhair choiriúla, agus forbróidh sé uirlisí, lena n-áirítear treoirlínte, doiciméid bheartais agus anailísí ar chásobair, chun cúnamh a thabhairt do chleachtóirí ina n-imscrúduithe agus ina n-ionchúisimh thrasteorann.

3.Féadfaidh Eurojust cásdlí náisiúnta agus cásdlí de chuid an Aontais atá ábhartha don chomhar breithiúnach in ábhair choiriúla, lena n-áirítear cásdlí a bhaineann le hinghlacthacht fianaise, a thiomsú agus a anailísiú, lena n-áirítear é sin a dhéanamh trí uirlisí uathoibrithe a úsáid.

Airteagal 31

Lárionaid Saineolais Eurojust in ábhair choiriúla (LSE)

1.Féadfaidh Eurojust LSE a bhunú mar struchtúir inmheánacha speisialaithe chun tacaíocht straitéiseach, anailíseach agus oibríochtúil a sholáthar do na Deasca Náisiúnta, na húdaráis inniúla náisiúnta agus páirtithe leasmhara ábhartha eile chun cineálacha tosaíochta coireachta a chomhrac ar leibhéal an Aontais agus chun aghaidh a thabhairt ar shaincheisteanna trasnaí sa chomhar breithiúnach in ábhair choiriúla.

2.Baill foirne Eurojust a dhéanfaidh comhordú ar LSE agus is iad a dhéanfaidh cinneadh, tar éis dul i gcomhairle le comhaltaí na nDeasc Náisiúnta a bhaineann leis an LSE ábhartha, maidir le tosaíocht gníomhaíochtaí agus torthaí. Féadfaidh na comhaltaí sin tacaíocht LSE a iarraidh freisin i ngníomhaíochtaí anailíseacha agus oibríochtúla. Féadfaidh líonra breithiúnacha agus comhlachtaí eile cleachtóirí náisiúnta rannchuidiú le hobair na lárionad freisin.

3.Féadfar a iarraidh ar ionadaithe ó ghníomhaireachtaí, comhlachtaí, oifigí eile de chuid an Aontais, agus ar pháirtithe leasmhara ábhartha eile, páirt a ghlacadh in obair LSE i gcás inarb iomchuí chun a gcúraimí féin a chomhlíonadh.

4.Féadfaidh an Coláiste, an Stiúrthóir Riaracháin nó an Coimisiún a iarraidh go mbunófaí LSE. Déanfaidh an Bord Feidhmiúcháin measúnú ar an mbreisluach oibríochtúil agus ar impleachtaí airgeadais iarrata den sórt sin agus cuirfidh sé an measúnú faoi bhráid an Bhoird Bainistíochta, a dhéanfaidh cinneadh i gcomhréir le hAirteagal 10(1), pointe (r).

ROINN III

Cineálacha breise tacaíochta oibríochtúla

Airteagal 32

Pointe teagmhála le haghaidh tríú tíortha agus eagraíochtaí idirnáisiúnta chun críocha Rialachán (AE) 2019/816

1.I gcomhlíonadh a róil mar phointe teagmhála le haghaidh tríú tíortha agus eagraíochtaí idirnáisiúnta chun na Ballstáit ag a bhfuil faisnéis faoi thaifid choiriúla náisiúnach tríú tír de bhun Airteagal 17 de Rialachán (AE) 2019/816 a shainaithint, áiritheoidh Eurojust láimhseáil éifeachtúil agus shlán iarrataí, agus an obair leantach ina leith dá dtagraítear ann, i gcomhréir leis na rialacha is infheidhme maidir le cosaint sonraí. Chuige sin, bunóidh sé bearta iomchuí eagraíochtúla agus teicniúla chun iarrataí den sórt sin a phróiseáil, tús áite a thabhairt dóibh, agus obair leantach a dhéanamh ina leith.

2.Ar bhunú na mbeart dá dtagraítear i mír 1, is trí mheán leictreonach a dhéanfar an nós imeachta a leagtar amach in Airteagal 17 de Rialachán (AE) 2019/816.

Airteagal 33

Cúnamh i ndáil le híospartaigh na coiriúlachta in imeachtaí coiriúla trasteorann

Tabharfaidh Eurojust cúnamh d’údaráis imscrúdaithe agus ionchúisimh chun seasamh le cearta íospartach in imscrúduithe coiriúla trasteorann. Go háirithe, arna iarraidh sin d’údaráis inniúla náisiúnta imscrúdaithe agus ionchúisimh na mBallstát, féadfaidh Eurojust:

(a)cúnamh a thabhairt chun sainaithint íospartach a éascú i gcásanna lena mbaineann líon mór íospartach;

(b)comhairle a chur ar údaráis inniúla náisiúnta maidir le cearta íospartach chun páirt a ghlacadh in imeachtaí coiriúla faoin dlí náisiúnta nó faoi dhlí an Aontais i gcásanna trasteorann;

(c)cúnamh a thabhairt d’údaráis inniúla náisiúnta maidir le rochtain íospartach ar chúiteamh agus aisíoc maoine, lena n-áirítear maoin atá faoi réir bearta reo nó coigistíochta;

(d)aon chúnamh breise a thabhairt maidir le cearta íospartach in imeachtaí coiriúla trasteorann, de réir theorainneacha a inniúlachta i gcomhréir leis an Rialachán seo.

Airteagal 34

Rannpháirtíocht san Ardán Eorpach Ildisciplíneach i gCoinne Bagairtí Coiriúla

1.Tacóidh Eurojust le Europol in ullmhú táirgí anailíseacha ar an tslándáil inmheánach, lena n-áirítear anailís straitéiseach, measúnú ar bhagairtí, tuarascáil ar threochtaí, agus seisiúin faisnéise staide, go háirithe d’fhonn cúnamh a thabhairt don Chomhairle agus don Choimisiún chun tosaíochtaí straitéiseacha, beartais agus oibríochtúla an Aontais a bhunú chun an choireacht thromchúiseach a chomhrac.

2.Tabharfaidh Eurojust cúnamh do Europol i gcur chun feidhme oibríochtúil thosaíochtaí an Aontais sa chomhrac in aghaidh na coireachta tromchúisí, go háirithe trí thacú le rannpháirtíocht údarás breithiúnach san Ardán Eorpach Ildisciplíneach i gCoinne Bagairtí Coiriúla.

3.I gcomhar le Europol, féadfaidh Eurojust tacaíocht oibríochtúil, anailíseach, dlí, riaracháin agus lóistíochta a sholáthar do ghníomhaíochtaí faoi stiúir Ballstát faoi chuimsiú an Ardáin. D’fhéadfadh sé go n-áireofaí leis an tacaíocht sin an malartú faisnéise idir na húdaráis inniúla lena mbaineann a éascú.

4.Beidh an tacaíocht sin teoranta do ghníomhaíochtaí faoi stiúir údarás breithiúnach nó a bhfuil údaráis bhreithiúnacha páirteach iontu. Na socruithe praiticiúla le haghaidh an chomhordaithe idir Europol agus Eurojust sa chomhthéacs sin, leagfar síos iad sa socrú oibre a thabharfar i gcrích idir an dá ghníomhaireacht mar a thagraítear dó in Airteagal 57.

ROINN IV

Malartú faisnéise le húdaráis inniúla náisiúnta sna Ballstáit

Airteagal 35

Córas Eurojust um Chomhordú Náisiúnta 

1.Bunóidh gach Ballstát córas Eurojust um chomhordú náisiúnta chun tacú le hobair Chomhalta Náisiúnta a Bhallstáit agus chun comhordú a áirithiú idir an Deasc Náisiúnta agus údaráis inniúla náisiúnta an Bhallstáit sin.

2.Áireofar ar chóras Eurojust um chomhordú náisiúnta pointí teagmhála na líonraí lena gcoinníonn Eurojust caidreamh ar bun de bhun Airteagal 56, na comhfhreagraithe náisiúnta le haghaidh ábhair sceimhlitheoireachta agus aon údarás breithiúnach ábhartha eile.

3.Féadfaidh gach Ballstát comhfhreagraí náisiúnta do Eurojust a cheapadh a ghníomhóidh mar chomhordaitheoir de chomhaltaí chóras Eurojust um chomhordú náisiúnta ar an leibhéal náisiúnta.

4.Ainmneoidh gach Ballstát údarás inniúil náisiúnta mar chomhfhreagraí náisiúnta Eurojust le haghaidh ábhair sceimhlitheoireachta. Is údarás breithiúnach nó údarás inniúil eile a bheidh sa chomhfhreagraí náisiúnta sin le haghaidh ábhair sceimhlitheoireachta. I gcás ina gceanglaítear a leithéid leis an gcóras dlí náisiúnta, féadfaidh Ballstát níos mó ná údarás inniúil náisiúnta amháin a ainmniú mar chomhfhreagraí náisiúnta Eurojust le haghaidh ábhair sceimhlitheoireachta. Beidh rochtain ag an gcomhfhreagraí náisiúnta le haghaidh ábhair sceimhlitheoireachta ar an bhfaisnéis ábhartha uile i gcomhréir le hAirteagal 37. Beidh an comhfhreagraí náisiúnta sin inniúil faisnéis den sórt sin a bhailiú agus í a tharchur chuig Eurojust, i gcomhréir leis an dlí náisiúnta agus dlí an Aontais, go háirithe an dlí nós imeachta coiriúil náisiúnta agus na rialacha maidir le cosaint sonraí is infheidhme.

5.Déanfaidh comhaltaí chóras Eurojust um chomhordú náisiúnta na nithe seo a leanas go háirithe:

(e)a áirithiú go ndéantar faisnéis a bhaineann leis an mBallstát lena mbaineann i gcomhréir le hAirteagal 37 a tharchur chuig an gcóras bainistithe cásanna dá dtagraítear in Airteagal 41 ar bhealach éifeachtach agus iontaofa;

(a)cúnamh a thabhairt don Chomhalta Náisiúnta na húdaráis inniúla a shainaithint i ndáil le hiarrataí ar chomhar breithiúnach, agus cinntí maidir leis, a fhorghníomhú, lena n-áirítear iarrataí agus cinntí atá bunaithe ar ionstraimí a thugann éifeacht do phrionsabal an aitheantais fhrithpháirtigh;

(b)an Comhalta Náisiúnta a chur ar an eolas faoi chruinnithe ina bpléifear ábhair atá ábhartha do Eurojust, agus iarraidh ar an gComhalta Náisiúnta freastal ar chruinnithe den sórt sin;

(c)dlúthchaidreamh a choinneáil ar bun le haonad náisiúnta Europol;

(d)feasacht a mhúscailt i measc údaráis imscrúdaithe agus ionchúisimh ina mBallstát faoin tacaíocht is féidir le Eurojust a sholáthar i gcásanna trasteorann;

(e)cásdlí náisiúnta atá ábhartha don chomhar breithiúnach in ábhair choiriúla, lena n-áirítear cásdlí a bhaineann le hinghlacthacht fianaise, a tharchur chuig Eurojust;

(f)aird Eurojust a tharraingt ar shaincheisteanna trasnaí agus dea-chleachtais sa chomhar breithiúnach in ábhair choiriúla, d’fhonn rannchuidiú le coinneáil eolais Eurojust i gcomhréir le hAirteagal 30 agus páirt a ghlacadh in obair LSE i gcomhréir le hAirteagal 31.

6.Tiocfaidh an Comhalta Náisiúnta agus comhaltaí de chóras Eurojust um chomhordú náisiúnta ina Bhallstát le chéile go tráthrialta. Go háirithe, reáchtálfaidh an Comhalta Náisiúnta cruinnithe tráthrialta tiomnaithe le pointí teagmhála gach líonra dá dtagraítear i mír 2, chun aghaidh a thabhairt ar ábhair a thagann faoi shainordú an líonra sin agus comhordú éifeachtach a áirithiú idir an Deasc Náisiúnta agus na húdaráis inniúla náisiúnta ábhartha.

7.Chun na cuspóirí dá dtagraítear i mír 5 a bhaint amach, nascfar na daoine dá dtagraítear i mír 2, a mhéid a ghníomhaíonn siad mar údaráis inniúla náisiúnta, leis an gcóras TF díláraithe dá dtagraítear in Airteagal 40.

8.Féadfaidh baill foirne údaraithe Eurojust cúnamh a thabhairt maidir le cur chun feidhme an Airteagail seo.

Airteagal 36

Malartuithe faisnéise leis na Ballstáit agus idir Comhaltaí Náisiúnta

1.Déanfaidh údaráis inniúla na mBallstát aon fhaisnéis atá riachtanach do Eurojust chun a chúraimí a chomhlíonadh a mhalartú leis faoi Airteagail 4 agus 25 i gcomhréir leis na rialacha is infheidhme maidir le cosaint sonraí. Áireofar leis sin ar a laghad an fhaisnéis dá dtagraítear i míreanna 4, 5 agus 6 den Airteagal seo.

2.Ní thuigfear gurb ionann faisnéis a tharchur chuig Eurojust agus cúnamh Eurojust a iarraidh sa chás lena mbaineann ach amháin má shonraíonn údarás inniúil an Bhallstáit gurb amhlaidh atá cúnamh á iarraidh.

3.Déanfaidh na Comhaltaí Náisiúnta aon fhaisnéis is gá a mhalartú chun cúraimí Eurojust a chomhlíonadh, ina measc féin agus lena n-údaráis inniúla náisiúnta, gan údarú roimh ré. Go háirithe, cuirfidh na húdaráis inniúla náisiúnta a gComhaltaí Náisiúnta ar an eolas go pras maidir le cás a bhaineann leo.

4.Cuirfidh na húdaráis inniúla náisiúnta a gComhaltaí Náisiúnta ar an eolas maidir le bunú foirne comhpháirteacha um imscrúdú agus maidir le torthaí obair na bhfoirne sin.

5.Cuirfidh na húdaráis inniúla náisiúnta a gComhaltaí Náisiúnta ar an eolas gan moill mhíchuí maidir le haon chás a dhéanann difear do thrí Bhallstát ar a laghad ar tarchuireadh iarrataí ar chomhar breithiúnach, nó cinntí maidir leo, lena n-áirítear iarrataí agus cinntí atá bunaithe ar ionstraimí a thugann éifeacht do phrionsabal an aitheantais fhrithpháirtigh, chuig dhá Bhallstát ar a laghad ina leith, i gcás ina mbeidh feidhm ag ceann amháin nó níos mó díobh seo a leanas:

(a)tá an cion lena mbaineann inphionóis sa Bhallstát iarrthach nó sa Bhallstát eisiúna le pianbhreith choimeádta nó le hordú coinneála go ceann uastréimhse 5 nó 6 bliana ar a laghad, a bheidh le cinneadh ag an mBallstát lena mbaineann, agus a n-áirítear é ar an liosta seo a leanas:

i.gáinneáil ar dhaoine;

ii.mí-úsáid ghnéasach nó teacht i dtír gnéasach, lena n-áirítear pornagrafaíocht leanaí agus sirtheoireacht leanaí chun críoch gnéasach;

iii.gáinneáil ar dhrugaí;

iv.gáinneáil aindleathach arm tine, a bpáirteanna nó a gcomhpháirteanna nó armlón nó pléascán;

v.éilliú;

vi.coireacht in aghaidh leasanna airgeadais an Aontais;

vii.brionnú airgid nó modhanna íocaíochta;

viii.gníomhaíochtaí sciúrtha airgid;

ix.coireacht ríomhaire;

(b)is ann do tháscairí fíorasacha go bhfuil eagraíocht choiriúil rannpháirteach;

(c)is ann do tháscairí go bhféadfadh gné thromchúiseach thrasteorann nó iarmhairtí ar leibhéal an Aontais a bheith ag an gcás nó go bhféadfadh sé difear a dhéanamh do Bhallstáit eile seachas na Ballstáit a bhfuil baint dhíreach acu leis.

6.Cuirfidh na húdaráis inniúla náisiúnta a gComhaltaí Náisiúnta ar an eolas maidir leis na nithe seo a leanas:

(a)cásanna inar tháinig easaontachtaí dlínse chun cinn nó inar dócha go dtiocfaidh siad chun cinn;

(b)seachadtaí rialaithe a dhéanann difear do thrí thír ar a laghad, ar Ballstáit iad péire acu ar a laghad;

(c)deacrachtaí nó diúltuithe leanúnacha maidir le hiarrataí ar chomhar breithiúnach, agus cinntí maidir leis, a fhorghníomhú, lena n-áirítear iarrataí agus cinntí atá bunaithe ar ionstraimí a thugann éifeacht do phrionsabal an aitheantais fhrithpháirtigh.

7.Ní bheidh sé d’oibleagáid ar na húdaráis inniúla náisiúnta faisnéis a sholáthar i gcás sonrach ina ndéanfaí dochar do leasanna bunúsacha slándála náisiúnta nó ina gcuirfí sábháilteacht daoine aonair i mbaol dá ndéanfaí amhlaidh.

8.Ní dhéanfaidh an tAirteagal seo difear do na coinníollacha arna leagan amach i gcomhaontuithe déthaobhacha nó iltaobhacha nó i socruithe idir na Ballstáit agus tríú tíortha, lena n-áirítear aon choinníoll arna leagan amach ag tríú tíortha maidir le húsáid na faisnéise tar éis í a sholáthar.

9.Ní dhéanfaidh an tAirteagal seo difear d’oibleagáidí eile maidir le faisnéis a tharchur chuig Eurojust.

10.Ní bheidh sé d’oibleagáid ar na húdaráis inniúla náisiúnta faisnéis dá dtagraítear san Airteagal seo a sholáthar i gcás inar tarchuireadh an fhaisnéis sin chuig Eurojust cheana féin i gcomhréir le forálacha eile den Rialachán seo.

Airteagal 37

Malartuithe faisnéise maidir le cásanna sceimhlitheoireachta

1.A mhéid a bhaineann le cionta sceimhlitheoireachta, cuirfidh na húdaráis inniúla náisiúnta Comhalta Náisiúnta a mBallstáit ar an eolas faoi aon imscrúdú coiriúil atá ar siúl nó atá tugtha i gcrích arna mhaoirsiú ag údaráis bhreithiúnacha a luaithe a tharchuirfear an cás chuig na húdarás bhreithiúnacha i gcomhréir leis an dlí náisiúnta, go háirithe an dlí nós imeachta coiriúil náisiúnta, agus faoi aon ionchúiseamh nó imeacht atá ar siúl nó atá tugtha i gcrích, agus faoin aon chinneadh cúirte i ndáil le cionta sceimhlitheoireachta. Beidh feidhm ag an oibleagáid sin maidir le gach imscrúdú coiriúil a bhaineann le cionta sceimhlitheoireachta, cé acu is ann nó nach ann do nasc aitheanta le Ballstát eile nó le tríú tír, ach amháin más soiléir nach ndéanann an t-imscrúdú coiriúil, mar gheall ar a chúinsí sonracha, difear ach d’aon Bhallstát amháin.

2.Ní bheidh feidhm ag mír 1 sna cásanna seo a leanas:

(a)chuirfí imscrúdú atá ar siúl nó sábháilteacht duine aonair i mbaol mar thoradh ar an gcomhroinnt faisnéise; nó

(b)bheadh an chomhroinnt faisnéise contrártha le leasanna slándála bunúsacha an Bhallstáit lena mbaineann.

3.Chun críocha an Airteagail seo, is cionta sceimhlitheoireachta iad na cionta dá dtagraítear i dTreoir (AE) 2017/541 ó Pharlaimint na hEorpa agus ón gComhairle 51 .

4.An fhaisnéis a tharchuirtear i gcomhréir le mír 1, áireofar inti na sonraí pearsanta oibríochtúla agus na sonraí neamhphearsanta a leagtar amach in Iarscríbhinn III. Féadfar a áireamh ar fhaisnéis den sórt sin sonraí pearsanta i gcomhréir le hIarscríbhinn III, mír 4, ach ar choinníoll go bhfuil sonraí pearsanta den sórt sin i seilbh na n-údarás inniúil náisiúnta nó gur féidir iad a chur in iúl do na húdaráis inniúla náisiúnta i gcomhréir leis an dlí náisiúnta agus gur gá sonraí den sórt sin a tharchur chun ábhar sonraí a shainaithint go hiontaofa faoi Airteagal 44(5), agus ar an gcoinníoll sin amháin.

5.I gcás ina bhfuil an staid dá dtagraítear i mír 2 i gceist, cuirfidh na húdaráis inniúla náisiúnta a gComhaltaí Náisiúnta ar an eolas maidir le haon athrú ar an bhfaisnéis arna tarchur faoi mhír 1 gan moill mhíchuí agus, i gcás inar féidir, tráth nach déanaí ná 10 lá oibre tar éis athruithe den sórt sin.

6.Ní bheidh sé d’oibleagáid ar an údarás inniúil náisiúnta an fhaisnéis sin a sholáthar i gcás inar tarchuireadh í chuig Eurojust cheana féin.

7.Féadfaidh an t-údarás inniúil náisiúnta tacaíocht Eurojust a iarraidh ag aon chéim sa ghníomhaíocht leantach maidir le naisc arna sainaithint ar bhonn na faisnéise arna soláthar faoin Airteagal seo.

Airteagal 38

Faisnéis arna soláthar ag Eurojust do na húdaráis inniúla náisiúnta

1.Soláthróidh Eurojust faisnéis do na húdaráis inniúla náisiúnta maidir leis na torthaí ar phróiseáil na faisnéise, lena n-áirítear naisc a bheith ann le cásanna atá stóráilte cheana féin sa chóras bainistithe cásanna, gan moill mhíchuí. Féadfar sonraí pearsanta a bheith san áireamh san fhaisnéis sin.

2.I gcás ina n-iarrfaidh údarás inniúil náisiúnta ar Eurojust faisnéis a sholáthar dó laistigh de thréimhse ama áirithe, déanfaidh Eurojust an fhaisnéis sin a tharchur laistigh den tréimhse ama sin.

Airteagal 39

Malartuithe faisnéise oibríochtúla idir baill foirne údaraithe Eurojust agus na Ballstáit

1.Ach amháin i gcás ina bhforáiltear a mhalairt sa Rialachán seo, is trí na Comhaltaí Náisiúnta a dhéanfar malartuithe faisnéise oibríochtúla idir Eurojust agus údaráis inniúla na mBallstát, i gcomhréir leis na rialacha maidir le bainistiú faisnéise sa chóras bainistithe cásanna a leagtar amach in Airteagal 42.

2.I gcás ina ndéantar malartuithe faisnéise oibríochtúla idir Eurojust agus údaráis inniúla na mBallstát trí na Comhaltaí Náisiúnta i gcomhréir le mír 1, féadfaidh Comhalta Náisiúnta, ar bhonn cás ar chás, aon chomhalta amháin nó níos mó de bhaill foirne údaraithe Eurojust a údarú, faoina mhaoirseacht agus faoina fhreagracht, faisnéis oibríochtúil a mhalartú go díreach le húdaráis inniúla a Bhallstáit i gcás ina bhfuil gá leis sin chun cúraimí Eurojust faoin Rialachán seo a chomhlíonadh.

3.I gcás ina ngníomhaíonn baill foirne údaraithe Eurojust de bhun mhír 2, déanfar na malartuithe sin tríd an gcóras TF díláraithe dá dtagraítear in Airteagal 40, mura bhfuil feidhm ag mír 2 d’Airteagal 40. Beidh an Comhalta Náisiúnta lena mbaineann freagrach i gcónaí as inneachar na faisnéise arna malartú agus as a próiseáil bhreise sa chóras bainistithe cásanna i gcomhréir le hAirteagal 42(1).

Airteagal 40

Cumarsáid dhigiteach shlán agus malartú sonraí slán idir údaráis inniúla náisiúnta agus Eurojust

1.Déanfar an chumarsáid idir na húdaráis inniúla náisiúnta agus Eurojust faoin Rialachán seo trí líonra córas TF agus pointí rochtana idir-inoibritheacha e-CODEX, arna n-oibriú faoi fhreagracht agus faoi bhainistiú aonair gach Ballstáit agus Eurojust, lena gcumasaítear malartú trasteorann faisnéise ar bhealach slán iontaofa (‘an córas TF díláraithe’). An córas bainistithe cásanna dá dtagraítear in Airteagal 41, déanfar é a nascadh leis an gcóras TF díláraithe.

2.I gcás nach féadfar faisnéis a mhalartú i gcomhréir le mír 1, mar shampla, toisc nach bhfuil an córas TF díláraithe ar fáil nó mar gheall ar chineál an ábhair arna tharchuir, teorainneacha teicniúla, amhail méid na sonraí, bacainní dlí a bhaineann le hinghlacthacht na sonraí arna n-iarraidh mar fhianaise nó le ceanglais fhóiréinseacha is infheidhme maidir leis na sonraí arna n-iarraidh, nó imthosca eisceachtúla, déanfar an tarchur ar na modhanna malartacha is iomchuí, agus cuirfear san áireamh an gá le malartú faisnéise a áirithiú atá tapa, slán agus iontaofa, agus lena gcuirfear ar a chumas don fhaighteoir an bharántúlacht a shuí.

