IL-KUMMISSJONI EWROPEA

Brussell, 24.6.2026

COM(2026) 580 final

2026/0165(COD)

Proposta għal

REGOLAMENT TAL-PARLAMENT EWROPEW U TAL-KUNSILL

dwar l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol), li jemenda r-Regolament (UE) 2018/1726 u r-Regolament (UE) 2024/982, u li jħassar ir-Regolament (UE) 2016/794

{SEC(2026) 580 final} - {SWD(2026) 580 final} - {SWD(2026) 581 final} - {SWD(2026) 582 final}

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

·ċentru tal-informazzjoni tal-UE li kapaċi jiżgura li l-awtoritajiet tal-infurzar tal-liġi tal-Istati Membri jingħataw stampa ta’ intelligence kriminali iktar kompluta u integrata fil-livell tal-UE;

·ċentru operazzjonali li jappoġġa lill-Istati Membri b’mod iktar effettiv u fi stadju iktar bikri fl-investigazzjonijiet transfruntiera u fl-attivitajiet operazzjonali; u

·ċentru tat-teknoloġija u l-innovazzjoni li jappoġġa lill-Istati Membri b’kapaċitajiet avvanzati, għarfien espert u għodod operazzjonali.

·twieġeb għall-isfidi attwali u futuri tas-sigurtà;

·tappoġġa aħjar lill-Istati Membri f’investigazzjonijiet transfruntiera; u

·ssaħħaħ il-kapaċità tal-UE li tagħti rispons ikkoordinat, effiċjenti u reżiljenti għall-kriminalità serja u organizzata u t-terroriżmu, f’konformità sħiħa mal-Karta tad-Drittijiet Fundamentali tal-Unjoni Ewropea.

•Konsistenza mad-dispożizzjonijiet eżistenti fil-qasam ta’ politika kkonċernat

•Konsistenza ma’ politiki oħra tal-Unjoni

2.BAŻI LEGALI, SUSSIDJARJETÀ U PROPORZJONALITÀ

•Bażi legali

Din il-proposta hija bbażata fuq l-Artikoli 87(2), il-punt (a), u 88 tat-Trattat dwar il-Funzjonament tal-Unjoni Ewropea (TFUE). L-Artikolu 88 jipprovdi l-bażi legali għall-istabbiliment u għall-funzjonament tal-Europol u għad-determinazzjoni tal-kompiti, tal-istruttura u tal-operat tagħha. L-Artikolu 87(2), il-punt (a), TFUE jipprevedi l-adozzjoni ta’ miżuri li jikkonċernaw il-ġbir, il-ħżin, l-ipproċessar, l-analiżi u l-iskambju tal-informazzjoni rilevanti għall-iskopijiet tal-kooperazzjoni tal-pulizija.

•Sussidjarjetà (għall-kompetenza mhux esklużiva)

•Proporzjonalità

•Għażla tal-istrument

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post/kontrolli tal-idoneità tal-leġiżlazzjoni eżistenti

•Konsultazzjonijiet mal-partijiet ikkonċernati

•Ġbir u użu tal-għarfien espert

•Valutazzjoni tal-impatt

•Idoneità regolatorja u simplifikazzjoni

•Drittijiet fundamentali

4.IMPLIKAZZJONIJIET BAĠITARJI

5.ELEMENTI OĦRA

•Pjanijiet ta’ implimentazzjoni u arranġamenti għall-monitoraġġ, l-evalwazzjoni u r-rapportar

•Spjegazzjoni fid-dettall tad-dispożizzjonijiet speċifiċi tal-proposta

Kapitolu III – Ġestjoni tal-informazzjoni

L-Artikoli 28 u 29 isaħħu l-qafas li jirregola l-għoti tal-informazzjoni mill-Istati Membri lill-Europol. Abbażi tal-obbligi eżistenti skont ir-Regolament (UE) 2016/794 u skont id-Direttiva (UE) 2023/977, il-qafas jiġi aġġornat jappoġġa skambju tal-informazzjoni iktar fil-pront, iktar strutturat u iktar interoperabbli u jintroduċi valutazzjoni annwali tal-kontributi ta’ informazzjoni tal-Istati Membri.

L-Artikolu 30 jistabbilixxi r-rwol tal-Europol fis-Sistema ta’ Informazzjoni ta’ Schengen (SIS), b’mod partikolari dwar l-użu operazzjonali ta’ informazzjoni supplimentari, l-appoġġ għal allerti ta’ informazzjoni u s-segwitu operazzjonali għall-hits tas-SIS. L-Artikolu 31 jistabbilixxi r-rwol tal-Europol fir-rigward tas-Sistema ta’ Informazzjoni dwar il-Viża (VIS) u s-Sistema Ewropea ta’ Informazzjoni u ta’ Awtorizzazzjoni għall-Ivvjaġġar (ETIAS).

L-Artikolu 32 jistabbilixxi l-finijiet tal-attivitajiet tal-ipproċessar tal-informazzjoni mill-Europol. Id-dispożizzjoni tippermetti lill-Europol tipproċessa l-informazzjoni sa fejn ikun meħtieġ għat-twettiq tal-kompiti tagħha u tiddetermina b’mod eżawrjenti l-finijiet li għalihom l-Europol tista’ tipproċessa l-kontroverifika tad-data personali mmirata lejn l-identifikazzjoni ta’ konnessjonijiet jew rabtiet rilevanti oħra ma’ informazzjoni relatata ma’ reat kriminali li fir-rigward tiegħu tkun kompetenti l-Europol; analiżi strateġika jew tematika; analiżi operazzjonali, li tiffaċilita l-iskambju tal-informazzjoni operazzjonali; l-appoġġ għall-attivitajiet tar-riċerka u tal-innovazzjoni u l-appoġġ lill-Istati Membri biex jinformaw lill-pubbliku dwar persuni suspettati jew individwi kkundannati mfittxija.

Fl-istess ħin, id-dispożizzjoni tallinja r-reġim ta’ kategorizzazzjoni tas-suġġett tad-data tal-Europol mal-approċċ stabbilit fir-Regolament (UE) 2018/1725. Dan jimmarka bidla fundamentali b’benefiċċji operazzjonali sinifikanti filwaqt li jinżammu s-salvagwardji meħtieġa applikabbli fl-entitajiet kollha tal-UE kif ukoll fil-livell nazzjonali. Ir-restrizzjonijiet imposti mir-reġim preċedenti fuq il-kategorizzazzjoni tas-suġġetti tad-data rriżultaw bħala ostaklu operazzjonali ewlieni, li jillimita serjament il-kapaċità tal-Europol li tappoġġa lill-Istati Membri b’mod effettiv. Mingħajr din il-bidla, il-modernizzazzjoni usa’ tal-kapaċitajiet operazzjonali u teknoloġiċi tal-Europol kieku tibqa’ strutturalment imxekkla.

B’mod partikolari, timmarka bidla mil-loġika tar-reġim preċedenti li skontu l-Europol għandha fil-prinċipju tipproċessa biss id-data personali li taqa’ f’waħda mill-kategoriji tas-suġġetti tad-data stabbiliti fl-Anness II, bl-eċċezzjoni tal-ipproċessar tad-data personali barra minn dawn il-kategoriji tas-suġġetti tad-data. Minflok, l-Artikolu 32 flimkien mal-Anness II jirriflettu r-realtà operazzjonali tal-infurzar tal-liġi modern fejn l-estrazzjoni tal-informazzjoni minn settijiet tad-data kbar u mhux strutturati tikkostitwixxi kompitu operazzjonali ewlieni tal-awtoritajiet tal-infurzar tal-liġi, u għaldaqstant tal-Europol ukoll b’appoġġ għall-awtoritajiet nazzjonali. Tabilħaqq, l-Europol topera f’ambjent tal-informazzjoni kkaratterizzat minn volumi kbar ta’ data eteroġenja, li spiss toriġina minn diversi sorsi u kuntesti operazzjonali. Sehem sostanzjali ta’ dik l-informazzjoni jiġi riċevut f’forma mhux strutturata, u b’hekk il-kategorizzazzjoni b’kategoriji ta’ suġġetti tad-data predefiniti tkun diffiċli jew xi drabi saħansitra impossibbli. Għalhekk l-Artikolu 32 jipprevedi li l-Europol trid tiddistingwi bejn kategoriji ta’ suġġetti tad-data “fejn applikabbli u sa fejn ikun possibbli”, f’konformità mar-Regolament (UE) 2018/1725.

L-Artikolu 32 jippermetti b’mod espliċitu lill-Europol tipproċessa d-data personali relatata ma’ persuni barra mill-kategoriji predefiniti tas-suġġetti tad-data elenkati fl-Anness II, meta tali pproċessar ikun meħtieġ u proporzjonat għat-twettiq tal-kompiti tal-Europol. Dan jirrifletti n-natura dinamika tal-investigazzjonijiet tal-pulizija u tal-attivitajiet ta’ intelligence kriminali, fejn ir-rilevanza operazzjonali ta’ ċerta data jew il-konnessjoni tagħha ma’ attivitajiet kriminali tista’ tirriżulta biss progressivament matul l-analiżi operazzjonali jew permezz tal-identifikazzjoni ta’ rabtiet bejn l-investigazzjonijiet.

Salvagwardji speċifiċi japplikaw għall-każijiet meta l-Europol tipproċessa d-data barra mill-kategoriji elenkati fl-Anness II, bħall-obbligi għall-Europol li tħassar minnufih tali data ladarba l-fini tal-ipproċessar jiġi ssodisfat, tinforma lill-Uffiċjal tal-Protezzjoni tad-Data u żżomm tali data funzjonalment separata mid-data “kategorizzata”.

L-Artikolu 33 jippreserva l-prinċipju tas-sjieda tad-data bħala faċilitatur ewlieni tal-kooperazzjoni fl-infurzar tal-liġi ffaċilitata mill-attivitajiet ta’ pproċessar tal-informazzjoni tal-Europol. Dan jiżgura li l-Istati Membri, l-istituzzjonijiet, il-korpi, il-missjonijiet, l-uffiċċji u l-aġenziji tal-UE, il-pajjiżi terzi u l-organizzazzjonijiet internazzjonali li jipprovdu l-informazzjoni lill-Europol iżommu kontroll fuq il-finijiet li għalihom tista’ tiġi pproċessata dik l-informazzjoni u fuq kwalunkwe restrizzjoni fuq l-aċċess għal dik l-informazzjoni, inkluż fir-rigward tal-użu, it-trasferiment, it-trażmissjoni, it-tħassir jew il-qerda tagħha. L-Artikolu 34 jistabbilixxi d-dmir ta’ konsultazzjoni jew notifika lis-sid tal-informazzjoni meta jkun rilevanti.

It-Taqsima 2 tistabbilixxi l-qafas legali u tekniku li jirregola l-ambjent tad-data tal-Europol u tikkostitwixxi salvagwardja ċentrali li takkumpanja l-bidliet introdotti fl-Artikolu 35 dwar il-kategorizzazzjoni tas-suġġetti tad-data. Id-dispożizzjonijiet jiddefinixxu l-ambjent tad-data tal-Europol biex jiġi żgurat li jitwettqu attivitajiet ta’ pproċessar differenti f’oqfsa tekniċi u operazzjonali regolati b’mod ċar akkumpanjati minn salvagwardji u kundizzjonijiet ta’ aċċess xierqa.

Tistabbilixxi regoli ċari u preċiżi dwar il-funzjonament ta’ għadd ta’ servizzi u għodod ewlenin tal-Europol. Dan jinkludi s-servizz ta’ tqabbil trażversali tal-Europol (l-Artikoli 36–39) għall-awtoritajiet kompetenti tal-Istati Membri biex itellgħu, ifittxu u jaċċessaw id-data fil-konfront tal-ambjent analitiku tal-Europol (l-Artikoli 40–41) biex jaħżnu, janalizzaw u jipproċessaw id-data biex iwettqu l-kompiti analitiċi tagħha, l-Ispazju Kondiviż ta’ Data għall-Pulizija (l-Artikoli 42–45), fejn l-awtoritajiet kompetenti tal-Istati Membri jistgħu jiftħu u jwettqu analiżi operazzjonali konġunta, f’kooperazzjoni mal-Europol. Jistabbilixxi wkoll regoli dwar l-Applikazzjoni ta’ Network għall-Iskambju Sigur ta’ Informazzjoni (SIENA – l-Artikolu 46) u tal-mekkaniżmu ta’ skambju tal-informazzjoni bl-għan li jiffaċilitaw il-komunikazzjoni mal-partijiet privati (l-Artikolu 47). Ir-rwol tal-Europol fis-Sistema ta’ Indiċi Ewropea tar-Rekords tal-Pulizija huwa stabbilit ukoll (l-Artikolu 48) kif ukoll il-possibbiltà li l-Kummissjoni tadotta atti ta’ implimentazzjoni biex tirregola funzjonalitajiet jew servizzi u għodod addizzjonali li jridu jiġu żviluppati mill-Europol.

It-Taqsima 3 tistabbilixxi r-regoli meħtieġa għall-operat tas-servizzi u tal-għodod tal-Europol. Dan jinkludi regoli dwar infrastruttura tal-cloud (l-Artikolu 50) biex jiġu appoġġati l-ħżin, l-ipproċessar, l-analiżi u l-iskambju tad-data, b’mod effiċjenti u skalabbli, għall-finijiet stabbiliti f’dan ir-Regolament, kif ukoll dwar ir-rekwiżiti minimi għall-uffiċjali tal-pulizija biex jaċċessaw tali data, permezz ta’ Identità Diġitali tal-UE għall-Pulizija (l-Artikolu 51). Tinkludi wkoll rekwiżiti dwar ir-rapportar ta’ informazzjoni statistika għall-finijiet ta’ sorveljanza u ta’ akkontabbiltà (l-Artikolu 52) u jistabbilixxi r-rwol tal-Europol fir-rigward tal-Format universali tal-messaġġi (UMF – l-Artikolu 53) u ta’ applikazzjoni tal-UE għat-tqabbil tal-profili tad-DNA (l-Artikolu 54).

Kapitolu IV – Kapaċitajiet teknoloġiċi u innovazzjoni

Il-Kapitolu IV huwa strutturat skont il-qafas taċ-ċiklu tal-ħajja tal-innovazzjoni u tal-iżvilupp tal-kapaċitajiet.

L-objettiv hu li jiġu evitati attivitajiet ta’ innovazzjoni frammentati jew iżolati billi tinħoloq kontinwità bejn il-prospettiva teknoloġika, l-ippjanar tal-kapaċitajiet, ir-riċerka u l-innovazzjoni, l-iżvilupp ta’ kapaċitajiet avvanzati, l-ittestjar operazzjonali, l-iskjerament, l-implimentazzjoni operazzjonali, u l-appoġġ operazzjonali speċjalizzat.

Il-Kapitolu IV huwa bbażat fuq ir-rikonoxximent li t-trasformazzjoni teknoloġika tas-sigurtà interna kulma jmur teħtieġ kapaċitajiet, infrastruttura, għarfien espert, ambjenti tal-computing, kapaċitajiet tal-ipproċessar tad-data, u ekosistemi tal-innovazzjoni li l-iskala, il-kumplessità u l-kost tagħhom ma jistgħux jibqgħu jiġu żviluppati b’mod effiċjenti fil-livell nazzjonali biss. L-Europol tinsab f’pożizzjoni unika biex tappoġġa dan ir-rwol minħabba l-kapaċità tagħha li tidentifika ħtiġijiet teknoloġiċi u operazzjonali komuni, u l-kapaċità tagħha li tiżviluppa soluzzjonijiet teknoloġiċi interoperabbli, skalabbli u kondiviżi li kapaċi jappoġġaw lill-awtoritajiet tal-infurzar tal-liġi fl-UE kollha. Għalhekk, l-objettiv hu li jiġu evitati l-frammentazzjoni teknoloġika, id-duplikazzjoni tal-investimenti, u l-livelli ta’ kapaċità diverġenti bejn l-Istati Membri f’oqsma fejn il-kapaċitajiet teknoloġiċi komuni fil-livell tal-UE jipprovdu benefiċċji operazzjonali u finanzjarji ċari.

L-Artikolu 57 jistabbilixxi s-saff tal-prospettiva strateġika u tal-ippjanar tal-kapaċitajiet li jirfed l-istabbiliment ta’ mekkaniżmu qafas biex jiġu identifikati l-lakuni fil-kapaċitajiet operazzjonali, it-teknoloġiji emerġenti, u l-prijoritajiet futuri tal-kapaċitajiet fil-livell tal-UE. Id-dispożizzjoni hija mfassla biex tappoġġa approċċ aktar strateġiku u kkoordinat għall-iżvilupp tal-kapaċitajiet teknoloġiċi, inkluż f’oqsma bħall-interoperabbiltà, l-istandardizzazzjoni, il-kondiviżjoni tal-kapaċitajiet, u l-akkwist konġunt.

L-Artikolu 77 jipprevedi r-rwol ċentrali tad-Direttur Eżekuttiv fl-iżgurar tal-funzjonament kumplessiv tal-Aġenzija, filwaqt li jsaħħaħ l-akkontabbiltà ċara għall-implimentazzjoni effettiva tal-mandat u tal-prijoritajiet strateġiċi tal-Europol.

Kapitolu VI – Relazzjonijiet ma’ entitajiet tal-Unjoni

L-Artikolu 79 jistabbilixxi dispożizzjonijiet komuni li jirregolaw il-kooperazzjoni tal-Europol mal-korpi, mal-uffiċċji u mal-aġenziji tal-UE, inkluż il-kooperazzjoni operazzjonali u l-iskambju tal-informazzjoni. Id-dispożizzjoni tintroduċi qafas għal arranġamenti ta’ ħidma, li jirrikjedi l-approvazzjoni minn qabel tal-Kummissjoni għal arranġamenti ta’ ħidma konklużi ma’ korpi, uffiċċji u aġenziji tal-Unjoni stabbiliti fil-qafas tat-TFUE.

L-Artikolu 80 jipprevedi aċċess indirett għall-informazzjoni miżmuma mill-Europol għall-korpi, għall-uffiċċji u għall-aġenziji rilevanti tal-UE, abbażi ta’ sistema awtomatizzata ta’ hit/ebda hit u skont il-kundizzjonijiet tar-reċiproċità. Id-dispożizzjoni toħloq qafas iktar koerenti u li jibqa’ validu fil-futur għall-kontroverifika tal-informazzjoni fost il-korpi, l-uffiċċji u l-aġenziji tal-UE, b’mod partikolari l-atturi kontra l-frodi, filwaqt li żżomm ir-restrizzjonijiet fuq l-aċċess, il-prinċipji tas-sjieda tad-data, u s-salvagwardji tal-protezzjoni tad-data applikabbli. Tipprevedi wkoll l-adozzjoni ta’ atti ta’ implimentazzjoni li jistabbilixxu l-proċedura teknika, biex jiġu żgurati wkoll standards tekniċi koerenti u interoperabbiltà fl-arkitettura usa’ tal-UE kontra l-frodi. L-awtomatizzazzjoni tas-sistema ta’ hit/no hit għall-iskambju tad-data tnaqqas b’mod sostanzjali s-segwitu manwali, filwaqt li ttejjeb l-effiċjenza u l-kapaċità ta’ rispons operazzjonali.

L-Artikoli 81 sa 90 ikomplu jistrutturaw u jsaħħu l-kooperazzjoni tal-Europol mal-korpi, mal-uffiċċji u mal-aġenziji ewlenin tal-UE, inkluż l-UPPE, l-Eurojust, l-OLAF, l-AMLA, il-Frontex, l-eu-LISA, l-Aġenzija tal-UE dwar id-Drogi, l-Aġenzija tal-UE għad-Drittijiet Fundamentali, l-Awtorità Doganali tal-UE u l-ENISA.

L-Artikolu 81 isaħħaħ b’mod sinifikanti r-relazzjoni tal-Europol mal-UPPE, u jirrifletti l-importanza operazzjonali dejjem tikber tal-kooperazzjoni fil-ġlieda kontra l-kriminalità finanzjarja transfruntiera kumplessa li tolqot l-interessi finanzjarji tal-UE. Id-dispożizzjoni ssaħħaħ l-obbligi tal-Europol li tappoġġa l-investigazzjonijiet tal-UPPE, inkluż permezz ta’ appoġġ analitiku ddedikat. Tistabbilixxi wkoll mekkaniżmu ddedikat ta’ hit/no hit li jippermetti lill-UPPE jaċċessa d-data miżmuma mill-Europol relatata ma’ reati li jaqgħu taħt il-kompetenza tal-UPPE irrispettivament minn kwalunkwe restrizzjoni fuq l-aċċess għall-informazzjoni pprovduta lill-Europol mill-Istati Membri u mill-istituzzjonijiet, mill-korpi, mill-uffiċċji jew mill-aġenziji tal-Unjoni u l-użu tagħha. Dan il-mekkaniżmu ddedikat jirrifletti r-rwol, l-istatus u l-kompetenza partikolari tal-UPPE fis-sistema tal-Unjoni għall-protezzjoni tal-interessi finanzjarji tal-Unjoni u l-obbligi li l-Istati Membri u l-istituzzjonijiet, il-korpi, l-uffiċċji u l-aġenziji tal-Unjoni għandhom skont ir-Regolament (UE) 2017/1939. Għalhekk, deroga mmirata mill-applikazzjoni tar-restrizzjonijiet indikati mill-fornituri tal-informazzjoni lill-Europol hija konċepibbli biss fir-rigward tal-UPPE.

Kapitolu VII – Relazzjonijiet mas-sħab

L-Artikolu 92 isaħħaħ il-qafas li jirregola l-involviment estern tal-Europol billi jiżgura li l-kooperazzjoni tal-Europol ma’ pajjiżi mhux tal-UE u ma’ organizzazzjonijiet internazzjonali tibqa’ allinjata mal-politiki esterni u mal-prijoritajiet strateġiċi tal-UE.

L-Artikolu 93 jistabbilixxi qafas speċifiku għall-kooperazzjoni ma’ pajjiżi assoċjati mal-implimentazzjoni, mal-applikazzjoni u mal-iżvilupp tal-acquis ta’ Schengen, li jirrifletti r-rwol partikolari tagħhom fil-funzjonament u fis-sigurtà taż-żona Schengen. Għad-differenza ta’ pajjiżi terzi oħra, dawk il-pajjiżi jipparteċipaw f’żona mingħajr kontrolli fil-fruntieri interni u jikkondividu r-responsabbiltà għaż-żamma ta’ livell għoli ta’ sigurtà fiż-żona Schengen kollha. Fid-dawl ta’ dik l-integrazzjoni mill-qrib, l-Artikolu jipprevedi l-possibbiltà ta’ livell ogħla ta’ integrazzjoni operazzjonali mal-Europol milli huwa disponibbli skont il-qafas ġenerali għall-kooperazzjoni ma’ pajjiżi terzi. Għal dak l-għan, il-ftehimiet internazzjonali ma’ dawk il-pajjiżi jistgħu jipprevedu, għal aċċess dirett għal mekkaniżmi speċifiċi ta’ skambju tal-informazzjoni tal-Europol, il-parteċipazzjoni f’ċerti strutturi ta’ governanza, l-istazzjonar ta’ uffiċjali ta’ kollegament u l-obbligi korrispondenti relatati mal-kondiviżjoni tal-informazzjoni u mal-kontribuzzjonijiet finanzjarji.

L-Artikolu 96 jaġġorna u jikkonsolida l-qafas li jirregola l-kooperazzjoni tal-Europol mal-partijiet privati. Dan jiċċara l-kundizzjonijiet li skonthom l-Europol tista’ tirċievi u tipproċessa d-data personali direttament mill-partijiet privati u jsaħħaħ ir-rwol tal-Europol bħala faċilitatur tal-kooperazzjoni bejn il-partijiet privati u l-awtoritajiet kompetenti tal-Istati Membri. Sabiex jiġi żgurat li tkun tista’ tittieħed azzjoni effettiva rigward l-informazzjoni rilevanti għall-investigazzjonijiet kriminali, l-Europol hija meħtieġa tittrażmetti l-informazzjoni rilevanti li tirċievi mingħand il-partijiet privati lill-Istati Membri kkonċernati.

L-Artikolu jipprevedi limitazzjonijiet rigward it-trażmissjoni u t-trasferiment tad-data personali mill-Europol lill-partijiet privati. Tali skambji jibqgħu soġġetti għal rekwiżiti tan-neċessità u tal-proporzjonalità. Japplikaw kundizzjonijiet speċjali għal trasferimenti lill-partijiet privati stabbiliti barra mill-Unjoni u barra minn pajjiżi li jibbenefikaw minn deċiżjoni ta’ adegwatezza.

L-Artikolu jiċċara iktar ir-relazzjoni bejn il-kooperazzjoni tal-Europol mal-partijiet privati u r-responsabbiltajiet tal-Unitajiet tal-Intelligence Finanzjarja, filwaqt li jiżgura li l-attivitajiet tal-Europol ma jidduplikawx jew ma jinterferixxux mal-qafas kontra l-ħasil tal-flus stabbilit skont id-dritt tal-Unjoni.

Barra minn hekk, l-Artikolu, moqri flimkien mal-Artikolu 47, isaħħaħ ir-rwol tal-Europol bħala intermedjarju tekniku fdat billi jippermetti lill-Istati Membri u lill-partijiet privati jużaw l-infrastruttura tal-Europol għall-iskambju sigur tal-informazzjoni f’konformità mad-dritt tal-Unjoni u dak nazzjonali. Meta tali skambji jikkonċernaw delitti li jaqgħu fil-kompetenza tal-Europol, l-Europol tiġi pprovduta b’kopja tal-informazzjoni skambjata sabiex tappoġġa l-kompiti operazzjonali u analitiċi tagħha. L-Artikolu jintroduċi wkoll miżuri mtejba ta’ trasparenza u ta’ akkontabbiltà, inkluż obbligi ta’ rapportar lill-Bord tat-Tmexxija, lill-Parlament Ewropew, lill-Kunsill, lill-Kummissjoni u lill-parlamenti nazzjonali.

Kapitolu VIII – Protezzjoni tad-data

Il-Kapitolu VIII jistabbilixxi s-salvagwardji ewlenin tal-protezzjoni tad-data li jirregolaw l-attivitajiet tal-ipproċessar tal-Europol, filwaqt li jallinja l-qafas mar-Regolament (UE) 2018/1725. Dan jipprevedi l-qafas li jirregola l-ipproċessar tad-data sensittiva (l-Artikolu 100), il-perjodi ta’ ħżin u t-tħassir tad-data (l-Artikolu 101), id-drittijiet tas-suġġetti tad-data, inkluż l-aċċess, ir-rettifika u t-tħassir (l-Artikoli 105 u 106) u r-responsabbiltà għall-konformità mal-protezzjoni tad-data (l-Artikolu 107). Isaħħaħ iktar l-arkitettura tas-salvagwardji istituzzjonali permezz tar-rwoli għall-Uffiċjal tal-Protezzjoni tad-Data u għall-Uffiċjal għad-Drittijiet Fundamentali (l-Artikoli 109 u 110), it-taħriġ obbligatorju dwar id-drittijiet fundamentali (l-Artikolu 111), u mekkaniżmi ta’ superviżjoni u ta’ kooperazzjoni msaħħa bejn il-Kontrollur Ewropew għall-Protezzjoni tad-Data (EDPS) u l-awtoritajiet superviżorji nazzjonali (l-Artikoli 112 u 113).

L-Artikolu 102 jistabbilixxi qafas iddedikat li jirregola l-ipproċessar tad-data personali fil-kuntest tal-proġetti tar-riċerka u tal-innovazzjoni tal-Europol. Dan jinkludi attivitajiet li jinvolvu sistemi u mudelli tal-intelliġenza artifiċjali. Id-dispożizzjoni tipprevedi salvagwardji speċifiċi relatati ma’ awtorizzazzjoni minn qabel, ambjenti tal-ipproċessar iżolati, aċċess ristrett, limitazzjoni tal-iskop, u valutazzjonijiet tal-impatt dwar il-protezzjoni tad-data għal ċerti proġetti, filwaqt li tiċċara li dawk ir-rekwiżiti ma japplikawx għall-iżvilupp jew għall-iskjerament ta’ għodod jew ta’ kapaċitajiet eżistenti fejn in-natura, il-kamp ta’ applikazzjoni u l-iskop tal-ipproċessar jibqgħu l-istess.

Dwar il-konsultazzjoni minn qabel tal-EDPS, l-Artikolu 108 jippermetti lill-Europol, f’każijiet debitament ġustifikati ta’ neċessità operazzjonali urġenti, biex eċċezzjonalment tibda ċerti attivitajiet tal-ipproċessar mingħajr konsultazzjoni minn qabel mal-EDPS. Tali każijiet jibqgħu soġġetti għal notifika minn qabel tal-EDPS; l-involviment tal-Uffiċjal tal-Protezzjoni tad-Data; u s-sottomissjoni sussegwenti tal-konsultazzjoni meħtieġa lill-EDPS.

Kapitolu IX – Rimedji u Responsabbiltà

Il-Kapitolu IX jistabbilixxi l-qafas li jirregola r-rimedji u r-responsabbiltà, li huwa komplementari għal dak tar-Regolament (UE) 2018/1725 u huwa allinjat miegħu. Dan jistabbilixxi l-proċedura għat-trattament tal-ilmenti mill-EDPS (l-Artikolu 114) u d-dispożizzjonijiet ġenerali dwar ir-responsabbiltà u d-dritt għal kumpens (l-Artikolu 115).

Kapitolu X – Grupp ta’ Skrutinju Parlamentari Konġunt

Il-Kapitolu X jistabbilixxi l-arranġamenti għall-iskrutinju parlamentari konġunt tal-Europol mill-Parlament Ewropew u mill-parlamenti nazzjonali permezz tal-Grupp ta’ Skrutinju Parlamentari Konġunt. Dan jiddefinixxi l-mekkaniżmi għas-sorveljanza politika tal-attivitajiet tal-Europol, inkluż l-obbligi tar-rapportar, l-aċċess għall-informazzjoni u l-involviment tal-Kontrollur Ewropew għall-Protezzjoni tad-Data.

Kapitolu XI – Persunal

Il-Kapitolu XI jistabbilixxi r-regoli li jirregolaw il-persunal tal-Europol. Dan jipprevedi l-applikazzjoni tar-Regolamenti tal-Persunal u l-Kundizzjonijiet tal-Impjieg ta’ Aġenti Oħra għall-persunal tal-Europol u jistabbilixxi l-kategoriji tal-persunal impjegat mill-Europol. Il-Kapitolu jistabbilixxi wkoll dispożizzjonijiet speċifiċi mmirati lejn il-preservazzjoni u t-tiġdid tal-għarfien espert operazzjonali fl-Europol, inkluż permezz ta’ karigi riżervati għall-persunal b’esperjenza fl-awtoritajiet kompetenti tal-Istati Membri u permezz tal-użu ta’ esperti nazzjonali sekondati.

Kapitolu XII – Dispożizzjonijiet finanzjarji

Il-Kapitolu XII jistabbilixxi l-qafas finanzjarju li jirregola l-ippjanar baġitarju, il-finanzjament, l-implimentazzjoni u l-akkontabbiltà tal-Europol. L-Artikolu 120 jistabbilixxi l-prinċipji applikabbli għall-baġit tal-Europol u jiddefinixxi s-sorsi tad-dħul tagħha, inkluż il-kontribuzzjoni mill-baġit tal-Unjoni, il-kontribuzzjonijiet minn pajjiżi assoċjati mal-implimentazzjoni, mal-applikazzjoni u mal-iżvilupp tal-acquis ta’ Schengen fejn previst fil-ftehimiet internazzjonali rilevanti, u fil-kontribuzzjonijiet finanzjarji volontarji mill-Istati Membri. Jistabbilixxi wkoll il-kategoriji ewlenin tan-nefqa u jippermetti l-użu ta’ impenji baġitarji pluriennali.

L-Artikolu 121 jirregola t-tħejjija, l-istabbiliment u l-adozzjoni tal-baġit u t-tabella tal-persunal tal-Europol. B’mod partikolari, dan jirrikjedi li l-abbozz ta’ dikjarazzjoni tal-estimi jitħejja b’mod li jiżgura differenzjazzjoni ċara tal-approprjazzjonijiet skont is-subattività, konsistenti mal-istruttura tad-Dokument Uniku ta’ Programmazzjoni, u b’hekk tissaħħaħ ir-rabta bejn ir-riżorsi baġitarji, il-prijoritajiet operazzjonali u l-outputs mistennija. L-Artikolu jiddefinixxi wkoll ir-responsabbiltajiet rispettivi tad-Direttur Eżekuttiv, tal-Bord tat-Tmexxija, tal-Kummissjoni, tal-Kunsill u tal-Parlament Ewropew fil-proċedura baġitarja annwali. L-Artikolu 122 jafda l-implimentazzjoni tal-baġit lid-Direttur Eżekuttiv.

L-Artikolu 123 jistabbilixxi l-arranġamenti relatati mal-kontabbiltà, mal-awditjar u mal-kwittanza, inkluż it-tħejjija u l-preżentazzjoni tal-kontijiet, ir-rwol tal-Qorti tal-Awdituri, l-adozzjoni tal-kontijiet finali mill-Bord tat-Tmexxija u l-proċedura tal-kwittanza quddiem il-Parlament Ewropew, u b’hekk jiżgura l-konformità mal-qafas tal-akkontabbiltà finanzjarja tal-Unjoni.

L-Artikolu 124 jistabbilixxi l-qafas li jirregola r-regoli finanzjarji tal-Europol, li jridu jiġu allinjati mar-regolament qafas finanzjarju tal-Unjoni għall-aġenziji deċentralizzati sakemm ir-rekwiżiti operazzjonali ma jiġġustifikawx derogi speċifiċi approvati mill-Kummissjoni. Minbarra li jipprevedi l-għoti ta’ għotjiet, inkluż mingħajr sejħa għal proposti meta dan ikun iġġustifikat min-natura tal-benefiċjarji u l-objettivi operazzjonali segwiti, l-Artikolu jiffaċilita lill-Europol biex tappoġġa attivitajiet ta’ kooperazzjoni operazzjonali, inkluż skwadri ta’ investigazzjoni konġunta, u, meta jkun meħtieġ, biex tikkontribwixxi għall-finanzjament ta’ tagħmir u ta’ infrastruttura meħtieġa għall-kooperazzjoni fl-infurzar tal-liġi.

Kapitolu XII – Dispożizzjonijiet mixxellanji

Il-Kapitolu XIII fih dispożizzjonijiet mixxellanji li jirregolaw il-qafas legali, amministrattiv u tal-akkontabbiltà applikabbli għall-Europol. Dan jistabbilixxi regoli dwar il-privileġġi u l-immunitajiet, l-arranġamenti lingwistiċi, it-trasparenza u l-aċċess pubbliku għad-dokumenti, il-protezzjoni tal-informazzjoni sensittiva mhux klassifikata u klassifikata, u l-prevenzjoni u l-investigazzjoni ta’ frodi li tolqot l-interessi finanzjarji tal-Unjoni. Il-Kapitolu jipprevedi wkoll l-evalwazzjoni perjodika tal-Europol, l-inkjesti mill-Ombudsman Ewropew, u l-arranġamenti relatati mas-sede u mal-kwartieri ġenerali tal-Europol.

Kapitolu XIV – Dispożizzjonijiet tranżizzjonali

Il-Kapitolu XIV fih id-dispożizzjonijiet tranżizzjonali meħtieġa biex jiġu żgurati ċ-ċertezza legali u l-funzjonament mingħajr interruzzjoni tal-Europol wara t-tħassir tar-Regolament (UE) 2016/794. L-Artikolu 133 jistabbilixxi l-Europol bħala s-suċċessur legali tal-aġenzija stabbilita skont ir-Regolament (UE) 2016/79 fir-rigward tad-drittijiet u l-obbligi kollha li jirriżultaw skont id-dritt nazzjonali, tal-Unjoni u internazzjonali. Jipprevedi wkoll li s-sostituzzjoni tal-qafas legali eżistenti ma taffettwax il-validità tal-ftehimiet ta’ kooperazzjoni u l-arranġamenti ta’ ħidma konklużi mill-Europol skont il-Konvenzjoni tal-Europol, id-Deċiżjoni 2009/371/ĠAI jew ir-Regolament (UE) 2016/794. Dawk l-istrumenti jibqgħu fis-seħħ u jkomplu japplikaw sakemm jiskadu jew jiġu sostitwiti.

L-Artikolu 134 jistabbilixxi l-arranġamenti li jirregolaw it-tranżizzjoni għar-Regolament il-ġdid. Dan jiżgura l-kontinwità tal-attivitajiet operazzjonali li jkunu għaddejjin, l-ipproċessar kontinwat tad-data miżmuma legalment mill-Europol, u l-validità tal-awtorizzazzjonijiet eżistenti relatati mat-trasferimenti tad-data personali. Jippreserva wkoll l-effetti legali tad-deċiżjonijiet, tal-miżuri ta’ implimentazzjoni, tar-regoli u tal-arranġamenti adottati skont ir-Regolament (UE) 2016/794 sakemm jiġu rieżaminati, emendati, sostitwiti jew jitħassru skont il-qafas il-ġdid. F’dan il-kuntest, il-Bord tat-Tmexxija huwa meħtieġ jivvaluta l-kompatibbiltà kontinwata tal-atti eżistenti ma’ dan ir-Regolament u jieħu l-miżuri meħtieġa biex jadatta l-qafas intern tal-Europol meta jkun xieraq.

Kapitolu XV – Emendi ta’ strumenti eżistenti oħra

Il-Kapitolu XV fih emendi ta’ strumenti relatati tal-Unjoni li huma meħtieġa biex jappoġġaw l-implimentazzjoni ta’ dan ir-Regolament. L-Artikolu 135 jipprevedi emenda konsegwenzjali sabiex jissaħħaħ il-qafas legali għall-kooperazzjoni bejn l-Europol u l-eu-LISA f’oqsma ta’ interess tekniku u operazzjonali komuni. L-Artikolu 136 jemenda r-Regolament (UE) 2024/982 biex jiffaċilita l-Europol ħalli tkun tista’ tuża l-qafas ta’ Prüm II.

Kapitolu XVI – Dispożizzjonijiet finali

Il-Kapitolu XVI jistabbilixxi l-arranġamenti li jirregolaw l-implimentazzjoni ta’ dan ir-Regolament. Dan jistabbilixxi approċċ gradwali għall-iskjerament operazzjonali ta’ sistemi u kapaċitajiet ewlenin, jiddefinixxi l-proċeduri applikabbli għall-atti ta’ implimentazzjoni u għall-atti delegati, u jipprevedi t-tħassir tar-Regolament (UE) 2016/794 u l-kontinwità tar-referenzi magħmula għalih.

2026/0165 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

dwar l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol), li jemenda r-Regolament (UE) 2018/1726 u r-Regolament (UE) 2024/982, u li jħassar ir-Regolament (UE) 2016/794

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 87(2), il-punt (a), u l-Artikolu 88 tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-Parlamenti nazzjonali,

Filwaqt li jaġixxu f’konformità mal-proċedura leġiżlattiva ordinarja,

Billi:

(1)Skont l-Artikolu 67(1) u (3) tat-Trattat dwar il-Funzjonament tal-Unjoni Ewropea (TFUE), l-Unjoni trid toffri liċ-ċittadini tagħha spazju ta’ libertà, sigurtà u ġustizzja li fih jiġi żgurat livell għoli ta’ sigurtà permezz ta’ miżuri għall-prevenzjoni u għall-ġlieda kontra l-kriminalità, ir-razziżmu u l-ksenofobija, u permezz ta’ koordinazzjoni u kooperazzjoni bejn il-pulizija u l-awtoritajiet ġudizzjarji u awtoritajiet kompetenti oħra tal-Istati Membri.

(2)L-eżistenza ta’ żona mingħajr kontrolli fil-fruntieri interni tippresupponi responsabbiltà komuni tal-Unjoni u tal-Istati Membri biex jiżguraw livell għoli ta’ sigurtà interna. Il-prevenzjoni effettiva tal-kriminalità serja, it-terroriżmu u forom oħra ta’ kriminalità li jolqtu interess komuni koperti minn politika tal-Unjoni jeħtieġu kooperazzjoni, koordinazzjoni u skambju tal-informazzjoni effettivi bejn l-awtoritajiet kompetenti tal-Istati Membri, u l-ġlieda effettiva kontrihom.

(3)Il-kriminalità serja, it-terroriżmu u forom oħra ta’ kriminalità li jolqtu interess komuni kopert minn politika tal-Unjoni kulma jmur għandhom dimensjoni transfruntiera u huma kkaratterizzati minn livell għoli ta’ kumplessità u ta’ adattabbiltà. Tali attivitajiet kriminali spiss jiġġeneraw rabtiet li jaf ma jkunux evidenti minn perspettiva nazzjonali biss. Sabiex l-awtoritajiet kompetenti tal-Istati Membri jiġu appoġġati biex jindirizzaw tali theddidiet b’mod effettiv u biex jingħata kontribut għal rispons koerenti u effettiv fl-Unjoni kollha, huma meħtieġa appoġġ u koordinazzjoni msaħħa fil-livell tal-Unjoni.

(4)L-Artikolu 88 TFUE jipprevedi li l-missjoni tal-Europol hi li tappoġġa u ssaħħaħ l-azzjoni mill-awtoritajiet kompetenti tal-Istati Membri u l-kooperazzjoni reċiproka tagħhom fil-prevenzjoni tal-kriminalità serja li taffettwa żewġ Stati Membri jew iktar, tat-terroriżmu u ta’ forom ta’ kriminalità li jolqtu interess komuni kopert minn politika tal-Unjoni, u fil-ġlieda kontrihom.

(5)L-Europol inizjalment ġiet stabbilita mill-Konvenzjoni tal-Europol tas-26 ta’ Lulju 1995 u sussegwentement ġiet integrata fil-qafas tal-Unjoni bid-Deċiżjoni tal-Kunsill 2009/371/ĠAI 36 . Ir-Regolament (UE) 2016/794 tal-Parlament Ewropew u tal-Kunsill 37 saħħaħ iktar ir-rwol tal-Europol.

(6)Fit-twettiq tal-missjoni tagħha, jenħtieġ li l-Europol tappoġġa lill-awtoritajiet kompetenti tal-Istati Membri permezz ta’ skambju tal-informazzjoni, analiżi operazzjonali u appoġġ operazzjonali, u forom oħra ta’ assistenza fl-ambitu tal-kompetenza tagħha. Minħabba n-natura transfruntiera tad-delitti li jaqgħu fl-ambitu tal-kompetenza tagħha u d-diversità tal-atturi involuti fil-prevenzjoni tagħhom u fil-ġlieda kontrihom, jenħtieġ li l-Europol tiffaċilita wkoll il-kooperazzjoni effettiva bejn l-awtoritajiet kompetenti tal-Istati Membri u, meta jkun xieraq, bejn dawk l-awtoritajiet u l-istituzzjonijiet, il-korpi, l-uffiċċji u l-aġenziji rilevanti tal-Unjoni, il-pajjiżi terzi, l-organizzazzjonijiet internazzjonali u l-partijiet privati, f’konformità ma’ dan ir-Regolament.

(7)Appoġġ effettiv għall-awtoritajiet kompetenti tal-Istati Membri jirrikjedi aċċess għal għarfien espert, kapaċitajiet u servizzi speċjalizzati li jistgħu jiġu żviluppati, jinżammu u jsiru disponibbli b’mod iktar effettiv u effiċjenti fil-livell tal-Unjoni. Għalhekk, jenħtieġ li l-Europol iżżomm u tiżviluppa kontinwament tali għarfien espert, kapaċitajiet u servizzi u tagħmilhom disponibbli għall-awtoritajiet kompetenti tal-Istati Membri, u b’hekk issaħħaħ il-kapaċità tagħhom li jirrispondu għal theddidiet kriminali dejjem iktar kumplessi, teknoloġikament sofistikati u transfruntieri.

(8)Ix-xenarju tat-theddidiet kriminali li jaffettwa lill-Unjoni qiegħed jevolvi kontinwament. Ċerti forom ta’ kriminalità qegħdin jimmanifestaw ruħhom dejjem iktar permezz tal-ambjenti online, u qegħdin joħolqu sfidi operazzjonali ġodda għall-awtoritajiet tal-infurzar tal-liġi. Il-vjolenza abbażi tal-ġeneru kulma jmur qiegħda tinvolvi iktar forom iffaċilitati mit-teknoloġija ta’ mġiba kriminali u qiegħda tinfirex bejn il-fruntieri. L-użu ta’ teknoloġiji tal-informazzjoni u tal-komunikazzjoni jippermetti li tali mġiba titwettaq, tiġi ffaċilitata, tiġi amplifikata jew tiġi disseminata bejn il-ġuriżdizzjonijiet, u spiss tinvolvi vittmi, awturi, fornituri tas-servizzi, evidenza u informazzjoni rilevanti li jinsabu fi Stati Membri jew f’pajjiżi terzi differenti. Id-Direttiva (UE) 2024/1385 tal-Parlament Ewropew u tal-Kunsill 38 tirrikonoxxi l-vjolenza kontra n-nisa u l-vjolenza domestika bħala qasam distint li jirrikjedi azzjoni kkoordinata fl-Unjoni kollha. Għalhekk tali reati jistgħu jolqtu l-interessi komuni koperti mill-politiki tal-Unjoni, inkluż l-ugwaljanza bejn in-nisa u l-irġiel, il-protezzjoni tal-vittmi tal-kriminalità u l-protezzjoni tad-drittijiet fundamentali. Ir-rikonoxximent tal-vjolenza abbażi tal-ġeneru bħala fenomenu kriminali distint skont id-dritt tal-Unjoni jirrifletti l-ħtieġa li dawk ir-reati jiġu indirizzati b’mod koerenti madwar l-Unjoni. Azzjoni effettiva kontra l-vjolenza abbażi tal-ġeneru jaf tirrikjedi l-kombinament ta’ informazzjoni u ta’ għarfien espert relatati ma’ forom differenti ta’ mġiba kriminali, l-identifikazzjoni ta’ rabtiet bejn każijiet li jaffettwaw diversi ġuriżdizzjonijiet u l-kooperazzjoni msaħħa bejn l-awtoritajiet kompetenti tal-Istati Membri. Għalhekk, jenħtieġ li l-lista ta’ forom ta’ kriminalità serja li fir-rigward tagħhom hija kompetenti l-Europol tinkludi l-vjolenza abbażi tal-ġeneru.

(9)Sabiex tindirizza r-reati kriminali relatati mal-forom ta’ kriminalità li jaqgħu fl-ambitu tal-kompetenza tal-Europol li jiffurmaw parti minn theddida b’dimensjoni ibrida, jikkontribwixxu għaliha jew huma marbuta magħha, jenħtieġ li l-Europol tuża bis-sħiħ il-kompiti, il-kapaċitajiet u l-għodod previsti f’dan ir-Regolament. Jenħtieġ li l-eżistenza ta’ dimensjoni ibrida f’delitt li jaqa’ fl-ambitu tal-kompetenza tal-Europol ma taffettwax il-kapaċità tal-Europol li tappoġġa lill-awtoritajiet kompetenti tal-Istati Membri permezz ta’ skambju tal-informazzjoni, analiżi operazzjonali, kooperazzjoni operazzjonali u forom oħra ta’ appoġġ fl-ambitu tal-kompetenza tagħha.

(10)Jenħtieġ li l-Europol taġixxi b’appoġġ għall-awtoritajiet kompetenti tal-Istati Membri u jenħtieġ li hi stess ma teżerċitax setgħat koerċittivi jew twettaq miżuri investigattivi. Għalhekk, jenħtieġ li dan ir-Regolament jistabbilixxi regoli ċari dwar il-kompetenza, il-kompiti u l-funzjonament tal-Europol, filwaqt li jiżgura r-rispett għad-drittijiet fundamentali, inkluż id-dritt għall-protezzjoni tad-data personali.

(11)Peress li l-attivitajiet ta’ appoġġ operazzjonali tal-Europol espandew u ddiversifikaw, jeħtieġ li jiġu żgurati l-koerenza, il-komplementarjetà u l-kontinwità operazzjonali bejn il-forom differenti ta’ appoġġ operazzjonali pprovdut mill-Europol. Għalhekk, jenħtieġ li l-qafas operazzjonali tal-Europol jippermetti li l-għodod operazzjonali, l-għarfien espert speċjalizzat u l-istrutturi ta’ appoġġ tagħha jiffunzjonaw b’mod integrat u li jsaħħaħ b’mod reċiproku, filwaqt li jibqgħu adattabbli biżżejjed għall-ħtiġijiet operazzjonali li qegħdin jevolvu, għall-iżviluppi teknoloġiċi u għat-theddidiet emerġenti għas-sigurtà.

(12)In-natura transfruntiera u interkonnessa tal-kriminalità serja u organizzata u t-terroriżmu tirrikjedi l-identifikazzjoni ta’ rabtiet, xejriet u żviluppi bejn il-ġuriżdizzjonijiet u l-oqsma ta’ attività kriminali. Informazzjoni kriminali frammentata jew mhux kompluta tista’ toħloq punti dgħajfin operazzjonali li jistgħu jiġu sfruttati minn networks kriminali u terroristi tranżnazzjonali. Billi tiġbor flimkien l-informazzjoni u l-intelligence kriminali li joriġinaw minn diversi awtoritajiet u sorsi madwar l-Unjoni u lil hinn minnha, l-Europol tinsab f’pożizzjoni unika biex tikkontribwixxi għall-iżvilupp ta’ analiżi strateġika kondiviża tat-theddidiet kriminali, tal-iżviluppi operazzjonali u tar-riskji emerġenti għas-sigurtà.

(13)Sabiex jiġi żgurat li l-analiżi strateġika tissarraf f’azzjoni effettiva, jenħtieġ li l-prodotti analitiċi tal-Europol jappoġġaw l-identifikazzjoni tal-prijoritajiet, l-allokazzjoni tar-riżorsi u l-ippjanar tal-azzjoni operazzjonali fil-livell tal-Unjoni u dak nazzjonali, inkluż fil-qafas tal-Pjattaforma Multidixxiplinari Ewropea Kontra t-Theddidiet Kriminali (EMPACT). Jenħtieġ li jappoġġaw ukoll lill-Kummissjoni u lill-Istati Membri fit-twettiq ta’ valutazzjonijiet tar-riskju u fil-verifika tal-implimentazzjoni tal-qafas ta’ Schengen.

(14)Il-produzzjoni ta’ stampa analitika strateġika komuni tal-Unjoni jenħtieġ li tkun responsabbiltà kondiviża tal-Europol, tal-Istati Membri u tal-istituzzjonijiet, tal-korpi, tal-missjonijiet, tal-uffiċċji u tal-aġenziji rilevanti tal-Unjoni, li jenħtieġ li jipprovdu l-informazzjoni meħtieġa għat-tħejjija ta’ dawk il-prodotti analitiċi f’konformità mal-mandati rispettivi tagħhom u mad-dritt applikabbli tal-Unjoni. Jenħtieġ li l-Europol tappoġġa wkoll l-iżvilupp u l-użu ta’ metodoloġiji u ta’ standards analitiċi komuni, b’mod partikolari għall-valutazzjonijiet tat-theddidiet fil-livell tal-Unjoni, biex jissaħħu l-komparabbiltà, il-konsistenza u l-interoperabbiltà tal-analiżi tal-intelligence kriminali fil-livell tal-Unjoni.

(15)Jenħtieġ li l-analiżijiet strateġiċi u l-valutazzjonijiet tat-theddidiet tal-Europol jagħtu attenzjoni partikolari, meta jkun xieraq, lill-eqreb viċinat tal-Unjoni u, b’mod partikolari, lis-sitwazzjoni f’pajjiżi li huma pajjiżi kandidati u kandidati potenzjali għall-adeżjoni mal-Unjoni. Tali kontributi jistgħu jinkludu valutazzjonijiet tal-kapaċitajiet ta’ dawk is-sħab li jipprevjenu l-kriminalità serja u t-terroriżmu u jiġġieldu kontrihom. Jenħtieġ li l-analiżijiet strateġiċi u l-valutazzjonijiet tat-theddidiet jiġu informati iktar permezz ta’ kontributi mill-pajjiżi kandidati u mill-kandidati potenzjali tal-UE, li l-valutazzjonijiet nazzjonali tagħhom stess tat-theddidiet mill-kriminalità serja u organizzata qegħdin jiġu żviluppati bl-appoġġ ta’ proġetti ffinanzjati mill-Unjoni.

(16)Billi tiġbor flimkien u tanalizza l-informazzjoni u l-intelligence kriminali li joriġinaw minn diversi sorsi, l-Europol tista’ tidentifika rabtiet li mhumiex evidenti mill-perspettiva ta’ Stat Membru wieħed u li jaf jirrikjedu azzjoni investigattiva fil-livell nazzjonali. Peress li r-responsabbiltà għat-tmexxija ta’ investigazzjonijiet kriminali hija tal-awtoritajiet kompetenti tal-Istati Membri, għaldaqstant jenħtieġ li l-Europol tkun tista’, fl-ambitu tal-kompetenza tagħha, titlob lil dawk l-awtoritajiet jivvalutaw, mingħajr dewmien żejjed, il-ħtieġa li jibdew, imexxu jew jikkoordinaw investigazzjonijiet fir-rigward ta’ forom ta’ kriminalità li jaqgħu fl-ambitu tal-kompetenza tal-Europol. Jenħtieġ li l-Europol tkun tista’ wkoll tagħmel tali talba meta l-attività kriminali tikkonċerna primarjament Stat Membru wieħed iżda jista’ jkollha implikazzjonijiet għas-sigurtà interna tal-Unjoni. Minkejja dan, l-attivitajiet kriminali kkonċentrati fi Stat Membru wieħed jistgħu jiffurmaw parti minn fenomeni kriminali usa’ jew jiġġeneraw riskji u vulnerabbiltajiet li jestendu lil hinn mill-fruntieri nazzjonali u għaldaqstant jeħtieġu kunsiderazzjoni minn perspettiva usa’ tal-Unjoni.

(17)Segwitu ġudizzjarju effettiv għat-talbiet magħmula mill-Europol dwar il-ħtieġa li jiġu vvalutati l-bidu, it-twettiq jew il-koordinazzjoni ta’ investigazzjonijiet kriminali jaf jirrikjedi koordinazzjoni u kooperazzjoni ġudizzjarja fil-livell tal-Unjoni. Għalhekk, jenħtieġ li l-Aġenzija tal-Unjoni Ewropea għall-Kooperazzjoni fil-Ġustizzja Kriminali (“Eurojust”), stabbilita bir-Regolament (UE) 2018/1727 tal-Parlament Ewropew u tal-Kunsill 39 , tiġi informata mingħajr dewmien dwar tali talbiet u dwar kwalunkwe deċiżjoni ta’ segwitu meħuda mill-awtoritajiet kompetenti tal-Istati Membri. Dak jenħtieġ li jippermetti lill-Eurojust tiffaċilita s-segwitu ġudizzjarju, tiżgura l-koerenza bejn l-infurzar tal-liġi u l-azzjoni ta’ prosekuzzjoni fil-livell tal-Unjoni u teżerċita l-kompiti tagħha f’konformità ma’ dak ir-Regolament.

(18)Il-koerenza operazzjonali fl-attivitajiet tal-Europol hija essenzjali għal rispons integrat għall-kriminalità serja u organizzata, it-terroriżmu u forom oħra ta’ kriminalità li jaqgħu fl-ambitu tal-kompetenza tal-Europol. Minħabba n-natura dejjem iktar interkonnessa tat-theddidiet kriminali u l-kumplessità dejjem akbar tal-attivitajiet kriminali, jenħtieġ li l-Europol tiżgura t-trattament ikkoordinat tal-informazzjoni, tal-intelligence kriminali u tal-appoġġ operazzjonali fl-istrutturi u fl-oqsma kollha ta’ għarfien espert speċjalizzat tagħha. Għalhekk, jenħtieġ li l-Europol iżżomm Servizz Operazzjonali u ta’ Analiżi permanenti biex tiżgura l-koordinazzjoni u l-koerenza fl-attivitajiet kollha tagħha u biex tappoġġa lill-Istati Membri fl-għoti ta’ rispons operazzjonali multidixxiplinari fil-livell tal-Unjoni.

(19)Diversi forom ta’ kriminalità li jaqgħu taħt il-kompetenza tal-Europol jirrikjedu għarfien espert, kapaċitajiet operazzjonali u appoġġ dedikati li jiġu organizzati u jinżammu bl-iktar mod effettiv fil-livell tal-Unjoni. Għalhekk, jenħtieġ li l-Europol iżżomm Ċentri ta’ għarfien espert speċjalizzat tal-Unjoni bħala parti mill-istruttura organizzazzjonali tagħha f’oqsma ta’ rilevanza partikolari għas-sigurtà interna tal-Unjoni. Iċ-Ċentri jenħtieġ li jiffurmaw parti integrali mill-istruttura organizzazzjonali tal-Europol, filwaqt li jikkontribwixxu għat-twettiq tal-kompiti tal-Europol fl-oqsma ta’ kompetenza rispettivi tagħhom. Jenħtieġ li ma jkollhomx personalità ġuridika separata. Sabiex jiġu żgurati l-kontinwità u l-istabbiltà ta’ dawk il-kapaċitajiet ewlenin, l-istabbiliment ta’ tali Ċentri jenħtieġ li jiġi ddeterminat minn dan ir-Regolament. Il-Bord tat-Tmexxija jenħtieġ li jkun responsabbli biex jispeċifika l-organizzazzjoni, il-funzjonijiet speċjalizzati, il-kompożizzjoni u l-operat taċ-Ċentri fid-dawl tal-ħtiġijiet operazzjonali u t-theddidiet għas-sigurtà li qegħdin jevolvu.

(20)Attivitajiet kriminali li jinvolvu dimensjoni ibrida jistgħu jfeġġu fir-rigward ta’ kwalunkwe forma ta’ kriminalità li taqa’ fl-ambitu tal-kompetenza tal-Europol. Għalhekk, jenħtieġ li ċ-Ċentri kollha jikkontribwixxu, fl-oqsma ta’ għarfien espert rispettivi tagħhom, għall-prevenzjoni ta’ tali delitti u għall-ġlieda kontrihom, inkluż meta dawn jiffurmaw parti minn theddida b’dimensjoni ibrida, jikkontribwixxu għaliha jew ikunu marbuta magħha.

(21)Peress li x-xenarju operazzjonali li fih topera l-Europol kulma jmur huwa iktar ikkaratterizzat minn strutturi kriminali fluwidi u l-konverġenza ta’ diversi oqsma ta’ kriminalità, l-appoġġ effettiv għall-awtoritajiet kompetenti tal-Istati Membri jirrikjedi kooperazzjoni u koordinazzjoni mill-qrib bejn iċ-Ċentri u strutturi organizzazzjonali oħra fl-Europol. Għalhekk, jenħtieġ li ċ-Ċentri jaħdmu flimkien u jikkombinaw l-għarfien espert u l-kapaċitajiet rispettivi tagħhom meta dan ikun meħtieġ biex jappoġġaw ir-risponsi operazzjonali multidixxiplinari għat-theddidiet trażversali. L-allokazzjoni tal-kompiti lil Ċentru speċifiku skont dan ir-Regolament jenħtieġ li ma tipprekludix l-involviment ta’ Ċentri jew strutturi organizzazzjonali oħra fit-twettiq ta’ dawk il-kompiti meta l-ħtiġijiet operazzjonali jkunu jirrikjedu dan.

(22)Sabiex jiġu indirizzati t-theddidiet kulma jmur iktar severi maħluqa min-networks tranżnazzjonali tal-kriminalità serja u organizzata, jenħtieġ li l-Europol, b’mod partikolari permezz taċ-Ċentru Ewropew kontra l-Kriminalità Serja u Organizzata tagħha, tipprovdi lill-Istati Membri b’appoġġ operazzjonali, analitiku, tekniku u forensiku għall-ġlieda kontra forom ta’ kriminalità serja u organizzata bħat-traffikar tad-droga, it-traffikar tal-armi tan-nar u tal-isplussivi, il-kriminalità ambjentali u d-delitti kontra l-proprjetà u f’investigazzjonijiet transfruntiera kumplessi.

(23)It-theddida terroristika li taffettwa lill-Unjoni qiegħda tkompli tevolvi f’termini ta’ atturi, metodi u mezzi, inkluż permezz tal-isfruttament tal-ambjenti online u tat-teknoloġiji emerġenti. Rispons effettiv kontra t-terroriżmu jirrikjedi li l-Europol, permezz taċ-Ċentru Ewropew għall-Ġlieda Kontra t-Terroriżmu tagħha, tipprovdi lill-Istati Membri b’appoġġ operazzjonali, analitiku, tekniku u forensiku għall-ġlieda kontra attivitajiet terroristiċi bħall-finanzjament tat-terroriżmu, ir-radikalizzazzjoni online, id-disseminazzjoni ta’ kontenut terroristiku online jew il-prevenzjoni ta’ attakki fiżiċi. Jenħtieġ li l-Europol tappoġġa wkoll il-koordinazzjoni tal-mekkaniżmi ta’ rispons għall-kriżijiet fil-livell tal-Unjoni.

(24)Il-kriminalità finanzjarja u ekonomika timmina l-integrità tal-ekonomija, tas-sistema finanzjarja u tal-ordni legali tal-Unjoni u tikkostitwixxi faċilitatur ewlieni tal-kriminalità serja u organizzata u tat-terroriżmu. L-użu ta’ skemi finanzjarji kumplessi, kriptoassi u teknoloġiji finanzjarji diġitali kulma jmur qiegħed jagħmel id-detezzjoni, l-investigazzjoni u t-traċċar tal-assi kriminali iktar diffiċli. Dan jirrikjedi għarfien espert u kapaċitajiet speċjalizzati permanenti fil-livell tal-Unjoni. Għalhekk, jenħtieġ li l-Europol, b’mod partikolari permezz taċ-Ċentru Ewropew għall-Kriminalità Finanzjarja u Ekonomika tagħha, tipprovdi lill-Istati Membri u lill-korpi, l-uffiċċji u l-aġenziji rilevanti tal-Unjoni, bħall-Uffiċċju tal-Prosekutur Pubbliku Ewropew (UPPE), stabbilit bir-Regolament tal-Kunsill (UE) 2017/1939 40 , b’appoġġ speċjalizzat għall-investigazzjonijiet finanzjarji, it-traċċar u l-irkupru tal-assi, il-kriptoassi u t-teknoloġiji finanzjarji diġitali, u l-identifikazzjoni u l-analiżi ta’ skemi u tranżazzjonijiet finanzjarji kriminali.

(25)Sabiex l-Europol tkun tista’ tipprovdi appoġġ effettiv lill-uffiċċji nazzjonali għall-irkupru tal-assi fit-traċċar u l-irkupru tal-assi, jenħtieġ li l-Istati Membri jiżguraw li l-Europol ikollha aċċess effettiv għall-informazzjoni meħtieġa għat-traċċar u għall-identifikazzjoni tal-proprjetà. Meta, abbażi tal-attivitajiet analitiċi tagħha, l-Europol tidentifika riskju imminenti ta’ għajbien ta’ proprjetà traċċata u identifikata, jenħtieġ li tkun tista’ titlob lill-awtoritajiet kompetenti tal-Istat Membru kkonċernat biex jieħdu azzjoni immedjata.

(26)Iċ-ċiberkriminalità u l-attivitajiet kriminali ffaċilitati miċ-ċibernetika jikkostitwixxu komponent ċentrali tax-xenarju tat-theddidiet li jaffettwa s-sigurtà interna tal-Unjoni. Id-disponibbiltà dejjem tiżdied taċ-ċiberkriminalità bħala servizz tiffaċilita l-użu ta’ għodod u servizzi sofistikati minn firxa wiesgħa ta’ atturi kriminali u terroristiċi, u b’hekk iżżid l-iskala u l-impatt ta’ attivitajiet kriminali ffaċilitati miċ-ċibernetika. L-Europol, b’mod partikolari permezz taċ-Ċentru Ewropew taċ-Ċiberkriminalità tagħha, jenħtieġ għalhekk li tappoġġa lill-Istati Membri fil-prevenzjoni taċ-ċiberkriminalità u fil-ġlieda kontriha, fir-rispons għall-attakki ċibernetiċi, u fl-indirizzar tad-dimensjoni diġitali dejjem tikber tal-attivitajiet kriminali fl-oqsma kollha tal-kriminalità li jaqgħu fl-ambitu tal-kompetenza tagħha. Jenħtieġ li l-Europol tikkontribwixxi wkoll għall-iżvilupp u għall-iskjerament ta’ kapaċitajiet tekniċi speċjalizzati, b’mod partikolari fl-oqsma tal-forensika diġitali, l-aċċess legali, u l-ipproċessar u l-analiżi tad-data kriptata. Tali kapaċitajiet jirrikjedu livell ta’ għarfien espert u riżorsi li jistgħu jiġu pprovduti b’mod iktar effettiv fil-livell tal-Unjoni.

(27)L-inċidenti ċibernetiċi ta’ oriġini kriminali suspettata, b’mod partikolari l-inċidenti ta’ ransomware, spiss jirrikjedu kemm rispons taċ-ċibersigurtà kif ukoll rispons tal-infurzar tal-liġi. Għalhekk, jenħtieġ li ċ-Ċentru Ewropew taċ-Ċiberkriminalità jikkoopera mill-qrib mal-Aġenzija tal-Unjoni Ewropea għaċ-Ċibersigurtà (ENISA), stabbilita bir-Regolament (UE) 2019/881 tal-Parlament Ewropew u tal-Kunsill 41 , fir-rigward taċ-ċibersigurtà, it-theddidiet ċibernetiċi u l-inċidenti ċibernetiċi ta’ oriġini kriminali suspettata, b’enfasi partikolari fuq inċidenti ta’ ransomware, inkluż permezz tal-helpdesk tar-ransomware tal-ENISA. Tali kooperazzjoni jenħtieġ li tappoġġa l-koordinazzjoni effettiva, l-iskambju tal-informazzjoni u tal-għarfien espert, u l-iżvilupp ta’ sinerġiji bejn il-komunitajiet taċ-ċibersigurtà u tal-infurzar tal-liġi.

(28)Il-faċilitazzjoni ta’ dħul klandestin ta’ migranti u t-traffikar ta’ bnedmin jikkostitwixxu attivitajiet kriminali transfruntiera ewlenin li jipperikolaw il-ħajja tal-bniedem, jimminaw il-politiki tal-Unjoni dwar il-migrazzjoni u l-ġestjoni tal-fruntieri u jiġġeneraw profitti sinifikanti għan-networks tal-kriminalità organizzata. Iċ-Ċentru Ewropew Kontra l-Faċilitazzjoni ta’ Dħul Klandestin ta’ Migranti stabbilit fi ħdan l-Europol jenħtieġ li jiżgura għarfien espert u kapaċitajiet speċjalizzati permanenti fil-livell tal-Unjoni sabiex jappoġġa l-ġlieda kontra l-faċilitazzjoni ta’ dħul klandestin ta’ migranti u t-traffikar ta’ bnedmin. L-Europol, b’mod partikolari permezz ta’ dak iċ-Ċentru, jenħtieġ li tappoġġa lill-Istati Membri fiż-żarmar tar-rotot tal-faċilitazzjoni ta’ dħul klandestin ta’ migranti u tan-networks ta’ faċilitazzjoni kriminali. L-Europol jenħtieġ li tappoġġa wkoll l-identifikazzjoni tal-vittmi tat-traffikar u ta’ persuni vulnerabbli oħra, filwaqt li tiżgura kooperazzjoni mal-koordinatur tal-UE kontra t-traffikar imsemmi fid-Direttiva 2011/36/UE tal-Parlament Ewropew u tal-Kunsill 42 .

(29)It-theddidiet tal-kriminalità u l-ħtiġijiet operazzjonali li qegħdin jevolvu jistgħu, f’ċirkostanzi eċċezzjonali, jirrikjedu l-istabbiliment ta’ Ċentri addizzjonali ddedikati għal oqsma li jeħtieġu għarfien espert speċjalizzat jew azzjoni kkoordinata fil-livell tal-Unjoni. Id-Direttur Eżekuttiv jenħtieġ li jivvaluta kontinwament l-iżviluppi operazzjonali, ir-rekwiżiti tal-kapaċità u l-oqsma tal-kriminalità emerġenti u, fejn xieraq, jidentifika l-ħtieġa għall-istabbiliment ta’ Ċentri addizzjonali. Ċentri addizzjonali għandhom jiġu stabbiliti biss fejn teżisti ħtieġa operazzjonali sostnuta li ma tistax tiġi indirizzata b’mod adegwat permezz tal-istrutturi organizzazzjonali eżistenti tal-Europol. Jenħtieġ li jkun possibbli wkoll li tali Ċentri addizzjonali jiġu adattati, amalgamati jew jitwaqqfu fejn dan ikun meħtieġ biex jiġu riflessi r-rekwiżiti operazzjonali li qegħdin jinbidlu. Sabiex jiġi żgurat qafas koerenti għall-istabbiliment ta’ Ċentri, is-setgħa li jiġu adottati atti f’konformità mal-Artikolu 290 TFUE jenħtieġ li tiġi ddelegata lill-Kummissjoni fir-rigward tal-istabbiliment, l-adattament, il-fużjoni jew il-waqfien ta’ Ċentri addizzjonali. Huwa ta’ importanza partikolari li l-Kummissjoni twettaq konsultazzjonijiet xierqa matul ix-xogħol ta’ tħejjija tagħha, inkluż fil-livell tal-esperti, u li dawk il-konsultazzjonijiet jitwettqu f’konformità mal-prinċipji stabbiliti fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet 43 . B’mod partikolari, biex tiġi żgurata parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti delegati.

(30)Fit-twettiq tal-attivitajiet tagħhom, jenħtieġ li ċ-Ċentri jikkooperaw mill-qrib ma’ strutturi speċjalizzati simili stabbiliti fil-livell tal-Unjoni, inkluż iċ-Ċentri ta’ Għarfien Espert tal-Eurojust f’materji kriminali u ċ-Ċentru futur tal-UE għall-Protezzjoni tat-Tfal mill-Abbuż Sesswali tat-Tfal, fi ħdan il-kompetenzi rispettivi tagħhom. Tali kooperazzjoni jenħtieġ li tikkontribwixxi biex tiġi żgurata l-komplementarjetà, tiġi evitata d-duplikazzjoni tal-isforzi u jiġi massimizzat il-valur operazzjonali tal-għarfien espert u l-kapaċitajiet speċjalizzati.

(31)L-investigazzjoni ta’ networks kriminali ta’ riskju għoli u fenomeni kriminali transfruntiera kumplessi teħtieġ forom strutturati iżda flessibbli ta’ kooperazzjoni operazzjonali bejn l-awtoritajiet kompetenti tal-Istati Membri. It-task forces operazzjonali jipprovdu qafas għall-konċentrazzjoni tal-isforzi investigattivi, l-għarfien espert operazzjonali u l-intelligence kriminali fuq miri prijoritarji, appoġġati mill-Europol. Għalhekk, jenħtieġ li l-Europol tipparteċipa f’task forces operazzjonali, tippermetti l-koordinazzjoni operazzjonali, tiffaċilita l-iskambju u l-analiżi tal-informazzjoni u tikkontribwixxi bl-appoġġ operazzjonali, tekniku, analitiku u forensiku speċjalizzat tagħha. Fejn xieraq, it-task forces operazzjonali jenħtieġ li jiġu integrati fl-attivitajiet tal-EMPACT. Meta s-sejbiet operazzjonali jindikaw il-ħtieġa għal koordinazzjoni ġudizzjarja, jenħtieġ li l-Europol tiżgura trażmissjoni f’waqtha tal-informazzjoni rilevanti lill-Eurojust biex tappoġġa l-eżerċizzju effettiv tal-mandat tagħha f’konformità mar-Regolament (UE) 2018/1727.

(32)L-iskwadri ta’ investigazzjoni konġunta jipprovdu qafas strutturat għal investigazzjonijiet ikkoordinati, ippjanar operazzjonali kondiviż u l-użu ta’ evidenza f’ambjent investigattiv komuni. Għalhekk, jenħtieġ li l-Europol tkun tista’ tappoġġa lill-iskwadri ta’ investigazzjoni konġunta għad-delitti li jaqgħu fl-ambitu tal-kompetenza tagħha billi tikkontribwixxi intelligence kriminali, input analitiku u kapaċitajiet operazzjonali speċjalizzati, u billi tiffaċilita l-koordinazzjoni operazzjonali fejn din issaħħaħ l-azzjoni investigattiva konġunta. Meta s-sejbiet operazzjonali jindikaw il-ħtieġa għal koordinazzjoni ġudizzjarja, jenħtieġ li l-Europol tiżgura trażmissjoni f’waqtha tal-informazzjoni rilevanti lill-Eurojust biex tappoġġa l-eżerċizzju effettiv tal-mandat tagħha f’konformità mar-Regolament (UE) 2018/1727.

(33)Sabiex tipprovdi appoġġ operazzjonali effettiv lill-awtoritajiet kompetenti tal-Istati Membri u, fejn rilevanti, lil pajjiżi terzi, l-Europol jeħtieġ li tagħmel l-għarfien espert, il-kapaċitajiet u l-appoġġ tagħha disponibbli meta jitwettqu attivitajiet operazzjonali. Għalhekk, jenħtieġ li l-Europol tkun tista’ tiskjera persunal sabiex tipprovdi appoġġ analitiku, operazzjonali, tekniku u forensiku direttament lill-awtoritajiet kompetenti kkonċernati. Tali skjeramenti jenħtieġ li jappoġġaw b’mod partikolari l-investigazzjonijiet fuq skala kbira u kumplessi, l-attivitajiet ta’ koordinazzjoni operazzjonali u l-avvenimenti internazzjonali ewlenin. Jenħtieġ li jikkontribwixxu wkoll biex tiġi żgurata l-koerenza bejn l-attivitajiet tal-infurzar tal-liġi u l-attivitajiet imwettqa fil-fruntieri esterni tal-Unjoni, b’kull awtorità taġixxi fil-limiti tal-kompetenza tagħha. B’mod partikolari, jenħtieġ li l-iskjeramenti tal-Europol jassistu lill-awtoritajiet tal-iskrinjar fit-twettiq ta’ kontrolli f’konformità mar-Regolament (UE) 2024/1356 tal-Parlament Ewropew u tal-Kunsill 44 , jappoġġaw lill-Frontex stabbilita bir-Regolament (UE) 2019/1896 tal-Parlament Ewropew u tal-Kunsill 45 u l-attivitajiet ta’ ġestjoni tal-migrazzjoni skont ir-Regolament (UE) 2019/1896, u jappoġġaw lill-awtoritajiet tal-ġestjoni tal-fruntieri fit-twettiq ta’ kontrolli tas-sigurtà skont l-informazzjoni tal-Europol fil-fruntieri esterni tal-Unjoni. L-effettività tal-iskjeramenti tal-Europol tiddependi fuq appoġġ fil-pront u attiv mill-Istati Membri. Għalhekk, jenħtieġ li l-Istati Membri jiżguraw li l-persunal skjerat mill-Europol ikollu, fejn rilevanti u xieraq, aċċess sigur għal siti operazzjonali, informazzjoni u tagħmir tekniku, u jenħtieġ li jiffaċilitaw il-koordinazzjoni u l-integrazzjoni mat-timijiet operazzjonali nazzjonali.

(34)F’ċerti sitwazzjonijiet, l-Europol tista’ teħtieġ is-sekondar ta’ għarfien espert speċjalizzat ħafna biex twieġeb għal ħtiġijiet operazzjonali speċifiċi. Iż-żamma ta’ gruppi operazzjonali u tekniċi speċjalizzati magħmula minn esperti ddeżinjati mill-Istati Membri tikkontribwixxi biex tiġi żgurata d-disponibbiltà ta’ tali għarfien espert meta jkun meħtieġ. Fl-istess ħin, l-għarfien u l-esperjenza speċjalizzati ta’ dawk l-esperti jibqgħu essenzjali għat-twettiq tal-kompiti tal-awtoritajiet kompetenti tal-Istati Membri. Għalhekk huwa meħtieġ approċċ ibbilanċjat biex l-Europol tkun tista’ tuża dak l-għarfien espert għal ħtiġijiet operazzjonali speċifiċi filwaqt li tippreserva l-kapaċitajiet operazzjonali nazzjonali. Is-sekondar minn dawk il-gruppi jipprovdi mekkaniżmu effettiv biex jintlaħaq dak l-objettiv.

(35)Il-valur tal-appoġġ operazzjonali tal-Europol jiddependi fuq l-integrazzjoni mill-qrib tiegħu mal-attivitajiet tal-awtoritajiet kompetenti tal-Istati Membri. Tali integrazzjoni tirrikjedi strutturi ta’ koordinazzjoni nazzjonali robusti li jkunu kapaċi jaġixxu bħala interfaċċa ġenwina bejn l-Europol u l-awtoritajiet kompetenti tal-Istati Membri. L-unitajiet nazzjonali tal-Europol jaqdu rwol ċentrali fl-iżgurar tal-kooperazzjoni bejn l-Europol u dawk l-awtoritajiet u fl-iffaċilitar tal-iskambju tal-informazzjoni. Jenħtieġ li jikkontribwixxu wkoll għall-identifikazzjoni tal-prijoritajiet operazzjonali nazzjonali u tal-ħtiġijiet ta’ kapaċitajiet li jridu jiġu appoġġati mill-Europol, jiffaċilitaw il-kontributi nazzjonali għall-valutazzjonijiet analitiċi u strateġiċi tal-Europol, u jgħinu biex tiġi żgurata l-koordinazzjoni effettiva tal-appoġġ tal-Europol fil-livell nazzjonali. L-uffiċjali ta’ kollegament marbuta mal-Europol jenħtieġ li jaqdu rwol importanti fl-iffaċilitar tal-kooperazzjoni u l-koordinazzjoni diretti mal-awtoritajiet kompetenti tal-Istati Membri, inkluż permezz tal-iskambju rapidu ta’ informazzjoni u l-identifikazzjoni ta’ rabtiet operazzjonali transfruntiera.

(36)L-unitajiet nazzjonali tal-Europol jenħtieġ li jassumu wkoll rwol imsaħħaħ fl-iżgurar li l-EMPACT twassal il-potenzjal operazzjonali sħiħ tagħha, filwaqt li tindirizza l-lakuni eżistenti fil-koordinazzjoni li jipprevjenu rabta effettiva bejn il-prijoritajiet fil-livell tal-Unjoni u l-ħtiġijiet nazzjonali. Għal dak l-għan, jenħtieġ li l-unitajiet nazzjonali tal-Europol jevolvu fi pjattaformi operazzjonali ċentrali li joffru hosting tat-tim ta’ appoġġ nazzjonali tal-EMPACT tagħhom, responsabbli għall-iffaċilitar tal-parteċipazzjoni operazzjonali u għall-allinjament tal-kontributi nazzjonali mal-prijoritajiet tal-EMPACT.

(37)Sabiex l-appoġġ operazzjonali, analitiku, tekniku u forensiku tal-Europol jintuża b’mod effettiv fl-investigazzjonijiet nazzjonali, dak l-appoġġ jeħtieġ li jitfassal skont il-ħtiġijiet u l-proċeduri nazzjonali. Sabiex jiġi żgurat li l-appoġġ tal-Europol ikun jista’ jiġi mobilizzat malajr u allinjat mal-ħtiġijiet operazzjonali u mar-rekwiżiti proċedurali fil-livell nazzjonali, jenħtieġ li jiġu stabbiliti uffiċċji ta’ appoġġ tal-Europol fl-unità nazzjonali tal-Europol f’kull Stat Membru. Dawn l-uffiċċji għandhom jiffaċilitaw l-integrazzjoni tal-intelligence kriminali, l-għodod analitiċi, it-teknoloġiji diġitali u forensiċi u l-għarfien espert operazzjonali direttament fl-investigazzjonijiet nazzjonali li jkunu għaddejjin. Jenħtieġ li l-uffiċċji ta’ appoġġ jgħinu wkoll biex jiġi żgurat li l-outputs operazzjonali pprovduti mill-Europol ikunu jistgħu jintużaw b’mod effettiv mill-awtoritajiet kompetenti tal-Istati Membri fil-prevenzjoni tal-kriminalità serja u t-terroriżmu u l-ġlieda kontrihom.

(38)L-uffiċċji ta’ appoġġ tal-Europol jenħtieġ li jkollhom persunal tal-Europol li jkun lesta perkors strutturat tal-karriera li jikkombina l-esperjenza fl-awtoritajiet kompetenti ta’ Stat Membru u s-servizz sussegwenti fl-Europol, qabel ma jiġi sekondat lura lill-istruttura nazzjonali. Dak il-mudell ta’ rotazzjoni huwa essenzjali biex jiġi żgurat li l-għarfien espert miksub fl-Europol jiġi investit mill-ġdid b’mod effettiv fis-sistema nazzjonali u li l-integrazzjoni tal-appoġġ tal-Europol titwettaq mill-persunal tal-Europol b’fehim operazzjonali tal-qafas legali, operazzjonali u organizzazzjonali speċifiku li fih joperaw l-awtoritajiet kompetenti tal-Istat Membru rispettiv. Jenħtieġ li tali persunal tal-Europol jaġixxi skont linja ta’ rapportar doppja tal-Europol u tal-Istat Membru fejn ikun stabbilit l-uffiċċju ta’ appoġġ tal-Europol. Jenħtieġ li l-istabbiliment tal-uffiċċji ta’ appoġġ tal-Europol ma jaffettwax ir-responsabbiltajiet u s-setgħat tal-awtoritajiet kompetenti tal-Istati Membri skont id-dritt nazzjonali. Sabiex tiġi żgurata l-effettività tal-mudell tal-persunal ibbażat fuq ir-rotazzjoni li jirfed l-uffiċċji ta’ appoġġ tal-Europol, jenħtieġ li l-Istati Membri jieħdu l-miżuri meħtieġa biex jiffaċilitaw l-integrazzjoni mill-ġdid tal-persunal fl-amministrazzjonijiet nazzjonali tagħhom mat-tlestija tal-assenjazzjoni tagħhom f’dak l-uffiċċju. Dak jirrikjedi t-tneħħija tal-ostakli amministrattivi, organizzazzjonali u relatati mal-karriera li jistgħu jxekklu l-mobbiltà bejn l-awtoritajiet nazzjonali u l-Europol, u b’hekk jiġi żgurat li tali mobbiltà tkun rikonoxxuta bħala parti integrali mill-iżvilupp tal-karriera professjonali tagħhom.

(39)Sabiex isservi bħala ċ-ċentru ta’ informazzjoni kriminali tal-Unjoni, jenħtieġ li l-Europol tkun tista’ tipproċessa l-informazzjoni li tkun irċeviet mis-sorsi jew li tkun kisbet direttament minn sorsi disponibbli pubblikament, soġġett għall-kundizzjonijiet u s-salvagwardji stabbiliti f’dan ir-Regolament. Il-ġbir effettiv ta’ informazzjoni minn sorsi disponibbli pubblikament għall-Europol jinkludi b’mod partikolari l-użu ta’ magni tat-tfittxija online, inkluż l-input tad-data personali, li jenħtieġ li ma jitqiesx bħala trażmissjoni jew trasferiment tad-data personali lill-partijiet privati skont dan ir-Regolament jew ir-Regolament (UE) 2018/1725 tal-Parlament Ewropew u tal-Kunsill 46 .

(40)Jenħtieġ li l-Istati Membri jiżguraw l-għoti fil-pront tal-informazzjoni meħtieġa biex l-Europol twettaq il-kompiti tagħha, inkluż permezz ta’ mekkaniżmi ta’ skambju strutturati, siguri u awtomatizzati. F’dak il-kuntest, jenħtieġ li l-Istati Membri jistabbilixxu u jżommu karigaturi nazzjonali xierqa tad-data li jiffaċilitaw l-alimentazzjoni strutturata tal-informazzjoni rilevanti fis-servizzi u fl-għodod tal-Europol, filwaqt li jiżguraw il-kwalità, il-kompletezza u t-tempestività tad-data.

(41)Il-mudell operazzjonali tal-Europol jibqa’ ankrat b’mod sod fil-prinċipju tas-sjieda tad-data, li skontu l-Istati Membri, l-istituzzjonijiet, il-korpi, il-missjonijiet, l-uffiċċji u l-aġenziji tal-Unjoni, il-pajjiżi terzi u l-organizzazzjonijiet internazzjonali li jipprovdu informazzjoni lill-Europol iżommu kontroll fuq l-iskop u l-kundizzjonijiet tal-ipproċessar tagħha. Dak il-prinċipju huwa pedament tal-fiduċja reċiproka fl-iskambju tal-informazzjoni mal-Europol u jiżgura li l-użu tad-data jibqa’ allinjat strettament mal-intenzjoni definita mill-fornitur.

(42)Sa fejn ikun meħtieġ għat-twettiq tal-kompiti tagħha, jenħtieġ li l-Europol tkun tista’ tipproċessa d-data personali, dment li tali pproċessar jitwettaq biss għall-finijiet stabbiliti f’dan ir-Regolament. Ir-Regolament (UE) 2018/1725 jistabbilixxi regoli dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, mill-korpi, mill-uffiċċji u mill-aġenziji tal-Unjoni. Ir-Regolament (UE) 2018/1725 jenħtieġ li japplika għall-ipproċessar tad-data personali amministrattiva mill-Europol, ikkomplementat mir-regoli speċifiċi ta’ dan ir-Regolament.

(43)L-Europol topera f’ambjent ta’ informazzjoni kkaratterizzat minn volumi kbar ta’ data eteroġenja, li spiss toriġina minn diversi sorsi u kuntesti operazzjonali. Sehem sostanzjali ta’ dik l-informazzjoni jiġi riċevut f’forma mhux strutturata, u b’hekk il-kategorizzazzjoni b’kategoriji ta’ suġġetti tad-data predefiniti tkun diffiċli jew xi drabi saħansitra impossibbli. Dak jirrifletti r-realtà tal-infurzar tal-liġi modern fejn l-estrazzjoni ta’ informazzjoni minn settijiet tad-data kbar u mhux strutturati tikkostitwixxi kompitu operazzjonali ewlieni tal-awtoritajiet tal-infurzar tal-liġi. F’dak il-kuntest, ir-regoli ta’ kategorizzazzjoni tas-suġġett tad-data applikabbli għall-Europol jenħtieġ li jiġu allinjati mar-Regolament (UE) 2018/1725. Għalhekk, jenħtieġ li l-Europol tagħmel distinzjoni ċara bejn id-data personali relatata mal-kategoriji differenti tas-suġġetti tad-data elenkati fl-Anness II biss fejn applikabbli u sa fejn ikun possibbli, filwaqt li tiżgura li tiġi żgurata l-effettività operazzjonali u tirrispetta bis-sħiħ is-salvagwardji u l-prinċipji tal-protezzjoni tad-data, bħall-minimizzazzjoni tad-data u l-limitazzjoni tal-iskop.

(44)Il-kategorizzazzjoni tad-data personali hija proċess dinamiku li jista’ jinbidel malli jsiru disponibbli ħjiel u informazzjoni ġodda. Id-data personali li inizjalment ma titqiesx rilevanti għall-inklużjoni skont kategorija ta’ suġġett tad-data tal-Anness II tista’, wara pproċessar ulterjuri, tikseb sinifikat operazzjonali jew tiżvela konnessjonijiet ma’ investigazzjonijiet li jkunu għaddejjin. Meta ma jkunx possibbli li ssir distinzjoni ċara bejn id-data personali li tirrigwarda l-kategoriji differenti ta’ suġġetti tad-data elenkati fl-Anness II, jew meta l-Europol ikollha tipproċessa d-data personali barra mill-kategoriji ta’ suġġetti tad-data elenkati fl-Anness II, jenħtieġ li l-Europol tinforma lill-Uffiċjal tal-Protezzjoni tad-Data tagħha. Tali data personali jenħtieġ li titħassar immedjatament ladarba l-iskop tal-ipproċessar ikun issodisfat.

(45)It-twettiq effettiv tal-kompiti tal-Europol u l-ipproċessar tal-informazzjoni jeħtieġu l-iżvilupp u l-użu ta’ servizzi u għodod, li jenħtieġ li jiġu stabbiliti u ġestiti b’mod li jiżgura l-effettività, l-effiċjenza u l-konformità tagħhom mal-istandards applikabbli tal-protezzjoni tad-data u tas-sigurtà.

(46)Għall-fini tal-ipproċessar tal-informazzjoni għall-kontroverifika mad-data eżistenti diġà maħżuna u kategorizzata mill-Europol f’kooperazzjoni mal-Istati Membri, l-istabbiliment ta’ servizz ta’ kontroverifika tal-Europol huwa meħtieġ biex jappoġġa l-objettivi u l-kompiti tal-Europol u biex jiffaċilita l-iskambju tal-informazzjoni bejn l-Istati Membri u korpi, uffiċċji u aġenziji oħra tal-Unjoni. Għall-funzjonament effettiv u effiċjenti ta’ dak is-servizz, is-sistemi ta’ ġestjoni tal-każijiet tal-awtoritajiet kompetenti tal-Istati Membri jenħtieġ li jkunu interoperabbli u teknikament konnessi ma’ tali servizz. Sabiex tiġi massimizzata l-effiċjenza teknika u tiġi żgurata l-konsistenza mas-sistemi ta’ informazzjoni eżistenti tal-Unjoni, jenħtieġ li s-servizz ta’ kontroverifika tal-Europol, meta jkun teknikament fattibbli, jerġa’ juża u jadatta t-teknoloġiji u l-komponenti eżistenti żviluppati mill-eu-LISA, inkluż it-teknoloġija li tirfed is-Servizz Kondiviż ta’ Tqabbil Bijometriku (sBMS), għall-funzjonalitajiet ta’ tqabbil bijometriku tagħha. L-użu mill-ġdid u l-adattament ta’ tali teknoloġija jenħtieġ li jservu biss objettivi tekniċi, operazzjonali u tal-kosteffiċjenza, inkluż l-ekonomiji ta’ skala u l-evitar tad-duplikazzjoni tal-investimenti, u jenħtieġ li ma jaffettwawx l-arranġamenti ta’ governanza eżistenti, id-drittijiet tal-aċċess, is-sjieda tad-data, l-arkitetturi tal-interoperabbiltà, l-allokazzjoni tar-responsabbiltajiet bejn il-korpi, l-uffiċċji u l-aġenziji tal-Unjoni, jew il-kundizzjonijiet legali li jirregolaw l-aċċess għall-informazzjoni skont id-dritt tal-Unjoni.

(47)L-ipproċessar tad-data personali fis-servizz ta’ kontroverifika tal-Europol jirrikjedi d-definizzjoni ta’ lista preċiża u eżawrjenti ta’ kategoriji tad-data biex jiġi żgurat li l-ipproċessar jibqa’ meħtieġ u proporzjonat għat-twettiq tal-kompiti tal-Europol u li d-drittijiet tal-individwi jkunu protetti f’konformità mar-regoli applikabbli dwar il-protezzjoni tad-data. Il-formati tad-data ta’ tali kategoriji tad-data, inkluż l-oġġetti identifikabbli jew id-data multimedjali li jintużaw għat-tfittxijiet fis-servizz, jenħtieġ li jiġu stabbiliti permezz ta’ att ta’ implimentazzjoni.

(48)It-tlugħ sistematiku u fil-pront tad-data rilevanti fis-servizz ta’ kontroverifika tal-Europol mill-Istati Membri u mill-Europol huwa essenzjali biex tiġi żgurata l-effettività tas-servizz u biex tiġi appoġġata l-kooperazzjoni transfruntiera fil-prevenzjoni tal-kriminalità serja u organizzata u fil-ġlieda kontriha, filwaqt li jiġu previsti wkoll is-salvagwardji meħtieġa biex jiġu protetti l-interessi essenzjali tas-sigurtà tal-Istati Membri u d-drittijiet tal-individwi. Billi b’mod sistematiku jagħmel kontroverifika ta’ kwalunkwe data li tkun għadha kif ittellgħet mad-data diġà maħżuna biex jiġu identifikati r-rabtiet u l-konnessjonijiet bejn il-każijiet, is-servizz jippermetti lill-Europol tappoġġa lill-Istati Membri f’investigazzjonijiet transfruntiera.

(49)It-tfittxija sistematika tas-servizz ta’ kontroverifika tal-Europol mill-awtoritajiet kompetenti tal-Istati Membri hija meħtieġa biex jiġi żgurat l-użu effettiv tas-servizz mill-atturi rilevanti kollha tal-infurzar tal-liġi fl-Unjoni kollha, u b’hekk jissaħħu l-prevenzjoni tal-kriminalità serja u t-terroriżmu u l-ġlieda kontrihom, filwaqt li jiġi żgurat ukoll li l-aċċess għad-data jibqa’ soġġett għal kundizzjonijiet u salvagwardji stretti biex jiġu protetti d-drittijiet tal-individwi u jiġi rrispettat il-prinċipju tas-sjieda tad-data.

(50)Sabiex l-Europol tappoġġa b’mod effettiv l-investigazzjonijiet u l-attivitajiet operazzjonali transfruntiera, jeħtieġ li jiġi stabbilit Ambjent Analitiku tal-Europol bħala pjattaforma teknika u operazzjonali sigura għall-ħżin, għall-ipproċessar, għall-analiżi u għall-viżwalizzazzjoni tad-data. L-Ambjent Analitiku tal-Europol jenħtieġ li jappoġġa t-twettiq tal-kompiti tal-Europol billi jiffaċilita l-analiżi operazzjonali tad-data riċevuta mill-Istati Membri, mill-pajjiżi terzi, mill-organizzazzjonijiet internazzjonali, mill-partijiet privati jew minn sorsi oħra f’konformità ma’ dan ir-Regolament.

(51)Sabiex jiġi żgurat li d-drittijiet tal-individwi jkunu protetti, it-tfittxijiet u l-aċċess għad-data tal-Ambjent Analitiku tal-Europol, inkluż id-data maħżuna bħala parti minn proġetti ta’ analiżi, jenħtieġ li jkunu soġġetti għal kundizzjonijiet stretti ta’ aċċess u salvagwardji għall-protezzjoni tad-data, filwaqt li jippermettu wkoll lill-entitajiet awtorizzati jfittxu b’mod effettiv u jkollhom aċċess indirett għad-data biex jikkontribwixxu għall-prevenzjoni tal-kriminalità serja u t-terroriżmu u għall-ġlieda kontrihom.

(52)Sabiex l-Istati Membri jiġu appoġġati fit-twettiq ta’ analiżi operazzjonali konġunta, jenħtieġ li l-Ispazju Kondiviż ta’ Data għall-Pulizija jisfrutta l-kapaċitajiet tal-Ambjent Analitiku tal-Europol. Dan jinkludi, meta jkun xieraq, għodod u moduli analitiċi avvanzati, bħal dawk li jippermettu l-ipproċessar u t-tqabbil tad-data bijometrika, u funzjonalitajiet li jappoġġaw il-ġbir u l-analiżi tad-data minn sorsi disponibbli pubblikament. Id-disponibbiltà ta’ tali kapaċitajiet fl-Ispazju Kondiviż ta’ Data għall-Pulizija jenħtieġ li ttejjeb id-detezzjoni ta’ rabtiet bejn il-każijiet u tiffaċilita risponsi operazzjonali kkoordinati.

(53)Sabiex tiġi ffaċilitata l-kooperazzjoni operazzjonali f’ħin reali bejn l-awtoritajiet kompetenti ta’ Stati Membri differenti u l-Europol, l-Ispazju Kondiviż ta’ Data għall-Pulizija jenħtieġ li jippermetti l-istabbiliment ta’ Każijiet ta’ Analiżi Operazzjonali Konġunta (JOAC). JOAC għandu jikkostitwixxi ambjent kollaborattiv sigur li fih l-awtoritajiet parteċipanti u l-Europol jistgħu jipproċessaw, janalizzaw, jarrikkixxu u jiskambjaw b’mod konġunt informazzjoni relatata ma’ investigazzjoni kriminali speċifika, theddida, network kriminali jew objettiv operazzjonali. Il-ħolqien ta’ JOACs jenħtieġ li jkun soġġett għal kriterji u proċeduri ċari, inkluż id-deżinjazzjoni ta’ awtoritajiet parteċipanti u l-kundizzjonijiet li jirregolaw l-aċċess għall-informazzjoni pproċessata fihom u l-użu tagħha.

(54)Sabiex tissaħħaħ l-effettività tal-analiżi operazzjonali konġunta, jenħtieġ li l-Europol tkun tista’ tipproponi l-istabbiliment ta’ JOAC lill-Istati Membri, abbażi tal-analiżi tagħha tal-informazzjoni u tad-data disponibbli, filwaqt li tirrispetta d-diskrezzjoni tal-Istati Membri li jiddeċiedu dwar il-ftuħ ta’ JOAC.

(55)Sabiex il-parteċipanti ta’ JOAC ikunu jistgħu jikkollaboraw u janalizzaw id-data, jiskambjaw l-informazzjoni u jwettqu attivitajiet konġunti b’mod effettiv, filwaqt li jingħataw il-possibbiltà li jużaw il-kapaċitajiet rilevanti tal-Europol, jenħtieġ li jiġi pprovdut sett ta’ karatteristiċi avvanzati, inkluż għodod ta’ komunikazzjoni siguri bħal chat u vidjokonferenzi, u kapaċitajiet kollaborattivi tal-editjar u tal-viżwalizzazzjoni tad-dokumenti, fl-Ispazju Kondiviż ta’ Data għall-Pulizija bħala mezz biex jiġu ffaċilitati l-kooperazzjoni u l-analiżi effettivi u effiċjenti fost il-parteċipanti u biex jiġi appoġġat l-iskambju tal-informazzjoni u tal-għarfien espert f’ambjent sigur u kkontrollat.

(56)Minħabba n-natura dejjem iktar tranżnazzjonali tal-kriminalità, jenħtieġ li jkun possibbli, f’każijiet debitament ġustifikati, li l-Istat Membru li jiftaħ JOAC jipproponi l-parteċipazzjoni ta’ pajjiż terz. Jenħtieġ li tali parteċipazzjoni tibqa’ limitata għall-pajjiżi terzi li jkollhom ftehim li jippermetti l-iskambju tad-data personali mal-Europol u għal sitwazzjonijiet li fihom l-Europol tqis li l-involviment tal-pajjiż terz ikkonċernat huwa rilevanti biex jintlaħqu l-objettivi tal-JOAC. Jenħtieġ li l-parteċipazzjoni ta’ pajjiż terz ma twassalx għall-aċċess ġeneralizzat għas-servizzi u għall-għodod tal-Europol, iżda jenħtieġ li tkun limitata biss għall-JOAC speċifiku u għall-informazzjoni li ssir disponibbli fih f’konformità ma’ dan ir-Regolament.

(57)Sabiex jiġi ffaċilitat l-iskambju bla xkiel tal-informazzjoni bejn il-punti uniċi ta’ kuntatt u l-awtoritajiet kompetenti tal-Istati Membri, l-Europol u entitajiet awtorizzati oħra, jenħtieġ li l-Europol tipprovdi għodda sigura u affidabbli, bħall-Applikazzjoni ta’ Network għall-Iskambju Sigur tal-Informazzjoni (SIENA), b’interfaċċi tal-web, applikazzjonijiet mobbli u interfaċċi ta’ programmazzjoni ddedikati.

(58)Sabiex tiġi rrazzjonalizzata l-kooperazzjoni bejn il-partijiet privati, l-Istati Membri u l-Europol fil-prevenzjoni tas-sitwazzjonijiet ta’ kriżi online, tat-theddidiet għaċ-ċibersigurtà u tal-attivitajiet kriminali oħra li jisfruttaw is-servizzi diġitali, u fir-rispons għalihom, jenħtieġ li l-Europol tistabbilixxi mekkaniżmu ddedikat fl-Ambjent Analitiku tal-Europol. Jenħtieġ li dak il-mekkaniżmu, b’mod partikolari, jappoġġa l-konformità mal-obbligi ta’ rapportar u ta’ notifika tal-Unjoni skont ir-Regolamenti (UE) 2021/784 47 u (UE) 2022/2065 48 tal-Parlament Ewropew u tal-Kunsill miż-żewġ partijiet privati, bħall-fornituri ta’ servizzi ta’ hosting, u l-awtoritajiet kompetenti tal-infurzar tal-liġi jew ġudizzjarji tal-Istati Membri u jippermetti koordinazzjoni rapida matul sitwazzjonijiet ta’ kriżi online. Jenħtieġ li jkun iddisinjat biex jiffaċilita d-determinazzjoni tal-Istat Membru li jrid jiġi nnotifikat u jiżgura l-interoperabbiltà mas-sistemi nazzjonali filwaqt li jżomm salvagwardji robusti tas-sigurtà u tal-protezzjoni tad-data. Jenħtieġ li l-Europol tiżgura li l-iżvilupp u ż-żamma tal-mekkaniżmu jkunu appoġġati bir-riżorsi meħtieġa.

(59)Sabiex tappoġġa l-objettivi tar-Regolament (UE) 2024/982 tal-Parlament Ewropew u tal-Kunsill 49 , jenħtieġ li l-Europol twettaq il-kompiti mogħtija lilha fir-rigward tas-Sistema ta’ Indiċi Ewropea tar-Rekords tal-Pulizija (EPRIS), filwaqt li tipprovdi pjattaforma ċentralizzata għall-indiċjar u għall-kondiviżjoni tar-rekords tal-pulizija, u tippermetti lill-awtoritajiet tal-infurzar tal-liġi jaċċessaw u jiskambjaw l-informazzjoni b’mod effiċjenti u effettiv.

(60)Sabiex tappoġġa l-ilħuq effettiv tal-objettivi tagħha u ttejjeb il-kooperazzjoni bejn l-Europol, l-awtoritajiet kompetenti tal-Istati Membri u entitajiet awtorizzati oħra, jenħtieġ li l-Europol tistabbilixxi infrastruttura tal-cloud sigura, skalabbli u sovrana tal-Europol, li toffri hosting tal-Ispazju Kondiviż ta’ Data għall-Pulizija u tiffaċilita l-ħżin, l-ipproċessar, l-analiżi u l-iskambju tad-data, filwaqt li tiżgura kontroll strett tal-aċċess, kompartimentalizzazzjoni tad-data u konformità sħiħa mad-dritt tal-Unjoni, u tippermetti l-iżvilupp, l-operat u ż-żamma ta’ firxa ta’ servizzi diġitali u kapaċitajiet operazzjonali tal-ipproċessar tad-data.

(61)Sabiex jiġi ffaċilitat l-aċċess sigur, effiċjenti u affidabbli għall-Ispazju Kondiviż ta’ Data għall-Pulizija għal firxa wiesgħa ta’ investigaturi fl-Unjoni kollha, jenħtieġ li tiġi stabbilita Identità Diġitali tal-UE għall-Pulizija, li tippermetti lir-rappreżentanti tal-awtoritajiet kompetenti tal-Istati Membri, tal-Europol u ta’ entitajiet awtorizzati oħra jaċċessaw l-infrastruttura tal-Europol u s-sistemi nazzjonali konnessi b’mod armonizzat u sigur, filwaqt li jiġu żgurati l-akkontabbiltà u s-sorveljanza permezz ta’ mekkaniżmi ta’ reġistrazzjoni u awditjar, u li tippermetti drittijiet tal-aċċess differenzjati bbażati fuq ħtiġijiet u rekwiżiti speċifiċi.

(62)Sabiex jiġu żgurati l-monitoraġġ, l-evalwazzjoni u s-sorveljanza effettivi tas-servizzi u tal-għodod tal-Europol, jenħtieġ li l-Europol tiżviluppa u żżomm għodod tal-istatistika u tar-rapportar li kapaċi jiġġeneraw informazzjoni statistika, indikaturi u rapporti analitiċi dwar l-użu, il-prestazzjoni, l-effettività operazzjonali u l-interoperabbiltà tagħhom. Jenħtieġ li dawk l-għodod jappoġġaw it-tħejjija ta’ analiżijiet strateġiċi u operazzjonali, valutazzjonijiet tat-theddidiet, rapporti tax-xejriet u aġġornamenti tas-sitwazzjonijiet, u jikkontribwixxu għall-obbligi ta’ rapportar annwali tal-Europol u għar-rapporti ta’ evalwazzjoni tal-Kummissjoni, b’mod partikolari fir-rigward tal-impatt operazzjonali ta’ dan ir-Regolament. Jenħtieġ li jiffaċilitaw ukoll id-disponibbiltà ta’ informazzjoni affidabbli għall-finijiet ta’ evalwazzjoni, ta’ monitoraġġ u ta’ rapportar u, meta jkun xieraq, jappoġġaw lill-Kummissjoni fit-twettiq tar-responsabbiltajiet tagħha skont id-dritt tal-Unjoni, inkluż il-monitoraġġ, l-implimentazzjoni u l-evalwazzjoni tal-leġiżlazzjoni rilevanti għall-mandat tal-Europol. Jenħtieġ li jiffaċilitaw ukoll l-għoti ta’ informazzjoni lill-Grupp ta’ Skrutinju Parlamentari Konġunt (JPSG). Jenħtieġ li l-għodod tal-istatistika u tar-rapportar jiffaċilitaw l-analiżi tax-xejriet, tal-ħtiġijiet operazzjonali u tal-attivitajiet ta’ skambju tal-informazzjoni, filwaqt li jiżguraw li l-informazzjoni dwar l-istatistika tiġi pproċessata f’konformità mad-dritt tal-Unjoni dwar il-protezzjoni tad-data, iċ-ċibersigurtà u l-kunfidenzjalità. Tali informazzjoni jenħtieġ li tkun soġġetta għal salvagwardji xierqa u għal miżuri ta’ kontroll tal-aċċess. Sabiex jiġi żgurat li r-rapport li jrid jiġi sottomess kull sena mill-Kummissjoni skont l-Artikolu 325(5) TFUE jinkludi ħarsa ġenerali komprensiva tal-miżuri meħuda biex tiġi miġġielda l-frodi li tolqot l-interessi finanzjarji tal-Unjoni, jenħtieġ li l-Europol tikkontribwixxi għat-tħejjija ta’ dak ir-rapport. Jenħtieġ li dak il-kontribut ikopri r-riżultati miksuba u l-attivitajiet imwettqa għal dak l-għan mill-Europol.

(63)Sabiex jiġi ffaċilitat l-iskambju effiċjenti u interoperabbli tal-informazzjoni bejn l-Istati Membri, il-korpi, l-uffiċċji jew l-aġenziji tal-Unjoni u entitajiet rilevanti oħra, jenħtieġ li l-Europol tappoġġa l-iżvilupp, l-implimentazzjoni u l-użu operazzjonali tal-format universali ta’ messaġġi stabbilit bir-Regolament (UE) 2019/818 tal-Parlament Ewropew u tal-Kunsill 50 billi tipprovdi s-segretarjat u tmexxi d-diskussjonijiet tekniċi u operazzjonali. Għal dak l-għan, jenħtieġ li l-Europol tikkoopera mill-qrib mal-Kummissjoni biex tappoġġa l-applikazzjoni konsistenti tal-UMF fis-sistemi tal-informazzjoni u fil-kanali tal-komunikazzjoni rilevanti kollha, u b’hekk ittejjeb l-interoperabbiltà u l-effettività tal-kondiviżjoni tal-informazzjoni.

(64)It-tqabbil tal-profili tad-DNA jirrikjedi għodod speċjalizzati tat-tqabbil li jkunu distinti mis-sistemi tal-informazzjoni li permezz tagħhom tiġi skambjata d-data tal-profili tad-DNA. Għalhekk, jenħtieġ li l-Europol tkun tista’ tipprovdi applikazzjoni komuni ta’ tqabbil tal-profili tad-DNA li sservi bħala komponent tekniku u forensiku għat-tqabbil awtomatizzat tal-profili tad-DNA. L-applikazzjoni jenħtieġ li tiffunzjona bħala kapaċità teknika kondiviża li tista’ tiġi skjerata fis-servizzi u fl-għodod tal-Europol jew mill-Istati Membri. Jenħtieġ li tappoġġa l-implimentazzjoni ta’ oqfsa għall-iskambju tal-informazzjoni, inkluż ir-Regolament (UE) 2024/982, filwaqt li tirrispetta s-sjieda tad-data mill-awtoritajiet li jipprovduha u s-salvagwardji li jirregolaw l-ipproċessar u l-iskambju tagħha. Id-disponibbiltà ta’ għodda komuni tal-UE għat-tqabbil tal-profili tad-DNA hija importanti wkoll biex tissaħħaħ is-sovranità teknoloġika tal-Ewropa f’qasam kritiku tal-infurzar tal-liġi u tal-kooperazzjoni forensika, titnaqqas id-dipendenza fuq teknoloġiji u fornituri esterni, u jiġi żgurat li l-iżvilupp, l-operat u l-evoluzzjoni tal-funzjonalitajiet tat-tqabbil tal-profili tad-DNA jibqgħu soġġetti għall-istandards, għall-governanza u għar-rekwiżiti tas-sigurtà tal-Unjoni.

(65)Sabiex jiġi żgurat li l-Europol tibqa’ mgħammra sabiex tirrispondi b’mod effettiv għall-ħtiġijiet operazzjonali, tekniċi u analitiċi li qegħdin jevolvu, u sabiex tappoġġa l-ilħuq effettiv tal-objettivi tagħha, jenħtieġ li l-Europol tkun tista’ tiddisinja, tiżviluppa u tiġġestixxi servizzi u għodod addizzjonali, filwaqt li tiżgura li tali sistemi u għodod jikkonformaw mar-regoli u mas-salvagwardji applikabbli dwar il-protezzjoni tad-data u jkunu soġġetti għal rekwiżiti proċedurali u tekniċi xierqa. Jenħtieġ li l-Kummissjoni tingħata s-setgħa li tadotta atti ta’ implimentazzjoni li jistabbilixxu tali rekwiżiti proċedurali u tekniċi.

(66)Sabiex jiġu żgurati l-iżvilupp u l-implimentazzjoni effettivi tas-sistemi tal-informazzjoni u tal-infrastruttura tal-ICT tal-Europol, jenħtieġ li jiġi stabbilit Grupp tat-Tmexxija tal-ICT u tal-Ġestjoni tal-Informazzjoni bħala substruttura tal-Bord tat-Tmexxija biex jipprovdi gwida strateġika, għarfien espert u sorveljanza rigward l-attivitajiet ta’ ġestjoni tal-informazzjoni u tal-ICT u biex jappoġġa lill-Bord tat-Tmexxija fit-teħid ta’ deċiżjonijiet informati dwar dawk il-materji, filwaqt li jiżgura l-konsistenza mal-ħtiġijiet operazzjonali tal-Istati Membri u mal-objettivi tal-interoperabbiltà tal-Unjoni kollha.

(67)Sabiex jiġu pprovduti għarfien espert tekniku speċjalizzat u pariri ħalli jiġu appoġġati l-iżvilupp u l-implimentazzjoni tas-sistemi tal-informazzjoni u l-infrastruttura tal-ICT tal-Europol, jenħtieġ li jiġi stabbilit Grupp Konsultattiv tal-ICT u tal-Ġestjoni tal-Informazzjoni sabiex jassisti lill-Grupp tat-Tmexxija u lill-Europol fit-tfassil, fl-iżvilupp u fl-operat tas-sistemi tal-informazzjoni, tal-infrastruttura tal-komunikazzjoni u tal-mekkaniżmi għall-iskambju tal-informazzjoni, u sabiex jippromwovi komponenti tekniċi komuni, standards u l-aħjar prattiki, filwaqt li jiżgura koordinazzjoni u kooperazzjoni mill-qrib bejn l-Europol, l-eu-LISA, l-Istati Membri u l-Kummissjoni dwar materji tekniċi u relatati mal-implimentazzjoni.

(68)Sabiex jinkiseb approċċ iktar ikkoordinat għall-antiċipazzjoni u għall-indirizzar tal-ħtiġijiet operazzjonali u teknoloġiċi tal-awtoritajiet tal-infurzar tal-liġi fl-Unjoni kollha, jenħtieġ li l-Europol tistabbilixxi Qafas għall-Iżvilupp ta’ Prospettiva u ta’ Kapaċitajiet Komuni (“il-Qafas”) immirat lejn l-iżvilupp ta’ fehim komuni tal-prijoritajiet tal-kapaċitajiet fuq terminu qasir, medju u twil. Il-Qafas jenħtieġ li jikkontribwixxi għall-ġbir flimkien, għall-kondiviżjoni u għall-użu iktar effiċjenti tar-riżorsi, jippromwovi l-interoperabbiltà u l-istandardizzazzjoni u jgħin biex tiġi evitata d-duplikazzjoni tal-investimenti.

(69)Sabiex tiġi żgurata l-kontinwità bejn l-identifikazzjoni tal-prijoritajiet tal-kapaċitajiet skont il-Qafas, l-iżvilupp ta’ soluzzjonijiet innovattivi għall-kapaċitajiet avvanzati u l-iskjerament tagħhom f’ambjenti operazzjonali tal-infurzar tal-liġi, jenħtieġ li l-Europol tkun tista’ tassisti lill-Kummissjoni fil-programmazzjoni tal-Programm Qafas tal-Unjoni għar-Riċerka u l-Innovazzjoni, u tipparteċipa f’attivitajiet ta’ żvilupp tal-kapaċitajiet appoġġati skont il-programmi ta’ finanzjament tal-Unjoni, b’mod partikolari l-Fond Ewropew għall-Kompetittività, meta jkun meħtieġ għat-twettiq tal-kompiti tagħha. Peress li l-Europol jaf twettaq funzjonijiet differenti fir-rigward tal-programmi ta’ finanzjament tal-Unjoni, jenħtieġ li l-Kummissjoni u l-Europol jiżguraw li l-parteċipazzjoni tal-Europol f’attivitajiet appoġġati skont il-programmi ta’ finanzjament tal-Unjoni ma tagħti l-ebda vantaġġ indebitu li jirriżulta mill-involviment tagħha fil-programmazzjoni ta’ dawk il-programmi.

(70)Ċerti kapaċitajiet teknoloġiċi, analitiċi u forensiċi qegħdin isiru dejjem iktar kumplessi u intensivi fl-użu tar-riżorsi, u b’hekk ikun ineffiċjenti għall-Istati Membri li jiżviluppaw u jżommu tali kapaċitajiet separatament fil-livell nazzjonali. Għalhekk, jenħtieġ li l-Europol tkun tista’ tiżviluppa, topera, toffri hosting u tipprovdi kapaċitajiet avvanzati kondiviżi b’appoġġ għall-kompiti tagħha u tal-awtoritajiet kompetenti tal-Istati Membri. Peress li l-awtoritajiet tal-infurzar tal-liġi jiddependu dejjem iktar fuq evidenza elettronika u jiffaċċjaw sfidi dejjem akbar fl-aċċess għad-data li hija legalment disponibbli għalihom, jenħtieġ li l-Europol tappoġġa l-iżvilupp u l-forniment ta’ kapaċitajiet għad-dekriptaġġ ta’ tali data. Sabiex jiġu evitati d-duplikazzjoni u l-użu ineffiċjenti tar-riżorsi fil-livell tal-Unjoni, jenħtieġ li l-Europol, qabel ma tiżviluppa kapaċitajiet ġodda, tivvaluta d-disponibbiltà ta’ soluzzjonijiet ekwivalenti fis-suq jew fl-Istati Membri, fl-istituzzjonijiet, fil-korpi, fl-uffiċċji u fl-aġenziji tal-Unjoni u, meta jkun disponibbli, tipprijoritizza l-użu mill-ġdid, l-adattament jew l-akkwiżizzjoni tagħhom. Jenħtieġ li l-Europol tqis ukoll ir-riskji li jirriżultaw minn dipendenzi strateġiċi u minn dipendenza fuq fornituri barra mill-Unjoni. Fil-kuntest ta’ investigazzjonijiet u attivitajiet operazzjonali appoġġati mill-Europol, meta jkun meħtieġ, jenħtieġ li jkun possibbli li dawk il-kapaċitajiet jitqiegħdu għad-dispożizzjoni tal-pajjiżi terzi parteċipanti, b’mod partikolari meta dan jikkontribwixxi għat-twettiq effettiv tal-attività operazzjonali u jappoġġa l-objettivi operazzjonali segwiti mill-Istati Membri parteċipanti.

(71)Sabiex tappoġġa l-iżvilupp ta’ soluzzjonijiet innovattivi għall-kapaċitajiet avvanzati rilevanti għat-twettiq tal-kompiti tagħha, jenħtieġ li l-Europol tkun tista’ twettaq attivitajiet ta’ riċerka u innovazzjoni, u tipparteċipa fihom, inkluż proġetti pilota u azzjonijiet preparatorji. Jenħtieġ li l-Europol tiżgura s-sinerġiji u tevita d-duplikazzjonijiet ma’ attivitajiet appoġġati minn istituzzjonijiet, korpi, aġenziji u uffiċċji oħra tal-Unjoni u skont programmi ta’ finanzjament rilevanti tal-Unjoni.

(72)Sabiex tiffaċilita l-iżvilupp, l-ittestjar u l-validazzjoni ta’ għodod algoritmiċi u sistemi u mudelli tal-IA, f’ambjent ikkontrollat u sigur li jipprevedi salvagwardji adegwati, jenħtieġ li l-Europol tuża ambjenti tal-ittestjar iddedikati. Jenħtieġ li tipparteċipa f’ambjenti ta’ esperimentazzjoni regolatorja stabbiliti skont ir-Regolament (UE) 2024/1689 51 tal-Parlament Ewropew u tal-Kunsill u, meta jkun xieraq, tagħmel tali ambjenti disponibbli għall-partijiet privati li jipparteċipaw f’attivitajiet kollaborattivi tar-riċerka u tal-innovazzjoni.

(73)Sabiex tivvaluta l-effettività, l-adegwatezza u l-valur miżjud għall-użu tal-infurzar tal-liġi ta’ soluzzjonijiet innovattivi, jenħtieġ li l-Europol tkun tista’ tappoġġa attivitajiet ta’ skjerament bikri, ta’ ttestjar operazzjonali u ta’ validazzjoni. Fir-rigward ta’ soluzzjonijiet kummerċjali, tali attivitajiet jenħtieġ li jkunu bbażati fuq proċeduri trasparenti u kriterji tekniċi u operazzjonali oġġettivi.

(74)Sabiex tiġi ffaċilitata t-tranżizzjoni ta’ soluzzjonijiet innovattivi ttestjati u vvalidati f’kapaċitajiet avvanzati għall-użu operazzjonali u jiġi mmassimizzat l-impatt operazzjonali fl-Unjoni kollha, jenħtieġ li l-Europol tappoġġa l-użu, l-iskjerament, l-iskalar u l-integrazzjoni tagħhom f’attivitajiet operazzjonali u f’investigazzjonijiet tal-awtoritajiet kompetenti tal-Istati Membri. Is-soluzzjonijiet innovattivi u l-kapaċitajiet avvanzati jistgħu jwasslu l-benefiċċju operazzjonali sħiħ tagħhom biss meta jkunu akkumpanjati mill-ħiliet, mill-għarfien espert u mill-għarfien prattiku meħtieġa. Għalhekk, jenħtieġ li l-Europol tappoġġa lill-Istati Membri fit-tisħiħ tal-għarfien espert speċjalizzat u tal-kapaċitajiet operazzjonali permezz ta’ attivitajiet ta’ taħriġ speċjalizzat, f’kooperazzjoni mill-qrib mal-Aġenzija tal-Unjoni Ewropea għat-Taħriġ fl-Infurzar tal-Liġi (CEPOL) stabbilita bir-Regolament (UE) 2015/2219 tal-Parlament Ewropew u tal-Kunsill 52 , li tikkoordina ċ-ċentri ta’ eċċellenza.

(75)Sabiex tippromwovi l-koerenza, il-koordinazzjoni u l-kontinwità fl-attivitajiet ta’ prospettiva, fl-ippjanar tal-kapaċitajiet, fir-riċerka, fl-innovazzjoni u fl-iżvilupp tal-kapaċitajiet imwettqa skont dan ir-Regolament, jenħtieġ li l-Europol ikollha Servizz ta’ Kapaċitajiet u Innovazzjoni ddedikat li jaġixxi bħala ċentru ċentrali ta’ koordinazzjoni fl-Europol biex jappoġġa l-implimentazzjoni tal-Qafas u jiżgura l-koerenza bejn iċ-Ċentri tal-Europol u strutturi organizzazzjonali oħra.

(76)L-iżvilupp effettiv tal-kapaċitajiet kulma jmur jirrikjedi iktar kooperazzjoni bejn l-awtoritajiet tal-infurzar tal-liġi, l-istituzzjonijiet, il-korpi, l-uffiċċji u l-aġenziji tal-Unjoni, l-organizzazzjonijiet tar-riċerka, l-id-dinja akkademika, il-fornituri tat-teknoloġija, l-industrija u atturi oħra tal-innovazzjoni. Għalhekk, jenħtieġ li l-Europol tappoġġa l-kooperazzjoni u l-koordinazzjoni dwar l-attivitajiet tal-iżvilupp tal-kapaċitajiet u tal-innovazzjoni fil-livell tal-Unjoni, bħal dawk taċ-Ċentru tal-Innovazzjoni tal-UE għas-Sigurtà Interna u l-Kampus dwar is-Sigurtà, ir-Riċerka u l-Innovazzjoni tal-Kummissjoni. Jenħtieġ li l-Europol tkun tista’ tiffaċilita wkoll proġetti konġunti, attivitajiet tal-ittestjar u forom oħra ta’ kooperazzjoni, inkluż ma’ partijiet privati u, meta jkun xieraq, permezz ta’ attivitajiet konġunti tal-iżvilupp u tal-akkwist imwettqa f’konformità mad-dritt applikabbli tal-Unjoni.

(77)Jenħtieġ li l-Europol tkun appoġġata minn Grupp Konsultattiv dwar il-Kapaċitajiet u l-Innovazzjoni li jipprovdi għarfien espert dwar l-attivitajiet ta’ żvilupp tal-kapaċitajiet, riċerka u innovazzjoni, jappoġġa t-tħejjija u l-aġġornament tal-Qafas u jiffaċilita l-iskambji ma’ sħab rilevanti oħra, b’mod partikolari organizzazzjonijiet ta’ riċerka u partijiet privati.

(78)Sabiex twettaq il-kompiti tagħha b’mod effettiv, jenħtieġ li l-Europol tkun mgħammra bi struttura ta’ governanza li tiżgura direzzjoni strateġika effettiva, akkontabbiltà, trasparenza u ġestjoni finanzjarja u amministrattiva tajba. Il-governanza tal-Aġenzija għandha bżonn tiġi allinjata mad-Dikjarazzjoni Konġunta tal-Parlament Ewropew, il-Kunsill tal-UE u l-Kummissjoni Ewropea tal-2012 dwar l-aġenziji deċentralizzati (“Id-Dikjarazzjoni Konġunta u l-Approċċ Komuni”) u r-Regolament Delegat tal-Kummissjoni (UE) 2019/715 53 .

(79)Sabiex jiġi rrazzjonalizzat il-proċess tat-teħid tad-deċiżjonijiet fl-Europol, jenħtieġ li tiġi introdotta struttura ta’ governanza effiċjenti u effettiva. Għal dak l-għan, jenħtieġ li l-Istati Membri u l-Kummissjoni jenħtieġ li jkunu rrappreżentati f’Bord tat-Tmexxija li jkollu s-setgħat meħtieġa, inkluż is-setgħa li japprova d-dokument uniku ta’ programmazzjoni. Sabiex tiġi żgurata sorveljanza politika effettiva, il-Bord tat-Tmexxija jenħtieġ li jinkludi wkoll membru ddeżinjat mill-Parlament Ewropew. Il-Bord tat-Tmexxija jenħtieġ li jkun il-korp prinċipali responsabbli għad-direzzjoni strateġika u għas-sorveljanza tal-Europol. Jenħtieġ li jistabbilixxi l-prijoritajiet u l-objettivi tal-Europol, jissorvelja l-implimentazzjoni tagħhom u jeżerċita s-setgħat mogħtija lilu skont dan ir-Regolament fir-rigward tal-programmazzjoni, il-materji baġitarji, l-istruttura organizzazzjonali, il-governanza u l-akkontabbiltà.

(80)Sabiex tiġi żgurata governanza effiċjenti u effettiva, il-Bord tat-Tmexxija jenħtieġ li jkun assistit minn Bord Eżekuttiv responsabbli għall-appoġġ tat-tħejjija u tas-segwitu tad-deċiżjonijiet strateġiċi, amministrattivi u baġitarji. Tali arranġamenti jenħtieġ li jiffaċilitaw it-teħid ta’ deċiżjonijiet effettiv filwaqt li jippreservaw ir-responsabbiltajiet rispettivi tal-Bord tat-Tmexxija u tad-Direttur Eżekuttiv.

(81)Sabiex twettaq il-kompiti tagħha, l-Europol teħtieġ ġestjoni eżekuttiva b’saħħitha li tkun kapaċi tiżgura l-implimentazzjoni ta’ prijoritajiet strateġiċi, l-allokazzjoni effiċjenti tar-riżorsi u t-twettiq effettiv tal-kompiti operazzjonali, amministrattivi u organizzazzjonali. Għalhekk, id-Direttur Eżekuttiv jenħtieġ li jiġi fdat bil-ġestjoni ta’ kuljum tal-Europol u jenħtieġ li jwettaq dawk id-dmirijiet b’mod indipendenti. Meta jkun meħtieġ, id-Direttur Eżekuttiv jenħtieġ li jkun assistit minn Viċi Direttur Eżekuttiv wieħed jew iktar.

(82)Sabiex jiġi żgurat li l-attivitajiet tal-Europol jibqgħu allinjati mal-objettivi strateġiċi u mal-prijoritajiet operazzjonali tagħha, jenħtieġ li l-Europol topera abbażi ta’ qafas koerenti ta’ programmazzjoni u ta’ ġestjoni tal-prestazzjoni li jorbot flimkien l-ippjanar pluriennali, l-attivitajiet annwali, l-allokazzjoni tar-riżorsi u l-valutazzjoni tal-prestazzjoni. Tali qafas jenħtieġ li jkun immexxi mill-prinċipji ta’ ġestjoni finanzjarja tajba, użu effettiv tar-riżorsi tal-Unjoni u akkontabbiltà għar-riżultati.

(83)Fir-rigward tal-prevenzjoni u l-ġestjoni tal-kunflitti ta’ interess, huwa essenzjali li l-Aġenzija taġixxi b’mod imparzjali, turi integrità u tistabbilixxi standards professjonali għoljin. Għal dak l-għan, jenħtieġ li l-membri tal-istruttura amministrattiva u tal-ġestjoni tal-Europol jaġixxu fl-interess pubbliku u jkunu soġġetti għal regoli xierqa dwar it-trasparenza, id-dikjarazzjonijiet tal-interessi u l-prevenzjoni u l-ġestjoni tal-kunflitti ta’ interess.

(84)Sabiex tissaħħaħ l-arkitettura tas-sigurtà tal-Unjoni, jenħtieġ li l-Europol tkun tista’ tiżviluppa relazzjonijiet mill-qrib mal-korpi, mal-uffiċċji u mal-aġenziji rilevanti tal-Unjoni. Jenħtieġ li l-Europol tkun tista’ tiżviluppa wkoll relazzjonijiet mill-qrib mal-istituzzjonijiet u mal-missjonijiet tal-Unjoni. Sabiex tinkwadra u tiffaċilita tali relazzjonijiet, jenħtieġ li l-Europol tikkonkludi arranġamenti ta’ ħidma magħhom. Sabiex tiġi żgurata l-konsistenza mal-politiki tal-Unjoni, il-konklużjoni ta’ arranġamenti ta’ ħidma ma’ korpi, uffiċċji u aġenziji tal-Unjoni stabbiliti fil-qafas tat-TFUE jenħtieġ li tkun soġġetta għall-approvazzjoni minn qabel tal-Kummissjoni. Tali arranġamenti ta’ ħidma jenħtieġ li jiġu aġġornati fuq bażi regolari biex jibqgħu effettivi, operattivament rilevanti u allinjati mal-prijoritajiet tal-Unjoni dwar il-ġlieda kontra t-theddidiet kriminali li qegħdin jevolvu.

(85)Jenħtieġ li l-Europol tkun tista’ tirċievi mingħand l-istituzzjonijiet, il-korpi, il-missjonijiet, l-uffiċċji u l-aġenziji tal-Unjoni, u tittrażmetti jew tittrasferixxi lilhom, kemm id-data personali kif ukoll mhux personali f’konformità ma’ dan ir-Regolament u mad-dritt applikabbli tal-Unjoni.

(86)Sabiex jinkiseb skambju effiċjenti tal-informazzjoni filwaqt li jiġu żgurati salvagwardji xierqa, jenħtieġ li l-Europol tiżgura li l-korpi, l-uffiċċji u l-aġenziji tal-Unjoni jkollhom, f’konformità ma’ dan ir-Regolament, aċċess indirett għall-informazzjoni miżmuma mill-Europol abbażi ta’ sistema awtomatizzata ta’ hit/no hit, skont kundizzjonijiet ta’ reċiproċità u mingħajr ma tiġi affettwata l-ebda restrizzjoni indikata mill-fornitur tal-informazzjoni skont dan ir-Regolament. Tali aċċess jenħtieġ li jkun limitat għall-informazzjoni li taqa’ strettament fil-kompetenzi rispettivi ta’ dawk il-korpi, l-uffiċċji u l-aġenziji tal-Unjoni, bħall-UPPE, l-Eurojust, l-OLAF u l-Awtorità għall-Ġlieda Kontra l-Ħasil tal-Flus u l-Finanzjament tat-Terroriżmu (“AMLA”), stabbilita bir-Regolament (UE) 2024/1620 tal-Parlament Ewropew u tal-Kunsill 54 .

(87)Sabiex tiġi żgurata l-prosekuzzjoni b’mod effettiv mill-UPPE tar-reati kontra l-interessi finanzjarji tal-Unjoni u li l-informazzjoni riċevuta mill-Europol mingħand l-UPPE ssaħħaħ l-intelligence kriminali tal-Europol dwar forom ta’ kriminalità li jaqgħu fl-ambitu tal-kompetenza tal-Europol, jenħtieġ li l-Europol tiżviluppa kooperazzjoni strutturata mal-UPPE. Sabiex tappoġġa l-investigazzjonijiet tal-UPPE, jenħtieġ li l-Europol, fuq talba mill-UPPE, tipprovdi lill-UPPE b’informazzjoni rilevanti u b’appoġġ operazzjonali u analitiku. Għal dak l-għan, jenħtieġ li l-Europol tiżgura li jkun hemm fis-seħħ arranġamenti organizzazzjonali xierqa, inkluż l-allokazzjoni ta’ riżorsi umani ddedikati, pereżempju permezz tal-istabbiliment ta’ unità ta’ appoġġ iddedikata. B’hekk l-UPPE jkun jista’ jibbenefika mill-appoġġ analitiku tal-Europol, filwaqt li jiġi żgurat użu effiċjenti tar-riżorsi tal-Unjoni fl-investigazzjoni u fil-prosekuzzjoni tar-reati kontra l-interessi finanzjarji tal-Unjoni. Meta jitqiesu l-kompetenzi attribwiti lill-UPPE skont id-dritt tal-Unjoni, jenħtieġ li l-iskambju tal-informazzjoni bejn l-UPPE u l-Europol abbażi tas-sistema awtomatizzata ta’ hit/no hit ma jkunx affettwat minn xi restrizzjoni indikata mill-Istat Membru jew mill-istituzzjoni, mill-korp, mill-uffiċċju jew mill-aġenzija tal-Unjoni li pprovdew l-informazzjoni lill-Europol. L-għoti ta’ tali informazzjoni lill-UPPE, indipendentement minn kwalunkwe restrizzjoni, inaqqas id-dewmien u jevita li jittieħdu passi proċedurali addizzjonali wara hit fir-rigward tal-informazzjoni li l-UPPE jkun jista’ jikseb f’konformità mad-dritt tal-Unjoni. Minħabba li l-aċċess fil-pront għall-informazzjoni huwa essenzjali għat-twettiq effettiv tal-investigazzjonijiet mill-UPPE, dak il-mekkaniżmu jimmassimizza l-kisbiet fl-effiċjenza u l-valur miżjud tal-Europol bħala ċentru ta’ informazzjoni ċentralizzat. Barra minn hekk, jenħtieġ li l-Europol tirrapporta lill-UPPE dwar imġiba kriminali li fir-rigward tagħha l-UPPE jista’ jeżerċita l-kompetenza tiegħu, irrispettivament minn kwalunkwe restrizzjoni indikata minn Stat Membru jew minn istituzzjoni, korp, uffiċċju jew aġenzija tal-Unjoni. Fiż-żewġ każijiet, jenħtieġ li l-Europol tinforma lill-fornitur tal-informazzjoni.

(88)Sabiex jiġu żgurati sinerġiji fil-livell tal-Unjoni bejn il-kooperazzjoni fl-infurzar tal-liġi, permezz tal-Europol, u l-kooperazzjoni ġudizzjarja, permezz tal-Eurojust, jenħtieġ li l-Europol tiżviluppa kooperazzjoni strutturata mal-Eurojust. Meta tiġi identifikata l-ħtieġa għal segwitu ġudizzjarju effettiv, jenħtieġ li l-Europol tibda l-proċedura għall-kondiviżjoni tal-informazzjoni rilevanti mal-Eurojust, f’konformità mar-regoli stabbiliti f’dan ir-Regolament.

(89)Sabiex tissaħħaħ il-ġlieda kontra l-kriminalità finanzjarja fil-livell tal-Unjoni, jenħtieġ li l-Europol tiżviluppa relazzjonijiet mill-qrib mal-AMLA, inkluż permezz tal-iskambju tal-informazzjoni operazzjonali, strateġika u mhux operazzjonali oħra u permezz tal-istazzjonar ta’ uffiċjali ta’ kollegament fil-bini ta’ xulxin. Meta l-Europol, skont id-Direttiva (UE) 2019/1153, tiġi mistiedna tappoġġa lill-Unitajiet tal-Intelligence Finanzjarja (“UIF”) fil-kuntest ta’ analiżijiet konġunti u dawn jitwettqu bl-assistenza tal-AMLA, jenħtieġ li l-Europol tikkoopera mal-AMLA biex tappoġġa b’mod iktar effettiv lil dawk l-UIF f’dak il-kuntest.

(90)Il-kriminalità serja u organizzata qiegħda tisfrutta dejjem iktar il-flussi kummerċjali internazzjonali, il-ktajjen tal-provvista u l-movimenti transfruntiera tal-oġġetti. Għalhekk, il-kooperazzjoni bejn l-Europol u l-Awtorità Doganali tal-Unjoni Ewropea (EUCA) stabbilita bir-Regolament [...] tista’ tipprovdi għarfien siewi għall-prevenzjoni tal-kriminalità serja u organizzata u t-terroriżmu u għall-ġlieda kontrihom. Jenħtieġ li l-Europol tiżviluppa relazzjonijiet mill-qrib mal-Awtorità Doganali tal-Unjoni Ewropea, b’mod partikolari biex tippermetti l-iskambju reċiproku tad-data u tal-informazzjoni rilevanti, f’konformità mar-Regolament [...] u soġġett għas-salvagwardji u għall-kundizzjonijiet applikabbli stabbiliti fih.

(91)Sabiex tikkontribwixxi għall-protezzjoni effettiva tal-interessi finanzjarji tal-Unjoni, jenħtieġ li l-Europol tikkoopera mal-atturi l-oħra ta’ kontra l-frodi involuti fil-protezzjoni tal-interessi finanzjarji tal-Unjoni, bħall-UPPE, l-Eurojust, l-OLAF, l-AMLA u l-Awtorità Doganali tal-UE, sabiex tindirizza materji rilevanti għall-koordinazzjoni tal-attivitajiet kontra l-frodi, bħall-iffaċilitar tal-iskambju tal-informazzjoni, it-twettiq ta’ azzjonijiet ikkoordinati jew konġunti, l-iskambju dwar xejriet kriminali emerġenti f’attivitajiet li jolqtu l-interessi finanzjarji tal-Unjoni, il-kondiviżjoni tal-aħjar prattiki, inkluż materji relatati mas-sigurtà u mal-iżvilupp tat-teknoloġija tal-informazzjoni, l-istabbiliment ta’ kriterji għar-rapportar komuni jew il-koordinazzjoni ta’ attivitajiet ta’ taħriġ jew l-iżviluppi ġenerali li jikkonċernaw l-arkitettura tal-Unjoni kontra l-frodi. Peress li hija attur rilevanti fil-protezzjoni tal-interessi finanzjarji tal-Unjoni, l-Europol jenħtieġ li tipparteċipa b’mod attiv f’tali attivitajiet ta’ kooperazzjoni konġunta.

(92)Sabiex jittejjeb ir-rispons operazzjonali kumplessiv tal-Unjoni għall-kriminalità transfruntiera bħat-traffikar ta’ migranti b’faċilitazzjoni tad-dħul klandestin ta’ bnedmin, jenħtieġ li l-Europol u l-Frontex ikunu jistgħu jisfruttaw il-kapaċitajiet komplementari tagħhom. Jenħtieġ li jikkooperaw mill-qrib b’mod partikolari fil-qafas tal-Ġestjoni Integrata Ewropea tal-Fruntieri, kif definit fir-Regolament (UE) 2019/1896 u fiċ-ċiklu ta’ politika strateġika pluriennali tal-Ġestjoni Integrata Ewropea tal-Fruntieri, filwaqt li jiżguraw il-koerenza tal-azzjoni u jevitaw lakuni operazzjonali.

(93)Sabiex itejbu l-effiċjenza, jevitaw id-duplikazzjoni tal-investimenti, jibbenefikaw minn ekonomiji ta’ skala u jippromwovu l-interoperabbiltà, jenħtieġ li l-Europol u l-eu-LISA jikkooperaw fl-iżvilupp, fl-akkwist u fl-użu ta’ komponenti tekniċi ta’ ġestjoni tal-informazzjoni, inkluż, meta jkun xieraq, soluzzjonijiet relatati mal-ipproċessar tad-data bijometrika u servizzi kondiviżi oħra, f’konformità sħiħa mal-mandati rispettivi tagħhom u mar-regoli applikabbli dwar il-protezzjoni tad-data.

(94)Il-prevenzjoni tal-forom ta’ kriminalità li jaqgħu fil-kompetenza tal-Europol u l-ġlieda kontrihom kulma jmur jirrikjedu iktar kooperazzjoni lil hinn mill-Unjoni. Jenħtieġ li l-Europol, meta jkun meħtieġ għat-twettiq tal-kompiti tagħha, tistabbilixxi u żżomm relazzjonijiet kooperattivi ma’ pajjiżi terzi, organizzazzjonijiet internazzjonali u partijiet privati, f’konformità mad-dritt tal-Unjoni u soġġett għal salvagwardji xierqa. Din il-kooperazzjoni jenħtieġ li titwettaq b’mod li jkun konsistenti mal-politiki esterni u mal-prijoritajiet tal-Unjoni. Sabiex jiġu żgurati l-koerenza u l-konsistenza, jenħtieġ li l-involviment estern tal-Europol jiġi kkoordinat, meta jkun xieraq, mal-istituzzjonijiet, mal-korpi, mal-uffiċċji u mal-aġenziji rilevanti tal-Unjoni.

(95)L-involviment tal-Europol ma’ pajjiżi terzi jenħtieġ li jiffoka fuq il-kooperazzjoni operazzjonali, inkluż l-iskambju tal-informazzjoni, il-koordinazzjoni operazzjonali u l-appoġġ għall-investigazzjonijiet. Il-konċentrazzjoni tal-attivitajiet esterni tal-Europol fuq objettivi operazzjonali tiżgura li l-għarfien espert u r-riżorsi tagħha jkunu diretti lejn attivitajiet li jipprovdu l-ikbar valur miżjud operazzjonali għall-awtoritajiet kompetenti tal-Istati Membri, filwaqt li jibqgħu komplementari għar-rwol tas-CEPOL fil-qasam tal-bini tal-kapaċitajiet f’pajjiżi terzi.

(96)Il-funzjonament taż-żona Schengen mingħajr kontrolli fil-fruntieri interni joħloq livell għoli ta’ dipendenza reċiproka bejn l-Istati parteċipanti fil-prevenzjoni tal-kriminalità transfruntiera u fil-ġlieda kontriha. Il-pajjiżi assoċjati mal-implimentazzjoni, mal-applikazzjoni u mal-iżvilupp tal-acquis ta’ Schengen huma integrati mill-qrib f’dak il-qafas ta’ sigurtà komuni u jikkontribwixxu direttament għas-sigurtà taż-żona Schengen. Għalhekk, il-protezzjoni effettiva tas-sigurtà interna tal-Unjoni tirrikjedi kooperazzjoni partikolarment mill-qrib bejn l-Europol u dawk il-pajjiżi. Għal dak l-għan, se jkunu kruċjali arranġamenti speċifiċi li jirriflettu r-relazzjoni speċjali bejn dawk il-pajjiżi u l-Unjoni. Minħabba l-benefiċċji reċiproċi li jirriżultaw minn tali kooperazzjoni, huwa importanti wkoll li dawk l-arranġamenti jkunu jistgħu jiġu bbażati fuq drittijiet u obbligi reċiproċi, inkluż obbligi li tiġi kondiviża l-informazzjoni rilevanti u dispożizzjonijiet dwar il-kontribuzzjonijiet finanzjarji.

(97)Il-pajjiżi li huma kandidati għall-adeżjoni mal-Unjoni, kif ukoll il-kandidati potenzjali, huma sħab ewlenin għat-tisħiħ tas-sigurtà interna Ewropea. Minħabba l-prossimità ġeografika tagħhom mal-Unjoni, il-pożizzjoni tagħhom tul ir-rotot kriminali ewlenin u n-natura transreġjonali tal-kriminalità organizzata, tat-terroriżmu u tar-reati kriminali relatati ma’ delitt li jaqa’ fl-ambitu tal-kompetenza tal-Europol meta tali reati jinvolvu dimensjoni ibrida, il-kooperazzjoni operazzjonali mill-qrib ma’ dawk il-pajjiżi hija element importanti għall-prevenzjoni effettiva ta’ tali delitti u theddidiet u għall-ġlieda effettiva kontrihom.

(98)Sabiex tiġi appoġġata l-kooperazzjoni operazzjonali ma’ pajjiżi terzi u ma’ organizzazzjonijiet internazzjonali, jeħtieġ li jiġu pprovduti kundizzjonijiet ċari li skonthom tista’ tiġi ttrasferita d-data personali filwaqt li jiġi żgurat livell għoli ta’ protezzjoni tad-drittijiet u tal-libertajiet fundamentali, b’mod partikolari d-dritt għall-protezzjoni tad-data personali. Kwalunkwe trasferiment bħal dan jenħtieġ li jsir biss f’konformità mar-Regolament (UE) 2018/1725 u d-dispożizzjonijiet speċifiċi ta’ dan ir-Regolament u jkun soġġett għall-kundizzjonijiet u għas-salvagwardji stabbiliti fih. It-trasferimenti tad-data personali lill-pajjiżi terzi u lill-organizzazzjonijiet internazzjonali jaf jirrikjedu deċiżjonijiet rapidi. Sabiex jiġu żgurati kemm il-kapaċità ta’ rispons operazzjonali kif ukoll allokazzjoni ċara tar-responsabbiltà, id-deċiżjonijiet li jawtorizzaw tali trasferimenti skont il-kundizzjonijiet u s-salvagwardji stabbiliti fir-Regolament (UE) 2018/1725 jenħtieġ li jittieħdu mid-Direttur Eżekuttiv.

(99)L-informazzjoni meħtieġa għall-prevenzjoni tal-kriminalità u għall-ġlieda kontriha qiegħda toriġina dejjem iktar mill-partijiet privati, inkluż fornituri tas-servizzi tal-komunikazzjoni elettronika, pjattaformi online, istituzzjonijiet finanzjarji, operaturi tat-trasport u entitajiet privati oħra. Skont il-kompetenza tagħha, l-Europol jenħtieġ li tirċievi, tipproċessa u tiskambja l-informazzjoni u d-data personali li jinvolvu l-partijiet privati meta jkun meħtieġ u proporzjonat għat-twettiq tal-kompiti tagħha, filwaqt li tirrispetta r-responsabbiltajiet tal-Istati Membri.

(100)Il-prevenzjoni ta’ theddidiet serji għas-sigurtà pubblika, inkluż dawk li jfeġġu mid-disseminazzjoni ta’ kontenut terroristiku u minn sitwazzjonijiet ta’ kriżi online, kulma jmur qiegħda tiddependi iktar fuq il-kooperazzjoni effettiva bejn l-awtoritajiet pubbliċi u l-partijiet privati. L-implimentazzjoni effettiva ta’ ċerti miżuri u obbligi previsti skont id-dritt tal-Unjoni, inkluż ir-Regolament (UE) 2021/784 u r-Regolament (UE) 2022/2065, jaf tirrikjedi skambji tal-informazzjoni fil-pront bejn l-Europol u l-partijiet privati rilevanti. Għalhekk, sabiex tiġi rrikonċiljata l-effettività operazzjonali ma’ livell għoli ta’ protezzjoni tad-drittijiet fundamentali, b’mod partikolari d-dritt għall-protezzjoni tad-data personali, jeħtieġ li jiġu stabbiliti l-kundizzjonijiet għal tali skambji.

(101)L-informazzjoni pprovduta volontarjament minn persuni fiżiċi tista’ tikkontribwixxi għall-prevenzjoni tal-forom ta’ kriminalità li jaqgħu taħt il-kompetenza tal-Europol u għall-ġlieda kontrihom. Huma meħtieġa kundizzjonijiet xierqa biex jiġi żgurat li tali informazzjoni tkun tista’ tintuża meta jkun operazzjonalment rilevanti, filwaqt li jiġi ppreservat ir-rwol tal-Europol bħala aġenzija ta’ appoġġ għall-infurzar tal-liġi u tiġi żgurata l-protezzjoni tad-drittijiet u tal-libertajiet tal-persuni kkonċernati.

(102)Ir-Regolament (UE) 2018/1725 tal-Parlament Ewropew u tal-Kunsill japplika għall-ipproċessar tad-data personali mill-Europol. Għalhekk, jenħtieġ li dan ir-Regolament jinftiehem bħala li jistabbilixxi dawk ir-regoli dwar il-protezzjoni tad-data biss li huma meħtieġa biex jissupplimentaw, jiċċaraw jew jispeċifikaw l-applikazzjoni tar-Regolament (UE) 2018/1725 fid-dawl tal-kompiti speċifiċi u l-attivitajiet operazzjonali tal-Europol. Għaldaqstant, id-dispożizzjonijiet ta’ dan ir-Regolament li jikkonċernaw l-ipproċessar tad-data personali mill-Europol jikkostitwixxu lex specialis fir-rigward tar-Regolament (UE) 2018/1725 u jenħtieġ li jipprevalu biss sa fejn jipprovdu regoli iktar speċifiċi.

(103)L-effettività tal-intelligence kriminali u tal-kooperazzjoni fl-infurzar tal-liġi tiddependi fuq il-kwalità tal-informazzjoni pproċessata mill-Europol. Għalhekk, kull meta jkun possibbli, jenħtieġ li l-affidabbiltà tas-sors tal-informazzjoni u l-akkuratezza tal-informazzjoni riċevuta, miksuba jew analizzata mill-Europol jiġu vvalutati abbażi ta’ metodoloġija ta’ evalwazzjoni komuni. Meta l-Europol tirċievi l-informazzjoni, jenħtieġ li r-responsabbiltà għal dik il-valutazzjoni tibqa’ tal-fornitur tal-informazzjoni. Meta l-Europol tqis li valutazzjoni għandha tiġi riveduta, jenħtieġ li tfittex li jintlaħaq ftehim mal-fornitur ikkonċernat.

(104)Id-data personali li tikkonċerna vittmi ta’ reati kriminali, xhieda u persuni oħra li jistgħu jipprovdu informazzjoni rilevanti għal reati kriminali teħtieġ protezzjoni partikolari, skont id-dispożizzjonijiet tad-Direttiva 2012/29/UE li tistabbilixxi standards minimi fir-rigward tad-drittijiet, l-appoġġ u l-protezzjoni tal-vittmi tal-kriminalità. Għalhekk, jenħtieġ li l-Europol tipproċessa tali data biss meta tkun strettament meħtieġa u proporzjonata għat-twettiq tal-kompiti tagħha u soġġett għal salvagwardji xierqa. Sabiex tikkontribwixxi aħjar għall-ġlieda kontra l-isfruttament kriminali ta’ awturi żgħażagħ u fl-aħjar interess tat-tfal, jenħtieġ li l-Europol tkun tista’ tipproċessa d-data ta’ persuni taħt it-18-il sena meta dan ikun meħtieġ u proporzjonat għall-prevenzjoni ta’ kriminalità li taqa’ fl-ambitu tal-kompetenza tal-Europol u għall-ġlieda kontriha.

(105)Id-data personali sensittiva f’konformità mal-Artikolu 4(13), (14) u (15) u l-Artikolu 9 u l-premessi (51) sa (56) tar-Regolament (UE) 2016/679 jenħtieġ li tiġi pproċessata mill-Europol biss meta jkun strettament meħtieġ u proporzjonat għat-twettiq tal-kompiti tagħha u soġġett għal salvagwardji u mekkaniżmi ta’ sorveljanza xierqa.

(106)Id-data bijometrika tista’ tiġi pproċessata għal finijiet differenti u mhux fiċ-ċirkostanzi kollha tippreżenta l-istess riskji għad-drittijiet u għal-libertajiet tas-suġġetti tad-data. Għalhekk, jenħtieġ li s-salvagwardji speċifiċi stabbiliti f’dan ir-Regolament għal kategoriji speċjali tad-data personali japplikaw għad-data bijometrika biss meta tiġi pproċessata għall-fini ta’ identifikazzjoni unika ta’ persuna fiżika, f’konformità mar-Regolament (UE) 2018/1725. L-ipproċessar tad-data bijometrika għall-fini ta’ identifikazzjoni unika ta’ persuna fiżika mill-Europol fl-Ambjent Analitiku tal-Europol u meta jkun meħtieġ mod ieħor skont id-dritt tal-Unjoni jenħtieġ li jitqies strettament meħtieġ għall-prevenzjoni tad-delitti li jaqgħu fl-ambitu tal-kompetenza tal-Europol jew għall-ġlieda kontrihom.

(107)Jenħtieġ li l-Europol tkun tista’ tipproċessa d-data personali għal finijiet ta’ riċerka u ta’ innovazzjoni soġġett għal salvagwardji xierqa, inkluż awtorizzazzjoni minn qabel mingħand id-Direttur Eżekuttiv u sorveljanza mill-Bord tat-Tmexxija. Meta l-Europol tikkunsidra li tip ġdid ta’ proġett joħloq riskju sinifikanti għad-drittijiet u għal-libertajiet tas-suġġetti tad-data, jenħtieġ li l-Europol twettaq ukoll valutazzjoni tal-impatt dwar il-protezzjoni tad-data u tinforma lill-Kontrollur Ewropew għall-Protezzjoni tad-Data qabel ma tniedi l-proġett.

(108)Jenħtieġ li s-suġġetti tad-data jkunu jistgħu jeżerċitaw id-dritt tal-aċċess imsemmi fir-Regolament (UE) 2018/1725 billi jagħmlu talba lill-Europol jew permezz tal-awtorità nazzjonali maħtura għal dak il-fini fi kwalunkwe Stat Membru. Minħabba li d-data personali pproċessata mill-Europol spiss toriġina mill-fornituri, jenħtieġ li d-deċiżjonijiet dwar it-talbiet għall-aċċess tas-suġġetti tad-data jittieħdu f’kooperazzjoni mill-qrib mal-Istati Membri u mal-fornituri tad-data kkonċernati sabiex jiġu żgurati kemm il-protezzjoni effettiva tad-drittijiet tas-suġġetti tad-data kif ukoll is-salvagwardja tal-investigazzjonijiet li jkunu għaddejjin. Sabiex jiġi żgurat li l-limitu ta’ żmien għat-tweġiba tat-talbiet għall-aċċess mis-suġġett tad-data jkun dejjem jista’ jiġi rrispettat, l-Istati Membri u l-fornituri kkonsultati jenħtieġ li jwieġbu lill-Europol mingħajr dewmien.

(109)Sabiex jiġi żgurat livell għoli ta’ kwalità u ta’ akkuratezza tad-data, jenħtieġ li d-data personali pproċessata mill-Europol tiġi rettifikata, titħassar jew soġġetta għal restrizzjoni tal-ipproċessar meta ma tkunx akkurata, meta tiġi pproċessata illegalment jew meta ma tibqax meħtieġa iktar f’konformità ma’ dan ir-Regolament u r-Regolament (UE) 2018/1725. Minħabba li d-data personali pproċessata mill-Europol tista’ toriġina minn varjetà ta’ sorsi, l-Europol u l-fornitur tad-data kkonċernata jenħtieġ li jikkooperaw mill-qrib meta jieħdu miżuri li jaffettwaw l-akkuratezza, il-ħżin jew l-użu ta’ tali data.

(110)Il-mekkaniżmu ta’ konsultazzjoni minn qabel mal-Kontrollur Ewropew għall-Protezzjoni tad-Data (EDPS) skont ir-Regolament (UE) 2018/1725 huwa salvagwardja ewlenija. Dan japplika biss għal operazzjonijiet tal-ipproċessar b’riskju għoli, meta r-riskji potenzjali għas-suġġetti tad-data jkunu partikolarment sinifikanti. Fl-istess ħin, jenħtieġ li ma tkunx meħtieġa konsultazzjoni minn qabel għall-aġġustament, għall-modifika jew għall-iskjerament tal-kapaċitajiet eżistenti, inkluż f’kuntest operazzjonali definit, dment li tali attivitajiet ma jbiddlux in-natura, l-ambitu jew il-fini tal-ipproċessar b’mod li jżid ir-riskju għad-drittijiet u għal-libertajiet tas-suġġetti tad-data. Sabiex tiġi ppreservata l-effettività operazzjonali tal-Europol, il-perjodu li fih l-EDPS ikun jista’ jipprovdi parir bil-miktub skont ir-Regolament (UE) 2018/1725 jenħtieġ li jkun ta’ 8 ġimgħat u jenħtieġ li ma jiġix sospiż jew estiż. F’każijiet partikolarment urġenti ta’ sinifikat sostanzjali għat-twettiq tal-kompiti tal-Europol, jenħtieġ li l-Europol tkun tista’ eċċezzjonalment tibda l-ipproċessar meta dan ikun meħtieġ għall-prevenzjoni ta’ theddida kriminali immedjata u għall-ġlieda kontriha jew għall-protezzjoni ta’ interessi vitali tas-suġġett tad-data jew ta’ persuna oħra. F’każijiet bħal dawn, jenħtieġ li l-Europol tinforma lill-EDPS qabel il-bidu tal-operazzjonijiet tal-ipproċessar u jenħtieġ li tipprovdi l-informazzjoni kollha meħtieġa għall-fini tal-konsultazzjoni minn qabel fi żmien 4 ġimgħat wara l-bidu tal-operazzjonijiet tal-ipproċessar.

(111)Ir-Regolament (KEE, Euratom) Nru 1182/71 tal-Kunsill 55 jenħtieġ li jkun applikabbli għal kwalunkwe perjodu ta’ żmien previst għall-EDPS skont dan ir-Regolament.

(112)Sabiex tiġi żgurata konformità robusta mar-regoli dwar il-protezzjoni tad-data personali, il-Bord tat-Tmexxija tal-Europol jenħtieġ li jaħtar Uffiċjal tal-Protezzjoni tad-Data. L-Uffiċjal tal-Protezzjoni tad-Data jenħtieġ li jkun jista’ jwettaq dmirijietu f’konformità mar-Regolament (UE) 2018/1725. Meta l-Uffiċjal tal-Protezzjoni tad-Data jidentifika każ ta’ nuqqas ta’ konformità mar-regoli dwar il-protezzjoni tad-data personali, jenħtieġ li jkun jista’ jitlob lid-Direttur Eżekuttiv jieħu azzjoni korrettiva f’perjodu ta’ żmien speċifikat. Jekk id-Direttur Eżekuttiv jonqos milli jaġixxi, l-Uffiċjal tal-Protezzjoni tad-Data jenħtieġ li jingħata s-setgħa li jeskala l-materja quddiem il-Bord tat-Tmexxija u, meta jkun meħtieġ, fl-aħħar mill-aħħar quddiem l-EDPS.

(113)Sabiex l-Europol tiġi appoġġata fir-rispett, fil-promozzjoni u fit-twettiq tad-drittijiet fundamentali matul l-azzjoni tagħha, jenħtieġ li l-Bord tat-Tmexxija jiddeżinja Uffiċjal għad-Drittijiet Fundamentali.

(114)L-iżgurar tar-rispett għad-drittijiet fundamentali jirrikjedi għarfien speċjalizzat mill-persunal tal-Europol. Għalhekk, il-persunal tal-Europol jenħtieġ li jirċievi taħriġ xieraq dwar id-drittijiet u l-libertajiet fundamentali. Il-persunal tal-Europol involut fl-attivitajiet operazzjonali jenħtieġ li jirċievi taħriġ iddedikat dwar il-protezzjoni tad-data u l-applikazzjoni prattika tas-salvagwardji stabbiliti f’dan ir-Regolament u fir-Regolament (UE) 2018/1725. Sabiex jiġi żgurat standard għoli u konsistenti ta’ taħriġ, jenħtieġ li l-Europol tikkoopera mal-Aġenzija tal-Unjoni Ewropea għad-Drittijiet Fundamentali stabbilita bir-Regolament tal-Kunsill (KE) Nru 168/2007 56 u mas-CEPOL fl-iżvilupp ta’ tali taħriġ.

(115)L-awtoritajiet nazzjonali kompetenti għas-superviżjoni tal-ipproċessar tad-data personali jenħtieġ li jimmonitorjaw il-legalità ta’ kwalunkwe għoti tad-data personali lill-Europol mill-Istati Membri. L-EDPS jenħtieġ li jimmonitorja l-legalità tal-ipproċessar tad-data mwettaq mill-Europol, fl-eżerċizzju tal-funzjonijiet tiegħu jew tagħha f’konformità mar-Regolament (UE) 2018/1725. Sabiex tiġi żgurata superviżjoni effettiva tal-Europol, l-EDPS u l-awtoritajiet superviżorji nazzjonali jenħtieġ li jikkooperaw mill-qrib ma’ xulxin dwar kwistjonijiet speċifiċi li jirrikjedu l-involviment nazzjonali.

(116)Skont l-Artikolu 88 TFUE, l-attivitajiet tal-Europol iridu jkunu soġġetti għal skrutinju mill-Parlament Ewropew flimkien mal-parlamenti nazzjonali. Skrutinju parlamentari effettiv jikkontribwixxi għall-akkontabbiltà demokratika, għat-trasparenza u għal-leġittimità tal-attivitajiet tal-Europol filwaqt li jirrispetta l-indipendenza operazzjonali tagħha u r-responsabbiltajiet tal-awtoritajiet kompetenti tal-Istati Membri. Skrutinju effettiv jirrikjedi djalogu regolari mal-Europol u aċċess għall-informazzjoni meħtieġa għat-twettiq ta’ dak il-kompitu, filwaqt li jiġu rrispettati r-rekwiżiti ta’ kunfidenzjalità u l-protezzjoni tal-investigazzjonijiet u tal-attivitajiet operazzjonali li jkunu għaddejjin. Il-protezzjoni tad-drittijiet fundamentali, b’mod partikolari d-dritt għall-protezzjoni tad-data personali, hija ta’ importanza partikolari fl-eżerċizzju tal-kompiti tal-Europol. Għalhekk, l-iskrutinju parlamentari jenħtieġ li jkun appoġġat minn skambji xierqa mal-Kontrollur Ewropew għall-Protezzjoni tad-Data u minn aċċess għal għarfien espert indipendenti dwar materji marbuta mad-drittijiet fundamentali.

(117)L-effettività operazzjonali tal-Europol tiddependi miż-żamma ta’ għarfien espert speċjalizzat u ta’ esperjenza prattika f’materji tal-infurzar tal-liġi. Sabiex tinżamm rabta mill-qrib mar-realtajiet u mal-ħtiġijiet operazzjonali tal-awtoritajiet kompetenti tal-Istati Membri, ċerti karigi jenħtieġ li jkunu okkupati minn persunal li jkollu esperjenza rilevanti miksuba f’dawk l-awtoritajiet. Dan jikkontribwixxi biex jiġi żgurat li l-attivitajiet tal-Europol jibqgħu allinjati mill-qrib mal-iżviluppi operazzjonali, mal-prattiki investigattivi u mat-theddidiet emerġenti għas-sigurtà fl-Unjoni kollha.

(118)L-iskambju tal-għarfien espert u tal-esperjenza operazzjonali bejn l-Europol u l-awtoritajiet kompetenti tal-Istati Membri jikkontribwixxi għal kooperazzjoni effettiva fl-infurzar tal-liġi fl-Unjoni. L-użu ta’ esperti nazzjonali sekondati jsaħħaħ il-fehim reċiproku, jiffaċilita l-kondiviżjoni tal-għarfien speċjalizzat u tal-aħjar prattiki u jappoġġa t-twettiq effettiv tal-kompiti tal-Europol.

(119)It-twettiq tal-kompiti tal-Europol jirrikjedi riżorsi baġitarji li jkunu proporzjonati mar-responsabbiltajiet operazzjonali tagħha u li jkunu kapaċi jappoġġaw l-ippjanar fit-tul, l-appoġġ operazzjonali u l-iżvilupp ta’ kapaċitajiet komuni għall-benefiċċju tal-Istati Membri. Sabiex iwettaq il-kompiti tiegħu, l-Europol jenħtieġ li jkollu r-riżorsi xierqa u jingħata baġit awtonomu. Jenħtieġ li dan jiġi ffinanzjat prinċipalment minn kontribuzzjoni mill-baġit ġenerali tal-Unjoni. Jenħtieġ li l-proċedura baġitarja tal-Unjoni tkun applikabbli għall-kontribuzzjoni tal-Unjoni u għal kwalunkwe sussidju ieħor li għandu jiġi mill-baġit ġenerali tal-Unjoni. Jenħtieġ li l-awditjar tal-kontijiet isir mill-Qorti Ewropea tal-Awdituri.

(120)Il-kontribuzzjonijiet finanzjarji permezz ta’ għotjiet huma element importanti tal-appoġġ operazzjonali tal-Europol lill-Istati Membri għall-prevenzjoni tal-forom ta’ kriminalità li jaqgħu taħt il-kompetenza tal-Europol u għall-ġlieda kontrihom. Barra minn hekk, minħabba n-natura tranżnazzjonali tal-kriminalità serja u tat-terroriżmu, appoġġ operazzjonali effettiv jaf jirrikjedi wkoll kontribuzzjonijiet finanzjarji lil pajjiżi terzi jew lil organizzazzjonijiet internazzjonali involuti f’attivitajiet operazzjonali mal-Istati Membri. F’dak ir-rigward, ċerti attivitajiet meħtieġa għat-twettiq tal-kompiti tal-Europol huma intrinsikament marbuta mal-atturi involuti f’attività operazzjonali partikolari. Barra minn hekk, l-effettività tal-appoġġ finanzjarju tal-Europol jaf tiddependi fuq l-implimentazzjoni fil-pront, il-kunfidenzjalità u l-kontinwità tal-kooperazzjoni fost l-atturi involuti. F’tali każijiet, sejħa kompetittiva għal proposti ma tkunx kapaċi tidentifika benefiċjarju alternattiv. Għalhekk, jenħtieġ li jkun possibbli għall-Europol, f’każijiet debitament ġustifikati, li tagħti għotjiet mingħajr sejħa għal proposti għal attivitajiet li jaqgħu fl-ambitu tal-kompiti tagħha.

(121)Id-dispożizzjonijiet meħtieġa rigward l-akkomodazzjoni għall-Europol fin-Netherlands, fejn għandha s-sede tagħha, u r-regoli speċifiċi applikabbli għall-persunal kollu tal-Europol u għall-membri tal-familji tagħhom jenħtieġ li jiġu stabbiliti fi Ftehim dwar il-Kwartieri Ġenerali bejn l-Europol u r-Renju tan-Netherlands. L-Istat Membru ospitanti jenħtieġ li jipprovdi l-aħjar kundizzjonijiet possibbli biex jiġi żgurat il-funzjonament effettiv tal-Europol.

(122)L-Europol stabbilita b’dan ir-Regolament jenħtieġ li tieħu post l-Europol stabbilita bir-Regolament (UE) 2016/794 fir-rigward tad-drittijiet u l-obbligi kollha tagħha. Sabiex jiġu żgurati ċ-ċertezza legali, il-kontinwità operazzjonali u l-istabbiltà tar-relazzjonijiet esterni tal-Europol, il-ftehimiet ta’ kooperazzjoni u l-arranġamenti ta’ ħidma konklużi mill-Europol skont il-Konvenzjoni tal-Europol, id-Deċiżjoni 2009/371/ĠAI jew ir-Regolament (UE) 2016/794 jenħtieġ li jibqgħu fis-seħħ u jiġu applikati sakemm jiskadu jew jiġu sostitwiti.

(123)Arranġamenti tranżizzjonali xierqa huma meħtieġa biex jiġi żgurat il-funzjonament mingħajr interruzzjoni tal-Europol u l-kontinwità tal-attivitajiet tagħha. Għalhekk, id-deċiżjonijiet, il-miżuri ta’ implimentazzjoni, ir-regoli u l-arranġamenti adottati skont ir-Regolament (UE) 2016/794 jenħtieġ li jibqgħu fis-seħħ sakemm jitħassru jew jiġu sostitwiti. Sabiex tiġi żgurata l-konsistenza mal-qafas legali stabbilit b’dan ir-Regolament, il-Bord tat-Tmexxija jenħtieġ li jirrieżamina dawk il-miżuri mingħajr dewmien żejjed u jiddetermina jekk jibqgħux xierqa u kompatibbli ma’ dan ir-Regolament jew jekk jenħtieġ li jiġu emendati jew jitħassru. Sabiex jissaħħu l-kontinwità u t-tmexxija strateġika fl-Europol u biex jittejbu l-ippjanar u l-implimentazzjoni fit-tul tal-prijoritajiet operazzjonali tagħha, jixraq ukoll li tiġi adattata d-durata tal-mandati rispettivi li jkunu għaddejjin tad-Direttur Eżekuttiv u tal-Viċi Diretturi Eżekuttivi. L-iżgurar tal-kontinwità fil-ġestjoni eżekuttiva attwali tal-Europol huwa meħtieġ biex jiġu ssalvagwardjati l-istabbiltà istituzzjonali u l-effettività operazzjonali tal-Aġenzija. Għalhekk, id-durata tal-mandat għall-membri tal-ġestjoni eżekuttiva tal-Europol li jkunu qegħdin iservu fl-ewwel mandat tagħhom fiż-żmien tad-dħul fis-seħħ ta’ dan ir-Regolament, jenħtieġ li tippermetti mandat totali massimu ta’ għaxar snin. Id-durata tal-mandat għall-membri tal-ġestjoni eżekuttiva tal-Europol li jkunu qegħdin iservu fit-tieni mandat tagħhom fiż-żmien tad-dħul fis-seħħ ta’ dan ir-Regolament, jenħtieġ li tkun limitata għal mandat totali massimu ta’ 9 snin.

(124)Id-diġitalizzazzjoni dejjem akbar tal-kooperazzjoni fl-infurzar tal-liġi u l-iżvilupp tas-sistemi tal-informazzjoni avvanzati, tal-infrastrutturi tal-cloud u tas-servizzi tal-komunikazzjoni siguri jirrikjedu kooperazzjoni iktar mill-qrib bejn l-Europol u l-eu-LISA. Minħabba l-għarfien espert tal-eu-LISA fl-iżvilupp u fl-operat ta’ sistemi tal-informazzjoni fuq skala kbira u tal-infrastrutturi tal-komunikazzjoni relatati fil-qasam tal-libertà, is-sigurtà u l-ġustizzja, u r-rwol tal-Europol fl-appoġġ tal-kooperazzjoni operazzjonali fl-infurzar tal-liġi, jixraq li jiġu pprovduti regoli għall-kooperazzjoni bejn iż-żewġ aġenziji. Tali kooperazzjoni jenħtieġ li tiffaċilita s-sinerġiji, tevita d-duplikazzjoni tal-isforzi, tippromwovi l-interoperabbiltà u l-kosteffiċjenza, u tiffaċilita l-użu mill-ġdid ta’ komponenti tekniċi, servizzi u għarfien espert, filwaqt li tirrispetta bis-sħiħ il-mandati rispettivi, l-istrutturi ta’ governanza u r-responsabbiltajiet taż-żewġ aġenziji. Għalhekk, jenħtieġ li r-Regolament (UE) 2018/1726 tal-Parlament Ewropew u tal-Kunsill 57  jiġi emendat kif xieraq.

(125)L-eu-LISA diġà topera infrastruttura tal-kjavi pubblika u tipprovdi servizzi taċ-ċertifikazzjoni li jappoġġaw l-operat sigur tas-sistemi tal-informazzjoni tal-Unjoni fil-qasam tal-libertà, is-sigurtà u l-ġustizzja. Sabiex jiġi żgurat livell għoli ta’ sigurtà, fiduċja u interoperabbiltà fis-servizzi u fl-għodod kollha tal-Europol, jenħtieġ li l-Europol tkun tista’ tuża dawk is-servizzi eżistenti. Għal dak l-għan, jenħtieġ li l-eu-LISA tkun tista’ tipprovdi ċertifikati tal-infrastruttura tal-kjavi pubblika lill-Europol u, meta jkun xieraq, lill-awtoritajiet kompetenti tal-Istati Membri konnessi mas-servizzi u mal-għodod tal-Europol. Dak jenħtieġ li jippermetti lill-Europol tibbenefika minn kapaċitajiet u għarfien espert eżistenti li jkunu disponibbli fil-livell tal-Unjoni b’mod kosteffiċjenti, u b’hekk jikkontribwixxi għall-awtentikazzjoni sigura, komunikazzjonijiet kriptati u interazzjonijiet elettroniċi fdati.

(126)Sabiex tissaħħaħ il-kapaċità tal-Europol li tappoġġa lill-Istati Membri fil-prevenzjoni tal-kriminalità serja u t-terroriżmu u fil-ġlieda kontrihom, u li tuża b’mod iktar effettiv l-oqfsa eżistenti tal-Unjoni għall-iskambju tal-informazzjoni, jenħtieġ li l-Europol tkun tista’, skont kundizzjonijiet definiti b’mod ċar, twettaq tfittxijiet fil-bażijiet tad-data nazzjonali konnessi skont il-qafas ta’ Prüm II f’isem l-Istati Membri. Huwa importanti li l-Europol tipprovdi appoġġ operazzjonali, analitiku, tekniku u forensiku f’sitwazzjonijiet li fihom l-għarfien espert, ir-riżorsi jew il-perspettiva transfruntiera tagħha jistgħu jipprovdu valur miżjud, filwaqt li tiġi ppreservata bis-sħiħ is-sjieda tad-data u l-awtonomija investigattiva tal-Istati Membri kif ukoll l-arkitettura deċentralizzata li tirfed is-sistemi ta’ skambju tal-informazzjoni tal-Unjoni. Ir-Regolament (UE) 2024/982 attwalment jippermetti lill-Europol twettaq tfittxijiet fil-bażijiet tad-data ta’ Prüm tal-Istati Membri billi tuża d-data riċevuta minn pajjiżi terzi. Sabiex titneħħa kwalunkwe limitazzjoni operazzjonali li tista’ tipprevjeni l-identifikazzjoni ta’ rabtiet transfruntiera rilevanti, jenħtieġ li l-Europol tkun tista’ twettaq ukoll tali tfittxijiet bl-użu tad-data li toriġina mill-Istati Membri, meta dan ikun awtorizzat mill-Istat Membru li jkun is-sid tad-data. Dan jenħtieġ li japplika b’mod partikolari għat-tfittxijiet li jinvolvu profili tad-DNA, data dattiloskopika u immaġnijiet tal-wiċċ, filwaqt li jiġi żgurat li l-Istati Membri jkunu jistgħu jiddeċiedu dwar il-kundizzjonijiet li skonthom tista’ tintuża d-data tagħhom. Għalhekk, jenħtieġ li r-Regolament (UE) 2024/982 jiġi emendat kif xieraq.

(127)Sabiex tissaħħaħ l-effettività tal-aċċess tal-Europol għad-data maħżuna fil-bażijiet tad-data tal-Istati Membri, filwaqt li jiġu żgurati l-protezzjoni tad-data personali u r-rispett tad-dritt nazzjonali, jenħtieġ li l-Europol ikollha aċċess għad-data maħżuna fil-bażijiet tad-data nazzjonali u fl-indiċijiet tar-rekords tal-pulizija, soġġett għal kundizzjonijiet u limitazzjonijiet speċifiċi, inkluż l-użu ta’ routers u sistemi ddeżinjati, bħall-EPRIS, l-EUCARIS u r-router għad-data bijometrika u r-rekwiżit għas-sorveljanza umana u t-teħid tad-deċiżjonijiet fir-ritorn tad-data ewlenija, u jenħtieġ li tuża biss id-data li toriġina mill-Istati Membri meta tkun awtorizzata mill-Istat Membru li jkun is-sid tad-data, u jenħtieġ li tittratta tali data f’konformità mar-Regolament (UE) 2018/1725 u ma’ dan ir-Regolament kif ukoll bil-kunsens tal-Istat Membru rilevanti.

(128)Meta l-Europol twettaq tfittxijiet bl-użu ta’ data bijometrika li toriġina mill-Istati Membri, jenħtieġ li taġixxi biss bħala fornitur tas-servizzi tekniċi u forensiċi f’isem l-Istat Membru tal-awtorizzazzjoni. Għalhekk, jenħtieġ li l-Europol twettaq tali tfittxijiet biss fl-ambitu tal-awtorizzazzjoni mogħtija mill-Istat Membru kkonċernat, fuq bażi ta’ każ b’każ jew permezz ta’ awtorizzazzjonijiet permanenti soġġetti għal kundizzjonijiet definiti minn dak l-Istat Membru. Jenħtieġ li l-Europol tirrispetta bis-sħiħ kwalunkwe restrizzjoni imposta mill-Istat Membru tal-awtorizzazzjoni rigward l-aċċess, l-użu, it-trażmissjoni, iż-żamma, it-tħassir jew il-qerda tal-informazzjoni kkonċernata.

(129)Peress li l-objettivi ta’ dan ir-Regolament, jiġifieri li tiġi appoġġata u tissaħħaħ l-azzjoni tal-awtoritajiet kompetenti tal-Istati Membri u l-kooperazzjoni reċiproka tagħhom fil-prevenzjoni tal-kriminalità serja li tolqot żewġ Stati Membri jew iktar, tat-terroriżmu u tal-forom ta’ kriminalità li jolqtu interess komuni koperti minn politika tal-Unjoni, u fil-ġlieda kontrihom, ma jistgħux jinkisbu b’mod suffiċjenti mill-Istati Membri li jaġixxu waħedhom iżda jistgħu pjuttost, minħabba l-iskala, in-natura tranżnazzjonali u l-effetti ta’ dawk it-theddidiet, jinkisbu aħjar fil-livell tal-Unjoni, l-Unjoni tista’ tadotta miżuri f’konformità mal-prinċipju tas-sussidjarjetà kif stabbilit fl-Artikolu 5 TUE. F’konformità mal-prinċipju tal-proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jinkisbu dawk l-objettivi.

(130)[F’konformità mal-Artikolu 3 u mal-Artikolu 4a(1) tal-Protokoll Nru 21 dwar il-pożizzjoni tar-Renju Unit u l-Irlanda fir-rigward tal-qasam tal-libertà, is-sigurtà u l-ġustizzja, anness mat-Trattat dwar l-Unjoni Ewropea (TUE) u t-TFUE, l-Irlanda nnotifikat [, b’ittra ta’ …,] ix-xewqa tagħha li tieħu sehem fl-adozzjoni u fl-applikazzjoni ta’ dan ir-Regolament] JEW [F’konformità mal-Artikolu 1, mal-Artikolu 2 u mal-Artikolu 4a(1) tal-Protokoll Nru 21 dwar il-pożizzjoni tar-Renju Unit u l-Irlanda fir-rigward tal-qasam tal-libertà, is-sigurtà u l-ġustizzja, anness mat-Trattat dwar l-Unjoni Ewropea (TUE) u mat-TFUE, u mingħajr preġudizzju għall-Artikolu 4 ta’ dak il-Protokoll, l-Irlanda mhijiex qiegħda tieħu sehem fl-adozzjoni ta’dan [l-att] u mhijiex marbuta bih jew soġġetta għall-applikazzjoni tiegħu.]

(131)F’konformità mal-Artikoli 1 u 2 tal-Protokoll Nru 22 dwar il-pożizzjoni tad-Danimarka anness mat-TUE u mat-TFUE, id-Danimarka mhijiex qiegħda tieħu sehem fl-adozzjoni ta’ dan ir-Regolament u mhijiex marbuta bih jew soġġetta għall-applikazzjoni tiegħu.

(132)L-EDPS ġie kkonsultat f’konformità mal-Artikolu 42 tar-Regolament (UE) 2018/1725 u ta opinjoni fi [data].

(133)Dan ir-Regolament jirrispetta bis-sħiħ id-drittijiet u l-libertajiet fundamentali u josserva l-prinċipji rikonoxxuti b’mod partikolari mill-Karta tad-Drittijiet Fundamentali tal-Unjoni Ewropea, b’mod partikolari d-dritt għall-protezzjoni tad-data personali u d-dritt għall-privatezza kif protetti mill-Artikoli 8 u 7 tal-Karta rispettivament, kif ukoll mill-Artikolu 16 TFUE, id-dritt għal rimedju effettiv u għal proċess ġust skont l-Artikolu 47 tal-Karta, il-preżunzjoni tal-innoċenza skont l-Artikolu 48 tal-Karta, u d-drittijiet tal-vittmi tal-kriminalità.

(134)Dan ir-Regolament għandu l-għan li jemenda u jestendi d-dispożizzjonijiet tar-Regolament (UE) 2016/794. Peress li l-emendi li jridu jsiru huma sostanzjali fl-għadd u n-natura tagħhom, dak l-att legali jenħtieġ li jitħassar f’ġieħ iċ-ċarezza,

ADOTTAW DAN IR-REGOLAMENT:

Kapitolu I
Dispożizzjonijiet ġenerali

Artikolu 1

Suġġett

1.Dan ir-Regolament jistabbilixxi Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) biex tappoġġa u ssaħħaħ l-azzjoni mill-awtoritajiet kompetenti tal-Istati Membri u l-kooperazzjoni reċiproka tagħhom bl-għan li tipprevjeni l-kriminalità serja transfruntiera, it-terroriżmu u l-forom ta’ kriminalità li jolqtu interess komuni kopert minn politika tal-Unjoni, u li tiġġieled kontrihom.

2.L-Europol, kif stabbilita b’dan ir-Regolament, għandha tissostitwixxi u tissuċċedi l-aġenzija stabbilita bir-Regolament (UE) 2016/794.

Artikolu 2

Status legali

1.L-Europol għandha tkun aġenzija tal-Unjoni u għandu jkollha personalità ġuridika.

2.F’kull wieħed mill-Istati Membri, l-Europol għandha tgawdi l-iżjed kapaċità ġuridika estensiva mogħtija lill-persuni ġuridiċi skont id-dritt nazzjonali. B’mod partikolari, tista’ takkwista u tiddisponi minn proprjetà mobbli u immobbli u tkun parti fi proċedimenti legali.

3.L-Europol għandha tkun irrappreżentata minn Direttur Eżekuttiv.

Artikolu 3

Sede

Is-sede tal-Europol għandha tkun The Hague, in-Netherlands.

Artikolu 4

Definizzjonijiet

Għall-finijiet ta’ dan ir-Regolament, japplikaw id-definizzjonijiet li ġejjin: 

(1)“awtoritajiet kompetenti tal-Istati Membri” tfisser l-awtoritajiet kollha tal-pulizija u servizzi oħra tal-infurzar tal-liġi li jeżistu fl-Istati Membri li huma responsabbli skont id-dritt nazzjonali għall-prevenzjoni ta’ reati kriminali u għall-ġlieda kontrihom, kif ukoll awtoritajiet pubbliċi oħra li jeżistu fl-Istati Membri li huma responsabbli skont id-dritt nazzjonali għall-prevenzjoni ta’ reati kriminali li fir-rigward tagħhom l-Europol hija kompetenti u għall-ġlieda kontrihom;

(2)“analiżi strateġika” tfisser il-metodi u t-tekniki kollha li permezz tagħhom tinġabar, tinħażen, tiġi pproċessata u tiġi vvalutata l-informazzjoni bl-għan li tiġi appoġġata u żviluppata politika kriminali li tikkontribwixxi għall-prevenzjoni effiċjenti u effettiva tal-kriminalità u għall-ġlieda effiċjenti u effettiva kontriha;

(3)“analiżi operazzjonali” tfisser il-metodi u t-tekniki kollha li permezz tagħhom tinġabar, tinħażen, tiġi pproċessata u tiġi vvalutata l-informazzjoni bl-għan li jiġu appoġġati l-investigazzjonijiet kriminali u l-attivitajiet tal-intelligence kriminali;

(4)“partijiet privati” tfisser entitajiet u korpi stabbiliti skont il-liġi ta’ Stat Membru jew pajjiż terz, inkluż kumpaniji u ditti, assoċjazzjonijiet tan-negozju, organizzazzjonijiet bla skop ta’ qligħ u persuni ġuridiċi oħra li mhumiex koperti mill-punt 5;

(5)“riċevitur” tfisser persuna fiżika jew ġuridika, awtorità pubblika, aġenzija jew kwalunkwe korp ieħor li lilu/lilha tiġi divulgata d-data, kemm jekk parti terza kif ukoll jekk le;

(6)“data personali amministrattiva” tfisser id-data personali pproċessata mill-Europol għajr id-data personali operazzjonali

(7)“kontenut terroristiku” tfisser kontenut terroristiku kif definit fl- Artikolu 2, il-punt (7), tar-Regolament (UE) 2021/784 ;

(8)“abbuż sesswali tat-tfal online” tfisser id-disseminazzjoni online ta’ materjal ta’ abbuż sesswali tat-tfal u s-solleċitazzjoni tat-tfal;

(9)“sitwazzjoni ta’ kriżi online” tfisser id-disseminazzjoni ta’ kontenut online li jirriżulta minn avveniment li għadu għaddej jew reċenti fid-dinja reali li juri ħsara għall-ħajja jew għall-integrità fiżika, jew jappella għal ħsara imminenti għall-ħajja jew għall-integrità fiżika;

(10)“uffiċjal għall-komunikazzjoni dwar l-immigrazzjoni” tfisser uffiċjal għall-komunikazzjoni dwar l-immigrazzjoni kif definit fl-Artikolu 2, il-punt (1) tar-Regolament (UE) 2019/1240 tal-Parlament Ewropew u tal-Kunsill 58 ;

(11)“punt uniku ta’ kuntatt” tfisser l-entità ċentrali responsabbli għall-koordinazzjoni u l-iffaċilitar tal-iskambju tal-informazzjoni f’konformità mal-Artikolu 14 tad-Direttiva (UE) 2023/977 tal-Parlament Ewropew u tal-Kunsill 59 ;

(12)“kapaċitajiet avvanzati” tfisser kapaċitajiet teknoloġiċi, analitiċi jew operazzjonali li jipprovdu funzjonalitajiet imtejba jew ġodda li jappoġġaw il-prevenzjoni tal-forom ta’ kriminalità li jaqgħu fl-ambitu tal-kompetenza tal-Europol, u l-ġlieda kontrihom, kif ukoll il-kooperazzjoni bejn l-awtoritajiet kompetenti tal-Istati Membri.

Artikolu 5

Kompetenza

1.L-Europol għandha tappoġġa u ssaħħaħ l-azzjoni tal-awtoritajiet kompetenti tal-Istati Membri u l-kooperazzjoni reċiproka tagħhom fil-prevenzjoni tal-kriminalità serja li tolqot żewġ Stati Membri jew iktar, tat-terroriżmu u tal-forom ta’ kriminalità li jolqtu interess komuni kopert minn politika tal-Unjoni, u fil-ġlieda kontrihom, kif elenkat fl-Anness I.

2.Il-kompetenza tal-Europol għandha tkopri wkoll reati kriminali relatati mal-forom ta’ kriminalità elenkati fl-Anness I, b’mod partikolari reati mwettqa għall-fini tat-tħejjija, tal-iffaċilitar, tal-appoġġ jew tal-ħabi ta’ tali forom ta’ kriminalità, reati mwettqa b’rabta magħhom, jew reati mwettqa biex tiġi żgurata l-impunità ta’ persuni involuti f’tali forom ta’ kriminalità, inkluż meta tali reati jinvolvu dimensjoni ibrida.

Artikolu 6

Kompiti

1.L-Europol għandha twettaq il-kompiti li ġejjin:

(a)tiġbor, taħżen, tipproċessa, tanalizza u tiskambja l-informazzjoni, inkluż l-intelligence kriminali;

(b)tipprovdi appoġġ operazzjonali lill-awtoritajiet kompetenti tal-Istati Membri, inkluż il-koordinazzjoni, l-organizzazzjoni u l-implimentazzjoni ta’ azzjonijiet investigattivi u operazzjonali, l-appoġġ analitiku permezz ta’ analiżi operazzjonali, u l-appoġġ tekniku u forensiku;

(c)tipprovdi appoġġ ta’ natura strateġika u tematika lill-awtoritajiet kompetenti tal-Istati Membri u lill-istituzzjonijiet tal-Unjoni permezz ta’ analiżi strateġika u billi tħejji prodotti analitiċi, inkluż valutazzjonijiet tat-theddidiet, analiżijiet strateġiċi, rapporti dwar ix-xejriet u informazzjoni dwar is-sitwazzjoni;

(d)tikkoopera mal-istituzzjonijiet, il-korpi, il-missjonijiet, l-uffiċċji u l-aġenziji tal-Unjoni, meta jkun rilevanti permezz tal-iskambju tal-informazzjoni u l-għoti ta’ appoġġ analitiku f’oqsma li jaqgħu taħt il-mandati rispettivi tagħhom;

(e)tikkoopera ma’ pajjiżi terzi u sħab rilevanti oħra, b’mod partikolari permezz tal-iskambju tal-informazzjoni;

(f)twettaq attivitajiet tar-riċerka u tal-innovazzjoni skont il-Programm Qafas tal-Unjoni għar-Riċerka u l-Innovazzjoni, u tiżviluppa kapaċitajiet avvanzati;

(g)tiżviluppa u żżomm servizzi, għodod u komponenti tal-ġestjoni tal-informazzjoni u tal-ICT li jippermettulha twettaq il-kompiti msemmija fil-punti (a) sa (e);

(h)tipprovdi appoġġ finanzjarju għall-attivitajiet operazzjonali mwettqa fil-kuntest ta’ azzjonijiet investigattivi jew operazzjonali.

2.Minbarra l-kompiti stabbiliti fil-paragrafu 1, l-Europol għandha twettaq il-kompiti ta’ appoġġ li ġejjin:

(a)tipprovdi informazzjoni u appoġġ operazzjonali lill-Istati Membri b’konnessjoni ma’ avvenimenti internazzjonali ewlenin;

(b)tipprovdi informazzjoni u appoġġ operazzjonali lill-istrutturi tal-UE għall-ġestjoni tal-kriżijiet u lill-missjonijiet stabbiliti abbażi tat-TUE fl-ambitu tal-kompetenza tal-Europol;

(c)tipprovdi appoġġ amministrattiv, finanzjarju u tekniku lill-proġetti operazzjonali ffinanzjati mill-Unjoni u lin-networks Ewropej tal-infurzar tal-liġi li jaqgħu fl-ambitu tal-kompetenza tal-Europol, biex jissaħħu l-koordinazzjoni, il-kontinwità u l-koerenza tal-azzjoni;

(d)taġixxi bħala l-Uffiċċju Ċentrali għall-ġlieda kontra l-iffalsifikar tal-euro f’konformità mad- Deċiżjoni tal-Kunsill 2005/511/ĠAI 60 , inkluż billi tinkoraġġixxi l-koordinazzjoni ta’ miżuri mwettqa għall-ġlieda kontra l-iffalsifikar tal-euro mill-awtoritajiet kompetenti tal-Istati Membri jew fil-kuntest ta’ skwadri ta’ investigazzjoni konġunta, meta jkun xieraq f’kollegament ma’ korpi, uffiċċji u aġenziji tal-Unjoni kif ukoll l-awtoritajiet ta’ pajjiżi terzi;

(e)tappoġġa lill-Istati Membri fl-iskrinjar, fir-rigward tal-implikazzjonijiet mistennija għas-sigurtà ta’ każijiet speċifiċi ta’ investimenti diretti barranin fl-Unjoni skont ir- Regolament (UE) 2019/452 tal-Parlament Ewropew u tal-Kunsill 61 li jikkonċernaw impriżi li jipprovdu teknoloġiji, inkluż software, li jintużaw mill-Europol għall-prevenzjoni ta’ kriminalità li taqa’ fl-ambitu tal-kompetenza tal-Europol, u għall-ġlieda kontriha;

(f)tikkontribwixxi għall-implimentazzjoni tal-Mekkaniżmu ta’ Evalwazzjoni u Monitoraġġ ta’ Schengen biex tivverifika l-applikazzjoni tal-acquis ta’ Schengen skont ir- Regolament tal-Kunsill (UE) 2022/922 62 , ir- Regolament (UE) 2022/922 , fl-ambitu tal-kompetenza tal-Europol, permezz tal-parteċipazzjoni f’missjonijiet ta’ evalwazzjoni ta’ Schengen u fi żjarat oħra fuq il-post, l-għoti ta’ għarfien espert u analiżijiet, meta jkun mitlub mill-Kummissjoni;

(g)tikkoopera b’mod strutturat u fuq bażi regolari, inkluż billi tikkonkludi arranġamenti ta’ ħidma bilaterali jew multilaterali li jirregolaw il-modalitajiet ta’ tali kooperazzjoni, mal-atturi ta’ kontra l-frodi involuti fil-protezzjoni tal-interessi finanzjarji tal-Unjoni, bħall-UPPE, l-Eurojust, l-OLAF, l-AMLA u l-Awtorità Doganali tal-UE.

3.L-Europol ma għandhiex tapplika miżuri koerċittivi fit-twettiq tal-kompiti tagħha.