3.Déanfaidh na húdaráis inniúla náisiúnta an fhaisnéis dá dtagraítear in Airteagail 36 agus 37 den Rialachán seo a tharchur chuig Eurojust ó chláir náisiúnta ar bhealach leath-uathoibrithe struchtúrtha i gcomhréir le Rialachán Cur Chun Feidhme (AE) 2025/2447 ón gCoimisiún 52 .

4.Beidh an Coimisiún freagrach as bogearraí cur chun feidhme tagartha a chruthú, a chothabháil agus a fhorbairt, bogearraí a bhféadfaidh na Ballstáit agus Eurojust a roghnú iad a chur i bhfeidhm mar chóras cúil acu. Beidh na bogearraí cur chun feidhme tagartha sin bunaithe ar struchtúr modúlach, rud a chiallaíonn go ndéantar na bogearraí a phacáistiú agus a sheachadadh ar leithligh ó na comhpháirteanna e-CODEX is gá chun iad a nascadh leis an gcóras TF díláraithe. Leis an struchtúr sin, cuirfear ar a gcumas do na Ballstáit na bonneagair cumarsáide breithiúnaí náisiúnta atá acu cheana féin a athúsáid nó a fheabhsú chun críche úsáide trasteorann agus chun cur ar a chumas do Eurojust a chóras bainistithe cásanna a nascadh leis an gcóras TF díláraithe.

5.Déanfaidh an Coimisiún na bogearraí cur chun feidhme tagartha a sholáthar agus a chothabháil saor in aisce agus tacóidh sé leo saor in aisce freisin. Is as buiséad ginearálta an Aontais a mhaoineofar cruthú, cothabháil agus forbairt na mbogearraí cur chun feidhme tagartha.

6.Seasfaidh na Ballstáit agus Eurojust a gcostais féin as pointe rochtana údaraithe e-CODEX a bhunú agus a oibriú mar a shainmhínítear in Airteagal 3, pointe 3 de Rialachán (AE) 2022/850, agus as a gcórais TF ábhartha a bhunú agus a choigeartú chun iad a dhéanamh idir-inoibritheach leis an bpointe rochtana.

7.I gcás ina mbunaíonn nó ina bhfaigheann Eurojust seirbhísí néalríomhaireachta chun críocha an Rialacháin seo, áiritheoidh sé go gcomhlíonann na seirbhísí sin an dlí is infheidhme den Aontas, lena n-áirítear ceanglais maidir le creat néalcheannasachta an Aontais, slándáil sonraí, cosaint sonraí, cibearshlándáil agus ceannasacht dhigiteach, rud a áirithíonn óstáil agus próiseáil shlán sonraí arna malartú faoin Rialachán seo, le rialú docht ar shonraí agus catagóiriú docht sonraí.

Airteagal 41

Córas bainistithe cásanna

1.Bunóidh Eurojust córas bainistithe cásanna chun sonraí pearsanta oibríochtúla a liostaítear in Iarscríbhinn II, sonraí a liostaítear in Iarscríbhinn III agus sonraí neamhphearsanta a phróiseáil.

2.Beidh na cuspóirí seo a leanas ag an gcóras bainistithe cásanna:

(a)tacú le bainistiú agus comhordú ar imscrúduithe agus ar ionchúisimh a bhfuil cúnamh á thabhairt ag Eurojust ina leith;

(b)tacú le Eurojust i bhfeidhmiú a fheidhmeanna féintionscnaimh de bhun Airteagal 28;

(c)rochtain shlán ar fhaisnéis maidir le himscrúduithe agus ionchúisimh atá ar siúl agus malartú slán na faisnéise sin a áirithiú;

(d)an malartú slán faisnéise agus fianaise le húdaráis inniúla náisiúnta na mBallstát, comhlachtaí, oifigí agus gníomhaireachtaí an Aontais, údaráis inniúla tríú tíortha, orgáin inniúla eagraíochtaí idirnáisiúnta agus páirtithe príobháideacha a éascú, lena n-áirítear é sin a dhéanamh trí na bealaí cumarsáide dá dtagraítear i mír 3 agus faoi réir na srianta a leagtar amach in Airteagal 42(3);

(e)an anailís agus an chros-sheiceáil chórasach ar fhaisnéis agus ar fhianaise a chumasú chun naisc idir imscrúduithe agus ionchúisimh thrasteorann a shainaithint, chun tacú le cur le chéile cásanna ag údaráis inniúla náisiúnta;

(f)fianaise a chaomhnú, a anailísiú agus a stóráil i gcomhréir le hAirteagal 29;

(g)an asbhaint sonraí chun críoch oibríochtúil, anailíseach agus staidrimh a chumasú;

(h)faireachán a éascú chun a áirithiú gur dleathach atá an phróiseáil sonraí pearsanta oibríochtúla laistigh den chóras agus go gcomhlíonann an phróiseáil sin an Rialachán seo agus na rialacha is infheidhme maidir le cosaint sonraí.

3.Nascfar an córas bainistithe cásanna leis an gcóras TF díláraithe dá dtagraítear in Airteagal 40. Féadfar é a nascadh freisin leis an nasc slán teileachumarsáide dá dtagraítear in Airteagal 9 de Chinneadh 2008/976/CGB ón gComhairle agus le bealaí cumarsáide slána eile i gcomhréir leis an dlí is infheidhme den Aontas.

4.I gcás inar tugadh rochtain do Eurojust ar shonraí i gcórais faisnéise eile de chuid an Aontais arna mbunú faoi ghníomhartha dlí eile de chuid an Aontais nó ar shonraí ó chórais den sórt sin, féadfaidh sé úsáid a bhaint as an gcóras bainistithe cásanna chun rochtain a fháil ar shonraí i gcórais faisnéise den sórt sin nó chun nascadh leo chun faisnéis, lena n-áirítear sonraí pearsanta, a aisghabháil agus a phróiseáil, ar choinníoll go bhfuil sé riachtanach chun a chuid cúraimí a chomhlíonadh agus go bhfuil sé i gcomhréir le gníomhartha dlí an Aontais lena mbunaítear córais faisnéise den sórt sin.

5.Ní leathnaítear le míreanna 3 agus 4 na cearta rochtana a thugtar do Eurojust ar chórais faisnéise eile de chuid an Aontais faoi ghníomhartha dlí an Aontais lena mbunaítear na córais sin.

6.Chun sonraí pearsanta oibríochtúla a phróiseáil, ní dhéanfaidh Eurojust aon uathphróiseáil lasmuigh de thimpeallacht chomhtháite próiseála sonraí an chórais bainistithe cásanna, ach amháin sna cásanna dá bhforáiltear go sainráite faoin Rialachán seo. Féadfaidh Comhaltaí Náisiúnta sonraí pearsanta a stóráil agus a anailísiú ar bhonn sealadach chun a chinneadh cibé acu atá nó nach bhfuil sonraí den sórt sin ábhartha do chúraimí Eurojust agus cibé acu ba cheart nó nár cheart cás a thionscnamh sa chóras bainistithe cásanna, agus chuige sin amháin. Féadfar na sonraí sin a choinneáil ar feadh tréimhse nach faide ná 6 mhí i dtimpeallacht shlán agus rialaithe arna soláthar ag Eurojust chun na críche sin, faoi réir coimircí iomchuí atá coibhéiseach go substaintiúil leo siúd a sainaithníodh le haghaidh an chórais bainistithe cásanna. I gcás, ar bhonn eisceachtúil, nárbh fhéidir leis an gComhalta Náisiúnta an cinneadh sin a dhéanamh laistigh den tréimhse sin, féadfar síneadh a chur leis an tréimhse aon uair amháin le haghaidh tréimhse bhreise nach faide ná 6 mhí.

7.I gcás ina n-údaraítear do Eurojust sonraí pearsanta oibríochtúla nó neamhoibríochtúla a phróiseáil, ach nach ngníomhaíonn sé mar rialaitheoir na sonraí sin, áiritheoidh sé próiseáil slán na sonraí sin. De mhaolú ar mhír 6, féadfaidh Eurojust, i gcás inar gá, córas ar leith a bhunú le haghaidh phróiseáil na sonraí sin. Ní úsáidfear na sonraí sin le haghaidh aon chúram ná aon chuspóir eile de Eurojust, lena n-áirítear cros-seiceáil.

8.Agus a gcuid cúraimí á gcomhlíonadh acu, féadfaidh na Comhaltaí Náisiúnta sonraí pearsanta a phróiseáil faoi na cásanna aonair ar a bhfuil siad ag obair, i gcomhréir leis an Rialachán seo nó le haon ionstraim eile is infheidhme. Ceadóidh siad don Oifigeach Cosanta Sonraí rochtain a bheith aige ar na sonraí pearsanta a phróiseáiltear sa chóras bainistithe cásanna.

Airteagal 42

Bainistiú na faisnéise sa chóras bainistithe cásanna

1.Déanfaidh an Comhalta Náisiúnta, nó aon chomhalta eile den Deasc Náisiúnta ag gníomhú faoina údarás, an fhaisnéis arna bailiú ag an gComhalta Náisiúnta sin nó arna tarchur chuige i gcomhréir leis an Rialachán seo nó le hionstraim eile is infheidhme a stóráil sa chóras bainistithe cásanna. Beidh an Comhalta Náisiúnta freagrach as na sonraí arna bpróiseáil ag an gComhalta Náisiúnta sin a bhainistiú.

2.Cinnfidh an Comhalta Náisiúnta, ar bhonn cás ar chás, cibé acu srian a choinneáil ar an rochtain ar an bhfaisnéis nó rochtain ar an bhfaisnéis, nó ar chodanna di, a thabhairt d’aon cheann amháin nó níos mó díobh seo a leanas:

(a)Comhaltaí Náisiúnta eile;

(b)ionchúisitheoirí idirchaidrimh a phostáiltear chuig Eurojust de bhun Airteagal 63;

(c)oifigeach idirchaidrimh OIPE a thugtar ar iasacht do Eurojust de bhun Airteagal 58;

(d)na pointí teagmhála a phostáiltear chuig Eurojust de bhun Airteagal 63;

(e)baill foirne údaraithe Eurojust de bhun mhír 5 den Airteagal seo; nó

(f)aon duine eile a oibríonn thar ceann Eurojust a fuair an t-údarú is gá ón Stiúrthóir Riaracháin de bhun Airteagal 71(5).

3.I gcás inar sainaithníodh nasc dá dtagraítear in Airteagal 41(2), pointe (e), sonróidh an Comhalta Náisiúnta, i gcomhairle leis na húdaráis inniúla náisiúnta a sholáthair an fhaisnéis ábhartha, i dtéarmaí ginearálta nó sonracha, aon srian ar láimhseáil, rochtain agus aistriú na faisnéise sin. Beidh na srianta sin ceangailteach ar gach duine dá dtugtar rochtain ar an bhfaisnéis de bhun mhír 2 den Airteagal seo agus taifeadfar iad sa chóras bainistithe cásanna.

4.Féadfaidh baill foirne údaraithe Eurojust faisnéis a stóráil sa chóras bainistithe cásanna faoi mhaoirseacht Comhalta Náisiúnta nó an Choláiste, i gcomhréir leis an Rialachán seo.

5.Tabharfar rochtain ar an gcóras bainistithe cásanna do bhaill foirne údaraithe Eurojust a mhéid atá fíor-riachtanach chun na cúraimí sonracha a shanntar dóibh faoin Rialachán seo a chomhlíonadh, agus chun na gcríoch seo a leanas go háirithe:

(a)coinneáil agus bainistiú eolais oibríochtúil de bhun Airteagal 31;

(b)comhlíonadh cúraimí a bhaineann le cásanna féintionscnaimh de bhun Airteagal 28;

(c)an phróiseáil iarrataí faoin gcóras uathoibrithe amas/gan amas de bhun Airteagal 55, faoi réir na srianta láimhseála a shonraítear de bhun mhír 3 den Airteagal seo.

6.Is é an Coláiste a leagfaidh síos mionsonraí ar chur chun feidhme praiticiúil mhír 5.

CAIBIDIL IV

PRÓISEÁIL FAISNÉISE

Airteagal 43

Sonraí pearsanta arna bpróiseáil ag Eurojust

1.Maidir leis na tagairtí do ‘rialacha is infheidhme maidir le cosaint sonraí’ sa Rialachán seo, tuigfear gur tagairtí iad do na forálacha maidir le cosaint sonraí a leagtar amach sa Rialachán seo agus i Rialachán (AE) 2018/1725.

2.Déanfaidh Eurojust na teorainneacha ama maidir le stóráil sonraí pearsanta riaracháin a chinneadh sna forálacha maidir le cosaint sonraí ina rialacha nós imeachta.

Airteagal 44

Próiseáil sonraí pearsanta oibríochtúla

1.I gcás inar gá chun a chúraimí a fheidhmiú, ní fhéadfaidh Eurojust ach na sonraí pearsanta oibríochtúla atá liostaithe i bpointe 1 d’Iarscríbhinn II a phróiseáil ar mhodhanna uathoibrithe nó i gcomhaid struchtúrtha de láimh i gcomhréir leis an Rialachán seo, faoi chuimsiú a inniúlachta agus d’fhonn a fheidhmeanna oibríochtúla a dhéanamh, maidir le daoine a bhfuil foras tromchúiseach ann lena chreidiúint, faoi dhlí náisiúnta na mBallstát lena mbaineann, go bhfuil cion coiriúil déanta acu nó go bhfuil siad ar tí cion coiriúil a dhéanamh, ar cion é a bhfuil Eurojust inniúil ina leith, nó maidir le daoine a ciontaíodh as cion den sórt sin.

2.Ní fhéadfaidh Eurojust na sonraí pearsanta oibríochtúla atá liostaithe i bpointe 2 d’Iarscríbhinn II a phróiseáil ach maidir le daoine a mheastar a bheith ina bhfinnéithe nó ina n-íospartach nó ina bpáirtithe eile i gcion coiriúil, amhail daoine a bhféadfadh sé go n-iarrfaí orthu fianaise a thabhairt in imscrúdú nó in ionchúiseamh coiriúil i ndáil le ceann amháin nó níos mó de na cineálacha coireachta agus na cionta coiriúla dá dtagraítear in Airteagal 6, daoine atá in ann faisnéis a chur ar fáil faoi chionta coiriúla, nó teagmhálacha nó comhpháirtithe duine dá dtagraítear i mír 1 den Airteagal seo. Ní fhéadfar próiseáil ar shonraí pearsanta oibríochtúla den sórt sin a dhéanamh ach amháin má tá gá leis chun cúraimí Eurojust a chomhlíonadh, faoi chuimsiú a inniúlachta agus d’fhonn a fheidhmeanna oibríochtúla a dhéanamh.

3.I gcásanna eisceachtúla, féadfaidh Eurojust, ar feadh tréimhse theoranta nach mbeidh níos faide ná an méid ama is gá chun an cás lena mbaineann na sonraí arna bpróiseáil a thabhairt i gcrích, próiseáil a dhéanamh freisin ar shonraí pearsanta oibríochtúla seachas na sonraí pearsanta dá dtagraítear in Iarscríbhinn II a bhaineann le cúinsí ciona, i gcás ina bhfuil dlúthbhaint ag na sonraí sin le himscrúduithe atá ar siúl nó a n-áirítear sna himscrúduithe sin iad, arb imscrúduithe iad atá á gcomhordú ag Eurojust nó a bhfuil Eurojust ag cabhrú lena gcomhordú, agus i gcás inar gá a bpróiseáil chun na gcríoch a shonraítear i mír 1. Cuirfear an tOifigeach Cosanta Sonraí dá dtagraítear in Airteagal 50 ar an eolas láithreach i gcás ina ndéantar sonraí pearsanta oibríochtúla den sórt sin a phróiseáil, agus cuirfear ar an eolas é maidir leis na cúinsí sonracha lena dtugtar údar leis an ngá atá le próiseáil na sonraí pearsanta oibríochtúla sin. I gcás ina dtagraítear d’fhinnéithe nó d’íospartaigh de réir bhrí mhír 2 i sonraí eile den sórt sin, is iad na Comhaltaí Náisiúnta lena mbaineann a dhéanfaidh an cinneadh go comhpháirteach chun iad a phróiseáil.

4.I gcás ina dtagraítear d’fhinnéithe nó d’íospartaigh de réir bhrí mhír 2 den Airteagal seo i gcatagóirí speisialta sonraí pearsanta oibríochtúla, is iad na Comhaltaí Náisiúnta lena mbaineann a dhéanfaidh an cinneadh iad a phróiseáil.

5.I gcás ina ndéantar sonraí pearsanta oibríochtúla a tharchur i gcomhréir le hAirteagal 37, féadfaidh Eurojust próiseáil a dhéanamh ar na sonraí pearsanta oibríochtúla a liostaítear in Iarscríbhinn III a bhaineann leis na daoine seo a leanas:

(a)daoine a bhfuil foras tromchúiseach ann lena chreidiúint, i gcomhréir le dlí náisiúnta an Bhallstáit lena mbaineann, go bhfuil cion coiriúil déanta acu nó go bhfuil siad ar tí cion coiriúil a dhéanamh, ar cion é a bhfuil Eurojust inniúil ina leith;

(b)daoine a ciontaíodh i gcion den sórt sin.

6.Mura gcinnfidh an t-údarás inniúil náisiúnta a mhalairt, ar bhonn cás ar chás, féadfaidh Eurojust leanúint de phróiseáil a dhéanamh ar na sonraí pearsanta oibríochtúla dá dtagraítear i bpointe (a) de mhír 5 freisin tar éis thabhairt i gcrích na n-imeachtaí faoi dhlí náisiúnta an Bhallstáit lena mbaineann, fiú i gcás éigiontú nó cinneadh críochnaitheach gan ionchúiseamh a dhéanamh. I gcás nár eascair ciontú as na himeachtaí, ní dhéanfar próiseáil ar shonraí pearsanta oibríochtúla ach amháin chun naisc a shainaithint idir imscrúduithe agus ionchúisimh atá ar siúl, imscrúduithe agus ionchúisimh a bheidh ann amach anseo nó imscrúduithe agus ionchúisimh a tugadh i gcrích dá dtagraítear in Airteagal 41(2), pointe (c).

Airteagal 45

Teorainneacha ama maidir le sonraí pearsanta oibríochtúla a stóráil

1.Ní dhéanfaidh Eurojust sonraí pearsanta oibríochtúla arna bpróiseáil ag Eurojust a stóráil ach amháin le haghaidh na tréimhse ama a bheidh riachtanach chun na cúraimí a bheidh air a chomhlíonadh. Go háirithe, gan difear a dhéanamh do mhír 4 den Airteagal seo, ní fhéadfar na sonraí pearsanta oibríochtúla dá dtagraítear in Airteagal 44 a stóráil níos faide ná an chéad dáta is infheidhme i measc na ndátaí seo a leanas:

(a)an dáta a bheidh urchosc ar an ionchúiseamh faoi reacht na dtréimhsí i ngach ceann de na Ballstáit lena mbaineann an t-imscrúdú agus na hionchúisimh;

(b)an dáta a chuirfear in iúl do Eurojust gur éigiontaíodh an duine agus gur tháinig an cinneadh breithiúnach chun bheith ina chinneadh críochnaitheach, agus sa chás sin cuirfidh an Ballstát lena mbaineann Eurojust ar an eolas gan mhoill;

(c)3 bliana tar éis an dáta a tháinig an cinneadh breithiúnach sa Bhallstát deireanach lena mbaineann an t-imscrúdú nó an t-ionchúiseamh chun bheith ina chinneadh críochnaitheach;

(d)an dáta a shuigh nó a chomhaontaigh Eurojust agus na Ballstáit lena mbaineann go frithpháirteach nach raibh gá ann a thuilleadh go ndéanfadh Eurojust comhordú ar an imscrúdú agus ar na hionchúisimh, ach amháin má tá oibleagáid ann an fhaisnéis sin a sholáthar do Eurojust i gcomhréir le hAirteagal 36(5) nó (6);

(e)3 bliana tar éis an dáta a tarchuireadh sonraí pearsanta oibríochtúla i gcomhréir le hAirteagal 36(5) nó (6), mura mbaineann na sonraí sin le cás a bhfuil imeachtaí coiriúla ar feitheamh i gcónaí ina leith, lena n-áirítear aon imeacht achomhairc, tráth dhul in éag na tréimhse sin, agus sa chás sin féadfar na sonraí a choinneáil go dtí go dtabharfar breithiúnas críochnaitheach.

2.Ní dhéanfaidh Eurojust na sonraí pearsanta oibríochtúla a tharchuirtear i gcomhréir le hAirteagal 38 a stóráil tar éis an chéad cheann de na dátaí seo a leanas:

(a)an dáta a bheidh urchosc ar an ionchúiseamh faoi reacht na dtréimhsí i ngach ceann de na Ballstáit lena mbaineann an t-imscrúdú nó an t-ionchúiseamh;

(b)5 bliana tar éis an dáta a tháinig an cinneadh breithiúnach sa Bhallstát deireanach lena mbaineann an t-imscrúdú nó an t-ionchúiseamh chun bheith ina chinneadh críochnaitheach; nó 2 bhliain i gcás éigiontú nó cinneadh críochnaitheach gan ionchúiseamh a dhéanamh;

(c)an dáta a chuirtear Eurojust ar an eolas faoin gcinneadh ón údarás inniúil náisiúnta de bhun Airteagal 46(5).

3.Déanfar athbhreithniú leanúnach ar chomhlíonadh na sprioc-amanna stórála dá dtagraítear i míreanna 1 agus 2 le huathphróiseáil iomchuí arna déanamh ag Eurojust, go háirithe ón tráth a scoirfidh Eurojust de thacaíocht a sholáthar. Déanfar athbhreithniú freisin ar an ngá atá leis na sonraí a stóráil gach 3 bliana tar éis iad a iontráil. Má stóráiltear na sonraí pearsanta oibríochtúla dá dtagraítear in Airteagal 44(4) ar feadh tréimhse is mó ná 5 bliana, cuirfear MECS ar an eolas faoi sin.

4.Roimh dhul in éag aon cheann amháin de na sprioc-amanna stórála dá dtagraítear i míreanna 1 agus 2, déanfaidh Eurojust athbhreithniú ar an ngá atá le stóráil leanúnach na sonraí pearsanta oibríochtúla i gcás inar gá é sin agus fad a bheidh gá leis chun a chuid cúraimí a chomhlíonadh. Féadfaidh sé cinneadh a dhéanamh ar bhonn maolú na sonraí sin a stóráil go dtí an chéad athbhreithniú eile ina dhiaidh sin. Tabharfar údar leis na cúiseanna leis an stóráil leanúnach agus déanfar na cúiseanna sin a thaifeadadh. Mura ndéantar aon chinneadh faoi stóráil leanúnach sonraí pearsanta oibríochtúla tráth an athbhreithnithe, scriosfar na sonraí sin go huathoibríoch.

5.I gcás ina ndearnadh sonraí pearsanta oibríochtúla a stóráil, i gcomhréir le mír 3, tar éis na sprioc-amanna stórála dá dtagraítear i mír 1, déanfaidh MECS athbhreithniú ar an ngá atá le stóráil na sonraí sin gach 3 bliana freisin.

6.A luaithe a bheidh an sprioc-am maidir le stóráil na míre deiridh de na sonraí uathoibrithe ón gcomhad imithe in éag, scriosfar gach doiciméad sa chomhad cé is moite d’aon doiciméad bunaidh a fuair Eurojust ó údaráis inniúla náisiúnta agus ar gá é a thabhairt ar ais dá sholáthraí.

7.I gcás ina ndearna Eurojust imscrúdú nó ionchúisimh a chomhordú, déanfaidh na Comhaltaí Náisiúnta lena mbaineann na Comhaltaí Náisiúnta eile a chur ar an eolas aon uair a gheobhaidh siad faisnéis go ndearnadh an cás a dhíbhe, nó gur tháinig gach cinneadh breithiúnach a bhaineann leis an gcás chun bheith ina gcinntí críochnaitheacha.

8.Ní bheidh feidhm ag mír 6 sna cásanna seo a leanas:

(a)dhéanfadh sé sin dochar do leasanna ábhair sonraí a bhfuil cosaint de dhíth air; sna cásanna sin, ní úsáidfear na sonraí pearsanta oibríochtúla ach amháin le toiliú sainráite agus i scríbhinn ón ábhar sonraí;

(b)cuireann an t-ábhar sonraí in aghaidh chruinneas na sonraí pearsanta oibríochtúla; sna cásanna sin, ní bheidh feidhm ag mír 5 ar feadh tréimhse a chuireann ar a gcumas do na Ballstáit nó do Eurojust, de réir mar is iomchuí, cruinneas na sonraí sin a fhíorú;

(c)ní mór na sonraí pearsanta oibríochtúla a choimeád chun críoch cruthúnais nó chun éilimh dhlíthiúla a bhunú, a fheidhmiú nó a chosaint;

(d)cuireann an t-ábhar sonraí in aghaidh scriosadh na sonraí pearsanta oibríochtúla agus iarrann sé, ina ionad sin, srian a chur lena n-úsáid; nó

(e)tá gá leis na sonraí pearsanta oibríochtúla go fóill chun críoch cartlannaithe ar mhaithe le leas an phobail nó chun críoch staidrimh. Déanfaidh Eurojust agus na Ballstáit sásraí a shainiú lena áirithiú go dtabharfar aghaidh ar na riachtanais slándála dá dtagraítear in Airteagal 91 de Rialachán (AE) 2018/1725 thar theorainneacha córas faisnéise.