Matul it-twettiq tal-miżuri investigattivi mill-awtoritajiet nazzjonali kompetenti tal-Istati Membri, l-Europol tista’ tappoġġa lil dawk l-awtoritajiet kompetenti, fuq talba tagħhom u f’konformità mad-dritt nazzjonali tagħhom, b’mod partikolari billi tiffaċilita l-iskambju tal-informazzjoni transfruntiera u forom oħra tal-ipproċessar tad-data, u billi tipprovdi appoġġ operazzjonali b’mod remot jew billi tkun preżenti matul l-eżekuzzjoni ta’ dawk il-miżuri. L-Europol ma għandhiex ikollha s-setgħa tal-eżekuzzjoni ta’ miżuri investigattivi.

Artikolu 7

Appoġġ strateġiku tal-Europol

1.L-Europol għandha tikkontribwixxi għall-iżvilupp ta’ qafas analitiku strateġiku komuni tal-Unjoni relatat mal-kriminalità serja u t-terroriżmu.

Għal dak il-fini, l-Europol għandha tħejji, fuq bażi regolari, prodotti analitiċi dwar is-sigurtà interna, inkluż analiżijiet strateġiċi, valutazzjonijiet tat-theddidiet, rapporti tax-xejriet u informazzjoni dwar is-sitwazzjoni, u għandha tagħmilhom disponibbli f’konformità mal-Artikolu 129.

2.L-Europol għandha tappoġġa l-iżvilupp u l-użu ta’ metodoloġiji u standards analitiċi komuni, b’mod partikolari għall-valutazzjonijiet tat-theddidiet fil-livell tal-Unjoni, biex jiġu żgurati l-komparabbiltà, l-interoperabbiltà u l-konsistenza tal-prodotti analitiċi.

3.L-Istati Membri għandhom jipprovdu lill-Europol bl-informazzjoni kollha meħtieġa għat-tħejjija tal-prodotti analitiċi msemmija fil-paragrafu 1.

L-Istati Membri jistgħu jirrifjutaw li jipprovdu l-informazzjoni abbażi ta’ waħda jew iktar mir-raġunijiet li ġejjin:

(a)l-għoti tal-informazzjoni jmur kontra l-interessi essenzjali tas-sigurtà tal-Istat Membru kkonċernat;

(b)l-għoti tal-informazzjoni jipperikola s-suċċess ta’ investigazzjoni li tkun għaddejja jew is-sigurtà ta’ individwu;

(c)l-għoti tal-informazzjoni jiddivulga informazzjoni marbuta ma’ organizzazzjonijiet jew ma’ attivitajiet tal-intelligence speċifiċi fil-qasam tas-sigurtà nazzjonali.

L-Istati Membri għandhom jipprovdu informazzjoni malli r-raġunijiet imsemmija fil-punti (a), (b) jew (c) ma jibqgħux jeżistu.

4.L-istituzzjonijiet, il-korpi, l-uffiċċji u l-aġenziji tal-Unjoni għandhom, fil-kompetenza tagħhom u f’konformità mad-dritt applikabbli tal-Unjoni, jipprovdu lill-Europol b’informazzjoni rilevanti għat-tħejjija tal-prodotti analitiċi msemmija fil-paragrafu 1.

5.L-Europol tista’ tuża informazzjoni minn sors miftuħ u kontributi minn sħab rilevanti bħala sorsi komplementari għat-tħejjija tal-prodotti analitiċi msemmija fil-paragrafu 1.

6.Il-prodotti analitiċi msemmija fil-paragrafu 1 għandhom isiru disponibbli għall-Kunsill u għall-Kummissjoni għall-identifikazzjoni, għall-iżvilupp u għall-implimentazzjoni ta’ prijoritajiet strateġiċi, ta’ politika u operazzjonali tal-Unjoni għall-ġlieda kontra l-kriminalità u fl-implimentazzjoni tagħhom.

7.L-Europol għandha tuża l-prodotti analitiċi msemmija fil-paragrafu 1 biex tappoġġa l-ippjanar u l-implimentazzjoni tal-attivitajiet operazzjonali skont dan il-Kapitolu u għandha tqis dawk il-prodotti fit-tħejjija u fl-aġġornament regolari tal-Qafas imsemmi fl-Artikolu 57.

8.L-Istati Membri għandhom iqisu l-prodotti analitiċi msemmija fil-paragrafu 1 meta jiddeterminaw il-parteċipazzjoni tagħhom f’attivitajiet operazzjonali appoġġati mill-Europol, jallokaw riżorsi operazzjonali u jimplimentaw il-prijoritajiet strateġiċi u operazzjonali tal-Unjoni fil-livell nazzjonali.

9.Il-prodotti analitiċi msemmija fil-paragrafu 1 jistgħu jintużaw għall-finijiet ta’ analiżijiet imwettqa mill-Kummissjoni u mill-Istati Membri u għal evalwazzjonijiet ta’ Schengen u attivitajiet ta’ monitoraġġ imwettqa f’konformità mar-Regolament (UE) 2022/922 fl-oqsma ta’ politika li jaqgħu fl-ambitu tal-kompetenza tal-Europol.

Kapitolu II
Kooperazzjoni operazzjonali

Taqsima 1
Appoġġ u koordinazzjoni operazzjonali

Artikolu 8

Appoġġ operazzjonali tal-Europol

1.L-Europol għandha tipprovdi appoġġ operazzjonali lill-awtoritajiet kompetenti tal-Istati Membri sabiex tikkontribwixxi għall-prevenzjoni tal-forom ta’ kriminalità li jaqgħu taħt il-kompetenza tal-Europol u għall-ġlieda kontrihom.

2.L-Europol għandha tistabbilixxi u żżomm il-kapaċitajiet meħtieġa sabiex tipprovdi appoġġ operazzjonali kontinwu u effettiv lill-awtoritajiet kompetenti tal-Istati Membri.

3.L-Europol għandha tappoġġa, b’mod partikolari:

(a)investigazzjonijiet u attivitajiet operazzjonali li jirrikjedu azzjoni kkoordinata fil-livell tal-Unjoni;

(b)l-identifikazzjoni, l-immirar u t-tfixkil ta’ networks kriminali ta’ riskju għoli u tal-infrastruttura kriminali ta’ appoġġ tagħhom;

(c)attivitajiet operazzjonali li jirrikjedu kapaċitajiet analitiċi, tekniċi, diġitali, forensiċi jew multidixxiplinari speċjalizzati;

(d)id-detezzjoni, l-analiżi u l-koordinazzjoni ta’ azzjoni kontra theddidiet għas-sigurtà fuq skala kbira, emerġenti u li jevolvu malajr, inkluż reati kriminali relatati mal-forom ta’ kriminalità elenkati fl-Anness I meta tali reati jinvolvu dimensjoni ibrida u l-koordinazzjoni tar-risponsi tal-infurzar tal-liġi għalihom;

(e)l-implimentazzjoni tal-prijoritajiet strateġiċi u operazzjonali tal-Unjoni relatati mas-sigurtà interna.

4.L-appoġġ operazzjonali pprovdut mill-Europol jista’, kif xieraq u f’konformità mal-ħtiġijiet operazzjonali jiġi pprovdut permezz ta’, fost l-oħrajn:

(a)Ċentri tal-Unjoni ta’ għarfien espert speċjalizzat (“Ċentri”), kif imsemmi fl-Artikoli 13 sa 19;

(b)task forces operazzjonali f’konformità mal-Artikolu 20;

(c)skwadri ta’ investigazzjoni konġunta f’konformità mal-Artikolu 21, inkluż f’kooperazzjoni mal-Eurojust;

(d)skjeramenti tal-Europol f’konformità mal-Artikolu 22;

(e)appoġġ għall-attivitajiet strateġiċi u operazzjonali mwettqa fil-qafas tal-Pjattaforma Multidixxiplinari Ewropea Kontra t-Theddidiet Kriminali (EMPACT) f’konformità mal-Artikolu 23.

5.L-Europol għandha tiżgura l-koordinazzjoni, il-koerenza u l-komplementarjetà tal-appoġġ, tal-istrutturi u tal-istrumenti ta’ kooperazzjoni operazzjonali msemmija f’dan il-Kapitolu, inkluż meta diversi forom ta’ appoġġ operazzjonali jiġu skjerati simultanjament.

6.L-Istati Membri għandhom ifittxu li jużaw b’mod effettiv il-forom ta’ appoġġ operazzjonali msemmija fil-paragrafu 4, b’mod partikolari meta tkun meħtieġa azzjoni kkoordinata fil-livell tal-Unjoni biex jiġi żgurat rispons effettiv għall-kriminalità serja u organizzata u t-terroriżmu.

7.Meta s-Servizz Operazzjonali u ta’ Analiżi jew iċ-Ċentri jidentifikaw rabtiet operazzjonali jew ħtiġijiet ta’ koordinazzjoni relatati ma’ attivitajiet kriminali transfruntiera, l-Europol għandha titlob lill-awtoritajiet kompetenti tal-Istati Membri kkonċernati biex jipprovdu l-informazzjoni rilevanti, l-intelligence kriminali jew jikkontribwixxu għal miżuri ta’ koordinazzjoni.

L-awtoritajiet kompetenti tal-Istati Membri kkonċernati għandhom iwieġbu mingħajr dewmien żejjed u, meta jiddeċiedu li ma jipprovdux il-kontribut mitluba jew li ma jipparteċipawx fil-miżuri ta’ koordinazzjoni proposti, huma għandhom jipprovdu lill-Europol b’ġustifikazzjoni motivata.

Artikolu 9

Appoġġ operazzjonali għall-investigazzjonijiet finanzjarji u għall-irkupru tal-assi

1.L-Europol għandha tikkoopera mal-uffiċċji għall-irkupru tal-assi stabbiliti skont l-Artikolu 5 tad-Direttiva (UE) 2024/1260.

2.L-Istati Membri għandhom jiżguraw li l-Europol ikollha aċċess dirett u immedjat għall-informazzjoni msemmija fl-Artikolu 6(2) tad-Direttiva (UE) 2024/1260 skont il-kundizzjonijiet stabbiliti fih u sa fejn ikun meħtieġ għat-twettiq tal-kompiti msemmija fl-Artikolu 16 ta’ dan ir-Regolament.

L-Istati Membri għandhom jiżguraw ukoll li l-Europol tkun tista’ tikseb malajr l-informazzjoni elenkata fl-Artikolu 6(3) tad-Direttiva (UE) 2024/1260 fuq talba lill-uffiċċju rilevanti għall-irkupru tal-aċċess u fis-sitwazzjonijiet deskritti fl-Artikolu 6(4) ta’ dik id-Direttiva, sa fejn ikun meħtieġ għat-twettiq tal-kompiti msemmija fl-Artikolu 16 ta’ dan ir-Regolament. 

L-aċċess għall-informazzjoni msemmija f’dan il-paragrafu għandu jkun konformi mal-Artikolu 6(5) u (6) tad-Direttiva (UE) 2024/1260.

3.Meta l-Europol tqis li hemm riskju imminenti ta’ għajbien ta’ proprjetà traċċata u identifikata bħala riżultat tal-attivitajiet imsemmija fl-Artikolu 16 ta’ dan ir-Regolament, għandha tissottometti talba lill-awtoritajiet kompetenti tal-Istati Membri kkonċernati biex jieħdu azzjoni immedjata f’konformità mal-Artikolu 11(2) tad-Direttiva (UE) 2024/1260.

L-awtorità kompetenti tal-Istat Membru kkonċernat għandha tiddeċiedi dwar it-talba mingħajr dewmien u, meta jkun possibbli, fi żmien 24 siegħa.

Meta l-awtorità kompetenti tal-Istat Membru kkonċernat tiddeċiedi li ma tiħux azzjoni immedjata, għandha tinforma lill-Europol u tipprovdi r-raġunijiet għad-deċiżjoni tagħha. Dawk ir-raġunijiet jistgħu ma jingħatawx fil-każijiet li ġejjin:

(a)id-divulgazzjoni tar-raġunijiet tmur kontra l-interessi essenzjali tas-sigurtà tal-Istat Membru kkonċernat;

(b)id-divulgazzjoni tar-raġunijiet tipperikola s-suċċess ta’ investigazzjoni li tkun għaddejja jew is-sigurtà ta’ individwu.

4.L-Europol għandha tikkoopera, f’konformità mal-Artikolu 12 tad-Direttiva (UE) 2019/1153 tal-Parlament Ewropew u tal-Kunsill 63 , mal-Unitajiet tal-Intelligence Finanzjarja (UIF) stabbiliti skont id-Direttiva (UE) 2015/849 tal-Parlament Ewropew u tal-Kunsill 64 , permezz tal-unità nazzjonali rilevanti tal-Europol jew, jekk titħalla mill-Istat Membru rilevanti, permezz ta’ kuntatt dirett mal-UIF, b’mod partikolari permezz tal-iskambju tal-informazzjoni u l-għoti ta’ analiżijiet lill-Istati Membri biex jappoġġaw l-investigazzjonijiet transfruntiera li jaqgħu fl-ambitu tal-kompetenza tal-Europol.

5.Kull Stat Membru għandu jiżgura li l-UIF tiegħu, fil-limiti tal-mandat u l-kompetenza tagħha u soġġett għal salvagwardji proċedurali nazzjonali, tkun intitolata twieġeb għal talbiet debitament ġustifikati magħmula mill-Europol f’konformità mal-Artikolu 12 tad-Direttiva (UE) 2019/1153 rigward l-informazzjoni finanzjarja u l-analiżijiet finanzjarji, permezz tal-unità nazzjonali tagħha jew, meta jitħalla minn dak l-Istat Membru, b’kuntatt dirett bejn l-UIF u l-Europol.

Artikolu 10

Appoġġ finanzjarju għall-attivitajiet operazzjonali

1.Malli tirċievi talba bil-miktub debitament ġustifikata mingħand Stat Membru, l-Europol tista’ tipprovdi appoġġ finanzjarju mmirat għal attivitajiet operazzjonali mwettqa fil-kuntest ta’ investigazzjoni ta’ prijorità jew azzjoni operazzjonali appoġġata mill-Europol u li jaqgħu fl-ambitu tal-kompetenza tagħha.

2.L-appoġġ finanzjarju msemmi fil-paragrafu 1 għandu jkun limitat għal dak li huwa meħtieġ u proporzjonat għall-finijiet tal-investigazzjoni ta’ prijorità jew l-azzjoni operazzjonali rilevanti u jista’ jkopri n-nefqiet operazzjonali, tekniċi, loġistiċi u nefqiet neċessarji oħra meħtieġa għall-implimentazzjoni effettiva tiegħu.

3.L-Europol tista’, meta jkun xieraq u f’konformità mal-prijoritajiet operazzjonali, tipprijoritizza l-appoġġ finanzjarju għall-attivitajiet operazzjonali transfruntiera kkoordinati.

4.Id-deċiżjonijiet li jingħata l-appoġġ finanzjarju msemmi fil-paragrafu 1 għandhom jittieħdu mill-Europol fuq bażi ta’ każ b’każ, f’konformità mar-regoli ta’ implimentazzjoni adottati mill-Bord tat-Tmexxija fuq proposta mingħand id-Direttur Eżekuttiv u wara konsultazzjoni mal-Kummissjoni.

Dawk ir-regoli ta’ implimentazzjoni għandhom jipprevedu l-kundizzjonijiet u l-proċeduri għall-għoti, għall-ġestjoni u għall-monitoraġġ ta’ tali appoġġ, inkluż rekwiżiti li jiżguraw l-akkontabbiltà, it-traċċabbiltà, l-awditjabbiltà u l-konformità mar-regoli finanzjarji applikabbli tal-Unjoni.

Artikolu 11

Talba biex tinbeda investigazzjoni kriminali

1.F’każijiet speċifiċi meta l-Europol tqis li jenħtieġ li tinbeda investigazzjoni kriminali fir-rigward ta’ delitt li jaqa’ fl-ambitu tal-kompetenza tagħha, għandha titlob lill-awtoritajiet kompetenti tal-Istat Membru kkonċernat permezz tal-unità nazzjonali tal-Europol biex tinbeda, titwettaq jew tiġi kkoordinata tali investigazzjoni kriminali.

2.Mingħajr ma jiġi affettwat il-paragrafu 1, meta d-Direttur Eżekuttiv iqis li jenħtieġ li tinbeda investigazzjoni kriminali rigward delitt speċifiku li jikkonċerna Stat Membru wieħed biss, iżda li jaffettwa interess komuni kopert minn politika tal-Unjoni, huwa jew hija jista’/tista’ jipproponi/tipproponi lill-awtoritajiet kompetenti tal-Istat Membru kkonċernat, permezz tal-unità nazzjonali tiegħu, biex tinbeda, titwettaq jew tiġi kkoordinata tali investigazzjoni kriminali.

3.Il-paragrafi 1 u 2 ma japplikawx fir-rigward ta’ reati kriminali li jaffettwaw l-interessi finanzjarji tal-Unjoni li jaqgħu fl-ambitu tal-kompetenza tal-UPPE.

4.L-awtoritajiet kompetenti tal-Istati Membri kkonċernati għandhom jeżaminaw kwalunkwe talba magħmula skont il-paragrafi 1 u 2 bħala materja ta’ prijorità u għandhom jieħdu deċiżjoni motivata mingħajr dewmien żejjed.

L-unitajiet nazzjonali tal-Europol għandhom jinformaw lill-Europol, fir-rigward ta’ kwalunkwe talba li ssir skont il-paragrafi 1 jew 2, bid-deċiżjoni tal-awtoritajiet kompetenti tal-Istati Membri mingħajr dewmien żejjed.

5.Meta l-awtoritajiet kompetenti ta’ Stat Membru jiddeċiedu li ma jilqgħux it-talba li ssir skont il-paragrafi 1 u 2, huma għandhom jinformaw lill-Europol bir-raġunijiet għad-deċiżjoni mingħajr dewmien żejjed, u fi kwalunkwe każ fi żmien xahar minn meta tasal it-talba. Ir-raġunijiet jistgħu ma jingħatawx fil-każijiet li ġejjin:

(a)    id-divulgazzjoni tar-raġunijiet tmur kontra l-interessi essenzjali tas-sigurtà tal-Istat Membru kkonċernat;

(b)    id-divulgazzjoni tar-raġunijiet tipperikola s-suċċess ta’ investigazzjoni li tkun għaddejja jew is-sigurtà ta’ individwu.

6.L-Europol għandha tinforma minnufih lill-Eurojust bi kwalunkwe talba li ssir skont il-paragrafi 1 u 2, u bi kwalunkwe deċiżjoni ta’ awtorità kompetenti ta’ Stat Membru meħuda skont il-paragrafi 4 u 5 biex l-Eurojust tkun tista’ tiżgura segwitu ġudizzjarju fil-pront fil-livell nazzjonali u teżerċita l-kompetenza tagħha, inkluż, meta jkun xieraq, il-kapaċità li taġixxi fuq inizjattiva tagħha stess f’konformità mad-dispożizzjonijiet applikabbli tar-Regolament (UE) 2018/1727.

7.L-Europol għandha tinforma minnufih lill-UPPE bit-talbiet li jsiru skont il-paragrafi 1 u 2 rigward reati kriminali li jaqgħu fil-kompetenza tal-UPPE, u bi kwalunkwe deċiżjoni relatata ta’ awtorità kompetenti ta’ Stat Membru skont il-paragrafi 4 u 5.

Taqsima 2
Kapaċitajiet operazzjonali speċjalizzati

Artikolu 12

Servizz Operazzjonali u ta’ Analiżi

1.L-Europol għandha żżomm, permezz tas-Servizz Operazzjonali u ta’ Analiżi, kapaċità operazzjonali u analitika kontinwa 24/7 biex tappoġġa l-koordinazzjoni, l-organizzazzjoni u l-implimentazzjoni ta’ azzjoni investigattiva u operazzjonali mwettqa b’mod konġunt mal-Istati Membri skont dan ir-Regolament.

2.Is-Servizz Operazzjonali u ta’ Analiżi għandu jiżgura: 

(a)l-analiżi operazzjonali u strateġika tal-informazzjoni u tal-intelligence kriminali, inkluż b’appoġġ għall-attivitajiet imwettqa miċ-Ċentri;

(b)l-appoġġ u l-koordinazzjoni tal-proġetti ta’ analiżi;

(c)il-forniment ta’ servizzi trażversali fl-oqsma tal-interoperabbiltà, tal-bijometrika, tal-intelligence minn sorsi miftuħa (OSINT), tal-intelligence tal-ivvjaġġar u l-immaġnijiet bis-satellita;

(d)l-identifikazzjoni ta’ rabtiet operazzjonali, u l-koordinazzjoni ta’ risponsi operazzjonali u investigattivi transfruntiera, inkluż, meta jkun xieraq, billi jiġi propost l-istabbiliment ta’ Każ ta’ Analiżi Operazzjonali Konġunta (JOAC);

(e)il-koordinazzjoni u l-koerenza tal-appoġġ operazzjonali pprovdut skont dan ir-Regolament, inkluż fil-qafas ta’ task forces operazzjonali, skwadri ta’ investigazzjoni konġunta, skjeramenti tal-Europol u attivitajiet tal-EMPACT;

(f)it-tħejjija tal-prodotti analitiċi msemmija fl-Artikolu 7.

3.Is-Servizz Operazzjonali u ta’ Analiżi għandu jiżgura l-koordinazzjoni, il-kooperazzjoni u l-koerenza operazzjonali bejn iċ-Ċentri tal-Unjoni ta’ għarfien espert speċjalizzat, b’mod partikolari meta l-attivitajiet operazzjonali, l-intelligence kriminali jew l-investigazzjonijiet jikkonċernaw diversi forom ta’ kriminalità, jew reati kriminali relatati mal-forom ta’ kriminalità elenkati fl-Anness I meta tali reati jinvolvu dimensjoni ibrida, jew inkella jirrikjedu rispons multidixxiplinari.

Artikolu 13

Ċentri tal-Unjoni ta’ għarfien espert speċjalizzat

1.Iċ-Ċentru Ewropew taċ-Ċiberkriminalità, iċ-Ċentru Ewropew għall-Ġlieda Kontra t-Terroriżmu, iċ-Ċentru Ewropew għall-Kriminalità Finanzjarja u Ekonomika, iċ-Ċentru Ewropew għall-Kriminalità Serja u Organizzata u ċ-Ċentru Ewropew kontra l-Faċilitazzjoni ta’ Dħul Klandestin ta’ Migranti huma b’dan stabbiliti bħala Ċentri tal-Unjoni ta’ għarfien espert speċjalizzat (“Ċentri”).

2.Iċ-Ċentri għandhom jiffurmaw parti mill-istruttura organizzazzjonali tal-Europol u ma għandux ikollhom personalità ġuridika separata. Dawn għandhom iservu bħala l-istrutturi primarji ta’ kapaċitajiet u ta’ għarfien espert speċjalizzati tal-Europol fl-oqsma rispettivi tagħhom u għandhom jappoġġaw il-prevenzjoni tal-forom ta’ kriminalità, inkluż reati kriminali relatati mal-forom ta’ kriminalità elenkati fl-Anness I meta tali reati jinvolvu dimensjoni ibrida, li jaqgħu fl-ambitu tal-kompetenza tal-Europol, u l-ġlieda kontrihom.

3.Iċ-Ċentri għandhom, b’mod partikolari:

(a)jipprovdu appoġġ operazzjonali speċjalizzat lill-awtoritajiet kompetenti tal-Istati Membri;

(b)jipprovdu appoġġ operazzjonali fil-qafas ta’ task forces operazzjonali, skwadri ta’ investigazzjoni konġunta u EMPACT;

(c)jiffaċilitaw il-koordinazzjoni u l-kooperazzjoni bejn l-Istati Membri, u, meta jkun xieraq, ma’ istituzzjonijiet, korpi, uffiċċji u aġenziji oħra tal-Unjoni u sħab rilevanti, inkluż l-identifikazzjoni ta’ rabtiet operazzjonali;

(d)jappoġġaw azzjoni operazzjonali integrata, taħt il-koordinazzjoni tas-Servizz Operazzjonali u ta’ Analiżi, li tinvolvi diversi forom ta’ kriminalità li jaqgħu fl-ambitu tal-kompetenza tal-Europol, jew reati kriminali relatati mal-forom ta’ kriminalità elenkati fl-Anness I meta tali reati jinvolvu dimensjoni ibrida, inkluż permezz tal-mobilizzazzjoni u l-koordinazzjoni ta’ għarfien espert u kapaċitajiet speċjalizzati f’diversi oqsma operazzjonali;

(e)jidentifikaw il-ħtiġijiet ta’ kapaċitajiet u jikkontribwixxu għall-iżvilupp, għall-iskjerament u għall-integrazzjoni ta’ kapaċitajiet avvanzati fl-attivitajiet tal-Europol u tal-awtoritajiet kompetenti tal-Istati Membri, inkluż permezz ta’ taħriġ speċjalizzat, f’koordinazzjoni mas-Servizz ta’ Prospettiva u tal-Kapaċitajiet u f’kooperazzjoni mill-qrib mal-uffiċċji ta’ appoġġ tal-Europol;

(f)jikkontribwixxu għat-tħejjija tal-attivitajiet analitiċi kif imsemmi fl-Artikolu 7.

4.L-Europol għandha tiżgura li l-attivitajiet taċ-Ċentri jkunu konsistenti mal-prijoritajiet strateġiċi u operazzjonali tal-Unjoni dwar is-sigurtà interna, inkluż dawk stabbiliti fil-qafas tal-EMPACT.

5.Iċ-Ċentri jistgħu jinkludu uffiċjali ta’ kollegament u rappreżentanti ta’ korpi, uffiċċji u aġenziji oħra tal-Unjoni f’konformità mar-regoli ta’ implimentazzjoni msemmija fil-paragrafu 6.

L-Europol tista’ tistieden ukoll sħab b’għarfien espert rilevanti biex jikkontribwixxu għall-attivitajiet imsemmija fil-paragrafu 3, il-punti (e) u (f), f’konformità mar-regoli ta’ implimentazzjoni msemmija fil-paragrafu 6.

6.Fuq proposta mingħand id-Direttur Eżekuttiv, il-Bord tat-Tmexxija għandu jadotta regoli ta’ implimentazzjoni dwar l-organizzazzjoni, il-funzjonijiet speċifiċi, il-kompożizzjoni u l-operat taċ-Ċentri u għandu jirrieżamina regolarment u, meta jkun meħtieġ, jadatta dawn ir-regoli fid-dawl tal-ħtiġijiet operazzjonali u t-theddidiet għas-sigurtà li qegħdin jevolvu.

Artikolu 14

Ċentru Ewropew kontra l-Kriminalità Organizzata u Serja

F’konformità mal-Artikolu 6(1), il-punt (b), l-appoġġ ipprovdut mill-Europol, b’mod partikolari permezz taċ-Ċentru Ewropew għall-Kriminalità Serja u Organizzata għandu, b’mod partikolari, jikkonsisti minn:

(a)l-appoġġ għall-identifikazzjoni, għall-prijoritizzazzjoni, għall-immirar u għat-tfixkil ta’ miri ta’ valur għoli u ta’ networks kriminali ta’ riskju għoli;

(b)l-appoġġ għall-investigazzjonijiet transfruntiera u għall-attivitajiet operazzjonali relatati mat-traffikar tad-droga, it-traffikar tal-armi tan-nar u tal-isplussivi, il-kriminalità ambjentali, id-delitti kontra l-proprjetà u forom oħra ta’ kriminalità serja u organizzata, u l-koordinazzjoni tagħhom;

(c)il-forniment ta’ għarfien espert speċjalizzat b’appoġġ għal investigazzjonijiet kumplessi u multiġuriżdizzjonali u għall-attivitajiet operazzjonali, inkluż fil-qafas ta’ Task Forces Operazzjonali, skwadri ta’ investigazzjoni konġunta u attivitajiet tal-EMPACT;

(d)l-appoġġ għall-identifikazzjoni, għall-monitoraġġ u għat-tfixkil tar-reklutaġġ u tal-isfruttament tat-tfal u taż-żgħażagħ minn networks kriminali, inkluż permezz ta’ servizzi u ta’ pjattaformi online, għall-finijiet tat-twettiq, tal-iffaċilitar jew tal-ħabi tal-attivitajiet kriminali.

Artikolu 15

Ċentru Ewropew taċ-Ċiberkriminalità

F’konformità mal-Artikolu 6(1), il-punt (b), l-appoġġ ipprovdut mill-Europol, b’mod partikolari permezz taċ-Ċentru Ewropew taċ-Ċiberkriminalità għandu, b’mod partikolari, jikkonsisti minn:

(a)l-appoġġ lill-Istati Membri, u meta jkun rilevanti lill-partijiet privati, fil-prevenzjoni u fir-rispons għall-attakki ċibernetiċi ta’ oriġini kriminali suspettata u attivitajiet online malizzjużi fuq skala kbira, inkluż f’kooperazzjoni mal-Aġenzija tal-Unjoni Ewropea għaċ-Ċibersigurtà (ENISA), inkluż fir-rigward ta’ inċidenti ta’ ransomware, u bl-aċċess għall-infrastruttura li tintuża biex jitwettaq l-attakk;

(b)l-appoġġ lill-Istati Membri, u meta jkun rilevanti lill-partijiet privati, fl-indirizzar ta’ sitwazzjonijiet ta’ kriżi online, b’mod partikolari billi l-partijiet privati jiġu pprovduti bl-informazzjoni meħtieġa biex jidentifikaw il-kontenut online, is-servizzi, il-kontijiet, l-infrastrutturi jew l-attivitajiet diġitali rilevanti, inkluż permezz ta’ riferimenti ta’ kontenut online lill-fornituri tas-servizzi online;

(c)l-appoġġ lill-Istati Membri fil-prevenzjoni tal-abbuż sesswali tat-tfal, id-disseminazzjoni ta’ materjal ta’ abbuż sesswali tat-tfal online u s-solleċitazzjoni tat-tfal, u fil-ġlieda kontrihom;

(d)il-kontribut għall-identifikazzjoni tal-vittmi u tat-trasgressuri taċ-ċiberkriminalità u tal-attivitajiet kriminali ffaċilitati miċ-ċibernetika, inkluż l-abbuż sesswali tat-tfal online;

(e)iż-żamma u l-iskjerament ta’ għarfien espert u ta’ kapaċitajiet forensiċi, tekniċi, analitiċi u investigattivi diġitali speċjalizzati, inkluż biex jiġu appoġġati l-ipproċessar u l-analiżi tad-data diġitali u tad-data kriptata miksuba legalment;

(f)il-hosting u l-appoġġ tal-pjattaformi ta’ koordinazzjoni operazzjonali u ta’ oqfsa ta’ kooperazzjoni operazzjonali speċjalizzati fil-qasam taċ-ċiberkriminalità u l-aċċess transfruntier għall-evidenza elettronika, inkluż it-Task Force ta’ Azzjoni Konġunta kontra ċ-Ċiberkriminalità.

Artikolu 16

Ċentru Ewropew għall-Kriminalità Finanzjarja u Ekonomika

F’konformità mal-Artikolu 6(1), il-punt (b), l-appoġġ ipprovdut mill-Europol, b’mod partikolari permezz taċ-Ċentru Ewropew għall-Kriminalità Finanzjarja u Ekonomika (EFECC), għandu, b’mod partikolari, jikkonsisti minn:

(a)l-appoġġ lill-uffiċċji għall-irkupru tal-assi tal-Istati Membri fit-traċċar u fl-identifikazzjoni tal-mezzi strumentali, tar-rikavati u tal-proprjetajiet, li huma, jew li jaf isiru, l-oġġett ta’ ordni ta’ ffriżar jew ta’ konfiska, f’konformità mal-Artikolu 9;

(b)l-appoġġ għad-detezzjoni, għall-analiżi u għall-monitoraġġ tal-flussi finanzjarji kriminali, tan-networks finanzjarji illeċiti u tal-mudelli tan-negozju kriminali marbuta mal-kriminalità organizzata u mal-finanzjament tat-terroriżmu;

(c)il-forniment ta’ appoġġ operazzjonali u analitiku lill-UPPE fir-rigward ta’ delitti fil-kompetenza tal-Europol u tal-UPPE f’konformità mal-Artikolu 81;

(d)l-appoġġ lill-Istati Membri fl-indirizzar tal-frodi diġitali fuq skala kbira, inkluż bl-iffaċilitar tar-rapportar tal-frodi u bil-kooperazzjoni mal-istituzzjonijiet finanzjarji, mal-pjattaformi online u mas-sħab internazzjonali.

Artikolu 17

Ċentru Ewropew kontra l-Faċilitazzjoni ta’ Dħul Klandestin ta’ Migranti

F’konformità mal-Artikolu 6(1), il-punt (b), l-appoġġ ipprovdut mill-Europol, b’mod partikolari permezz taċ-Ċentru Ewropew kontra l-Faċilitazzjoni ta’ Dħul Klandestin ta’ Migranti, għandu, b’mod partikolari, jikkonsisti minn:

(a)l-appoġġ għall-identifikazzjoni, għall-monitoraġġ u għall-analiżi tan-networks kriminali involuti fil-faċilitazzjoni ta’ dħul klandestin ta’ migranti u fit-traffikar tal-bnedmin, inkluż il-mudelli tan-negozju, il-modi operandi u l-infrastruttura kriminali tagħhom;

(b)l-appoġġ għad-detezzjoni u għall-analiżi tad-dimensjoni diġitali tal-faċilitazzjoni ta’ dħul klandestin ta’ migranti u tat-traffikar tal-bnedmin, inkluż permezz ta’ analiżi minn sors miftuħ, kooperazzjoni ma’ fornituri tas-servizzi online u networks ta’ prattikanti speċjalizzati;

(c)l-appoġġ għad-detezzjoni, għall-analiżi u għat-tfixkil ta’ flussi finanzjarji illeċiti, assi kriminali u infrastruttura finanzjarja li jintużaw min-networks tal-faċilitazzjoni ta’ dħul klandestin ta’ migranti u tat-traffikar tal-bnedmin, f’kooperazzjoni mill-qrib maċ-Ċentru Ewropew għall-Kriminalità Finanzjarja u Ekonomika;

(d)l-appoġġ għall-kooperazzjoni u għall-koordinazzjoni operazzjonali mal-Istati Membri, mal-Frontex, mal-Eurojust, ma’ korpi, uffiċċji u aġenziji rilevanti oħra tal-Unjoni, ma’ pajjiżi terzi u ma’ sħab internazzjonali f’materji relatati mal-faċilitazzjoni ta’ dħul klandestin ta’ migranti u t-traffikar tal-bnedmin.

Artikolu 18

Ċentru Ewropew għall-Ġlieda Kontra t-Terroriżmu

F’konformità mal-Artikolu 6(1), il-punt (d), l-appoġġ ipprovdut mill-Europol, b’mod partikolari permezz taċ-Ċentru Ewropew għall-Ġlieda Kontra t-Terroriżmu għandu, b’mod partikolari, jikkonsisti minn:

(a)l-indirizzar tad-disseminazzjoni ta’ kontenut terroristiku u estremist vjolenti online inkluż permezz ta’ kooperazzjoni mal-awtoritajiet kompetenti tal-Istati Membri fir-rigward ta’ ordnijiet ta’ tneħħija, f’konformità mal-Artikolu 14 tar-Regolament (UE) 2021/784, u billi jsiru riferimenti ta’ kontenut online lil fornituri ta’ servizzi online;

(b)l-appoġġ għall-investigazzjonijiet, inkluż permezz tad-detezzjoni u l-analiżi tal-flussi u tan-networks ta’ finanzjament tat-terroriżmu, tat-theddidiet relatati ma’ sustanzi u splussivi kimiċi, bijoloġiċi, radjoloġiċi u nukleari, tar-radikalizzazzjoni online u tal-użu ħażin ta’ pjattaformi online għal teknoloġiji terroristiċi u ġodda għal finijiet terroristiċi;

(c)l-appoġġ għar-rispons għall-kriżijiet u l-koordinazzjoni operazzjonali, inkluż f’sitwazzjonijiet ta’ kriżi online, permezz ta’ kapaċitajiet, għodod, strutturi ta’ koordinazzjoni konġunta u mekkaniżmi ta’ appoġġ iddedikati, inkluż permezz tal-mekkaniżmu għall-iskambju tal-informazzjoni msemmi fl-Artikolu 47;

(d)l-appoġġ għall-prevenzjoni tar-radikalizzazzjoni li twassal għat-terroriżmu bl-iffaċilitar tal-iskambju tal-informazzjoni, tal-intelligence kriminali u tal-prodotti analitiċi, bejn l-awtoritajiet kompetenti tal-Istati Membri u, meta jkun xieraq, ma’ korpi, uffiċċji u aġenziji rilevanti tal-Unjoni u ma’ partijiet privati.

Artikolu 19

Stabbiliment u governanza ta’ Ċentri tal-Unjoni addizzjonali ta’ għarfien espert speċjalizzat

1.Jistgħu jiġu stabbiliti Ċentri tal-Unjoni addizzjonali ta’ għarfien espert speċjalizzat fl-Europol, b’mod partikolari meta d-Direttur Eżekuttiv jidentifika ħtieġa għal kapaċitajiet speċjalizzati permanenti jew azzjoni kkoordinata fil-livell tal-Unjoni sabiex jitwettqu l-kompiti tal-Europol.

2.L-istabbiliment, l-adattament u, meta jkun xieraq, il-fużjoni u l-waqfien taċ-Ċentri addizzjonali għandhom jiġu deċiżi permezz ta’ atti delegati adottati f’konformità mal-Artikolu 139 filwaqt li jitqiesu, b’mod partikolari:

(a)l-iskala, il-kumplessità jew id-dimensjoni transfruntiera tat-theddidiet kriminali jew għas-sigurtà rilevanti u tar-reati kriminali relatati mal-forom ta’ kriminalità elenkati fl-Anness I meta tali reati jinvolvu dimensjoni ibrida;

(b)il-ħtiġijiet operazzjonali tal-Istati Membri u l-ħtieġa ta’ kapaċitajiet speċjalizzati permanenti fil-livell tal-Unjoni;

(c)il-ħtieġa li jiġu żgurati l-koerenza u l-komplementarjetà maċ-Ċentri eżistenti u ma’ oqfsa operazzjonali oħra tal-Unjoni;

(d)id-disponibbiltà tar-riżorsi fl-Europol.

3.L-Artikolu 13(2) sa (6) għandu japplika għaċ-Ċentri stabbiliti skont dan l-Artikolu.

Taqsima 3
Strumenti ta’ kooperazzjoni operazzjonali

Artikolu 20

Task forces operazzjonali

1.It-task forces operazzjonali jistgħu jiġu stabbiliti mill-awtoritajiet kompetenti tal-Istati Membri, bl-appoġġ tal-Europol, għall-fini li jiġu indirizzati t-theddidiet kriminali transfruntiera speċifiċi li jaqgħu fl-ambitu tal-kompetenza tal-Europol.

Task force operazzjonali tista’ tiġi stabbilita meta t-theddida kriminali kkonċernata tinvolvi żewġ Stati Membri jew iktar u, minħabba l-iskala, il-kumplessità jew id-dimensjoni transfruntiera tagħha, tkun teħtieġ azzjoni operazzjonali u investigattiva kkoordinata fil-livell tal-Unjoni.

2.L-Istati Membri li jipparteċipaw f’task force operazzjonali u l-Europol għandhom jiżguraw il-koerenza u, meta jkun possibbli, l-integrazzjoni mal-qafas tal-EMPACT.

3.L-Istati Membri li jistabbilixxu task force operazzjonali jistgħu jiddeċiedu li jistiednu lil Stati Membri oħra, u lill-pajjiżi terzi msemmija fil-Kapitolu VII biex jipparteċipaw fit-task force operazzjonali jew jappoġġawha.

4.L-Europol għandha, bi ftehim mal-Istati Membri li jipparteċipaw f’task force operazzjonali, tappoġġa l-ippjanar, il-koordinazzjoni u l-implimentazzjoni tal-attivitajiet tal-intelligence operazzjonali u kriminali mwettqa fil-qafas ta’ dik it-task force.

L-Europol għandha tqiegħed għad-dispożizzjoni l-appoġġ operazzjonali u finanzjarju rilevanti.

5.L-Istati Membri li jipparteċipaw f’task force operazzjonali għandhom, f’konformità mad-dritt nazzjonali:

(a)jiżguraw l-iskambju kontinwu u strutturat tal-informazzjoni rilevanti kollha mal-Europol u mal-Istati Membri parteċipanti l-oħra fil-pront, permezz tal-Applikazzjoni ta’ Network għall-Iskambju Sigur tal-Informazzjoni (SIENA), u, meta jkun xieraq, jiżguraw li tali informazzjoni ssir disponibbli għal aċċess dirett f’konformità mal-Artikoli 39, 40 u 41;

(b)jużaw b’mod effettiv l-appoġġ operazzjonali u finanzjarju pprovdut mill-Europol;

(c)iwettqu, meta jkun meħtieġ u f’konformità mad-dritt nazzjonali, attivitajiet u investigazzjonijiet ikkoordinati ta’ intelligence kriminali biex jindirizzaw it-theddidiet kriminali kkonċernati;

(d)jibdew investigazzjonijiet finanzjarji paralleli biex jidentifikaw, jiffriżaw u jissekwestraw l-assi kriminali;

(e)    jimmobilizzaw, meta jkun rilevanti, uffiċjali ta’ kollegament skjerati f’pajjiżi terzi meta l-attivitajiet kriminali jiġu investigati fil-kuntest tat-task force operazzjonali biex itejbu l-kooperazzjoni u l-kondiviżjoni tal-informazzjoni u jipprovdu lill-Europol bl-informazzjoni miksuba.

6.Id-Direttur Eżekuttiv għandu jipproponi lill-awtoritajiet kompetenti tal-Istati Membri kkonċernati permezz tal-unità nazzjonali tal-Europol l-istabbiliment ta’ task force operazzjonali meta, abbażi ta’ kriterji oġġettivi, tali task force tipprovdi valur miżjud fl-indirizzar ta’ theddida kriminali transfruntiera speċifika li taqa’ fl-ambitu tal-kompetenza tal-Europol u twieġeb għall-ħtiġijiet operazzjonali identifikati.

7.Il-Bord tat-Tmexxija għandu jadotta regoli ta’ implimentazzjoni għall-istabbiliment u għall-implimentazzjoni ta’ task forces operazzjonali, inkluż is-salvagwardji meħtieġa għall-parteċipazzjoni ta’ pajjiżi terzi.

8.L-Europol għandha, flimkien mal-Istati Membri li jipparteċipaw f’task force operazzjonali, tivvaluta fl-istadji kollha tal-attivitajiet operazzjonali jekk l-istabbiliment ta’ skwadra ta’ investigazzjoni konġunta f’konformità mal-Artikolu 21 huwiex meħtieġ biex tiġi appoġġata l-azzjoni kkoordinata u sostnuta fil-livell tal-Unjoni.

Artikolu 21

Parteċipazzjoni fi skwadri ta’ investigazzjoni konġunta

1.L-Europol tista’ tipparteċipa fl-attivitajiet ta’ skwadri ta’ investigazzjoni konġunta, inkluż dawk stabbiliti f’konformità mad-Deċiżjoni Kwadru tal-Kunsill 2002/465/ĠAI 65 u l-Konvenzjoni stabbilita mill-Kunsill f’konformità mal-Artikolu 34 TUE, dwar Assistenza Reċiproka f’Materji Kriminali bejn l-Istati Membri tal-Unjoni Ewropea 66 , li jittrattaw forom ta’ kriminalità li jaqgħu fl-ambitu tal-kompetenza tal-Europol. Il-ftehim li jistabbilixxi skwadra ta’ investigazzjoni konġunta għandu jiddetermina l-kundizzjonijiet relatati mal-parteċipazzjoni tal-Europol fl-iskwadra u għandu jinkludi l-informazzjoni rigward ir-regoli dwar ir-responsabbiltà.

2.L-Europol tista’, fil-limiti tal-liġijiet tal-Istati Membri li fihom tkun qiegħda topera skwadra ta’ investigazzjoni konġunta, tassisti fl-attivitajiet u fl-iskambji ta’ informazzjoni kollha mal-membri kollha tal-iskwadra ta’ investigazzjoni konġunta.

3.Meta tipparteċipa fi skwadra ta’ investigazzjoni konġunta, l-Europol tista’, f'konformità ma’ dan ir-Regolament, tipprovdi lill-membri kollha tal-iskwadra bl-informazzjoni meħtieġa pproċessata mill-Europol għall-finijiet stabbiliti fl-Artikolu 32(2). L-Europol għandha fl-istess ħin tinforma lill-unitajiet nazzjonali tal-Europol tal-Istati Membri rrappreżentati fl-iskwadra, kif ukoll dawk tal-Istati Membri li pprovdew l-informazzjoni.

4.Skont il-kundizzjonijiet stabbiliti f’dan ir-Regolament, l-Europol tista’ tipproċessa, għall-finijiet stabbiliti fl-Artikolu 32(2), l-informazzjoni miksuba waqt il-parteċipazzjoni fi skwadra ta’ investigazzjoni konġunta bil-kunsens tal-Istat Membru li pprovda l-informazzjoni.

5.Meta l-Europol ikollha sabiex temmen li l-istabbiliment ta’ skwadra ta’ investigazzjoni konġunta jżid il-valur ta’ investigazzjoni, tista’ tipproponi dan lill-Istati Membri kkonċernati u tieħu miżuri biex tassistihom fl-istabbiliment ta’ skwadra ta’ investigazzjoni konġunta.

6.Fuq talba li ssir lill-awtorità kompetenti ta’ Stat Membru abbażi tal-parir tal-Eurojust skont l-Artikolu 27(1) tar-Regolament (UE) .../... [proposta għal Regolament dwar l-Eurojust], l-Europol għandha, fil-limiti tal-kompetenza tagħha, tipparteċipa fl-iskwadra ta’ investigazzjoni konġunta kkonċernata, sakemm ma tipprovdix raġunijiet debitament ġustifikati biex ma tagħmilx dan.

Artikolu 22

Skjeramenti tal-Europol

1.Stat Membru jista’ jitlob, f’konformità mad-dritt nazzjonali tiegħu, li l-iskjeramenti tal-Europol fit-territorju tiegħu jużaw l-appoġġ operazzjonali pprovdut mill-Europol.

2.L-iskjeramenti tal-Europol għal appoġġ operazzjonali għandhom isiru, b’mod partikolari, fil-kuntest ta’ investigazzjonijiet kumplessi jew fuq skala kbira jew attivitajiet tal-intelligence kriminali li jirrikjedu appoġġ ikkoordinat fil-livell tal-Unjoni. L-iskjeramenti tal-Europol jistgħu jinkludu l-parteċipazzjoni fi skwadri ta’ investigazzjoni konġunta stabbiliti f’konformità mal-Artikolu 21, f’task forces operazzjonali stabbiliti f’konformità mal-Artikolu 20, jew f’attivitajiet operazzjonali kkoordinati oħra.

L-iskjeramenti tal-Europol jistgħu jsiru wkoll biex jappoġġaw il-verifiki ma’ bażijiet tad-data rilevanti, inkluż fil-kuntest tat-tisħiħ tal-kontrolli fil-fruntieri esterni tal-Unjoni jew biex jappoġġaw l-attivitajiet ta’ ġestjoni tal-migrazzjoni f’konformità mar- Regolament (UE) 2019/1896 , jew biex jappoġġaw lill-Istati Membri f’avvenimenti internazzjonali ewlenin.

L-iskjeramenti tal-Europol għandhom isiru wkoll, b’mod partikolari, sabiex jiġu żgurati l-użu, l-integrazzjoni u l-iskjerament effettivi tas-servizzi, tal-għodod u tal-kapaċitajiet avvanzati tal-Europol fl-ambjenti operazzjonali tal-Istati Membri.

3.L-Europol għandha tivvaluta kwalunkwe talba li ssir minn Stat Membru skont il-paragrafu 1 u tista’ tawtorizza l-iskjerament tal-Europol, filwaqt li jitqiesu r-riżorsi disponibbli tal-Europol.

4.Wara l-awtorizzazzjoni ta’ skjerament tal-Europol skont il-paragrafu 3, l-Europol u l-Istat Membru kkonċernat għandhom jaqblu dwar il-modalitajiet tal-iskjerament tal-Europol.

5.Il-persunal tal-Europol u l-esperti nazzjonali sekondati skjerati fit-territorju tal-Istat Membru kkonċernat għandhom jaġixxu f’konformità ma’ dan ir-Regolament u mad-dritt nazzjonali tal-Istat Membru li fit-territorju tiegħu jseħħ l-iskjerament.

6.L-Istat Membru li fit-territorju tiegħu jseħħ l-iskjerament għandu, f’konformità mal-modalitajiet miftiehma skont il-paragrafu 4:

(a)jipprovdi lill-Europol bl-informazzjoni rilevanti kollha mingħajr dewmien żejjed u, meta jkun possibbli, jiffaċilita l-aċċess dirett għal tali informazzjoni għall-iskjeramenti tal-Europol, f’konformità mad-dritt nazzjonali;

(b)iħalli l-iskjeramenti tal-Europol ikunu preżenti matul l-eżekuzzjoni tal-miżuri investigattivi, f’konformità mad-dritt nazzjonali;

(c)jiffaċilita l-mobilizzazzjoni tal-għarfien espert speċjalizzat, inkluż l-għarfien espert analitiku, forensiku diġitali, tal-IT u tal-integrazzjoni tas-sistemi;

(d)jieħdu l-miżuri meħtieġa, f’konformità mad-dritt nazzjonali, biex jiżgura li l-outputs prodotti permezz tal-appoġġ operazzjonali pprovdut mill-iskjeramenti tal-Europol ikunu jistgħu jintużaw bħala evidenza fi proċedimenti investigattivi u ġudizzjarji nazzjonali, inkluż billi jiġi żgurat li tali outputs jiġu ġġenerati, iddokumentati u trażmessi b’mod kompatibbli mar-rekwiżiti tad-dritt nazzjonali.

7.Id-Direttur Eżekuttiv jista’ jipproponi lill-awtoritajiet kompetenti ta’ Stat Membru, permezz tal-uffiċċju ta’ appoġġ tal-Europol, skjerament tal-Europol meta jqis li tali skjerament jipprovdi valur miżjud fil-prevenzjoni ta’ forom ta’ kriminalità li jaqgħu fl-ambitu tal-kompetenza tal-Europol jew fil-ġlieda kontrihom.

8.Meta pajjiż terz, li miegħu l-Europol tkun stabbiliet relazzjonijiet kooperattivi skont dan ir-Regolament jew ir-Regolament (UE) 2018/1725, jitlob skjeramenti tal-Europol fit-territorju tiegħu skont dan l-Artikolu, għandhom japplikaw ir-rekwiżiti u l-proċedura stabbiliti fil-paragrafi 2, 3 u 4 ta’ dan l-Artikolu, f’konformità mar-regoli ta’ implimentazzjoni msemmija fil-paragrafu 9 ta’ dan l-Artikolu.

9.Fuq proposta mingħand id-Direttur Eżekuttiv, il-Bord tat-Tmexxija għandu jadotta regoli ta’ implimentazzjoni dwar it-tħejjija u l-implimentazzjoni tal-iskjeramenti tal-Europol.

Artikolu 23

Appoġġ tal-Europol għall-EMPACT

1.Għall-fini tal-appoġġ lill-Istati Membri fit-tisħiħ ulterjuri tal-EMPACT bħala qafas koerenti għall-prevenzjoni tat-theddidiet ikkawżati min-networks kriminali fil-livell tal-Unjoni u għall-ġlieda kontrihom, l-Europol għandha tipprovdi appoġġ amministrattiv, loġistiku, finanzjarju u operazzjonali għall-attivitajiet operazzjonali u strateġiċi mwettqa mill-Istati Membri u minn pajjiżi terzi, inkluż l-iskambju relatat tal-informazzjoni, kif ukoll lil pajjiżi terzi li jipparteċipaw f’tali attivitajiet.

F’dak ir-rigward, l-Europol għandha tikkomplementa l-funzjonijiet ta’ koordinazzjoni mwettqa fil-livell nazzjonali mill-unitajiet nazzjonali tal-Europol.

2.Għall-finijiet tal-paragrafu 1, l-Europol, permezz tat-Tim ta’ Appoġġ tal-EMPACT, għandha, b’mod partikolari:

(a)    tappoġġa l-iżvilupp u l-implimentazzjoni ta’ pjanijiet ta’ azzjoni operazzjonali biennali, inkluż billi tassisti fid-definizzjoni ta’ prijoritajiet, miri u riżultati tanġibbli operazzjonali;

(b)    tiffaċilita l-laqgħat tal-Koordinaturi Nazzjonali tal-EMPACT;

(c)    tappoġġa t-tħejjija u l-ġestjoni tal-pjanijiet ta’ azzjoni operazzjonali;

(d)    tappoġġa l-involviment ta’ pajjiżi terzi fl-EMPACT, b’mod partikolari l-pajjiżi kandidati u l-kandidati potenzjali tal-UE.

3.Fit-twettiq tal-appoġġ imsemmi fil-paragrafu 2, l-Europol għandha, permezz tat-Tim ta’ Appoġġ tal-EMPACT, tikkoopera mill-qrib mal-unitajiet nazzjonali tal-Europol, mal-Koordinaturi Nazzjonali tal-EMPACT, u ma’ korpi, uffiċċji u aġenziji rilevanti oħra tal-Unjoni involuti fl-EMPACT, u, meta jkun xieraq, ma’ pajjiżi terzi u sħab oħra f’konformità ma’ dan ir-Regolament.

Artikolu 24

Użu ta’ gruppi operazzjonali u tekniċi

1.L-Europol għandha tistabbilixxi u żżomm gruppi operazzjonali u tekniċi speċjalizzati magħmula minn esperti ddeżinjati mill-Istati Membri sabiex tiżgura d-disponibbiltà tal-għarfien espert speċjalizzat ħafna meħtieġ għat-twettiq tal-kompiti tal-Europol u biex tappoġġa lill-Istati Membri.

2.L-Istati Membri għandhom jiddeżinjaw esperti għall-inklużjoni fil-gruppi operazzjonali u tekniċi speċjalizzati msemmija fil-paragrafu 1, f’konformità mar-rekwiżiti tal-profili u tal-parteċipazzjoni ddeterminati mill-Bord tat-Tmexxija, sabiex tiġi żgurata d-disponibbiltà tal-għarfien espert speċjalizzat. Id-deżinjazzjoni ta’ espert fi grupp ma għandhiex taffettwa r-relazzjoni tal-impjieg bejn dak l-espert u l-awtorità kompetenti tal-Istat Membru kkonċernat.

3.L-esperti li jipparteċipaw fil-gruppi jistgħu, bi ftehim mal-awtorità kompetenti tal-Istat Membru kkonċernat, jiġu sekondati mal-Europol.

4.L-Europol tista’ tipprovdi appoġġ finanzjarju lill-Istati Membri b’rabta mat-taħriġ u s-sekondar ta’ esperti li jipparteċipaw fil-gruppi.

5.Fuq proposta mingħand id-Direttur Eżekuttiv, il-Bord tat-Tmexxija għandu jadotta regoli ta’ implimentazzjoni dwar l-operat tal-gruppi, inkluż il-modalitajiet għas-sekondar tal-esperti, l-organizzazzjoni tat-taħriġ, u l-għoti ta’ appoġġ finanzjarju msemmi fil-paragrafu 4.

Taqsima 4
Strutturi nazzjonali għall-kooperazzjoni operazzjonali

Artikolu 25

Unitajiet nazzjonali tal-Europol

1.L-Istati Membri u l-Europol għandhom jikkooperaw ma’ xulxin fit-twettiq tal-kompiti rispettivi tagħhom stabbiliti f’dan ir-Regolament.

2.Kull Stat Membru għandu jistabbilixxi jew jiddeżinja unità nazzjonali tal-Europol.

L-unità nazzjonali tal-Europol għandha tkun il-korp ta’ kollegament u l-punt ta’ koordinazzjoni ċentrali bejn l-Europol u l-awtoritajiet kompetenti tal-Istati Membri. Kull Stat Membru għandu jiżgura li l-unità nazzjonali tal-Europol tiegħu tkun kapaċi twettaq il-kompiti assenjati lilha skont dan ir-Regolament, u b’mod partikolari, li jkollha aċċess għad-data tal-infurzar tal-liġi nazzjonali u għal data rilevanti oħra meħtieġa għall-kooperazzjoni mal-Europol.

3.L-unitajiet nazzjonali tal-Europol għandhom jiżguraw il-koordinazzjoni strateġika fil-livell nazzjonali tal-awtoritajiet kompetenti tal-Istati Membri li l-attivitajiet tagħhom jaqgħu fl-ambitu tal-kompetenza tal-Europol, għall-finijiet ta’ kooperazzjoni mal-Europol.

Għal dik il-fini, l-unitajiet nazzjonali tal-Europol għandhom, b’mod partikolari:

(a)jidentifikaw, jikkonsolidaw u jikkomunikaw il-prijoritajiet operazzjonali u l-ħtiġijiet ta’ kapaċitajiet tal-awtoritajiet kompetenti tal-Istat Membru lill-Europol, inkluż fil-kuntest tal-Qafas imsemmi fl-Artikolu 57;

(b)jikkoordinaw il-kontributi nazzjonali għall-attivitajiet strateġiċi u analitiċi tal-Europol;

(c)jappoġġaw l-allinjament tal-prijoritajiet nazzjonali mal-prijoritajiet tal-Unjoni għall-prevenzjoni tal-forom ta’ kriminalità li jaqgħu fl-ambitu tal-kompetenza tal-Europol u għall-ġlieda kontrihom.

4.Il-kapijiet tal-unitajiet nazzjonali tal-Europol għandhom jiltaqgħu fuq bażi regolari biex jikkoordinaw il-prijoritajiet strateġiċi għall-kooperazzjoni mal-Europol u biex jidentifikaw il-prijoritajiet operazzjonali u l-ħtiġijiet ta’ kapaċitajiet komuni.

5.L-unitajiet nazzjonali tal-Europol għandhom jiffaċilitaw l-iskambju tal-informazzjoni bejn l-Europol u l-awtoritajiet kompetenti tal-Istati Membri tagħhom. Għal dik il-fini, l-unitajiet nazzjonali tal-Europol għandhom:

(a)jirċievu mingħand l-Europol kwalunkwe informazzjoni skambjata matul il-kuntatti diretti bejn l-Europol u l-awtoritajiet kompetenti tal-Istati Membri tagħhom, sakemm l-unità nazzjonali tal-Europol ma tindikax li ma għandhiex bżonn tirċievi tali informazzjoni;

(b)ikollhom aċċess għad-data tal-infurzar tal-liġi nazzjonali u għal data rilevanti oħra meħtieġa għall-kooperazzjoni mal-Europol;

(c)jikkontribwixxu għat-twettiq tal-kompiti assenjati lill-awtoritajiet kompetenti tal-Istati Membri fir-rigward tal-obbligi tagħhom dwar l-iskambju tal-informazzjoni mal-Europol, f’konformità mal-Kapitolu III.

6.L-unità nazzjonali tal-Europol għandha tiżgura l-użu xieraq mill-Istati Membri tal-appoġġ operazzjonali tal-Europol, inkluż billi tiffaċilita l-integrazzjoni tal-appoġġ u tal-għodod tal-Europol f’investigazzjonijiet nazzjonali u l-parteċipazzjoni tal-awtoritajiet kompetenti tal-Istat Membru f’attivitajiet operazzjonali kkoordinati, organizzati jew appoġġati mill-Europol, inkluż task forces operazzjonali u skjeramenti tal-Europol.

Għall-finijiet imsemmija fl-ewwel subparagrafu, l-unità nazzjonali tal-Europol għandha tinkludi uffiċċju ta’ appoġġ tal-Europol, stabbilit f’konformità mal-Artikolu 26.

7.L-unitajiet nazzjonali tal-Europol għandhom jiżguraw il-koordinazzjoni fil-livell nazzjonali tal-attivitajiet imwettqa fil-qafas tal-EMPACT, inkluż billi jappoġġaw lill-Koordinatur Nazzjonali tal-EMPACT fl-ippjanar u fl-implimentazzjoni tal-attivitajiet tal-EMPACT u jiffaċilitaw l-involviment tal-awtoritajiet kompetenti tal-Istat Membru.

Għall-finijiet imsemmija fl-ewwel subparagrafu, l-unità nazzjonali tal-Europol għandha tinkludi tim ta’ appoġġ tal-EMPACT.

Kull Stat Membru li jistabbilixxi jew li jipparteċipa f’azzjoni operazzjonali tal-EMPACT appoġġata mill-Europol għandu, kull meta jkun fattibbli, juża s-SIENA biex jipprovdi l-informazzjoni rilevanti kollha mingħajr dewmien lill-Europol u lil Stati Membri oħra.

8.Il-kostijiet imġarrba mill-unitajiet nazzjonali fil-komunikazzjonijiet mal-Europol għandhom jiġġarrbu mill-Istati Membri u, bl-eċċezzjoni tal-kostijiet tal-konnessjoni, ma għandhomx jiġu imposti fuq l-Europol.

L-Europol għandha tappoġġa l-funzjonament u l-kapaċità tal-unitajiet nazzjonali tal-Europol, inkluż il-funzjonijiet ta’ appoġġ tagħhom.

Tali appoġġ għandu jinkludi kontribuzzjonijiet finanzjarji lill-unitajiet nazzjonali tal-Europol, previsti f’konformità mar-regoli adottati skont l-Artikolu 124.

Artikolu 26

Uffiċċji ta’ appoġġ tal-Europol

1.L-Istati Membri għandhom jistabbilixxu uffiċċju ta’ appoġġ tal-Europol fl-unità nazzjonali tal-Europol sabiex jiżguraw l-użu xieraq mill-Istati Membri tal-appoġġ tal-Europol.

2.L-uffiċċji ta’ appoġġ tal-Europol għandhom, kif xieraq:

(a)jiffaċilitaw l-użu u l-integrazzjoni tal-appoġġ operazzjonali, il-prodotti analitiċi u l-għarfien espert tal-Europol mill-awtoritajiet kompetenti tal-Istat Membru;

(b)jappoġġaw it-tħejjija, it-tmexxija u s-segwitu tal-attivitajiet operazzjonali appoġġati mill-Europol, inkluż it-task forces operazzjonali u l-iskjeramenti tal-Europol;

(c)jiffaċilitaw il-mobilizzazzjoni tal-kapaċitajiet speċjalizzati għall-investigazzjonijiet fil-livell nazzjonali.

3.L-uffiċċji ta’ appoġġ tal-Europol għandhom ikunu magħmula minn persunal sekondat tal-Europol b’esperjenza preċedenti fl-awtoritajiet kompetenti tal-Istat Membru li fih ikun stabbilit l-uffiċċju ta’ appoġġ tal-Europol. Dak il-persunal għandu jopera taħt ir-responsabbiltà tal-Europol u tal-Istat Membru li fih ikun stabbilit l-uffiċċju ta’ appoġġ tal-Europol, f’konformità mar-regoli ta’ implimentazzjoni msemmija fil-paragrafu 4.

4.Fuq proposta mingħand id-Direttur Eżekuttiv, il-Bord tat-Tmexxija għandu jadotta regoli ta’ implimentazzjoni li jirregolaw l-istabbiliment, l-organizzazzjoni u l-funzjonament tal-uffiċċji ta’ appoġġ tal-Europol, inkluż ir-rekwiżiti minimi li jridu jiġu ssodisfati mill-persunal tal-Europol sekondat f’tali uffiċċji, l-arranġamenti li jirregolaw is-sekondar tagħhom u l-allokazzjoni tar-responsabbiltajiet bejn l-Europol u l-Istat Membru li fih ikun stabbilit l-uffiċċju ta’ appoġġ tal-Europol.

Artikolu 27

Uffiċjali ta’ kollegament

1.Kull unità nazzjonali tal-Europol għandha tiddeżinja mill-inqas uffiċjal ta’ kollegament wieħed biex jaħdem mal-Europol.

Għajr jekk ikun stabbilit mod ieħor f’dan ir-Regolament, l-uffiċjali ta’ kollegament għandhom ikunu soġġetti għad-dritt nazzjonali tal-Istat Membru tad-deżinjazzjoni.

2.L-uffiċjali ta’ kollegament għandhom jikkostitwixxu l-uffiċċji nazzjonali ta’ kollegament fl-Europol u għandhom jingħataw struzzjonijiet mill-unitajiet nazzjonali tagħhom fl-Europol biex jirrappreżentaw l-interessi tal-Istat Membru li jirrappreżentaw fl-Europol f’konformità mad-dritt nazzjonali tal-Istat Membru tad-deżinjazzjoni u d-dispożizzjonijiet applikabbli għall-amministrazzjoni tal-Europol.

3.L-uffiċjali ta’ kollegament għandhom jappoġġaw l-integrazzjoni effettiva tal-appoġġ tal-Europol fl-attivitajiet operazzjonali nazzjonali.

Għal dak l-għan, l-uffiċjali ta’ kollegament għandhom, f’koordinazzjoni mal-Europol, jikkontribwixxu għall-għoti ta’ appoġġ iddisinjat apposta għall-ħtiġijiet u għar-rekwiżiti operazzjonali tal-Istat Membru tagħhom.

4.L-uffiċjali ta’ kollegament għandhom jassistu fl-iskambju tal-informazzjoni bejn l-Europol u l-Istati Membri tagħhom.

5.L-uffiċjali ta’ kollegament għandhom, f’konformità mad-dritt nazzjonali, jassistu fl-iskambju tal-informazzjoni bejn l-Istati Membri u l-uffiċjali ta’ kollegament ta’ Stati Membri oħra, tal-pajjiżi terzi u tal-organizzazzjonijiet internazzjonali.

L-infrastruttura tal-Europol tista’ tintuża, f’konformità mad-dritt nazzjonali, biex tali skambji bilaterali jkopru wkoll forom ta’ kriminalità li ma jaqgħux fl-ambitu tal-kompetenza tal-Europol. Tali skambji tal-informazzjoni kollha għandhom isiru f’konformità mad-dritt tal-Unjoni u mad-dritt nazzjonali applikabbli.

6.Permezz tal-iskambju tal-informazzjoni msemmi fil-paragrafu 5, l-uffiċjali ta’ kollegament għandhom jappoġġaw l-identifikazzjoni ta’ rabtiet operazzjonali u l-koordinazzjoni ta’ risponsi operazzjonali u investigattivi transfruntiera, f’kooperazzjoni mill-qrib mas-Servizz Operazzjonali u ta’ Analiżi.

7.Il-Bord tat-Tmexxija għandu jiddetermina d-drittijiet u l-obbligi tal-uffiċjali ta’ kollegament fir-rigward tal-Europol. L-uffiċjali ta’ kollegament għandhom igawdu l-privileġġi u l-immunitajiet meħtieġa għat-twettiq tal-kompiti tagħhom f’konformità mal-Artikolu 125(2).

8.L-Europol għandha tiżgura li l-uffiċjali ta’ kollegament ikunu informati bis-sħiħ dwar l-attivitajiet kollha tagħha u assoċjati magħha, sa fejn ikun meħtieġ għat-twettiq tal-kompiti tagħhom.

9.L-Europol għandha tkopri l-kostijiet biex l-Istati Membri jkollhom il-bini meħtieġ fil-kwartieri ġenerali tal-Europol u biex tagħti appoġġ adegwat lill-uffiċjali ta’ kollegament biex iwettqu dmirijiethom. Il-kostijiet l-oħra kollha li jfeġġu b’rabta mad-deżinjazzjoni tal-uffiċjali ta’ kollegament għandhom jiġġarrbu mill-Istat Membru tad-deżinjazzjoni, inkluż il-kostijiet tat-tagħmir għall-uffiċjali ta’ kollegament.

Kapitolu III
Ġestjoni tal-informazzjoni

Taqsima 1
Regoli orizzontali dwar l-ipproċessar tad-data

Artikolu 28

Sorsi ta’ informazzjoni

1.L-Europol għandha tipproċessa biss l-informazzjoni li tkun ingħatat lilha:

(a)mill-Istati Membri f’konformità mad-dritt nazzjonali tagħhom u l-Artikolu 29;

(b)minn istituzzjonijiet, korpi, missjonijiet, uffiċċji u aġenziji tal-Unjoni, pajjiżi terzi u organizzazzjonijiet internazzjonali;

(c)minn partijiet privati u persuni fiżiċi.

2.L-Europol tista’ tikseb direttament u tipproċessa l-informazzjoni, inkluż id-data personali, minn sorsi disponibbli pubblikament, inkluż l-internet u d-data pubblika.

3.Sa fejn l-Europol tkun intitolata skont l-istrumenti legali tal-Unjoni, internazzjonali jew nazzjonali biex tikseb aċċess għad-data minn sistemi tal-informazzjoni tal-Unjoni, jew dawk internazzjonali jew nazzjonali, hija tista’ tikseb u tipproċessa l-informazzjoni, inkluż id-data personali, b’tali mezzi jekk u sa fejn dan ikun meħtieġ għat-twettiq tal-kompiti tagħha. Id-dispożizzjonijiet applikabbli ta’ tali strumenti legali tal-Unjoni, internazzjonali jew nazzjonali għandhom jirregolaw l-aċċess għal dik l-informazzjoni u l-użu tagħha mill-Europol, sa fejn dawn jipprevedu regoli iktar stretti dwar l-aċċess u l-użu minn dawk stabbiliti b’dan ir-Regolament. L-aċċess għal tali sistemi tal-informazzjoni għandu jingħata biss lill-persunal debitament awtorizzat u biss sa fejn dan ikun meħtieġ u proporzjonat għat-twettiq tal-kompiti tiegħu.

Artikolu 29

Għoti tal-informazzjoni mill-Istati Membri

1.L-Istati Membri għandhom jipprovdu lill-Europol l-informazzjoni meħtieġa fil-pront biex twettaq il-kompiti tagħha.

2.L-Istati Membri għandhom jiżguraw il-parteċipazzjoni effettiva tal-awtoritajiet kompetenti tal-Istati Membri fl-oqfsa għall-iskambju tal-informazzjoni u għall-ġestjoni tad-data operazzjonali stabbiliti skont dan ir-Regolament u għandhom, meta jkun xieraq, jiffaċilitaw l-għoti strutturat, awtomatizzat u interoperabbli tal-informazzjoni lill-Europol f’konformità mad-dritt applikabbli tal-Unjoni u dak nazzjonali.

3.L-uffiċjali għall-komunikazzjoni dwar l-immigrazzjoni ddeżinjati mill-awtoritajiet kompetenti tal-Istati Membri għandhom jipprovdu lill-Europol b’informazzjoni rilevanti permezz tal-oqfsa għall-iskambju tal-informazzjoni stabbiliti skont dan ir-Regolament, bl-użu tas-SIENA. Meta dan ma jkunx possibbli minħabba raġunijiet legali, organizzazzjonali jew tekniċi, l-Istati Membri għandhom jiżguraw li l-informazzjoni rilevanti tiġi trażmessa lill-Europol permezz ta’ kanali siguri oħra mill-awtoritajiet kompetenti tal-Istati Membri kkonċernati.

4.F’konformità mal-Artikolu 107, l-unità nazzjonali tal-Europol u l-awtoritajiet kompetenti tal-Istat Membru kkonċernat għandhom ikunu responsabbli biex jiżguraw il-konformità mad-dritt nazzjonali meta jipprovdu informazzjoni lill-Europol, u biex jiżguraw, sa fejn ikun possibbli, il-kompletezza, l-akkuratezza u t-tempestività ta’ tali informazzjoni.

5.Mingħajr ma jiġi affettwat l-eżerċitar mill-Istati Membri tar-responsabbiltajiet tagħhom fir-rigward taż-żamma tal-liġi u tal-ordni u s-salvagwardja tas-sigurtà interna, l-Istati Membri jistgħu jirrifjutaw li jipprovdu l-informazzjoni abbażi ta’ waħda jew iktar mir-raġunijiet li ġejjin:

(a)l-għoti tal-informazzjoni jmur kontra l-interessi essenzjali tas-sigurtà tal-Istat Membru kkonċernat;

(b)l-għoti tal-informazzjoni jipperikola s-suċċess ta’ investigazzjoni li tkun għaddejja jew is-sigurtà ta’ individwu;

(c)l-għoti tal-informazzjoni jiddivulga informazzjoni marbuta ma’ organizzazzjonijiet jew ma’ attivitajiet tal-intelligence speċifiċi fil-qasam tas-sigurtà nazzjonali.

L-Istati Membri għandhom jipprovdu l-informazzjoni malli r-raġunijiet imsemmija fl-ewwel subparagrafu, il-punti (a), (b) jew (c), ma jibqgħux jeżistu.

6.L-Europol għandha tfassal rapport annwali dwar l-informazzjoni pprovduta minn kull Stat Membru skont dan l-Artikolu abbażi ta’ kriterji kwantitattivi u kwalitattivi definiti mill-Bord tat-Tmexxija. Il-valutazzjoni għandha tiġi trażmessa lill-Parlament Ewropew, lill-Kunsill, lill-Kummissjoni u lill-parlamenti nazzjonali.

Artikolu 30

Ir-rwol tal-Europol b’rabta mas-Sistema ta’ Informazzjoni ta’ Schengen

1.L-Europol għandha, permezz tal-Uffiċċju SIRENE, tiżgura l-iskambju u d-disponibbiltà ta’ informazzjoni supplimentari, f’konformità mar-Regolamenti (UE) 2018/1860 67 , (UE) 2018/1861 68 u (UE) 2018/1862 69 tal-Parlament Ewropew u tal-Kunsill.

2.L-Europol għandha tappoġġa lill-Istati Membri, fuq talba tal-Istat Membru li joħroġ l-allerti, billi tiffaċilita l-kontroverifika u l-analiżi tad-data dwar l-allerti u tal-informazzjoni supplimentari mal-informazzjoni maħżuna fl-Europol, b’mod partikolari sabiex jiġu lokalizzati l-persuni soġġetti għal allert.

3.L-Europol għandha, fuq talba, tibgħat lill-Istati Membri l-informazzjoni li tirċievi f’konformità mal-Artikolu 35(8) tar-Regolament (UE) 2018/1861 u f’konformità mal-Artikolu 48(8) tar-Regolament (UE) 2018/1862 bl-iskambju ta’ informazzjoni supplimentari, soġġett għal restrizzjonijiet għall-ipproċessar tal-informazzjoni kif indikat mill-Istat Membru li joħroġ l-allert.

4.L-Europol għandha tappoġġa lill-Istati Membri fl-ipproċessar tad-data pprovduta minn pajjiżi terzi jew minn organizzazzjonijiet internazzjonali lill-Europol dwar persuni involuti fit-terroriżmu jew fil-kriminalità serja.

Għal tali data, l-Europol għandha tipproponi lill-Istati Membri li l-allerti ta’ informazzjoni dwar ċittadini ta’ pajjiżi terzi fl-interess tal-Unjoni (“allerti ta’ informazzjoni”) jiddaħħlu fis-Sistema ta’ Informazzjoni ta’ Schengen (SIS), f’konformità mal-Artikolu 37a tar-Regolament (UE) 2018/1862. 

5.L-Istati Membri għandhom jinformaw lill-Europol bi kwalunkwe allert ta’ informazzjoni mdaħħal fis-SIS u bi kwalunkwe hit dwar tali allerti ta’ informazzjoni, u jistgħu jinformaw, permezz tal-Europol, lill-pajjiż terz jew l-organizzazzjoni internazzjonali li tkun ipprovdiet id-data li wasslet għad-dħul tal-allert ta’ informazzjoni dwar hits rigward tali allert ta’ informazzjoni, f’konformità mal-proċedura stabbilita fir-Regolament (UE) 2018/1862.

L-Europol tista’ tittrażmetti lill-Istati Membri kkonċernati l-informazzjoni relatata ma’ hits għall-finijiet ta’ koordinazzjoni operazzjonali, kontroverifika u appoġġ investigattiv, f’konformità mal-Kapitolu III ta’ dan ir-Regolament.

Artikolu 31

Ir-rwol tal-Europol b’rabta mas-Sistema ta’ informazzjoni dwar il-viża u s-Sistema Ewropea ta’ informazzjoni u ta’ awtorizzazzjoni għall-ivvjaġġar

1.L-Europol għandha tieħu l-miżuri xierqa kollha biex tippermetti lill-awtoritajiet iddeżinjati tal-VIS, għall-finijiet tar-Regolament (KE) Nru 767/2008 tal-Parlament Ewropew u tal-Kunsill 70 , ikollhom aċċess indirett abbażi ta’ sistema ta’ hit/no hit għad-data pprovduta għall-finijiet tal-Artikolu 32(2), il-punt (a) ta’ dan ir-Regolament, mingħajr ma tiġi affettwata l-ebda restrizzjoni indikata mill-fornitur tal-informazzjoni f’konformità mal-Artikolu 33(2).

2.F’każ ta’ hit skont il-paragrafu 1, l-Europol għandha tibda l-proċedura li biha l-informazzjoni li ġġenerat il-hit tkun tista’ tiġi kondiviża, f’konformità mad-deċiżjoni tal-fornitur tal-informazzjoni lill-Europol, u sal-punt biss li d-data li tiġġenera l-hit tkun meħtieġa għat-twettiq tal-kompiti tal-awtoritajiet iddeżinjati tal-VIS relatati mas-Sistema ta’ Informazzjoni dwar il-Viża.

3.L-Europol għandha twettaq ġestjoni tal-lista ta’ sorveljanza tal-ETIAS f’konformità mal-Artikoli 34 u 35 tar-Regolament (UE) 2018/1240 tal-Parlament Ewropew u tal-Kunsill 71 .

4.L-Europol tista’ ddaħħal data fil-lista ta’ sorveljanza tal-ETIAS relatata ma’ reati terroristiċi jew reati kriminali serji oħra miksuba mill-Europol, mingħajr preġudizzju għall-kundizzjonijiet li jirregolaw il-kooperazzjoni internazzjonali tal-Europol.

5.L-Europol għandha tipprovdi opinjoni motivata wara talba għal konsultazzjoni msemmija fi:

(a)l-Artikolu 29 tar-Regolament (UE) 2018/1240;

(b)l-Artikolu 9e(4) tar-Regolament (KE) Nru 767/2008;

(c)l-Artikolu 9g(4) tar-Regolament (KE) Nru 767/2008;

(d)l-Artikolu 22b(14) u (16) tar-Regolament (KE) Nru 767/2008.

Għall-finijiet tal-punt (a), l-Europol tista’ toħroġ opinjoni motivata pożittiva jew negattiva. L-Europol għandha tibgħat, permezz tas-SIENA, rapport li jappoġġa dik l-opinjoni lill-unità nazzjonali tal-Europol tal-Istat Membru responsabbli għall-fajl tal-applikazzjoni tal-ETIAS. L-Unità Nazzjonali tal-Europol għandha tqiegħed dak ir-rapport għad-dispożizzjoni tal-Unità Nazzjonali tal-ETIAS ikkonċernata għall-finijiet tal-valutazzjoni u tat-teħid ta’ deċiżjonijiet tagħha skont ir-Regolament (UE) 2018/1240.

6.Għall-fini tat-twettiq tal-kompitu msemmi fil-paragrafu 3, il-Bord tat-Tmexxija tal-Europol għandu, wara li jikkonsulta lill-Kontrollur Ewropew għall-Protezzjoni tad-Data, jadotta l-proċeduri msemmija fl-Artikolu 35 tar-Regolament (UE) 2018/1240.

7.L-Europol għandha tieħu l-miżuri xierqa kollha biex tippermetti lill-Aġenzija tal-Gwardja Ewropea tal-Fruntiera u tal-Kosta, skont il-mandat tagħha u għall-finijiet tar-Regolament (UE) 2018/1240, ikollha aċċess indirett abbażi ta’ sistema ta’ hit/no hit għad-data pprovduta għall-finijiet tal-Artikolu 32(2), il-punt (a), ta’ dan ir-Regolament, mingħajr ma tiġi affettwata xi restrizzjoni indikata mill-fornitur tal-informazzjoni inkwistjoni, f’konformità mal-Artikolu 33(2) ta’ dan ir-Regolament.

8.F’każ ta’ hit, l-Europol għandha tibda l-proċedura li biha l-informazzjoni li ġġenerat il-hit tkun tista’ tiġi kondiviża, f’konformità mad-deċiżjoni tal-fornitur tal-informazzjoni lill-Europol, u esklużivament sal-punt li d-data li tiġġenera l-hit tkun meħtieġa għat-twettiq tal-kompiti tal-Aġenzija Ewropea għall-Gwardja tal-Fruntiera u tal-Kosta relatati mal-ETIAS. Il-paragrafi 2 sa 6 ta’ dan l-Artikolu għandhom japplikaw kif xieraq.

Artikolu 32

Finijiet tal-attivitajiet tal-ipproċessar tal-informazzjoni

1.Sa fejn ikun meħtieġ għat-twettiq tal-kompiti tagħha, l-Europol tista’ tipproċessa l-informazzjoni, inkluż id-data personali.

2.Id-data personali tista’ tiġi pproċessata biss għal dawn il-finijiet:

(a)kontroverifika mmirata lejn l-identifikazzjoni ta’ konnessjonijiet jew rabtiet rilevanti oħra ma’ informazzjoni relatata ma’ reat kriminali li l-Europol tkun kompetenti għalih;

(b)analiżijiet ta’ natura strateġika jew tematika;

(c)analiżijiet operazzjonali;

(d)iffaċilitar tal-iskambju tal-informazzjoni bejn l-Istati Membri, l-Europol, istituzzjonijiet, korpi, missjonijiet, uffiċċji u aġenziji oħra tal-Unjoni, pajjiżi terzi, organizzazzjonijiet internazzjonali u partijiet privati;

(e)proġetti rilevanti ta’ riċerka u innovazzjoni mwettqa skont il-Programm Qafas tal-Unjoni għar-Riċerka u l-Innovazzjoni;

(f)għoti ta’ appoġġ lill-Istati Membri, fuq talba tagħhom, sabiex jinformaw lill-pubbliku dwar persuni suspettati jew ikkundannati li jkunu mfittxija abbażi ta’ deċiżjoni ġudizzjarja nazzjonali relatata ma’ delitt li jaqa’ fl-ambitu tal-kompetenza tal-Europol, u ffaċilitar tal-għoti mill-pubbliku ta’ informazzjoni dwar dawk l-individwi lill-Istati Membri u lill-Europol;

(g)issir distinzjoni bejn id-data operazzjonali li hija relatata mal-kategoriji differenti tas-suġġetti tad-data elenkati fl-Anness II ta’ dan ir-Regolament, f’konformità mal-Artikolu 73 tar-Regolament (UE) 2018/1725.

3.L-ipproċessar għall-fini ta’ analiżijiet operazzjonali kif imsemmi fil-paragrafu 2, il-punt (c), għandu jitwettaq permezz ta’ proġetti ta’ analiżi operazzjonali, li fir-rigward tagħhom għandhom japplikaw is-salvagwardji speċifiċi tal-protezzjoni tad-data li ġejjin:

(a)għal kull proġett ta’ analiżi operazzjonali, id-Direttur Eżekuttiv għandu jiddefinixxi l-fini speċifiku, il-kategoriji tad-data personali u l-kategoriji tas-suġġetti tad-data, il-parteċipanti, id-durata tal-ħżin u l-kundizzjonijiet għall-aċċess, għat-trażmissjoni jew għat-trasferiment u għall-użu tad-data kkonċernata, u għandu jinforma lill-Bord tat-Tmexxija u lill-Kontrollur Ewropew għall-Protezzjoni tad-Data (EDPS) dwar dan;

(b)id-data personali tista’ tinġabar u tiġi pproċessata biss għall-fini tal-proġett speċifikat ta’ analiżi operazzjonali u tinħażen fl-Ambjent Analitiku tal-Europol imsemmi fl-Artikolu 40, filwaqt li jekk isir evidenti li d-data personali tista’ tkun rilevanti għal proġett ta’ analiżi operazzjonali ieħor, l-ipproċessar ulterjuri ta’ dik id-data personali għandu jkun permess biss sa fejn tali pproċessar ulterjuri jkun meħtieġ u proporzjonat u d-data personali tkun kompatibbli mal-kundizzjonijiet stabbiliti fil-punt (a) ta’ dan il-paragrafu li japplikaw għall-proġetti l-oħra ta’ analiżi;

(c)il-persunal awtorizzat biss jista’ jaċċessa u jipproċessa d-data tal-proġett rilevanti.

4.Meta jkun meħtieġ biex jintlaħqu l-objettivi tal-proġetti ta’ riċerka u innovazzjoni mwettqa mill-Europol, l-ipproċessar tad-data personali għal dik il-fini għandu jkun f’konformità mal-Artikolu 102.

5.L-ipproċessar imsemmi fil-paragrafi 2 u 3 għandu jitwettaq f’konformità mas-salvagwardji tal-protezzjoni tad-data previsti fir-Regolament (UE) 2018/1725 u f’dan ir-Regolament. L-Europol għandha tiddokumenta kif xieraq dawk l-operazzjonijiet tal-ipproċessar. Id-dokumentazzjoni għandha titqiegħed għad-dispożizzjoni, fuq talba, għall-Uffiċjal tal-Protezzjoni tad-Data u għall-EDPS għall-fini ta’ verifika tal-legalità tal-operazzjonijiet tal-ipproċessar.

6.F’konformità mal-Artikolu 73 tar-Regolament (UE) 2018/1725, l-Europol għandha, meta jkun applikabbli u sa fejn ikun possibbli, tagħmel distinzjoni ċara bejn id-data personali li tirrigwarda l-kategoriji differenti ta’ suġġetti tad-data elenkati fl-Anness II.

7.L-Europol tista’ tipproċessa biss data personali barra mill-kategoriji tas-suġġetti tad-data elenkati fl-Anness II meta tali pproċessar ikun rilevanti u meħtieġ għall-finijiet stabbiliti fil-paragrafu 2. Tali data personali għandha titħassar minnufih ladarba l-fini tal-ipproċessar tiġi ssodisfata.

8.Meta ma jkunx possibbli li ssir distinzjoni ċara bejn id-data personali li tirrigwarda l-kategoriji differenti tas-suġġetti tad-data elenkati fl-Anness II, jew meta l-Europol ikollha tipproċessa d-data personali barra mill-kategoriji tas-suġġetti tad-data elenkati fl-Anness II, l-Europol għandha tinforma lill-Uffiċjal tal-Protezzjoni tad-Data tagħha.

9.Id-data personali li ma tkunx relatata mal-kategoriji tas-suġġetti tad-data elenkati fl-Anness II għandha tinżamm funzjonalment separata minn data oħra meta jkun applikabbli u sa fejn ikun possibbli, u għandha fi kwalunkwe każ tiġi pproċessata biss meta jkun meħtieġ u proporzjonat għall-finijiet tal-paragrafu 2.

10.L-Europol tista’ temporanjament tipproċessa d-data għall-fini li tiddetermina jekk l-ipproċessar ta’ tali data huwiex rilevanti u meħtieġ biex l-Europol twettaq il-kompiti tagħha. Il-limitu ta’ żmien għall-ipproċessar ta’ tali data ma għandux jaqbeż 6 xhur minn meta tiġi riċevuta dik id-data.

11.Il-Bord tat-Tmexxija, wara li jikkonsulta lill-EDPS, għandu, kif ikun xieraq, jadotta linji gwida li jkomplu jispeċifikaw il-proċeduri għall-ipproċessar tal-informazzjoni għall-finijiet elenkati fil-paragrafu 2 ta’ dan l-Artikolu f’konformità mal-Artikolu 72(2), il-punt (t).

Artikolu 33

Determinazzjoni tal-fini tal-ipproċessar tal-informazzjoni mill-Europol u restrizzjonijiet fuqu

1.Stat Membru, istituzzjoni, korp, missjoni, uffiċċju jew aġenzija tal-Unjoni, pajjiż terz jew organizzazzjoni internazzjonali li jipprovdu informazzjoni lill-Europol, għandhom jiddeterminaw il-fini jew il-finijiet li għalih(om) dik l-informazzjoni trid tiġi pproċessata, f’konformità mal-Artikolu 32.

Meta fornitur tal-informazzjoni msemmi fl-ewwel subparagrafu ma jkunx ikkonforma ma’ dak is-subparagrafu, l-Europol, bi ftehim mal-fornitur tal-informazzjoni kkonċernata, għandha tipproċessa l-informazzjoni biex tiddetermina r-rilevanza ta’ tali informazzjoni u l-fini jew il-finijiet għall-ipproċessar ulterjuri tagħha.

L-Europol għandha tipproċessa l-informazzjoni għal fini differenti minn dik li għaliha ngħatat l-informazzjoni meta tkun awtorizzata li tagħmel dan mill-fornitur tal-informazzjoni biss.

L-informazzjoni pprovduta għall-finijiet imsemmija fl-Artikolu 32(2), il-punti (a) sa (d), tista’ tiġi pproċessata wkoll mill-Europol, f’konformità mal-Artikolu 102, għall-fini tal-Artikolu 32(2), il-punt (e).

2.L-Istati Membri, l-istituzzjonijiet, il-korpi, il-missjonijiet, l-uffiċċji u l-aġenziji tal-Unjoni, il-pajjiżi terzi u l-organizzazzjonijiet internazzjonali jistgħu jindikaw, fil-mument meta jipprovdu l-informazzjoni lill-Europol, kwalunkwe restrizzjoni fuq l-aċċess, f’termini ġenerali jew speċifiċi, inkluż fir-rigward l-użu, it-trasferiment, it-trażmissjoni, it-tħassir jew il-qerda tagħha. Meta l-ħtieġa għal tali restrizzjonijiet issir evidenti wara li tiġi pprovduta l-informazzjoni, huma għandhom jinformaw lill-Europol kif xieraq. L-Europol għandha tikkonforma ma’ tali restrizzjonijiet.

3.F’każijiet debitament ġustifikati, l-Europol tista’ tassenja restrizzjonijiet fuq l-aċċess mill-Istati Membri, mill-istituzzjonijiet, mill-korpi, mill-missjonijiet, mill-uffiċċji u mill-aġenziji tal-Unjoni, mill-pajjiżi terzi u mill-organizzazzjonijiet internazzjonali b’rabta ma’ informazzjoni miksuba minn sorsi disponibbli pubblikament.

Artikolu 34

Dmir li jiġu nnotifikati l-Istati Membri

1.L-Europol għandha tinnotifika lil Stat Membru mingħajr dewmien dwar kwalunkwe informazzjoni li tikkonċernah. Jekk tali informazzjoni tkun soġġetta għal restrizzjonijiet fuq l-aċċess skont l-Artikolu 33(2), li jipprojbixxu li tiġi kondiviża, l-Europol għandha tikkonsulta mal-fornitur tal-informazzjoni li jistipula r-restrizzjoni fuq l-aċċess u titlob l-awtorizzazzjoni tiegħu għall-kondiviżjoni.

F’tali każ, l-informazzjoni ma għandhiex tiġi kondiviża mingħajr awtorizzazzjoni espliċita mill-fornitur.

2.Irrispettivament minn kwalunkwe restrizzjoni fuq l-aċċess, l-Europol għandha tinnotifika lil Stat Membru dwar kwalunkwe informazzjoni li tikkonċernah meta dan ikun assolutament meħtieġ fl-interess tal-prevenzjoni ta’ theddida imminenti għall-ħajja.

F’tali każ, l-Europol għandha fl-istess ħin tinnotifika lill-fornitur tal-informazzjoni dwar il-kondiviżjoni tali informazzjoni u tiġġustifika l-analiżi tagħha tas-sitwazzjoni.

Taqsima 2
Servizzi u għodod tal-Europol

Artikolu 35

Ambjent tad-data tal-Europol

1.L-Europol għandha tiżviluppa u żżomm is-servizzi u l-għodod meħtieġa li jippermettulha twettaq il-kompiti tagħha skont dan ir-Regolament, u b’mod partikolari li tipproċessa l-informazzjoni f’konformità mat-Taqsima 1 ta’ dan il-Kapitolu.

2.Is-servizzi u l-għodod tal-Europol għandhom jikkonsistu f’komponenti tekniċi, infrastrutturi u funzjonalitajiet interoperabbli li jippermettu lill-Europol twettaq il-kompiti tagħha skont dan ir-Regolament.

3.L-Europol għandha tiżviluppa, b’mod partikolari:

(a)servizz ta’ kontroverifika, għall-finijiet tal-Artikolu 32(2), il-punt (a);

(b)ambjent tal-IT għall-finijiet tal-Artikolu 32(2);

(c)is-SIENA, bħala l-għodda sigura għall-iskambju tal-informazzjoni għall-finijiet tal-Artikolu 32(2), il-punt (d);

(d)spazju kondiviż ta’ data għall-analiżi operazzjonali konġunta kif imsemmi fl-Artikolu 42;

(e)pjattaforma li tiffaċilita l-kooperazzjoni u l-iskambju tal-informazzjoni mal-partijiet privati kif imsemmi fl-Artikolu 47.

Artikolu 36

Servizz ta’ kontroverifika tal-Europol

1.Is-servizz ta’ kontroverifika tal-Europol għandu jkun magħmul minn:

(a)infrastruttura għall-ħżin tal-informazzjoni;

(b)interfaċċa tat-tiftix, li tippermetti t-tfittxija u l-kisba ta’ kwalunkwe informazzjoni rilevanti;

(c)interfaċċa, li tippermetti li l-informazzjoni tittella’, tiġi aġġornata jew titħassar;

(d)infrastruttura tal-komunikazzjoni sigura bejn is-servizz ta’ kontroverifika u l-Istati Membri, u l-korpi, l-uffiċċji u l-aġenziji tal-Unjoni li jkunu intitolati jużaw is-servizz;

(e)infrastruttura tal-komunikazzjoni sigura bejn is-servizz ta’ kontroverifika u l-Portal Ewropew tat-Tfittxija stabbilit bl-Artikolu 6(2), il-punt (c), tar-Regolament (UE) 2019/818.

(f)L-Europol għandha tiżgura l-ġestjoni, is-sigurtà, id-disponibbiltà u l-integrità operazzjonali tas-servizz ta’ kontroverifika.

2.L-Istati Membri għandhom jiżguraw li s-sistemi ta’ ġestjoni tal-każijiet tal-punti uniċi ta’ kuntatt tagħhom, tal-unitajiet nazzjonali tal-Europol tagħhom u tal-awtoritajiet kompetenti tal-Istat Membru jkunu teknikament konnessi u interoperabbli mas-servizz ta’ kontroverifika tal-Europol.

3.Il-Kummissjoni għandha tadotta atti ta’ implimentazzjoni li jistabbilixxu l-proċeduri għad-definizzjoni tal-konnessjoni teknika bejn is-sistemi nazzjonali ta’ ġestjoni tal-każijiet u s-servizz ta’ kontroverifika u l-konnessjoni teknika bejn dak is-servizz u servizzi u għodod oħra tal-Europol. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 138(2).

4.Meta tiżviluppa u topera s-servizz ta’ kontroverifika tal-Europol u meta jkun xieraq, l-Europol għandha tuża l-komponenti u l-infrastrutturi teknoloġiċi eżistenti żviluppati u ġestiti mill-Aġenzija tal-Unjoni Ewropea għat-Tmexxija Operattiva ta’ Sistemi tal-IT fuq Skala Kbira fl-Ispazju ta’ Libertà, Sigurtà u Ġustizzja (eu-LISA).

L-Europol għandha tfittex sinerġiji fid-disinn u fl-arkitettura teknika tas-servizz ta’ kontroverifika, inkluż permezz tal-użu mill-ġdid tas-servizzi, infrastrutturi tal-komunikazzjoni u komponenti tas-software kondiviżi, meta dan ikun teknikament fattibbli u ma jaffettwax il-fini speċifiku, il-governanza jew ir-rekwiżiti tal-protezzjoni tad-data tas-servizz ta’ kontroverifika kif stabbilit f’dan ir-Regolament u fir- Regolament (UE) 2018/1726 .

Għall-finijiet ta’ tqabbil bijometriku, l-Europol għandha, meta jkun teknikament fattibbli, tuża mill-ġdid u tadatta t-teknoloġija li tirfed is-Servizz Kondiviż ta’ Tqabbil Bijometriku (sBMS), stabbilit fl-Artikolu 12 tar-Regolament (UE) 2019/818, żviluppat mill-eu-LISA.

Artikolu 37

Kontenut tad-data tas-servizz ta’ kontroverifika tal-Europol

1.Is-servizz ta’ kontroverifika tal-Europol għandu jkun fih biss data relatata ma’:

(a)persuni li, f’konformità mad-dritt nazzjonali tal-Istat Membru kkonċernat, ikunu suspettati li wettqu jew ħadu sehem f’reat kriminali li jaqa’ taħt il-kompetenza tal-Europol jew li ġew ikkundannati għal tali reat;

(b)persuni li fir-rigward tagħhom ikun hemm indikazzjonijiet fattwali jew raġunijiet raġonevoli skont id-dritt nazzjonali tal-Istat Membru kkonċernat biex wieħed jemmen li se jwettqu reati kriminali li jaqgħu taħt il-kompetenza tal-Europol;

(c)oġġetti identifikabbli użati f’reati kriminali jew marbuta magħhom, inkluż dokumenti, vetturi, armi u oġġetti rilevanti oħra.

2.Id-data relatata mal-persuni jew mal-oġġetti msemmija fil-paragrafu 1 tista’ tinkludi:

(a)data tal-identità, inkluż data bijografika u data bijometrika;

(b)data tal-intelligence kriminali;

(c)data operazzjonali, inkluż data dwar attivitajiet kriminali, investigazzjonijiet u konnessjonijiet bejn il-każijiet;

(d)data ta’ referenza, inkluż l-identifikaturi tal-każijiet nazzjonali u r-referenzi tar-rekords tal-pulizija;

(e)data relatata ma’ oġġetti li jintużaw f’reati kriminali jew marbuta magħhom, inkluż dokumenti, vetturi, armi u oġġetti rilevanti oħra.

3.F’konformità ma’ dan ir-Regolament, is-servizz ta’ kontroverifika tal-Europol jista’ jkun fih data mtella’ mill-entitajiet li ġejjin:

(a)l-unitajiet nazzjonali tal-Europol stabbiliti jew iddeżinjati skont l-Artikolu 25(2);

(b)l-awtoritajiet kompetenti tal-Istati Membri;

(c)l-Europol, inkluż data pprovduta minn pajjiżi terzi, istituzzjonijiet, korpi, uffiċċji u aġenziji tal-Unjoni, partijiet privati u organizzazzjonijiet internazzjonali.

4.Il-Kummissjoni għandha tadotta atti ta’ implimentazzjoni li jistabbilixxu l-proċeduri tekniċi għall-ħżin tad-data, inkluż il-formati tad-data, ir-rekwiżiti tal-kwalità tad-data u r-regoli għall-kontroverifika.

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 138(2).

Artikolu 38

Tlugħ tad-data fis-servizz ta’ kontroverifika tal-Europol

1.L-Istati Membri għandhom jiżguraw li l-unitajiet nazzjonali tal-Europol tagħhom u l-awtoritajiet kompetenti tal-Istat Membru, sistematikament u mingħajr dewmien żejjed, itellgħu fis-servizz ta’ kontroverifika tal-Europol kwalunkwe data li:

(a)tkun relatata ma’ forom ta’ kriminalità li jaqgħu fl-ambitu tal-kompetenza tal-Europol;

(b)tkun rilevanti għall-kooperazzjoni transfruntiera jew meta jkun hemm indikazzjonijiet fattwali ta’ rabta possibbli ma’ Stati Membri jew ma’ pajjiżi terzi oħra.

2.B’deroga mill-paragrafu 1, l-awtoritajiet kompetenti tal-Istati Membri jistgħu ma jtellgħux id-data fis-servizz ta’ kontroverifika tal-Europol għar-raġunijiet imsemmija fl-Artikolu 29(5).

3.L-Istati Membri għandhom jiżguraw li l-unitajiet nazzjonali tal-Europol u l-awtoritajiet kompetenti tal-Istati Membri jkunu mgħammra b’mezzi tekniċi awtomatizzati (“karigaturi tad-data”) li jippermettu li b’mod sistematiku tittella’ d-data mis-sistemi nazzjonali tagħhom ta’ ġestjoni tal-każijiet għas-servizz ta’ kontroverifika tal-Europol f’konformità mal-paragrafu 1.

4.L-Europol għandha ttella’, b’mod sistematiku u mingħajr dewmien żejjed, id-data fis-servizz ta’ kontroverifika tal-Europol li tissodisfa l-kundizzjonijiet stabbiliti fil-paragrafu 1.

5.L-Istati Membri u l-Europol għandhom jiżguraw li d-data mtella’ fis-servizz ta’ kontroverifika tal-Europol tkun akkurata, aġġornata u kompluta, u għandhom jaġġornawha jew iħassruha meta jkun meħtieġ.

6.Is-servizz ta’ kontroverifika tal-Europol għandu awtomatikament jagħmel kontroverifika ta’ kwalunkwe data mtella’ ġdida mad-data diġà maħżuna fis-servizz, biex jidentifika rabtiet bejn:

(a)persuni;

(b)oġġetti;

(c)attivitajiet kriminali;

(d)investigazzjonijiet imwettqa fi Stat Membru wieħed jew iktar jew ma’ pajjiżi terzi.

7.Malli jikseb riżultat pożittiv mill-kontroverifika msemmija fil-paragrafu 6, is-servizz ta’ kontroverifika tal-Europol għandu jiġġenera allert u jinnotifika lill-entità rilevanti f’konformità mal-Artikolu 34.

8.Il-Kummissjoni għandha tadotta atti ta’ implimentazzjoni li jistabbilixxu l-proċeduri tekniċi biex tittella’ d-data, inkluż dwar il-formati tad-data, u l-proċeduri awtomatizzati tat-tlugħ u ta’ kontroverifika. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 138(2).

Artikolu 39

Tfittxijiet fid-data tas-servizz ta’ kontroverifika tal-Europol u aċċess għaliha

1.L-Istati Membri għandhom ikunu jistgħu jfittxu u jkollhom aċċess għall-informazzjoni kollha maħżuna fis-servizz ta’ kontroverifika tal-Europol, f’konformità ma’ dan ir-Regolament.

2.Is-servizz ta’ kontroverifika tal-Europol għandu jippermetti li l-unitajiet nazzjonali tal-Europol u l-awtoritajiet kompetenti tal-Istati Membri jagħmlu tfittxijiet fl-informazzjoni maħżuna permezz ta’:

(a)data alfanumerika;

(b)data bijometrika;

(c)data multimedjali.

3.L-awtoritajiet kompetenti tal-Istati Membri għandhom sistematikament jagħmlu tfittxijiet fl-informazzjoni rilevanti fis-servizz ta’ kontroverifika tal-Europol:

(a)meta jwettqu investigazzjonijiet dwar forom ta’ kriminalità li jaqgħu fl-ambitu tal-kompetenza tal-Europol;

(b)meta jkun hemm raġunijiet raġonevoli biex jitqies li l-każ għandu dimensjoni transfruntiera jew internazzjonali.

4.L-Europol ma għandhiex ikollha aċċess la għall-kontenut tat-tfittxija mwettqa mill-awtoritajiet kompetenti tal-Istati Membri u lanqas għar-riżultati tat-tfittxija.

5.L-Europol għandha tfittex fis-servizz ta’ kontroverifika tal-Europol biex twettaq il-kompiti tagħha stabbiliti f’dan ir-Regolament.

6.Is-servizz ta’ kontroverifika tal-Europol jista’ jiġi kkonsultat meta dan ikun previst minn atti leġiżlattivi oħra tal-Unjoni.

7.Ir-riżultat tat-tfittxija għandu jinkludi kwalunkwe data rilevanti maħżuna fis-servizz ta’ kontroverifika tal-Europol li l-entità li tagħmel it-tfittxija skont il-paragrafi 2 u 4 ta’ dan l-Artikolu jkollha aċċess għaliha f’konformità ma’ kwalunkwe restrizzjoni indikata skont l-Artikolu 33(2).

8.Il-Kummissjoni għandha tadotta atti ta’ implimentazzjoni li jistabbilixxu l-proċeduri tekniċi għat-tfittxijiet fid-data, inkluż dwar il-formati tad-data. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 138(2).

Artikolu 40

L-Ambjent Analitiku tal-Europol

1.L-Europol għandha tiżviluppa u żżomm l-ambjent tekniku u operazzjonali għall-ħżin, għall-ipproċessar, għall-kontroverifika, għall-viżwalizzazzjoni u għall-analiżi tad-data, inkluż b’appoġġ għall-investigazzjonijiet kriminali u l-koordinazzjoni operazzjonali (Ambjent Analitiku tal-Europol).

2.L-Ambjent Analitiku tal-Europol għandu jinkludi spazji ta’ ħidma analitiċi, funzjonalitajiet ta’ ġestjoni tal-każijiet, għodod kollaborattivi, servizzi tal-ipproċessar tad-data u kapaċitajiet oħra meħtieġa biex jappoġġaw l-attivitajiet analitiċi tal-Europol u l-kooperazzjoni mal-Istati Membri u sħab awtorizzati oħra u biex jirrispondu għall-ħtiġijiet operazzjonali, tekniċi jew analitiċi identifikati fil-kuntest tal-attivitajiet tagħha.

3.L-Ambjent Analitiku tal-Europol għandu jipprevedi proġetti ta’ analiżi separati loġikament għall-ħżin u għall-ipproċessar tad-data għal finijiet analitiċi distinti, kif imsemmi fl-Artikolu 32(3).

4.L-Europol għandha tiżgura l-ġestjoni operazzjonali, is-sigurtà, id-disponibbiltà u l-integrità tal-Ambjent Analitiku tal-Europol.

Artikolu 41

Tfittxija fid-data tal-Ambjent Analitiku tal-Europol u aċċess għaliha

1.L-Ambjent Analitiku tal-Europol għandu jippermetti lill-unitajiet nazzjonali tal-Europol u lill-awtoritajiet kompetenti tal-Istati Membri jagħmlu tfittxijiet fid-data maħżuna biex isibu konnessjonijiet ma’ każijiet eżistenti permezz ta’:

(a)data alfanumerika;

(b)data bijometrika;

(c)data multimedjali.

2.L-Europol għandha tagħmel tfittxijiet fl-Ambjent Analitiku tal-Europol biex twettaq il-kompiti tagħha, inkluż id-data bijometrika għall-fini ta’ identifikazzjoni b’mod uniku ta’ persuna fiżika.

3.L-unitajiet nazzjonali tal-Europol u l-awtoritajiet kompetenti tal-Istati Membri, inkluż fil-kuntest ta’ JOAC, li jagħmlu tfittxija fl-Ambjent Analitiku tal-Europol għandu jkollhom aċċess indirett biss għar-riżultati ta’ tali tfittxija, abbażi ta’ hit/no hit. Fil-każ ta’ hit, l-Europol għandha tibda l-proċedura li biha l-informazzjoni li ġġenerat il-hit tkun tista’ tiġi kondiviża mal-entità tat-tfittxija, f’konformità mal-Artikolu 34.

4.Is-sistemi tal-informazzjoni tal-Unjoni jistgħu wkoll jagħmlu tfittxija fl-Ambjent Analitiku tal-Europol meta jkun previst minn att leġiżlattiv ieħor tal-Unjoni.

(a)data alfanumerika;

(b)data bijometrika;

(c)data multimedjali.

5.L-Europol għandha tagħmel tfittxijiet fl-Ambjent Analitiku tal-Europol biex twettaq il-kompiti tagħha, inkluż id-data bijometrika għall-fini ta’ identifikazzjoni b’mod uniku ta’ persuna fiżika.

6.L-unitajiet nazzjonali tal-Europol u l-awtoritajiet kompetenti tal-Istati Membri, inkluż fil-kuntest ta’ JOAC, li jagħmlu tfittxija fl-Ambjent Analitiku tal-Europol għandu jkollhom aċċess indirett biss għar-riżultati ta’ tali tfittxija, abbażi ta’ hit/no hit. Fil-każ ta’ hit, l-Europol għandha tibda l-proċedura li biha l-informazzjoni li ġġenerat il-hit tkun tista’ tiġi kondiviża mal-entità tat-tfittxija, f’konformità mal-Artikolu 34.

7.Kwalunkwe restrizzjoni fuq l-aċċess għad-data, u fuq l-użu jew il-ħżin tagħha fl-Ambjent Analitiku tal-Europol għandha tikkonforma ma’ dan ir-Regolament, b’mod partikolari l-Artikoli 33 u 101.

Artikolu 42

Stabbiliment tal-Ispazju Kondiviż ta’ Data għall-Pulizija

1.L-Europol għandha tiżviluppa u żżomm servizz li jippermetti lill-unitajiet nazzjonali tal-Europol u lill-awtoritajiet kompetenti tal-Istati Membri jiftħu JOACs (“Spazju Kondiviż ta’ Data għall-Pulizija”).

2.L-Ispazju Kondiviż ta’ Data għall-Pulizija għandu jkun ibbażat fuq l-infrastruttura tal-cloud tal-Europol imsemmija fl-Artikolu 50.

3.L-Ispazju Kondiviż ta’ Data għall-Pulizija għandu, sa fejn ikun teknikament possibbli, jikkondividi u juża mill-ġdid il-komponenti tal-hardware u tas-software tal-Ambjent Analitiku tal-Europol imsemmi fl-Artikolu 40.

4.L-Ispazju Kondiviż ta’ Data għall-Pulizija għandu jqiegħed għad-dispożizzjoni l-għodod, il-funzjonalitajiet u l-moduli ta’ dak l-ambjent, inkluż il-funzjonalitajiet analitiċi, tal-ipproċessar tad-data u tal-integrazzjoni tad-data, sa fejn ikun meħtieġ għat-twettiq ta’ analiżi operazzjonali konġunta fil-JOACs.

5.Il-Kummissjoni għandha tadotta atti ta’ implimentazzjoni li jistabbilixxu l-proċeduri għad-definizzjoni tal-funzjonalitajiet meħtieġa tal-Ispazju Kondiviż ta’ Data għall-Pulizija u l-modalitajiet biex jiġu żgurati l-interoperabbiltà u d-disponibbiltà tal-għodod u ta’ dawk il-funzjonalitajiet. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 138(2).

Artikolu 43

Ħolqien ta’ Każ ta’ Analiżi Operazzjonali Konġunta

1.L-unitajiet nazzjonali tal-Europol u l-awtoritajiet kompetenti tal-Istati Membri jistgħu jiddeċiedu li jiftħu JOAC għat-twettiq ta’ analiżi operazzjonali konġunta.

2.L-Istat Membru li jiftaħ il-JOAC għandu jindika:

(a)l-Istat(i) Membru/i mistieden/mistiedna jipparteċipa(w) fil-JOAC u jkollu/jkollhom aċċess għad-data rilevanti mtella’ fil-JOAC;

(b)il-pajjiż terz li jista’ jipparteċipa fil-JOAC u jkollu aċċess għad-data rilevanti mtella’ fil-JOAC;

(c)ir-raġunijiet għall-involviment taċ-Ċentru/i, tal-Istati Membri jew tal-pajjiżi terzi fil-JOAC.

3.L-Europol għandu jkollha aċċess għall-JOAC u, meta jkun xieraq, tipprovdi appoġġ analitiku u għarfien espert lill-Istati Membri kkonċernati fir-rigward tal-JOAC.

4.L-Istati Membri parteċipanti għandhom jiddeżinjaw rappreżentanti tal-awtoritajiet kompetenti rispettivi tal-Istati Membri li jkunu se jipparteċipaw fil-JOAC u jkollhom aċċess għad-data pproċessata fih.

5.Meta l-Istat(i) Membru/i li jiftaħ/jiftħu l-JOAC jipproponi/u li pajjiż terz jenħtieġ li jkun parti mill-JOAC, l-Europol għandha tkun responsabbli li tippermetti l-parteċipazzjoni u li tagħti aċċess għad-data rilevanti maħżuna fl-Ispazju Kondiviż ta’ Data għall-Pulizija lill-pajjiż terz, meta jiġu ssodisfati l-kundizzjonijiet li ġejjin:

(a)l-Europol tqis li huwa rilevanti għall-pajjiż terz li jipparteċipa fil-JOAC, inkluż abbażi tal-informazzjoni pprovduta mill-Istati Membri li jiftħu JOAC skont il-punt (c) tal-paragrafu 2;

(b)ikun hemm ftehim fis-seħħ li jippermetti lill-pajjiż terz jiskambja d-data personali mal-Europol.

6.Il-pajjiż terz awtorizzat biex jipparteċipa fil-JOAC għandu jaħtar ir-rappreżentanti parteċipanti tiegħu.

7.L-Europol għandha taħtar wieħed jew iktar mir-rappreżentanti tagħha biex jipparteċipaw f’JOAC u jkollhom aċċess għall-informazzjoni mtella’ fih.

Artikolu 44

Proposta tal-Europol għall-istabbiliment ta’ Każ ta’ Analiżi Operazzjonali Konġunta

1.Abbażi tal-analiżi tal-informazzjoni u tad-data disponibbli għaliha, l-Europol tista’ tipproponi lil Stat Membru wieħed jew iktar il-ftuħ ta’ JOAC, meta tqis li analiżi operazzjonali kkoordinata tista’ tipprovdi valur miżjud fl-analiżi operazzjonali konġunta ta’ delitt li jaqa’ fl-ambitu tal-kompetenza tal-Europol.

2.Kwalunkwe proposta li ssir skont il-paragrafu 1 ma għandhiex tkun vinkolanti u ma għandhiex taffettwa d-diskrezzjoni tal-Istati Membri kkonċernati li jiddeċiedu jekk jiftħux JOAC f’konformità mal-Artikolu 43.

3.Għall-finijiet tal-paragrafu 1, l-Europol tista’ tidentifika u tindika l-informazzjoni rilevanti fl-Ambjent Analitiku tal-Europol li jenħtieġ li tittella’ fil-JOAC.

Artikolu 45

Użu ta’ Każ ta’ Analiżi Operazzjonali Konġunta

1.Il-parteċipanti f’JOAC jistgħu jwettqu l-attivitajiet li ġejjin fl-Ispazju Kondiviż ta’ Data għall-Pulizija:

(a)jipproċessaw l-informazzjoni li tittella’ mill-entitajiet li jiftħu l-JOAC jew minn kwalunkwe entità parteċipanti oħra;

(b)itellgħu data ġdida li titqies rilevanti għall-analiżi bħala parti mill-JOAC, f’konformità mal-Artikolu 33;

(c)jikkomunikaw u jiskambjaw l-informazzjoni b’mod sigur fil-JOAC ma’ parteċipanti oħra, jew permezz ta’ chat, filmat jew b’għodod rilevanti oħra appoġġati mill-Ambjent Analitiku tal-Europol;

(d)jivviżwalizzaw jew jeditjaw b’mod konġunt kwalunkwe dokument jew rapport rilevanti għall-JOAC.

2.L-Europol u l-Istati Membri parteċipanti għandhom jiżguraw li d-data personali li tittella’ f’JOAC, meta tiġi pproċessata barra mill-Ispazju Kondiviż ta’ Data għall-Pulizija, tkun protetta permezz ta’ miżuri tekniċi u organizzazzjonali f’konformità mar-Regolament (UE) 2018/1725, ma’ dan ir-Regolament u mad-Direttiva (UE) 2016/680 tal-Parlament Ewropew u tal-Kunsill 72 .

Artikolu 46

Applikazzjoni ta’ Network għall-Iskambju Sigur tal-Informazzjoni

1.Is-SIENA hija stabbilita għall-fini li tiffaċilita l-iskambju tal-informazzjoni bejn l-Istati Membri, l-Europol, l-istituzzjonijiet, il-korpi, l-uffiċċji u l-aġenziji tal-Unjoni, il-pajjiżi terzi u l-organizzazzjonijiet internazzjonali.

2.Is-SIENA għandha tkun magħmula minn:

(a)infrastruttura ċentrali għall-ħżin u għall-ipproċessar tad-data;

(b)interfaċċa/i tal-web għall-iskambju tal-informazzjoni;

(c)applikazzjoni(jiet) mobbli għall-iskambju tal-informazzjoni;

(d)interfaċċa/i ta’ programmazzjoni ddedikata/i għall-Istati Membri u, meta jkun xieraq, għall-istituzzjonijiet, għall-korpi, għall-uffiċċji jew għall-aġenziji tal-Unjoni li jappoġġaw l-interoperabbiltà mas-sistemi tagħhom, inkluż is-sistemi ta’ ġestjoni tal-każijiet tagħhom;

(e)infrastruttura tal-komunikazzjoni sigura bejn is-SIENA u l-Istati Membri, u, meta jkun xieraq, l-istituzzjonijiet, il-korpi, l-uffiċċji jew l-aġenziji tal-Unjoni, il-pajjiżi terzi u l-organizzazzjonijiet internazzjonali li huma intitolati jużaw is-SIENA.

3.F’konformità mal-Artikolu 13 tad-Direttiva (UE) 2023/977, is-SIENA għandha tkun il-mezz ta’ komunikazzjoni sigur li jintuża mill-punti uniċi ta’ kuntatt u mill-awtoritajiet kompetenti tal-Istati Membri biex jibagħtu talbiet għall-informazzjoni, biex jipprovdu l-informazzjoni skont tali talbiet jew biex jipprovdu l-informazzjoni fuq inizjattiva tagħhom stess inkluż, meta jkun applikabbli, biex jibagħtu kopja ta’ tali talba jew informazzjoni lill-Europol. Għal dik il-fini, il-punti uniċi ta’ kuntatt u l-awtoritajiet kompetenti tal-Istati Membri għandhom ikunu konnessi mas-SIENA, inkluż, meta jkun xieraq, permezz ta’ apparati mobbli.

4.Meta jiskambjaw l-informazzjoni bejniethom, is-SIENA għandha tipprevedi l-possibbiltà li l-punti uniċi ta’ kuntatt jew l-awtoritajiet kompetenti tal-Istati Membri jindikaw li jenħtieġ li jinfetaħ JOAC f’konformità mal-Artikolu 43.

5.Is-SIENA għandha tkun il-kanal prestabbilit ta’ komunikazzjoni li jrid jintuża mill-awtoritajiet kompetenti tal-Istati Membri għall-iskambju tal-informazzjoni mal-Europol.

6.L-Europol jew l-awtoritajiet kompetenti tal-Istati Membri jistgħu jużaw is-SIENA biex jiskambjaw l-informazzjoni mal-pajjiżi terzi li l-awtoritajiet tagħhom ikunu ġew konnessi mas-SIENA mill-Europol, skont arranġamenti ta’ ħidma jew ftehimiet internazzjonali konklużi mal-Unjoni.

7.L-awtoritajiet tal-pajjiżi terzi msemmija fil-paragrafu 6 jistgħu jużaw ukoll is-SIENA biex jiskambjaw l-informazzjoni mal-awtoritajiet ta’ pajjiżi terzi oħra li magħhom ikun ġie konkluż arranġament ta’ ħidma jew ftehim internazzjonali.

8.L-Europol għandha tiżgura l-ġestjoni operazzjonali, is-sigurtà, id-disponibbiltà u l-integrità tas-SIENA.

9.Il-Kummissjoni għandha tadotta atti ta’ implimentazzjoni li jistabbilixxu l-proċeduri għad-definizzjoni tal-funzjonalitajiet meħtieġa tal-infrastruttura sigura msemmija fil-paragrafu 2. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 138(2).

Artikolu 47

Mekkaniżmu ta’ skambju tal-informazzjoni għall-kooperazzjoni mal-partijiet privati

1.L-Ambjent Analitiku tal-Europol għandu jinkludi mekkaniżmu ta’ skambju tal-informazzjoni biex jiffaċilita l-kooperazzjoni u l-iskambju tal-informazzjoni bejn il-partijiet privati, l-Europol u l-Istati Membri.

2.Il-mekkaniżmu ta’ skambju tal-informazzjoni għandu jkollu, b’mod partikolari, il-funzjonijiet li ġejjin:

(a)jiffaċilita l-komunikazzjoni bejn l-Europol, l-Istati Membri u l-partijiet privati li joffru servizzi fl-Unjoni, inkluż billi jiffaċilita l-obbligi ta’ rapportar jew ta’ notifika skont ir-Regolamenti (UE) 2021/784 u 2022/2065; 

(b)jaġixxi bħala pjattaforma ta’ rispons għall-kriżijiet f’sitwazzjonijiet ta’ kriżi online, f’konformità mal-Artikolu 96 billi jiffaċilita l-komunikazzjoni bejn l-Europol, l-Istati Membri, il-partijiet privati u meta jkun applikabbli l-pajjiżi terzi u billi jippermetti lill-Europol tipprovdi lill-partijiet privati bl-informazzjoni meħtieġa biex jidentifikaw il-kontenut online, is-servizzi, il-kontijiet, l-infrastrutturi jew l-attivitajiet diġitali rilevanti.

3.Il-mekkaniżmu ta’ skambju tal-informazzjoni għandu bħala minimu jkun magħmul minn:

(a)infrastruttura ċentrali għall-ħżin u għall-ipproċessar tad-data;

(b)interfaċċa/i tal-web;

(c)interfaċċa/i ta’ programmazzjoni ddedikata/i għall-Istati Membri li jappoġġaw l-interoperabbiltà mas-sistemi nazzjonali tagħhom, inkluż is-sistemi ta’ ġestjoni tal-każijiet tagħhom;

(d)infrastruttura tal-komunikazzjoni sigura bejn l-Europol, l-Istati Membri u l-partijiet privati.

4.L-Europol għandha tistabbilixxi l-proċedura u l-kundizzjonijiet għall-għoti jew għall-irtirar tal-aċċess sigur tal-partijiet privati għall-mekkaniżmu ta’ skambju tal-informazzjoni.

Artikolu 48

Sistema ta’ Indiċi Ewropea tar-Rekords tal-Pulizija

Fir-rigward tas-Sistema ta’ Indiċi Ewropea tar-Rekords tal-Pulizija (EPRIS), l-Europol għandha twettaq il-kompiti mogħtija lilha bir- Regolament (UE) 2024/982 .

Artikolu 49

Żvilupp ta’ servizzi u għodod oħra

Il-Kummissjoni tista’ tadotta atti ta’ implimentazzjoni li jistabbilixxu funzjonalitajiet addizzjonali tas-servizzi u tal-għodod eżistenti jew il-funzjonalitajiet meħtieġa ta’ servizzi u għodod addizzjonali. Dawk il-funzjonalitajiet addizzjonali jew is-servizzi u l-għodod addizzjonali għandhom jikkonformaw mar-regoli applikabbli dwar l-ipproċessar tad-data personali stabbiliti fir-Regolament (UE) 2018/1725 u f’dan ir-Regolament. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 138(2) ta’ dan ir-Regolament.

Taqsima 3
Komponenti tekniċi u standardizzazzjoni

Artikolu 50

Infrastruttura tal-cloud tal-Europol

1.Tiġi stabbilita l-infrastruttura tal-cloud tal-Europol. L-infrastruttura tal-cloud tal-Europol hija pjattaforma sigura u skalabbli ta’ servizzi tal-cloud computing li tippermetti lill-Europol u lill-awtoritajiet kompetenti tal-Istati Membri jaċċessaw l-għodod, l-ambjenti kollaborattivi u kapaċitajiet operazzjonali u analitiċi oħra tal-Europol f’konformità ma’ dan ir-Regolament. L-infrastruttura tal-cloud tal-Europol tista’ tintuża wkoll minn istituzzjonijiet, korpi, uffiċċji jew aġenziji oħra tal-Unjoni, u minn pajjiżi terzi biex jaċċessaw l-għodod, l-ambjenti kollaborattivi u kapaċitajiet operazzjonali u analitiċi oħra tal-Europol f’konformità ma’ dan ir-Regolament.

2.L-infrastruttura tal-cloud tal-Europol għandha tappoġġa l-ksib tal-finijiet stabbiliti f’dan ir-Regolament fil-kuntest ta’ investigazzjonijiet kriminali u appoġġ operazzjonali, inkluż billi tappoġġa l-ħżin, l-ipproċessar, l-analiżi u l-iskambju tad-data, filwaqt li tiżgura kontroll strett tal-aċċess, kompartimentalizzazzjoni tad-data u konformità sħiħa mad-dritt tal-Unjoni.

3.L-Europol għandha tistabbilixxi, topera u żżomm l-infrastruttura tal-cloud tal-Europol. Fl-istabbiliment, fl-operat u fiż-żamma tal-infrastruttura tal-cloud tal-Europol, l-Europol għandha, meta jkun xieraq u teknikament fattibbli, tuża s-soluzzjonijiet tekniċi, is-servizzi u l-komponenti tal-infrastruttura eżistenti żviluppati jew operati mill-istituzzjonijiet, mill-korpi, mill-uffiċċji u mill-aġenziji tal-Unjoni, inkluż l-eu-LISA, bil-ħsieb li jiġu żgurati l-effiċjenza, l-interoperabbiltà u l-aħjar użu tar-riżorsi tal-Unjoni.

4.L-Europol għandha tiżgura li l-akkwist tas-servizzi tal-cloud computing jikkonforma mad-dritt applikabbli tal-Unjoni, inkluż ir-rekwiżiti dwar il-qafas tas-sovranità tal-cloud tal-UE, is-sigurtà tad-data, il-protezzjoni tad-data, iċ-ċibersigurtà u s-sovranità diġitali.

5.Is-sistemi u l-għodod tal-Europol li jipproċessaw id-data operazzjonali għandhom ikunu disponibbli għall-awtoritajiet tal-Istati Membri permezz tal-infrastruttura tal-cloud tal-Europol.

6.L-Europol għandha tipprijoritizza l-iżvilupp ta’ sistemi u għodod ġodda fuq l-infrastruttura tal-cloud tal-Europol.

7.L-aċċess għall-infrastruttura tal-cloud tal-Europol u l-użu tagħha għandhom ikunu limitati għall-utenti awtorizzati mill-awtoritajiet kompetenti tal-Istati Membri, minn pajjiżi terzi, meta jkun xieraq, u mill-Europol, f’konformità mad-drittijiet ta’ aċċess rispettivi tagħhom skont dan ir-Regolament u soġġetti għall-mekkaniżmi ta’ awtentikazzjoni xierqa, inkluż soluzzjonijiet tal-identità diġitali b’garanzija għolja f’konformità mal-Artikolu 51.

8.L-Europol għandha tivvaluta l-implikazzjonijiet tekniċi, operazzjonali u finanzjarji tad-disponibbiltà tas-sistemi u l-għodod eżistenti fuq l-infrastruttura tal-cloud tal-Europol u tissottometti rapport motivat lill-Kummissjoni sa ... [6 xhur wara d-data tal-bidu tal-applikazzjoni ta’ dan ir-Regolament].

9.Il-Kummissjoni għandha tadotta atti ta’ implimentazzjoni li jiddefinixxu r-rekwiżiti relatati mas-sigurtà, mal-interoperabbiltà, mal-prestazzjoni u mal-arkitettura tal-infrastruttura tal-cloud tal-Europol. Abbażi tar-rapport imsemmi fil-paragrafu 8, dawk l-atti ta’ implimentazzjoni għandhom jindikaw ukoll is-sistemi u l-għodod li għandhom jiġu migrati lejn l-infrastruttura tal-cloud tal-Europol. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 138(2).

Artikolu 51

Identità Diġitali tal-UE għall-Pulizija

1.L-Identità Diġitali tal-UE għall-Pulizija għandha tikkostitwixxi s-sett ta’ regoli għall-mezzi komuni ta’ identifikazzjoni u ta’ ġestjoni tal-aċċess għal kull rappreżentant awtorizzat tal-awtoritajiet kompetenti tal-Istati Membri jew tal-istituzzjonijiet, tal-korpi, tal-uffiċċji u tal-aġenziji tal-Unjoni biex jaċċessaw, jużaw u jinteraġixxu b’mod sigur mal-infrastruttura tal-cloud tal-Europol u mas-sistemi nazzjonali konnessi mal-infrastruttura tal-cloud tal-Europol. L-Istati Membri, l-Europol, l-istituzzjonijiet, il-korpi, l-uffiċċji u l-aġenziji tal-Unjoni kif ukoll il-pajjiżi terzi għandhom jiżguraw li l-aċċess għall-infrastruttura tal-cloud tal-Europol u għas-sistemi nazzjonali konnessi mal-infrastruttura tal-cloud tal-Europol jingħata lir-rappreżentanti rispettivi tagħhom b’mod sigur, armonizzat u affidabbli, permezz ta’ Identità Diġitali tal-UE għall-Pulizija.

2.Fl-istabbiliment tal-Identità Diġitali tal-UE għall-Pulizija, l-Europol u l-Istati Membri għandhom, meta jkun xieraq u teknikament fattibbli, jużaw is-soluzzjonijiet u l-istandards eżistenti tal-Unjoni dwar l-identità diġitali, inkluż dawk stabbiliti skont ir-Regolament (UE) Nru 910/2014 tal-Parlament Ewropew u tal-Kunsill 73 , dment li jissodisfaw ir-rekwiżiti operazzjonali, tas-sigurtà u tal-protezzjoni tad-data stabbiliti f’dan ir-Regolament.

3.L-Europol għandha tiżgura li kwalunkwe operazzjoni mwettqa fl-infrastruttura tal-cloud tal-Europol tiġi rreġistrata u tkun disponibbli għall-finijiet ta’ sorveljanza. 

4.L-Istati Membri, l-Europol, l-istituzzjonijiet, il-korpi, l-uffiċċji u l-aġenziji tal-Unjoni u l-pajjiżi terzi għandhom jagħtu drittijiet ta’ aċċess differenzjati għas-servizzi jew l-għodod b’hosting fl-infrastruttura tal-cloud tal-Europol, proporzjonati mar-rwoli, mar-responsabbiltajiet u mal-awtorizzazzjonijiet ta’ aċċess tal-utenti kkonċernati, b’rispett sħiħ ta’ dan ir-Regolament.

5.Il-Kummissjoni għandha tadotta atti ta’ implimentazzjoni li jiddefinixxu l-proċeduri għall-istabbiliment ta’ Identità Diġitali tal-UE għall-Pulizija msemmija fil-paragrafu 1. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 138(2).

Artikolu 52

Għodod tal-istatistika u tar-rapportar

1.L-Europol għandha tiżviluppa, timplimenta u żżomm għodod tal-istatistika u tar-rapportar għall-evalwazzjoni, għall-monitoraġġ, għall-analiżi u għar-rapportar. Dawk l-għodod ma għandhomx jippermettu l-identifikazzjoni tal-individwi. Dawk l-għodod għandhom jippermettu lill-entitajiet imsemmija fil-paragrafu 2, il-punt (a), jiksbu rapporti u statistika li jistgħu jiġu adattati.

2.L-għodod tal-istatistika u tar-rapportar li jikkonċernaw l-użu, il-prestazzjoni, l-effettività operazzjonali u l-interoperabbiltà tas-servizzi u tal-għodod għandhom jiġbru, jiġġeneraw u jipprovdu informazzjoni statistika aggregata, indikaturi, reġistri tekniċi, metrika tal-użu u rapporti analitiċi relatati b’mod partikolari ma’:

(a)l-użu tas-servizzi u tal-għodod tal-Europol mill-Istati Membri, mill-Europol, mill-istituzzjonijiet, mill-korpi, mill-uffiċċji jew mill-aġenziji tal-Unjoni, mill-pajjiżi terzi u mill-organizzazzjonijiet internazzjonali f’konformità ma’ dan ir-Regolament;

(b)l-iskambju, it-tfittxija, it-tlugħ, il-kontroverifika u l-ipproċessar tad-data;

(c)l-attivitajiet ta’ skambju tal-informazzjoni;

(d)il-prestazzjoni, id-disponibbiltà u s-sigurtà tal-infrastrutturi tekniċi;

(e)it-tendenzi, ix-xejriet u l-ħtiġijiet operazzjonali rilevanti għall-implimentazzjoni ta’ dan ir-Regolament.

3.L-Europol, l-Istati Membri u l-Kummissjoni għandu jkollhom aċċess għall-informazzjoni statistika u għar-rapporti ġġenerati skont il-paragrafu 2, unikament għall-finijiet tar-rapportar u tal-istatistika. L-aċċess għal dak ir-repożitorju tad-data għandu jingħata permezz ta’ aċċess sigur tramite t-TESTA b’kontroll tal-aċċess u bi profili ta’ utenti speċifiċi unikament għall-fini tar-rapportar u tal-istatistika.

4.L-għodod tal-istatistika u tar-rapportar ma għandhomx jintużaw biex jittieħdu deċiżjonijiet li jaffettwaw lill-individwi unikament abbażi ta’ pproċessar awtomatizzat u ma għandhomx jintużaw għal analiżi operazzjonali li tikkonċerna persuni identifikabbli.

5.L-Europol għandha tiżgura li l-ġenerazzjoni u l-kondiviżjoni tal-istatistika skont dan l-Artikolu jikkonformaw mad-dritt tal-Unjoni dwar il-protezzjoni tad-data, iċ-ċibersigurtà u l-kunfidenzjalità. L-informazzjoni statistika għandha, meta jkun xieraq, tiġi anonimizzata jew aggregata.

6.Il-Kummissjoni għandha tadotta atti ta’ implimentazzjoni li jistabbilixxu regoli dettaljati dwar il-funzjonalitajiet tekniċi, id-drittijiet tal-aċċess, il-kategoriji tal-istatistika, l-arranġamenti tar-rapportar u s-salvagwardji tal-protezzjoni tad-data applikabbli għall-għodod tal-istatistika u tar-rapportar imsemmija fil-paragrafu 2 ta’ dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 138(2).

Artikolu 53

Format universali ta’ messaġġi

1.L-Europol għandha tappoġġa l-iżvilupp, l-implimentazzjoni u l-użu operazzjonali tal-istandard tal-format universali tal-messaġġi (UMF) stabbilit skont l-Artikolu 38 tar-Regolament (UE) 2019/818 għall-iskambju tal-informazzjoni bejn l-Istati Membri, l-eu-LISA u korpi, uffiċċji u aġenziji oħra tal-Unjoni.

2.L-Europol għandha tiżgura l-forniment tas-segretarjat għall-governanza tal-UMF u għandha tiffaċilita u tmexxi d-diskussjonijiet ta’ natura teknika u operazzjonali mal-Istati Membri, mal-eu-LISA u ma’ aġenziji rilevanti oħra tal-Unjoni.

3.Fit-twettiq tal-kompiti tagħha skont il-paragrafu 2, l-Europol għandha:

(a)tappoġġa l-iżvilupp u l-aġġornament ulterjuri tal-UMF, inkluż il-mudelli tad-data, is-semantika u l-ispeċifikazzjonijiet tekniċi;

(b)tippromwovi l-użu konsistenti u interoperabbli tal-UMF fis-sistemi tal-informazzjoni u fil-kanali tal-komunikazzjoni fil-qasam tal-libertà, is-sigurtà u l-ġustizzja;

(c)tassisti lill-Istati Membri u lill-korpi, l-uffiċċji u l-aġenziji tal-Unjoni fl-implimentazzjoni u fl-applikazzjoni prattika tal-UMF;

(d)tiżgura koerenza mar-rekwiżiti rilevanti tas-sistemi tal-IT fuq skala kbira fil-qasam tal-libertà, is-sigurtà u l-ġustizzja li għalihom l-eu-LISA hija responsabbli għat-tħejjija, għall-iżvilupp jew għat-tmexxija operattiva skont id-dritt tal-Unjoni.

Artikolu 54

Applikazzjoni tal-UE għat-tqabbil tal-profili tad-DNA

1.L-Europol għandha tiżviluppa, timplimenta u żżomm applikazzjoni tal-UE għat-tqabbil tal-profili tad-DNA bil-fini li tippermetti t-tqabbil sigur u affidabbli tal-profili tad-DNA b’appoġġ għall-investigazzjonijiet tal-Istati Membri ta’ reati kriminali.

2.L-applikazzjoni tal-UE għat-tqabbil tal-profili tad-DNA għandha tipprovdi kapaċità teknika li tippermetti t-tqabbil awtomatizzat tal-profili tad-DNA f’konformità mar-regoli tat-tqabbil stabbiliti xjentifikament. L-applikazzjoni għandha tirreplika l-funzjonalitajiet ewlenin tas-sistemi eżistenti ta’ tqabbil tal-profili tad-DNA li jintużaw mill-Istati Membri u għandha tappoġġa l-adattament tagħhom għar-rekwiżiti legali u tekniċi tal-Unjoni, inkluż dawk li jirriżultaw mir-Regolament (UE) 2024/982.

3.L-użu tal-applikazzjoni tal-UE għat-tqabbil tal-profili tad-DNA ma għandux jaffettwa s-sjieda jew il-kontroll tad-data tal-profili tad-DNA.

4.L-applikazzjoni tal-UE għat-tqabbil tal-profili tad-DNA għandha tintuża mill-awtoritajiet kompetenti tal-Istati Membri, mill-Europol u minn kwalunkwe korp, uffiċċju jew aġenzija oħra tal-Unjoni fuq bażi volontarja. L-Europol għandha taġixxi biss f’kapaċità teknika u ta’ appoġġ.

5.L-Europol għandha tappoġġa lill-Istati Membri fit-tranżizzjoni minn sistemi eżistenti ta’ tqabbil tal-profili tad-DNA għall-applikazzjoni tal-UE għat-tqabbil tal-profili tad-DNA, inkluż billi tipprovdi gwida teknika, għodod u assistenza biex tiġi żgurata l-kontinwità tal-operazzjonijiet.

6.L-Europol għandha tiżgura li jkun hemm fis-seħħ miżuri tekniċi u organizzazzjonali xierqa biex jiggarantixxu livell għoli ta’ sigurtà, ta’ integrità u ta’ kunfidenzjalità.

Artikolu 55

Grupp tat-Tmexxija tat-Teknoloġija tal-Informazzjoni u tal-Komunikazzjoni u tal-Ġestjoni tal-Informazzjoni

1.Ġie stabbilit Grupp tat-Tmexxija tat-Teknoloġija tal-Informazzjoni u tal-Komunikazzjoni u tal-Ġestjoni tal-Informazzjoni (il-“Grupp tat-Tmexxija tal-ICT/IM”).

2.Il-Grupp tat-Tmexxija tal-ICT/IM għandu jkun magħmul minn membru wieħed li jirrappreżenta kull wieħed mill-Istati Membri, wieħed għall-Kummissjoni, wieħed għall-Europol u wieħed għall-eu-LISA. Il-Bord tat-Tmexxija għandu jaħtar il-membri tal-Grupp tat-Tmexxija tal-ICT/IM. Il-Grupp tat-Tmexxija tal-ICT/IM għandu jinkludi l-president tal-Grupp Konsultattiv tal-ICT/IM stabbilit skont l-Artikolu 56.

3.Il-Bord tat-Tmexxija għandu jadotta r-regoli ta’ proċedura tal-Grupp tat-Tmexxija tal-ICT/IM.

4.Il-Grupp tat-Tmexxija tal-ICT/IM għandu jkun ippresedut minn rappreżentant ta’ Stat Membru maħtur mill-Bord tat-Tmexxija.

5.Il-Grupp tat-Tmexxija tal-ICT/IM għandu jappoġġa lill-Bord tat-Tmexxija għal deċiżjonijiet relatati mal-attivitajiet tal-ICT u tal-ġestjoni tal-informazzjoni tal-Europol, b’mod partikolari fir-rigward ta’ dan li ġej:

(a)il-kapaċitajiet analitiċi;

(b)is-sistemi ċentrali;

(c)l-għodod tal-iskambju tal-informazzjoni u tal-komunikazzjoni;

(d)l-infrastruttura u l-pjattaformi tekniċi;

(e)iċ-ċibersigurtà;

(f)l-interoperabbiltà mas-sistemi ta’ informazzjoni tal-UE, u mas-sistemi u l-bażijiet tad-data nazzjonali.

6.Il-Grupp tat-Tmexxija tal-ICT/IM għandu jappoġġa u jimmonitorja d-direzzjoni strateġika, id-disinn, l-iżvilupp u l-implimentazzjoni tas-servizzi, l-għodod u l-komponenti tal-ICT u l-ġestjoni tal-informazzjoni tal-Europol, inkluż l-aspetti finanzjarji relatati mas-sistemi tal-informazzjoni u l-mekkaniżmi ta’ skambju tal-informazzjoni.

7.B’mod partikolari, il-Grupp tat-Tmexxija tal-ICT/IM għandu:

(a)jikkontribwixxi għad-definizzjoni tal-programmazzjoni pluriennali strateġika tal-Europol tal-attivitajiet tal-Europol relatati mal-ICT u mal-ġestjoni tal-informazzjoni, inkluż l-objettivi, ir-riżultati mistennija maż-żmien, l-indikaturi tal-prestazzjoni u l-ippjanar pluriennali tar-riżorsi għal kull servizz, għodda u komponent tal-ġestjoni tal-informazzjoni u tal-ICT;

(b)jipprovdi opinjoni lill-Bord tat-Tmexxija dwar il-programmi ta’ ħidma annwali tal-Europol rigward l-ICT u l-Ġestjoni tal-Informazzjoni f’konformità mal-Artikolu 73;

(c)jipprovdi opinjoni lill-Bord tat-Tmexxija dwar l-evalwazzjonijiet interni relatati mal-attivitajiet tal-Europol rigward l-ICT u l-Ġestjoni tal-Informazzjoni;

(d)jiżgura l-konsistenza mal-ħtiġijiet operazzjonali tal-Istati Membri u mal-objettivi tal-interoperabbiltà għall-Unjoni kollha;

(e)jimmonitorja l-implimentazzjoni ta’ inizjattivi ewlenin tal-ICT u tal-ġestjoni tal-informazzjoni;

(f)jipprovdi opinjonijiet u rakkomandazzjonijiet lid-Direttur Eżekuttiv u, meta jkun xieraq, lill-Bord tat-Tmexxija.

8.Il-Grupp tat-Tmexxija tal-ICT/IM għandu jiltaqa’ regolarment. Ma għandu jkollu l-ebda setgħa tat-teħid tad-deċiżjonijiet u ma għandux jirrappreżenta lill-Bord tat-Tmexxija.

9.L-Europol għandha tipprovdi lill-Grupp tat-Tmexxija tal-ICT/IM b’segretarjat u b’appoġġ amministrattiv.

10.Il-Grupp Konsultattiv tal-ICT/IM stabbilit skont l-Artikolu 56 għandu jipprovdi għarfien espert tekniku biex jappoġġa l-kompiti tal-Grupp tat-Tmexxija tal-ICT/IM u għandu jirrapporta regolarment lilu.

Artikolu 56

Grupp Konsultattiv tal-ICT u tal-Ġestjoni tal-Informazzjoni

1.B’dan qiegħed jiġi stabbilit Grupp Konsultattiv tat-Teknoloġija tal-Informazzjoni u tal-Komunikazzjoni u tal-Ġestjoni tal-Informazzjoni (il-“Grupp Konsultattiv tal-ICT/IM”).

2.Il-Grupp Konsultattiv tal-ICT/IM għandu jkun magħmul minn espert wieħed iddeżinjat minn kull Stat Membru, mill-Kummissjoni u mill-eu-LISA għal terminu ta’ 4 snin, li jista’ jiġġedded.

3.Ir-rappreżentanti ta’ istituzzjonijiet, korpi, uffiċċji u aġenziji rilevanti oħra tal-Unjoni jistgħu jiġu mistiedna jipparteċipaw, meta jkun xieraq.

4.Il-Grupp Konsultattiv tal-ICT/IM għandu jkun ippresedut mill-Europol.

5.Il-Grupp Konsultattiv tal-ICT/IM għandu jassisti lill-Europol u lill-Grupp tat-Tmexxija tal-ICT/IM stabbilit skont l-Artikolu 55 billi jipprovdi għarfien espert tekniku dwar id-disinn, l-iżvilupp, l-implimentazzjoni u l-operat tas-sistemi tal-informazzjoni u l-infrastruttura relatata tal-komunikazzjoni u l-mekkaniżmi ta’ skambju tal-informazzjoni.

6.B’mod partikolari, il-Grupp Konsultattiv tal-ICT/IM għandu:

(a)jipprovdi pariri tekniċi dwar l-arkitettura tal-ICT, il-ġestjoni tad-data u l-interoperabbiltà;

(b)jappoġġa t-tħejjija u l-implimentazzjoni ta’ soluzzjonijiet tekniċi għall-iskambju tal-informazzjoni;

(c)jikkontribwixxi għall-identifikazzjoni u għall-promozzjoni ta’ komponenti tekniċi komuni, standards u l-aħjar prattiki;

(d)jappoġġa l-koordinazzjoni bejn l-Europol, l-Istati Membri u l-Kummissjoni dwar materji tekniċi u relatati mal-implimentazzjoni;

(e)isegwi u jivvaluta l-istat ta’ tħejjija u ta’ implimentazzjoni mill-Istati Membri, meta jkun rilevanti;

(f)jirrapporta regolarment lill-Grupp tat-Tmexxija tal-Ġestjoni tal-Informazzjoni u jipprovdilu l-kontribut tekniku meħtieġ għat-twettiq tal-kompiti tiegħu.

7.Il-Grupp Konsultattiv tal-ICT/IM għandu jiltaqa’ regolarment. Ma għandu jkollu l-ebda setgħa tat-teħid tad-deċiżjonijiet u ma għandux jirrappreżenta lill-Grupp tat-Tmexxija jew lill-Bord tat-Tmexxija.

8.L-Europol għandha tipprovdi lill-Grupp Konsultattiv tal-ICT/IM b’segretarjat u b’appoġġ amministrattiv.

9.Il-Grupp Konsultattiv tal-ICT/IM għandu jadotta r-regoli ta’ proċedura tiegħu.

Kapitolu IV
Kapaċitajiet teknoloġiċi u innovazzjoni

Taqsima 1
Ippjanar tal-kapaċitajiet, riċerka, innovazzjoni u żvilupp

Artikolu 57

Qafas għall-Iżvilupp ta’ Prospettiva u ta’ Kapaċitajiet Komuni

1.Abbażi tal-analiżijiet strateġiċi, il-valutazzjonijiet tat-theddidiet, ir-rapporti dwar it-tendenzi u l-aġġornamenti tas-sitwazzjoni msemmija fl-Artikolu 7, l-Europol għandha tistabbilixxi Qafas għall-Iżvilupp ta’ Prospettiva u ta’ Kapaċitajiet Komuni (“il-Qafas”).

2.Il-Qafas għandu jappoġġa l-identifikazzjoni tal-ħtiġijiet ta’ kapaċitajiet immedjati, emerġenti u fit-tul fil-livell tal-Unjoni għall-prevenzjoni tal-forom ta’ kriminalità li jaqgħu fl-ambitu tal-kompetenza tal-Europol u għall-ġlieda kontrihom.

Il-Qafas għandu jidentifika:

(a)il-lakuni komuni fil-kapaċitajiet, l-isfidi u d-dipendenzi kritiċi;

(b)it-temi u l-prijoritajiet ewlenin tar-riċerka għall-attivitajiet tar-riċerka, tal-innovazzjoni u tal-iżvilupp tal-kapaċitajiet li fihom tipparteċipa jew tista’ tipparteċipa l-Europol;

(c)l-iżviluppi u t-teknoloġiji emerġenti rilevanti għall-kapaċitajiet ta’ prijorità identifikati;

(d)il-ħtiġijiet u l-opportunitajiet għall-interoperabbiltà, għall-istandardizzazzjoni u għall-iżvilupp komuni tal-kapaċitajiet fil-livell tal-Unjoni.

3.Abbażi tal-Qafas, l-Europol għandha tappoġġa lill-Istati Membri u lill-Kummissjoni, b’mod partikolari billi:

(a)tikkontribwixxi għall-attivitajiet tar-riċerka, tal-innovazzjoni u tal-iżvilupp tal-kapaċitajiet;

(b)tappoġġa l-proċessi tal-interoperabbiltà u tal-istandardizzazzjoni, f’kooperazzjoni mal-ENISA meta jkun xieraq, inkluż l-iżvilupp u l-promozzjoni ta’ standards komuni, rekwiżiti tal-interoperabbiltà, u speċifikazzjonijiet operazzjonali u tekniċi rilevanti għall-kooperazzjoni fl-infurzar tal-liġi;

(c)tipprovdi, meta jkun rilevanti f’kooperazzjoni mal-istituzzjonijiet, mal-korpi, mal-uffiċċji u mal-aġenziji tal-Unjoni, pariri u appoġġ għall-iżvilupp tal-kapaċitajiet;

(d)tiffaċilita l-ġbir flimkien, il-kondiviżjoni u l-akkwist konġunt tal-kapaċitajiet, inkluż riżorsi u tagħmir tekniċi, għarfien u għarfien espert bejn l-Istati Membri, inkluż f’kooperazzjoni mal-istituzzjonijiet, mal-korpi, mal-uffiċċji u mal-aġenziji rilevanti tal-Unjoni u permezz tat-taħriġ speċjalizzat imsemmi fl-Artikolu 64.

4.Għall-finijiet tal-istabbiliment u tal-aġġornament tal-Qafas imsemmi fil-paragrafu 1, l-Istati Membri għandhom jipprovdu lill-Europol, fuq bażi annwali, b’informazzjoni dwar l-attivitajiet nazzjonali ta’ riċerka u ta’ innovazzjoni, inkluż l-investimenti rilevanti, u dwar il-parteċipazzjoni tagħhom fi proġetti ta’ riċerka u ta’ innovazzjoni ffinanzjati mill-Unjoni u ffinanzjati fil-livell nazzjonali, rilevanti għall-kompetenza tal-Europol.

5.Il-Qafas għandu jifforma parti mill-programmazzjoni pluriennali tal-Europol imsemmija fl-Artikolu 73 u għandu jiġi adottat mill-Bord tat-Tmexxija abbażi ta’ proposta mill-Europol wara konsultazzjoni mal-Kummissjoni.

Il-Qafas għandu jiġi rieżaminat regolarment u, meta jkun meħtieġ, għandu jiġi aġġornat. L-Europol għandha tirrapporta fil-programmi ta’ ħidma annwali msemmija fl-Artikolu 73 dwar l-implimentazzjoni tal-Qafas, inkluż dwar is-segwitu mogħti għall-ħtiġijiet ta’ kapaċitajiet identifikati fihom.

L-Europol għandha tikkonsulta lill-Grupp Konsultattiv dwar il-Kapaċitajiet u l-Innovazzjoni stabbilit skont l-Artikolu 65 fit-tħejjija kif ukoll fir-rieżami u fl-aġġornament regolari tal-Qafas.

Artikolu 58

Ir-rwol tal-Europol fil-programmi ta’ finanzjament tal-Unjoni li jappoġġaw ir-riċerka, l-innovazzjoni u l-iżvilupp tal-kapaċitajiet

1.L-Europol tista’ tassisti lill-Kummissjoni fil-programmazzjoni ta’ programmi ta’ finanzjament tal-Unjoni li jappoġġaw ir-riċerka, l-innovazzjoni u l-iżvilupp tal-kapaċitajiet rilevanti għall-kompetenzi tal-Europol.

2.L-Europol tista’ tipparteċipa f’attivitajiet appoġġati skont programmi ta’ finanzjament rilevanti tal-Unjoni għall-iżvilupp, għall-użu, għall-iskjerament, għall-iskalar u għall-integrazzjoni tas-soluzzjonijiet innovattivi u tal-kapaċitajiet avvanzati, meta tali parteċipazzjoni tkun meħtieġa biex l-Europol twettaq il-kompiti tagħha.

3.F’konformità mar-regoli applikabbli, il-Kummissjoni u l-Europol għandhom jieħdu l-miżuri kollha meħtieġa biex jevitaw kunflitti ta’ interess u jiżguraw separazzjoni ċara bejn ir-rwoli tal-Europol imsemmija fil-paragrafi 1 u 2.

Artikolu 59

Kapaċitajiet avvanzati

1.L-Europol għandha tiżviluppa, topera, toffri hosting u tipprovdi kapaċitajiet avvanzati, inkluż sistemi, servizzi, ambjenti analitiċi, infrastruttura, għodod, komponenti u pjattaformi tekniċi meħtieġa għat-twettiq tal-kompiti tagħha.

2.L-Europol tista’ twettaq tali attivitajiet fuq inizjattiva tagħha stess jew fuq talba ta’ mill-inqas tliet Stati Membri skont il-paragrafu 3.

3.Qabel ma tiżviluppa kapaċità avvanzata ġdida skont il-paragrafu 1, l-Europol għandha tivvaluta:

(a)jekk il-kapaċitajiet ekwivalenti humiex diġà disponibbli fis-suq jew ġewx żviluppati jew akkwistati mill-istituzzjonijiet, mill-korpi, mill-uffiċċji u mill-aġenziji tal-Unjoni jew mill-Istati Membri;

(b)jekk id-dipendenza fuq fornituri barra mill-Unjoni toħloqx riskji għall-interessi tas-sigurtà jew għar-reżiljenza teknoloġika tal-Unjoni;

(c)id-disponibbiltà tar-riżorsi, filwaqt li jitqiesu l-prijoritajiet tal-iżvilupp tal-kapaċitajiet identifikati fil-Qafas imsemmi fl-Artikolu 57.

Meta l-Europol tikkonkludi li diġà huma disponibbli kapaċitajiet avvanzati ekwivalenti, għandha, meta jkun xieraq, tipprijoritizza l-użu mill-ġdid, l-adattament, l-interoperabbiltà, l-iskalar jew l-akkwiżizzjoni ta’ tali kapaċitajiet.

Meta l-Europol tikkonkludi li l-iżvilupp tal-kapaċitajiet avvanzati mitluba mill-inqas minn tliet Stati Membri huwa meħtieġ u fattibbli, għandha tiżviluppa u topera tali kapaċitajiet u toffri hosting għalihom.

4.L-iżvilupp, l-operat, il-hosting jew il-forniment tal-kapaċitajiet avvanzati msemmija fil-paragrafu 1 ma għandhomx jaffettwaw ir-responsabbiltà tal-Istati Membri li jagħmlu t-talba għall-konformità mal-obbligi tagħhom skont id-dritt tal-Unjoni u dak nazzjonali, inkluż l-obbligi relatati mal-protezzjoni tad-data u ċ-ċibersigurtà.

5.L-Europol għandha tappoġġa lill-Istati Membri fl-iżvilupp, fl-iskjerament, fl-integrazzjoni u fl-interoperabbiltà tal-kapaċitajiet avvanzati kondiviżi, inkluż billi tqiegħed għad-dispożizzjoni infrastruttura, servizzi tekniċi u ambjenti teknoloġiċi siguri kondiviżi.

6.Il-kapaċitajiet avvanzati msemmija fil-paragrafu 1 u l-infrastruttura, is-servizzi tekniċi u l-ambjenti teknoloġiċi siguri kondiviżi msemmija fil-paragrafu 4 għandhom, meta jkun teknikament fattibbli, jiġu integrati fl-Ispazju Kondiviż ta’ Data għall-Pulizija msemmi fl-Artikolu 42.

7.Fil-kuntest ta’ investigazzjoni jew attività operazzjonali appoġġata mill-Europol, l-Europol tista’ tqiegħed il-kapaċitajiet avvanzati msemmija fil-paragrafu 1 għad-dispożizzjoni ta’ pajjiż terz parteċipanti meta tali użu jkun meħtieġ għat-twettiq effettiv ta’ dik l-investigazzjoni jew ta’ dik l-attività.

Artikolu 60

Riċerka u innovazzjoni

L-Europol tista’ twettaq u tipparteċipa f’attivitajiet ta’ riċerka u ta’ innovazzjoni, inkluż proġetti pilota u azzjonijiet ta’ tħejjija, meta jkun meħtieġ għat-twettiq tal-kompiti tagħha skont dan ir-Regolament, b’mod partikolari għall-iżvilupp ta’ soluzzjonijiet innovattivi għal kapaċitajiet avvanzati maħsuba għall-użu mill-awtoritajiet kompetenti tal-Istati Membri.

Artikolu 61

Ambjenti tal-ittestjar u ambjenti ta’ esperimentazzjoni regolatorja

1.L-Europol tista’ tuża l-ambjent ta’ pproċessar separat, iżolat u protett imsemmi fl-Artikolu 102(2), il-punt (c)(i), għall-iżvilupp, għall-modifika sostanzjali, għall-ittestjar u għall-validazzjoni ta’ għodod algoritmiċi, sistemi u mudelli tal-IA u teknoloġiji avvanzati oħra u, meta jkun rilevanti, għat-taħriġ ta’ tali sistemi.

2.Meta s-sistemi tal-IA jew il-mudelli tal-IA żviluppati jew modifikati sostanzjalment fil-kuntest tal-attivitajiet ta’ riċerka u ta’ innovazzjoni tal-Europol jikkostitwixxu sistemi tal-IA b’riskju għoli fis-sens tar-Regolament (UE) 2024/1689, l-Europol għandha tiżgura li l-ambjent imsemmi fil-paragrafu 1 jikkonforma, kif applikabbli mar-rekwiżiti li jirregolaw l-ambjenti ta’ esperimentazzjoni regolatorja tal-IA stabbiliti fl-Artikolu 57 ta’ dak ir-Regolament.

3.L-Europol tista’ tqiegħed l-ambjent imsemmi fil-paragrafu 1 għad-dispożizzjoni tal-partijiet privati li jipparteċipaw f’attivitajiet ta’ riċerka u ta’ innovazzjoni mwettqa mill-Europol jew li fihom tipparteċipa l-Europol, soġġett għal salvagwardji tekniċi, organizzazzjonali, ta’ sigurtà u ta’ protezzjoni tad-data xierqa.

4.L-Europol tista’ tipparteċipa wkoll f’ambjenti ta’ esperimentazzjoni regolatorja għas-sistemi u għall-mudelli tal-IA stabbiliti f’konformità mal- Artikolu 57 tar-Regolament (UE) 2024/1689  inkluż ambjenti ta’ esperimentazzjoni regolatorja stabbiliti mill-Kontrollur Ewropew għall-Protezzjoni tad-Data.

Artikolu 62

Skjerament bikri, ittestjar operazzjonali u validazzjoni ta’ soluzzjonijiet innovattivi

1.L-Europol tista’ tappoġġa l-iskjerament bikri, l-ittestjar operazzjonali u l-validazzjoni ta’ soluzzjonijiet innovattivi għall-kapaċitajiet avvanzati, inkluż soluzzjonijiet kummerċjali, filwaqt li tqis il-Qafas imsemmi fl-Artikolu 57.

2.Meta l-Europol tipparteċipa f’attivitajiet ta’ riċerka u ta’ innovazzjoni skont l-Artikolu 60, għandha tivvaluta l-użu operazzjonali potenzjali tas-soluzzjonijiet innovattivi li jirriżultaw u, meta jkun xieraq, għandha tappoġġa l-iskjerament bikri, l-ittestjar operazzjonali u l-validazzjoni tagħhom għall-użu mill-awtoritajiet kompetenti tal-Istati Membri.

Meta l-Europol tikkonkludi li tali appoġġ huwa meħtieġ u fattibbli, filwaqt li jitqiesu r-riżorsi disponibbli u l-Qafas imsemmi fl-Artikolu 57, għandha tipprovdi tali appoġġ f’konformità ma’ dan l-Artikolu.

Artikolu 63

Użu, skjerament, skalar u integrazzjoni tal-kapaċitajiet avvanzati

1.L-Europol għandha tappoġġa l-użu, l-iskjerament, l-iskalar u l-integrazzjoni tal-kapaċitajiet avvanzati, b’mod partikolari dawk li jirriżultaw mill-attivitajiet ta’ riċerka u ta’ innovazzjoni msemmija fl-Artikolu 60, fl-attivitajiet operazzjonali u fl-investigazzjonijiet tal-awtoritajiet kompetenti tal-Istati Membri, f’konformità mad-dritt tal-Unjoni u dak nazzjonali applikabbli.

2.Għall-fini tal-paragrafu 1, l-Europol għandha tikkoopera mill-qrib mal-Istati Membri biex tiffaċilita l-użu u l-integrazzjoni effettivi tal-kapaċitajiet avvanzati f’ambjenti operazzjonali nazzjonali, b’mod partikolari permezz taċ-Ċentri, l-iskjeramenti tal-Europol u l-uffiċċji ta’ appoġġ tal-Europol, kif ikun xieraq.

Artikolu 64

Taħriġ speċjalizzat

1.L-Europol għandha tappoġġa lill-Istati Membri fit-tisħiħ tal-għarfien espert speċjalizzat u fl-iżgurar tal-iskjerament u tal-użu effettivi tal-kapaċitajiet avvanzati kondiviżi żviluppati, operati jew ipprovduti skont dan ir-Regolament jew li l-hosting tagħhom ikun skontu, inkluż permezz ta’ attivitajiet ta’ taħriġ speċjalizzat dwar:

(a)metodi operazzjonali, analitiċi, tekniċi u forensiċi avvanzati rilevanti għall-investigazzjonijiet kriminali;

(b)kapaċitajiet relatati ma’ teknoloġiji emerġenti, inkluż l-intelliġenza artifiċjali, l-investigazzjonijiet diġitali, l-intelligence minn sorsi miftuħa u d-dekriptaġġ u l-ipproċessar tad-data;

(c)metodoloġiji operazzjonali rilevanti għall-kooperazzjoni transfruntiera fl-infurzar tal-liġi, inkluż metodi ta’ prevenzjoni tal-kriminalità u proċeduri investigattivi.

2.L-Europol għandha tipprovdi wkoll għarfien espert u taħriġ speċjalizzati meta l-ħtiġijiet operazzjonali jew ta’ kapaċità komuni identifikati skont il-Qafas jeħtieġu appoġġ ikkoordinat fil-livell tal-Unjoni.

3.L-Europol għandha twettaq l-attivitajiet imsemmija fil-paragrafi 1 u 2 f’kooperazzjoni mill-qrib mal-Aġenzija tal-Unjoni Ewropea għat-Taħriġ fl-Infurzar tal-Liġi (CEPOL) inkluż fir-rigward tal-attivitajiet ta’ taħriġ speċjalizzat imwettqa permezz ta’ ċentri ta’ eċċellenza kkoordinati mis-CEPOL.

Taqsima 2
Kooperazzjoni u kollaborazzjoni dwar il-kapaċitajiet u l-innovazzjoni

Artikolu 65

Servizz għall-Kapaċitajiet u l-Innovazzjoni

1.L-Europol għandha żżomm Servizz għall-Kapaċitajiet u l-Innovazzjoni biex jikkoordina l-attivitajiet tal-Europol fl-oqsma tal-prospettiva, tar-riċerka, tal-innovazzjoni u tal-iżvilupp tal-kapaċitajiet.

2.Is-Servizz għall-Kapaċitajiet u l-Innovazzjoni għandu, b’mod partikolari:

(a)jikkoordina t-tħejjija, l-implimentazzjoni, ir-rieżami u l-aġġornament tal-Qafas imsemmi fl-Artikolu 57;

(b)jikkoordina u jwettaq l-attivitajiet ta’ riċerka, ta’ innovazzjoni u ta’ żvilupp tal-kapaċitajiet imwettqa mill-Europol, inkluż fiċ-Ċentri, u jmexxi l-iżvilupp u l-evoluzzjoni tas-servizzi, tal-għodod u tal-kapaċitajiet tekniċi tal-Europol stabbiliti skont dan ir-Regolament;

(c)jappoġġa lill-Istati Membri fl-iżvilupp, fl-ittestjar, fil-validazzjoni, fl-użu, fl-iskjerament, fl-iskalar u fl-integrazzjoni tal-kapaċitajiet avvanzati, inkluż billi jiffaċilita l-interoperabbiltà, l-istandardizzazzjoni u l-użu konsistenti tagħhom fl-Istati Membri kollha;

(d)jikkontribwixxi għall-kooperazzjoni u għall-koordinazzjoni fil-livell tal-Unjoni bejn l-Istati Membri, l-istituzzjonijiet, il-korpi, l-uffiċċji u l-aġenziji tal-Unjoni u, meta jkun xieraq, partijiet ikkonċernati rilevanti oħra fl-oqsma tar-riċerka, tal-innovazzjoni u tal-iżvilupp tal-kapaċitajiet rilevanti għall-kompetenza tal-Europol.

(e)jieħu ħsieb id-disseminazzjoni, f’konformità mal-Artikolu 129, tar-riżultati tal-attivitajiet ta’ riċerka, ta’ innovazzjoni u ta’ żvilupp tal-kapaċitajiet imwettqa skont dan ir-Regolament.

Artikolu 66

Arranġamenti kollaborattivi għall-innovazzjoni u għall-iżvilupp tal-kapaċitajiet

1.L-Europol tista’ tistabbilixxi arranġamenti kollaborattivi, networks ta’ kooperazzjoni u inizjattivi oħra ta’ innovazzjoni mal-istituzzjonijiet, il-korpi, l-uffiċċji u l-aġenziji tal-Unjoni, u mal-awtoritajiet kompetenti tal-Istati Membri, u tipparteċipa fihom.

Għall-fini tal-arranġamenti kollaborattivi msemmija fl-ewwel subparagrafu, l-Europol tista’ tistabbilixxi u tipparteċipa fi sħubijiet għall-innovazzjoni, f’akkwisti prekummerċjali u f’attivitajiet oħra ta’ innovazzjoni u ta’ żvilupp tal-kapaċitajiet mal-partijiet privati rilevanti, inkluż organizzazzjonijiet tar-riċerka, id-dinja akkademika, il-fornituri tat-teknoloġija, l-industrija, l-intrapriżi żgħar u ta’ daqs medju, l-istart-ups u l-atturi tal-innovazzjoni, soġġett għal salvagwardji xierqa tal-protezzjoni tad-data u tas-sigurtà u mingħajr preġudizzju għad-dritt applikabbli tal-Unjoni.

2.L-Europol għandha tinforma u tikkonsulta regolarment lill-Grupp Konsultattiv dwar il-Kapaċitajiet u l-Innovazzjoni stabbilit skont l-Artikolu 67 rigward l-attivitajiet imwettqa skont dan l-Artikolu.

Artikolu 67

Grupp Konsultattiv dwar il-Kapaċitajiet u l-Innovazzjoni

1.B’dan qiegħed jiġi stabbilit Grupp Konsultattiv dwar il-Kapaċitajiet u l-Innovazzjoni (il-“Grupp Konsultattiv dwar l-Innovazzjoni”).

2.Il-Grupp Konsultattiv dwar l-Innovazzjoni għandu jkun magħmul minn espert wieħed iddeżinjat minn kull Stat Membru u espert wieħed iddeżinjat mill-Kummissjoni.

L-ENISA, l-ECCC, il-Frontex, l-eu-LISA u l-Eurojust jistgħu jaħtru rappreżentant kull wieħed fil-Grupp Konsultattiv dwar l-Innovazzjoni.

3.L-Europol tista’ tistieden rappreżentanti ta’ korpi, aġenziji u uffiċċji rilevanti oħra tal-Unjoni u partijiet privati biex jipparteċipaw, meta jkun xieraq.

4.Il-Grupp Konsultattiv għandu jassisti lill-Europol billi jipprovdi għarfien espert tekniku dwar l-attivitajiet ta’ riċerka, ta’ innovazzjoni u ta’ żvilupp tal-kapaċitajiet, b’mod partikolari fir-rigward tat-tħejjija, ir-rieżami u l-aġġornament regolari tal-Qafas imsemmi fl-Artikolu 57.

Għal dik il-fini, il-Grupp Konsultattiv dwar l-Innovazzjoni għandu:

(a)jippermetti lill-parteċipanti jagħmlu skambju dwar l-iżvilupp tal-kapaċitajiet u l-attivitajiet ta’ innovazzjoni li jkunu għaddejjin u li jkunu ppjanati, bi twettiq fil-livell tal-Unjoni u dak nazzjonali li jista’ jkollhom rilevanza għall-Qafas;

(b)jappoġġa l-konsistenza, il-komplementarjetà u l-koordinazzjoni bejn l-attivitajiet ta’ riċerka, ta’ innovazzjoni u ta’ żvilupp tal-kapaċitajiet imwettqa skont dan ir-Regolament u inizjattivi relatati fil-livell nazzjonali u f’dak tal-Unjoni;

(c)jappoġġa l-involviment strutturat mal-partijiet privati għall-iżvilupp, għall-ittestjar u għall-innovazzjoni tal-kapaċitajiet rilevanti għall-kompetenza tal-Europol.

5.Il-Grupp Konsultattiv dwar l-Innovazzjoni għandu jiltaqa’ regolarment. Ma għandu jkollu l-ebda setgħa tat-teħid tad-deċiżjonijiet u ma għandux jirrappreżenta lill-Bord tat-Tmexxija.

6.L-Europol għandha tipprovdi segretarjat u appoġġ amministrattiv.

7.Il-Grupp Konsultattiv dwar l-Innovazzjoni għandu jadotta r-regoli ta’ proċedura tiegħu.

Kapitolu V
Organizzazzjoni tal-Europol

Artikolu 68

Struttura amministrattiva u tal-ġestjoni tal-Europol

1.L-istruttura amministrattiva u tal-ġestjoni tal-Europol għandha tinkludi:

(a)Bord tat-Tmexxija;

(b)Bord Eżekuttiv;

(c)Direttur Eżekuttiv;

(d)Viċi Diretturi Eżekuttivi, meta jiġu stabbiliti tali karigi;

(e)Grupp tat-Tmexxija tal-ICT/IM;

(f)Grupp Konsultattiv tal-ICT/IM;

(g)Grupp Konsultattiv dwar l-Innovazzjoni;

(h)jekk ikun xieraq, korpi konsultattivi oħra stabbiliti mill-Bord tat-Tmexxija f’konformità mal-Artikolu 72;

(i)iċ-Ċentri.

2.Il-membri tal-istruttura amministrattiva u tal-ġestjoni tal-Aġenzija ma għandu jkollhom ebda interess finanzjarju jew interess ieħor li jista’ jaffettwa l-imparzjalità tagħhom. Għandhom jaġixxu fl-interess pubbliku u għandhom iwettqu l-attivitajiet tagħhom b’mod indipendenti, imparzjali u trasparenti. Huma għandhom jagħmlu dikjarazzjonijiet annwali tal-interessi f’konformità mar-regoli interni adottati mill-Bord tat-Tmexxija. L-Europol għandha tagħmel dawk id-dikjarazzjonijiet pubbliċi fuq bażi annwali.

Taqsima 1
Bord tat-Tmexxija

Artikolu 69

Kompożizzjoni tal-Bord tat-Tmexxija

1.Il-Bord tat-Tmexxija għandu jkun magħmul minn rappreżentant wieħed minn kull Stat Membru u minn żewġ rappreżentanti tal-Kummissjoni, ilkoll bid-dritt tal-vot.

2.Il-Bord tat-Tmexxija għandu jinkludi wkoll:

(a)membru ddeżinjat mill-Parlament Ewropew, mingħajr id-dritt tal-vot.

(b)membru wieħed maħtur minn kull wieħed mill-pajjiżi assoċjati mal-implimentazzjoni, mal-applikazzjoni u mal-iżvilupp tal-acquis ta’ Schengen, meta jkun previst u f’konformità mal-ftehim internazzjonali rilevanti msemmi fl-Artikolu 93.

3.Kull membru tal-Bord tat-Tmexxija għandu jkollu sostitut. Is-sostitut għandu jirrappreżenta lill-membru fl-assenza tiegħu.

4.Il-membri tal-Bord tat-Tmexxija u s-sostituti tagħhom għandhom jinħatru fid-dawl tal-għarfien tagħhom tal-kooperazzjoni fl-infurzar tal-liġi rilevanti għall-kompetenza tal-Europol, filwaqt li jitqiesu l-ħiliet u l-għarfien espert maniġerjali, amministrattivi u baġitarji tagħhom. Il-partijiet kollha rrappreżentati fil-Bord tat-Tmexxija għandhom jagħmlu sforzi biex jillimitaw it-tibdil tar-rappreżentanti tagħhom biex tiġi żgurata l-kontinwità fil-ħidma tal-Bord tat-Tmexxija. Il-partijiet kollha għandhom ifittxu li jiksbu rappreżentanza bilanċjata bejn l-irġiel u n-nisa fil-Bord tat-Tmexxija.

5.Il-mandat għall-membri u għas-sostituti tagħhom għandu jkun ta’ 4 snin. Il-mandati għandhom ikunu jistgħu jiġu estiżi.

Artikolu 70

President tal-Bord tat-Tmexxija

1.Il-Bord tat-Tmexxija għandu jeleġġi President u Viċi President minn fost il-grupp ta’ tliet Stati Membri li b’mod konġunt ħejjew il-programm ta’ 18-il xahar tal-Kunsill. Huma għandhom iservu għall-perjodu ta’ 18-il xahar li jikkorrispondi għal dak il-programm tal-Kunsill. Meta, madankollu, il-President jew il-Viċi President ma jibqgħux membri tal-Bord tat-Tmexxija u dan jinzerta fi kwalunkwe żmien matul il-mandat tagħhom bħala President jew Viċi President, il-mandat tagħhom għandu awtomatikament jiskadi fl-istess żmien.

2.Il-President u l-Viċi President għandhom jiġu eletti b’maġġoranza ta’ żewġ terzi tal-membri tal-Bord tat-Tmexxija bid-dritt tal-vot.

3.Il-Viċi President għandu jissostitwixxi l-President awtomatikament jekk dan ma jkunx jista’ jwettaq dmirijietu.

Artikolu 71

Laqgħat tal-Bord tat-Tmexxija

1.Il-laqgħat tal-Bord tat-Tmexxija għandu jsejjaħhom il-President.

Il-laqgħat tal-Bord tat-Tmexxija għandhom, fil-prinċipju, isiru fil-kwartieri ġenerali tal-Europol.

2.Id-Direttur Eżekuttiv għandu jieħu sehem fid-deliberazzjonijiet, mingħajr ma jkollu d-dritt tal-vot.

3.Il-Bord tat-Tmexxija għandu jkollu mill-inqas żewġ laqgħat ordinarji fis-sena. Barra minn hekk, dan għandu jiltaqa’ fuq l-inizjattiva tal-President tiegħu, fuq talba tal-Kummissjoni, jew fuq talba ta’ mill-inqas terz tal-membri tiegħu.

4.Meta jkun meħtieġ, il-Bord tat-Tmexxija jista’ jorganizza laqgħat konġunti mal-bordijiet tat-tmexxija tal-Eurojust, tal-Frontex u tas-CEPOL.

5.Il-Bord tat-Tmexxija jista’ jistieden lil kwalunkwe persuna b’opinjoni li tista’ tkun ta’ interess biex tattendi l-laqgħa tiegħu bħala osservatur.

6.Żewġ rappreżentanti tal-JPSG għandhom jiġu mistiedna sabiex jattendu żewġ laqgħat ordinarji tal-Bord tat-Tmexxija kull sena bħala osservaturi mingħajr dritt tal-vot biex jiddiskutu l-materji li ġejjin ta’ interess politiku:

(a)ir-rapport annwali tal-attività konsolidat imsemmi fl-Artikolu 72(2), il-punt (m) għas-sena preċedenti;

(b)id-dokument uniku ta’ programmazzjoni msemmi fl-Artikolu 73 għas-sena ta’ wara u l-baġit annwali;

(c)il-mistoqsijiet u t-tweġibiet bil-miktub tal-JPSG;

(d)ir-relazzjonijiet esterni u l-materji ta’ sħubija.

Il-Bord tat-Tmexxija, flimkien mar-rappreżentanti tal-JPSG, jistgħu jiddeterminaw materji oħra ta’ interess politiku li jridu jiġu diskussi.

7.Waqt il-laqgħat, il-membri tal-Bord tat-Tmexxija u s-sostituti tagħhom jistgħu, soġġetti għar-regoli ta’ proċedura tiegħu, jiġu assistiti minn konsulenti jew minn esperti.

8.L-Europol għandha tipprovdi s-segretarjat għall-Bord tat-Tmexxija.

Artikolu 72

Funzjonijiet tal-Bord tat-Tmexxija

1.Il-Bord tat-Tmexxija għandu jkun responsabbli għat-teħid tad-deċiżjonijiet strateġiċi tal-Europol u għandu jagħti l-orjentazzjonijiet ġenerali għall-attivitajiet tal-Europol.

2.Il-Bord tat-Tmexxija għandu:

(a)jadotta, b’maġġoranza ta’ żewġ terzi tal-membri tiegħu bid-dritt tal-vot, il-baġit annwali tal-Europol u jeżerċita funzjonijiet oħra fir-rigward tal-baġit tal-Europol;

(b)jadotta r-regoli finanzjarji applikabbli għall-Europol;

(c)jadotta l-pjanijiet ta’ komunikazzjoni u ta’ disseminazzjoni, abbażi ta’ analiżi tal-ħtiġijiet, u jaġġornahom regolarment;

(d)jadotta r-regoli ta’ proċedura tiegħu, inkluż dispożizzjonijiet li jikkonċernaw il-kompiti u l-funzjonament tas-segretarjat tiegħu;

(e)jeżerċita, f’konformità mal-paragrafu 5 u fir-rigward tal-persunal tal-Europol, is-setgħat mogħtija lill-awtorità tal-ħatra mir-Regolamenti tal-Persunal u mill-Kundizzjonijiet tal-Impjieg Applikabbli ta’ Aġenti Oħra lill-awtorità bis-setgħa li tikkonkludi kuntratt ta’ impjieg ta’ aġenti oħra (“is-setgħat tal-awtorità tal-ħatra”);

(f)jadotta regoli ta’ implimentazzjoni li jagħtu effett lir-Regolamenti tal-Persunal u l-Kundizzjonijiet tal-Impjieg ta’ Aġenti Oħra f’konformità mal-Artikolu 110(2) tar-Regolamenti tal-Persunal;

(g)jaħtar b’maġġoranza ta’ żewġ terzi lid-Direttur Eżekuttiv u, meta jkun xieraq, lill-Viċi Diretturi Eżekuttivi, u meta jkun rilevanti jestendi l-mandat tagħhom jew ineħħihom mill-kariga;

(h)jistabbilixxi l-istruttura organizzazzjonali tal-Europol u jadotta l-politika tal-persunal tal-Europol filwaqt li jqis il-ġestjoni baġitarja soda;

(i)jistabbilixxi, meta jkun xieraq, korpi konsultattivi, u jiddetermina l-mandat, il-kompożizzjoni u r-regoli ta’ implimentazzjoni tagħhom;

(j)jiddeċiedi, fuq proposta mid-Direttur Eżekuttiv u soġġett għall-approvazzjoni minn qabel tal-Kummissjoni, dwar l-istabbiliment ta’ funzjonijiet, kapaċitajiet jew faċilitajiet operazzjonali, tekniċi jew amministrattivi fi Stati Membri għajr l-Istat Membru ospitanti, meta jkun meħtieġ għat-twettiq tal-kompiti tal-Europol;

(k)jawtorizza l-konklużjoni ta’ arranġamenti ta’ ħidma;

(l)filwaqt li jqis l-opinjoni tal-Kummissjoni, jadotta d-dokument uniku ta’ programmazzjoni tal-Europol b’maġġoranza ta’ żewġ terzi tal-membri bid-dritt tal-vot.

(m)jiddefinixxi l-kriterji tal-evalwazzjoni għall-valutazzjoni tal-prestazzjoni tal-Europol u jadotta, b’maġġoranza ta’ żewġ terzi tal-membri tiegħu bid-dritt tal-vot, rapport annwali tal-attività konsolidat dwar l-attivitajiet tal-Europol u, sal-1 ta’ Lulju tas-sena ta’ wara, jibagħtu lill-Parlament Ewropew, lill-Kunsill, lill-Kummissjoni, lill-Qorti tal-Awdituri u lill-parlamenti nazzjonali. Ir-rapport annwali tal-attività konsolidat għandu jkun pubbliku. Il-Kummissjoni għandha tadotta atti ta’ implimentazzjoni li jistabbilixxu indikaturi tar-rapportar biex tiżgura approċċ uniformi għall-ġbir u għall-preżentazzjoni tal-informazzjoni mill-Europol fir-rigward tar-reati kontra l-interessi finanzjarji tal-Unjoni;

(n)jadotta regoli għall-prevenzjoni u għall-ġestjoni tal-kunflitti ta’ interess fir-rigward tal-membri tiegħu, inkluż b’rabta mad-dikjarazzjoni tal-interessi tagħhom;

(o)jadotta miżuri xierqa biex jappoġġa r-rikonoxximent tal-ħiliet u tal-esperjenza professjonali miksuba matul l-impjieg mal-Europol, jew l-attivitajiet imwettqa għaliha, inkluż permezz tal-iżvilupp ta’ qafas ta’ kompetenza komuni f’kooperazzjoni mas-CEPOL;

(p)jimmonitorja l-prijoritajiet u l-objettivi strateġiċi tal-Europol, kif riflessi fil-kriterji ta’ evalwazzjoni msemmija fil-punt (m), u jiżgura segwitu xieraq għall-isfidi operazzjonali, teknoloġiċi u organizzazzjonali li jaffettwaw it-twettiq tal-kompiti tal-Europol;

(q)jissorvelja l-prestazzjoni tad-Direttur Eżekuttiv, inkluż l-implimentazzjoni tad-deċiżjonijiet tal-Bord tat-Tmexxija u l-eżerċizzju effettiv tas-setgħat mogħtija lid-Direttur Eżekuttiv skont dan ir-Regolament;

(r)jaħtar Uffiċjal tal-Protezzjoni tad-Data, li għandu jkun funzjonalment indipendenti fit-twettiq ta’ dmirijietu;

(s)jaħtar uffiċjal tal-kontabbiltà, li għandu jkun funzjonalment indipendenti fit-twettiq ta’ dmirijietu;

(t)jistabbilixxi u jissorvelja kapaċità indipendenti tal-awditjar intern, u jiżgura segwitu adegwat għar-rakkomandazzjonijiet li jirriżultaw mir-rapporti tal-awditjar intern jew estern, mill-evalwazzjonijiet u mill-investigazzjonijiet tal-UPPE, tal-Uffiċċju Ewropew ta’ Kontra l-Frodi (OLAF) u tal-EDPS;

(u)jadotta linji gwida għall-ipproċessar tal-informazzjoni mill-Europol f’konformità mal-Artikolu 32, wara li jikkonsulta lill-EDPS;

(v)jadotta regoli ta’ implimentazzjoni li jirregolaw iċ-Ċentri f’konformità mal-Artikoli 13 sa 19, u jivvaluta regolarment il-funzjonament tagħhom u jadattahom meta jkun meħtieġ fid-dawl tal-ħtiġijiet operazzjonali u t-theddidiet għas-sigurtà li qegħdin jevolvu;

(w)jiddeżinja Uffiċjal għad-Drittijiet Fundamentali, li għandu jkun funzjonalment indipendenti fit-twettiq ta’ dmirijietu;

(x)jispeċifika l-kriterji li abbażi tagħhom l-Europol tista’ toħroġ proposti għad-dħul possibbli ta’ allerti ta’ informazzjoni fis-SIS.

3.Meta l-Bord tat-Tmexxija jqis li jkun neċessarju għat-twettiq tal-kompiti tal-Europol, jista’ jissuġġerixxi lill-Kunsill jiġbed l-attenzjoni tal-Kummissjoni għall-ħtieġa ta’ deċiżjoni ta’ adegwatezza kif imsemmi fl-Artikolu 94a tar-Regolament (UE) 2018/1725, jew ta’ rakkomandazzjoni għal deċiżjoni li tawtorizza l-ftuħ ta’ negozjati għall-konklużjoni ta’ ftehim internazzjonali kif imsemmi fl-Artikolu 94b(2) tar-Regolament (UE) 2018/1725.

4.Meta mill-inqas terz tal-membri tal-Bord tat-Tmexxija jidentifikaw ħtieġa għal azzjoni mill-Europol f’qasam speċifiku li jaqa’ fil-kompetenza tagħha, il-Bord tat-Tmexxija għandu jistieden lid-Direttur Eżekuttiv jipproponi miżuri xierqa.

5.Il-Bord tat-Tmexxija għandu jadotta, f’konformità mal-Artikolu 110(2) tar-Regolamenti tal-Persunal, deċiżjoni bbażata fuq l-Artikolu 2(1) tar-Regolamenti tal-Persunal u l-Artikolu 6 tal-Kundizzjonijiet ta’ Impjieg ta’ Aġenti Oħra, filwaqt li jiddelega s-setgħat tal-awtorità tal-ħatra rilevanti lid-Direttur Eżekuttiv u jistabbilixxi l-kundizzjonijiet li fihom din id-delega tas-setgħat tista’ tiġi sospiża. Id-Direttur Eżekuttiv għandu jkun awtorizzat li jissottodelega dawk is-setgħat.

6.Meta jkun meħtieġ minħabba ċirkostanzi eċċezzjonali, il-Bord tat-Tmexxija jista’, permezz ta’ deċiżjoni, jissospendi temporanjament id-delega tas-setgħat tal-awtorità tal-ħatra lid-Direttur Eżekuttiv u kwalunkwe sottodelega ta’ tali setgħat u jeżerċitahom hu stess jew jiddelega dawk is-setgħat lil wieħed mill-membri tiegħu jew lil membru tal-persunal għajr id-Direttur Eżekuttiv.

7.Il-Bord tat-Tmexxija jista’ jiddelega ċerti kompiti, għajr dawk li jirrikjedu maġġoranza ta’ żewġ terzi tal-Bord tat-Tmexxija, lill-Bord Eżekuttiv imsemmi fl-Artikolu 75, u għandu jadotta regoli interni li jirregolaw il-kompiti, il-kompożizzjoni u l-funzjonament tiegħu.

Artikolu 73

Programmazzjoni pluriennali u programmi ta’ ħidma annwali

1.Il-Bord tat-Tmexxija għandu, sat-tmiem ta’ kull sena, jadotta dokument uniku ta’ programmazzjoni li jkun fih il-programmazzjoni pluriennali u l-programm ta’ ħidma annwali tal-Europol, abbażi ta’ abbozz ippreżentat mid-Direttur Eżekuttiv, f’konformità mal-opinjoni tal-Kummissjoni u, fir-rigward tal-programmazzjoni pluriennali, wara konsultazzjoni mal-Grupp ta’ Skrutinju Parlamentari Konġunt (JPSG), stabbilit b’mod konġunt mill-Parlament Ewropew u mill-parlamenti nazzjonali.

Meta l-Kummissjoni tagħti opinjoni negattiva għal raġunijiet relatati mal-konformità mad-dritt tal-Unjoni, il-konsistenza mal-objettivi ta’ politika tal-Unjoni jew il-ġestjoni finanzjarja tajba, il-Bord tat-Tmexxija għandu jirrieżamina l-abbozz tad-dokument uniku ta’ programmazzjoni qabel l-adozzjoni tiegħu biex jiżgura l-konformità mad-dritt tal-Unjoni, il-konsistenza mal-objettivi ta’ politika tal-Unjoni u l-ġestjoni finanzjarja tajba.

Meta l-Bord tat-Tmexxija jiddeċiedi li ma jqisx l-ebda waħda mill-kwistjonijiet imqajma mill-JPSG f’konformità mal-Artikolu 71(6), il-punt (c), dan għandu jipprovdi ġustifikazzjoni dettaljata.

Ladarba d-dokument uniku ta’ programmazzjoni jkun ġie adottat, il-Bord tat-Tmexxija għandu jibagħtu lill-Kunsill, lill-Kummissjoni u lill-JPSG.

2.Il-programmazzjoni pluriennali għandha tistabbilixxi l-programmazzjoni strateġika kumplessiva, inkluż l-objettivi, ir-riżultati mistennija u l-indikaturi tal-prestazzjoni. Għandha tistabbilixxi wkoll l-ippjanar tar-riżorsi, inkluż il-baġit pluriennali u t-tabella tal-persunal filwaqt li tqis il-ħtieġa li tiġi żgurata taħlita xierqa ta’ ħiliet u ta’ għarfien espert meħtieġa għat-twettiq tal-kompiti tal-Europol. Għandha tinkludi l-istrateġija għar-relazzjonijiet ma’ pajjiżi terzi u ma’ organizzazzjonijiet internazzjonali u l-attivitajiet ta’ riċerka u ta’ innovazzjoni ppjanati tal-Europol.

Il-programmazzjoni pluriennali għandha tiġi implimentata permezz ta’ programmi ta’ ħidma annwali u għandha, meta jkun xieraq, tiġi aġġornata skont l-eżitu tal-evalwazzjonijiet esterni u interni. Il-konklużjoni ta’ dawk l-evalwazzjonijiet għandhom ukoll jiġu riflessi, meta jkun xieraq, fil-programm ta’ ħidma annwali tas-sena ta’ wara.

3.Il-programm ta’ ħidma annwali għandu jinkludi objettivi dettaljati, ir-riżultati mistennija u l-indikaturi tal-prestazzjoni. Għandu jinkludi wkoll deskrizzjoni tal-azzjonijiet li se jiġu ffinanzjati u indikazzjoni tar-riżorsi finanzjarji u umani allokati għal kull azzjoni, f’konformità mal-prinċipji tal-ibbaġitjar u tal-ġestjoni abbażi tal-attivitajiet. Il-programm ta’ ħidma annwali għandu jkun konsistenti mal-programmazzjoni pluriennali. Għandu jindika b’mod ċar il-kompiti li żdiedu, inbidlu jew tħassru meta mqabbel mas-sena finanzjarja preċedenti.

4.Meta, wara l-adozzjoni ta’ programm ta’ ħidma annwali, jiġi assenjat kompitu ġdid lill-Europol, il-Bord tat-Tmexxija għandu jemenda l-programm ta’ ħidma annwali.

5.Kwalunkwe emenda sostanzjali fil-programm ta’ ħidma annwali, b’mod speċjali modifika li tirriżulta f’riallokazzjoni tar-riżorsi baġitarji ta’ iktar minn 2 % tal-baġit annwali, għandha tiġi adottata bl-istess proċedura bħal dik applikabbli għall-adozzjoni tal-programm ta’ ħidma annwali inizjali. Il-Bord tat-Tmexxija jista’ jiddelega lid-Direttur Eżekuttiv is-setgħa li jagħmel emendi mhux sostanzjali fil-programm ta’ ħidma annwali.

Artikolu 74

Regoli tal-votazzjoni tal-Bord tat-Tmexxija

1.Mingħajr ma jiġi affettwat l-Artikolu 70(2), l-Artikolu 72(2), il-punti (a), (g), (l) u (m), l-Artikolu 76(7) u l-Artikolu 126(2), il-Bord tat-Tmexxija għandu jieħu deċiżjonijiet b’maġġoranza tal-membri tiegħu bid-dritt tal-vot.