Airteagal 46

Slándáil sonraí pearsanta oibríochtúla

Déanfaidh Eurojust agus na Ballstáit sásraí a shainiú lena áirithiú go dtabharfar aghaidh ar na riachtanais slándála dá dtagraítear in Airteagal 91 de Rialachán (AE) 2018/1725 thar theorainneacha córas faisnéise.

Airteagal 47

Ceart rochtana ag an ábhar sonraí

1.Aon ábhar sonraí ar mian leis an ceart rochtana dá dtagraítear in Airteagal 80 de Rialachán (AE) 2018/1725 ar shonraí pearsanta oibríochtúla a bhaineann leis an ábhar sonraí agus a ndearna Eurojust próiseáil orthu a fheidhmiú, féadfaidh an t-ábhar sonraí sin iarraidh chuige sin a dhéanamh ar Eurojust nó ar an údarás maoirseachta náisiúnta ina rogha Ballstát. Déanfaidh an t-údarás sin an iarraidh sin a chur ar aghaidh chuig Eurojust gan mhoill, agus in aon chás laistigh de 1 mhí tar éis dó an iarraidh a fháil.

2.Tabharfaidh Eurojust freagra gan moill mhíchuí ar an iarraidh agus in aon chás laistigh de 3 mhí tar éis do Eurojust í a fháil.

3.Rachadh Eurojust i gcomhairle le húdaráis inniúla na mBallstát lena mbaineann maidir leis an gcinneadh atá le déanamh mar fhreagra ar iarraidh. An cinneadh maidir le rochtain ar shonraí, ní ghlacfaidh Eurojust an cinneadh sin ach amháin i ndlúthchomhar leis na Ballstáit a bhfuil baint dhíreach acu le cur in iúl na sonraí sin. I gcás ina gcuireann Ballstát i gcoinne chinneadh beartaithe Eurojust, tabharfaidh sé fógra do Eurojust faoi na cúiseanna lena agóid. Comhlíonfaidh Eurojust aon agóid den sórt sin. Ina dhiaidh sin, tabharfaidh na Comhaltaí Náisiúnta lena mbaineann fógra do na húdaráis inniúla faoina bhfuil i gcinneadh Eurojust.

4.Déileálfaidh na Comhaltaí Náisiúnta lena mbaineann leis an iarraidh agus tiocfaidh siad ar chinneadh thar ceann Eurojust. I gcás nach bhfuil na Comhaltaí Náisiúnta lena mbaineann ar aon intinn, cuirfidh siad an t-ábhar faoi bhráid an Choláiste, a dhéanfaidh a chinneadh ar an iarraidh trí thromlach dhá thrian.

Airteagal 48

Teorainneacha leis an gceart rochtana

Sna cásanna dá dtagraítear in Airteagal 81 de Rialachán (AE) 2018/1725, cuirfidh Eurojust an t-ábhar sonraí ar an eolas tar éis dul i gcomhairle le húdaráis inniúla na mBallstát lena mbaineann i gcomhréir le hAirteagal 47(3) den Rialachán seo.

Airteagal 49

An ceart srian a chur le próiseáil

Gan difear a dhéanamh do na heisceachtaí a leagtar amach in Airteagal 45(8) den Rialachán seo, i gcás ina bhfuil srian curtha leis an bpróiseáil ar shonraí pearsanta oibríochtúla faoi Airteagal 82(3) de Rialachán (AE) 2018/1725, ní dhéanfar próiseáil ar na sonraí pearsanta oibríochtúla sin ach amháin chun cosaint a thabhairt do chearta an ábhair sonraí nó duine nádúrtha nó dhlítheanaigh eile atá ina pháirtí sna imeachtaí a bhfuil Eurojust ina pháirtí iontu, nó chun na gcríoch arna leagan síos in Airteagal 82(3) de Rialachán (AE) 2018/1725.

Airteagal 50

An tOifigeach Cosanta Sonraí

1.Déanfaidh an Bord Bainistíochta Oifigeach Cosanta Sonraí a ainmniú. Beidh an tOifigeach Cosanta Sonraí ina chomhalta d’fhoireann Eurojust a cheapfar go sonrach chun na críche sin.

2.Ceapfar an tOifigeach Cosanta Sonraí le haghaidh téarma 4 bliana agus beidh sé incháilithe lena cheapadh arís.

3.Glacfaidh an Bord Bainistíochta rialacha cur chun feidhme a bhaineann leis an Oifigeach Cosanta Sonraí. Bainfidh na rialacha cur chun feidhme sin go háirithe leis an nós imeachta chun an tOifigeach Cosanta Sonraí a roghnú agus a dhífhostú, a chúraimí, a dhualgais agus a chumhachtaí, chomh maith le coimircí le haghaidh neamhspleáchas an Oifigigh Cosanta Sonraí.

4.I bhfeidhmiú a fheidhmeanna, má mheasann an tOifigeach Cosanta Sonraí nár comhlíonadh forálacha Rialachán (AE) 2018/1725 maidir le próiseáil sonraí pearsanta riaracháin nó maidir le próiseáil sonraí pearsanta oibríochtúla, cuirfidh sé an Bord Feidhmiúcháin ar an eolas faoi, agus iarrfaidh sé air an neamhchomhlíonadh a réiteach laistigh de thréimhse shonraithe. Mura réiteoidh an Bord Feidhmiúcháin an neamhchomhlíonadh laistigh den tréimhse shonraithe, cuirfidh an tOifigeach Cosanta Sonraí an t-ábhar faoi bhráid MECS.

Airteagal 51

Fógra maidir le sárú i ndáil le sonraí pearsanta a thabhairt do na húdaráis lena mbaineann

1.I gcás sárú i ndáil le sonraí pearsanta, déanfaidh Eurojust, gan moill mhíchuí agus gan difear a dhéanamh d’Airteagal 34 nó 92 de Rialachán (AE) 2018/1725, fógra a thabhairt maidir leis an sárú sin d’údaráis inniúla na mBallstát lena mbaineann.

2.Tabharfar tuairisc orthu seo a leanas ar a laghad san fhógra dá dtagraítear i mír 1:

(a)cineál an tsáraithe i ndáil le sonraí pearsanta, lena n-áirítear, i gcás inar féidir agus inarb iomchuí, na catagóirí agus líon na n-ábhar sonraí lena mbaineann agus catagóirí agus líon na dtaifead sonraí lena mbaineann;

(b)iarmhairtí dóchúla an tsáraithe i ndáil le sonraí pearsanta;

(c)na bearta atá beartaithe nó atá déanta ag Eurojust chun aghaidh a thabhairt ar an sárú i ndáil le sonraí pearsanta.

3.I gcás inarb iomchuí, san fhógra dá dtagraítear i mír 1, molfar bearta chun maolú a dhéanamh ar na héifeachtaí díobhálacha a d’fhéadfadh a bheith ag an sárú i ndáil le sonraí pearsanta.

Airteagal 52

Comhar idir MECS agus na húdaráis mhaoirseachta náisiúnta

1.Gníomhóidh MECS i ndlúthchomhar leis na húdaráis mhaoirseachta náisiúnta i ndáil le saincheisteanna sonracha a gceanglaítear rannpháirtíocht náisiúnta maidir leo, go háirithe má fhaigheann MECS nó údarás maoirseachta náisiúnta neamhréitigh mhóra idir cleachtais na mBallstát nó aistrithe a d’fhéadfadh a bheith neamhdhleathach ina mbaintear úsáid as bealaí cumarsáide Eurojust, nó i gcomhthéacs ceisteanna arna gcur ag údarás maoirseachta náisiúnta amháin nó níos mó maidir le cur chun feidhme agus léirmhíniú an Rialacháin seo.

2.Sna cásanna dá dtagraítear i mír 1, déanfar maoirseacht chomhordaithe a áirithiú i gcomhréir le hAirteagal 62 de Rialachán (AE) Uimh. 2018/1725.

3.Coimeádfaidh MECS údaráis mhaoirseachta náisiúnta ar an eolas go hiomlán faoi gach saincheist a bhfuil tionchar díreach aici orthu nó atá ábhartha dóibh ar bhealach eile. Arna iarraidh sin d’aon cheann amháin nó níos mó de na húdaráis mhaoirseachta náisiúnta, cuirfidh MECS iad ar an eolas faoi shaincheisteanna sonracha.

4.I gcásanna a bhaineann le sonraí de thionscnamh aon Bhallstáit amháin nó roinnt Ballstát, rachaidh MECS i gcomhairle leis na húdaráis mhaoirseachta náisiúnta lena mbaineann. Ní dhéanfaidh MECS cinneadh maidir le gníomhaíocht bhreise a bheidh le déanamh sula gcuirfidh na húdaráis mhaoirseachta náisiúnta sin a seasamh in iúl do MECS, laistigh de sprioc-am a shonróidh MECS. Ní bheidh an sprioc-am sin níos giorra ná 1 mhí ná níos faide ná 3 mhí. Tabharfaidh MECS lánaird ar sheasamh na n-údarás náisiúnta maoirseachta lena mbaineann. I gcásanna nach mbeidh sé ar intinn ag MECS a seasamh a leanúint, cuirfidh sé é sin in iúl dóibh, tabharfaidh sé údar leis sin, agus cuirfidh sé an t-ábhar faoi bhráid an Bhoird Eorpaigh um Chosaint Sonraí. I gcásanna a mheasfaidh MECS a bheith fíorphráinneach, féadfaidh sé a chinneadh beart a dhéanamh láithreach bonn. Sna cásanna sin, cuirfidh MECS na húdaráis mhaoirseachta náisiúnta lena mbaineann ar an eolas láithreach agus tabharfaidh sé an bunús a bhaineann le práinn na staide agus an bonn cirt atá leis an mbeart atá déanta aige.

5.Coinneoidh na húdaráis mhaoirseachta náisiúnta MECS ar an eolas faoi aon ghníomhaíocht a ghlacfaidh siad maidir le haistriú, le haisghabháil, nó le haon chur in iúl eile sonraí pearsanta oibríochtúla a dhéanfaidh na Ballstáit faoin Rialachán seo.

Airteagal 53

Freagracht maidir le hábhair cosanta sonraí

1.Déanfaidh Eurojust sonraí pearsanta oibríochtúla a phróiseáil ar bhealach lena mbeifear in ann an t-údarás a sholáthair na sonraí nó an áit ónar aisghabhadh na sonraí a shuí.

2.Beidh an fhreagracht as cruinneas sonraí pearsanta oibríochtúla orthu seo a leanas:

(a)Eurojust i gcás sonraí oibríochtúla arna dtarchur ag Ballstát, nó ag institiúid, comhlacht, oifig nó gníomhaireacht de chuid an Aontais i gcás ina ndearnadh na sonraí a soláthraíodh a athrú le linn do Eurojust próiseáil a dhéanamh orthu;

(b)an Ballstát nó an institiúid, an oifig, an comhlacht nó an ghníomhaireacht de chuid an Aontais a sholáthair na sonraí do Eurojust i gcás nach ndearnadh na sonraí a soláthraíodh a athrú le linn do Eurojust próiseáil a dhéanamh orthu;

(c)Eurojust i gcás sonraí pearsanta oibríochtúla arna soláthar ag tríú tíortha nó ag eagraíochtaí idirnáisiúnta, i gcás sonraí pearsanta oibríochtúla arna n-aisghabháil ag Eurojust ó fhoinsí atá ar fáil go poiblí, agus i gcás sonraí pearsanta oibríochtúla arna bhfáil ó pháirtithe príobháideacha.

3.Is ar Eurojust a bheidh an fhreagracht as an gcomhlíontacht le Rialachán (AE) 2018/1725 maidir le sonraí pearsanta riaracháin agus as an gcomhlíontacht leis an Rialachán seo agus le Rialachán (AE) 2018/1725 maidir le sonraí pearsanta oibríochtúla. Beidh an fhreagracht as dlíthiúlacht tarchuir sonraí pearsanta oibríochtúla orthu seo a leanas:

(a)i gcás inar sholáthair Ballstát na sonraí oibríochtúla pearsanta lena mbaineann do Eurojust, ar an mBallstát sin;

(b)ar Eurojust, i gcás inar sholáthair sé na sonraí pearsanta oibríochtúla lena mbaineann do na Ballstáit, d’institiúidí, oifigí, comhlachtaí nó gníomhaireachtaí de chuid an Aontais, do thríú tíortha nó d’eagraíochtaí idirnáisiúnta.

4.Faoi réir forálacha eile den Rialachán seo, beidh Eurojust freagrach as na sonraí uile arna bpróiseáil aige.

CAIBIDIL V

CAIDREAMH LE COMHPHÁIRTITHE

ROINN I

Forálacha coiteanna

Airteagal 54

Forálacha coiteanna

1.I gcás inar gá chun na cuspóirí a leagtar amach sa Rialachán seo a bhaint amach, féadfaidh Eurojust caidreamh comhair a bhunú agus a choinneáil ar bun le hinstitiúidí, comhlachtaí, oifigí agus gníomhaireachtaí de chuid an Aontais i gcomhréir lena gcuspóirí féin, agus le húdaráis inniúla tríú tíortha agus eagraíochtaí idirnáisiúnta i gcomhréir leis an straitéis um chomhar dá dtagraítear in Airteagal 65.

2.I gcás inarb ábhartha do chomhlíonadh a chúraimí agus faoi réir aon srian de bhun Airteagal 36(8) agus Airteagal 80, féadfaidh Eurojust aon fhaisnéis a mhalartú go díreach leis na heintitis dá dtagraítear i mír 1 den Airteagal seo, cé is moite de shonraí pearsanta oibríochtúla.

3.Chun na gcríoch a leagtar amach i míreanna 1 agus 2, féadfaidh Eurojust, faoi réir dul i gcomhairle leis an gCoimisiún roimh ré, socruithe oibre a thabhairt i gcrích leis na heintitis dá dtagraítear i mír 1. Ní bheidh na socruithe oibre sin ina mbunús chun malartú sonraí pearsanta a cheadú agus ní chruthófar leo oibleagáidí dlí atá ina gceangal ar an Aontas ná ar a Bhallstáit.

4.Féadfaidh Eurojust sonraí pearsanta a fhaightear ó na heintitis dá dtagraítear i mír 1 a fháil agus a phróiseáil a mhéid is gá chun a chúraimí a chomhlíonadh agus faoi réir na rialacha is infheidhme maidir le cosaint sonraí.

5.I gcás inar sholáthair Ballstát na sonraí atá le tarchur, gheobhaidh Eurojust an toiliú ón údarás inniúil ábhartha sa Bhallstát sin, ach amháin má tá údarú roimh ré tugtha ag an mBallstát maidir le tarchur ar aghaidh den sórt sin, cibé acu i dtéarmaí ginearálta nó faoi réir srianta sonracha. Féadfar toiliú den sórt sin a tharraingt siar tráth ar bith.

6.I gcás ina mbeidh sonraí pearsanta faighte ó Eurojust ag na Ballstáit, ag institiúidí, comhlachtaí, oifigí nó gníomhaireachtaí de chuid an Aontais, ag tríú tíortha nó ag eagraíochtaí idirnáisiúnta, beidh toirmeasc ar tharchur na sonraí sin ar aghaidh chuig tríú páirtithe ach amháin i gcás ina gcomhlíontar na coinníollacha uile seo a leanas:

(a)tá toiliú roimh ré ó na húdaráis inniúla náisiúnta a sholáthair na sonraí faighte ag Eurojust;

(b)toilíonn Eurojust go sainráite tar éis cúinsí an cháis atá idir lámha a mheas;

(c)is chun críche cuspóra shonraigh nach bhfuil ar neamhréir leis an gcuspóir lenar tarchuireadh na sonraí agus chuige sin amháin an tarchur ar aghaidh.

Airteagal 55

Forálacha coiteanna maidir le malartú faisnéise indíreach ar bhonn córas amas/gan amas

1.Déanfaidh Eurojust gach beart is iomchuí chun rochtain indíreach ag comhlachtaí, oifigí agus gníomhaireachtaí eile den chuid an Aontais a áirithiú, i gcás ina bhfuil foráil maidir leis an rochtain sin i ndlí an Aontais, ar fhaisnéis atá ina sheilbh ag Eurojust, faoi choinníollacha cómhalartachta, trí bhíthin córas uathoibrithe amas/gan amas a oibrítear trí chuardach a dhéanamh ar innéacsanna a choimeádfar cothrom le dáta.

2.Rochtain indíreach ar fhaisnéis faoin gcéad mhír, ní dhéanfaidh sí difear d’aon srian arna shonrú ag na Ballstáit, institiúidí, comhlachtaí, oifigí agus gníomhaireachtaí de chuid an Aontais, tríú tíortha nó eagraíochtaí idirnáisiúnta a sholáthraíonn an fhaisnéis.

3.I gcás amais, tionscnóidh Eurojust an nós imeachta lena ndéanfar an fhaisnéis as ar eascair an t-amas a tharchur chuig an gcomhlacht, oifig nó gníomhaireacht cuardaigh de chuid an Aontais, dá dtagraítear i mír 1, i gcomhréir leis na srianta arna sonrú ag soláthraí na faisnéise sin de bhun an Rialacháin seo. I gcás amais i bhfaisnéis atá faoi réir srianta, ní thabharfadh an córas uathoibrithe amas/gan amas dá dtagraítear i mír 1 fógra don chomhlacht, oifig nó gníomhaireacht cuardaigh de chuid an Aontais faoin amas sin. Sa chás sin, rachaidh Eurojust i dteagmháil go gasta le soláthraí na faisnéise chun a iarraidh air an féidir an fhaisnéis as ar eascair an t-amas a chomhroinnt leis an gcomhlacht, oifig nó gníomhaireacht cuardaigh de chuid an Aontais. I gcás ina gcuireann soláthraí na faisnéise deireadh leis na srianta sin, déanfaidh Eurojust an fhaisnéis as ar eascair an t-amas a tharchur chuig an gcomhlacht, oifig nó gníomhaireacht cuardaigh de chuid an Aontais. I gcás ina ndéanann soláthraí na faisnéise na srianta sin a choinneáil ar bun, comhlíonfaidh Eurojust na srianta agus ní dhéanfaidh sé an fhaisnéis as ar eascair an t-amas a tharchur chuig an gcomhlacht, oifig nó gníomhaireacht cuardaigh de chuid an Aontais.

4.Ní dhéanfar cuardaigh faisnéise i gcomhréir le míreanna 1 agus 2 ach amháin chun a shainaithint an bhfuil an fhaisnéis atá ar fáil ag comhlacht, oifig nó gníomhaireacht eile de chuid an Aontais agus an fhaisnéis arna próiseáil ag Eurojust ag teacht le chéile.

5.Agus cineál uathoibrithe an chórais amas/gan amas á chaomhnú, daoine arna n-ainmniú ag comhlachtaí, oifigí nó gníomhaireachtaí eile den chuid an Aontais chun cuardaigh i gcomhréir le míreanna 1 agus 2 a dhéanamh, is iad na daoine sin amháin a cheadóidh Eurojust chun na cuardaigh sin a dhéanamh.

6.Faoi na coinníollacha cómhalartachta dá dtagraítear sa chéad mhír, beidh rochtain dhíreach ag Eurojust, de réir theorainneacha a inniúlachta, ar bhonn córas uathoibrithe amas/gan amas, ar fhaisnéis arna soláthar do chomhlachtaí, oifigí agus gníomhaireachtaí de chuid an Aontais, faoi réir na gcoinníollacha a leagtar amach i ndlí an Aontais.

Ní dhéanfaidh an rochtain sin difear d’aon srian arna shonrú ag an mBallstát, institiúid, comhlacht, oifig nó gníomhaireacht de chuid an Aontais, tríú tír nó eagraíocht idirnáisiúnta a sholáthraíonn an fhaisnéis sin.

7.Déanfaidh Eurojust agus comhlachtaí, oifigí agus gníomhaireachtaí eile de chuid an Aontais a chéile a chur ar an eolas más rud é, mar thoradh ar amas i gcomhréir le míreanna 1 agus 3, gur ann do léirithe go bhféadfadh sé go mbeadh sonraí mícheart nó ag teacht salach ar shonraí eile.

8.I gcás inar gá chun an córas amas/gan amas dá dtagraítear i míreanna 1 go 7 a chur chun feidhme, an nós imeachta teicniúil, lena n-áirítear na tacair sonraí ba cheart a áireamh sna hinnéacsanna chomh maith le ceanglais feidhmíochta agus infhaighteachta, déanfar é a leagan síos trí bhíthin gníomhartha cur chun feidhme arna nglacadh i gcomhréir le hAirteagal 84(2).

ROINN II

Caidreamh le comhlachtaí, oifigí agus gníomhaireachtaí de chuid an Aontais

Airteagal 56

Caidreamh leis an Líonra Breithiúnach Eorpach agus le líonraí eile de chuid an Aontais atá rannpháirteach sa chomhar breithiúnach in ábhair choiriúla

1.Déanfaidh Eurojust agus an Líonra Breithiúnach Eorpach in ábhair choiriúla caidreamh pribhléideach a choinneáil ar bun le chéile in ábhair choiriúla, ar bhonn comhairliúchán agus comhlántacht, go háirithe trí chomhaltaí gach Deisce Náisiúnta atá ainmnithe mar phointí teagmhála le haghaidh an Líonra Bhreithiúnaigh Eorpaigh i gcomhréir le hAirteagal 17. Déanfar an chomhlántacht idir Eurojust agus an Líonra Breithiúnach Eorpach a fheidhmiú i gcomhréir lena sainorduithe féin. Feidhmeoidh Eurojust a inniúlacht i gcásanna a bhaineann le coireacht trasteorann thromchúiseach ina gceanglaítear leis an stiúradh imscrúduithe nó ionchúiseamh comhordú údarás inniúil náisiúnta, ina bhfuil tríú tíortha nó eagraíochtaí idirnáisiúnta rannpháirteach nó ina gceanglaítear forbairt straitéise coitinne um ionchúiseamh thar dhá dhlínse nó níos mó. Chuige sin, beidh feidhm ag na socruithe seo a leanas:

(a)beidh Rúnaíocht an Líonra Bhreithiúnaigh Eorpaigh ina cuid d’fhoireann Eurojust; féadfaidh an Rúnaíocht leas a bhaint as acmhainní riaracháin Eurojust a bhfuil gá leo chun cúraimí an Líonra Bhreithiúnaigh Eorpaigh a chomhlíonadh, lena n-áirítear é sin a dhéanamh chun costais ar chruinnithe iomlánaíocha an Líonra Bhreithiúnaigh Eorpaigh a chumhdach;

(b)féadfar cuireadh a thabhairt do phointí teagmhála den Líonra Breithiúnach Eorpach ar bhonn cás ar chás chun freastal ar chruinnithe ábhartha de Eurojust;

(c)féadfaidh Eurojust agus an Líonra Breithiúnach Eorpach úsáid a bhaint as córas Eurojust um chomhordú náisiúnta arna bhunú faoi Airteagal 35 agus cinneadh á dhéanamh acu cibé acu ba cheart iarraidh a láimhseáil le cúnamh ó Eurojust nó ón Líonra Breithiúnach Eorpach.

2.Tacóidh Eurojust leis na líonraí agus na comhlachtaí seo a leanas atá gníomhach sa chomhar breithiúnach in ábhair choiriúla:

(a)an Líonra Breithiúnach Eorpach, a bunaíodh le Cinneadh 2008/976/CGB;

(b)an líonra Eorpach pointí teagmhála i leith daoine atá freagrach as cinedhíothú, coireanna in aghaidh na daonnachta agus coireanna cogaidh, a bunaíodh le Cinneadh 2002/494/CGB;

(c)an líonra pointí teagmhála in aghaidh an éillithe, a bunaíodh le Cinneadh 2008/852/CGB;

(d)an Líonra JITanna,

(e)an Gréasán Breithiúnach Eorpach um Chibearchoireacht;

(f)an Líonra Breithiúnach Eorpach um an gCoireacht Eagraithe;

(g)líonraí nó comhlachtaí speisialaithe eile de chleachtóirí breithiúnacha atá gníomhach i réimsí a thagann faoi chuimsiú shainordú Eurojust.

3.Na líonraí agus na comhlachtaí dá dtagraítear i mír 2, féadfaidh siad úsáid a bhaint as acmhainní riaracháin Eurojust i gcás inar gá chun a gcúraimí a chomhlíonadh.

4.An nasc idir na líonraí agus na comhlachtaí dá dtagraítear i míreanna 1 agus 2 agus na húdaráis inniúla náisiúnta, áiritheofar é sin ar an leibhéal náisiúnta trí chóras Eurojust um chomhordú náisiúnta a bhunaítear de bhun Airteagal 35.