2.Fil-każ li l-Kummissjoni tqajjem tħassib serju dwar proposta għal deċiżjoni ppreżentata lill-Bord tat-Tmexxija rigward materji relatati mar-Regolament Delegat (UE) 2019/715, ir-Regolamenti tal-Persunal u l-Kundizzjonijiet tal-Impjieg ta’ Aġenti Oħra, il-Bord tat-Tmexxija għandu jipposponi l-adozzjoni tad-deċiżjoni kkonċernata. Fi żmien 15-il jum minn meta l-Kummissjoni tqajjem tħassib serju dwar proposta għal deċiżjoni ppreżentata lill-Bord tat-Tmexxija, il-Bord tat-Tmexxija għandu jeżamina mill-ġdid u jadotta dik id-deċiżjoni, possibbilment emendata, fit-tieni qari b’maġġoranza ta’ żewġ terzi tal-membri tiegħu bid-dritt tal-vot, inkluż ir-rappreżentanti tal-Kummissjoni, jew b’maġġoranza ta’ erbgħa minn kull ħamsa mir-rappreżentanti tal-Istati Membri.

3.Kull membru bid-dritt tal-vot għandu jkollu vot wieħed. Fl-assenza ta’ membru bid-dritt tal-vot, is-sostitut tiegħu għandu jkun intitolat jeżerċita d-dritt tal-vot tiegħu.

4.Il-President għandu jieħu sehem fil-votazzjoni.

5.Id-Direttur Eżekuttiv ma għandux jieħu sehem fil-votazzjoni.

6.Ir-regoli ta’ proċedura tal-Bord tat-Tmexxija għandhom jistabbilixxu arranġamenti ta’ votazzjoni iktar dettaljati, b’mod partikolari ċ-ċirkostanzi li fihom membru jista’ jaġixxi f’isem membru ieħor.

Taqsima 3
Bord eżekuttiv

Artikolu 75

Bord Eżekuttiv

1.Il-Bord tat-Tmexxija għandu jkun assistit minn Bord Eżekuttiv.

2.Il-Bord Eżekuttiv għandu:

(a)iħejji d-deċiżjonijiet li jridu jiġu adottati mill-Bord tat-Tmexxija u jimmonitorja l-implimentazzjoni tad-deċiżjonijiet adottati minnu, mingħajr ma jiġu affettwati r-responsabbiltajiet tad-Direttur Eżekuttiv;

(b)jirrieżamina l-abbozz tal-baġit annwali, l-abbozz tar-rapport annwali tal-attività konsolidat u jissorvelja t-tħejjija u l-implimentazzjoni tal-programmazzjoni annwali u pluriennali;

(c)jimmonitorja l-implimentazzjoni tal-baġit tal-Europol u jħejji d-deċiżjonijiet finanzjarji u baġitarji li jridu jiġu adottati mill-Bord tat-Tmexxija;

(d)jadotta strateġija interna ta’ kontra l-frodi, proporzjonata għar-riskju ta’ frodi;

(e)jiżgura, flimkien mal-Bord tat-Tmexxija, segwitu adegwat għas-sejbiet u għar-rakkomandazzjonijiet li jirriżultaw minn rapporti tal-awditjar u evalwazzjonijiet interni jew esterni, għas-sejbiet ta’ investigazzjonijiet immexxija mill-Uffiċċju Ewropew ta’ Kontra l-Frodi (OLAF), u għall-eżiti, inkluż deċiżjonijiet ġudizzjarji, ta’ investigazzjonijiet, immexxija mill-UPPE, f’konformità mad-dritt applikabbli tal-Unjoni;

(f)mingħajr ma jiġu affettwati r-responsabbiltajiet tad-Direttur Eżekuttiv, jassistih u jagħtih pariri fl-implimentazzjoni tad-deċiżjonijiet tal-Bord tat-Tmexxija, bil-ħsieb li tissaħħaħ is-superviżjoni tal-ġestjoni amministrattiva u baġitarja;

3.Meta jkun meħtieġ għal raġunijiet ta’ urġenza, il-Bord Eżekuttiv jista’ jadotta deċiżjonijiet proviżorji f’isem il-Bord tat-Tmexxija, b’mod partikolari f’materji relatati mal-ġestjoni amministrattiva u baġitarja, inkluż is-sospensjoni tad-delega tas-setgħat tal-awtorità tal-ħatra. Tali deċiżjonijiet għandhom jiġu sottomessi lill-Bord tat-Tmexxija għall-konferma fil-laqgħa tiegħu li jkun imiss.

4.Il-Bord Eżekuttiv għandu jkun magħmul mill-President tal-Bord tat-Tmexxija, rappreżentant wieħed tal-Kummissjoni għall-Bord tat-Tmexxija u tliet membri oħra maħtura mill-Bord tat-Tmexxija minn fost il-membri tiegħu li jkollhom id-dritt tal-vot. Il-President tal-Bord tat-Tmexxija għandu jkun ukoll il-President tal-Bord Eżekuttiv. Id-Direttur Eżekuttiv għandu jieħu sehem fil-laqgħat tal-Bord Eżekuttiv, iżda ma għandux ikollu d-dritt tal-vot.

5.Il-mandat tal-membri tal-Bord Eżekuttiv għandu jkun ta’ 4 snin. Il-mandat tal-membri tal-Bord Eżekuttiv għandu jintemm meta tintemm is-sħubija tagħhom fil-Bord tat-Tmexxija.

6.Il-Bord Eżekuttiv għandu jkollu minn tal-anqas laqgħa ordinarja waħda kull 3 xhur. Barra minn hekk, għandu jiltaqa’ fuq l-inizjattiva tal-President tiegħu jew fuq talba tal-membri tiegħu.

7.Il-Bord Eżekuttiv jista’ jistieden ukoll bħala osservaturi mingħajr id-dritt tal-vot lil parteċipanti oħra għal punti speċifiċi tal-aġenda.

Taqsima 4

Direttur Eżekuttiv

Artikolu 76

Ħatra, tkeċċija u estensjoni tal-mandat

1.Id-Direttur Eżekuttiv għandu jiġi ingaġġat bħala aġent temporanju tal-Europol skont l-Artikolu 2, il-punt (a), tal-Kundizzjonijiet tal-Impjieg ta’ Aġenti Oħra.

2.Id-Direttur Eżekuttiv għandu jinħatar mill-Bord tat-Tmexxija minn lista ta’ kandidati proposti mill-Kummissjoni. Għall-fini li jiġi konkluż il-kuntratt tad-Direttur Eżekuttiv, l-Europol għandha tiġi rrappreżentata mill-President tal-Bord tat-Tmexxija.

3.Il-mandat tad-Direttur Eżekuttiv għandu jkun ta’ 5 snin. Fi żmien xieraq qabel jintemm dak il-perjodu, il-Kummissjoni għandha twettaq valutazzjoni li tqis evalwazzjoni tal-prestazzjoni tad-Direttur Eżekuttiv u tal-kompiti u tal-isfidi futuri tal-Europol.

4.Il-Bord tat-Tmexxija, filwaqt li jaġixxi fuq proposta mill-Kummissjoni li tqis il-valutazzjoni msemmija fil-paragrafu 3, jista’ jestendi l-mandat tad-Direttur Eżekuttiv darba, għal mhux iktar minn 5 snin.

5.Direttur Eżekuttiv li l-mandat tiegħu jkun ġie estiż ma għandux jipparteċipa fi proċedura oħra tas-selezzjoni għall-istess kariga fit-tmiem tal-perjodu kumplessiv.

6.Id-Direttur Eżekuttiv jista’ jitneħħa mill-kariga biss b’deċiżjoni tal-Bord tat-Tmexxija li jaġixxi fuq proposta mill-Kummissjoni.

7.Il-Bord tat-Tmexxija għandu jieħu deċiżjonijiet dwar il-ħatra, l-estensjoni tal-mandat jew it-tneħħija mill-kariga tad-Direttur Eżekuttiv u/jew tal-Viċi Direttur(i) Eżekuttiv(i) abbażi ta’ maġġoranza ta’ żewġ terzi tal-membri tiegħu bid-dritt tal-vot.

8.F’każ ta’ pożizzjoni vakanti, sakemm il-Bord tat-Tmexxija ma jiddeċidix liema Viċi Direttur Eżekuttiv se jiżgura l-kompiti u r-responsabbiltajiet tad-Direttur Eżekuttiv sal-ħatra ta’ Direttur Eżekuttiv ġdid, Viċi Direttur Eżekuttiv fl-ogħla grad għandu jiżgura dak ir-rwol.

Artikolu 77

Kompiti u responsabbiltajiet tad-Direttur Eżekuttiv

1.Id-Direttur Eżekuttiv għandu jkun responsabbli għall-ġestjoni tal-Europol. Id-Direttur Eżekuttiv għandu jkun akkontabbli fir-rigward tal-Bord tat-Tmexxija.

2.Id-Direttur Eżekuttiv għandu jirrapporta lill-Parlament Ewropew, lill-JSPG u lill-Kunsill dwar il-prestazzjoni u l-kompiti tal-Europol meta jintalab jagħmel dan.

3.Id-Direttur Eżekuttiv għandu jkun ir-rappreżentant legali tal-Europol.

4.Id-Direttur Eżekuttiv għandu jkun responsabbli għall-implimentazzjoni tal-kompiti assenjati lill-Europol b’dan ir-Regolament. B’mod partikolari, id-Direttur Eżekuttiv għandu jkun responsabbli għal:

(a)l-iżgurar tal-amministrazzjoni ta’ kuljum tal-Europol;

(b)it-tressiq ta’ proposti lill-Bord tat-Tmexxija għall-istabbiliment ta’ funzjonijiet jew kapaċitajiet operazzjonali, tekniċi jew amministrattivi li l-hosting tagħhom ikun fi Stati Membri għajr l-Istat Membru ospitanti, fejn meħtieġ għat-twettiq tal-kompiti tal-Europol;

(c)l-identifikazzjoni tal-prijoritajiet operazzjonali, il-lakuni fil-kapaċitajiet u t-theddidiet emerġenti għas-sigurtà rilevanti għall-kompetenza tal-Europol u jipproponi miżuri operazzjonali, teknoloġiċi jew organizzazzjonali xierqa lill-Bord tat-Tmexxija;

(d)l-iżgurar tal-konformità mar-regoli finanzjarji tal-Europol;

(e)it-tħejjija tal-abbozz tad-Dokument Uniku ta’ Programmazzjoni u s-sottomissjoni tiegħu lill-Bord tat-Tmexxija wara konsultazzjoni mal-Kummissjoni;

(f)it-tħejjija tar-rapport annwali tal-attività konsolidat tal-Europol u l-preżentazzjoni tiegħu lill-Bord tat-Tmexxija għall-valutazzjoni u għall-adozzjoni;

(g)il-protezzjoni tal-interessi finanzjarji tal-Unjoni bl-applikazzjoni ta’ miżuri preventivi kontra l-frodi, il-korruzzjoni u kwalunkwe attività illegali oħra, mingħajr ma tiġi ppreġudikata l-kompetenza investigattiva tal-OLAF u tal-UPPE, permezz ta’ kontrolli effettivi u, jekk jinstabu irregolaritajiet, bl-irkupru tal-ammonti mħallsa bi żball u, meta jkun xieraq, billi jiġu imposti penali amministrattivi u finanzjarji effettivi, proporzjonati u dissważivi;

(h)ir-rapportar ta’ kwalunkwe mġiba kriminali lill-UPPE f’konformità mal-Artikolu 24 tar-Regolament (UE) 2017/1939 li fir-rigward tagħha l-UPPE jista’ jeżerċita l-kompetenza tiegħu u r-rapportar lill-OLAF f’konformità mal-Artikolu 8(1) tar-Regolament (UE, Euratom) 883/2013;

(i)it-tħejjija ta’ pjan ta’ azzjoni ta’ segwitu relatat mal-konklużjonijiet ta’ rapporti tal-awditjar u evalwazzjonijiet interni jew esterni, u rapporti ta’ investigazzjoni u rakkomandazzjonijiet minn investigazzjonijiet mill-UPPE, l-OLAF u l-EDPS, u r-rapportar dwar il-progress regolarment lill-Bord tat-Tmexxija u l-għoti ta’ informazzjoni lill-Kummissjoni, meta jkun xieraq u mingħajr dewmien żejjed, rigward sejbiet sinifikanti u l-miżuri meħuda b’rispons għal dan;

(j)it-tħejjija tal-abbozz tar-regoli finanzjarji li japplikaw għall-Aġenzija;

(k)it-tħejjija tal-abbozz tad-dikjarazzjoni tal-istimi tad-dħul u tan-nefqa tal-Aġenzija u l-implimentazzjoni tal-baġit tagħha f’konformità mal-prinċipji ta’ ġestjoni finanzjarja tajba u bbaġitjar abbażi tal-prestazzjoni;

(l)it-tħejjija tal-abbozz ta’ regoli ta’ implimentazzjoni xierqa biex jingħata effett lir-Regolamenti tal-Persunal u l-Kundizzjonijiet tal-Impjieg ta’ Aġenti Oħra f’konformità mal-Artikolu 110 tar-Regolamenti tal-Persunal;

(m)it-tħejjija tal-abbozz ta’ regoli interni għall-prevenzjoni u għall-ġestjoni tal-kunflitti ta’ interess fir-rigward tal-membri tal-Bord tat-Tmexxija u l-preżentazzjoni ta’ dak l-abbozz ta’ regoli lill-Bord tat-Tmexxija għall-adozzjoni;

(n)il-promozzjoni tad-diversità u l-bilanċ bejn il-ġeneri fir-rigward tar-reklutaġġ tal-persunal tal-Aġenzija;

(o)l-għoti ta’ informazzjoni regolarment lill-Bord tat-Tmexxija rigward il-kooperazzjoni mal-istituzzjonijiet, mal-korpi, mal-missjonijiet u mal-aġenziji tal-Unjoni, inkluż dwar it-tħejjija u l-konklużjoni ta’ arranġamenti ta’ ħidma u l-kunsiderazzjonijiet operazzjonali relatati magħhom, u, meta jkun xieraq, is-sottomissjoni ta’ proposti għal miżuri ta’ segwitu lill-Bord tat-Tmexxija;

(p)l-għoti ta’ informazzjoni regolarment lill-Bord tat-Tmexxija rigward il-kooperazzjoni mal-pajjiżi terzi u mal-organizzazzjonijiet internazzjonali, inkluż dwar it-tħejjija u l-konklużjoni ta’ arranġamenti ta’ ħidma mal-awtoritajiet tal-pajjiżi terzi u l-organizzazzjonijiet internazzjonali;

(q)l-għoti ta’ informazzjoni regolarment lill-Bord tat-Tmexxija dwar l-applikazzjoni tar-Regolament (UE) 2018/1725 għat-trasferiment tad-data personali u l-kunsiderazzjonijiet operazzjonali relatati miegħu;

(r)l-għoti ta’ informazzjoni regolarment lill-Bord tat-Tmexxija dwar l-arranġamenti ta’ ħidma konklużi mal-partijiet privati, inkluż ir-rilevanza strateġika, l-impatt operazzjonali u kwalunkwe riskju assoċjat tagħhom;

(s)it-twettiq ta’ kompiti oħra skont dan ir-Regolament.

Artikolu 78

Viċi Diretturi Eżekuttivi

1.Viċi Direttur Eżekuttiv wieħed jew iktar jista’/jistgħu jassisti/u lid-Direttur Eżekuttiv. Id-Direttur Eżekuttiv għandu jiddefinixxi l-kompiti tagħhom.

2.L-Artikolu 77 għandu japplika għall-Viċi Diretturi Eżekuttivi. Id-Direttur Eżekuttiv għandu jiġi kkonsultat qabel il-ħatra tagħhom, kwalunkwe estensjoni tal-mandat tagħhom jew it-tneħħija tagħhom mill-kariga.

Kapitolu VI
Relazzjonijiet mal-entitajiet tal-Unjoni

Artikolu 79

Dispożizzjonijiet komuni

1.L-Europol tista’ tistabbilixxi u żżomm relazzjonijiet ta’ kooperazzjoni mal-korpi, mal-uffiċċji u mal-aġenziji tal-Unjoni f’konformità mal-kompiti attribwiti lill-Europol u lil dawk il-korpi, l-uffiċċji u l-aġenziji u għandha tara li tiżgura sinerġiji fit-twettiq tal-kompiti rispettivi tagħhom. L-Europol għandha tistabbilixxi u żżomm relazzjoni mill-qrib mal-korpi, mal-uffiċċji u mal-aġenziji tal-Unjoni skont l-Artikoli 81 sa 90, li ma għandhiex tkun limitata għall-oqsma msemmija fihom.

L-Europol tista’ wkoll tistabbilixxi u żżomm relazzjonijiet kooperattivi ma’ istituzzjonijiet u ma’ missjonijiet tal-Unjoni stabbiliti abbażi tat-Trattati f’konformità mal-kompiti attribwiti lill-Europol u lil dawk l-istituzzjonijiet u l-missjonijiet.

2.Il-kooperazzjoni tal-Europol mal-korpi, mal-uffiċċji u mal-aġenziji tal-Unjoni skont dan il-Kapitolu għandha b’mod partikolari jkollha l-għan li ssaħħaħ l-effettività kumplessiva tar-rispons tal-Unjoni għall-forom ta’ kriminalità elenkati fl-Anness I, b’mod partikolari billi tfittex li tiżgura l-komplementarjetà u, meta jkun possibbli, ittejjeb il-koordinazzjoni u tevita d-duplikazzjoni tal-azzjonijiet, inkluż permezz ta’:

(a)l-iskambju tal-informazzjoni, f’konformità mal-kundizzjonijiet stabbiliti f’dan ir-Regolament;

(b)attivitajiet operazzjonali;

(c)attivitajiet strateġiċi u analitiċi;

(d)l-iskambju tal-għarfien speċjalizzat u l-għarfien espert;

(e)attivitajiet ta’ taħriġ;

(f)l-iżvilupp tal-kapaċitajiet, inkluż permezz tar-riċerka u l-innovazzjoni, u l-akkwist konġunt;

(g)il-koordinazzjoni tal-attivitajiet, fejn rilevanti, fir-rigward tal-pajjiżi terzi u l-organizzazzjonijiet internazzjonali;

(h)il-koordinazzjoni tal-attivitajiet għall-implimentazzjoni tal-istrateġiji u l-prijoritajiet ta’ politika rilevanti tal-Unjoni.

3.Il-kooperazzjoni msemmija fil-paragrafi 1 u 2 għandha sseħħ fl-ambitu tal-qafas tal-arranġamenti ta’ ħidma konklużi mal-entitajiet imsemmija fil-paragrafu 1. Tali arranġamenti ta’ ħidma ma għandhomx jagħtu lok għall-iskambju tad-data personali u ma għandhomx jorbtu lill-Unjoni jew lill-Istati Membri tagħha.

L-arranġamenti ta’ ħidma konklużi mal-korpi, mal-uffiċċji u mal-aġenziji tal-Unjoni stabbiliti fil-qafas tat-TFUE għandhom ikunu soġġetti għall-approvazzjoni minn qabel tal-Kummissjoni, bl-eċċezzjoni tal-arranġament ta’ ħidma msemmi fl-Artikolu 81. Dawn l-arranġamenti ta’ ħidma għandhom ikunu soġġetti għal rieżami regolari skont l-evoluzzjoni tal-ħtiġijiet operazzjonali, fuq l-inizjattiva proprja tal-Europol u tal-istituzzjoni, tal-korp, tal-missjoni, tal-uffiċċju jew tal-aġenzija tal-Unjoni kkonċernata jew, bl-eċċezzjoni tal-arranġament ta’ ħidma msemmi fl-Artikolu 81, fuq talba tal-Kummissjoni.

Kwalunkwe arranġament ta’ ħidma konkluż mill-Europol ma’ istituzzjoni, korp, missjoni, uffiċċju jew aġenzija tal-Unjoni qabel id-dħul fis-seħħ ta’ dan ir-Regolament għandu jkun soġġett għal rieżami wara d-data tal-bidu tal-applikazzjoni ta’ dan ir-Regolament.

4.Id-Direttur Eżekuttiv għandu jinforma lill-Bord tat-Tmexxija dwar kwalunkwe relazzjoni kooperattiva regolari li l-Europol tkun beħsiebha tistabbilixxi u żżomm f’konformità mal-paragrafi 1, 2 u 3, u dwar l-iżvilupp ta’ tali relazzjonijiet ladarba jiġu stabbiliti.

5.Soġġett għal kwalunkwe restrizzjoni skont l-Artikolu 33(2) u għar-regoli applikabbli skont l-Artikolu 129, l-Europol tista’ tiskambja direttament kwalunkwe informazzjoni, bl-eċċezzjoni tad-data personali, ma’ istituzzjoni, korp, missjoni, uffiċċju jew aġenzija tal-Unjoni, sa fejn tali skambju jkun rilevanti għat-twettiq tal-kompiti tal-Europol jew tal-kompiti ta’ dik l-istituzzjoni, korp, missjoni, uffiċċju jew aġenzija.

6.Soġġett għal kwalunkwe restrizzjoni indikata skont l-Artikolu 33(2) jew (3) u għar-regoli applikabbli skont l-Artikolu 129, l-Europol tista’ tittrażmetti d-data personali lill-entitajiet imsemmija fil-paragrafu 1, sa fejn tali trażmissjoni tkun meħtieġa u proporzjonata għat-twettiq leġittimu tal-kompiti ta’ dik l-entità. Id-data personali trażmessa lill-entitajiet imsemmija fil-paragrafu 1 mill-Europol tista’ tiġi pproċessata għal fini oħra biss meta tkun awtorizzata mill-Europol u meta tkun kompatibbli mal-fini inizjali li għaliha tkun inġabret u ġiet trażmessa d-data mill-Europol. Meta d-data li trid tiġi trażmessa tkun ġiet ipprovduta minn Stat Membru jew minn istituzzjoni, korp, uffiċċju jew aġenzija tal-Unjoni u l-kundizzjonijiet fl-Artikolu 81, il-paragrafi (3) u (4) ikunu ssodisfati, l-Europol għandha tikkondividi d-data personali u informazzjoni rilevanti oħra mal-UPPE irrispettivament minn kwalunkwe restrizzjoni indikata skont l-Artikolu 33(2) jew (3).

7.L-Europol tista’ tirċievi u tipproċessa d-data personali mill-istituzzjonijiet, mill-korpi, mill-missjonijiet, mill-uffiċċji u mill-aġenziji tal-Unjoni sa fejn ikun meħtieġ u proporzjonat għat-twettiq leġittimu tal-kompiti tagħha. Kwalunkwe informazzjoni li b’mod ċar tkun inkisbet bi ksur ovvju tad-drittijiet tal-bniedem ma għandhiex tiġi pproċessata.

8.Meta istituzzjoni, korp, missjoni, uffiċċju jew aġenzija tal-Unjoni tkun irċeviet id-data personali mill-Europol, it-trażmissjonijiet jew it-trasferimenti ulterjuri ta’ tali data għandhom ikunu pprojbiti sakemm l-Europol ma tkunx tat l-awtorizzazzjoni espliċita tagħha minn qabel.

9.L-Europol għandha tiżgura li r-rekords dettaljati tat-trażmissjonijiet jew tat-trasferimenti kollha tad-data personali u tar-raġunijiet għaliex saru tali trażmissjonijiet jew trasferimenti jiġu rreġistrati f’konformità ma’ dan ir-Regolament.

Artikolu 80

Dispożizzjonijiet komuni dwar l-iskambju indirett tal-informazzjoni abbażi ta’ sistema ta’ hit/no hit

1.L-Europol għandha tieħu l-miżuri xierqa kollha biex tiżgura aċċess indirett minn korpi, uffiċċji u aġenziji oħra tal-Unjoni, meta tali aċċess ikun previst fid-dritt tal-Unjoni, għall-informazzjoni miżmuma mill-Europol, skont il-kundizzjonijiet ta’ reċiproċità, permezz ta’ sistema awtomatizzata ta’ hit/no hit operata permezz tat-tfittxija tal-indiċijiet li għandha tinżamm aġġornata.

2.L-aċċess indirett għall-informazzjoni skont l-ewwel paragrafu ma għandu jaffettwa l-ebda restrizzjoni indikata mill-Istati Membri, mill-istituzzjonijiet, mill-korpi, mill-missjonijiet, mill-uffiċċji u mill-aġenziji tal-Unjoni, mill-pajjiżi terzi jew mill-organizzazzjonijiet internazzjonali li jipprovdu l-informazzjoni, f’konformità mal-Artikolu 33(2).

3.Fil-każ ta’ hit, l-Europol għandha tibda l-proċedura li biha l-informazzjoni li ġġenerat il-hit trid tiġi trażmessa lill-korp, lill-uffiċċju jew lill-aġenzija tal-Unjoni li jkunu qegħdin jagħmlu t-tfittxija kif imsemmi fil-paragrafu 1, f’konformità mar-restrizzjonijiet stabbiliti mill-fornitur tal-informazzjoni skont dan ir-Regolament. F’każ ta’ hit b’informazzjoni li tkun soġġetta għar-restrizzjonijiet indikati skont l-Artikolu 33(2), is-sistema awtomatizzata ta’ hit/no hit imsemmija fil-paragrafu 1 ma għandhiex tinnotifika lill-korp, lill-uffiċċju jew lill-aġenzija tal-Unjoni li jkunu qegħdin jagħmlu t-tfittxija b’dik l-hit. F’dak il-każ, l-Europol għandha tikkuntattja minnufih lill-fornitur tal-informazzjoni biex tistħarreġ jekk l-informazzjoni li ġġenerat il-hit tistax tiġi kondiviża mal-korp, mal-uffiċċju jew mal-aġenzija tal-Unjoni li jkunu qegħdin jagħmlu t-tfittxija. Meta l-fornitur tal-informazzjoni jneħħi dawk ir-restrizzjonijiet, l-Europol għandha tittrażmetti l-informazzjoni li ġġenerat il-hit lill-korp, lill-uffiċċju jew lill-aġenzija tal-Unjoni li jkunu qegħdin jagħmlu t-tfittxija. Meta l-fornitur tal-informazzjoni jżomm dawk ir-restrizzjonijiet, l-Europol għandha tikkonforma ma’ dawk ir-restrizzjonijiet u ma tittrażmettix l-informazzjoni li ġġenerat il-hit lill-korp, lill-uffiċċju jew lill-aġenzija tal-Unjoni li jkunu qegħdin jagħmlu t-tfittxija.

4.It-tfittxijiet tal-informazzjoni f’konformità mal-paragrafi 1 u 2 għandhom jitwettqu biss għall-fini li jiġi identifikat jekk l-informazzjoni disponibbli għand korp, uffiċċju jew aġenzija ieħor/oħra tal-Unjoni, taqbilx mal-informazzjoni pproċessata għand l-Europol għall-finijiet tal-punti (a), (b) u (c) tal-Artikolu 32(2).

5.Filwaqt li tippreserva n-natura awtomatizzata tas-sistema ta’ hit/no hit, l-Europol għandha tippermetti li jsiru tfittxijiet f’konformità mal-paragrafi 1 u 2 biss minn persuni ddeżinjati minn korpi, uffiċċji jew aġenziji oħra tal-Unjoni bħala awtorizzati biex iwettqu tali tfittxijiet.

6.Skont il-kundizzjonijiet ta’ reċiproċità msemmija fl-ewwel paragrafu, l-Europol għandu jkollha, fil-limiti tal-kompetenza tagħha, aċċess indirett, abbażi ta’ sistema awtomatizzata ta’ hit/no hit, għall-informazzjoni pprovduta lill-korpi, lill-uffiċċji u lill-aġenziji tal-Unjoni, soġġett għall-kundizzjonijiet stabbiliti fid-dritt tal-Unjoni.

7.Tali aċċess ma għandu jaffettwa l-ebda restrizzjoni indikata mill-Istat Membru, mill-istituzzjoni, mill-korp, mill-uffiċċju jew mill-aġenzija tal-Unjoni, mill-pajjiż terz jew mill-organizzazzjoni internazzjonali li jkunu pprovdew dik l-informazzjoni.

8.L-Europol u korpi, uffiċċji u aġenziji oħra tal-Unjoni għandhom jinformaw lil xulxin jekk, bħala riżultat ta’ hit f’konformità mal-paragrafi 1 u 3, ikun hemm indikazzjonijiet li d-data tista’ tkun skorretta jew tista’ tkun f’kunflitt ma’ data oħra.

9.Meta jkun meħtieġ għall-implimentazzjoni tas-sistema ta’ hit/no hit imsemmija fil-paragrafi 1 sa 8, il-proċedura teknika, inkluż is-settijiet tad-data li jenħtieġ li jiġu inklużi fl-indiċijiet kif ukoll ir-rekwiżiti tal-prestazzjoni u tad-disponibbiltà, għandha tiġi stabbilita permezz ta’ atti ta’ implimentazzjoni adottati f’konformità mal-Artikolu 138.

Artikolu 81

Relazzjonijiet mal-UPPE

1.L-Europol għandha tistabbilixxi u żżomm relazzjoni mill-qrib mal-UPPE abbażi ta’ arranġament ta’ ħidma li jistabbilixxi l-modalitajiet tal-kooperazzjoni tagħhom. L-arranġament ta’ ħidma għandu jkun soġġett għal rieżami regolari.

2.Fuq talba mill-UPPE f’konformità mal-Artikolu 102 tar-Regolament (UE) 2017/1939, l-Europol għandha tappoġġa l-investigazzjonijiet tal-UPPE, jiġifieri billi tipprovdi kwalunkwe informazzjoni miżmuma mill-Europol u relatata ma’ delitti li jaqgħu fil-kompetenza tal-UPPE u billi tipprovdi l-appoġġ operazzjonali mitlub għat-twettiq tal-kompiti tal-UPPE.

3.Għall-fini li l-UPPE jingħata l-informazzjoni u l-appoġġ imsemmija fl-ewwel subparagrafu, l-Europol għandha tiżgura li l-arranġamenti organizzazzjonali meħtieġa jkunu fis-seħħ, inkluż l-allokazzjoni ta’ riżorsi umani ddedikati.

4.Sabiex jiġi żgurat li l-Europol tipprovdi lill-UPPE bl-informazzjoni meħtieġa skont il-paragrafu 2 ta’ dan l-Artikolu, l-Europol għandha tiffaċilita lill-UPPE biex ikollu aċċess indirett abbażi ta’ sistema awtomatizzata ta’ hit/no hit għal data relatata ma’ reati li jaqgħu taħt il-kompetenza tal-UPPE, miżmuma għall-finijiet imsemmija fl-Artikolu 32(2), il-punti (a), (b) u (c). Dik is-sistema ta’ hit/no hit għandha tinnotifika lill-Europol u lill-fornitur tal-informazzjoni msemmija fl-Artikolu 33(1) fil-każ ta’ hit.

5.Skont l-Artikolu 43(2) tar-Regolament (UE) 2017/1939, fil-każ ta’ hit, l-Europol għandha tikkondividi mal-UPPE l-informazzjoni li ġġenerat il-hit sa fejn tkun relatata ma’ reati fil-kompetenza tal-UPPE u għandha tinnotifika lill-fornitur tal-informazzjoni.

6.F’konformità mal-Artikolu 24(1) tar-Regolament tal-Kunsill (UE) 2017/1939, l-Europol għandha, mingħajr dewmien żejjed, tirrapporta lill-UPPE kwalunkwe mġiba kriminali li fir-rigward tagħha l-UPPE jkun jista’ jeżerċita l-kompetenza tiegħu f’konformità mar-Regolament (UE) 2017/1939.

7.Meta l-Europol tirrapporta lill-UPPE skont l-ewwel subparagrafu, hija għandha tinnotifika lill-awtoritajiet kompetenti tal-Istati Membri kkonċernati mingħajr dewmien.

8.L-Europol tista’ twettaq analiżi operazzjonali konġunta mal-UPPE.

9.Meta l-Europol tirċievi l-informazzjoni mill-UPPE dwar forom ta’ kriminalità li jaqgħu barra mill-ambitu tal-kompetenza tal-UPPE u fl-ambitu tal-kompetenza tal-Europol, l-Europol għandha tipproċessa u tanalizza tali informazzjoni u, meta jkun rilevanti, tiddisseminaha lill-awtoritajiet kompetenti tal-Istati Membri f’konformità ma’ dan ir-Regolament.

Artikolu 82

Relazzjonijiet mal-Eurojust

1.Meta, matul l-attivitajiet tal-Europol, inkluż fi kwalunkwe stadju ta’ task force operazzjonali, l-Europol jew Stat Membru jidentifikaw il-ħtieġa għal segwitu ġudizzjarju effettiv fl-ambitu tal-mandat tal-Eurojust, l-Europol għandha, mingħajr dewmien żejjed, tinnotifika lill-Eurojust u lil kwalunkwe Stat Membru kkonċernat dwar dan. L-Europol għandha tibda l-proċedura għall-kondiviżjoni tal-informazzjoni rilevanti, f’konformità mad-deċiżjoni tal-Istat Membru li jipprovdi l-informazzjoni. F’tali każ, l-Eurojust għandha tikkonsulta mal-Europol.

2.L-Europol u l-Eurojust jistgħu jaqblu dwar l-istabbiliment ta’ pjattaformi operazzjonali konġunti u forom oħra ta’ kooperazzjoni strutturata biex jappoġġaw lill-awtoritajiet kompetenti tal-Istati Membri f’oqsma speċifiċi ta’ kriminalità li jaqgħu taħt il-kompetenza rispettiva tagħhom. Dan jista’ jinkludi analiżi operazzjonali konġunta.

3.L-Europol għandha tikkoopera mal-Eurojust, fi ħdan il-mandati rispettivi tagħhom, fl-appoġġ lill-awtoritajiet kompetenti tal-Istati Membri fil-kuntest tal-investigazzjonijiet diġitali u l-aċċess għad-data, u b’mod partikolari għandha taġixxi bħala ċentru ta’ għarfien għall-għoti ta’ pariri u ta’ assistenza u l-forniment ta’ bini tal-kapaċitajiet b’rabta mal-aċċess transfruntiera għall-evidenza elettronika.

4.L-Europol għandha tappoġġa lill-Eurojust, skont il-mandati rispettivi tagħhom, fir-rigward tad-delitti internazzjonali ewlenin.

Artikolu 83

Relazzjonijiet mal-OLAF

Meta, matul l-attivitajiet tal-ipproċessar tal-informazzjoni tal-Europol fir-rigward ta’ investigazzjoni individwali jew fil-proċess tal-irkupri tal-assi, l-Europol jew Stat Membru jidentifikaw il-ħtieġa għal koordinazzjoni, kooperazzjoni jew appoġġ f’konformità mal-mandat tal-OLAF, l-Europol għandha tinnotifika lill-OLAF dwar dan u għandha tibda l-proċedura għall-kondiviżjoni tal-informazzjoni rilevanti, f’konformità mad-deċiżjoni tal-Istat Membru li jipprovdi l-informazzjoni. F’tali każ, l-OLAF għandu jikkonsulta mal-Europol.

Artikolu 84

Relazzjonijiet mal-Awtorità għall-Ġlieda Kontra l-Ħasil tal-Flus u l-Finanzjament tat-Terroriżmu (AMLA)

1.Ir-relazzjoni tal-Europol mal-AMLA għandu jkollha l-għan b’mod partikolari li tappoġġa lill-Unitajiet tal-Intelligence Finanzjarja (UIF) fil-kuntest ta’ analiżi konġunta mwettqa skont l-Artikolu 32 tad-Direttiva (UE) 2024/1640 tal-Parlament Ewropew u tal-Kunsill 74 u l-Artikolu 40 tar-Regolament (UE) 2024/1620.

2.Għall-finijiet tal-Artikolu 41(4) tar-Regolament (UE) 2024/1620, l-Europol għandha tirċievi, tipproċessa u tanalizza r-riżultati tal-analiżijiet konġunti u kwalunkwe informazzjoni addizzjonali f’konformità ma’ dan ir-Regolament.

Artikolu 85

Relazzjonijiet mal-Aġenzija Ewropea għall-Gwardja tal-Fruntiera u tal-Kosta (Frontex)

L-Europol għandha tikkoopera mal-Frontex, b’mod partikolari fi:

(a)l-identifikazzjoni ta’ movimenti transfruntiera ta’ riskju għoli u attivitajiet kriminali relatati, inkluż billi tanalizza l-informazzjoni dwar l-ivvjaġġar li tinsab fis-sistemi tal-IT fuq skala kbira tal-Unjoni, u għal dak il-fini, l-Europol għandha tqabbel tali data mal-informazzjoni li jkollha f’konformità ma’ dan ir-Regolament u tipprovdi lill-Frontex b’indikaturi tar-riskju rilevanti.

(b)l-implimentazzjoni tal-attivitajiet imwettqa skont ir-Regolament (UE) 2024/1356 u fil-qafas tar-Regolament (UE) 2019/1896, u għal dik il-fini, l-Europol tista’, fuq talba tal-Istat Membru kkonċernat, tiskjera persunal biex jappoġġa l-kontrolli mas-sistemi tal-IT fuq skala kbira rilevanti tal-Unjoni, f’konformità mal-Artikolu 22 ta’ dan ir-Regolament, inkluż fil-kuntest tal-attivitajiet imwettqa skont ir-Regolament (UE) 2019/1896, u avvenimenti internazzjonali ewlenin.

Artikolu 86

Relazzjonijiet mal-eu-LISA

1.L-Europol għandha tikkoopera mal-eu-LISA f’oqsma ta’ interess komuni relatati mal-iżvilupp, mal-iskjerament u mal-operat tas-sistemi tal-informazzjoni u tal-infrastruttura tal-komunikazzjoni relatata.

2.Il-kooperazzjoni bejn l-Europol u l-eu-LISA msemmija fil-paragrafu 1 għandha tinkludi, meta jkun xieraq u f’konformità mal-mandati rispettivi tagħhom, iżda ma għandhiex tkun limitata għal:

(a)il-parteċipazzjoni fi proċeduri tal-akkwist u l-użu tagħhom, inklużi azzjonijiet tal-akkwist konġunt, kuntratti qafas jew strumenti oħra tal-akkwist għall-akkwiżizzjoni ta’ xogħlijiet, provvisti jew servizzi;

(b)il-kondiviżjoni, l-użu mill-ġdid jew l-adattament ta’ komponenti tekniċi, għodod, servizzi jew elementi kostitwenti żviluppati jew operati minn waħda mill-aġenziji;

(c)l-għoti ta’ appoġġ tekniku, ta’ għarfien espert jew ta’ servizzi, inkluż fil-qasam tal-iżvilupp, tal-ittestjar, tal-manutenzjoni u tas-sigurtà tas-sistemi;

(d)l-istabbiliment ta’ timijiet ta’ proġetti konġunti u l-iskambju tal-persunal, tal-għarfien espert u ta’ riżorsi oħra meħtieġa għall-implimentazzjoni ta’ attivitajiet tekniċi u proġetti komuni.

3.Għall-iżvilupp u għall-manutenzjoni tas-servizzi, tal-għodod u tal-applikazzjonijiet maħluqa jew ġestiti mill-Europol, jew li l-hosting tagħhom isir minnha, l-Europol għandha titlob lill-eu-LISA tipprovdi ċertifikati tal-infrastruttura tal-kjavi pubblika mill-Awtorità taċ-Ċertifikazzjoni tal-eu-LISA lill-Europol u, meta jkun xieraq, lill-awtoritajiet kompetenti tal-Istati Membri.

4.Il-kooperazzjoni skont il-paragrafi 1, 2 u 3 għandha sseħħ fil-qafas tal-arranġamenti ta’ ħidma li jistabbilixxu l-modalitajiet prattiċi, inkluż l-aspetti finanzjarji, l-arranġamenti ta’ governanza, l-arranġamenti għall-iskambji tal-persunal u l-kompiti temporanji, u l-istabbiliment u l-operat ta’ timijiet ta’ proġetti konġunti.

5.Il-paragrafi 1 sa 4 ma għandhomx jaffettwaw ir-responsabbiltajiet tal-Europol fir-rigward tal-iżvilupp u tal-operat tas-sistemi tal-informazzjoni tagħha stess.

Artikolu 87

Relazzjonijiet mal-Aġenzija tal-Unjoni Ewropea dwar id-Drogi

Il-kooperazzjoni tal-Europol mal-Aġenzija tal-Unjoni Ewropea dwar id-Drogi, stabbilita bir-Regolament (UE) 2023/1322 tal-Parlament Ewropew u tal-Kunsill 75 , għandha tikkonċerna b’mod partikolari l-ġbir tad-data, u l-monitoraġġ tax-xejriet, dwar il-provvista tad-droga, inkluż il-produzzjoni u t-traffikar illeċiti u delitti relatati oħra, dwar l-użu ta’ teknoloġiji ġodda u dwar sustanzi psikoattivi ġodda.

Artikolu 88

Relazzjonijiet mal-Aġenzija tal-Unjoni Ewropea għad-Drittijiet Fundamentali (FRA)

Il-kooperazzjoni tal-Europol mal-FRA għandha tappoġġa lill-Europol fl-iżgurar tar-rispett sħiħ tad-drittijiet u tal-libertajiet fundamentali minquxa fil-Karta fit-twettiq tal-kompiti differenti tagħha. Dan għandu jinkludi b’mod partikolari oqsma ta’ attività tal-Europol li jista’ jkollhom impatt partikolari fuq id-drittijiet tal-individwi, inkluż persuni vulnerabbli, bħat-tfal.

Artikolu 89

Relazzjonijiet mal-Awtorità Doganali tal-Unjoni Ewropea

Il-kooperazzjoni tal-Europol mal-Awtorità Doganali tal-Unjoni Ewropea, stabbilita bir-Regolament [...], għandu jkollha l-għan li tippermetti l-iskambju reċiproku tad-data u tal-informazzjoni rilevanti għall-prevenzjoni tal-kriminalità serja u t-terroriżmu u għall-ġlieda kontrihom, b’mod partikolari billi tippermetti lill-Europol tikseb, fuq talba, id-data, inkluż id-data personali u d-data kummerċjalment sensittiva, disponibbli fil-Pjattaforma tad-Data Doganali tal-UE, f’konformità mar-Regolament [...].

Artikolu 90

Relazzjonijiet mal-ENISA

Il-kooperazzjoni tal-Europol mal-ENISA għandha timmira b’mod partikolari li:

(a)issaħħaħ l-għarfien kondiviż tas-sitwazzjoni tax-xenarju tat-theddidiet u tal-inċidenti ċibernetiċi, b’mod partikolari fir-rigward tal-intelligence dwar it-theddidiet ċibernetiċi; u

(b)ittejjeb it-tħejjija għaċ-ċibersigurtà, ir-rispons għall-inċidenti tar-ransomware u l-irkupru minnhom.

Kapitolu VII
Relazzjonijiet mas-sħab

Taqsima 1
Dispożizzjonijiet komuni

Artikolu 91

Dispożizzjonijiet komuni

1.Meta jkun meħtieġ għat-twettiq tal-kompiti tagħha, l-Europol tista’ tistabbilixxi u żżomm relazzjonijiet kooperattivi mal-awtoritajiet ta’ pajjiżi terzi, ta’ organizzazzjonijiet internazzjonali u ta’ partijiet terzi.

2.Soġġett għal kwalunkwe restrizzjoni stabbilita fl-Artikolu 33(2) u mingħajr ma jiġi affettwat l-Artikolu 129, l-Europol tista’ tiskambja direttament l-informazzjoni kollha, bl-eċċezzjoni tad-data personali, mal-entitajiet imsemmija fil-paragrafu 1 ta’ dan l-Artikolu, sa fejn tali skambju jkun rilevanti għat-twettiq tal-kompiti tal-Europol.

3.Id-Direttur Eżekuttiv għandu jinforma lill-Bord tat-Tmexxija dwar kwalunkwe relazzjoni kooperattiva regolari li l-Europol tkun beħsiebha tistabbilixxi u żżomm f’konformità mal-paragrafi 1 u 2, u dwar l-iżvilupp ta’ tali relazzjonijiet ladarba jiġu stabbiliti.

4.Għall-finijiet stabbiliti fil-paragrafi 1 u 2, l-Europol tista’ tikkonkludi arranġamenti ta’ ħidma mal-entitajiet imsemmija fil-paragrafu 1, li għandhom ikunu soġġetti għall-approvazzjoni minn qabel tal-Kummissjoni. Tali arranġamenti ta’ ħidma ma għandhomx jippermettu l-iskambju tad-data personali, ma għandhomx joħolqu obbligi legali skont id-dritt internazzjonali jew tal-Unjoni, u ma għandhomx jesprimu pożizzjonijiet vinkolanti fuq l-Unjoni jew l-Istati Membri tagħha.

5.L-Europol tista’ tirċievi u tipproċessa d-data personali mingħand l-entitajiet imsemmija fil-paragrafu 1 sa fejn ikun meħtieġ u proporzjonat għat-twettiq leġittimu tal-kompiti tagħha u f’konformità mar-Regolament 2018/1725 u ma’ dan ir-Regolament.

6.Meta pajjiżi terzi, organizzazzjonijiet internazzjonali jew partijiet privati jkunu rċevew data personali mill-Europol, it-trażmissjonijiet jew it-trasferimenti ulterjuri ta’ tali data għandhom ikunu pprojbiti sakemm l-Europol ma tkunx tat l-awtorizzazzjoni espliċita tagħha minn qabel.

7.L-Europol għandha tiżgura li r-rekords dettaljati tat-trażmissjonijiet jew tat-trasferimenti kollha tad-data personali u tar-raġunijiet għaliex saru tali trażmissjonijiet jew trasferimenti jiġu rreġistrati f’konformità ma’ dan ir-Regolament.

8.Kwalunkwe informazzjoni li b’mod ċar tkun inkisbet bi ksur ovvju tad-drittijiet tal-bniedem ma għandhiex tiġi pproċessata mill-Europol.

Taqsima 2
Kooperazzjoni mal-pajjiżi terzi u mal-organizzazzjonijiet internazzjonali

Artikolu 92

Prijoritajiet għall-involviment estern

L-Europol għandha tiżgura li l-kooperazzjoni tagħha mal-pajjiżi terzi u mal-organizzazzjonijiet internazzjonali tkun koerenti mal-politiki u mal-prijoritajiet esterni tal-Unjoni u titmexxa, meta jkun xieraq, f’koordinazzjoni mad-delegazzjonijiet tal-Unjoni. Għal dak l-għan, l-Europol, fil-limiti tal-mandat tagħha, għandha tadotta strateġija esterna bħala parti mill-programmazzjoni pluriennali u l-programm ta’ ħidma annwali msemmija fl-Artikolu 73, soġġett għall-approvazzjoni minn qabel mill-Kummissjoni.

Artikolu 93

Kooperazzjoni ma’ pajjiżi assoċjati ma’ Schengen

1.L-Europol għandha żżomm kooperazzjoni mill-qrib mal-pajjiżi assoċjati mal-implimentazzjoni, mal-applikazzjoni u mal-iżvilupp tal-acquis ta’ Schengen (“pajjiżi assoċjati ma’ Schengen”).

2.L-ambitu, il-modalitajiet, id-drittijiet u l-obbligi relatati mal-kooperazzjoni msemmija fil-paragrafu 1 jistgħu jiġu ddeterminati minn ftehim internazzjonali ddedikat li jrid jiġi konkluż bejn l-Unjoni u l-pajjiż assoċjat ta’ Schengen ikkonċernat.

3.Il-ftehim internazzjonali msemmi fil-paragrafu 2 jista’ jipprevedi:

(a)l-aċċess għas-Servizz tat-Tqabbil Trażversali tal-Europol u għall-Ambjent Analitiku tal-Europol, u l-kapaċità li ssir tfittxija fihom, f’konformità mal-Artikoli 39 u 41;

(b)status ta’ osservatur fil-Bord tat-Tmexxija u fil-Grupp tat-Tmexxija tal-ICT/Ġestjoni tal-Informazzjoni, li ma għandux jagħti dritt tal-vot f’konformità mal-Artikolu 69;

(c)l-istazzjonar tal-uffiċjali ta’ kollegament, soġġetti għall-istess kundizzjonijiet bħal dawk applikabbli għall-uffiċjali ta’ kollegament mill-Istati Membri skont l-Artikolu 27.

4.Kwalunkwe ftehim internazzjonali li jipprevedi l-forma ta’ kooperazzjoni msemmija fil-paragrafu 3 jista’ jipprevedi wkoll:

(a)l-għoti tal-informazzjoni mill-pajjiż assoċjat ta’ Schengen ikkonċernat lill-Europol skont kundizzjonijiet li jikkorrispondu għal dawk stabbiliti fl-Artikolu 29(1), (2) u (5) u l-obbligu għall-Europol li tqis l-informazzjoni pprovduta mill-pajjiż assoċjat ta’ Schengen ikkonċernat kif stabbilit fl-Artikolu 29(6);

(b)kontribuzzjoni finanzjarja xierqa li trid titħallas mill-pajjiż assoċjat ta’ Schengen ikkonċernat lill-Europol.

Artikolu 94

Trasferiment tad-data personali lill-pajjiżi terzi u lill-organizzazzjonijiet internazzjonali

1.L-Europol tista’ tittrasferixxi d-data personali lill-pajjiżi terzi u lill-organizzazzjonijiet internazzjonali mingħajr ma jiġi affettwat l-Artikolu 129.

5.Id-Direttur Eżekuttiv għandu jkun kompetenti biex jawtorizza t-trasferiment tad-data personali f’konformità mal-Artikoli 94b, 94c u 94d tar-Regolament (UE) 2018/1725.

Il-Bord tat-Tmexxija jista’, wara awtorizzazzjoni mill-EDPS, jawtorizza għal perjodu ta’ mhux iktar minn sena, li għandu jkun jista’ jiġġedded, sett ta’ trasferimenti meta jiġu ssodisfati l-kundizzjonijiet tal-Artikolu 94c tar-Regolament (UE) 2018/25.

6.Għall-finijiet tal-paragrafu 2, id-Direttur Eżekuttiv għandu jieħu deċiżjoni, mingħajr dewmien żejjed, abbażi tal-informazzjoni rilevanti kollha, inkluż, meta jkun xieraq, l-input mill-Uffiċjal tal-Protezzjoni tad-Data u miċ-ċentri operazzjonali rilevanti. Bħala regola ġenerali, tali trasferimenti għandhom jiġu awtorizzati meta jiġu ssodisfati l-kundizzjonijiet applikabbli u għandhom jitwettqu permezz tas-SIENA. Meta l-pajjiż terz jew l-organizzazzjoni internazzjonali kkonċernata ma jkollhomx aċċess għas-SIENA, it-trasferimenti għandhom isiru permezz tal-kanali tal-INTERPOL.

7.Id-Direttur Eżekuttiv għandu jinforma kemm jista’ jkun malajr lill-Bord tat-Tmexxija bil-każijiet li fihom ikunu ġew applikati l-Artikoli 94b, 94c u 94d tar-Regolament (UE) 2018/1725.

Artikolu 95

Relazzjonijiet mal-Istati Membri jew mal-pajjiżi terzi fil-kuntest tal-parteċipazzjoni tagħhom fiċ-Ċentru għall-Analiżi u l-Operazzjonijiet Marittimi (Narkotiċi)

1.Sa fejn ikun meħtieġ għat-twettiq tal-kompiti tagħha, l-Europol għandha tistabbilixxi u żżomm kooperazzjoni mal-Istati Membri u mal-pajjiżi terzi li jipparteċipaw fiċ-Ċentru għall-Analiżi u l-Operazzjonijiet Marittimi (Narkotiċi) (MAOC (N)) permezz ta’ arranġament ta’ ħidma.

2.L-Europol tista’ tiskambja l-informazzjoni mal-pajjiżi terzi li jipparteċipaw fil-MAOC (N) soġġett għall-konformità mal-prinċipji u mar-regoli ġenerali għat-trasferimenti tad-data personali operazzjonali lill-pajjiżi terzi tar-Regolament (UE) 2018/1725.

3.L-Istati Membri li jipparteċipaw fil-MAOC (N) għandhom jikkollegaw lill-uffiċjali ta’ kollegament tagħhom stazzjonati fil-MAOC-N mas-SIENA biex jissottomettu l-informazzjoni rilevanti lill-Europol.

4.L-Europol għandha tipprovdi appoġġ analitiku lill-MAOC (N) għall-fini ta’ investigazzjonijiet kriminali kontra networks kriminali ta’ riskju għoli li jittraffikaw id-drogi fuq il-baħar.

Taqsima 3
Kooperazzjoni mal-partijiet privati u mal-persuni fiżiċi

Artikolu 96

Skambji tad-data personali mal-partijiet privati

1.Sa fejn ikun meħtieġ għall-Europol biex twettaq il-kompiti tagħha, l-Europol tista’ tipproċessa d-data personali miksuba mingħand il-partijiet privati.

2.L-Europol tista’ tirċievi direttament mingħand parti privata d-data personali li dik il-parti privata tiddikjara li hija legalment permessa li tittrażmetti f’konformità mad-dritt applikabbli.

3.Għall-fini li tinforma lill-awtoritajiet kompetenti tal-Istati Membri dwar kwalunkwe reat kriminali li jikkonċernahom u li huwa relatat mad-data personali riċevuta mingħand parti privata, u li tippermettilhom jieħdu l-miżuri meħtieġa, l-Europol għandha tibgħat id-data personali u kwalunkwe riżultat rilevanti mill-ipproċessar ta’ dik id-data lill-unitajiet nazzjonali tal-Europol ikkonċernati.

4.Kwalunkwe kooperazzjoni mill-Europol mal-partijiet privati la għandha tidduplika l-attivitajiet tal-UIF tal-Istati Membri u lanqas tinterferixxi magħhom, u ma għandhiex tikkonċerna l-informazzjoni li trid tiġi pprovduta lill-UIF għall-finijiet tad-Direttiva (UE) 2015/849.

5.L-Europol għandha tittrażmetti jew tittrasferixxi biss id-data personali lill-partijiet privati, meta dan ikun strettament meħtieġ u proporzjonat, li jrid jiġi ddeterminat fuq bażi ta’ każ b’każ, u b’mod partikolari meta jkun fl-interessi tas-suġġett tad-data jew meħtieġ għall-prevenzjoni tat-twettiq imminenti ta’ reat, inkluż it-terroriżmu.

Tali trażmissjoni jew trasferiment għandhom iseħħu biss meta d-drittijiet u l-libertajiet tas-suġġett tad-data ma jkunux prevalenti fuq l-interess pubbliku li jirrikjedi t-trażmissjoni jew it-trasferiment.

It-trażmissjoni jew it-trasferiment imsemmi fl-ewwel subparagrafu ta’ dan il-paragrafu huwa soġġett għal kwalunkwe restrizzjoni skont l-Artikolu 33(2) jew (3) u ma għandux jiġi affettwat l-Artikolu 129.

6.Meta l-parti privata ma tkunx stabbilita fl-Unjoni jew f’pajjiż terz kif imsemmi fl-Artikolu 94a tar-Regolament (UE) 2018/1875, it-trasferiment għandu jiġi awtorizzat mid-Direttur Eżekuttiv fil-każijiet li ġejjin biss:

(a)it-trasferiment ikun meħtieġ sabiex jiġu protetti l-interessi vitali tas-suġġett tad-data kkonċernat jew ta’ persuna oħra;

(b)it-trasferiment ikun meħtieġ sabiex jiġu ssalvagwardjati l-interessi leġittimi tas-suġġett tad-data kkonċernat;

(c)it-trasferiment ikun essenzjali għall-prevenzjoni ta’ theddida immedjata u serja għas-sigurtà pubblika ta’ Stat Membru jew ta’ pajjiż terz;

(d)it-trasferiment ikun meħtieġ f’każijiet individwali għall-finijiet tal-prevenzjoni, tal-investigazzjoni, tad-detezzjoni jew tal-prosekuzzjoni ta’ delitt speċifiku li jaqa’ fl-ambitu tal-kompetenza tal-Europol;

(e)it-trasferiment ikun meħtieġ f’każijiet individwali għall-istabbiliment, għall-eżerċitar jew għad-difiża ta’ talbiet legali relatati mal-prevenzjoni, mal-investigazzjoni, mad-detezzjoni jew mal-prosekuzzjoni ta’ reat kriminali speċifiku li jaqa’ fl-ambitu tal-kompetenza tal-Europol.

Id-data personali ma għandhiex tiġi ttrasferita jekk id-Direttur Eżekuttiv jiddetermina li d-drittijiet u l-libertajiet fundamentali tas-suġġett tad-data kkonċernat ikunu prevalenti fuq l-interess pubbliku li jirrikjedi t-trasferiment imsemmi fl-ewwel subparagrafu, il-punti (d) u (e).

7.It-trażmissjonijiet jew it-trasferimenti tad-data personali skont il-paragrafi 5 u 6 ma għandhomx ikunu sistematiċi, massivi jew strutturali.

8.L-Europol tista’ titlob lill-Istati Membri, permezz tal-unitajiet nazzjonali tal-Europol tagħhom, jikkondividu mal-Europol, f’konformità mad-dritt nazzjonali tagħhom, id-data personali mingħand il-partijiet privati li huma stabbiliti jew li għandhom rappreżentant legali fit-territorju tagħhom. Tali talbiet għandhom ikunu motivati u kemm jista’ jkun preċiżi. Tali data personali għandha tkun l-inqas sensittiva possibbli u strettament limitata għal dak li huwa meħtieġ u proporzjonat għall-fini li jippermetti l-Europol twettaq il-kompiti tagħha.

9.Il-mekkaniżmu tal-Europol imsemmi fl-Artikolu 47 jista’ jintuża għal skambji tal-informazzjoni bejn l-awtoritajiet kompetenti tal-Istati Membri u l-partijiet privati f’konformità mad-dritt rispettiv tal-Unjoni u nazzjonali. Dawk l-iskambji jistgħu jkopru wkoll delitti li ma jaqgħux fl-ambitu tal-kompetenza tal-Europol.

Meta l-Istati Membri jużaw il-mekkaniżmu tal-Europol għall-iskambju tal-informazzjoni dwar delitti li jaqgħu fl-ambitu tal-kompetenza tal-Europol, huma għandhom jipprovdu lill-Europol b’kopja ta’ tali informazzjoni.

Meta l-Istati Membri jużaw l-mekkaniżmu tal-Europol għall-iskambju tad-data personali dwar delitti li ma jaqgħux fl-ambitu tal-kompetenza tal-Europol, l-Europol ma għandux ikollha aċċess għal dik id-data u għandha titqies bħala proċessur f’konformità mal-Artikolu 87 tar-Regolament (UE) 2018/1725.

L-Europol għandha tivvaluta r-riskji għas-sigurtà maħluqa minħabba li tippermetti l-użu tal-infrastruttura tagħha mill-partijiet privati u, meta jkun meħtieġ, timplimenta miżuri preventivi u ta’ mitigazzjoni xierqa.

10.L-Europol għandha tiżgura li jinżammu rekords dettaljati tat-trażmissjonijiet jew tat-trasferimenti kollha tad-data personali u li jinżammu rekords tar-raġunijiet għal tali trażmissjonijiet jew trasferimenti f’konformità ma’ dan ir-Regolament, u li jiġu kkomunikati fuq talba lill-EDPS f’konformità mar-Regolament (UE) 2018/1725.

11.Jekk id-data personali riċevuta jew li trid tiġi trażmessa jew ittrasferita taffettwa l-interessi ta’ Stat Membru, l-Europol għandha tinforma minnufih lill-unità nazzjonali tal-Istat Membru kkonċernat.

12.Sal-31 ta’ Marzu, il-Bord tat-Tmexxija għandu jadotta rapport annwali dwar id-data personali skambjata mal-partijiet privati skont dan l-Artikolu, abbażi ta’ kriterji ta’ evalwazzjoni kwantitattivi u kwalitattivi stabbiliti mill-Bord tat-Tmexxija.

13.Ir-rapport annwali għandu jqis l-obbligi ta’ diskrezzjoni u ta’ kunfidenzjalità u l-eżempji għandhom jiġu anonimizzati sa fejn tkun ikkonċernata d-data personali.

Ir-rapport annwali għandu jintbagħat lill-Parlament Ewropew, lill-Kunsill, lill-Kummissjoni u lill-parlamenti nazzjonali.

Artikolu 97

Informazzjoni mingħand il-persuni fiżiċi

1.Sa fejn hu neċessarju għall-Europol biex twettaq il-kompiti tagħha, l-Europol tista’ tirċievi u tipproċessa l-informazzjoni li toriġina mingħand il-persuni fiżiċi.

2.Id-data personali li toriġina minn persuni fiżiċi għandha tiġi pproċessata mill-Europol biss dment li din tasal permezz ta’ wieħed mill-modi li ġejjin:

(a)unità nazzjonali tal-Europol f’konformità mad-dritt nazzjonali;

(b)il-punt ta’ kuntatt ta’ pajjiż terz jew ta’ organizzazzjoni internazzjonali li lilhom tista’ tiġi ttrasferita d-data personali skont l-Artikolu 94b(2), il-punt (c), tar-Regolament (UE) 2018/1725;

(c)awtorità ta’ pajjiż terz jew ta’ organizzazzjoni internazzjonali li lilha tista’ tiġi ttrasferita d-data personali skont l-Artikolu 94a, l-Artikolu 94b(1) jew l-Artikolu 94b(2), il-punt (a), tar-Regolament (UE) 2018/1725.

3.Meta l-Europol tirċievi l-informazzjoni, inkluż id-data personali, mingħand persuna fiżika residenti f’pajjiż terz li fir-rigward tagħha ma jkunux issodisfati l-kundizzjonijiet għal trasferiment skont l-Artikoli 94a jew 94b tar-Regolament (UE) 2018/1725, l-Europol għandha tgħaddi dik l-informazzjoni biss lil Stat Membru jew lil tali pajjiż terz.

4.Meta d-data personali riċevuta taffettwa l-interessi ta’ Stat Membru, l-Europol għandha tinforma minnufih lill-unità nazzjonali tal-Europol tal-Istat Membru kkonċernat.

5.L-Europol ma għandhiex tikkuntattja lill-persuni fiżiċi sabiex tikseb l-informazzjoni.

6.Mingħajr preġudizzju għall-Artikoli 104 u 105, l-Europol ma tistax tipprovdi data personali lill-persuni fiżiċi.

Kapitolu VIII
Protezzjoni tad-data

Artikolu 98

Ipproċessar tad-data personali mill-Europol

1.Sakemm ma jkunx previst mod ieħor f’dan ir-Regolament, ir- Regolament (UE) 2018/1725 għandu japplika għall-ipproċessar tad-data personali mill-Europol.

2.Ir-referenzi għal “data personali” f’dan ir-Regolament għandhom jinftiehmu bħala referenzi għal “data personali operazzjonali” kif definita fl- Artikolu 3, il-punt (2), tar-Regolament (UE) 2018/1725 , sakemm ma jkunx previst mod ieħor f’dan ir-Regolament.

3.Il-Bord tat-Tmexxija għandu jadotta regoli biex jiddetermina l-limiti ta’ żmien għall-ħżin tad-data personali amministrattiva.

Artikolu 99

Valutazzjoni tal-affidabbiltà tas-sors u tal-akkuratezza tal-informazzjoni

1.L-affidabilità tas-sors tal-informazzjoni li toriġina mingħand Stat Membru għandha tiġi vvalutata sa fejn ikun possibbli mill-Istat Membru fornitur bl-użu tal-kodiċijiet tal-evalwazzjoni tas-sors li ġejjin:

(a)(A): meta ma hemmx dubju dwar l-awtentiċità, l-affidabbiltà u l-kompetenza tas-sors, jew meta l-informazzjoni tiġi pprovduta minn sors li f’kull istanza wera bil-provi li huwa affidabbli;

(b)(B): meta l-informazzjoni tiġi pprovduta minn sors li fil-biċċa l-kbira ta prova li huwa affidabbli;

(c)(C): meta l-informazzjoni tiġi pprovduta minn sors li fil-biċċa l-kbira ta prova li mhuwiex affidabbli;

(d)(X): meta l-affidabbiltà tas-sors ma tistax tiġi vvalutata.

2.L-akkuratezza tal-informazzjoni li toriġina mingħand Stat Membru għandha tiġi vvalutata sa fejn ikun possibbli mill-Istat Membru fornitur bl-użu tal-kodiċijiet tal-evalwazzjoni tal-informazzjoni li ġejjin:

(a)(1): informazzjoni li ma hemmx dubju dwar l-akkuratezza tagħha;

(b)(2): informazzjoni magħrufa personalment mis-sors iżda li mhijiex magħrufa personalment mill-uffiċjal li qiegħed jgħaddiha;

(c)(3): informazzjoni li mhijiex magħrufa personalment mis-sors iżda li hija korroborata minn informazzjoni oħra li diġà nżamm rekord tagħha;

(d)(4): informazzjoni li mhijiex magħrufa personalment mis-sors u li ma tistax tiġi korroborata.

3.Meta l-Europol, abbażi tal-informazzjoni diġà fil-pussess tagħha, tasal għall-konklużjoni li l-valutazzjoni prevista fil-paragrafi 1 jew 2 jeħtieġ li tiġi kkoreġuta, hija għandha tinforma lill-Istat Membru kkonċernat u tfittex ftehim dwar emenda tal-valutazzjoni. L-Europol ma għandhiex tibdel il-valutazzjoni mingħajr tali ftehim.

4.Meta l-Europol tirċievi l-informazzjoni mingħand Stat Membru mingħajr valutazzjoni mwettqa f’konformità mal-paragrafi 1 jew 2, għandha tipprova tivvaluta l-affidabbiltà tas-sors jew l-akkuratezza tal-informazzjoni abbażi tal-informazzjoni diġà fil-pussess tagħha. Il-valutazzjoni ta’ data u ta’ informazzjoni speċifiċi għandha ssir bi ftehim mal-Istat Membru fornitur. Stat Membru jista’ wkoll jiftiehem mal-Europol f’termini ġenerali dwar il-valutazzjoni ta’ tipi speċifikati ta’ data u sorsi speċifikati. Jekk ma jintlaħaqx ftehim f’każ speċifiku, jew ma jkunx jeżisti ftehim f’termini ġenerali, l-Europol għandha tivvaluta l-informazzjoni jew id-data u għandha tattribwixxi lil tali informazzjoni jew data l-kodiċijiet tal-evalwazzjoni (X) u (4) imsemmija fil-paragrafi 1 u 2 rispettivament.

5.Il-paragrafi 1 sa 4 għandhom japplikaw mutatis mutandis meta l-Europol tirċievi data jew informazzjoni minn istituzzjoni, korp, missjoni, uffiċċju jew aġenzija tal-Unjoni, pajjiż terz, organizzazzjoni internazzjonali jew parti privata.

6.L-informazzjoni minn sorsi disponibbli pubblikament għandha tiġi vvalutata mill-Europol bl-użu tal-kodiċijiet tal-evalwazzjoni stabbiliti fil-paragrafi 1 u 2.

7.Meta l-informazzjoni tkun ir-riżultat ta’ analiżi magħmula mill-Europol fit-twettiq tal-kompiti tagħha, l-Europol għandha tivvaluta tali informazzjoni f’konformità ma’ dan l-Artikolu, u bi ftehim mal-Istati Membri li jipparteċipaw fl-analiżi.

Artikolu 100

Ipproċessar tad-data personali ta’ kategoriji differenti ta’ suġġetti tad-data u ta’ kategoriji speċjali ta’ data personali

1.L-ipproċessar tad-data personali fir-rigward ta’ vittmi ta’ reat kriminali, xhieda jew persuni oħra li jistgħu jipprovdu informazzjoni rigward reati kriminali għandu jkun permess meta jkun strettament meħtieġ u proporzjonat għall-prevenzjoni ta’ kriminalità li taqa’ fl-ambitu tal-kompetenza tal-Europol jew għall-ġlieda kontriha.

2.L-ipproċessar tad-data personali, b’mezzi awtomatizzati jew b’mezzi oħra, li jiżvela l-oriġini razzjali jew etnika, l-opinjonijiet politiċi, it-twemmin reliġjuż jew filosofiku, jew is-sħubija fi trade unions, u l-ipproċessar tad-data ġenetika u tad-data bijometrika sabiex tiġi identifikata b’mod uniku persuna fiżika, jew id-data li tikkonċerna s-saħħa jew li tikkonċerna l-ħajja sesswali jew l-orjentazzjoni sesswali ta’ persuni fiżiċi għandu jkun permess biss fejn strettament meħtieġ u proporzjonat għall-proġetti ta’ riċerka u ta’ innovazzjoni skont l-Artikolu 102 u għall-finijiet operazzjonali, fl-ambitu tal-kompetenza tal-Europol, u biss għall-prevenzjoni ta’ kriminalità li taqa’ fl-ambitu tal-kompetenza tal-Europol jew għall-ġlieda kontriha. Tali pproċessar għandu jkun soġġett ukoll għas-salvagwardji xierqa stabbiliti f’dan ir-Regolament fir-rigward tad-drittijiet u l-libertajiet tas-suġġett tad-data, u, bl-eċċezzjoni tad-data bijometrika pproċessata għall-fini ta’ identifikazzjoni unika ta’ persuna fiżika, għandu jkun permess biss jekk dik id-data tissupplimenta data personali oħra pproċessata mill-Europol. Is-selezzjoni ta’ grupp partikolari ta’ persuni unikament abbażi ta’ tali data personali għandha tkun ipprojbita.

3.L-Uffiċjal tal-Protezzjoni tad-Data għandu jiġi informat mingħajr dewmien żejjed fil-każ tal-ipproċessar tad-data personali skont dan l-Artikolu.

4.L-Europol biss għandu jkollha aċċess dirett għad-data personali msemmija fil-paragrafi 1 u 2. Id-Direttur Eżekuttiv għandu jawtorizza debitament għadd limitat ta’ persunal tal-Europol biex ikollu tali aċċess meta dan ikun meħtieġ għat-twettiq tal-kompiti tiegħu.

5.Minkejja l-ewwel subparagrafu, meta jkun meħtieġ li l-persunal tal-awtoritajiet kompetenti tal-Istati Membri jew tal-korpi u tal-aġenziji tal-Unjoni jingħata aċċess dirett għad-data personali għat-twettiq tal-kompiti tiegħu u f’konformità ma’ dan ir-Regolament, jew għall-proġetti ta’ riċerka u ta’ innovazzjoni f’konformità mal-Artikolu 102(2), il-punt (c), id-Direttur Eżekuttiv għandu jawtorizza debitament għadd limitat ta’ tali persunal biex ikollu tali aċċess.

6.Id-data personali kif imsemmija fil-paragrafi 1 u 2 ma għandhiex tiġi trażmessa lill-Istati Membri jew lill-istituzzjonijiet, lill-korpi, lill-missjonijiet, lill-uffiċċji u lill-aġenziji tal-Unjoni, jew ittrasferita lill-pajjiżi terzi, lill-organizzazzjonijiet internazzjonali jew lill-partijiet privati, sakemm tali trażmissjoni jew trasferiment ma jkunx meħtieġ skont dan ir-Regolament jew id-dritt tal-Unjoni, jew ma jkunx strettament meħtieġ u proporzjonat f’każijiet individwali dwar delitti li jaqgħu fl-ambitu tal-kompetenza tal-Europol u f’konformità mal-Kapitoli VI u VII.

7.Kull sena l-Europol għandha tipprovdi lill-EDPS b’ħarsa statistika ġenerali tad-data personali kollha kif imsemmija fil-paragrafu 2 li tkun ipproċessat.

Artikolu 101

Limiti ta’ żmien għall-ħżin u għat-tħassir tad-data personali

1.Id-data personali pproċessata mill-Europol għandha tinħażen mill-Europol biss sakemm tkun meħtieġa u proporzjonata għall-finijiet li għalihom tkun qiegħda tiġi pproċessata d-data.

2.Fi kwalunkwe każ, l-Europol għandha tirrieżamina l-ħtieġa li d-data tibqa’ tinħażen sa mhux iktar tard minn 3 snin wara l-bidu tal-ipproċessar inizjali tad-data personali. L-Europol tista’ tiddeċiedi li d-data personali tibqa’ tinħażen sar-rieżami li jkun imiss, li għandu jsir wara perjodu ieħor ta’ 3 snin, meta jkun għadu meħtieġ li tkompli tinħażen għat-twettiq tal-kompiti tal-Europol. Ir-raġunijiet biex id-data tibqa’ tinħażen għandhom ikunu ġġustifikati u jinżamm rekord tagħhom. Meta ma titteħidx deċiżjoni dwar jekk għandhiex tibqa’ tinħażen id-data personali, dik id-data għandha titħassar awtomatikament wara 3 snin.

3.Meta d-data personali kif imsemmija fl-Artikolu 100(1) u (2) tinħażen għal perjodu li jaqbeż 5 snin, l-EDPS għandu jiġi informat dwar dan.

4.Meta Stat Membru, istituzzjoni, korp, missjoni, uffiċċju jew aġenzija tal-Unjoni, pajjiż terz jew organizzazzjoni internazzjonali jkunu indikaw xi restrizzjoni fir-rigward tat-tħassir jew tal-qerda iktar bikrija tad-data personali fil-mument tat-trażmissjoni jew tat-trasferiment f’konformità mal-Artikolu 33(2), l-Europol għandha tħassar id-data personali f’konformità ma’ dawk ir-restrizzjonijiet. Meta abbażi ta’ informazzjoni li tkun iktar estensiva minn dik li jkollu fil-pussess tiegħu l-fornitur tad-data, jitqies meħtieġ li d-data tibqa’ tinħażen sabiex l-Europol tkun tista’ twettaq il-kompiti tagħha, l-Europol għandha titlob l-awtorizzazzjoni mingħand il-fornitur tad-data biex tkompli taħżen id-data u għandha tippreżenta ġustifikazzjoni għal tali talba.

5.Stat Membru, istituzzjoni, korp, missjoni, uffiċċju jew aġenzija tal-Unjoni, pajjiż terz jew organizzazzjoni internazzjonali li tħassar id-data personali pprovduta lill-Europol mill-fajls tad-data tagħha stess, għandha tinforma lill-Europol kif xieraq. L-Europol għandha tħassar id-data dment li, abbażi ta’ informazzjoni li tkun iktar estensiva minn dik li jkollu l-fornitur tad-data, ma jitqiesx meħtieġ li d-data tibqa’ tinħażen sabiex l-Europol tkun tista’ twettaq il-kompiti tagħha. L-Europol għandha tinforma lill-fornitur tad-data li se tibqa’ taħżen tali data u tippreżenta ġustifikazzjoni għalfejn se tibqa’ taħżinha.

6.Id-data personali ma għandhiex titħassar fil-każijiet li ġejjin:

(a)tali tħassir ikun ta’ dannu għall-interessi ta’ suġġett tad-data li jkun jirrikjedi protezzjoni, u f’dan il-każ id-data għandha tintuża biss bil-kunsens espliċitu u bil-miktub tas-suġġett tad-data;

(b)l-akkuratezza tad-data personali tiġi kkontestata mis-suġġett tad-data, għal perjodu li jippermetti lill-Istati Membri jew lill-Europol, meta jkun xieraq, li jivverifikaw l-akkuratezza tad-data;

(c)id-data jkollha tinżamm għal finijiet ta’ prova jew għall-istabbiliment, għall-eżerċitar jew għad-difiża ta’ talbiet legali;

(d)is-suġġett tad-data jopponi t-tħassir tagħha u minflok jitlob ir-restrizzjoni tal-użu tagħha.

Artikolu 102

Ipproċessar tad-data personali għar-riċerka u għall-innovazzjoni

1.L-Europol tista’ tipproċessa d-data personali għall-fini tal-proġetti ta’ riċerka u ta’ innovazzjoni rilevanti, dment li l-ipproċessar ta’ dik id-data personali jkun meħtieġ u debitament ġustifikat sabiex jintlaħqu l-objettivi tal-proġett ikkonċernat.

Fir-rigward ta’ kategoriji speċjali ta’ data personali, tali pproċessar għandu jsir biss meta jkun strettament meħtieġ u soġġett għal salvagwardji xierqa, li jistgħu jinkludu l-psewdonimizzazzjoni.

L-ipproċessar tad-data personali mill-Europol fil-kuntest ta’ proġetti ta’ riċerka u ta’ innovazzjoni għandu jkun iggwidat mill-prinċipji ta’ trasparenza, spjegabbiltà, ekwità u akkontabbiltà.

2.Mingħajr ma jiġi affettwat il-paragrafu 1, għall-ipproċessar tad-data personali li jsir fil-kuntest tal-proġetti ta’ riċerka u ta’ innovazzjoni tal-Europol, għandhom japplikaw is-salvagwardji li ġejjin:

(a)kwalunkwe proġett ta’ riċerka u ta’ innovazzjoni għandu jirrikjedi l-awtorizzazzjoni minn qabel mingħand id-Direttur Eżekuttiv, abbażi ta’:

I.deskrizzjoni tal-objettivi tal-proġett u spjegazzjoni dwar kif il-proġett jassisti lill-Europol jew lill-awtoritajiet kompetenti tal-Istati Membri fil-kompiti tagħhom;

II.deskrizzjoni tal-attività tal-ipproċessar prevista, li tistabbilixxi l-objettivi, l-ambitu u d-durata tal-ipproċessar u l-ħtieġa u l-proporzjonalità tal-ipproċessar tad-data personali;

III.deskrizzjoni tal-kategoriji ta’ data personali li jridu jiġu pproċessati;

IV.valutazzjoni tal-konformità mal-Artikolu 71 tar-Regolament (UE) 2018/1725 rigward il-limiti ta’ żmien għall-ħżin u l-kundizzjonijiet għall-aċċess għad-data personali.

(b)il-Bord tat-Tmexxija għandu jiġi informat bit-tnedija tal-proġett, f’konformità mal-linji gwida msemmija fl-Artikolu 32(11);

(c)kwalunkwe data personali li trid tiġi pproċessata fil-kuntest tal-proġett:

I.għandha tiġi kkopjata temporanjament fuq ambjent tal-ipproċessar tad-data separat, iżolat u protett, li jista’, meta jkun xieraq, jappoġġa l-proċessi tal-iżvilupp iterattiv, tal-ittestjar u tal-validazzjoni, fl-ambitu tal-Europol għall-fini unika li jitwettaq dak il-proġett;

II.għandha tiġi aċċessata f’konformità mal-Artikolu 100(4) minn persunal tal-Europol awtorizzat speċifikament u, soġġett għal miżuri tekniċi tas-sigurtà, minn persunal awtorizzat speċifikament tal-awtoritajiet kompetenti tal-Istati Membri u tal-aġenziji tal-Unjoni;

III.ma għandhiex tiġi trażmessa jew tiġi ttrasferita;

IV.ma għandhiex twassal għal miżuri jew deċiżjonijiet li jaffettwaw is-suġġetti tad-data minħabba l-ipproċessar tagħha;

V.għandha titħassar ladarba l-proġett jiġi konkluż jew il-limitu ta’ żmien għall-ħżin tad-data personali jkun skada f’konformità mal-Artikolu 91;

VI.soġġett għal salvagwardji xierqa u meta jkun debitament ġustifikat, għandha terġa’ tintuża fl-ambitu tal-Europol għal proġetti sussegwenti ta’ riċerka u ta’ innovazzjoni li fil-mira tagħhom ikollhom objettivi kompatibbli, b’mod partikolari għat-titjib, għall-ittestjar jew għall-validazzjoni ta’ algoritmi u ta’ mudelli tal-IA u ta’ sistemi tal-IA;

(d)ir-reġistri tal-ipproċessar tad-data personali fil-kuntest tal-proġett għandhom jinżammu għal sentejn wara l-konklużjoni tal-proġett, unikament għall-fini tal-verifika tal-akkuratezza tal-eżitu tal-ipproċessar tad-data, u biss sakemm ikun meħtieġ biex din issir.

3.Meta l-Europol tqis li tip ġdid ta’ proġett ta’ riċerka u ta’ innovazzjoni joħloq riskju sinifikanti għad-drittijiet u għal-libertajiet tas-suġġetti tad-data, hija għandha, minbarra r-rekwiżiti stabbiliti fil-paragrafu 2, il-punt (a), ta’ dan l-Artikolu twettaq ukoll valutazzjoni tal-impatt dwar il-protezzjoni tad-data f’konformità mal-Artikolu 89 tar-Regolament (UE) 2018/1725. F’tali każijiet, l-EDPS għandu jiġi informat qabel it-tnedija tal-proġett.

4.Il-paragrafi 2 u 3 ma għandhomx japplikaw għall-aġġustament, għall-modifika jew għall-iskjerament ta’ kapaċitajiet eżistenti, inkluż f’kuntest operazzjonali definit, dment li tali attivitajiet ma jbiddlux b’mod sostanzjali n-natura, l-ambitu jew il-fini tal-ipproċessar b’mod li jżid ir-riskju għad-drittijiet u għal-libertajiet tas-suġġetti tad-data.

5.Il-Bord tat-Tmexxija għandu jistabbilixxi f’dokument vinkolanti l-ambitu ġenerali għall-proġetti ta’ riċerka u ta’ innovazzjoni. Tali dokument għandu jiġi aġġornat meta jkun xieraq u għandu jitqiegħed għad-dispożizzjoni tal-EDPS għall-fini tas-superviżjoni tiegħu.

6.L-Europol għandha żżomm dokument li jkun fih deskrizzjoni dettaljata tal-proċess u tar-raġunament wara t-taħriġ, l-ittestjar u l-validazzjoni tal-algoritmi biex tiżgura t-trasparenza tal-proċess u tal-algoritmi, inkluż il-konformità tagħhom mas-salvagwardji previsti f’dan l-Artikolu, u biex tippermetti l-verifika tal-akkuratezza tar-riżultati abbażi tal-użu ta’ tali algoritmi. Fuq talba, l-Europol għandha tagħmel dak id-dokument disponibbli għall-partijiet interessati, inkluż l-Istati Membri u l-JPSG.

7.Meta d-data li trid tiġi pproċessata għal proġett ta’ riċerka u ta’ innovazzjoni tkun ġiet ipprovduta minn Stat Membru, korp tal-Unjoni, pajjiż terz jew organizzazzjoni internazzjonali, l-Europol għandha titlob il-kunsens mingħand dak il-fornitur tad-data f’konformità mal-Artikolu 33(2), sakemm il-fornitur tad-data ma jkunx ta l-awtorizzazzjoni tiegħu minn qabel għal tali pproċessar għall-fini tal-proġetti ta’ riċerka u ta’ innovazzjoni, f’termini ġenerali jew soġġett għal kundizzjonijiet speċifiċi.

8.L-Europol ma għandhiex tipproċessa d-data għal proġetti ta’ riċerka u ta’ innovazzjoni mingħajr il-kunsens tal-fornitur tad-data. Tali kunsens jista’ jiġi rtirat fi kwalunkwe mument.

Artikolu 103

Notifika ta’ ksur tad-data personali lill-awtoritajiet ikkonċernati

1.Mingħajr ma jiġi affettwat l-Artikolu 92 tar-Regolament (UE) 2018/1725, fil-każ ta’ ksur tad-data personali, l-Europol għandha tinnotifika lill-awtoritajiet kompetenti tal-Istati Membri kkonċernati dwar dak il-ksur, mingħajr dewmien żejjed, u lill-fornitur tad-data kkonċernata sakemm il-ksur tad-data personali ma jkunx improbabbli li jirriżulta f’riskju għad-drittijiet u għal-libertajiet tal-persuni fiżiċi.

2.In-notifika msemmija fil-paragrafu 1 għandha, bħala minimu:

(a)tiddeskrivi n-natura tal-ksur tad-data personali inkluż, meta jkun possibbli u xieraq, il-kategoriji u l-għadd ta’ suġġetti tad-data kkonċernati u l-kategoriji u l-għadd ta’ rekords tad-data kkonċernati;

(b)tiddeskrivi l-konsegwenzi probabbli tal-ksur tad-data personali;

(c)tiddeskrivi l-miżuri proposti jew meħuda mill-Europol sabiex tindirizza l-ksur tad-data personali;

(d)meta jkun xieraq, tirrakkomanda miżuri sabiex jiġu mitigati l-effetti avversi possibbli tal-ksur tad-data personali.

Artikolu 104

Komunikazzjoni ta’ ksur tad-data personali lis-suġġett tad-data

Mingħajr ma jiġi affettwat l-Artikolu 93 tar-Regolament (UE) 2018/1725, meta l-Europol ma jkollhiex id-dettalji ta’ kuntatt tas-suġġett tad-data kkonċernat, għandha titlob lill-fornitur tad-data sabiex jikkomunika l-ksur tad-data personali lis-suġġett tad-data kkonċernat u sabiex jinforma lill-Europol dwar id-deċiżjoni meħuda. L-Istati Membri li jipprovdu d-data għandhom jikkomunikaw il-ksur tad-data personali lis-suġġett tad-data kkonċernat f’konformità mad-dritt nazzjonali.

Artikolu 105

Dritt tal-aċċess għas-suġġett tad-data

1.Kwalunkwe suġġett tad-data li jkun jixtieq jeżerċita d-dritt tal-aċċess imsemmi fl-Artikolu 80 tar-Regolament (UE) 2018/1725 għad-data personali relatata mas-suġġett tad-data jista’ jagħmel talba għal dik il-fini lill-awtorità maħtura għal dik il-fini fl-Istat Membru tal-għażla tiegħu jew tagħha, jew lill-Europol. Dik l-awtorità għandha tirreferi t-talba lill-Europol mingħajr dewmien żejjed u fi żmien xahar minn meta tirċeviha.

2.L-Europol għandha tikkonferma li rċeviet it-talba msemmija fil-paragrafu 1. L-Europol għandha tweġibha mingħajr dewmien żejjed, u fi kwalunkwe każ fi żmien 4 xhur minn meta l-Europol tirċievi t-talba, mingħajr preġudizzju għall-Artikolu 81 tar-Regolament (UE) 2018/1725.

3.L-Europol għandha tikkonsulta lill-awtoritajiet kompetenti tal-Istati Membri u lill-fornitur tad-data kkonċernata dwar deċiżjoni li trid tittieħed. Deċiżjoni dwar l-aċċess għad-data personali għandha tkun tiddependi fuq kooperazzjoni mill-qrib bejn l-Europol u l-fornitur tad-data direttament ikkonċernat mill-aċċess tas-suġġett tad-data għal tali data. L-Istati Membri u l-fornitur tad-data kkonċernat għandhom jikkooperaw mill-qrib mal-Europol u għandhom iwieġbu l-konsultazzjoni mwettqa mill-Europol mingħajr dewmien żejjed. Meta Stat Membru jew il-fornitur tad-data joġġezzjona għar-rispons propost tal-Europol, dan għandu jinnotifika lill-Europol bir-raġunijiet għall-oġġezzjoni tiegħu. L-Europol għandha tqis bl-iktar mod sħiħ kwalunkwe oġġezzjoni bħal din. Sussegwentement l-Europol għandha tinnotifika d-deċiżjoni tagħha lill-awtoritajiet kompetenti tal-Istati Membri kkonċernati u lill-fornitur tad-data.

Artikolu 106

Dritt għal rettifika, tħassir u restrizzjoni

1.Kwalunkwe suġġett tad-data li jixtieq jeżerċita d-dritt ta’ rettifika jew ta’ tħassir tad-data personali jew ta’ restrizzjoni tal-ipproċessar tad-data personali relatata magħhom imsemmi fl-Artikolu 82 tar-Regolament (UE) 2018/1725 jista’ jagħmel talba għal dak l-għan, permezz tal-awtorità maħtura għal dik il-fini fl-Istat Membru tal-għażla tagħhom, jew lill-Europol. Meta t-talba ssir lil dik l-awtorità, hija għandha tirreferi t-talba lill-Europol fi żmien xahar minn meta tirċeviha.

2.Mingħajr preġudizzju għall-Artikolu 82(3) tar-Regolament (UE) 2018/1725, l-Europol għandha tirrestrinġi l-ipproċessar tad-data personali minflok ma tħassar id-data personali meta jkun hemm raġunijiet raġonevoli sabiex temmen li t-tħassir jista’ jaffettwa l-interessi leġittimi tas-suġġett tad-data.

3.Id-data ristretta għandha tiġi pproċessata biss sabiex jiġu protetti d-drittijiet tas-suġġett tad-data, meta dan ikun meħtieġ biex jiġu protetti l-interessi vitali tas-suġġett tad-data jew ta’ persuna oħra, jew għall-finijiet stabbiliti fl-Artikolu 82(3) tar-Regolament (UE) 2018/1725.

4.Meta d-data personali msemmija fil-paragrafi 1 u 2 miżmuma mill-Europol tkun ġiet ipprovduta lilha mill-pajjiżi terzi, mill-organizzazzjonijiet internazzjonali jew mill-istituzzjonijiet, mill-korpi, mill-missjonijiet, mill-uffiċċji jew mill-aġenziji tal-Unjoni, tkun ġiet ipprovduta direttament mill-partijiet privati, inkisbet mill-Europol minn sorsi disponibbli pubblikament jew irriżultat mill-analiżijiet tal-Europol stess, l-Europol għandha tirrettifika jew tħassar tali data jew tirrestrinġi l-ipproċessar tagħha u, meta jkun xieraq, tinforma lill-fornituri tad-data.

5.Meta d-data personali msemmija fil-paragrafi 1 u 2 miżmuma mill-Europol tkun ġiet ipprovduta lill-Europol mill-Istati Membri, l-Istati Membri kkonċernati għandhom jirrettifikaw jew iħassru tali data jew jirrestrinġu l-ipproċessar tagħha f’kooperazzjoni mal-Europol, skont il-kompetenzi rispettivi tagħhom.

6.L-Europol għandha tirrettifika jew tħassar id-data b’kollaborazzjoni mal-fornitur tad-data kkonċernata fil-każijiet kollha li ġejjin:

(a)tkun ġiet trażmessa jew ittrasferita data personali skorretta b’mezz xieraq ieħor;

(b)l-iżbalji fid-data pprovduta mill-Istati Membri jkunu dovuti għal trażmissjoni jew trasferiment difettużi bi ksur ta’ dan ir-Regolament;

(c)l-iżbalji fid-data jirriżultaw minn data li tiddaħħal, tittieħed jew tinħażen b’mod skorrett jew bi ksur ta’ dan ir-Regolament mill-Europol.

7.Fil-każijiet imsemmija fil-paragrafi 3, 4 u 5, id-destinatarji kollha tad-data kkonċernata għandhom jiġu nnotifikati minnufih. F’konformità mar-regoli applikabbli għalihom, id-destinatarji għandhom imbagħad jirrettifikaw, iħassru jew jirrestrinġu dik id-data fis-sistemi tagħhom.

Artikolu 107

Responsabbiltà f’materji tal-protezzjoni tad-data

1.L-Europol għandha tipproċessa d-data personali b’mod li jiżgura li jkun jista’ jiġi stabbilit is-sors tagħha, f’konformità mal-Artikolu 28.

2.Ir-responsabbiltà għall-akkuratezza tad-data personali kif imsemmija fl-Artikolu 71(1), il-punt (d), tar-Regolament (UE) 2018/1725 għandha tkun ta’:

(a)tal-Istat Membru jew tal-korp tal-Unjoni li pprovda d-data personali lill-Europol;

(b)tal-Europol fir-rigward tad-data personali pprovduta minn pajjiżi terzi, jew organizzazzjonijiet internazzjonali jew ipprovduta direttament minn partijiet privati, tad-data personali miksuba mill-Europol minn sorsi disponibbli pubblikament jew li tirriżulta mill-analiżijiet imwettqa mill-Europol stess, u tad-data personali maħżuna mill-Europol f’konformità mal-Artikolu 101(5).

3.Meta l-Europol issir taf li d-data personali pprovduta skont l-Artikolu 28(1), il-punti (a) u (b), hija fattwalment skorretta jew inħażnet illegalment, għandha tinforma lill-fornitur ta’ dik id-data kif xieraq.

4.Ir-responsabbiltà għal-legalità tat-trażmissjoni jew tat-trasferiment tad-data għandha tkun:

(a)tal-Istat Membru li jkun ipprovda d-data personali lill-Europol;

(b)tal-Europol fil-każ tad-data personali pprovduta minnha lill-Istati Membri, lill-pajjiżi terzi jew lill-organizzazzjonijiet internazzjonali.

5.Fil-każ ta’ trażmissjoni bejn l-Europol u istituzzjoni, korp, missjoni, uffiċċju jew aġenzija tal-Unjoni, ir-responsabbiltà għal-legalità tat-trażmissjoni għandha tkun tal-Europol.

Mingħajr ma jiġi affettwat l-ewwel subparagrafu, meta d-data tiġi trażmessa mill-Europol wara talba mingħand ir-riċevitur, kemm l-Europol kif ukoll ir-riċevitur għandhom ikunu responsabbli għal-legalità ta’ tali trażmissjoni.

6.L-Europol għandha tkun responsabbli għall-operazzjonijiet kollha tal-ipproċessar tad-data mwettqa minnha, bl-eċċezzjoni tal-iskambju bilaterali tad-data bl-użu tal-infrastruttura tal-Europol bejn l-Istati Membri, l-istituzzjonijiet, il-korpi, il-missjonijiet, l-uffiċċji u l-aġenziji tal-Unjoni, il-pajjiżi terzi, l-organizzazzjonijiet internazzjonali u l-partijiet privati li għalih l-Europol ma jkollha l-ebda aċċess. Tali skambji bilaterali għandhom isiru taħt ir-responsabbiltà tal-entitajiet ikkonċernati u f’konformità mad-dritt tagħhom. Is-sigurtà ta’ tali skambji għandha tiġi żgurata f’konformità mal-Artikolu 91 tar-Regolament (UE) 2018/1725.

Artikolu 108

Konsultazzjoni minn qabel

1.L-Europol tista’ tagħti bidu għal operazzjonijiet tal-ipproċessar li jkunu soġġetti għal konsultazzjoni minn qabel mal-EDPS skont l-Artikolu 90(1) tar- Regolament (UE) 2018/1725 sakemm l-EDPS ma jkunx ipprovda parir bil-miktub skont l-Artikolu 90(4) ta’ dak ir-Regolament f’perjodu ta’ 8 ġimgħat, li jibda fid-data tas-sottomissjoni tat-talba inizjali għall-konsultazzjoni u li ma jridx jiġi sospiż jew estiż.

2.Meta l-operazzjonijiet tal-ipproċessar imsemmija fil-paragrafu 1 ta’ dan l-Artikolu jkollhom sinifikat sostanzjali għat-twettiq tal-kompiti tal-Europol u jkunu partikolarment urġenti u meħtieġa għall-prevenzjoni ta’ theddida immedjata ta’ delitt li jaqa’ fl-ambitu tal-kompetenza tal-Europol u għall-ġlieda kontriha jew għall-protezzjoni ta’ interessi vitali tas-suġġett tad-data jew ta’ persuna oħra, l-Europol tista’ eċċezzjonalment tibda l-ipproċessar.

F’dak il-każ, l-Europol għandha tinforma lill-EDPS qabel il-bidu tal-operazzjonijiet tal-ipproċessar u għandha tipprovdilu deskrizzjoni motivata tal-fini maħsuba tal-ipproċessar, il-kategoriji tad-data kkonċernati u valutazzjoni inizjali tar-riskji għas-suġġetti tad-data. L-Europol għandha tissottometti l-informazzjoni addizzjonali meħtieġa lill-EDPS għall-fini tal-konsultazzjoni minn qabel tal-EDPS fi żmien 4 ġimgħat wara l-bidu tal-operazzjonijiet tal-ipproċessar.

Il-parir bil-miktub tal-EDPS skont l-Artikolu 90(4) tar- Regolament (UE) 2018/1725 għandu jitqies b’mod retrospettiv, u l-mod kif isir l-ipproċessar għandu jiġi aġġustat kif xieraq.

L-Uffiċjal tal-Protezzjoni tad-Data għandu jkun involut fil-valutazzjoni tal-urġenza ta’ tali operazzjonijiet tal-ipproċessar u għandu jissorvelja l-ipproċessar inkwistjoni.