5.Líonraí agus comhlachtaí dá dtagraítear i míreanna 1 agus 2, rannchuideoidh siad le coinneáil eolais Eurojust agus féadfaidh siad páirt a ghlacadh in obair LSE i gcomhréir le hAirteagail 30 agus 31 faoi seach.

Airteagal 57

Caidreamh le Europol

1.Déanfaidh Eurojust dlúthchomhar le Europol a bhunú agus a choinneáil ar bun, d’fhonn feidhmiú comhleanúnach comhordaithe a sainorduithe féin a áirithiú agus dúbláil iarrachtaí a sheachaint.

2.Tabharfaidh Eurojust socrú oibre i gcrích le Europol 53 , lena n-áirítear aon leasú air, i gcomhairle leis an gCoimisiún, ina leagfar amach módúlachtaí praiticiúla an chomhair eatarthu. Beidh an socrú sin faoi réir athbhreithniú tráthrialta, i gcás inar gá agus, in aon chás, arna iarraidh sin don Choimisiún.

3.I gcás, i gcomhthéacs ghníomhaíochtaí Eurojust, lena n-áirítear gníomhaíochtaí ag tráth ar bith d’fhoireann chomhpháirteach um imscrúdú, ina sainaithníonn Eurojust nó Ballstát an gá le comhordú, comhar nó tacaíocht a thagann faoi chuimsiú shainordú Europol, tabharfaidh Eurojust fógra faoi sin do Europol agus tionscnóidh sé an nós imeachta chun an fhaisnéis ábhartha a chomhroinnt i gcomhréir le cinneadh an Bhallstáit a sholáthair an fhaisnéis sin. Sna cásanna sin, rachaidh Eurojust i gcomhairle le Europol. 

4.I gcás ina bhfaigheann Eurojust fógra de bhun Airteagal 74, mír 1 de Rialachán (AE) [Rialachán Europol] lena léirítear go bhféadfadh sé go mbeadh gá le hobair leantach bhreithiúnach, déanfaidh sé, gan moill mhíchuí, scrúdú ar an bhfaisnéis arna fáil agus gach beart is iomchuí faoi chuimsiú a shainordaithe a dhéanamh, lena n-áirítear é sin a dhéanamh trí údaráis inniúla na mBallstát lena mbaineann a chur ar an eolas agus, i gcás inarb iomchuí, gníomhú ar a thionscnamh féin i gcomhréir le hAirteagal 28. Rachaidh Eurojust i gcomhairle le Europol, de réir mar is iomchuí, agus coinneoidh sé Europol ar an eolas faoin úsáid a bhaintear as an bhfaisnéis sin, i gcomhréir le cinneadh an Bhallstáit a sholáthair an fhaisnéis.

5.Féadfaidh Eurojust agus Europol, i gcás inar gá chun a gcuspóirí a bhaint amach agus le toiliú údaráis inniúla náisiúnta na mBallstát lena mbaineann, sásraí comhair a bhunú, lena n-áirítear ardáin oibríochtúla chomhpháirteacha, chun tacú le comhordú straitéiseach agus oibríochtúil in imscrúduithe coiriúla trasteorann ina bhfuil gá le comhordú idir dhá Bhallstát nó níos mó. Chun críocha na sásraí comhair sin, féadfaidh na Ballstáit faisnéis a chinneadh a bheidh inrochtana go díreach ag na Ballstáit, Eurojust agus Europol le haghaidh anailís oibríochtúil chomhpháirteach in imscrúduithe sonracha nó i réimse coireachta sonrach, gan dochar d’aon srian arna shonrú ag na Ballstáit agus faoi réir na rialacha agus na gcoimircí maidir le próiseáil sonraí pearsanta a leagtar amach sa Rialachán seo.

6.I gcomhthéacs imscrúduithe coiriúla trasteorann a dtacaíonn Eurojust leo, féadfaidh Eurojust, le toiliú na n-údarás inniúil náisiúnta, iarraidh ar Europol tacaíocht a sholáthar, go háirithe ar na bealaí seo a leanas: 

(a)faisnéis, anailísí, saineolas agus tacaíocht oibríochtúil ábhartha a sholáthar; 

(b)anailís oibríochtúil a dhéanamh ar bhonn sonraí imscrúdaitheacha arna soláthar ag Eurojust, na Ballstáit nó údaráis inniúla eile; 

(c)faisnéis a chros-seiceáil ina bhunachair sonraí agus faisnéis a mhalartú mar a fhoráiltear in Airteagal 55

7.Ní dhéanfaidh an tAirteagal seo difear d’aon srian ar rochtain nó ar úsáid, cibé acu i dtéarmaí ginearálta nó sonracha, arna sonrú ag Ballstát, comhlacht, oifig nó gníomhaireacht de chuid an Aontais, tríú tír nó eagraíocht idirnáisiúnta i ndáil le faisnéis a sholáthair sé, agus urramóidh Europol an srian sin. 

8.Oibreoidh Eurojust i gcomhar le Europol, de réir a sainorduithe féin, chun tacú le húdaráis inniúla na mBallstát i gcomhthéacs imscrúduithe digiteacha agus rochtain ar shonraí, agus go háirithe gníomhú mar mhol eolais chun comhairle agus cúnamh a thabhairt agus fothú acmhainneachta a sholáthar maidir leis an rochtain trasteorann ar r-fhianaise.

Airteagal 58

Caidreamh le OIPE

1.Déanfaidh Eurojust dlúthchaidreamh a bhunú agus a choinneáil ar bun le OIPE bunaithe ar chomhar frithpháirteach laistigh dá sainorduithe agus dá n-inniúlachtaí féin. Tiocfaidh Uachtarán Eurojust agus an Príomh-Ionchúisitheoir Eorpach le chéile go tráthrialta chun saincheisteanna arb ábhar leasa choitinn iad a phlé. Tiocfaidh siad le chéile arna iarraidh sin d’Uachtarán Eurojust nó don Phríomh-Ionchúisitheoir Eorpach.

2.Oibreoidh Eurojust agus OIPE i ndlúthchomhar le chéile agus déanfaidh siad, a mhéid is gá chun a gcúraimí a chomhlíonadh agus laistigh dá sainorduithe féin, faisnéis a mhalartú ar bhealach tráthúil agus éifeachtúil, i gcomhréir le hAirteagal 55.

3.Tabharfaidh Eurojust cúnamh do OIPE, go háirithe i gcásanna inar gá bearta imscrúdaitheacha nó cineálacha eile comhair sna Ballstáit nach bhfuil rannpháirteach i gcomhar feabhsaithe maidir le bunú OIPE nó tríú tíortha nó cásanna inar gá comhordú idir imscrúduithe arna ndéanamh ag OIPE agus iad sin arna ndéanamh ag údaráis inniúla na mBallstát nach bhfuil rannpháirteach in OIPE. Chuige sin, arna iarraidh sin do OIPE, nó d’údaráis inniúla náisiúnta na mBallstát, tacóidh Eurojust le OIPE i bhfeidhmiú a chúraimí, lena n-áirítear é sin a dhéanamh ar na bealaí seo a leanas:

(a)bunú agus oibriú foirne comhpháirteacha um imscrúdú a éascú;

(b)cruinnithe comhordúcháin agus lárionaid chomhordúcháin a eagrú;

(c)comhar breithiúnach a éascú le Ballstáit nach bhfuil rannpháirteach sa chomhar feabhsaithe maidir le bunú OIPE nó tríú tíortha.

4.Déileálfaidh Eurojust le hiarrataí ar thacaíocht a thiocfaidh ó OIPE gan moill mhíchuí agus, i gcás inarb iomchuí, amhail is dá mba é údarás náisiúnta is inniúil do chomhar breithiúnach in ábhair choiriúla a chuir isteach iad.

5.An tacaíocht a sholáthraítear de bhun mhír 3, ní dhéanfaidh sí difear do neamhspleáchas OIPE i stiúradh imscrúduithe agus ionchúiseamh.

6.In ábhair oibríochtúla a thagann faoi inniúlacht OIPE, déanfaidh Eurojust OIPE a chur ar an eolas maidir lena ghníomhaíochtaí a bhaineann le cásanna trasteorann, agus é a chomhlachú leo sin i gcás inarb iomchuí, lena n-áirítear é sin a dhéanamh ar na bealaí seo a leanas

(a)faisnéis ábhartha a chomhroinnt maidir lena chásanna, lena n-áirítear sonraí pearsanta, i gcomhréir leis an Rialachán seo; nó

(b)iarraidh ar OIPE tacaíocht a sholáthar.

7.I gcomhréir le hAirteagal 24(1) de Rialachán (AE) 2017/1939, déanfaidh Eurojust, gan moill mhíchuí, aon iompar coiriúil a thuairisciú do OIPE arb iompar coiriúil é a bhféadfadh OIPE a inniúlacht a fheidhmiú ina leith i gcomhréir le Rialachán (AE) 2017/1939.

8.I gcás ina bhfaigheann Eurojust faisnéis ó OIPE faoi chineálacha coireachta nach dtagann faoi inniúlacht OIPE agus a thagann faoi shainordú Eurojust, déanfaidh Eurojust scrúdú ar an bhfaisnéis arna fáil agus déanfaidh sé aon ghníomh iomchuí de réir a shainordaithe.

9.Chun críocha an chomhair faoin Airteagal seo, tabharfaidh OIPE oifigeach idirchaidrimh ar iasacht do Eurojust. Tabharfar rochtain don oifigeach idirchaidrimh ar an gcóras bainistithe cásanna chun críocha an mhalartaithe shláin sonraí atá ábhartha do chomhlíonadh a fheidhmeanna, lena n-áirítear, i gcás inarb iomchuí, tionscnamh, clárú agus bainistiú cásanna a thagann faoi raon feidhme an chomhair idir Eurojust agus OIPE faoin Airteagal seo. Beidh Eurojust faoi dhliteanas i gcónaí as an bpróiseáil a dhéanfaidh an t-oifigeach idirchaidrimh ar shonraí pearsanta sa chóras bainistithe cásanna.

10.Iarrfar ar ionadaithe OIPE, lena n-áirítear a oifigeach idirchaidrimh, chun páirt a ghlacadh i gcruinnithe de Choláiste Eurojust i gcás ina mbeidh ábhair leasa choitinn á bplé.

11.Na socruithe praiticiúla le haghaidh chur chun feidhme an Airteagail seo, déanfar iad a leagan síos i socrú oibre idir Eurojust agus OIPE, a bheidh faoi réir athbhreithniú tráthrialta.

Airteagal 59

Caidreamh le comhlachtaí, oifigí agus gníomhaireachtaí eile de chuid an Aontais

1.Déanfaidh Eurojust caidreamh comhair a bhunú agus a choinneáil ar bun leis na comhlachtaí, oifigí agus gníomhaireachtaí de chuid an Aontais dá dtagraítear san Airteagal seo, a mhéid is gá chun a chuspóirí a bhaint amach agus chun a chúraimí a chomhlíonadh faoin Rialachán seo, de réir a sainorduithe féin agus i gcomhréir iomlán leis na rialacha is infheidhme maidir le cosaint sonraí.

2.Déanfaidh Eurojust caidreamh comhair a bhunú agus a choinneáil ar bun le OLAF d’fhonn rannchuidiú OLAF a éascú, agus rannchuideoidh OLAF le hobair chomhordúcháin Eurojust maidir le leasanna airgeadais an Aontais a chosaint, i gcomhréir lena shainordú faoi Rialachán (AE, Euratom) Uimh. 883/2013. Chuige sin:

(a)chun faisnéis a fháil agus a tharchur idir Eurojust agus OLAF, agus gan difear a dhéanamh d’Airteagal 8 den Rialachán seo, áiritheoidh na Ballstáit go measfar Comhaltaí Náisiúnta Eurojust a bheith ina n-údaráis inniúla de chuid na mBallstát, chun críocha Rialachán (AE, Euratom) Uimh. 883/2013, agus chun na gcríoch sin amháin;

(b)ní dhéanfaidh an malartú faisnéise idir OLAF agus na Comhaltaí Náisiúnta difear d’aon oibleagáid chun an fhaisnéis sin a sholáthar d’údaráis inniúla eile faoi Rialachán (AE, Euratom) Uimh. 883/2013 nó faoi aon dlí eile de chuid an Aontais nó faoi aon dlí náisiúnta eile is infheidhme;

3.Déanfaidh Eurojust caidreamh comhair a bhunú agus a choinneáil ar bun leis an nGníomhaireacht Eorpach um an nGarda Teorann agus Cósta (Frontex), a rialáiltear le Rialachán (AE) 2019/1896 ó Pharlaimint na hEorpa agus ón gComhairle 54 , d’fhonn rannchuidiú Frontex le hobair Eurojust a éascú, lena n-áirítear é sin a dhéanamh trí fhaisnéis ábhartha arna próiseáil i gcomhréir lena shainordú a tharchur, go háirithe maidir le gníomhaíochtaí coiriúla a thagann faoi inniúlacht Eurojust faoi Airteagal 6 den Rialachán seo. Módúlachtaí praiticiúla an chomhair idir Eurojust agus Frontex, déanfar iad a leagan amach i socrú oibre a thabharfar i gcrích i gcomhréir le hAirteagal 58(3) den Rialachán seo.

4.Déanfaidh Eurojust caidreamh comhair a bhunú agus a choinneáil ar bun le ÚCSA, agus tabharfaidh sé socrú oibre i gcrích le ÚCSA ina leagfar amach mionsonraí a gcomhair i gcomhréir le hAirteagal 54(3) den Rialachán seo. Chuige sin:

(a)áiritheoidh na Ballstáit go measfar Comhaltaí Náisiúnta Eurojust mar údaráis náisiúnta ábhartha chun críocha Airteagal 27(8) de Rialachán (AE) 2024/1620, chun an malartú faisnéise a éascú idir ÚCSA agus Eurojust i gcásanna a thagann faoi inniúlacht Eurojust;

(b)ní dhéanfaidh an malartú faisnéise idir ÚCSA agus na Comhaltaí Náisiúnta difear d’aon oibleagáid chun an fhaisnéis sin a sholáthar d’údaráis inniúla eile faoi Rialachán (AE) 2024/1620 nó faoi aon dlí eile de chuid an Aontais nó faoi aon dlí náisiúnta eile is infheidhme;

5.Déanfaidh Eurojust caidreamh comhair a bhunú agus a choinneáil ar bun le hÚdarás Custaim an Aontais Eorpaigh, nuair a bhunófar é, agus tabharfaidh sé socrú oibre i gcrích ina leagfar amach módúlachtaí a gcomhair i gcomhréir le hAirteagal 54(3) den Rialachán seo, d’fhonn an comhar breithiúnach a éascú in ábhair choiriúla lena mbaineann cionta custaim agus coireanna eile a dhéanann difear do leasanna airgeadais agus eacnamaíocha an Aontais.

ROINN III

Comhar idirnáisiúnta

Airteagal 60

Caidreamh le húdaráis tríú tíortha agus eagraíochtaí idirnáisiúnta

1.Féadfaidh Eurojust comhar a bhunú agus a choinneáil ar bun le húdaráis tríú tíortha agus eagraíochtaí idirnáisiúnta, lena n-áirítear é sin a dhéanamh trí shocruithe oibre mar a thagraítear dóibh in Airteagal 54(3) a thabhairt i gcrích.

2.Déanfaidh Eurojust, tar éis dul i gcomhairle leis an gCoimisiún roimh ré, straitéis um chomhar a ghlacadh gach 4 bliana chun comhar breithiúnach le tríú tíortha agus eagraíochtaí idirnáisiúnta a neartú, d’fhonn socruithe oibre dá dtagraítear i mír (1) a thabhairt i gcrích agus d’fhonn pointí teagmhála dá dtagraítear in Airteagal 63 a phostáil ag Eurojust. Déanfar an straitéis sin a chur chun feidhme i gcomhar leis an gCoimisiún.

 

Airteagal 61

Oifigigh idirchaidrimh a phostáiltear chuig tríú tíortha

1.Chun comhar breithiúnach na mBallstát le tríú tíortha a éascú, féadfaidh Eurojust oifigigh idirchaidrimh a phostáil chuig tríú tír faoi réir socrú oibre dá dtagraítear in Airteagal 54(3) a bheith tugtha i gcrích le húdaráis inniúla an tríú tír sin.

2.Beidh an t-oifigeach idirchaidrimh ina chomhalta d’fhoireann Eurojust agus beidh saineolas leordhóthanach ar an gcomhar breithiúnach aige.

3.Áireofar ar na cúraimí a bheidh ag na hoifigigh idirchaidrimh aon ghníomhaíocht atá ceaptha chun an comhar breithiúnach in ábhair choiriúla a spreagadh agus dlús a chur leis, go háirithe trí theagmhálacha díreacha a bhunú le húdaráis inniúla an tríú tír. Féadfaidh Comhaltaí Náisiúnta na hoifigigh idirchaidrimh a údarú, faoina maoirseacht agus faoina bhfreagracht, chun sonraí pearsanta oibríochtúla a bhaineann lena mBallstát a mhalartú go díreach le húdaráis inniúla an tríú tír.

4.Údaráis inniúla na mBallstát agus na hoifigigh idirchaidrimh dá dtagraítear i mír 1, féadfaidh siad teagmháil a dhéanamh le chéile go díreach. Sna cásanna sin, cuirfidh an t-oifigeach idirchaidrimh an Comhalta Náisiúnta lena mbaineann ar an eolas faoi na teagmhálacha sin.

5.Tuairisceoidh na hoifigigh idirchaidrimh don Choláiste go tráthrialta. Cuirfidh an t-oifigeach idirchaidrimh na Comhaltaí Náisiúnta agus na húdaráis inniúla náisiúnta ar an eolas maidir le gach cás a bhaineann lena mBallstát.

6.Beidh rochtain ag na hoifigigh idirchaidrimh ar an gcóras bainistithe cásanna agus is ann a thaifeadfar a malartuithe oibríochtúla le tríú tíortha.

Airteagal 62

Ionchúisitheoirí idirchaidrimh a phostáiltear chuig Eurojust

1.Féadfar ionchúisitheoir idirchaidrimh ó thríú tír nó ó eagraíocht idirnáisiúnta a thabhairt ar iasacht do Eurojust sna cásanna seo a leanas:

(a)comhaontú comhair a tugadh i gcrích roimh an 12 Nollaig 2019 idir Eurojust agus an tríú tír sin;

(b)comhaontú idirnáisiúnta arna thabhairt i gcrích idir an tAontas agus an tríú tír sin nó an eagraíocht idirnáisiúnta sin de bhun Airteagal 218 CFAE; nó

(c)cinneadh leordhóthanachta arna ghlacadh ag an gCoimisiún i gcomhréir le hAirteagal 36 de Threoir (AE) 2016/680.

2.Leagfar amach cearta agus oibleagáidí an ionchúisitheora idirchaidrimh sa chomhaontú comhair nó sa chomhaontú idirnáisiúnta dá dtagraítear i mír 1, agus féadfar cur leis le socrú oibre dá dtagraítear in Airteagal 54(3).

3.Ionchúisitheoirí idirchaidrimh a thugtar ar iasacht do Eurojust, tabharfar rochtain dóibh ar an gcóras bainistithe cásanna le haghaidh malartú slán sonraí atá ábhartha do chomhlíonadh a bhfeidhmeanna, lena n-áirítear, i gcás inarb iomchuí, tionscnamh, clárú agus bainistiú cásanna. Beidh Eurojust faoi dhliteanas i gcónaí as an bpróiseáil a dhéanfaidh ionchúisitheoirí idirchaidrimh ar shonraí pearsanta sa chóras bainistithe cásanna.

4.Is i gcomhréir leis an Rialachán seo agus Rialachán (AE) 2018/1725, agus mar sin amháin, a dhéanfar sonraí pearsanta oibríochtúla a tharchur chuig ionchúisitheoirí idirchaidrimh tríd an gcóras bainistithe cásanna.

5.Maidir le bainistiú na sonraí ag ionchúisitheoirí idirchaidrimh agus rochtain ar fhaisnéis, beidh feidhm mutatis mutandis ag Airteagal 42, míreanna 1 agus 2.

6.Leagfaidh an Coláiste síos na coinníollacha mionsonraithe lena rialaítear rochtain ionchúisitheoirí idirchaidrimh ar an gcóras bainistithe cásanna.

Airteagal 63

Pointí teagmhála a phostáiltear chuig Eurojust

1.Féadfaidh Eurojust, ar bhonn socrú oibre arna thabhairt i gcrích i gcomhréir le hAirteagal 54(3), oibriú i gcomhar le pointí teagmhála arna n-ainmniú ag údaráis inniúla tríú tír agus arna n-óstáil ag Eurojust chun na críche sin.

2.Pointí teagmhála a phostáiltear chuig Eurojust, féadfaidh siad na nithe seo a leanas a dhéanamh:

(a)forghníomhú iarrataí ar chomhar breithiúnach in ábhair choiriúla a bhrostú, a chomhordú nó a éascú;

(b)tacú leis an gcumarsáid agus leis an gcomhar idir Eurojust, na Ballstáit agus údaráis inniúla an tríú tír sin;

(c)faisnéis a sholáthar faoi dhlí náisiúnta agus nósanna imeachta an tríú tír sin atá ábhartha don chomhar breithiúnach;

(d)rannpháirtíocht údaráis inniúla an tríú tír a éascú i gcruinnithe comhordúcháin, lárionaid chomhordúcháin agus ardáin comhordúcháin bhreithiúnaigh arna n-eagrú ag Eurojust, agus i bhfoirne comhpháirteacha um imscrúdú a dtacaíonn Eurojust leo; agus

(e)iarrataí ar chúnamh i ndáil leis na hábhair dá dtagraítear i bpointí (a) go (d) a chur faoi bhráid Eurojust.

3.Is é údarás inniúil an tríú tír a ainmneoidh na pointí teagmhála a phostáiltear chuig Eurojust as measc oifigigh seirbhísí ionchúisimh, údarás lárnach nó seirbhísí coibhéiseacha d’aireachtaí ceartais atá inniúil sa chomhar breithiúnach in ábhair choiriúla.

4.Módúlachtaí praiticiúla an chomhair le pointí teagmhála a phostáiltear chuig Eurojust, leagfar síos iad sa socrú oibre dá dtagraítear i mír 1.

5.Pointí teagmhála a phostáiltear chuig Eurojust, tabharfar rochtain dóibh ar an gcóras bainistithe cásanna chun críocha an mhalartaithe shláin sonraí. Beidh an rochtain sin teoranta do shonraí atá ábhartha do chomhlíonadh a bhfeidhmeanna mar a leagtar amach i mír 2, lena n-áirítear, i gcás inarb iomchuí, tionscnamh, clárú agus bainistiú cásanna. Is i gcomhréir le Rialachán (AE) 2018/1725 agus i gcomhréir le hAirteagal 54(3), agus mar sin amháin, a dhéanfar aon mhalartú sonraí pearsanta oibríochtúla.

6.Beidh Eurojust faoi dhliteanas i gcónaí as an bpróiseáil a dhéanfaidh pointí teagmhála a phostáiltear chuig Eurojust ar shonraí pearsanta sa chóras bainistithe cásanna.

7.Beidh feidhm mutatis mutandis ag Airteagal 42, míreanna 1 agus 2 maidir le pointí teagmhála arna n-óstáil ag Eurojust.

8.Leagfaidh an Coláiste síos na coinníollacha mionsonraithe lena rialaítear rochtain pointí teagmhála a óstáiltear ag Eurojust ar an gcóras bainistithe cásanna agus ar sheirbhísí eile Eurojust.

 

Airteagal 64

Pointí teagmhála i dtríú tíortha agus in eagraíochtaí idirnáisiúnta

1.Féadfaidh Eurojust oibriú i gcomhar le pointí teagmhála arna n-ainmniú ag údaráis inniúla tríú tír nó eagraíochta idirnáisiúnta agus atá bunaithe sa tríú tír nó san eagraíocht idirnáisiúnta sin.

2.Trína phointí teagmhála i dtríú tíortha agus in eagraíochtaí idirnáisiúnta, féachfaidh Eurojust le tacú le comhar le húdaráis inniúla an tríú tír nó na heagraíochta idirnáisiúnta lena mbaineann agus an comhar sin a éascú, go háirithe i gcásanna a bhaineann le coireacht thromchúiseach lena ngabhann gné thrasteorann. Ag gníomhú dóibh de bhun na míre sin, féadfaidh na pointí teagmhála sin na feidhmeanna dá dtagraítear in Airteagal 63(2) a chomhlíonadh mar a leagtar síos sa socrú oibre arna thabhairt i gcrích i gcomhréir le hAirteagal 54(3).

3.Chun críocha an Airteagail seo, féachfaidh Eurojust lena áirithiú go n-ainmnítear a phointí teagmhála i dtríú tíortha agus in eagraíochtaí idirnáisiúnta as measc oifigigh seirbhísí ionchúisimh, údarás lárnach nó seirbhísí coibhéiseacha d’aireachtaí ceartais atá inniúil sa chomhar breithiúnach in ábhair choiriúla.