Artikolu 109

Uffiċjal tal-Protezzjoni tad-Data

1.Il-Bord tat-Tmexxija għandu jaħtar membru tal-persunal tal-Europol bħala Uffiċjal tal-Protezzjoni tad-Data, li għandu jiġi ddeżinjat għal dik il-pożizzjoni unikament.

2.Sabiex l-Uffiċjal tal-Protezzjoni tad-Data jiġi appoġġat fit-twettiq tal-kompiti tiegħu, membru tal-persunal tal-Europol jista’ jiġi ddeżinjat bħala assistent Uffiċjal tal-Protezzjoni tad-Data.

3.L-Uffiċjal tal-Protezzjoni tad-Data għandu jirrapporta direttament lill-Bord tat-Tmexxija.

4.Il-Bord tat-Tmexxija għandu jadotta regoli ta’ implimentazzjoni fir-rigward tal-Uffiċjal tal-Protezzjoni tad-Data. Dawk ir-regoli ta’ implimentazzjoni għandhom jikkonċernaw b’mod partikolari l-proċedura għas-selezzjoni tal-Uffiċjal tal-Protezzjoni tad-Data u t-tkeċċija, il-kompiti, id-dmirijiet u s-setgħat tiegħu, u s-salvagwardji għall-indipendenza tiegħu.

5.L-Uffiċjal tal-Protezzjoni tad-Data għandu jinħatar għal mandat ta’ 4 snin u għandu jkun eliġibbli għall-ħatra mill-ġdid.

6.Id-dispożizzjonijiet applikabbli għall-Uffiċjal tal-Protezzjoni tad-Data għandhom japplikaw mutatis mutandis għall-assistent Uffiċjal tal-Protezzjoni tad-Data.

7.Meta l-Uffiċjal tal-Protezzjoni tad-Data jqis li ma kienx hemm konformità mad-dispożizzjonijiet ta’ dan ir-Regolament jew tar-Regolament (UE) 2018/1725 fir-rigward tal-ipproċessar tad-data personali, għandu jinforma lid-Direttur Eżekuttiv u għandu jitolbu jsolvi n-nuqqas ta’ konformità f’perjodu speċifikat. Meta d-Direttur Eżekuttiv ma jsolvix in-nuqqas ta’ konformità tal-ipproċessar fil-perjodu speċifikat, l-Uffiċjal tal-Protezzjoni tad-Data għandu jinforma lill-Bord tat-Tmexxija. Il-Bord tat-Tmexxija għandu jwieġeb f’limitu ta’ żmien speċifikat miftiehem mal-Uffiċjal tal-Protezzjoni tad-Data. Meta l-Bord tat-Tmexxija ma jsolvix in-nuqqas ta’ konformità fil-perjodu speċifikat, l-Uffiċjal tal-Protezzjoni tad-Data għandu jirriferi l-kwistjoni lill-EDPS.

Artikolu 110

Uffiċjal għad-Drittijiet Fundamentali

1.Il-Bord tat-Tmexxija għandu, fuq proposta tad-Direttur Eżekuttiv, jiddeżinja Uffiċjal għad-Drittijiet Fundamentali. L-Uffiċjal għad-Drittijiet Fundamentali jista’ jkun membru tal-persunal tal-Europol li jkun irċieva taħriġ speċjali fid-dritt u l-prattika tad-drittijiet fundamentali.

2.L-Uffiċjal għad-Drittijiet Fundamentali għandu jwettaq il-kompiti li ġejjin:

(a)jagħti pariri lill-Europol meta jqis li jkun meħtieġ jew meta jintalab jagħmel dan, dwar kwalunkwe attività tal-Europol, mingħajr ma jimpedixxi dawk l-attivitajiet jew jikkawża dewmien fihom;

(b)jimmonitorja l-konformità tal-Europol mad-drittijiet fundamentali;

(c)jipprovdi opinjonijiet mhux vinkolanti dwar l-arranġamenti ta’ ħidma;

(d)jinforma lid-Direttur Eżekuttiv dwar ksur possibbli tad-drittijiet fundamentali matul l-attivitajiet tal-Europol;

(e)jippromwovi r-rispett tal-Europol għad-drittijiet fundamentali fit-twettiq tal-kompiti u tal-attivitajiet tagħha;

(f)kwalunkwe kompitu ieħor meta jkun previst b’dan ir-Regolament.

3.L-Uffiċjal għad-Drittijiet Fundamentali għandu jirrapporta direttament lid-Direttur Eżekuttiv u għandu jħejji rapporti annwali dwar l-attivitajiet tiegħu, inkluż dwar kemm l-attivitajiet tal-Europol jirrispettaw id-drittijiet fundamentali. Dawk ir-rapporti għandhom ikunu disponibbli għall-Bord tat-Tmexxija.

Artikolu 111

Taħriġ dwar id-Drittijiet Fundamentali

Il-persunal tal-Europol għandu jirċievi taħriġ obbligatorju dwar il-protezzjoni tad-drittijiet u tal-libertajiet fundamentali. Il-persunal kollu tal-Europol involut f’kompiti operazzjonali li jinvolvu l-ipproċessar tad-data personali jenħtieġ li jirċievi taħriġ iddedikat rigward l-ipproċessar tad-data personali. Dan it-taħriġ għandu jiġi żviluppat f’kooperazzjoni mal-Aġenzija tal-Unjoni Ewropea għad-Drittijiet Fundamentali u mas-CEPOL.

Artikolu 112

Superviżjoni mill-awtorità superviżorja nazzjonali

1.Għall-fini tal-eżerċizzju tal-funzjoni superviżorja tagħhom, l-awtoritajiet superviżorji nazzjonali msemmija fl-Artikolu 41 tad-Direttiva (UE) 2016/680 għandu jkollhom aċċess, fl-unità nazzjonali tal-Europol jew fil-bini tal-uffiċjali ta’ kollegament, għad-data sottomessa mill-Istat Membru tagħhom lill-Europol f’konformità mal-proċeduri nazzjonali rilevanti u għar-reġistri kif imsemmi fl-Artikolu [...] tar-Regolament (UE) 2018/1725.

2.L-awtoritajiet superviżorji nazzjonali għandu jkollhom aċċess għall-uffiċċji u għad-dokumenti tal-uffiċjali ta’ kollegament rispettivi tagħhom fl-Europol.

3.L-awtoritajiet superviżorji nazzjonali għandhom, f’konformità mal-proċeduri nazzjonali rilevanti, iwettqu superviżjoni tal-attivitajiet tal-unitajiet nazzjonali tal-Europol u tal-attivitajiet tal-uffiċjali ta’ kollegament, sa fejn dawn l-attivitajiet ikunu rilevanti għall-protezzjoni tad-data personali. Għandhom ukoll iżommu lill-EDPS informat bi kwalunkwe azzjoni li jieħdu fir-rigward tal-Europol.

4.Kwalunkwe persuna għandu jkollha d-dritt titlob lill-awtorità superviżorja nazzjonali biex tivverifika l-legalità ta’ kwalunkwe trażmissjoni jew trasferiment jew komunikazzjoni lill-Europol tad-data li tikkonċernaha fi kwalunkwe forma u tal-aċċess għal dik id-data mill-Istat Membru kkonċernat. Dak id-dritt għandu jiġi eżerċitat f’konformità mal-liġi nazzjonali tal-Istat Membru li fih issir it-talba.

Artikolu 113

Kooperazzjoni bejn l-EDPS u l-awtoritajiet superviżorji nazzjonali

1.L-EDPS għandu jaġixxi f’kooperazzjoni mill-qrib mal-awtoritajiet superviżorji nazzjonali fi kwistjonijiet li jkunu jirrikjedu l-involviment nazzjonali, b’mod partikolari jekk l-EDPS jew awtorità superviżorja nazzjonali ssib diskrepanzi kbar bejn il-prattiki tal-Istati Membri jew trażmissjonijiet jew trasferimenti potenzjalment illegali fl-użu tal-kanali tal-Europol għall-iskambji tal-informazzjoni, jew fil-kuntest ta’ mistoqsijiet imqajma minn awtorità superviżorja nazzjonali waħda jew iktar dwar l-implimentazzjoni u l-interpretazzjoni ta’ dan ir-Regolament.

2.Fil-każijiet imsemmija fil-paragrafu 1, għandha tiġi żgurata superviżjoni kkoordinata f’konformità mal-Artikolu 62 tar-Regolament (UE) 2018/1725. L-EDPS għandu juża l-għarfien espert u l-esperjenza tal-awtoritajiet superviżorji nazzjonali fit-twettiq ta’ dmirijietu kif stabbilit fir-Regolament (UE) 2018/1725.

Fit-twettiq ta’ spezzjonijiet konġunti flimkien mal-EDPS, il-membri u l-persunal tal-awtoritajiet superviżorji nazzjonali, filwaqt li jqisu l-prinċipji tas-sussidjarjetà u tal-proporzjonalità, għandu jkollhom setgħat ekwivalenti għal dawk stabbiliti fir-Regolament (UE) 2018/1725 u jkunu marbuta b’obbligu ekwivalenti għal dak stabbilit fl-Artikolu 129 ta’ dan ir-Regolament.

3.L-EDPS għandu jżomm lill-awtoritajiet superviżorji nazzjonali infurmati bis-sħiħ dwar il-kwistjonijiet kollha li jaffettwawhom direttament jew li b’xi mod huma rilevanti għalihom. Fuq talba ta’ awtorità superviżorja nazzjonali waħda jew iktar, l-EDPS għandu jinformahom dwar kwistjonijiet speċifiċi.

4.F’każijiet relatati ma’ data li toriġina minn Stat Membru wieħed jew iktar, inkluż il-każijiet imsemmija fl-Artikolu 114, l-EDPS għandu jikkonsulta lill-awtoritajiet superviżorji nazzjonali kkonċernati. L-EDPS ma għandux jiddeċiedi dwar azzjoni ulterjuri li trid tittieħed qabel ma dawk l-awtoritajiet superviżorji nazzjonali jkunu infurmaw lill-EDPS dwar l-opinjoni tagħhom, sa skadenza speċifikata minnu li ma għandhiex tkun inqas minn xahar u mhux iktar minn 3 xhur minn meta l-EDPS jikkonsulta lill-awtoritajiet superviżorji nazzjonali kkonċernati. L-EDPS għandu jqis bl-iktar mod sħiħ il-pożizzjonijiet rispettivi tal-awtoritajiet superviżorji nazzjonali kkonċernati. Meta l-EDPS ikollu l-intenzjoni li ma jsegwix il-pożizzjoni tal-awtorità superviżorja nazzjonali, dan għandu jgħarraf lil dik l-awtorità, jipprovdi ġustifikazzjoni u jissottometti l-kwistjoni quddiem il-Bord Ewropew għall-Protezzjoni tad-Data.

Kapitolu IX
Rimedji u responsabbiltà

Artikolu 114

Proċedura għat-trattament tal-ilmenti mill-EDPS

1.Meta lment ikun relatat ma’ deċiżjoni msemmija fl-Artikoli 105 jew 106 ta’ dan ir-Regolament jew fl-Artikoli 81 jew 82 tar-Regolament (UE) 2018/1725, l-EDPS għandu jikkonsulta lill-awtoritajiet superviżorji nazzjonali tal-Istat Membru li jkun ipprovda d-data jew tal-Istat Membru kkonċernat direttament. Fl-adozzjoni tad-deċiżjoni tiegħu, li tista’ tkun estiża sa rifjut li tiġi kkomunikata kwalunkwe informazzjoni, l-EDPS għandu jqis l-opinjoni tal-awtorità superviżorja nazzjonali.

2.Meta lment ikun relatat mal-ipproċessar tad-data pprovduta minn Stat Membru lill-Europol, l-EDPS u l-awtorità superviżorja nazzjonali tal-Istat Membru li pprovda d-data, filwaqt li kull wieħed minnhom jaġixxi fl-ambitu tal-kompetenzi rispettivi tiegħu, għandhom jiżguraw li l-kontrolli meħtieġa rigward il-legalità tal-ipproċessar tad-data jkunu twettqu b’mod korrett.

3.Meta lment ikun relatat mal-ipproċessar tad-data pprovduta lill-Europol mill-istituzzjonijiet, mill-korpi, mill-uffiċċji jew mill-aġenziji tal-Unjoni, minn pajjiżi terzi jew minn organizzazzjonijiet internazzjonali, jew ma’ data miksuba mill-Europol minn sorsi disponibbli pubblikament jew li tirriżulta mill-analiżijiet tal-Europol stess, l-EDPS għandu jiżgura li l-Europol tkun wettqet b’mod korrett il-kontrolli meħtieġa rigward il-legalità tal-ipproċessar tad-data.

Artikolu 115

Dispożizzjonijiet ġenerali dwar ir-responsabbiltà u d-dritt għal kumpens

1.Ir-responsabbiltà kuntrattwali tal-Europol għandha tkun irregolata mid-dritt applikabbli għall-kuntratt inkwistjoni.

2.Il-Qorti tal-Ġustizzja tal-Unjoni Ewropea għandu jkollha l-ġuriżdizzjoni li tagħti sentenza skont kwalunkwe klawżola ta’ arbitraġġ li tkun tinsab f’kuntratt konkluż mill-Europol.

3.Fil-każ ta’ responsabbiltà mhux kuntrattwali, f’konformità mal-prinċipji ġenerali komuni għal-liġijiet tal-Istati Membri, l-Europol għandha tagħmel tajjeb għal kull dannu li jikkaġunaw id-dipartimenti tagħha jew il-persunal tagħha waqt li jkunu qegħdin iwettqu dmirijiethom.

4.Il-Qorti tal-Ġustizzja tal-Unjoni Ewropea għandu jkollha l-ġuriżdizzjoni f’tilwim relatat mal-kumpens għad-dannu msemmi fil-paragrafu 3.

5.Ir-responsabbiltà personali tal-persunal tal-Europol vis-à-vis l-Europol għandha tkun irregolata mid-dispożizzjonijiet stabbiliti fir-Regolamenti tal-Persunal jew fil-Kundizzjonijiet tal-Impjieg ta’ Aġenti Oħra applikabbli għalihom.

Kapitolu X
Skrutinju parlamentari konġunt

Artikolu 116

Skrutinju parlamentari konġunt

1.Skont l-Artikolu 88 TFUE, l-iskrutinju tal-attivitajiet tal-Europol għandu jitwettaq mill-Parlament Ewropew flimkien mal-parlamenti nazzjonali. Dak għandu jikkostitwixxi JPSG speċjalizzat stabbilit b’mod konġunt mill-parlamenti nazzjonali u mill-kumitat kompetenti tal-Parlament Ewropew. L-organizzazzjoni u r-regoli ta’ proċedura tal-JPSG għandhom jiġu ddeterminati flimkien mill-Parlament Ewropew u mill-parlamenti nazzjonali f’konformità mal-Artikolu 9 tal-Protokoll Nru 1 dwar ir-rwol tal-parlamenti nazzjonali fl-Unjoni Ewropea.

2.Il-JPSG għandu jwettaq monitoraġġ politiku tal-attivitajiet tal-Europol fit-twettiq tal-missjoni tagħha, inkluż fir-rigward tal-impatt ta’ dawk l-attivitajiet fuq id-drittijiet u l-libertajiet fundamentali tal-persuni fiżiċi.

3.Il-President tal-Bord tat-Tmexxija, id-Direttur Eżekuttiv jew il-Viċijiet tagħhom għandhom jidhru quddiem il-JPSG fuq talba tiegħu biex jiddiskutu kwistjonijiet relatati mal-attivitajiet imsemmija fl-ewwel subparagrafu, inkluż l-aspetti baġitarji ta’ tali attivitajiet, l-organizzazzjoni strutturali tal-Europol u l-istabbiliment potenzjali ta’ unitajiet ġodda u ta’ ċentri speċjalizzati, filwaqt li jitqiesu l-obbligi tad-diskrezzjoni u tal-kunfidenzjalità. Il-JPSG jista’ jiddeċiedi li jistieden għal-laqgħat tiegħu persuni rilevanti oħra, meta jkun xieraq.

4.L-EDPS għandu jidher quddiem il-JPSG fuq talba tiegħu, u mqar darba fis-sena, biex jiddiskuti kwistjonijiet ġenerali relatati mal-protezzjoni tad-drittijiet u l-libertajiet fundamentali tal-persuni fiżiċi, u b’mod partikolari l-protezzjoni tad-data personali, fir-rigward tal-attivitajiet tal-Europol, filwaqt li jitqiesu l-obbligi tad-diskrezzjoni u tal-kunfidenzjalità.

5.L-Europol għandha tikkonsulta lill-JPSG b’rabta mal-programmazzjoni pluriennali tal-Europol f’konformità mal-Artikolu 73(1).

6.L-Europol għandha tittrażmetti d-dokumenti li ġejjin, għall-finijiet ta’ informazzjoni, lill-JPSG, filwaqt li jitqiesu l-obbligi tad-diskrezzjoni u tal-kunfidenzjalità:

(a)analiżijiet strateġiċi, valutazzjonijiet tat-theddidiet, rapporti tat-tendenzi u aġġornamenti tas-sitwazzjoni relatati mal-kompetenza tal-Europol u r-riżultati tal-istudji u l-evalwazzjonijiet ikkummissjonati mill-Europol;

(b)l-arranġamenti amministrattivi konklużi skont l-Artikolu 79(3);

(c)id-dokument li fih il-programmazzjoni pluriennali u l-programm ta’ ħidma annwali tal-Europol, imsemmi fl-Artikolu 73(1);

(d)ir-rapport annwali tal-attività konsolidat dwar l-attivitajiet tal-Europol, imsemmi fl-Artikolu 73(2), inkluż l-informazzjoni rilevanti dwar l-attivitajiet tal-Europol u r-riżultati miksuba fl-ipproċessar ta’ settijiet tad-data kbar, mingħajr ma jiġi żvelat l-ebda dettall operazzjonali u mingħajr preġudizzju għal xi investigazzjoni li tkun għadha għaddejja;

(e)ir-rapport ta’ evalwazzjoni mfassal mill-Kummissjoni, imsemmi fl-Artikolu 130;

(f)informazzjoni annwali skont l-Artikolu 96(12) dwar id-data personali skambjata ma’ partijiet privati skont l-Artikolu 96, inkluż valutazzjoni tal-effettività tal-kooperazzjoni, eżempji speċifiċi ta’ każijiet li juru għaliex dawk it-talbiet kienu meħtieġa u proporzjonati għall-fini li jippermettu lill-Europol twettaq il-kompiti tagħha, u fir-rigward tal-iskambji tad-data personali skont l-Artikolu 96, l-għadd ta’ tfal identifikati bħala riżultat ta’ dawk l-iskambji sal-punt li din l-informazzjoni tkun disponibbli għall-Europol;

(g)informazzjoni annwali dwar l-għadd ta’ każijiet li fihom kien meħtieġ li l-Europol tipproċessa d-data personali li mhux relatata mal-kategoriji tas-suġġetti tad-data elenkati fl-Anness II, flimkien ma’ informazzjoni dwar id-durata u l-eżiti tal-ipproċessar, inkluż eżempji ta’ tali każijiet li juru għaliex dak l-ipproċessar tad-data kien meħtieġ u proporzjonat;

(h)informazzjoni annwali dwar it-trasferimenti tad-data personali lill-pajjiżi terzi u lill-organizzazzjonijiet internazzjonali skont l-Artikolu 94, inkluż l-għadd ta’ każijiet ta’ trasferimenti awtorizzati skont l-Artikolu 94(2);

(i)informazzjoni annwali dwar l-għadd ta’ każijiet li fihom l-Europol ipproponiet id-dħul possibbli ta’ allerti ta’ informazzjoni f’konformità mal-Artikolu 30, inkluż eżempji speċifiċi ta’ każijiet li juru għaliex ġie propost id-dħul ta’ dawk l-allerti;

(j)informazzjoni annwali dwar l-għadd ta’ proġetti ta’ riċerka u ta’ innovazzjoni mwettqa, inkluż informazzjoni dwar il-finijiet ta’ dawk il-proġetti, il-kategoriji ta’ data personali pproċessati, is-salvagwardji addizzjonali użati, inkluż il-minimizzazzjoni tad-data, il-ħtiġijiet tal-infurzar tal-liġi li dawk il-proġetti jfittxu li jindirizzaw u l-eżitu ta’ dawk il-proġetti;

(k)informazzjoni annwali dwar l-għadd u t-tipi ta’ każijiet li fihom ġew ipproċessati kategoriji speċjali ta’ data personali, skont l-Artikolu 100.

L-eżempji msemmija fil-punti (f) u (i) għandhom jiġu anonimizzati sa fejn hija kkonċernata d-data personali.

L-eżempji msemmija fil-punt (g) għandhom jiġu anonimizzati sa fejn hija kkonċernata d-data personali, mingħajr ma jiġi żvelat xi dettall operazzjonali u mingħajr preġudizzju għal xi investigazzjoni li tkun għadha għaddejja.

7.Il-JPSG jista’ jitlob dokumenti rilevanti oħra meħtieġa biex iwettaq il-kompiti tiegħu relatati mal-monitoraġġ politiku tal-attivitajiet tal-Europol, soġġetti għar-Regolament (KE) Nru 1049/2001 tal-Parlament Ewropew u tal-Kunsill 76 u mingħajr ma jiġu affettwati l-Artikoli 117 u 129 ta’ dan ir-Regolament.

8.Il-JPSG jista’ jfassal konklużjonijiet sommarji dwar il-monitoraġġ politiku tal-attivitajiet tal-Europol, inkluż rakkomandazzjonijiet speċifiċi mhux vinkolanti lill-Europol, u jissottometti dawk il-konklużjonijiet lill-Parlament Ewropew u lill-parlamenti nazzjonali. Il-Parlament Ewropew għandu jgħaddi dawk il-konklużjonijiet lill-Kunsill, lill-Kummissjoni u lill-Europol għall-finijiet ta’ informazzjoni.

Artikolu 117

Aċċess mill-Parlament Ewropew għall-informazzjoni pproċessata mill-Europol jew permezz tagħha

1.Għall-fini li jiġi ffaċilitat l-eżerċitar tal-iskrutinju parlamentari tal-attivitajiet tal-Europol f’konformità mal-Artikolu 116, l-aċċess mill-Parlament Ewropew u mill-JPSG għall-informazzjoni sensittiva mhux klassifikata pproċessata mill-Europol jew permezz tagħha, fuq talba tal-Parlament Ewropew, għandu jkun konformi mar-regoli msemmija fl-Artikolu 129(1).

2.L-aċċess mill-Parlament Ewropew għall-informazzjoni klassifikata tal-UE pproċessata mill-Europol jew permezz tagħha għandu jkun konsistenti mal-Ftehim Interistituzzjonali applikabbli bejn il-Parlament Ewropew u l-Kunsill rigward kif il-Parlament Ewropew jibgħat u jittratta informazzjoni klassifikata miżmuma mill-Kunsill dwar materji għajr dawk fil-qasam tal-politika barranija u ta’ sigurtà komuni, u għandu jikkonforma mar-regoli msemmija fl-Artikolu 129(2) ta’ dan ir-Regolament.

3.Id-dettalji meħtieġa rigward l-aċċess mill-Parlament Ewropew għall-informazzjoni msemmija fil-paragrafi 1 u 2 għandhom ikunu rregolati minn arranġamenti ta’ ħidma konklużi bejn l-Europol u l-Parlament Ewropew.

Kapitolu XI
Persunal

Artikolu 118

Dispożizzjonijiet ġenerali

1.Ir-Regolamenti tal-Persunal, il-Kundizzjonijiet tal-Impjieg ta’ Aġenti Oħra u r-regoli adottati permezz ta’ ftehim bejn l-istituzzjonijiet tal-Unjoni biex isiru effettivi r-Regolamenti tal-Persunal u l-Kundizzjonijiet tal-Impjieg ta’ Aġenti Oħra għandhom japplikaw għall-persunal tal-Europol.

2.Il-persunal tal-Europol għandu jikkonsisti minn persunal temporanju u minn persunal bil-kuntratt. Il-Bord tat-Tmexxija għandu jiġi infurmat fuq bażi annwali b’kuntratti ta’ żmien indeterminat mogħtija mid-Direttur Eżekuttiv. Il-Bord tat-Tmexxija għandu jiddeċiedi liema karigi temporanji previsti fit-tabella tal-persunal jistgħu jimtlew biss minn persunal mill-awtoritajiet kompetenti tal-Istati Membri. Il-Bord tat-Tmexxija għandu jirrieżamina regolarment dawk il-karigi fid-dawl tar-rekwiżiti operazzjonali u l-ħtieġa li jiġi ppreservat l-għarfien espert speċjalizzat. Il-persunal reklutat biex jokkupa tali karigi jista’ jingħata biss kuntratti għal terminu fiss, li jistgħu jiġġeddu darba. Il-perjodu massimu kumplessiv ta’ tali kuntratti ta’ aġenti temporanji ma għandux jaqbeż l-10 snin.

Artikolu 119

Esperti nazzjonali sekondati

1.L-Europol tista’ tuża l-esperti nazzjonali sekondati.

2.Il-Bord tat-Tmexxija għandu jadotta deċiżjoni li tistabbilixxi regoli dwar is-sekondar ta’ esperti nazzjonali mal-Europol.

Kapitolu XII
Dispożizzjonijiet finanzjarji

Artikolu 120

Baġit

1.L-estimi tad-dħul kollu u tan-nefqa kollha għall-Europol għandhom jitħejjew għal kull sena finanzjarja, li għandhom jikkorrispondu għas-sena kalendarja, u għandhom jidhru fil-baġit tal-Europol.

2.Il-baġit tal-Europol għandu jkun ibbilanċjat f’termini ta’ dħul u ta’ nefqa.

3.Mingħajr preġudizzju għal riżorsi oħra, id-dħul tal-Europol għandu jinkludi:

(a)kontribuzzjoni mill-Unjoni mdaħħla fil-baġit ġenerali tal-Unjoni;

(b)kontribuzzjonijiet minn pajjiżi assoċjati mal-implimentazzjoni, mal-applikazzjoni u mal-iżvilupp tal-acquis ta’ Schengen, meta tali kontribuzzjonijiet ikunu previsti fil-ftehimiet internazzjonali rilevanti;

(c)kwalunkwe kontribuzzjoni finanzjarja volontarja mill-Istati Membri, f’konformità mar-regoli adottati mill-Bord tat-Tmexxija.

4.L-Europol tista’ tibbenefika minn finanzjament mill-Unjoni fil-forma ta’ ftehimiet ta’ kontribuzzjoni jew għotjiet ad hoc f’konformità mar-regoli finanzjarji tagħha msemmija fl-Artikolu 124 u mad-dispożizzjonijiet tal-istrumenti rilevanti li jappoġġaw il-politiki tal-Unjoni.

5.In-nefqa tal-Europol għandha tinkludi r-rimunerazzjoni tal-persunal, l-ispejjeż amministrattivi u infrastrutturali, u l-kostijiet operattivi.

6.L-impenji baġitarji għal azzjonijiet li jkunu estiżi tul iktar minn sena finanzjarja waħda jistgħu jiġu diżaggregati fuq diversi snin f’pagamenti parzjali annwali.

Artikolu 121

Stabbiliment tal-baġit

1.Kull sena, id-Direttur Eżekuttiv għandu jfassal abbozz tad-dikjarazzjoni tal-estimi tad-dħul u tan-nefqa tal-Europol għas-sena finanzjarja ta’ wara, inkluż it-tabella tal-persunal, u għandu jibagħtu lill-Bord tat-Tmexxija. L-abbozz tad-dikjarazzjoni tal-estimi għandu jiġi stabbilit b’mod li jiżgura differenzjazzjoni ċara tal-approprjazzjonijiet skont is-subattività, f’konformità mal-istruttura tad-Dokument Uniku ta’ Programmazzjoni.

2.Il-Bord tat-Tmexxija għandu, abbażi tal-abbozz tad-dikjarazzjoni tal-estimi, jadotta abbozz proviżorju tal-estimi tad-dħul u tan-nefqa tal-Europol għas-sena finanzjarja ta’ wara, inkluż it-tabella tal-persunal proviżorja. Il-Bord tat-Tmexxija għandu jibagħtu lill-Parlament Ewropew, lill-Kunsill u lill-Kummissjoni sal-31 ta’ Jannar kull sena, bħala parti mill-abbozz tad-dokument uniku ta’ programmazzjoni.

3.Il-Bord tat-Tmexxija għandu jibgħat l-abbozz finali tal-estimi tad-dħul u tan-nefqa tal-Europol, li għandu jinkludi abbozz tat-tabella tal-persunal lill-Kummissjoni sal-31 ta’ Marzu kull sena.

4.Il-Kummissjoni għandha tibgħat id-dikjarazzjoni tal-estimi lill-Parlament Ewropew u lill-Kunsill, flimkien mal-abbozz tal-baġit ġenerali tal-Unjoni.

5.Abbażi tad-dikjarazzjoni tal-estimi, il-Kummissjoni għandha ddaħħal fl-abbozz tal-baġit ġenerali tal-Unjoni l-estimi li tqis neċessarji għat-tabella tal-persunal u l-ammont tal-kontribuzzjoni li jiġi debitat lill-baġit ġenerali, li għandha tippreżenta lill-Parlament Ewropew u lill-Kunsill f’konformità mal-Artikoli 313 u 314 TFUE.

6.Il-Parlament Ewropew u l-Kunsill għandhom jawtorizzaw l-approprjazzjonijiet għall-kontribuzzjoni mill-Unjoni lill-Europol.

7.Il-Parlament Ewropew u l-Kunsill għandhom jadottaw it-tabella tal-persunal tal-Europol.

8.Il-baġit tal-Europol għandu jiġi adottat mill-Bord tat-Tmexxija. Dan għandu jsir finali wara l-adozzjoni finali tal-baġit ġenerali tal-Unjoni. Meta jkun meħtieġ, dan għandu jiġi aġġustat kif xieraq.

9.Ir-Regolament Delegat (UE) 2019/715 għandu japplika għal kwalunkwe proġett ta’ bini li x’aktarx ikollu implikazzjonijiet sinifikanti għall-baġit tal-Europol.

Artikolu 122

Implimentazzjoni tal-baġit

1.Id-Direttur Eżekuttiv għandu jimplimenta l-baġit tal-Europol.

2.Kull sena, id-Direttur Eżekuttiv għandu jibgħat lill-Parlament Ewropew u lill-Kunsill l-informazzjoni kollha rilevanti għas-sejbiet ta’ kwalunkwe proċedura ta’ evalwazzjoni.

Artikolu 123

Preżentazzjoni tal-kontijiet u l-kwittanza

1.L-uffiċjal tal-kontabbiltà tal-Europol għandu jibgħat il-kontijiet proviżorji għas-sena finanzjarja (sena N) lill-uffiċjal tal-kontabbiltà tal-Kummissjoni u lill-Qorti tal-Awdituri sal-1 ta’ Marzu tas-sena finanzjarja li jkun imiss (sena N + 1).

2.L-Europol għandha tibgħat rapport dwar il-ġestjoni baġitarja u finanzjarja għas-sena N lill-Parlament Ewropew, lill-Kunsill u lill-Qorti tal-Awdituri, sal-31 ta’ Marzu tas-sena N + 1.

3.L-uffiċjal tal-kontabbiltà tal-Kummissjoni għandu jibgħat il-kontijiet proviżorji tal-Europol għas-sena N, ikkonsolidati mal-kontijiet tal-Kummissjoni, lill-Qorti tal-Awdituri sal-31 ta’ Marzu tas-sena N + 1.

4.Malli jirċievi l-osservazzjonijiet tal-Qorti tal-Awdituri dwar il-kontijiet proviżorji tal-Europol skont l-Artikolu 252 tar-Regolament (UE, Euratom) 2024/2509 tal-Parlament Ewropew u tal-Kunsill, l-uffiċjal tal-kontabbiltà tal-Europol għandu jfassal il-kontijiet finali tal-Europol għal dik is-sena. Id-Direttur Eżekuttiv għandu jissottometti dawk il-kontijiet finali lill-Bord tat-Tmexxija għal opinjoni.

5.Il-Bord tat-Tmexxija għandu jagħti opinjoni dwar il-kontijiet finali tal-Europol għas-sena N.

6.Sal-1 ta’ Lulju tas-sena N + 1, id-Direttur Eżekuttiv tal-Europol għandu jibgħat il-kontijiet finali għas-sena N lill-Parlament Ewropew, lill-Kunsill, lill-Kummissjoni, lill-Qorti tal-Awdituri u lill-parlamenti nazzjonali, flimkien mal-opinjoni tal-Bord tat-Tmexxija msemmija fil-paragrafu 5.

7.Il-kontijiet finali għas-sena N għandhom jiġu ppubblikati f’Il-Ġurnal Uffiċjali tal-Unjoni Ewropea sal-15 ta’ Novembru tas-sena N + 1.

8.Sat-30 ta’ Settembru tas-sena N + 1, id-Direttur Eżekuttiv għandu jibgħat tweġiba lill-Qorti tal-Awdituri għall-osservazzjonijiet magħmula fir-rapport annwali tagħha. Barra minn hekk, għandu jibgħat it-tweġiba lill-Bord tat-Tmexxija.

9.Fuq talba tal-Parlament Ewropew, id-Direttur Eżekuttiv għandu jissottomettilu kwalunkwe informazzjoni meħtieġa għall-applikazzjoni bla intoppi tal-proċedura ta’ kwittanza għas-sena N, f’konformità mal-Artikolu 261(3) tar-Regolament (UE, Euratom) 2024/2509.

10.Wara rakkomandazzjoni mill-Kunsill, li jaġixxi b’maġġoranza kwalifikata, il-Parlament Ewropew għandu, qabel il-15 ta’ Mejju tas-sena N + 2, jagħti kwittanza lid-Direttur Eżekuttiv fir-rigward tal-implimentazzjoni tal-baġit għas-sena N.

Artikolu 124

Regoli finanzjarji

1.Ir-regoli finanzjarji applikabbli għall-Europol għandhom jiġu adottati mill-Bord tat-Tmexxija wara konsultazzjoni mal-Kummissjoni. Dawn ma għandhomx jiddevjaw mir- Regolament Delegat (UE) 2019/715 , sakemm tali devjazzjoni ma tkunx mitluba speċifikament għall-operat tal-Europol u l-Kummissjoni tkun tat il-kunsens tagħha minn qabel.

2.L-Europol tista’ tagħti għotjiet relatati mat-twettiq tal-kompiti tagħha.

3.L-Europol tista’ tagħti għotjiet mingħajr sejħa għal proposti lil Stati Membri, pajjiżi terzi u organizzazzjonijiet internazzjonali għat-twettiq ta’ attivitajiet li jaqgħu fl-ambitu tal-kompetenza tal-Europol.

4.Meta jkun debitament ġustifikat għal finijiet operazzjonali, wara awtorizzazzjoni mill-Bord tat-Tmexxija, l-appoġġ finanzjarju jista’ jkopri l-kostijiet kollha tal-investiment tat-tagħmir u tal-infrastruttura.

5.Ir-regoli finanzjarji msemmija fil-paragrafu 1 jistgħu jispeċifikaw il-kriterji li skonthom l-appoġġ finanzjarju jista’ jkopri l-kostijiet kollha tal-investiment imsemmija fl-ewwel subparagrafu ta’ dan il-paragrafu.

6.Fir-rigward tal-appoġġ finanzjarju li jrid jingħata lill-attivitajiet tal-iskwadri ta’ investigazzjoni konġunta, l-Europol u l-Eurojust għandhom jistabbilixxu b’mod konġunt ir-regoli u l-kundizzjonijiet li skonthom iridu jiġu pproċessati l-applikazzjonijiet għal tali appoġġ.

Kapitolu XIII
Dispożizzjonijiet mixxellanji

Artikolu 125

Privileġġi u immunitajiet

1.Il-Protokoll Nru 7 dwar il-privileġġi u l-immunitajiet tal-Unjoni Ewropea, anness mat-TUE u mat-TFUE, għandu japplika għall-Europol u għall-persunal tagħha.

2.Il-privileġġi u l-immunitajiet tal-uffiċjali ta’ kollegament u tal-membri tal-familji tagħhom għandhom ikunu soġġetti għal ftehim bejn ir-Renju tan-Netherlands u l-Istati Membri l-oħra. Dak il-ftehim għandu jipprevedi tali privileġġi u immunitajiet kif meħtieġ għat-twettiq xieraq tal-kompiti tal-uffiċjali ta’ kollegament.

Artikolu 126

Arranġamenti lingwistiċi

1.Id-dispożizzjonijiet stabbiliti fir-Regolament Nru 1 għandhom japplikaw għall-Europol.

2.Il-Bord tat-Tmexxija għandu jiddeċiedi b’maġġoranza ta’ żewġ terzi tal-membri tiegħu dwar l-arranġamenti lingwistiċi interni tal-Europol.

3.It-traduzzjoni u s-servizzi lingwistiċi l-oħra kollha meħtieġa mill-Europol, għajr l-interpretazzjoni, għandhom jiġu pprovduti miċ-Ċentru tat-Traduzzjoni għall-korpi tal-Unjoni stabbilit mir-Regolament tal-Kunsill (KE) Nru 2965/94 77 .

Artikolu 127

Trasparenza

1.Ir-Regolament (KE) Nru 1049/2001 għandu japplika għad-dokumenti miżmuma mill-Europol. Meta l-Europol tappoġġa l-investigazzjonijiet tal-UPPE, l-applikazzjoni tar-Regolament (KE) Nru 1049/2001 mill-Europol ma għandhiex taffettwa l-Artikolu 109 tar-Regolament (UE) 2017/1939.

2.Id-deċiżjonijiet meħuda mill-Europol skont l-Artikolu 8 tar-Regolament (KE) Nru 1049/2001 jistgħu jkunu s-suġġett ta’ lment għand l-Ombudsman Ewropew jew ta’ azzjoni quddiem il-Qorti tal-Ġustizzja tal-Unjoni Ewropea, f’konformità mal-Artikoli 228 u 263 TFUE rispettivament.

3.L-Europol għandha tippubblika fuq is-sit web tagħha lista tal-membri tal-Bord tat-Tmexxija tagħha u sommarji tal-eżitu tal-laqgħat tal-Bord tat-Tmexxija. Il-pubblikazzjoni ta’ dawk is-sommarji għandha titħalla barra jew tiġi ristretta temporanjament jew b’mod permanenti jekk tali pubblikazzjoni tkun tikkomprometti t-twettiq tal-kompiti tal-Europol, filwaqt li jitqiesu l-obbligi tagħha tad-diskrezzjoni u tal-kunfidenzjalità u l-karattru operazzjonali tal-Europol.

Artikolu 128

Prevenzjoni tal-frodi u tal-irregolaritajiet u l-ġlieda kontrihom

1.Il-Qorti tal-Awdituri għandu jkollha setgħa li tagħmel awditi, abbażi ta’ dokumenti u ta’ kontrolli fuq il-post, fuq il-benefiċjarji kollha tal-għotjiet, il-kuntratturi u s-sottokuntratturi li jkunu rċevew fondi tal-Unjoni mingħand l-Europol.

2.L-OLAF jista’ jwettaq investigazzjonijiet, inkluż kontrolli u spezzjonijiet fuq il-post, biex jistabbilixxi jekk kienx hemm frodi, korruzzjoni jew kwalunkwe attività illegali oħra li taffettwa l-interessi finanzjarji tal-Unjoni b’rabta ma’ għotja jew kuntratt mogħti mill-Europol, jew kwistjonijiet serji relatati mat-twettiq ta’ dmirijiet professjonali li jikkostitwixxu nuqqas ta’ ħarsien tal-obbligi tal-membri jew tal-membri tal-persunal li jistgħu jirriżultaw fi proċedimenti dixxiplinari jew, skont il-każ, fi proċedimenti kriminali. Tali investigazzjonijiet għandhom jitwettqu f’konformità mad-dispożizzjonijiet u mal-proċeduri stabbiliti fir-Regolament (UE, Euratom) Nru 883/2013 tal-Parlament Ewropew u tal-Kunsill 78 u fir-Regolament tal-Kunsill (Euratom, KE) Nru 2185/96 79 .

3.F’konformità mar-Regolament (UE) 2017/1939, l-UPPE jwettaq l-investigazzjoni u l-prosekuzzjoni ta’ każijiet ta’ frodi u attivitajiet illegali oħra li jaffettwaw l-interessi finanzjarji tal-Unjoni, kif previst fid-Direttiva (UE) 2017/1371 tal-Parlament Ewropew u tal-Kunsill 80 .

Artikolu 129

Regoli dwar il-protezzjoni ta’ informazzjoni sensittiva mhux klassifikata u ta’ informazzjoni klassifikata

1.L-Europol għandha tadotta r-regoli tas-sigurtà tagħha li għandhom ikunu bbażati fuq il-prinċipji u r-regoli stabbiliti fir-regoli tas-sigurtà tal-Kummissjoni għall-protezzjoni ta’ informazzjoni klassifikata tal-Unjoni Ewropea (IKUE) u informazzjoni sensittiva mhux klassifikata (SMK), inkluż, fost affarijiet oħra, dispożizzjonijiet għall-iskambju ta’ tali informazzjoni ma’ pajjiżi terzi, u l-ipproċessar u l-ħżin ta’ tali informazzjoni kif stabbilit fid-Deċiżjonijiet tal-Kummissjoni (UE, Euratom) 2015/443 81 u (UE, Euratom) 2015/444 82 .

2.Il-Bord tat-Tmexxija għandu jadotta r-regoli tas-sigurtà tal-Europol wara l-approvazzjoni mill-Kummissjoni. Meta tkun qiegħda tanalizza r-regoli tas-sigurtà proposti, il-Kummissjoni għandha tiżgura li jkunu kompatibbli mad-Deċiżjonijiet (UE, Euratom) 2015/443 u (UE, Euratom) 2015/444 83 .

Artikolu 130

Evalwazzjoni u rieżami

1.Mhux iktar tard minn… [5 snin wara d-dħul fis-seħħ ta’ dan ir-Regolament], u kull 5 snin wara dan, il-Kummissjoni għandha twettaq evalwazzjoni tal-prestazzjoni tal-Europol b’rabta mal-kompetenza, mal-mandat, mal-kompiti u mal-governanza tagħha f’konformità mal-linji gwida tal-Kummissjoni. Il-Bord tat-Tmexxija għandu jinstema’ fil-proċess tal-evalwazzjoni. Meta tivvaluta l-impatt tal-attivitajiet tal-Europol fuq id-drittijiet fundamentali, il-Kummissjoni għandha tfittex l-input mill-Aġenzija tal-Unjoni Ewropea għad-Drittijiet Fundamentali.

2.L-evalwazzjoni għandha, b’mod partikolari, tindirizza l-ħtieġa possibbli li jiġi mmodifikat il-mandat tal-Europol, u l-implikazzjonijiet finanzjarji ta’ kwalunkwe tali modifika.

3.Fl-okkażjoni ta’ kull tieni evalwazzjoni, għandu jkun hemm valutazzjoni tar-riżultati miksuba mill-Europol fir-rigward tal-kompetenza, tal-mandat, tal-governanza u tal-kompiti tagħha, inkluż valutazzjoni ta’ jekk il-kontinwazzjoni tal-Aġenzija tkunx għadha ġġustifikata fir-rigward ta’ tali kompetenza, mandat, governanza u kompiti.

4.Il-Kummissjoni għandha tirrapporta lill-Parlament Ewropew, lill-Kunsill u lill-Bord tat-Tmexxija dwar is-sejbiet tal-evalwazzjoni. Is-sejbiet tal-evalwazzjoni għandhom jitqiegħdu għad-dispożizzjoni tal-pubbliku.

Artikolu 131

Stħarriġ amministrattiv

L-attivitajiet tal-Europol għandhom ikunu soġġetti għall-istħarriġ magħmul mill-Ombudsman Ewropew f’konformità mal-Artikolu 228 TFUE.

Artikolu 132

Kwartieri ġenerali

L-arranġamenti meħtieġa li jikkonċernaw l-akkomodazzjoni li trid tiġi pprovduta għall-Europol fir-Renju tan-Netherlands u l-faċilitajiet li jridu jitqiegħdu għad-dispożizzjoni mir-Renju tan-Netherlands, flimkien mar-regoli speċifiċi applikabbli hemmhekk għad-Direttur Eżekuttiv, għall-membri tal-Bord tat-Tmexxija, għall-persunal tal-Europol u għall-membri tal-familji tiegħu, għandhom jiġu stabbiliti fi ftehim dwar il-kwartieri ġenerali bejn l-Europol u r-Renju tan-Netherlands f’konformità mal-Protokoll Nru 6.

Dan għandu jkun mingħajr preġudizzju għall-possibbiltà li l-Europol toffri hosting tal-funzjonijiet u kapaċitajiet operazzjonali, tekniċi jew amministrattivi fi Stati Membri oħra.

Kapitolu XIV
Dispożizzjonijiet tranżizzjonali

Artikolu 133

Suċċessjoni legali

1.L-Europol kif stabbilita b’dan ir-Regolament għandha tkun is-suċċessur legali tal-Europol kif stabbilit bir-Regolament (UE) 2016/794 għad-drittijiet u għall-obbligi kollha tagħha skont id-dritt nazzjonali, tal-Unjoni u internazzjonali applikabbli.

2.Dan ir-Regolament ma għandux jaffettwa l-validità tal-ftehimiet ta’ kooperazzjoni u tal-arranġamenti ta’ ħidma konklużi mill-Europol skont il-Konvenzjoni tal-Europol, id-Deċiżjoni 2009/371/ĠAI jew ir-Regolament (UE) 2016/794. Tali ftehimiet ta’ kooperazzjoni u arranġamenti ta’ ħidma għandhom jibqgħu fis-seħħ u għandhom jiġu applikati sakemm jiskadu jew jiġu sostitwiti.

Artikolu 134

Arranġamenti tranżizzjonali

1.L-Europol tista’ tkompli l-attivitajiet mibdija skont ir-Regolament (UE) 2016/794 li ma jkunux konklużi qabel id-data tal-applikazzjoni ta’ dan ir-Regolament. Tali attivitajiet għandhom jitkomplew f’konformità ma’ dan ir-Regolament.

2.Id-data personali pproċessata mill-Europol qabel id-data tal-applikazzjoni ta’ dan ir-Regolament f’konformità mar-Regolament (UE) 2016/794 tista’ tkompli tiġi pproċessata mill-Europol meta tali pproċessar jikkonforma ma’ dan ir-Regolament.

3.Kwalunkwe sett ta’ trasferimenti lill-pajjiżi terzi u lill-organizzazzjonijiet internazzjonali b’awtorizzazzjoni mill-Bord tat-Tmexxija skont it-termini u l-kundizzjonijiet stabbiliti fl-Artikolu 25(6) tar-Regolament (UE) 2016/794 għandu jibqa’ validu skont dan ir-Regolament sad-data tal-iskadenza tal-perjodu li għalih ikun ġie awtorizzat it-trasferiment.

4.Id-deċiżjonijiet, il-miżuri ta’ implimentazzjoni, ir-regoli u l-arranġamenti adottati skont ir-Regolament (UE) 2016/794 għandhom jibqgħu fis-seħħ sakemm jitħassru jew jiġu sostitwiti skont dan ir-Regolament.

5.Il-Bord tat-Tmexxija għandu jħassar id-deċiżjonijiet u l-miżuri adottati skont ir-Regolament (UE) 2016/794, li ma jikkonformawx ma’ dan ir-Regolament.

6.Il-persunal impjegat mill-Europol fid-data tal-applikazzjoni ta’ dan ir-Regolament għandu jżomm id-drittijiet u l-obbligi li jirriżultaw mill-kuntratti ta’ impjieg u mill-ħatriet tiegħu.

7.Id-Direttur Eżekuttiv u l-Viċi Diretturi Eżekuttivi maħtura abbażi tar-Regolament (UE) 2016/794 għandu jkollhom, għall-perjodu li jifdal tal-mandat tagħhom, ir-responsabbiltajiet rispettivi ta’ Direttur Eżekuttiv u ta’ Viċi Diretturi Eżekuttivi, kif previst f’dan ir-Regolament.

Meta, fid-data tal-applikazzjoni ta’ dan ir-Regolament, id-Direttur Eżekuttiv jew Viċi Direttur Eżekuttiv ikun qiegħed iservi fl-ewwel mandat tiegħu, dak il-mandat għandu jkun ta’ 5 snin. Kwalunkwe estensjoni ta’ dak il-mandat għandha ssegwi l-proċedura stabbilita fl-Artikolu 76(3)–(7) ta’ dan ir-Regolament.

Meta, fid-data tal-applikazzjoni ta’ dan ir-Regolament, id-Direttur Eżekuttiv jew Viċi Direttur Eżekuttiv ikun qiegħed iservi fit-tieni mandat tiegħu, dak il-mandat għandu jkun ta’ 5 snin. Ma għandu jkun soġġett għall-ebda estensjoni ulterjuri.

8.Il-membri tal-Bord tat-Tmexxija u s-sostituti tagħhom maħtura skont ir-Regolament (UE) 2016/794 għandhom ikomplu jeżerċitaw il-funzjonijiet tagħhom sa tmiem il-mandati rispettivi tagħhom kif iddeterminat skont ir-Regolament (UE) 2016/794.

Kapitolu XV 
Emendi ta’ strumenti eżistenti oħra

Artikolu 135

Emendi tar-Regolament (UE) 2018/1726

Fir-Regolament (UE) 2018/1726, jiddaħħal l-Artikolu 41a li ġej:

“Artikolu 41a

Kooperazzjoni mal-Europol

1.L-eu-LISA tista’ tikkoopera mal-Europol f’oqsma ta’ interess komuni relatati mal-iżvilupp, mal-iskjerament u mal-operat tas-sistemi tal-informazzjoni u tal-infrastruttura tal-komunikazzjoni relatata.

2.Il-kooperazzjoni bejn l-eu-LISA u l-Europol imsemmija fil-paragrafu 1 għandha b’mod partikolari tinkludi, meta jkun xieraq u f’konformità mal-mandati rispettivi tagħhom:

(a)il-parteċipazzjoni fi proċeduri tal-akkwist u l-użu tagħhom, inklużi azzjonijiet tal-akkwist konġunt, kuntratti qafas jew strumenti oħra tal-akkwist għall-akkwiżizzjoni ta’ xogħlijiet, provvisti jew servizzi; 

(b)il-kondiviżjoni, l-użu mill-ġdid jew l-adattament ta’ komponenti tekniċi, għodod, servizzi jew elementi kostitwenti żviluppati jew operati minn waħda mill-aġenziji; 

(c)l-għoti ta’ appoġġ tekniku, ta’ għarfien espert jew ta’ servizzi, inkluż fil-qasam tal-iżvilupp, tal-ittestjar, tal-manutenzjoni u tas-sigurtà tas-sistemi;

(d)l-istabbiliment ta’ timijiet ta’ proġetti konġunti u l-iskambju tal-persunal, tal-għarfien espert u ta’ riżorsi oħra meħtieġa għall-implimentazzjoni ta’ attivitajiet tekniċi u proġetti komuni. 

3.Fuq talba mill-Europol f’konformità mal-Artikolu 86 tar-Regolament (UE) .../.... tal-Parlament Ewropew u tal-Kunsill*, l-eu-LISA għandha tipprovdi ċertifikati tal-infrastruttura tal-kjavi pubblika mill-Awtorità taċ-Ċertifikazzjoni tal-eu-LISA lill-Europol u, meta jkun xieraq, lill-awtoritajiet kompetenti tal-Istati Membri għall-finijiet tas-servizzi, tal-għodod u tal-applikazzjonijiet tal-Europol. 

4.Il-kooperazzjoni skont il-paragrafi 1 sa 3 għandha sseħħ fil-qafas tal-arranġamenti ta’ ħidma li jistabbilixxu l-modalitajiet prattiċi, inkluż l-aspetti finanzjarji, l-arranġamenti ta’ governanza, l-arranġamenti għall-iskambji tal-persunal u l-assenjazzjonijiet temporanji, u l-istabbiliment u l-operat ta’ timijiet ta’ proġetti konġunti.”. 

* Ir-Regolament (UE) …/… tal-Parlament Ewropew u tal-Kunsill [dwar l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol), li jemenda r-Regolamenti (UE) 2018/1726 u (UE) 2024/982, u li jħassar ir-Regolament (UE) 2016/794]”.

Artikolu 136

Emendi tar-Regolament (UE) 2024/982

L-Artikolu 49 tar-Regolament (UE) 2024/982 huwa emendat kif ġej: 

(1)fil-paragrafu 5, jiżdied it-tieni subparagrafu li ġej:

“L-Europol tista’ twettaq tali tfittxijiet billi tuża: 

(a)id-data pprovduta mill-pajjiżi terzi;

(b)id-data li toriġina mill-Istati Membri.”;

(2)jiddaħħlu l-paragrafi li ġejjin:

“5a. Għal tfittxijiet imwettqa bi profili tad-DNA, bid-data dattiloskopika u bl-immaġnijiet tal-wiċċ, l-Europol tista’ tuża biss id-data li toriġina mill-Istati Membri meta tkun awtorizzata mill-Istat Membru li jkollu s-sjieda tad-data. Din l-awtorizzazzjoni tista’ tingħata fil-każijiet li ġejjin: 

(a)fuq bażi ta’ każ b’każ;

(b)skont awtorizzazzjoni permanenti, soġġetta għal kundizzjonijiet definiti mill-Istat Membru.

5b. Meta twettaq tfittxijiet b’data bijometrika li toriġina mill-Istati Membri, l-Europol għandha taġixxi bħala fornitur ta’ servizzi tekniċi u forensiċi f’isem l-Istat Membru tal-awtorizzazzjoni u tirrispetta kwalunkwe restrizzjoni fuq l-aċċess, it-trasferiment, it-trażmissjoni, it-tħassir, il-qerda jew l-użu ulterjuri tal-informazzjoni indikata minn dak l-Istat Membru.”;

(3)fil-paragrafu 6, l-ewwel subparagrafu huwa sostitwit b’dan li ġej:

“Meta l-proċeduri msemmija fl-Artikoli 6, 11 jew 20 juru konkordanza bejn id-data li ntużat għat-tfittxija u d-data miżmuma fil-bażi tad-data nazzjonali tal-Istat Membru rikjest jew tal-Istati Membri rikjesti, l-Europol għandha tinforma biss lill-Istat Membru involut jew lill-Istati Membri involuti, u meta jkun applikabbli, lill-Istat Membru jew lill-Istati Membri li awtorizza(w) l-użu tad-data skont il-paragrafu 6.”; 

(4)fil-paragrafu 6, it-tieni subparagrafu, il-punt (c) huwa sostitwit b’dan li ġej:

“(c) l-isem tal-pajjiż terz jew tal-Istat Membru li jkun ipprovda d-data ġie trażmess.”;

(5)il-paragrafu 7 huwa sostitwit b’dan li ġej:

“7. L-użu mill-Europol ta’ informazzjoni miksuba minn tfittxija magħmula f’konformità ma’ dan l-Artikolu, u mill-iskambju ta’ sett ta’ data ewlenija f’konformità mal-paragrafu 6, għandu jkun soġġett għall-kunsens tal-Istat Membru li fil-bażi tad-data tiegħu tkun seħħet il-konkordanza, u meta jkun applikabbli, tal-Istat Membru li awtorizza l-użu tad-data skont il-paragrafu 6. Meta l-Istat Membru jippermetti li tintuża tali informazzjoni, it-trattament tagħha mill-Europol għandu jkun irregolat bir-Regolament (UE) …/… tal-Parlament Ewropew u tal-Kunsill* [dan ir-Regolament].

_____________

* Ir-Regolament (UE) …/… tal-Parlament Ewropew u tal-Kunsill [dwar l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol), li jemenda r-Regolamenti (UE) 2018/1726 u (UE) 2024/982, u li jħassar ir-Regolament (UE) 2016/794]”.

Kapitolu XVI 
Dispożizzjonijiet finali

Artikolu 137

Bidu tal-operazzjonijiet

1.Il-Kummissjoni għandha tiddetermina d-data minn meta l-Istati Membri jistgħu jibdew jużaw is-soluzzjonijiet tal-karigatur tad-data msemmija fl-Artikolu 38(3) biex itellgħu l-informazzjoni lis-servizz ta’ kontroverifika tal-Europol permezz ta’ att ta’ implimentazzjoni kif imsemmi fil-paragrafu 8 ta’ dak l-Artikolu.

Il-Kummissjoni għandha tiddetermina, permezz tal-att ta’ implimentazzjoni msemmi fl-ewwel subparagrafu, id-data minn meta l-Istati Membri jridu jibdew jużaw is-soluzzjonijiet tal-karigatur tad-data.

Il-Kummissjoni għandha tiddetermina d-data minn meta l-Europol trid tibda tuża l-infrastruttura tal-cloud tal-Europol imsemmija fl-Artikolu 50, permezz ta’ att ta’ implimentazzjoni kif imsemmi fil-paragrafu 9 ta’ dak l-Artikolu. 

2.Il-Kummissjoni għandha tiddetermina d-data minn meta l-Europol u l-Istati Membri jistgħu jibdew jużaw il-Pjattaforma Kondiviża ta’ Data għall-Pulizija msemmija fl-Artikolu 42, permezz ta’ att ta’ implimentazzjoni kif imsemmi fil-paragrafu 5 ta’ dak l-Artikolu.

Il-Kummissjoni għandha tiddetermina, permezz ta’ att ta’ implimentazzjoni msemmi fl-ewwel subparagrafu, id-data minn meta l-Europol u l-Istati Membri jridu jibdew jużaw il-Pjattaforma Kondiviża tad-Data tal-Pulizija.

3.Il-Kummissjoni għandha tiddetermina d-data minn meta l-Istati Membri jistgħu jibdew jużaw l-applikazzjoni tal-UE għat-tqabbil tal-profili tad-DNA msemmija fl-Artikolu 54 permezz ta’ att ta’ implimentazzjoni kif imsemmi fl-Artikolu 49.

4.Il-Kummissjoni għandha tiddetermina d-data minn meta l-Europol, l-Istati Membri u l-Kummissjoni jridu jibdew jużaw l-għodod tal-istatistika u tar-rapportar imsemmija fl-Artikolu 52, permezz ta’ att ta’ implimentazzjoni kif imsemmi fil-paragrafu 6 ta’ dak l-Artikolu.

5.Il-Kummissjoni għandha tiddetermina d-data minn meta korpi, uffiċċji u aġenziji oħra tal-Unjoni jridu jibdew jużaw is-sistema Hit/No hit imsemmija fl-Artikolu 80, permezz ta’ att ta’ implimentazzjoni kif imsemmi fil-paragrafu 9 ta’ dak l-Artikolu.

Artikolu 138

Proċedura ta’ Kumitat

1.Il-Kummissjoni għandha tkun megħjuna minn kumitat. Dak il-kumitat għandu jkun kumitat skont it-tifsira tar-Regolament (UE) Nru 182/2011.

2.Meta ssir referenza għal dan l-Artikolu, għandu japplika l-Artikolu 5 tar-Regolament (UE) Nru 182/2011. Meta l-Kumitat ma jagħti l-ebda opinjoni, il-Kummissjoni ma għandhiex tadotta l-abbozz tal-att ta’ implimentazzjoni, u għandu japplika l-Artikolu 5(4), it-tielet subparagrafu, tar-Regolament (UE) Nru 182/2011.

Artikolu 139

Eżerċizzju tad-delega

1.Is-setgħa ta’ adozzjoni ta’ atti delegati hija mogħtija lill-Kummissjoni suġġett għall-kundizzjonijiet stabbiliti f’dan l-Artikolu.

2.Is-setgħa ta’ adozzjoni ta’ atti delegati msemmija fl-Artikolu 19 għandha tingħata lill-Kummissjoni għal perjodu ta’ żmien indeterminat … [mid-data tad-dħul fis-seħħ ta’ dan ir-Regolament].

3.Id-delega tas-setgħa msemmija fl-Artikolu 19 tista’ tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega tas-setgħa speċifikata f’dik id-deċiżjoni. Din għandha ssir effettiva fil-jum wara dak tal-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. Ma għandhiex taffettwa l-validità ta’ kwalunkwe att delegat li jkun diġà fis-seħħ.

4.Qabel ma tadotta att delegat, il-Kummissjoni għandha tikkonsulta esperti ddeżinjati minn kull Stat Membru skont il-prinċipji stabbiliti fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet.

5.Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

6.Att delegat adottat skont l-Artikolu 19 għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perjodu, il-Parlament Ewropew u l-Kunsill ikunu t-tnejn informaw lill-Kummissjoni li mhumiex sejrin joġġezzjonaw. Dak il-perjodu għandu jiġi estiż b’xahrejn fuq inizjattiva tal-Parlament Ewropew jew tal-Kunsill.

Artikolu 140

Tħassir

1.Ir-Regolament (UE) 2016/794 jitħassar b’effett mid-[data ta’ applikazzjoni ta’ dan ir-Regolament].

2.Ir-referenzi kollha għar-Regolament (UE) 2016/794 għandhom jinftiehmu bħala referenzi għal dan ir-Regolament.

Artikolu 141

Dħul fis-seħħ u applikazzjoni

1.Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

2.Għandu japplika minn [data].

3.Dan ir-Regolament għandu jorbot fl-intier tiegħu u japplika direttament fl-Istati Membri f’konformità mat-Trattati.

Magħmul fi Brussell,

DIKJARAZZJONI FINANZJARJA U DIĠITALI LEĠIŻLATTIVA - AĠENZIJI

1.QAFAS TAL-PROPOSTA/TAL-INIZJATTIVA 

1.1.Titolu tal-proposta/tal-inizjattiva

1.2.Qasam/Oqsma ta’ politika kkonċernat(i) 

1.3.Objettiv(i)

1.3.1.Objettiv(i) ġenerali

1.3.2.Objettiv(i) speċifiku/speċifiċi

1.3.3.Objettiv(i) ġenerali

Impatt kumplessiv: L-inizjattiva hija mistennija ttejjeb l-effettività, il-ħeffa u l-koordinazzjoni tal-investigazzjonijiet transfruntiera, filwaqt li tippermetti identifikazzjoni aktar bikrija ta’ atturi u networks kriminali kif ukoll tfixkil aktar effettiv tal-kriminalità serja u organizzata u tat-terroriżmu li jaffettwaw is-sigurtà tal-Unjoni. L-inizjattiva hija wkoll mistennija li ssaħħaħ il-kapaċità tal-Unjoni li tidentifika u tiġġieled il-frodi, il-korruzzjoni, il-ħasil tal-flus u attivitajiet kriminali oħra li jaffettwaw l-interessi finanzjarji tal-UE. B’hekk, iċ-ċittadini tal-UE huma mistennija jibbenefikaw minn komunitajiet aktar sikuri, protezzjoni aħjar tal-vittmi, inqas infiltrazzjoni tan-networks kriminali fl-ekonomija u fl-istituzzjonijiet pubbliċi, inqas ħsara finanzjarja u soċjetali kkawżata minn attivitajiet kriminali, u ambjent aktar sigur għan-negozji għal attività ekonomika leġittima u investiment fl-Unjoni. Il-proposta ma fihiex obbligi regolatorji għaċ-ċittadini/għall-konsumaturi u ma toħloqx kostijiet addizzjonali f’dak ir-rigward. Il-proposta hija mistennija tiġġenera ekonomiji ta’ skala sinifikanti għall-awtoritajiet pubbliċi billi tiġbor flimkien kapaċitajiet operazzjonali, analitiċi, tekniċi u forensiċi-diġitali speċjalizzati fil-livell tal-UE, u b’hekk tnaqqas id-duplikazzjoni tar-riżorsi u tal-investimenti fl-Istati Membri. L-awtoritajiet nazzjonali se jibbenefikaw minn aċċess aktar effiċjenti għall-għarfien espert, appoġġ operazzjonali u kapaċitajiet teknoloġiċi avvanzati li jkunu għaljin u intensivi fir-riżorsi biex kieku jiġu żviluppati individwalment fil-livell nazzjonali. B’mod aktar speċifiku: Benefiċċji għall-awtoritajiet tal-infurzar tal-liġi tal-Istati Membri u għall-korpi u l-aġenziji tal-UE:  –Disponibbiltà akbar fil-livell tal-Unjoni ta’ informazzjoni operazzjonali u analitika rilevanti li tappoġġa investigazzjonijiet nazzjonali u transfruntiera. –Koordinazzjoni operazzjonali iktar bikrija u iktar effettiva f’investigazzjonijiet transfruntiera, inkluż kooperazzjoni operazzjonali li tibda iktar malajr, segwitu ġudizzjarju iktar fil-pront meta jkun meħtieġ, u attivitajiet analitiċi konġunti fl-Istati Membri. –Appoġġ iktar rapidu, iktar aċċessibbli u iktar operazzjonalment rilevanti mill-Europol għall-investigazzjonijiet nazzjonali u konġunti, inkluż prodotti analitiċi operazzjonali iktar fil-pront, affidabbli u arrikkiti, appoġġ għall-investigazzjonijiet finanzjarji u segwitu operazzjonali. –Identifikazzjoni mtejba ta’ networks kriminali, rabtiet operazzjonali transfruntiera u flussi finanzjarji illeċiti fil-ġuriżdizzjoni kollha. –Trattament aktar effettiv tal-investigazzjonijiet kumplessi li jinvolvu evidenza diġitali u settijiet tad-data kbar mhux strutturati permezz ta’ aktar aċċess għall-kapaċitajiet analitiċi, tekniċi, forensiċi u forensiċi-diġitali speċjalizzati fil-livell tal-Unjoni. –Aktar appoġġ analitiku u operazzjonali lill-korpi u l-aġenziji rilevanti tal-Unjoni, b’mod partikolari l-Uffiċċju tal-Prosekutur Pubbliku Ewropew, li jiffaċilita l-komplementarjetà, is-segwitu investigattiv ikkoordinat u azzjoni aktar koerenti fil-livell tal-Unjoni tul iċ-ċiklu tal-ħajja investigattiv u ġudizzjarju. –Aktar effiċjenza: –Sehem akbar ta’ investigazzjonijiet nazzjonali li jibbenefikaw minn informazzjoni fil-livell tal-Unjoni, appoġġ operazzjonali u kapaċitajiet speċjalizzati. –Segwitu operazzjonali aktar malajr u tnaqqis fid-dewmien fl-investigazzjonijiet transfruntiera. –Kostijiet imnaqqsa assoċjati mal-aċċess għall-kapaċitajiet analitiċi, tekniċi u forensiċi-diġitali speċjalizzati permezz ta’ ekonomiji ta’ skala fil-livell tal-Unjoni. –Tnaqqis fid-duplikazzjoni tal-isforzi u fl-investigazzjonijiet paralleli permezz ta’ kondiviżjoni mtejba tal-informazzjoni, koordinazzjoni operazzjonali mtejba u mekkaniżmi mtejba ta’ prevenzjoni tal-kunflittwalità. –Użu iktar effiċjenti tas-sistemi tal-informazzjoni eżistenti tal-Unjoni permezz ta’ iktar interoperabbiltà u użu operazzjonali kondiviż. –Ħtieġa mnaqqsa għall-iżvilupp ta’ kapaċitajiet analitiċi separati mill-korpi u l-aġenziji rilevanti tal-Unjoni, b’mod partikolari l-UPPE, sakemm dawn il-kapaċitajiet tal-aħħar ma jsirux meħtieġa mill-mandat speċifiku tal-korpi u l-aġenziji rilevanti tal-Unjoni, permezz ta’ aktar aċċess għall-kapaċitajiet analitiċi tal-Europol fil-livell tal-Unjoni. Benefiċċji għas-sigurtà interna tal-Unjoni: –Kapaċità msaħħa ta’ antiċipazzjoni, identifikazzjoni u rispons għall-kriminalità serja u organizzata u t-terroriżmu li qegħdin jevolvu. –Identifikazzjoni aktar bikrija ta’ strutturi kriminali li joperaw f’diversi ġuriżdizzjonijiet. –Appoġġ evidenzjali aktar b’saħħtu għall-proċedimenti ġudizzjarji permezz ta’ kapaċitajiet analitiċi, tekniċi u forensiċi msaħħa. –Fiduċja pubblika msaħħa fil-kapaċità tal-Unjoni li tipproteġi liċ-ċittadini, lin-negozji u lill-finanzi pubbliċi kontra l-kriminalità serja u organizzata.

1.3.4.Indikaturi tal-prestazzjoni

Speċifika l-indikaturi għall-monitoraġġ tal-progress u tal-kisbiet.

Objettiv Speċifiku 1: -L-Europol iżomm sa massimu ta’ 5 standards u dokument ta’ gwida ta’ referenza dwar l-iskambju tal-informazzjoni (l-għadd ta’ standards u l-gwida dwar l-iskambju u l-format tad-data appoġġati b’mod attiv mill-Europol; xenarju bażi 0; mira 5.) -Nofs l-investigaturi kriminali fl-UE nħarġitilhom ID Diġitali tal-UE għall-Pulizija u ngħataw aċċess effettiv għall-Ispazju Kondiviż ta’ Data tal-UE għall-Pulizija (il-proporzjon tal-uffiċjali tal-pulizija fl-UE b’setgħat investigattivi fil-qasam kriminali rreġistrati bħala utenti tal-Ispazju Kondiviż ta’ Data tal-UE għall-Pulizija; xenarju bażi 0 %; mira 50 %) -Nofs l-investigazzjonijiet kriminali li jiġġustifikaw l-użu ta’ għodod analitiċi ta’ livell superjuri jiddependu fuq għodod imqiegħda għad-dispożizzjoni mill-Europol (il-proporzjon tal-kawżi kriminali miftuħa matul is-sena fl-UE li l-investigazzjonijiet b’rabta magħhom kienu jiddependu fuq għodod analitiċi akkwistati b’mod konġunt jew inkella mqiegħda għad-dispożizzjoni online mill-Europol permezz tal-Ispazju Kondiviż ta’ Data tal-UE għall-Pulizija; xenarju bażi 0 %; mira 10 % 84 ) -L-individwi kollha li jkunu suspettati jew ikkundannati għal reat kriminali 85 matul is-sena ġew ivverifikati mad-data tal-Europol, f’kull Stat Membru (l-għadd ta’ Stati Membri li għalihom il-proporzjon “għadd ta’ tfittxijiet annwali fil-bażijiet tad-data tal-Europol” imqabbel maċ-ċifri tal-Eurostat dwar il-persuni suspettati jew it-trasgressuri matul is-sena jkun iktar minn 1,00; xenarju bażi 1; mira = 26) -L-awtoritajiet tal-infurzar tal-liġi għamlu segwitu b’mod sistematiku ma’ Stati Membri oħra għal każijiet transfruntiera (l-għadd ta’ Stati Membri li għalihom il-proporzjon “każijiet transfruntiera ġodda mibdija bħal bis-SIENA, jew JOAC…” imqabbel ma’ “każijiet ġodda matul is-sena li jkunu skattaw hit fil-bażijiet tad-data tal-Europol” ikun iktar minn 0,90; mira = 26) -L-awtoritajiet tal-infurzar tal-liġi pprovdew informazzjoni lill-Europol dwar każijiet transfruntiera f’nofs id-drabi (l-għadd ta’ Stati Membri li għalihom il-porzjon “għoti ta’ informazzjoni lill-Europol permezz tas-SIENA jew b’mezzi oħra” vs “għadd ta’ każijiet ġodda matul is-sena li jkunu skattaw hit fil-bażi tad-data tal-Europol” ikun iktar minn 50 %; xenarju bażi = 5; mira = 26) -L-informazzjoni dwar l-individwi kollha kkundannati għal reat kriminali matul is-sena ġiet kondiviża mal-Istati Membri u mal-Europol fis-sistema tal-informazzjoni tal-Europol (proporzjon “rekords imtellgħin jew aġġornati fl-EIS matul is-sena” mqabbel man-numru ta’ persuni kkundannati tal-Eurostat; mira = 100 %) Objettiv Speċifiku 2: -Sehem akbar ta’ investigazzjonijiet transfruntiera li jibbenefikaw mill-appoġġ operazzjonali, analitiku jew tekniku tal-Europol. (mira: +30 %) -Tnaqqis fiż-żmien medju bejn il-wasla tal-informazzjoni operazzjonali mill-Europol u d-disseminazzjoni tal-outputs analitiċi lill-Istati Membri (mira: < 24 siegħa) -Żieda fl-għadd ta’ investigazzjonijiet li jinvolvu evidenza diġitali appoġġati permezz tal-kapaċitajiet forensiċi analitiċi u diġitali tal-Europol (mira: +50 %) -Żieda fl-għadd jew fil-valur ta’ investigazzjonijiet finanzjarji, każijiet ta’ traċċar tal-assi jew ta’ rkupru tal-assi appoġġati mill-Europol. (mira: +40 %) -L-għadd ta’ każijiet li fihom l-Europol toħroġ proposti għal miżuri urġenti ta’ ffriżar jew ta’ preservazzjoni tal-assi lill-Uffiċċji għall-Irkupru tal-Assi tal-Istati Membri. -Żieda fl-għadd ta’ rabtiet operazzjonali identifikati mill-Europol bejn investigazzjonijiet imwettqa fi Stati Membri differenti. (mira: +40 %) -Żieda fl-għadd ta’ investigazzjonijiet nazzjonali appoġġati direttament permezz tal-Uffiċċji ta’ Appoġġ tal-Europol. -Sehem akbar ta’ każijiet ittrattati mill-UPPE li jirrikjedu appoġġ analitiku u li jibbenefikaw mill-Europol. (mira: 90 %) Objettiv Speċifiku 3: -L-għadd ta’ lakuni fil-kapaċitajiet u l-prijoritajiet tal-iżvilupp teknoloġiku identifikati permezz tal-Qafas għall-Iżvilupp ta’ Prospettiva u ta’ Kapaċitajiet li jwasslu għal azzjonijiet ta’ segwitu konkreti fil-livell tal-Unjoni jew tal-Istati Membri. (mira: 10 azzjonijiet/sena) -L-għadd ta’ kapaċitajiet avvanzati jew soluzzjonijiet teknoloġiċi li jsiru disponibbli mill-Europol għall-użu operazzjonali mill-Istati Membri. (mira: 5/sena) -L-għadd ta’ attivitajiet ta’ taħriġ speċjalizzat appoġġati mill-Europol dwar it-teknoloġiji avvanzati, l-investigazzjonijiet diġitali u l-kapaċitajiet forensiċi. (mira: 6/sena)

1.4.Il-proposta/L-inizjattiva hija relatata ma’: 

 azzjoni ġdida 

 azzjoni ġdida b’segwitu għal proġett pilota/azzjoni preparatorja 86  

 l-estensjoni ta’ azzjoni eżistenti 

 fużjoni jew ridirezzjonar ta’ azzjoni waħda jew aktar lejn azzjoni oħra/ġdida

1.5.Raġunijiet għall-proposta/għall-inizjattiva 

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva

L-implimentazzjoni tal-inizjattiva leġiżlattiva se tirrikjedi l-użu progressiv ta’ miżuri legali, organizzazzjonali, operazzjonali u teknoloġiċi fil-livell tal-Unjoni u f’dak nazzjonali. Jenħtieġ li t-tnedija tal-implimentazzjoni tibda mad-dħul fis-seħħ u l-applikazzjoni tar-Regolament u se tirrikjedi skalar gradwali tar-riżorsi, b’mod partikolari r-riżorsi umani u tal-ICT, f’konformità mad-domanda dejjem akbar għas-servizzi u għall-kapaċitajiet tal-Europol. L-implimentazzjoni se teħtieġ b’mod partikolari: (i) l-adozzjoni ta’ leġiżlazzjoni terzjarja u ta’ standards tekniċi; (ii) l-istabbiliment ta’ strutturi ġodda ta’ governanza, appoġġ operazzjonali u żvilupp tal-kapaċitajiet fl-Europol; (iii) investimenti kbar f’infrastrutturi tal-ġestjoni tal-informazzjoni u f’infrastrutturi analitiċi siguri, interoperabbli u bbażati fuq il-cloud; (iv) l-iżvilupp u l-iskjerament progressiv ta’ kapaċitajiet forensiċi analitiċi, abilitati bl-intelliġenza artifiċjali u diġitali avvanzati; u (v) l-integrazzjoni tas-servizzi, tas-sistemi u tal-appoġġ operazzjonali tal-Europol fil-flussi tax-xogħol investigattivi nazzjonali u fil-mekkaniżmi ta’ kooperazzjoni transfruntiera fl-infurzar tal-liġi. L-implimentazzjoni se tirrikjedi wkoll kooperazzjoni msaħħa u arranġamenti ta’ ħidma aġġornati bejn l-Europol, u l-korpi u l-aġenziji rilevanti tal-Unjoni, b’mod partikolari l-Uffiċċju tal-Prosekutur Pubbliku Ewropew. L-istadji importanti indikattivi jingħaddu mis-sena tad-data tal-applikazzjoni tar-Regolament il-ġdid, imniżżla bħala S. Il-Kummissjoni: –S+1 u s-snin sussegwenti: l-adozzjoni ta’ leġiżlazzjoni terzjarja, b’mod partikolari dwar iċ-ċentru tal-informazzjoni (OS1). Miżuri organizzazzjonali, operazzjonali u ta’ governanza tal-Europol: –S: l-istabbiliment tal-Gruppi Konsultattivi u tat-Tmexxija tal-ICT u tal-Ġestjoni tal-Informazzjoni, tal-Grupp Konsultattiv dwar il-Kapaċitajiet u l-Innovazzjoni u tal-Bord Eżekuttiv. –S: l-istabbiliment ta’ kapaċità operazzjonali ddedikata li tappoġġa każijiet relatati mal-UPPE. –S+3: kapaċità ta’ appoġġ operazzjonali tal-UPPE bil-persunal meħtieġ u strutturata. –S: isiru applikabbli regoli ssimplifikati dwar il-kategorizzazzjoni tas-suġġetti tad-data. –S: l-istabbiliment ta’ Ċentri tal-Unjoni ta’ għarfien espert speċjalizzat, Servizz Operazzjonali u ta’ Analiżi (OS2) u Servizz għall-Kapaċitajiet u l-Innovazzjoni (OS3), inkluż l-adozzjoni mill-Bord tat-Tmexxija tar-regoli ta’ implimentazzjoni rilevanti. –S+3: Ċentri tal-Unjoni ta’ għarfien espert speċjalizzat, Servizz Operazzjonali u ta’ Analiżi (OS2) u Servizz għall-Kapaċitajiet u l-Innovazzjoni (OS3) bil-persunal meħtieġ. –S: l-istabbiliment ta’ Uffiċċji ta’ Appoġġ tal-Europol fl-Istati Membri. –S+1 sa S+3: persunal sekondat lill-Uffiċċju ta’ Appoġġ nazzjonali tal-Europol. –S+1 sa S+3: aġġornament tal-arranġamenti ta’ ħidma rilevanti bejn l-Europol u l-korpi tal-Unjoni. –S+3 sa S+4: l-iżvilupp progressiv, flimkien mal-korpi rilevanti tal-Unjoni, ta’ mekkaniżmi awtomatizzati ta’ kontroverifika tal-hit/no hit imqabbla mad-data tal-Europol. –S+1: l-iżvilupp ta’ appoġġ speċjalizzat fil-livell tal-UE għall-awtoritajiet nazzjonali li jfittxu li jiksbu evidenza elettronika mill-fornituri tas-servizzi online. L-iżvilupp tal-kapaċitajiet tal-Europol, l-ICT, l-innovazzjoni: –S+1: l-istabbiliment tal-Qafas għall-Iżvilupp ta’ Prospettiva u ta’ Kapaċitajiet u l-kapaċità ċentrali tal-akkwist konġunt għall-komponenti tekniċi (OS3). –S+2: l-ewwel aġġornament tal-istandard tal-UMF taħt it-tmexxija tal-Europol u l-kapaċità tad-disponibbiltà tal-profili tad-DNA (OS1). –S+2: l-istabbiliment ta’ infrastruttura tal-cloud ibrida skalabbli u sigura fil-Livell Bażiku ta’ Protezzjoni (BPL) ekwivalenti għal informazzjoni sensittiva mhux klassifikata. –S+5: l-estensjoni tal-infrastruttura tal-cloud għall-ambjenti tal-informazzjoni klassifikata. –S+2: l-ewwel test ta’ integrazzjoni bi kredenzjali tal-identità tal-pulizija nazzjonali. –S+3 sa S+5: l-integrazzjoni progressiva tal-kredenzjali tal-identità diġitali tal-pulizija nazzjonali. –S+2: il-migrazzjoni tal-ewwel pjattaforma ewlenija għall-ġestjoni tal-informazzjoni u l-għodod analitiċi għall-infrastruttura tal-cloud. –S+3 sa S+5: il-migrazzjoni progressiva tas-sistemi u tal-għodod analitiċi tal-Europol li jifdal għall-infrastruttura tal-cloud fil-livell tal-BPL. –S+6: il-migrazzjoni ta’ sistemi rilevanti għal ambjenti tal-cloud ikklassifikati. –S+1 sa S+6: l-immodernizzar gradwali tal-pjattaformi ewlenin tal-ġestjoni tal-informazzjoni u tal-pjattaformi analitiċi ewlenin, inkluż is-SIENA, is-servizzi tat-tqabbil trażversali u l-ambjent analitiku tal-Europol, permezz ta’ awtomatizzazzjoni mtejba, funzjonalitajiet abilitati bl-intelliġenza artifiċjali, użabbiltà mtejba, prestazzjoni aħjar, standardizzazzjoni tad-data u funzjonalitajiet bijometriċi estiżi. –S: l-ewwel interkonnessjoni mtejba mal-bażijiet tad-data nazzjonali skont Prüm II bl-użu tal-ewwel modalità bijometrika. –S+2: estensjoni għall-modalitajiet bijometriċi addizzjonali. –S sa S+6: l-espansjoni progressiva tal-għodod analitiċi innovattivi u bbażati fuq l-IA disponibbli għall-Europol u għall-Istati Membri. –S ’il quddiem: il-konsolidazzjoni progressiva tal-kapaċitajiet ta’ intelligence minn sorsi miftuħa (OSINT). Stati Membri: –S sa S+7 (kontinwi): L-aġġustament progressiv tal-organizzazzjoni nazzjonali tagħhom u l-introduzzjoni jew it-tisħiħ tal-awtomatizzazzjoni għall-iskambju tal-informazzjoni mal-Europol. –S sa S+7 (kontinwi): L-immodernizzar tas-sistemi nazzjonali u tal-flussi tax-xogħol tal-investigazzjoni kriminali biex jiġu integrati progressivament is-servizzi, l-għodod analitiċi u l-istandards tal-interoperabbiltà tal-Europol. –S+1: l-ewwel Stati Membri jimmodernizzaw il-kredenzjali diġitali tal-infurzar tal-liġi nazzjonali f’konformità mal-istandards armonizzati tal-Unjoni. –S+2 sa S+4: il-ħruġ progressiv tal-ID Diġitali tal-UE għall-Pulizija lill-investigaturi kriminali nazzjonali. –S+6: is-sistemi nazzjonali kollha konnessi mal-Europol jirrikjedu awtentikazzjoni minn qabel permezz tal-ID Diġitali tal-UE għall-Pulizija. –S+1: l-armonizzazzjoni tal-punti tat-tmiem diġitali tal-investigaturi biex jiġi ffaċilitat l-aċċess għall-infrastruttura, għall-pjattaformi u għall-għodod tal-Cloud tal-Pulizija tal-UE. –S: l-istabbiliment u l-hosting tal-Uffiċċji ta’ Appoġġ tal-Europol mill-Istati Membri. Korpi tal-Unjoni: –S+1 sa S+3: l-aġġornament tal-arranġamenti ta’ ħidma rilevanti mal-Europol. –S: l-UPPE għandu jimplimenta progressivament il-miżuri tekniċi u organizzazzjonali meħtieġa biex jappoġġa l-kooperazzjoni operazzjonali msaħħa u l-aċċess għall-appoġġ analitiku tal-Europol. –S+3 sa S+4: l-iżvilupp progressiv, flimkien mal-Europol, ta’ mekkaniżmi awtomatizzati ta’ kontroverifika tal-hit/no hit.

1.5.2.Valur miżjud tal-involviment tal-UE 

1.5.3.Tagħlimiet meħuda minn esperjenzi simili fl-imgħoddi

L-evalwazzjoni tal-qafas legali attwali, u b’mod partikolari l-konsultazzjoni mal-partijiet ikkonċernati, ikkonfermat li: ·Il-koordinazzjoni fil-livell tal-UE hija indispensabbli. Peress li l-kriminalità tranżnazzjonali titlob kooperazzjoni strutturata u ċentralizzata (u l-isforzi nazzjonali waħedhom mhumiex biżżejjed), is-sistemi ta’ kondiviżjoni tal-intelligence kriminali tal-Europol u l-kapaċitajiet operazzjonali u analitiċi huma kritiċi għal investigazzjonijiet transfruntiera effettivi. ·Il-kapaċitajiet teknoloġiċi u analitiċi avvanzati huma essenzjali. Bir-rilevanza dejjem akbar tal-evidenza diġitali, il-kriptaġġ, u ċ-ċiberkriminalità li jirrikjedu għarfien espert speċjalizzat lil hinn mill-kapaċitajiet tal-Istati Membri individwali, l-Europol trid tagħmel innovazzjoni kontinwament (eż. forensika diġitali, analiżi mmexxija mill-IA) biex tkun tista’ tissodisfa l-ħtiġijiet operazzjonali tal-Istati Membri. ·Il-kondiviżjoni sistematika u awtomatizzata tal-informazzjoni trid tissaħħaħ. Il-prattiki inkonsistenti tal-kondiviżjoni tad-data fost l-Istati Membri jnaqqsu l-effettività operazzjonali, u dawn jistgħu jiġu indirizzati permezz ta’ użu akbar ta’ sistemi awtomatizzati tal-iskambju u ta’ proċeduri standardizzati. ·Il-koerenza fil-qafas tas-sigurtà tal-UE hija kruċjali: Huma meħtieġa mandati ċari, regoli allinjati dwar il-protezzjoni tad-data, u skambju effiċjenti tal-informazzjoni għal kooperazzjoni bla xkiel bejn l-Europol u korpi oħra tal-Unjoni. ·Jenħtieġ li l-prinċipji REFIT jiggwidaw l-effiċjenza proċedurali. Is-simplifikazzjoni tal-proċessi, it-titjib tal-interoperabbiltà, u t-tnaqqis tal-piżijiet amministrattivi jagħtu spinta lill-veloċità operazzjonali. Għalhekk, jenħtieġ li l-immodernizzar tal-għodod diġitali (eż. l-IA, il-pjattaformi tad-data siguri) jingħata prijorità biex tiġi appoġġata l-kollaborazzjoni f’ħin reali. Għaldaqstant, il-qafas legali attwali tal-Europol għadu effettiv iżda jeħtieġ li jevolvi biex jindirizza t-theddidiet emerġenti u l-ħtiġijiet operazzjonali. L-adattamenti futuri jenħtieġ li jiffukaw fuq it-teknoloġija, l-interoperabbiltà, u l-kooperazzjoni razzjonalizzata biex tiġi żgurata r-reżiljenza tal-qafas tas-sigurtà tal-UE. Bil-ħsieb li tiġi żgurata implimentazzjoni effettiva tal-miżuri proposti, l-esperjenza tal-passat uriet ukoll l-importanza li jiġu żgurati strutturi ċari ta’ governanza, mekkaniżmi robusti ta’ prijoritizzazzjoni u koordinazzjoni effettiva bejn l-Europol, l-Istati Membri, il-Kummissjoni u korpi rilevanti oħra tal-Unjoni biex tiġi evitata d-duplikazzjoni tal-isforzi u jiġi żgurat żvilupp operazzjonali u teknoloġiku koerenti fil-livell tal-Unjoni. Barra minn hekk, l-esperjenza minn proġetti preċedenti ta’ żvilupp tal-kapaċitajiet u ta’ modernizzazzjoni tal-ICT uriet il-ħtieġa għal allokazzjoni u traċċabbiltà ċari tar-riżorsi tal-Unjoni fl-attivitajiet ta’ appoġġ operazzjonali u teknoloġiku, flimkien ma’ arranġamenti b’saħħithom ta’ monitoraġġ, ta’ rapportar u ta’ akkontabbiltà. Għalhekk, il-proposta ssaħħaħ il-mekkaniżmi ta’ governanza, ta’ ppjanar u ta’ rapportar. Barra minn hekk, hemm sinerġiji ċari li jistgħu jinkisbu fil-proġetti tal-ICT permezz tal-kooperazzjoni bejn l-Europol u l-eu-LISA, l-Aġenzija tal-UE għat-Tmexxija Operattiva ta’ Sistemi tal-IT fuq Skala Kbira fl-Ispazju ta’ Libertà, Sigurtà u Ġustizzja. Filwaqt li tibni fuq l-għarfien espert, l-esperjenza u l-kooperazzjoni tagħha mal-fornituri tas-servizzi esterni, l-eu-LISA tista’ tipprovdi b’mod effettiv u effiċjenti lill-Europol b’servizzi relatati mal-Ġestjoni tal-Informazzjoni u mal-ICT. Għal dak l-għan, il-proposta tistabbilixxi kooperazzjoni strutturata bejn l-Europol u l-eu-LISA fir-rigward tal-iżvilupp, l-iskjerament u l-operat tas-sistemi tal-informazzjoni u tal-infrastruttura tal-komunikazzjoni relatata.

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra

Fil-linji Gwida Politiċi għall-Kummissjoni Ewropea 2024–2029, il-President tal-Kummissjoni Ewropea ħabbret l-objettiv “li nagħmlu l-Europol aġenzija tal-pulizija verament operazzjonali u li nżidu b’aktar mid-doppju l-persunal tagħha fuq perjodu ta’ żmien. Dan għandu jsir b’sorveljanza u mandat imsaħħa”, biex jissaħħaħ l-appoġġ lill-awtoritajiet tal-infurzar tal-liġi nazzjonali. Fis-16 ta’ Lulju 2025, il-Kummissjoni ppreżentat il-proposta tagħha għall-Qafas Finanzjarju Pluriennali 87 (“QFP”) għall-2028–2034 li jammonta għal kważi EUR 2 triljun. Fid-dawl tat-theddidiet dejjem akbar għas-sigurtà li qiegħda tiffaċċja l-Unjoni u l-valur miżjud muri ta’ azzjoni kkoordinata tal-UE u tal-Istati Membri fil-qasam tas-sigurtà interna, il-QFP propost għandu l-għan li jappoġġa l-implimentazzjoni ta’ ProtectEU — Strateġija Ewropea ta’ Sigurtà Interna, u li jsaħħaħ il-kapaċità ta’ prevenzjoni, ta’ tħejjija u ta’ rispons tal-UE. F’dak il-qafas, il-Kummissjoni pproponiet tisħiħ sinifikanti tar-riżorsi allokati lill-aġenziji deċentralizzati tal-Ġustizzja u l-Affarijiet Interni inkluż l-Europol. Iċ-ċifri ppreżentati f’din l-LFDS jikkonċernaw esklużivament ir-riżorsi finanzjarji u umani addizzjonali meħtieġa għall-implimentazzjoni tal-miżuri l-ġodda introdotti mill-proposta meta mqabbla mar-Regolament attwali dwar l-Europol 88 . Il-proposta hija stmata li tirrikjedi riżorsi addizzjonali għall-Europol u għall-eu-LISA, marbuta mal-implimentazzjoni tal-kompiti delegati lill-aġenzija f’dan ir-Regolament, li jammontaw għal madwar EUR 1,053 biljun u 910 kariga addizzjonali għall-persunal 89 matul il-QFP 2028–2034, meta mqabbla mal-baġit tax-xenarju bażi tal-2027 li jammonta għal 1 226 membru tal-persunal u EUR 256,557 miljun f’approprjazzjonijiet. Għalhekk, jenħtieġ li dawk iċ-ċifri jinqraw flimkien mar-riżorsi meħtieġa biex jiġu implimentati l-miżuri eżistenti skont il-qafas legali attwali, stmati għal EUR 1,946 biljun u 1 226 membru tal-persunal matul il-QFP 2028–2034, abbażi tal-baġit annwali tal-2027 ipproġettat fuq 7 snin b’rata ta’ inflazzjoni annwali ta’ 2 %. Meta jingħaddu flimkien, dawk jammontaw għal pakkett globali ta’ EUR 2,999 biljun matul il-QFP li jmiss u 2 336 membru tal-persunal fi tmiem l-2034, li jallinjaw mal-proposta leġiżlattiva tal-Kummissjoni għall-QFP 2028–2034 L-attivitajiet li jridu jitwettqu mill-Istati Membri matul l-istess perjodu b’appoġġ għall-interoperabbiltà msaħħa, l-integrazzjoni tas-sistemi tal-Europol fil-flussi tax-xogħol investigattivi nazzjonali, l-iskjerament ta’ kredenzjali diġitali tal-pulizija u l-kapaċitajiet imsaħħa ta’ skambju tal-informazzjoni huma stmati għal madwar EUR 590 miljun matul l-ewwel perjodu ta’ implimentazzjoni ta’ 7 snin, b’mod partikolari għall-adattament tas-sistemi nazzjonali, tal-flussi tax-xogħol u tal-interfaċċi tekniċi meħtieġa biex tiġi appoġġata kooperazzjoni iktar integrata u awtomatizzata mas-sistemi u mal-għodod tal-Europol. L-impatt stmat fuq in-nefqa u l-persunal għall-2028 u lil hinn jiżdied għal skopijiet illustrattivi biss u ma jippreġudikax il-Qafas Finanzjarju Pluriennali li jmiss. Is-sors ta’ finanzjament u l-kamp ta’ applikazzjoni tal-impenn finanzjarju tal-Unjoni fil-perjodu ta’ wara l-2027 jibqgħu soġġetti għall-eżitu tan-negozjati interistituzzjonali dwar il-QFP 2028–2034 u wara dan għandhom jiġu determinati permezz tal-proċedura baġitarja annwali. L-approprjazzjonijiet u l-allokazzjonijiet tal-persunal kollha mill-2028 huma indikattivi.

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

Ir-reviżjoni tal-2022 tal-mandat tal-Europol irrappreżentat pass sinifikanti lejn il-modernizzazzjoni tal-mandat tal-Aġenzija, b’mod partikolari billi saħħet il-kapaċitajiet tagħha fl-ipproċessar tad-data, fl-innovazzjoni u f-appoġġ b’rispons għan-natura dejjem aktar diġitali, transfruntiera u kumplessa tal-kriminalità serja u organizzata u t-terroriżmu. Dik ir-reviżjoni kienet akkumpanjata minn żieda ta’ madwar EUR 178 miljun meta mqabbla mal-baġit ta’ EUR 1 285 miljun inizjalment adottat għall-Europol fil-proposta tal-QFP 2021–2027, li tikkorrispondi għal żieda ta’ 14 %. Minn dak iż-żmien ’l hawn, l-ambjent operazzjonali evolva b’mod sinifikanti. In-networks kriminali espandew malajr l-użu tagħhom tat-teknoloġiji diġitali, l-intelliġenza artifiċjali, il-komunikazzjonijiet kriptati u l-infrastruttura online, filwaqt li qegħdin jikkombinaw dejjem aktar il-kriminalità ffaċilitata miċ-ċibernetika, il-kriminalità finanzjarja, it-traffikar u attivitajiet illeċiti oħra f’mudelli kriminali ferm adattivi u tranżnazzjonali. Fl-istess waqt, il-volum u l-importanza strateġika tad-data operazzjonali fl-investigazzjonijiet kriminali żdiedu b’mod sostanzjali. Dan wassal għal żieda kontinwa fl-aspettattivi tal-Istati Membri u tal-korpi tal-Unjoni rigward l-appoġġ operazzjonali, analitiku, teknoloġiku, forensiku u ta’ koordinazzjoni tal-Europol, li rriżulta f’talbiet ripetuti għal rinforzi annwali tal-baġit u tal-persunal tal-Europol lil hinn mil-livelli inizjalment ipprogrammati taħt il-QFP attwali. Din il-proposta tintroduċi kompiti operazzjonali, teknoloġiċi u ta’ żvilupp tal-kapaċitajiet ġodda sostanzjali, filwaqt li tintegra u tikkonsolida wkoll l-attivitajiet eżistenti f’qafas operazzjonali u ta’ governanza aktar koerenti. Il-kisba tal-impatt operazzjonali maħsub u t-tisħiħ tal-kapaċitajiet tal-infurzar tal-liġi tal-Unjoni kif xieraq jirrikjedu investimenti addizzjonali sostanzjali f’persunal speċjalizzat, infrastruttura teknoloġika avvanzata, ambjenti siguri tal-cloud u analitiċi, għodod ibbażati fuq l-intelliġenza artifiċjali u mekkaniżmi ta’ appoġġ operazzjonali. Tali investimenti ma jistgħux jiġu akkomodati fil-pakkett finanzjarju attwali u għalhekk jeħtieġu appoġġ finanzjarju addizzjonali mill-baġit tal-Unjoni. L-istimi kollha tal-ħtiġijiet ta’ riżorsi addizzjonali skont il-proposta huma bbażati fuq il-baġit tax-xenarju bażi tal-Europol għall-2027, inkluż l-approprjazzjonijiet operazzjonali u l-persunal. Il-Kummissjoni wettqet valutazzjoni estensiva tal-possibbiltajiet ta’ riallokazzjoni fi ħdan l-Aġenzija biex tidentifika jekk il-kompiti l-ġodda introdotti mill-proposta jistgħux jiġu akkomodati fl-ambitu tal-qafas tar-riżorsi eżistenti. Dik il-valutazzjoni kkonkludiet li l-Europol diġà qiegħda topera b’kapaċità operazzjonali massima jew kważi. B’mod partikolari, il-Bord tat-Tmexxija diġà adotta miżuri ta’ prijoritizzazzjoni mill-ġdid fl-2024 b’rispons għal-limitazzjonijiet tar-riżorsi. F’dan il-kuntest, ma ġiet identifikata l-ebda possibbiltà sinifikanti ta’ riallokazzjoni li tippermetti lill-Europol tassorbi l-kompiti addizzjonali previsti mill-proposta mingħajr ma taffettwa b’mod negattiv l-implimentazzjoni tal-attivitajiet operazzjonali eżistenti u l-appoġġ lill-Istati Membri. Konsegwentement, il-proposta tipprevedi riżorsi finanzjarji u umani addizzjonali għall-Europol matul il-perjodu tal-QFP li jmiss biex tiġi żgurata l-implimentazzjoni sostenibbli tal-mandat rivedut u jiġi evitat sottofinanzjament strutturali tar-responsabbiltajiet estiżi tal-Aġenzija. L-implimentazzjoni tal-proposta se tinvolvi attivitajiet addizzjonali għall-eu-LISA biex tipprovdi lill-Europol b’servizzi relatati mal-Ġestjoni tal-Informazzjoni u l-ICT. Konsegwentement, il-proposta tipprevedi bidliet immirati tal-mandat tal-eu-LISA u tipprevedi għadd limitat ta’ riżorsi umani addizzjonali għall-eu-LISA matul il-perjodu tal-QFP li jmiss biex tiġi żgurata l-implimentazzjoni sostenibbli tal-kooperazzjoni strutturata bejn l-Europol u l-eu-LISA kif stabbilit fil-mandati riveduti tal-Aġenziji. F’dan il-punt, mhuwiex possibbli li tiġi kkwantifikata n-nefqa operazzjonali għal dawn l-attivitajiet li għandha tiġi allokata lill-eu-LISA, peress li għadu mhuwiex ċar liema servizzi l-Europol se timplimenta eżattament permezz tas-servizzi pprovduti mill-eu-LISA. Għaldaqstant, in-nefqa operazzjonali għal dawn l-attivitajiet li għandha tiġi allokata lill-eu-LISA min-nefqa operazzjonali totali prevista f’din l-LFDS se tiġi vvalutata f’data aktar tard. L-implimentazzjoni tal-proposta se tinvolvi wkoll attivitajiet addizzjonali għas-servizzi tal-Kummissjoni, b’mod partikolari d-Direttorat Ġenerali għall-Migrazzjoni u l-Affarijiet Interni (DĠ HOME), fir-rigward tal-governanza, is-sorveljanza, il-koordinazzjoni tal-politika u t-tħejjija u l-adozzjoni ta’ atti ta’ implimentazzjoni. Se jkun meħtieġ ukoll appoġġ addizzjonali mid-Direttorat Ġenerali għas-Servizzi Diġitali (DĠ DIGIT), b’mod partikolari fir-rigward tal-istabbiliment u l-ġestjoni tal-katina tal-provvista tal-ICT u l-oqfsa kuntrattwali tal-cloud computing li jappoġġaw l-infrastruttura teknoloġika tal-Europol.

1.6.Durata tal-proposta/tal-inizjattiva u tal-impatt finanzjarju tagħha

 durata limitata

–    fis-seħħ minn [JJ/XX]SSSS sa [JJ/XX]SSSS

–    impatt finanzjarju minn SSSS sa SSSS għall-approprjazzjonijiet ta’ impenn u minn SSSS sa SSSS għall-approprjazzjonijiet ta’ pagament.

 durata mhux limitata

–Implimentazzjoni b’perjodu ta’ tnedija minn SSSS sa SSSS,

–segwita minn operazzjoni fuq skala sħiħa.

1.7.Metodu/i tal-implimentazzjoni tal-baġit ippjanat(i) 

 Ġestjoni diretta mill-Kummissjoni

– mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

– mill-aġenziji eżekuttivi

 Ġestjoni kondiviża mal-Istati Membri

 Ġestjoni indiretta billi jiġu fdati kompiti ta’ implimentazzjoni tal-baġit:

– lill-pajjiżi terzi jew lill-korpi nnominati minnhom

– lill-organizzazzjonijiet internazzjonali u lill-aġenziji tagħhom (għandhom jiġu speċifikati)

– lill-Bank Ewropew tal-Investiment u lill-Fond Ewropew tal-Investiment

– lill-korpi msemmija fl-Artikoli 70 u 71 tar-Regolament Finanzjarju

– lill-korpi tad-dritt pubbliku

– lill-korpi rregolati mid-dritt privat b’missjoni ta’ servizz pubbliku sakemm dawn ikollhom garanziji finanzjarji adegwati

– lill-korpi rregolati mid-dritt privat ta’ Stat Membru li jkunu fdati bl-implimentazzjoni ta’ sħubija pubblika-privata u li jkollhom garanziji finanzjarji adegwati

– lill-korpi jew lill-persuni fdati bl-implimentazzjoni ta’ azzjonijiet speċifiċi fil-Politika Estera u ta’ Sigurtà Komuni skont it-Titolu V tat-Trattat dwar l-Unjoni Ewropea, u identifikati fl-att bażiku rilevanti

–lill-korpi stabbiliti fi Stat Membru, irregolati mid-dritt privat ta’ Stat Membru jew mid-dritt tal-Unjoni u eliġibbli biex jiġu fdati, f’konformità mar-regoli speċifiċi għas-settur, bl-implimentazzjoni ta’ fondi tal-Unjoni jew ta’ garanziji baġitarji, sa fejn tali korpi jkunu kkontrollati minn korpi tad-dritt pubbliku jew minn korpi rregolati mid-dritt privat b’missjoni ta’ servizz pubbliku, u jkunu pprovduti b’garanziji finanzjarji adegwati fil-forma ta’ responsabbiltà in solidum mill-korpi kontrollanti jew b’garanziji finanzjarji ekwivalenti, li jistgħu, għal kull azzjoni, ikunu limitati għall-ammont massimu tal-appoġġ tal-Unjoni.

2.MIŻURI TA’ ĠESTJONI 

2.1.Regoli ta’ monitoraġġ u ta’ rapportar 

Il-monitoraġġ u r-rapportar tal-attivitajiet implimentati mill-Europol taħt ġestjoni indiretta se jsegwu d-dispożizzjonijiet stabbiliti fir-Regolament il-ġdid tal-Europol, ir-Regolament Finanzjarju 90 u f’konformità mal-Approċċ Komuni dwar l-aġenziji deċentralizzati 91 . Kull sena l-Europol tissottometti Dokument Uniku ta’ Programmazzjoni (SPD) lill-Kummissjoni, lill-Parlament Ewropew u lill-Kunsill, li jistabbilixxi l-programmi ta’ ħidma pluriennali u annwali, l-objettivi, ir-riżultati mistennija, u l-indikaturi tal-prestazzjoni tagħha. Dan id-dokument jitħejja b’kunsiderazzjoni tal-opinjoni tal-Kummissjoni u tal-Grupp ta’ Skrutinju Parlamentari Konġunt (JPSG). Barra minn hekk, l-Europol se tadotta Rapport Annwali tal-Attività Konsolidat (CAAR), li jivvaluta l-progress fil-konfront tal-objettivi tal-SPD. Il-Bord tat-Tmexxija japprova dan ir-rapport qabel ma jintbagħat lill-Kummissjoni, lill-Parlament Ewropew, lill-Kunsill, lill-Qorti tal-Awdituri, u lill-parlamenti nazzjonali sal-1 ta’ Lulju ta’ kull sena. Skont l-Artikolu 130 propost tar-Regolament rivedut tal-Europol, il-Kummissjoni se twettaq evalwazzjoni tal-Europol kull 5 snin, filwaqt li tivvaluta l-valur miżjud, l-impatt, l-effettività, l-effiċjenza u l-metodi ta’ ħidma tagħha. L-evalwazzjoni tista’ tipproponi modifiki strutturali jew operazzjonali, inklużi implikazzjonijiet finanzjarji. Il-Kummissjoni tissottometti r-rapport tagħha lill-Bord tat-Tmexxija, li jipprovdi osservazzjonijiet fi żmien 3 xhur. Imbagħad ir-rapport finali, flimkien mal-konklużjonijiet tal-Kummissjoni u l-osservazzjonijiet tal-Bord, jintbagħat lill-Parlament Ewropew, lill-Kunsill, lill-parlamenti nazzjonali, u lill-Bord tat-Tmexxija, u s-sejbiet ewlenin isiru pubbliċi fejn xieraq. Il-proposta ssaħħaħ ulterjorment ir-rwol tal-Bord tat-Tmexxija fid-definizzjoni u l-monitoraġġ tal-indikaturi tal-prestazzjoni, l-objettivi u l-prijoritajiet ta’ implimentazzjoni stabbiliti fl-SPD, il-programmi ta’ ħidma annwali korrispondenti u r-Rapport Annwali tal-Attività Konsolidat. Biex tappoġġa dawk il-funzjonijiet, il-proposta tistabbilixxi Bord Eżekuttiv u strutturi speċjalizzati ta’ Tmexxija u l-Grupp Konsultattiv tal-ICT u tal-Ġestjoni tal-Informazzjoni responsabbli għall-appoġġ tas-sorveljanza strateġika, il-monitoraġġ baġitarju u s-segwitu tal-implimentazzjoni operazzjonali u teknoloġika. Il-proposta ssaħħaħ ukoll ir-rabta bejn ir-rapportar dwar il-prestazzjoni u l-programmazzjoni strateġika billi tallinja l-kriterji ta’ evalwazzjoni tas-CAAR aktar mill-qrib mal-objettivi u l-indikaturi tal-prestazzjoni stabbiliti skont l-SPD u mal-istabbiliment tal-baġit annwali. Fl-aħħar nett, il-proposta ssaħħaħ ulterjorment il-qafas tal-governanza, tal-monitoraġġ u tal-akkontabbiltà tal-Europol. Issaħħaħ ir-rwol ta’ sorveljanza tal-Bord tat-Tmexxija billi testendi s-superviżjoni tiegħu lil hinn mill-indikaturi tal-prestazzjoni għall-eżerċitar effettiv tas-setgħat mogħtija lid-Direttur Eżekuttiv, u għall-monitoraġġ tal-prijoritajiet strateġiċi u operazzjonali. Il-Bord tat-Tmexxija se jkun jista’ wkoll jieħu azzjoni meta jitqajjem tħassib minn mill-inqas terz tal-membri tiegħu dwar kwistjoni operazzjonali jew ta’ governanza speċifika. Sabiex tappoġġa t-trasparenza, l-akkontabbiltà u l-kooperazzjoni effettiva bejn l-Istati Membri u l-Europol, l-Europol se tirrapporta kull sena lill-Kummissjoni, lill-Parlament Ewropew, lill-Kunsill u lill-parlamenti nazzjonali dwar l-informazzjoni kkontribwita mill-Istati Membri, inkluż fir-rigward tal-oqsma ta’ kriminalità prijoritarji tal-Unjoni. Dawk ir-rapporti se jkunu bbażati fuq kriterji kwantitattivi u kwalitattivi stabbiliti mill-Bord tat-Tmexxija. Il-Grupp ta’ Skrutinju Parlamentari Konġunt (JPSG) se jkompli jeżerċita skrutinju politiku fuq l-attivitajiet tal-Europol, b’mod partikolari fir-rigward tal-effettività operazzjonali, l-akkontabbiltà u l-konformità mal-obbligi tad-drittijiet fundamentali.

2.2.Sistema/i ta’ ġestjoni u ta’ kontroll 

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

Billi l-proposta tħalli impatt fuq il-kontribuzzjoni annwali tal-UE lill-Europol, il-baġit tal-UE se jiġi implimentat permezz ta’ ġestjoni indiretta. Skont il-prinċipju ta’ ġestjoni finanzjarja tajba, il-baġit tal-Europol għandu jiġi implimentat f’konformità ma’ kontroll intern effettiv u effiċjenti. Għalhekk, l-Europol hija marbuta li timplimenta strateġija ta’ kontroll xierqa kkoordinata fost l-atturi xierqa involuti fil-katina ta’ kontroll. Fir-rigward tal-kontrolli ex post, l-Europol, bħala aġenzija deċentralizzata, hija soġġetta b’mod partikolari għal: -awditu intern mis-Servizz tal-Awditjar Intern tal-Kummissjoni. -rapporti annwali mill-Qorti Ewropea tal-Awdituri, li jagħtu dikjarazzjoni ta’ aċċertament rigward l-affidabbiltà tal-kontijiet annwali u l-legalità u r-regolarità tat-tranżazzjonijiet sottostanti. -kwittanza annwali mogħtija mill-Parlament Ewropew. -investigazzjonijiet possibbli mwettqa mill-Uffiċċju Ewropew Kontra l-Frodi (OLAF) biex jiġi żgurat, b’mod partikolari, li r-riżorsi allokati lill-aġenziji jintużaw kif suppost. -Bħala DĠ sieħeb għall-Europol, id-DĠ HOME se jimplimenta l-Istrateġija ta’ Kontroll tiegħu fuq l-aġenziji deċentralizzati sabiex jiżgura rapportar affidabbli fil-qafas tar-Rapport Annwali tal-Attività (RAA) tiegħu. Filwaqt li l-aġenziji deċentralizzati għandhom responsabbiltà sħiħa għall-implimentazzjoni tal-baġit tagħhom, id-DĠ HOME huwa responsabbli għall-pagament regolari tal-kontribuzzjonijiet annwali stabbiliti mill-Awtorità Baġitarja. -Fl-aħħar nett, l-Ombudsman Ewropew jipprovdi saff ulterjuri ta’ kontroll u ta’ akkontabbiltà fl-Europol. Abbażi tal-evalwazzjoni tal-qafas legali attwali, il-Valutazzjoni tal-Impatt li takkumpanja l-proposta għal Regolament ġdid tal-Europol, u ż-żieda sinifikanti fir-riżorsi finanzjarji u umani li mistennija jappoġġaw l-implimentazzjoni tal-proposta, qegħdin jiġu introdotti mekkaniżmi addizzjonali ta’ governanza, ġestjoni u kontroll biex jissaħħu s-sorveljanza finanzjarja, l-akkontabbiltà u l-konformità mal-prinċipji ta’ ġestjoni finanzjarja tajba: -Skont il-qafas propost, meta l-Kummissjoni Ewropea tqis li abbozz ta’ deċiżjoni tal-Bord tat-Tmexxija, inkluż id-Dokument Uniku ta’ Programmazzjoni (SPD), iqajjem tħassib rigward il-konformità mad-dritt tal-Unjoni, il-mandat tal-Europol jew il-prinċipji ta’ ġestjoni finanzjarja tajba, hija tista’ titlob lill-Bord tat-Tmexxija jikkunsidra mill-ġdid l-abbozz ta’ deċiżjoni qabel l-adozzjoni tiegħu. -Il-Bord tat-Tmexxija għandu s-setgħa ta’ awtorità dixxiplinarja fuq id-Direttur Eżekuttiv, u b’hekk isaħħaħ l-akkontabbiltà b’rabta mal-ġestjoni operazzjonali u finanzjarja. -il-proposta tistabbilixxi Bord Eżekuttiv responsabbli, fost l-oħrajn, għall-monitoraġġ tas-segwitu għas-sejbiet u r-rakkomandazzjonijiet li jirriżultaw minn awditi interni u esterni, inklużi investigazzjonijiet imwettqa mill-OLAF u mill-UPPE, u għat-tħejjija u, fejn meħtieġ, għall-adozzjoni ta’ deċiżjonijiet baġitarji proviżorji soġġetti għall-validazzjoni sussegwenti mill-Bord tat-Tmexxija. Dawn il-miżuri huma maħsuba biex isaħħu l-kontroll intern, il-governanza finanzjarja u s-sorveljanza tal-implimentazzjoni baġitarja tal-Europol.

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

Huma identifikati r-riskji li ġejjin: -Żbilanċi bejn il-ħtiġijiet operazzjonali fuq terminu qasir u l-investimenti strateġiċi fit-tul, b’mod partikolari rigward il-migrazzjoni lejn infrastrutturi siguri tal-cloud u l-awtomatizzazzjoni tal-fluss tax-xogħol operazzjonali. -Allinjament ħażin bejn l-obbligi legali, il-prijoritajiet strateġiċi, l-ippjanar pluriennali u l-implimentazzjoni annwali, b’mod partikolari fil-qasam tal-kapaċitajiet tal-ICT u l-Ġestjoni tal-Informazzjoni. -Pressjoni fuq ir-riżorsi operazzjonali li tirriżulta minn volumi dejjem akbar ta’ data, talbiet operazzjonali u theddidiet għas-sigurtà li qegħdin jevolvu. -Il-kapaċità tal-Europol li tirrinforza l-persunal u l-kompetenzi dwar l-IM u l-ICT u tindirizza t-twessigħ tal-missjoni u l-kompiti tal-aġenzija. -Dewmien fir-reklutaġġ u ż-żamma tal-persunal speċjalizzat fl-ICT u l-persunal analitiku meħtieġ biex jappoġġa żviluppi teknoloġiċi kbar. -Żieda fil-kostijiet tal-manutenzjoni tal-ICT. -Nuqqas ta’ strateġija fit-tul għall-akkwist u l-ġestjoni tal-assi tal-ICT. -Kostijiet addizzjonali tal-konformità marbuta mal-użu ta’ għodod avvanzati analitiċi u bbażati fuq l-intelliġenza artifiċjali skont il-qafas regolatorju tal-Unjoni, inkluż l-Att dwar l-IA. -Żieda fl-ammont ta’ xogħol relatat mat-trattament tat-talbiet għall-aċċess tas-suġġetti tad-data. -Dipendenzi fuq l-implimentazzjoni fil-pront ta’ arranġamenti tekniċi u organizzazzjonali minn korpi u aġenziji oħra tal-Unjoni, b’mod partikolari l-UPPE. Rigward il-miżuri ta’ mitigazzjoni: -L-Europol timplimenta Qafas ta’ Kontroll Intern speċifiku bbażat fuq il-Qafas ta’ Kontroll Intern tal-Kummissjoni Ewropea u fuq il-qafas ta’ kontroll intern integrat oriġinali tal-Kumitat tal-Organizzazzjonijiet Sponsor. Id-Dokument Uniku ta’ Programmazzjoni jrid jipprovdi informazzjoni dwar is-sistemi ta’ kontroll intern, filwaqt li r-Rapport Annwali tal-Attività Konsolidat (CAAR) irid ikun fih informazzjoni dwar l-effiċjenza u l-effettività tas-sistemi ta’ kontroll intern, inkluż fir-rigward tal-valutazzjoni tar-riskju. Is-CAAR 2024 jirrapporta li, fuq il-bażi tal-analiżi tal-komponenti u tal-prinċipji tal-kontroll intern li ġew immonitorjati matul l-2019, bl-użu ta’ elementi kwantitattivi kif ukoll kwalitattivi, is-Sistema ta’ Kontroll Intern tal-Europol hija vvalutata bħala preżenti u tiffunzjona b’mod integrat fl-aġenzija kollha. -Livell ieħor ta’ superviżjoni interna huwa pprovdut ukoll mill-Kapaċità tal-Awditjar Intern tal-Europol, fuq il-bażi ta’ pjan tal-awditu annwali li b’mod partikolari jqis il-valutazzjoni tar-riskji fl-Europol. Il-Kapaċità tal-Awditjar Intern tgħin lill-Europol fl-ilħuq tal-objettivi tagħha billi ġġib magħha approċċ sistematiku u dixxiplinat għall-evalwazzjoni tal-effettività tal-ġestjoni tar-riskju, tal-kontroll u tal-proċessi ta’ governanza, u billi toħroġ rakkomandazzjonijiet għat-titjib tagħhom. -Bħala DĠ sieħeb tal-Europol, id-DĠ HOME jmexxi eżerċizzju annwali ta’ ġestjoni tar-riskju sabiex jidentifika u jivvaluta r-riskji għolja potenzjali relatati mal-operazzjonijiet tal-aġenziji, inkluża l-Europol. Ir-riskji meqjusa bħala kritiċi jiġu rrappurtati kull sena fil-pjan ta’ ġestjoni tad-DĠ HOME u jiġu akkumpanjati minn pjan ta’ azzjoni li jiddikjara l-azzjoni ta’ mitigazzjoni. -Il-Bord Eżekuttiv, introdott mill-proposta legali, għandu rwol kritiku ta’ awditjar billi jwettaq monitoraġġ u jiżgura l-akkontabbiltà fl-operazzjonijiet finanzjarji tal-Europol. Huwa responsabbli biex jissorvelja l-implimentazzjoni tal-baġit tal-Europol, jiżgura l-konformità mar-regoli finanzjarji u l-prinċipji ta’ ġestjoni finanzjarja tajba, filwaqt li jħejji deċiżjonijiet finanzjarji u baġitarji għall-adozzjoni mill-Bord tat-Tmexxija. Funzjoni ewlenija hija l-obbligu tiegħu li jiżgura segwitu adegwat għas-sejbiet u r-rakkomandazzjonijiet minn awditi interni u esterni, u għall-investigazzjonijiet imwettqa mill-OLAF u mill-UPPE, u b’hekk isaħħaħ it-trasparenza u l-integrità finanzjarja. Filwaqt li l-Bord innifsu ma jwettaqx awditi, huwa jirrieżamina r-rapporti tal-awditjar, jivvaluta l-implikazzjonijiet tagħhom, u jipproponi miżuri korrettivi biex jindirizza d-dgħufijiet jew l-irregolaritajiet identifikati, u b’hekk jaġixxi bħala gwardjan għall-integrità finanzjarja fl-Europol. -Fl-aħħar nett, il-grupp tat-tmexxija u l-grupp konsultattiv tal-ICT u tal-Ġestjoni tal-Informazzjoni u l-grupp konsultattiv dwar l-Innovazzjoni u l-Kapaċitajiet se jappoġġaw lill-Bord tat-Tmexxija fid-delineazzjoni tal-attivitajiet u tas-subattivitajiet relatati mal-ippjanar tal-baġit u mal-eżekuzzjoni tal-mandat u l-prijoritajiet strateġiċi tal-Aġenzija, b’mod partikolari billi jidentifikaw indikaturi konkreti u rappreżentattivi għall-attività tal-Aġenzija fid-dominju, u l-monitoraġġ tal-implimentazzjoni mill-Aġenzija tal-objettivi relatati mal-ICT u r-riżultati tanġibbli.

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq) 

Il-proporzjon tal-“kostijiet tal-kontroll/valur tal-pagamenti” jiġi rrapportat mill-Kummissjoni. Ir-RAA tal-2024 tad-DĠ HOME jirrapporta 0,10 % għal dan il-proporzjon b’rabta mal-Entitajiet Inkarigati mill-Ġestjoni Indiretta u l-Aġenziji Deċentralizzati, inkluża l-Europol. Il-Qorti Ewropea tal-Awdituri kkonfermat il-legalità u r-regolarità tal-kontijiet annwali tal-Europol għall-2024, li jimplika rata ta’ erruri ta’ anqas minn 2 %. Ma hemm l-ebda indikazzjoni li r-rata ta’ erruri se tmur għall-agħar fis-snin li ġejjin. Barra minn hekk, l-Artikolu 80 tar-Regolament Finanzjarju tal-Europol jipprevedi l-possibbiltà li l-aġenzija taqsam il-kapaċità tal-awditjar intern ma’ korpi oħrajn tal-Unjoni li jaħdmu fl-istess qasam ta’ politika jekk il-kapaċità tal-awditjar intern ta’ korp uniku tal-Unjoni ma tkunx kosteffettiva.

2.3.Miżuri għall-prevenzjoni ta’ frodi u ta’ irregolaritajiet 

Il-proposta tinkludi miżuri biex tiġi żgurata ġestjoni finanzjarja tajba u jiġu evitati l-frodi, l-irregolaritajiet u l-kunflitti ta’ interess fl-implimentazzjoni tal-finanzjament u tal-attivitajiet operazzjonali tal-Unjoni, b’mod partikolari l-Artikolu 128 d-dispożizzjonijiet finanzjarji skont il-Kapitolu XII. F’dan il-qafas legali, il-Bord tat-Tmexxija tal-Europol huwa meħtieġ jadotta u jaġġorna regolarment strateġija interna kontra l-frodi. L-Europol adottat strateġija aġġornata kontra l-frodi fil-25-26 ta’ Ġunju 2025. F’konformità ma’ dak il-qafas, l-Europol se tkompli tipparteċipa f’attivitajiet ta’ prevenzjoni tal-frodi mwettqa mill-OLAF u tirrapporta frodi u irregolaritajiet finanzjarji suspettati lill-Kummissjoni mingħajr dewmien. Il-proposta ssaħħaħ ukoll il-governanza interna u s-sorveljanza finanzjarja permezz tal-istabbiliment ta’ Bord Eżekuttiv responsabbli għall-monitoraġġ tas-sejbiet tal-awditjar u għall-iżgurar ta’ segwitu għar-rakkomandazzjonijiet tal-awditjar u tal-kontroll. Barra minn hekk, il-Kummissjoni żżomm is-setgħat li toġġezzjona għad-deċiżjonijiet tal-Bord tat-Tmexxija li jistgħu jwasslu għal riskji ta’ ġestjoni finanzjarja ħażina jew nuqqas ta’ konformità mad-dritt tal-Unjoni.  L-attivitajiet tal-Europol se jibqgħu soġġetti għall-oqfsa finanzjarji, tal-awditjar, tal-protezzjoni tad-data u tal-obbligu ta’ rendikont applikabbli tal-Unjoni, inklużi s-sorveljanza u l-investigazzjonijiet mill-OLAF, mill-UPPE, mill-Qorti tal-Awdituri u mill-Bord ta’ Kooperazzjoni tal-Europol. Id-DĠ HOME se jkompli japplika l-Istrateġija Kontra l-Frodi tiegħu f’konformità mal-Istrateġija tal-Kummissjoni Kontra l-Frodi (CAFS), li tkopri wkoll l-aġenziji deċentralizzati fil-kompiti tagħha, inkluża l-Europol.

3.IMPATT FINANZJARJU STMAT TAL-PROPOSTA/TAL-INIZJATTIVA 

L-impatt stmat fuq in-nefqa u l-persunal għall-2028 u lil hinn jiżdied għal skopijiet illustrattivi biss u ma jippreġudikax il-Qafas Finanzjarju Pluriennali li jmiss. Is-sors ta’ finanzjament u l-ambitu tal-impenn finanzjarju tal-Unjoni fil-perjodu ta’ wara l-2027 jibqgħu soġġetti għall-eżitu tan-negozjati interistituzzjonali dwar il-QFP 2028-2034 u wara dan għandhom jiġu determinati permezz tal-proċedura baġitarja annwali. L-approprjazzjonijiet u l-allokazzjonijiet tal-persunal kollha mill-2028 huma indikattivi.

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i 

·Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

Intestatura tal-qafas finanzjarju pluriennali	Linja baġitarja	Tip ta’ nefqa	Kontribuzzjoni
	1: Koeżjoni ekonomika, soċjali u territorjali, agrikoltura u żvilupp rurali, affarijiet marittimi, prosperità u sigurtà	Diff./Mhux diff 92 .	mill-pajjiżi tal-EFTA 93	minn pajjiżi kandidati u minn kandidati potenzjali 94	Minn pajjiżi terzi oħra	dħul assenjat ieħor
	L-aġenziji deċentralizzati L-Europol	Mhux diff.	IVA/LE	IVA/LE	IVA/LE	IVA/LE

3.2 Impatt finanzjarju stmat tal-proposta fuq l-approprjazzjonijiet

3.2.1.Sommarju tal-impatt stmat fuq l-approprjazzjonijiet operazzjonali 

–    Il-proposta/L-inizjattiva ma teħtieġx l-użu ta’ approprjazzjonijiet operazzjonali

–    Il-proposta/L-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt

3.2.1.1.Approprjazzjonijiet mill-baġit ivvutat

miljuni ta’ EUR (sa tliet pożizzjonijiet deċimali)

Intestatura tal-qafas finanzjarju pluriennali

1

Koeżjoni ekonomika, soċjali u territorjali, agrikoltura u żvilupp rurali, affarijiet marittimi, prosperità u sigurtà / Pjanijiet ta’ Sħubija Nazzjonali u Reġjonali

miljuni ta’ EUR (sa tliet pożizzjonijiet deċimali)

[Aġenzija]: L-Europol	Sena 2028	Sena 2029	Sena 2030	Sena 2031	Sena 2032	Sena 2033	Sena 2034	TOTAL QFP 2028-2034
Linja baġitarja: 12 10 01 Europol / Kontribuzzjoni tal-Baġit tal-UE lill-aġenzija 95	57,512	92,346	120,831	150,385	178,830	207,164	234,384	1041,452
Linja baġitarja: 11 10 02 eu-LISA / Kontribuzzjoni tal-Baġit tal-UE lill-aġenzija 96	0,756	1,687	1,863	1,863	1,863	1,863	1,863	11,758
Total Europol u eu-LISA	58,268	94,033	122,694	152,248	180,693	209,027	236,247	1053,21

			Sena	Sena	Sena	Sena	Sena	Sena	Sena	TOTAL QFP 2028-2034
			2028	2029	2030	2031	2032	2033	2034
TOTAL tal-approprjazzjonijiet operazzjonali (inkluż il-kontribuzzjoni għall-aġenzija deċentralizzata)	Impenji	(4)	58,268	94,033	122,694	152,248	180,693	209,027	236,247	1053,21
	Pagamenti	(5)	58,268	94,033	122,694	152,248	180,693	209,027	236,247	1053,21
TOTAL tal-approprjazzjonijiet ta’ natura amministrattiva ffinanzjati mill-pakkett għal programmi speċifiċi		(6)	0	0	0	0	0	0	0	0
TOTAL tal-approprjazzjonijiet skont l-INTESTATURA 1	Impenji	=4+6	58,268	94,033	122,694	152,248	180,693	209,027	236,247	1053,21
tal-qafas finanzjarju pluriennali	Pagamenti	=5+6	58,268	94,033	122,694	152,248	180,693	209,027	236,247	1053,21

miljuni ta’ EUR (sa tliet pożizzjonijiet deċimali)

Intestatura tal-qafas finanzjarju pluriennali

4

“Nefqa amministrattiva”

miljuni ta’ EUR (sa tliet pożizzjonijiet deċimali)

DĠ: HOME		Sena	Sena	Sena			Sena			Sena	Sena	Sena	TOTAL QFP 2028-2034
		2028	2029	2030			2031			2032	2033	2034
Riżorsi umani		0,496	0,496	0,690			0,690			0,884	0,884	1,078	5,218
Nefqa amministrattiva oħra		0,268	0,518	0,268			0,518			0,268	0,518	0,268	2,626
TOTAL TAD-DĠ HOME		0,764	1,014	0,958			1,208			1,152	1,402	1,346	7,844
TOTAL tal-approprjazzjonijiet skont l-INTESTATURA 4 tal-qafas finanzjarju pluriennali  (Total tal-impenji = Total tal-pagamenti)		0,764	1,014	0,958			1,208			1,152	1,402	1,346	7,844

miljuni ta’ EUR (sa tliet pożizzjonijiet deċimali)

		Sena	Sena	Sena	Sena	Sena	Sena	Sena	TOTAL QFP 2028-2034
		2028	2029	2030	2031	2032	2033	2034
TOTAL tal-approprjazzjonijiet skont l-INTESTATURI 1 sa 4	Impenji	59 032	95 047	123 652	153 456	181 845	210 429	237 593	1 061 054
tal-qafas finanzjarju pluriennali	Pagamenti	59 032	95 047	123 652	153 456	181 845	210 429	237 593	1 061 054

L-impatt stmat fuq in-nefqa u l-persunal għall-2028 u lil hinn jiżdied għal skopijiet illustrattivi biss u ma jippreġudikax il-Qafas Finanzjarju Pluriennali li jmiss. Is-sors ta’ finanzjament u l-ambitu tal-impenn finanzjarju tal-Unjoni fil-perjodu ta’ wara l-2027 jibqgħu soġġetti għall-eżitu tan-negozjati interistituzzjonali dwar il-QFP 2028-2034 u wara dan għandhom jiġu determinati permezz tal-proċedura baġitarja annwali. L-approprjazzjonijiet u l-allokazzjonijiet tal-persunal kollha mill-2028 huma indikattivi.

3.2.2.Output stmat iffinanzjat minn approprjazzjonijiet operazzjonali

Ir-riżorsi u l-approprjazzjonijiet operazzjonali addizzjonali meħtieġa esklużivament għall-Europol biex tilħaq it-tliet Objettivi Speċifiċi differenti u timplimenta l-azzjonijiet korrispondenti, u għall-eu-LISA marbuta mal-implimentazzjoni tal-kompiti delegati lill-aġenzija f’dan ir-Regolament, jammontaw għal EUR 1,053 biljun u 910 membru tal-persunal addizzjonali taħt il-baġit taż-żewġ aġenziji. Dawk l-approprjazzjonijiet u r-riżorsi addizzjonali jammontaw għall-ispiża tal-miżuri eżistenti tal-baġit tal-Europol (EUR 1,946 biljun u 1 226 membru tal-persunal) għal somma globali ta’ EUR 2,999 biljun u 2 126 membru tal-persunal taħt il-baġit tal-Europol, u 10 membri tal-persunal addizzjonali għall-baġit tal-eu-LISA marbuta mal-implimentazzjoni tal-kompiti delegati lill-aġenzija f’dan ir-Regolament. Dawk l-approprjazzjonijiet u r-riżorsi operazzjonali addizzjonali se jkunu ddedikati bis-sħiħ biex jappoġġaw:

–OS1: il-Ġestjoni tal-Informazzjoni u l-ICT tal-Europol.

–OS2: iċ-Ċentri tal-Unjoni ta’ għarfien espert speċjalizzat, l-Uffiċċji ta’ Appoġġ tal-Europol, l-appoġġ dedikat għall-UPPE.

–OS3: il-kapaċità ta’ riċerka, innovazzjoni u bini tal-kapaċitajiet tal-Europol.

Fl-istess ħin, huwa mistenni li l-funzjonijiet ta’ governanza tal-Europol se jibqgħu ġeneralment stabbli f’termini ta’ persunal, minħabba t-titjib fl-effiċjenza ġġenerat mill-proposta, b’mod partikolari permezz tas-simplifikazzjoni u r-razzjonalizzazzjoni tal-proċeduri relatati mal-protezzjoni tad-data, u b’hekk se jiġu limitati l-ħtiġijiet addizzjonali ta’ persunal għall-funzjonijiet ta’ governanza orizzontali u amministrattivi.

Objettiv Speċifiku	Kost	F’miljuni ta’ EUR	Persunal
	Xenarju bażi 2027	1 796,200	1 226
M/A	Inflazzjoni	149,590	0
	Miżuri eżistenti	1 945,790	1 226
OS1	Aġġornament tas-sistemi u l-għodod eżistenti	130,070	115
	Aċċess għall-bażijiet tad-data nazzjonali	37,857	53
	Integrazzjoni mas-sistemi nazzjonali	25,400	34
	Il-Cloud tal-Pulizija Diġitali tal-UE	415,415	194
OS2	L-Uffiċċji ta’ appoġġ tal-Europol	112,163	157
	Iċ-Ċentri tal-Unjoni ta’ għarfien espert speċjalizzat	118,703	171
	Il-kooperazzjoni interaġenzjali	18,801	26
	L-appoġġ dedikat għall-UPPE	40,895	70
OS3	Kapaċitajiet avvanzati	117,615	50
	Appoġġ tekniku u akkwist	36,292	40
	Miżuri ġodda	1 053,210	910
	TOTAL	2 990,000	2 136

3.2.3Sommarju tal-impatt stmat fuq l-approprjazzjonijiet amministrattivi

–    Il-proposta/L-inizjattiva ma teħtieġx l-użu ta’ approprjazzjonijiet ta’ natura amministrattiva

–    Il-proposta/L-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt

3.2.3.1. Approprjazzjonijiet mill-baġit ivvutat

APPROPRJAZZJONIJIET IVVUTATI	Sena	Sena	Sena	Sena	Sena	Sena	Sena	TOTAL 2028 - 2034
	2028	2029	2030	2031	2032	2033	2034
INTESTATURA 4
Riżorsi umani	0,496	0,496	0,690	0,690	0,884	0,884	1,078	5,218
Nefqa amministrattiva oħra	0,268	0,518	0,268	0,518	0,268	0,518	0,268	2,626
Subtotal tal-INTESTATURA 4	0,764	1,014	0,958	1,208	1,152	1,402	1,346	7,844
Barra mill-INTESTATURA 4
Riżorsi umani	0,000	0,000	0,000	0,000	0,000	0,000	0,000	0,000
Nefqa oħra ta’ natura amministrattiva	0,000	0,000	0,000	0,000	0,000	0,000	0,000	0,000
Subtotal barra mill-INTESTATURA 4	0,000	0,000	0,000	0,000	0,000	0,000	0,000	0,000
TOTAL	0,764	1,014	0,958	1,208	1,152	1,402	1,346	7,844

L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ diġà assenjati għall-ġestjoni tal-azzjoni u/jew diġà riallokati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ ta’ ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

L-impatt stmat fuq in-nefqa u l-persunal għall-2028 u lil hinn jiżdied għal skopijiet illustrattivi biss u ma jippreġudikax il-Qafas Finanzjarju Pluriennali li jmiss. Is-sors ta’ finanzjament u l-ambitu tal-impenn finanzjarju tal-Unjoni fil-perjodu ta’ wara l-2027 jibqgħu soġġetti għall-eżitu tan-negozjati interistituzzjonali dwar il-QFP 2028-2034 u wara dan għandhom jiġu determinati permezz tal-proċedura baġitarja annwali. L-approprjazzjonijiet u l-allokazzjonijiet tal-persunal kollha mill-2028 huma indikattivi.

3.2.4.Rekwiżiti stmati ta’ riżorsi umani

–    Il-proposta/L-inizjattiva ma teħtieġx l-użu ta’ riżorsi umani

–    Il-proposta/L-inizjattiva teħtieġ l-użu ta’ riżorsi umani, kif spjegat hawn taħt

3.2.4.1.Iffinanzjati mill-baġit ivvutat

L-istima għandha tiġi espressa f’unitajiet ekwivalenti għall-full-time (FTEs)

APPROPRJAZZJONIJIET IVVUTATI		Sena	Sena	Sena	Sena	Sena	Sena	Sena
		2028	2029	2030	2031	2032	2033	2034
Pożizzjonijiet fit-tabella tal-persunal (uffiċjali u persunal temporanju)
20 01 02 01 (Kwartieri Ġenerali u Uffiċċji tar-Rappreżentanza tal-Kummissjoni)		2	2	3	3	4	4	5
20 01 02 03 (Delegazzjonijiet tal-UE)		0	0	0	0	0	0	0
(Riċerka indiretta)		0	0	0	0	0	0	0
(Riċerka diretta)		0	0	0	0	0	0	0
Linji baġitarji oħra (speċifika)		0	0	0	0	0	0	0
• Persunal estern (f’FTEs)
20 02 01 (AC, END mill-“pakkett globali”)		1	1	1	1	1	1	1
20 02 03 (AC, AL, END u JPD fid-Delegazzjonijiet tal-UE)		0	0	0	0	0	0	0
Linja ta’ appoġġ Ammin.	·fil-Kwartieri Ġenerali	0	0	0	0	0	0	0
[XX.01.YY.YY]	·fid-Delegazzjonijiet tal-UE	0	0	0	0	0	0	0
(AC, END - Riċerka indiretta)		0	0	0	0	0	0	0
(AC, END - Riċerka diretta)		0	0	0	0	0	0	0
Linji baġitarji oħra (speċifika) - Intestatura 4		0	0	0	0	0	0	0
Linji baġitarji oħra (speċifika) - Barra mill-Intestatura 4		0	0	0	0	0	0	0
TOTAL		3	3	4	4	5	5	6

Considering the overall strained situation in Heading 4, in terms of both staffing and the level of appropriations, the human resources required will be met by staff from the DG who are already assigned to the management of the action and/or have been redeployed within the DG or other Commission services.

Il-persunal meħtieġ għall-implimentazzjoni tal-proposta (f’FTEs):

	Għandu jiġi kopert mill-persunal attwali disponibbli fis-servizzi tal-Kummissjoni	Persunal addizzjonali eċċezzjonali *
		Għandu jiġi ffinanzjat skont l-Intestatura 4 jew skont ir-Riċerka	Għandu jiġi ffinanzjat mil-linja BA	Għandu jiġi ffinanzjat mit-tariffi
Pożizzjonijiet fit-tabella tal-persunal	5		M/A
Persunal estern (CA, SNEs, INT)	1

Deskrizzjoni tal-kompiti li jridu jitwettqu minn:

Uffiċjali u persunal temporanju

2 ADs fil-fażi ta’ stabbiliment iddedikati għall-perjodu 2028-2029 inkarigati mill-adozzjoni tal-leġiżlazzjoni sekondarja, li jinżammu fil-fażi “tat-tħaddim”, biex jieħdu ħsieb l-atti ta’ implimentazzjoni dejjem jikbru relatati mal-pjattaformi u s-sistemi tal-Ġestjoni tal-Informazzjoni, li jeħtieġ li jiġu adattati fuq bażi regolari f’konformità mal-evoluzzjoni kostanti tal-għodod tal-infurzar tal-liġi b’mod partikolari relatati mal-forensika u l-analitika, u l-aspetti korrispondenti tal-protezzjoni tad-data 1 AD speċjalista fil-kontabbiltà tal-kostijiet u fl-istrateġija tar-Riċerka u l-Innovazzjoni u l-IM, b’rabta kemm mal-IM Eżekuttiv kif ukoll mal-Grupp tat-Tmexxija tal-ICT 1 AD b’ħiliet baġitarji biex jappoġġa/tappoġġa l-irduppjar tar-rappreżentanza fil-Bord tat-Tmexxija, għall-ħolqien tal-Bord Eżekuttiv u l-obbligi addizzjonali ta’ monitoraġġ 1 AST: appoġġ u tħejjija għal-laqgħat u l-briefings addizzjonali tal-korpi addizzjonali (14+ fis-sena)

Persunal estern

1 SNE: appoġġ ta’ għarfien espert fil-ġestjoni tal-informazzjoni, il-protezzjoni tad-data, ir-riċerka u l-innovazzjoni: jipparteċipa/tipparteċipa fil-grupp konsultattiv tal-IM u tal-ICT

L-impatt stmat fuq in-nefqa u l-persunal għall-2028 u lil hinn jiżdied għal skopijiet illustrattivi biss u ma jippreġudikax il-Qafas Finanzjarju Pluriennali li jmiss. Is-sors ta’ finanzjament u l-ambitu tal-impenn finanzjarju tal-Unjoni fil-perjodu ta’ wara l-2027 jibqgħu soġġetti għall-eżitu tan-negozjati interistituzzjonali dwar il-QFP 2028-2034 u wara dan għandhom jiġu determinati permezz tal-proċedura baġitarja annwali. L-approprjazzjonijiet u l-allokazzjonijiet tal-persunal kollha mill-2028 huma indikattivi.

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali

3.2.6.Kompatibbiltà mal-qafas finanzjarju pluriennali attwali (ma għandhiex timtela għall-aġenziji deċentralizzati)

3.2.7.Kontribuzzjonijiet ta’ partijiet terzi 

Il-proposta/L-inizjattiva:

–    ma tipprevedix kofinanzjament minn partijiet terzi

–    tipprevedi l-kofinanzjament minn partijiet terzi kif stmat hawn taħt:

Approprjazzjonijiet f’miljuni ta’ EUR (sa tliet pożizzjonijiet deċimali)

	Sena	Sena	Sena	Sena	Sena	Sena	Sena	Total
	2028	2029	2030	2031	2032	2033	2034
Speċifika l-korp ta’ kofinanzjament
TOTAL tal-approprjazzjonijiet kofinanzjati

3.2.8.Riżorsi umani stmati u l-użu tal-approprjazzjonijiet meħtieġa f’aġenzija deċentralizzata 

L-ammont ta’ approprjazzjonijiet li għandhom jiġu allokati lill-aġenziji fil-QFP li jmiss huwa indikattiv u soġġett għall-ftehim dwar il-QFP. Dan għandu jiġi integrat fis-sussidju tal-Aġenziji minħabba n-natura permanenti tal-kompiti allokati minn din il-proposta u se jiġi kkumpensat, jekk ikun rilevanti, bi tnaqqis ekwivalenti ta’ pakkett ta’ programmi rilevanti taħt l-istess intestatura tal-QFP. Jekk ikun meħtieġ tnaqqis kumpensatorju, jista’ jkun meħtieġ ukoll li r-riżorsi allokati lill-Aġenziji jiġu riveduti permezz tal-proċedura baġitarja annwali.

Rekwiżiti ta’ persunal (f’unitajiet ekwivalenti għall-full-time):

Aġenzija: L-Europol	Is-sena 2028	Is-sena 2029	Is-sena 2030	Is-sena 2031	Is-sena 2032	Is-sena 2033	Is-sena 2034
Aġenti temporanji (Gradi AD)	109	216	322	429	535	637	749
Aġenti temporanji (Gradi AST)	0	0	0	0	0	0	0
Subtotal tal-aġenti temporanji (AD+AST)	109	216	322	429	535	637	749
Aġenti kuntrattwali	0	10	19	36	51	64	77
Esperti nazzjonali sekondati	12	22	34	45	53	64	74
Subtotal tal-aġenti kuntrattwali u tal-esperti nazzjonali sekondati	12	32	53	81	104	128	151
TOTAL tal-persunal	121	248	375	510	639	765	900

Approprjazzjonijiet koperti mill-kontribuzzjoni tal-baġit tal-UE f’miljuni ta’ EUR (sa tliet pożizzjonijiet deċimali) 97 :

Aġenzija: L-Europol	Is-sena 2028	Is-sena 2029	Is-sena 2030	Is-sena 2031	Is-sena 2032	Is-sena 2033	Is-sena 2034	TOTAL 2028 - 2034
Titolu 1: Nefqa fuq il-persunal	12 491	37 722	63 154	89 056	115 069	140 307	166 197	623 996
Titolu 2: Nefqa infrastratturali u operattiva
Titolu 3: Nefqa operazzjonali	45 021	54 624	57 677	61 329	63 761	66 857	68 187	417 456
TOTAL tal-approprjazzjonijiet koperti mill-baġit tal-UE	57 512	92 346	120 831	150 385	178 830	207 164	234 384	1 041 452

Ħarsa ġenerali/sommarju tar-riżorsi umani u l-approprjazzjonijiet (f’miljuni ta’ EUR) meħtieġa mill-proposta/inizjattiva f’aġenzija deċentralizzata 98 :

Aġenzija: L-Europol	Is-sena 2028	Is-sena 2029	Is-sena 2030	Is-sena 2031	Is-sena 2032	Is-sena 2033	Is-sena 2034	TOTAL 2028 - 2034
Aġenti temporanji (AD+AST)	109	216	322	429	535	637	749	749
Aġenti kuntrattwali	0	10	19	36	51	64	77	77
Esperti nazzjonali sekondati	12	22	34	45	53	64	74	74
Total tal-persunal	121	248	375	510	639	765	900	900
Approprjazzjonijiet koperti mill-baġit tal-UE	57 512	92 346	120 831	150 385	178 830	207 164	234 384	1 041 452
Approprjazzjonijiet koperti minn tariffi (jekk applikabbli)	0,000	0,000	0,000	0,000	0,000	0,000	0,000	0,000
Approprjazzjonijiet kofinanzjati (jekk applikabbli)	0,000	0,000	0,000	0,000	0,000	0,000	0,000	0,000
TOTAL tal-approprjazzjonijiet	57 512	92 346	120 831	150 385	178 830	207 164	234 384	1 041 452

Rekwiżiti ta’ persunal (f’unitajiet ekwivalenti għall-full-time):

Aġenzija: eu-LISA	Is-sena 2028	Is-sena 2029	Is-sena 2030	Is-sena 2031	Is-sena 2032	Is-sena 2033	Is-sena 2034
Aġenti temporanji (Gradi AD)	7	7	7	7	7	7	7
Aġenti temporanji (Gradi AST)	0	0	0	0	0	0	0
Subtotal tal-aġenti temporanji (AD+AST)	7	7	7	7	7	7	7
Aġenti kuntrattwali	0	3	3	3	3	3	3
Esperti nazzjonali sekondati	0	0	0	0	0	0	0
Subtotal tal-aġenti kuntrattwali u tal-esperti nazzjonali sekondati	0	3	3	3	3	3	3
TOTAL tal-persunal	7	10	10	10	10	10	10

Approprjazzjonijiet koperti mill-kontribuzzjoni tal-baġit tal-UE f’miljuni ta’ EUR (sa tliet pożizzjonijiet deċimali) 99 :

Aġenzija: eu-LISA	Is-sena 2028	Is-sena 2029	Is-sena 2030	Is-sena 2031	Is-sena 2032	Is-sena 2033	Is-sena 2034	TOTAL 2028 - 2034
Titolu 1: Nefqa fuq il-persunal	0,756	1,687	1,863	1,863	1,863	1,863	1,863	11,758
Titolu 2: Nefqa infrastratturali u operattiva
Titolu 3: Nefqa operazzjonali	p.m.	p.m.	p.m.	p.m.	p.m.	p.m.	p.m.	p.m.
TOTAL tal-approprjazzjonijiet koperti mill-baġit tal-UE	0,756	1,687	1,863	1,863	1,863	1,863	1,863	11,758

Kwalunkwe ħtieġa addizzjonali tal-baġit għall-eu-LISA marbuta mal-implimentazzjoni tal-kompiti delegati lill-aġenzija f’dan ir-Regolament se tiġi kkumpensata mill-approprjazzjonijiet allokati lill-Europol f’din l-LFDS.

Ħarsa ġenerali/sommarju tar-riżorsi umani u l-approprjazzjonijiet (f’miljuni ta’ EUR) meħtieġa mill-proposta/inizjattiva f’aġenzija deċentralizzata 100 :

Aġenzija: eu-LISA	Is-sena 2028	Is-sena 2029	Is-sena 2030	Is-sena 2031	Is-sena 2032	Is-sena 2033	Is-sena 2034	TOTAL 2028 - 2034
Aġenti temporanji (AD+AST)	7	7	7	7	7	7	7	7
Aġenti kuntrattwali	0	3	3	3	3	3	3	3
Esperti nazzjonali sekondati	0	0	0	0	0	0	0	0
Total tal-persunal	7	10	10	10	10	10	10	10
Approprjazzjonijiet koperti mill-baġit tal-UE	0,756	1,687	1,863	1,863	1,863	1,863	1,863	11,758
Approprjazzjonijiet koperti minn tariffi (jekk applikabbli)	0,000	0,000	0,000	0,000	0,000	0,000	0,000	0,000
Approprjazzjonijiet kofinanzjati (jekk applikabbli)	0,000	0,000	0,000	0,000	0,000	0,000	0,000	0,000
TOTAL tal-approprjazzjonijiet	0,756	1,687	1,863	1,863	1,863	1,863	1,863	11,758

Kwalunkwe ħtieġa addizzjonali tal-baġit għall-eu-LISA marbuta mal-implimentazzjoni tal-kompiti delegati lill-aġenzija f’dan ir-Regolament se tiġi kkumpensata mill-approprjazzjonijiet allokati lill-Europol f’din l-LFDS.

Dimensjonijiet diġitali

4.1.Rekwiżiti ta’ rilevanza diġitali

Referenza għar-rekwiżit	Deskrizzjoni tar-rekwiżit	Atturi affettwati jew ikkonċernati mir-rekwiżit	Proċessi ta’ livell għoli	Kategoriji
L-Artikolu 8(7)	L-Istati Membri jwieġbu għat-talba tal-Europol għall-informazzjoni u għall-intelligence kriminali biex jikkontribwixxu għall-miżuri ta’ koordinazzjoni.	L-Europol L-AK tal-iSM	Skambju tal-informazzjoni Aċċess għall-informazzjoni tal-iSM	Diġitalizzazzjoni u awtomatizzazzjoni tal-proċessi Data Servizz pubbliku diġitali
L-Artikolu 9(2)	L-Istati Membri jiżguraw l-aċċess tal-Europol għall-informazzjoni aċċessibbli mill-Uffiċċji għall-Irkupru tal-Assi (ARO) u jżommu livell ta’ aċċessibbiltà diretta.	L-Europol L-AROs tal-iSM	Skambju tal-informazzjoni Aċċess għall-informazzjoni tal-iSM	Servizzi pubbliċi diġitali Data
L-Artikolu 9(3)	L-Istati Membri għandhom jinformaw lill-Europol dwar id-deċiżjoni ta’ ebda ffriżar. Hekk kif issir it-talba tal-Europol, il-LEA tal-iSM tieħu azzjoni immedjata f’każ ta’ riskju ta’ għajbien ta’ proprjetà.	L-Europol Il-LEA tal-iSM	Skambju tal-informazzjoni Talba għall-iffriżar	Servizzi pubbliċi diġitali Data
L-Artikoli 9(4) u 9(5)	L-Unitajiet ta’ Investigazzjoni Finanzjarja (UIF) tal-Istati Membri għandhom iwieġbu għat-talbiet tal-Europol (riflessjoni tal-Artikolu 12 tad-Direttiva 2019/1153).	L-Europol L-UIF tal-iSM L-ENUs tal-iSM	Skambju tal-informazzjoni Europol-UIF Analiżi	Servizzi pubbliċi diġitali Data
L-Artikoli 7(1) u 7(2)	Prodotti analitiċi tal-Europol ta’ natura operazzjonali u strateġika abbażi tal-informazzjoni pprovduta mill-Istati Membri, mill-korpi rilevanti tal-Unjoni u mill-OSINT.	L-Europol, il-Kummissjoni, il-LEA tal-iSM, il-Kunsill	Analiżi Rapport	Diġitalizzazzjoni u awtomatizzazzjoni tal-proċessi Data
L-Artikolu 7(2)	L-appoġġ tal-Europol għal metodoloġiji u standards komuni dwar prodotti analitiċi.	L-Europol U l-benefiċjarji: Il-LEA tal-iSM, il-Kunsill, il-Kummissjoni, l-Eurojust/l-EUBOAs	Standardizzazzjoni Analiżi	Data
L-Artikoli 7(3) u 7(4)	L-iSM, l-EUBOA jipprovdu informazzjoni lill-Europol għall-prodotti analitiċi strateġiċi u operazzjonali.	L-Europol L-iSM (inġenerali) L-EUBOAs	Analiżi Skambju tal-informazzjoni kondiviżjoni mal-Europol	Servizzi pubbliċi diġitali Data
L-Artikolu 11	Flussi tad-data fil-kuntest tat-talbiet mill-Europol biex tinbeda investigazzjoni kriminali.	L-Europol Stati Membri (unitajiet nazzjonali) Eurojust UPPE	Kooperazzjoni operazzjonali	Data
L-Artikoli 12 u 13	Il-koordinazzjoni tal-Europol għat-trattament tal-għoti tal-informazzjoni u t-talba għaliha.	L-Europol L-AK tal-iSM, il-pajjiżi terzi, l-organizzazzjonijiet internazzjonali, EUBOAs	Skambju tal-Informazzjoni Analiżi	Diġitalizzazzjoni u awtomatizzazzjoni tal-proċessi Servizz pubbliku diġitali
L-Artikolu 18(a)	Il-kooperazzjoni tal-Europol mal-awtoritajiet kompetenti fil-kuntest tal-ordni ta’ tneħħija ta’ kontenut terroristiku online.	L-Europol L-AK tal-iSM Il-partijiet privati	Skambju tal-Informazzjoni ma’ CA u PP Ordnijiet ta’ tneħħija tal-kontenut terroristiku online	Servizzi pubbliċi diġitali Data
L-Artikolu 18(a)	Riferimenti tal-Europol lill-fornituri tas-servizzi online.	L-Europol L-AK tal-iSM Il-partijiet privati	Skambju tal-informazzjoni mal-PP Riferimenti tal-kontenut terroristiku online	Servizzi pubbliċi diġitali Data
L-Artikolu 18(c)	L-appoġġ tal-Europol għar-rispons għall-kriżijiet.	L-Europol L-AK tal-iSM Il-partijiet privati	Skambju tal-informazzjoni Rispons għall-kriżijiet	Servizz pubbliku diġitali Data
L-Artikolu 16(a)	L-Europol tappoġġa lill-ARO fit-traċċar u fl-identifikazzjoni tal-mezzi strumentali, tar-rikavati u tal-proprjetajiet, li huma, jew li jistgħu jsiru, is-suġġett ta’ ordni ta’ ffriżar jew ta’ konfiska, f’konformità mal-Artikolu 6.	L-Europol L-AROs tal-iSM	Skambju tal-informazzjoni Proċedura tal-iffriżar	Servizz pubbliku diġitali Data
L-Artikolu 16(c)	Appoġġ operazzjonali u analitiku tal-Europol lill-UPPE.	L-Europol UPPE	Skambju tal-informazzjoni Analiżi	Servizz pubbliku diġitali Data
L-Artikolu 21(4)	L-Europol tista’ tipproċessa informazzjoni waqt li tkun parti mill-iSIK	L-Europol L-AK tal-iSM	Ġbir Analiżi tal-informazzjoni	Data
L-Artikolu 22(5)(a)	L-Unitajiet nazzjonali tal-Europol (ENUs) jirċievu messaġġi skambjati bejn l-Europol u l-awtoritajiet kompetenti tagħhom.	L-ENUs tal-iSM L-AK tal-iSM L-Europol	Skambju tal-informazzjoni bejn l-Europol u l-iSM	Diġitalizzazzjoni u awtomatizzazzjoni tal-proċessi Data Servizz pubbliku diġitali
L-Artikolu 22(5)(b)	L-ENUs għandhom aċċess għad-data tal-infurzar tal-liġi nazzjonali u għad-data rilevanti meħtieġa għall-kooperazzjoni mal-Europol.	L-ENUs tal-iSM L-Europol	aċċess għad-data tal-iSM	Data Diġitalizzazzjoni u awtomatizzazzjoni tal-proċessi Servizz pubbliku diġitali
L-Artikoli 22(8), 25(6) u 26	L-użu tekniku u operazzjonali tas-sistemi u l-għodod tal-Europol fil-livell nazzjonali mill-ENUs u mill-Uffiċċji ta’ Appoġġ tal-Europol (ESO). L-Europol jipprovdi l-persunal lill-ESO, ikopri l-kost tal-konnessjoni tal-ENUs, u jipprovdi appoġġ tekniku u finanzjarju lill-ENUs.	L-Europol L-ENUs tal-iSM Il-LEA tal-iSM	Użu	Diġitalizzazzjoni u awtomatizzazzjoni tal-proċessi
L-Artikolu 28	Sorsi ta’ informazzjoni disponibbli għall-Europol.	L-Europol, l-UPPE, l-awtoritajiet tal-infurzar tal-liġi tal-Istati Membri (LEA) Il-partijiet privati Il-pajjiżi terzi u l-organizzazzjonijiet internazzjonali	Ġbir tal-informazzjoni	Data
L-Artikolu 29	L-għoti obbligatorju ta’ informazzjoni mill-Istati Membri lill-Europol permezz tal-kanal SIENA, inkluż l-uffiċjali għall-komunikazzjoni dwar l-immigrazzjoni.	L-AK tal-iSM L-Europol L-uffiċjali għall-komunikazzjoni dwar l-immigrazzjoni	kondiviżjoni mal-Europol	Data Servizz pubbliku diġitali
L-Artikolu 29(3)	L-użu tal-kanal tas-SIENA mill-Istati Membri.	L-AK tal-iSM L-Europol	kondiviżjoni mal-Europol Aċċess għad-data tal-iSM mill-Europol	Diġitalizzazzjoni u awtomatizzazzjoni tal-proċessi
L-Artikolu 29(6)	Rapport tal-Europol dwar l-informazzjoni pprovduta mill-Istati Membri.	L-Europol Il-Kunsill Il-Parlament Ewropew	Rapport	Data
L-Artikolu 30	L-Europol għandu jappoġġa lill-Istati Membri fl-applikazzjoni tar-Regolamenti SIS57. Il-membru għandu jinforma lill-Europol bl-inserzjoni u l-hits b’rabta mal-allerti ta’ informazzjoni.	L-Europol Il-LEA tal-Istati Membri	Skambju tal-informazzjoni fis-SIS	Servizz pubbliku diġitali Data
L-Artikoli 32 u 33	Il-limitazzjoni għall-ipproċessar tal-Europol skont in-natura (jiġifieri l-kategorija tas-suġġett tad-data bħala vittma vs suspettat) u skont l-iskop (analiżi, kontroverifika, riċerka u innovazzjoni).	L-Europol Il-benefiċjarji kollha tal-prodotti analitiċi	Kontroverifika Analiżi Innovazzjoni	Diġitalizzazzjoni u awtomatizzazzjoni tal-proċessi
L-Artikoli 32 u 33	Il-limitazzjonijiet għall-ipproċessar tal-informazzjoni mill-Europol, permezz ta’ restrizzjonijiet stabbiliti mis-sid tad-data (il-prinċipju tas-sjieda tad-data) fil-mument tal-kondiviżjoni.	L-Europol, il-Bord tat-Tmexxija tal-Europol Il-LEA tal-iSM L-EDPS	Ġbir Analiżi Kontroverifika Analiżi skambju tal-informazzjoni innovazzjoni	Diġitalizzazzjoni u awtomatizzazzjoni tal-proċessi
L-Artikolu 34	In-notifika tal-Europol lill-awtoritajiet tal-infurzar tal-liġi tal-Istati Membri meta tinstab informazzjoni operazzjonali rilevanti, fil-proċessi kollha.	L-Europol Il-LEA tal-iSM	Skambju tal-informazzjoni Notifika tal-Europol lil-LEA	Servizz pubbliku diġitali Data
L-Artikolu 35 sal- Artikolu 39	Il-ħolqien ta’ servizz ta’ kontroverifika: in-natura, il-format u l-kwalità tad-data (Valutazzjoni tal-Impatt); il-kontroverifika awtomatizzata malli jkun hemm inserzjoni. Disponibbli għall-Europol, għal-LEA tal-Istati Membri u għas-sistemi ta’ informazzjoni tal-UE.	Il-Kummissjoni L-Europol Il-LEA tal-Istati Membri Is-Sistemi ta’ Informazzjoni tal-UE	Żvilupp Skambju tal-informazzjoni Kontroverifika Verifiki tas-sigurtà tal-ETIAS u tal-VIS	Data Diġitalizzazzjoni u awtomatizzazzjoni tal-proċessi Soluzzjoni diġitali Servizz pubbliku diġitali
L-Artikolu 35 sa 39	L-Istati Membri għandhom jikkonnettjaw is-sistemi ta’ ġestjoni tal-każijiet tagħhom mas-servizz ta’ kontroverifika (Valutazzjoni tal-Impatt), biex itellgħu d-data (Valutazzjoni tal-Impatt) biex jagħmlu tfittxija fid-data (Valutazzjoni tal-Impatt)	Il-Kummissjoni L-Europol L-AK tal-iSM	Żvilupp Ġbir kondiviżjoni mal-Europol Kontroverifikar	Data Diġitalizzazzjoni u awtomatizzazzjoni tal-proċessi
L-Artikolu 35 sal- Artikolu 40	Il-ħolqien ta’ ambjent analitiku tal-Europol, biex jiġu appoġġati l-attivitajiet analitiċi tal-Europol għall-ħżin, għall-ipproċessar, għall-kontroverifika, għall-viżwalizzazzjoni u għall-analiżi tad-data, inkluż b’appoġġ għall-investigazzjonijiet kriminali u għall-koordinazzjoni operazzjonali, għall-kapaċitajiet analitiċi, tekniċi, diġitali, forensiċi jew multidixxiplinari speċjalizzati, inkluż permezz ta’ servizzi investigattivi, analitiċi, tekniċi u strateġiċi	L-Europol Indirettament, l-AK tal-iSM, l-EUBOAs, l-organizzazzjonijiet internazzjonali, il-pajjiżi terzi	Ġbir, Analiżi, Kontroverifika, skambju, rapportar.	Data Soluzzjoni diġitali Diġitalizzazzjoni u awtomatizzazzjoni tal-proċess
L-Artikolu 41	Kundizzjonijiet għat-tfittxija fl-ambjent analitiku tal-Europol.	L-Europol L-AK tal-iSM, is-sistemi ta’ informazzjoni tal-UE	Kontroverifika	Data Servizz pubbliku diġitali Soluzzjoni diġitali
L-Artikoli 42, 43, 44 u 45	Il-ħolqien ta’ Spazju Kondiviż ta’ Data għall-Pulizija, bl-użu tal-infrastruttura tal-cloud tal-Europol, u l-hosting tal-għodod analitiċi u ta’ komunikazzjoni għall-investigaturi tal-Istati Membri (Valutazzjoni tal-Impatt); il-ħolqien ta’ każijiet ta’ analiżi operazzjonali konġunta.	Il-Kummissjoni L-Europol L-AK tal-iSM, il-pajjiżi terzi	Żvilupp Skambju tal-informazzjoni Analiżi konġunta	Data Diġitalizzazzjoni u awtomatizzazzjoni tal-proċess Soluzzjoni diġitali Servizz pubbliku diġitali
L-Artikolu 46	Il-ħolqien tal-Applikazzjoni ta’ Network għall-Iskambju Sigur tal-Informazzjoni (SIENA) tal-Europol għall-iffaċilitar tal-iskambji ta’ informazzjoni. Ir-Responsabbiltajiet, l-Arkitettura, l-Obbligi tal-użu mill-Istati Membri u mill-Europol, u l-funzjonalitajiet (Valutazzjoni tal-Impatt).	Il-Kummissjoni L-Europol L-iSM, il-pajjiżi terzi, l-organizzazzjonijiet internazzjonali, il-partijiet privati	Żvilupp Skambju tal-informazzjoni	Data Soluzzjoni diġitali Diġitalizzazzjoni u awtomatizzazzjoni tal-proċess Servizz pubbliku diġitali
L-Artikolu 47	Il-ħolqien ta’ pjattaforma għall-kooperazzjoni mal-partijiet privati.	Il-Partijiet Privati L-Europol L-Istati Membri	Żvilupp	Soluzzjoni diġitali Servizz pubbliku diġitali
L-Artikolu 47(2)(a)	Il-partijiet privati għandhom jirrapportaw u jinnotifikaw lill-Europol skont ir-Regolament dwar il-kontenut terroristiku online55 u l-Att dwar is-Servizzi Diġitali56 permezz tal-Pjattaforma.	L-Europol	Ordnijiet ta’ tneħħija tal-kontenut terroristiku online, riferimenti L-Att dwar is-Servizzi Diġitali	Diġitalizzazzjoni u awtomatizzazzjoni tal-proċess
L-Artikolu 47(2)(b)	L-Europol għandha tipprovdi lill-partijiet privati bl-informazzjoni meħtieġa biex jidentifikaw il-kontenut online, is-servizzi, il-kontijiet, l-infrastrutturi jew l-attivitajiet diġitali rilevanti permezz tal-Pjattaforma.	L-Europol Il-Partijiet Privati	Sitwazzjoni ta’ kriżi online	Diġitalizzazzjoni u awtomatizzazzjoni tal-proċess
L-Artikolu 48	L-Europol tappoġġa t-tħaddim tas-Sistema ta’ Indiċi Ewropea tar-Rekords tal-Pulizija b’applikazzjoni tar-Regolament Prüm II58.	L-Europol	Żvilupp u tħaddim tas-sistema	Soluzzjoni diġitali Servizz pubbliku diġitali
L-Artikolu 49	Jistgħu jiġu żviluppati servizzi u għodod addizzjonali (Valutazzjoni tal-Impatt) fl-ambitu tal-Ispazju Kondiviż ta’ Data għall-Pulizija	Il-Kummissjoni Il-Kumitat tal-Europol L-Europol L-AK tal-iSM, il-pajjiżi terzi, l-EUBOA, l-organizzazzjonijiet internazzjonali, il-partijiet privati	Żvilupp Ġbir, Skambju tal-informazzjoni, Analiżi, Kontroverifika, rapport, analiżi konġunta	Data Soluzzjoni diġitali Diġitalizzazzjoni u awtomatizzazzjoni tal-proċess Servizz pubbliku diġitali
L-Artikolu 50	L-Infrastruttura tal-Cloud tal-Europol: il-ħolqien, l-użu bħala l-infrastruttura standard għas-sistemi, is-servizzi u l-għodod tal-Europol offruti lill-Istati Membri, inkluż dawk eżistenti, l-aċċess sigur (Valutazzjoni tal-Impatt).	Il-Kummissjoni L-Europol	Żvilupp Akkwist	Soluzzjoni diġitali Servizz pubbliku diġitali
L-Artikolu 51	Identità Diġitali tal-UE għall-Pulizija: il-ħolqien ta’ skema armonizzata għall-identifikazzjoni u l-għoti ta’ aċċess dirett jew indirett (permezz ta’ sistemi nazzjonali) għall-infrastruttura tal-cloud tal-Europol (Valutazzjoni tal-Impatt) lill-persunal tal-pulizija.	Il-Kummissjoni L-iSM, il-pajjiżi terzi L-Europol	Standardizzazzjoni tad-data tal-ID tal-Pulizija Żvilupp Identifikazzjoni u ġestjoni tal-aċċess	Data Soluzzjoni diġitali Servizz pubbliku diġitali
L-Artikolu 52	Għodod tal-istatistika u tar-rapportar: il-ħolqien, l-użu ta’ għodod għall-fini ta’ evalwazzjoni, monitoraġġ, analiżi u rapportar (Valutazzjoni tal-Impatt).	L-Europol Il-LEA tal-Istati Membri, il-Kummissjoni	Żvilupp Rapporti	Data Soluzzjoni diġitali Servizz pubbliku diġitali
L-Artikolu 53	L-appoġġ tal-Europol għall-iżvilupp u l-użu tal-Format universali ta’ messaġġi.	L-Europol eu-LISA Il-LEA tal-Istati Membri Il-Kummissjoni	Standardizzazzjoni Skambju tal-informazzjoni	Data Diġitalizzazzjoni u awtomatizzazzjoni tal-proċessi Servizz pubbliku diġitali
L-Artikoli 55 u 56	Il-ħolqien tal-Grupp tat-Tmexxija u l-Grupp Konsultattiv tal-ICT u tal-Ġestjoni tal-Informazzjoni, li jappoġġaw id-deċiżjonijiet tal-Bord tat-Tmexxija dwar l-arkitettura tal-ICT, il-ġestjoni tad-data, l-interoperabbiltà, l-allinjament mal-ħtiġijiet tan-negozju tal-iSM.	L-Europol Il-LEA tal-Istati Membri Il-Kummissjoni	Żvilupp Standardizzazzjoni Użu	Data Diġitalizzazzjoni u awtomatizzazzjoni tal-proċessi Servizz pubbliku diġitali
L-Artikolu 54	Il-ħolqien ta’ applikazzjoni tal-UE għat-tqabbil tal-profili tad-DNA, għall-benefiċċju tal-Europol u tal-Istati Membri.	L-Europol Il-LEA tal-Istati Membri Il-Kummissjoni	Żvilupp Standardizzazzjoni Akkwist Użu Kontroverifika Analiżi	Data Soluzzjoni Diġitali Servizz pubbliku diġitali
L-Artikoli 57 sa 64	L-Europol, permezz tal-Grupp Konsultattiv dwar l-Innovazzjoni u appoġġata mill-Grupp Konsultattiv dwar il-Kapaċitajiet u l-Innovazzjoni, tiżviluppa kif ukoll tirrieżamina u taġġorna regolarment Qafas għall-Iżvilupp ta’ Prospettiva u ta’ Kapaċitajiet biex tiżgura l-koordinazzjoni u l-komplementarjetà bejn l-Europol, il-korpi rilevanti tal-Unjoni u l-Istati Membri fir-rigward tar-riċerka, l-innovazzjoni, l-ittestjar, l-iżvilupp, il-pilotaġġ, u l-użu tal-kapaċitajiet avvanzati għall-infurzar tal-liġi, inkluż permezz tal-ġbir flimkien tal-kapaċitajiet eżistenti, il-parteċipazzjoni kkoordinata fil-proċessi ta’ standardizzazzjoni u l-akkwisti konġunti.	L-Europol L-Istati Membri L-EUBOAs Il-Kummissjoni	Żvilupp Standardizzazzjoni Akkwist Użu Innovazzjoni	Diġitalizzazzjoni u awtomatizzazzjoni tal-proċessi
L-Artikolu 61	L-użu ta’ ambjent ta’ esperimentazzjoni regolatorja għall-iżvilupp ta’ kapaċitajiet avvanzati bbażati fuq l-IA.	L-Europol	Żvilupp Innovazzjoni	Data
L-Artikoli 80 u 81	Il-korpi tal-Unjoni u l-awtoritajiet iddeżinjati nazzjonali tal-VIS għandhom aċċess indirett għall-Europol. (Valutazzjoni tal-Impatt). L-UPPE jirċievi awtomatikament informazzjoni rilevanti għalih.	L-EUBOA L-awtoritajiet iddeżinjati tal-VIS Il-Kummissjoni	Kontroverifika mill-EUBOAs Verifika tas-sigurtà tal-VIS	Diġitalizzazzjoni u awtomatizzazzjoni tal-proċessi Servizzi pubbliċi diġitali Data
L-Artikolu 94	Trasferiment tad-data personali lill-pajjiżi terzi u lill-organizzazzjonijiet internazzjonali.	L-Europol Il-pajjiżi terzi L-organizzazzjonijiet internazzjonali L-Istati Membri	Trasferiment tad-data	Data
L-Artikolu 96(1) sa 96(3)	L-Europol tipproċessa d-data mill-partijiet privati.	L-Europol Il-partijiet privati	Skambju mal-partijiet privati Ġbir	Servizzi pubbliċi diġitali Data
L-Artikolu 96(3)	Ir-riżultat tal-ipproċessar tal-informazzjoni derivata mill-partijiet privati mgħoddija lill-ENUs.	L-Europol Il-partijiet privati L-ENUs tal-iSM	Skambju mal-partijiet privati Proċess, Analiżi, Rapportar	Diġitalizzazzjoni u awtomatizzazzjoni tal-proċessi
L-Artikoli 96(4) sa 96(6).	L-Europol ippermettiet it-trasferiment ta’ data lill-partijiet privati f’każijiet speċifiċi.	L-Europol Il-PP, is-Suġġett tad-Data Sid id-data	Skambju mal-partijiet privati	Diġitalizzazzjoni u awtomatizzazzjoni tal-proċessi Data
L-Artikolu 86(8)	L-Europol tibgħat talba għall-informazzjoni lill-partijiet privati permezz tal-ENUs.	L-Europol L-ENUs tal-iSM Il-partijiet privati	Skambju mal-partijiet privati	Servizzi pubbliċi diġitali Diġitalizzazzjoni u Awtomatizzazzjoni tal-proċessi Data
L-Artikolu 97	L-Europol għandha tgħaddi informazzjoni mingħand il-persuni fiżiċi lill-Istat Membru jew lill-pajjiż terz rilevanti.	L-Europol	Skambju mal-partijiet privati	Servizzi pubbliċi diġitali Diġitalizzazzjoni u awtomatizzazzjoni tal-proċessi Data
L-Artikolu 98	L-Europol għandha aċċess għall-iskambji bejn l-Istati Membri u l-partijiet privati.	L-Europol Il-partijiet privati	Skambju mal-partijiet privati	Diġitalizzazzjoni u awtomatizzazzjoni tal-proċessi Servizz pubbliku diġitali
L-Artikoli 99, 100, 101, 102 u 107	Il-limitazzjonijiet u r-responsabbiltajiet għall-ipproċessar tad-data personali inkluż għar-riċerka u l-innovazzjoni, il-limitazzjonijiet għall-ħżin u t-tħassir tad-data personali; abbażi tal-verifiki li għandhom jitwettqu dwar l-affidabbiltà tas-sors, dwar l-akkuratezza tal-informazzjoni, dwar il-kategorija tas-suġġetti tad-data, dwar kategoriji speċjali tad-data personali.	L-Europol	L-ipproċessar kollu tad-data operazzjonali	Data Diġitalizzazzjoni u awtomatizzazzjoni tal-proċessi
L-Artikolu 103	Notifika ta’ ksur tad-data personali lill-awtoritajiet ikkonċernati.	L-Europol Il-LEA tal-iSM	Ksur tad-data personali	Servizzi pubbliċi diġitali Data
L-Artikolu 104	Komunikazzjoni lis-suġġett tad-data dwar ksur tad-data personali.	L-Europol Suġġett tad-data	Ksur tad-data personali	Servizzi pubbliċi diġitali Data
L-Artikoli 105 u 106	Dritt tal-aċċess, tar-rettifika, tat-tħassir u tar-restrizzjoni għas-suġġett tad-data.	L-Europol Suġġett tad-data	Dritt tas-suġġett tad-data	Servizzi pubbliċi diġitali Data
L-Artikolu 102	L-Europol għandha żżomm reġistri tal-informazzjoni kollha dwar l-ipproċessar.	L-Europol	L-ipproċessar kollu tal-informazzjoni operazzjonali	Data Diġitalizzazzjoni u awtomatizzazzjoni tal-proċess
L-Artikolu 116(3)	L-Europol għandha tinforma regolarment lill-Grupp ta’ Skrutinju Parlamentari Konġunt (JSPG).	L-Europol Il-JSPG	Rapport	Servizzi pubbliċi diġitali Data
L-Artikolu 117	Il-Parlament Ewropew għandu jkollu aċċess għad-data operazzjonali sensittiva mhux kunfidenzjali (SMK).	L-Europol Il-Parlament Ewropew	Aċċess għall-informazzjoni	Servizzi pubbliċi diġitali Data
L-Artikolu 130	Kull 5 snin, il-Kummissjoni għandha tissottometti rapport ta’ evalwazzjoni lill-Parlament Ewropew, lill-Kunsill, lill-parlamenti nazzjonali u lill-Bord tat-Tmexxija.	Il-Kummissjoni	Rapport	Data
L-Artikolu 136	L-Europol għandha twettaq tfittxijiet fil-bażi tad-data nazzjonali permezz tal-mekkaniżmu tar-router ta’ Prüm II.	L-Europol Il-LEA tal-iSM	Skambju tal-informazzjoni Aċċess għall-informazzjoni tal-iSM	Data Diġitalizzazzjoni u awtomatizzazzjoni tal-proċessi
L-Artikolu 137	Id-dispożizzjonijiet dwar il-bidu tal-operazzjonijiet.	Il-Kummissjoni L-Europol L-Istati Membri	Bidu tal-operazzjonijiet	Servizz pubbliku diġitali

4.2.Data

Ir-restrizzjonijiet fuq id-data jiddependu fuq il-proċess operazzjonali

It-tip ta’ data pproċessata u skambjata tiddependi ferm fuq il-proċess u fuq l-atturi involuti (ara t-tabella A). Filwaqt li l-formats tad-data differenti applikabbli tabilħaqq jiddependu fuq it-tip ta’ proċessi tad-data (it-tabella C), l-applikabbiltà u l-infurzar tagħha jiddependu fuq il-proċess, peress li d-data ma tiġix skambjata fl-istess sitwazzjoni operazzjonali, u taħt l-istess restrizzjonijiet legali, b’mod partikolari fuq il-kwalità tad-data.

–L-identifikazzjoni tal-uffiċjali tal-pulizija se tkun il-proċess fejn ir-restrizzjonijiet fuq id-data se jkunu l-ogħla biex jiġi żgurat l-ogħla livell ta’ garanzija tas-sigurtà meta jiġu aċċessati l-applikazzjonijiet, is-servizzi u d-data pprovduti fl-ambitu tal-infrastruttura tal-Cloud tal-Europol, inkluż b’mod partikolari l-Ispazju kondiviż ta’ data għall-Pulizija.

–L-iskambju tal-informazzjoni, l-analiżi, u b’mod simili l-innovazzjoni. L-Europol topera f’ambjent ta’ informazzjoni kkaratterizzat minn volumi kbar ta’ data eteroġenja, li spiss toriġina minn diversi sorsi, ġurisdizzjonijiet u kuntesti operazzjonali. Ammont sostanzjali ta’ din l-informazzjoni jiġi riċevut f’forma mhux strutturata jew imħallta. Dan jirrifletti r-realtà tal-infurzar tal-liġi modern, li fih is-settijiet tad-data huma kumplessi, dinamiċi, u mhux standardizzati bis-sħiħ, u fejn l-estrazzjoni ta’ informazzjoni rilevanti għall-investigazzjonijiet li jkunu għaddejjin tikkostitwixxi l-kompitu operazzjonali ewlieni. Dan huwa partikolarment minnu għall-evidenza elettronika bħal materjal ta’ informazzjoni maqbud li ma jkunx strutturat u ħafna drabi kriptat. Din id-data tiġi analizzata u pproċessata mill-Europol fl-ambjent analitiku tal-Europol, jew inkella b’mod konġunt mill-awtoritajiet kompetenti tal-Istati Membri, il-korpi tal-UE, il-partijiet privati fl-ambitu tal-Ispazju kondiviż ta’ data għall-Pulizija. L-informazzjoni tista’ tiġi skambjata bejn il-partijiet permezz tal-Ispazju kondiviż ta’ data għall-Pulizija jew is-SIENA. L-applikazzjoni tal-istandards tiddependi l-aktar fuq is-sors tad-data u għalhekk JAF issegwi l-istandards u l-ispeċifikazzjonijiet li jirfdu l-bażi tad-data korrispondenti. Madankollu, peress li l-informazzjoni meħtieġa biex l-Europol twettaq il-kompiti tagħha hija definita biss bl-iskop, il-lista li ġejja tibqa’ mhux eżawrjenti.

–Kontroverifika Huwa stabbilit servizz ta’ kontroverifika (l-Artikoli 35 sa 39) għall-identifikazzjoni rapida tar-rabtiet ma’ individwi preċedenti u ma’ oġġetti involuti f’attività kriminali, li jirrigwardaw biss persuni kkundannati, suspettati li wettqu jew li se jwettqu delitt. L-Istati Membri jistgħu jaċċessaw l-Ambjent analitiku tal-Europol (l-Artikolu 41(4)) fuq il-bażi ta’ hit/no hit. Mekkaniżmu ta’ hit/no hit (l-Artikolu 80) jippermetti l-kontroverifika tal-informazzjoni mal-ambjent analitiku tal-Europol għall-EUBOAs, u jista’ jkun relatat ma’ persuni suspettati, ikkundannati iżda wkoll ma’ vittmi jew persuni relatati indirettament.

–Ir-Rapporti Amministrattivi filwaqt li jiġu ppubblikati f’forma diġitali, ma jimxux ma’ rekwiżiti stretti ta’ standards tekniċi.

–Il-proċessi relatati mad-drittijiet tad-data personali, huma manwali ferm; filwaqt li l-proċessi tad-data u l-kondiviżjoni jistgħu jkunu strutturati u jistgħu jimxu ma’ ċerti standards, dan mhuwiex rekwiżit.

Restrizzjonijiet fil-proċessi

Proċess Referenza għar-rekwiżit	Identifikazzjoni tal-uffiċjali tal-Pulizija	Kontroverifika	Skambju tal-informazzjoni bejn il-LEA	Skambju mal-partijiet privati	Analiżi Operazzjonali u Strateġika	Innovazzjoni	Rapport amministrattiv	Drittijiet tad-data personali
L-Artikolu 8(7)			X
L-Artikolu 9(2)			X
L-Artikolu 9(3)			X
L-Artikolu 9(4)			X
L-Artikolu 9(5)			X
L-Artikolu 7(1)					X
L-Artikolu 7(2)					X
L-Artikolu 7(3)					X
L-Artikolu 7(4)			X		X
L-Artikolu 7(5)			X		X
L-Artikolu 11			X
L-Artikolu 18(a)			X	X
L-Artikolu 18(b)				X
L-Artikolu 18(c)			X	X
L-Artikolu 16(a)			X
L-Artikolu 16(c)			X		X
L-Artikolu 21(4)			X		X
L-Artikolu 25(5)(a)			X
L-Artikolu 25(5)(b)			X
L-Artikolu 28			X
L-Artikolu 29			X		X
L-Artikolu 29(6)							X
L-Artikolu 30			X
L-Artikolu 34			X
L-Artikolu 35		X			X
L-Artikolu 36		X			X
L-Artikolu 37		X			X
L-Artikolu 38		X			X
Artikolu 39		X			X
L-Artikolu 40					X
L-Artikolu 41		X			X
L-Artikolu 42			X		X
L-Artikolu 43			X		X
L-Artikolu 44			X		X
L-Artikolu 45			X		X
L-Artikolu 46			X
L-Artikolu 49		X	X	X	X		X
L-Artikolu 51	X
L-Artikolu 52							X
L-Artikolu 53		X	X		X
L-Artikolu 55	X	X	X	X	X		X
L-Artikolu 56	X	X	X	X	X		X
L-Artikolu 54		X	X		X
L-Artikolu 61						X
L-Artikolu 80		X
L-Artikolu 81		X
L-Artikolu 94			X
L-Artikolu 96(1)				X	X
L-Artikolu 96(2)				X	X
L-Artikolu 96(3)				X	X
L-Artikolu 96(4)				X
L-Artikolu 96(5)				X
L-Artikolu 96(6)				X
L-Artikolu 96(7)				X
L-Artikolu 97			X
L-Artikolu 98						X
L-Artikolu 99						X
L-Artikolu 100						X
L-Artikolu 101						X
L-Artikolu 102						X
L-Artikolu 102								X
L-Artikolu 104								X
L-Artikolu 105								X
L-Artikolu 106								X
L-Artikolu 107						X
L-Artikolu 102	X	X	X	X	X	X	X	X
L-Artikolu 116(3)							X
L-Artikolu 117								X
L-Artikolu 130							X
L-Artikolu 136		X	X

Tip ta’ data skont il-proċess

Proċess   Tip ta’ data ġenerali u applikabbiltà tal-istandards	Identifikazzjoni tal-uffiċjali tal-Pulizija	Kontroverifika	Skambju tal-informazzjoni bejn il-LEA u/jew l-Europol	Skambju mal-partijiet privati	Analiżi Operazzjonali u Strateġika	Innovazzjoni	Rapport amministrattiv	Drittijiet tad-data personali
Japplikaw l-istandards tal-format tad-data? (Obbligatorju/Fakultattiv)	O	O	F	F	F	F	M/A	M/A
Tip ta’ data
Identità diġitali tal-UE għall-Pulizija	X
Rekords tal-pulizija u tal-ġustizzja		X	X		X	X		X
Informazzjoni miżmuma minn amministrazzjonijiet oħra			X		X	X		X
Informazzjoni miżmuma mill-awtoritajiet privati			X	X	X	X		X
OSINT			X	X	X	X		X
Evidenza diġitali			X	X	X	X		X
Rapport operazzjonali			X		X	X		X
Rapport strateġiku			X		X	X		X
Rapport Amministrattiv						X	X	X

Tip ta’ data u standards tad-data applikabbli

Tip ta’ Data	Standard tad-data applikabbli
Identità diġitali tal-UE għall-Pulizija	Għandu jiġi ddeterminat minn
Rekords tal-pulizija u tal-ġustizzja
Prüm II, EPRIS, ECRIS, ECRIS-TCN, rekord tas-SIS	Meta tiġi skambjata skont il-qafas tal-UE, l-istandards korrispondenti japplikaw bħall-EPRIS, Prüm II, ECRIS, ECRIS-TCN jew SIS. Il-UMF japplika għalihom. Il-UMF jistabbilixxi tassonomija tad-data maħżuna fir-rekords tal-pulizija u jgħin lill-awtoritajiet nazzjonali jimmappjaw id-data tagħhom ma’ Stati Membri oħra u mal-awtoritajiet tal-infurzar tal-liġi tal-Europol.
Bażijiet tad-data nazzjonali tal-pulizija u tal-ġustizzja	Meta ma tiġix skambjata skont il-qafas tal-UE, il-format tal-bażijiet tad-data nazzjonali normalment jipprevali, peress li l-implimentazzjoni tal-UMF fis-sistemi nazzjonali ta’ ġestjoni tal-każijiet ma saritx obbligatorja. Fis-sustanza, it-tip ta’ data koperta tinsab fil-format UMF: Persuna (identità), deskrizzjoni fiżika, profil tad-DNA, data dwar ir-rikonoxximent tal-wiċċ, data dattiloskopika, marka tal-pala tal-id, reat, dokument tal-ivvjaġġar/tal-identifikazzjoni/uffiċjali, ritratt, arma, arma tan-nar, organizzazzjoni, każ kriminali, titjira/vjaġġ; mezzi ta’ pagament, mezzi ta’ trasport; kont, u azzjoni assoċjata li għandha tittieħed fil-każ li tinsab, kundanna, sentenza.
Informazzjoni miżmuma minn amministrazzjonijiet oħra
Reġistru ċivili	Ir-Regolament (UE) 2016/1191 — Formoli Standard Multilingwi (MSF) In-Network Ewropew tar-Reġistru Ċivili (ECRN) — skambju transfruntiera sigur tad-data RISER — servizz elettroniku uniformi għall-aċċess għar-reġistri Allinjament mal-istandards tas-CRVS tan-NU — kampijiet tad-data strutturati, metadata, identifikaturi uniċi
Dokument tal-ivvjaġġar / Karta tal-identità	ICAO 9303 Informazzjoni dwar l-ivvjaġġar Id-Direttiva dwar il-PNR Ir-Regolamenti dwar l-API
Rekords tal-immigrazzjoni miżmuma mill-amministrazzjoni	Il-bażijiet tad-data ċentrali tal-UE: il-VIS, l-EURODAC, l-EES, l-ETIAS: l-istandards huma stabbiliti mil-leġiżlazzjoni korrispondenti u jenħtieġ li jżommu mal-UMF. Id-data miżmuma hija relatata mal-identità u mad-dokument tal-ivvjaġġar tal-persuni. L-informazzjoni tal-bażi tad-data nazzjonali tista’ tiġi skambjata wkoll.
Reġistri nazzjonali tal-proprjetà immobbli jew is-sistemi elettroniċi għall-irkupru tad-data u r-reġistri tal-art u katastali
Reġistri nazzjonali taċ-ċittadinanza u tal-popolazzjoni ta’ persuni fiżiċi
Reġistri nazzjonali tal-vetturi bil-mutur, tal-inġenji tal-ajru u tal-opri tal-baħar	SIS II, Prüm II
Reġistri kummerċjali, inkluż ir-reġistri tan-negozju u tal-kumpaniji
Data fiskali, inkluż id-data miżmuma mill-awtoritajiet tat-taxxa u tad-dħul
Data nazzjonali dwar is-sigurtà soċjali
Informazzjoni miżmuma mill-awtoritajiet privati
Informazzjoni dwar il-kontijiet bankarji	Skont id-Direttiva (UE) 2024/1640,
Rekords tat-tranżazzjonijiet
Informazzjoni dwar l-ipoteki u s-self
Informazzjoni li tinsab fil-bażijiet tad-data dwar il-munita nazzjonali u dawk dwar il-kambju
Informazzjoni dwar it-titoli
Data doganali, inkluż it-trasferimenti fiżiċi transfruntiera ta’ flus kontanti
Informazzjoni dwar ir-rapporti finanzjarji annwali tal-kumpaniji
Informazzjoni dwar it-trasferimenti telegrafiċi u l-bilanċi tal-kontijiet
Informazzjoni dwar il-kontijiet tal-kriptoassi u t-trasferimenti tal-kriptoassi	Kif definit fl-Artikolu 3 tar-Regolament (UE) 2023/1113 tal-Parlament Ewropew u tal-Kunsill (44).
OSINT
	Dipendenti fuq il-format multimedjali applikabbli
Evidenza diġitali
Interċettazzjoni legali	ETSI TS 103 705, ETSI TS 104 007
Metadata tal-komunikazzjoni	Standards tal-ETSI applikabbli
Filmati	Dipendenti fuq il-format multimedjali applikabbli
Rapport operazzjonali
Rapport strateġiku
Rapport Amministrattiv

Allinjament mal-Istrateġija Ewropea għad-Data

Spjegazzjoni ta’ kif ir-rekwiżit(i) huwa/huma allinjat(i) mal-Istrateġija Ewropea għad-Data

Ir-reviżjoni proposta tal-mandat tal-Europol tallinja bis-sħiħ mar-Regolament (UE) 2018/1725 (EUDPR), tintegra l-prinċipji ewlenin tiegħu fil-qafas operazzjonali tal-Europol, filwaqt li tindirizza l-ħtiġijiet speċifiċi tal-kooperazzjoni fl-infurzar tal-liġi. It-test jissoġġetta b’mod espliċitu l-ipproċessar tad-data personali mill-Europol għar-rekwiżiti tal-EUDPR fl-Artikolu 98(1), filwaqt li jinkorpora obbligi ewlenin bħal-legalità, il-limitazzjoni tal-fini, u l-minimizzazzjoni tad-data fil-qafas legali tiegħu. L-Artikolu 32(2) jirrestrinġi l-ipproċessar tad-data għal finijiet predefiniti — bħal kontroverifika, analiżi operazzjonali u riċerka — u jirrifletti direttament ir-rekwiżit tal-EUDPR li d-data personali tinġabar għal finijiet speċifikati, espliċiti u leġittimi. B’mod simili, il-prinċipju tal-limitazzjoni tal-ħżin huwa msaħħaħ permezz tal-Artikolu 101, li jirrikjedi li l-Europol tirrieżamina l-ħtieġa taż-żamma tad-data kull 3 snin u jistabbilixxi perjodu massimu tal-ħżin ta’ 5 snin, li jallinja mal-Artikolu 4 tal-EUDPR. Il-proposta tinkorpora wkoll il-mekkaniżmi ta’ akkontabbiltà tal-EUDPR, bħar-rekwiżit għal Valutazzjonijiet tal-Impatt fuq il-Protezzjoni tad-Data (DPIAs) għal ipproċessar b’riskju għoli (l-Artikolu 102(3)) u l-obbligu li jiġi kkonsultat il-Kontrollur Ewropew għall-Protezzjoni tad-Data (EDPS) qabel l-involviment f’tipi ġodda ta’ pproċessar (l-Artikolu 108), li jirrifletti l-Artikolu 90 tal-EUDPR. Barra minn hekk, it-test jiżgura l-konformità mad-dispożizzjonijiet tal-EUDPR dwar id-drittijiet tas-suġġetti tad-data, inkluż l-aċċess, ir-rettifika u t-tħassir (l-Artikoli 105–106), filwaqt li jissodisfa l-obbligi ta’ dokumentazzjoni u ta’ trasparenza tal-EUDPR (l-Artikolu 98). Billi tintegra b’mod sistematiku dawn ir-rekwiżiti sostantivi, il-proposta tiżgura li l-kapaċitajiet operazzjonali estiżi tal-Europol jibqgħu konformi bis-sħiħ mal-istandards robusti tal-protezzjoni tad-data tal-EUDPR.