4.Pointí teagmhála i dtríú tíortha agus in eagraíochtaí idirnáisiúnta, ní bheidh rochtain acu ar an gcóras bainistithe cásanna ná ar shonraí pearsanta oibríochtúla atá ina sheilbh ag Eurojust.

5.Gan difear a dhéanamh do mhír 4, aon mhalartú sonraí pearsanta oibríochtúla leis an tríú tír nó leis an eagraíocht idirnáisiúnta lena mbaineann, déanfaidh Eurojust an malartú sin i gcomhréir le Rialachán (AE) 2018/1725. Ní fhéadfaidh ach baill foirne údaraithe Eurojust na sonraí pearsanta oibríochtúla sin a chur isteach sa chóras bainistithe cásanna.

 

CAIBIDIL VI

BUNÚ AGUS STRUCHTÚR AN BHUISÉID

Airteagal 65

Bunú an bhuiséid

1.Uair sa bhliain, déanfaidh an Stiúrthóir Riaracháin dréacht-ráiteas ar mheastacháin ar ioncam agus ar chaiteachas Eurojust a dhréachtú le haghaidh na bliana airgeadais tar a éis sin, lena n-áirítear an plean bunaíochta, agus cuirfidh sé faoi bhráid an Bhoird Feidhmiúcháin é. Déanfar an Líonra Breithiúnach Eorpach agus, i gcás inarb iomchuí, líonraí eile an Aontais a bhfuil baint acu leis an gcomhar breithiúnach in ábhair choiriúla dá dtagraítear in Airteagal 56 a chur ar an eolas faoi na codanna a bhaineann lena ngníomhaíochtaí in am trátha roimh an meastachán a chur ar aghaidh chuig an gCoimisiún.

2.Déanfaidh an Bord Feidhmiúcháin, ar bhonn an dréachta sin, scrúdú ar an dréachtmheastachán sealadach ar ioncam agus ar chaiteachas Eurojust le haghaidh na bliana airgeadais tar a éis sin agus cuirfidh sé faoi bhráid an Bhoird Bainistíochta é.

3.An dréachtmheastachán ar ioncam agus ar chaiteachas Eurojust, arna bhformheas ag an mBord Bainistíochta, cuirfear chuig an gCoimisiún é faoin 31 Eanáir gach bliain.

4.Déanfaidh an Coimisiún an ráiteas ar mheastacháin a tharchur chuig an údarás buiséadach mar aon le dréachtbhuiséad ginearálta an Aontais.

5.Ar bhonn an ráitis ar mheastacháin, cuirfidh an Coimisiún i ndréachtbhuiséad ginearálta an Aontais Eorpaigh na meastacháin sin a mheasann sé a bheith riachtanach le haghaidh an phlean bunaíochta, agus cuirfidh sé faoi bhráid an údaráis bhuiséadaigh é i gcomhréir le hAirteagail 313 agus 314 CFAE.

6.Údaróidh an t-údarás buiséadach na leithreasuithe le haghaidh na ranníocaíochta a íocfar le Eurojust.

7.Glacfaidh an t-údarás buiséadach plean bunaíochta Eurojust.

8.Glacfaidh an Bord Bainistíochta buiséad Eurojust. Beidh sé cinntitheach tar éis ghlacadh críochnaitheach bhuiséad ginearálta an Aontais Eorpaigh. I gcás inarb iomchuí, déanfaidh an Bord Bainistíochta é a choigeartú dá réir.

Airteagal 66

Struchtúr an bhuiséid

1.Ullmhófar meastacháin ar ioncam agus ar chaiteachas uile Eurojust le haghaidh gach bliana airgeadais agus léireofar i mbuiséad Eurojust iad. Comhfhreagróidh an bhliain airgeadais don bhliain féilire.

2.Beidh buiséad Eurojust comhordaithe i dtéarmaí ioncaim agus caiteachais.

3.Gan difear a dhéanamh d’acmhainní eile, beidh ar áireamh in ioncam Eurojust:

(a)ranníocaíocht ón Aontas a chuirfear isteach i mbuiséad ginearálta an Aontais;

(b)aon ranníocaíocht airgeadais dheonach ó na Ballstáit;

(c)aon ranníocaíocht ó thríú tíortha atá rannpháirteach in obair Eurojust;

(d)cistiú ón Aontas i bhfoirm comhaontuithe ranníocaíochta nó deontais ad hoc, i gcomhréir le rialacha airgeadais Eurojust dá dtagraítear in Airteagal 69 agus forálacha na n-ionstraimí ábhartha de chuid an Aontais a thacaíonn lena bheartais, agus cineál eisceachtúil na gcomhaontuithe sin á chur san áireamh;

(e)muirir ar fhoilseacháin agus ar aon seirbhís arna soláthar ag Eurojust.

4.Áireofar ar chaiteachas Eurojust luach saothair na foirne, caiteachas riaracháin, agus bonneagair, agus caiteachas oibríochtúil.

Airteagal 67

Cur chun feidhme an bhuiséid

1.Gníomhóidh an Stiúrthóir Riaracháin mar an t-oifigeach údarúcháin agus is é a dhéanfaidh buiséad Eurojust a chur chun feidhme i gcomhréir le prionsabail na barainneachta, na héifeachtúlachta agus na héifeachtachta, agus i gcomhréir le prionsabal na bainistíochta fónta airgeadais.

2.Gach bliain, déanfaidh an Stiúrthóir Riaracháin an fhaisnéis ábhartha uile atá ábhartha do thorthaí nósanna imeachta meastóireachta a chur faoi bhráid an údaráis bhuiséadaigh.

Airteagal 68

Na cuntais a thíolacadh agus a urscaoileadh

1.Seolfaidh oifigeach cuntasaíochta Eurojust na cuntais shealadacha le haghaidh na bliana airgeadais (bliain N) chuig Oifigeach Cuntasaíochta an Choimisiúin agus chuig an gCúirt Iniúchóirí, faoin 1 Márta an bhliain airgeadais dár gcionn (bliain N+1).

2.Seolfaidh Eurojust an tuarascáil ar an mbainistíocht bhuiséadach agus airgeadais le haghaidh bhliain N chuig Parlaimint na hEorpa, chuig an gComhairle, chuig an gCoimisiún agus chuig an gCúirt Iniúchóirí faoin 31 Márta de bhliain N+1.

3.Seolfaidh Oifigeach Cuntasaíochta an Choimisiúin cuntais shealadacha Eurojust le haghaidh bhliain N, arna gcomhdhlúthú le cuntais an Choimisiúin, chuig an gCúirt Iniúchóirí faoin 31 Márta de bhliain N+1.

4.I gcomhréir le hAirteagal 246(1) de Rialachán (AE, Euratom) 2024/2509, tabharfaidh an Chúirt Iniúchóirí a barúlacha uaithi ar chuntais shealadacha Eurojust faoin 1 Meitheamh de bhliain N+1.

5.Nuair a gheobhaidh an Stiúrthóir Riaracháin barúlacha na Cúirte Iniúchóirí ar chuntais shealadacha Eurojust de bhun Airteagal 246 de Rialachán (AE, Euratom) 2024/2509, tarraingeoidh sé suas cuntais chríochnaitheacha Eurojust ar a fhreagracht féin agus cuirfidh sé faoi bhráid an Bhoird Feidhmiúcháin iad chun a thuairim sin a fháil orthu.

6.Tabharfaidh an Bord Feidhmiúcháin tuairim ar chuntais chríochnaitheacha Eurojust le haghaidh bhliain N agus cuirfidh sé na cuntais sin, mar aon lena thuairim, ar aghaidh chuig an mBord Bainistíochta lena nglacadh.

7.Tabharfaidh an Bord Bainistíochta a thuairim uaidh ar chuntais chríochnaitheacha Eurojust le haghaidh bhliain N.

8.Déanfaidh an Stiúrthóir Riaracháin, faoin 1 Iúil de bhliain N+1, na cuntais chríochnaitheacha le haghaidh bhliain N, mar aon le tuairim an Bhoird Feidhmiúcháin agus tuairim an Bhoird Bainistíochta, a sheoladh chuig Parlaimint na hEorpa, chuig an gComhairle, chuig an gCoimisiún agus chuig an gCúirt Iniúchóirí.

9.Déanfar nasc leis na leathanaigh den suíomh gréasáin ar a bhfuil cuntais chríochnaitheacha Eurojust a fhoilsiú in Iris Oifigiúil an Aontais Eorpaigh faoin 15 Samhain de bhliain N+1.

10.Seolfaidh an Stiúrthóir Riaracháin freagra chuig an gCúirt Iniúchóirí maidir lena barúlacha faoin 30 Meán Fómhair de bhliain N+1. Seolfaidh an Stiúrthóir Riaracháin an freagra sin freisin chuig an mBord Feidhmiúcháin, chuig an mBord Bainistíochta agus chuig an gCoimisiún.

11.Arna iarradh sin do Pharlaimint na hEorpa, cuirfidh an Stiúrthóir Riaracháin faoina bráid aon fhaisnéis is gá le haghaidh fheidhmiú rianúil an nós imeachta um urscaoileadh le haghaidh na bliana airgeadais i gceist, i gcomhréir le hAirteagal 261(3) de Rialachán (AE, Euratom) 2024/2509.

12.Déanfaidh Parlaimint na hEorpa, ar a mholadh sin don Chomhairle agus í ag gníomhú trí thromlach cáilithe, urscaoileadh a thabhairt don Stiúrthóir Riaracháin roimh an 15 Bealtaine de bhliain N+2 i leith chur chun feidhme an bhuiséid do bhliain N.

13.Tabharfaidh Parlaimint na hEorpa an t-urscaoileadh i leith bhuiséad Eurojust ar mholadh ón gComhairle tar éis nós imeachta atá inchomparáide leis an nós imeachta dá bhforáiltear in Airteagal 319 CFAE agus in Airteagail 260, 261 agus 262 de Rialachán (AE, Euratom) 2024/2509, agus bunaithe ar an tuarascáil iniúchóireachta ón gCúirt Iniúchóirí.

14.I gcás ina ndiúltaíonn Parlaimint na hEorpa an t-urscaoileadh a thabhairt faoin 15 Bealtaine de bhliain N+2, iarrfar ar an Stiúrthóir Riaracháin a sheasamh a mhíniú don Bhord Bainistíochta a dhéanfaidh a chinneadh críochnaitheach maidir leis an ábhar. Féadfaidh an Bord Bainistíochta, i gcás inarb iomchuí, aon bheart is gá a dhéanamh. lena n-áirítear bearta a bhaineann le sainordú an Stiúrthóra Riaracháin, i gcomhréir leis an Rialachán seo.

Airteagal 69

Rialacha airgeadais

1.Déanfaidh an Bord Bainistíochta na rialacha airgeadais is infheidhme maidir le Eurojust a ghlacadh tar éis dó dul i gcomhairle leis an gCoimisiún. Ní imeoidh siad ó Rialachán Tarmligthe (AE) 2019/715 55 mura mbeidh gá sonrach leis an imeacht sin le haghaidh oibríocht Eurojust agus mura mbeidh toiliú tugtha ag an gCoimisiún roimh ré.

2.Déanfaidh Eurojust a bhuiséad a bhunú agus a chur chun feidhme i gcomhréir lena rialacha airgeadais agus le Rialachán (AE, Euratom) 2024/2509.

3.I dtaca leis an tacaíocht airgeadais atá le soláthar do ghníomhaíochtaí foirne comhpháirteacha um imscrúdú, bunóidh Eurojust agus Europol i gcomhpháirt na rialacha agus na coinníollacha faoina ndéanfar iarratais ar thacaíocht den sórt sin a phróiseáil.

4.Féadfaidh Eurojust deontais a bhaineann le comhlíonadh a chúraimí faoi Airteagal 4(1) a dhámhachtain. Féadfar deontais a sholáthraítear le haghaidh cúraimí a bhaineann le hAirteagal 4(1), pointe (d), a dhámhachtain ar na Ballstáit gan glao ar thograí.

Airteagal 70

Calaois agus neamhrialtachtaí a chosc agus a chomhrac

1.Chun calaois, éilliú agus aon ghníomhaíocht neamhdhleathach eile a chomhrac, beidh feidhm gan srian ag forálacha Rialachán (AE, Euratom) Uimh. 883/2013.

2.Beidh cumhacht iniúchóireachta ag an gCúirt Iniúchóirí, ar bhonn doiciméad agus ar an láthair, ar gach tairbhí deontais, ar gach conraitheoir agus ar gach fochonraitheoir a fuair cistí de chuid an Aontais ó Eurojust.

3.Féadfaidh OLAF imscrúduithe a dhéanamh, lena n-áirítear seiceálacha ar an láthair agus iniúchtaí d’fhonn a shuí cibé acu ba ann nó nárbh ann do chalaois, éilliú, nó aon ghníomhaíocht neamhdhleathach eile a dhéanann difear do leasanna airgeadais an Aontais nó d’ábhair thromchúiseacha a bhaineann le dualgais ghairmiúla a chomhlíonadh ar faillí in oibleagáidí oifigigh agus sheirbhísigh eile an Aontais iad a bhféadfadh imeachtaí araíonachta nó, de réir mar a bheidh, imeachtaí coiriúla a bheith mar thoradh orthu, i gcomhréir leis na forálacha agus na nósanna imeachta a leagtar síos i Rialachán (AE, Euratom) Uimh. 883/2013 agus Rialachán (Euratom, CE) Uimh. 2185/96.

4.Gan difear a dhéanamh do mhíreanna 1, 2 agus 3, beidh sna socruithe oibre le húdaráis tríú tíortha agus eagraíochtaí idirnáisiúnta, sna conarthaí, sna comhaontuithe deontais agus sna cinntí deontais a dhéanfaidh Eurojust forálacha lena gcumhachtaítear go sainráite don Chúirt Iniúchóirí agus do OLAF na hiniúchtaí agus na himscrúduithe sin a dhéanamh, de réir a n-inniúlachtaí féin.

5.Déanfaidh foireann Eurojust, an Stiúrthóir Riaracháin agus comhaltaí an Choláiste agus an Bhoird Feidhmiúcháin, gan mhoill agus gan é a bheith i gceist amhras a tharraingt ar a bhfreagracht mar thoradh air, fógra a thabhairt do OLAF agus OIPE maidir le haon amhras faoi ghníomhaíocht neamhrialta nó neamhdhleathach laistigh dá sainordú faoi seach a bheidh tagtha ar a n-aire agus a ndualgais á gcomhlíonadh acu.

CAIBIDIL VII

FOIREANN

Airteagal 71

Forálacha ginearálta

1.Fostóidh Eurojust an fhoireann is gá le haghaidh chomhlíonadh a chúraimí agus fheidhmiú a sheirbhísí.

2.Cuirfear an fhoireann faoi údarás an Stiúrthóra Riaracháin agus gníomhóidh an fhoireann i gcomhréir lena threoracha, gan difear a dhéanamh do na cumhachtaí a thugtar do chomhlachtaí eile Eurojust faoin Rialachán seo.

3.Beidh an Stiúrthóir Riaracháin freagrach as bainistiú na foirne i gcomhréir le Rialacháin Foirne Oifigigh an Aontais Eorpaigh agus Coinníollacha Fostaíochta Sheirbhísigh eile an Aontais, a mbeidh feidhm acu, mar aon leis na rialacha arna nglacadh trí chomhaontú idir institiúidí an Aontais chun éifeacht a thabhairt dóibh, maidir le foireann Eurojust. I gcás ina gcinneann an Bord Bainistíochta amhlaidh de bhun Airteagal 10(2), feidhmeoidh an Stiúrthóir Riaracháin freisin cumhachtaí an údaráis ceapacháin i leith fhoireann Eurojust, ar a n-áirítear earcaíocht, maoirseacht, meastóireacht agus feidhmiú údaráis araíonachta.

4.Tacóidh an fhoireann le Eurojust i gcomhlíonadh a fheidhmeanna oibríochtúla agus riaracháin, go háirithe:

(a)tacú le Deasca Náisiúnta agus le húdaráis inniúla náisiúnta maidir le himscrúduithe agus ionchúisimh thrasteorann;

(b)bainistiú cáis agus anailís oibríochtúil;

(c)bainistiú acmhainní daonna;

(d)riarachán buiséadach agus airgeadais;

(e)teicneolaíocht faisnéise agus bainistiú sonraí;

(f)tacaíocht straitéiseach, dlí agus bheartais;

(g)slándáil agus bainistiú saoráidí;

(h)cumarsáid agus bainistíocht eolais;

(i)caidreamh seachtrach agus ábhair institiúideacha.

5.Chun críocha an Rialacháin seo, ciallaíonn ‘baill foirne údaraithe Eurojust’ baill foirne arna n-ainmniú ag an Stiúrthóir Riaracháin chun cúraimí sonracha oibríochtúla, riaracháin nó teicniúla a chomhlíonadh, lena n-áirítear cúraimí lena mbaineann rochtain ar shonraí pearsanta oibríochtúla agus ar an gcóras bainistithe cásanna.

6.Agus feidhmeanna oibríochtúla á bhfeidhmiú acu, gníomhóidh baill foirne údaraithe Eurojust faoi údarás an Stiúrthóra Riaracháin agus, i gcás inarb iomchuí, faoi mhaoirseacht na gComhaltaí Náisiúnta nó an Choláiste i gcomhréir leis an Rialachán seo agus leis na rialacha inmheánacha is infheidhme.

7.Soláthróidh an fhoireann saineolas maidir le hábhair i ndáil le cearta bunúsacha agus, i gcás ina meastar gá a bheith leis nó i gcás ina n-iarrtar é, tabharfaidh an fhoireann comhairle maidir le haon ghníomhaíocht de Eurojust ó pheirspictíocht na gceart bunúsach de, gan bac ná moill a chur ar na gníomhaíochtaí sin. Sa chomhthéacs sin, féadfaidh baill foirne tuairimí neamhcheangailteacha a eisiúint maidir le doiciméid nó bearta ábhartha. Rannchuideoidh siad le hurraim do chearta bunúsacha a áirithiú laistigh de Eurojust i gcomhlíonadh a chúraimí agus a ngníomhaíochtaí.

Airteagal 72

Saineolaithe náisiúnta ar iasacht agus baill eile foirne

Féadfaidh Eurojust úsáid a bhaint as saineolaithe náisiúnta ar iasacht nó as baill eile foirne nach fostaithe de chuid Eurojust iad. Ní bheidh feidhm ag forálacha Airteagal 71 maidir leis na daoine dá dtagraítear san Airteagal seo.

CAIBIDIL VIII

MEASTÓIREACHT AGUS TUAIRISCIÚ

Airteagal 73

Rannpháirtíocht institiúidí an Aontais agus parlaimintí náisiúnta

1.Tarchuirfidh Eurojust a thuarascáil bhliantúil chomhdhlúite chuig Parlaimint na hEorpa, chuig an gComhairle agus chuig na parlaimintí náisiúnta, agus féadfaidh siad barúlacha agus conclúidí a chur i láthair. Déanfar an tuarascáil bhliantúil a tharchur faoin 1 Bealtaine gach bliain. Glacfaidh an Coimisiún gníomhartha cur chun feidhme lena mbunaítear táscairí tuairiscithe chun cur chuige aonfhoirmeach a áirithiú i leith an bhailithe agus an chur i láthair faisnéise arna ndéanamh ag Eurojust maidir le coireanna a dhéanann difear do leasanna airgeadais an Aontais.

2.Nuair a cheapfar é, tabharfaidh Uachtarán nuathofa Eurojust aitheasc os comhair choiste inniúil nó choistí inniúla Pharlaimint na hEorpa agus freagróidh sé ceisteanna a chuirfidh a chomhaltaí nó a gcomhaltaí air. Ní thagrófar go díreach ná go hindíreach sa phlé sin do bhearta coincréiteacha a rinneadh maidir le cásanna oibríochtúla sonracha.

3.Tiocfaidh Uachtarán Eurojust i láthair uair amháin sa bhliain le haghaidh na meastóireachta comhpháirtí a dhéanfaidh Parlaimint na hEorpa agus na parlaimintí náisiúnta ar ghníomhaíochtaí Eurojust, faoi chuimsiú cruinniú coiste idirpharlaiminteach, chun gníomhaíochtaí reatha Eurojust a phlé agus chun tuarascáil bhliantúil nó doiciméid ríthábhachtacha eile Eurojust a thíolacadh. Ní thagrófar go díreach ná go hindíreach sa phlé sin do bhearta coincréiteacha a rinneadh maidir le cásanna oibríochtúla sonracha.

4.Sa bhreis ar na hoibleagáidí eile maidir le faisnéis agus comhairliúchán a leagtar amach sa Rialachán seo, tarchuirfidh Eurojust na nithe seo a leanas chuig Parlaimint na hEorpa agus chuig na parlaimintí náisiúnta ina dteangacha oifigiúla faoi seach mar fhaisnéis:

(a)torthaí staidéar agus tionscadal straitéiseach a mhionsaothraigh nó a choimisiúnaigh Eurojust;

(b)an doiciméad clársceidealaithe dá dtagraítear in Airteagal 12;

(c)socruithe oibre a tugadh i gcrích le tríú páirtithe.

Airteagal 74

Meastóireacht

1.Tráth nach déanaí ná 5 bliana tar éis theacht i bhfeidhm an Rialacháin seo, agus gach 5 bliana ina dhiaidh sin, coimisiúnóidh an Coimisiún meastóireacht ar fheidhmíocht Eurojust i ndáil lena chuspóirí, cúraimí, rialachas agus suíomh i gcomhréir le treoirlínte an Choimisiúin. Tabharfar éisteacht don Bhord Bainistíochta sa mheastóireacht.

2.Díreofar go háirithe sa mheastóireacht ar an ngá a d’fhéadfadh a bheith le sainordú Eurojust a mhodhnú, agus ar na himpleachtaí airgeadais a bheadh ag aon mhodhnú den sórt sin.

3.Tráth gach dara meastóireacht, déanfar measúnú ar na torthaí a bhain Eurojust amach ag féachaint dá chuspóirí, dá shainordú, dá rialachas agus dá chúramaí, lena n-áirítear measúnú ar cibé acu atá nó nach bhfuil údar i gcónaí leis ó thaobh na gcuspóirí, an tsainordaithe, an rialachais agus na gcúraimí sin go leanfaí ar aghaidh le Eurojust.

4.Tuairisceoidh an Coimisiún do Pharlaimint na hEorpa, don Chomhairle agus don Bhord Bainistíochta maidir le torthaí na meastóireachta. Cuirfear torthaí na meastóireachta ar fáil don phobal.

CAIBIDIL IX

FORÁLACHA GINEARÁLTA AGUS CRÍOCHNAITHEACHA

Airteagal 75

Pribhléidí agus díolúintí

Beidh feidhm ag Prótacal Uimh. 7 ar Phribhléidí agus Díolúintí an Aontais Eorpaigh atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh maidir le Eurojust agus a fhoireann 56 .

Airteagal 76

Socruithe teanga

1.Na forálacha a leagtar síos i Rialachán Uimh. 1 ón gComhairle 57  , beidh feidhm acu maidir le Eurojust.

2.Déanfaidh an Bord Bainistíochta cinneadh maidir le socruithe inmheánacha teanga Eurojust trí thromlach dhá thrian dá chomhaltaí.

3.Is é Ionad Aistriúcháin Chomhlachtaí an Aontais Eorpaigh, arna bhunú le Rialachán (CE) Uimh. 2965/94 ón gComhairle 58 , a sholáthróidh aistriúchán agus gach seirbhís teanga eile a bheidh de dhíth ar Eurojust, seachas an ateangaireacht.

Airteagal 77

Rúndacht

1.Maidir le haon fhaisnéis ar a dtagann siad le linn dóibh a gcúraimí a chomhlíonadh, beidh oibleagáid rúndachta ar na Comhaltaí Náisiúnta agus ar a nIonadaithe agus ar a gCúntóirí, ar fhoireann Eurojust, ar na comhfhreagraithe náisiúnta, ar na saineolaithe náisiúnta ar iasacht, ar na hoifigigh idirchaidrimh, ar an Oifigeach Cosanta Sonraí agus ar chomhaltaí agus ar fhoireann MECS.

2.Beidh feidhm ag an oibleagáid rúndachta maidir leis na daoine uile agus na comhlachtaí uile a oibríonn le Eurojust.

3.Beidh feidhm ag an oibleagáid rúndachta freisin tar éis do na daoine dá dtagraítear i míreanna 1 agus 2 a bpost a fhágáil agus tar éis deireadh a theacht lena ngníomhaíochtaí.

4.Beidh feidhm ag an oibleagáid rúndachta maidir leis an bhfaisnéis uile arna fáil nó arna malartú ag Eurojust, murar cuireadh an fhaisnéis sin ar fáil go dleathach don phobal roimhe sin nó mura bhfuil rochtain ag an bpobal uirthi.

Airteagal 78

Coinníollacha rúndachta na n-imeachtaí náisiúnta

1.Gan difear a dhéanamh d’Airteagal 36(3), i gcás ina bhfaightear nó ina malartaítear faisnéis trí Eurojust, féadfaidh údarás an Bhallstáit a sholáthair an fhaisnéis coinníollacha a leagan síos, de bhun a dhlí náisiúnta, maidir le húsáid na faisnéise sin ag an údarás is faighteoir in imeachtaí náisiúnta.