L-Att dwar id-Data59 ma japplikax għal din il-proposta, peress li ma hemm l-ebda obbligu stabbilit fil-proposta li jirrikjedi li n-negozji jagħmlu d-data disponibbli għal negozji oħra.

L-Europol se tippromwovi l-iżvilupp ta’ standards komuni tad-data fl-Istati Membri tal-UE, dwar prodotti analitiċi strateġiċi (l-Artikolu 7) l-iskambju tal-informazzjoni kriminali, b’mod partikolari dwar id-DNA, u tekniki tal-analiżi tad-data u l-forensika, filwaqt li l-politika ma tikkonċernax l-informazzjoni tas-settur pubbliku minnha nnifisha li tista’ terġa’ tintuża kif imressqa mid-Direttiva dwar id-Data Miftuħa60, b’mod partikolari għal raġunijiet ta’ sigurtà pubblika.

L-Ispazju Kondiviż ta’ Data għall-Pulizija mressaq fil-proposta se jkun l-ispazju komuni għall-investigaturi biex idaħħlu informazzjoni investigattiva komuni għall-analiżi operazzjonali, u se jikkostitwixxi faċilitatur importanti biex jalimenta l-attivitajiet ta’ riċerka u innovazzjoni tal-Europol (l-Artikolu 60) għat-taħriġ, l-iżvilupp, l-ittestjar u l-validazzjoni tal-kapaċitajiet analitiċi u forensiċi avvanzati f’ambjenti ta’ esperimentazzjoni regolatorja skont l-Att dwar l-IA. Kemm l-Ispazju Kondiviż ta’ Data għall-Pulizija kif ukoll l-attivitajiet tar-Riċerka u l-Innovazzjoni se jibbenefikaw mill-kapaċitajiet ta’ ħżin skalabbli u pproċessar tal-infrastruttura tal-Cloud tal-Europol. Dawk it-tliet komponenti jikkontribwixxu għall-ħolqien ta’ spazju komuni tad-data tal-infurzar tal-liġi.

Id-dispożizzjoni tal-Att dwar il-Governanza tad-Data61 għat-trasferiment lejn pajjiżi terzi ma tapplikax f’dak li jirrigwarda l-attività tal-infurzar tal-liġi.

Allinjament mal-prinċipju ta’ darba biss

Spjegazzjoni ta’ kif ġie kkunsidrat il-prinċipju ta’ darba biss u kif ġiet esplorata l-possibbiltà li terġa’ tintuża d-data eżistenti

It-talba għall-informazzjoni mill-Europol lill-partijiet privati titwettaq b’mod effettiv mill-Istati Membri skont l-Artikolu 96(7). Għaldaqstant, l-implimentazzjoni tal-prinċipju ta’ darba biss mill-awtoritajiet tal-infurzar tal-liġi tal-Istati Membri hija rregolata mid-dritt nazzjonali u għalhekk huwa barra mill-kamp ta’ applikazzjoni ta’ din il-proposta. L-informazzjoni miġbura mill-Europol u mill-awtoritajiet tal-infurzar tal-liġi taħt tali kundizzjonijiet tiġi ġestita ċentralment taħt Pjattaforma għall-kooperazzjoni mal-partijiet privati (l-Artikolu 47) biex tiġi ffaċilitata l-komunikazzjoni bejn l-Europol, l-Istati Membri u l-partijiet privati, u biex jiġi żgurat li l-Europol ma titlobx l-istess informazzjoni darbtejn. It-talbiet għall-informazzjoni mibdija direttament mill-Istati Membri skont l-Artikolu 96(8) ittrattati permezz tal-Pjattaforma u l-iskambji korrispondenti mal-partijiet privati jsiru disponibbli għall-Europol fl-istess spirtu li jiġu limitati t-talbiet għan-negozji.

Talba għall-informazzjoni mill-Europol lill-awtoritajiet kompetenti tal-Istati Membri, lill-EUBOA, lill-pajjiżi terzi, lil Organizzazzjoni Internazzjonali lanqas mhi se tintalab darbtejn, tali talbiet huma ġestiti ċentralment fi ħdan l-Aġenzija mis-Servizz Operazzjonali u ta’ Analiżi tal-Europol b’applikazzjoni tal-Artikolu 12. Min-naħa l-oħra, it-talba tagħhom għall-informazzjoni jew għall-appoġġ, kemm jekk tkun ta’ natura analitika, teknika, finanzjarja jew operazzjonali jsirilha segwitu mill-istess Servizz li jiżgura trattament kif suppost u f’qasir żmien. Bl-istess mod, il-fatt li l-ENUs tal-Istati Membri jkunu informati wkoll dwar l-iskambju kollu tal-informazzjoni bejn l-Europol u l-awtoritajiet kompetenti tagħha, se jiżgura li ma ssir l-ebda talba duplikata (l-Artikolu 25(5))

Spjegazzjoni ta’ kif id-data li tkun għadha kif inħolqot hija traċċabbli, aċċessibbli, interoperabbli u riutilizzabbli, u tissodisfa standards ta’ kwalità għolja

Ir-reviżjoni proposta tal-qafas regolatorju tal-Europol tiżgura li d-data li tkun għadha kif inħolqot taderixxi mal-prinċipji FAIR fi ħdan il-komunità magħluqa tal-awtoritajiet tal-infurzar tal-liġi tal-Istati Membri u, sa ċertu punt, ma’ pajjiżi terzi, korpi tal-UE fil-qasam tal-ĠAI, u Organizzazzjonijiet Internazzjonali li jipparteċipaw fil-ġlieda kontra l-kriminalità organizzata serja u t-terroriżmu. F’dak ir-rigward, il-qafas propost iżomm standards ta’ kwalità għolja permezz ta’ governanza strutturata u infrastruttura teknika avvanzata.

It-traċċabbiltà tinkiseb billi jiġu stabbiliti pjattaformi ċentralizzati bħall- Ambjent Analitiku tal-Europol (l-Artikolu 40) u l-Ispazju Kondiviż ta’ Data għall-Pulizija (l-Artikolu 42), li jipprovdu repożitorji siguri u indiċjati għall-intelligence kriminali, l-analiżijiet operazzjonali, u l-investigazzjonijiet konġunti. Dawn is-sistemi jinkorporaw standards ta’ metadata, identifikaturi uniċi, u funzjonalitajiet ta’ tiftix (inklużi tfittxijiet alfanumeriċi, bijometriċi u multimedjali (l-Artikolu 41)) biex jippermettu l-irkupru preċiż tad-data. L-aċċessibbiltà hija garantita permezz tal-kontrolli tal-aċċess ibbażati fuq ir-rwol, l-Identità Diġitali tal-UE għall-Pulizija (l-Artikolu 51), u għodod interoperabbli bħas-SIENA (Applikazzjoni ta’ Network għall-Iskambju Sigur tal-Informazzjoni, l-Artikolu 46), li jiffaċilitaw il-kondiviżjoni bla intoppi u sigura tad-data bejn l-Istati Membri, il-korpi tal-Unjoni, u s-sħab awtorizzati. L-Infrastruttura tal-Cloud tal-Europol (l-Artikolu 50) tiżgura ulterjorment aċċess skalabbli u fuq talba għad-data filwaqt li tikkonforma ma’ rekwiżiti stretti ta’ sigurtà u sovranità, inkluż il-kompartimentalizzazzjoni u l-kriptaġġ. L-interoperabbiltà hija inkorporata fil-proposta permezz ta’ standards tekniċi obbligatorji, bħall-Format universali tal-messaġġi (UMF) (l-Artikolu 53), li jarmonizza l-iskambju tad-data fis-sistemi tal-informazzjoni tal-Unjoni, u l-integrazzjoni tal-għodod tal-Europol mal-pjattaformi eżistenti tal-UE bħas-Sistema ta’ Informazzjoni ta’ Schengen (SIS) u l-EPRIS (Sistema ta’ Indiċi Ewropea tar-Rekords tal-Pulizija, l-Artikolu 48). Is-servizz ta’ kontroverifika (l-Artikolu 36) u l-applikazzjoni għat-tqabbil tad-DNA (l-Artikolu 54) jawtomatizzaw il-paraguni bejn is-settijiet tad-data, inaqqsu s-silos u jippermettu l-kollegamenti f’ħin reali bejn il-każijiet. Ir-riutilizzabilità hija appoġġata mill-Qafas għall-Iżvilupp ta’ Prospettiva u ta’ Kapaċitajiet (l-Artikolu 57), li jippromwovi metodoloġiji standardizzati, għodod analitiċi komuni, u disinji ta’ sistemi modulari (pereż. komponenti tas-software riutilizzabli fl-infrastruttura tal-cloud). L-istandards ta’ kwalità għolja jiġu infurzati permezz tal-protokolli ta’ validazzjoni tad-data (pereż., “karigaturi tad-data” għat-tlugħ awtomatizzat, l-Artikolu 38), rieżamijiet perjodiċi tal-akkuratezza tad-data (l-Artikolu 101), u għodod tal-istatistika u tar-rapportar (l-Artikolu 48) li jimmonitorjaw il-prestazzjoni, il-konsistenza u l-konformità mad-dritt tal-Unjoni. Barra minn hekk, il-Grupp tat-Tmexxija tal-ICT u tal-Ġestjoni tal-Informazzjoni (l-Artikolu 50) jissorvelja l-koerenza teknika, filwaqt li l-programmi tat-taħriġ (l-Artikolu 64) jiżguraw li l-persunal ikun mgħammar biex iżomm l-integrità tad-data. Flimkien, dawn il-miżuri joħolqu ekosistema robusta meta d-data ma tkunx biss operazzjonalment effettiva iżda wkoll allinjata mal-aħjar prattiki legali u tekniċi.

Flussi tad-data

Deskrizzjoni ta’ livell għoli tal-flussi tad-data

Tip ta’ data	Referenza/i għar-rekwiżit(i)	Atturi li jipprovdu d-data	Atturi li jirċievu d-data	Skattatur għall-iskambju tad-data	Frekwenza (jekk applikabbli)
Talba għall-informazzjoni biex tikkontribwixxi għal miżura ta’ koordinazzjoni	L-Art. 8(7)	L-Europol	L-iSM	Inizjattiva tal-Europol	/
Informazzjoni u intelligence kriminali	L-Art. 8(7)	Il-LEA tal-iSM	L-Europol	Talba mill-Europol	/
Talba għall-informazzjoni	L-Art. 9(2)	L-Europol	L-AROs tal-iSM	Inizjattiva tal-Europol	/
Informazzjoni u intelligence kriminali	L-Art. 9(2)	L-AROs tal-iSM	L-Europol	Talba mill-Europol	/
Talba għall-azzjoni (iffriżar)	L-Art. 9(3)	L-Europol	Il-LEA tal-iSM	Inizjattiva tal-Europol, riskju ta’ għajbien	/
Deċiżjoni dwar l-iffriżar	L-Art. 9(3)	Il-LEA tal-iSM	L-Europol	Talba mill-Europol	/
Talba għall-informazzjoni	L-Art. 9(4)	L-Europol	L-UIF tal-iSM	Inizjattiva tal-Europol	/
Informazzjoni u intelligence kriminali	L-Art. 9(5)	L-UIF tal-iSM	L-Europol	Talba mill-Europol	/
Prodotti analitiċi	L-Artikolu 7	L-Europol	L-iSM Il-Kunsill Il-Kummissjoni	Inizjattiva tal-Europol	/
Informazzjoni u intelligence kriminali	L-Arti 7(4) u (5)	L-iSM L-EUBOAs	L-Europol	Talba tal-Europol għal prodott analitiku operazzjonali jew strateġiku	/
Talbiet biex tinbeda investigazzjoni kriminali	L-Artikolu 11	L-Europol	L-iSM	meta l-Europol tqis li jenħtieġ li tinbeda investigazzjoni kriminali dwar delitt li jaqa’ fl-ambitu tal-objettivi tagħha	/
Ordni ta’ tneħħija ta’ kontenut online	L-Art. 18	Il-LEA tal-iSM	L-Europol	Deċiżjoni tal-iSM li jitlob it-tneħħija	/
Ordni ta’ tneħħija ta’ kontenut online	L-Art. 18(a)	L-Europol	Il-PP	Koordinazzjoni tal-Europol u tal-LEA tal-iSM	/
Riferimenti ta’ kontenut online	L-Art. 18(b)	L-Europol	Il-PP	Talba tal-Europol jew tal-LEA tal-iSM	/
Informazzjoni u intelligence kriminali (kontenut online, servizzi, kontijiet, infrastrutturi jew attivitajiet diġitali)	L-Art. 18(e)	L-Europol	Il-PP	Talba tal-Europol	/
Informazzjoni u intelligence kriminali	L-Artikolu 16(a)	L-Europol/l-ARO	L-ARO/l-Europol	Inizjattiva tal-Europol/tal-ARO	/
Informazzjoni u intelligence kriminali	L-Artikolu 16(c)	L-Europol/l-UPPE	L-UPPE/l-Europol	Inizjattiva tal-Europol/tal-UPPE	/
Informazzjoni u intelligence kriminali	L-Artikolu 21(4)	L-Europol/l-iSIK	L-iSIK/l-Europol	Inizjattiva tal-Europol/tal-iSIK	/
Informazzjoni u intelligence kriminali	L-Artikolu 25(5)(a)	L-Europol	L-ENUs tal-iSM	Meta jsir skambju mal-LEA tal-iSM	/
Talba għall-informazzjoni	L-Artikolu 25(5)(a)	L-Europol	L-ENUs tal-iSM	Inizjattiva tal-Europol	/
Talba għall-informazzjoni	L-Artikolu 25(5)(c)	L-ENUs tal-iSM	L-awtoritajiet tal-iSM	Talba tal-Europol	/
Informazzjoni u intelligence kriminali	L-Artikolu 25(5)(b)	L-awtoritajiet tal-Istati Membri li għandhom l-informazzjoni	L-ENUs tal-iSM	Talba tal-Europol	/
Informazzjoni u intelligence kriminali	L-Artikolu 25(5)	L-ENUs tal-iSM	L-Europol	Talba tal-Europol	/
Informazzjoni disponibbli pubblikament	L-Artikolu 28	Sors disponibbli pubblikament	L-Europol	Inizjattiva tal-Europol	/
Informazzjoni u intelligence kriminali	L-Artikoli 29, 32, 33	L-AK tal-iSM L-uffiċjali għall-komunikazzjoni dwar l-immigrazzjoni	L-Europol	Osservazzjoni tal-iSM li hija meħtieġa informazzjoni biex jintlaħqu l-objettivi tal-Europol	/
Rapport	L-Artikolu 29	L-Europol	Il-Kunsill Il-Parlament Ewropew	Applikazzjoni tar-Regolament	Annwalment
Informazzjoni u intelligence kriminali	L-Artikolu 34	L-Europol	Il-LEA tal-iSM	Meta tinstab informazzjoni operazzjonali rilevanti	/
Informazzjoni u intelligence kriminali	L-Artikolu 38	Il-LEA tal-iSM	Servizz ta’ kontroverifika tal-Europol	mingħajr dewmien żejjed meta d-data tinstab li tissodisfa l-kundizzjonijiet stabbiliti skont l-Artikolu 35 sa 38	Sistematikament
Informazzjoni u intelligence kriminali	L-Artikolu 49	Il-LEA tal-iSM	Servizz ta’ kontroverifika tal-Europol	Meta jitmexxew l-investigazzjonijiet / meta każ ikollu dimensjoni transfruntiera	sistematikament
Informazzjoni u intelligence kriminali	L-Artikolu 49	Servizz ta’ kontroverifika tal-Europol	Il-LEA tal-iSM	Fuq it-talba tal-iSM aktar ’il fuq	/
Informazzjoni u intelligence kriminali	L-Artikolu 41	L-Europol L-ENUs tal-iSM	Ambjent Analitiku tal-Europol	Inizjattiva tal-LEA/ENU tal-iSM	/
Hit/no hit	L-Artikolu 41	Ambjent Analitiku tal-Europol	L-ENUs tal-iSM	Fuq it-talba ta’ aktar ’il fuq	/
Kwalunkwe informazzjoni	L-Artikolu 46	L-Europol, l-iSM, il-pajjiżi terzi, l-EUBOA, l-organizzazzjonijiet internazzjonali	L-Europol, l-iSM, il-pajjiżi terzi, l-EUBOA, l-organizzazzjonijiet internazzjonali	/	/
Statistika u rapporti	L-Artikolu 52	Għodda	L-iSM, l-Europol, entitajiet oħra	Fuq talba	/
Informazzjoni u intelligence kriminali	L-Artikolu 94	L-Europol	Il-pajjiżi terzi	Inizjattiva ta’ parti terza jew tal-Europol	/
Informazzjoni u intelligence kriminali	L-Artikolu 96(3)	Il-PP	L-Europol	Inizjattiva tal-PP	/
Informazzjoni u intelligence kriminali	L-Artikolu 96(3)	L-Europol	L-AK tal-iSM	Inizjattiva tal-Europol	/
Informazzjoni u intelligence kriminali	L-Artikolu 96(4), l-Artikolu 96(5)	L-Europol	Il-PP	Inizjattiva tal-Europol	/
Talba għall-informazzjoni	L-Artikolu 96(7)	L-Europol	L-ENUs tal-iSM	Inizjattiva tal-Europol	/
Rapport	L-Artikolu 96(11), l-Artikolu 96(12)	L-Europol	Il-Bord tat-Tmexxija, il-PE, il-Kunsill	Implimentazzjoni tar-Regolament	Kull sena
Informazzjoni u intelligence kriminali	L-Artikolu 97(1)	Persuna fiżika	L-Europol	Inizjattiva tal-PP	/
Informazzjoni u intelligence kriminali	L-Artikolu 97(3)	L-Europol	L-iSM, il-pajjiżi terzi	Malli tiġi riċevuta l-informazzjoni msemmija hawn fuq	/
Notifika ta’ ksur tad-data personali	L-Artikolu 103	L-Europol	Il-LEA tal-iSM	Fl-eventwalità ta’ notifika ta’ ksur tad-data personali	/
Notifika ta’ ksur tad-data personali	L-Artikolu 104	L-Europol	Is-suġġett tad-data	Fl-eventwalità ta’ notifika ta’ ksur tad-data personali	/
Data personali	L-Artikolu 105	L-Europol	Is-suġġett tad-data	Fuq talba tas-suġġett tad-data	/
Informazzjoni lill-JSPG	L-Artikolu 116(3)	L-Europol	Il-JSPG	Ivarja tul il-parti speċifika tal-informazzjoni tal-JSPG	Ivarja.
Talba għall-informazzjoni	L-Artikolu 117(1)	Il-Parlament Ewropew	L-Europol	Inizjattiva tal-PE	/
Informazzjoni u intelligence kriminali	L-Artikolu 109(2)	L-Europol	Il-Parlament Ewropew	Fuq it-talba ta’ aktar ’il fuq	/
Rapport	L-Artikolu 130	L-Europol	Il-Bord tat-Tmexxija, il-PE, il-Kunsill, il-Parlamenti Nazzjonali	Implimentazzjoni tar-Regolament, Applikazzjoni tar-Regolament	5 snin
Talba għall-informazzjoni dwar id-dettalji ta’ persuna	L-Artikolu 136	L-Europol	Il-bażijiet tad-data tal-iSM permezz tar-router ta’ Prüm	Inizjattiva tal-Europol	/
Identità tal-persuna	L-Artikolu 136	Il-bażijiet tad-data tal-iSM permezz tar-router ta’ Prüm	L-Europol	Fuq it-talba ta’ aktar ’il fuq	/
Atti ta’ implimentazzjoni tal-Kummissjoni li jiddeterminaw il-bidu tal-operazzjonijiet	L-Artikolu 137	Il-Kummissjoni	L-iSM	Proċedura ta’ Kumitat	/
Informazzjoni Supplimentari tas-SIS	L-Artikolu 30	Is-SIRENE tal-iSM	L-Europol	Malli jkun hemm hit dwar allert tas-SIS	/
Informazzjoni u intelligence kriminali	L-Artikolu 30	L-Europol	Is-SIRENE tal-iSM	B’rispons għan-notifika ta’ hawn fuq	/
Informazzjoni miksuba minn pajjiżi terzi	L-Artikolu 30	L-Europol	L-iSM	Inizjattiva tal-Europol	/
Notifika tal-inserzjoni	L-Artikolu 30	L-iSM	L-Europol	Malli jkun hemm inserzjoni dwar allert tas-SIS	/
Informazzjoni supplimentari	L-Artikolu 30	L-Europol	L-iSM	Fuq talba, meta jiġu riċevuti hits dwar allerti speċifiċi	/

4.3.Soluzzjonijiet diġitali

Soluzzjoni diġitali	Referenza/i għar-rekwiżit(i)	Funzjonalitajiet assenjati ewlenin	Korp responsabbli	Kif tiġi indirizzata l-aċċessibbiltà?	Kif jitqies l-użu mill-ġdid?	Użu tat-teknoloġiji tal-IA (jekk applikabbli)
Servizz ta’ kontroverifika tal-Europol	L-Artikolu 35 sal-Artikolu 39	Il-ħżin, it-tiftix u l-kontroverifika awtomatizzata tal-informazzjoni permezz tad-data alfanumerika u bijometrika. Għandu jkun magħmul minn: infrastruttura għall-ħżin tal-informazzjoni; interfaċċa għat-tiftix; interfaċċa biex tittella’ l-informazzjoni, tiġi aġġornata jew titħassar; infrastruttura ta’ komunikazzjoni sigura bejn is-servizz ta’ kontroverifika u l-Istati Membri/il-korpi tal-Unjoni/il-Portal Ewropew tat-Tfittxija.	L-Europol	M/A interfaċċa magna	Sinerġiji mal-eu-LISA, l-Artikolu 78(2) possibbilment mal-komponenti ta’ Prüm II L-Artikolu 36(4): is-servizz ta’ kontroverifika għandu jagħmel użu mill-komponenti teknoloġiċi, l-elementi kostitwenti u l-infrastruttura eżistenti żviluppati u ġestiti mill-eu-LISA	Moduli għat-tqabbil bijometriku
Ambjent Analitiku tal-Europol	L-Artikoli 40 u 41	L-ambjent tal-Europol għall-ħżin, l-ipproċessar, il-kontroverifika, il-viżwalizzazzjoni u l-analiżi tad-data, inkluż b’appoġġ għall-investigazzjonijiet kriminali u l-koordinazzjoni operazzjonali. Għandu jinkludi spazji tax-xogħol analitiċi, funzjonalitajiet ta’ ġestjoni tal-każijiet, għodod kollaborattivi, servizzi tal-ipproċessar tad-data, u kapaċitajiet oħra. Għandu jipprevedi proġetti ta’ analiżi separati loġikament għall-ħżin u għall-ipproċessar tad-data għal finijiet analitiċi distinti. Tfittxija hit/no hit: għandha tippermetti li ssir tfittxija fid-data maħżuna biex jinstabu konnessjonijiet ma’ każijiet eżistenti.	L-Europol	Speċifikazzjonijiet tal-interfaċċi tal-utenti tal-Europol	Ara Spazju kondiviż ta’ data għall-Pulizija	Ara Spazju kondiviż ta’ data għall-Pulizija
Spazju Kondiviż ta’ Data għall-Pulizija	L-Artikolu 42 sal-Artikolu 45	L-ambjent tal-Istati Membri biex jinbdew każijiet ta’ analiżi operazzjonali konġunta: it-tlugħ, il-ħżin, il-kontroverifika, l-ipproċessar u l-analiżi tad-data investigattiva, l-editjar u l-viżwalizzazzjoni b’mod konġunt tad-dokumenti u tar-rapporti, il-komunikazzjoni u l-iskambjar tal-informazzjoni b’mod sigur. Għandu jkun ibbażat fuq l-infrastruttura tal-Cloud.	L-Europol	Għall-interfaċċa tal-utent, l-Att ta’ Implimentazzjoni msemmi fl-Artikolu 42(4), u l-ispeċifikazzjonijiet tal-Europol	Rekwiżit għall-kondiviżjoni u l-użu mill-ġdid tal-komponenti tal-hardware u tas-software tal-Ambjent Analitiku tal-Europol u biex l-għodod, il-funzjonalitajiet u l-moduli tiegħu jitqiegħdu għad-dispożizzjoni.	L-għodod, il-funzjonalitajiet u l-moduli soġġetti għall-hosting (definiti minn atti ta’ implimentazzjoni) x’aktarx li jintegraw it-teknoloġija tal-IA.
SIENA	L-Artikolu 46	L-iskambju sigur tal-informazzjoni bejn l-Istati Membri, l-Europol, korpi oħra tal-Unjoni, il-pajjiżi terzi u l-organizzazzjonijiet internazzjonali. Għandha tkun magħmula minn: infrastruttura ċentrali għall-ħżin u għall-ipproċessar tad-data; interfaċċa/i tal-web u applikazzjoni(jiet) mobbli li jippermettu lill-persunal tal-infurzar tal-liġi jiskambja l-informazzjoni; interfaċċa/i ta’ programmazzjoni ddedikata/i li tappoġġa/jappoġġaw l-interoperabbiltà mas-sistemi tal-IT tal-Istati Membri u tal-korpi tal-UE; infrastruttura ta’ komunikazzjoni sigura bejn is-SIENA u l-Istati Membri/il-korpi tal-Unjoni/il-pajjiżi terzi/l-organizzazzjonijiet internazzjonali.	L-Europol	Stabbilita mill-Ispeċifikazzjonijiet għall-interfaċċa tal-utent tal-Europol	Żvilupp speċifiku.	Moduli online biex jgħinu fl-inserzjoni, fl-interpretazzjoni tal-informazzjoni skambjata
Pjattaforma għall-kooperazzjoni mal-partijiet privati (inkluża fl-Ambjent Analitiku tal-Europol)	L-Artikolu 47	Timplimenta l-ordnijiet ta’ tneħħija tal-kontenut terroristiku online, ir-riferiment tal-Att dwar is-Servizzi Diġitali, u s-sitwazzjoni ta’ kriżi online. Tiffaċilita l-komunikazzjoni bejn l-Europol, l-Istati Membri, u l-partijiet privati li joffru servizz fl-UE. Taġixxi bħala pjattaforma ta’ rispons għall-kriżijiet f’sitwazzjonijiet ta’ kriżi online, tiffaċilita l-komunikazzjoni u tippermetti lill-Europol tipprovdi lill-partijiet privati bl-informazzjoni meħtieġa.	L-Europol	Stabbilita mill-Ispeċifikazzjonijiet għall-interfaċċa tal-utent tal-Europol	Il-pjattaforma diġà takkomoda tliet flussi tax-xogħol differenti	/
Sistema ta’ Indiċi Ewropea tar-Rekords tal-Pulizija (EPRIS)	L-Artikolu 48	Ma ġiet introdotta l-ebda funzjonalità ġdida. L-Artikolu sempliċiment jistabbilixxi li l-Europol għandha twettaq il-kompiti mogħtija lilha mir-Regolament (UE) 2024/982, fir-rigward tal-EPRIS.	L-Europol	//	//	//
Servizzi u għodod oħra	L-Artikolu 49	Il-Kummissjoni tista’ tadotta atti ta’ implimentazzjoni li jistabbilixxu l-proċeduri għad-definizzjoni tal-funzjonalitajiet meħtieġa tas-servizzi u l-għodod addizzjonali.	Il-Kummissjoni Ewropea	//	//	//
Infrastruttura tal-cloud tal-Europol	L-Artikolu 50	Tipprovdi kapaċitajiet skalabbli, siguri u elastiċi ta’ ħżin u pproċessar li jippermettu l-ħolqien tal-Ispazju Kondiviż ta’ Data għall-Pulizija. Għalhekk tappoġġa lill-Europol u lill-awtoritajiet kompetenti tal-Istati Membri biex jaċċessaw l-għodod, l-ambjenti kollaborattivi tal-Europol, u kapaċitajiet operazzjonali oħra tal-ipproċessar tad-data. Tista’ tintuża wkoll minn korpi oħra tal-Unjoni u mill-pajjiżi terzi għall-istess skop. Għandha tappoġġa l-ħżin, l-ipproċessar, l-analiżi u l-iskambju tad-data. Għandha tiżgura kontroll strett tal-aċċess, kompartimentalizzazzjoni tad-data. Id-drittijiet tal-aċċess ikunu dettaljati.	L-Europol	M/A interfaċċa magna	Akkwist Konġunt tas-servizzi tal-cloud computing	L-analitika bbażata fuq l-IA se tiddependi fuq l-iskalabbiltà mistennija
Identità Diġitali tal-UE għall-Pulizija	L-Artikolu 51	Tipprovdi l-iskema meħtieġa għall-awtentikazzjoni u l-identifikazzjoni b’saħħitha għall-aċċess għall-Ispazju Kondiviż ta’ Data għall-Pulizija	L-Istati Membri L-Europol	Att ta’ implimentazzjoni skont l-Artikolu 51	Jenħtieġ li jiġi żviluppat att ta’ implimentazzjoni bil-ħsieb li jerġa’ jintuża l-Qafas tal-komponenti tekniċi stabbilit bir-Regolament (UE) 910/2014 u l-atti ta’ implimentazzjoni tiegħu. Jenħtieġ li dan jagħti lok għall-użu fuq il-Kartieri tal-Identità Diġitali tal-UE meta jkun possibbli	Le
Għodod tal-istatistika u tar-rapportar	L-Artikolu 52	Jipprovdu statistika u rapporti għall-finijiet ta’ evalwazzjoni, monitoraġġ, analiżi u rapportar. Għandhom jiġbru, jiġġeneraw, u jipprovdu informazzjoni statistika aggregata, indikaturi, reġistri tekniċi, metrika tal-użu, u rapporti analitiċi.	L-Europol	Att ta’ implimentazzjoni skont l-Artikolu 52(6)	L-Artikolu 86(2)(a), l-użu mill-ġdid ta’ komponenti simili minn sistemi tal-IT fuq skala kbira tal-UE bħas-CRRS	Limitat għall-ifformattjar tar-rapport
Applikazzjoni tal-UE għat-tqabbil tal-profili tad-DNA	L-Artikolu 54	Tippermetti t-tqabbil sigur u affidabbli tal-profili tad-DNA b’appoġġ għall-investigazzjonijiet tal-Istati Membri ta’ reati kriminali	L-Europol	M/A Interfaċċa magna	L-applikazzjoni tat-tqabbil għandha tintuża mill-Istati Membri	Le

Is-servizz ta’ kontroverifika tal-Europol u oħrajn.

Politika diġitali u/jew settorjali (meta dawn ikunu applikabbli)	Spjegazzjoni dwar kif tallinja
Att dwar l-IA	L-algoritmi tat-tqabbil trażversali jistgħu jużaw sistemi jew mudelli tal-IA fis-sens tal-Att dwar l-IA, b’mod partikolari fil-qasam tal-bijometrika jew tal-infurzar tal-liġi (pereż. marki tas-swaba’, immaġni tal-wiċċ, tfassil ta’ profili). L-att ta’ implimentazzjoni skont l-Artikolu 37(4) se jieħu ħsieb jiżgura allinjament mal-Att dwar l-IA u mal-linji gwida tal-Kummissjoni b’mod partikolari dwar il-klassifikazzjoni ta’ sistemi tal-IA b’riskju għoli. Gwida ulterjuri mill-Europol lill-utenti tal-Istati Membri dwar l-integrazzjoni u l-implimentazzjoni fl-ambitu tal-proċeduri nazzjonali tista’ tkun ta’ siwi, skont regoli ta’ governanza differenti kemm jekk jaqgħu taħt riskju għoli kif ukoll jekk le. L-Ambjent Analitiku tal-Europol u l-Ispazju Kondiviż ta’ Data għall-Pulizija; filwaqt li l-proposta ma tipprevedix li dawk l-ambjenti jkunu bbażati fuq it-teknoloġija tal-IA, dawn se jkunu l-ambjent sigur iddedikat, għall-Europol, u għall-Istati Membri rispettivament biex iwettqu analiżijiet kriminali avvanzati abbażi ta’ materjal evidenzjali u informazzjoni oħra, bl-użu ta’ għodod, ibbażati l-aktar fuq l-IA li l-hosting tagħhom ikun fi kwalunkwe wieħed mill-ambjenti. Ħafna mill-għodod bl-analitika tal-kriminalità fil-mira tagħhom, jaqgħu barra mill-ambitu tal-klassifikazzjoni ta’ riskju għoli (pereżempju l-ipproċessar ta’ settijiet ta’ data kbar u kumplessi, bħat-traskrizzjoni ta’ fajls tal-awdjo, għall-estrazzjoni ta’ entitajiet, bħall-ismijiet u n-numri tat-telefown minn messaġġi testwali mingħajr ma jqallbu fil-kontenut tal-messaġġ; Il-klassifikazzjoni tal-immaġnijiet u d-detezzjoni tal-oġġetti iżda mingħajr il-bijometrika). Hija biss il-biċċa l-kbira tal-każijiet li jifdal (bħall-użu ta’ detetturi tal-gideb jew għodod għat-tfassil tal-profili) li taqa’ taħt l-Annessi I u III tal-Att dwar l-IA. Is-sistemi tal-IA fl-ambitu tas-sistemi tal-IA b’riskju għoli, u barra minnu, huma spjegati fil-linji gwida tal-Kummissjoni dwar il-klassifikazzjoni tas-sistemi tal-IA b’riskju għoli. Skont din il-proposta, l-Europol tingħata l-kapaċità li tħarreġ u tiżviluppa l-għodod tagħha stess ibbażati fuq l-IA billi tuża ambjenti ta’ esperimentazzjoni regolatorja (l-Artikolu 61(2)), u tingħata l-inkarigu li tappoġġa l-adozzjoni mill-Istati Membri tal-kapaċitajiet u l-għodod korrispondenti soġġetti għall-hosting (l-Artikolu 59(3)) u biex tipprovdi t-taħriġ assoċjat (l-Artikolu 64(1)(b)). B’ambizzjonijiet kbar bħal dawn, l-Europol se tissaħħaħ skont dan sabiex tappoġġa l-obbligi tagħha bħala fornitur, rispettivament, bħala implimentatur tas-sistemi tal-IA, inkluż b’riskju għoli (ara OS3/Kapaċitajiet avvanzati b’EUR 117-il miljun u 40 FTE matul il-QFP li jmiss). It-taħriġ u l-appoġġ għall-Istati Membri biex jikkonformaw mar-regoli tal-IA meta jużaw għodod ipprovduti mill-Europol se jiġu appoġġati bil-ħolqien ta’ uffiċċji ta’ appoġġ tal-Europol (EUR 112-il miljun, 157 FTE). SIENA u l-Pjattaforma għall-kooperazzjoni għalll-partijiet privati Soluzzjoni diġitali bħal din tista’ tinkorpora biss modulu online b’IA mhux ta’ riskju għoli bħall-ipproċessar tal-lingwi naturali (traduzzjoni, traskrizzjoni, eċċ.). L-obbligi tat-trasparenza se jiġu indirizzati fil-kuntest tal-isforz biex jiġu aġġornati s-sistema u l-għodod eżistenti (EUR 130 miljun, 115-il FTE). L-Infrastruttura tal-Cloud tal-Europol L-Identità Diġitali tal-UE għall-Pulizija Għodod tal-istatistika u tar-rapportar L-Applikazzjoni tal-UE għat-tqabbil tal-profili tad-DNA L-ebda waħda minn dawk is-soluzzjonijiet mhi mistennija tiddependi fuq it-teknoloġija tal-IA
Qafas taċ-Ċibersigurtà tal-UE	Il-mandat il-ġdid propost huwa allinjat mal-NIS2 (fost l-oħrajn għall-partijiet privati) u mal-Att dwar iċ-Ċibersigurtà, peress li a)r-rekwiżiti l-ġodda li saru fuq il-korpi, jikkonċernaw l-Europol u jirrikjedu b’mod espliċitu l-applikazzjoni tal-qafas taċ-ċibersigurtà tal-UE (i) għall-akkwist ta’ servizzi tal-cloud fl-Artikolu 50(4) u (ii) u l-produzzjoni tal-istatistika fl-Artikolu 52(5). b)dan isaħħaħ ir-rwol tal-Europol fl-investigazzjonijiet taċ-ċiberkriminalità. Filwaqt li l-Europol innifisha mhijiex entità koperta mill-NIS2, il-proposta ssaħħaħ il-miżuri organizzazzjonali taċ-ċibersigurtà (pereż. it-trattament sigur tad-data, ir-rispons għall-inċidenti). Issaħħaħ il-kapaċità tal-Europol li tappoġġa lill-Istati Membri fl-investigazzjoni tal-inċidenti ċibernetiċi, mingħajr ma timponi obbligi diretti fuq l-entitajiet privati. L-applikazzjoni tal-UE għat-tqabbil tal-profili tad-DNA hija wkoll konformi mal-Att dwar ir-Reżiljenza Ċibernetika (CRA) billi l-prodott ma jimponix rekwiżiti li jaffettwaw kif il-manifattur jimplimenta r-rekwiżiti essenzjali tas-CRA.
eIDAS	Filwaqt li l-eIDAS ma japplikax għall-impjegati taċ-ċivil u għall-persunal tal-Aġenziji, se tkun meħtieġa Identità diġitali tal-UE għall-Pulizija għall-aċċess għall-infrastruttura tal-Cloud tal-Europol li fuqha huwa msejjes l-Ispazju Kondiviż ta’ Data għall-Pulizija. L-użu ta’ tali identità jista’ jestendi wkoll għal soluzzjoni diġitali oħra (SIENA, …). L-atti ta’ implimentazzjoni se jieħdu ħsieb l-introduzzjoni ta’ mezz ta’ identifikazzjoni diġitali għall-investigaturi kriminali kollha b’livell għoli ta’ garanzija. Għal dak l-għan, it-tir se jkun l-allinjament u l-użu mill-ġdid tal-iskemi u l-infrastruttura eżistenti stabbiliti mir-Regolament eIDAS.
Gateway Diġitali Unika u Sistema ta’ Informazzjoni tas-Suq Intern (IMI)	Il-Gateway Diġitali Unika ma tapplikax għas-servizzi offruti mill-Europol lill-awtoritajiet kompetenti tal-Istati Membri, lill-EUBOAs, lill-partijiet privati jew lill-persuni fiżiċi. Is-Sistema ta’ Informazzjoni tas-Suq Intern ma tapplikax peress li l-inizjattiva ma taqax fl-ambitu tas-suq intern.
Oħrajn

4.4.    Valutazzjoni tal-interoperabbiltà

Deskrizzjoni ta’ livell għoli tas-servizz(i) pubbliku/pubbliċi diġitali affettwat(i) mir-rekwiżiti

Servizz pubbliku diġitali jew kategorija ta’ servizzi pubbliċi diġitali	Deskrizzjoni	Referenza/i għar-rekwiżit(i)	Soluzzjoni(jiet) għal Ewropa Interoperabbli  Mhux applikabbli	Soluzzjoni(jiet) oħra ta’ interoperabbiltà
Appoġġ strateġiku	Tħejjija ta’ prodotti analitiċi ta’ natura operazzjonali u strateġika,	L-Artikolu 7 L-Artikoli 49, 50, 51, 52, 53		L-Europol tappoġġa l-iżvilupp u l-użu ta’ metodoloġiji u standards analitiċi komuni
Faċilitazzjoni tal-Iskambju tal-Informazzjoni	Kondiviżjoni: obbligi għall-Istati Membri inklużi l-AROs u l-UIF u l-Europol biex jikkondividu l-informazzjoni Servizzi ta’ kontroverifika: servizz ċentrali wieħed, inkluż applikazzjoni għat-tqabbil tal-profili tad-DNA għall-AK tal-iSM; mekkaniżmu ta’ hit/no hit għall-EUBOAs u s-sistemi ta’ informazzjoni tal-UE; aċċess ulterjuri mill-UPPE għall-ambjent analitiku tal-Europol Kanali ta’ Skambju: l-Ispazju Kondiviż ta’ Data għall-Pulizija għall-każijiet konġunti, u s-SIENA għall-iskambji bilaterali/multilaterali.	L-Artikoli 8(7), 9, 16(a), 16(c) L-Artikolu 12, 13, 25(5)(a), (b), 29, 30, 34 L-Artikoli 35 sa 39 L-Artikoli 46, 54 L-Artikoli 80, 81 L-Artikolu 45, 46, 47, 49, 50-51, 136		UMF, standards dwar l-informazzjoni finanzjarja u bijometrika trażmessa mil-leġiżlazzjoni settorjali/dwar l-iskambju ta’ informazzjoni (l-ARO, l-AML, Prüm II, il-VIS...) L-applikazzjoni tad-DNA se tissarraf għall-ewwel darba fi standard immexxi mill-UE fil-qasam. L-Identità Diġitali tal-UE għall-Pulizija tappoġġa l-indirizzar b’faċilità tal-kontropartijiet fl-iskambji.
Kooperazzjoni mal-partijiet privati	L-għoti ta’ informazzjoni lill-partijiet privati f’sitwazzjoni ta’ kriżi, għat-tneħħija u r-riferimenti ta’ kontenut terroristiku online, u kontenut illeċitu, abbażi ta’ pjattaforma ddedikata. Tintalab informazzjoni mingħand il-partijiet privati permezz tal-ENUs.	L-Artikoli 14, 47, 96 sa 99 L-Artikoli 49, 50, 51, 53, 55, 56		UMF
Appoġġ għall-analiżi tal-Intelligence Kriminali	Il-forniment ta’ analiżi tal-intelligence kriminali Ambjent analitiku tal-Europol b’forensika avvanzata. Sett ta’ għodod analitiċi avvanzati u forensika Appoġġ għall-analiżi kriminali konġunta L-Ispazju Kondiviż ta’ Data għall-Pulizija għall-kooperazzjoni konġunta tal-Istati Membri. L-istess għodod avvanzati bħal aktar ’il fuq.	L-Artikolu 13 sal-Artikolu 19 L-Artikolu 48, 49, 50, 51, 53, 55, 56 L-Artikolu 41 sal-Artikolu 45 L-Artikoli 48, 49, 50, 51, 53, 55, 56, 137		UMF Sett ta’ miżuri u oqfsa ta’ governanza biex jidderieġu, jistandardizzaw, jikkoordinaw, jiżviluppaw, jiskjeraw, jappoġġaw l-użu ta’ kapaċitajiet analitiċi avvanzati mill-Istati Membri inkluż dawk ibbażati fuq l-IA: L-Artikoli 13 sa 19, 22(3)(a), 26, 53, 54, 55, 56, 57 sa 64
Drittijiet tal-protezzjoni tad-data	Applikazzjonijiet tad-drittijiet tas-suġġetti tad-data relatati mal-protezzjoni tad-data, u s-sorveljanza	L-Artikoli 103-106, 116(3), 117		M/A

Dipendenza tas-servizzi pubbliċi diġitali fuq is-soluzzjonijiet diġitali

X: jiddependi minn P: jaf jiddependi minn	Servizz ta’ kontroverifika tal-Europol	Ambjent Analitiku tal-Europol	Spazju Kondiviż ta’ Data għall-Pulizija	SIENA	Pjattaforma għall-kooperazzjoni mal-partijiet privati	EPRIS	Servizzi u għodod oħra	Infrastruttura tal-cloud tal-Europol	Identità Diġitali tal-UE għall-Pulizija	Għodda tal-istatistika u tar-rapportar	Applikazzjoni tal-UE għat-tqabbil tal-profili tad-DNA
Appoġġ strateġiku		X	X	X			P	P	P	X
Faċilitazzjoni tal-iskambju tal-informazzjoni	X	X	X	X	X	X	P	X	X		X
Kooperazzjoni mal-partijiet privati		X	X		X		P	P	P
Appoġġ għall-analiżi tal-intelligence kriminali	X	X	X	X	P	X	P	X	X		X

Impatt tar-rekwiżit(i) skont is-servizz pubbliku diġitali fuq l-interoperabbiltà transfruntiera

Appoġġ strateġiku

Valutazzjoni	Miżura/i	Ostakli potenzjali li jifdal (jekk applikabbli)
Allinjament mal-politiki diġitali u settorjali eżistenti	Ma ġiet identifikata l-ebda politika diġitali jew settorjali.	-
Miżuri organizzazzjonali għall-forniment transfruntiera bla intoppi tas-servizzi pubbliċi diġitali	-Delega mill-Bord tat-Tmexxija lill-Bord Eżekuttiv (l-Artikolu 75(1)). -Il-Bord Eżekuttiv għandu jappoġġa d-deċiżjonijiet tal-Bord tat-Tmexxija (l-Artikolu 75(5)) -Laqgħa regolari tal-kapijiet tal-unitajiet nazzjonali (l-Artikolu 25(4)).	-
Miżuri meħuda biex jiġi żgurat fehim kondiviż tad-data	-L-Europol għandha tiżviluppa standards dwar il-prodotti strateġiċi (l-Artikolu 7(3)).	-
Użu ta’ speċifikazzjonijiet u ta’ standards tekniċi miftuħa miftiehma b’mod komuni	-L-Europol għandha tiżviluppa standards dwar il-prodotti strateġiċi (l-Artikolu 7(3)). -Għodda Statistika Komuni u ta’ rapportar, b’kategoriji definiti mill-att ta’ implimentazzjoni (l-Artikolu 52(6)).	-

Faċilitazzjoni tal-iskambju tal-informazzjoni

Valutazzjoni	Miżura/i	Ostakli potenzjali li jifdal (jekk applikabbli)
Allinjament mal-politiki diġitali u settorjali eżistenti	Politika ġdida ssaħħaħ l-estensjoni materjali taż-żewġ strumenti . Prüm II: Ir-Regolament (UE) 2024/982 huwa emendat biex jestendi l-kapaċità tal-Europol li tikkonsulta l-bażijiet tad-data nazzjonali (l-Artikolu 136); L-Europol tiżviluppa applikazzjoni tal-UE għat-tqabbil tal-profili tad-DNA biex tappoġġa l-iskambji tad-DNA skont Prüm II (l-Artikolu 54). Ir-responsabbiltà tal-Europol fuq l-EPRIS hija spjegata skont l-Artikolu 48. . Id-Direttiva (UE) 2023/977 dwar l-iskambju tal-informazzjoni: SIENA tintuża mill-SPOC nazzjonali biex tipprovdi informazzjoni lill-Europol (l-Artikolu 46(3)), bħala l-kanal awtomatiku għall-iskambju tal-informazzjoni mal-Europol (l-Artikolu 46(5)); Il-ħolqien ta’ JOAC jista’ jkun il-kontinwazzjoni ta’ skambju tal-informazzjoni skont id-Direttiva (l-Art. 46 (4)); SIENA tista’ tintuża għall-iskambju tal-informazzjoni ma’ pajjiżi terzi (l-Artikolu 46(7)). . Ir-Regolament tal-Kunsill UPPE (UE) 2017/1939: skont l-Artikolu 73(3), l-informazzjoni li tkun skattat hit għandha tiġi kondiviża mal-UPPE. . Ir-Regolament Eurojust (UE) 2018/1727: aċċess reċiproku għall-informazzjoni għall-fini tal-kontroverifika. . Id-Direttiva (UE) 2024/1260 dwar l-Irkupru tal-Assi: skont id-dettalji ta’ politika proposti u testendi r-responsabbiltajiet u l-kapaċitajiet tal-aġenzija fil-qafas ta’ kooperazzjoni stabbilit skont l-Artikolu 29 tad-Direttiva. Skont l-Artikolu 9, l-Europol tikseb aċċess għad-data aċċessibbli direttament jew inkella indirettament mill-uffiċċji għall-irkupru tal-assi. . Ir-Regolament dwar l-Interoperabbiltà (UE) 2019/818: L-Europol hija inkarigata tappoġġa l-iżvilupp tal-UMF (l-Artikolu 53). Responsabbiltajiet aktar ċari b’Kodifikazzjoni taċ-ċentri u tas-sistemi . Ir-Regolament (UE) 2019/1240 dwar l-uffiċjali għall-komunikazzjoni dwar l-immigrazzjoni: obbligi ta’ konnessjoni ma’ SIENA; l-obbligi ta’ kontribut għall-għoti ta’ informazzjoni lill-Europol huma ċċarati. . Id-Direttiva (UE) 2019/1153 dwar l-Informazzjoni Finanzjarja: l-ambitu tal-kooperazzjoni mal-UIF huwa ċċarat li possibbilment ikun usa’ mill-ħasil tal-flus u l-finanzjament tat-terroriżmu, u raggruppat skont l-Artikolu 9(4) u 9(5) apposta għal hekk dwar l-appoġġ għall-investigazzjonijiet finanzjarji u l-irkupru tal-assi. . Ir-Regolament dwar l-Interoperabbiltà (UE) 2019/818: l-aċċess mis-sistemi tal-IT fuq skala kbira tal-UE u r-Regolament dwar l-Iskrinjar għad-data tal-Europol għall-kontroverifika (jiġifieri s-sistemi ċentrali tal-ETIAS u tal-VIS) jiddependi fuq kanal ta’ komunikazzjoni sigur stabbilit skont l-Artikolu 36(2)(e) mal-Portal Ewropew tat-Tfittxija (ESP). . Ir-Regolament (UE) 2024/1356 dwar l-Iskrinjar: l-aċċess mill-awtoritajiet tal-iskrinjar issa jiddependi fuq il-mezz ta’ komunikazzjoni stabbilit bejn il-mekkaniżmu ta’ kontroverifika u l-ESP. L-allinjament jibqa’ kif inhu/Issir riformulazzjoni . Is-SIS: Ir-Regolamenti (UE) 2018/1860, 1861, 1862 dwar ir-rwol tal-Europol fir-rigward tal-analiżi ta’ informazzjoni supplimentari, fl-inserzjoni ta’ allert għall-informazzjoni, dwar hits dwar l-allerti għall-informazzjoni u dwar hits relatati ma’ attività terroristika. . Id-Direttiva (UE) 2015/849 dwar l-UIF: is-salvagwardja tan-nuqqas ta’ interferenza mal-iskambji mal-partijiet privati skont id-Direttiva tibqa’ l-istess. . Ir-Regolament (UE) 2019/881 dwar iċ-Ċibersigurtà: Il-kooperazzjoni mal-ENISA tibqa’ identika.	Ir-Regolament ma jsemmi xejn rigward l-interazzjoni mar-regolamenti li ġejjin dwar dispożizzjonijiet speċifiċi relatati mal-iskambju tal-informazzjoni għall-finijiet tal-prevenzjoni, id-detezzjoni u l-investigazzjoni ta’ attivitajiet kriminali . Il-PNR: id-Direttiva 2016/681 . L-API: ir-Regolament (UE) 2025/13 . Ir-Regolament (UE) 767/2008 dwar il-VIS, ir-Regolament 2017/2226 dwar l-EES, ir-Regolament (UE) 2018/1240 dwar l-ETIAS, ir-Regolament (UE) 2024/1358 dwar l-Eurodac . Ir-Regolament (UE) 2023/1113 dwar l-informazzjoni rigward il-kriptoassi . Id-Direttiva (UE) 2021/555 dwar l-armi tan-nar u r-Regolament (UE) 2025/41
Miżuri organizzazzjonali għall-forniment transfruntiera bla intoppi tas-servizzi pubbliċi diġitali	Rigward l-iżvilupp tal-kapaċitajiet meħtieġa biex ikun hemm servizz pubbliku diġitali -Il-ħolqien tal-Grupp tat-Tmexxija tal-ICT u tal-Ġestjoni tal-Informazzjoni (l-Artikolu 55). -Il-ħolqien ta’ Grupp Konsultattiv tal-ICT u tal-Ġestjoni tal-Informazzjoni (l-Artikolu 56). -L-Europol għandha tipprovdi appoġġ tekniku għall-integrazzjoni (l-Artikolu 22(2), il-paragrafu 3). -Il-kompiti tal-Unitajiet Nazzjonali tal-Europol huma ċċarati fir-rigward tal-użu tas-servizz pubbliku diġitali (l-Artikolu 25(6)) inkluż dak tekniku. -L-ENU hija appoġġata mill-Uffiċċju ta’ Appoġġ tal-Europol (l-Artikolu 26) b’persunal madwar l-UE ta’ 150+ impjegat tal-Europol.	-
Miżuri meħuda biex jiġi żgurat fehim kondiviż tad-data	-Ara l-Appoġġ tal-Europol, l-ENUs u l-Uffiċċji ta’ Appoġġ.	-
Użu ta’ speċifikazzjonijiet u ta’ standards tekniċi miftuħa miftiehma b’mod komuni	Ġeneralizzazzjoni tal-UMF: -l-Europol għandha tappoġġa l-iżvilupp u l-adozzjoni tiegħu (l-Artikolu 53). -Il-Grupp Konsultattiv tal-ICT/IM (l-Artikolu 56(5)(c)) jikkontribwixxi għall-identifikazzjoni u għall-promozzjoni ta’ standards tekniċi komuni. -L-Europol tappoġġa l-proċessi ta’ standardizzazzjoni, inkluż l-iżvilupp u l-promozzjoni ta’ standards komuni, rekwiżiti ta’ interoperabbiltà, speċifikazzjonijiet operazzjonali u tekniċi rilevanti għall-kooperazzjoni fl-infurzar tal-liġi (l-Artikolu 57(3)(b): b’mod partikolari (l-Artikolu 65(2)(b) permezz tas-Servizz għall-Kapaċitajiet u l-Innovazzjoni tagħha. -L-Europol għandha tipprovdi appoġġ tekniku għall-integrazzjoni (l-Artikolu 22(2), il-paragrafu 3).	-Il-UMF mhuwiex obbligatorju għall-bini ta’ Soluzzjonijiet diġitali tal-Europol. -Il-UMF mhuwiex obbligatorju għall-integrazzjoni tas-sistemi nazzjonali.

Skambju mal-partijiet privati

Valutazzjoni	Miżura/i	Ostakli potenzjali li jifdal (jekk applikabbli)
Allinjament mal-politiki diġitali u settorjali eżistenti	Responsabbiltajiet aktar ċari b’Kodifikazzjoni taċ-ċentri u tas-sistemi . Ir-Regolament (UE) 2021/784 dwar il-kontenut terroristiku online: Iċ-Ċentru Ewropew għall-Ġlieda Kontra t-Terroriżmu li għadu kemm ġie kodifikat huwa inkarigat mill-kompiti kollha mill-Europol fir-rigward tar-riferimenti u t-tneħħijiet; u dawn jitwettqu fuq pjattaforma ta’ kooperazzjoni diġitali li għadha kif ġiet stabbilita għall-kooperazzjoni mal-partijiet privati (l-Artikolu 47(2)(a)). . Ir-Regolament (UE) 2022/2065 dwar l-Att dwar is-Servizzi Diġitali: simili għal dak ta’ hawn fuq skont l-Artikolu 47(2)(a). . Il-qafas tal-UE għall-materjal ta’ abbuż sesswali tat-tfal (CSAM): il-kompiti u l-kapaċitajiet tal-Europol rigward l-iskambju tas-CSAM huma rrazzjonalizzati iktar bir-reġim ġeneriku ta’ skambji mal-partijiet privati skont l-Artikolu 97. L-allinjament jibqa’ kif inhu/Issir riformulazzjoni . Id-Direttiva (UE) 2015/849 dwar l-UIF: is-salvagwardja tan-nuqqas ta’ interferenza mal-iskambji mal-partijiet privati skont id-Direttiva tibqa’ l-istess.	Ir-Regolament jibqa’ sieket rigward l-interazzjoni mar-Regolamenti li ġejjin dwar dispożizzjonijiet speċifiċi relatati mal-iskambju tal-informazzjoni għall-finijiet tal-prevenzjoni, id-detezzjoni u l-investigazzjoni ta’ attivitajiet kriminali.
Miżuri organizzazzjonali għall-forniment transfruntiera bla intoppi tas-servizzi pubbliċi diġitali	Rigward l-iżvilupp tal-kapaċitajiet meħtieġa biex jitwassal servizz pubbliku diġitali lill-Istati Membri u lill-EUBOAs: ara “skambju tal-informazzjoni” hawn fuq. Għall-iskjerament / l-użu mill-partijiet privati: -l-Europol tista’ tistabbilixxi relazzjoni kooperattiva mal-partijiet privati (l-Artikolu 91). -L-Europol tistabbilixxi proċedura għall-għoti jew għall-irtirar tal-aċċess sigur tal-partijiet privati għall-pjattaforma (l-Artikolu 43(3),	-Appoġġ lil partijiet privati simili għal Stat Membru skont id-diskrezzjoni tal-Europol u l-ftehimiet bilaterali.
Miżuri meħuda biex jiġi żgurat fehim kondiviż tad-data	-Ara l-Appoġġ tal-Europol, l-ENUs u l-Uffiċċji ta’ Appoġġ.	-Appoġġ lill-partijiet privati simili għal dak lill-Istati Membri jaf ikun skont id-diskrezzjoni tal-Europol u soġġett għall-ftehimiet bilaterali
Użu ta’ speċifikazzjonijiet u ta’ standards tekniċi miftuħa miftiehma b’mod komuni	-L-Europol tistieden lill-partijiet privati biex jikkontribwixxu għall-ħidma tal-Grupp Konsultattiv dwar l-Innovazzjoni (l-Artikolu 67).	-Stedina lill-partijiet privati biex jikkontribwixxu għall-ħidma tal-Grupp Konsultattiv dwar l-Innovazzjoni li ma tkoprix l-istandard b’mod espliċitu (l-Artikolu 67)

Appoġġ għall-analiżi tal-intelligence kriminali

Valutazzjoni	Miżura/i	Ostakli potenzjali li jifdal (jekk applikabbli)
Allinjament mal-politiki diġitali u settorjali eżistenti	Politika ġdida ssaħħaħ l-estensjoni materjali taż-żewġ strumenti Id-Direttiva (UE) 2024/1640 kontra l-ħasil tal-flus: l-Europol tista’ tappoġġa analiżi konġunta mwettqa mill-Uffiċċju Ewropew Kontra l-Frodi (AMLA) skont id-Direttiva fl-Artikolu 76 Ir-Regolament (UE) 2019/1896 dwar il-Frontex: L-Europol tipprovdi analiżijiet tar-riskju lill-Frontex abbażi ta’ informazzjoni dwar l-ivvjaġġar (l-Artikolu 77(1)) L-allinjament jibqa’ kif inhu/Issir riformulazzjoni	Ir-Regolament ma jsemmi xejn rigward l-interazzjoni mar-regolamenti li ġejjin dwar dispożizzjonijiet speċifiċi relatati mal-iskambju tal-informazzjoni għall-finijiet tal-prevenzjoni, id-detezzjoni u l-investigazzjoni ta’ attivitajiet kriminali . Ir-Regolament (UE) 2022/850 dwar l-e-codex . Ir-Regolament (UE) 2023/969 dwar il-pjattaforma ta’ kollaborazzjoni tal-iSIK
Miżuri organizzazzjonali għall-forniment transfruntiera bla intoppi tas-servizzi pubbliċi diġitali	L-istess bħal fil-każ ta’ “skambju tal-informazzjoni” -Interess speċifiku għall-obbligi ġodda tal-Europol li jappoġġaw l-użu tal-kapaċitajiet analitiċi u forensiċi avvanzati ġodda skont l-Artikolu 59	-
Miżuri meħuda biex jiġi żgurat fehim kondiviż tad-data	L-istess bħal fil-każ ta’ “skambju tal-informazzjoni”	-
Użu ta’ speċifikazzjonijiet u ta’ standards tekniċi miftuħa miftiehma b’mod komuni	L-istess bħal fil-każ ta’ “skambju tal-informazzjoni”	-

4.5. Miżuri li jappoġġaw l-implimentazzjoni diġitali

Deskrizzjoni ta’ livell għoli tal-miżuri li jappoġġaw l-implimentazzjoni diġitali

Deskrizzjoni tal-miżura	Referenza/i għar-rekwiżit(i)	Rwol tal-Kummissjoni (jekk applikabbli)	Atturi li għandhom ikunu involuti (jekk applikabbli)	Kronoloġija mistennija (jekk applikabbli)
Adozzjoni tal-atti ta’ implimentazzjoni/delegati jew linji gwida	L-Artikolu 38(3) u 137(1) L-Artikolu 50(9) u 137(2) L-Artikolu 42(4) u 137(3) L-Artikolu 81(8) u 137(4) L-Artikolu 52(6) u 137(5)	Adozzjoni tal-atti	L-Istati Membri	S0+1
Adozzjoni tar-regoli ta’ implimentazzjoni	L-Artikolu 13(5) L-Artikolu 70(2)(j)	Votazzjoni fil-Bord tat-Tmexxija	L-Europol L-Istati Membri Il-Kummissjoni	S0+1
Appoġġ għall-ittestjar, għall-iskjerament, għall-integrazzjoni, għall-użu operazzjonali, inkluż it-taħriġ	L-Artikolu 25, 26 L-Artikolu 65(2)(b) L-Artikolu 66(1) L-Artikoli 59, 62, 63, 64	Rwol superviżorju fil-Grupp Konsultattiv, il-Grupp tat-Tmexxija tal-IM/ICT	L-Europol L-Istati Membri	Skont is-soluzzjoni; ara § 1.5.1

(1)    Ara l-konklużjonijiet tal-Kunsill Ewropew tas-26–27 ta’ Ġunju 2025 dwar il-ġlieda kontra l-kriminalità serja u organizzata.

(2)    Ara t-Taqsima 2.1 dwar il-Konsistenza mad-dispożizzjonijiet eżistenti fil-qasam ta’ politika kkonċernat.

(3)    Ir-Regolament (UE) 2016/794 tal-Parlament Ewropew u tal-Kunsill tal-11 ta’ Mejju 2016 dwar l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u li jissostitwixxi u jħassar id-Deċiżjonijiet tal-Kunsill 2009/371/ĠAI, 2009/934/ĠAI, 2009/935/ĠAI, 2009/936/ĠAI u 2009/968/ĠAI.

(4)    L-Għażla Quddiem l-Ewropa – Linji Gwida Politiċi Għall-Kummissjoni Ewropea li Jmiss 2024−2029, Lulju 2024.

(5)    Il-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, ProtectEU – Strateġija Ewropea għad-data, COM(2025) 148 final, l-1 ta’ April 2025.

(6)    Id-Dikjarazzjoni mill-Kapijiet tal-Pulizija Ewropej, id-29 ta’ April 2025.

(7)    Ir-Regolament (UE) 2022/991 tal-Parlament Ewropew u tal-Kunsill tat-8 ta’ Ġunju 2022 li jemenda r-Regolament (UE) 2016/794, fir-rigward tal-kooperazzjoni tal-Europol ma’ partijiet privati, tal-ipproċessar ta’ data personali mill-Europol b’appoġġ għal investigazzjonijiet kriminali, u tar-rwol tal-Europol fir-riċerka u fl-innovazzjoni, ĠU L 169, 27.6.2022, p. 1.

(8)    Ir-Regolament (UE) 2018/1727 tal-Parlament Ewropew u tal-Kunsill tal-14 ta’ Novembru 2018 dwar l-Aġenzija tal-Unjoni Ewropea għall-Kooperazzjoni fil-Ġustizzja Kriminali (Eurojust).

(9)    Ir-Regolament tal-Kunsill (UE) 2017/1939 tat-12 ta’ Ottubru 2017 li jimplimenta kooperazzjoni msaħħa dwar l-istabbiliment tal-Uffiċċju tal-Prosekutur Pubbliku Ewropew (“l-UPPE”).

(10)    Ir-Regolament (UE) 2019/1896 tal-Parlament Ewropew u tal-Kunsill tat-13 ta’ Novembru 2019 dwar il-Gwardja Ewropea tal-Fruntiera u tal-Kosta u li jħassar ir-Regolamenti (UE) Nru 1052/2013 u (UE) 2016/1624.

(11)    Ir-Regolament (UE, Euratom) Nru 883/2013 tal-Parlament Ewropew u tal-Kunsill tal-11 ta’ Settembru 2013 dwar investigazzjonijiet immexxija mill-Uffiċċju Ewropew Kontra l-Frodi (OLAF).

(12)    Ir-Regolament (UE) 2024/1620 tal-Parlament Ewropew u tal-Kunsill tal-31 ta’ Mejju 2024 li jistabbilixxi l-Awtorità għall-Ġlieda Kontra l-Ħasil tal-Flus u l-Finanzjament tat-Terroriżmu (AMLA).

(13)    Inkluż l-iżviluppi li jirriżultaw mill-proposta tal-Kummissjoni għal Regolament tal-Parlament Ewropew u tal-Kunsill li jistabbilixxi l-Awtorità Doganali tal-Unjoni Ewropea u li jemenda r-Regolament (UE) Nru 952/2013, COM(2023) 258 final, 17.5.2023.

(14)    Id-Direttiva (UE) 2023/977 tal-Parlament Ewropew u tal-Kunsill tal-10 ta’ Mejju 2023 dwar l-iskambju ta’ informazzjoni bejn l-awtoritajiet tal-infurzar tal-liġi tal-Istati Membri u li tħassar id-Deċiżjoni Kwadru tal-Kunsill 2006/960/ĠAI.

(15)    Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data.

(16)    Il-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, ProtectEU: Aġenda għall-prevenzjoni u l-ġlieda kontra t-terroriżmu, COM(2026) 101 final, is-26 ta’ Frar 2026.

(17)    Il-Konklużjonijiet tal-Kunsill dwar it-titjib tal-EMPACT u dwar il-prijoritajiet tal-UE fil-qasam tal-kriminalità għaċ-ċiklu li jmiss tal-EMPACT 2026–2029, approvati mill-Kunsill fit-13 ta’ Ġunju 2025.

(18)    COM(2025) 743 final, l-4 ta’ Diċembru 2025.

(19)    COM(2025) 744 final, l-4 ta’ Diċembru 2025.

(20)    Il-Proposta għal Direttiva tal-Parlament Ewropew u tal-Kunsill dwar il-ġlieda kontra t-traffikar tal-armi tan-nar u reati oħrajn relatati mal-armi tan-nar, COM(2026) 102 final, adottata mill-Kummissjoni fis-26 ta’ Frar 2026.

(21)    Il-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni Pjan direzzjonali dwar l-aċċess legali u effettiv għad-data għall-infurzar tal-liġi, COM(2025) 349 final, l-24 ta’ Ġunju 2025.

(22)    Ir-Regolament (UE) 2018/1726 tal-Parlament Ewropew u tal-Kunsill tal-14 ta’ Novembru 2018 dwar l-Aġenzija tal-Unjoni Ewropea għat-Tmexxija Operattiva ta’ Sistemi tal-IT fuq Skala Kbira fl-Ispazju ta’ Libertà, Sigurtà u Ġustizzja (eu-LISA), u li jemenda r-Regolament (KE) Nru 1987/2006 u d-Deċiżjoni tal-Kunsill 2007/533/ĠAI u li jħassar ir-Regolament (UE) Nru 1077/2011.

(23)    Ir-Regolament (UE) 2019/881 tal-Parlament Ewropew u tal-Kunsill tas-17 ta’ April 2019 dwar l-ENISA (l-Aġenzija tal-Unjoni Ewropea għaċ-Ċibersigurtà) u dwar iċ-ċertifikazzjoni taċ-ċibersigurtà tat-teknoloġija tal-informazzjoni u tal-komunikazzjoni u li jħassar ir-Regolament (UE) Nru 526/2013 (l-Att dwar iċ-Ċibersigurtà).

(24)    Il-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, Strateġija Ewropea għad-data, COM(2020) 66 final, id-19 ta’ Frar 2020.

(25)    Id-Deċiżjoni (UE) 2022/2481 tal-Parlament Ewropew u tal-Kunsill tal-14 ta’ Diċembru 2022 li tistabbilixxi l-Programm ta’ Politika tal-2030 dwar id-Deċennju Diġitali.

(26)    Il-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni – Strateġija għall-SMEs għal Ewropa sostenibbli u diġitali (COM(2024) [final].

(27)    Ir-Regolament (UE) 2024/2847 tal-Parlament Ewropew u tal-Kunsill tat-23 ta’ Ottubru 2024 dwar ir-rekwiżiti orizzontali taċ-ċibersigurtà għall-prodotti b’elementi diġitali u, li jemenda r-Regolamenti (UE) Nru 168/2013 u (UE) 2019/1020 u d-Direttiva (UE) 2020/1828 (Att dwar ir-Reżiljenza Ċibernetika).

(28)    Il-Proposta għal Regolament tal-Parlament Ewropew u tal-Kunsill li jistabbilixxi qafas ta’ miżuri għat-tisħiħ tal-ekosistema tal-cloud u tal-IA tal-Ewropa (l-Att dwar l-Iżvilupp tal-Cloud u tal-IA); COM(2026) 502 final.

(29)    Id-Direttiva (UE) 2022/2555 tal-Parlament Ewropew u tal-Kunsill tal-14 ta’ Diċembru 2022 dwar miżuri għal livell għoli komuni ta’ ċibersigurtà fl-Unjoni kollha (Direttiva NIS 2).

(30)    Ir-Regolament (UE) 2021/695 tal-Parlament Ewropew u tal-Kunsill tat-28 ta’ April 2021 li jistabbilixxi l-Orizzont Ewropa — il-Programm Qafas għar-Riċerka u l-Innovazzjoni.

(31)    Il-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, Aġenda Ewropea għall-Innovazzjoni Ġdida, COM(2022) 332 final, il-5 ta’ Lulju 2022.

(32)    Ir-Regolament (UE) 2024/1620 tal-Parlament Ewropew u tal-Kunsill tal-31 ta’ Mejju 2024 li jistabbilixxi l-Awtorità għall-Ġlieda Kontra l-Ħasil tal-Flus u l-Finanzjament tat-Terroriżmu (AMLA), u r-Regolament (UE) 2024/1624 u d-Direttiva (UE) 2024/1640 li jifformaw parti mill-pakkett tal-Unjoni għall-ġlieda kontra l-ħasil tal-flus.

(33)    Id-Direttiva (UE) 2017/1371 tal-Parlament Ewropew u tal-Kunsill tal-5 ta' Lulju 2017 dwar il-ġlieda kontra l-frodi tal-interessi finanzjarji tal-Unjoni permezz tal-liġi kriminali (Direttiva PIF).

(34)    COM(2025) 752 final.

(35)    Stabbilit skont ir-Regolament (UE) 2024/1689 (l-Att dwar l-Intelliġenza Artifiċjali).

(36)    Id-Deċiżjoni tal-Kunsill 2009/371/ĠAI tas-6 ta’ April 2009 li tistabbilixxi l-Uffiċċju Ewropew tal-Pulizija (Europol) (ĠU L 121, 15.5.2009, p. 37, ELI:  http://data.europa.eu/eli/dec/2009/371/oj ).

(37)    Ir-Regolament (UE) 2016/794 tal-Parlament Ewropew u tal-Kunsill tal-11 ta’ Mejju 2016 dwar l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u li jissostitwixxi u jħassar id-Deċiżjonijiet tal-Kunsill 2009/371/ĠAI, 2009/934/ĠAI, 2009/935/ĠAI, 2009/936/ĠAI u 2009/968/ĠAI (ĠU L 135 24.5.2016, p. 53, ELI:  http://data.europa.eu/eli/reg/2016/794/oj ).

(38)    Id-Direttiva (UE) 2024/1385 tal-Parlament Ewropew u tal-Kunsill tal-14 ta’ Mejju 2024 dwar il-ġlieda kontra l-vjolenza kontra n-nisa u l-vjolenza domestika (ĠU L, 2024/1385, 24.5.2024, ELI: http://data.europa.eu/eli/dir/2024/1385/o j).

(39)    Ir-Regolament (UE) 2018/1727 tal-Parlament Ewropew u tal-Kunsill tal-14 ta’ Novembru 2018 dwar l-Aġenzija tal-Unjoni Ewropea għall-Kooperazzjoni fil-Ġustizzja Kriminali (Eurojust), u li jissostitwixxi u jħassar id-Deċiżjoni tal-Kunsill 2002/187/ĠAI (ĠU L 295, 21.11.2018, p. 138, ELI:  http://data.europa.eu/eli/reg/2018/1727/oj ).

(40)    Ir-Regolament tal-Kunsill (UE) 2017/1939 tat-12 ta’ Ottubru 2017 li jimplimenta kooperazzjoni msaħħa dwar l-istabbiliment tal-Uffiċċju tal-Prosekutur Pubbliku Ewropew (“l-UPPE”) ( ĠU L 283, 31.10.2017, p. 1, ELI:  http://data.europa.eu/eli/reg/2017/1939/oj ).

(41)    Ir-Regolament (UE) 2019/881 tal-Parlament Ewropew u tal-Kunsill tas-17 ta’ April 2019 dwar l-ENISA (l-Aġenzija tal-Unjoni Ewropea għaċ-Ċibersigurtà) u dwar iċ-ċertifikazzjoni taċ-ċibersigurtà tat-teknoloġija tal-informazzjoni u tal-komunikazzjoni u li jħassar ir-Regolament (UE) Nru 526/2013 (l-Att dwar iċ-Ċibersigurtà) (ĠU L 151, 7.6.2019, p. 15, ELI: http://data.europa.eu/eli/reg/2019/881/oj ).

(42)    Id-Direttiva 2011/36/UE tal-Parlament Ewropew u tal-Kunsill tal-5 ta’ April 2011 dwar il-prevenzjoni u l-ġlieda kontra t-traffikar tal-bnedmin u l-protezzjoni tal-vittmi tiegħu, u li tissostitwixxi d-Deċiżjoni Qafas tal-Kunsill 2002/629/ĠAI (ĠU L 101, 15.4.2011, p. 1 ELI: http://data.europa.eu/eli/dir/2011/36/oj ).

(43)    ĠU L 123, 12.05.2016, p. 1, ELI: http://data.europa.eu/eli/agree_interinstit/2016/512/oj .

(44)    Ir-Regolament (UE) 2024/1356 tal-Parlament Ewropew u tal-Kunsill tal-14 ta’ Mejju 2024 li jintroduċi l-iskrinjar ta' ċittadini ta' pajjiżi terzi fil-fruntieri esterni u li jemenda r-Regolamenti (KE) Nru 767/2008, (UE) 2017/2226, (UE) 2018/1240 u (UE) 2019/817 (ĠU L, 2024/1356, 22.05.2024, ELI: http://data.europa.eu/eli/reg/2024/1356/oj ).

(45)    ĠU L 123, 12.05.2016, p. 1, ELI: http://data.europa.eu/eli/agree_interinstit/2016/512/oj .

(46)    Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE ( ĠU L 295, 21.11.2018, p. 39 , ELI:  http://data.europa.eu/eli/reg/2018/1725/oj ).

(47)    Ir-Regolament (UE) 2021/784 tal-Parlament Ewropew u tal-Kunsill tad-29 ta’ April 2021 dwar l-indirizzar tad-disseminazzjoni ta’ kontenut terroristiku online (ĠU L 172, 17.5.2021, p. 79, http://data.europa.eu/eli/reg/2021/784/oj ).

(48)    Ir-Regolament (UE) 2022/2065 tal-Parlament Ewropew u tal-Kunsill tad-19 ta’ Ottubru 2022 dwar Suq Uniku għas-Servizzi Diġitali u li jemenda d-Direttiva 2000/31/KE (l-Att dwar is-Servizzi Diġitali) (ĠU L 277, 27.10.2022, p. 1, ELI: http://data.europa.eu/eli/reg/2022/2065/oj ).

(49)    Ir-Regolament (UE) 2024/982 tal-Parlament Ewropew u tal-Kunsill tat-13 ta’ Marzu 2024 dwar it-tiftix u l-iskambju awtomatizzat ta’ data għall-kooperazzjoni tal-pulizija, u li jemenda d-Deċiżjonijiet tal-Kunsill 2008/615/ĠAI u 2008/616/ĠAI u r-Regolamenti (UE) 2018/1726, (UE) 2019/817 u (UE) 2019/818 tal-Parlament Ewropew u tal-Kunsill (ir-Regolament Prüm II) (ĠU L, 2024/982, 5.4.2024, ELI: http://data.europa.eu/eli/reg/2024/982/oj ).

(50)    Ir-Regolament (UE) 2019/818 tal-Parlament Ewropew u tal-Kunsill tal-20 ta’ Mejju 2019 dwar l-istabbiliment ta’ qafas għall-interoperabbiltà bejn sistemi ta’ informazzjoni tal-UE fil-qasam tal-kooperazzjoni tal-pulizija u ġudizzjarja, l-ażil u l-migrazzjoni u li jemenda r-Regolamenti (UE) 2018/1726, (UE) 2018/1862 u (UE) 2019/816 (ĠU L 135, 22.5.2019, p. 85, ELI: http://data.europa.eu/eli/reg/2019/818/oj ).

(51)    Ir-Regolament (UE) 2022/2065 tal-Parlament Ewropew u tal-Kunsill tad-19 ta’ Ottubru 2022 dwar Suq Uniku għas-Servizzi Diġitali u li jemenda d-Direttiva 2000/31/KE (l-Att dwar is-Servizzi Diġitali) (ĠU L 277, 27.10.2022, p. 1, ELI: http://data.europa.eu/eli/reg/2022/2065/oj ).

(52)    Ir-Regolament (UE) 2015/2219 tal-Parlament Ewropew u tal-Kunsill tal-25 ta' Novembru 2015 dwar l-Aġenzija tal-Unjoni Ewropea għat-Taħriġ fl-Infurzar tal-Liġi (CEPOL) u li jissostitwixxi u jħassar id-Deċiżjoni tal-Kunsill 2005/681/ĠAI (ĠU L 319, 4.12.2015, p. 1, ELI:  http://data.europa.eu/eli/reg/2015/2219/oj ).

(53)    Ir-Regolament Delegat tal-Kummissjoni (UE) 2019/715 tat-18 ta’ Diċembru 2018 dwar ir-regolament finanzjarju qafas għall-korpi mwaqqfin skont it-TFUE u t-Trattat Euratom u msemmija fl-Artikolu 70 tar-Regolament (UE, Euratom) 2018/1046 tal-Parlament Ewropew u tal-Kunsill ( ĠU L 122, 10.5.2019, p. 1 , ELI: http://data.europa.eu/eli/reg_del/2019/715/oj ).

(54)    Ir-Regolament (UE) 2024/1620 tal-Parlament Ewropew u tal-Kunsill tal-31 ta’ Mejju 2024 li jistabbilixxi l-Awtorità għall-Ġlieda Kontra l-Ħasil tal-Flus u l-Finanzjament tat-Terroriżmu u li jemenda r-Regolamenti (UE) Nru 1093/2010, (UE) Nru 1094/2010 u (UE) Nru 1095/2010 (ĠU L, 2024/1620, 19.6.2024, ELI:  http://data.europa.eu/eli/reg/2024/1620/oj ).

(55)    Ir-Regolament (KEE, EURATOM) Nru 1182/71 tal-Kunsill tat-3 ta’ Ġunju 1971 li jistabbilixxi r-regoli applikabbli għal perjodi, dati u limiti ta’ żmien (ĠU L 124, 8.6.1971, p. 1, ELI:  http://data.europa.eu/eli/reg/1971/1182/oj ).

(56)    Ir-Regolament tal-Kunsill (KE) Nru 168/2007 tal-15 ta’ Frar 2007 li jistabbilixxi Aġenzija tal-Unjoni Ewropea għad-Drittijiet Fundamentali (ĠU L 53, 22.2.2007, p. 1, ELI: http://data.europa.eu/eli/reg/2007/168/oj ).

(57)    Ir-Regolament (UE) 2018/1726 tal-Parlament Ewropew u tal-Kunsill …(ĠU…, ELI: ..).

(58)    Ir-Regolament (UE) 2019/1240 tal-Parlament Ewropew u tal-Kunsill tal-20 ta’ Ġunju 2019 dwar il-ħolqien ta’ network Ewropew bejn l-uffiċjali għall-komunikazzjoni dwar l-immigrazzjoni (ĠU L 198, 25.7.2019, p. 88, ELI: http://data.europa.eu/eli/reg/2019/1240/oj ).

(59)    Id-Direttiva (UE) 2023/977 tal-Parlament Ewropew u tal-Kunsill tal-10 ta’ Mejju 2023 dwar l-iskambju ta’ informazzjoni bejn l-awtoritajiet tal-infurzar tal-liġi tal-Istati Membri u li tħassar id-Deċiżjoni Kwadru tal-Kunsill 2006/960/ĠAI (ĠU L 134, 22.5.2023, p. 1, ELI: http://data.europa.eu/eli/dir/2023/977/oj ).

(60)    Id-Deċiżjoni tal-Kunsill 2005/511/ĠAI tat-12 ta' Lulju 2005 dwar il-protezzjoni tal-euro kontra l-falsifikazzjoni, permezz tan-nomina tal-Europol bħala l-Uffiċċju Ċentrali għall-ġlieda kontra l-falsifikazzjoni tal-euro (ĠU L 185, 16.7.2005, p. 35, ELI:  http://data.europa.eu/eli/dec/2005/511/oj ).

(61)    Ir-Regolament (UE) 2019/452 tal-Parlament Ewropew u tal-Kunsill tad-19 ta’ Marzu 2019 li jistabbilixxi qafas għall-iskrinjar tal-investimenti diretti barranin fl-Unjoni (ĠU L 79I, 21.3.2019, p. 1, ELI:  http://data.europa.eu/eli/reg/2019/452/oj ).

(62)    Ir-Regolament tal-Kunsill (UE) 2022/922 tad-9 ta’ Ġunju 2022 dwar l-istabbiliment u l-operazzjoni ta’ mekkaniżmu ta’ evalwazzjoni u monitoraġġ biex jivverifika l-applikazzjoni tal-acquis ta’ Schengen, u li jħassar ir-Regolament (UE) Nru 1053/2013 (ĠU L 160, 15.6.2022, p. 1, ELI:  http://data.europa.eu/eli/reg/2022/922/oj ).

(63)    Id-Direttiva (UE) 2019/1153 tal-Parlament Ewropew u tal-Kunsill tal-20 ta’ Ġunju 2019 li tistabbilixxi regoli li jiffaċilitaw l-użu ta’ informazzjoni finanzjarja u informazzjoni oħra għall-prevenzjoni, l-identifikazzjoni, l-investigazzjoni jew il-prosekuzzjoni ta’ ċerti reati kriminali, u li tħassar id-Deċiżjoni tal-Kunsill 2000/642/ĠAI (ĠU L 186, 11.7.2019, p. 122, ELI: http://data.europa.eu/eli/dir/2019/1153/oj ).

(64)    Id-Direttiva (UE) 2015/849 tal-Parlament Ewropew u tal-Kunsill tal-20 ta’ Mejju 2015 dwar il-prevenzjoni tal-użu tas-sistema finanzjarja għall-finijiet tal-ħasil tal-flus jew il-finanzjament tat-terroriżmu, li temenda r-Regolament (UE) Nru 648/2012 tal-Parlament Ewropew u tal-Kunsill, u li tħassar id-Direttiva 2005/60/KE tal-Parlament Ewropew u tal-Kunsill u d-Direttiva tal-Kummissjoni 2006/70/KE (ĠU L 141, 5.6.2015, p. 73, ELI: http://data.europa.eu/eli/dir/2015/849/oj ).

(65)    Id-Deċiżjoni Kwadru tal-Kunsill tat-13 ta’ Ġunju 2002 dwar l-iskwadri ta’ investigazzjoni konġunti (ĠU L 162, 20.6.2002, p. 1, ELI:  http://data.europa.eu/eli/dec_framw/2002/465/oj ).

(66)    ĠU C 197, 12.7.2000, p. 3.

(67)    Ir-Regolament (UE) 2018/1860 tal-Parlament Ewropew u tal-Kunsill tat-28 ta’ Novembru 2018 dwar l-użu tas-Sistema ta’ Informazzjoni ta’ Schengen għar-ritorn ta’ ċittadini ta’ pajjiżi terzi b’soġġorn illegali (ĠU L 312, 7.12.2018, p. 1, ELI:  http://data.europa.eu/eli/reg/2018/1860/oj ).

(68)    Ir-Regolament (UE) 2018/1861 tal-Parlament Ewropew u tal-Kunsill tat-28 ta’ Novembru 2018 dwar l-istabbiliment, it-tħaddim u l-użu tas-Sistema ta’ Informazzjoni ta' Schengen (SIS) fil-qasam tal-verifiki fuq il-fruntieri, u li jemenda l-Konvenzjoni li timplimenta l-Ftehim ta' Schengen, u li jemenda u jħassar ir-Regolament (KE) Nru 1987/2006 (ĠU L 312, 7.12.2018, p. 14, ELI:  http://data.europa.eu/eli/reg/2018/1861/oj ).

(69)    Ir-Regolament (UE) 2018/1862 tal-Parlament Ewropew u tal-Kunsill tat-28 ta’ Novembru 2018 dwar l-istabbiliment, it-tħaddim u l-użu tas-Sistema ta’ Informazzjoni ta' Schengen (SIS) fil-qasam tal-kooperazzjoni tal-pulizija u l-kooperazzjoni ġudizzjarja f’materji kriminali, li jemenda u jħassar id-Deċiżjoni tal-Kunsill 2007/533/ĠAI, u jħassar ir-Regolament (KE) Nru 1986/2006 tal-Parlament Ewropew u tal-Kunsill u d-Deċiżjoni tal-Kummissjoni 2010/261/UE (ĠU L 312, 7.12.2018, p. 56, ELI:  http://data.europa.eu/eli/reg/2018/1862/oj ).

(70)    Ir-Regolament (KE) Nru 767/2008 tal-Parlament Ewropew u tal-Kunsill tad-9 ta’ Lulju 2008 dwar is-Sistema ta’ l-Informazzjoni dwar il-Viża (VIS) u l-iskambju ta’ data bejn l-Istati Membri dwar viżi għal perjodu qasir (Regolament VIS) (ĠU L 218, 13.8.2008, p. 60, ELI:  http://data.europa.eu/eli/reg/2008/767/oj ).

(71)    Ir-Regolament (KE) Nru 767/2008 tal-Parlament Ewropew u tal-Kunsill tad-9 ta’ Lulju 2008 dwar is-Sistema ta’ l-Informazzjoni dwar il-Viża (VIS) u l-iskambju ta’ data bejn l-Istati Membri dwar viżi għal perjodu qasir (Regolament VIS) (ĠU L 218, 13.8.2008, p. 60, ELI:  http://data.europa.eu/eli/reg/2008/767/oj ).

(72)    Id-Direttiva (UE) 2016/680 tal-Parlament Ewropew u tal-Kunsill tas-27 ta’ April 2016 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-awtoritajiet kompetenti għall-finijiet tal-prevenzjoni, l-investigazzjoni, is-sejbien jew il-prosekuzzjoni ta’ reati kriminali jew l-eżekuzzjoni ta’ pieni kriminali, u dwar il-moviment liberu ta’ tali data , u li tħassar id-Deċiżjoni Qafas tal-Kunsill 2008/977/ĠAI (ĠU L 119, 4.5.2016, p. 89, ELI:  http://data.europa.eu/eli/dir/2016/680/oj ).

(73)    Ir-Regolament (UE) Nru 910/2014 tal-Parlament Ewropew u tal-Kunsill tat-23 ta’ Lulju 2014 dwar l-identifikazzjoni elettronika u s-servizzi fiduċjarji għal transazzjonijiet elettroniċi fis-suq intern u li jħassar id-Direttiva 1999/93/KE (ĠU L 257, 28.8.2014, p. 73, ELI:  http://data.europa.eu/eli/reg/2014/910/oj ).

(74)    Id-Direttiva (UE) 2024/1640 tal-Parlament Ewropew u tal-Kunsill tal-31 ta’ Mejju 2024 dwar il-mekkaniżmi li għandhom jiġu stabbiliti mill-Istati Membri għall-prevenzjoni tal-użu tas-sistema finanzjarja għall-finijiet tal-ħasil tal-flus jew il-finanzjament tat-terroriżmu, li temenda d-Direttiva (UE) 2019/1937, u li temenda u tħassar id-Direttiva (UE) 2015/849 (ĠU L, 2024/1640, 19.6.2024, ELI:  http://data.europa.eu/eli/dir/2024/1640/oj ).

(75)    Ir-Regolament (UE) 2023/1322 tal-Parlament Ewropew u tal-Kunsill tas-27 ta’ Ġunju 2023 dwar l-Aġenzija tal-Unjoni Ewropea dwar id-Drogi (EUDA) u li jħassar ir-Regolament (KE) Nru 1920/2006 (ĠU L 166, 30.6.2023, p. 6, ELI: http://data.europa.eu/eli/reg/2023/1322/oj ).

(76)    Ir-Regolament (KE) Nru 1049/2001 tal-Parlament Ewropew u tal-Kunsill tat-30 ta’ Mejju 2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU L 145, 31.5.2001, p. 43, ELI: http://data.europa.eu/eli/reg/2001/1049/oj )

(77)    Ir-Regolament tal-Kunsill (KE) Nru 2965/94 tat-28 ta’ Novembru 1994 li jistabbilixxi Ċentru tat-Traduzzjoni għall-entitajiet tal-Unjoni Ewropea (ĠU L 314, 7.12.1994, p. 1, ELI:  http://data.europa.eu/eli/reg/1994/2965/oj ).

(78)    Ir-Regolament (UE, Euratom) Nru 883/2013 tal-Parlament Ewropew u tal-Kunsill tal-11 ta’ Settembru 2013 dwar investigazzjonijiet immexxija mill-Uffiċċju Ewropew Kontra l-Frodi (OLAF) u li jħassar ir-Regolament tal-Parlament Ewropew u tal-Kunsill (KE) Nru 1073/1999 u r-Regolament tal-Kunsill (Euratom) Nru 1074/1999 (ĠU L 248, 18.9.2013, p. 1, ELI: http://data.europa.eu/eli/reg/2013/883/oj ) .

(79)    Ir-Regolament tal-Kunsill (EURATOM, KE) Nru 2185/96 tal-11 ta’ Novembru 1996 dwar il-verifiki u l-ispezzjonijiet fuq il-post imwettqa mill-Kummissjoni sabiex tipproteġi l-interessi finanzjarji tal-Komunità Ewropea kontra l-frodi u irregolaritajiet oħra (ĠU L 292, 15.11.1996, p. 2, ELI:  http://data.europa.eu/eli/reg/1996/2185/oj ).

(80)    Id-Direttiva (UE) 2017/1371 tal-Parlament Ewropew u tal-Kunsill tal-5 ta’ Lulju 2017 dwar il-ġlieda kontra l-frodi tal-interessi finanzjarji tal-Unjoni permezz tal-liġi kriminali (ĠU L 198, 28.7.2017, p. 29, ELI: http://data.europa.eu/eli/dir/2017/1371/oj ).

(81)    Id-Deċiżjoni tal-Kummissjoni (UE, Euratom) 2015/443 tat-13 ta’ Marzu 2015 dwar is-Sigurtà fil-Kummissjoni (ĠU L 72, 17.3.2015, p. 41, ELI:  http://data.europa.eu/eli/dec/2015/443/oj ).

(82)    Id-Deċiżjoni tal-Kummissjoni (UE, Euratom) 2015/444 tat-13 ta’ Marzu 2015 dwar ir-regoli tas-Sigurtà għall-protezzjoni ta’ informazzjoni klassifikata tal-UE (ĠU L 72, 17.3.2015, p. 53, ELI:  http://data.europa.eu/eli/dec/2015/444/oj ).

(83)    Id-Deċiżjoni tal-Kummissjoni (UE, Euratom) 2015/444 tat-13 ta’ Marzu 2015 dwar ir-regoli tas-Sigurtà għall-protezzjoni ta’ informazzjoni klassifikata tal-UE (ĠU L 72, 17.3.2015, p. 53).

(84)    Il-valutazzjoni tal-Kummissjoni li investigazzjoni kriminali li tammonta għal 10 % sa 15 % tiġġustifika l-użu tal-għodod tal-IA.

(85)    Reati, persuni suspettati u trasgressuri, kif definiti https://ec.europa.eu/eurostat/cache/metadata/en/crim_sims.htm.

(86)    Kif imsemmi fl-Artikolu 58(2), il-punt (a) jew (b) tar-Regolament Finanzjarju.

(87)    COM(2025) 570 final; https://eur-lex.europa.eu/legal-content/MT/TXT/?uri=CELEX:52025DC0570

(88)    Ir-Regolament (UE) 2016/794 tal-Parlament Ewropew u tal-Kunsill tal-11 ta’ Mejju 2016 dwar l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) http://data.europa.eu/eli/reg/2016/794/2026-01-11  

(89)    Fil-prinċipju, il-funzjonijiet ta’ governanza tal-Europol huma mistennija li jibqgħu ġeneralment stabbli f’termini ta’ persunal. Huwa mistenni li l-proposta se tiġġenera titjib fl-effiċjenza, b’mod partikolari permezz tas-simplifikazzjoni u r-razzjonalizzazzjoni tal-proċeduri relatati mal-protezzjoni tad-data, u b’hekk se tillimita l-ħtiġijiet addizzjonali ta’ persunal għall-governanza orizzontali u għall-funzjonijiet amministrattivi.

(90)    Ir-Regolament Finanzjarju applikabbli għall-baġit ġenerali tal-Unjoni

(91)    Id-Dikjarazzjoni Konġunta dwar l-aġenziji deċentralizzati.

(92)    Diff. = Approprjazzjonijiet differenzjati/Mhux diff. = Approprjazzjonijiet mhux differenzjati.

(93)    EFTA: Assoċjazzjoni Ewropea tal-Kummerċ Ħieles.

(94)    Pajjiżi kandidati u, meta jkun applikabbli, kandidati potenzjali mill-Balkani tal-Punent.

(95)    L-Impenji u l-Pagamenti huma identiċi.

(96)    L-Impenji u l-Pagamenti huma identiċi.

(97)    Jekk jogħġbok irreferi għan-nota Error! Bookmark not defined. f’qiegħ il-paġna.

(98)    Jekk jogħġbok irreferi għan-nota Error! Bookmark not defined. f’qiegħ il-paġna.

(99)    Jekk jogħġbok irreferi għan-nota Error! Bookmark not defined. f’qiegħ il-paġna.

(100)    Jekk jogħġbok irreferi għan-nota Error! Bookmark not defined. f’qiegħ il-paġna.