2.Údarás an Bhallstáit a fhaigheann an fhaisnéis dá dtagraítear i mír 1, beidh sé faoi cheangal ag na coinníollacha sin.

Airteagal 79

Trédhearcacht agus cumarsáid

1.Beidh feidhm ag Rialachán (CE) Uimh. 1049/2001 ó Pharlaimint na hEorpa agus ón gComhairle 59 maidir le doiciméid atá i seilbh Eurojust. Laistigh de 6 mhí tar éis dháta a chéad chruinnithe, glacfaidh an Bord Bainistíochta na rialacha mionsonraithe chun Rialachán (CE) Uimh. 1049/2001 a chur i bhfeidhm.

2.Cinntí arna ndéanamh ag Eurojust de bhun Airteagal 8 de Rialachán (CE) Uimh. 1049/2001, d’fhéadfadh sé go mbeidís ina n-ábhar gearáin chuig an Ombudsman Eorpach nó ina n-ábhar caingne os comhair na Cúirte, faoi na coinníollacha a leagtar síos in Airteagail 228 agus 263 CFAE faoi seach.

3.Foilseoidh Eurojust ar a shuíomh gréasáin liosta de chomhaltaí an Bhoird Feidhmiúcháin agus achoimrí ar an toradh a bhí ar chruinnithe an Bhoird Feidhmiúcháin. Déanfar foilsiú na n-achoimrí sin a fhágáil ar lár nó a shrianadh go sealadach nó go buan dá mba rud é go mbeadh riosca ann go gcuirfí comhlíonadh chúraimí Eurojust i mbaol leis an bhfoilsiú sin, agus oibleagáidí discréide agus rúndachta agus gné oibríochtúil Eurojust á gcur san áireamh.

4.Laistigh de 6 mhí tar éis dháta a chéad chruinnithe, bunóidh an Bord Bainistíochta bearta maidir le cur i bhfeidhm Rialachán (AE) 2018/1725 ag Eurojust, lena n-áirítear bearta a bhaineann le hOifig Cosanta Sonraí a cheapadh. Bunófar na bearta sin tar éis dul i gcomhairle le MECS.

5.Féadfaidh Eurojust tabhairt faoi ghníomhaíochtaí cumarsáide ar a thionscnamh féin laistigh dá réimse inniúlachta féin. Ní dhéanfaidh leithdháileadh acmhainní ar ghníomhaíochtaí cumarsáide dochar d’fheidhmiú éifeachtach chúraimí Eurojust. Déanfar gníomhaíochtaí cumarsáide i gcomhréir le pleananna ábhartha maidir le cumarsáid agus scaipeadh arna nglacadh ag an mBord Bainistíochta.

Airteagal 80

Rialacha slándála maidir le faisnéis rúnaicmithe agus faisnéis íogair neamh-rúnaicmithe a chosaint

1.Glacfaidh Eurojust rialacha slándála a bheidh bunaithe ar na prionsabail agus na rialacha atá leagtha síos i rialacha slándála an Choimisiúin chun faisnéis rúnaicmithe an Aontais Eorpaigh (FRAE) agus faisnéis íogair neamh-rúnaicmithe a chosaint, lena n-áirítear, inter alia, forálacha maidir le faisnéis den sórt sin a mhalartú le tríú tíortha, agus próiseáil agus stóráil faisnéise den sórt sin mar a leagtar amach i gCinntí (AE, Euratom) 2015/443 60 agus (AE, Euratom) 2015/444 61 ón gCoimisiún. Aon socrú riaracháin maidir le malartú FRAE le húdaráis ábhartha tríú tír nó, in éagmais socrú den sórt sin, aon eisiúint ad hoc FRAE chuig na húdaráis sin, beidh sé faoi réir formheas ón gCoimisiún roimh ré.

2.Glacfaidh an bord bainistíochta rialacha slándála Eurojust tar éis formheas a fháil ón gCoimisiún. Agus measúnú á dhéanamh aige ar na rialacha slándála atá beartaithe, áiritheoidh an Coimisiún go mbeidh siad i gcomhréir le Cinntí (AE, Euratom) 2015/443 agus (AE, Euratom) 2015/444.

Airteagal 81

Fiosrúcháin riaracháin

Beidh gníomhaíochtaí riaracháin Eurojust faoi réir fhiosrúcháin an Ombudsman Eorpaigh i gcomhréir le hAirteagal 228 CFAE.

Airteagal 82

Dliteanas

1.Beidh dliteanas conarthach Eurojust faoi rialú ag an dlí is infheidhme maidir leis an gconradh atá i gceist. Beidh dlínse ag Cúirt Bhreithiúnais an Aontais Eorpaigh breithiúnas a thabhairt de bhun aon chlásail eadrána a bheidh i gconradh arna thabhairt i gcrích ag Eurojust.

2.I gcás dliteanas neamhchonarthach, déanfaidh Eurojust, i gcomhréir leis na prionsabail ghinearálta is coiteann do dhlíthe na mBallstát agus go neamhspleách ar aon dliteanas faoi Airteagal 44, aon damáiste a shlánú arbh iad a ranna nó a fhoireann ba chúis leis i gcomhlíonadh a ndualgas.

3.Beidh dlínse ag Cúirt Bhreithiúnais an Aontais Eorpaigh i ndíospóidí a bhaineann le cúiteamh i leith damáistí dá dtagraítear i mír 2. Na cúirteanna náisiúnta de chuid na mBallstát atá inniúil chun déileáil le díospóidí a bhaineann le dliteanas Eurojust dá dtagraítear san Airteagal seo, cinnfear iad faoi threoir Rialachán (AE) Uimh. 1215/2012 ó Pharlaimint na hEorpa agus ón gComhairle maidir le dlínse agus le haithint agus forghníomhú breithiúnas in ábhair shibhialta agus tráchtála.

4.Beidh feidhm ag mír 2 freisin maidir le damáiste arbh é locht Comhalta Náisiúnta, Ionadaí nó Cúntóra ba chúis leis i gcomhlíonadh a dhualgas. Mar sin féin, i gcás inarb é Comhalta Náisiúnta, Ionadaí nó Cúntóir atá ina chúis le damáiste agus é ag gníomhú ar bhonn na gcumhachtaí a thugtar dó de bhun Airteagal 18 den Rialachán seo, aisíocfaidh a mBallstát le Eurojust na suimeanna a d’íoc Eurojust chun an damáiste sin a shlánú.

5.Beidh gach Ballstát faoi dhliteanas, i gcomhréir lena dhlí náisiúnta, i leith aon damáiste arna dhéanamh do dhuine aonair a eascraíonn as próiseáil neamhúdaraithe nó mhícheart a rinne an Ballstát sin ar shonraí a chuir sé in iúl do Eurojust.

6.Beidh dliteanas pearsanta na mball foirne i leith Eurojust faoi rialú ag na forálacha a leagtar síos i Rialacháin Foirne Oifigigh an Aontais Eorpaigh agus Coinníollacha Fostaíochta Sheirbhísigh eile an Aontais is infheidhme maidir leo.

7.Beidh dliteanas airgeadais an Aontais agus na mBallstát i leith fhiacha Eurojust teoranta do na ranníocaíocht atá déanta acu cheana féin i leith na gcostas riaracháin.

Airteagal 83

Comhaontú maidir le ceanncheathrú agus coinníollacha oibriúcháin

Na socruithe is gá maidir leis an gcóiríocht atá le soláthar do Eurojust san Ísiltír agus na saoráidí atá le cur ar fáil ag an Ísiltír maille leis na rialacha sonracha is infheidhme san Ísiltír maidir le comhaltaí an Bhoird Bainistíochta, comhaltaí an Bhoird Feidhmiúcháin, na Comhaltaí Náisiúnta, na hIonadaithe agus na Cúntóirí, an Stiúrthóir Riaracháin, baill foirne Eurojust, ionchúisitheoirí idirchaidrimh a thugtar ar iasacht do Eurojust, pointí teagmhála a óstáiltear ag Eurojust, agus baill dá dteaghlaigh, chomh maith le haon duine eile ar gá dó a bheith i láthair ag Eurojust nó ar gá a chomhcheangal le Eurojust le haghaidh chomhlíonadh a chúraimí, leagfar síos na socruithe sin i gComhaontú maidir le Ceanncheathrú idir Eurojust agus an Ísiltír.

 

Airteagal 84

An Nós Imeachta Coiste

1.Tabharfaidh coiste cúnamh don Choimisiún. Beidh an coiste sin ina choiste de réir bhrí Rialachán (AE) Uimh. 182/2011 ó Pharlaimint na hEorpa agus ón gComhairle 62 .

2.I gcás ina ndéanfar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

3.I gcás nach dtugann an coiste aon tuairim, ní dhéanfaidh an Coimisiún an dréachtghníomh cur chun feidhme a ghlacadh agus beidh feidhm ag Airteagal 5(4), an tríú fomhír, de Rialachán (AE) Uimh. 182/2011.

Airteagal 85

Aisghairm

1.Aisghairtear Rialachán (AE) 2018/1727 le héifeacht ó dháta chur i bhfeidhm an Rialacháin seo.

2.Déanfar tagairtí do Rialachán (AE) 2018/1727 a fhorléiriú mar thagairtí don Rialachán seo.

Airteagal 86

Forálacha idirthréimhseacha

1.Is é Eurojust arna bhunú leis an Rialachán seo a bheidh ina chomharba dlíthiúil ar Eurojust a bunaíodh le Rialachán (AE) 2018/1727.

2.Na Comhaltaí Náisiúnta arna dtabhairt ag na Ballstáit ar iasacht faoi Rialachán (AE) 2018/1727, glacfaidh siad ról Comhaltaí Náisiúnta faoin Rialachán seo agus leanfaidh siad dá bhfeidhmeanna a fheidhmiú go dtí deireadh a dtéarmaí oifige féin mar a shonraítear faoi Rialachán (AE) 2018/1727. Féadfar síneadh a chur lena dtéarmaí oifige aon uair amháin faoin Rialachán seo, ar choinníoll nach mó ná 10 mbliana fad foriomlán a mandáide, lena n-áirítear aon tréimhse in oifig faoi Rialachán (AE) 2018/1727. I gcás nach bhfuil stádas ná cumhachtaí Comhaltaí Náisiúnta i gcomhréir leis an Rialachán seo, déanfaidh na Ballstáit lena mbaineann na bearta is gá chun an chomhlíontacht sin a áirithiú gan moill mhíchuí tar éis an [dáta theacht i bhfeidhm an Rialacháin seo].

3.Uachtarán agus an Leas-Uachtarán Eurojust a toghadh faoi Rialachán (AE) 2018/1727, glacfaidh siad ról an Uachtaráin agus an Leas-Uachtaráin faoin Rialachán seo agus leanfaidh siad dá bhfeidhmeanna a fheidhmiú go dtí deireadh a dtéarmaí oifige féin mar a shonraítear faoi Rialachán (AE) 2018/1727. Féadfar iad a atoghadh aon uair amháin faoin Rialachán seo, ar choinníoll nach mó ná 8 mbliana fad foriomlán a mandáide, lena n-áirítear aon tréimhse in oifig faoi Rialachán (AE) 2018/1727.

4.An Stiúrthóir Riaracháin is déanaí a ceapadh faoi Rialachán (AE) 2018/1727, glacfaidh sé ról an Stiúrthóra Riaracháin faoin Rialachán seo agus leanfaidh sé dá fheidhmeanna a fheidhmiú go dtí deireadh a théarma oifige mar a shonraítear faoi Rialachán (AE) 2018/1727. Féadfar síneadh a chur le téarma oifige an Stiúrthóra Riaracháin sin aon uair amháin faoin Rialachán seo, ar choinníoll nach mó ná 10 mbliana fad foriomlán a théarma oifige, lena n-áirítear aon tréimhse in oifig faoi Rialachán (AE) 2018/1727.

5.An Coláiste agus an Bord Feidhmiúcháin a bunaíodh faoi Rialachán (AE) 2018/1727, leanfaidh siad dá bhfeidhmeanna a fheidhmiú faoin Rialachán seo go dtí go reáchtálfar an chéad chruinniú den Bhord Bainistíochta arna bhunú faoin Rialachán seo. Reáchtálfar an chéad chruinniú den Bhord Bainistíochta gan moill mhíchuí tar éis an [dáta theacht i bhfeidhm an Rialacháin seo]. Déanfaidh an Stiúrthóir Riaracháin na bearta is gá chun bunú an Bhoird Bainistíochta i gcomhréir leis an Rialachán seo a áirithiú. Go dtí go mbeidh Bord Bainistíochta oibríochtúil, feidhmeoidh an Coláiste, ar bhonn idirthréimhseach, na feidhmeanna bainistíochta agus straitéiseacha sin a shanntar don Bhord Bainistíochta faoin Rialachán seo atá fíor-riachtanach chun leanúnachas oibríochtaí Eurojust a áirithiú, go háirithe glacadh an bhuiséid agus an doiciméid clársceidealaithe aonair.

6.Baill foirne a fostaíodh faoi Rialachán (AE) 2018/1727, leanfaidh siad de bheith fostaithe faoin Rialachán seo. Coinneofar ar bun cearta agus oibleagáidí uile na foirne, lena n-áirítear na cearta agus na hoibleagáidí sin ag eascairt as conarthaí fostaíochta a tugadh i gcrích faoi Rialachán (AE) 2018/1727.

7.An tOifigeach Cosanta Sonraí is déanaí a ceapadh faoi Rialachán (AE) 2018/1727, glacfaidh sé ról an Oifigigh Cosanta Sonraí faoin Rialachán seo agus leanfaidh sé dá fheidhmeanna a fheidhmiú go dtí deireadh a théarma oifige mar a shonraítear faoi Rialachán (AE) 2018/1727. Féadfar téarma oifige an Oifigigh Cosanta Sonraí sin a athnuachan aon uair amháin faoin Rialachán seo, ar choinníoll nach mó ná 8 mbliana fad foriomlán a théarma oifige, lena n-áirítear aon tréimhse in oifig faoi Rialachán (AE) 2018/1727.

8.Ní dhéanfaidh an Rialachán seo difear do bhailíocht comhaontuithe comhair agus socruithe oibre arna dtabhairt i gcrích ag Eurojust faoi Chinneadh 2002/187/CGB nó Rialachán (AE) 2018/1727. Fanfaidh na comhaontuithe comhair agus na socruithe oibre sin de bheith i bhfeidhm agus cuirfear i bhfeidhm iad go dtí go rachaidh siad in éag, nó go dtí go ndéanfar iad a leasú nó a ionadú.

9.Cinntí arna nglacadh ag an gColáiste, ag an mBord Feidhmiúcháin agus ag an Stiúrthóir Riaracháin, chomh maith le bearta cur chun feidhme agus rialacha inmheánacha arna nglacadh faoi Rialachán (AE) 2018/1727, fanfaidh siad de bheith i bhfeidhm faoin Rialachán seo ach amháin i gcás ina gcinneann an Bord Bainistíochta a mhalairt i gcur i bhfeidhm an Rialacháin seo.

10.Gealltanais bhuiséadacha, oibríochtaí airgeadais agus oibleagáidí conarthacha a rinneadh faoi Rialachán (AE) 2018/1727, beidh siad bailí i gcónaí agus leanfar dá bhfeidhmiú i gcomhréir leis an Rialachán seo. Tacaíocht airgeadais arna soláthar d’fhoirne comhpháirteacha um imscrúdú faoi Rialachán (AE) 2018/1727, leanfar dá riar i gcomhréir leis an Rialachán seo. An nós imeachta um urscaoileadh maidir le buiséid arna bhformheas ar bhonn Rialachán (AE) 2018/1727, déanfar é i gcomhréir leis na rialacha a bhunaítear leis an Rialachán sin.

11.Cumhdóidh an chéad doiciméad clársceidealaithe aonair arna ghlacadh faoin Rialachán seo an tréimhse dar tús an [dáta]. Go dtí go mbeidh an doiciméad sin críochnaitheach, leanfaidh an doiciméad clársceidealaithe aonair a glacadh faoi Rialachán (AE) 2018/1727 le haghaidh na tréimhse ábhartha de bheith i bhfeidhm.

12.Aistrithe sonraí pearsanta chuig tríú tíortha nó chuig eagraíochtaí idirnáisiúnta a rinneadh roimh dháta chur i bhfeidhm an Rialacháin seo, leanfaidh siad de bheith bailí i gcónaí ar choinníoll go gcomhlíonann siad dlí an Aontais mar ab infheidhme roimh an dáta sin. I gcás ina raibh aistrithe leanúnacha bunaithe ar fhorálacha Rialachán (AE) 2018/1727 a bhí éagsúil le forálacha Rialachán 2018/1725, déanfar na haistrithe sin a thabhairt i gcomhréir le Rialachán 2018/1725 laistigh de [X mí] tar éis dháta a chur i bhfeidhm.

13.An Comhaontú maidir le Ceanncheathrú a tugadh i gcrích idir Eurojust agus Ríocht na hÍsiltíre faoi Chinneadh 2002/187/CGB ón gComhairle an 28 Feabhra 2002 63 , leanfaidh sé de bheith i bhfeidhm. I gcás inar gá, déanfaidh Eurojust agus Ríocht na hÍsiltíre an Comhaontú sin a oiriúnú chun é a thabhairt i gcomhréir leis an Rialachán seo laistigh de [X mí] tar éis dháta a chur i bhfeidhm.

Airteagal 87

Teacht i bhfeidhm

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh feidhm aige ón […].

Beidh an Rialachán seo ina cheangal go huile agus go hiomlán agus beidh sé infheidhme go díreach sna Ballstáit i gcomhréir leis na Conarthaí.

Arna dhéanamh sa Bhruiséil,

RÁITEAS REACHTACH AIRGEADAIS AGUS DIGITEACH – GNÍOMHAIREACHTAÍ

Clár

1.FRAMEWORK OF THE PROPOSAL/INITIATIVE

1.1.Title of the proposal/initiative

1.2.Policy area(s) concerned

1.3.Objective(s)

1.3.1.General objective(s)

1.3.2.Specific objective(s)

1.3.3.Expected result(s) and impact

1.3.4.Indicators of performance

1.4.The proposal/initiative relates to:

1.5.Grounds for the proposal/initiative

1.5.1.Requirement(s) to be met in the short or long term including a detailed timeline for roll-out of the implementation of the initiative

1.5.2.Added value of EU involvement (it may result from different factors, e.g. coordination gains, legal certainty, greater effectiveness or complementarities). For the purposes of this section 'added value of EU involvement' is the value resulting from EU action, that is additional to the value that would have been otherwise created by Member States alone.

1.5.3.Lessons learned from similar experiences in the past

1.5.4.Compatibility with the multiannual financial framework and possible synergies with other appropriate instruments

1.5.5.Assessment of the different available financing options, including scope for redeployment

1.6.Duration of the proposal/initiative and of its financial impact

1.7.Method(s) of budget implementation planned

2.MANAGEMENT MEASURES

2.1.Monitoring and reporting rules

2.2.Management and control system(s)

2.2.1.Justification of the budget implementation method(s), the funding implementation mechanism(s), the payment modalities and the control strategy proposed

2.2.2.Information concerning the risks identified and the internal control system(s) set up to mitigate them

2.2.3.Estimation and justification of the cost-effectiveness of the controls (ratio between the control costs and the value of the related funds managed), and assessment of the expected levels of risk of error (at payment & at closure)

2.3.Measures to prevent fraud and irregularities

3.ESTIMATED FINANCIAL IMPACT OF THE PROPOSAL/INITIATIVE

3.1.Heading(s) of the multiannual financial framework and expenditure budget line(s) affected

3.2.Estimated financial impact of the proposal on appropriations

3.2.1.Summary of estimated impact on operational appropriations

3.2.1.1.Appropriations from voted budget

3.2.8.Estimated human resources and the use of appropriations required in a decentralised agency

3.2.9. Overview of the contribution agreements integrated in the budget

1.LEAGAN AMACH AN TOGRA/TIONSCNAIMH 

1.1.Teideal an togra/tionscnaimh

1.2.Réimsí beartais lena mbaineann 

1.3.Cuspóirí

1.3.1.Cuspóirí ginearálta

1.3.2.Cuspóirí sonracha

1.3.3.An toradh agus an tionchar a bhfuil coinne leis

Sonraigh an tionchar a bheadh ag an togra/tionscnamh ar na tairbhithe/grúpaí ar a bhfuil sé dírithe.

1.3.4.Táscairí feidhmíochta

Sonraigh na táscairí chun faireachán a dhéanamh ar dhul chun cinn agus ar ghnóthachain.

1.4.Baineann an togra/tionscnamh le: 

¨ beart nua 

¨ beart nua a leanann treoirthionscadal/réamhbheart 66  

x síneadh ar bheart atá ann cheana 

¨ beart nó bearta a chumasc nó a atreorú i dtreo beart eile/beart nua

1.5.An foras leis an togra/tionscnamh 

1.5.1.Na ceanglais is gá a chomhlíonadh sa ghearrthéarma nó san fhadtéarma, lena n-áirítear amlíne mhionsonraithe maidir le cur chun feidhme céimneach an tionscnaimh

1.5.2.Breisluach a bhaineann le rannpháirteachas an Aontais (d’fhéadfadh an breisluach a bheith ann mar thoradh ar fhachtóirí éagsúla, e.g. gnóthachain de thoradh comhordú, deimhneacht dhlíthiúil, breis éifeachtachta nó comhlántachtaí). Chun críocha na roinne seo, is é a chiallaíonn ‘breisluach a bhaineann le rannpháirteachas an Aontais’ an luach a thagann as gníomhaíocht an Aontais ar luach é atá sa bhreis ar an luach a bheadh ann dá mbeadh na Ballstáit ag feidhmiú leo féin.

1.5.3.Ceachtanna a foghlaimíodh ó thaithí eile den sórt sin san am a chuaigh thart

1.5.4.Comhoiriúnacht don Chreat Airgeadais Ilbhliantúil agus sineirgí a d’fhéadfadh a bheith ann le hionstraimí iomchuí eile

1.5.5.Measúnú ar na roghanna éagsúla maoinithe atá ar fáil, lena n-áirítear na féidearthachtaí athshannadh a dhéanamh

1.6.Fad an togra/tionscnaimh agus fad a thionchair airgeadais

¨ tréimhse theoranta

–¨    i bhfeidhm ón [LL/MM]BBBB go dtí an [LL/MM]BBBB

–¨    tionchar airgeadais ó BBBB go BBBB maidir le leithreasuithe faoi chomhair gealltanas agus ó BBBB go BBBB maidir le leithreasuithe faoi chomhair íocaíochtaí.

x tréimhse neamhtheoranta

–Cuirfear chun feidhme é le linn na tréimhse tosaigh ó 2028 go 2033,

–agus cuirfear ag feidhmiú go hiomlán ina dhiaidh sin é.

1.7.Na modhanna atá beartaithe chun an buiséad a chur chun feidhme

¨ Bainistíocht dhíreach a dhéanann an Coimisiún

–¨ ina ranna, lena n-áirítear an chuid sin den fhoireann atá i dtoscaireachtaí an Aontais;

–¨    trí na gníomhaireachtaí feidhmiúcháin

¨ Bainistíocht atá comhroinnte leis na Ballstáit

x Bainistíocht indíreach trí chúraimí a bhaineann le cur chun feidhme an bhuiséid a shannadh dóibh seo a leanas:

–¨ tríú tíortha nó na comhlachtaí a d’ainmnigh siad

–¨ eagraíochtaí idirnáisiúnta agus a ngníomhaireachtaí (tabhair sonraí)

–¨ an Banc Eorpach Infheistíochta agus an Ciste Eorpach Infheistíochta

–x comhlachtaí dá dtagraítear in Airteagail 70 agus 71 den Rialachán Airgeadais

–¨ comhlachtaí dlí poiblí

–¨ comhlachtaí arna rialú ag an dlí príobháideach agus a bhfuil misean seirbhíse poiblí acu a mhéid a sholáthraítear ráthaíochtaí leordhóthanacha airgeadais dóibh

–¨ comhlachtaí arna rialú ag dlí príobháideach Ballstáit, ar comhlachtaí iad a bhfuil sé de chúram orthu comhpháirtíocht phríobháideach phoiblí a chur chun feidhme agus dá soláthraítear ráthaíochtaí leordhóthanacha airgeadais

–¨ comhlachtaí nó daoine a bhfuil sé de chúram orthu bearta sonracha de chuid an chomhbheartais eachtraigh agus slándála a chur chun feidhme de bhun Theideal V den Chonradh ar an Aontas Eorpach, ar comhlachtaí nó daoine iad a shainaithnítear sa bhunghníomh ábhartha

–¨  comhlachtaí arna mbunú i mBallstát, arna rialú ag dlí príobháideach Ballstáit nó ag dlí an Aontais agus atá incháilithe le go gcuirfear de chúram orthu, i gcomhréir le rialacha earnáilsonracha, cistí an Aontais nó ráthaíochtaí buiséadacha a chur chun feidhme, a mhéid a bhíonn na comhlachtaí sin á rialú ag comhlachtaí dlí poiblí nó ag comhlachtaí arna rialú ag an dlí príobháideach a bhfuil misean seirbhíse poiblí acu, agus a mhéid a sholáthraíonn na comhlachtaí rialúcháin ráthaíochtaí airgeadais leordhóthanacha dóibh i bhfoirm dliteanas comhpháirteach agus leithleach nó ráthaíochtaí airgeadais coibhéiseacha, agus ar ráthaíochtaí iad a d’fhéadfadh, le haghaidh gach birt, a bheith teoranta d’uasmhéid thacaíocht an Aontais.

2.BEARTA BAINISTÍOCHTA 

2.1.Rialacha faireacháin agus tuairiscithe 

2.2.Córais bhainistíochta agus rialaithe 

2.2.1.An bonn cirt atá leis na modhanna cur chun feidhme buiséid, le sásraí cur chun feidhme an chistithe, leis na módúlachtaí íocaíochta agus leis an straitéis rialaithe atá beartaithe

2.2.2.Faisnéis faoi na rioscaí a sainaithníodh agus na córais rialaithe inmheánaigh a cuireadh ar bun chun na rioscaí a mhaolú

2.2.3.Meastachán ar chostéifeachtacht na rialuithe agus an réasúnaíocht atá leis an gcostéifeachtacht sin (an cóimheas idir na costais rialaithe agus luach na gcistí gaolmhara arna mbainistiú), agus measúnú ar an leibhéal riosca earráide a mheastar a bheidh ann (tráth na híocaíochta agus an tráth a dhúnfar an clár)

2.3.Bearta chun calaois agus neamhrialtachtaí a chosc 

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH 

3.1.Ceannteidil an chreata airgeadais ilbhliantúil agus na línte buiséid caiteachais ar a n-imreofar tionchar 

·Línte buiséid atá ann cheana

In ord cheannteidil agus línte buiséid an chreata airgeadais ilbhliantúil.

Ceannteideal an chreata airgeadais ilbhliantúil	Líne bhuiséid	Cineál caiteachais	Ranníocaíocht
	Uimhir	LD/LN	ó thíortha CSTE	ó thíortha is iarrthóirí agus tíortha is iarrthóirí ionchasacha	Ó thríú tíortha eile	ioncam sannta eile
2	[E.07100700]	LD	NÍL	NÍL	NÍL	NÍL

3.2.An tionchar airgeadais a mheastar a bheidh ag an togra ar leithreasuithe 

3.2.1.Achoimre ar an tionchar a mheastar a imreofar ar leithreasuithe faoi chomhair oibríochtaí 

–¨    Ní éilíonn an togra/tionscnamh go n-úsáidfear leithreasuithe faoi chomhair oibríochtaí

–x    Éilíonn an togra/tionscnamh go n-úsáidfear leithreasuithe faoi chomhair oibríochtaí, mar a mhínítear thíos

3.2.1.1.Leithreasuithe ón mbuiséad ar vótáladh ina fhabhar

EUR milliúin (go dtí an tríú deachúil)

Ceannteideal an chreata airgeadais ilbhliantúil

Uimhir

2

AS: /			Bliain	Bliain	Bliain	Bliain	Bliain	Bliain	Bliain	IOMLÁN CAI 2028-2034
			2028	2029	2030	2031	2032	2033	2034
Leithreasuithe faoi chomhair oibríochtaí
Líne bhuiséid	Gealltanais	(1a)	0	0	0	0	0	0	0	0
	Íocaíochtaí	(2a)	0	0	0	0	0	0	0	0
Líne bhuiséid	Gealltanais	(1b)	0	0	0	0	0	0	0	0
	Íocaíochtaí	(2b)	0	0	0	0	0	0	0	0
Leithreasuithe de chineál riaracháin arna maoiniú as imchlúdach na gclár sonrach 67
Líne bhuiséid		(3)								0
IOMLÁN na leithreasuithe	Gealltanais	=1a+1b+3	0	0	0	0	0	0	0	0
i gcomhair AS /	Íocaíochtaí	=2a+2b+3	0	0	0	0	0	0	0	0

EUR milliúin (go dtí an tríú deachúil)

[Gníomhaireacht]: Eurojust	Bliain 2028	Bliain 2029	Bliain 2030	Bliain 2031	Bliain 2032	Bliain 2033	Bliain 2034	IOMLÁN CAI 2028-2034
Líne bhuiséid: E.07100700 / Ranníocaíocht ó bhuiséad an Aontais leis an ngníomhaireacht Iar-chomhaontuithe ranníocaíochta a chorpraítear sa ghnáthbhuiséad 68	5,109	5,109	5,109	5,109	5,109	5,109	5,109	35,763
Líne bhuiséid: E.07100700 / Ranníocaíocht ó bhuiséad an Aontais leis an ngníomhaireacht Acmhainní breise a iarrtar le haghaidh an tsainordaithe nua 69	2,988	6,454	9,086	12,077	16,689	17,382	18,476	83,152
Méadú iomlán ar ranníocaíocht an Aontais leis an ngníomhaireacht a bhaineann leis an sainordú nua	8,097	11,563	14,195	17,186	21,798	22,491	23,585	118,915
Líne bhuiséid: E.07100700 / Ranníocaíocht ó bhuiséad an Aontais leis an ngníomhaireacht BONNLÍNE: Togra ón gCoimisiún maidir le CAI 2028-2034 70	72,360	72,360	72,360	72,360	72,360	72,360	72,360	506,520
Líne bhuiséid: E.07100700 / Ranníocaíocht ó bhuiséad an Aontais leis an ngníomhaireacht IOMLÁN	80,457	83,923	86,555	89,546	94,158	94,851	95,945	625,435

* Is méid táscach é méid na leithreasuithe atá le leithdháileadh ar an ngníomhaireacht sa chéad CAI eile agus tá sé faoi réir an chomhaontaithe maidir le CAI. Ba cheart é a chomhtháthú i bhfóirdheontas na Gníomhaireachta mar gheall ar chineál buan na gcúraimí a leithdháiltear leis an togra seo agus cúiteofar é, más ábhartha, le laghdú coibhéiseach ar imchlúdach cláir ábhartha faoin gceannteideal céanna CAI. Más rud é go bhfuil gá le laghdú cúiteach, d’fhéadfadh sé gur ghá na hacmhainní a leithdháiltear ar an nGníomhaireacht a athbhreithniú freisin tríd an nós imeachta buiséadach bliantúil.

			Bliain	Bliain	Bliain	Bliain	Bliain	Bliain	Bliain	IOMLÁN CAI 2028-2034
			2028	2029	2030	2031	2032	2033	2034
IOMLÁN na leithreasuithe faoi chomhair oibríochtaí (an ranníocaíocht leis an ngníomhaireacht dhíláraithe san áireamh)	Gealltanais	(4)	80,457	83,923	86,555	89,546	94,158	94,851	95,945	625,435
	Íocaíochtaí	(5)	80,457	83,923	86,555	89,546	94,158	94,851	95,945	625,435
IOMLÁN na leithreasuithe de chineál riaracháin arna maoiniú as imchlúdach na gclár sonrach		(6)	0	0	0	0	0	0	0	0
IOMLÁN na leithreasuithe faoi CHEANNTEIDEAL <2.>	Gealltanais	=4+6	80,457	83,923	86,555	89,546	94,158	94,851	95,945	625,435
den chreat airgeadais ilbhliantúil	Íocaíochtaí	=5+6	80,457	83,923	86,555	89,546	94,158	94,851	95,945	625,435

				Bliain	Bliain	Bliain	Bliain	Bliain	Bliain	Bliain	IOMLÁN CAI 2028-2034
				2028	2029	2030	2031	2032	2033	2034
• IOMLÁN na leithreasuithe faoi chomhair oibríochtaí (gach ceannteideal oibríochta)	Gealltanais	(4)		80,457	83,923	86,555	89,546	94,158	94,851	95,945	625,435
	Íocaíochtaí	(5)		80,457	83,923	86,555	89,546	94,158	94,851	95,945	625,435
• IOMLÁN na leithreasuithe de chineál riaracháin arna maoiniú as imchlúdach na gclár sonrach (gach ceannteideal oibríochta)		(6)		0	0	0	0	0	0	0	0
IOMLÁN na leithreasuithe faoi Cheannteidil 1 go 3	Gealltanais	=4+6		80,457	83,923	86,555	89,546	94,158	94,851	95,945	625,435
den chreat airgeadais ilbhliantúil (Méid tagartha)	Íocaíochtaí	=5+6		80,457	83,923	86,555	89,546	94,158	94,851	95,945	625,435

Ceannteideal an chreata airgeadais ilbhliantúil

4

‘Caiteachas riaracháin’

EUR milliúin (go dtí an tríú deachúil)

AS: /				Bliain	Bliain	Bliain	Bliain	Bliain	Bliain	Bliain	IOMLÁN CAI 2028-2034
				2028	2029	2030	2031	2032	2033	2034
Ÿ Acmhainní daonna				0	0	0	0	0	0	0	0
Ÿ Caiteachas riaracháin eile				0	0	0	0	0	0	0	0
IOMLÁN AS /	Leithreasuithe			0	0	0	0	0	0	0	0
IOMLÁN na leithreasuithe faoi CHEANNTEIDEAL 4 den chreat airgeadais ilbhliantúil		(Iomlán na ngealltanas = Iomlán na n-íocaíochtaí)		0	0	0	0	0	0	0	0

EUR milliúin (go dtí an tríú deachúil)

		Bliain	Bliain	Bliain	Bliain	Bliain	Bliain	Bliain	IOMLÁN CAI 2028-2034
		2028	2029	2030	2031	2032	2033	2034
IOMLÁN na leithreasuithe faoi CHEANNTEIDIL 1 go 4	Gealltanais	80,457	83,923	86,555	89,546	94,158	94,851	95,945	625,435
den chreat airgeadais ilbhliantúil	Íocaíochtaí	80,457	83,923	86,555	89,546	94,158	94,851	95,945	625,435

3.2.8.Na hacmhainní daonna a mheastar a bhfuil gá leo agus na leithreasuithe a mheastar is gá a úsáid i ngníomhaireacht dhíláraithe 

* Is méid táscach é méid na leithreasuithe atá le leithdháileadh ar an ngníomhaireacht sa chéad CAI eile agus tá sé faoi réir an chomhaontaithe maidir le CAI. Ba cheart é a chomhtháthú i bhfóirdheontas na Gníomhaireachta mar gheall ar chineál buan na gcúraimí a leithdháiltear leis an togra seo agus cúiteofar é, más ábhartha, le laghdú coibhéiseach ar imchlúdach cláir ábhartha faoin gceannteideal céanna CAI. Más rud é go bhfuil gá le laghdú cúiteach, d’fhéadfadh sé gur ghá na hacmhainní a leithdháiltear ar an nGníomhaireacht a athbhreithniú freisin tríd an nós imeachta buiséadach bliantúil.

Riachtanais foirne (in aonaid de choibhéis lánaimseartha)

Tagraíonn an figiúr idir lúibíní (+n) don mhéadú ón mbliain roimhe sin, i.e. an líon ball foirne a earcaíodh sa bhliain reatha.

Tá + 87 FTE breise beartaithe le linn an chéad CAI eile, móide cobhsú nó fostú 16 FTE arna bhfostú ag Eurojust chun tionscadail a chur i gcrích bunaithe ar chomhaontuithe ranníocaíochta.

Gníomhaireacht: Eurojust	Bliain 2028	Bliain 2029	Bliain 2030	Bliain 2031	Bliain 2032	Bliain 2033	Bliain 2034
Gníomhairí sealadacha (Gráid AD)	4 (+4)	8 (+4)	13 (+5)	19 (+6)	28 (+9)	36 (+8)	36 (+0)
Gníomhairí sealadacha (Gráid AST)	0 (+0)	2 (+2)	3 (+1)	4 (+1)	4 (+0)	4 (+0)	4 (+0)
Gníomhairí sealadacha (AD+AST) – fo-iomlán	4 (+4)	10 (+6)	16 (+6)	23 (+7)	32 (+9)	40 (+8)	40 (+0)
Gníomhairí ar conradh	0 (+0)	4 (+4)	8 (+4)	12 (+4)	16 (+4)	20 (+4)	20 (+0)
Saineolaithe náisiúnta ar iasacht	0 (+0)	6 (+6)	15 (+9)	21 (+6)	25 (+4)	27 (+2)	27 (+0)
Gníomhairí ar conradh agus saineolaithe náisiúnta ar iasacht – fo-iomlán	0 (+0)	10 (+10)	23 (+13)	33 (+10)	41 (+8)	47 (+6)	47 (+0)
LÍON IOMLÁN na mball foirne (de bhreis ar an gclársceidealú airgeadais)	4 (+4)	20 (+16)	39 (+19)	56 (+17)	73 (+17)	87 (+14)	87 (+0)
Baill foirne arna bhfostú/arna gcobhsú trí na hacmhainní a thagann ó chomhaontuithe ranníocaíochta (iar-chomhaontuithe ranníocaíochta) – Gníomhairí sealadacha (AD)	11 (+11)	11 (+0)	11 (+0)	11 (+0)	11 (+0)	11 (+0)	11 (+0)
Baill foirne arna bhfostú/arna gcobhsú trí na hacmhainní a thagann ó chomhaontuithe ranníocaíochta (iar-chomhaontuithe ranníocaíochta) – Gníomhairí ar conradh (AD)	5 (+5)	5 (+0)	5 (+0)	5 (+0)	5 (+0)	5 (+0)	5 (+0)
Baill foirne arna bhfostú/arna gcobhsú trí na hacmhainní a thagann ó chomhaontuithe ranníocaíochta (iar-chomhaontuithe ranníocaíochta)	16 (+16)	16 (+0)	16 (+0)	16 (+0)	16 (+0)	16 (+0)	16 (+0)
Líon iomlán na mball foirne le haghaidh an togra	20 (+20)	36 (+16)	55 (+19)	72 (+17)	89 (+17)	103 (+14)	103 (+0)

BONNLÍNE: Togra ón gCoimisiún maidir le CAI 2028-2034 71	Bliain 2028	Bliain 2029	Bliain 2030	Bliain 2031	Bliain 2032	Bliain 2033	Bliain 2034
Gníomhairí sealadacha (Gráid AD)	141	141	141	141	141	141	141
Gníomhairí sealadacha (Gráid AST)	110	110	110	110	110	110	110
Gníomhairí sealadacha (AD+AST) – fo-iomlán	251	251	251	251	251	251	251
Gníomhairí ar conradh	18	18	18	18	18	18	18
Saineolaithe náisiúnta ar iasacht	24	24	24	24	24	24	24
Gníomhairí ar conradh agus saineolaithe náisiúnta ar iasacht – fo-iomlán	42	42	42	42	42	42	42
LÍON IOMLÁN na mball foirne (bonnlíne)	293	293	293	293	293	293	293

LÍON IOMLÁN na mball foirne (athbhreithnithe Eurojust)	Bliain 2028	Bliain 2029	Bliain 2030	Bliain 2031	Bliain 2032	Bliain 2033	Bliain 2034
Gníomhairí sealadacha (Gráid AD)	156	160	165	171	180	188	188
Gníomhairí sealadacha (Gráid AST)	110	112	113	114	114	114	114
Gníomhairí sealadacha (AD+AST) – fo-iomlán	266	272	278	285	294	302	302
Gníomhairí ar conradh	23	27	31	35	39	43	43
Saineolaithe náisiúnta ar iasacht	24	30	39	45	49	51	51
Gníomhairí ar conradh agus saineolaithe náisiúnta ar iasacht – fo-iomlán	47	57	70	80	88	94	94
LÍON IOMLÁN na mball foirne (iomlán)	313	329	348	365	382	396	396

Leithreasuithe a chumhdaítear leis an ranníocaíocht ó bhuiséad an Aontais in EUR milliúin (go dtí an tríú deachúil)

Gníomhaireacht: Eurojust	Bliain 2028	Bliain 2029	Bliain 2030	Bliain 2031	Bliain 2032	Bliain 2033	Bliain 2034	IOMLÁN 2028-2034
Teideal 1: Caiteachas foirne de bhreis ar an gclársceidealú airgeadais atá beartaithe	0,388	1,892	4,286	6,777	9,289	11,682	12,776	47,090
Teideal 2: Caiteachas bonneagair agus oibriúcháin de bhreis ar an gclársceidealú airgeadais atá beartaithe	1,900	3,300	3,100	3,300	5,200	3,500	3,500	23,800
Teideal 3: Caiteachas oibríochtúil de bhreis ar an gclársceidealú airgeadais atá beartaithe	0,700	1,262	1,700	2,000	2,200	2,200	2,200	12,262
IOMLÁN na leithreasuithe a chumhdaítear le buiséad an Aontais de bhreis ar an gclársceidealú airgeadais a bheartaítear	2,988	6,454	9,086	12,077	16,689	17,382	18,476	83,152
Comhaontuithe (iar-chomhaontuithe) ranníocaíochta a chorpraítear sa ghnáthbhuiséad (Gach Teideal)	5,109	5,109	5,109	5,109	5,109	5,109	5,109	35,763
Togra ón gCoimisiún maidir le CAI 2028-2034	72,360	72,360	72,360	72,360	72,360	72,360	72,360	506,520
IOMLÁN na leithreasuithe a chumhdaítear le buiséad an Aontais	80,457	83,923	86,555	89,546	94,158	94,851	95,945	625,435

Forbhreathnú/achoimre ar na hacmhainní daonna agus na leithreasuithe (in EUR milliún) atá riachtanach i gcomhair an togra/tionscnaimh i ngníomhaireacht dhíláraithe

Gníomhaireacht: Eurojust	Bliain 2028	Bliain 2029	Bliain 2030	Bliain 2031	Bliain 2032	Bliain 2033	Bliain 2034	IOMLÁN 2028-2034
Gníomhairí sealadacha (AD+AST)	15 (+15)	21 (+6)	27 (+6)	34 (+7)	43 (+9)	51 (+8)	51 (+0)	51
Gníomhairí ar conradh	5 (+5)	9 (+4)	13 (+4)	17 (+4)	21 (+4)	25 (+4)	25 (+0)	25
Saineolaithe náisiúnta ar iasacht	0 (+0)	6 (+6)	15 (+9)	21 (+6)	25 (+4)	27 (+2)	27 (+0)	27
Iomlán na mball foirne (a cheanglaítear leis an togra, lena n-áirítear baill foirne a fostaíodh/a cobhsaíodh trí chomhaontuithe ranníocaíochta roimhe seo)	20 (+20)	36 (+16)	55 (+19)	72 (+17)	89 (+17)	103 (+14)	103 (+0)	103
Leithreasuithe a chumhdaítear le buiséad an Aontais	8,097	11,563	14,195	17,186	21,798	22,491	23,585	118,915
Leithreasuithe a chumhdaítear le táillí (más infheidhme)	0,000	0,000	0,000	0,000	0,000	0,000	0,000	0,000
Leithreasuithe cómhaoinithe (más infheidhme)	0,000	0,000	0,000	0,000	0,000	0,000	0,000	0,000
IOMLÁN na leithreasuithe (atá riachtanach le haghaidh an togra)	8,097	11,563	14,195	17,186	21,798	22,491	23,585	118,915

3.2.9. Forbhreathnú ar na comhaontuithe ranníocaíochta a chomhtháthaítear sa bhuiséad

Faigheann Eurojust cistiú le haghaidh na gcomhaontuithe ranníocaíochta seo a leanas:

Tionscadal	Fad	Buiséad thar an bhfad ama (milliúin)	Coibhéis lánaimseartha/bliain	Contrapháirt	Aidhm an tionscadail
Tionscadal Ceartais EuroMed	4 bliana	EUR 6 000 000 (tuairim is 1,5 milliún in aghaidh na bliana)	6,5	An Coimisiún Eorpach – AS MENA	Is é is aidhm don tionscadal feabhas a chur ar an gcomhar breithiúnach idir na Ballstáit agus tíortha comhpháirtíochta theas (an Ailgéir, an Éigipt, Iosrael, an Iordáin, an Liobáin, Libia, Maracó, an Phalaistín, agus an Túinéis).
Tionscadal SIRIUS	3 bliana	EUR 1 475 622 (tuairim is 0,492 milliún in aghaidh na bliana)	4	An tSeirbhís um Ionstraimí Beartais Eachtraigh den Choimisiún Eorpach	Is é is aidhm don tionscadal feabhas a chur ar an rochtain trasteorann ar r-fhianaise trí eolas agus uirlisí a sholáthar d’údaráis phoiblí agus trína gcomhar le soláthraithe seirbhíse ar fud an domhain a éascú.
Tionscadal WB CRIM JUST	4 bliana	EUR 6 000 000 (tuairim is 1,5 milliún in aghaidh na bliana)	5	An Coimisiún Eorpach – AS ENEST	Is é is aidhm don tionscadal tacú leis an gcomhar oibríochtúil, lena n-áirítear é sin a dhéanamh trí JITanna, i measc thíortha na mBalcán Thiar agus idir na tíortha sin agus Ballstáit an Aontais. Le Cinneadh Cur Chun Feidhme C(2025) 4066 final an 24 Meitheamh 2025, mhaoinigh an Coimisiún céim II den tionscadal ar céim í a mhairfidh 3 bliana, ag tosú an 1 Eanáir 2027, lena mbaineann buiséad EUR 6 mhilliún le haghaidh na mBalcán Thiar agus EUR 3 mhilliún le haghaidh Chomhpháirtíocht an Oirthir.
ICPA	13 mhí	EUR 5 000 000 (tuairim is 4,617 milliún in aghaidh na bliana)	12	An Coimisiún Eorpach – AS ENEST	Is é is aidhm don Lárionad na hiarrachtaí comhair bhreithiúnaigh idirnáisiúnta a neartú chun cuntasacht as coir an fhogha in aghaidh na hÚcráine a áirithiú.
IMPNA	4 bliana	EUR 3 000 000 (tuairim is 0,750 milliún in aghaidh na bliana)	3	An Coimisiún Eorpach – AS INTPA	Is é is aidhm don tionscadal rannchuidiú le hiarrachtaí ceartais agus cuntasachta i ndáil leis na coireanna idirnáisiúnta is tromchúisí trí fheabhas a chur ar an gcomhar idir eagraíochtaí sochaí sibhialta agus údaráis náisiúnta a dhéanann na coireanna idirnáisiúnta is tromchúisí a imscrúdú agus a ionchúiseamh i mBallstáit an Aontais agus i dtíortha nach Ballstáit den Aontas iad.

Na cúraimí a dhéantar faoi na comhaontuithe ranníocaíochta a bhaineann leis na tionscadail seo a leanas, tá siad leabaithe go seasmhach i sainordú na Gníomhaireachta. Ó bhliain theacht i bhfeidhm an Rialacháin athbhreithnithe, an cistiú a fhaightear trí na comhaontuithe ranníocaíochta sin faoi láthair, déanfar an cistiú sin a chomhtháthú i mbuiséad Eurojust. An méadú comhfhreagrach ar ranníocaíocht an Aontais le Eurojust, déanfar é a fhritháireamh le laghdú coibhéiseach ar imchlúdaigh na gclár faoi seach. Mar thoradh air sin, ní thiocfaidh aon athrú ar an gclársceidealú airgeadais foriomlán.

Tá na hacmhainní agus an fhoireann a bhfuil achoimre orthu thíos san áireamh sna táblaí thuas ina léirítear ranníocaíocht an Aontais leis an ngníomhaireacht dhíláraithe.

Tionscadal / buiséad bliantúil	Bliain 2028	Bliain 2029	Bliain 2030	Bliain 2031	Bliain 2032	Bliain 2033	Bliain 2034	IOMLÁN 2028-2034
Tionscadal SIRIUS	0,492	0,492	0,492	0,492	0,492	0,492	0,492	3,444
ICPA	4,617	4,617	4,617	4,617	4,617	4,617	4,617	32,319
Ranníocaíocht IOMLÁN	5,109	5,109	5,109	5,109	5,109	5,109	5,109	35,763

Tionscadal / foireann	Bliain 2028	Bliain 2029	Bliain 2030	Bliain 2031	Bliain 2032	Bliain 2033	Bliain 2034	IOMLÁN 2028-2034
Tionscadal SIRIUS	4	4	4	4	4	4	4	4
ICPA	12	12	12	12	12	12	12	12
LÍON IOMLÁN na mball foirne (gníomhairí sealadacha agus gníomhairí ar conradh)	16	16	16	16	16	16	16	16

Tionscadal Ceartais EuroMed, tionscadal WB CRIM JUST agus an tionscadal IMPNA, a bunaíodh ar bhonn ad hoc agus faoinar gá cúraimí nach dtagann faoi shainordú Eurojust a chomhlíonadh, leanfar de na tionscadail sin a oibriú ar bhonn comhaontuithe ranníocaíochta.

(1)    IO L 063, 6.3.2002, lch. 1.

(2)    IO L 295 21.11.2018, lch. 138.

(3)    SWD(2025) 182 final.

(4)    Ráiteas Comhpháirteach ó Pharlaimint na hEorpa, ó Chomhairle an Aontais Eorpaigh agus ón gCoimisiún Eorpach maidir le gníomhaireachtaí díláraithe.

(5)    Clár oibre an Choimisiúin 2026 agus a iarscríbhinní, 21 Deireadh Fómhair 2025.

(6)    Tuarascáil ón bhFóram Ardleibhéil maidir le Todhchaí Cheartas Coiriúil an Aontais, Feabhra-Nollaig 2025.

(7)    Rialachán (AE) 2023/1543 ó Pharlaimint na hEorpa agus ón gComhairle an 12 Iúil 2023 maidir le hOrduithe Eorpacha chun Fianaise a Thabhairt ar Aird agus Orduithe Caomhnaithe Eorpacha i gcomhair fianaise leictreonach in imeachtaí coiriúla agus chun pianbhreitheanna coimeádta a fhorghníomhú tar éis imeachtaí coiriúla (IO L 191, 28.7.2023, lgh 118-180, ELI:  http://data.europa.eu/eli/reg/2023/1543/oj ).

(8)    Ina fhoirm athbhreithnithe. lena leasaítear Rialachán (AE) 2018/1725.

(9)    Treoir 2014/41/AE ó Pharlaimint na hEorpa agus ón gComhairle an 3 Aibreán 2014 maidir leis an Ordú Imscrúdaithe Eorpach a úsáid in imeachtaí in ábhair choiriúla (IO L 130, 1.5.2014, lgh. 1-36, ELI:  http://data.europa.eu/eli/dir/2014/41/oj ).

(10)    COM(2025) 546 final, an 16 Iúil 2025.

(11)    Treoir (AE) 2016/680 ó Pharlaimint na hEorpa agus ón gComhairle an 27 Aibreán 2016 i ndáil le cosaint daoine nádúrtha maidir le próiseáil sonraí pearsanta ag údaráis inniúla chun cionta coiriúla a chosc, a imscrúdú, a bhrath nó a ionchúiseamh nó chun pionóis choiriúla a fhorghníomhú, agus saorghluaiseacht sonraí den sórt sin, agus lena n-aisghairtear Cinneadh Réime 2008/977/CGB ón gComhairle (IO L 119, 4.5.2016, lgh. 89-131, ELI:  http://data.europa.eu/eli/dir/2016/680/oj ).

(12)    Rialachán (AE, Euratom) Uimh. 883/2013 ó Pharlaimint na hEorpa agus ón gComhairle an 11 Meán Fómhair 2013 maidir le himscrúduithe arna ndéanamh ag an Oifig Eorpach Frith-Chalaoise (OLAF) agus lena n-aisghairtear Rialachán (CE) Uimh. 1073/1999 ó Pharlaimint na hEorpa agus ón gComhairle agus Rialachán (Euratom) Uimh. 1074/1999 ón gComhairle (IO L 248, 18.9.2013, lgh. 1-22, ELI:  http://data.europa.eu/eli/reg/2013/883/oj ).

(13)    Cinneadh 2002/187/CGB ón gComhairle an 28 Feabhra 2002 lenar bunaíodh Eurojust d’fhonn an comhrac in aghaidh na coireachta tromchúisí a athneartú (IO L 63, 6.3.2002, lch. 1), arna leasú le Cinneadh 2003/659/CGB ón gComhairle (IO L 245, 29.9.2003, lch. 44) agus Cinneadh 2009/426/CGB ón gComhairle (IO L 138, 4.6.2009, lch. 14).

(14)    Rialachán (AE) 2018/1727 ó Pharlaimint na hEorpa agus ón gComhairle an 14 Samhain 2018 maidir le Gníomhaireacht an Aontais Eorpaigh um Chomhar Ceartais Choiriúil (Eurojust), agus a ghabhann ionad Chinneadh 2002/187/CGB ón gComhairle agus lena n-aisghairtear an cinneadh sin (IO L 295, 21.11.2018, lch. 138).

(15)    Rialachán (AE) 2022/838 ó Pharlaimint na hEorpa agus ón gComhairle an 30 Bealtaine 2022 lena leasaítear Rialachán (AE) 2018/1727 a mhéid a bhaineann le fianaise a chaomhnú, a anailísiú agus a stóráil ag Eurojust, ar fianaise í a bhaineann le cinedhíothú, coireanna in aghaidh an chine dhaonna, coireanna cogaidh agus cionta coiriúla gaolmhara (IO L 148, 31.5.2022, lch. 1).

(16)    Rialachán (AE) 2023/2131 ó Pharlaimint na hEorpa agus ón gComhairle an 4 Deireadh Fómhair 2023 lena leasaítear Rialachán (AE) 2018/1727 ó Pharlaimint na hEorpa agus ón gComhairle agus Cinneadh 2005/671/CGB ón gComhairle, a mhéid a bhaineann le malartú digiteach faisnéise i gcásanna sceimhlitheoireachta (IO L, 2023/2131, 11.10.2023).

(17)    Rialachán (AE) 2025/2082 ó Pharlaimint na hEorpa agus ón gComhairle an 8 Deireadh Fómhair 2025 lena leasaítear Rialachán (AE) 2018/1727 a mhéid a bhaineann le síneadh a chur leis an tréimhse ama chun córas bainistithe cásanna Eurojust a bhunú (IO L, 2025/2082, 15.10.2025, ELI: http://data.europa.eu/eli/reg/2025/2082/oj ).

(18)    Rialachán (AE) 2016/794 ó Pharlaimint na hEorpa agus ón gComhairle an 11 Bealtaine 2016 maidir le Gníomhaireacht an Aontais Eorpaigh i ndáil le Comhar i bhForfheidhmiú an Dlí (Europol) agus lena n-aisghairtear Cinntí 2009/371/CGB, 2009/934/CGB, 2009/935/CGB, 2009/936/CGB agus 2009/968/CGB ón gComhairle agus a ghabhann ionad na gCinntí sin (IO L 135, 24.5.2016, lch. 53).

(19)    Treoir 2012/29/AE ó Pharlaimint na hEorpa agus ón gComhairle an 25 Deireadh Fómhair 2012 lena mbunaítear íoschaighdeáin maidir le cearta, tacaíocht agus cosaint íospartaigh na coireachta, agus a chuirtear in ionad Chinneadh Réime 2001/220/CGB ón gComhairle (IO L 315, 14.11.2012, lch. 57).

(20)    Rialachán (AE) 2017/1939 ón gComhairle an 12 Deireadh Fómhair 2017 lena gcuirtear chun feidhme comhar feabhsaithe maidir le bunú Oifig an Ionchúisitheora Phoiblí Eorpaigh (‘OIPE’) ( IO L 283, 31.10.2017, lch. 1).

(21)    Cinneadh 1999/352/CE, CEGC, Euratom ón gCoimisiún an 28 Aibreán 1999 lena mbunaítear an Oifig Eorpach Frith-Chalaoise (OLAF) (tugadh fógra faoi leis an doiciméad uimhir SEC(1999) 802) (IO L 136, 31.5.1999, lch. 20, ELI: http://data.europa.eu/eli/dec/1999/352/oj ).

(22)    Treoir 2014/41/AE ó Pharlaimint na hEorpa agus ón gComhairle an 3 Aibreán 2014 maidir leis an Ordú Fianaise Eorpach a úsáid in imeachtaí in ábhair choiriúla (IO L 130, 1.5.2014, lch. 1).

(23)    Rialachán (AE) 2018/1805 ó Pharlaimint na hEorpa agus ón gComhairle an 14 Samhain 2018 maidir le haitheantas frithpháirteach a thabhairt d’orduithe reo agus d’orduithe coigistíochta (IO L 303, 28.11.2018, lch. 1).

(24)    Rialachán (AE) 2023/1543 ó Pharlaimint na hEorpa agus ón gComhairle an 12 Iúil 2023 maidir le hOrduithe Eorpacha chun Fianaise a Thabhairt ar Aird agus Orduithe Caomhnaithe Eorpacha i gcomhair fianaise leictreonach in imeachtaí coiriúla agus chun pianbhreitheanna coimeádta a fhorghníomhú tar éis imeachtaí coiriúla (IO L 191, 28.7.2023, lch. 1).

(25)    Treoir (AE) 2024/1260 ó Pharlaimint na hEorpa agus ón gComhairle an 24 Aibreán 2024 maidir le haisghabháil agus coigistiú sócmhainní (IO L, 2024/1260, 2.5.2024).

(26)    Cinneadh 2002/494/CGB ón gComhairle an 13 Meitheamh 2002 lena mbunaítear líonra Eorpach pointí teagmhála i leith daoine atá freagrach as cinedhíothú, coireanna in aghaidh na daonnachta agus coireanna cogaidh (IO L 167, 26.06.2002, lch. 1).

(27)    Cinneadh 2008/852/CGB ón gComhairle an 24 Deireadh Fómhair 2008 maidir le líonra pointí teagmhála in aghaidh an éillithe (IO L 301, 12.11.2008, lch. 38).

(28)    Cinneadh 2007/845/CGB ón gComhairle an 6 Nollaig 2007 maidir le comhar idir Oifigí Gnóthaithe Sócmhainní na mBallstát i dtaca le fáltas nó maoin eile a bhaineann le coireacht a rianú agus a shainaithint (IO L 332, 18.12.2007, lch. 103).

(29)    Cinneadh 2008/976/CGB ón gComhairle an 16 Nollaig 2008 maidir leis an nGréasán Breithiúnach Eorpach (IO L 348, 24.12.2008, lch. 130, ELI:  http://data.europa.eu/eli/dec/2008/976/oj ).

(30)    Cinneadh Réime 2009/948/CGB ón gComhairle an 30 Samhain 2009 maidir le coinbhleachtaí i bhfeidhmiú dlínse in imeachtaí coiriúla a chosc agus a shocrú (IO L 328, 15.12.2009, lch. 42).

(31)    Rialachán (AE) 2023/1543 ó Pharlaimint na hEorpa agus ón gComhairle an 12 Iúil 2023 maidir le hOrduithe Eorpacha chun Fianaise a Thabhairt ar Aird agus Orduithe Caomhnaithe Eorpacha i gcomhair fianaise leictreonach in imeachtaí coiriúla agus chun pianbhreitheanna coimeádta a fhorghníomhú tar éis imeachtaí coiriúla (IO L 191, 28.7.2023, lch. 1).

(32)    Rialachán (AE) 2023/2844 ó Pharlaimint na hEorpa agus ón gComhairle an 13 Nollaig 2023 maidir le digitiú an chomhair bhreithiúnaigh agus rochtain ar an gceartas in ábhair thrasteorann shibhialta, thráchtála agus choiriúla, agus lena leasaítear gníomhartha áirithe i réimse an chomhair bhreithiúnaigh (IO L, 2023/2844, 27.12.2023).

(33)    Rialachán (AE) 2024/3011 ó Pharlaimint na hEorpa agus ón gComhairle an 27 Samhain 2024 maidir le himeachtaí in ábhair choiriúla a aistriú (IO L, 2024/3011, 18.12.2024).

(34)    Treoir (AE) 2016/680 ó Pharlaimint na hEorpa agus ón gComhairle an 27 Aibreán 2016 i ndáil le cosaint daoine nádúrtha maidir le próiseáil sonraí pearsanta ag údaráis inniúla chun cionta coiriúla a chosc, a imscrúdú, a bhrath nó a ionchúiseamh nó chun pionóis choiriúla a fhorghníomhú, agus saorghluaiseacht sonraí den sórt sin, agus lena n-aisghairtear Cinneadh Réime 2008/977/CGB ón gComhairle (IO L 119, 4.5.2016, lch. 89).

(35)    Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39).

(36)    Rialachán (AE, Euratom) 2024/2509 ó Pharlaimint na hEorpa agus ón gComhairle an 23 Meán Fómhair 2024 maidir leis na rialacha airgeadais is infheidhme maidir le buiséad ginearálta an Aontais (IO L, 2024/2509, 26.9.2024).

(37)    Rialachán (AE, Euratom) Uimh. 883/2013 ó Pharlaimint na hEorpa agus ón gComhairle an 11 Meán Fómhair 2013 maidir le himscrúduithe arna ndéanamh ag an Oifig Eorpach Frith-Chalaoise (OLAF) agus lena n-aisghairtear Rialachán (CE) Uimh. 1073/1999 ó Pharlaimint na hEorpa agus ón gComhairle agus Rialachán (Euratom) Uimh. 1074/1999 ón gComhairle (IO L 248, 18.9.2013, lch. 1), arna leasú le Rialachán (AE, Euratom) 2016/2030 ó Pharlaimint na hEorpa agus ón gComhairle (IO L 317, 23.11.2016, lch. 1) agus Rialachán (AE, Euratom) 2020/2223 ó Pharlaimint na hEorpa agus ón gComhairle (IO L 437, 28.12.2020, lch. 49).

(38)    Treoir (AE) 2017/1371 ó Pharlaimint na hEorpa agus ón gComhairle an 5 Iúil 2017 maidir leis an gcomhrac in aghaidh na calaoise ar leasanna airgeadais an Aontais trí bhíthin an dlí choiriúil (IO L 198, 28.7.2017, lch. 29, ELI: http://data.europa.eu/eli/dir/2017/1371/oj ).

(39)    Rialachán (AE) 2017/1939 ón gComhairle an 12 Deireadh Fómhair 2017 lena gcuirtear chun feidhme comhar feabhsaithe maidir le bunú Oifig an Ionchúisitheora Phoiblí Eorpaigh (‘Rialachán OIPE’) ( IO L 283, 31.10.2017, lch. 1).

(40)    Rialachán (CEE, Euratom, CEGC) Uimh. 259/68 ón gComhairle an 29 Feabhra 1968 lena leagtar síos Rialacháin Foirne Oifigigh na gComhphobal Eorpach agus Coinníollacha Fostaíochta Sheirbhísigh eile na gComhphobal Eorpach agus lena dtionscnaítear bearta speisialta is infheidhme ar bhonn sealadach maidir le hoifigigh an Choimisiúin (IO L 56, 4.3.1968, lch. 1).

(41)    Rialachán Tarmligthe (AE) 2019/715 ón gCoimisiún an 18 Nollaig 2018 maidir leis an rialachán réime airgeadais le haghaidh na gcomhlachtaí arna mbunú faoi CFAE agus faoi Chonradh Euratom agus dá dtagraítear in Airteagal 70 de Rialachán (AE, Euratom) 2018/1046 ó Pharlaimint na hEorpa agus ón gComhairle (IO L 122, 10.5.2019, lch. 1).

(42)    Rialachán (AE, Euratom) Uimh. 883/2013 ó Pharlaimint na hEorpa agus ón gComhairle an 11 Meán Fómhair 2013 maidir le himscrúduithe arna ndéanamh ag an Oifig Eorpach Frith-Chalaoise (OLAF) agus lena n-aisghairtear Rialachán (CE) Uimh. 1073/1999 ó Pharlaimint na hEorpa agus ón gComhairle agus Rialachán (Euratom) Uimh. 1074/1999 ón gComhairle (IO L 248, 18.9.2013, lch. 1).

(43)    Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39).

(44)    Cinneadh 2008/976/CGB ón gComhairle an 16 Nollaig 2008 maidir leis an nGréasán Breithiúnach Eorpach (IO L 348, 24.12.2008, lch. 130).

(45)    Rialachán (AE) 2023/1543 ó Pharlaimint na hEorpa agus ón gComhairle an 12 Iúil 2023 maidir le hOrduithe Eorpacha chun Fianaise a Thabhairt ar Aird agus Orduithe Caomhnaithe Eorpacha i gcomhair fianaise leictreonach in imeachtaí coiriúla agus chun pianbhreitheanna coimeádta a fhorghníomhú tar éis imeachtaí coiriúla (IO L 191, 28.7.2023, lch. 118).

(46)    Treoir (AE) 2024/1260 ó Pharlaimint na hEorpa agus ón gComhairle an 24 Aibreán 2024 maidir le haisghabháil agus coigistiú sócmhainní (IO L, 2024/1260, 2.5.2024).

(47)    Rialachán (AE) 2019/816 ó Pharlaimint na hEorpa agus ón gComhairle an 17 Aibreán 2019 lena mbunaítear córas láraithe leis na Ballstáit a shainaithint ag a bhfuil faisnéis faoi chiontuithe náisiúnach tríú tír agus daoine gan stát (ECRIS-TCN) chun an Córas Faisnéise Eorpach um Thaifid Choiriúla a fhorlíonadh agus lena leasaítear Rialachán (AE) 2018/1726 (IO L 135, 22.5.2019, lch. 1.

(48)    Treoir (AE) 2019/1153 ó Pharlaimint na hEorpa agus ón gComhairle an 20 Meitheamh 2019 lena leagtar síos rialacha lena n-éascaítear úsáid faisnéise airgeadais agus faisnéise eile le haghaidh cionta coiriúla áirithe a chosc, a bhrath, a imscrúdú nó a ionchúiseamh agus lena n-aisghairtear Cinneadh 2000/642/CGB ón gComhairle (IO L 186, 11.7.2019, lch. 12.

(49)    Cinneadh Réime 2002/584/CGB ón gComhairle an 13 Meitheamh 2002 maidir leis an mbarántas gabhála Eorpach agus na nósanna imeachta um thabhairt suas idir na Ballstáit (IO L 190, 18.7.2002, lch. 1), arna leasú le Cinneadh Réime 2009/299/CGB ón gComhairle an 26 Feabhra 2009 (IO L 81, 27.3.2009, lch. 24).

(50)    Rialachán (AE) 2023/969 ó Pharlaimint na hEorpa agus ón gComhairle an 10 Bealtaine 2023 lena mbunaítear ardán comhoibrithe chun tacú le feidhmiú na bhfoirne comhpháirteacha um imscrúdú agus lena leasaítear Rialacháin (AE) 2018/1726 agus (AE) 2018/1727 (IO L 132, 17.5.2023, lch. 1).

(51)    Treoir (AE) 2017/541 ó Pharlaimint na hEorpa agus ón gComhairle an 15 Márta 2017 maidir leis an sceimhlitheoireacht a chomhrac, agus lena n-ionadaítear Cinneadh Réime 2002/475/CGB ón gComhairle agus lena leasaítear Cinneadh 2005/671/CGB ón gComhairle (IO L 88, 31.3.2017, lch. 6).

(52)    Rialachán Cur Chun Feidhme (AE) 2025/2447 ón gCoimisiún an 4 Nollaig 2025 lena leagtar síos na rialacha maidir le cur i bhfeidhm Rialachán (AE) 2018/1727 ó Pharlaimint na hEorpa agus ón gComhairle, a mhéid a bhaineann leis na sonraíochtaí teicniúla, na bearta agus na ceanglais eile maidir leis an gcóras TF díláraithe a bhunú agus a úsáid chun faisnéis a phróiseáil agus a chur in iúl go slán (IO L, 2025/2447, [dáta foilsithe]).

(53)    Rialachán (AE) 2016/794 ó Pharlaimint na hEorpa agus ón gComhairle an 11 Bealtaine 2016 maidir le Gníomhaireacht an Aontais Eorpaigh i ndáil le Comhar i bhForfheidhmiú an Dlí (Europol) agus lena n-aisghairtear Cinntí 2009/371/CGB, 2009/934/CGB, 2009/935/CGB, 2009/936/CGB agus 2009/968/CGB ón gComhairle agus a ghabhann ionad na gCinntí sin (IO L 135, 24.5.2016, lch. 53).

(54)    Rialachán (AE) 2019/1896 ó Pharlaimint na hEorpa agus ón gComhairle an 13 Samhain 2019 maidir leis an nGarda Teorann agus Cósta Eorpach agus lena n-aisghairtear Rialacháin (AE) Uimh. 1052/2013 agus (AE) 2016/1624 (IO L 295, 14.11.2019, lch. 1).

(55)    Rialachán Tarmligthe (AE) 2019/715 ón gCoimisiún an 18 Nollaig 2018 maidir leis an rialachán réime airgeadais le haghaidh na gcomhlachtaí arna mbunú faoi CFAE agus faoi Chonradh Euratom agus dá dtagraítear in Airteagal 70 de Rialachán (AE, Euratom) 2018/1046 ó Pharlaimint na hEorpa agus ón gComhairle (IO L 122, 10.5.2019, lch. 1).

(56)    Prótacal Uimh. 7 ar Phribhléidí agus Díolúintí an Aontais Eorpaigh (IO C 202, 7.6.2016, lch. 266).

(57)    Rialachán Uimh. 1 ón gComhairle an 15 Aibreán 1958 lena gcinntear na teangacha atá le húsáid ag Comhphobal Eacnamaíochta na hEorpa (IO 17, 6.10.1958, lch. 385).

(58)    Rialachán (CE) Uimh. 2965/94 ón gComhairle an 28 Samhain 1994 lena mbunaítear Lárionad Aistriúcháin do chomhlachtaí an Aontais Eorpaigh (IO L 314, 7.12.1994, lch. 1).

(59)    Rialachán (CE) Uimh. 1049/2001 ó Pharlaimint na hEorpa agus ón gComhairle an 30 Bealtaine 2001 maidir le rochtain phoiblí ar dhoiciméid ó Pharlaimint na hEorpa, ón gComhairle agus ón gCoimisiún (IO L 145, 31.5.2001, lch. 43).

(60)    Cinneadh (AE, Euratom) 2015/443 ón gCoimisiún an 13 Márta 2015 maidir le Slándáil sa Choimisiún (IO L 72, 17.3.2015, lch. 41).

(61)    Cinneadh (AE, Euratom) 2015/444 ón gCoimisiún an 13 Márta 2015 maidir leis na rialacha slándála chun faisnéis rúnaicmithe an Aontais Eorpaigh a chosaint (IO L 72, 17.3.2015, lch. 53).

(62)    Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13).

(63)    Cinneadh 2002/187/CGB ón gComhairle an 28 Feabhra 2002 lenar bunaíodh Eurojust d’fhonn an comhrac in aghaidh na coireachta tromchúisí a athneartú (IO L 63, 6.3.2002, lch. 1), arna leasú le Cinneadh 2003/659/CGB ón gComhairle (IO L 245, 29.9.2003, lch. 44) agus Cinneadh 2009/426/CGB ón gComhairle (IO L 138, 4.6.2009, lch. 14).

(64)    Is é atá i gcásanna féintionscnaimh cásanna a thionscnaíonn Eurojust go réamhghníomhach ar bhonn faisnéis a fhaightear, obair anailíseach a dhéantar agus naisc a shainaithnítear idir imscrúduithe, chun cásanna a d’fhéadfadh a bheith ina ndíol spéise don lucht breithiúnach a thabhairt ar aird na n-údarás inniúil náisiúnta, seachas díreach freagairt ar iarrataí ar thacaíocht nó ar chomhordú ó na Ballstáit.

(65)    Is é atá in amas sa chóras amas/gan amas meaitseáil dhearfach lena léirítear go gcomhfhreagraíonn faisnéis atá ina sheilbh ag Eurojust d’fhaisnéis atá ina sheilbh ag údarás inniúil nó ag comhpháirtí eile den Aontas, gan na sonraí bunúsacha a nochtadh go huathoibríoch, agus d’fhéadfadh sé tabhairt le tuiscint dá bhrí sin gur ann do nasc féideartha idir imscrúduithe lenar gá obair leantach bhreithiúnach nó comhordú. Is é atá i mbeart leantach maidir le hamas an tarchur ina dhiaidh sin, i gcás inarb iomchuí agus i gcomhréir leis an gcreat dlíthiúil is infheidhme, den fhaisnéis ábhartha is gá chun an nasc sin a mheasúnú agus chun beart a dhéanamh ina leith.

(66)    Mar a thagraítear dó in Airteagal 58(2), pointe (a) nó (b) den Rialachán Airgeadais.

(67)    Cúnamh agus caiteachas teicniúil agus/nó riaracháin ar mhaithe le cláir agus/nó bearta de chuid an Aontais (seanlínte ‘BA’) a chur chun feidhme, taighde indíreach, taighde díreach.

(68)    Déantar cur san áireamh comhaontuithe ranníocaíochta sa ranníocaíocht ó bhuiséad an Aontais le Eurojust a fhritháireamh le laghdú coibhéiseach ar imchlúdaigh na gclár faoi seach ónar maoiníodh na comhaontuithe sin roimhe sin, dá bhrí sin, ní dhéanann an méadú difear don chlársceidealú airgeadais foriomlán.

(69)    Na figiúirí sa ró seo, iarrtar iad de bhreis ar an gclársceidealú airgeadais beartaithe.

(70)    Cuirtear togra maidir le CAI 2028-2034 i láthair i bpraghsanna 2025.

(71)    Leibhéal foirne roimh theacht i bhfeidhm an Rialacháin athbhreithnithe, bunaithe ar na poist údaraithe le haghaidh 2026. Féachtar ar leibhéal foirne Eurojust mar a bheith cobhsaí sa chlársceidealú airgeadais a bheartaítear.